ناس الزقازيق ... أجدع ناس ..

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 05:25 PM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-06-2009, 04:07 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)

    اليوم هو يوم أخونا الحبيب عمر نملة
    أولاً نعتذر جميعنا عن هذا التأخير الغير
    مقصود من الجميع ونعتبر مولودنا الجديد زيادة
    لحشد ناس الزقازيق الجيل الثاني ونحن نحسب حتى
    الجيل الثالث فهنيئاً لكم بالفارس الجديد وجعله الله
    ذخراً لدينه ووالديه ، ونقتبس بعض من عند أخونا الرشيد

    مبروك يا عمر عيسى السمح وحنين
    في يوما بخيت جاتك بشارة الزين
    يكبر يشيل حملك وتقول دقر يا عين
    منعتنا المشاغل مانا مطانشين

    وأخونا محمد صديق :-
    يااب عيسى الحبيب اللوم جبال غتانا

    ومهمن قنا نعذر الوقعة ما خاتيانا

    كيفن ما بنقول الولدة ليك عاجبانا

    وكيف مبروك تكون صعبانة جد غالبانا

    يا عمر أنا اليوم النيت ما ظابط معانا
    ح أرجع ليك تاني .
                   |Articles |News |مقالات |بيانات

06-06-2009, 02:47 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    خالص العزاء للأخت فاطمة والأخ عبد المحسن حمد في فقدهما الجلل
    وكل الرحمة والغفران للوالدة العزيزة أسكنها الله فسيح جناته
    والعزاء موصول لأسرة نصر عابدون بالموردة وكل أخوانها وأخواتها
                   |Articles |News |مقالات |بيانات

06-06-2009, 10:45 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    أنا ماشي في خطاكم
    وكان مفروض أخش بعد عبد الدايم مباشرة
    لكن شالتني نومةالضهرية و القيلولة
    و الحمدلله جيت قبل الكبار
    محمد عيد والريس ميسرة وصاحب الحوش
    ألف مبروك الأخ عمر بالمولود الجديد
    ربنا يجعله زينة دنياك
    وأن يكون باراً بك و ببت الشيخ بتاعتك
    وأن يكون دخريكم
    وأن بكون من الصالحين و القانتين
    محبتي

    (عدل بواسطة محمد آدم النور on 06-06-2009, 10:53 AM)

                   |Articles |News |مقالات |بيانات

06-06-2009, 10:58 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    صادق التعازي للأخ عبدالمحسن دفعة في وفاة والدة زوجته





    يا نملة الف الف مبروك المولود ياخي
    وان شاء الله يطلع زي ميسي ويلعب في برشلونة او المريخ
                   |Articles |News |مقالات |بيانات

06-06-2009, 11:00 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الله يسألني لقيت ليكم نفرين في البوست دا بتاعين شمارات
    جلال وعبد الدائم
    مع كامل إحترامي و تقديري للأخ عمر نملة
    آآآآآآآآي نحن مقصرين لكن شيل الحال ما عرفناهو في الزقازيق
    لكن عرفناهو هنا
    دوري يامزيكا
    عشان الجمجرة تكون نار
    آها دي مداخلة من عصام جلي
    ولا مقدم أي تهنئة للأخ عمر نملة
    Quote: الليلة السجن جابن كتامه وحره ونحن جراربو حدس للجنين البر سحار القروب راجينا كاتم الجرة بلحق بيك مراح حسب الله وين ماخرة
    زنزانة الرماد قاطعه البصيص والضوء وفيها مسجنين ناس اسود واحو ارجا الباري سن مايريد عليك يسو وان وقع القدر تلقانا يابسين كو
    ورنبا يدي الفافية الاخ والشاعر عادل عبد الرحمن

    بدات ازوب في عنيك بشف تلاقت فية عبننا

    دنوت ولحظك الفتان يرمقني اطفي لعالمي المبهور الوانا

    رجعت وخاطري الولهان للعينين امهد في طريق القشق نشوانا

    يأبي السواد ان يلوح كالقن في الدجي او يلح لناظري شتانا

    هل اسال دنان العشق في عينيك ام اترع من الاشوق تحنانا

    ووجت ان الطرف في عجاله اسكرني وظللة ثمل بعمق هوانا

    عيناك وان شمخت مشرابت للرحابتة لعانقها الزمان زمانا

    صدق العواطف لهب حارق هل ططفي النيران لي نيرانا

    ان كنت صادقا فيما اقول فاحكمي فالحب قاتل احينا

    مابين ديني ودنيوات عوالمك تبدو الحقيقه لناظري سيانا
    عصام جلي

    لقيتني كيف يا جلال
                   |Articles |News |مقالات |بيانات

06-06-2009, 11:08 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    وعشان أقلب ليكم الصفحة ونمشي للميل 32 قبل ما يجو الكبار
    أقدم خالص التعازي للأخ عبد المحسن
    ربنا يجعلها من أصحاب اليمين
    وأن يجعل قبرها روضة من رياض الجنة
    وأن يتغمدها بواسع رحمته
    وأن يؤتيها كتابها بيمينها
    اللهم آمين
    اللهم آمين
    اللهم آمين
                   |Articles |News |مقالات |بيانات

06-06-2009, 11:30 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    جلا قلب لينا الصفحة..قصيدة حبيبنا دكتور هلالي و الله ما بخليها بي هناك براها...

    Quote: الحبيب الرشيد صباح الخير..يكون جميل لو نشرت قصيدة واحد واحد ستة وخمسين، تلقاها في ديوان عالم غلط، لأنها كتبتها في أيام الدراسة في مصر، و أول مرة أقرأها في ليلة شعرية كانت في الزقازيق، وبالمناسبة معظم أغنياتي كان ميلادها غنائيا على مسارح الزقازيق ومن بينها على وين وأم درمان وقول النصيحة بصوت ملحنها الموسيقار الدكتور الماحي سليمان الذي درس معنا في مصر في نفس السنة..


    واحد...واحد..ستة وخمسين
    حتى استقلالك بالتسنين !!؟
    يا بلدي يا بلد المسنيين
    الــسع ضايعين وغلابة
    اللــسع عايشين بالآمال
    الما لقوا لســـه جواب لسؤال
    هو صحي استقلال
    ولا استغلال!؟
    بالقاف بالقاف
    ولا هو بالغين؟
    يا بلدي حتتهجيـــهو متين؟
    دا أريتو استقلال التابة
    عمرك طرادة ولي هسع
    لا عرفتِ قراية ولا كتابة !
    عمرك طرادة ولي هسع
    نُصك عايش عيشة الغابة !
    خمسة وعشرين سنة من عمرك
    ولـسه العالم عايشة غلابة !
    خمسة وعشرين سنة والعامل
    لسع شغال باليومية !
    استقلال ما محي أمية
    استقلال ما حلَ قضية
    خمسة وعشرين سنة والعامل
    لسة يضـــــــرِب في الماهية
    يحسب أكلو و تطلع فارقة
    أكل أخوانو وتطلع فارقة
    أكل أولادو وتطلع فارقة
    وبعد أيام صف التأشيرة
    يكون استقبل زول للشارقة
    ما تستغربوا وتسألوا ليه العالم دايماً مارقة
    وليه بيهاجر عامل ماهر
    دي شؤيعتنا عليها الظاهر
    إذا كان واحد زيِ وزيك
    وزينا كان يرجى الماهية
    موظف رزق اليوم باليوم بالتلتلة عايش و بالزندية
    عمل اليلة مرة و عربية !!
    انتدبوهو لحتة كدا ومن دون إحراج ما تسألو وين
    عمل اليلة مرة وعربية
    والماهية ..... زي ما هية
    ما تستغربوا جداً وتسألوا أسئلة بايخة شديد وغبية
    أسألوا أسئلة في المليان
    أسئلة حية
    أسألوا ليه الدنيا بتغلى
    وانت بترخص يا إنســـــــان
    أسألوا تاريخ الأوطان
    أسألوا تاريخ الوطنية
    هل في العالم في استقلال ما محي أمية؟
    هل في العالم استقلال ما حل قضية؟
    نحنا بتسأل يا إنسان
    نحنا ضحية
    نحن الناس العايشة ودار
    نحنا الجيل الجرَبوا فيهو جميع أنواع الاستعمار
    نحنا الجيل الما وروهو ولا في يوم معنى الوطنية
    خمسة وعشرين سنة من عمرك
    والوطنية في نظر الحاكم
    هي التسليم للحزب الحاكم
    ونبذ الماضي
    وكل الكان
    ما ورونا ولا في يوم
    معنى الأوطان
    حمسة وعشرين سنة من عمرك
    ولسه بنحلم بالأوطان
    لسه بنحلم يا إنسان
    لسه بنحلم يا السودان
    لسه بنحلم بي أزمان
    فيها الخير في كل مكان
    وفيها الحب
    للأرض الحبلى
    وفيها الوطنية الأوطان
                   |Articles |News |مقالات |بيانات

06-06-2009, 12:29 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا ناس سلام
    إنتو يا جماعة مش المداخلات دي بتنزل بالترتيب؟؟؟
    أنا وود جبريل و الرشيد عملنا لينا 4 مداخلات وقلبنا الصفحة وبد ينا نكتب
    جينا لقينا نفسنا في الميل 32
    رجعت للميل 31 لقيت ليك زهير الزناتي زحانا لاورااا
    بس شليخ طارق جبريل للبوست
    و بعدينك يا جلال الزول دخل من غير مقدمات
    وطاشي شبكة
    لا تهنئة
    ولا تعزية
    وأنت ذكرت لا عذر لمن أنذر
    يا زهير كدي رووووق
    السوق الخيري عامل كيف؟؟؟؟
    ياخ أنا غبت ثلاثة أيام بسبب المرض
    الجماعة هروني ليك
    أنت ما خشيت الفورمة
    لياقتك ما بتلعبك الشوط الثاني
    أنت نظرك قل و لا شنو؟؟؟
    علي بالأيمان حاولت أجاوب الأسئلة بتاعت زهير الزناتي
    لقيتها ليك راسها من قعرها ما معروف
                   |Articles |News |مقالات |بيانات

06-06-2009, 12:49 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    وما زالت واحد واحد ستة وخمسين
    يا رشيد ويا شاعرنا الكبير دكتور عز الدين هلالى
    طازجة , فاتنة , ساخرة كما انها قد قيلت اليوم
    هل العيب فينا
    ام ان عز الدين هلالى كتب قصيدته لزمنه ذاك
    ثم قصد بها كل الأزمنة
    هل يعقل انه يمكننا ان نسخر -واستقلالنا عمره طرادة
    بنفس الأدوات والعبارات واستقلالنا بلغ من العمر
    طرادتين وثلاثة قروش !!!
    متى نقوم ونهب من رقدتنا ونومتنا الطويلة ؟؟
    الم يأت اوان ان نستخرج -ليقظتنا وهبتنا
    شهادة ميلاد اصلية
    صادرة من دائرة الديمقراطية والمسئولية
    موثقة من (شعبة ) مكافحة الفساد والمحسوبية
    ومختومة -بالختم البارز - قولى صواب يحتمل الخطا , مثلما ان قولك , خطأ يحتمل الصواب
                   |Articles |News |مقالات |بيانات

06-06-2009, 12:53 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    يا زهير قف أنت
    لص
    ماسك من مداخلة جلال عثمان
    والعرف السائد آخر مداخلة

    و الله زنقة محمد عيد دي طالت
    عليك الله كما طلعت من المك دا
    جيب لينا صورتك الأولى يمكن شوية الزنقة بتاعتك تفك
    لأنو ما معقول تغيب و ماعودتنا على كدا ومع إنك سألت من الرشيد
    كدي النسأل منك
    ووووين إنت؟؟؟
    برضو الريس ميسرة
    كل صباح طلة خفيفة ومعاها حبة دعاء كارب لكن لغاية دلوكييت ما يجي يظهر
    الجمعة و السبت
    قد قد يكون مشى الحرم مع بت الشيخ
    الله يديهو العافية
    أسامة أبتر ربنا يرد غربتك
                   |Articles |News |مقالات |بيانات

06-06-2009, 01:12 PM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    معليش يا جماعة الواحد لمن يطول من الملاعب كورته بتفك


    أجمل نكته يا جلا في الصفحة الأولي ألقي في مداخلات بعدي ، أعمل رفرش للصفحة ألقي مداخلاتي زي ما هي
    قلت يا ربي المنبر دا أتهكر تاني ولا شنو إلا قبل شوية أكتشف ليك أنو انا المهكر والناس في وادي وانا في وادي
    وبرضو الروح للروح بتنادي
    ودي المداخلات في الصفحة الفاتت ،

    Quote: يا زهير والله ضحكت حتى سالت الدموع من حكابات طارق جبريل ومحمد صديق عن بشير محمد عبدالله واحد من ظرفاء الزمان الجميييييل في الزقازيق
    لاادري الان متى التقيته اول مرة لكن زي ما قال طارق دة زول اتحب منت اول مرة ويحكي عن كل الجمجرة التكون في الزقازيق او الاسكندرية

    رجع مرة بعد انقلاب البشير من السودان ولمن سالناهو الاحوال كيف قال كلام غبر قابل للنشر اتخيل محمد صديق بكون اتذكره الان ههههههههههههههههههههههههههههههه


    عن صديقي عوض المفتاح احكي حاجة في ناس ما عارفينها
    وهي ان عوض يستطيع الحديث بالتلفون دون ان تسمع ماذا يقول برغم انك قربه




    السناير قالوا ما تبيتوا المداخلات ونهرونا في التأخير
    لمن جات المداخلة بتاعت مبارك جادين بهرشة منصور عبد الرازق
    نزلتها دون أن اشير إلي أنها من مبارك جادين

    بعدين يا مبارك عندي ليك اسئلة كتيرة عن اولاد علوم ، ليه دون الكليات التانية
    بيقولوا اولاد علوم ، والكليات التانية يقولوا ناس تجارة وناس زراعة وناس تربية .

    السؤال التاني : هل حقيقي إنه ناس علوك اكتر ناس بتوعين جمجرة في الزقازيق
    ولا الناس ماخده إنطباع ساكت .
    السؤال التالت : ليه دائماً بيسكنوا مع بعض بس وعاملين تكتلات وكلهم نضاف مع بعض
    الإستثناءات من الناس الوسخانين .
    السؤال الرابع : قيل عنهم أن هنالك علاقة ود مع بنات علوم حتي أن هذه العلاقة قد
    خلقت بعض الحساسية مع اولاد آداب ناس عوض المفتاح ومتوكل عصام سيكلوجي وحيدر حنين
    وكادت أن تؤدي لحرب أهليه بين الجانبين لولا تدخل العقلاء . هل هذا الكلام صحيح .
    والأسئلة عديدة ، تقبل الإجابات فقط من أولاد علوم بقيادة مبارك جادين والغائب الحاضر
    في أودية وجبال النوبة ولم يسأل عنه أحد رغم أن غيابك طال

    ولسه







    سلام خاص للدفعة عمر نملة وقد سعدت بأتصاله قبل فترة فله التحية
    ومبروك الولد يا عمر ، وتقبل اعتذار الجميع بعد هذه القصائد
    والمسادير وللاسف لا نقرض الشعر كنت أتيت لك بمعلقة في الترحاب
    بهذا الفارس ، ونقول جعله الله من أبناء الوطن (طبعاً هولندا) البارين
    وطالما كانت الأمنيات في أتجاه أن يصبح لاعباً كبيراً في الفريق الهولندي
    نتمني أن يحمل كأس العالم مع هولندا البلد ذات الحظ السئ في كاس العالم
    رغم أحقيتها ... لك خالص الود ولكل الأسرة
                   |Articles |News |مقالات |بيانات

06-06-2009, 01:42 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: زهير الزناتي)


    عيســى الجاك يا عمر انشاء الله زى سيد الاسم ..
    كريم اخلاق .. جميل اوصاف
    مطيع والدين .. حبيب اخوان ..
    فايت حد الجمال والرسم ..
    وانشاء الله كمان فايت الكبار والقدرو ..
    " والعتبى لك حتى ترضى "
    ******
    والعزاء موصول للاخ / عبد المحسن والاسرة الكريمة
    رحم الله فقيدتهم وأسكنها الجنــة .. وانا لله وانا اليه راجعون
                   |Articles |News |مقالات |بيانات

06-06-2009, 02:30 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    سلامات يا ناس

    عبد المحسن احسن الله العزاء والدوام لله وحدهوالرحمة والمغفرة للمتوفى


    مرحب بالناس الغابت وجابت

    عيد حمدآ لله على السلامة شايفك طلعت من كبايةالشاى خشيت فى كتاب ابله نظيرة


    يعنى موعودين بوصفات تنسينا العصيدة

    يا الرشيد بنات الشيخ ديل ما تطلقوا يدهم فى الصرف ودونك معادلات منصور....

    ويا منصور كان الراجل بيجمع ويصرف والمرة برضو بتجمع وتصرف يطلعو شنو ؟؟؟؟


    اسامة ابتر عاد للاستقرار فى بورتسودان
                   |Articles |News |مقالات |بيانات

06-06-2009, 04:51 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    عيد ياحبيب ....
    وصلتني الرسالة التالية على الجوال الآن
    الكاري يحارب الزهايمر
    ---------------
    اوضحت دراسة طبية حديثة قامت بها جامعة UCLA الامريكية أن (الكاري) له ميزة السيطرة
    على الصفيحات الدماغية التى يؤدي تراكمها في المخ الى حدوث مرض الزهايمر أو ما يعرف
    باسم مرض الشيخوخة المبكرة.
    حيث يبطئ (الكاري) من تشكيل الصفيحات الأمر الذي اعتبره الباحثون وسيلة فعالة في الوقاية
    من مرض الزهايمر وربما علاجه ايضاً.

    محمد عيد دحين ياخوي الكاري ده مش ياهو كركمك ذاتو
    بالله ماتنساني من موضوع الوكالة الحصرية
    الحكاية بقت جد













    بالعدم كيلو واحد بس للإستعمال الشخصي
                   |Articles |News |مقالات |بيانات

06-06-2009, 05:22 PM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    خالص العزاء للأخت فاطمة والأخ عبد المحسن حمد في فقدهما الجلل
    وكل الرحمة والغفران للوالدة العزيزة أسكنها الله فسيح جناته
    والعزاء موصول لأسرة نصر عابدون بالموردة وكل أخوانها وأخواتها


    الواحد لم يستعد كويس للميل 31 ميشينا نهاية الاسبوع لقيناكم قطعتو الميل 32

    سلام خاص لاخونا عصام جلي ...

    العزيز ابوالطيب ...
    حتي الآن انتظر رقم تلفونك على البريد الذي ارسلته لك منذ فترة طويلة
    ولم يصلني غير "الطناش"
    لان اتصالك الأخير كان من تلفون عام ...
    في الانتظار يالحبيب ...

    الاخ محمد صديق ...عصريتنا كانت صدفة ...
    بس عصرية سند كانت مدبره عشان كدة "طرشقت" ...

    [email protected]
                   |Articles |News |مقالات |بيانات

06-06-2009, 05:30 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    جلال يا أخوي ألحق ليك كاري كاريهين قبل ما تجيك الحاجة تهيج ليك المصران...

    اقترح علي الدكتور عزالدين هلالي بأن يقوم أحد الزقازيقيين القدامى بالتوثيق للدور الكبير الذي
    قام به الدكتور طلبة عويضة الذي جعل من الزقازيق وطنا ثانيا للسودانيين...

    حاولت التفتيش في صفحات سابقة للتأكد من أن ذلك لم يحدث سابقا...رغم ان المهمة كانت صعبة شوية
    الا انني لم أجد الا مداخلة لياسر شبيكة يعد فيها بالكتابة عن دكتور طلبة عويضة ولكنه لم يكتب
    فأرجو من قدامى البوست أن يفتوني أولا في ذلك...و ان لم يحدث فأرجو من الأخ ياسر شبيكة بداية
    التوثيق...
                   |Articles |News |مقالات |بيانات

06-06-2009, 07:55 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    مداخلة رياضية

    أمبارح في أبوظبي أعتقد ان درجة الحرارة كانت أكثر من 45 درجة ورطوبة عالية جدا...وعندما
    نزلنا من العربية قربنا نغير رأينا و نرجع البيت...لكن البركة في المراكز المكيفة....رغم
    ذلك وجدت الكوريين الليله في مباراتهم أمام الامارات في الامارات يركضون كأن درجة الحرارة 22
    ويفوزون عليها 2/0 ، تساؤلي ماذا ستكون تبريرات منتخبنا غدا اذا خسروا...نرجو لهم الفوز..

    عضلات كوزينزوفا الفائزة بفردي النساء اليوم لم أجدها عند أي لاعب سوداني...يا ربي السبب
    الويكة ولا التدريب...

    كمية كدة من مباريات تصفيات كأس العالم...لم أشاهد ملعبا واحدا يشبه المدينة الرياضية التي لم تكتمل منذ 18 عاما وكلها تم بناؤها منذ أكثر من 18 عاما...هل ياترى يمكننا أن نلحق بركب
    من سبقونا أم سنظل في مكاننا أمدا طويلا...

    الفاتح النقر في برنامج الرياضة أمس وضع اصبعة على الجرح...و قال لو أحضرنا أغلى المدربين
    لمنتخبنا السوداني لما استطعنا أن نفعل شيئا بفريق من لاعبين لا يعرفون أساسيات كرة القدم
    و لكنة أخطأ في اسم مقدم البرنامج رضا مصطفى الشيخ و ناداه بأسامة...و لكنه في رأي
    اصبع آخر وضعة على جرح آخر...

    كنت أسكن قرب نادي الوحدة الاماراتي...و كنت أشاهد اسماعيل مطر لاعب الامارات ونادي الوحدة وهو
    ناشئا صغيرا...تنبأت له بمستقبل باهر ولم يخذلني...كيف كان سيكون حال لاعبينا لو صرف عليهم
    جميعا ما صرف على اسماعيل مطر فقط...

    ماذا ستفعل البرازيل أمام الأورجواي بعد قليل...أرجو أن تنسينا متعة المباراة حسرتنا على
    كرتنا..
                   |Articles |News |مقالات |بيانات

06-06-2009, 08:28 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    مساء الخير ياجماعة
    مبروك يا الرشيد العربية
    إنشا ءالله ما تنزنق جواها زنقة محمد عيد الفي المك
    الزول فجأة كدا أدوهو طرف خيط
    ونزل نزول المطر في عز الخريف
    ويا دوبك قال لقيت الدرب
    يعني بدل نفتش لينا مداخلة ونكتب يجينا عصام جلي ناطي من النفاج
    وقدر ما أخش الإيميل أجد هذا الرائع الجميل
    الله يعرس ليك يا عصام جلي عفواً أقصد الله يجيب ليك باس ويرد
    Quote: وسلام لاهل الحوش
    سلام ومليون سلام
    وكيفن قيلتم
    وطبعن الواحد ملايان مشاعر وماعرف يعمل شنو
    علي العمول هنال متفس وزي ماقال الاخ جلال الغربة حاره
    وبنقول يامحي الدين علي يوسف زيدان الحسين ادم رفي رفاعة مكة المكرمة
    مايهمك فزع ناسا كتار منهد
    عمومي ونسف الاعند الفنايت نده
    بعجبك عوسنا وكتين الضراع اتمده
    تم الرقصة عقبال السما الينهده
    التهاني للاخ عمر بالزرية الصالحة وان يكون بارا بوالديه

    عصام جلي
                   |Articles |News |مقالات |بيانات

06-06-2009, 08:53 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    تصور يا جلا أتوقعت تعليقك ده...دردقتك ووقعت في الفخ..
    أها غيرناها الصورة بارك لي العيال كمان والا حأكتب فيك قصيدة بالليل ده مش مسدار
    زي بتاع عمر نملة..
                   |Articles |News |مقالات |بيانات

06-06-2009, 10:37 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)



    مســــا ء التماسى على الحلوين
    والله يا جلا الظاهر الزنقة دى كان مرقت من الكباية ولا دخلت فى علبة .. مافى حل !!
    مافى طريقة غير نصاقر اطلاتكم بى أنصاص الليالى !!
    ايه الحلاوة دى ؟؟11 وشنو النشاط ده ؟ الواحد غفا ليهو نهار واحد ماشاء الله
    يجى يلقى الصفحة قلبت والحماعة بيتشاكلوا فى قلبتها ..
    حتى الريس مارس سلطاته بدكتاتورية كاملة وتحرك من خور عمر وســطا على مقدمة الركب ..
    عافى منك يا اب شنب ..
    جلال الحبيب .. باقى لى موضوع الكركم ده وقع ليك فى جرح ..
    خصوصا قبل وصول الخبراء الاجانب ..!
    فعلا يا حبيب الكارى له ذلك المفعول وذلك لاحتوائه على نسبة عالية من الكر كم !!
    والمعلومة الأكيدة هى ان الكركم بدخوله فى معظم الأغذية الهندية كان سببا رئيسيا
    فى خلو دولة مثل الهند تعداد شعبها تعدى المليار من اصابة واحدة بالزهايمر ..!!
    المشكلة فى صعوبة تناول الكركم بسبب رائحته النفاذة القوية وغير المستحبة ..!!
    واذا عاوز تختبر قدرتك على تحمله يا جلجل انصحك بزيارة تجمعات الهمود بالبطحاء
    مساء الجمعة .. واذا قدرت عليهو بارسل ليك 2 كيلو ليك وكمان للخبراء ..!!
    رشيد الحبيب .. والله ياخى كلام الكورة ده بقى يوجع القلب والا نفتش ليهو مستحضر
    معالج زى الكركم .. بلا فاتح نقر بلا غيرو .. ياخى ديل عالم مستهلكة ( بفتح اللام )
    واستهلكوا أدمغتنا بنظريات الفشل والعجز .. والله فياجرا 300 ما تحلنا منهم ..!!
                   |Articles |News |مقالات |بيانات

07-06-2009, 00:42 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    أعود اليكم من جديد مع مسلسل ( شخصيات من الذاكرة ) واستعرض معكم بعض الصور
    لاحباب من الزمن الجميل ..
    هيا أحبتى لتمرين ذاكرة كل منا ومن ثم نسترجع معهم احداث تلكم الايام ..
    قولوا بسم الله ..


                   |Articles |News |مقالات |بيانات

07-06-2009, 00:46 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    ودى كمان

    (عدل بواسطة محمد عيد on 07-06-2009, 01:07 AM)

                   |Articles |News |مقالات |بيانات

07-06-2009, 03:59 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    صياح الخير يا شباب
    من مطار الرياض فى طريقى للقصيم احييكم
    الصباح بدرى ده الواطة خلا والمنتدى براهو , الجماعة نوم تقيل
    خيمة الأمتحانات بتاعة محمد عيد فاضية , المراقبين زاتهم نعسانين
    الأجابات النموزجية كالآتى
    الصورة الأولى وقوفا
    اول واحد من اليمين جليتو , بعد داك هشام , معاوية يحى , امال خضر , على ميرغنى , وىخر واحد جليتو
    الجالسون , محمد على ابو شوك, البنات كلهم جليتهم , هاشم صالح , عبد الحليم عباس
    الصورة التانية
    خالد موسى , الطيب , طارق , جمال عبد اللطيف , ابو السارة , عبد الله على عثمان (كسلا) ,محمد عيد (بدون كباية ولا جريدة )
    واخيرا نبيل البطل
    اشوفكم بالليل
                   |Articles |News |مقالات |بيانات

07-06-2009, 06:41 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    السلام عليكم و رحمة الله وبركاته
    أيها الناس
    كيف أصبحتو
    أيوا كدا يا الرشيد
    الملائكة الصغار
    إنشاءالله ربنا يحفظهم دنيا وآخرة
    ويجعلم صالحين قانتين
    لكن الولد برغم إنو صغير لكن عفيت منو
    حنين وخايف على أختو
    ربنا يغطيهم ليك
    وياريت كمان عبد الدائم يرجع لينا صورة الأمورة الصغيرة
    بدل القميص الكلو برق دا
    محمد عيد إمتحانك دا إنشاء الله لي ناس لكوز بس
    أنا كلهم جليتهم
    آها تعال الأول يا منصور
    يا جماعة أفقدوا عثمان الجيلي دا غيابو برضو طال
    عصام جلي إيميلاتو زي نبلة الشيش يا طارق جبريل
    Quote: ود النور كيف الحال
    كيف عاملين طول النهار
    وكيف مع السخانه ونقطاع التيار
    وكيف كسلا الجميل وكيف سواقيها
    وكيف وكيف وكيف....................
    الشوق كتير مدرار
    والغربة حارة مابتندار
    والرجوع افضل من المشوار
    ويالواحد ياقدار
    ارجعنا الي دار
    وامسح دموعنا
    ونجنا من الاقدار
    وقد توقف القلم عن الكتابة علي العمول غدا لناظرة قريب
    عصام جلي
                   |Articles |News |مقالات |بيانات

07-06-2009, 07:05 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    صادق التعازي لأخونا عبدالمحسن والأخت/ فاطمة في وفاة
    الوالده رحمها الله رحمة واسعة وأدخلها الجنة مع الصديقين
    والشهداء وحسن أؤلئك رفيقاً .

    إنا لله وإنا اليه راجعون .
                   |Articles |News |مقالات |بيانات

07-06-2009, 07:12 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    خالص التعازى للاخ عبدالمحسن دفعة فى وفاة والدة زوجته
    ولا حول و لا قوة الا بالله
    وانا لله وانا اليه راجعون
                   |Articles |News |مقالات |بيانات

07-06-2009, 09:28 AM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    Quote: عصام جلي إيميلاتو زي نبلة الشيش يا طارق جبريل



    يا عصام جلي والله الزول دة انتهى منك
                   |Articles |News |مقالات |بيانات

07-06-2009, 10:28 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    لعناية أخونا جلا لتوزيع هذا المنشور السري
    على بنات الشيخ بعد أن تم إجازته من مجلس قعدات
    الحريم العالمي ، نأمل من جميع الزملاء النظر له بعين
    الرضا التام وبدون إحتاجات ،، الكلام ده ليك يا المطير علينيك

    طلب تصريح خروج من المنزل رقم( )

    سعادة الزوجة الحبيبة... المحترمة
    أتقدم إلي سعادتكم بطلب التكرم بالسماح لي بالخروج من المنزل
    يوم ......... الموافق / / م من الساعة ....... حتى الساعة .........
    وذلك للأسباب التالية
    1. ............ ......... ......... .........
    2. ............ ......... ......... .........
    3. ............ ......... ......... .........
    كما أتعهد لسعادتكم بصفتكم السلطة العليا بالمنزل بأن أعود في الوقت المحدد لانتهاء
    التصريح مع استعدادي لتحمل كافة العقوبات المنصوص عليها أدناه في حالة تأخري في الحضور
    في الوقت المحدد.
    مقدم الطلب
    الزوج: ............ .....
    التوقيع: ............ ....

    خاص بالاستعمال الرسمي ( يعبأ من قبل الزوجة فقط )
    بعد الاطلاع علي طلب الخروج من المنزل المقدم من زوجنا الحبيب، وبعد مراجعة مبررات
    الخروج ومراجعة ملف مقدم الطلب قررنا نحن "الزوجة" التالي:
    • يسمح للزوج بالخروج من الساعة ............ حتى الساعة ............ بناء
    علي ساعة الزوجة لمنع التحايل من قبل الزوج.

    • عدم السماح للزوج بالخروج وذلك للأسباب التالية:
    q عدم انتهاء مدة العقوبة السارية من البند ( ) في تاريخ / / م
    q لتجاوز مقدم الطلب العدد الأعلى من التصاريح لهذا الشهر.
    q نظراً لتعكر مزاج الزوجة هذا اليوم.
    q نظراً لرغبتنا للذهاب للسوق مما يستوجب بقاء مقدم الطلب مع الاطفال.
    q نظرا للأناقة الزائدة عن الحد مما يستدعي الشك في سبب الخروج.
    الزوجة: ............ ......... ..... التوقيع: ............ ......... .. التاريخ: / / م

    لائحة العقوبات
    بند 1 : النوم الانفرادي وبدون عشاء لمدة ( ) يوم
    بند 2 : الحرمان من الحقوق الزوجية لمدة ( ) يوم
    بند 3 : الحرمان من المصروف لمدة ( ) يوم
    بند 4 : الحرمان من استخدام الهاتف لمدة ( ) يوم
    بند 5 : العبوس والتكشير في الصباح و المساء
    بند 6 : مصادرة النقال
    بند 7 : منع الدخول أو تصفح سوادانيز أون لاين وخاصة صفحة ناس الزقازيق
    بند 8 : المنع من مشاهدة القنوات اللبنانية مع مشاهدة القناة السودانية
    – التلفزيون القومي - لمدة ( ) يوم

    مع خالص تحياتي .....


    نأمل من الجميع عدم الزوغان وتعبئة النموذج أعلاه وإرساله إلى دار الإتحاد
    العام بمنشية البكري وذلك من خلال الإتحاد الفرعي .

    ودمتم في رعاية الله مطبقين عليكم كل البنود من (1) حتى (8)
                   |Articles |News |مقالات |بيانات

07-06-2009, 10:56 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    يا جلا "نقيت" في صورة عبدالدائم وقميصو البرق
    اهو مشي خت ليك كل الدفعة
    حاول الاستعانة بعصام جلي وموسي عيسي ... واذكر الاسماء


    صور محمد عيد يقدل فيها منصور براهو
    والرشيد بابكر عامل فيها نائم
    غايتو نحنا اي صورة قبل عم جودة ... ماداخلة معانا حتي لو استخدمنا الكركم

    الريس ميسرة ...
    طلب تصريح الخروج للأزواج ...
    ده جبتو من وين ...
    ارجوك الا تخلط الاوراق ... لانه طلب خاص جدا بازواج جده
    نحنا في دبي تعال هنا واوريك طلبنا اجراءاته كيف :o
                   |Articles |News |مقالات |بيانات

07-06-2009, 11:04 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    الناس الملزمين بملأ الإستمارة
    منصور عبد الرازق
    محمد عيد
    الريس ميسرة سيد أحمد
    الرشيد بابكر
    أحمد إسماعيل النور
    مبارك جادين
    موسى عيسى أبكر
    عصام عبد الرحمن محمد جلي
    محمد صديق
    تاج الدين الخليل بلال
    ياسر نجيلة
    د. شبيكة
    د. عز الدين هلالي
    عبد الدائم سيد أحمد
    عثمان الجيلي
    محمد آدم النور
    يا جماعة إذا أنا نسيت يمكن الإضافة
    الناس ديل أقل واحد دفعة 88 غير كدا الصغار ما يلزموناش
                   |Articles |News |مقالات |بيانات

07-06-2009, 11:14 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    يا ريس الفورم بتاعك بالنسبة لي Not Applicable ممكن تشوف لي فورم تاني، أعرض الموضوع
    على بنات الشيخ و تعال لي بالنجيضة...
                   |Articles |News |مقالات |بيانات

07-06-2009, 11:28 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا جلا شكرا على الكلمات الطيبات...ربنا يحفظك و يديك الفي مرادك...

    Quote: والرشيد بابكر عامل فيها نائم


    ياسر نجيلة والله عرفتها...نقشتها طايرة زي ما بيقولو...صحيح كنت مشغول اليوم لكن
    الامتحانات دي بقينا ما بنقدر عليها...
    اتفق مع منصور في الصورة الثانية 100%...
    أما الصورة الأولى فأضيف على من ذكرهم منصور نجوى فضل الله ونجاة...
    محاولة يائسة...أعتقد أن الواقف على اليمين في الصورة الأولى أباذر...
                   |Articles |News |مقالات |بيانات

07-06-2009, 01:53 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    سلام لكل الجدعان ..

    و سلام خاصة و تحية ( قلبية ) و تهنئة و تبريكات لصديقي الجميل / عمر نملة و حرمه المصون بمقدم عيسى ، و يشهد الله يا عمر ( يطرشني ) لو سمعت و ما قلت ليك مبروك و مبارك و ربنا يحفظه ليكم و يحفظكم ليهو و يجعله من الصلاح و يسعدكم بيهو دني و آخرة يا رب .. و يا عمر طالبني واحد مسدار مكرب بعد الإستعانة بفطاحل زي جنابو و الرشيد ومحمد عيد و شاعر البوست الغريد ..

    ـ
    و عزاء صادق للاخ العزيز الفاضل / عبد المحسن دفعة و حرمه المصون في وفاة والدتها و أسال الله تعالى أن يتقبل الفقيدة بواسع رحمته و عظيم مغفرته و أن يدخلها فسيح الجنان و يلهم أسرتها و ذويها الصبر الجميل .. و يحفظ الجميع بحفظه ..
    و يا جلال ألحقونا بتلفون دفعة ..

    ـ
    من أستاذنا و سنيرنا عبد الحفيظ عباس الصديق تلقيت هذا الإيميل ..
    Quote: الأخ عصام دهب
    لك تحياتي وأشواقي
    وحمدا لله على سلامة الزوجة ونسأل الله أن يخلف عليكم
    كما أود أن أطل عبر سماحتكم على الجميع بلا إستثناء من أبناء وبنات الزقازيق وأخصكم والذين دعموا تواجدنا لدى المهندس أبوبكر
    هذا بريدي وتلفوني 0912366742
    عذرا وألتقيكم عاجلا لأن الوقت تأخر وعبركم أعزي عبدالمحسن وفاطمة وأهنئ عمر النملة
    والسلام
    أخوكم
    عبدالحفيظ عباس صديق
    حقوق الزقازيق

    و مرحباً بالزول الجدع الأستاذ / عبد الحفيظ ، و يلا يا زهير و يا كل أخوتي من الزقازيقاب أعضاء البورد جهدكم مع بكري أبو بكر حتى يكون عبد الحفيظ بيننا هنا ..
    تحياتي للجميع ،.
                   |Articles |News |مقالات |بيانات

07-06-2009, 01:57 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    منصور 45% - الرشيد ( سبحان الله ) 60 %

    الاسماء الناقصة : - يزيد على العركى - نجوى فضل الله -نجاة الامين

    منصور ملخبط فى اسماء : عثمان محمد نصر ( ابو شوك ) - هاشم سعيد

    جلا وياسر نجيلة .. طيب ورونا الفصاحة فى الصورة الجاية

    ومطلوب مشاركة قاطنى المساكن التعاونية ومنشية البكرى

    ويمنع مشاركة اهالى شارع الحمام والصيادين !!

                   |Articles |News |مقالات |بيانات

07-06-2009, 02:40 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    ياحبيب شوف الصورة
    حسب موسي عيسى (محراب الاداب والفنون)
    زاهر الصادق - حافظ ابوعاقلة - د/نورالدين - عادل الزاكي - عمرالفنوب - محمد عيد
    بس انا عندي رأي في حكاية عمر الفنوب دي - عمر اقصر من الزول ده

    موسى عيسى بسلم عليكم كلكم
                   |Articles |News |مقالات |بيانات

07-06-2009, 03:06 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    صورك يا محمد عيد غايتو انا وجلال وسامي بنكون قادين فيها عربي
                   |Articles |News |مقالات |بيانات

07-06-2009, 03:22 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: طارق جبريل)

    طارق جبريل انت من الوقت داك مشلــّخ الدنيا ولا شنو ؟؟

    يعنى معقوله تكون ما بتعرف

    زاهر الصادق .. زعيم المستقلين

    او عادل الزاكى .. زعيم الناصريين

    او الرجل الرقم .. حافظ ابو عاقلة .. زعيم الشعراء والادباء ومؤسس المحراب ؟؟11

    شكلك قلبك كان معلق بقرطبة واشبيلية ومراكش منذ ذاك الوقت !!

    جلجل .. بمساعدة صديق ماشاء الله .. الله يكون فى عون الخبراء !!

    يا ريس انا قبيل قلت لى جلا ما تفتحوا لينا قصائد بنات الشيخ ..

    اها الكلام دخل الحوش وجاب ليهو عرائض واستمارات من الامم المتحدة

    يا نســـاء العالم اتحدوووووا !!!
                   |Articles |News |مقالات |بيانات

07-06-2009, 04:24 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    Quote: الريس ميسرة ...
    طلب تصريح الخروج للأزواج ...
    ده جبتو من وين ...
    ارجوك الا تخلط الاوراق ... لانه طلب خاص جدا بازواج جده
    نحنا في دبي تعال هنا واوريك طلبنا اجراءاته كيف :o


    يا جماعة ما تكبوا الزوغة ،، الطلب ده خاصي بناس الزقازيق
    ناس الداخل والخارج وكمانوخاصة ناس العصرية الساكنين دبي وناسنا
    ديلك في الرياض البعاد موسى عيسى وأحمد أسماعيل وعصام جلي والآخرين
    وأخونا الرشيد قال عايز أورنيك 10 أنحنا بنجهز ليهو واحد مختلف شوية
    لأن لكل قاعدة شواذ وهو وضعوا مختلف شوية بس بنرسل الأورنيك لأختنا نجاة حوفي
    وبعدين البتسوي كريت بتلقى في جلده والنيو لوك الجديد ده ما بحلكم - محمد عيد وديدو- ،
    ويا صاحب الحوش الدهب رايك شنو نساعد في توزيع هذه الإستمارات بالليل بس من تحت الباب.

    وأخونا جلا سكرتير بنات الشيخ حدد ليكم الأسماء والأفعال والمرفوع والمنصوب والمنصاع لأمره
    يا جلال عثمان والله لا صورة زاهر الصادق ولا حافظ أبو عاقله بتمرقكم .

    وبنركز على ناس الداخل زهير الزناتي ومحمد صديق ....والاخرين ، والموضوع ده كان عايز ليهو
    فتوى حريميه من بنات الشيخ .
                   |Articles |News |مقالات |بيانات

07-06-2009, 05:27 PM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    ايوه كده يامحمد عيد خلينا ندخل عهد المصور عم جودة

    طبعا اخونا جلال عثمان بمساعدة موسي عيسي كلو صاح
    زاهر الصادق حافظ ابوعاقلة دكتور نورالدين عادل الزاكي عمر المستقلين محمد عيد

    اضف لذلك يا محمد عيد اخونا السموأل العربي واقف بينك وبين عمر
    وكذلك اخونا ناجي ابوالفنون قاعد في الكرسي الخلفي
    اها قصرنا معاك ...
    وازيدك من الشعر بيت كمان ...
    دي حفلة اليوم المفتوح النهارية لمحراب الآداب والفنون
    معمولة في الاندية وسط الترعة المقابلة لجامعة الزقازيق بعد كلية التجارة


    ياريس ميسرة انا اضفني للاستمارة الخاصة للذين "اولادهم في الامتحانات
    والله بت الشيخ وانا عاملين زي ترزيه يوم الوقفة لو لقيت الباب مفتوح تقفلوا بالمفتاح ..مش تطلع
    غايتو دعواتكم .... الواحد فاكر انو خلص قراية
    التاريهو حيبداها من الأول ... من قولة تيييييييييييت ...
    ارجا الراجيك يا ديدو .... وكمان البقية

    (عدل بواسطة ياسر نجيلة on 07-06-2009, 05:38 PM)

                   |Articles |News |مقالات |بيانات

07-06-2009, 08:33 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    هل هي سيطرة نسائية و خنوع زكوري...أم هكذا يجب أن تكون العلاقة بين الزوج و الزوجة

    في طريق عودتي الى أبوظبي اصطحب معي أحد الزملاء كل مرة كرفيق طريق حيث أن الرفيق دائما
    يجب أن يكون قبل الطريق...في أحد المرات اصطحبت زميلي أسعد من مدينة طلخة (المنصورة) ولطلخة
    هذه ذكريات تعود الى زمن ليس بالقريب...حيث أنني أذكر كيف أغنية كانوا يغنونها أبناء
    المنصورة عندما كنت برلوما...كبري طلخة في الاشارة..منصورة ويييين...ما زال لحنهاعالقا
    بذهني و بدون كركم كمان...
    أسعد مصري هادئ الطباع و ليس برغايا كعادة أخوانا المصريين ولكنه ظريفا كغالبيتهم...يرن
    جرس الهاتف المحمول يخرج أسعد نظارتة ينظر الى هاتفة ثم ينزوي الى أبعد ركن ممكن في الكرسي
    المجاور لي...يتكلم بصوت خافت جدا...أهلا حبيبتي...كانت زوجتة في الطرف الآخر...عاملين ايه
    واحشاني والله...أهو احنا اتحركنا اربنا كلها ساعة وأكون عندكو...لا بالله عليك يا حبيبتي
    اتغدو انتو أحسن الأولاد يكونو جعانين ولا حاجة...لا ما تشليش همي أنافطرت متأخر شويةيعني
    يلا حبيبتي أشوفك بعد شوية...أغلق الهاتف ثم نظر الي مبتسما متوقعا تعليقا مني...ثم سبقني
    هو بالتعليق قائلا...شفتني شخط فيها ازاي....قلت ليهو آدي الرجالة ولا بلاش يا عمي انت
    بهدلتها...

    صورة أخرى
    كلما أذهب للتسوق و معي العيال أجد زوج سوداني صاري وشو ويبعد على الأقل مسافة 5 كيلو عن زوجته
    و هي تركض وراءه وهي تحاول جاهده أن تلملم ثوبها الذي يتساقط منها...و اذا نظرت اليها مليا
    لوجدت دمعة تنحدر على خدها...هو يصرخ ما تمشي يا مرة...انعل أبو السوق لأبو.....
    رغم الاختلاف بين الصورتين الا أننا نعتبر أنفسنا الأكثر التصاقا بأسرنا و الأحن عليهم من
    غيرنا من الجنسيات الأخرى....

    أفتوني هل نحن حقا كذلك؟؟؟؟
                   |Articles |News |مقالات |بيانات

07-06-2009, 09:33 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: وأخونا الرشيد قال عايز أورنيك 10 أنحنا بنجهز ليهو واحد مختلف شوية
    لأن لكل قاعدة شواذ وهو وضعوا مختلف شوية بس بنرسل الأورنيك لأختنا نجاة حوفي
    وبعدين البتسوي كريت بتلقى في جلده والنيو لوك الجديد ده ما بحلكم


    يا ريس شكلك كده ناوي لي عديل كده...خليني أحكي ليك حكاية ليل كده...أرجو أن
    يمحوها النهار و بسرعة....
    مرة قاعدين أنا ونجاة حوفي بنتذكر في الناس...و قعدنا نتذكر في الناس الاتزوجو مرة ثانية
    و عددنا عدد كبير من الناس تزوجو على زوجاتهم بعد قصص حب شهيرة ومثيرة...ثم أطلقت
    نجاة سؤال خطير...انت رأيك شنو في الجماعة البتزوجو ديل...قلت ليها ممكن أحذف اجابتين
    قالت لا...طيب ممكن اتصل بصديق...برضو لا...المهم اتزنقت ليك زنقة كلب في طاحونة...ولا
    أقول ليك زنقة محمد عيد في كباية...و ما لقيت ليك البحلني...فاستخدمت كل ما أملك من
    دبلوماسية و أجبت على السؤال ولكنني لم أشعر بأن نجاة كانت راضية عن الاجابة....

    الله لا ورطكم في سؤال زي ده....
                   |Articles |News |مقالات |بيانات

08-06-2009, 06:55 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    عمر ود ابو قناية ود تجارة ود مدنى ، جاكم برواقة ايه رايكم نسمى
    الصفحة دى الميل الهولندى ، يا سناير الزول ده خريج التسعينيات اوووكى

    ((
    احبائي أجدع ناس عفوا للبدايه الساخنه وزي ماقال الصديق محمد : (قالوا الما دارك ما لامك) .



    التعازي لكل من فقد عزيز لديه.



    وارجو بهذا المسدار ان اصفي مااحدثته من تعكير





    ود الزناتي ياك لينا زخر

    بتلملم في الشمول بين صباح وعصر

    محجوب الشريف متوسد ضراك وصبر

    ولاطفال المايقوما انت باقي نصر

    عمرك مابتخيب انت لينا نفر

    وان غاب الجميع نلقاك انت حضر

    تلملم في الجموع عشان يكون لينا امر

    والله العظيم ضرعاتك انت خضر

    -----------------------------------

    منصور سيد الاسم انت لينا الساس

    تفتح للقليب وتسالم كل الناس

    سنيرنا المبجل ياك شلت الكاس

    بالجود بتغمر من ضفر للراس

    --------------------

    الريس حبيبنا انت لينا ضهير

    تغطغط لعوجنا من صباح وضهر

    حاشاك ياامير من غلاط وفقر

    ميسر في خطاك ديمه انت نصر

    --------------------

    الرشيد المهذب انت ديمه وضيح

    كلماتك دليلك ونهجك انت صريح

    اوفيت ياهميم وجبت لينا مديح

    ادخل في قليبنا مابتدور تصريح

    جبريل الحبيب جيناك نتم السيره

    نامل في سرورك انت لينا جبيره

    انت الاصيل هادياك لينا مهيره

    تسلم ياجميل من هدير ومطيره

    ------------------------------

    الصديق صفاتك عالي ماك حقير

    من يومك بدرنا وشلت كل تقدير

    الواجبات فروضك تتم بدون تقصير

    بنحلف بشروقك رزقنا يبقى وفير

    طبعك ياالمجمر صافي ماهو عكير

    كلماتك رصينه باينه زي تعمير

    بتطلع من قليبك موزونه بالتعبير

    نفحاتك نسيمه شميمه كله عبير

    الصديق مهذب فات صغير وكبير

    قليبك فتحته بدون لزوم تشفير

    وايدك بتكسي كل ضعيف بحرير

    غلطان من يلومك ياشهم انت امير

    ------------------------

    العيد حبابك يا بسمه ياانسان

    بالحب بتغمر من يكون ماكان

    برسمك عرفنا انت ذوق فنان

    بتسعد بتفرح كل انسان

    من جهلنا بنلومك ماعرفنا الشأن

    بقامتك بتبني عظيم اوطان

    ود آدم انت النور

    بنطراك في دروبنا كل صباح وسحور

    بترسم بابتسامك بين جمال وحبور

    بجودك بتكسي كل ضعيف مكسور

    البسمه في وجودك باقيه فينا دهور

    وحاله غيابك حزننا غطى الدور

    دهبنا المجمر ياك فاتح الحوش

    تقدر سنايرك تدلل جنايرك انت ما كرموش

    في حضرت وجودك تلقانا نحنا عموش

    وبصمة يراعك باقيه لينا عروش

    جمعت الحبايب في قصور وبروش

    وان ضاقت ديارك فرشت لينا رموش

    جلال المبجل باقي لينا سما

    بنرسل تحايا ومنانا انت دنا

    من يومك شرفنا وجبت لينا هنا

    تسلم يالمبارك من كل هم وضنا

    ياسر نجيله صفاتوا حميمه بحب الصحاب

    اعمالوا حليمه سريع العزيمه مابخشىالصعاب

    منافس وديمه نتائجه فخيمه وكامل النصاب

    هديته بسيمه مابرضى الهزيمه ولو في العتاب

    بكمل كلامي في الطبعه سامي ودايما نضيف

    بحب الفكاهه وكلامه لطافه بساعد الكفيف

    بواصل الجماعه لطافه وسامه وذوقه لطيف

    يغلبك بادبه ويكرمك ويحالفك دا اصله شريف

    سماحه في شكله مكمل في اهله وفوق الوصيف

    سريع البدهيه عطوره مريحه يجبرك تقيف

    بناتوا قماير عروسه بداير واجمل وصيف

    عمر نملوز

    ت/ 0031647103728
                   |Articles |News |مقالات |بيانات

08-06-2009, 07:16 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    يا ناس صباح الخير
    أحد الأحبة جا نابل بشكل أنيق جذاب
    يوسف عبد الله خالد
    قوم يا ياسر نجيلة قول لي يوسف عبد الله خالد و لاو احد تاني؟؟؟؟
    المهم هذا الإنسان مشحون عواطف وحنان وإيمان وآمال
    ما عارف بت الشيخ بتاعتو يكون إسمها مذكور و لا
    و الأهم متابع هذا البوست وبقوة
    فجاءني يمشي الهوينا ويقدل كما الطاؤوس
    فحيوه معي يا ناس الحوش
    Quote: إلى كل العمالقة من الزقازيقين الذين يملئون الدنيا عطرا هكذا كانو ومايزالون انهم عطر الورد الذى قال فية اهل الشعر (الجوة القلوب كجوة الوردة زى الورة بتحاضن العطور مهما الزمن جار او قسى ما اظن عطر الورد جوة الوردة فى يوم اتنسى) ومانطلع علية فى هذا الموقع الا عبير تلك الورود التى تنتشر فى اصقاع الدنيا التى لايكمن ان تنسى ا ودمتم

    اهل الزقازيق جميعا والى الاقتصادين والمراجعين
    التحية والتجلة
    اراكم تشيدون فى كتاباتكم بالاستاذ /محمد ادم النور على تلك المداخلات الشييقة التى عطر بها الموقع وهو يكتب خلف عبائة اكاديمية مميزة تعكس المستوى العلمى الذى هو فية الان وهوقاب قوس من الدكتورا فى الاقتصاد واقيف بجنب ياموسى عيسى وضع يدك فى راسك ياعصام جلى وخلى ود المبارك يقعد واطا وكان سفتو الوجاهة تخلى عبد الدائم كنب ويقود برامج اجتماعية فى الداخل تتيح لة الترشح فى البرلمان
    مع خالص التحايا والاشواق الى كل الروائع من كوكبة 1988 جلى لاتزال بقية لا الة الا الة تتطرق اذنى ودالمبارك الرائع ايكر (موسى عيسى ) اما الحاج اسامة الطيب حاليا يدعى العارف باللة راجل شبشة وصاحب المحراب المبدع نجيلة تتراى لنا منة تلك الاناقة والذوق الرفيع لكم منا خالص التحايا

    راجع ليكم لكن بعدين
    محبتي و أخي يوسف عبد الله خالد
                   |Articles |News |مقالات |بيانات

08-06-2009, 07:17 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صباح الخير يا وجوه الخير

    مسؤولين من الخير ولدنا البادي راح وين؟؟؟؟؟
    لو تابعت طريق الريس سامي - الدبيب - ودكتورة صفيه
    مساعد ودكتورة سناء الصباغ وآخرين مش ح نشوفك تاني
    عود لينا يا ليل الفرح .

    سؤوال تم طرحه من أخونا الرشيد عن ذلك الرجل السوداني
    الماشي أمام زوجته على بعد أمتار كثيره مقارنة مع ذلك المصري
    تعرف يا الرشيد نحن شعب طيب وعاطفي جداً ومشاعرنا الداخلية متدفقة
    أكثر من المصريين بس أنحنا شعب لا يمكن أن يعكس مشاعره بسهولة ولا نستطيع
    أن نعبر ما بدواخلنا تجاه من نحب والخطأ ليس مننا ولكن التربية كانت تربية
    محافظه أكثر مما يجب ولأننا نكون صادقين مع نفسنا كثير جداً ، وهذا الحال ينطبق
    على المرأة لا تستطيع المرأة أن يبوح بحبها لمن تحب بسهولة - عدا فترة المراهقة -
    وتكتم مشاعرها عكس المصريين فإنهم يقولون ويصرحون حتى بما لا يحسوا به أو يشعروا به
    وفي بعض الأحيان تكون عبارات محفوظة - بروتوكلات - يجب أن تقال أما نحن الجدية قاطعة
    قلبنا لو زعلانين ما بنكذب ولا نستطيع أن نقول سوى ما بداخلنا وفي حالة الرضا نلتزم
    بالصمت وينعكس ذلك في اساريرنا ودواخلنا فقط ولكن من الصعوبة عكس ذلك عيان بيان
    إلا ما ندر أو في لحظة تجلي أو جلست عصرية أو مغربية حتى الصباح .

    تعود الجيل القديم أن يكون الراجل على بعد أمتار أمام زوجته ولكن جيل اليوم لا يركن
    لذلك وذي ما بيقولوا الحجل بالرجل جنب بعض يعني ده إذا ما كان تأبطت ذراعه - تأبط شراً-
    إستايل الحياة القديمة بدأ يتغير كثير زمان المرأة تقول يا أبو محمد ودلوقتي ميسرة إنت
    رايح فين؟ زمان المرأة لا تأكل إلا بعد أن يأكل الرجل دلوقتي المرأة تبدأ الأكل من المطبخ
    - تنشل اللحم من الحلة - لم يعد الزمان كما كان بالسابق ،، بس مسألة عكس المشاعر تحتاج
    لأجيال أخرى حتى يتغير النمط الداخلي لنا وينعكس ذلك في سلوكياتنا اليومية.

    (عدل بواسطة ميسرة سيد أحمد on 08-06-2009, 09:39 AM)

                   |Articles |News |مقالات |بيانات

08-06-2009, 08:14 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلامات يا ناس

    النشاط بتاع الناس زايد والنشاط بغطى على الغلط { حكمة عسكرية }

    يا ريس عندى نقطة نظام....

    نحن ما قاعدين ندى المواضيع حقها من النقاش نفتح موضوع ..ننط على

    التانى ...وقبل نعلق عليهو ينط جلا يقلب الصفحة ..الصفحة النحن فيها

    دى بس شوف فيها كم موضوع؟؟؟؟ الرشيد...توثيق لى طلبة عويضة ..موضوع كورتنا

    العلاقة الزوجية ...اورنيكك يا ريس ....اخونا عمر اخجلنا بتقريظنا عن طريق

    المسادير ولا قلنا شكرآ..سيبك من الصفحات الفاتت مواضيعها المفتوحة تفرفر...

    يا ريت لو ادينا اى موضوع يتفتح حقو من النقاش...


    عمر نملة كتر خبرك ويا ها المحرية فيك ....الله يقدرنا نعود اليك بمسدار
                   |Articles |News |مقالات |بيانات

08-06-2009, 10:32 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    Quote: نحن ما قاعدين ندى المواضيع حقها من النقاش نفتح موضوع ..ننط على

    التانى ...وقبل نعلق عليهو ينط جلا يقلب الصفحة ..الصفحة النحن فيها

    دى بس شوف فيها كم موضوع؟؟؟؟ الرشيد...توثيق لى طلبة عويضة ..موضوع كورتنا

    العلاقة الزوجية ...اورنيكك يا ريس


    محمد صديق أوافقك الرأي...فأنا عندما عدت يوم السبت للبوست بعد غياب أسبوعين قرأت كل المداخلات
    فوجدت قصيدة الراحل سند مقاطع استوائية...و طلبك بالتداخل حولها و عدم تمريرها هكذا...وكنت
    أتفق معك في هذا الرأي...و لكنني أيضا قلت أن أذواق الناس مختلفة وكل له ميوله...فاذا الزمنا
    الناس بالتحدث عن موضوع بعينه فلربما يؤدي ذلك الى غياب البعض عن البوست لأيام..و هذا ما لا
    نريده أبدا فالأفضل تواجد الناس كلها و ان تعددت المواضيع فلا بأس بذلك...فقط أرجو أن نقرأ
    ما نكتبة لبعضنا البعض..لا أن نأتي ونكتب و نذهب...فتواصلنا يستمر اذا قرأنا ما نكتبه لبعضنا
    البعض....صحيح أنا مثلا متعب شويه و كثير التداخل و متعدد المواضيع ولا يجد الكثيرون الوقت
    الكافي لقراءة كل المواضيع...فأنا أعذرهم و لا أجد في ذلك مثبطا لهمتي...
    ليستمر التواصل بيننا أبدا... كل قدر استطاعته و ظروفه...ولنحاول قدر الامكان ان نسترسل في
    المواضيع التي يمكن أن تكون لنا فيها اضافات مهما كانت الاضافة فلكل أضافة قيمة كبيرة...
                   |Articles |News |مقالات |بيانات

08-06-2009, 10:45 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    الريس ميسرة ...
    والله كفيتي تعب كتابة سطور طويلة في موضوع اخونا الرشيد بابكر عن قصة
    السوداني والمصري
    وجبت تحليل الموضوع كما اردنا...
    السوداني كتوم في مشاعرة لدرجة الاخلال بالنسق الطبيعي ...
    والمصري يبدي مشاعرة لدرجة التملق والكذب ...
    والاثنين فاقو درجة الاعتدال وهذا خلل في حد ذاته ...

    تحياتنا والف مرحب باخونا يوسف عبد الله خالد
    خليك قريب ... وفي انتظارك وانتظار مشركاتك

    ولدنا عمر نملوز ...
    ان شاء الله دائما زعلان
    وبالشكل والعتاب ورمان
    عشان نحنا والحبان
    نسعد بمسدارك وشعرك الفنان
    جايك بالتلفون عديييييل كده ...
                   |Articles |News |مقالات |بيانات

08-06-2009, 11:48 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    الحبايب , الحلوين , اجدع ناس , احلى ناس
    اخوانى فى الجمال , فى التعاون , فى الألفة , فو المحبة
    هسى اجيكم من وين ولا وين
    والله انتو ياكلوكم اكل , بس الواحد يبتدى من وين
    لو الواحد وقفكم صف واحدزىة العساكر فى طابور الصباح يا محمد صديق
    وحاول يساويكم ويخليكم واقفين انتباه مستخدما (المسدس) فى التسوية دى
    زى ما كان بيسوى هتلر
    طبعا اول حاجة حا تعتر للطلقة بتاعت المسدس , الكروش اكيد
    انا متأكد الطلقة الواحدة حاتقيف من تاتى زول على الأكثر
    لكن فى الحالة دى احتمال ما نلقى زول نوقفه فى اول الصف
    او اقول ليكم نعمل جر حبل , ونكورك زى زمان
    (السمين يقع الضعيف يقيف )
    يا ربى حانلقى زول واقف
    غايتو الا محمد صديق لو لسه (عسكرى جد جد )
    يا عمر نملة , والله مع انى لسه فى الدوام وفى المكتب يعنى
    لكن لو ما الله ستر , كنت قمت واخدت لى عرضة
    يا ولد انت فى هولندا لسه بتقولو كلام زى ده
    ومال لو كنت فى (رهيد البردى) كنت قلت شنو يعنى
    والمقارنة هنا بين امستردام ورهيد البردى
    هى علاقة تناسب (فى الجمال والجو )
    لكنها علاقة تناسب عكسى (فى البيئة والأتموسفير والأحساس الجوانى )
    الأحساس الجوانى ده اخو زميلنا الكفر الجوانى من الرضاعة
    الأثنين بيتنفخوا , والأتنين كمان بينفسوا , والأثنين كمان بيضقلوا
    واحد بيضقلوا بيهو
    والتانى هو البيضقل بيك
    ولأنك فى هولندا البعيدة ديك
    لو محتاج واحد يذكرك يضقل دى
    يا اما اٍال ديدو
    ولا ياسر نجيلة لمن يقطع فيك سلك الليلة
    المواضيع كثيرة
    راجع ليكم
                   |Articles |News |مقالات |بيانات

08-06-2009, 12:10 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    الأخ منصور
    حمد لله بالسلامة
    حسب كلام منصور
    يا جماعة أقيفوا طابور
    Quote: وحاول يساويكم ويخليكم واقفين انتباه مستخدما (المسدس) فى التسوية دى
    زى ما كان بيسوى هتلر
    طبعا اول حاجة حا تعتر للطلقة بتاعت المسدس , الكروش اكيد
    انا متأكد الطلقة الواحدة حاتقيف من تاتى زول على الأكثر
    لكن فى الحالة دى احتمال ما نلقى زول نوقفه فى اول الصف

    أنا غايتو واقف
    بعد محمد عيد وموسى عيسى
                   |Articles |News |مقالات |بيانات

08-06-2009, 12:32 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    منصور أنا غايتو ما معاكم في الطابور ده...يا نازي
                   |Articles |News |مقالات |بيانات

08-06-2009, 01:02 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الأخ عمر نملة
    لك الود و التحية و التجلة
    لكن النسعلك زي ما قال منصور
    متأكد إنت في هولندا؟؟؟
    و المسادير دي بتجيك كدا و إنت قاعد في هولندا؟؟؟
    كدي أضرب بورييييي هولندي
    عشان نصدقك
    الأخ محمد صديق
    لك التحية
    أتفق معك في كثير مما ذهبت إليه
    لكن أنا واحد من الناس لا أستطيع الوقوف و ملول في الإنتظار
    و كمان أنتظر الناس الغائبة عشان تدخل بعد كم يوم زي جلال؟؟؟؟
    بعدين في ناس ما بتخش طوالي و تقول ليك أنا مستمتع...... زي ناس دهب
    و الحمد لله ياسر نجيلة فارق الكلمة دي
    و الزول الطاشي مع الكفيل (الكفيل داخل Business على مسئولية سامي)
    وإن كان ذلك ليس عذراً مقبولاً
    وزي الرشيد البنوم العصرية .....ويجي يكتب ليك الليل كلو
    و5 مواضيع على الأقل في السهرة الواحدة
    معناها ما ننوم
    دا غير ميسرة كل صباح موضوع جديد
    و محمد عيد قبل ما ينزنق في كباية المك ويعوس في كتاب أبلة نظيرة
    و تعال شوف منصور يكتب سطر هنا ويفط سطر في البوست بتاعو بي غادي
    كل هذه المعطيات
    أنا برضو بسابق في المداخلات عشان ما أطش شبكة
    عشان كدا بتلقاني قلبت الصفحة
    غايتو يحلها الشربكا
    وبعدين مش أدونا باسويرد
    خايفين نلحق موسى عيسى الزعلان لي هس في فقدانو
    عليه أتمنى صادقاً
    كل المتداخلين و المتاوقين
    رجاءاً
    إذا رأيتم أي موضوع يحتاج التعليق لا تترددوا في الكتابة ولو أدى للرجوع لي كم ميل ورا
    إنشاءالله سطرين
    أحبكم يا ناس
    [email protected]

    (عدل بواسطة محمد آدم النور on 08-06-2009, 01:18 PM)

                   |Articles |News |مقالات |بيانات

08-06-2009, 01:06 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    امبارح كنت فى القصيم
    حيث يوجد صلاح على صالح وعاطف القوز
    صلاح على صالح اصبح مزارع بصل وبطاطس لا يشق له غبار
    اما عاطف القوز فمدور فى الناس بلاستيك ساى
    عاطف القوز اعصابه بايظة لأنو المدام جاية يوم الجمعة الجاى
    عشان كده قام عمل عمرة للعربية
    واعتمد على انه لسه شباب (ومكنته) لسه استاندر
    انا قلت ليهو كان تعمل العكس
    يعنى لو قال للناس فى الشارع , لزوا لى العربية دى
    الموضوع عادى
    لكن انت البلزك منو يا سجم الرماد
    خليتو بيضحك لغاية ما ركبت الطيارة
    لكن يا جماعة
    هل فى علاقة بين انتظار عاطف القوز لى زوجته يوم الجمعة الجاى
    والأستمارة بتاعت الريس الوزعها للناس ومافى اى زول ملاها ولا رجعها لى لجنة الفرز
    وكمان ده كله مع تساؤلات الرشيد المشروعة
    بتاعت (الراجل فى البوستة ومرتو فى المحطة الوسطى )
    بيناتهم ثلاثة كيلومتر فى المشى
    لكن هل هم على نفس البعد والمسافة فى الألفة والمحبة والود
    ياسر نجيلة والريس (_فصفصو كلام الرشيد ده ) وادوهو بعدو الفلسفى
    قالوا ليك نحن ناس عاطفيين نعم
    لكننا موصلين غير جيدين للعاطفة
    ضنينين بيها , لكن يا جماعة نحن عندنا شعر بيقول غير كده خالص
    يا ربى ده نوع من انواع (الأنفصام والشيزوفرينيا)
    جلا قال ليكم بنات الشيوخ شاوروهم وخالفوهم
    لكن دايرينو بعد كلام الرشيد والريس وياسر نجيلة بتاع (على النجيلة جلسنا لغاية ما فوتنا الصلاة )
    فى العصرية ديك
    عايزين جلا يربط لينا بين (الأشتات الثلاثة )
    استمارة ميسرة , المرة الفى البوستة وراجلها الفى المحطة الوسطى , والتوصيل
    الجيد وغير الجيد
    للعاطفة والمشاعر والأحاسيس
    اقعدوا عافية وانداحوا زى ما عايزين
    (هسى يقوم يجيكم واحد قاعد فى جدة , مرة بيخش فى كباية ومرة تانية تلقاهو جوة كتاب , اول حرف فى اسمه , محمد عيد )
    بالله الواحد لو عايز يقطع ما نخلوهو , طوالى تفتوهو وتجيبوا آخره
    غايتوا ناس الزقازيق ديل !!!!
    زهير الزناتى, السوق الخيرى كيييييف ؟؟
                   |Articles |News |مقالات |بيانات

08-06-2009, 01:14 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    رشيد يا بابكر يا حبيب
    (يا مسافر و(نازى) هواك ) ؟؟
    ارواحنا وقلوبنا معاك
    الطابور ده اجبارى
    وكمان قال ليك هتلر قال
    الشغلة بتتعمل بى مسدسين
    مش مسدس واحد
    واحد من قدام والتانى من ورا
    يعنى الشغلة ما بقت كرش بس
    اها بتخش وين
    جوة كباية زى محمد عيد ؟؟!!
                   |Articles |News |مقالات |بيانات

08-06-2009, 01:29 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    Quote: ياسر نجيلة والريس (_فصفصو كلام الرشيد ده ) وادوهو بعدو الفلسفى
    قالوا ليك نحن ناس عاطفيين نعم
    لكننا موصلين غير جيدين للعاطفة
    ضنينين بيها , لكن يا جماعة نحن عندنا شعر بيقول غير كده خالص
    يا ربى ده نوع من انواع (الأنفصام والشيزوفرينيا)


    أتفق معكم جميعا فيما تفضلتم به حول العلاقة بين الزوجين أو العلاقات بصورة عامة بيننا
    نحن السودانيين...فهي ثقافة ورثناها و حافظنا عليها بينما تتساقط الكثير من القيم والتي
    كان الأولى المحافظه عليها دونما غيرها ثم نلوم الظروف و التغييرات الاقتصادية على ذلك..
    كان الرسول صلى الله عليه وسلم يقبل زوجاته ويسابق السيده عائشة كما ورد في الأثر...فبمن اقتدينا
    لنصبح هكذا...

    Quote: عايزين جلا يربط لينا بين (الأشتات الثلاثة )


    يلا يا جلا...شتات يا فرده..
                   |Articles |News |مقالات |بيانات

08-06-2009, 01:36 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: الطابور ده اجبارى
    وكمان قال ليك هتلر قال
    الشغلة بتتعمل بى مسدسين
    مش مسدس واحد
    واحد من قدام والتانى من ورا
    يعنى الشغلة ما بقت كرش بس
    اها بتخش وين
    جوة كباية زى محمد عيد ؟؟!!


    يا منص يا حبيب...ما تخليني أنوم و أجيك بعدين برواقة...بطل الحساده العليك دي...

    بعمل لي كركاسة بتاعة حديد يا منص لقيتني كيف...عليك الله وصي لي معاك عاطف القوز ما دام
    الأيام دي قاعد في المنطقة خليهو يشوف لي معاهو حديده بتنفع كركاسة...
                   |Articles |News |مقالات |بيانات

08-06-2009, 04:16 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الإخوة ناس الحوش
    مساء الخير
    يلاحظ أن المثل المزعوم عن بت الشيخ
    المرا شاورها وخالفها ناقص
    وبالإشارة للمداخلات المذكورة في إيجاد الرابط العجيب
    فيجب أن يكون المثل
    المرا شاورها وخالفها وحنسها
    أنا دائماً أحسن الظن ببت الشيخ بتاعتي يا جلال
    فالتحليل سيكون كالآتي
    يا منصور والرشيد و الريس ميسرة و ياسر نجيلة وكل من حب يدخل نخرتو
    المرا شاورها
    ودا لإظهار المشاركة الحياتية
    والتي تتطلب مساهمة الطرفين في تسيير دفة الحياة اليومية
    و التي بلا شك لا تسير إلا في ذاك الإطار
    ثم خالفها
    وهنا مكمن الفرس
    وهو ممارسة حقك الدستوري و اللادستوري
    خاصة و أنك مرغم بملأ الإستمارة بتاعت الريس ميسرة
    يعني تفش غبينتك طالما عليك ملأ الإستمارة
    ولكن من وراء حجاب بالعربي كدا (ما فيس تو فيس)
    ثم حنسها
    الأخوان المصريين دائماً ما يجردوا الأشياء ويقولوها صراحة بحبك وشنو شنو كدا
    نحن لا
    1.عزة النفس
    2. الأدب
    3. الذوق العام
    عشان كدا قلنا حنسها وممكن تشمل الممنوع (حب، شوق، لوعة .....) إلا غنائياً
    يلاحظ من ذلك أن الثلاثة كلمات تمثل أضلاع مثلث متساوي الأضلاع
    كان شاورتها وووووب
    كان خالفتها ووووبيييين
    كان حنستها وووووب عليك
    فهو مثلث برامودا أيها الأحباب
    كان مسكت في أي ضلع أنت هالك لا محال

    المراجع:
    1. مفهوم بت الشيخ ، الكاتب العلامة أبو البنات المسيخ
    2. أدب المرأة السوداني، الكاتب الفقيه أبو شنب الأسمراني

    كدا أكون جاوبتكم من باب الإلتزام
    لا شك إنني أحبكم
                   |Articles |News |مقالات |بيانات

08-06-2009, 04:24 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)


    منصور وجلا .. شغل الكبابى ده خليناهو عشانكم

    رغم انو احسن من شغل القزايز ..!!

    بعد كده بقينا ناس فن تشكيلى ..

    اما الطابور .. فأول الصف هو منصور ذاتو وبعدين نحنا وناس جلا والرشيد

    وجنابو الصديق ماشاء الله طويل ويقدر يفرز درجة دوران كل كرش

    وكل كرش بما فيه ينضح .. !

    $$$$$$$$$$$$$$

    فعلا حكاية انو موضوع يفتح ويقفل قبل ان يأخذ حقه من النقاش حرام

    عشان كده بالله خلونا اولا نخلص موضوع قلة القدرة على التعبير العاطفى

    عندنا وبعدين نقلب لموضوع تانى ..

    يا أخوان .. التربية فى البيت السودانى أصلا قائمة على وضع حواجز مصطنعة

    بين الرجل والمرأة .. وهاكم دلائل على ذلك :

    1- اولا صينية الأكل فى معظم البيوت مزدوجة ( يعنى واحدة للرجال واخرى للحريم )

    2- كل انواع التعليم الأولى منفصلة .

    3- حتى الحفلات والمناسبات الاجتماعية الكراسى بيصفوها فى ناحيتين واحدة للرجال والثانية للنساء

    4- وكمان السيرة من بيت العريس لى بيت العروس تلقى الرجال ماشين قدااام والحريم وراء

    بالدلاليك .

    وهكذا ورغم شحنات المحنة الزائدة فى دواخل كل الرجال تجد ان التعبير عن العواطف الجياشة

    أقسى ما يكون عليهم .

    ســؤال لكل الأعضاء .

    اى واحد فيكم فى شبابه - سواء فى الجامعة او قبلها او بعدها -

    كيف كان تعبيره للجنس اللطيف عندما كان يود طرح مشاعره او اظهار اعجابه ..؟

    ثم قارن ذلك بطريقة اخوانا المصريين مثلا .. او حتى طريقة المعاكسة بيننا

    وبينهم ..

    ختاما اود باختصار ان اؤكد ان هذا السلوك الذى ترون انه فيه امتهان للزوجة

    السودانية من دون ان يقصد الرجل ... انا أرى انه شكل من اشكال الاحترام

    الزائد من الزوجة لزوجها - وان زاد ذلك عن الحد .. وهذا مدعاة للفخر وتأكيد من

    المرأة السودانية على حسن تربيتها وتقديرها للرجل الذى هو رب المنزل

    ودوننا فى ذلك تقدير المرأة المصرية لزوجها والذى ينعكس فى المثل الشهير :

    ظــل راجل ولا ظــل حيطة ..!!

    الحمد لله اللا بقينا لا ظل ولا حيطة ..

    او كما فى الطقطوقة الاكثر شهرة ..

    جوزى وانا حرة فيه .. جوزى أغسل وأكويه ..!!

    كفانا الله شر الغسيل والمكوة !!




    (عدل بواسطة محمد عيد on 08-06-2009, 04:28 PM)
    (عدل بواسطة محمد عيد on 08-06-2009, 07:30 PM)
    (عدل بواسطة محمد عيد on 08-06-2009, 07:40 PM)

                   |Articles |News |مقالات |بيانات

08-06-2009, 08:04 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    ناس الحوش سلام
    محمد عيد
    غايتو كلو يوم طالع لينا بي حاجة جديدة
    خلاص طلعت من كتاب أبلة نظيرة
    خشيت في سبورة راشد دياب
    محن
    موضوع نظرتنا و تعاملنا مع المرأة
    للأسف الشديد ما هو متداول عبر هذه الصفحة
    هو علاقتنا الذكورية مع أنثانا المرأة السودانية
    و كل المداخلات الحالية رجالية فقط
    وللأسف البوست زي كلية التجارة لا توجد وجهة نظر نسائية
    لكن ما علينا
    في عملنا مع المجتمعات المحلية لمحاولة ترسيخ مفهوم النوع(Gender) في التنمية
    و المقصود بالنوع هو دور المرأة و الرجل على حد سواء في العملية التنموية
    فالمقصود ليس الجنس أو التمييز بين الذكور و الإناث
    فوجدنا مثل يقول الآتي
    المرا ثلاثة أنواع
    المرا المرا المن بطن بيتها لي ورا
    المرا النص مرا البتجيب الخبر بالضرا
    المرا الما مرا كل من مشى السوق جاب خبرا
    ثم أضافو
    المرا الأصلو ما مرا المرا المجندرا على وزن (Gender)
    فنحن محتاجين كتير لتغيير بعض المفاهيم
    ثورة بنات الشيخ قادمة فإنتظروا
                   |Articles |News |مقالات |بيانات

08-06-2009, 08:12 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الإخوة الأحباب
    قالو في المثل
    البجاور السعيد بسعد
    إذا كان بتجيك مداخلة عبر بريدك الإلكتروني من شخص مثل أحمد إسماعيل
    فقف أنت سعيد
    Quote: السلام عليكم أيها الكرام وتحية خاصة للأخ العزيز/ يوسف عبد الله خالد والله لينا طووولة
    وألف مرحب بيك حبابك وكيف حالك وأحوالك وعيالك وأخبارك والله مشتاقين ليك كثير
    والله يقويك ياريس للرد في حكاية الرجل السوداني الماشي امام زوجته وكما قال الريس نحن
    عميقيين ومرهفين الإحساس ويظهر ذلك إما في شعر يأسر الألباب او في لحظات تجلي وجلسات
    خاصة تعلمها الزوجة ، لذلك بنقول لبنات الشيخ ماتؤثر فيكم المظاهر العاطفية التي في الشفاه وفي الشوارع وعلى الهواء
    الملاحظ بأن الارنيك الخاص بالرشيد حيكون وصفة مسبكة، بين زقازيقي الهوى والهوية وكما
    قال مثلنا الدارفوري (ابون قدح(السلحفاة) بعرفي محل بعضي أخيو)؛؛؛؛؛؛
    والسلام عليكم
    أحمد إسماعيل(أبو عمر)؛؛

    بعدين يا أحمد إسماعيل الترجمة دي( ابون قدح(السلحفاة)) لي منو طارق جبريل
    ولا سامي و لا دهب
    قالو برضو في المثل ومن غير ذكر أسماء
    دابي كان في خشمو جراداي ولا بيأدي
                   |Articles |News |مقالات |بيانات

08-06-2009, 08:18 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    محمد صديق
    كدا الناس جو في خطك
    والموضوع أظنه جدير بالنقاش
    ميسرة الله يخرب مطنك (حسب تعبير الرشي)
    هذا تاج الدين الخليل بلال يا ياسر نجيلة
    Quote: ناس الحوش سلام
    تحية لأخونا يوسف عبدالله خالد ومشتاقين يا راقل والتحية للود جلا ولمجهوداته لإستقطاب الزازيقاب
    تحية خاصة للاخ منصور عبد الرازق فقد تعرفت عليك خلال هذا البوست بمداخلاتك القيمة اكثر من معرفتي لك بالزقازيق فلك مني التحية والود وبخصوص طابورك النازي دا انا والله شايل هم للاخ موسى عيسى من المسدسين يعني في الحالتين هالك لا محال فانا انصحة بان يحاول استخراج اعفاء باسرع ما يمكن. وارجو منك عدم قبول الإعفاءات
    الريس ميسرة
    موضوع العلاقة الزوجية وقلة القدرة على التعبير العاطفي دي راجعة لتربيتنا نحن السودانيين ، فوالدي ( الله يرحمه ) ووالدتي عاشو حياه زوجية استمرت 40 سنة تقريبا فاخبرتنا الوالده ان طوال هذه الفترة لم تاكل او تشرب امامه،لكن تعال شوف الآن زي ما قلت الواحدة تبدأ تاكل من المطبخ وممكن تدلع عليك وتقول ليك اكلني يا ابو فلان وهناك موقف طريف جدا حكاه لنا احد الأخوه فزوجته كانت بالسودان وكان عندما يتصل عليها بالتلفون ويريد ان يسلم على حماته ويطلب من زوجته ان تعطي التلفون لوالدتها فاول ما تعطيها التلفون وتقول ليها هذا فلان( زوجها) داير يسلم عليكي على طول تغطي راسها بالتوب او اي قطعه جنبها وبعد داك تتكلم معاه.فاظن هذا يدل على قمة الإحترام والتأدب الزائد
    اما الإستمارة فياريس لو في طريقة عدل لينا البند رقم (1) و (2) بلائحة الجزاءات وينوبك ثواب
    الأخ جلا
    تعديل المثل مقبول جدا فكل شيء طبعا لازم يتطور حتى الأمثال بدأت تتطور ويدخل ( بضم الياء) عليها بعض التعديلات بس حنسها دي ما اديتها حقها بالكامل فالتحنيسة حتكون بقدر المخالفة فممكن تكون في حدود كلمة حلوه تعبير جميل مدح ( طبعا اعتذار مافي) وممكن يكون فيها دفع وكده فاعمل حسابك لا تصل مرحلة الدفع

    بختكم أرعوا
                   |Articles |News |مقالات |بيانات

08-06-2009, 09:04 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    Quote: الملاحظ بأن الارنيك الخاص بالرشيد حيكون وصفة مسبكة، بين زقازيقي الهوى والهوية وكما
    قال مثلنا الدارفوري (ابون قدح(السلحفاة) بعرفي محل بعضي أخيو)؛؛؛؛؛؛


    مساكم الله بالخير جلا و أبوعمر..

    يا أبوعمر والله اني أتوجس خيفة من الأورنيك ده...شايفو اتأخر وكلما يتأخر معناها الموضوع
    تحت السبك وهذا ما أخشاه..

    يا أبوعمر والله الحمد لله الذي وفقني و أبوالقدح الى أن نكون أسرة مدرعة كما أبوالقدح...هذا المثل
    في الصميم...فما زلنا والحمدلله نمشي متجاورين كما كنا قبل ما يزيد عن ال20 عاما...نتبادل الاهتمام
    والاحترام...صحيح في مداوسة أزواج...لكني لا أجرؤ على فعل ذلك الا اذا تأكد لي ان في خشمها جرادي...
                   |Articles |News |مقالات |بيانات

08-06-2009, 09:53 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا رشيد , الخوف منك بعييييد
    فنجاة حوفى التى اعرف
    حتى لو فى خشمها جرادة
    (ولا بيأدى )
    ارقد قفا واطمئن
    اما انت يا تاج الدين الخليل بلال
    انا السعيد بقربكم
    وانا الزى يهب العمر
    لأجل فاتنة العيون
    صدقت از قلت ووضحت , ان فى هزا البوست والمنتدى فرصة خرافية
    لأن نعرف بعضنا , اكثر من زى قبل , كن قريبا دائما
    وان تنمر عليك جلا
    (جليهو فورا)
    وبالكثير شاوره , وخالفه, واوعك تحنسه
    واضافة تحنسه دى يا جلا و خلتنى من فريقك تمام
    ايه رايك نقول , بت الشيخ حنسها , حنسها , حنسها
    اى حنسها ثلاثا
    وان ابت
    فشاورها وحنسها
    وان ابت
    ارجع حنسها تانى حتى ترضى
    قيل وان لم ترضى يا منصور يا ود عبد الرازق
    قال الفقير الى الله منصور ود عبد الرازق
    (ان لم ترضى , ارضى انت , واملأ استمارة الريس وانت راضى )
    محمد عيد
    ياخ انت ماشايف بروفايلى ده فاضى , مافيهو اى صورة
    اخوك ما لسه كيشة , ما ترسمنى ياخ
    وبالعدم ممكن تخت صورتى الزمان , الكنت بقيف بوزعها فى مربع كاى
    والجكس يتختفها ختيف
    ما متزكرها ؟؟
    الصورة الكانت حتى مسدسات هتلر ما بتأثر فيها
                   |Articles |News |مقالات |بيانات

09-06-2009, 06:46 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    صباحكم زين
    يا ناس الحوش
    الزول لمن يشوف ليهو درباً كارب
    ومشحون حنان وعواطف
    فالسيل جاييكم و لابد
    و الغرق قريب منكم و لاشك
    يصبح عليكم الأخ عصام جلي ويقول
    Quote: صباح الخير يا اهل الحوش
    مع الذكرة
    اه يالوحيح يما بتفارق دري
    اه من ناس فلانه وجرها النوسربي
    اه يانفسي عاد ما تشبري وتنسربي
    الحظ مابدم يوم غالبة يوم تنقلبي
    ومتي يفارقنا الوحيح بعد الفراق متي تطمأن القلوب
    هذة هي الاسالة التي لايوجد لها جواب
    ماكدي ياريس
    الزقازيق تلك البلد الصقيره في حجمها وكبيرة في حبها وايام محفوره في الزاكره ولاتنسي
    علي العموم فاض الشوق وملا الشطان ولا يهأ الا بالتواصل
    عصام جلي

    بالله يا عصام جلي بعد ما تنتهي من مساديرك الحلوة دي
    عليك الله كان ما ترجمتها
    إنت ما شايف أحمد إسماعيل ترجم أبون قدح للسلحفاة
    لأنو في ناس تاج الدين الخليل بلال
    من الناس غير الناطقين بالعربي
    أو الناطقين بغير العربي
    و الله ينوبك ثواب فيهو

    (عدل بواسطة محمد آدم النور on 09-06-2009, 06:52 AM)

                   |Articles |News |مقالات |بيانات

09-06-2009, 07:22 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    قال : محمد عيد
    Quote: اى واحد فيكم فى شبابه - سواء فى الجامعة او قبلها او بعدها -

    كيف كان تعبيره للجنس اللطيف عندما كان يود طرح مشاعره او اظهار اعجابه ..؟


    كان عاجبانى واحدة من بنات زراعة طويلة وسمحة وكل ما اقابلها فى شارع الشهيد
    مع شلتها امر بجنبهم والمح بالكلام واغنى :

    السيسبانة خــدرة ورويانة ... انا انا

    وامشى خطوتين واتلفت القاهم قاعدين يعلقوا ..... يا ربى بكون فهمتنى ..؟

    ــــــــــــــــــــــ

    التحية للاخوان
    يوسف عبدالله خالد ، تاج الدين بلال ، عصام جلى واحمد اسماعيل وكل اولاد تجارة
                   |Articles |News |مقالات |بيانات

09-06-2009, 07:36 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    إيميلات نبلة الشييش قربت تخش الشبكة يا طارق جبريل
    يا عصام أهدأ وروووووق
    أنا الإستمارة علقت فيها مباشرة
    وقلت رأي فيها وأتمنى لو راجعت المداخلات كلها
    Quote: السلام الاخ ياسر نجيلة والاخ يوسف عبدالله خالد وزوجتة اخلاص لسع في الدمازين
    ياريس الاشمارة دة ميه المية نرجو وضمها موضع التنفيز الفوري وخاصة الا ياسر نجيلة واحمد اسماعيل وموسي عيسي ونشخصي ولكن احمد اسماعيل اكنر واحد سوف يطبق ازن الخروج
    محمد ياجلا ياجلا ياجلا
    وماوريتنا رايك في استمارة الريس وله ماعندك شغلة بيها اما الريس علا الدين عبد السلام ود الشريف مستثني من الاستمارة
    عصام جلي
                   |Articles |News |مقالات |بيانات

09-06-2009, 08:16 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    صباح الخير يا شباب ,,,,,,,,,,,,,,,,,,,

    عندي أمبارح مداخلة عملتها الساعة 5:30مساءً
    ما وقت في عينكم ما لاقيها ،، وين طارت ،، عجيب

    أحب أن اسلم على أخونا يوسف عبدالله والأخ/ تاج الدين
    وكذلك الشباب المتداخلين عصام جلي وأحمد أسماعيل وبطالب
    بمداخلة أخونا موسى عيسى ، ويا محمد عيد براحه علينا شوية
    يعني الحاجات الحلوه دي - فوتوشوب - وكل يوم طالع من زنقة
    الستات ، الرسم الأخير جميل .

    في مداخلة أمس أشرت إلى متابعة المواضيع المطروحة والمستحقه للوقفة
    وضربت مثل بعلاقة الزوجة السوداينة والزوج والمشاعر المدفونه وكذلك
    لو تابعتوا تعبئة نموذج - إستمارة - بنات الشيخ سوف ندرك الميل 37 عن
    قريب .

    حمد لله على السلامة يا أخوي منصور وما شاء الله مداخلاتك عامله زحمة بعد العودة
    نواصل...
                   |Articles |News |مقالات |بيانات

09-06-2009, 08:02 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    صبحكم الله بالسعادة ..
    ورطب ألسنتكم بالشهادة ..
    وحبب فيكم خلقه وسخر لكم عباده ..
    وجعل خير أعماركم آخرها وخير أعمالكم خواتيمها وخير
    أيامكم يوم لقائه ..
                   |Articles |News |مقالات |بيانات

09-06-2009, 10:09 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    في اتصال هاتفي "ماهل" بالزقازيقي الهولندي عمر نملوز –"مسداري البوست"
    خضنا بالامس ليلا - في الكثير من الذكريات الزقازيقية وخاصة تنس الطاولة والاخوان
    حاتم جبارة - وذو اللعب الانيق منصور عبدالرازق - وابراهيم عبدالمجيد وسيد باشا وزهير طب وحامد الحبر
    وكذلك ابناء هندسة الطيب حمدان وقال هناك واحد طويل هادي بكون دائما ماشي مع الطيب حمدان من هندسة بس لم اتذكرة.
    ومررنا بشلة الوست
    وذكرنا الاخوان افراد البوست فردا فردا مرورا بالرجل المهذب الخلوق الكمندان محمد صديق
    وكذلك كمندانات "الهيصة والشغب" محمد جلا وموسي عيسي وعصام جلي وأحمد اسماعيل وبقية العقد الفريد ...
    وجلال عثمان وسامي عبدالوهاب ومحمد الهادي ...
    وكبار الشخصيات بالزقازيق اولهم الريس ميسرة وفنانيها كمال الشادي وعاطف على ومالك الحزين "معهد تجاري"
    وكمان ادينا ولدنا احمد عوض حقه بمهلة ...
    ولم ننس الناس الوسخانة والناس النضيفة والخلوقة زي ولدنا عبدالدائم الذي لعب دورا كبيرا في تعريف معظم الزقازيقاب بالبوست وجمعهم ... ربنا يديهو العافية... وولدنا زهير الزناتي ورضا ابوردا ووووو الكثير
    مكالمة ممتعة انعشت ذكريات 20 سنة ...
    وولدنا عمر مشهور بانه يضحك في كل كلمة يقولها او حركة يؤديها من نفسه ...
    وكثيرا ما بكون زهجان وصاري وشو ...بس مع ذلك يضحك ببساطة... لقلبه الابيض الذي يحمله...
    وعندو بنطلون جنز و "شعر رأس" مشهورين ...
    وهو من المتابعين للبوست من فترة طويلة جدا ... خلف الكواليس ...
    وسوف يطل عبر النفاجات كل ما سنحت له فرصة او جاءه مولود جديد ...
    متمنين ان لايحرمنا من مساديره اللذيذه .... ويتمني ان لايكون قد زعل واحد من الذين ذكرهم في مسادير العتاب الاولي ...
    وانا اري انها مسادير نابعة من حبنا العميق لبعض ... وهو ابلغ من عبر عنه ...


    [email protected]
                   |Articles |News |مقالات |بيانات

09-06-2009, 10:22 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الأخ الرشيد
    الأخ أحمد إسماعيل جاب ليك خبر الكركم من أهلو
    يعني محمد عيد ما يقعد يفتي ليك ساكت
    وبدل ما تأخذ الإستشارة من محمد عيد
    ممكن تقضوا الإجازة مع الأولاد في الهند
    تشكرات كتيرة الأخ أبو عمر
    بس كنت عايز أعرف ترجمة أبون قدح (السلحفاة)
    ولمن الترجمة لمحمد عيد ولا الوليدات الصغار ناس دهب و سامي
    بعدين ما قلت لي أنا خبير شنو
    أجنبي زي بتاعين جلال ولا حاجة تانية
    Quote: الأخ الخبير /محمد آدم النور
    الأخ جلال بالمنطقة الغربية لإستقبال الخبراء الأجانب اليوم في جدة
    هذه رسالة للأخ العزيزي جلال لأنه طلب من محمد عيد وكالة حصرية لبيع الكركم
    اليوم قابلت واحد هندي وسالته عن الكركم اول شيء قال الولايات المتحدة الأمريكية،
    قبل ثلاثة سنة طلبت من الهند أن يدخل الكركم في تسوياتهما التجارية
    بان يكون لأمريكا رسوم على كل فاتورة كركم يستهلكها الهنود في الهند
    وذلك لإستهلاك الهنود للكركم في البهارات والمشروبات والحلويات،
    لذا رفضت الهند الطلب الأمريكي
    و فوائد الكركم هي
    معالجة الزهايمر معالجة الزكام والحلق بأخذ نصف ملعقة كركم في كوب شاي حليب
    معالجة الجروح بوضع الكركم مبلل بالماء على الجرح أيضا يعالج القرحة
    معالجة الأورام العادية بوضع خليط الكركم على منطقة الورم وتلف
    يعتبر الكركم في الهند مضاد حيوي عام ضد كل الأمراض والمضاعفات
    الشمارالأخضر هو الآخر مفيد في معلجة إتطرابات المعدة وأيضا عصير التفاح الأصلي
    بس أوعى من الشمار الآخر
    وفي رعاية الله وحفظه
    أحمد إسماعيل (أبو عمر)
                   |Articles |News |مقالات |بيانات

09-06-2009, 11:09 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الاخ جلا وكل الاخوان السائلين بشغف عن الكركم

    والقاطعين بحورا وبحور بحثا وتنقيبا .. ( باين الناس تعبانة خالص !! )

    قطعت جهيزة قول كل خطيب .. واتى اخونا احمد اسماعيل بما يدعم

    ويساند دعايتى التجارية للمنتج .. بس ما عندكم طريقة الا تشتروا عن طريقى

    فالوكالة الحصرية المسجلة لنا من ايام انديرا غاندى تجعلنا نلعب فى الساحة برانا .ز

    دعونى أقص عليكم طرفة حقيقية وحدثت بالفعل ..

    الشائع لدى كثيرين ان الرجل الخمسينى اذا اراد ان يستعيد شبابه

    فعليه اما الزواج من قتاة عشرينية او استخدام الكركم كمايستعمله الهنود ..

    الشــاهد ان احد اصدقاءنا اراد ان يضرب عصفورين بحجر واحد ..! تخيلوا

    انه ذهب الى الهند وتزوج بهندية فى اوائل العشرينات واحضرها معه الى مستقره

    فى احدى دول الخليج لتطبخ له الاكل الهندى بالكارى والكركم !!

    &&&&&&&&&&&&&&&&&

    منص يا حبيب ولا تزعل لكن صورتك القبل 25 سنة برضو ما جابت دخل

    ودى مش مسدس ... نبلة بتجيبها ..




                   |Articles |News |مقالات |بيانات

09-06-2009, 10:48 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    طلب خاص لرشيد القوم - تصريح العودة إلى المنزل أرونيك رقم (10 )

    سعادة الزوجة الحبيبة... المحترمة
    أتقدم إلي سعادتكم بطلب التكرم بالسماح لي بالعودة إلى المنزل بالسرعة الممكنة
    وذلك يوم الخميس الموافق / / م من الساعة ....... حتى الساعة .........
    للأسباب التالية :-

    - عدم القدرة على البعاد
    - الأولاد
    - الشوق
    - قهوة حبوبتي وما شاكلها من مائدة الطعام

    كما أتعهد لسعادتكم بصفتكم السلطة العليا بالمنزل بأن أحضر إليكم في الوقت المحدد
    مع استعدادي لتحمل كافة العقوبات المنصوص عليها أدناه في حالة تأخري في العودة
    في الوقت المحدد.

    مقدم الطلب
    الرشيد بابكر
    ========================

    خاص بالاستعمال الرسمي ( يعبأ من قبل نجاة حوفي فقط )
    بعد الاطلاع علي طلبك يا رشيد القوم وبعد مراجعة المبررات
    ومراجعة ملف مقدم الطلب قررنا نحن "الزوجة" التالي:

    • يسمح لكم بالعودة الطوعية ولكن لا يمسح لكم بالسفر(العودة للعمل) وذلك للأسباب التالية:
    لكم أن تختاروا أي مبررات مناسبة :-

    - عدم انتهاء مدة العقوبة السارية من البند ( ) في تاريخ / / م
    - لتجاوز مقدم الطلب العدد الأعلى من التصاريح لهذا الشهر.
    - نظراً لرغبتنا للذهاب للسوق مما يستوجب بقاءكم مع الأطفال.
    - نظرا للأناقة الزائدة عن الحد مما يستدعي الشك في سبب تأخر عودتكم.

    التوقيع : نجاة حوفي مع الشكر ,,,

    لائحة العقوبات إختاري بندين فقط

    بند 1 : النوم الانفرادي وبدون عشاء لمدة (2 ) يوم
    بند 2 : الحرمان من المصروف لمدة (30) يوم
    بند 3 : العبوس والتكشير في الصباح و المساء طيلة نهاية الأسبوع
    بند 4 : مصادرة النقال
    بند 5 : منع الدخول أو تصفح سوادانيز أون لاين وخاصة صفحة ناس الزقازيق في أيام العطلات
    بند 6 : الحرمان من مشاهدة جميع القنوات التلفزيونية والسماح بمشاهدة القناة السودانية
    التلفزيون القومي لمدة شهر (حرام عليكم)
    بند 7 : عدم اللعب مع الأولاد أو ملاطفتهم
    بند 8 : عدم العودة للعمل لمدة يومين بدون خصم
    بند 9 : تقطيع وتنظيف شوال بصل وعشرة ربطات ملوخية

    وشكراً لحسن تعاونكم وكريم تفهمكم،،،،


    يا الرشيد خلي روحك رياضية وخليك ديمقراطي على طول عرفنا نوع العقوبة الصادرة
    ضدك بعدين أنا وجلا ح نشوف ح نكون معك ولا ضدك ربك يستر !!!!!!!!!

    (عدل بواسطة ميسرة سيد أحمد on 09-06-2009, 11:12 AM)

                   |Articles |News |مقالات |بيانات

09-06-2009, 11:33 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    السلام عليكم
    أيها البشر
    طبعاً عندنا من الأمثال السودانية ما يغنيك من البحث عن المعنى المقصود
    مثلاً
    الفيك بدربوا
    سمح القول في خشم سيدو
    الإعتراف بالذنب فضيلة
    عينك في الفيل تطعن في ضلو
    عليه أي تشابهه في هذه الأمثال مع مداخلة تاج الدين
    ما عندها أي علاقة مع بعض
    Quote: ناس الحوش سلام
    سلام ومودة واحترام لأخونا عبد الدائم
    وبقول ليك اكيد السيسبانة فهمت التلميح وتكون انبسطت جدا
    واتبوبرت قدام صاحباتها لانك كنت مكسر كل بنات الزقازيق والمدن المجاورة
    فيا محمد عيد نفهم ان عبد الدائم كان بعير بالتلميح
    كده تعالوا وشوفو جلا
    طبعا جلا كان بحب ليهو واحده (قبل فترة الجامعة) وهي من الناطقات بغيرها وكان مكسر فيها شديد لكن ما قادر يصرح ليها بمشاعرة ( رجافة) فقام استعان بكل اصدقاءه ومعارفو واصدقاءه وذوي الخبرات (طبعا ما كان بعرف عبد الدائم في الوقت داك) والكل نصحه بان يصرح لها
    وفي يوم الود قشر وتهندم تمام ورتب افكاره والكلام اللي حيقولو وانتظها في كورنة الشارع ولما ظهرت من بعيد يالله هاك يا رجفة وعرق وعندما وصلت جنبو سلم عليها ( بالإشارة طبعا) وهي ردت ايضا بالإشارها وبعدها كل الكلام الكان حافظو طار منو
    فقام اتوكل على الله وقال ليها :- والله انا لمن اشوفك قلبي بعمل حاجات كيييف كيف
    واظنها هي ذااااتها مكسرة فيهو فردت عليهو وقالت ليهو :- والله انا ذاتي لمن اسوفك (اشوفك) هاجه (حاجة) دا بجيني ( بفتح الباء وكسر الجيم )
    شوفو الفرق يا جماعة في طرح المشاعربين اسلوب عبد الدائم واسلوب جلا واحكموا
    عبد الدائم استخدم الإسلوب الغير مباشر مستعينا بالتلميح اما جلا فارادها مباشرة
    يا محمد صديق تعرف الود جلا والريس ميسرة ديل حيجيبو لينا الهوا مع بنات الشيوخ ( واقصد بالهوا هنا الكتاحة) جلا اشوفو بدعم خطهن مرة يقول لينا اخو بت الشيخ ومره يعدل لينا في امثالنا وموروثاتنا – شاورها خالفوها وحنسوها- وكمان بدعوهن الى الثورة اما الريس ميسره طلع لينا استمارة رهيبة وبها شروط وجزاءات صعبه خلاص
    تاج الدين الخليل
                   |Articles |News |مقالات |بيانات

09-06-2009, 11:50 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    يا تجتوج ( تاج الدين )
    فى واحد اخونا ومعانا فى المنبر ده كان مكسر ليهو فى واحدة
    بتقرأ (( مديسن )) وما قادر يوصل ليها احساسو بالاضافة لما
    الواحد يكون فى كلية ادبية تلقاهو بتحسس يمشى لبنات مديسن
    وما جاورهم
    اها زولنا ده يقيف بالساعات ينتظرا عشان يشوفا فى يوم قرر
    يصارحها ، وقف وانتظرها فى ناصية المغتربات ، اول ما جأت لافة
    قال ليها ( على العموم فرصة ســعيدة )
    البت اتهجمت وقالت ليهو سمع اضانى ( بث ده شنو العوير ده )


    ياربى الزول ده حيجى بعد كلامى ده
                   |Articles |News |مقالات |بيانات

09-06-2009, 11:39 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    Quote: معالجة الزهايمر معالجة الزكام والحلق بأخذ نصف ملعقة كركم في كوب شاي حليب
    معالجة الجروح بوضع الكركم مبلل بالماء على الجرح أيضا يعالج القرحة
    معالجة الأورام العادية بوضع خليط الكركم على منطقة الورم وتلف
    يعتبر الكركم في الهند مضاد حيوي عام ضد كل الأمراض والمضاعفات


    يا جماعة الخبير أحمد إسماعيل جاب لينا التايهه
    في موضوع الكركم بس في بند سقط منه سهواً ويا ريت
    لو أفتى لينا فيهم أو يتدخل محمد عيد ويسأل لينا
    الهندية عن إستعمال بعض بنات الشيخ عن وضع الكركم
    على الجسم - خاصة الرجلين- لاحظة ذلك في الزقازيق
    بأن إحدى زميلاتنا تضع شئ غريب يميل إلى الإصفرار على
    رجولها وكان ملفت إلى النظر وقد علمت لاحقاً بأنه كركم
    نرجو الإجابة لتعم الفائدة يعني القصة ما زهامير وبس

    ممكن يا منصور نساعد أختنا نجاة في مسالة العقوبة
    ونسهل لها الأمر يكمن ما يهون عليها رشيد القوم ونختار
    بالإنابة عنها البند رقم (6) والبند رقم (9)
                   |Articles |News |مقالات |بيانات

09-06-2009, 11:56 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    Quote: يا الرشيد خلي روحك رياضية وخليك ديمقراطي على طول عرفنا نوع العقوبة الصادرة
    ضدك بعدين أنا وجلا ح نشوف ح نكون معك ولا ضدك ربك يستر !!!!!!!!!


    يا ريس يديك العافية...الفورم ده يا ريس في مصلحتي تماما...لأني اذا ما التزمت كأني بعاقب في
    نفسي...على أي حال سنوافيكم بالمستجدات...

    محمد عيد وينك مسجل غياب ياخي...و بعدين صورة منصور دي لابس فيها جيلي لونه رمادي...ولا أنا
    عيني كعبة زي ما بيقول حبيبنا أبو عبيدة عبدالله بشير يا منصور...بس النضارة دي أنا ما بتذكره
    يعني التاريخ ده غير صحيح...
                   |Articles |News |مقالات |بيانات

09-06-2009, 12:29 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: ممكن يا منصور نساعد أختنا نجاة في مسالة العقوبة
    ونسهل لها الأمر يكمن ما يهون عليها رشيد القوم ونختار
    بالإنابة عنها البند رقم (6) والبند رقم (9)


    يا ريس اخترت لي أصعب بندين...انت كاس القارات بيبدأ يوم 14 وما بيجي الا على ART يعني
    لو عفيتني من تلفزيون السودان دي يكون جزاك الله خير ياخي...
    بعدين ممكن أقطع سلطة بدل شوال البصل و الملوخية دي...علي أي حال أنا زي ما قلت ليك
    ان شاء الله ما تحصل عقوبات...عشان أنا يوم الخميس الأولاد بيحذروني من يوم الأربعاء...ولدي
    مهند متلقي حجج..مره قال لي يا بابا تعرف لو ما جيت في الmorning قصده قبل غروب الشمس
    أنا ما حأمشي المدرسة تاني...و لو اتأخرت كمان حأشيل شنطتي أمشي أقعد مع ناس صاحبي أحمد..
    عليك الله مش متلقي حجج...عشان كده أنا يوم الخميس بتحرك من الشغل من الساعة 2 ونص كده عشان
    أصل في الmorning ...
                   |Articles |News |مقالات |بيانات

09-06-2009, 01:04 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا زول ما بنفع معانا المورننغ بتاع بتاع مهند
    ولا الأيفننغ بتاع (امنية )
    نحن بيهمنا فى الموضوع (الآفترنون بتاع بت الشيخ , والنايت بتاع الرشيد ذاتو )
    عشان كده تحضر تلفزيون السودان اجبارى
    وكمان يجيبوا ليك اعادة لبرنامج ساحات الفداء
    والبصل تقشروا تقشروا
    لكن كدى خلينا يالرشيد نقلب على الريس ده شوية
    انت الأستمارات دى كاتبة براك
    ولا (بت الشيخ حقتك ) اختنا وزميلتنا منى يونس ليها دخل فى الموضوع
    تقول ليك يا زول , استمارتك دى
    برة المقرر
    نحن حا نكلم العميد
    ونطلع مظاهرات
    تاج الدين الخليل ده
    سجلوهو عدييييل يا جلا
    الزول ده باين عليهو كان حريف زمان
    ويا ديدو , والله تانى تشاغل بنات زراعة
    الا اكلم ليك (بطة ) يعمل ليك حظر , من شارع فاروق تانى ما تقدر تطلع
    لكوز دى , تانى الا تجيها فى الأعياد بس
    يا حليلو ابوعبيدة يا رشيد
    تتذكر واحد طويل كده كان مرة جانا زيارة فى الزقازيق
    اسمه تقريبا صلاح حسين ولا حاجة قريبة من الأسم ده
    شقتوا ليك قبل يومين فى قناة النيل الأزرق
    فى برنامج (للنساء والرجال)
    من اليوم داك بحاول اتذكر انا الزول ده بعرفو من وين ؟؟
    يا دوب هسى وقع لى
    تتذكروا , كان بيقول على البنات السمحات (العذاب )
                   |Articles |News |مقالات |بيانات

09-06-2009, 01:13 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    الله عليم يا محمد عيد
    ايوة كدة
    عملتنى تلاتة وبى نضارات كمان
    لو فى طريقة تكلم بكرى يخت الصورة دى فى واجهة المنتدى
    يبقى كملت الباقى
    قول ليهو الأعلان بتاع الهجرة واللوترى لأمريكا ده خلاص
    زمنه ولى وراح
    خليهو يخت صورتى (الخايف عليها )
    وانا حا اعمل نفسى ما شايف
    وما حا احاسبه على الحقوق الأدبية
    الا بعد سنتين تلاثة
    على فكرة
    انت قريت تجارة بعد الضهر ولا شنو
    الفوتوشوب ده فى زراعة اصلو ما ادونا ليهو
    اقعد عافية يا حبيب
                   |Articles |News |مقالات |بيانات

09-06-2009, 01:40 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    يا منص دايما مأخر لي نومة العصر بتاعتي ياخي...الزول الطويل ده اسمه عصام حسين من أولاد
    مدني وكان في الفريق القومي للكرة الطائرة...عصام تخرج من كلية الحقوق جامعة الاسكندرية
    وكان جانا في حفلة التخرج...
    شفت الحلقة بتاعت النساء والرجال وشن فبها هجوم رهيب على النساء...أنا قلت يا ربي ده عصام
    حسين ولا عمر النقي...عذب ليك العذاب...

    أبوعبيدة كان معانا هنا في مدينة العين والآن بالسودان منذ أكثر من أربعه سنوات...مرة اتصلت
    بيهو بعد غيبة طويلة...آلو أبوعبيده السلام عليكم...وعليكم السلام منو معاي...ما عرفتني يا راجل
    حرام عليك...و الله ما عرفتك...ما عرفتني كلو كلو يا راجل يا ما عندك عشرة...ياخي ما عرفتك بزهج
    ياخي معقول تنسى الصوت ده...زهج ليك مني للآخر...ياخي ما عرفت صوتك...أعرف صوتك ليه انت أم كلثوم

    أنت عارف أنا و أبوعبيدة تبادلنا الرسائل لفترة طويلة كان هو وقتها بالامارات وكنت أنا بالسودان
    و الله هذا الرجل يكتب مثلما كان يكتب العقاد لمي زياده...اسلوب عجيب وخط جميل أيضا..
                   |Articles |News |مقالات |بيانات

09-06-2009, 03:15 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: يا ريس اخترت لي أصعب بندين...انت كاس القارات بيبدأ يوم 14 وما بيجي الا على ART يعني
    لو عفيتني من تلفزيون السودان دي يكون جزاك الله خير ياخي...
    بعدين ممكن أقطع سلطة بدل شوال البصل و الملوخية دي


    عارف يا رشيد القوم أنحنا أهم حاجة عندنا البندين ديل
    مهمين علشان ما تلعب بديلك ونضيع عليك كأس العالم ، وبعدين
    قطيع البصل ده مش أحسن من غسيل العده ، المهم إنت شوف الحكم
    وبعدين أرفع لينا للتخفيف ، والله خايف نزيد ليك العقوبة والولد
    جلا ده أنا ما بضمنه لو تذكروا الطبيب المصري في السعودية محكوم
    عليه بالسجن المؤبد راح عمل إستئناف حكمت عليهو محكمة الإستئناف
    بالإعدام، أه رأيك شنو.

    Quote: لكن كدى خلينا يالرشيد نقلب على الريس ده شوية
    انت الأستمارات دى كاتبة براك
    ولا (بت الشيخ حقتك ) اختنا وزميلتنا منى يونس ليها دخل فى الموضوع
    تقول ليك يا زول , استمارتك دى
    برة المقرر


    شوف يا منصور الأستاذه منى يونس اليومين دي الشبكة
    طاشه منها شديد لأن النيت في البيت ما رجع وليهو شهر
    ونصف معطل وإشتكينا لطوب الأرض برضوا ما نفع ، علشان
    كدي اليومين دي مسطحة ، ومركزه مع الأولاد وآخر مذاكره
    يبقى الإستمارة دي داخل المقرر ،،، بس أنا عايزك تعبئ
    الإستمارة بتاعتك وكمان أحمد إسماعيل وجلال عثمان ، خلاص
    علشان خاطرك ديدو يدخل الموضوع ويخلي معاكسة البنات السمحات
    ديل ويعبئ ليه أجدع إستمارة.
    ===========================

    الموضوع : تقديم طلب

    طلب تصريح خروج من المنزل رقم( 1000) مكرر

    سعادة الزوجة الحبيبة... المحترمة
    أتقدم إلي سعادتكم بطلب التكرم بالسماح لي بالخروج من المنزل
    يوم الخميس الموافق 11/ 6 /2009 م من الساعة 6 صباحاً حتى الساعة 6 صباحاً
    وذلك للأسباب التالية
    1. تغيير جو
    2. مشاهدة الأسواق منفرد ولو مره
    3. سحب كامل الراتب للفرجة قبل بداية الصرف وإيداعه مره أخرى

    كما أتعهد لسعادتكم بصفتكم السلطة العليا بالمنزل بأن أعود في الوقت المحدد لانتهاء التصريح مع استعدادي لتحمل كافة العقوبات المنصوص عليها أدناه في حالة تأخري في الحضور في الوقت المحدد.
    مقدم الطلب
    الزوج: ميسرة بن سيد أحمد بن إبراهيم
    التوقيع: أبصم بالعشرة

    ملحوظة أسباب الخروج إذا كانت غير مقنعة أنا مستعد لأي عقوبة حتى لو كان ما منصوص عليها في بند العقوبات حتى لو كان غسيل العدة – أصل البنية مشكاة ميسرة دائماً تغني لي ( بابا يغسل العدة وعلى طول أقوم أغسل لي صحن أو كاسة شاي وهي تسخن الأغنية ونقوم كلنا نغني معاها بابا يغسل العدة .

    (عدل بواسطة ميسرة سيد أحمد on 09-06-2009, 03:24 PM)

                   |Articles |News |مقالات |بيانات

09-06-2009, 03:05 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    مداخلة ســريعة مهداة للناطق الرسمى باسم منظمة بنات الشيخ

    جلا .. جلا







    جلا .. الله يورينى فيك يوم زى ده !!
                   |Articles |News |مقالات |بيانات

09-06-2009, 03:28 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    Quote: جلا .. الله يورينى فيك يوم زى ده !!


    ده شنو ؟؟؟؟؟؟

    أه عاد نبقى لجنس ده

    برضو تقول شنو وتقول منو

    قال إيه ،، بت الشيخ شاوره وخالفه

    بعد الجن الكلي الفوق ده

    نقول بت الشيخ شاوره وما تخالفه

    الله يستر ،،، الطاشات أكتر من الدايات
                   |Articles |News |مقالات |بيانات

09-06-2009, 09:16 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    محمد عيد...في مكالمة تلفونية مع قدورة طلب مني أن أبلغك أنه بصدد أرشفة مجلةالسندس
    فلو عنك أي نسخة محتفظ بها فهو يرجو أن تنشرها أو ارسالها له عبر الايميل...
    طبعا من المتابعين ومستمتعين...قلت ليهو ما عهدناك سلبيايا قدورة لابد من المشاركة وبقوة
    الرجل مشغول شديد وله العذر..ولكنه وعد بالمشاركة ووعدني بارسال صور عبر الايميل لننشرها لنا وله..

    الدعوة من هنا أيضا لكل المتابعين ومستمتعين...أدخلوا من نفاج تريدون و بأي اقتديتم اهتديتم
    كل يؤدي الينا و اليكم...

    لهؤلاء نصرخ عاليا مطالبين بعودتهم...
    عثمان الجيلي...في زول هناك قولة سلام تبقالو روح...
    سناء الصباغ...كلمني حاول حس بـي** عاتـبني أرمي اللوم علي
    كلمني والكائن يكون....
    صفية مساعد..غيابك طال...
    جمال السنوسي...ليه تسيبنا يا حبيبنا...
    تبلدينا...ما بننساك..انت انت بتتنسي...
                   |Articles |News |مقالات |بيانات

09-06-2009, 09:53 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    خليني أكسر ليكم الروتين وأرجع ليكم الشعر شوية للبوست...زي البرامج التلفزيونية بيستضيفوا
    فنان وفي نهاية كل دورة نقاش يسألوهو انت يا أستاذ فلان رأيك شنو في الموضوع...بعدين يقول ليهو
    قبل ما تقولينا رأيك حقو تغني لينا شوية و بعدين نسمع رأيك...يقوم الاستاذ يغني وبعدين مقدم البرنامج ما يرجع ليهو...فحسه أنا حأقدم ليكم ثصيدة حليوة بتاعت القدال وبعدين ما ترجعوا لي..

    حليوة الشاعر محمد طه القدال
    "شليل"
    ----------------------
    بقول غنوات .. بقول غنوات
    فى البلد البسير جنياتها لقدام ..
    وفى الولد البسل ضرعاتو فى العرضة ويطير فى الدارة صقرية ..
    ولو السمحة تلت إيد و مدت جيد تقوم شايلاه هاشمية
    يشيل شبال ختة ريد .. وفرحة عيد .. و غيمة روح .. وحمرة عين و ايدية
    وفى الولد البشيل مدقاقو قولة خير على القمرة
    يقابل الجاية متحزم ويقابل الجاية متلزم
    سلام فاسك على أرضك يبقى عديلة يا بيضاء
    ويبقى زفاف غنت ليه قمرية
    قبال حول تغيم غيمة قبلية
    ترش الدارة و الحدبة الصعيد الحلة
    يا مرحب حباب الصفقة فى النسمة الصعيدية
    يا هجرة نهار الليل
    لما الليلة بدرية
    فحيح جنياتنا فى الحدبة الصعيد الحلة
    يا قمحاتنا هو لبلب
    يا تمراتنا هو لبلب
    و يا اللوز الفتق فى الوادى هو لبلب
    ويا سمحاتنا يا قمحاتنا هو لبلب ..
    ويا البحر الطمح مدادى هو لبلب
    ويا حجواتنا يا دعواتنا هو لبلب
    سألتك بالذى ركز الأرض معبد وسوى الناس عليها مقام
    سألتك بى حجى الأمات ودعواتنا
    سألتك بى قميراتن و دمعاتنا
    شليل وين راح ..
    يكون خير الخريف فاتنا
    وزى برق السماك الجاية دغشية
    وزى زغرودة للبطن الكبارية
    مرق من شامة القمرة
    ومجرتق بوداعة الله
    ومقدم بالعديل يبراك
    أبشروا تعالوا ياجنيات
    شليل ما راح .. شليل ما فات
    شليل عند المسور مرق بقالو حصاد
    شليل فوق التقانت قام خضار و بلاد
    شليل مشوار.. شليل مسدار
    شليلنا أرضنا يا جنيات
    شليل ما راح .. شليل ما فات
    حرازنا شليل .. شليلنا دليب
    شليلنا دليل على البلدات بعد درب التبلدية
    شليل ما راح .. شليل ما فات
    شليل قايم نصايص الليل يتمتم ليلو وردية
    مزارع بات على عشقين تراب بلدو
    وسماح فوق بت مزارعية
                   |Articles |News |مقالات |بيانات

10-06-2009, 05:51 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صبحكم الله بالخير والسعادة

    عن أم سلمة رضي الله عنها :(أن رسول الله صلى الله عليه وسلم كان إذا أصبح قال: اللهم إني أسألك علماً نافعاً، ورزقاً طيباً، وعملاً متقبلاً)(رواه ابن ماجه، وصححه الألباني).

    (عدل بواسطة الرشيد بابكر on 10-06-2009, 06:54 AM)

                   |Articles |News |مقالات |بيانات

10-06-2009, 06:58 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صباح الخير يا وجوه الخير
    ما زالت أحداث أمس - كراكتير - عالقة
    بذهني كيف لو أصبح الأمر حقيقي ، خوفتنا
    يا محمد عيد ,,,,,,

    المايكرفون عند أخونا جلا ، في الإنتظار
                   |Articles |News |مقالات |بيانات

10-06-2009, 07:00 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صباح الخير يا شعب الزقازيق
    حكمة الصباح قبل الدخول في أي حاجة
    توجه أحدهم إلى حكيم ليسأله عن شىء يحيره
    فسمعه ً يقول : "عن ماذا تريد أن تسأل؟"
    قلت :"ما هو أكثر شيء مدهش في البشر؟"
    فأجابني :"البشر!
    يملّون من الطفولة ، يسارعون ليكبروا ، ثم يتوقون ليعودوا أطفالاً ثانيةً"
    " يضيّعون صحتهم ليجمعوا المال ،ثم يصرفون المال ليستعيدوا الصحة"
    " يفكرون بالمستقبل بقلق ، وينسَون الحاضر، فلا يعيشون الحاضر ولا المستقبل"
    " يعيشون كما لو أنهم لن يموتوا أبداً ، و يموتون كما لو أنهم لم يعيشوا أبداً"
    مرّت لحظات صمت ....
    ثم سألت :"ما هي دروس الحياة التي على البشر أن يتعلّموها؟"
    فأجابني:
    "ليتعلّموا أنهم لا يستطيعون جَعل أحدٍٍ يحبهم،كل ما يستطيعون فعله هو جَعل أنفسهم محبوبين"
    "ليتعلموا ألاّ يقارنوا أنفسهم مع الآخرين "
    "ليتعلموا التسامح ويجرّبوا الـــعفو "
    " ليتعلموا أنهم قد يسبّبون جروحاً عميقةً لمن يحبون في بضع دقائق فقط، لكن قد يحتاجون لمداواتهم سنوات ٍطويلة "
    " ليتعلموا أن الإنسان الأغنى ليس من يملك الأكثر، بل هو من يحتاج الأقل"
    " ليتعلموا أن هناك أشخاص يحبونهم جداً ولكنهم لم يتعلموا كيف يظهروا أو يعبروا عن شعورهم"
    " ليتعلموا أن شخصين يمكن أن ينظرا إلى نفس الشيء و يَرَيَانِه بشكلٍ مختلف"
    "ليتعلموا أنه لا يكفي أن يسامح أحدهم الآخر، لكن عليهم أن يسامحوا أنفسهم أيضاً"
    قلتُ : "شكراً لك،
    نسأل الله الهداية و الهدى و التوفيق للخير والصالح دائما
    اللهم أمين
                   |Articles |News |مقالات |بيانات

10-06-2009, 07:12 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    التحية للأخ محمد عيد
    ميسرة
    منصور
    الرشيد
    وبعدين سهركم عينة يا شباب ونومة العصرية بتاعت الرشيد حا تقلب الصفحة سريع
    لقد عملت قائمة سابقاً للشباب الذين عليهم ملأ الإستمارة
    و أنا آخر شخص
    عشان كدا يا محمد عيد
    كل الناس المذكورين سابقاً حالتهم تعبر عن الكاركتير بتاعك الثالث
    أما أنا فقد أكون في الكاركتير الثاني
    يعني المرحلة الأخيرة لسع ما وصلتها
    لكن يمكن أن يتحرى الأخ أسامة أبتر
    عن أي الشكلين الثاني و الثالث يضم أحبتي في الزقازيق
    يا جماعة
    د. شبيكة في الكاركتير دا
    محبتي
                   |Articles |News |مقالات |بيانات

10-06-2009, 07:17 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    أولاً إعتذاري لعدم فتحي الإيميل يوم أمس
    فعليه أكرر أسف للمداخلات و التي وجدتها صباح اليوم
    فيا أبو عمر عذرا ً حبيبي
    في وجود بت الشيخ لا يمكن فتح الإيميل
    و المشاوير بتاعت أمبارح بالإضافة إلى ...هناي ...... و هناي
    أرجو المعذرة
    المهم أخونا أحمد إسماعيل في الخط
    Quote: سلام ياعزاز
    الأخ محمد آدم جلا
    بالنسبة للسؤال الأول الخاص بترجمة ابون قدح (السلحفاة)لأن المثل باللهجة الدارفوراوية
    إفتكرت كثير من ناس الوسط والشمال لايعرفونها وخاصة ناس بحري وكريمة وحلفا ويمكن
    كل السودان بما فيهم جلا إذا اتينا بالأمثال التالي وأرجو عدم الإستعانة بصديق وخاصة تاج الدين
    ــ أم جركم مابتأكل خريفين
    ــ أم سلمبويتي ولا كدكاي زول
    ــ شجرة كن هوززت يا هبوباي يا أبلاي
    ــ جرادة في سروال ولابعضي الا قعادو ولا حلو
    أما السؤال الخاص بأنك خبير تكفل الأخ موسى عيسى بأن يرد عليك
    أحمد إسماعيل ( أبو عمر)؛

    أضيف ليك يا أحمد إسماعيل
    راس قلقالاي لي وليد مسكين بملا بيت أمو شرموط
    الدنيا دبنقا دردقي بشيش
    أم جقلو ولا مشي أُرجا
                   |Articles |News |مقالات |بيانات

10-06-2009, 07:22 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الأخ تاج الدين
    أتاري أقول نحن الضيعنا شنو في المباريات الخارجية
    خلاص يا هيثم مصطفى
    طيب تعال نعمل معاك لقاء تلفزيوني
    Quote: هلا يا جلا طبعا استغلالا للعلاقة البينا اعتبرنا نفاجكم هو بوابتنا للتواصل مع اهل الحوش واي تنمر منك او اي عنكبة منصور عبد الرازق وصاني انو اجليك لكن بيني وبينك ما حاقدر اجليك ليش ما عارف
    ديدو
    حلوة تجتوج دي عجبتني وبت (مديسن) بالغت عديل كده، تعرف كلما زادت درجة الجهجهة والرجفة هذا يعني انو الراجل مكسر بالجد كما اخبرني الناطق الرسمي بإسم منظمة بتات الشيخ على رأي محمد عيد
    الرشيد بابكر
    كيف حالك يا اخوي ، شايف الريس ميسرة فصل ليك الإستمارة وكمان فصل ليك العقوبة وعارفك رجل رياضي وبتحب الكورة فداير يحرمك من كاس القارات فنصيحتي لك ابعد جلا من الموضوع فدا ولد (عكليتة) لو اتلحك اكيد ما حتستمتع بكاس القارات فأنسب حل عبئ الإستمارة والتزم بكل الشروط وتفادى الكتاحة
    محمد صديق
    وينك يا كمنداق يا حريف
    تعرف يا كمندان لعبت معك مباراة بمنتخب الزقازيق وكنت انت الكابتن بتاعنا ما زالت هذه المباراة خالدة بالذاكرة وكانت ضد منتخب الأسكندرية وكانوا ناس لعابين جدا جدا معظمهم من لعيبة الدرجات بالخرطوم والبفوز في هذه المباراه بلعب النهائي مع ناس القاهرة
    ، ناس الأسكندرية احرزوا فينا القون الأول والمبارة كانت جميلة جدا من الطرفين وفي آخر ربع ساعة احتسب الحكم فاول لصالحنا على راس خط 18 في المرمي الغربي على الناحية الجنوبية واتفقنا على ان امرر لك الكورة لنبعدها قليلا من الحائط وانت تنفذ وبعد ان اوقف الحكم الحائط واعطى إشارة اللعب أفجأ بك تنفذ الكرة مباشرة في المرمى وفي نفس زاوية الحيط وارضية وتستقر في المرمى هدف تعادل وقد كانت فرحتنا به لا توصف فقد خدعت الجميع حتى انا، هذا الجانب المفرح في الموضوع

    أما الجانب المحزن انتهت المباراه بالتعادل واحتكمنا لضربات الجزاء الترجيحية ، وفورا اخبرت محمد صديق بان لا يختارني لتنفيذ اي ضربة رغم انني اديت المباراه بمستوى رائع وكنت من نجوم المباراه وبينما انا جالس في وسط مجموعة من المشجعين إذا بمحمد صديق يناديني لتنفيذ الضربة طبعا احتجيت واتجرست واتوكلت ونفذت وجات على مقص القائم العلوي على يسار الحارس وتطلع بره وتضيع الضربه واصاب بحالة من الحزن الشديد والألم لتضييع مجهود الشباب واطلع من الملعب قبل انتهاء الضربات علمت بع ذلك بان منتخبنا خسر المباراة 4-5 وتأهل منتخب الأسكندرية
    اعتكفت بالشقة يومين من الحزن وقد زارني الكابتن الرائع محمد صديق وهرشني بروح القائد والأخ والصديق وان هذه حال كرة القدم ومعليش ولا يهمك و....... الخ وعدى الموضوع
                   |Articles |News |مقالات |بيانات

10-06-2009, 07:26 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    و الله بالطريقة دي
    شوفو لي للزول 2 باس ويرد (حسب كلام ناس كسلا يا محمد صديق)
    Quote: سلام الله عليكم
    الريس ميسرة والأخوة أصحاب الحوش بما نحن فقط متاوقين
    نرجو عدم إلزامنا بالسياسات الحوشية المتبعة لاننا غيرقانونيين
    بل فينا من دخل باستئذان ومنا من جاكم ناطي ومرت سليمة هذه
    المرة ماعارفين المرة الجاية تكون كيف مع علمنا بان هذا الحوش فيه
    حراسة مشددة شيء بوليس ومحاميين وآخرون مايدوك فرقة
    لذلك حكاية إستمارة بت الشيخ دي نحن معفين منها
    قالوا في واحدة خايفة على ود الشيخ حقها من موضوع نجاة السألت فيه الرشيد وما إقتنعت من رده.
    هذه الواحدة إستخدمت كل الدهاء والحيل وإستلمت ودالشيخ حقهاتماما توجهه زي ماعايزة وفي يوم من
    الأيام زاره زميله حمش شويه وشاف عمايل بت الشيخ فيه وماعجبته حال صديقه فبدأ يحرشه أنت رجل البيت المرة دي تسوي فيك كدة وقدامي كمان لازم تثبت ليها انت راجل البيت صاحبنا ود
    الشيخ إتنفخ ورجع البيت ضاربا الباب بعنف ، بت الشيخ قالت بنهرة ده منو صاحبنا إنكمش من نفخته
    وقال بصوت مهزوز انا بت الشيخ قالت ليه شنو شايفة لحمك زاد من فروتك
    إدخل بسرعة وأقعد في الراكوبة ود الشيخ دخل الراكوبة وقاعد ينقنق بنته قالت أمي شوفي أبوي قاعد
    ينقنق ود الشيخ قال هسع انا بتين نقنقتى ؛؛؛؛؛؛؛؛؛؛؛؛؛؛؛؛؛
    الله ينجيكم من جنس ده

    و الله ينجينا إنشا ءالله لكن الناس دي غرقت زمان يا أبو عمر
                   |Articles |News |مقالات |بيانات

10-06-2009, 07:49 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    سلامات يا ناس


    التربية القديمة قايمة على الاحترام المطلق للرجل..لايمكن ان

    تضع المرأة نفسها مع الرجل فى خانة واحدة ....

    --- لاتأكل معه { فى المأثورات ..بتشيل بركتو ...وهى قطعآ

    حتكون خايفة يكون راجلا منزوع البركة !!!}

    --- لا تسير معه جنبآ الى جنب { دائمآ خلفه } لانو هو الضرا

    والفاصل بينو وبينا طول حصان زى ما بيقول العساكر ومرات

    اكتر من حصان...

    ---لاترفع صوتها فوق صوته { ودى من آداب الاسلام }

    ---لاتناديه باسمه وانما تكنيه...والكنية مفضلة فى الاسلام

    الاشياء دى لو الناس رجعت بيها لورا حتلفاها نتاج لتربية

    محافظة مستمدة من الاسلام ....وتربية صوفية ...وقد يكون فيها

    شىء من التزيد....

    يا عيد البتقول عليها حواجز مصطنعة ما هى الا اشياء طبيعية

    تعبر عن مدى الاحترام الذى تكنه المرأة للرجل ...

    --مسألة عدم التعبير عن العواطف...هو نوع من الحياء الحقيقى

    والحياء شعبة من شعب الايمان...والصوفية يلمحون ولا يصرحون...

    حبوبتى فاطنة بت الطالب ...عليها رحمة الله...كانت لاتخفى سخطها

    على مذيعة تدير حوارآ مع الرجال ...وتستغرب كيف هذه الفتاة

    قاهر وعينا حمرا...{ الرشيد يهمنى معرفة رد فعل حبوبتك على

    حوار كهذا }

    تخريمة......اليوم الدايرنو لى جلا فى مسألة ازواج المستقيل

    الامنية جات متأخرة لانو جلا عايش المرحلة المستقبلية دى من زمن

    ليس بالقصير...والا خلى يقول ليه اعتذر من برنامجين فى يوم واحد


    كان ما قادر يقول على العلن ...يرسل ايميل للتاج !!!!!!!!!!
                   |Articles |News |مقالات |بيانات

10-06-2009, 10:15 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    Quote: ــ أم جركم مابتأكل خريفين
    ــ أم سلمبويتي ولا كدكاي زول
    ــ شجرة كن هوززت يا هبوباي يا أبلاي
    ــ جرادة في سروال ولابعضي الا قعادو ولا حلو
    راس قلقالاي لي وليد مسكين بملا بيت أمو شرموط
    الدنيا دبنقا دردقي بشيش
    أم جقلو ولا مشي أُرجا


    عايزين ترجمة على الشريط ولا ممكن
    يترجم لينا ديدو.

    زمان كنا نرد الأغنية دي

    طيارة طارت ،،، طيارة تارت
    بلابيطا ،،، بلبط
    كُنديسه ،، قبض


    سلام للناس الحلوين أحمد أسماعيل وتجتوج - إسم الدلع بتاع ديدو-
    ومداخلاتكم تعجبنا وإضافات رائعة لمسيرة هذا البوست ،، مدونا على
    طول بزاد المسافر ،،، وما تختفوا زي ناس فلان وفلانه .

    (عدل بواسطة ميسرة سيد أحمد on 10-06-2009, 10:35 AM)

                   |Articles |News |مقالات |بيانات

10-06-2009, 11:01 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلام كثير يا شباب يا احلى واجدع ناس
    باين انو موضوع الرشيد بتاع بنات الشيوخ زى فرض نفسه , وتم تداوله بيناتنا على
    مستوى منوع , ان كان بالرسوم الكاريكوتورية او بنماذج الأستمارات او كمان بالتحليلات الذكية
    زى العملها اخونا الكمندان محمد صديق
    انا شخصيا تحليلك وسردك لبعض التأصيلات للمسألة دى يا كمندان , عجبنى ووقع لى فى جرح
    الثابت انه التعامل مع الجنس اللطيف , خاصة بعد ان ينتقلن الى خانة (بت شيخ رسمية )
    بمجرد تحرير تلك الورقة المسماة (قسيمة زواج ) , الثابت انه التعامل ده , عايز ليه زول
    احرف من ميسى عشان يكون مرضى عنه دائما , ودائما دى طبعا لفظ (مجازى ) يفيد (المستحيل )
    لأنو رضا دائم مش ممكن ابدا
    وعشان الناس ما تتسرع وتفهم غلط , فاعتقد ان تربية البنات عندنا , فعلا تربية معقدة
    بتخليها بشكل مستمر (طرف متلقى ) , رغم ان كثيرات من اخواتنا وزوجاتنا بيكونن عندهن مؤهلات
    قيادية قد تفوق تلك التى عند الزوج , اقول قد , ولكنهن برغم ذلك يحبذن الوجود فى الضل , ضل الراجل
    حسب ما افادت (حاجة فاطمة بنت الطالب )
    وفاطمة بنت الطالب , رغم انها حبوبة محمد صديق , فممكن انت تخت اى اسم بدلها وتكون الأفادة برضو صحيحة , وهذا التسليم المبدئى لبنات الشيوخ بأن دورهن هو دور (تالى ) وليس دور شريك , يخل ولا شك
    بنظام مؤسسة الزواج الطبيعية , فمهما ظهر ان الرجل انما يحب ان يكون (قائدا ) فى منزله , فأنه يحب
    اكثر ان يكون شريكا طبيعيا كما هى معادلات الشراكة (الطبيعية ) والتى اهم سماتها (ارسال واستقبال )
    , فاذا ما وجد نفسه (مرسلا دائما ) فأن المعادلة تختل , واحساس الأختلال ده على فكرة يحس به (طرفى المعادلة ) فحتى بت الشيخ ان تحولت الى (مستقبل مستديم ) فأن ذات احساس الضجر يكتنفها
    اذن السؤال الذى يجب ان نحاول اجابته جميعا
    كيف نعيد المعادلة بتاعت الأرسال والأستقبال , الى طبيعتها ؟؟؟
                   |Articles |News |مقالات |بيانات

10-06-2009, 10:43 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    سلامات يا ناس

    مشيت وجيت والحوش فاضى .....

    التاج هيج اشجانى وذكرنى زمن القدرة والحرفنة ...

    العسكرى المعاش واللاعب المعتزل او الاعتزلتو الكورة

    بيكونوا اكثر التصاقآ بماضيهم وذكرياتم....وما يصدق الواحد منهم

    انو يلقى ليه زول يجيب ليه سيرة زمان ...

    يعنى تكون ماشى فى سوق رفاعة يلاقيك زول يسلم عليك يقول ليك ...

    محمد صديق ولا زول بشبهو ؟؟؟ تقول ليه ياهو ذاتو ..طوالى الزول

    يقول ليك ياحليلكم ...الكورة اللعبتوها ما حيجى زول تانى يلعب

    زيها ...وما يخلى حاجة بتاعة حسرة الا يقولا....

    يا جماعة التاج براهو جاب السيرة....

    التاج يا جماعة للناس الما شافوه بيلعب كورة ...اقرب حاجة

    ممكن توصل الصورة انو ما فى زول من البلعبو كورة ديل ممكن

    يلعب زيو ....

    مباراة اسكندرية كانت مباراة ليها طعم خاص ...وبرغم الاجادة

    نخرج بعد ان يضيع احسن لاعب فى المباراة ضربة الجزاء...

    الهدف الذى احرزته ما زلت اراه امامى ...واذكر اسم حارس مرمى

    اسكندرية المميز ايهاب...الهدف علق بذاكرة الكثيرين...اديك مثال

    جاى كدارى من الجامعة ...اتنين شباب مصريين جوا على... الاول قال لى

    مش برضك محمد صادق اللى بتلعب كورة فى الثانوية العسكرية ؟؟؟؟؟

    قلت ايوه ...التفت الى رفيقه ...يا عم ده طاهر ابوزيد السودان

    وانا اعمل بمدينة المناقل فى العام 95 دخلت احد البنوك ..وقفت

    امام احد الموظفين...فاذا بموظف آخر يخرج ويصافحنى باسمى ويقول

    انت ما بتعرفنى لكن انا اصلو ما بنساك...انا ياخ قريت فى الاسكندرية

    وقونك الجبتو فينا ما بتنسى......{ الرشيد ..حكاية زى دى لو حكيتا

    لى اولادك بتقبضك الجو زى اسبوعين كدا }

    تخريمة ....دخول عيد فى حاجة وخروجو من حاجة ودخولو فى حاجة تانية

    حرضنى على كتابة قصيدة حلمنتيشبة ...تعالو نتشارك فيها كلنا انا حأبدأ

    المطلع.....

    يا مرسوم فى حتة ورقة..

    وطالع من كباية شاى

    زعلت عليك ابله نظيرة..

    ومنصور حردان الشاى

    اعذرونا على التداعى بتاع الكورة ده...ما فضل حاجة غير نتذكر ...
                   |Articles |News |مقالات |بيانات

10-06-2009, 12:20 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    الحبيب قدورة ..

    سعدت ايما سعادة بمساعيكم نحو تجميع أرشيف مجلة السندس ..

    السندس .. اعتبرها ارث لا يقدر بثمن فى مسيرتنا

    يتوفر لدى العددين الثانى والثالث .. وارجو اذا توفر العدد الاول

    لدى احد الأخوان ان يتكرم علينا به فهو كان باكورة الابداع

    وأبدأ معك اليوم .. ونواصل باذن الله يوميا ..

    وهذا الغلاف الأمامى للعدد الثانى




                   |Articles |News |مقالات |بيانات

10-06-2009, 12:31 PM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    يا جنابو
    بالله اسماء اللاعبين وخناتهم لتربية والمنتخب للتوثيق
    على مدى الاربعة سنوات القضيتها قبل ما تنتهى كلاعب يعنى يعنى ....
                   |Articles |News |مقالات |بيانات

10-06-2009, 12:56 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    يا محمد صديق جاييك برواقة بالليل لي موضوع الكورة ده...

    يا جماعة موضوع العلاقات الزوجية كانت مداخلاتكم به قيمة و اثرت الموضوع ايما اثراء وان
    برؤى ذكورية محضة..و كنت أعني عندما طرحتة في البداية أن أطرح تساؤلا عن كيف نعامل زوجاتنا
    أو كيف يعامل الرجل السوداني زوجته...و لكي أوضح تساؤلي أنقل اليكم فيما يلي كيف كان يعامل
    الرسول صلى الله علية و سلم زوجاتة...ثم أعملوا مقارنة بسيطة بينها و بين معاملة الزوج السوداني
    لزوجتة...و برؤية محايدة..

    • الشرب والأكل في موضع واحد:
    لحديث عائشة رضي الله عنها: كنت أشرب وأنا حائض . ثم أناوله النبي صلى الله عليه وسلم . فيضع فاه على موضع في . فيشرب . وأتعرق العرق وأنا حائض . ثم أناوله النبي صلى الله عليه وسلم . فيضع فاه على موضع في . ولم يذكر زهير : فيشرب . رواه مسلم

    • الاتكاء على الزوجة:
    لقول عائشة رضي الله عنه: كان رسول الله صلى الله عليه وسلم يتكئ في حجري وأنا حائض. فيقرأ القرآن .
    رواه مسلم

    • تمشيط شعره:لقول عائشة رضي الله عنها: ليدخل علىّ رسول الله صلى الله عليه وسلم رأسه وهو في المسجد فأرجّله. رواه مسلم

    • التنزه مع الزوجة ليلا:كان النبي صلى الله عليه وسلم إذا كان بالليل سار مع عائشة يتحدث . رواه البخاري

    • مساعدتها في أعباء المنزل: سئلت عائشة ما كان النبي صلى الله عليه وسلم يصنع في بيته؟ قالت: كان في مهنة أهله . رواه البخاري

    • يهدي لأحبتها: كان رسول الله صلى الله عليه وسلم إذا ذبح شاة يقول: أرسلوا بـها إلى أصدقاء خديجة. رواه مسلم.

    • يمتدحها:لقوله صلى الله عليه وسلم: إن فضل عائشة على النساء كفضل الثريد على سائر الطعام . رواه مسلم

    • يسرّ إذا اجتمعت بصويحباتها:
    قالت عائشة: كانت تأتيني صواحبي فكن ينقمعن (يتغيبن) من رسول الله صلى الله عليه وسلم فكان يُسربـهن إلي (يرسلهن إلي). رواه مسلم

    • يعلن حبها:قوله صلى الله عليه وسلم عن خديجة "إني رزقت حُبها ". رواه مسلم

    • ينظر إلى محاسنها:لقوله صلى الله عليه وسلم: "لايفرك مؤمن مؤمنة ان كره منها خلقا رضي منها آخر." رواه مسلم

    • إذا رأى امرأة يأت أهله ليرد ما في نفسه:
    لقوله صلى الله عليه وسلم: "إذا أبصر أحدكم امرأة فليأت أهله فان ذلك يرد ما في نفسه" رواه مسلم

    • لا ينشر خصوصياتها حين يفضي إليها:قال صلى الله عليه وسلم: إن من أشر الناس عند الله منزله يوم القيامة الرجل يفضي إلى امرأته وتفضي إليه ثم ينشر سرها. رواه مسلم

    • التقبيل: كان رسول الله صلى الله عليه وسلم يقبل وهو صائم. رواه مسلم

    • التطيب في كل حال:
    عن عائشة رضي الله عنها قالت: كأني أنظر إلى وبيص المسك في مفرق رسول الله صلى الله عليه وسلم وهو محرم. رواه مسلم

    • يرضى لها بالهدايا:عن عائشة رضي الله عنها قالت: أن الناس كانوا يتحرون بـهداياهم يوم عائشة يبتغون بذلك مرضاة رسول الله صلى الله عليه وسلم . رواه مسلم

    • يعرف مشاعرها:
    قال رسول الله صلى الله عليه وسلم لعائشة: أنى لأعلم اذا كنت عنى راضية واذا كنت عنى غضبى ..أما اذا كنت عنى راضية فانك تقولين لا ورب محمد ., واذا كنت عنى غضبى قلت : لا ورب ابراهيم؟؟ رواه مسلم

    • يحتمل صدودها:عن عمر بن الخطاب قال: صخبت علىّ امرأتي فراجعتني, فأنكرت أن تراجعني! قالت: ولم تنكر أن أراجعك؟ فوالله إن أزواج النبي صلى الله عليه وسلم ليراجعنه, وإن أحداهن لتهجره اليوم حتى الليل. رواه البخاري

    • لايضربها:
    قالت عائشة رضي الله عنها: "ما ضرب رسول الله صلى الله عليه وسلم خادما له ولا امرأة ولا ضرب بيده شيئا " صحيح ابن ماجه

    • يواسيها عند بكائها:
    كانت صفية مع رسول الله صلى الله عليه وسلم في سفر, وكان ذلك يومها, فأبطت في المسير, فاستقبلها رسول الله صلى الله عليه وسلم وهى تبكي, وتقول حملتني على بعير بطيء, فجعل رسول الله يمسح بيديه عينيها, ويسكتها.." رواه النسائي

    • يرفع اللقمة إلى فمها:قال رسول الله صلى الله عليه وسلم: "إنك لن تنفق نفقة إلا أجرت عليها حتى اللقمة ترفعها إلى في امرأتك" رواه البخاري

    • إحضار متطلباتها:قال الرسول صلى الله عليه وسلم: "أطعم إذا طعمت وأكسِ إذا اكتسيت" رواه الحاكم وصححه الألباني

    • الثقة بها: نـهى رسول الله صلى الله عليه وسلم أن يطرق الرجل أهله ليلا, أن يخونـهم, أو يلتمس عثراتـهم رواه مسلم

    • المبالغة في حديث المشاعر:للحديث أن رسول الله صلى الله عليه وسلم لا يرخص في شيء من الكذب إلا في ثلاث منها: الرجل يحدث امرأته, والمرأة تحدث زوجها. رواه النسائي
    • العدل مع نسائه:
    لحديث " من كان له امرأتان يميل لإحداهما على الأخرى, جاء يوم القيامة أحد شقيه مائل" رواه الترمذي وصححه الألباني

    • يتفقد الزوجة في كل حين:
    عن أنس رضي الله عنه قال "كان صلى الله عليه وسلم يدور على نسائه في الساعة الواحدة من الليل والنهار." رواه البخاري

    • لايهجر زوجته أثناء الحيض:عن ميمونة رضي الله عنها قالت: كان صلى الله عليه وسلم&#61472;يباشر نساءه فوق الإزار وهن حُيّضٌ. رواه البخاري

    • يتفكه من خصام زوجاته:
    قالت عائشة: دخلت علىّ زينب وهي غضبى فقال رسول الله دونك فانتصري, فأقبلت عليها حتى رأيتها قد يبست ريقها في فيها فرأيت وجه رسول الله صلى الله عليه وسلم يتهلل" رواه ابن ماجه

    • يصطحب زوجته في السفر:
    كان رسول الله صلى الله عليه وسلم اذا أراد سفرًا أقرع بين نسائه, فآيتهن خرج سهمها خرج بـها. متفق عليه

    • مسابقته لزوجه: عن عائشة ان رسول الله صلى الله عليه وسلم قال لي: تعالي أسابقك, فسابقته, فسبقته على رجلي. وسابقني بعد أن حملت اللحم وبدنت فسبقني وجعل يضحك وقال هذه بتلك! رواه ابو داود

    • تكنيته لها:أن عائشة قالت يارسول الله صلى الله عليه وسلم كل نسائك لها كنية غيري فكناها "أم عبد الله" رواه احمد

    • يشاركها المناسبات السعيدة:
    قالت عائشة - رضي الله عنها " مررت ورسول الله صلى الله عليه وسلم بقوم من الحبشة يلعبون بالحراب، فوقف رسول الله - صلى الله عليه وسلم - ينظر إليهم، ووقفت خلفه فكنت إذا أعييت جلست، وإذا قمت أتقي برسول الله صلى الله عليه وسلم" أخرجه البخاري

    • احترام هواياتها وعدم التقليل من شأنها:عن عائشة رضي الله عنها "كنت ألعب بالبنات عند النبي صلى الله عليه وسلم وكان لي صواحب يلعبن معي، فكان النبي صلى الله عليه وسلم إذا دخل ينقمعن منه فيسر بـهن فيلعبن معي " الأدب المفرد

    • إضفاء روح المرح في جو الأسرة:عن عائشة رضي الله عنها قالت: زارتنا سوده يومًا فجلس رسول الله بيني وبينها , إحدى رجليه في حجري , والأخرى في حجرها , فعملت لها حريرة فقلت: كلي! فأبت فقلت: لتأكلي , أو لألطخن وجهك, فأبت فأخذت من القصعة شيئًا فلطخت به وجهها , فرفع رسول الله صلى الله عليه وسلم رجله من حجرها لتستقيد مني, فأخذت من القصعة شيئاً فلطخت به وجهي, ورسول الله صلى الله عليه وسلم يضحك. رواه النسائي

    • إشاعة الدفء:
    عن عائشة قالت كان رسول الله صلى الله عليه وسلم قلّ يوم إلا وهو يطوف على نسائه فيدنو من أهله فيضع يده, ويقبل كل امرأة من نسائه حتى يأتي على آخرهن فإن كان يومها قعد عندها.


    • لا ينتقصها أثناء المشكلة: عن عائشة رضي الله عنها تحكى عن حادثة الإفك قالت: إلا أني قد أنكرت من رسول الله صلى الله عليه وسلم بعض لطفه بي ، كنت إذا اشتكيت رحمني ، ولطف بي ، فلم يفعل ذلك بي في شكواي تلك فأنكرت ذلك منه كان إذا دخل علي وعندي أمي تمرضني قال: كيف تيكم؟ لا يزيد على ذلك. رواه البخاري

    •يرقيها في حال مرضها:
    عن عائشة رضي الله عنها قالت: كان صلى الله عليه وسلم اذا مرض أحدٌ من أهل بيته نفث عليه بالمعوذات. رواه مسلم

    • يمتدح من يحسن لأهله:
    قال الرسول صلى الله عليه وسلم: خياركم خيارُكم لنسائهم. رواه الترمذي وصححه الألباني

    • يمهلها حتى تتزين له: عن جابر قال " كنا مع رسول الله صلى الله عليه وسلم في سفر , فلما رجعنا ذهبنا لندخل, فقال : " أمهلوا حتى ندخل ليلا -أي: عشاء- حتى تمتشط الشعثة , وتستحد المغيبة" رواه النسائي.
                   |Articles |News |مقالات |بيانات

10-06-2009, 01:07 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    سلامات يا ناس

    منصور جاييك للارسال والاستقبال بس دايرة ليها رواقة

    الريس شايفو منتظر الترجمة ...على العموم الاتى ده اقتراحى

    فى القضية.....

    ام جركم دى حشرة وكان ما اخاف الكضب اقول جرادة وعمرها شكلو

    قصير يعنى سنة واحدة وتودع ...الخريف البتاكلو ده ما بتتنى

    اجمالا يعنى الحياة قصيرة....

    ام سلمبوية فار صغير ام سيسى يعنى والكدكاى فار ضخم يعنى جقر

    والمعنى ام سيسى حقى احسن لى من جقر حق زول ...يعنى برضو

    لالوب بلدنا ولا تمر الناس...

    الابلاى يعنى العبلانج اى القرد...يقول المثل ان الشجرة لا تتحرك

    افرعها الا لسببين....اما بفعل الهواء {هبوباى } او ان هنالك

    ابلاى باعلاها....ناس الجزيرة بيقولو العود كان ما فيهو شق ما بقول

    طق...لا دخان بدون نار ...

    مؤكد ان الجرادة لا تعض ولكن وجودها حبيسة فى ذلك المكان يجعلها تجاهد

    الخروج ومجاهدتها هذه تسبب قلقآ لصاحب ذلك المكان...

    لو اجاباتى ما مية المية تكون برضو عملت اضاءة وفتحت السكة لى ناس بحرى

    قالو بتحبو ....

    تحية للاخ احمد اسماعيل وعليك الله واصل فى تراث دارفور المتمسح ده{ الله يطرى

    دكتور عشرى بالخير ...متمسح وفيو شى كتير }

    يا ريس نحن خدامين السودانيين
                   |Articles |News |مقالات |بيانات

10-06-2009, 01:33 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    محمد صديق ونيابة عن أحمد إسماعيل
    لك التهنئة في تفسير الأمثال السابقة
    وقد جاوبتها تمام التمام
    الأمثال الثانية
    إنت و أحمد إسماعيل و البوست كلو
    ترجمو بقية الأمثال
    1/ راس قلقالاي لي وليد مسكين بملا بيت أمو شرموط
    2/ الدنيا دبنقا دردقي بشيش
    3/ أم جقلو ولا مشي أُرجا
                   |Articles |News |مقالات |بيانات


1 صفحة 32 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de