ناس الزقازيق ... أجدع ناس ..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 01:28 AM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-06-2009, 04:51 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: حسن الزبير (Re: محمد عيد)

    صباح الخير يا وجوه الخير...
                   |Articles |News |مقالات |بيانات

16-06-2009, 06:16 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: حسن الزبير (Re: البادي النور)

    سلامات يا ناس

    قال يحي بن معاذ:

    مسكين ابن آدم لو خاف من النار كما خاف من الفقر لنجا منها

    ولو رغب فى الجنة كما رغب فى الغنى لوصل اليها

    ولو خاف الله تعالى سرآ كما خاف خلقه جهرآلسعد فى الدارين

    __________________________________________________________________

    شكرآ الرشيد ..عشان بتجيب لينا الحاجات الحلوة...

    مبروك علينا عودة البادى النور...اظرف ما فى الموضوع انو قلب الصفحة

    بوستآ ما فيهو جلا يفلب صفحتو البادى
                   |Articles |News |مقالات |بيانات

16-06-2009, 07:18 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: حسن الزبير (Re: محمد صديق)

    صباح الخير يا وجوه الخير


    أعملوا حسابكم يا جماعة أبو فرار
    اليومين ديل حايم

    عاد الهكر عاد الحبيب الغير منتظر

    أنحنا دلوقتي المرجع بتاعنا حسن الزبير
    يا ناس الزقازيق مين حسن الزبير ده ، يا ربي
    عنده علاقة بمجلس قيادة الثورة

    كده برضو يا البادي ، ما كانش العشم

    كله حاجة معروفه وين ذهبت مداخلاتنا في
    الميل 33 ، إتلحست كلها.
                   |Articles |News |مقالات |بيانات

16-06-2009, 08:04 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    دلوقتي شلت ليكم حسن الزبير - تؤأم حسن بري
    وعملت المرجع ناس الزقازيق أجدع ناس

    الأغنية الجديده:-

    الهكر هكري براي منو البواسي معاي
                   |Articles |News |مقالات |بيانات

16-06-2009, 08:30 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    Quote: دلوقتي شلت ليكم حسن الزبير - تؤأم حسن بري
    وعملت المرجع ناس الزقازيق أجدع ناس

    الأغنية الجديده:-

    الهكر هكري براي منو البواسي معاي


    يا ريس قول بسم الله هكر شنو....يبدو انك دخلت على آخر صفحة فقط ولم يتسنى لك الوقت
    لمطالعة المداخلات في الصفحة السابقة...
    حسن الزبير...و لعلك تعرفة جيدا..هو الشاعر الراحل الذي صدح بأغنياتة غالبية فناني السودان
    كنن عملت مداخلة في الصفحة السابقة عنه..فرد عليها محمد عيد بمداخلة جعل عنوانها حسن الزبير
    فأصبح الذين يتداخلون من بعده يضغطون على رد دون تغيير العنوان حتى وصلت اليك...فاتهجمت وقلت
    الحكاية هكر...
    و أقول ليك على نفس نسق أغنية حسن الزبير لا بتفاصلي لا بتواصلي لا بتلومي...

    لا بتذاكر لا بتراجع بس تهجمنا
    تقول الهاكر لي يوم باكر جا يغلبنا
    ما هامينا بكري حامينا ما سايبنا
                   |Articles |News |مقالات |بيانات

16-06-2009, 08:44 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    سلامات يا ناس

    الرشيد وعيد ....خافو من حساب ربنا ...الريس ده

    رسلوا ليهو حصتو من الكركم
                   |Articles |News |مقالات |بيانات

16-06-2009, 08:44 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    سلامات يا ناس

    الرشيد وعيد ....خافو من حساب ربنا ...الريس ده

    رسلوا ليهو حصتو من الكركم
                   |Articles |News |مقالات |بيانات

16-06-2009, 09:02 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    ريســـنا زينة وحالف ما يدلينا
    ياخى كان تسأل السكرتير الثقافى من حسن الزبير
    ولو لقيت السكرتير الثقافى مسافر اسكندرية
    الجأ الى المسئولة من شئون الدار حتفيدك

    قبل يومين كمان قال فى واحدة بتمسح الكركم فى الرجلين

    نحن نبقى فى جنس دا .....

    التغيير واجب وطنى

    يا اخوانا مسئولين من الخير اخونا عادل كرداوى وين ؟
                   |Articles |News |مقالات |بيانات

16-06-2009, 09:34 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: عبد الدائم سيد أحمد)

    Quote: صباح الخير يا وجوه الخير...


    البادي يا برلوم دي مداخلة ليك بعد الغيب الطويلة دي...دي لو شلت منها الخير راحت شمار
    في مرقة...كنت عايز أقول ليك لو شلت منها الخير حيفضل فيها عادل حمد النيل...لكن ديل ناس
    من زمن رفاعة رافع الطهطاوي وزكي جمعة ما حتعرفهم...
    يا زول الغياب ده غير مقبول وان شاء الله دي تكون بداية وما تكون زي غشات عصام دهب...عصام
    كل ما يزنقوهو يقول ليك متابع ومستمتع و السناير قايمين بالواجب...يا أخوي السناير ديل
    ما قلبهم انقطع...أها منصور أمبارح أعلن افلاسه واستدان من البنك المركزي...محمد عيد امبارح
    نجدته ليك بي حسن الزبير الخلى الريس يطش خارج الشبكة ده...أها وبعدين..بعد ده الا يتدخل
    أوباماYes We Can ...

    محمد صديق يا أخوي الريس ده ذاكرته حديد...لكن البضوق عضة الدبيب قالوا بيخاف جرة الحبل
    الريس ده ملدوغ من الهكر وخاف على البوست من التهكير...فقام اتهجم و في وسط زحمة النهارية
    رد بسرعة...المهم ما تتهموا الراجل ساكت بالزهايمر بكرة يجينا رد شديد اللهجة من الأستاذة
    منى يونس...
                   |Articles |News |مقالات |بيانات

16-06-2009, 10:04 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    يا جناعة الريس معذور
    ما معقولة , الراجل متعود مل يوم يدخل المفتاح فى الباب الصباح
    تك , الباب يتفتح
    يتلفت يمين يلقى محمد آدم النور
    يعاين شمال يلقى ليك الرشيد بابكر
    يعاين فوق محمد صديق قااااعد
    بالزاوية التانية محمد عيد
    يفتح الرادى يطلع ليهو منصور
    التلفزيون ديدو ما بيخليهو بى قميصو الأحمر داك
    اول صفحة فى الجريدة ياسر نجيلة
    فى الصفحة الأخيرة عصام دهي يقول ليك قاعد ومستمتع
    لكن المرة دى فتحتو للياب كده , لقى ليك البادى النور
    والبادى النور اخر مرة شفناه كان فى الميل تسعة وعشرين
    والريس اول ما يجى داخل لبقول طوالى صباح الخير يا وجوه الخير
    اها , لقاها ليك مكتوبة وش
    قال ياربى انا جيت هنا قبل كده ولا شنو
    ولقى ليك الكلام الكتبو امبارح كله اتلحس
    هو ما عارف الرشيد امبارح نومة العصر طولت عليهو
    وراح قافل ليك الباب من المصرى والسورى جيرانه فى السكن
    ابتدأ ليك بى ضنين الوعد بتاعت ود نجيلة
    ما انتهى الا بى شين ودشن
    ولقى ليك منصور كتب ليهو مقالة كاملة قديييييمة من سنة حفروا البحر
    الحكاية دى ما بيشبهها الا حكاية اهل الكهف لمن مسوا البلدة يشتروا حاجة يأكلوها
    دايرين لينا لورى كامل بتاع كركم يا محمد عيد للريس ده
    الله يعينك يا اختنا منى يونس
    والله يرجعك لينا يا جلا
    سحبنا منك الأسم من الليلة
    ده الريس اللى جلا
    وستين جلا كمان
                   |Articles |News |مقالات |بيانات

16-06-2009, 10:30 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: منصور عبد الرازق)

    قالو الثور ان وقع كترت سكاكينو ..

    يا ريس الظاهر الناس كانت كايسة فيك فرصة وما صدقوا لقوها ..

    تخيل حتى الآن استلمت ما يقارب الـ 100 طلب بالبريد الالكترونى

    لشراء وارسال 100 كيلو كركم أصفر ذهبى ..

    والعنوان واااضح ما فاااضح ..

    جدة - مؤسسة الأفندى للتجارة - طريق المدينة

    عناية الدكتور فوزى اليمنى ومنه لابننا / ميسره سيد أحمد..!!

    والظاهر الجماعة جابو التفاصيل من الموساد مباشرة ..

    غايتو انا العلى بسويهو ..

    كل الطلبات موثقة بارقام بطاقات فيزا وماستر كارد

    وانا ما حأرسلها المكتب ..

    لكن مباشرة لى بت الشيخ - لانها برضو مننا وفينا

    ومافى داعى لاشانة السمعة فى محل اكل العيش ..

    البيت مقدور عليهو .. والرشيد جاهز بى قصايدو يساهم معاك

    فى ازالة التوتر المتوقع ..!!

                   |Articles |News |مقالات |بيانات

16-06-2009, 11:27 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    شويه شويه ،،، نار الشوق كتيره علي

    شويه شويه ،،، شويبس أهي جايه

    يا جماعة أنا والله ما غلطان بس
    عربيه ده غلطان ،، الأيام السابقة
    كنت في زيارة لناس المنبر العام ولقيت ليك
    الجماعة كلهم يتحدثوا عن الهكر واحد صورته ما لاقيها
    الثاني المقال بتاعة ما عارفه طشه وين حتى في واحد تكون بت
    الشيخ بتاعة ما عارف موجوده في ياتو بوست وأنا طلب من أخونا الرشيد
    كلمات أغينة أغداً ألقاك ، اليوم الصباح دخلت ولقيت ليك صباح الخير يا وجوه
    الخير قلت يا ربي أكون دخلت أنا بالليل - شايلني حمار النوم - وكتب الكلام ده
    بس لقيتو ليكم أخونا البادي النور المختفي ليه فترة طويله بعد داك عيوني ما تشوف
    إلا النور ، رجعت الصفحة رقم 33 وجدت آخر مداخله كانت لأخونا بتاع المعسكر جلال ومضمونه
    Quote: يالرشيد بمناسبة الحرارة الشوتنا اليومين ديل
    بعد اداء شعائر العمرة ونحنا متكلين كدة ناحية المروة لاخذ قسط من الراحة
    التفت على الوالد لقيتو ليك متضايق من الحرارة قلت ليهو شنو ياحاج الظاهر عجزت

    طيب وين المداخلات التانيه ، أعدت تشغيل الجهاز عدة مرات أفتح ألاقي جلال في وشي وكل المداخلات
    التمت أمس إتلحست ح تفكر في ايه يا منصور ، أكيد الهكر إنتقل إلى البوست حقنا بعد فك التسجيلات
    وتأكد لي بملا يدع مجالاً للشك دخول أبو فرار للبيت ، والغريب وجدت إسم حسن الزبير كلت أكيد ده صاحب الهكر وإفتكرته توأم حسن طبله ولا الزبير محمد صالح وقمت بالواجب وعملت هجوم على المتطفلين
    على البوست ومشيت مشوار ورجعت ووجدت تغيير كبير في البوست والميل 33 رجع كما هو والهجوم من كل
    الأطراف في البداية قلت يمكن ده ما البوست بتاعنا ، برجع ليكم تاني لموضوع المشوار ، وجاني إشعار
    من شركة UPS للنقليات وإفادتهم لي بوصول كميات مشحونه من مسحوق ناعم وأصفر بس يا جماعة هسع الكركم ده نديهو لمين ، جهاز الكمبيوتر ولا نرسل للأخ/ بكري أبو بكر الذي يبذل مجهود مضاعف محاربة الهكر ونعيده تعبئته وتسويقه مره أخرى ولا استعمله بالدس من بت الشيخ قولوا لي وبالمناسبة
    بت الشيخ بتبذل مجهود مضني لإعادة النيت للمنزل علشان ننزل لاعب حريمي في البوست وننهي مسألة عزوبية الكتاب .

    محمد عيد يا أخوي إنت متين عملت مع الموساد جبت العنوان ده من وين والزميل فوزي اليمني - هو سوداني طبعاً - من وين تعرفت عليهو.

    أخونا ديدو يعني ما عارف مين إلى كانت بتضع الكرم من الزميلات ده على هامان ، زمان الكركم كان
    في الرجول دحين الكركم أصبح في المعده على طول , وممكن يستعمل نشوق .

    ==================================
    ألا رحم الله الراحل المقيم الشاعر الكبير حسن الزبير..
                   |Articles |News |مقالات |بيانات

16-06-2009, 11:45 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    الإخوة والأخوات
    الزمله والزميلات
    الأفاضل :-
    محمد صديق
    ديدو
    الرشيد بابكر
    منصور
    محمد عيد
    المتاوقين والمتاوقيات

    لو جيت فتحت باب البيت ولقيت العفش كله مافيش

    ح تقول يا منو ؟

    يا أبو مروه ،

    ويا الحرامي

    وإذا كان العفش الكتروني

    ح تقول يا الهكرابل التهكرك

    ما أنحنا زمان إتهكرن لمن داشنا راس

    والبخاف من المرفعين بيطلع ليهو - سوداني -

    البتلسع من الشوربه بينفخ في الزبادي - مصري -

    بخاف يجينا الهكر بيصحوا ومش يشيل مجلة السندس

    يشيل الباسورد زي ما حصل مع جمال السنوسي

    على العموم أنا كسبان وكمان الميل رقم 34

    كسبان بإمتياز ,,،، لحدي ما يرجع ليكم جلا

    وأيضاً كسبان كلمات أغينة أغداً القاك بعد ضنين الوعد

    تشكرات يا الرشيد ياالحبيب وتشكرات للحبيب الثاني محمد عيد

    لصفقة الكركرم المجانيه .
                   |Articles |News |مقالات |بيانات

16-06-2009, 11:56 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)


    ماذا يحدث عندما تبتسم المراة ؟


    1. أبتسمت كليوباترا .. ففتنت قيصر روما ..

    وأودت بحياة انطونيو...وهزت اكبر امبرطورية عرفها التاريخ .



    2. ابتسمت دليلة لشمشون الجبار ... داهية عصره .. فخر صريعاً ..

    ودب في عينيه النعاس وهو على ركبتيها فسلبته قوته وأذلته لأعدائه



    3. ابتسمت آن بولين لهنري الثامن ملك انجلترا

    فثار على البابا و الكنيسة و الدولة وثار على التقاليد جمعاء



    4. ابتسمت لولا مونتيز للملك لودفيج الأول ملك بافاريا فسحرته من الوهلة الأولى ودمرته في أيامه الأخيرة ففقد هيبته كملك وأضطر أن يتنازل عن العرش .





    وحين ابتسمت وضحه لابن عجلان.....

    سلخها كف خماسي على وجهها ... و قال لها روحي ……. يا حرمة إنضبّي

    نحنا ما عنّا نسوان يضحكوا بوجه الرجال…… وجّع يخلع ضرسك ،، صحيح إنك ما تستحي

    ,,,,,,,,,,,,,,,,,,,,,,,,,,,,,,,,,,,,,,,,,,

    ماذا حدث حينما إبتسمت بت الشيخ لديكم يا إما قبل أو بعد ما تفرق ؟؟؟

    إجابه بصراحة كاملة وبدون حرج ونبدأ من أخونا شاعر البوست ياسر نجيله قبل

    تلك الجلسة العصريه ................. ونختم المشوار بي،، يلا نشوف .
                   |Articles |News |مقالات |بيانات

16-06-2009, 12:25 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    سلامات يا ناس

    ياريس انا اخرب ليك الرصة انا لما قريت الموضوع ده كان معاى

    جمال فارح ...سألتو ماذا حدث حين ابتسمت بت شيخك فى وشك؟؟؟؟؟؟

    قال لى تحسست مسدسى
                   |Articles |News |مقالات |بيانات

16-06-2009, 12:44 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    Quote: ماذا حدث حينما إبتسمت بت الشيخ لديكم يا إما قبل أو بعد ما تفرق ؟؟؟


    يا ريس رغم أنها عصرية غير رومانسية...و التكييف لم يلغي من دماغي حتة ان الجو بره حار نار
    الا اني بقدرة قادر حارمنسن (من رومانسية) العصرية دي...

    لما تضحك بت الشيخ بقول ليها...

    ضحكك شرح قلب السماء
    رطب الصحراء و لمس
    عصب الجبل
    دوزن الحزن المهاجر
    فى المقل
    صحى انوار المداين
    و غازل النيل و السهل
    ضحكك
    وصول حزمة رسائل من
    اهل

    اضحكى
    تضحك الدنيا ..و تفيض

    اضحكى
    تصحى الكهارب فى الشوارع
    ينكسر سور الموانع
    و تبدا اعراس المزارع
    و المصانع

    و توصل الناس

    الروائع

    يا روائع
    اضحكى
                   |Articles |News |مقالات |بيانات

16-06-2009, 03:06 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    الطائرة السودانية والنخوة السودانية وأخوان فاطنه


    رن جرس الهاتف من السودان وكان على الطرف الآخر أحد
    أخواني يفيد أن الوالدة طرفكم اليوم بالطائرة السودانية تقلع الساعة 9صباحاً
    وتهبط الساعة العاشرة والنصف في تمام الساعة العاشرة وأربعون دقيقة إتصل
    أحدهم السلام عليكم وقفل الخط ، تنشط وواصل عملي مره ثانيه وثالثاُ مس كول
    إتصل أنا ألو مرحب مين على الخط سؤال إنت ميسره ، نعم خد الوالده ، ألو
    الو مين ميصره ، نعم وين نصر الدين ، نصر الدين منو يا حجة إنت منو يا ولدي

    أنا ميسرة
    عاد نان وين نصر الدين
    نصر الدين منو يا والده
    نصر الدين ولدي ،
    ما عندي فكرة يا حاجة،أٌقفل الخط ، اتصلت مره
    أخرى وأنا ما زلت بالمكتب ومتحير ألو ، ألو

    يا أستاذ أنا بصراحة مش فاهم حاجة ،،، أنت منو ؟ ووين لقيت
    رقمي وإسمي ؟
    والله أدتني ليهو الحاجة دي من مطار الخرطوم
    طيب أنت ميسره نعم بس دي ما والدتي ،، كيف يا خي ؟

    حوار الطرشان .

    آسف ، آسف يا خي في حاجة ثانيه هناك .

    إنا بصراحة افتكرتهم لسه في مطار الخرطوم

    أتضح بأن هؤلاء هم أهل النخوة السودانية شافوا كل
    الحاجات كبار السن وأخذوا أرقامهم وقاموا اتصلوا علي
    أولادهم لأن الطائرة السودانية وصلت في مواعيدها ومعظم السودانيين
    لم يحضروا لاستقبال أسرهم لتعودهم على عدم انضباط الخطوط السودانية
    والتي خذلتهم جميعاً وهبطت في موعدها المحدد وهرولت إلى المطار وهو ليس ببعيد
    عن المكتب ووجدت الست العجوز إن ولد ولدها إيضاً أسمه ميسره
    وعندما فهمت الحاجة العجوز الأمر من الوالدة قالت ليها يعني كلهم ميصرات
    الحبوبه دي بتقعد الكلام تقول حبوبة رشيد القوم ، الوالده مقيمة ولكن حضرت
    بعد غياب دام عشرة شهور .

    يا سلام على السوداني القديم الأصيل صاحب القيم والمبادئ والنخوة وعشا البايتات
    وأخو الأخوات .

    يا جلال معسكركم المقفول ده دخلناهو في التسعينيات أنحنا حالياً في مسألة تحضير البروف

    (عدل بواسطة ميسرة سيد أحمد on 16-06-2009, 03:14 PM)

                   |Articles |News |مقالات |بيانات

16-06-2009, 07:41 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    مساء الخير يا جماعة
    ما تقولو الزول ده نايم لحدي حسة...ولا مداخلة بالليل...مستحيل لا بد في مشكلة...
    الواقع انو كان عندي حفل رسمي كده ويا دوب جيت راجع...جيت اتكرش براي و أول حاجه عملتها
    فتحت الكمبيوتر بتاعي ثم قمت بابدال أواعي(ملابسي)...و ذكرني الموقف ده حقيقي بقصة النوامة
    والتي هي عادات ضارة كانت أو نافعة استسلم لها ممارسوها...زي الواحد البعد ما يصلي العشاء
    متأخر كمان يقوم يدخن ليهو سيجارة أو ياخد ليهو سفة...تقول ليهو ده شنو يا زول انت ما عايز
    تنوم يقول ليك دي ما النوامة زاتة...زيها وزي مص الأصابع عند الأطفال وعادات أخرى كثيرة هي
    بمثابة نوامة لكثير من الناس...
    النوامة بتاعتي بقت دخولي للبوست ده...حتى و لو كان الوقت متأخر جدا...والحقيقة ما أنا بس
    مرة كنت بتكلم مع محمد عيد بالتلفون عن مداخلة سابقة...قال تعرف أنا دي كتبتها بتين...الساعة
    الرابعة فجرا وجلست على الكمبيوتر حتى أذان الفجر ثم صليت الفجر ونمت...حسة و أنا جاي من الحفل
    كنت أتثآءب طول الطريق...و قلت بمجرد وصولي البيت يا سرير جاك زول...وما ان وصلت حتى وجدت
    الكمبيوتر يحدق الى في الظلام وكأنه يتحداني....ما استحملت الحقارة بتاعته دي وجلست أكتب اليكم..

    دي نوامة و النوامة التانية يا خليتها لي بكرة كان قدرت يا قمت بريتكم بيها بعد شوية...واللة
    يكضب الشينة..
                   |Articles |News |مقالات |بيانات

16-06-2009, 08:11 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    ما قلت ليكم الله يكضب الشينة...بس ما تفهموني غلط...تقولو الزول ده أدمن عايز ليهو ثيرابيست
    بالعنجليزي(Therapist)...الحقيقة جيت لقيت ليك البوست ده زي زول معزوم ليهو لي عرس ما بيعرف
    فيهو الا العريس...تلقاهو قاعد مطرف مافي زول شغال بيهو...قلت أديهو حقنتين في العضل أرفعوا ليكم
    فوق شوية...و ما حأطول شديد عشان الريس بكرة ما يجي يقول لينا الهكر ويجيب اللبان الضكر يطلق
    لينا البخور في البوست ده...
    بعد المقدمة الطويلة...موضوعي الليلة عن العمل سواء أن كان بالمهاجر أو بالداخل...لكني أخص به
    ناس المهاجر...و الموضوع هو عبارة تساؤل عن ماذا يجيش بنفس كل واحد تجاه عملة وهل يشعر بالأمان
    و الاستقرار...الحقيقة أنا مهاجر للعمل منذ سنة 97 و طوال هذه الفترة لم أتنقل كثيرا بين المؤسسات
    التي عملت بها...عملت بواحدة منذ حضوري الى الامارات ثم انتقلت منها بمحض ارادتي و لوضع أفضل
    الحمد لله رب العالمين...و لكني رغم ذلك لم أشعر بالأمان أبدا طوال هذه الفترة...لا أجد مبرر لهذا
    الخوف ولكنه قائم..ربما لأن الاقامة في الدول العربية بالتحديد و الخليجية أكثر تحديدا مربوطة
    بالعمل...فاذا فقدت عملك بمحض ارادتك أو تمت اقالتك فلن تستطيع البقاء في البلد لأكثر من شهر
    و من الصعوبة بمكان تعديل أوضاعك في شهر...صحيح ان الأرزاق بيد الله سبحانه وتعالى ونؤمن ايمانا
    كاملا بأنه لا يستطيع أي منا أن يضع خطة لبكرة ناهيك عن لشهر أو لسنة ويضمن أنه سينفذها 100%
    الا أن يشاء الله...لكن يبقى ذلك التخوف ماثلا أمامنا ويتملكنا...
    فأتساءل هل هذا التخوف عند الجميع...و هل هو بنفس القدر عند الذين يعملون بالداخل؟؟؟؟؟

    الحقيقة الموضوع طويل ومثير ومتشعب ولكني انتظر مداخلاتكم حول الموضوع...
                   |Articles |News |مقالات |بيانات

16-06-2009, 08:27 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    Quote: يا سلام على السوداني القديم الأصيل صاحب القيم والمبادئ والنخوة وعشا البايتات
    وأخو الأخوات


    ياريس عليك الله أرجع للميل 33 تلقى القصيدة بتاعت الراحل صلاح أحمد أبراهيم عن أبومروة...أنا للتذكير بها بجيب ليك جزء منها بس اتأملها كويس حتلقى كلامك القلتو ده يا هو ذاتو...

    الشعب الحر الفعلو بسر
    آب لحما مر
    في الزنقة أم لوم قدام ميلين
    البسمع فيهم يا أبو مروة
    بي فرارة ينط من جوة
    يبادر ليك من غير تأخير
    دا اخو الواقفة يتعشى الضيف
    الحافظ ديمة حقوق الغير
    سيد الماعون السالي السيف
    الهدمو مترب وقلبو نظيف
    لا تسالنى عن حب وطني الفقران وغنى
                   |Articles |News |مقالات |بيانات

17-06-2009, 04:40 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    صباح نضيف خالي من الغش والتزييف...
    نأسف للإنقطاع والخروج من الشبكة طوال هذه الفترة لكن الله يعلم مشتاقين ليكم كلكم...
    نعتذر للريس ميسرة عن اللبس والللخبطة اللي عملتها ليه بي دخولي بالأمس مستخدما بصمته في الصباحات الجميلات ، لك العذر يا ريس وخليك إنت الكبير وما تسمع كلام ناس الكنبة الورا وما يهمك واثقين منك..
    التشكرات لي كل الحلوين المرحبين بعودتنا ، والحاقدين ليهم الله...نحن جينا وكيا لي المابينا...
                   |Articles |News |مقالات |بيانات

17-06-2009, 04:54 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    أخونا الرشيد موضوع العمل والشعور بالأمن والأمان...والخوف من المجهول والأقدار...والكفيل...والزمن وكمان الإلتزامات الأسرية المتزايدة...والأسرة الكبيرة الممتدة...ياخي إنت دقيت على وتر حساس يهم كل الشعب السوداني المهاجر...أتمنى ألقى الوقت عشان أسرد ليك تجربتي البسيطة...مهاجر من 1992 في السعودية...رجعت بي محض إرادتي وإستقريت في السودان وبقيت مواطن صالح جدا من عام 2005 وأصبحت من العاملين بالداخل...الموضوع بالجد شيق وعايز ليه قعدة بي مزاج...
                   |Articles |News |مقالات |بيانات

17-06-2009, 05:38 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    سلامات ياناس

    اصنع المعروف واخدم الآخرين...واعلم ان حاجة الناس اليك نعمة

    حين تكون مقصودآ لا قاصدآ....وتذكر ان الكلمة الطيبة صدقة...

    وهى تشرح النفس وتسعد الفؤاد..فبشرى لمن أحبته القلوب..

    الرشيد...يا مساهر فى حضن اللاب ...وحالف ما تفارق للبوست

    لك التحية ...ونحاول نعمل ترتيب للمواضيع...

    الريس قال شنو بتعمل فيكم الابتسامة ؟؟انت زغت شعرآ....وجمال

    فارح عبرى قال انو لما بت شيخو تبتسم ليو ..بتحسس مسدسو!!!!!!!

    صاحب التكليف الاصيل ..نجيلة مازال لابدآ...نرجو ان نقرأ عن ماذا

    تفعل ابتسامات بنات الشيخ؟؟

    الموضوع التانى على الجدول ..موضوع العمل ..هل نحس بالامان ؟؟؟

    ==============================================================

    البادى النور....انت البياباك يابى العافية...والسفر ما بيمنع التواصل
                   |Articles |News |مقالات |بيانات

17-06-2009, 06:00 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    صباح الخير يا وجوه الخير،،،
    سعيدين بعودة أخونا البادي ومرحب بيك
    حبابك اليوم السعيد الليله جابك

    Quote: التشكرات لي كل الحلوين المرحبين بعودتنا ،
    والحاقدين ليهم الله...نحن جينا وكيا لي المابينا...


    يا ديدو البادي رجع ،، إضاير شويه كدي.
                   |Articles |News |مقالات |بيانات

17-06-2009, 06:08 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    مداخلة سريعة من أخونا تجتوج
    ونفقد فيها الولد جلا ، يا تجتوج
    النفاج نفاكم أرموا ساكت بدون إستئذان


    =====================

    الريس ميسرة

    مساك الله بالخير

    ناس الحوش تحياتي واشواقي

    وعندما نعشق سوف نبكي كثيرا

    ( الإنتسامة لا تدل على الفرح دوما فعندما نتألم نبتسم )

    افرز ابتسامتك يا ريس

    -------------------------------------------------------------------------------
    والله اشتقنا للود جلا وربنا يخلي لينا الريس يا منصور
    فاتح لينا النفاج وما خاتي يده على العين السحرية
    والماعندو كبير يشتري ليهو كبير

    نيابة عن جلا برد على الريس بخصوص إبتسامة بت الشيخ

    بت الشخ بتاعت جلا لما تبتسم قلبو بعمل حاجات كيييييف كيف

    تاج الدين او( تجتوج) كما قال ديدو
                   |Articles |News |مقالات |بيانات

17-06-2009, 08:05 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    مرحب بالميل 34 ....

    والله ياشباب المداخلات كترت علينا عديييييييييييل كده
    وماعارفين نرد على اي واحده فيهم ...
    كل واحده احلي من التانية ... دسامة لدرجة "الحيرة"

    يا حبيبنا ميسرة ...
    مالك جاري رجلي تاني لموضوع بت الشيخ ...
    والله انا ابتسامة واحده ...
    من ما قالت لي : ياخي قوم صلي العصر ...
    ومن اليوم داك الضحك شارطني ... مش ابتسامة بس ...

    ويا الرشيد بابكر ...
    نحنا اغتربنا من يوم تخرجنا ... احسبها شوفا كم سنه ...
    حتي اليوم لم نهنأ بالسلامة والأمان ...
    و انا بعزي السبب لان اقامتك وبقاءك في الخليج بالذات مربوط بخيط رفيع جدا
    هو الكفيل ... متي ما انتهي هذا الرباط انت واسرتك بتكون في كف عفريت ...
    بعكس المهاجرين في دول اوروبا وامريكا ... ديل اقامتهم على الدولة وممكن
    وبكون هاجسهم فقط الشغل ... بعد حصولهم على الاقامة الدائمةعلى الدولة ...
    ولكن نحنا هاجسنا الاقامة (الاستقرار) والشغل ... مع باقي متطلبات الاسرة الاخري ...

    جنابو محمد صديق سلامن خاص لجمال فارح ...
    قول ليهو مسدس شنو البرفعو لبت الشيخ ...
    اظنو قاصد يرفع يدو بتعظيم سلام ...

    ...غايتو الجري وراكم بقي يقوم النفس ... مع سهركم ده
    عليك الله نوم بدري يا الرشيد
    ده حالتو جلا مشغول "بتركه" عمو ... اقصد ببيت العزاء ..

    (عدل بواسطة ياسر نجيلة on 17-06-2009, 08:08 AM)

                   |Articles |News |مقالات |بيانات

17-06-2009, 09:52 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ياسر نجيلة)



    عاااجل ويبلغ على الفور

    الى العقيد الركن / محمد صديق

    قائد عمليات كتائب الزقازيقاب بالعاصمة الوطنية وما جاورها ..

    صدرت اليوم مذكرة توقيف دولية بحق المنشوره صورته أعلاه :

    معاوية يحى بابكر

    والمطلوب البحث والتحرى ومن ثم تنفيذ أمر القبض الصادر ضده

    وتسليمه لمسئول حوش الزقازيق بالداخل / الزناتى اب شنب

    ملاحظه :
    يرجح وجود المذكور هائما ومنزويا" فى احدى الأزقة

    المظلمة بام در فى مناطق سوق السمك بالموردة وضفاف خور ابو عنجة

    او باحدى نواصى شارع الفيل ..

    وينصح بالاستعانة بقوات مكافحة الشغب مسلحة بالآليات المتحركة

    والراجمات ومنصات اطلاق القذائف

    ويرجى التعامل بحذر مع المطلوب لاحتمال ان يكون جسده ملغما

    بأحزمة ناسفة ..
                   |Articles |News |مقالات |بيانات

17-06-2009, 10:22 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    وحياة ابتسامتك ياحبيبى
    وحياة عينيك
    قلبى حاذرك ومن زمان
    سائل عليك
    قبل ما اشوفك
    كنت فاكر الريد مستحيل
    كنت هائم
    فى طريق خالى طويل
    ليلى دون الناس
    كله آهات كله ويل
    فى انتظارك يا حبيبى
    رايح ارعاك بى جنانى
    القى فى حبك سعادتى
    وألقى تعذيبى وهوانى
    تشهد الأيام
    ويشهد الليل والنجوم
    من يوم ما شفتك
    قلبى للدنيا ابتسم
    اشرقت دنياى
    فارق دربى هم

    هذا عن سؤال ميسرة (الملغم ) , الريس حاصرناه واتهمناه بالزهايمر (والجلا ) , رجع
    لينا الكورة (صادة فى ملعبنا ) وحب يفتنا مع بنات الشيوخ , لكن يا ريس تلقاها عند الغافل
    بنات الشيوخ ديل (الحنان ذاتو ) , وعلى فكرة هم كلهم متابعين البوست ده , عشان كده اخير ليكم (اتضايروا واتصلحوا وخطوات تنظيم يا قمندان )
    البادى النور , اهلا بها الطلة من جديد ,
    تجتوج منتظرينك دائما ومن اى (نفاج شئت )
    امر القبض بتاع معاوية يحى ده بالمناسبة جدى يا قمندان , اصلو محمد عيد ( وأنا )
    دايرين من الزول ده عشرين جنيه مصرى (بى فوائدها ) ليها عشرين سنة
                   |Articles |News |مقالات |بيانات

17-06-2009, 10:38 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: منصور عبد الرازق)

    وعشان ما بكرة بكرة يا قمندان تقول لينا الزول ده فتشناه وما لقيناهو
    من هسه الزول ده اما بتاقاهو قاعد مع نهلة نجم الدين فى شارع النيل , او
    كمان مطلع كرسيهو فى الموردة جنب بيتهم الفاتح على (الخور ) , او كمان مرات
    بتلقى مع عبده مضوى اما فى بانت او جنب (بابا كوستا الزمان ) , وبالعدم تسأل
    بت الشيخ بتاعته (دكتورة ليها ضل ) فى الجامعة , انت بقى اعمل خطة الأعتقال
    المناسبة وكابسو قبل ما يلبس نضاراته , لأنو لو لحق لبسن , حايبقى زايغ منكم زائغ منكم
    لأنه (سره فى نضاراته ) , بمجرد ما يلبسها ببقى (فولترون عديل ) وبيتحول طوالى
    عرفت ولا اقول كمان
    ممكن تستعين بى جمال فارح ما دام بقى عنده مسدس
    قول ليهو منصور قال ليك يا كضاب
    عامل فيها ديجانقو لا يرحم فى الصباح لمن تقابل ناس الكمندان
    بالليل عارفك (شامى كابور )
    او بالكثير (من اجل ابنائى )
    نجى بعد ده لمواضيع الرشيد البتنرفز وتجيب الغم دى
    الزول ده كل يوم يغلبو النوم يقعد يبحت لينا فى المواضيع
    مرة ما عارف بنات الشيوخ ما تخلوهم وراكم
    وكبوا ليهم الحنان وما تبقوا بخيلين ومقتصدين فى عواطفكم
    المرة دى قعد ما عارف يقول لينا الكفيل عمل والكفيل سوا
    نجيك بى رواقة لأنو الكفيل بنادى فينى
                   |Articles |News |مقالات |بيانات

17-06-2009, 10:26 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    Quote: الريس قال شنو بتعمل فيكم الابتسامة ؟؟انت زغت شعرآ....وجمال


    محمد صديق....مالي يا أخوي ومال القراية أم دق..أكذب عليك يعني و أقول ليك أتحسس مسدسي...
    أنا خليني في الشعر ده بس...حنين وما بيغلط على زول...

    Quote: غايتو الجري وراكم بقي يقوم النفس ... مع سهركم ده
    عليك الله نوم بدري يا الرشيد


    ياسر النجيلة..لكم دينكم ولي دين...النهار حقكم والليل ملكي بطولة وبعرضه...أنا يا أخوي
    قاعد عزابي هنا أعمل شنو بالليل...أشتغل فيهو و أكلم الأولاد بالساعات...و برضو ما بيخلص
    و بعدين ما قلت ليك دي النوامة بتاعتي...
                   |Articles |News |مقالات |بيانات

17-06-2009, 11:16 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    Quote: صدرت اليوم مذكرة توقيف دولية بحق المنشوره صورته أعلاه :

    معاوية يحى بابكر

    محمد عيد ومنصور أخير ليكم...أنا والله معاوية ده صاحبي وما برضى فيهو...الراجل مشغول ياخي
    ولا امكن يكون في ألمانيا...آخر مرة كلمته كان عنده نية يسافر ألمانيا حتى وعدني أن يمر علي
    في أبوظبي وطلبت منه أن يبلغني بمواعيد سفره حتى أرتب أموري هنا و استقبله في المطار...لكن
    لا أدري ماذا حدث بعد ذلك...لكن لا شك أنه مشغول...و هذا ليس بسبب كاف لاستنفار كل القوات لالقاء
    القبض عليه...كما وان الرجل كان نشطا في الفيس بوك..ثم لم نعد نراه..وهذا دليل كاف على انشغاله

    تشنعوا بالراجل وبعدين تقولو البريد بيخربش...
                   |Articles |News |مقالات |بيانات

17-06-2009, 11:21 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    سلامات يا ناس

    ياعيد ازيك.... زولك ده يا خوى ماداير ليه قومة نفس

    قدر دى ...بى نبلة ساى بنجيب ليك خبرو...من هسة اعتبرو

    فى يد زهير...

    سلام تاج الدين

    وين اسامة ابتر

    احمد اسماعيل ..رسل كوتة امثال دارفورية
                   |Articles |News |مقالات |بيانات

17-06-2009, 06:39 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    سلامات يا ناس

    جيت اتاوق ما لقيت البوست اتارى المسكين حاتل....

    اها يا الرشيد جهزناو ليك ..ما الليل دخل تانى فى شنو

    امرق لى برة يا نجيلة
                   |Articles |News |مقالات |بيانات

17-06-2009, 08:03 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    مساكم الله بالخير
    الليلة و الليلة السابقة امتد العمل حتى وقت متأخر من الليل الأمر الذي حرمنا من التداخل الليلي
    معكم...كذلك حرمنا من نومة العصر والتعب شديد...الأمر الذي يجبرني على أن أعتذر لكم الليلة وأرجو
    أن أجد الوقت الكافي غدا ان شاء الله للتداخل معكم...لكني انتهز هذه السانحة لأرجو من الجميع
    المساهمة في رفع البوست وجعلة دائما في الصفحة الأولى...و لنبدأ بمحمد عيد وهو حامل لواء الى
    الميل 50 ...علما بأنني ربما لن أكون متواجدا طوال شهر يوليو بسبب الاجازات...

    عموما لقد طرحت الكثير من المواضيع وياسر نجيلة هو الوحيد الذى أدلى بدلوة فيها...و البادي
    وعدنا بتجربتة...ننتظر مساهمة الآخرين أيضا ثم ننقل الى موضوع آخر ان شاء الله...

    فتكم بعافية
                   |Articles |News |مقالات |بيانات

18-06-2009, 03:47 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    صباح النور عليك يا زهور...
    بداية الميل خطوة ونحن رامين لي قدام في طريق الميل 50 على الطريق الزراعي.
    جو الخرطوم اليوم عند بواكر الصباح جو خريفي رهيب مستفز للشعراء والرومانسيون ومن شايعهم... ويعطي بعدا ثالثا لإبتسامة بت الشيخ... أضحك تضحك لك الدنيا... وفاقد الشئ لا يعطيه...
                   |Articles |News |مقالات |بيانات

18-06-2009, 09:43 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    صباح النور على البلور
    كيفكم يا وجوه الخير

    بسالكم من الخير ،، السوق
    الخيري أخباره شنو ،، وين
    الأخبار أخوي زهير الزناتي

    المثل بيقول :
    كان سمحه كان شينه بس عرسوها لينا

    الرشيد موضوعك بنرجع ليك فيهو ،،،
                   |Articles |News |مقالات |بيانات

18-06-2009, 09:50 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)


    البادى .. صبحك الله بالخير

    الليلة مالك ياخوى بتقدل براك ..؟

    ناس الحوش ديل غاطسين وين ..

    ناس السودان وعرفنا انهم ضاربين الهمبريب وطاشيين ..

    ناس المنافى المحروقين فى درجات الحرارة الفوق 50 ديل مكناتهم ساحت ولا شنو ..؟

    **********

    هووووووووى يا رشيد

    الكلام ده ما بينفع ..

    اجازة وسمحنا ليك بيها عشان خاطر نجاة والعيال

    لكن تقول بتغيب عن البوست .. ده ما بينفع معانا ...

    من هسه اسعى ليك لابتوب ماااكن وشيلو معاك

    وزهير هناك بيدبر ليك شريحة DSL

    والكلام ده لكل من تســوّل له نفسه السفر فى هذا الصيف

    وقد أعذر من انذر .. والا سيتم تطبيق العقوبات التى نفذت

    بالأمس على المدعو / معاوية يحيى !!

    هاك يا رشيد ..



                   |Articles |News |مقالات |بيانات

18-06-2009, 09:59 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    هاكم دي وصلتني طازجة بالبريد
    عشان ابتسامة بت الشيخ القالها الريس ميسرة
    وعشان "الويك اند"
    وحراس البوست يوم الخميس والجمعة بكونو مشغولين بالاولاد
    بعد غياب اسبوع ... ولا شنو يالرشيد
    وعشان عصيدة وملاح محمد صديق يوم الجمعة
    وعشان يكون في موضوع للناس الحلوة والقالت "وحيات ابتسامتك يا حبيبي"
    شكرا يامنصور على رائعة محمد الأمين ...
    وعشان محمد عيد يجد ضالته ...
    وعشان المتاوقين ...

    عَرُوضِي

    يرويها بطل القصه...

    أخونا العارض

    ياعمك مرة زمان في الزمان الغابر ، وانا راقد في نص الحوش زي
    التمساح العشاري معاي الحجة نتجاذب اطراف الحديث ، والكهرباء ( كاطعة)
    كعادتها و السخانة زي الشطة .
    التلفون يقوم يرن ،،، ارفع السماعة يجيني ليك صوت زي الكمنجة :
    العارض : منو معاي !!
    هي : حسن موجود ؟؟
    العارض : مافيش .... نقول لي منو ؟؟
    هي : قول ليه ندي ،،، طيب باي !!
    انا ما لايووق ,ويكة بس :
    باي نق تربيع !!
    دقيقة و الحكاية شنو انا غفير ولا بتاع كبانية !!؟
    هي : ليه في شنو؟؟
    العارض : طيب ما تتكلمي معاي ، انا ليه البنات بضطهدوني كدة انا ما بنو آدم !؟!
    ما كرهتونا البلي زاتو !!!
    هي : انا آسفة ما قصدت شئ بس لانو ما بعرفك ، انت منو طيب ؟!؟!
    انا : انا العارض اخو حسن ( علماً باني لا اعرف حسن ولا زول بهذا الإسم
    الا حسن الترابي وده بذات بيني وبينو مافي اي عمار ) يعني معقول اقول
    ليها النمرة غلط ومافي زول إسمو حسن ( انا جنيت ) !!
    ونظريتي في الحياة :
    ما اجرح مشاعر الصبايا ورفقاً بالقوارير والمثل الخالد بقول ( عدم العروض جفا ) !!
    هي : خلاص ياعارض اتونس معاي وليه لا ، ده حتي باين عليك زول ( لطييف) !!
    المهم حنك شديد ، ساعة وانا بتراشق مع البت زي الفراشة ، رشاقة جد ، شئ نكات
    وشئ شعر شئ غرويد عيون ، حكم وامثال و البت انكيفت لي شديد !!
    هي : طيب باي ، هاك تلفوني وهات تلفونك وسلم علي ( حسن ) .
    انا : ( في سري طبعاً ) حسن بتاع جنك ، حسن والصفارة !!
    دقييقة ياخي ، ومال كنت ح احنكا كييف !!
    لما خلصت المكالمة وجيت راجع للحجة :
    سالتني :
    ام العارض : انت يا ( عروضي ) ده منو البتنضم معاو ساعة ده !!
    .... قلتا ادقس الحجة قلت ليها النمرة غلط .
    الحجة : ساعة وتقول لي غلط الضارب ده هندي !!
    انا : انت ياحجة في الامن ولا نكير خالك : مالك بتحكيها كدة .
    الحجة : يحكك الجرب يامخوزق تلقاها واحدة من الغنم البضربو ليك ديك ...!!
    العارض : انت ام رقيقة ولا ام فتفت
    ،،،،!!
    ... المهم سادتي دورت التلفونات بيني والحبيبة الوطن ،،
    وكل يوم تلفونين تلاتة وانا خلاص الصوت الناعم يزداد
    رسوخاً في ذهني .. اتعذبتا عذاب شديد .
    البت اقرأ ليها شعر ( يحي فضل الله ) اقول ليها
    انا كتبتو ... مرة قريت ليها :
    ( ياضلنا ) قلتا ليها دي بذاات كاتبا فيك لانك
    عندي زي ضُل الضحي المترامي بين مسارب روحي !!
    بعد مدة سمّعتا ليك في شريط لي ( مصطفي سيد احمد )
    شاكلتني وقالت لي انت ماعندك مصداقية كييف تدقسني
    وتقول لي كاتبا فيك !!
    انا : ( مالئيم وما بتغالط )
    العارض : انت ما سمعتي بي توارد الخواطر ،،،
    اها ده توارد بيني والشاعر الإسمو / يحي فضل الله ده .
    وبعدين هو زاتو متأثر بي و شعرو كلو
    ضُل و شجر تقول ( مزارع ) .
    اها الدامة كلما اقول ليها نتلاقي تقول لي خلينا
    شوية نأخد علي بعض !!
    انا ( متفائل ) قلت النص ده ح يكون مبالغة زي
    صوتا ده اصبر عليها و طول بالك ياحبة بكرة تُفرج
    وتكتحل عيونك برؤية البدر ليلة تمامه .
    يا بت الناس ما نتلاقي خلاص ،، تقول لي اصبر
    بطل شفقة انت مالك لايوووق كدة !!
    انا اللايووق انا الويكة انا السرسيون .
    واشيل واطمن في نفسي واقول البت دي بي صوتا
    ده بالميت بتكون قريبة ناس المغربي ، وعيونا
    بكونوا كبار وغلاد و حلوات زي عيون الحمار .

    ... اها مرة قُرحتي قايمة علي و عندي حرقان
    وزهجان الف، قامت ضربت لي تلفون في المكتب .
    العارض : هووي انا حركات المراهقين دي ما
    بتنفع معاي ،،، نحن لازم نتلاقي يا كلّ قرد
    يطلع شجرتو، شنو شغّالين خيال علمي !!
    هي : ما تخلينا شوية مالك الليلة !!
    خلينا نخلق مساحات للشوق !!
    العارض : مساحات شنو،،، دي الاراضي!!!!يا نتلاقي
    يا شتات تاكلي نارك
    كرهتينا التلفونات بقيت عامل زي رأفت
    الهجان كدة !!
    هي : خلاص بكرة نتلاقي في نادي الاسرة ،،
    بس انت خليك ( ريلاكس)

    .. وقد كان اليوم الموعود
    الحلة كلها عارفة انو العارض جادع زمن وح يلاقي الحبيبة
    ( ستات الشاي... نسوان الكسرة... بتاع الدكان
    ...عوض الترزي حتي عايدة شمار ) .
    ياعمك خشّيت ليك في المحشي من العصر ونجيب الريحاني
    ( اباطي اتهرد من الريحة ) قربت اعمل (الفاتح الصباغ)
    لي شعري بس خفت من شيلة الحس ، اها وشتات لي نادي الاسرة !!
    مشيت قبل ساعة من المواعيد
    ( الخفة الكتلت اب تفة والرشاقة الكتلت إشراقة ) .
    وقلتا اعمل كاسحة ألغام ،،، هو ده ما مهرجان فرح كرنفال عشق !!
    اها الدنيا مغربت كدة ، جات ليك بت زي الليل زي السم
    انا بي خفتي المعهودة جريت عليها :
    العارض : انت ندي !!
    هي : لا ابداً وقبلت علي الجهة الثانية
    ( بس ،، الله يكسر حنكك عامل وشك العريض ده ) .
    العارض : هووي يا العولاق اصبري علي بس تجي
    القطعة النضيفة دي وجاهتك دي الا اطيّرا ليك من راسك .
    .. بس بعد شوية تجي ليك بت زي ( السحلية )
    لا لا لا زي الدبيب ... ... لا دبيب شنو ... زي الصارقيلة الصايمة !!
    وانا خلاص من الضحك داير اقع علي وشي ،،،
    وهي طواااالي جات ليك علي !!
    الصارقيلة الصايمة : انت العارض ؟!
    انا : آي انا العارض عارض السجم والرماد
    وفي سري قلتا دي بتكون مرسال الشوق الحبيبة
    رسلتا ( للإعتذار وكدة ) انت منو يختي !!
    الصارقية الصايمة : انا ما ندي ندوية قلبك
    يا قلب ، يخسي عليك ياعروضي ما عرفتني !!
    ... انا خلاص بقيت مخدر وكداري ما شايلاتني
    وقلت ياعمك دي الكاميرا الخفية ولا شنو ؟!
    اواصل الفيلم للنهاية و الشباب في الحلة
    راجينك ح تقول ليهم شنو؟!
    ده ماآكشن الآكشن ، المهم لملمت اطرافي وقلتا
    ( خربانة ام بناية قش) !!
    وهاك ياضحك وغرويد عيون وشعر ،، اي نعم كنت
    داير اطرش وانا بقرا الشعر لكن اهو نمشي الحال .
    ... وقلتا لازم امتص الصدمة و اعمل فيها روحي رياضية .
    وهي دايرة تطير من الفرح ،، وتعطش ليك في ( الجيم)
    انا قايل الجيم صايمة اليوم داك !!
    وهاك ياغرويد عيون و تتلولح وتتمايص زي الياي !!
    وماسكاني من يديني انا قايل نفسي ( هاني شاكر)
    و لو جاء زول فيكم بهناك ما حا يعرف الجكساية منو فينا ..
    ... لكن النصيحة البت ما مبالغة حنضل بس !!
    ياخ دي وشها زي اللين ( مثلث ) وخاتة ليها
    قطعة كرتونة في صدرها زي المريلة ،، ح تقولوا لي ليه :
    ما عشان صدرا ما يتقدّ لو نزلت حنكا ودنقرت
    لي تحت ،،، مش قلنا حنكا سنين ولا شنو !!
    وبعدبن مجلطا ليك شعرا تقول بي ( مخاطة ) ،،،
    وكمان لابسة ليها 15 قطعة قماش ده،،، مسلسل
    الجوارح ولا شنو أنا زاتي ما عارف !!
    طبعاً دايرة تسمن وكدة : في سري
    ( لن يصلح العطار ما افسده الدهر يا حبة ) !!
    المهم سادتي اليوم داك مرّ بي خيره وبي شره !!
    بعدما طمنتها انو البينا سوف يستمر ونحن كيان واحد ..
    ولازم نواصل المشوار ولا نامت اعين الجبناء ، وانت
    إمرأة حلوة ومستنيرة وروحك حلوة !!

    ... ولما رجعتا الحلة فكيتا ليك في الشباب
    قلتا ليهم : البت طلعت زي الليل زي اللبلب ،
    هم صدقوني لكن بإرتياب عارفين حظي !!
    اهن هي بقت تضرب في المكتب وانا عامل
    ( حظر عاطفي ) إستنفار شديد اي بت تضرب لي
    ان شاء الله بت لعاب : انا مافيش انا في الجنوب
    مشيت العمليات جاني قبول من سراييفوو
    اي حاجة بس جلوني منها !!
    انا ما شليق يوم جيت المكتب بدري التلفون يرن ،
    رفعتا السماعة القاها ليك دي ( حبيبة قساي )
    ومين قسّا قلبي !!
    هي : وييين اتا،، وشنو الحكاية من ديك وعيك !!
    انا قايل ده يوم القيامة ،، لساني الطويل داك
    بقي زي حق الطيرة، وخشمي بقي ناااشف و حلقي مُرّرّرّرّو ،،
    جاني الطُمام بتاع الملاريا داك و كلما ابلع ريقي
    احس كأنو في حلقي فيه علبة ( صلصة مصدية)
    ولا لستق عربية محروق و !!!؟؟ ماعارف بالضبط شنو !؟!؟
    وهي مواصلة في الاسئلة زي نكير :
    الصارقيلة الصايمة : مالك ما باين ويا حليلك
    وياحليل ايامك وشنو ما بضرب ليك طوالي ما بكلموك
    سكرتيرتكم العاملة زي الورل دي ما بتكلمك !!
    ورل انت كمان بتتكلمي في الشكل ( في سري طبعاً ) .
    لما خلاص زهجت مني وانا زي الابكم !!
    الصارقيلة الصايمة : ماعشان كدة قلنا
    ما نتلاقي ،،، رجال ماعندهم نظر ، و المراة
    عندكم بس جسد .... وكركرب قفلت السماعة !!!








    نصيحة :
    ... تاني مافي واحد فيكم يرد علي التلفون
    لو في ناس تانين في البيت !!


    همسة :
    انا لو بقدر علي الحمام الميت ده ووجع
    القلب ده كان مشيت الشرطة الشعبية !!


    حاشية :
    لا تثق في الصوت عبر الهاتف ان بعض الجكس يؤذي !!


    حاشية الحاشية :
    ... لو في زول فيكم وهو حايم في الخرطوم
    و شاف لي بت زي الحربوية خاتة كرتونة
    في صدرا (قطع شك ) دي الحبيبة الوطن ..
    ولازم يقطع فيها كف علي مسؤليتي انا ،،،،،،!!!!
    ... وبرضو تقولوا لي سموك : ( العارض ) ليه !!

    إنتهت .
                   |Articles |News |مقالات |بيانات

18-06-2009, 01:39 PM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ياسر نجيلة)

    يا أخونا نجيلة القصة حلوة وواقعية ودا حال بعض بناتنا في اليومين ديل...
    مرة وفي عز الليل نايم حوالي 3 فجرا يقوم يرن الموبايل ، أرد ألقى ليك داك الصوت الما خمج... رحت فيها وقلت دي الحور العين ، سألتني عن إسم لا أذكره... قلت ليها النمرة غلط ، قالت لي خلاص ممكن نتونس... قلت ليها في جنس الساعة دي وأنا قايم من النوم... قالت لي بكل دلع الدنيا والآخرة ما إنت أولريدي صحيت خلينا نتونس شوية... قفلت السماعة ورجعت لي النومة الحلوة ديك وأعتبرته حلم جميل...
                   |Articles |News |مقالات |بيانات

18-06-2009, 02:56 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    Quote: من هسه اسعى ليك لابتوب ماااكن وشيلو معاك


    محمد عيد انت عارفني ما بريد الفشخرة...لكن خليني اتفشخر ليك شوية...اللاب توب عندي ورغم
    انه صغير الحجم وخفيف الوزن لكن الاجازة الفاتت قطع لي كتفي في السفر ومع الأولاد... خصوصا
    المرة دي كمان اللفة طويلة و آخرها السودان...و لما أصل السودان مافي مشكلة لكن قبل ذلك
    ربما يصعب الحصول على كمبيوتر بكي بورد عربي...

    شايفكم أصابتكم حالة بتاعت كسل كده شوية ما عارف السبب شنو...هل يا ترى مشغولية ولا شنو الحصل
    أنا كان الله سهل يا جيتكم بالليل يا كمان صباح الجمعة مع العصيدة الحااااااااااارة بتاعت محمد
    صديق..
    محمد صديق قول لي بت الشيخ زيدي الملاح...
                   |Articles |News |مقالات |بيانات

18-06-2009, 02:57 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    سلامات ياناس

    تسجيل حضور ومتابعة....



    ___________________________________________

    لو انها الايام ابقت..

    من دنان العشق..

    بعضآمن شراب..

    كنا تحلقنا سويآ..والصحاب

    نسقى ..ونسقى

    نستحيل غمامة

    تتعشق التسفار فى جوف المدى

    تأبى الاياب.
                   |Articles |News |مقالات |بيانات

18-06-2009, 03:03 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    سلامات يا ناس

    مساء اليوم ان شاء الله ...

    موعد مع ابتسامة بت الشيخ
                   |Articles |News |مقالات |بيانات

18-06-2009, 05:49 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    سلامات يا ناس

    الحكايةشنو لابدين كده؟؟

    احسن نقول كلامنا بدرى اصلو تلايت الليل دى حقة الرشيد....

    والا اقول ليكم انا حأرجع بعدين ...مش ليل اوى...

    ++++++++++++++++++++++++++++++++++++++++++++++++++++

    مابغيرنى صدودك عنى

    ولا بحولنى غرورك يوم

    سيب نيران الشوق تحرقنى

    واملأ ليلى على هموم

    فى نظراتك حبة شوق

    رماها الحب فى حقل شبابى

    فى بسماتك دفقة نور

    اضاءت حول ليالى عذابى

    صبرى معاك علمنى كتير

    اسخر كيف من كل صعابى

    كيف اتحمل ليل وهجير

    واقنع منك بالمقسوم

    انا واشواقى وفجر صباى

    وطيب ايامى بنجرى وراك

    الأن الدنيا الباسمة الحلوة

    والايام جمعتنى معاك

    باى طريقة تفرق بينا

    وتحرم عينى العاشقة تراك

    تقاسى لهيبا مهما يصيبا

    طول مظلومك ما مظلوم
                   |Articles |News |مقالات |بيانات

18-06-2009, 08:43 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    سلامات ياناس

    لسة ما فى زول مر او تاوق

    نأجل الكتابة لى بكرة

    صباحاتكم خير
                   |Articles |News |مقالات |بيانات

19-06-2009, 07:39 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    سلامات ياناس

    عندما يولد احدنا يؤذن له فى اذنه بدون صلاة

    وعند موته يصلى عليه بدون اذان..فكأنما حياتنا

    وقت ما بين الاذان والصلاة...فأكثروا من الذكر

    والصلاة ...واكثروا من الصلاة على حبيبنا المصطفى

    عليه افضل الصلاة واتم التسليم...
                   |Articles |News |مقالات |بيانات

19-06-2009, 12:43 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    سلامات يا شباب

    أول حاجة أمبارح البادي قال لينا الهمببريب مع اشراقة شمس الصباح في الخرطوم...بالليل
    اتكلمت مع ناس الخرطوم قلنا ليهم قالو ضاربين الهمبريب...قالو لي همبريب شنو منو القال
    ليكم الكلام ده...يا جماعة مصدر موثوق به...قالو لي النيران منطلقه تقول لي همبريب...
    واحد رسل لي ايميل من كم يوم كده قال من الصبر انتظار نانسي عجرم في قناة اقرأ...أعتقد كمان
    ان من الصبر انتظار الهمبريب في السودان...
    محمد صديق الظاهر علي يا أخوي حاختف رجلي أجيكم في البرودية دي...

    كان من المفترض أن تحضر أختي من الخرطوم صباح يوم الخميس على متن الخطوط الجوية السودانية
    و نسبة لظروف عملي خارج أبوظبي كلفت أخي ليقوم بالاستقبال و عليه التنسيق مع نجاة حوفي ليتسلم
    أوراق الفيزا...كل واحد رتب أموره على ذلك وتم القاء واعادة ترتيب الكثير من الأعمال حتى يتسنى
    لهم مقابلة أختي بالمطار...تم تأخير موعد القيام لساعات...أعاد كل واحد ترتيب أموره من جديد
    ثم تأخير ثاني..و اعادة ترتيب ثاني...تأخير ثالث ورابع...
    حضرت الى أبوظبي وتكفلت بالقيام بالمهمة...على أنوم لقليل من الوقت حتى أكون جاهز لأي تأخير
    اذا نمت ربما تجر النومة...المهم أنا في هذه الحالة وأختي تتصل من داخل الطائرة...قمتو...لسة
    قمتو...لسة...قمتو... لسة...قٌمتو...أيوة اتحركت الطيارة...وكانت الساعة العاشرة مساء بتوقيت
    الامارات...ضاعت النومة وهاك يا سهرة حتى وش الفجر...
    شوف سفرية واحدة بتاعت سودان طير جهجهت كم واحد..ديل غير الذين تأثروا بطريقة غير مباشرة سواء
    لتأجيلات مواعيد مع أخي أو تأخير عمل من نجاة حوفي...أو جماعة كان مفروض يزوروني في المنام..
    طبعا و للأسف الشديد السودانية والباكستانية ابعدوا من المطار الرئيسي في أبوظبي و خلوهم لوحدهم
    في تيرمنال2...بنزعل لكن بنستاهل البيحصل لينا...سفرية واحدة جهجهت كم واحد في السودان وخارجة
    ماذا يحدث في المطارات التي تستقبل مجبورة سودان طير...

    الصباح يلقوك في الشغل تعبان و بتتثاءب و عندك صداع رهيب يقولو سلامتك مالك عندك شنو..تقول ليهم
    عندي سودان طير..

    اليوم علي نعستنا دي...جبنا الكسرة ونجاة حوفي عملت لينا الملاح الGreen ملاح السلج...حسة أنا
    شايف ليكم الكمبيوتر ده عشرة عشرة...و الشافني مرمي في السرير زي الهمر المقلوبة بعد شوية ماكضب

    فتكم بعافية

    (عدل بواسطة الرشيد بابكر on 19-06-2009, 12:47 PM)

                   |Articles |News |مقالات |بيانات

19-06-2009, 12:54 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    سبحان من ايقظ العيون بعد المنام

    سبحان من اضاء الكون بعد الظلام

    سبحان من شرح الصدور لترى الاسلام

    سبحان من انطق اللسان بالصلاة والسلام

    على الحبيب محمد خير الأنام ..


    جمعة مباركة عليكم ايها الأحباب

    ************

    التحية والترحاب بالاخ العزيز / عثمان الجيلى

    الذى عاد بحمد الله من الوطن العزيز

    ونسأل الله له ان يطوى أحزانه ويجعلها الأخيرة باذن الله

    مرحبا عثمان .. حللت أهلا .. ونزلت سهلا
                   |Articles |News |مقالات |بيانات

19-06-2009, 04:07 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    مرحبا بعثمان الجيلي... وحمدا لله على سلامتك
    والله افتقدناك كثيرا وسألنا عنك عدة مرات في هذا البوست...

    نرجو أن تعود على الفور الى البوست...و ليجعلها الله آخر أحزانك...
                   |Articles |News |مقالات |بيانات

19-06-2009, 07:22 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    سلامات ياناس

    اهلا يى ود الجيلى

    لاننا سودان طير ...حناجل ابتسامة بت الشيخ لى بكرة ان شاء الله
                   |Articles |News |مقالات |بيانات

19-06-2009, 07:54 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    يا أخوانا مالكم..ان شاء الله خير...القصة طناش و لا انشغال ولا مشيتو الاجازة من غير ما
    تكلمونا...الناس الكانو بيجو كل يوم...تجيكم العافية ان شاء الله.... و المتابعين من بعيد
    و مستمتعين...أها بقينا نتبادل أنا ومحمد صديق ومحمد عيد في المداخلات...و أنا خايف بعد كده
    أقوم اعمل المداخلة وبعد شوية أقوم أرد على نفسي...و الله يا الرشيد بابكر بالغت فيها دي
    و أطرح الموضوع و بعدين أناقشوا مع نفسي...و دي ذكرتني بقصيده حلمنتيشية كانت تقدمها فرقة
    الجو الرطب زمان و بتقول...
    مالكم ومالي
    يالداخلين توش طوالي
    ساكت كدة تتكلمو معاي
    ان شاء الله اشكها جلابية واقعد مع بت عمي
    ان شاء الله اتسوك بعد الشاي
    كمان اكل لي ستين كيلو عجالي
    وابقى سمييين ذي مرت خالي
    هي مش مرت خالي
    مالكم ومالي
    ارسل جواب لعنواني
    وبعد يومين الجواب اجيني
    واقول هي الجواب الرسلتو جاني

    و لو القصة كمان قنعتو منها خلوني أمشي أعمل بوست بتاع مديح وأسميهو يوم الجمعة الفات
    الليله ليلك جن...أجيب طاري و أمدح و أردح فيهو...أن شاء الله أردح فيهو براي مالكم و مالي
    ما بوستي...ما أخلي ليكم فيهو أولاد حاج الماحي و أولاد البرعي و أولاد شمبات...لا..لا.. سوري
    يا شباب ديل تبع منصور ما تبعي...تاني حأكون فاتح ليك قناة ساهور 24 ساعة...و منها و أنقل
    للبوست بتاعي...تاني البيجي داخل البوست بتاعي الا يقلع جزمته بره...

    أها يا تجو راجعين يا نقوم نفز...

    فتناكم بعافية
                   |Articles |News |مقالات |بيانات

20-06-2009, 08:46 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)


    نهاركم سعيد ..

    الساعة قربت من 12 وما قادر بدل الريس اقول صباح الخير يا وجوه الخير

    حاجة غريبة ..

    الليلة انا خفسـت لى فى مشوار من الصباح

    ويادوب جيت داخل .. قلت القى الصفحة قلبت ..

    اقوم القى تحذيرات الرشيد بتاعت ليلة امبارح قاااعدة

    وصحن الكسرة الفطير ( عشان هو عندو مصران ) برضو قاعد !!

    ومحمد صديق الظاهر زهج ومشى مرقها فى رفاعة ..

    يا خوى لقيت الكبرى ده وبقيت بى عجلة قايم سدارى طوالى على هناك ..

    الله يستر غايتو انا ذاتى بعد شوية باغطس .. وما حتلقونى الا بعد كورة السودان ..

    معاى تذكرتين اكراميتين يا منص .. رأيك شنو بس متع عيونك بالرد كاسل ده ..

    &&&&&&&&&&&&&&&

    يا شباب غياب الليله بى عذرو ..

    ومشاغل السبت معروفة ..

    أصلوا السبت ده من زمان ما بنريدو ..!

    سبعة حصص ... الكتراااابة ..!!

    يا ريس سلم وامرق بس

    الصفحة الكج دى ما بيقلبها الا جلا .. الله يجيبك بالسلامة ..

    بنات الشيخ كلهن قاطعن البوست من يوم جلا ما اختفى ..!!

                   |Articles |News |مقالات |بيانات

20-06-2009, 10:32 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    مساء الخير يا أحباب الخير

    الليلة الدخول أصبح لينا حلم حلم
    السبت والشغيل مردوم وكمان بنعمل جرد
    للستة شهور السابقة ومراجعين قانونين يعني
    مزنوقين زنقة كلب في غرب القاش - زي ما بقولوا ناس كسلا -

    الأيام الجاية دي بجيكم بس بصعوبة شوية وراجع لموضوع
    أخونا الرشيد ما ناسيهو .

    عثمان الجيلي جيتاً جيتا سلام ،، سلام
    عايزين البوست ينور بيكم .
                   |Articles |News |مقالات |بيانات

20-06-2009, 10:52 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    مساكم الله بالخير
    الريس عندو جرد... ومحمد صديق مختفي اليوم...محمد عيد بيستف في عفشو راحل...منصور طش
    طارق جبريل رجع بس بي هناك وجر معاهو ديدود...نجيلة اجازته جمعة وسبت...جلال غارق في المفاريك
    وبحنس في الحاج عشان ما يرجع...عصام دهب مازال متابع ومستمتع...البادي بدأ بنمرة أربعة
    و بعد داك جر فرملة اليد...جلا ما زال يستقبل في المعزيين...زهير الزناتي حتى على عجل مافي
    و لو استمرت كده أول حاجة بعمله بجيب ليكم بخور أطلقوا في البوست ده...امكن يكونو سحروكم
    ولا حاجة...كان نفع البخور نفع كان ما نفع كمان الظاهر علي أنا حأكون برضو..... متابع
    و مستمتع.....
                   |Articles |News |مقالات |بيانات

20-06-2009, 11:38 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    رشيد ..

    طالما الجميع غايب .. او مجافى ..

    وطالما .. انت كمان عاوز تستمتع ..

    انا حأقدكم وانزل السندس كلها

    ولو مافى زول ظهر حأنزل الاطلالات كلها من عدد 1 لغاية 14 ..

    والحشاش يملا شبكتو .. !!

                   |Articles |News |مقالات |بيانات

20-06-2009, 11:45 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)







                   |Articles |News |مقالات |بيانات

20-06-2009, 12:07 PM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    ايوا يا محمد عيد ده الشغل
    نزل نزل ولا يهمك
    يلا يا اخوانا شجعوه شجعوه


    ـــــــــ
    من الصباح وانا متابع اخبار البنات الدقوهم فى جامعة الخرطوم
    ( البركس ) وده بذكرنى بحادث ايضا" حصل للبنات فى الزقازيق
    باحدى دور البنات وياريت نلقى واحد/ة يدينا التفاصيل انا المتذكرو
    سامية اسماعيل اخذت ليها سوط وعفاف على ميرغنى شـردت وفى واحدة
    من بنات اداب كان ( دقاقة ) جنس دق ما مذكر اسمها .... ؟؟؟؟

    (عدل بواسطة عبد الدائم سيد أحمد on 20-06-2009, 12:12 PM)

                   |Articles |News |مقالات |بيانات

20-06-2009, 12:08 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    خلونا نتضارى شوية مع الكلام الحلو وزين ..

    .. ومع الحروف المشبعة بندى الجمال

    والمترعة القا وبهاء ..

    الرائع .. هاشم صديق ينداح معنا

    ****

    سحـــر الهــوى


    أيا نفس الهوى

    الممدود.

    ويا طل السَحرَ

    نقّط

    على فرع الاسى

    المشدود

    ويا باب المنى

    الفتَّح

    على درب الهوى

    المسدود.

    نَقَعِ صوتِك

    سَكن بيهو السلام

    في الروح.

    ليك بدّع

    وتر قلبي

    اتترنم نبض زمني.

    وبيك قِدْرَت

    جروحي تروح.

    عليك تاوق

    عليك تاوق

    دَغَش موعود

    وانعتق الفرح

    رفرف

    واتْهَدَّت سدود

    وسدود

    أيا حُضن الهوى

    الأرْحب.

    خليتي الشَمسِ

    أقرَب.

    كللتي الجُزُر بالغار

    وعمَّدتي الحنين

    بالنارِ.

    ورَصّتي النجوم

    أسرار

    وجَّملتي البلد

    أعذب.

    ومديتي الأمل

    والايد

    سويتي العجب

    أعجب.



    وقع سور الأسى

    الممدود

    وانفتحت

    حدود في حدود.



    أيا نَفَس الفضا

    الممدوِد.

    ويا طَل السَحَر

    نقَّط

    على فرع الاسى

    المشدود.

    رجَّعتي الوجود

    موجود

    رجَّعتي الوجود

    موجود.



                   |Articles |News |مقالات |بيانات

20-06-2009, 12:30 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    منصــور ..

    يا خوى شنو الحاصل ..؟

    عشان سكتنا ليك على السكسكة العاملها كل خميس

    بقيت ما ســائل يعنى ؟

    عموما مصادرنا فى غرب اوربا ودول اسكندنافيا

    بعثوا لنا على عجل بأدلة ادانة وتجريم ..

    لاستخدامها عند الحاجة ..

    وانا الآن بأحذرك .. عندك لغاية الساعة 6 مساء

    لو ما نزلت على الأقل مداخلتين ..

    الأدلة سترسل لى أم احمد بالوسائط ..

    وهاك العينة .. أتاريك خاربها ..!!




                   |Articles |News |مقالات |بيانات

20-06-2009, 02:15 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    الحمد لله , الليلة اول يوم ارجع من الشغل ما آخد لى تكية زى العادة
    بالله تقول قلبى حاسى , بينى وبينكم يوم سبت مبالغة , وقبله كمان خميس وجمعة فى السلك
    البوست بى عينى ما شفتو و تقول الرشيد عامل لى فيه كج . هسى الحمد لله الساعة يا دوبك خمسة
    محمد عيد انا عارفه (عوير وبيسويها ) , احمد قاعد جنبى يزاكر وريتو الصورة اول حاجة عملها لماهم كلهم جوا يتفرجوا
    الوحيدة البقت فى صفى ايثار بتى قالت (بابا حلاتو ) لمن كان صغير , والحمد لله قدرت امشى الحوار فى الاتجاه بتاع صغير
    وكبير ده والبنية السمحة الشايلانى يا ود عيد يا مفترى انت راحت ليك شمار فى مرقة
    بينى وبينكم كان عندى (tender) فى نادك اخد منى اليوم كله , حتى يوم الخميس راح فى حق الله
    ويوم الجمعة كمان يتسلطوا على الشباب بعد ما دخلهم احساس الأجازة عدا احمد , لكن ما شاء الله فاتتنى حاجات كثيرة
    , العارض بتاع ياسر نجيلة ده داير ليهو رجعة تانية , طارق جبريل بادى ليهو طريق جديد (اشم ) من بداياته
    رائحة ابداع مماثل (لصبى البناى او الطلبة بتاع زمان , لكن لو دايرين تمشوا ليهو بهناك انصحكم تشيلوا
    معاكم (كمامات ) , هو براهو قال كده وأنا مالى , سجل عندك يا محمد عيد انا رجعت قبل المهلة , اوع تتهور
    الرشيد كان بايت فى المطار ومتعشى ولا متغدى ما عارفه ثلج و انت بى غداك ده الا تركب قطر كريمى مع حبوبة
    طارق جبريل القصتها بادية بى هناك ديك
    جلا , الله يعلم اشتقنا ليك , غبت وغاب معاك تجتوج , عثمان الجيلى سعدنا بعودتك
    ساعود برواقة , المهم افشلنا خطط الأعداء ومكايدهم فى الوقت المناسب
                   |Articles |News |مقالات |بيانات

20-06-2009, 02:42 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: منصور عبد الرازق)

    ســعدت اليوم باتصال هاتفى رقيق من الحبيب / معاوية يحى
    اولا هو يهدى الجميع التحايا ..
    وعلى حد قوله .. هو متابع ومستمتع .. زى عصام دهب وآخرون
    ووعد بالمداخلة من خلال النفاجات المشرعة ..
    الجديد - وهو ليس جديدا لكل من يعرف معاوية - انه ابدى كثيرا من السخط
    على حال البلد .. وحاكمى البلد .. واسترسل معى فى شرح مدى القهر الذى
    يجتاحه بسبب ما يحس به الناس كل يوم من اغتيال نفســى وقهر معنوى ..!!
    معاوية الذى أعرفه .. لا يهاب من الصراخ فى وجه الظالم والباغى ...
    لذا عندما قلت له اننى حاولت مرة الحديث فى البوست عن السياسة ...
    تصدى لى رشيد القوم ووضع خطا احمرا امامى ... ضحك معاوية
    وقال لى صاحبك الرشيد ده انت نسيت انو كان اتحاد اشتراكى ...؟!!
    شكرا .. معاوية ، وسنقوم بابلاغ الجهات الرسمية بتجميد مذكرة التوقيف
    الى حين ظهورك فى هذا البوست ..

    &&&&&&&&&&&&&&&&

    منصور ..

    يادوب وصلت نص المهلة وباقى ليك مداخلة تانية

    وانا برضو ما باهظر ..

    وهاك عينة تانية ..

    بقية الأدلة استلمها فى الايميل

    (عدل بواسطة محمد عيد on 20-06-2009, 02:46 PM)
    (عدل بواسطة محمد عيد on 20-06-2009, 02:48 PM)

                   |Articles |News |مقالات |بيانات

20-06-2009, 03:12 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    الفانيلة الظهرية السمحة دى والله يا حليلها , سنة اربعة وثمانين , بين تانية وثالثة يعنى
    جيت ليك زيارة الرياض فى الصيف للمرحوم اخوى واسرته , لمن رجعت السودان قبل ما ارجع الزقازيق
    جنس بناطلين وقمصان و منهم الفى الصورة دى , الأجازة دى زاتها الرشيد قضاها فى الكويت , رجع
    بى نفس الحال , طبعا نحن دواليبنا كانت فاتحة على بعض , بحكم (البنية والحجم ) رفعت كان اكبر الخاسرين
    حتى انو قال انتو الزول ما يستفيد منكم الا شباشب وجزم وعطور , والصورة دى بالزات يا ابو دعاء
    كانت فى رحلة رأس البر , اول حاجة عملناها بعد ما استلمنا الأسرة بتاعت زراعة , كانت رحلة
    غاية فى الجمال والروعة , وصور كمان لا تنسى , بس صاحبكم بيش فى قصة الصور والحاجات بتاعت الكمبيوتر دى
    بينى وبينكم , انا زول بتاع دركسون ساى , اسوق ليكم فى الكيبورد ده لغاية بكرة , لكن لو لستك بنشر
    ولا فيوز ضرب , الحل الا تلقوهو عند محمد عيد
    يا ود انت اتعلمت الحرفنة دى وين
    قاعد تزاكر ورانا بعد الظهر ولا شنو ؟؟؟!!
    اها مرقنا ولا لسه
    دى محنة شنو يا جماعة ؟؟!!(وش ممحن )
                   |Articles |News |مقالات |بيانات

20-06-2009, 07:01 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: منصور عبد الرازق)

    يا منص حمد الله على السلامة...بركة الجيت طيب يابا...كان ما ود عيد ده كان البوست ده قفل
    زمان...ان شاء الله يتبارك..يتعلى ما يتدلى...
    أها يا أخوانا معاوية رجع وبالتلفون حالتو باشانة سمعة كمان...يعني لو جانا بالدرب عديل كده كان طلعني مؤتمر وطني...اتحاد اشتراكي شنو يا أخوي...أنا والله ما كنت اتحاد اشتراكي ولا حتى اتحاد مدني...صحيح سكنت مع محمد عمر عبدالله و هو الوحيد الكان اتحاداشتراكي في الزقازيق كلها...اتحادي ديمقراطي قريبة شوية بحكم عمنا أحمد السيد حمد و الوالد...لكن اتحاد اشتراكي دي كبيرة شوية وبعيدة شديد..
    الفكرة ان البوست ده يا جماعة بوست جامع لكل ناس الزقازيق بكل توجهاتهم السياسية...و أي تسييس
    للبوست يعني وبصورة مباشرة أو غير مباشرة ان البوست قد تغير عنوانه...
    قلنا يا جماعة تعالو لينا في المنبر ده ببوست تاني فشوا فيهو غلكم حتلقونا معاكم بي هناك
    مافي زول بيقول ليكم حاجه...و عندكم سيد الحوش زاتو عصام دهب لما يكون عايز يفش غله بيفتح ليهو
    بوست تاني بعيد عن الحوش ده وكان ممكن يقول العايزو و هو صاحب الامتياز...
                   |Articles |News |مقالات |بيانات

20-06-2009, 08:27 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    لحظات سرقناها رغم انف المشغوليات حتى لا نتهم ونطلع سدنة
    وشايف محمد عيد نكت ليه كم حاجة كدة، بالله فتوهوا ياسناير عشان الكلام يجيب الكلام
    ونقوم نفتو نحن زاتنا ونوريكم الحصل شنو بعد داك

    المهم .... تحايا نواضر وشوق يفوق الوصف بس الله يكون في عون راجل المرتين
    وطبعا دي واحدة من ادبيات الحاجة ....حيث وصفتني امس بهذا الوصف
    "الله يكون في عونك ياولدي عامل زي راجل المرتين"
    بين الشغل والبيت وبيت اختنا حيث يقيم الخبراء الاجانب حالياً

    التحية للشيف أسامة ......... أحمد اسماعيل وهو يقدم لكم وصفة مجانية
    بالله بعد ماتجربوها ورونا رايكم ،،، بس ماتنسوا تضيفوا "الكركم"

    Quote: سلام وتحية طيبة لاجدع ناس
    الأرز المصري لأنه دسم لايصلح في الكبسة لان المكمل للأرز في الكبسة هواللحم وإلتقاء الدسمين في الوجبة يؤدي إلى الإشبا ع او الشبع بسرعة ممايقلل التلذذ بالوجبة

    لذلك كان الأرز الهندي والذي من أنواع (البسمتي ، العنبر، البوصة، الشربتي) العنصر
    الجيد والطرف الأساسى بالكبسة لقلة دسامته نفس الشيء يحصل لنا في السودان مع الدخن لأنه دسم سوى كان في العصيدة أو الكسرة

    وبما ان ناس دارفور الأكثر إستخدام للدخن في غذائهم إجتهدوا في تخفيف دسامة الدخن

    في المرحلة الأولى بإستخراج قشرة الدخن وهي عملية الكنفتة بإستخراج الكنفوت والذي يستخدم كعلف للحيوانات الدخن المنكفت يعمل منه عصيدة المنكفتةالمرحلة الثانية تبدأ
    بوضع الدخن المنكنفت في الماء لمدة ثلاث أيام يببيض ويحمض ويجفف على الشمس فيصبح الدخن دامرقة تضحن ويعمل منها عصيدة الدامرقة ، المرحلة الأخيرة يوضع الدخن المكنفت في الماء مع تغيير الماء المستمر ليطلع ماتبقى من قشور وصفار

    الدخن وتتهشم حبيبات الدخن ويصير عجين بعد حوالي اسبوعين يؤخذ العجين ويصفى

    فيصير عجين ناصع البياض ثم يعرض لأشعة الشمس لتجفيفه فيتكون دقيق الجير ويعمل منه عصيدة الجير التي تكون أكثر بياضا وشفافة بل جمالها مع ملاح التقلية

    تعرض عصيدة الجير في المناسبات مثل الختان أو صبحية العريس طبعا الحماةتتقطع في إفطارها للعريس ، وهنا يضحك العريس والعروس ضحك حقيقي ليس
    فيه اي تأويل ياريس فهنيئا لهما


    اما القوقر يصنع من دقيق الدخن مباشرة بقليل من الماء اي يستخدم فقط بخار الماءلصناعة القوقر فينتج كأنه قطع صغيرة للعصيدة متحجرة شوية ويؤكل مع الروب

    وبالهنا والشفا

                   |Articles |News |مقالات |بيانات

21-06-2009, 04:05 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: جلال عثمان)

    صباحاتكم خير...
    المعذرة يا جماعة بعد الإنقطاع أنا دخلت بدون إتيكيت ، التعازي لي كل من فقد عزيز خلال الفترة السابقة ، وكل التهاني لي كل من كان له حظ في الأخبار الحلوة من مواليد ونجاحات الأبناء وهلم جرا.
                   |Articles |News |مقالات |بيانات

21-06-2009, 06:09 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    صباحكم خير يا وجوه الخير

    نسرق لينا مداخلة سريعة قبل البداية
    أود أن أشيد بالأخوان ، فنان الفوتوشوب محمد عيد ، ورشيد القوم
    والكمندان محمد ود صديق ، والراجل الظريف منص كما يحلو لمريديه أن
    يسموه ، وهؤلاء الإخوة قابضين على جمر هذا البوست منذ دخولهم إليه طائعين
    مختارين ومختالين كما يشاؤوا وما زالت ذاكرتهم وروحهم نشطه دعم وتنشيط هذا البوست
    على الرغم من أن الفريق ناقص ويفقد صانع الألعاب الحريف حبيبنا جلا والذي أبعدته إصابات
    الملاعب ، وتفتقده جماهيريه العريضة .


    زهير الزناتي نشتكي من قلة تواجدك بيننا ، هلا نطمع بعودتكم لأنكم تشكلون لنا
    دعم معنوي لا يستهان به .
                   |Articles |News |مقالات |بيانات

21-06-2009, 06:38 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    سلامات يا ناس

    متابع ومستمتع

    { محمد دهب }
                   |Articles |News |مقالات |بيانات

21-06-2009, 07:15 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    صبحكم الله بالخير
    ابتدأ العد العكسي لبداية الاجازة بتاعتي...و هنالك وقتان تشعر فيهم بالضيق الشديد
    وهما ما قبل بداية الاجازة وقبل نهاية الاجازة...فأولاهما تقول بتين نخلص من ضغط الشغل
    و الشلل الذي يصيب التفكير بعد سنة أو يزيد من العمل المتواصل...والثانية بعد أن تعودت
    على الركلسة والحرية ترجع مرة ثانية للضغط والتقييد...
                   |Articles |News |مقالات |بيانات

21-06-2009, 06:44 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    سلام من الله ورحمة منه وبركاته
    يا ناس الحوش
    أصبحنا و أصبح الملك لله
    عدنا و العود أحمد
    غياب كامل و أظنه أسبوع بالتمام و الكمال
    سفر و آداء واجب عزاء بمدينة كسلا
    لكم شكري وتقديري في مواستنا يا أحبتي
    ودائماً أقول ليست هي آخر الأحزان
    لكن دعونا نبتهج ونفرح وننسى همومنا و أحزانا
    نعيش أجمل اللحظات الآنية دون تعقيد أخي منصور
    و أجمل ما في هذا البوست هو أنتم
    اللياقة تعبانه يا محمد عيد
    ولعبكم ضفاري في البوست يا الرشيد
    أنا الآن شايف طشاش طشاش يا محمد صديق
    فدعوني وحسب لياقتي أقرأ ما فاتني برويه يا نجيلة
    الريس ميسرة الحاجة الملفتة
    إنو بت الشيخ لمن تبتسم
    إنني أقرأ الإخلاص و المعوذتين
    كثير من الأخوان عندما غيابهم يطول يقولون جاييكم بي رواقة
    و كذلك أنا
    محبتي
                   |Articles |News |مقالات |بيانات

21-06-2009, 07:58 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    إعتذار واجب
    ليس هذا تصحيح لخطأ مطبعي كما يحدث في صحفنا اليومية
    ولكن وجدت كماً هائلاً من المداخلات في إيميلي
    وكان الإعتذار
    و سأرتبها حسب الأقدمية
    فلكم العتبى
    تاج الدين و عصام جلي
    عصام جلي يوم 14/6/2009
    قديمة جداً
    Quote: سلام يا اهل الحوش
    اولا التحايا الي الكمندان( الثعلب) ود الحسين
    طبعا انا كنت خارج التقطية
    وين اخونا جلال بيطرة وسلامي الي كسلا
    والف حمده علي سلامت الوالد والوالد ومبرك العمره ياجلال
    عصام جلي

    عصام جلي يوم 14/6/2009
    قديمة
    Quote: ياريس سلام
    طبعا ملانا الاستمارة
    انا والاخ تاج الدين والولد جلا تابع لبنات الشيخ
    علي العموم من الاول قلنا ان دخيل ونرفع الامر الي الكمندان اسامة ابتر
    للتعامل مع الوضع
    جلي

    عصام جلي يوم 14/6/2009
    جديدة
    Quote: الاخو اصحاب الحوش
    صباح الخير
    نحن دائما ناتي من النفاج
    بعدين اسفين لعدم الترجمة ومترك الامر للاخ محي الدين علي يوسف زيدان
    الجرحو نوسر بي قور في الضمير في قلبي خلف الكي يناس الله لي
    عصام جلي

    طبعاً قلت ليكم جاييكم بي رواقة
    و إذا دي طريقة عصام جلي
    أظن الرواقة تجي بعد ما الرشيد يجي السودان
    أحبكم يا ناس
                   |Articles |News |مقالات |بيانات

21-06-2009, 08:04 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    ما قلت ليكم
    إيميلات النبلة أم شيش
    عصام جلي 20/6/2009
    Quote: جلا وين رحت
    شنو الحكاية اختفيت
    بعدين ماعندنا غير النفاج ده
    الواحد بفك بيه احزانه وبيرسل بيه اشواقه وبيتحادث بيه مع الاخوان
    شنو الحكاية تختفي فجأه
    محمد ادم
    هوييييييييييييييييييييييييييييي وينك ماسامع وله شنو
                   |Articles |News |مقالات |بيانات

21-06-2009, 08:23 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    قلت لي كيف
    إنت لسع في دي
    Quote: سلامات يا ناس
    متابع ومستمتع
    { محمد دهب }

    طيب إيه رأيك
    أنا برضو
    سلامات يا ناس
    متابع ومستمتع
    (عصام آدم)
                   |Articles |News |مقالات |بيانات

21-06-2009, 08:55 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    جلا مرحبتين حبابك

    اليوم السعيد الليلة جابك ..

    افتقدناك كثيرا .. وافتقدنا معك نفحات بنات الشيخ

    احسن الله عزاءكم وجعلها آخر الاحزان .

    قف ..

    انت على وجه الخصوص ..

    غير مسموح لك بالاستمتاع والمتابعة ..

    لان أحرفك هى التى تجلب الفرح .. وتشد الاعين للمتابعة

    فاذا انزويت مثل الآخرين ..

    ماذا سيتابعون .. وبماذا سيستمتعون ؟؟!

    محمد صديق معذور .. اسبوع قطع نفسو

    والرشيد ذاتو رخـــّم واتعذر بتجهيزات السفر ..

    مع انو قاعد فى الخلا .. ونجاة هى البتجهز ..!!

    صفحات الموقع تنتظر جلجلتك فى اصداءها ..

    فتحرك ايها الفتى ..

    ويحك .. نحن قلنا الرووووب
                   |Articles |News |مقالات |بيانات

21-06-2009, 09:19 AM

زهير الزناتي
<aزهير الزناتي
تاريخ التسجيل: 28-03-2008
مجموع المشاركات: 12240

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    كالعادة نعتذر عن الغياب والذي يبدو سيتكرر كثيراً في الفترة القادمة
    وقبل الدخول في اي تفاصيل لا بد في البدء من التعزية في وفاة العم بلة النور حسن
    جارنا وعمنا ووالدنا ، والحديث عن بلة النور يطول ويطول ، سأحكي قليلاً من سيرته الذاتية
    فالوالد بلة النور تدرج في سلك العسكرية حتي رتبة رائد عندما نزل للمعاش في عام 1976 حسيما
    أذكر ، وقد حارب في الحرب العالمية الثانية ضمن القوات السودانية كما حارب في 1973 بالجبهة
    المصرية ، وعرف عنه الشجاعة والإقدام ، ومشهور بلة النور وسط جنوده وزملاءه الضباط بأنه عسكري
    صارم لا ينتمي إلا للمهنة ، إضافة لتاريخه في الجندية فقد أنجب بلة النور إثنين من أميز ضباط
    القوات المسلحة النور بلة النور أحيل للمعاش قبل سنوات قليلة وهو لواء في القوات الجوية
    ولديه الآن صلاح بلة وهو عميد ، ومعروف أن بلة النور لا ينجب إلا النجباء فمن أبناءه المهندس
    وأستاذ الجامعة وغيرهم ، وكان عم بلة نشطاً في مجتمع كسلا ، وهو الرياضي المطبوع ورئيس نادي
    القاش لسنوات طويلة ، وأتحاد الكرة ، وكان حتي وقت قريب يقود عربته بنفسه ويذهب لأستاد كسلا
    لمشاهدة المباريات ، وعرف عن بلة النور الخلق الطيب والجيرة الحسنة ، وطيلة سكنه لجوارنا
    لم يتشاجر مع أحد جيرانه بل كان الزعيم الحقيقي للحي بأدبه ووقاره وحله لكل المشاكل
    عم بلة فقد حقيقي لنا نحن جيرانه قبل أهله وأبناءه ، رحمه الله رحمة واسعة واسكنه فسيح
    جناته مع الصديقين والشهداء وحسن أولئك رفيقاً ،
    هذا حديث سريع عن بلة النور ويستحق أن يقف الناس في سيرته وحياته الثرة
                   |Articles |News |مقالات |بيانات

21-06-2009, 12:44 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: زهير الزناتي)

    كنت متفائلا جدا هذا الصباح بأنني سأتمكن من الترحيب بعودة جلا الى البوست ولو ضفاري حتى...
    أردت أن أعمل مداخلة كاملة فبدأت موضوع القرف الذي ينتابني قبل الاجازات ولم أستطع الاكمال
    فلقد امتلأ مكتبي عن آخره ولم أكمل فبترت الموضوع...ولن أستطبع لأنني عندما عدت لأكمل وجدتني لم
    أدري لماذا ابتدأت الموضوع أصلا...كتبت عن حالة مشابهة كانت تأتي قبل امتحانات التيرم الأول
    والثاني ولم أكمل بعد سطرين...القصة دي يا عايزه ليها كركم يا عايزة اجازة قبل الاجازة...

    مرحبا جلا بعودتك فالعود أحمد ومرحبا زهير ولو على عجل ان شاء الله تجي على عجل حديد المهم تجي
    و ما تغيب...

    الاحباط الذي أصابني بعد مباراة السودان وغانا...أقول ببساطة هل يستقيم الظل والعود أعوج...
    زمان كان بيجينا الاستاذ صلاح فرج الله في الزقازيق..وكان يلقي محاضرات...وكثيرا ما كان يردد ان
    المسافة بين السرير وطربيزة المذاكرة بعد حضاري...و أنا بقول أن تمسك بالريموت وتحول القناة
    من قناة بها مباراة للسودان الى قناة بها مباراة للبرازيل مثلا...فلا شك ان تلك طفرة حضارية..

    كانت والدتي بعد كل مباراة ينهزم فيها الهلال تحنسنا عشان نتعشى...حسة بعد كل مباراة ينهزم فيها
    الفريق القومي عايزين واحد يحنسنا عشان نتوقف عن الأكل...لو استمر الحال هكذا الا أحجز لي مقعدين
    مع بعض في الطيارة...الله يعدي التصفيات دي على خير...

    حارقني لحدي حسة كلام معاوية لمحمد عيد بأني اتحاد اشتراكي...جات عليها هزيمة الفريق القومي
    و قلت عشان انسى الاتنين أخلي محمد عيد يخت صورتي مع انجلينا جولي زي ما عمل مع صورة منصور
    وكان ما لقيت يا محمد ان شاء الله مع نيكول كيدمان...

    بمناسبة انجلينا جولي...في زيارتي الأخيرة للندن...ذهبنا الى متحف الشمع أنا وبت الشيخ والعيال
    و كان في مجسمات لانجلينا ونيكول كيدمان وغيرهم من نجوم السينما الأمريكية...أنا غايتو اتصورت
    مع صمويل ال جونز ومع ويل سميث وناس انجلينا ديل ما قدرت أقرب منهم نسبة للرقابة الادارية...

    يوم السبت أصر مهند وأمنية مصاحبتي الى مكان عملي وهم معي الآن...من أمبارح لي الليلة قررت أن
    أعمل تمثال لي نجاة حوفي في المكان الهي عايزاهو...وين ما كان...تقديرا وعرفانا...

    و زي ما بيقول شعبولا...بس خلاص...

    فتكم بعافية
                   |Articles |News |مقالات |بيانات

21-06-2009, 12:56 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    وصلت عبر نفاجنا هذه الرسالة المفعمة بأريج شارع فاروق والمطبعة
    ولكوز والمساكن
    ودى كلها ماشاء الله سكن فيها معاوية يحى - صاحب المداخلة - فى رحلته الزقازيقية ..
    وهو الآن كما كان .. كثير الترحال والتجوال والقلق ..
    كثيرا ما تجده ساخطا .. لأنه يحب كل شىء بالمسطرة والقلم ..
    منظم الى حد الأرق .. – رغم انه كان حزب بهجه -
    اترككم مع مداخلته .. مع أمل بالا ينقطع عنا
    وعموما ياجنابو محمد صديق فك الحظر عن الرجل ..
    $$$$$$

    Quote: الأعزاء .. محمد عيد ، رشيد حبيبنا ، منصور الصحافة وبقية العقد فى الحوش العامر ..
    بدأت التحية بهذه الاسماء التى نشتاق لها كثيرا ليس تحيزا لاولاد كليتى ،
    بل قاومت كثيرا دافع ان اكتب لهولاء الاعزاء وان اكتفى فقط بقراءة مداخلاتهم ولم استطع
    والسبب سلسلة تعليقات الثلاثى الخطير وهجماتهم المتواصلة .. والواحد يقعد طول الليل
    ضحك متواصل مع الاولاد فى البيت ، وبت الشيخ كما يسميها منصور تقول الزول ده جنّ !!1
    الزقازيق دى لجنة وحوش وسودانيز اون لاين وسهر فى الكمبيوتر طول الليل ؟
    وبكره ضيوف فى البيت من الصباح وبرضو من الزقازيق ؟ انا أخيرا قلت ليها
    ريحى نفسك ولو تتابعى ناس الزقازيق ديل سواء فى الداخل او الخارج
    يحيروك ويحيروا خريجين مئات الجامعات .. !!
    العزيز رشيد .. ردك على ما نقله محمد عيد بالامس عنى ، وكما توقعت كان طبعا
    غاية فى الذكاء والطرفة ، وطبعا نجح محمد عيد فى التسـخينة دى ..
    وبعدين ما تخلينا نتفشـى ونفت العالم البيرفعوا فى ضغطنا كل يوم ..
    عموما كل مرة حنديك واحدة زى دى - زى حقنة عند اللزوم !!
    منصور الصحافة .. والله آخر تعليق لك بتسمية نائب رئيس مجلس ادارتنا
    ( طبعا الرئيس انا ) بت الشيخ دكتورة ليها ضــل
    وفى مجموعة كبيرة جدا هنا من غير ذكر الأسماء قالوا ده مصطلح فى السلك !!
    وممكن نتخارج بيهو من ورطات كبيرة هنا ..
    لكن انا عندى ليك سؤال وكمان لبقية الاخوة ..
    رأيك شنو فى بت الشيخ المغتربة والفى السودان ..
    او من ناس الزقازيق او ما من ناس الزقازيق ..
    انا ما عايز أسخن المسألة .. مجرد استفسار برىء ..!
    عموما أعزائى .. اقتراحى بمنح فرصة ولو لفترة قصيرة
    بحوشكم لنفش غبننا السياسى ..
    وانتو ما عايزين تقولوا البغلة فى شارع النيل لمتين ؟؟!
    ولا حالات التسمم المتواصلة يوميا زى سعر جركانة الزيت ( الموضة الجديده )
    وانتم المغتربون لا تسمعون عنها لانها فقط للاعلام الداخلى ..!
    ليس وداعا والى لقاء قريب عبر صديقى محمد عيد
    رسالة للاخ الرشيد .. لم أسافر ولكن فى اوائل اغسطس انشاء الله الى فرانكفورت
    عشان نقدر نقابلك فى يوليو بالسودان الرحــب
    ودى طبعا زى شعارات الاسرة الزمان فى حفلات التخرج .
    اخوكم / معاوية يحى بابكر



    سلمت اخى معاوية .. ونحن نقدر ايضا جهودكم مع زهير والاخوة فى اللجنة التنفيذية
    ومزيدا من الثقافة ايها الامين الثقافى ..
    ابوابنا مشرعة لكم .. وزورونا تجدوا ما يسركم ..


                   |Articles |News |مقالات |بيانات

21-06-2009, 12:59 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    [/IMG]

    واحدة من صوري بمتحف الشمع...
                   |Articles |News |مقالات |بيانات

21-06-2009, 02:22 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    نرحب بعودة لاعب الوسط المخضرم
    محمد أدم النور - جلا- وإفتقدناك الفترة
    السابقة والصفحة ماعايزين نكسر رقبته القوية
    وجميع بنات الشيخ بيسألوا عن وزريهم وممثلهم في البوست

    يا جماعة عصام دهب ده صاحب الحوش والقلب الكبير أصلوا بيغيب
    لمشغولياته وبعدين بتاوق ليكم كثير وبيستمع بالمتابعة ولكن لو
    رجع ليكم بيبقى زي الكورة المصرجه لو وقف أحمد آدم أو بريمه ما
    بيعرفوا يمسكوها إذا تكلم اسمع وإذا رجع أوجع البوست بالمفيد .
    نرحب بمداخلات أخونا معاوية بابكر إبن الزقازيق ولكوز ، وأدخل شمال
    على طول علشان نعرف المستخبئ .

    إنتو الناس ديلك كان إتحاد إشتراكي ولا طلائع مايو ، عرفنا صورة كاسترو
    بس الراجل الواقف ده مين - جيفارا - ،،، جهزنا نفسنا للإجازة تيمناً برشيد
    القوم ، بس إحتمال السودان صار ضعيف ولكن حتماً نزور الزقازيق .
                   |Articles |News |مقالات |بيانات

21-06-2009, 02:33 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    يا ريس مساك الله بالخير ..

    انشاء الله زنقة الجرد فكت شوية ..

    الزول المع كاسترو ده ما جيفارا ..

    ده الرشيد زولنا ذااااتو ..

    لكن الصورة مش فى متحف الشمع زى ما غشــّانا ..

    الصورة دى فى هافانا فى احتفالات اتحاد الشباب العالمى

    أيام مايو كانت يسارية - حارسنا وفارسنا -

    يعنى قبل 1971 ..!!!

    ما قلت ليكم الزول ده دبيب !!!

    ******

    يا جلا .. شنو وينك ؟؟

    اوعك تكون بتقرأ فى عرائض بنات الشيخ ..

    غايتو لو فى واحده اشتكت ليك انا ما مسئول .. ولا عملت حاجة

    الرشيد ومنصور وياسر نجيلة وعبد الدايم بهدلوهم فى غيابك !!!

    يلا دوّر بابورك واحرق الجازولين

    (عدل بواسطة محمد عيد on 21-06-2009, 02:41 PM)

                   |Articles |News |مقالات |بيانات

21-06-2009, 03:01 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22545

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    جينا نسلم ونتاوق
    ياخي ما السناير ديل ما لاقين لينا فرصة
    قمنا مشينا فتحنا النفاج دة:
    حواء بت الخضر ود كنيش نازلي الخرطوم

    البركة في ديدو ومنصور جوا كابروني شوية









    ياخي مع الناس الكتابة دي هنا ما بناكل عيش
    ههههههههه
                   |Articles |News |مقالات |بيانات

21-06-2009, 03:21 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: طارق جبريل)

    إرنستو جيفارا دِ لا سيرنا الملقب بـ"ثشي جيفارا"، أو بـ"التشي"، أو "تشي"...كان اسم واحد من أصدقائي
    وسماه أبوه هكذا الاسم كاملا تيمنا بجيفارا...لكن الولد طلع ألفيس بريسلي وهاجر لاحقا الى استراليا
    وليس الى كوبا...

    طارق جبريل زرناك وانبسطنا واتكدنكنا وجينا طالعين وكتبنا ليك معاتبين...لكن الظاهر عليك من
    المستمتعين دائما والمتابعين أحيانا...يا أخوي ده عتاب محبة و موضوعك لذيذ ولكننا لم نبصم أو
    نوقع بالزيارة ليس ترفعا ولكننا كنا في مهمة حراسة البوست نسبة لغياب جلا...و بعد جلا ما رجع بنجيك
    صادين...بس الخوف يا أخوي من انفلونزا الخنازير...دحين ما عندكم..

    محمد عيد كان واصلتو اشانة السمعة دي انت ومعاوية ياني الجايب ليكم أوكامبو لحدي عندكم...أنا
    غايتو اجازتي بتمها في تركيا وبجي راجع...أقوم أمشي السودان يا أبوي يلحقوني مش أمات طه يقومو
    يلحقوني محمد طه ذاتو...
                   |Articles |News |مقالات |بيانات

21-06-2009, 04:01 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: طارق جبريل)

    محمد عيد و الريس ميسرة
    أولاً لك شكري و تقديري على الإطراء الذي كتبتوه عني
    و أتمنى صادقاً أن أكون كذلك وعند حسن الظن دائماً
    Quote: يا جلا .. شنو وينك ؟؟

    بعدين يا محمد عيد قول بسم الله يا زول
    أنا جيت متين؟؟؟؟؟
    بعدين أنا ذاتي مسافر
    وجيت بورسودان هسي
    خليني النقرا العرايض في الأول و بعدين النشوف آخرتا
    دحين النسعلك
    إنت معاوية يحي دا
    مش ياهو الزول الكان كمبيوترو ما معرب وجابوهو ليهو من اليابان فاقد (قادي) لغة عربية
                   |Articles |News |مقالات |بيانات

21-06-2009, 04:04 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    تاج الدين جاااكم
    Quote: هلا يا جلا
    وكيف كسلا
    واهلا
    حمد لله على السلامة ياحبيب
    أو خليها يا( فردة) وجبر الله كسركم واحسن عزاؤكم
    لك وحشه والله
    والبوست فقد لاعب اساسي
    رغم تحيزك الكامل لبنات الشيوخ
    والريس ميسرة كتر خيرو سمح لينا بالإطلالة عبر نفاجو
    ---------------------------------------------------------
    كمندان محمد صديق كيف حالك ياخي
    منصور شنو يا اخوي شايف محمد عيد دا
    بعد ما طلع من الكباية بتاعتو ديك
    حاتيهو معاك قرض ومزرزك كدة
    اعمل حسابك ما يقوم يدخلك جوه (جك) ونبقى في الطرقة التمرقك
    ----------------------------------------------------
                   |Articles |News |مقالات |بيانات

21-06-2009, 04:11 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    يا ناس الحوش
    الفي الصورة مع كاسترو
    دا أوباما
    ومباشرة بعد توليه رئاسة الولايات المتحدة
    والصورة تصور التغيير الذي سيحدث في سياسات الولايات المتحدة
    وقيل عن أوباما أنه كان إتحاد إشتراكي يعني ما ديمقراطي
                   |Articles |News |مقالات |بيانات

21-06-2009, 04:27 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    نحن قلنا أيميلات عصام جلي زي نبلة أم شيش
    بتاعت تاج الدين زي لعبة هو لبلب كم في الخط شد وأركب
    Quote: اهل الحوش سلام
    رشيد القوم يا داب عرفنا اخونا معاوية
    قاصد شنو اتاريهو فاصد الإتحاد الإشتراكي بتاع ناس فيدل كاسترو
    طارق جبريل والله بت الخضر قطعت مصارينا بالضحك
    الله يديها العافية
                   |Articles |News |مقالات |بيانات

21-06-2009, 06:02 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    Quote: رسالة للاخ الرشيد .. لم أسافر ولكن فى اوائل اغسطس انشاء الله الى فرانكفورت
    عشان نقدر نقابلك فى يوليو بالسودان الرحــب

    معاوية حبابك هنا وهناك...حسة جنس الاشاعة الطلقتها دي...حسة الواحد لو عايز ينزل انتخابات
    الا ينزل في ود نميري...ان شاء صورة كاسترو دي تشفع لينا ويقبلوا بينا ناس عطبرة...

    Quote: رشيد القوم يا داب عرفنا اخونا معاوية
    قاصد شنو اتاريهو فاصد الإتحاد الإشتراكي بتاع ناس فيدل كاسترو


    زمان كان الواحد لما يجي يدخل الحمام بيقول أنا ماشي الاتحاد الاشتراكي...أظنو معاوية ده قاصد
    الحمام...

    جلا يا أخوي انت كنت بتكتب في بورتسودان وجيت شايلهم معاك في فلاش ولا شنو...على أي حال نحن
    الكسبانين...
                   |Articles |News |مقالات |بيانات

21-06-2009, 06:15 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    أحد الأصدقاء قرأ ما كتبته عن حبوبتي حاجة أمونة فأرسل الي هذه المداخله الظريفة و أردت أن
    تشاركوني الابتسام...

    Quote: في ذلك الزمن سيتغير كل شيء ... ستبلغ حبوباتنا درجة عالية من التشرب بمعطيات التكنولوجيا .. فهيا لندخل في عالم حبوبات الألفية الرابعة

    قالت حبوبة (رؤية) مخاطبة حاجة "شاهيناز" التي كانت منهمكة في فرك البامية المحورة جينياً
    - والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية ..
    ردت عليها حبوبة (شاهيناز) وهي تطفئ البوتجاز الذي يعمل بنظرية الأوتار الفائقة
    - نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
    أمس حاجة هيام بت هيثم ود لؤي عملت شنو؟! ..

    نططت حاجة رؤية عيونها تهيؤاً لاستقبال الشمار وقالت:
    - مالا ؟! .. أنا عارفاها دي زولة عندها (ضلالات عدمية) تلقاها سوت ليها عملة كبيرة!!

    أجابتها حبوبة شاهيناز:
    - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (هضبة التبت) .. تصوري المرا الما بتخجل دي! ..

    ومواصلة لهذه (القطيعة الإلكترونية) قالت حاجة شاهيناز:
    أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية

    أضافت حاجة رؤية في استهجان:
    والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور

    أجابتها حاجة شاهيناز:
    أمس بعيد عنك مشيت أفحص (الجينات) بتاعتي ... أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!

    هزت حبوبة رؤية رأسها وقالت:
    والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة

    قالت لها حبوبة رؤية:
    ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
    وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون)

    سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
    حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
    وعندك كمان (الحلة الفوتونية) ودي بتنجض الملاح بـ (الطاقة القمرية......)

    وفي هذه اللحظة دخل عليهن (حاج رامي) زوج حبوبة رؤية وهو في الثمانينات .. وتوقف موارباً للباب ليتصنت على هذا (البوباريشن) المعتق، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
    قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية)

    تريحنا من نقتكن الكتيرة دي
                   |Articles |News |مقالات |بيانات

21-06-2009, 06:17 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    يا ناس الحوش
    و لأنو الناس نادت بالوقوف مع بنات الشيخ و أنا منهم
    كتبت هذه المداخلة بالكمبيوتر بتاع د. معاوية يحي المافيهو حروف عربية
    وبعدين ما ماوريتكم ذكاء بنات الشيخ
    تعالو شوفو و اقرو
    Three women and three men are traveling by train
    At the station, the three men each buy a ticket and watch as the three women buy just one ticket.
    "How are the three of you going to travel on only one ticket?" asks one of the men.
    "Watch and learn," answers one of the women.
    شوفو بنات الشيخ كيف؟؟؟
    They all board the train.
    The three men take their respective seats
    but all three women cram into a toilet together and close the door.
    Shortly after the train has departed, the conductor comes around collecting tickets.
    He knocks on the toilet door and says,
    "Ticket, please."
    The door opens just a crack, and a single arm emerges with a ticket in hand.
    The conductor takes it and moves on.
    The men see this happen and agree it was quite a clever idea.
    After the game, they decide to do the same thing on the return trip and save some money.
    When they get to the station they buy a single ticket for the return trip but see, to their astonishment, that the three women don't buy any ticket at all!!
    "How are you going to travel without a ticket?"
    says one perplexed man.
    العلم هنا و لا بلاش
    "Watch and learn," answer the women.
    When they board the train, the three men cram themselves into a toilet,
    and the three women cram into another toilet just down the way.
    Shortly after the train is on its way,
    one of the women leaves her toilet and walks over to the toilet
    in which the men are hiding. The woman knocks on their door and says
    "Ticket, please."
                   |Articles |News |مقالات |بيانات

21-06-2009, 06:41 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    المداخلة الأولى و الثانية تحت العنوان المترجم الآتي
    التحيز ضد المرأة
    يعني ضد بت الشيخ يا ناس
    ومافي زول يفتح خشمو
    Discrimination Against Women
    "Eleven people were hanging on a rope under a helicopter, ten men and one woman.
    The rope was not strong enough to carry them all,
    so they decided that one had to leave, because otherwise they were all going to fall.
    They weren't able to name that person, until the woman gave a very touching speech.
    She said that she would voluntarily let go of the rope
    because, as a woman,
    she was used to giving up everything for her husband and kids,
    or for men in general, and was used to always making sacrifices with little in return
    As soon as she finished her speech, all the men started clapping their hands......."
                   |Articles |News |مقالات |بيانات

21-06-2009, 07:41 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    يا جلا كت عايز أقولك الناس ديل ما فيهم جعلي ولا شنو...طلعوا كلهم صعايدة
    الناس ديل ما دايرين ليهم مرة...ديل راجل حبرتجي بغشهم
                   |Articles |News |مقالات |بيانات

22-06-2009, 04:25 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    أصبحنا بحول الله وقوته
    دعاء الصباح
    اللهم لك الحمد
    أنت نور السموات و الأرض ومن فيهن
    ولك الحمد أنت قيم السموات و الأرض ومن فيهن
    ولك الحمد أنت رب السموات و الأرض ومن فيهن
    ولك الحمد أنت ملك السموات و الأرض ومن فيهن
    ولك الحمد لك ملك السموات و الأرض ومن فيهن
    ولك الحمد
    أنت الحق
    وقولك الحق
    ووعدك الحق
    وقولك الحق
    والجنة حق
    و النار حق
    و النبيون حق
    ومحمد (ص) حق
    والساعة حق
    الهم لك أسلمت
    وعليك توكلت
    وبك آمنت
    وإليك آمنت
    وبك خاصمت
    وإليك حاكمت
    فاغفر لي ما قدمت وما أخرت وما أسررت وما أعلنت
    أنت المقدم و أنت المؤخر
    أنت إلهي لا إله إلا أنت
                   |Articles |News |مقالات |بيانات

22-06-2009, 05:31 AM

البادي النور

تاريخ التسجيل: 24-01-2009
مجموع المشاركات: 626

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد آدم النور)

    صباح الهنا والسرور... أصبحنا وأصبح الملك لله... التشكرات لي أخونا جلا على الدعاء الصباحي وبركاتك يا شيخنا... وفيك شئ كتير...
    تعازينا ليك يا جلا وإنشاءالله آخر الأحزان...
                   |Articles |News |مقالات |بيانات

22-06-2009, 06:56 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: البادي النور)

    صباح الخير يا وجوه الخير

    حكي لي يوم أمس زميلي في العمل وهي قصة حقيقية بأنه في حلفا الجديده
    حضر أحدهم لشرب فنجان قهوه لدى ست الشاي ولكنها إستصغرته
    وأخبرته بأن البن قد نفد وكذلك السكر وأطفأة النار - شطبنا خلاص -
    فما كان منه إلا أن أخرج حزمة فلوس وسملها مبلغ 10000جنية كالتالي :-

    ألف جنيه للبن
    ألف جنيه للسكر
    ألف جنيه للفحم
    ألف جنيه ثمن قهوة كل الجالسين
    وستة ألف جنيه ورق علشان تولعي بيهو الفحم

    وبرم شنبو وعدل التوب والعمامه وجلس وسط وذهول
    الجميع وأولهم ست الشاي ، هذه القصة تماثل
    قصة الثري العربي والتي رواها أحد الصحفيين ونقارنها
    مع الزول السوداني ده وأيهم خسر أكثر أو أيهم أكثر هبل ؟؟؟؟؟


    قال الصحفي ثروت أباظة أنه سافر إلى لندن لقضاء بضعة أيام، وبعد يومين
    من إقامته سمع صوت "كبير نفطي" يقول له في الهاتف بالحرف الواحد: يا أستاذ ثروت،
    أنا أدعوك إلى جناحي بفندق كذا لتشرب معي أغلى فنجان قهوة في العالم، وحاولت الاعتذار،
    ولكنه أصرَّ، وأضاف: إن إحدى سياراتي أمام فندقك الآن لتستقلها.

    وذهبت إلى جناح الثري النفطي بالفندق، فرأيت أغرب منظر شاهدته في حياتي: اثنين من
    خدم الثري يضعان إناء القهوة على ثلاثة حجارة، وأمامهما هرم من الجنيهات الإسترلينية،
    وهم ينضجون القهوة بإشعال هذه الجنيهات، فأردت أن أعترض فأشار لي مضيفي، وقال: "ألم أقل
    لك قبل أن تحضر إنك ستشرب أغلى فنجان قهوة في تاريخ البشرية؟!"، وبعد عشرة دقائق- أي بعد
    أن نضجت القهوة على هذا التل من أوراق العملة الصعبة- قدم لي فنجان القهوة، وأنا جاحظ العينين، تائه النظرات، وقال مضيفي: إنك تشرب فنجانًا تكلَّف 40 ألف جنيه إسترليني!!.

    قال أحد السلف لأحد الأمراء الذي بنَى قصرًا أسطوريًّا: إن كان من مال الرعية فأنت لصٌّ، وإن كان من مالك فأنت مبذِّر.

    هل يا ترى عقل الإنسان العربي واحد ، سواى كان خليجي أو سوداني ، أم هي حالة نفسية تخص الرجال؟

    (عدل بواسطة ميسرة سيد أحمد on 22-06-2009, 08:47 AM)

                   |Articles |News |مقالات |بيانات

22-06-2009, 08:19 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    صبحكم الله بالخير

    روى الطبرانيّ أنّ رسول الله –صلّى الله عليه وسلّم- قال: "لن تزول قدما عبد يوم القيّامة حتى يُسأل عن أربع خصال، عن عمره في ما أفناه، وعن شبابه في ما
    أبلاه،وعن ماله من أين اكتسبه وفي ما أنفقه، وعن علمه ماذا عمل فيه"

    يقول لقمان الحكيم لابنه: (يا بني، شيئان إن حفظتهما لا تبالي ما صنعت بعدهما، ابدأ بدينك لمعادك، ودرهمك لمعاشك)..
                   |Articles |News |مقالات |بيانات

22-06-2009, 08:50 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    صباحاتكم خير يا أهل الخير
    الترحاااب يتواصل بعودة الحبيب جلا .. وبكم ازدانت الدنيا
    وعم الفرح بيتنا .. وحوشنا
    وان كانت العودة قد اتت على ظهر دابة ( فلاش ) يقطع الطريق
    ما بين بورتسودان وكسلا والخرطوم
    او قل على ظهر قطار الشوق ... حاملا" من بنات الشيخ ثلاثا
    ومن الرجال ايضا ثلاثة .. ولكنى اظنهم اولئك الواردون فى قصة
    الرجال البلهاء التى كانت مقررة فى المدارس ايام زمان ..
    رشيد : ما هو وجه الشبه او الربط بين الحمّام الذى اختبأ فيه
    الرجال البلهاء فى قصة جلا وبين حمّام الـ .. الاشتراكى الذى
    ألصقت به تهمة معاوية يحى ؟..
    منصور : انت عجبتك الصور ولا شنو ؟ ضارب طناش تانى مالك
    الظاهر عجبك الحال واتخيلت نفسك فعلا مع انجيلا جولى !!!
    يا زول روق وانزل واطاتك والا انت عارفنى ..!!
    _ ___ __
    اتصالين هاتفيين جمعانى بالأمس مع اثنين من رموز الزقازيق المعتقة
    الأول كان مع الاخ / عبد القادر بابكر ( قدورة ) .. ورغم انشغالاته وعد
    بالتواصل معنا من حين لآخر .. مع تأكيد متابعته الدائمة لما ينشر .
    الثانى كان مع الحبيب / حسن صالح خليفة ( زراعة 83 ) .. وللذين
    لا يعرفونه فقد كان فى زمنه فنان زراعة الأول واشتهر بأنه كان يبدأ
    الحفلات بفرمالة واحدة وهى .. بعد الغياب ، لصلاح مصطفى ..
    تماما مثل فرمالة البداية عند كمال الشادى .. ضنين الوعد ..!
    ويا رشيد لقيت ليك حسن صالح معرفته بالبوست والانترنت والكمبيوتر عموما
    انيل من على ميرغنى .. اظنو ما سمع بالكمبيوتر من زمن برامج اللوتس !!
    لكنه وعد بارسال مداخلات تقوم باعدادها بت الشيخ حقته .
    طرفة أخيره عن حسن صالح .. ايام زواجى فى بداية التسعينات اقام بعض
    الزملاء الزقازيقيون وزملاء الوزارة قيدومة فى منزلنا بشمبات وكان فنان
    الحفلة حسن صالح ، وقبل بداية الحفل حدثت مراهنات بين معاوية وخالد موسى
    على الفرمالة ، وقام خالد موسى برشوة حسن صالح كى يغير الفرمالة الى اى
    اغنية اخرى حتى يكسب رهانه مع معاوية .. وعندما امسك حسن بالمايكرفون
    أخذ يتشاور مع العازفين وهم يلعبون بالآتهم - زى الفنانين الكبار - وفجأة ودون مقدمات
    وبشكل كان مفاجئا حتى للعازفين صدح بصوته عاليـــا ... بعد الغيااااااب ...!!
    ولم تغطى على صوته الا صرخات خالد موسى .. لا .. لا .. لا !!
                   |Articles |News |مقالات |بيانات

22-06-2009, 09:58 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد عيد)

    Quote: رشيد : ما هو وجه الشبه او الربط بين الحمّام الذى اختبأ فيه
    الرجال البلهاء فى قصة جلا وبين حمّام الـ .. الاشتراكى الذى
    ألصقت به تهمة معاوية يحى ؟..


    و الله يا محمد انت بقيت متلقي حجج...حسه عليك الله اللصق التهمة بأخوهو منو...أنا ولا معاوية
    قالو الما بدورك يحدر ليك في الضلمة...و زي قصة الكديس والفار في نص البحر في مركب...الكديس
    قال للفار بتكتح مالك...

    محمد حصل حضرت سبيس تون مع العيال...سمعت بالرابط العجيب...الرابط العجيب أن توجد رابط بين شيئين ليس بينهم علاقة...و على نفس النهج فالرابط بين الحمامين...الحمام الأول به ثلاثة رجال...الحمام الثاني يدخلة الجميع...في الحمام الأول الرجال بلهاء...الحمام الثاني عندما يدخلة الجميع يبدون كأنهم بلهاء...اذن الرابط العجيب...البلاهة...

    طبعا خذلتك...انت عارفني أنا لاعب كورة قديم...و من أساسيات الكورة...ماأي كورة مقشرة بشوتوها...
    يا كيشة...
                   |Articles |News |مقالات |بيانات

22-06-2009, 10:01 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    Quote: ويا رشيد لقيت ليك حسن صالح معرفته بالبوست والانترنت والكمبيوتر عموما
    انيل من على ميرغنى .. اظنو ما سمع بالكمبيوتر من زمن برامج اللوتس !!

    محمد عيد حسن صالح ده لمن ضربت ليهو كان لابس بنطلون أبيض؟؟؟
                   |Articles |News |مقالات |بيانات

22-06-2009, 11:00 AM

عثمان الجيلي شيخ محمد

تاريخ التسجيل: 25-01-2007
مجموع المشاركات: 249

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: الرشيد بابكر)

    الاخوة الغالين...ابناء الحوش الكبييير
    السلام عليكم ورحمة الله وبركاته..
    عدنا اليكم والعود احمد...عودنا للحوش الكبيييير ولصدور اهله الرحبة...

    اولاً الشكر كل الشكر والتقدير الي الذين شاركونا الاحزان في وفاة المغفور له باذن الله الاخ العزيز/ عمر الجيلي شيخ محمد

    الشكر الي الذين إتصلوا معزين قبل سفري ...والذين كانوا في إستقبالي بمطار الخرطوم...زهير الزناتي ...محمد صديق..عابدين
    او الذين حضروا الي دارنا ايام العزاء / نادر ،زهير وابتهاج ، محمد صديق ، خالدة...عطيات بكري ..او الذين عزوا هاتفياً...والذين عزوا
    عبر الحوش الكبير...او عبر النت...لكم الشكر جميعاً...ونسأل الله ان لا نصلكم في مكروهاً...

    اخوكم عثمان الجيلي
                   |Articles |News |مقالات |بيانات

22-06-2009, 12:09 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: عثمان الجيلي شيخ محمد)

    سلامات يا ناس

    عثمان الجيلى...حمدآ لله على السلامة والبركة فيكم ونسأل الله

    أن يتغمد الفقيد برحمته...وما قام به الاخوة هو أقل من الواجب

    للظروف التى يعلمها الجميع...

    جلى ...لك التحية ...ورسل لينا مونة دوبيت ...الشرح كان غلب

    الجماعة نحن جاهزين للترجمة....

    يا عصام ادم شايفك مسخن كده وقايم بى نمرة 5 ...انت بت الشيخ

    خليتا فى كسلا ولا شنو؟؟؟

    يا جماعة شكلى كده حأكون الالفة...او بتاع المراجعة..ابتسامة

    بت الشيخ...لم نقرأ آراء جميع الناس...نتطلع الى مشاركة الناس

    وانا أستأذن الريس فى ادخال تعديل على الموضوع...اذا ادونا الاذن

    المداخلة الجاية ان شاء الله حتكون جاهزة..

    نفتقد دهب..جلال ..سامى...النضيف...جبريل الضلو رامى بى هناك...

    عروة..جمال قودوين...ابتر

    سلام
                   |Articles |News |مقالات |بيانات

22-06-2009, 12:29 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: محمد صديق)

    Quote: وانا أستأذن الريس فى ادخال تعديل على الموضوع...
    اذا ادونا الاذن المداخلة الجاية ان شاء الله حتكون جاهزة..


    محمد صديق الكمندان ياأخوي الإذن معاك غير زي ما إنت عايز
    ويا جماعة موضوع إبتسامة بت الشيخ أرجعوا ليهو تاني والموضوع
    شيق وممكن يجر لينا رجلين ناس بس أظنهم خايفين من سحر الإبتسامة
    وكمان موضوع رشيد القوم ما تنسوه .

    مرحب بأخونا العائد عثمان الجيلي ،، حمد لله على السلامة وإنشاء الله
    تكون آخر الأحزان ،،،
                   |Articles |News |مقالات |بيانات

22-06-2009, 01:00 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق أجدع ناس (Re: ميسرة سيد أحمد)

    Quote: نفتقد دهب..جلال ..سامى...النضيف...جبريل الضلو رامى بى هناك...

    عروة..جمال قودوين...ابتر


    عملنا بلاغ لدى المستشار عصام الدهب ولكن ما جابت نتيجة
    دحين الناس الفوق دي ضهبانه وينكم ،، نحن نفقدهم ومن أتى
    بهم له حمل بعير .


    مالكم إنشاء كركم!!!!!!!!!
                   |Articles |News |مقالات |بيانات


1 صفحة 34 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de