كتب الكاتب الفاتح جبرا المتوفرة بمعرض الدوحة
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
انكسرت جسور الدمعة واندلقت منابع احزانه
..........................................
للشاعر....... عبدالله التاج .................
.................................................................
انكسرت جسور الدمعة واندلقت منابع احزانه
الله لقلوب مكلومة يوم خبر السواد الجانا
ادمنت العيون الدمعة متوالى الجفون مليانه
اغرقت الخدود بى سيله طبعت فى الوجوه أشجانه
الله من مرارة الفرقة وآه أنا من جحيم احزانه
سدت فى الحلوق العبرة لا من بالنويح شرقانه
القدر اللعين فاجعنا لفح الفرحة من تالانا
خلى صبرنا عاضى الجمرة تأكل فى الهشيم جوانا
الحزن الدخل جوانا باقى إلى الأزل فى حشانا
لا نوحنا وبكانا يزيلو لا بتغسل دموعو أسانا
تقودنا خطانا نحو آجالنا مو معروف محل مرسانا
يبرانا الممات وين نمشي شقيش ما نسوقه خطانا
الدنيا العبوس ملعونة اوعك من تنوم فى امانه
ترميلك ضليل خداعه ضامرى وراء مقيلو خيانة
تتفتح زهور فى روضة تجذب للفراش بالوانه
من قبل الثمار تتحت قبال ما تجف اغصانه
آه انا من نضارة وردة حين طلّ المحل بستانه
ما اتمهلت تفوح طيبه تبرز للزمان ألوانه
وآه أنا من سكيل الوالدة وكتين ترسى اعز بطانه
تفتش فى الخلق كايسالو بيناتن بلا الضهبانة
.............................................
حاتم هاشم
| |
 
|
|
|
|
|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الدكتور ياسين...
صباحك زين يا اخوي...
جيداً جيت وعملت فوق دي لأن الصفحة الرابعة فيها مشكلة هسع أنا عندي ردين بعد ردود الأُستاذ موسى ما ظهرت وأيضاً الخليفة حاتم هاشم...
فأنا أرجو من الأخ موسى يراجع الرد حقو لأنو فيهو مشكلة... حتى تستعدل الصفحة الرابعة لأني منزل فيها الجزء الثاني لقصة حمد إحمد التمرجي... وأيضاً أشعار وأغاني جميلة...
فرجائي من الأُستاذ موسى مراجعة رده المَرْتَق باقي الردود...
ولك ولود حاج موسى والجميع مودتي...
أبو الحســـــــــين...
| |
|
|
|
|
|
|
|
|
|
الجزء الثاني من قصة حُمد إحمد التمرجي... (Re: أبو الحسين)
|
Quote: حُُمًَّد إحمد التمرجي
الجزء الأول
جاء داخل من لا برَّا ... رمى الطوريي اللَّتُو فوق القسِّيبي المختوتَة في الكيميِّي الغادي من الدونْكا ... عامنو فاطر وشربان الشاي لكن حسَّا لو بى جويعة كدي ... راح على الدونكا فتح التُقُل الليل الكسري , خمش لو سنسني وبقى يقرض فيها ... كورك لى مرتو ... يا آمني .. يا آمني .. إنتي حُمَدَ إحمَد وينو ؟ قالت لو راح يسقي الحمارة ويجي ... قال لها الحماره ؟ والعَز القت لو ودّها سوق ود شنّه ما ساقها شي ...؟ قالت لو لا لا ... إنت العّز بايعها لى شنو ...؟ غلَّبتك في القش ... ؟ القش مو ياهو دا الراقد ... وبرسيمك البى تحت لى الليلي ما إتفرض ... قال لها :- عمو مرسل لو جواب مع ناس ود الفكي ... قال يرسلوهو ليهو هناك في أدبره , شان يشوف لو صِرفه , يدخلو المدرسة الصناعية يتعلم لو صنعه , وإنتي عارفاني معلم الله ... قتا اللبيع العز تجيب لو حق التذكرة ومصيريفات يوصلنو هناك ... أصلو القراعه ما نفع فيها , أقول لو أمش اسقي الملاح , ولا البرسيم البى تحت , يروح يبعج لي الموية في الحيطان نامن يشرقن آب يجيب خبرن ... وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0
حُمَّد إحمَد سقى الحماره وجايي بالدرب لاقاهو بابكر ود النصيح , زولاً كدي كلمتو حاااضري ما قاع يتلفت لها شي ...ديمي عليهو مباري المداديح , ولاد حاج الماحي , يحمس لهن في الطارات اللتن , ويولع لهن في البخور , يَعَشَقْ في المديح , ويتهوزز في الداره نامن يقع في الواطا مغبي ويرشوهو بالموية , وهو الصلاة ما قاع يصليها ... أها وقفوا ينضموا , حمد احمد قال لو:- أبوي عندو عَز جاي يبيعها , قال لي ودّها السوق , ما تجي اللبيعها ليك ..؟ والله حِسَّها سمح بالحيل ساعة تَمَعْمِعْ ... بابكر قال لو :- حسها سمح ..؟ نان ما تعلمها المديح ...؟ خلاهو ومشى على أهلن ...جاء داخل ..كرعيهو تشوفن من بعيد تحلف تقول لابس لو شرابات , من مشي الحفى والحال العليهن ... ملص عراقيهو وختاهو في العنقريب ... عليكن أمان الله العراقي واقف بتل الزول من الكدوب الفوقو ...إن جيت دار تطبقو يتفترن في إيديك بتل الكسري اليابسي ..وأصلو كان لى حُمَّد إحمد .. الصابونة الحلوي دي يبقى ليهو ستة شهور ما ختاها في جسماً ليهو ... بس يمشي يغتس في البحر ويجي مارق يا إندعك لو بى آشميقا يا ما إندعك ... ياهو ده حمامو , أبوهو كورك لو قال لو :- عمك مرسل قال يسفروك ليهو في أدبره يدخلك الصناعيي تتعلم لك صنعة ... قال لو :- آ يابا انا دار اسوي لي كارو إشتغل بها قبلي هني ... أبوهو ردا لو :- كارة أشني ..؟ البلد ملاني كوّارو ... والحمير وقعات في غضب الله ... زمان الناس يحشوا بن القش ويقضوبن مشاويرن ... أسع يا كافي البلاء حماراً تلقاهو مقَيّل في مراحو ماهو في .. جاتن آفة بقت لهن في رقبتن وشقاوةً إنتلحتن ... وأسع الكارو دي الدار تلقاها منها , تأكلك إنت ولا ياكلها الحمار ...؟ إنتا براك داير لك قيراطين اللات قمح ... بلا المريق ..في فد شهير ... أمك واقفي في دابك من عند الدونكا ما قاع تمرق ... كرش الحاجي اللتك دي كارتك آب تكفيها ... حضر نفسك للقطر الجايي خل المحقة البتسوي فيها دي ...
|
إخوتي الكرام...
نهاركم سعيد...
بمناسبة الإخوة الإنضموا إلينا حديثاً أهديكم الجزء الثاني من قصة حُمد إحمد التمرجي...
حمد إحمد التمرجي ـ الجزء الثاني
مشى باع العّز في السوق وجاب القريشات لى أبوهو وجاء ... فضَّل للسفر كم يوم كدي ... أبوهو ساقو قطع لو جلابيي اللت دبلان , وعراقيين اللات دَمُوريي بى سراويلن , وأدوهن للترزي , وأخد لو جزمة باتا بيضاء , وطاقيي حمراء ... وحمد احمد مكوزم ماد تلاليشو , مااااااهو راضي بالسفر ده شي ... عمرو ما عدا من كريمي لا غادي ... زمااان قبّال يعرف كريمي والمشي ليها .. كان حِرِد مع أبوهو مرة , مسك التحتانيي بالبحر بى كرعيهو ومرقها في الحامداب , مشى قعد لو مع ناس هناك ... , وبقوا يكوسوا فيهو بى هِنِي ما خلولن بكان , وأمو وأخواتو بى بكياتن , بس قلبنَّها مناحة عديل , وخيلانو وأعمامو بالنَبِيشِي أكلوا لحم أبوهو .. ما خلوا لو صَفِحْةً يرقد عليها , واقع في الشِنّيف والهَرَجِي كل يوم ...نامن قرب يطفش حتى هو ... خسوساً واحداً في خيلانو , مسمنو المَكَاجِر ... إضنيهو مفندرات بتل الطانجة اللت اللحم , نضَّام نَضَمِيّاً , تقول مَحَنِّكِنُّو في الاذاعة اللت أم درمان زي ما قاعد يقول لو هو ... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟
على التَعَتِّر يوم من الليام ... عوض الله ود أب كرُّوقة ...شدّا حمارو على الحامداب ... ماشي يتَمِّنْ لو شوالات اللات حَرْجَلْ وشَمَار , يجي يبيعن للتجار هني في البلد , يتمكسب فيهن , حايم في السواقي اللت الحامداب ... بلا لقى لك حُمّد إحمد بارك لو في حيضان يحش في القش ... لكدو بالعصا فوق قفاهو براااحه ... حمد أحمد اتلفت قال لو هَي هَي :- حتى أنت جيت في بكان السفر ..؟ قايل نفسو سافر مرقها في بلداً طيرا عجمي وهي المسافة كلها ساعتين بالحمار , بس مافي زولاً قايلو يقبّل على الجيهي ديك ... كراهو من قفا وركبو في الحمار جابو صاد لى أهلو ... اليوم داك أمو ضبحت لها عَنَاق وقسمتها للحيران في الخلوة ...
.............................................................
وجاهزين لترجمة أي كلمة صِعِب عليكم فهمها...
ولكم مودتي... وتحايا الكاتب عبد العظيم الطاهر...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
المشاركين والضيوف...
ألف مبروك عودة البوست للمنبر الجديد...
وإنشاء الله نتلم في السعادة والهناء... ونواصل مسدارنا الجميل...
ويا هلا بيكم جميعاً... وبالإخوة الإنضموا إلينا...
وأهديكم هذه القصيدة الجميلة للشاعر سيف الدين... ود القرير المغترب..
تســوِّي براكــا بـى إيـدك ، يـغـلّـِب ليــك أجـاويــدك )
زمن جارِيـن ورا الأوهـام ، ندودِر فـي" الفِيـَز" دوديـــر
وتـاهــت روحـنـــا بــالآلام ، ويـا مـا انــدردرت درديــر
نسوق الخطوة فوق الخطوة ، نجري جري الوحوش والطـيـر
وهـمـَّنــا كلـُّو كان الـمال ، وفاكريـن دار نَفـُرْشـو حريــر
حِـفـن كرعـيـنـا بالساسـاق ، ويـا مـا اتـخـدّرَن خـِدّيـــر
أبـيـنـا رِزِقـْنـا وانـطـاولـنـا ، لا فـوق قـلـنــا يـَبـقـى نطيـــر
مـآسـي الغـربـة لـو شفتـوهــا ، تلـعــب بـالـفــؤاد وِدِّيــــر
زعزعـت القليـب والـروح ، ومـا خـلّـت خُـطـاهــا تسيــر
قِـبـيلـك كُـنـا مغشوشيـن ، وجـرجـرنا السـراب جِرجيـــر
ومـا حسّيـنـا مهـوى خُطـانـا ، كان تاريهـو مهـوى خطيــر
واتـورّطـنـا مـا شـاعريـن ، وصار تـَوَهـانـّا مـَجْرَى السيـــر
ولـو فكَّـرنــا نـَرجَــع تـانــي لـى بَـلـَد الـحـنـان والـخيـــر
هـنـاك الـنـاس بـِلُـومـونـا ، وأضـانـّـَا بِـيَـتـعِـبـَـا الـنِّــقِّـيـــر
وفي نظـرة عيـون النـاس ، هنـاك ما بنسوَى حتـى ضـفـيـــر
( تســوِّي براكــا بـى إيـدك ، يـغـلّـِب ليــك أجـاويــدك )
بـلاد بــرَّة الهـوان والـويـل ، ويـومـك كلــو فـي الدِّوِّيـــــر
دوامات فـي الصباح والليـل ، ورفـع النخـرة والتـحـقــيـــر
والظُلُـم الـبنسمع بيـهـو ، واقـع فــوقـنـا حـد مــا نـسـيـــر
حـتـى الـجـيـنـا مـن أجـلـو ، وسـنـيـن تــوَّهـنـا بـالـدِفـِّيـــر
أتاري طَلـَع سـراب راحل ، طـمـوحـاتـنـا اتـمـلـت غِـبِّـيـــر
يَـظُـلْـمــوك إنـتَ فـي حقَّـك ولا إحسـاس ولا فـي ضميـــر
وُحُوش ما بيرحموا الإنسان ، وعايشيـن فوق حقـوق الـغـيــر
يـزازو الـنـاس وياذوهـم ، قـلـوب مـتـحـجِّـرات حِـجِّـيــر
يسَمـُّوك " أجنبـي" ومنبـوذ ، وفـي عينيـهُــم إنـتَ حـقـيـر
( تسـوِّي براكـا بــى إيــدك يـغـلِّــب لـيـــك أجـاويــــدك)
كـُلْ زول فــي بـلاد الـغـُربـة عـايـش فـي حياتــو سـعـيـــــر
وا أسَـف الشبـاب التـاهــوا ، يـومـُن كُـلـُّو فـي التـفـكـيــــر
ومـردومـة الـهـمـوم بـالكـوم ، وهـمَّ الغـربة أمْـرو عـسـيـر
لا أُمـــَّاً تـخـفـّــِف مـِنــــُّو ، لا أخــــو لا أُخـــُت لا غـيــــر
والـوِلــِف الأخَدنــا عـلـيـهـــو ، مـقـطـوع مـنـُّو ايِّ خـِبـيــر
قـُلـُوبـُن زي حُـجــار بـلـدُن ، مـعـَمـَّـرة بـالـسـواد تـعـمـيـــر
وكُلُّ بيـاض يظـاهْـروا بيـهـو ، يـطـلـع تـاري سـاكـت جـيـــر
حِلـيـل وجـه الـهـنـا البـسّـام ، حليلـو خلاص صِبِـح تكشـيــر
زمـان مـن قـبـْلِ مـا نـهـاجــر ، فـقـدنـا الـوِجـهــة والتـنـويـــر
واتـخـيَّلـنــا خـيـر الـدنـيــا ، مـفــروش فــي خـطـانــا غـزيـــر
ويـلاِّ قـعـدنــا نـبـنـي أمـانـي ، يـا مــا كـان سـمـاهــا مَـطِـيـــر
إلاَّ لـقـيـنــا إنـَّنــا كـنَّــا ، نـَبْـحـَــت فــي الـســراب حـِفـِّـيـــر
ونـبـنـي علـى الـرمـال آمـالـنـا ، بـيـت الـرَّمـلـة عمـرو قصـيـر
حليــل زمــن الشبــاب الـراح ،حليلــو نــزح بــدون تـنـذيـــر
واتـمَـلَــت الـنـفــوس بـالْـهــم ، شـبـابنـــا أذاهــم الـتـدمـيـــر
تَشُـوفــُن بالـصِّـلــعْ والـشـيــب ، حـيــاة الـذِلَّــة والـتـكـديـــر
حايريــن كيـف بيـرجعــوا تانـي أو كيـف يرضــوا بالـتـخـديــر
خُطـاهــم تـايـهــة بـيــن نـاريــن ، وألـهـبــت الـفــؤاد الـنـيـــر
ومِــن هَــوْلَ الأســف والحـِيــرة ، صــاروا مسَمَّـريــن سِمِّـيـــر
رُقـابُـن بـالألـَم عـسـمــانــة ، لا صِـنـقـيــع ولا دِنـقــيــر
ويـا مـا فـي العــذاب والـحســرة ، ديـمــة مبـحِّـريــن بِـحِّـيـــر
سهــر صبَّاحـي يـومـاتـي ، وغميدنـا يـجـيـنــا كُلُّـو هــديـــر
ودايـمــاً نـومـنــا مـتـقـطِّـع ، هـضـاريــب وانزعــاج فِـرفـِيــر
( تَـسَّــِوي بـراكــا بـى إيـدك ، يـغـلِّـــب لـيــك أجــاويـــدك)
سـألـنــا الـمـولــى رب الـعــزة ، يـلـزِمـنــا الـصـَّبـُـر تـيـسـيـــر
ويـمــلا قـلـوبـنـــا بـالإيـمــان ، ويـدِّيـنـــا الـيـقـيـــن مـِطـِّيــــر
يــرُد غـربـتـنـــا بـعـــد الـحــال ، يــرجّـــِع كُـلَّ قلـْـبِ وديـــر
وتـتـهـنَّــى النـفــوس ترتــاح ، بـلاش غربــة وبـلاش مـِسـْخيـــر
ولكم جميعاً كميات مودتي...
أبو الحســـــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
والله يا ود الحسين
زي ما ذكرت نطل غليكم مرة مرة ونغيب..
والله في النية نكتب الكثير عن أشعار الشايقية وفي مكتبتنا الكثير
لكن ظروف الزمان تشغلنا كثير
وكذلك أنتم تشغلكم وهذا قليل من كثير منكم ولولا ذلك لزاد عدد صفحات هذا البوست أضعافا
.........
شايفك مرة ذكرت
الفنان المرهف المجود عبدالرحمن البركل... شقيق عبدالرحيم البركل.. بالله إنت تعرفوا ياود الحسين..
هذا فنان رائع وعندو صفات شبيهة بصفات الملائكة
كم وددت أن أكتب عنه ولكن المشغولية..
هو صافي الروح طيب القلب متدين.. رقته وروحانيته ومحبته للخير جعلته يترك درب الغناء ويعتزل تقريباً..
أنا أكثر من يعرفه كان يكبرني بخمسة أعوام.. ولكن تكاد تكون روحي وروحه سيان تزاملنا كثيرا.. وهو في النهاية ابن خالتي الحاجة السيدة مد الله في أيامها..
عندما اعتزلت أنا الغناء في عام 1975 تأكد لى بما لايدع مجالا للشك أن عبدالرحمن سوف يعتزل عاجلا أم آجلا..
مع أن الغناء الموزون ضرب من ضروب الفنون المباحة
لكن أبت النفس.. أبت نفسي وأبت نفس عبد الرحمن الرجل صاحب الأخلاق الملائكية
........
أما حديثك عن علي ودحليب
نعم هو عنده أعظم ماقيل في المديح
وحاج الماحي نفسه يغترف بعلي ودحليب
ويعتبره أستاذه
بالرغم من العطاء الثر لحاج الماحي
وقلة أشعار علي ودحليب
.. وهنالك محبة لحاج الماحي عارمة لعلي ودحليب..
وتعودنا مايحبه حاج الماحي يورثه لأبنائه ببركة المحبة النبوية
محبة المديح الصوت الواحد
الأدب في فن المديح
موش زي مداحين الصعيد الواحد يضحك اثناء المديح ويتلفت ويجيك متحنن وأيدو تدق في الطارة
أولاد حاج الماحي
أدب
تواضع
إستشعار للحضرة النبوية
مهابة
وكل الحاجات دي كانت مكتوبة في خلوة حاج الماحي وبجوار ضريحه في الكاسنجر
البسكر من ولادي وعترتي ما يمدح مديحي
والبسجر ويسف ما يمدح مديحي
والما متأدب ما يمدح مديحي
والبيطلب أجر ويفرض على الناس ما يمدح مديحي البيدوك ليها تمسكا..
وقال أنا خصيمو أمام النبي صلى الله عليه وسلم
...............
لما ذكرنا بيت حاج الماحي
عصاتنا البشربوا الدكاي
مع الصديق سديس الراي
عظمة البيت تكمن في القوة والتأكد من القضية والطلب والتأكد من رحمة الواسعة بدون حجر ولاحكر
وهو أن يطلب من الله بفضل النبي صلى الله عليه وسلم أن يوازي
ناسنا البيسكروا
البي يشربوا الدكاي وهو شراب تقيل اشبه بالنبيت واقب الى المريسة وهو مسكر
هو أن يطلب من الله
أن يوازيهم مع سيدنا ابوبكر الصديق
هذا لو كان واحد واعظ غير متصوف لما فهم القضية
ولقيد نعمة الله الواسعة
ولكن شاعرنا يتمني من نعمة الله التي لاتحدها حدود فهل هذا ممنوع؟
حتى علي ودحليب نفسه ماعندو ناحية زي دي في الثقة بالله ولا النبي صلى الله عليه وسلم
ولا أي شاعر غناء أو مديح آخر في السودان؟
هذا هو السبب
الذي قلنا فيه هذا البيت واسع المعرفة والعرفان ودقيق
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: في محلاً يغرق وهنا يستوجب أن ينادي أرقد فيقعر
التور ضهرو ويكون ضهر التور متني لي تحت في شكل قوس
لأسفل وويحني أرجله الخلفية عند المفصل حتى يمكن الجنى
أن يغرس سنّة المحرات بكل ما يملك من قوة في الواطه
وعندما يخلص يردد قوم فترجع التيران لما كانت عليه أولاً |
Quote: والحراته جنب الجداول بدور ان يكون ماش
علي حافة الجدول لذا ينادي للتيران بره فيطلع
أحد التورين لخارج الأرض ويكون ماشي جوه الجدول
وحكمة الله دون أن يترك عليه خراب وهدم وعندما
يخلص يردد جوه فيرجع التور لما كان عليه. |
يا سلام عليك أخي خالد
رغم ان الصورة مكتملة في ذهني منذ الصغر إلا
أن شرحك واستطرادك يهبشني في النسيج التحتاني
لا فُضَّ فوك
انا مرات بحس انو زولاً ما عاش في تلك الديار
ومارس وشاف ما شرحت الآن لا يستطيع أن يفهم
ظلال اللغة وما بين مسامات القول
لك ودي
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
سلام ياهلنا...
ابن عمي ابوالحسين..يسال منك الخير
بس جري الدنيا..والعيد..والدنيا اخر السنه وكده..
وحتي شوايقه لندن بعرفوا الحمام الرقاص..
اخوي خالدودمحجوب...سلامات..تسال منك العافيه..
شرحك للقصيده بيذيدها روعه..
دكتورناالعزيز سلام..
نحن خلاص حا نغير اسمك من
دكتور ياسين الي (ياسين D-J) مع خالص احترامي..
وسلام الي جميع المشاركين والمارين..
............................................................
يانسمة مين غيرك
....................
للشاعر..الفاتح ابراهيم بشير
..............................
يانسمه مين غيرك يكسر حواجز البين
يتحفني بي اخبار مريودي نور العين
طولته مستني يكتبلي لو سطرين
يحكيلي كيف حالو وان شاء الله هو زين
مفروض يكاتبني مهما اكون انا وين
حسب اتفاقنا الكان يوم كنا متفارقين
رسلته مكتوبين ما جاتني أي ردود
ان شاء الله مانعو هو خير لا يبقى صد وجحود
يا حليلي انا الممكون وصابر على ناري
وكل ما ادس حزني تفضحني اشعاري
وكل العلي والبي اسبابو من جاري
ويومي الاقصر انا ما بيقبل اعزاري
يا نسمه قوليلو الحال وراك مايل
والليل بلاك ليلين وديمه الدمع سايل
قوليلو يومك داك يومي البقيت راحل
ماقلت لي الرد ما تشيلو هم واصل
يا نسمه عارفاني مكتول ضناني الشوق
للبلد من جم صلحاب كري والسوق
عمرابنا والقوزين ليهن سلام مطبوق
خاصه المحطه تحت وقز ام شديرة الفوق
شوق البلد جواي يا نسمه ازاني عديل
خلاني ابكي وانوح كل ما اشوف النيل
اطرى الجروف والناس تنزل دموعي تسيل
يمارى لي منظر منقه و قرين ونخيل
يا نسمه شفتي البي وتابعتي بالتفصيل
ارجوكي سافري خلاص واوعك من التاجيل
برجاكي فوق نارين حزني وظلام الليل
وبصبر لي يوم يومين فيها الله بيه كفيل
..............................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
بغنيلك
.........
للشاعر..محمد عثمان ابو شعب..
.................................
........................................................
بغنيلك
عشان بهواك دون الناس
والناس لهواي عزال
واغنيلك
عشان لو مره ماشفتك
بخاف تبقي الليالي طوال
واساهر فيها واتعزب
واجر موال وراء موال
واغنيلك
عشان يوم شفتك انت صبيه
الله كساكي زوق وجمال
ومن يوم داك شلتك غنوه
احلم بيك يلمني فال
واغنيلك
سنين وسنين وكان
نسيانك انتى محال
واسال ديمة مشتاق ليك
يمين فى العوده والترحال
واغنيلك
ولو اتكلمت عن حبك
يقولوا علي جابو خيال
مثيلك مافي عين شافت
ولا يوم بالخواطر جال
واغنيلك عشان بهواك
..................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
أخي خالد
تحياتي لك ولاسرتك الكريمة ، نعم الاستثمار أن يعرف ابناؤك تراث أبيهم
وعامية لسان ابيهم ربنا يحفظهم لك ، والشيء الذي ياسرني أن شرح شرحك يحتاج المزيد
أنا مثلك احتاج لقهنوبة في أمريكا ولكن لنا لقيمات هنا لابد من أكلهن
تحت وطأة الحنين والفراق ونشكر الخواجة اللي "ما وقفت قدامنا
حاجة إلا يرطن فيها حاجة" "مثلما قال د. بادي" الذي جعل العالم أضيق من
خرم الإبرة وجعلنا نلتقي أمثالك الذين لا أجد وصفاً لهم في قاموس لغة مشاعري
لك الود
وسأحاول أن أنزل لك رمال حلتنا فيديو كليب من
الأستاذ خالد محجوب يصور لك كل كلمة وردت في
القصيدة ولكن أخشى أن تحزم عفشك "حزم العفش على مسؤولية صاحبه الحنييييين"
أنا برررررره
لك الود وشكراً على قصيدة الحجيج قطع
التي تؤلمني كلما قدم موسم الحج وهي عندي ولكن بصوت الكابلي
أخي وصديقي الأستاذ عصام على أحمد
أكرر شكري للخواجة ولله الذي سخر أبوالحسين الذي جمعنا
هنا "قد يجمع الله الشتيتين بعد ان يظنا كل الظن ألا تلاقيا"
لقد عادت إلى عيني صورة تلك الأيام الجميلة التي قضيناها في
رابطة مروي وليالي الشعر والأدب والغناء وكل شيء جميل
لقد مررت بدبي العام قبل المنصرم في طريقي إلى السعودية
في موسم الحج ولو كنت أعلم وجودك هناك لكنت أوحلت الطائرة
في مطار دبي
لك ودي وأعدك بسلك قريباً كل عام وانت والأهل بخير
يس محمد يس
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
سلام ياهلنا...
احلي مافي الكون
................
للشاعر...ابراهيم ابنعوف
...............................
.......................................
احلى مافي الكون عيونك
واحلى ما في الكون سروحها
يوم تغيب تسلب رويحتي
ويوم تعيد لي روحي روحها
فيهن اتغرب وأسافر
نفسي تقبل بي نزوحها
ألقى جنة شوقي فيهن
الحنان مشتول في سوحها
داير اعيش فيهن وأفارق
دنيا كان شاقيني نوحها
وأنسى ايامي العصيبة
كل آهاتها وجروحها
في عيونك كون بحالو
فيهو أسرار ما بلوحها
كل ما اتمعنت فيها
فيها اشواق بابل بروحها
وأفضل اتضرع أمامك
رافع اليد اللحوحة
أملي يرقص فوق سوادن
زي بريق ياخد لو لوحة
فيها كم شاهدت واحة
الرموش ضالاها دوحة
وفيها كل الدنيا ترقص
بالطرب ناسياها روحة
صورة ماأحلاها صورة
من جنان الخلد لوحة
ياهو دا الخلاني أحلف
مافي زي عينيك صبوحة
بالفرح أيامي لمن
بالفرح كانت شحوحة
كيف يقولو اخير تسيبن
الله خلقو دي ما نصوحة
هن سعادتي وهن شقاي
هن أمان روحي الطموعة
كان غلطت استغفر الله
باقي عقلي اخد لو روحة.
......................................
حاتم هاشم
| |
|
|
|
|
|
|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
ست الجمال
.............
محمد عثمان اب شعب
.......................................................ز
والله يا ست الجمال انا ماني باكي علي ضياع امل فيك
ولا حتي نادب حظي ساعه جابني ليك
ما خلاص قنع قلبي القبيل ميال عليك
يقنتو يا ست الجمال علمتو ما يشتاق يشيل الشوق يجيك
ومع اني يا ست الجمال عارف جمالك في الجمال طاغي ورهيب
وعارف مشاويرك طوال لو ما ني عاشق كان مشيها علي صعيب
وما شفتي قلبي وحالو كيف من وقده الشوق اللهيب
وصبرا يطول يبقي زل والنوح كمان من متلي عيب
وانا قلبي يا ست الجمال طيراً سماهو افق رحيب
رحال وما اتعود شمس تشرق عليهو محل تغيب
وين قولك القلتيهو لي انو الزواج قسمة ونصيب
داير الرجوع وما بيامنك قلبي الجروحو بدت تطيب
انسيهو يا ست الجمال الماضي فات والجاي غيب
لوميني اه لوميني اه لو ميني اه
لوميني ما انتي الغدرتي وقلبك اختار زول سواي
وخطواتك اختارن درب عكس المشنو قبيل معاي
ولو مرة اضناني المسير بركز عليك صبري وغناي
وبعد الحصل والله يا ست الجمال
من شوقي ليك حاضن الصبر ونيران هواك ايام طوال
دربك مشيتو بلا امل ولقيت وصول اخرك محال
وحملتة الام فرقتك الفوق حدود الاحتمال
صديت لسان الحال يقول ياغافل الاحلام ضلال
واحترته كيف كنا يا ست الجمال
ماشين وقلبك شاغلو غير لو جيتك القاكي السراب
وتجيني تلقيني الغدير
غلطان انا انا غلطان انا
غلطان انا السكنتك اعماقي البعدية ووهبتك الحب الكبير
غداره يا ست الجمال مغرورة يا ست الجمال
غدارة عزت نفسي اكبر من جمالك بي كتير
............................................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
ما لقينا بيت
...............
رحاب شريف
...........
.............................................
ما قلت لي رغم الظروف
حأسكنك جوة الحروف
وسكنت في حرف البكى
لون عيوني ضباب وخوف
تاوقت مابين الرموش
سدت ملامح الوجعة شوف
ورجعت تاني اقول كفاي
غير الحرق ما عندي جوف
مالقينا بيت....
مالقينا بيت....
مالقينا بيت لو حتى من الطينة طوف
لا حتى حتة نسوره ومن حولها ندور نطوف
ونلبي لامن ننكفي وفي وشنا نعيد الوقوف
مالقينا بيت....
مالقينا بيت....
مالقينا بيت يسترنا من عين القدر
ما الدنيا ضاقت بالبشر
فتشنا جحر النملة قصينا الاتر
لمن دخلنا علي النمل قالينا خشو بلا زعل
قرصنا ما قاصد هو شر
عبر عن الفرح الغمر
وبي قلبو لمن شافنا قال
معقولة يتواضع بشر
ويسيب في بيوت الدنيا
يزهد في ترابها وفي البحر
ويخلي كل مفاتنا
وآمالها واحلام العمر
ويعيش مع النمل البكد في
الصخرة شان حبة امل
جحرا مضلم مافي نور
لا حتى طاقة ولا قمر
لاموية لا جدول يكب
لما الخريف يتكي المطر
مالقينا بيت....
مالقينا بيت....
مالقينا غير جحرا تبيت النملة فيهو
وسكنا ما دافعين ايجار لما النمل ما هان عليهو
تلقانا واقعين في الأرض ويدوسنا في سكة مشيهو
وقال لينا في الصيف اسكنو
ولما الشتا يزور الديار نفرح معاكم بي مجيهو
مالقينا بيت....
مالقينا بيت....
ما لقينا بيت نتكل عليو كل الهموم
مالقينا غير ناسا تنوم شان تصحى تاني عشان تنوم
واحلامنا ما بتقدر تقوم
كيفن بتتقطر مطر قبال تكون اصلا غيوم
مالقينا بيت....
مالقينا بيت....
يا دنيا دست في حشاها مساحتا
نكرت ولد انسانا قالت ماخلق آدم زمان من طينتا
يا زايلة زالت من قليبا محنتا
لا نحنا شاحدين حنها لا حتى دايرين سكنتا
باكر على الجنة بنعيش والدنيا تعرف غلطتا
......................................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الحِبان أهل الحوش جميع...
صباحكم هناء وسرور...
إنتو عارفين أنا من يوم الخميس الساعة 12 ظهر نص الدوام الأول النِت دا تاني ما قاعد أشوفو إلا يوم السبت الصباح... وكيييييييييف قاعِد توجِعْني لمَّتكم دي وأنا ماني بينكم... ماهو حسد (بغَر)!!! وهسع ماني عارف أقرأ من وين وأعلق من وين... ولة أفتح جُرابي... ياااااااربي أسوي شنو... كدي هسع الأسلم عليكم وأقول ليكم تحايا وشوق وأضَايِر شغلي بتاع المكتب سريع سريع وأجيكم راجع للخَمَجْ الفوق عديلي...
كميات مودتي...
أبو الحســـــــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أما حديثك عن علي ودحليب
نعم هو عنده أعظم ماقيل في المديح
وحاج الماحي نفسه يغترف بعلي ودحليب
ويعتبره أستاذه
بالرغم من العطاء الثر لحاج الماحي
وقلة أشعار علي ودحليب
.. وهنالك محبة لحاج الماحي عارمة لعلي ودحليب.. |
الحِبيِِّب المنصوري...
نهارك سعيد يا اخوي... وربنا يفِك مشغولياتك وتَتْحِفنا بالتحليلات الجميلة دي...
إنت عارف يا اخوي محبة أولاد حاج الماحي عموماً لشيخهم علي ود حليب مترجمة وين؟؟؟
لو ملاحظ بداية حلقات المديح لأولاد حاج الماحي على مر التاريخ وحتى جيل ناس عبدالرحمن وحمزة دا... دايماً تبدأ مدايحهم جلوس ويبدوهو بما يُسمى بمربع شيخ علي ود حليب...
واشوقي على بدر الكمال التم...
أبْ عرقاَ خفى الطيب والجلاد في الشم...
وبواشوقي على طيبة اُم نخيلاً قج...
نعمة الزار حبيبو ووافى يوم الحج...
ففي محبة أكتر من كدي يا اخوي... ديل يا عزيزي أدبهم حب المصطفى صلى الله عليه وسلم... فنعمة الأدب ونعمة المؤدِّب ونعمة المُؤدَّب...
وصلى اللهم وبارك عليك يا حبيبي ونور عيني يا رسول الله...
كميات مودتي... وأبقى قريب...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
بت البلد
..........
السر عثمان الطيب
.....................
..................................................
وبلا خبر طق الخبر مالي البلد
قالوا العريس قام بالأحد
والحلى جاطت والحريم يتهامسن
جاي الولد
كوم من بنات للبير ورد يتحدثن
جايي الولد
يا بختها وواشوقنا نحن الفينا جمر الشوق وقد
كل الحديث الليلي فوق بت البلد
وساعة خلاص الليل دخل
وآخر شعاع من الشمس روح نزل
ضي القميره جا من بعيد بهر قدل
دافر ظلام الحلى قدامو ووصل
ناس البلد النام رقد
والماسك السبحي وعبد
مشغول هو بي خبر العريس
القالوا قام يوم الاحد
وهناك بعيد بي غادي فى آخر الديار
راكوبه ضلها احرّ من حر النهار
كوم من بروش وجريد تمر عيدان صغار
ودلوق هدوم موروثه من زمن الكبار
وتلات عنا قريبا صغار
كرابا متقطع نزل والنوم من البي فوقا روح تب جفل
راقد هناك كوم من ضياع مركب مسافري بلا شراع
احلام مسافري بلا وداع ودموع ضياع
تتجارا من غير انقطاع احرف انين ما خطتن
ايد بي يراع وليلاً نجومو يودعنو
خلاص مسافرات هن سراع
بت البلد عبراتا سدت فى الحلق
تبكي وتنوح تشرب دموعا وتنشرق
لمان حسيس نقاره جاها من الشرق
اتوسدت ايدا وبكت قامت على الحيل صنقرت
وبكت بكت تانى انتكت شالت طريحتا للدميعات كفكفت
فجأة السنين الفاتو جن ايام زمان اتلملمن
واتذكرت كانت تقوم فجر الصباح
لمان يقوموا اهل الصلاح
ابوها شايل السبحي صاح يا شافعي
سوي الشاي سريع شدى الملاح
شيلى المناجل وامشي قدامي الجرف
واتذكرت كانت تسبقو وتمشي تنزل بي تحت
تمسك سبيط التمره بي ايدا وتحت
تقعد تحش اللوبي للكاويق تقس
تصل البحر والموج يداعب فوق هدوما ينط يرش
وبعدين تشيل القش تفوت
واليوم يفوت وتمر سنين وتفوت سنين
يكبر عمير بت البلد يكبر معاهو كمان حنين
وبعد تمر كمين سنه في يوم صباحو صباح هنا
واحة حنان نغمة غنا ريحة لبيني مقننا
مر الجنا سلم على بت البلد
زى عادتو سلم وابتعد تابعاهو عين بت البلد
بت البلد سمعت ضريبات القلب
بعد الثبات كيفن خرب بت البلد .. عرفت تحب
والغي سهامو عليها جات شاقي الدرب
واليوم داك بت البلد ما جاها نوم
كيفن تنوم ؟ ما دام خيال ودالبلد يمشي ويحوم
بين الخيال شافت وجيهوالهاش وباشن
شافت عيونو الفيها فيض احلاما عاش
شافت سحاب الريده فوق واديها راش
بت البلد تاهت مع الشوق اللي ماعاد ينكتم
والصورة هادي الفي قليبا بتترسم
واسمو العلى نوتات خدودا صبح وسم
تاهت خلاص بت البلد تاهت مع ربط الحرير
والقعده جنبو على السرير لمان يجيها كدي ويسير
والرقصه قدام البنات يا ربي وين تلقى الثبات
والقرمصيص وغنا البنات والصفقه من تالا الولاد
ماب تسمعا وجاياها من آخر البلاد
تاهت مشت سايقاها دقات الدليب
لى دار حبيبا منى القليب
لى قعده عصراويه فوق العنقريب
للونسي والخاطر يطيب لى مسكه في إيد الحبيب
وسيرة فرح شاقي الدريب
وشفع حنان اسماء وحنان عادل كمان
وصوت الحبيب لمان يرن وشمعات هواهو ينورن
في دار جديدي بتنسكن
وفجأة النقاقير جاتا راني من الشرق
وبت البلد عبراتا سدت في الحلق
واتذكرت كيف حاج محمد والدا حالف يمين
ودالبلد ما ياخدا
واتذكرت كيف حاج محمد والدا قال ليها ما عندك أدب
تعبان سنين فوقك تعب واديكي لى زولا كعب
تربال وعيشتو عدم عدم لا قاري لا ماسك قلم
يشقيك يزيد ليك الألم ياخدك بتندمي صح ندم
واتذكرت كيف حاج محمد والدا
وصف القالوا قام يوم الأحد كتر محاسنو وعددا
واحد موظف وعندو مال يأويكي في بيت الحلال
تبقيلو عاد أم العيال ما فيش مثيلو ابدا محال
واتذكرت لمان أبت قول حاج محمد والدا
كيف نهرا وحالف يمين بيودرا
لو ما رضت بالجايي بي قطر الأحد
واتذكرت كيف الحبيب ودالبلد ساب البلد
شايل عذابو معاهو زاد ما حن لى دار اهلو عاد
وبكت بكت بت البلد لما الخبر ذاع في البلد
إنو العريس قام بالاحد
والحلى جاطت والحريم يتهامسن جايي الولد
كوم من بنات للبير ورد يتحدثن جايي الولد
يا بختها وواشواقنا نحن الفينا جمر الشوق وقد
لكنهن ما عرفن الشوق كيف وقد
ما عرفن غتو هي شوقا تب ما ليهو حد
مو للعريس ليهو الحبيب ودالبلد
ده الراح وفى زحمة ضياعو هو ما أتوجد.
.................................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
ارض النيل
............
السر عثمان الطيب
....................
.............................................
يا مرسى امان القلب التايه ليهو زمان
أرويهو حنان يا ارض النيل
اتغرب راح
يحلم بالعوده مساء وصباح
داير يرتاح ينجم الحيل
الديمه يئن
لى دار أحبابو قليبو يحن
طنبورو يرن ودموعو تسيل
بعد الأوطان
خلاهو يعيش العمر احزان
آهات واشجان وراهو الويل
وين امدرمان
يتراءي جمال المقرن بان
زهرو النديان والنسمه يميل
اتوشح توب
يترقب كان راجي المحبوب
وقليبو يذوب ضاع صبرو وعيل
مرت أيام
واليوم محسوب في الغربة اعوام
والقلب الهام ردد يحليل
هداهو الشوق
لى صوت القمري الساو القوق
لى ساقى تسوق وتنوح بالليل.
.............................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أخي المنصوري
سلام
دائماً جرابك مليان
اكرر مناشدة الأستاذ ابوالحسين نرجو ألا تنقطع من هذا المكان ونثر هذه التوضيحات الدرر
أذكر بيت أغنية للأستاذ صديق أحمد أمد الله في عمره وزاده صحة وفناً يقول فيه:
"أوب ووووبا نحمد ربنا الما سدَّ باب التوبة"
فهل هنالك نعمة أكثر من هذه؟ |
مافي والله يا دكتور يس...
وحقيقة يا اخوي شُعَرانا وفنانينا معظمهم فيهم هذه النزعة الروحية الممزوجة من الصغر... فكل واحد قام وتربى على أهازيج وتراتيل الذكر في الخلاوي وتلاوة القرآن ودندنات الطار فحرياً بنا هذه النزعة الروحية... الجارية في دمانا...
ودعواتي معاك للأخ صديق أحمد بالصحة والعافية ومزيداً من الإبداع...
مودتي...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ابن عمي ابوالحسين..يسال منك الخير
بس جري الدنيا..والعيد..والدنيا اخر السنه وكده..
وحتي شوايقه لندن بعرفوا الحمام الرقاص..
اخوي خالدودمحجوب...سلامات..تسال منك العافيه..
شرحك للقصيده بيذيدها روعه..
دكتورناالعزيز سلام..
نحن خلاص حا نغير اسمك من
دكتور ياسين الي (ياسين D-J) مع خالص احترامي..
وسلام الي جميع المشاركين والمارين..
|
يعلم الله منور الشاشة يا الخليفة ود هاشم...
حمداً لله على سلامة عودتك... وربنا يسهل ليك مشاغل الدنيا وتفضى لينا...
مودتي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
مشكور شديد الاخ ابوالحسين علي هذه الواحـــة الظليلة .. وآسفين وصلنا متأخرين ارجو القبول معكم ..
ويا أخ يسين لكين خجيت البوست خج بهذه الفيديوهات الروائع .. والبارح فيلليل لقيت كليب رمال حلتنا دا وقعدت اسمع واعيد لامن الواط ـة اصبحت وقلت امشي سريع اقدمها عربون في بوست ابوالحسين .. بلا جيت فتحت البوست .. بلا لقيتلك الشئ مولع بي هني !!..
لكين غايتو شغل نضيف .. وخاصة خصوصي عازف الايقاع الما فضل لو إلا ينطق الطبل بطيق !! .. كدي اكنكن اتناسوا الفنان والكورس زاتو وركزوا علي الايقاع بس .. واتمتعوا زييين .. بعد داك ادمجوا الشغل كله علي بعض ..
بس قولوا الله يكافي العين ..
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: العزيز د يسن
الشوق مطر
التحية للاخ أبوالحسين الذى جمعنا بعد هذه السنوات الطويلة
انا موجود بدبى
مع خالص مودتى |
الحِبيِِّب عصام...
مساك الله بالخير والرضا...
الشوق مطر ولة بحر؟؟ علي قول قرشي الحجير...
الحمد لله يا اخوي علي لِماتْكم دي... وربنا يجمعكم إنشاء الله قريباً على أرض الوطن الطيبة... وتقوووووووول كدي تكرِّب عمتك المُو خمج وتعدي لي أراك ود سُورج... وتمشي تقابل د. يس الجايي نهائي من بلد الخواجات في زيارتو للبلد... وتقوووووووووولو كدي بعد الغداء تمشو تزورو حي الميرغنية تحت ومنها بي بوكس الدكتور المو خمج... ولة أحسن صالون يا دكتور... تغشوا أُستاذ خالد في الحجير وتشربو معاهو شاي المغرب وبي الفوقانيي علي المقل تتعشوا معاي وتبيتو...وصباحات الله بُيُض تخَفْسوا علي كريمة وأنا معاكم وناخُد لينا فطرة كااااااااااربي في مطعم خيرات كريمة... وإنت يا أُستاذ/ عصام ود. يس تمشو علي محكمتكم وأنا وأُستاذ خالد نمشي علي مدرستنا الثانوية لي حصصنا الصباحية...
هيييييييييييي يااااااااااربي أنا حلمان...
نسأل الله يحقق الأماني ويبلغ المقاصد ويجمعنا وإياكم في ساعة خير ياااااااااااارب...
مودتي...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: وسأحاول أن أنزل لك رمال حلتنا فيديو كليب من
الأستاذ خالد محجوب يصور لك كل كلمة وردت في
القصيدة ولكن أخشى أن تحزم عفشك "حزم العفش على مسؤولية صاحبه الحنييييين"
أنا برررررره |
كيف أنت بره ما انت الصبيت الزيت علي النار لاننا مولعي فوقنا نار ضحضاح من بدري وانت وما اكتفيت بعبد الرحيم البركل كمان سويتها فيديو كليب
صورة الدحيش مكربت منتشي بين السرابات وتحضرني أول زيارة لي مع زوجتي الخواجية لشندي ونحن راقدين وهي مبسوطة انها راقده تحت سقف السماء وترى النجيمات والقمر وفجاءة هنق حمار .. صفنت وبعدها سألتني ماهذا قلت لها حمار. قالت وبضحك مالو ؟
لك المودة والتقدير والاحترام دكتور ياسين سنجك ميه واربعطاشر
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
أسمحولي غصباً عني... في هذا الصباح الجميل... أهديكم قصيدة الشاعر القامة د. عمر عثمان لحظة ندم... وهي لحظات ندم من الغربة وسنين الغُربة (غربة البنادر + غُربة البلد البعيدي)...
علها تخفف عليكم قليلاً من هموم تلكم الغربة المفروضة عليكم وأهديها خصوصاً للأُستاذ خالد المنسي...
لحظــة نـــدم
قـــولـِّـي مــالك مــالك تــســـيــب بـلــــدك تـــســـافـــر
وتـبـقـى زي تـايــه مــودّرْ فــي بــلاد الغــربــة طــافــر
قــولــِّي مــالك فــتّ دارك وفـيهــو خـيــر الدنـيـا وافـــر
وفـــتّ طـيـبـةَ القــريــة جـيـتــا لــي معــانــاة البــنــادر
كنـت رايــق بـيــن صِحـابـك واهـلك الطيـبـيـن فـنـاجــر
وكنـت هــانـي معــا حـبـيـبـك وبـي سـعـادتكـم تـفـاخــر
الصــبـاح بـالخـيـر يـجـيـكـا والنـهـار يـلقـاك تـهــاظـــر
وفـي العِصيــر تـنـدلا تـقــدل تـمــلا عينـيـك بـالمنــاظـر
التـمـر شــايــل مـفــدّع والجـــرف بـالخـضــرة عــامــر
ســايــق البــابــور مــدوّرْ والجــديــول جـــاري ســـادر
والله تــرســم فــي خـيـــالك بـي قــلـم فـنـــان وشــاعــر
لوحـة لي النيـل بي ضفافـو موجو كاسح وصوتو هـادر
لـيـلك الحــالــم منـسّـــم القـمــر فـي سـمـاهـــو بــاهـــر
إنْ قصـدتّ النـوم يـجيـكـا وإن قـصـدْ تـمـرق تـســامــر
كـلـو خـلــّيـتـو ورحـلـْـتَ جـيـتــا مخــدوع بـالمظـاهــر
جــبـتَ نـفـسـك لـي هـلاكـا ولـي الـبـشــاتــن والـدرادر
شـن لقـيـتـا مـن اغـتـرابـك .. الله اريـتـو ريـالـو طـايــر
غيـر بقيـت ويحيـد معـذب لـي همـوم نـفـسـك مصـاقــر
فـكــرك الـتـايــه مـشــتـّتْ راســك الـمقطــوع وحــايــر
حــالك اللـصبـح يحــنـّنْ بـايــن الأســى فـيـهـو ظـاهــر
تجـري طـول يومك تداقـش وتقـْضِي ليلك ساهي ساهـر
تـبكـي والعبـرات فـي حلقـك والدمـوع مـالـي المحـاجـر
لافـي زول يـسـمـع شــكِـيْـتـك لا يـطـيّـب ليـكــا خــاتـر
تـشكـي لي نـفسـك بـراكـا وخـوفـي نـفسـك ليـك تكاجـر
يـا حـبـيـبـة حـلـَفــْت بــالله لـي فــراقــك مــانــي قـــادر
وشــوقـي لـيـكـي انـا كـان كتـبْـتــو يـمـلا آلاف الدفـاتـر
غـيـرك الأيــام حـزيـنـة بـاكيــة ديـمـة سـمـاهـا عــاكـر
انطفــت شـمعــة سـعـادتـي وفـي ظـلام أحـزانـي داجـر
مـا نـســيـتـك حــاشــا والله ديــمــة لـي أيــامـنــا ذاكــر
واصــو غيـر الذكرى شـن ليْ جـوا قـلبـي شريطا دايـر
ألقـى ســلواي فـي رسـايلك أقــرا طـول يـومي واذاكــر
واللهْ اشيل صورتك وادندن وبي خواطري اجيك مهاجر
ربـي يــا عــالــم حــويـلتـي يـالفــي أيـديـكــا المصـايـر
الصـبـُـر كمـّـلــْتَ حـــدّو ولامتـيــن دار ابـقـى صــابــر
ليــك دعــأيــا معــا صـلاتـي يـا كـريـم قــرِّبْـلـي بـاكــر
واغـتـرابـي انـا مـن حـبايـبـي يـنـتـهـي ويـبقـالـو آخــر
لصديقي الدكتور/ عمر مودتي ولكم جميعاً...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: مشكور شديد الاخ ابوالحسين علي هذه الواحـــة الظليلة .. وآسفين وصلنا متأخرين ارجو القبول معكم ..
ويا أخ يسين لكين خجيت البوست خج بهذه الفيديوهات الروائع .. والبارح فيلليل لقيت كليب رمال حلتنا دا وقعدت اسمع واعيد لامن الواط ـة اصبحت وقلت امشي سريع اقدمها عربون في بوست ابوالحسين .. بلا جيت فتحت البوست .. بلا لقيتلك الشئ مولع بي هني !!..
لكين غايتو شغل نضيف .. وخاصة خصوصي عازف الايقاع الما فضل لو إلا ينطق الطبل بطيق !! .. كدي اكنكن اتناسوا الفنان والكورس زاتو وركزوا علي الايقاع بس .. واتمتعوا زييين .. بعد داك ادمجوا الشغل كله علي بعض ..
بس قولوا الله يكافي العين ..
|
طلتك دي برااااااااااها محبة صادقة يا أخي منير (مُوش عربون!!)...
والدكتور/ يس ماشاء الله ما قاعد يقصر في المواد الصوتية ربنا يديهو وإياك والجميع الصحة والعافية...
أما الحركة الجميلة في الفيديو فدي جعلتنا نرازي نرازي فوق كراسينا ونتمطَّق حلاوة سااااااااااكت ونتوحوَح حنين...
كميات مودتي... وأبقى أظهر وفِقْدِتَك راجنها...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: سلام
اليوم انشغلت بي زينة الدنيا
بحمد الله لقد رزقنا الله مولوداً "ولداً" اليوم السبت عند الساعة الخامسة مساء
فالشكر لله بعدد مخلوقاته
لذلك اود مشاركتكم الفرحة
وجعل الله ايامكم أفراحاً
ساعود للتعليقات الواردة اعلاه من الأساتذة
منير وخالد وابو الحسين بعد أن تفك سكرة فرحي
|
الأخ الحِبيِّب د. يس...
ألف ألف آلاااااااااااف مبروك الوليد إنشاء الله يتربى في عزكم يا آخوي... ويحفظو ويجعلو من أبناءالوطن الصالحين...
ونسأله تعالى أن يحفظكم وحرمكم المصون ووليداتكم وأهلكم ياااااااااارب...
وإنشاء الله المباركة ننزلها ليكم بعدين لو ربنا حيانا...
وحمداً لله على السلامة ونسأل الله لكم الصحة والعافية والجميع...
قواسيب مودتي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
نهاركم سعيد...
إحتفالاً وبهجةً بمناسبة هلال الخليفة (ود شيخنا)... ولد دكتور/ يس... نهديكم لوحين تلاتة من المولد العثماني... وأكييييييييد هسع الضبائح ما تديكم الدَرِب والحيران مجتمعين في حوش جدو الكبير في الزغولة وهااااااااك يا مولد وكرامات... والشباب جايي من حلة جدو التحِت من الميرغنية بقيادة جدو محمد الحسن ود شيخنا وحسن محجوب...
الفصل الثاني
(أما بعــد) فلما كان يوم الجمعة وقع في الخاطر تأليف مولدٍ يتلى في بعض أخبار ولادة الحقيقة الأحمديّة وسطع الوارد بتسميته بالأسرار الربانيّة في مولد من وضع وهو مصحوب بالختان والدرر الوهبيّة المجليّة الحقيّة في بعض أنباء من ظهر وعيناه مكحولتان فرأيت في تلك الليلة النبي صلى الله عليه وسلم رؤية مناميّة ☼ ورؤية حق كما أورد عته ثقات الرواة بطرق حصان ☼ فأمرني أن أصف مولداً وأجعل احدى قافيتيه هاءً بهيّة ☼ والأخرى نوناً كما فعلت لأنها نصف دائرةالأكوان ☼ وبشرني أنه يحضر في قراءته اذا قرئ فسطرت ليتشرف كلما تلى حكاية نوميّة ☼ وأنه يستجاب الدعاء عند ذكر الولادة وعند الفراغ منه فنسأل الله الغفران ☼ فشرعت وأنا الفقير الراجي لأعلى المشاهد القرآنيّة ☼ لأنه هو القصد المؤمل بركة تلاوته على ممر لازمان ☼ فأقول وأنا الحقير الطالب من الله معاني يعلمها خفيّه الغنىّ بالله الشريف الشهير بالميرغنى محمد عثمان ☼ ابن السيد محمد ابي بكر بن السيد عبد الله تلميذ إبن إدريس أحمد ذي الأفعال الأحمديّة ☼ أرسل الله على الجميع مع الأبناء والأخوان سحائب الرحمة والرضوان ☼ هذا ولما أراد الله أن يبرز هذه العوالم العلويّة والسفليّة ☼ قبض قبضة من نوره فكانت هي محمد بن عدنان ☼ وقال أول ما خلق الله نور نبيك يا جابر جواباً لمسئلته المحكيّة ☼ وكنت نبياً وآدم بين الماء والطين عنه لقد بان ☼ وقال صلى الله عليه وسلم لجبريل كم عمرت يا جبريل فقال لا أدري رواية جليّة ☼ غير أن كوكباً يبدو في الحجاب الرابع يا معشر الاخوان بعد كل سبعين سنةٍ مرةً فهذه علامات اجتبائيّة ☼ وقد رأيته اثنين وسبعين ألف مرة بلا نقصان ☼ فقال صلى الله عليه وسلم تعريفاً بمقامه وأسراره المصطفويّة ☼ وعزة ربّي أنا ذلك الكوكب الذي رأيته يا جبريل في حجاب المنان وغير ذلك مما لا تحصره الأقلام في الكتبيّة ☼ ولا يسعه في الحقيقة حفظ الكاتبان ☼
اللهم صلي وسلم على الذات المحمدية
وغفر لنا مايكون وما قد كان
ولكم مودتي...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: سلام
اليوم انشغلت بي زينة الدنيا
بحمد الله لقد رزقنا الله مولوداً "ولداً" اليوم السبت عند الساعة الخامسة مساء
فالشكر لله بعدد مخلوقاته
لذلك اود مشاركتكم الفرحة
وجعل الله ايامكم أفراحاً
ساعود للتعليقات الواردة اعلاه من الأساتذة
منير وخالد وابو الحسين بعد أن تفك سكرة فرحي |
دكتور ياسين سنجك ميه واربعطاشر سلام مبروك وألف مبروك
بسم الله أبتديت قولي السمح والزين
والقول موهو داير البكتبو ويقرأ
يا الله الكريم في الدنيا كل مناي
العمر الطويل عشان ألاقي جناي
ولي ولاد الولاد البرفعو الذكرى
نعم ود الولد برفع الذكرى ويحفظ أسم العيلة شايل أسم ابو وجنانهو بإذن الله شايل أسم جدو لذ كان أهتمام أهلنا بالمولود الذكر ولكن عمرهم ما فرقو وميزو في حبهم بنت كان أم ولد
مبروك وربنا يجعله من البطان الصالحين لدينهم ,اهليهم آمين
كمل فرحتك وأخدلك عرضي علي نغمات اليمني في الشارع القدام بيتكم ولا تسأل في الخوجات وكان واحد سألك قولو أنا جابولي ولد
لك الود والتقدير والاحترام
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
الريح العاتى
...............
السر عثمان الطيب
.....................
...........................................
الريح العاتي الجات بالليل
شالت تمرات أبواتي
الليل والليل
رغم المأساه وعمق الاحزان
ومرارة الجرح النازف
جوه قلوب الناس ماسوو الووب
كان نص الليل والداره عجاجا يعج
والناس بتنح
نغم الطنبور ينساب فوق موية النيل
يعبر بي غادي يمازج قولت الليل الليل
اهلي الصابرين
صبرا مزروع فى نفوسن..قالوا..
الريح ماب تقدر تقلع من واطاتنا ولو شبرين
والساقى تسوق والقمري يعود ويسوى القوق
والناس زي أولي تمشي السوق نفطر قراصه
وفوق جدولنا نقيف وندق الكف
ونغني الليل والليل والليل قمراتو تظل قمره
وضفاف النهر الخالد
رغم زمان المحل الجاير برضو تظل خضره
يا كرم الناس القاهر كل الضيق بتدوم
يا فرح الشفع يوم العيد
المر عليهن زي كل يوم
في عيونن يوت مرسوم احساس
بحلاوة الشقا عند المحروم
بتدوم وندوم ونغني
الليل الليل.
.........................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
اللون
.......
السر عثمان الطيب
....................
...............................................
يا لون الجرف الشارب
خضرة لون الزول السمح
الخاتف من لون الليمون
مبتله شفايفو الزى (ام راس)
السال عسلا ونقط فوق العرجون
يا لون الفرح
انشرا في جبين جدي التربال
(ال - لم ) المسره
وفرح الشفع كان مرهون بي لون الجرف
الشارب خضرة لون الزول السمح
الخاتف من لون الليمون
وبرنين أوتار طنبور ( أب خبته )
الفجر صمت ليالي الشاطي
انساب جوه الارواح بهدوء وسكون
الله الله أنا آه
يالون الرايه المرفوعه يالون الخرقه المرقوعه
يالون الطيبه وينبوعه يالون البنت المدفوعه
يا قزح العصر النجا الدفيقه
يا نضرة لون الوجه الأغبش
نام في لهيب الشمس وحريقا
الحيا فوق وجه الزينه الإتوارت
عن شوفت العاشق اندارت خلف التمرات
الله الله أنا آه يا العسجد مندفق
عن غيبت الشمس النعساني
متمدد فوق الغيمه الفتراني
الجات من نبع القدره الرباني
روت بيوضه العطشاني
تفتر ثغور البرق الشلع
نور الأبيض متلو جلاليب ناسنا
الغسلوا نفوسن قصدو الجامع
رفعوا كفوفن حمدوا الرب
يوم خدر نبت الأرض المحلاني
الله الله أنا آه يا لون الصبح واشراقو
الغيب ابوابو مسوجره بين طياتو وآفاقو
الله الله أنا آه يا لون محزون ممكون مجنون
مفتون بهواك يا لون بلدي السودان.
..............................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
شاعر بي بكاك يايمه
......................
شاعر بي بكاك يا يمه قبل الشافوا يشرحو لى
وأديتك دموعي هدية كان يبرد حشاك شوى
لو ما أخاف تشوفى الشفتو كان بديك كمان عينى
يوم العيد مهضلمة روحى زاهيه أحزانى ضحت بي
وقافل نفسي فى اسفى وسايل دمعى فوق خدي
سلفة من الأمل فى اللقيا الضحكة المغطي وشي
جناك من جوه يبكي ينين وعيب لكن لو يقول أحي
يمه أوعك يدور فى البال غيرت البنادر في
بعيد زي السلم عطشان رغم إنو المدن ماصي
واكوس زي الحرازه فصل مع البحر البيهب الري
وأعاف المويه لو المويه اخدت من من مكانتك شي
نويت الجيه يمه أنا صاح كمان ودعتا للحولى
إلا زمانى ماكان راضي لما عرف مفاصل الكي
شهب مروادو فى بعدك وختم على اللحيم الحي
كتف قدمي البسوقنى عليك سلب قدرة جوادي علي
وفرش دربك ضريسه وشوك وغفلنى وسرق نعلي
مدي عفوك فى الأيام يغلف ضلامن ضي
جناك كان عاكسنو ظروف لابد من يلاقى الحى
وليدك من جنون اشواقو ما خايف الغفار والصي
ويمه أنا كان لقيتلى جريد بجيك فوق كرعي
يمه جناك ما قاصد يختك فى مطب أشواق
والود شجرة بين إتنين رايدين لى بعض عشاق
تجهجها دايماً الفرقة وتحتها تنفض الأوراق
تظل الأم حنانه عزيز زمن الحق الافراد
عفوها يطل صدي غنوات يطرب كافة الأذواق .
................................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
سألتا عليهو وما لقيتو
............................
سألتا عليهو وما لقيتو نساني أنا ما نسيتو
طريقك شوك ليه مشيتو فارقني معاك ما بديتو
قليبي بالنار كويتو هجرتوا ورحتا خليتو
متين بيعود يا رفاقى ونعيد ليالى التلاقي
اشوفوا أبلل أشواقى ونعيد الفات يا القسيتو
دريبك فوقوا ساير ومع الجرح البي غاير
أعمل زي ماك داير أنا الغلطان ليه بديتو
بلاقي الدره الفريده ونعيش سوا أنا والبريده
نخلى اللحظات السعيدة ونعيد الفات يا القسيتو
كاتم الريد ما بجاهر وينوموا الناس ليه أساهر
أريتك ترجعلى لى باكر مع قلبي الإحتويتو
أخيراً ليك التهاني أجمل وأحلى الأمانى
وكان تتذكرنى تانى وتصون الريد الأبيتو.
............................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
مشينا طريق الريد
......................
مشينا طريق الريد وشلنا اللهفة فى العنين أمل رغم التلاقي بعيد
عيونك فى كلامها كلام تغني أوتاروا أحلى نشيد
وكل ما أجيك يطول صمتى وتتفجر مشاعري قصيد
منواليمنع شروق شمسك وصبحك هلا فجر جديد
ونورى ظلام دنياى وخلى قلبى تانى يريد
مشينا معاك وما عارفين تقود لى وين خطاوينا
كفاية بعد زمن ترحال نصادف فيك أمانينا
نسافر بى مراكب جات على قيفك ترسينا
ونشيل الزادأمل مازال تجيب فينا وتودينا
أقابلك ولسه فى جواى أماني جميله ياورده
ولهفة تصادق الخطوات تشابي عليك ما بتهدا
برغم مرارة الحرمان معاك من تانى داير أبدا
وكتيرى على اشوف احلام قدام عينيك تتهدا
أجيك زائر تلوت الليل وافتش فيك نجومو هواى
واسوقك لى بلاد مجهولة مابيعرف طريقها سواى
نشيد بيتنا بالاخلاص ونعرشوا بي وفاك ووفاى
وأدق الكف واقول للناس عشان خاطرك بقيت غناى
هويتك وقلبي يوم لاقاك وقع بين الأمانى صريع
عشقتك وصرتا للعشاق وللغبش والغلابة ضجيع
فرهدي يازهورالروض ولونى كل حياتي ربيع
ولو آخر طريقي ضياع معاك والل داير أضيع .
....................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الاخ ابو الحسين وضيوفه الكرام .. العيد مبارك عليكم وان شاء الله تحضروه تامين ولامين .. آمين يارب العالمين ..
Quote: Quote: ويللا بعد ده اليومين ديل انكرب وادخل علي التكل افرك لك حلة حلتين
معنى الكلام دا يا منير أخوي نسعَل مُجَرِّب ولة شنو يعني؟؟؟!! :
شوفها جاتك في رَقَبْتَك!!!D |
قلت لي مجرب الشغلة دي ؟؟!! .. أماني مجربها جريب !! ..
أولآ بالتبادي الولادي في بلد الترك ديل يتقاسموها الراجل والمرأة !! .. لأنو لا بدةآ تدخل مع المرأة غرفة الولادي وتقعد تحرسها وتشيل وتتوجع معاها لامن الله يحلها بالسلامة .. وكمان يدوك المقص ويقولولك تقطع حبل الصرة !! .. بعد داك ساعة تمشوا البيت تقبل انت علي التكل وتسوي البتقدر عليه .. عشان كدي زولنا تلقاه اليومين ديل متحزم ويضوق في الحلة ســــــاكت  ..
مو زي أهلنا ديلك الواحد مرته تموت وتحيا في الولادة وهو تلقاهو يلعب في كوشتينته  ..
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
اتخاوينا
...........
للشاعر...محمد سفله
........................
..............................................................
أتلملمنا كم عتالى وكم سواق كمين عامل حالن ضاق
كم إيجار والسمسار وجمر العيشة وكيف حراق
اتلملمنا مسيحي ومسلم واتخاوينا على الإطلاق
لافي سياسة ولا في نفاق لافي مكابسه لافي خناق
همنا واحد كان الضل حزبنا واحد هو الارزاق
كنا نفتش عن رقراق لوفي زقاق
قمنا مشينا محل الموت بالعين ينشاف
ويوم بطعيمو المر ينضاق
لافي مدارس لا اسواق لا مستشفى ولا كافتيريا
ولافي حدائق للعشاق
صي في صي الدنيا هجيري وديمه حصاها مولع باق
صن الراس من الصناية وحفا اقدامنا جرى الساساق
حتى الشجر في الخيران معلم الله من الاوراق
كل الدنيا حمير ونياق وكان الحى افراق افراق
وما قايلين أقدارنا تحى بيناتنا تسوى فراق
وفجأة يزن في القرية قرار إزالة إزالة
العشوائي ولا فدارى نحن بكينا ولا هماهو
نحن شكينا ولا هماهو واحتجينا ولا هماهو
فجأة تكون القرية دمار واتشردنا مع الحجار
اتبهدلنا مع الامطار الفى كرقه والفي غار
الفي ضل مضاري جناهو والفى بطنو مولع نار
اتقسمنا الوجع الواحد واتشردنا
على الحجار كلاب وصغار
بس ضاقوا ليشن وليش سبقوا المطر والسيل
طفلا طبيعتو هبيش جمرا بقالو عويش
بيتاً ضرا الكرتون ضلوا السعف والخيش
واسوبوا مجري السيل خلونا من غير ريش
يا رب هل يمكن حاسب جناى في الطيش
أم في العطش والجوع والهملى والطرطيش.
....................................................
حاتم هاشم
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
قبلة غناي
...........
الفاتح ابراهيم بشير
.........................
....................................................
والله يا قبلة غناي
احترت كيفن اوصفك
لو كان بحور الكون مداد
بتجف قبل ما تنصفك
حاولت اكتب ليك واقول
واوصف ملامحك بالشعر
لكن حروفي تذوب عديل
قدام عيونك تنصهر
يا عايشة في دمي وغناي
يا ديدن الروح والفكر
خلدت اسمك بي حروف
قطرات دماي كانت حبر
يا غنوة في وتري الحزين
يا ضحكة في الزمن الصعب
يا واحة في عز الهجير
يا راحة من بعد التعب
يا نسمة هبت في الدغيش
عزفت علي وتر العصب
يا رحمة من رب العباد
مكبوبة فوق خلق الله كب
سافرت في عينيك سنين
زادي المعاي ابيات غنا
مكتوبة بي دمي الصبح
شلال من الهم والعنا
صورت احساسي الدفين
بي قافية ليك معنونة
بتقول بلا كلفة ورتوش
يا انتي يا الموت والفنا
احترت في وصفك انا
وحارت معاي كل الحروف
مرات بشوفك يا مناي
ياقوتة في قلبي الولوف
مرات بشوفك ضي امل
دبج خطاي رغم الظروف
مرات بشوفك جارية نيل
امواجو عانقت الجروف
والله يا قبلة غناي.
...............................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
الي المزارع
..............
محمد سعيد دفع الله
..................
...................................................
مننا يا مزارع ليك إلف تحية
مادام كل حياتنا أسبابه في طوريه
يا رمز الوجود تخضر فروع مروية
يا أمل البلاد عاقدين عليك النية
تخدم فى الهجير لا ضل ولا شمسية
كل املك تشوف بلدك علاهو ثرية
دايرنك دوام تعمل بكل همية
أنت تنظر للتراب في وحدتو الوطنية
كل همك يكون تصبح مكانتو عليه
تسندو بى قواعد فى الزراعه قوية
خيراتك دوام معروفة ماها شوية
زيد لينا النتاج تصبح بلادنا غنيه
لاتضيع ثقتنا الفيك زمان محريه
يا دخرينا بيك عيشتنا تبقى رخيه
دايرين الفقر يمشى ويروح غير جيه
فى الخير والنعيم ترفل صباح وعشيه
لا تقول نحن ديل ناسين فضايلك ديه
ابدا حاشا كيفن ؟ وهئ ماها شوية.
..........................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
هذا المقال كتبته في التاريخ الموضح أدناه... عندما شاهدت هذه الحلقة في تليفزيون السودان... في ذلك الوقت... وما أردت أن أشير إليه هنا... مدى المحبة والتقدير بين مبدعينا في ذلك العصر عصر النعام آدم وإسحاق كرم الله وعثمان اليمني وبلاص ومن سار على طريقهم الجميل المرصع بالدُرر الخالدة لي يومنا دا...
الإخوة الكرام رواد الحوش الكبير... العامر بيكم دوماً...
حضرت أمس سهرة سودان الجميع والأُستاذة إيناس بتاريخ 21/2/2006م وكانت مستضيفة الفنان المبدع عثمان اليمني والشاعر نور الدين اليمني والباحث في التراث الشايقي عثمان عبد الله التوم...
وقد تناولت هذه الحلقة كثير من مراحل الغناء الشايقي بالطمبور خاصةً...
فما أُريد أن أقوله هنا... وقفة وتعظيم سلام لهذا الفنان القامة العثمان اليمني...
فهذا الرجل أمس وفي هذه الساعة (الويحيييييدة) تناول معظم ضروب الفنون والإيقاعات الشائعة ليست في مناطق الشمال فقط بل في أُمدرمان (أم الفنون) زي ماب يسموها... وتكلم عن حفلات الأعراس التي كان يقيمها مع زملائه في إتحاد الغناء الشعبي... وكيف أنه عندما لم يجد التجاوب المأمول... في الرقيص.. قال بدأت أحفظ بعض أغاني الحقيبة وأتغنى بها... لكي يجد له مساحة في الدارة الأُمدرمانية والخرطومية!!!
ثم عرج على موضوع مهم جداً.. وهو المنافسة الشريفة التي كانت بين الفنانين في عصره...
وقبل ما إستطرد في كلامه... أتوقف هنا لأذكر ما قاله قبل مدة ليست بالطويلة الفنان الرائع صديق أحمد (متعه الله بالصحة والعافية) عندما كان معنا في رحلة هنا في المنطقة الشرقية بالدما... حيث قال... عندما ظهرنا في ذلك الوقت أنا ومحمد جبارة ومحمد كرم الله... كانت الساحة مليئة بالقامات الكبار النعام آدم (الله يرحمه) وود اليمني مستولين إستيلاء كامل على (الصعيد) الخرطوم... وإسحاق كرم الله على منطقة الشمالية مننننننننننن حدود البديرية إلى حدود الشايقية جنوب... كيف الحل كيف الحل؟؟؟ قال محمد جبارة عَصَر علي جيهة عطبرة ووجد جمهور كبير لا بأس به ولليوم قاعدة محمد جبارة العريضة في مناطق عطبرة معروفة... الباقي منو؟؟؟ محمد كرم الله وصديق أحمد... وشوف سبحان الله الإتنين كانوا في كريمة!!! فقال بتوفيق من الله سبحانه وتعالى... ربنا كتبنا القبول في منطقة كان يسيطر عليها بالكامل إسحاق كرم الله... شئ معارف وشئ إصرار مننا على التجديد حتى نلفت إنتباه المستمع... وفعلاً أتى صديق أحمد بلونية تختلف تماماً عن سابقيه وكذلك محمد كرم الله لونيته المميزة فاستطاعوا بعد ذلك تثبيت أقدامهم في خارطة الفن الشايقي...
أرجع لموضوع المنافسة الشريفة بعد أن سُقت لكم هذه الكلمات من الأخ صديق ...
ود اليمني أمس قال... عندما أتيت إلى الخرطوم.. كان النعام آدم مستولي على الساحة تماماً لما يملكه من صوت جميل وكلمات رصينة ومدح الرجل بما هو فيه (وهذه قل ما تجدها من إنسان إلا أن يكون متمكناً وثقة)...
أها إنت يا ود اليمني تنافس كييييييييييف (القائل ود اليمني نفسه)؟؟؟ قال على طول فكرت أن إخترع لونية جديدة أتميز بها حتى أُنافس مع هذه القامة الكبيرة المستحوذة على الوجود الشايقي هناك...
قال فاخترعت لونية الرميات التي تميز بها حتى لُقِّب بملك الرميات... والرجل حقيقة أجاد فيها وأبدع... فله منا التحية والإجلال...
تعظيم سلام...
لاحظت في حلقة أمس أن ود اليمني تناول معظم الألوان الفنية في الغناء الشايقي... أغاني الدارة (تااااااااااتي يا رحاب يلة ... تاااااااااااتي قوماك في أمان الله تااااااااااااتي)... وأغاني السيرة (دار أبوك الليلة عيدها .. وفرحت أمك بي جديدة)... وأغاني الشوق والهيام... (الرسول يا حمامة قومي إترسلي لي .. أمشي لي ست ريدي واحكيها الحصلي)... وأغاني الهجرة والإغتراب بعيداً عن الأهل..( جاء للناس فرحو بيهو انا عيدي جاني نكد... يا ناس العيد... لقاني غريب وحيد عايش علي زول ما مرق عيَّد....)... كما عرج على الشعر الإجتماعي والفكاهي.. (تَسُرْقي ضحى ونهار يا (بُرَّة) مالك؟؟ لا الطير انعدم لا الفار أبالِك!!)... وشعر الحكمة والعقل...
سيرتي انا للخلوق لو يسمعولي حديث...
دايماً نكوس درب المحنة نخلي درب ابليس..
كعب الزول يفوت زولو ويبيعو رخيص...
ويزُك الدنيا والجرى ما لِحِقلها ميس...
الحياة ذكرى رغم الناس تجيها ظروف...
مع إنُّو طوف العيشي عايم في بحر والموج معاكس الطوف...
لكن الأيام مناظر في شريط ملفوف..
ساعة يفرِّحِن وساعةً يجيبِن خوف..
وسمِح.. الزول يعيش واضِح علي المكشوف...
وما ينضارى مادام الله فوق بيشوف...
وغيرها من الأغاني الجميلة التي فرقت علينا كتير .. .وأبدع فيها الرجل بأمانة ورمانا بكل جميل...
فله التحية الغالي عثمان اليمني ولكل رموزنا الفنية عبد الرحمن الكرو وعبد الرحمن عجيب والرائع بلاص وصديق أحمد ومحمد جبارة وكل الشخصيات التي خطت هذا الطريق وأبدعت حتى وجد هذا الطنبور مكانه اللائق من بين الفنون في بلادنا الحبيبة...
ولكم ودي كله بلا حدود...
أبو الحســــــــين...
| |
|
|
|
|
|
|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الصديق الظريف / ابوالحسين
انا من قرية البرصة
وحسب التقسيم القبلى القديم نصنف في قريتنا ضمن قبيلة (البديرية )
وحسب علمي ان منطقة البرصة والكرفاب والنافعاب وجلاس ومورى ، تقع ضمن منطقة تماس مابين الشايقية والدناقلة
ويقال ان سكانها في اللأصل ( بديرية )
ولكن ضمن السياق العام لتقسيم الجغرافي نصنف كجزء من الشايقية
الحقيقة هذه المسالة غير واضحة بالنسبة لى تاريخيا وجغرافيا
وبما ان لديك باع طويل اخى ابوالحسين في تاريخ الشايقية ماضيهم وحاضرهم
ارجو ان تنورنا : هل نحن بديرية البرصة وماجاورها ، نحسب ضمن ( شايقيتكم) ؟
أم نحن خارج دائرتكم ؟
ولك معزتي
--
عمر عبدالسلام
بديري مغترب في بلاد المغرب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
ابو الحسين ابن عمي والحبان كلهم
كل سنة وانتو طيبين
وعيدكم مبارك عليكم
عندي عما لي في شبا اسمه الطيب موسى (ود قرنين) الله يرحمه
كانت عندو لازمة مشهورة:
ود قرنين في علو
يا خلايق الله خلو
عندي صيدا في الكرو
خايف العين لا تحصلو
تعرفي نفسي اشوف الزولة الكان متيم بيها دي
د.يس الف مبروك الوليد ويتربى في عزكم
حبيبنا خالد المنسي
لو ما كنت متاكد انك جعلي كنت قلت ليك
انت شايقي ميتين في المية
وكدي راجع نفسك في حتة جعلي دي
ود عمي عندي اقتراح بسيط
انه اي زول يقوم يكتب منطقته
بعد كل مداخلة
عشان يمكن الواحد يلقالو لحمة هني ولا هناك
طارق جبريل
البركل (شبا)
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الصديق الظريف / ابوالحسين
انا من قرية البرصة
وحسب التقسيم القبلى القديم نصنف في قريتنا ضمن قبيلة (البديرية )
وحسب علمي ان منطقة البرصة والكرفاب والنافعاب وجلاس ومورى ، تقع ضمن منطقة تماس مابين الشايقية والدناقلة
ويقال ان سكانها في اللأصل ( بديرية )
ولكن ضمن السياق العام لتقسيم الجغرافي نصنف كجزء من الشايقية
الحقيقة هذه المسالة غير واضحة بالنسبة لى تاريخيا وجغرافيا
وبما ان لديك باع طويل اخى ابوالحسين في تاريخ الشايقية ماضيهم وحاضرهم
ارجو ان تنورنا : هل نحن بديرية البرصة وماجاورها ، نحسب ضمن ( شايقيتكم) ؟
أم نحن خارج دائرتكم ؟
ولك معزتي
--
عمر عبدالسلام
بديري مغترب في بلاد المغرب |
صديقي الغالي عمر عبد السلام...
قريبي وإبن عمي وقريبي في الصحافة والإمتداد...
أولاً مراااااااااااحب بيك في ديار أهلك وأحبابك (حوش الشايقية من جَم وحوش عموم السودانيين والباحثين في التراث والفن والجمال الأصيل)...
ويا أخي الكريم أن مسألة الشايقية دي... هي طبعاً نسب ينتسبون لجدهم شايق بن حميدان... لكن في كتاب عاملاهو الأُستاذة الفاضلة فاطمة أحمد علي (من جزيرة مساوي) إسمو مروي المظهر والجوهر... فكل من يتقيد بتقاليد وعادات أهلنا الشايقية من عادات وتقاليد وأعراف ولهجة فهو شايقي إن كان جده شايق وإن كان لا... لأن مظهرهم كلهم شايقي... فإخوتنا في البرصة وجلاس والنافعاب دي بالذات شايقية صُرُف... لأن جدهم نافع أحد أبناء شايق مباشرةً...
فيا الحبيب إنت شايقي مننا وفينا ونتشرف بأهلنا ناس البرصة والسادة العجيمية البديرية الدهمشية أبناء عمومتنا وأهلنا وأحبابنا...
ربنا يحفظكم في بلاد المغرب العربي ويحفظ كل المهاجرين في الأصقاع البعيدة في بلاد ما وراء البحار... ويجمعكم في البلد قريباً سالمين وغانمين ياااااااارب العالمين...
لك مودتي كلها بلا حدود...
وأهديك هذه الصورة تذكرك بالبركل وإهراماته...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
يا بانه
...........
خالد شقوري
............
.................................................
يابــانه مابتصلى الســحاب بالله لاتـتطاولى
ايه الجنيتى بلا الخراب ليك كم سنين بتحاولى
قبال يرضرضك الزمن مش كان أخيرلك تسألى
وتعرفى سر قلبو الصبح من الندم صليان صلى
يابانه غشاهو الأمان خدعو المقام المخملــــى
ورغم الزمن وراكى وين لكنو قاسى تحصلى
ماأصلو قبلك كان بريد نجمايه فى قــلب الســمــا
يرجاها من عصرا بعيد فى تقنت الشوق النـمـا
يشقى ويشق صدرو الاسف تبقى دنيا مغيمه
وكان الفرح يملاهو يوم يلقى القمر غاب وأحتمه
ماقصدو بس داير يشوف النجمه واضحه معالمه
يابانه كان بالجد قنوع تكفيهو شوفت الملهمه
من الظهور حتى الإفول عينيهو ما بينومــــــه
كان من بعيد بيسالمه فرحان سعيد بيكالمــــه
لكن محال ينتم حـال جه الشوق ملك قلبو وعمه
وبدا الودار يومو القال النجمه لازم يوصلـــــــه
يابانه لاتستغربى بالله بس شوفى الحــصــــل
حضر كليمات الحنان زادو الغنى وشوقو الرحل
وأول محاوله للوصول داير مع النسمات يصـل
لكنو يركب فى البساط يلقى البساط مـنو اتمصل
فكر وقال عند المساء يرجاها فوق راس الجبل
وفى حلكة الليل الطويل يابانه لم الليل دخــــــل
شاف النجيمه معلقه وشاف روحو فى توب الجهل
براحه لملم أنتو فى ليلو واندرج نــــــزل
الشى العــجيب رغــم الفـــــــــشــــــــــل
لامله يوم لاحتى مـــــات فيهو الأمــــــل
وآخر محاولة للوصول كانت رحيلو مع الشعاع
إستنى فى الليل القمر ساب الأرض مقدار ضراع
وإستنى قارب الهم رسى فى مشرع الشوق المطاع
مسك الشعاع وبدا الطلوع بين الغيوم كان خبرو شاع
جات غيمه من بلد الندم سايقاها عاصفه من الوداع
قطعت خيوطو الماسكه واتهاوا فى لجج الضــيـــــاع
وعشان بريد من قلبو جد لقالو فوق اللجه طـــــوف
عيدانو من شجر الوفاء وحبالو من غالى الحروف
وداهو لى ساحل الندم وراهو فى العشاق صـنوف
قاليهو فكر ياقلب قاليهو عيد المـــاضى طـــــــــوف
إتواره غاب طوف النجا خلاهو فى إيــد الظــــروف
فتح عيونو مع المساء شاف النجم دانى القــطوف
بكى وابتسم وعرف صحيح انو البعيش لابد يشوف
لو كان صبر يابانه يوم وإتمده فى ضـل اليـقــــان
لو كان رجى الأقدار تجى وخلى القياده على الزمان
لو كان عرف انو البسير فوق الدرب يوصـل ضمان
مكان شقى القلب الودود و يابانه ماكان اللكــــــان
وصيتى ليك لمن يقوم غصنك جــديــــد إتــمهــــلى
أوعك تكررى محنتك أوعك كمان تستعجـــــــلى
بلاتروحى وتتعبى الغـــيث يجيــكى من العـــــلى
ولو انتى مــديت الصـبر حتى النجــم تتناولــــى
....................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
مـــــحــــــــمد
....................
محمد سفله
...........
.............................................
محمد فى الغربة تايه حصادو اللمه أوجــاعه
وجـداول دمعو البتجرى مغلبى ديمه قراعـــه
ضهب فى لحظة وصولو المدن ماعارف طباعه
وكت سالمه مد إيدو مطنشه مدت كراعـــــه
كتم آهة غلب تكتل صنوف الامو وأنواعــه
وكسح راجع بى خيالو طرا التحنان والوداعه
خرير النيل المتسب سماحة الناس والزراعه
أنين ساقة تنوح مريكبا مفرود جناحــــــــــه
لقمة لـو حتى بايته تشيله الناس بى قناعــه
وقليلة مكسور خشيمه ويسبح ديمه نقاعـــه
حسيس طمبوراً ينقرش نقر فى قعدة رباعـه
وعذاب أماً تلاهيبو وجارى تملى دماعـــــــه
بكا الايام الخوالى وعروض المدن المشاعـه
وجماله المدهون مظاهر تلالى وزايفه خداعه
فجوره وأحلام صباها مجونه وهوسه وضياعه
وتقاليع غلبان يديره واللا يثنى إتباعـــــــــه
أصيل مانعاهو المبادىء يغابى يلم الجماعـه
وينوم ويمحن زمانو ويعيش الغربة فد ساعه
ضعيفاً لامن يسندو نحيلاً ماشى شمــاعـــــــه
وقسم من حالة هزالــو أخير أطفال المجاعــه
صبر فوق الجمر قنب ورويحتو تنازع نزاعه
وبخاف قبال يصد يرجع يكون أسمو غشه الاذاعه.
...............................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
Quote: الله يجازي محنك يا خالد أخوي...
ومااااااااااا أروعك ساعتك التَسْخَى للتحليل والغوص في وجدان الكلمة!!!
واصل الله يرضى عليك... وأول ما تكمل تحليل ليها أطلب القصيدة الجايي وأنا أنزلها ليك...
قلت لي ترمي الزول من طولو... برْدَرَبْ |
أبوالحسين السنجك الحنين
السلام والرحمة
تعرف الزول لما يقع بردرب تتمرحل الوقعة يموتن القدمين فالساقين فالوسط ثم ينشل الدماغ ويقع بردورب.
لكن البنية أم عيونن زابلة ما بتوهط الزول وتتمرحل وقعته بل بتشلو من فوق لحت في ثانية واحدة ويهوي بب يعني ما بقع
ونحرف قول الشاعر شوية ونقول
أنّ العيون التي في طرفها زبلٌ
قتلّنا ثم لم يحينا قتلانا
تصرع ذا اللب حتي لا حراك به
وهنّ أضعف خلق الله إنسانا
لك مودتي واحترامي وتقديري
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الفاضل سنجك ميه واربعطاشر د/ ياسين مساك الله بالخير
يا أخوي والله راديك دا ابا اشتغل لي عشان
اسمع الغنية ابقى لي حجارو نخّن كدي أمشي
ختّها تحت النقاع كان ترد عافيتها شوية ونقدر نسمع الغنية |
الحبيب الأستاذ خالد
سلام
الأغنية عديلي تب ما فيها مشكلة بس خلينا نسمع من الجماعة التانين
لكن عموماً أهديك حاجة أخرى مزعجة جداً خاصة مع قبول العيد دا
خليني اللوجع ليك الجماعة ديل شوية
النصري
يا واهب بقية عمرك المنفى
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب أُستاذ طارق...
Quote: ابو الحسين ابن عمي والحبان كلهم
كل سنة وانتو طيبين
وعيدكم مبارك عليكم
عندي عما لي في شبا اسمه الطيب موسى (ود قرنين) الله يرحمه
كانت عندو لازمة مشهورة:
ود قرنين في علو
يا خلايق الله خلو
عندي صيدا في الكرو
خايف العين لا تحصلو
تعرفي نفسي اشوف الزولة الكان متيم بيها دي
|
الله يوريك ليها لكن إنت سايح في المغرب العربي دا تشوفُنْ وين الناس الحِِنينين الزينين ديل؟؟؟ كدي أرجع...
وإنشاء الله كل سنة وإنت طيب وربنا يحقق أمانيكم ويبلغ مقاصدكم ويديكم الصحة والعافية يااااااااااارب...
تعرفي::
هيييييييييي يا طارق إنت مخاطب أبو الحسين... ماها أُم الحسين شئ!!!
Quote: د.يس الف مبروك الوليد ويتربى في عزكم
|
إنشاء الله تتبارك يا طارق أخوي وربنا يحفظوا في خير أبوه وأمه ياااارب... وإنشاء الله عندنا قراية مولد يوم السماية ما تتأخر...
Quote: حبيبنا خالد المنسي
لو ما كنت متاكد انك جعلي كنت قلت ليك
انت شايقي ميتين في الميةوكدي راجع نفسك في حتة جعلي دي
ود عمي عندي اقتراح بسيط
انه اي زول يقوم يكتب منطقته
بعد كل مداخلة
عشان يمكن الواحد يلقالو لحمة هني ولا هناك
طارق جبريل
البركل (شبا) |
إنت ناسي يا طارق إنو خالد المنسي دا جدودو من الحجير ولة شنو؟؟؟ وحبوبتو زينوبة ساكني في أُمبدة ياها القاعدي تعلموا جنس الحديث المقطع مقطع دا!!!
إقتراحك جميل جداً يا أخي الكريم... ويا ريت تكون بيناتنا لقاءات أكتر من المنطقة وبس...
وأبداها ليكم فقرة التعارف دي...
الإسم: جمال الدين أحمد الحســـــــن...
الكُنية: أبو الحســـــــــين...
الإسم الفني: جمال أبريـــــــدة...
الأصل: من المقـــــل
الإقامة الآن: المملكة السعودية ـ الخُبر...
العمر: ودا أهم حاجة في التعريف... يا ستاشَر يا تسعة وعشرين!!!
وللجميع كميات مودتي... ويلة أبقو عرفونا...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
العزيز خالد المنسي
الحبان الذكرتهم ديل كلهم نوارة الامتداد
ويا سيدي خلاص اقتنعنا بي جعليتك
بس حبك للشايقية وتراثهم فيه الكثير من الابداع
ابن عمي ابو الحسين
عيدكم مبارك
وربنا يحفظكم يا الحبان
انا برضي حا اديك نسبي وحاجاتي
بس قبل كدة عندي صديقا لي كان بيدرس
معاي في مصر اسمه اسامة علي محي الدين
من ناس المقل يمكن تكون تعرفه
وكمان واحد تاني الله يرحمه برضو من المقل
اسمه ياسر علي الشفيع
نجي للبطاقة الشخصية:
الاسم: طارق جبريل موسى ادريس الطيب عمر
المنطقة: شبا (البركل)
حاليا بشتغل في المغرب في مجلة اسبوعية اسمها (نيشان)
مدير الادارة الفنية
الاعمار دي خليها مستورة عشان نحس اننا لسا بطان صغيرين
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ابن عمي ابو الحسين
عيدكم مبارك
وربنا يحفظكم يا الحبان
انا برضي حا اديك نسبي وحاجاتي
بس قبل كدة عندي صديقا لي كان بيدرس
معاي في مصر اسمه اسامة علي محي الدين
من ناس المقل يمكن تكون تعرفه
وكمان واحد تاني الله يرحمه برضو من المقل
اسمه ياسر علي الشفيع
|
الغالي جداً طارق...
كل سنة وانت طيب يا اخوي...
ونسأل الله يديك الصحة والعافية ويحفظك ووليداتك وأهلك ياااااااااارب...
أسامة ولد علي محي الدين... دا أعرفو ومن حلتنا وساكن أُمبدة وهو إبن الخليفة علي محي الدين (اللهم أرضى عنه) وصديقي جداً أعرفه حد المعرفة ما يصل ليها حد... وأخوه متوكل زميلي في الدراسة...
أما ياسر علي الشفيع دا فهو من سكان سنار المدينة وهسع رحلو أُمبدة وهم أهلنا وجيرانناأيضاً في المقل...
لك خالص مودتي يا أصيل يا ود الإصول... وأهديك والجميع بطاقة المعايدة دي وكل سنة وإنتو جميعاً يا الحبان طيبين وبخير وعافية...
وأسأل الله يجعل أيامكم كلها أعياد...
وإستجابة لطلب الأخ خالد هذا إيميلي لمن يريد أن يراسلني في مواضيع تراث الشايقية...
[email protected]
وكل عام وأنتم بخير...
أخوكم/ جمال أبريـــــــــــدة....
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: طارق جبريل)
|
بسم اله الرحمن الرحيم
نسيتينى
..........
للشاعر...محمد سفله
......................
........................................
نسيتينى وماقايلك بتنسينى
نسيتينى ونسيتى إنك نسيتينى
سألت عيونك المحتاره
لمن إنتى شفتينى
مشبهى والله هاديه النظره
أم بهتت عناوينى
هدلتى عجن
رويتى وجن
بنانك فى شفاك طعن
أتاريك ماعرفتينى
حرام والله تنسى الماضى
ياغرة دواوينى
فاكرك فوق جحيم مشتاقه
صابره متين تلاقينى
اتاريك انتى فى وادى
وبنات أفكارى فى وادى
وقليبك طاشى بى غادى
ناسى البينو والبينى
إستاهل عشان طاريك
لم سهيت عن دينى
فقدت الذات وقلبى المات
والله يكضب الشينى
أغنى وماعرفت غناى
هويتك وماحفظتى هواى
وحنانك زى ضايقو سواى
ينتح هينو فى هينى
كلكلت المشاعر الباكى
موت أحلامه ود عينى
وضمدت الجراح النازفه
من أعماق شرايينى
وجيتك برضى انا الولهان
أصدح بى غناوى زمان
ناسى أوجاعى والاحزان
وداير إتهنى بى حينى
أمانى بلاك وهم مابيبقه
حتى ان كان جرحتينى
تراى صابر أغنى وأدوبى
بغفرلك تعالى وتوبــــــى
رضيت بالجمرة البتبوبى
غيرك شن مبكينى
متين ياسفرة الفرح
اللحق فى التربه والدينى
ضفافك يارهود الرحمه
فوقه يكاكى وزينى
تقيف فينوس على الاهرام
تمد ايديها لى قدام
تفرد أحضانه لى الايتام
أصافيها وتصافينى...
...................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم اله الرحمن الرحيم
تمن هواك
...........
للشاعر...محمد سفله
......................
..........................................
محمية القلب النزف دم عمرو من عمق الجراح
وشالك رسالة ريد نبيل محمولة فوق سن الرمح
لميت حروف اشعارى فيك زينتبن صدرك وشاح
دودرت حظى من الظروف سويتو من الخوف سلاح
متحدى سطان الزمن شاقق العتامير والبطاح
سايقنى حسك فى الخيال فوق التعب قلبى استراح
باريت سكة شوقى ليك فارد صبر أيوب جناح
خطواتى مابتعرف تخاف احساسى مابيعرف نواح
رغم التباريح والظلام لازلت عشمان فى الصباح
حتى ان ذئاب محنى القبيل نطن لى فى بطن المراح
حنست أقدارى وبكيت عدن دموع عينيى مزاح
كوركت ورينى ان صبح تعذيبى فى عُرفك مباح
وقفلنى تالا الريح طرش مابيسمعن حتى الصياح
مجبور تساوقنى الظروف شيقيش تقبلنى الرياح
جامحات خيولك جنى ليل لاقنى عن ساعة الرواح
قاعد اذاكر فى الهموم الفيها ماظن لى نجاح
ضاريت فى قلب الوضوح شان انتى مدانى الصراح
كان أشقى كان اسعد معاى قوتيها ياست السماح
لاناسى ذكراك المعاى لابيها لى زول قلبى باح
ولو غيرك اتمنيت مُنى يبقه الغلط عند الله صاح
يابهجت القلب الخد فى دوبو ضرعاتى الكفاح
بدفع شبابى تمن هواك حتى ان لقيتو وراكى راح
.......................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
يا خلايق لى جاره
...................
للشاعر.. حسن الدابي
......................
............................................
يا خلايق لي جاره البرتكان تقليد صفاره
فرهدت في عز عماره ما بجيبو حرام خباره
حابكة بالمليون تجاره نهار وليل قاعدين حياره
سيدا قال ليهم صغاره ما استوت دفيق ثماره
مرة ليها مشيت زياره عاكسوني أهل الغفاره
قالوا زي شوفتك خساره يا خي سيبنا بلا عواره
في الفؤاد موقودة ناره وقلبي مجروح بي حساره
زاد شراييني انفجاره إلا وقفت لي الجباره
رحت استفسر كباره هدوني قالوا غراق بحاره
العقلة فايتي من الحدارة والخدود زاد ازدهاره
جبينة يشهد بالنضارة عبيرها منو الناس سكارى
تبتسم يغريك هزاره رموش عيونا أخد حذاره
شوفو عقليتي وجساره بقت تجيد لحن العذارى
لو تعود تسكن دياره بودي للفقرا المزارة
ما لقيت لي طريق بصاره دابة روحي قرب وداره.
....................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
| Quote: وعزيزي خالد انشاء الله السنه الجايه تعيد مع الاهل في شندي فوق.. |
الحبيب الفاضل حاتم الفنان المرهف
ليست المبدع فقط هو الفنان لكن ذو الآذن الراقية من امثالك من يتذوق الشعر برضو فنان ومن ما انزلته من اشعار في هذا البوست يدل على ذلك
أخي اريد أن أسأل
يقول الشاعر ود حسن الدابي
اليومو داك ناس البلد
هنوني شايقية وعرب
ماذا يعني بالعرب هنا ؟ ومن هم العرب في بلاد الشايقية ؟؟ هل هم قبائل شمال كرفان ودارفور اللذين ساكنو الشاقية ولا غير ذلك
ولك الود والتقدير والاحترام
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: اليومو داك ناس البلد
هنوني شايقية وعرب
ماذا يعني بالعرب هنا ؟ ومن هم العرب في بلاد الشايقية ؟؟ هل هم قبائل شمال كرفان ودارفور اللذين ساكنو الشاقية ولا غير ذلك |
سلام
حبيبنا خالد كل عام وانت بخبر
المقصود بالعرب في بلاد الشوايقية الناس الذين
لا يكون عندهم أطيان فكل ما كان الواحد عندو طين كتير
كان أقرب للبلد (كالعمد والشيوخ) والعكس صحيح ، فالعرب
من أكثر خلق الله تمسكاً بالعادات الجيدة والمحافظة وهي
أحيانا ينفرط عقدها في أهل البلد ، أرجو إلا يجينا بشاشا ناطي هني
يخرب الحوش دا.
وغالباً ما يعني الشاعر الهواوير الذين نزحو من بيوضة للجفاف
وسكنوا أطراف القرير ، ويكفيك النعام آدم مثالاَ في الكربة بالقرب
من منصوركتي وقنتي
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
Quote: يا دكتور يس الله يديك العافيةذ
غايتو قاعد تجهجهنا جنس جهجهة بي حاجاتك البتنزلها دي |
تعرف يا طارق اساساً هو الدكتور متكوك ومورم من الغربة لذا بعمل بالقول عليا وعلى أحبابي حتى يهون ما عليه من آلام الغربة عن الاهل والدار ..... يعني بالدارجة غلفاء وشايلة موسها تطهر
الأولاد ماشاء الله عليهم ندعو الله ان يحفظهم لك ويجعلهم زرية صالحة لدينهم ودنياهم
ولك مودتي وتقديري واحترامي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: سلام
حبيبنا خالد كل عام وانت بخبر
المقصود بالعرب في بلاد الشوايقية الناس الذين
لا يكون عندهم أطيان فكل ما كان الواحد عندو طين كتير
كان أقرب للبلد (كالعمد والشيوخ) والعكس صحيح ، فالعرب
من أكثر خلق الله تمسكاً بالعادات الجيدة والمحافظة وهي
أحيانا ينفرط عقدها في أهل البلد ، أرجو إلا يجينا بشاشا ناطي هني
يخرب الحوش دا.
وغالباً ما يعني الشاعر الهواوير الذين نزحو من بيوضة للجفاف
وسكنوا أطراف القرير ، ويكفيك النعام آدم مثالاَ في الكربة بالقرب
من منصوركتي وقنتي |
الدكتور سنجك ميه واربعطاشر ألفين سلام مرسل لك وكل سنة وانت طيب وتقبل الله منا ومنك والسنة الجاية أن شاءالله توأم بنية ووليد بس كتر من الحلبي مع الزنجبيل وتقلهن السكر
لك مودتي واحترامي
خالد
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
بسم الله الرحمن الرحيم
سلام ياهلنا...
كل عام وانتم نخير...
الزمن
.......
للشاعر..علاءالدين عبدالرحيم
................................
............................................................
الـزمــن مـهـمـا كـــان عـنـيـد شـكــل أفـعـالــو وصــــورا
بـرضـو ننـسـى سـواتـو ونـقــول قـسـمـة والله مـقــدرة
كــل يــوم يروليـنـا بــى فـــن قـصــة مختـلـفـة مـغـايـرة
بحكى مـن أفعالـو واحـدة .. بـس مثـال مـا دايـر أحصـرا
عــاش مـنـعَّـم بـيــن والـديــن ريـدتــو فـيـهـم متـفـجـرة
شـبَّ بيـن والـد كـان عطـوف وبـى حنـان والـدة مبـطـرا
أســرة غـرتُــو كـــل الـحـنـان ولـيـهـو سـقـايـة مـحــدرة
ولـــــفَّ دار دولاب الــزمـــن والــقـــدر يــتّـــمْ مـيــســرة
مـات أبـوهـو الـكـان حنـيـن وليـهـو كــان الـضـل والـضـرا
خلـى لــى أم ورثــت الـهـم والنحـيـب ودمــوع ممـطـرة
خـلـى لــى شـابـة اتـرمـلـت زهـــرة يـــا دوبـــا مـنــورة
لـسـة فــى ريـعــان الـشـبـاب حـلــوة أمـــورة وآســـرة
فلـتـة مــن عالمـنـا الضـنـيـن مستـحـيـل تـانــى يـكــررا
قـــررت تـتـحـزم تـقـيـف جـــم ولــيــدا تـكـونـلـو الــضــرا
وتنْسِـى إنـو فقـد أبوهـو وتبقـى هـى الـراجـل والـمـرة
رغــم جــو الـهــم والـنـكـد مـهــدت لـــو طـريـقـو وقـــرة
ورغـــم إنـــو زمـانــا غـالــى كـــان بتـقـعـدلـو مــذاكِــرة
كــان بتحـلـم بــى ولـيـدا يـبـقـى كـــان كـبـتـن طـائــرة
والاّ يــصــبــح بـاشـمـهـنــدس والاّ يــتــخــرج دكـــتـــرة
والـولـيـد أصـبــح كـبـيِّــر وفــاتــا يــــا دابــــو الـعـاشــرة
والـزمــن غــيَّــر كــــل شــــى الا والــدتــو مــــا غــيــرا
زادا فـى نظـر الكـل سمـاح وفـى عـيـون الـنَّـاس كـبـرا
مــرة يــوم الحـلـى جـاطـت وقـالـو إنـــو سـعـيـد دايـــرا
كــان سعـيـد راجــلاً مـهـذّب يمـلـك الـجـاه والسـيـطـرة
قـام طـلـب إيــد أم الولـيـد ونِيْـتُـو صافـيـة لـبـن طـاهـرة
دار يكـون لهـا راجـل أميـن ويبـقـى والــد لــى ميـسـرة
حسـت إنـو أمـامـا إمتـحـان قـاسـى بـيـن إتنـيـن خـيـرا
خـتــت الـشـافـع أمــامــا ومـغـريــات الــكــون بــــى ورا
بيـن وليـدا الفـارق كبيـر وبيـن قـروش وحُـلِـى وأســورة
رفـضــت الـفـكـرة وبـــى أدب رسـلـتـو جـــواب مـعــذرة
ورتــو إنـهـا داب ولـيـدا وفـــى الـعــرس مـاهــا مـفـكـرة
يـوم سعيـد نـادى الشويفـع رغَّبـو وقــال ليـهـو واغــرى
جـيـب لــى قـلـب أمــك يــا ولــد وليـنـا طلبـاتـك آمـــرة
كان طلبت الشى المستحيل يبقى ممكن شان خاطرة
كـم فـرح ميسـرة وإنبسـط ولـى ديــارن فـرحـان جــرى
فتحـت أمـو أحضانـا راجــا شــان تضـمـو يطـيـب خـاطـرا
وبـيـن ضـلـوع أمــو الحنيـنـى غِّــزَّ سكـيـن لــى آخـــره
وانـتـزع قـلـب أمــو عـجـلان مــن مـحـل ريـدتـو مـوكــرة
ومـاتـت الأم جــم ولـيـدا فــوق دمــوم سـالـت طـاهــره
وشـال قلـب والـدتـو بـيـن ايــدى وزوَّد السـرعـة وكـتـرا
ومـن كتـر سرعتـو قـام وقعـد ومـا عـرف حاجـة ومـا درا
غيـر سمـع قلـب أمـو ينضـم وفيـهـو كــم أنَّــات عـاصـره
بـى كــلام أشـبـه بالبـكـا ومــن حـلـق سـاداهـو عـبـره
يــا جـنـاي إن شــاء الله طـيــب بـــى وقـعـتـك مـتـأثـره
كـان كـلام قلـب أمـو تيـار فـى دواخـل الوجـدان سـرى
رغــم إنــو يفـيـض محـنـة.. ضــاق طـعـم كلمـاتـو مُـــرّه
حــسَّ إنــو فـعـل جريـمـة مستحـيـل تلـقـى المـغـفـرة
سـلَّ سكيـن دايــر يـمـوت وفــى وســط ضلـعـو يـوكـرا
دار يمـوت كـان يـرضـى الضمـيـر أو يـكـون للـزيـو عـبـره
الاَّ تـانــى قلـيـبـا نــــادا .. رجِّــــع الـسـكـيـن لــــى ورا
ولا تـكـتـل أمـــك مـرتـيـن .. يـــا جـنـايــا كـفـايــا مــــرة.
......................................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
سلام ياهلنا...
وكل عام وانتم بخير...
يانجوي
.........
محمد النصري
..............
.........................................................
اسفاي يا نجوى اسفاي علي الافراح
رحلت بلا ايذان خلتني للاتراح
آه تاني آه وآه لو كان يفيد الآح
ما كنت خات في البال يوم يتكسر لي جناح
والرحلة يا نجوى ترجع بلا ارباح
يا حليلك يا نجوى وياحليل عمرنا الراح
ياحليل قعادنا زمان جم نيلنا زي سواح
راكبنو قارب الريد والريح معانا صلاح
فجأة الرعود هدرت هبت علينا رياح
عصفت مريكب الريد قلبت ضحكنا نواح
لا مني لا منك حكم الارادة أطاح
بي ريدنا والاحلام قمح عهودنا قماح
يا نجوى بعدك كيف من تاني اعيش مرتاح
لي فرحة الشبان في قلبي مافي براح
دنياي بعدك وين وين تاني اشوف لي صباح
في دنية التايهين بعدك بكون سواح
يا نجوى ما ظنيت حزني العلي ينزاح
وين يمة وعدك لي أنا يوم كنت في الرحراح
بي القرمصيص اقدل في الدارة زادني رواح
والليلة بدنو تراي لابس سوادو وشاح
بس يمة كان بدري توفيني بالايضاح
قبال اقع في ريد نجوى الملانة سماح
وقبال تصيبني سهام من لحظها الجراح
ياحليلي انا الهيثم اليوم كسحت كساح
مت وشبعت في الموت بس فاقد الصياح
صح قالو للصابرين انو الصبر مفتاح
لكني باب قلبي سورتو بالألواح
قدر الرضعتو زمان ياريتو لو كان شاح
في جوف سم هاري خلاني اموت ارتاح
الشي المعذبني والزاد قليبي جراح
الجاهل ما بيفرز الغلطة من الصاح .
.............................................
حاتم هاشم.
| |
|
|
|
|
|
|
| |
حاتم هاشم
yasiko
أبو الحسين
منصوري
Muna Khugali
خالد علي محجوب المنسي
عصام علي أحمد
Munir
osly2
omer abdelsalam
طارق جبريل
فيس بوك
تويتر
انستقرام
يوتيوب
بنتيريست