|
Re: أغاني وأغاني.. للقدامى والمستجدين.. (Re: طارق ميرغني)
|
اللقطة الفضيحة كانت فى اغنية (عيونى عيونك اسباب لوعتى) دى ما لقطة ممكن تفوت على مخرج فى حصافة الاخ مجدى عوض صديق بعدين ياخى البرنامج دا يحوز على اكبر نسبة مشاهدة داخل وخارج السودان نقول شنو للناس ديل بخصوص بنطلون عمك والكفة الشمال مفكوكة يعنى (مشوولة) عليك الله يا: ابو بكر، ويا: الزول ارفعوا الصورة عشان ما يجينا واحد من الناس البدافعو دفاع اعمى عن لحية عمك غير الحليقة.. وزيه المامنسق ويجى يقول الناس ديل بنضمو ساى وحقو نفرق بين مسألة السلوك الشخصى وبين انك نجم تلفزيونى تطل على ملايين المشاهدين يفترض ان تتم مراعاة هندامك الذى ستظهر به امامهم.. لكن ياخى تلبس لينا بنطون فضيحة بالطريقة دى افتكر مسألة لنا كل الحق فى انتقادها والطامة الكبرى انو الحلقة دى ما مباشرة (لايف) يعنى وين المخرج والله يا مجدى عوض صديق كونو تفوت عليك حاجة زى دى فعلى الاخراج السلام انت قال ليك بس عشان البرنامج ناجح دا معناها تجى تخمنا وما تحترم عقولنا دى حلقة مسجلة يعنى ممكن تتمنتج.. واذا البنطلون الفضيحة دا ما قدرت تلقى ليه معالجة كان ممكن تلغى الحلقة او تعيد تسجيلها.. ما ناس (ارفع راسك )ديل قاعدين يدفعوا ليكم عموماً الحكاية دى حتخصم من رصيد النيل الازرق الكثير ويا الشفيع عبد العزيز وقبل ذلك الجنرال حقو ما تفوتو الحكاية دى ساى اتمنى يا نجوان ان يتم تثبيت الصورة عشان الكلام ما يبقى ساى
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
صباحكم و مساءكم خير ... بشاهد في الحلقة و عقلي في البوست و الحا يتقال ... كلام كله في السليم ...
نادر خضر عبء على البرنامج ... البنات في الحلقة دي كانوا ديكور ما اكتر ... عصام احمد الطيب فنان
و الله اتخلعت و حزنت لما شفت ال clip بتاع البنطلون ... إذا كان ده تعامل من يعتبروا فناين و مثقفين فكيف بالبقية ...
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
شكراً: الزول..( الحرفية والمهنية العالية) على قول اخونا ابوبكر.. يا كده يا بلاش..
(الاخراج حرفية عالية ودقة وحزم اما ما يحدث في فضائيتنا فبعض من سبهللية كما اشرت .. ) ابوبكر..
يعنى برنامج ناجح زى دا ما مفروض يكون متروك لهوى المنتج..عشان يلبس زى ما هو عايز وفيها شنو لو القناة من مليارات الاعلانات دى دفعت بدل لبس ما اظن انو حيختلف معاى زول فى اهمية الظهور بالهندام الراقى ودونك الشيخ التسعينى (محمد حسنين هيكل) فى برنامجه الراتب بقناة الجزيرة(مع هيكل) رجل شيك وتحفة فى الاناقة.. والتسعينى الاخر لارى كينج فى برنامجه الناجح بقناة الـ CNN Larry King Live منتهى الاناقة.. حقو نجتهد فى ان نعكس اجمل صورة ( للزوول) السودانى متى ما وجدنا طريقة تانى بكرة لو مكتبة جرير طلعت كتاب تسخر فيه من طريقة كيف نرتدى ملابسنا.. حيكون لسانا مقطوع
| |
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
صدقوني ، عندما طلبت إلى ممكونه تناولني إبره وخيت بسبب كفّة البنطلون الواقعه في السَهَله لم أكن أتصور أن للبرنامج مخرجا ، شكرا لمن نبهني أن لبرنامج أغاني مخرج. بالله يا باش إنتو جادين البرنامج دا عندو مخرج؟
بالله يا حسن ما تجيب لينا سيرة هيكل ولاري كينج ، باكر كمان تقول البرنامج تقدموا هيلدا خليفة أو زاهي وهبي، ياخ (خليك بالبيت ).
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: Quote: حقو نجتهد فى ان نعكس اجمل صورة ( للزوول) السودانى متى ما وجدنا طريقة تانى بكرة لو مكتبة جرير طلعت كتاب تسخر فيه من طريقة كيف نرتدى ملابسنا.. حيكون لسانا مقطوع
|
يا اخوانا ما تبالغوا فى قصة البنطلون دى -- ورغم انو المخرج كان ممكن يعدل الصورة او يمنتجا بصورة احسن
الا انو كلامكم عن الاستاذ السر قدور لا اعتبره لائقا لشخص فى السبعينيات من عمره ولا يجب ان نساوى ما بينه
والشباب فى طريقة اللبس والهندام -- فمن المعروف ان كبار السن لا يعيرون الهندام اهتماما -- فنرجو الا يضغط
الاخو ة الاعضاء على الاستاذ فى هذه المسالة بالذات
مع تقديري للجميع
عنان
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
الأخ خالد رمضان كريم،
Quote: يا اخوانا ما تبالغوا فى قصة البنطلون دى -- ورغم انو المخرج كان ممكن يعدل الصورة او يمنتجا بصورة احسن |
ياخ كلامي عن الإبره والخيط ، رغم ما فيه من مزح لكنه لايخلو من جد وقصد، قصة البنطلون دي والله تزعل يا خالد لأنها كتيره، والله تزعل جد جد لأننا بنحب السر قدور من جوه القلب ، ولو كان زول ساكت قسما عظما ما بنجيب خبرو حتى لو جا الأستوديو عريان ، شوف في كم فارغ وفارغه يطِلون علينا كل ساعة ويصيبونا بالغم والإكتئاب بأزيائهم التي تسببت لكثير من المشاهدين في إنفصال للشبكية ، لدرجة أننا أصبحنا نتحاشى مشاهدة القنوات إياها تفاديا للجلوكوما والكتراكت ، لكننا لم نتكلم عن أولئك الصادمين للعيون لأنهم يمثلون حالة لا يرجى منها برء ، أما السر قدور زول بنريدو ومسألة تقدم السن أو اتساع الفلَجَه ليست مبررا لما حدث فالكبار يهتمون بالمظهر أيضا وإن كانوا غير ذلك فالإذاعة أولى بهم لأن للتلفزيون شروطه. مودتي.
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
سلام جاكم ..
والله أنا مسألة اللبس دي قاعدة تزعجني شديد .. يا جماعة العمل ما بكتمل إلا يكون متجانس وكل شي فيه مرتب وبعناية .. يعني لا يمكن برنامج ليهو كم سنة ولاقى قبول من المشاهد السوداني ومتابع بصورة كبيرة .. تفوت عليهم معديهو زي الحاجات دي .. يعني هناك ترتيب مسبق وفي حلقات بتسجل يومياً فمن المفروض تنبيه جميع التيم لمثل هذه الأشياء .. واللبس دا يا جماعة بقى ما مشكلة وإلا تبقى المشكلة فينا نحن ..
يا ود الموج أمس بتكم دي كانت ( حلا وحمار ) بفتح الميم ألحق يا شتات
كنت عايز أشركم معاي في بوست سابق عن العيون لكن فتشت المنبر كله ما لقيتو .. يمكن عشان المكتبة بتاعتي مقفوله أو لسبب آخر .. الكلام عن العيون كتير .. لكن الشباب بالأغنيات الغنوها ما قصروا ..
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
..............
عندما ناشدني الأخ محمد المرتضى بإضافة إبرة و خيت إلى قائمة التفجيرات خاصتي..ظننته يعني عصام محمد نور و قميصه ال 3X-Large و كرافتته لسان التور! ...تألمتَ جداً جداً لصورة السر قدور و هو مبهدل بالشكل دا..و بيتبهدل بالتعليقات كمان.. دا شيء مؤسف و مؤلم للغاية و لا يمكن أن ألوم غير السبهللية و الاستهتار الذين صَاحبو تجهيز البرنامج. .............
............
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
شوف العين قالت دا لالا الله الله لو سمعتوها بصوت سارة النور احدى نجمات نجوم الغد...الغائبة الحقيقية عن البرنامج التى نحسب انها كانت ستحدث اضافة.. لكن نقول شنو فى المجاملات وكدا سارة النور احسن من تؤدى اغانى محمد ميرغنى
| |
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
Quote: حلقة طابعها هزلى ...
يمكن ان يطلق عليها حلقة الهرجلة والمهرجلين ... |
مضبوط.. بالذات خفة دم فرفور الزايدة..
______ يا ممكونة، الموضوع تعدّى الإبرة والخيط.. مع مكنة ناس الباش السنجر كمان.. وبالمرّة نجيب حلاق، مكوجي، وبتاع ورنيش..
| |
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
سلامات الجميع
Quote: فردتنا وافراح في جنني العيون |
علي الرغم من انو من حلقة امبارح وانا راجية غنية العيون البتلاصفن دي لكن لمن اتغنت الليلة ندمت علي دعواتي ... عاصم البنا واعجابه بالف المد .. وافراح (الشعب) ومكوجنتها للغنية وصوتها الضعيف وشتارة اللحن .. وفرفور ولامبالاته .. اختيار غير موفق وكتلو الغنية وكتلوني ...
| |
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
يا جماعة بكل امانة أفراح دي ما بتستاهل الهيلمانة دي كلها ... و الليلة بالذات ضعفها كان واضح و هي تؤدي اغنية جنني العيون ... معليش يا ود الموج نجمتك دي ادائها باهت جداً و ليس في مصلحتها ان تعتمد على الشو دون الاجتهاد ..... الفرق اصبح شاسع جداً بينها و بين مثيلاتها منار و ريماز .... فعليها مراجعة نفسها
| |
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
* حلقة مكوجنة أخرى. * فردتنا و التتراسايكلين...أفشل دوٌيتو في تاريخ الغناء. * أظن - و بعض الظن إثم- أن هناك تآمر بين فردتنا و فرفور ضد دكة الإحتياطي. * إستناداً على نظرية نجوان عن ( السيرك ) .. ...سيلعب الماكنتوش دور البلياتشو...فرفور لاعب الأكروبات..و فردتنا مرٌوض الأُسُود!
| |
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
فرفور ما زال يصر على مواصلة سيطرته المتفرفرة بدرجة مملة جدا سحبت الكاميرا سريعا في اتجاه اخر في لقطة بدا فيها فرفور وهو يرقص باكتافه كانه في حفلة خاصة
مع الاعتذار لعمنا صديق الموج
لكن الليلة اتاكدت تماما انه افراح في راي صوت لا يصلح للغناء
| |
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
Quote: سحبت الكاميرا سريعا في اتجاه اخر في لقطة بدا فيها فرفور وهو يرقص باكتافه كانه في حفلة خاصة |
دي احسن حاجة في حلقة الليلة لانو كل الاغاني بتاعت (جبجبة) ورقيص دقاقة زي بتاع فرفور ده واصلها جايطة كان يجوطها
زيادة ويرقصوا كلهم
| |
|
|
|
|
|
|
Re: أغاني وأغاني.. للقدامى والمستجدين.. (Re: omer osman)
|
انتو يا ناس ،،،
عايزين شنو ،،، لا بعجبكم العجب ولا الصيام فى رجب ،،،
ياخى ناس مبسوطة ،،ودا ما برنامج بتاع نقه وحوارات والاتجاه المعاكس برنامج فيه غنا ،،
هسى الواحد فيكم لمن يسمع اغنية وينطرب ما بتلقو روحكم اتهزيتو وبديتو فى الميلان ،،،
ـــــــــــ
الشئ التانى فرفور دا ،،، نكهة الحلقات ،،، خفيف ولفيف ،،، ولكن بعمل اكشن فى الحلقة
زي عمكم السر قدور ،،، وتانى شئ حافظ كويس جدا ،، لو ملاحظين اي اغنية بكون بغنى
مع الشخص التانى ،،بالله ارخو منه شوية ،، طلعتو روحه فى رمضان دا ،،
افراح الشعب ،، عندها مشكلة ،، اضم صوتى لى الاقتراح بتاع سارة النور ،،مع ريماز
ومنار ،،،
عصام احمد الطيب ماشى كويس ،،بداء يسخن ،،
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: فعلا أفراح الآن عبء على البرنامج رغم مساعدة المشاركين وسندات عصام المستمرة.. |
فعلا يانجوان ...
واليوم بالتحديد واضح جدا انها كانت ماحافظة ماعدا الاغنية الديتو الشاركت فيها،،،
ساقطة عيون
مع الاعتزار للخال ود الموج وحبيب نورا ....
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: الشئ التانى فرفور دا ،،، نكهة الحلقات ،،، خفيف ولفيف ،،، ولكن بعمل اكشن فى الحلقة
زي عمكم السر قدور ،،، وتانى شئ حافظ كويس جدا ،، لو ملاحظين اي اغنية بكون بغنى
مع الشخص التانى ،،بالله ارخو منه شوية ،، طلعتو روحه فى رمضان دا ،،
افراح الشعب ،، عندها مشكلة ،، اضم صوتى لى الاقتراح بتاع سارة النور ،،مع ريماز
ومنار ،،،
عصام احمد الطيب ماشى كويس ،،بداء يسخن ،، |
اضم صوتي لصوتك يا ود العباسية بخصوص فرفور ..
الملاحظ انو الحلقات الما بكون موجود فيها ... بتتسم بالخمول والرتابة ..
صح هو مرات بزود العيار حبتين في ( الفرفرة ) .. لكن ما بنقدر ننكر حضوره المميز ..
اضافة لكدة لغاية الان ما ( ضرسنّا ) باللبس الغريب السائد بين أغلبية الضيوف .. ما بين لامع ورقاش .. وكبير شديد.. ومبهدل شديد .. وما متناسق ..
ولمن يكون قاعد جنب عصام محمد نور .. بخلي يفرفش شوية ويتخلى عن الابتسامة التايهة .. والنظرة الحايرة ...
وكمان في انسجام بينو وبين جميع المشاركين .. حتى ناس كنبة الاحتياطي ..
افراح عصام لو جابو لي شريط حقها هدية بقول ما عاوزة ...
رماز ومنار مع بعض بعملو حاجة ..
غايتو اهو ماشيين في السكة نمد .. وصابرين ...
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
سلامات مساهرة مع البوست الهايل دة وحقيقة تايسون ما قصرت في وصف روعته لي نجوان ياحبيبة كل عام وأنت وضيوفك بألف خير بمناسبة اللبس وتظبيط الميك أب في ملاحظتين في صورة الشابتين البيغنن أفراح عصام وصديقتها.. المهم البوست ملاحظاته ذكية ونبيهة وأجمل من البرنامج ذات نفسه(: محبتي
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: بالذات خفة دم فرفور الزايدة.. |
نجوان حاولت اتصل علية للتعليق ولكن لن يرد ولكن يفترض كان يكون في هذه الحلقه الفا للمهرجلين وبالزات لصاحبي فرفور 10 سيطان من النوع ابوكديس ياحليل العمالقة الفن بأدب .
افراح الشعب (اي افراح الموج ) صوتها في اماكن لم يتعدى شفتيها مثل الفنانه اسرار
______________ نجوان فرفور فنان رقم واحد الان ولكن عليه الانضباط
| |
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
يا نجوان والله بالغتى عديل كده.. الصور المعروضة دى خلتنى اخجل لمجدى عوض صديق المخرج الخطيير.. عموماً السنة الجاية لو ربنا مد فى ايامنا نقترح ان يتم اسناد الاخراج لاى واحد من ناس البوست دا واظن اى واحد قدر المهمة واكتر.. الغريبة يا نجوان: الراجل دا – المخرج - استضافته فضائية النيل الازرق عشية رمضان وقدمو الشفيع عبد العزيز (الزعيم رقم صفر) لبرامج الفضائية الشفيع قال لمجدى: شنو الرؤى الاخراجية لهذا العام لبرنامج اغانى واغانى؟ مجدى قال: هنالك تجديد واضافات، وو.. وقال هنالك مفاجئآت يا ربى يكون مخبى لينا شنو بعد دا..؟؟ بعدين يا نجوان: قصدك شنو عارضه لينا حاجات غاااالية كدا.. خصوصاً الشرابات المابتتلقى الا فى سانتوس ومحلات الخمس نجوم اياها
| |
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
كله كوم و الفستان الكحلي و الاحمر سباغيتي سترابس بتاع افراح ده كوم ثاني,و ما في زول في بيتهم قال ليها الفستان ده ما قدرك؟؟ اتخيل لي انها خلاص لابساه مع بودي ما مشكله يكون مناسب مع تضاريس جسمها, زي الزول لمن يسمن و يكون مصر انه هدومه القديمه لسع قدره منظره بيكون شين. و البنتطلون امس بتاع عمنا ده كمان حكايه, لمتيين نحم ما بنهتهم بالمنظر
| |
|
|
|
|
|
|
Re: أغاني وأغاني.. للقدامى والمستجدين.. (Re: Dania Elmaki)
|
Quote: كله كوم و الفستان الكحلي و الاحمر سباغيتي سترابس بتاع افراح ده كوم ثاني,و ما في زول في بيتهم قال ليها الفستان ده ما قدرك؟؟ اتخيل لي انها خلاص لابساه مع بودي ما مشكله يكون مناسب مع تضاريس جسمها, زي الزول لمن يسمن و يكون مصر انه هدومه القديمه لسع قدره منظره بيكون شين. و البنتطلون امس بتاع عمنا ده كمان حكايه, لمتيين نحم ما بنهتهم بالمنظر |
دانى المكى....سلام
دانى على كده نصنفك ناقده والا حاقده نحن ناس بيتها وعاجبانا كده ممكن تشتتى من البوست ده الله يجيب راجلك يسوقك كان تختينا باقى رمضان ده بعد ده العشرة الاوائل كملن باقين على العشرة الاواخر ودامت ايامى افراح،،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
..والله يا: ممكونه ما قصرتى.. اهو عرضتى لينا عدة الحلاقة النستها نجوان لكن طالما انو نجوان عرضت لينا حاجات غالية وكده ما كان اوجه لو عرضتى لينا (طقم) عدة حلاقة (ماكس3 +رغوة+آفتر شيف) من جيليت؟؟ لانو المقص لن يقضى على الابيض واليابس..ما دايرين خشونة وكدا كفاية الشوت الضفارى الشايفنو احسن لينا fair play
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
حلقة أمس دي فاتت علي بسبب إفطار بورداب الرياض .. لكن نحن تابعناها من خلال النقل الحي لصديق الموج
لكن من كلامكم دا شكلها ما كانت حلوة ..
باشمهندس أبوبكر سلام .. غايتو نحن جاهزين بالشراريب .. البوست دا البركة الجاب لينا العزيزة سناء جعفر ..
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: سارة دي صوتها محدود جدا.. |
اختنا نجوان والله انتي فنانه بحق
ساره النور لا تختلف عن افراح في ضعف الصوت والغناء من طرف الحلق ولي غادي
اي الغناء لا يخرج من الصدر.
بالفعل اخي معتصم حلقه لا طعم لها.شاهدت الاعاده بعد العوده من افطار بورداب الرياض
الذي كان اجمل من اغاني واغاني
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
انت عارف يا ابوبكر بالجد... بعمره يبدلها الانسان وعمره دى شكلها كما تريد وانطقها كما شئت فكلها صحيحة البقول افراح ما بتعرف تغنى ماعافى ليه دنيا واخرة.... لاحولالالالالالالالالالالالالالالالالالالالالالالالالالالالالا البنية دى يوم بتمرق رويحتنا الحلوة دى،،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: البقول افراح ما بتعرف تغنى ماعافى ليه دنيا واخرة.... لاحولالالالالالالالالالالالالالالالالالالالالالالالالالالالالا البنية دى يوم بتمرق رويحتنا الحلوة دى،،،، |
ود الموج ...
برغم الانتقادات السابقة والتى فى مجملها صحيحة ...
نقول اليوم ونعطيها حقها حلقة أفراح
بس اعمل حسابك ظهر ليك اليوم منافس خطير سيد الشئ زاتو
| |
|
|
|
|
|
|
Re: أغاني وأغاني.. للقدامى والمستجدين.. (Re: بابكر التوم)
|
Quote: ود الموج ...
برغم الانتقادات السابقة والتى فى مجملها صحيحة ...
نقول اليوم ونعطيها حقها حلقة أفراح
بس اعمل حسابك ظهر ليك اليوم منافس خطير سيد الشئ زاتو |
بابكر التوم ..رمضان كريم
خشمك فيه اللبن.... يازول منافس شنو؟؟ وحاتك انا اولى من عمك عصام زاتو،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
مرور على شخصيات مشاركة فى أغانى وأغانى السر قدور : يقدر على المحن وينطبق عليه قول الشاعر أحمد عوض الكريم وهو يتحدث الى بنت الاذاعة السودانية أيام كان يدير استوديوهاتها المخضرم سيد عزيز حيث تحدثت اليه الاذاعية وقالت ياعم احمد انت كبرتا ولسة بتغنى فى الجمال والبنات السمحات فأذا به يأتى بهذه الأبيات ياسيد عزيز الماكا شاذ متغيّر لقيتو معاكا جاهلاً توه جمالو يحيّر على وصف الظريف سيد الخديد النيّر الروح شابة لكن العمر ما صغيّّّّّر
عصام محمد نور : هدوء متجذر ومقدرة عالية على كسب الجولات فرفور : قادر يجيب الفرق بى صوتو .. لكن عندى احساس انو بحرد مرة مرة عاصم البنا : يكون رائعاً حينما يتغنى بدرر الحقيبة على أن لا يخرج لسواها فأبداعه فى ترديد أغانى الحقيبة ونواصل تانى مع ناس نادر وأفراح الشعب والبقية.
| |
|
|
|
|
|
|
Re: أغاني وأغاني.. للقدامى والمستجدين.. (Re: اسعد صلاح البدري)
|
* حلقة مجوبكة و مكوجنة أُخرى تُضاف لسابقاتها.
* منار صديق و عجبوني الليلة جوا .
* صه يا كنار...من البخرة !!؟؟؟
* أفراح و "شيٌال" أفراح....
* ندوري و إصراره على وصلات طويلة ..بعيدة كل البُعد عن التطريب.
* ابو الكلام و "رقص الصالونات" في ختام ما بقطف زهورك.
| |
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
Quote: الحصل شنو بين الأمس و اليوم !!؟؟ |
الشحم كبس علي لغاليغا ... ياااخ انا مسجل غناها كلو بتاع اغاني واغاني في التلفون الاي فون واخر انبساط يجي عمكم السر يخرب علي انبساطاتي ويخلي المرتضي يفرج فينا خلقو ...انت وين ناس الدايت والتغذية الصحية .. دة كلام ..
| |
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
متابعين البرنامج سلام ورمضان كريم سجلونى معاكم فى بقية حلقات البرنامج
افتكر من خلال الـ 14 حلقة الماضية اتضحت الصورة
* عدم الاعداد الجيد كان سمة مشتركة لكثير من الحلقات
* البخرات واذا ادعت الضرورة كان بامكان مصور البرنامج ان يتلافى المغنى اثناء اللقطة المعنية .
* الكنبة اليمين عصام ، نادر ، فرفور ، عاصم ... لاجديد اداء متذبذب من حلقة لاخرى
* الكنبة اليسار رماز ، شريف ، عصام ، افراح اصوات عادية جدا جدا بالرغم من رماز صوتها جميل الا انه ما اخذت حظها الكامل
اما منار صديق حسب راي انها الحسنة الوحيدة فى البرنامج صوت جميل واداء متوازن ما عدا فى حلقة اول يوم ما كانت حافظة واستعملت البخرة
وانا حارهن عليها هى فقط
ــــــــــــــــــــــ
وسلام خاص الخاص لطالبتين من ( القديمة بنات ) شايفهم معاكم ورمضان كريم ومشتاقين والله ..... الوكيل
| |
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
Quote: انتو نسيتو اللنكات بتاعة الفيديو ولا شنو ،، واكتفيتو بى صور الخال المطششه دي |
ياريت ناس عمكم السر وجماعتو يقدرو بس علي مستوي التصويير المطشش دة ..؟؟هم دييل ما دايرين ليهم مصوراتي حريف زي كدة دييل داايريين ليهم ناس حريفيين من سوق الترزية في امدرمان .. قال مطششة قال .. اها البلاش كتر منو ...
| |
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
سلام نجوان سلام لكل المتداخلين ورمضان كريم
صراحة برنامج أغاني وأغاني ان جاز التعبير هو فاكهة جميع البرامج التي تبث من القنوات السودانية بلا استثناء
وأهو بحاولوا يدخلوا البهجة على قلوب المشاهدين اللي فارقتم البهجة من زمن
بعدين في مثل بقول ( لا يستقيم الظل والعود أعوج ) فالموضوع أكبر من مسألة إخراج أو مطرب مشاتر أو حلقة مكجولة .
أخيراً عمنا قدور كان يكتر لينا من مشاركة ناس عصام أحمد الطيب ورفاقه
لكم ودي
| |
|
|
|
|
|
|
|