|
Re: أغاني وأغاني.. للقدامى والمستجدين.. (Re: mamkouna)
|
ليصححني الأطباء ، قيل أنك إذا شعرت بألم شديد في صدرك يمتد إلى عظامك والفك فتلك أعراض نوبة قلبية ، عليك أن تأخذ نفسا عميقا وتكح بقوة وبدون توقف وتكرر ذلك ريثما تصل أقرب مستشفى في خلال عشرة دقائق هي المدة الفاصلة بين بداية الحالة والغيبوبة ، لكن الأهم من ذلك الإبتعاد عن مشاهدة حركات الزول الفي أغاني وأغاني الماحافظ شي داك ، وإشاحة الوجه عن تلك التي ترتدي ملابسا ككبسولة التتراسايكلين. الوقاية خير من العلاج.
| |
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
Quote: ليصححني الأطباء ، قيل أنك إذا شعرت بألم شديد في صدرك يمتد إلى عظامك والفك فتلك أعراض نوبة قلبية ، عليك أن تأخذ نفسا عميقا وتكح بقوة وبدون توقف وتكرر ذلك ريثما تصل أقرب مستشفى في خلال عشرة دقائق هي المدة الفاصلة بين بداية الحالة والغيبوبة ، لكن الأهم من ذلك الإبتعاد عن مشاهدة حركات الزول الفي أغاني وأغاني الماحافظ شي داك ، وإشاحة الوجه عن تلك التي ترتدي ملابسا ككبسولة التتراسايكلين. الوقاية خير من العلاج. |
الاخ طبيب زائر ؟؟؟
| |
|
|
|
|
|
|
Re: أغاني وأغاني.. للقدامى والمستجدين.. (Re: محمد المرتضى حامد)
|
يا فرحة ماتمت شالها الغراب وطار هسه لمن قلتو لي انو الارسال قطع فرحتا قلتا انقلاب.. طلع انقلاب رباني..
غايتو الحمد لله.. المهم ...عاصم غني شنو؟؟ لبستو اللابسه في الحلقة دي شفناه بيها هنا في حفلتو.. ولا تعليق..طبعا خوفا من ملاسي.. والدنيا رمضان ... ــــــــــــــــ حليل امدر حليل ناسا...
| |
|
|
|
|
|
|
Re: أغاني وأغاني.. للقدامى والمستجدين.. (Re: سارة علي)
|
مساكم سعيد يا حبان..
فعلا ما فهمنا شيء .. الأغنية الأخيرة كانت موفقة لكن البخرات تدخّلت في التلقائية وانسيابية الأغنية.. قدامهم البخرة ومعاناة شديدة في قراءتها..
يعني ان كان لابد منها فخلوها مستترة شوية.. وعلى كل حال.. الحرفنة ركن أساسي في ثقافة البخرات دونها تصبح البخرة كارثة وقوعها حتمي ..
ما عرفنا الأزمة براءة شديدة في استخدام البخرة.. ضعف نظر.. أو انهم ما بعرفوا يقروا من الأساس! (عاصم وجيمي)
_____ نشوف اليوم الـ 12 واتوقّعه تعويضي رائع
قولوا آميــــن
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: قدامهم البخرة ومعاناة شديدة في قراءتها.. |
يانجوان بالرغم من التكنلوجيا الكثيرة ومرمية هبطرش في كل كورنر المخرج ما سمع بالبخرات الاليكترونية ...اها ما شافو البقدمن الاخبار مثلا في فضائيات العالم بيقرن الاخبار والتقول بيحفظنا ... جنس محن
| |
|
|
|
|
|
|
Re: أغاني وأغاني.. للقدامى والمستجدين.. (Re: سارة علي)
|
الحلقات التى استضيف فيها فنان
كانت متميزة
باقى الحلقات نرجع ابوصلاح والعبادى والبنا
طبعا اغانى الحقيبةشكلت وجدانا كلنا
لكنها اخذت نصيبا منذ زمن طويل فى الاذاعةوالتلفاز
كنت اتمنى حلقات عن وردى ود الامين الجابرى عبدالدافع التاج مصطفى بادى البلابل ابراهيم موسى الخالدى عركى خوجلى عثمان العاقب محمد حسن الكابلى
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
السلام عليكم .... شاعرنا ود وداعة الليله مالك مسجل غياب إن لأهل أمريكا ومن لف لفهم عليك حقاً عموماً أنا سجلت الإعادة عشان حتة قطعة الكهرباء بس لسه ما شفتها .... جلال جبريل ما فهمت حاجة من مداخلتك الفيها صورة الرسام وفيها Quote: ياعمنا السر قدور "أبو العباس" |
..... طارق ميرغني ملاحظتك في السلك ... المقدمة فعلاً تطابق أغنية أحمد الجابري .... الباش ..أبوبكر
حسب ما عندنا من مقدمة البرنامج فضل لينا شنومن المناظر ما جابوهو لسه؟
...
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: حلقة مع شاعر وحلقة مع مطرب (عبد العزيز المبارك) |
صباح الخيرات.. تكون مشكلة اذا الضيوف شطبّوا من أول عشرة أيام وباقي الشهر أورديحي يا قولك يا باش..
____ حد يعرف: هل تمّ الإنتهاء من تسجيل جميع حلقات البرنامج قبل رمضان؟
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: انقطاع البث في النيل الازرق |
ابوبكر...سلام
ناس ماعندها نظر انا كان من المخرج بمجرد ما قطعت الكهرباء اوصل من جضيمات افراح دى وحاتك البث كان وصل الواق الواق قادر الله يا اخوانى احى انا من رمضان... والله كان ما الصيام ده كان تشوفوا شوف!!!! حاشية يسقط ابوبكر ووجن ودانيا المكى،،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
بركة انى ما شفت حلقة امبارح ...
و ريحت نفسى من رفعة الراس و الاسبيراااات ..و السوق الشعبى ...و هااااااااايل ...اضعف دعايتين هايل و ثلاجة سامسونج .... ما عارفه تقول جايبين سعد الدين مذيع النيل الازرق عامل ليهم الدعاية
| |
|
|
|
|
|
|
Re: أغاني وأغاني.. للقدامى والمستجدين.. (Re: Manar Mahsoub)
|
الغريبة باقي القنوات كانت شغالة عادي رغم اجوءا المطر والرعد والبرق الا النيل الازرق!!! والحلقة زي كان زمنها قصير ، ياربي تضامنا مع الاجواء الخرطومية المعكرة!!
بالله في اللحظة الاول مرة اشوف نادر خضر خارج حدود الحبشنة ( ويا حبيبو) وبدأ يتجلى في نسايم الروض كانما ابى القدر الا ان يختفي الارسال ويختفي التجلي
يبدو محكوم علينا بس نشوف الجانب المحبشن لاسلوب نادر خضر
ملاحظة صغيرونة .. افراح بملابسها الزاهية بقت بتذكرني بعلبة الوان الشمع الزمان كنا بنستعملها في الابتدائي
اللهم لا اعتراض في حكمك يا رب
| |
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
عمنا صديق الموج
رمضان كريم وتصوم وتفطر على خير
والله قبل ما اقرا مداخلتك قلت نسيت اكتب مع اعتذاري لعمنا صديق الموج
لكن بالامانة والله الزولة دي قربت تبقا علبة الوان ( قربت دي عشان ما تزعل لانه في الحقيقة هي اكتر من علبة الالوان بشوية)
اها ده ما نبذ يا عمنا العزيز لكن هجاء ! ( وش ضاحك)
| |
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
Quote: والله قبل ما اقرا مداخلتك قلت نسيت اكتب مع اعتذاري لعمنا صديق الموج |
maia.....بت اختى الله يجبر بخاطرك ده المدح فيما يشبه الذم!! بافى نحن من جيل كان عنده علبة الالوان دى من اجمل الاشياء غايتو الفيك انعرفت.. لكن ما اشوفك بى جاى تانى،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: معتصم الطاهر)
|
Quote: معتصم مرحب بيك في بحري... ويا ريت تجي مربع ( 4 ) شمبات الأراضي... |
رمضان كريم يا كمال كرار .. أعز أصدقائي في شمبات جنوب وإسمه حسام .. يا زول مافي أي مانع نجيكم تب ..
تحياتي وسلامي ..
Quote: يعني وانا من زمان يا معتصم اقول انت لذيذ كده ليه...؟؟؟ ناس بحري عندهم مغناطيسيه ونوع معين من الملاريا العاطفيه يعني تخش العضم علي طول وتجيك رعشه كلما تسمع غناوتخليك تستفرغ شعر وتكسر في العضام زيى الحاصل لي صديق الموج ده.. |
بحري حلاوة يا باشمهندس طارق .. كنت أقضي فيها معظم وقتي .. وحتى حين كنا نريد أن نذهب للسينما كنا نذهب للوطنية بحري أو الحلفايا .. وما أدراك ما كازينو النيل الأزرق زمااان ومهرجان الموسيقى .. وحاجات كثيرة في الذاكرة ..
لك ولأهل بحري كل الحب والتقدير ..
يعاد برنامج أغاني وأغاني بعد الساعة الواحدة صباحاً ودا طبعاً للناس البساهروا .. يعني ناس عمنا صديق الموج ديل يمشوا ينوموا بدري عشان يقوموا لصلاة الصبح
شايف حلقة أمس دي ما لقت قبول عندكم .. الحلقة كانت عن النسيم وما أدراك ما النسيم .. وتصدرها شاعر النسيم الراحل عمر البنا .. وتغنى أيضاً عصام محمد نور بأغنيته يا نسائم وكانت الأغنية الوحيدة الجديدة والباقي من الحقيبة .. نسيم الروض زورني في الماسية وجيب لي الطيب من جناين آسيا وأنعش روحي ..
ولا عزاء لرابطة معجبي أفراح عصام لأنها كانت موجودة وغائبة
| |
|
|
|
|
|
|
Re: أغاني وأغاني.. للقدامى والمستجدين.. (Re: معتصم دفع الله)
|
Quote: حلقة مع شاعر وحلقة مع مطرب (عبد العزيز المبارك) |
أعتقد يا باش برضو شفنا الفنان إبراهيم حسين في دعاية البرنامج..
_____ شكرا معتصم دفع الله.. الناس أمبارح إجتمعت عليها اتنين: إعلانات وقطع ارسال.. خبطتين في الراس توجع، او كما قال..
| |
|
|
|
|
|
|
Re: أغاني وأغاني.. للقدامى والمستجدين.. (Re: Hussein Mallasi)
|
الاستاذ صديق الموج وحبيب نوره بهديكم قلبي انت ياطيب ==== من زمن عيان وانت ماك طيب
قلت ياصديق يوصلوا الكهرباء من وين .................................... ها ها ها
ــــــــــــــــــــــــــــــ تعليقك جميل انت وحبيب نوره وعاملين زي كاكا ورونالدينو في البرازيل
| |
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
Quote: يعني زي أكل المستشفيات... healthy but not tasty |
إن كان الباش يتحدث عن حلقة الأمس فهي لم تكن حلقة ، ممكن نقول ربع حلقه ، كما أنها لم تكن هيلثي ولا تيستي ، حاجه كده مافي ليها داعي ، زي جهاز المغتربين.
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
أستاذنا الجميل طارق ميرغنى
Quote: ونوع معين من الملاريا العاطفيه يعني تخش العضم علي طول وتجيك رعشه كلما
تسمع غناوتخليك تستفرغ شعر وتكسر في العضام |
كلام إبداع قلبت فيهو هوببببببة عديييل هل ترى من أثار رمضان كتر لينا من هذا الصيام أقصد هذا الكلام
معليش تخريمة مع معرفتى بحبك لأداء عاصم البنا ولكن فى نظرى الشخصى وقد أكون مخطئ فأن عاصم بعد نهاية هذه الحلقات بنهاية رمضان أكتر واحد عليه أن يراجع أداءه أى نعم الأحترافية موجودة ولكن بتقليدية شديدة هل ستكفى للمستقبل الله أعلم
إبراهيم عبد الحليم
| |
|
|
|
|
|
|
Re: أغاني وأغاني.. للقدامى والمستجدين.. (Re: إبراهيم عبد الحليم)
|
الأخوة فى هذا البوست المميز لكم التحية وخليتونى من مدمنى هذا البوست براى بكون خشيتوا زى كم مية مرة وعاجبنى بتاع البيز والثنائية البين محمدية والتانى بتاع الكمنجة أفتكر أسمه أسماعيل جدا
لاحظ نجوم الغد يمين عمنا السر قدور عندهم خامات صوتية ما شاء الله بقليل من الصقل والعلم بيفوتوا توش لاحظت شريف الفحيل بينزل بهدوء فى الغليظ وبيصعد بأرتياح فى الحاد كذلك ألاحظ أفراح ذات لونية غريبة ولكن محببة ألخ
بشجع اللعبة الحلوة
إبراهيم عبد الحليم
| |
|
|
|
|
|
|
Re: أغاني وأغاني.. للقدامى والمستجدين.. (Re: الزوول)
|
Quote: قلت ياصديق يوصلوا الكهرباء من وين .................................... ها ها ها |
وليد عبد اللطيف.....رمضان كريم
الحمد لله الادانا لسان نتحدث بيه نيابة عن ناس كتار مقطعنوا فى حنانهم..... عالم جبانات بشكل...
| |
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
Quote: لكن ما اشوفك بى جاى تانى،،، |
كيفن الكلام دة يا ودالموج..؟؟ اها مراعاة لشعورك الرهيف ! بقيت ارسل ليك صور افراح الاحمر والازرق والبني لحد ما خلينا المنبر chocolate box دحين تقول لقريبتي كدة .. اها شوف البصورليك تاني ..
| |
|
|
|
|
|
|
Re: أغاني وأغاني.. للقدامى والمستجدين.. (Re: الطيب شيقوق)
|
حلقة لابأس ...
تميل الى الجمال اكثر ماأعجبنى فى الحلقة تواصل جميل وارتياح من الفنان الجميل عصام محمد نور
مع مبدعى كنبة الاحتياطى تحس بانسجام بينهم ساهم فية عصام ,,,
التحية لصديقى عمر القصاص مايسترو الفرقة اليوم افرد لة المخرج مساحة هو وصاحب الصوت الشجى ..
شبل الاسرة الفنية للمرحوم أحمد الطيب الذى اشجانا بصوت متفرد من والدة وشقيقة عماد ...
برغم تحفظاتنا بترديد اغانى الحلقات للمواسم السابقة ابدع عصام فى أغنية عيونى وعيونك ...
نادر خضر يخطو بثبات فى هذا الموسم ....
فى انتظار افراد مساحة من المخرج للجندى المجهول البارع محمد بشير عازف البيز جيتار ....
| |
|
|
|
|
|
|
Re: أغاني وأغاني.. للقدامى والمستجدين.. (Re: الطيب شيقوق)
|
Quote: معليش تخريمة مع معرفتى بحبك لأداء عاصم البنا ولكن فى نظرى الشخصى وقد أكون مخطئ فأن عاصم بعد نهاية هذه الحلقات بنهاية رمضان أكتر واحد عليه أن يراجع أداءه أى نعم الأحترافية موجودة ولكن بتقليدية شديدة هل ستكفى للمستقبل الله أعلم
|
اخي الفنان ابراهيم عبد الحليم يعجبني في اداء عاصم البنا قوة الصوت وعدم خوفه من الدخول في مزالق السلالم وغيرها
رغم حساسيتي الشديده من معظم اولاد البنا" طربا " .
وبخصوص الاحترافيه لا اعتقد ان في هؤلاء الشباب من عنده من اعماله الخاصة ان يصل تلك المرحلة عدا عصام محمد نور
ايضا وبكل وضوح رغم جمال صوت عصام محمد نور واعجاب الكثيرين به الا انني لا اعجب بالنياصه والثقه اكتر من اللزوم
قصدي الحتات التي يشعر فيها الفنان بانه وصل.....
اما يا صديق الموج اللمبه بتاعتك طلعت فانوس ساكت....وميه وعشره كمان ما متين وعشرين!!!
| |
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
"بهاك".. وقلبي في يدّي..
هذه من أغنيات ابن البادية الجميلة جدا.. ولما يغنيها مع فرقته الخطيرة، تثمل الدنيا طربا..
فردتنا كان حذر.. واوكيه فيها.. لم يتجلّى.. ولم يبهدل الأغنية.. كان ماشي جنب الحيط يعني
____
Quote: ايضا وبكل وضوح رغم جمال صوت عصام محمد نور واعجاب الكثيرين به الا انني لا اعجب بالنياصه |
أتفق معك في هذه طارق ميرغني..
____ افراح بتوب الجرتق.. بلدي أوي..
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
اغانى واغانى
برنامج لم ينجح فى تقديم صورة شاملة للغناءالسودانى
قدور حصرالغناء فى تجربة الحقيبة ثم ما يسمى بالغناء الحديث والذى لم يخرج كثيرا عن قوالب الحقيبة
تجارب جديدة فى الغناء السودانى لا تجد حظها بالرغم من اهميتها
مثال غناءالفرق الجماعية عقدالجلاد ساورا البالمبو
تجربةمصطفى سيد احمد وتجربة الشعرالغنائى المختلف عند القدال حميد الكتيابى السرعثمان محمد نجيب محمد على التجانى سعيد سعد الدين ابراهيم عاطف خيرى
قدوروفى جدا لمن عاصرهم والاصدقاء
ولكن الغناءالسودانى اشمل واجمل من ذلك بكثير
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
اغانى واغانى
برنامج لم ينجح فى تقديم صورة شاملة للغناءالسودانى
قدور حصرالغناء فى تجربة الحقيبة ثم ما يسمى بالغناء الحديث والذى لم يخرج كثيرا عن قوالب الحقيبة
تجارب جديدة فى الغناء السودانى لا تجد حظها بالرغم من اهميتها
مثال غناءالفرق الجماعية عقدالجلاد ساورا البالمبو
تجربةمصطفى سيد احمد وتجربة الشعرالغنائى المختلف عند القدال حميد الكتيابى السرعثمان محمد نجيب محمد على التجانى سعيد سعد الدين ابراهيم عاطف خيرى
قدوروفى جدا لمن عاصرهم والاصدقاء
ولكن الغناءالسودانى اشمل واجمل من ذلك بكثير
| |
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
Quote: "بهاك".. وقلبي في يدّي..
هذه من أغنيات ابن البادية الجميلة جدا.. ولما يغنيها مع فرقته الخطيرة، تثمل الدنيا طربا..
فردتنا كان حذر.. واوكيه فيها.. لم يتجلّى.. ولم يبهدل الأغنية.. كان ماشي جنب الحيط يعني
|
شرحو يا نجوان .. صراحة ما بدور حد يقرب من صلاح ويحاول يغني ليهو .. أغاني صلاح إحساسة خااااااااااص جداً .. وبي صلاح بس !!
| |
|
|
|
|
|
|
Re: أغاني وأغاني.. للقدامى والمستجدين.. (Re: طارق ميرغني)
|
* أفيدونا أفادكم الله... هل إستضافة أحد تعني أن يتحدث الضيف و يحكي عن تجربته و ذكرياته أم أن يحكي أبو الكلام ذكرياته عن نفس الضيف؟
* أخيراً سطع نجم عصام الطيب و كانت ( صدٌقت العيون ) فاكهة الحلقة... يبدو أن البِدَل كانت كُج !
* إبرة شنو و خيت منو... دا شيتاً أصلو ما شفناه..لا في الناس و لا في الريش!
البدلة الأورانجا ما شفت زيها الا - خير اللهم اجعلو خير - في غوانتانامو و ألكاتراز . * عبد الله نجيب كان بيفتش في شنو ؟؟
| |
|
|
|
|
|
|
Re: أغاني وأغاني.. للقدامى والمستجدين.. (Re: Alsa7afa_30)
|
عصام محمد نور كان مجيدا ونادر خضر تحسن اداؤه كثيرا
ود البنا لم يكن موفقا في (من بهاك) اعتقد لو كان غناها فرفور كان حا تكون كويسة عموما الاغنية دي اي زول يغنيها لو الجن ذاتو ما حا يغنيها زي ود البادية بجننها جن ياخي يسويلا سوات السمن في كعك العيد
| |
|
|
|
|
|
|
|