|
Re: أغاني وأغاني.. للقدامى والمستجدين.. (Re: abubakr)
|
البرنامج السنه دي باهت شويه, عاصم تراجع للخلف و يمكنت مشاركته لافراح عصام دي خربت عليه لانه الاداء بقى ما مفهوم لكن يبقى هو روح البرنامج بس كنا نتمنى تطور اكثر,
ناس الكنبه ديل كان مفروض حلقتين ثلاثه او كل واحد حلقه و خلاص يعني ما في داعي الزامي طوال الشهر, اولا زمن البرنامج ظالمهم, ثاني أصواتهم ما ماشه مع السناير.
أفراح اعتقد اننا كفينا ووفينا في موضوع الصوت المسهوك و الحواجب الابليسي :) كيتن في ود الموج
رماز اتظلمت شويه, صوتها جميل لكن ما حنقدر نحكم لغاية ما عمنا يديها فرصه منار صوتها حلو لكن ما مناسب للطبقات العليا.
اللبس حدث و لا حرج
نادر خضر ما كان يقدونا بيه طوال الشهر يعني لو غاب هو الكم يوم ديل بدال فرفور كان اخير
فرفور مبدع لو خفض الدسبل شويه
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
مازالت الشمعة سهرانة ...
ربنا يتمم الشفاء لمبدعنا أبراهيم حسين فنان الطرب واللحن المتفرد ...
يتجلى عوض احمودى فى الصلو بالعود لجمال الالحان ورقتها ...
لم يوفق عمنا السر قدور فى اختيار قالوا الزمن دوار لنادر خضر الاغنية تشبة منار&رماز & افراح ،،،
افتكر بانها كانت تغنى فى رقيص العروس سابقا
لوما الموروث دا اندثر ياممكونة ونجوان ...
حلقة رائعة مقارنة بالحلقات الاخيرة
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
انت يل ا ابو بكر: دحين دى ما هدوم اول امس زاااتا؟ يعنى ابو خليل دا ما كان بستاهل حلقة لوحده بدل تمومة حلقةعيون عيون حلقة جديدة موش باتة الجماعة ما مغيرين وحتى انو عمك ما تذكر الزرارة الما مزررة وحتى الولد الجديد استقبلوه بهدوماول امس
| |
|
|
|
|
|
|
Re: أغاني وأغاني.. للقدامى والمستجدين.. (Re: حسن سنوسى)
|
Quote: انت يل ا ابو بكر: دحين دى ما هدوم اول امس زاااتا؟ |
ياها زاااتا .. ما اللبسة حلقتيين حلقتيين .. بشان كدة ممكونة ونجوان سون " المشغل الفني للالبسة والشراريب الغنائية " انت بس احجز ليك قطعتيين لزوم السهرة الجاية ...
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
السلام عليكم ...... أغنية محمد عثمان كجراي "خلاص يا قلبي كان خاصم" هذه الأغنية الحزينة .... كنت أتمنى أن تغنى بدون أورغ لأن سعد والقصاص مع اعترافي بتمكنهما ...ولكني كنت أحس بالإزعاج وبالجوطة الشديده لصوت الأورغ... يا ريت لو كانوا اكتفوا بالعود والكمنجات فقط مع الإيقاع ........ لا أعرف ما هي فائدة استضافة الضيف إذا كان كل مفهوم الإستضافة هو توزيع أغانيه انت يا فلان قول كده وانت يا فلان قول كده على الأقل قول لينا الضيف ده منو ياخي معلومات أولية ساي مافي ...... لا أعرف ولكني عندما أسمع أغنيات ابراهيم حسين يخامرني شعور بأن فيها الكثير من لمسات محمد عثمان وردي مختلط مع ألحان صالح الضي البيوافقني منو؟ .....
| |
|
|
|
|
|
|
Re: أغاني وأغاني.. للقدامى والمستجدين.. (Re: الزوول)
|
Quote: لا أعرف ما هي فائدة استضافة الضيف إذا كان كل مفهوم الإستضافة هو توزيع أغانيه انت يا فلان قول كده وانت يا فلان قول كده على الأقل قول لينا الضيف ده منو ياخي معلومات أولية ساي مافي |
والله يا الزول: دا اكثر سؤال منطقى
الفكرة الاساسية انو عمك هو الراوى الاوحد.. يعنى مافى زول يشاركو فى القصص البحكيها واذكر فى ذلك الوقت عندما كانت تتم استضافة عمك وكان وقتها تقدم البرنامج نسرين سوركتى كان كل الناس بتمنوا انو يدو عمك دا فرصة اكبر للحكى للفائدة المرجوة من حديثه بحكم انه عاصر وشهد مناسبة وميلاد معظم الغناء السودانى السنة الاولى كان موفق لحد كبير.. لكن بدأنا نشعر بالرتابة منذ العام الماضى واستبشرنا خيراً لهذا العام عندما شفنا عدد من الضيوف من خلال الدعاية للبرنامج قبل رمضان لكن اكتشفنا فيما بعد انو الناس ديل بجو سااااى عشان كدا ما كان فى داعى للضيوف البستضيفوهم ديل.. يعنى عمك يجيب الفنان عشان يطعم بيهو الحلقة بس؟؟.. الضيف غير مسموح له ان يحكى مناسبة اغنية او طريقة لحنها..
على سبيل المثال اذكر ان الفنان ابراهيم حسين تمت استضافته فى احد البرامج فى الاذاعة وحكى انه عندما قابل كجراى فى نادى الفنانين وشال منو اغنية شجون.. كان ماشى فى خور ابى عنجة من جهة الموردة.. وعندما وصل العباسية لحن المقطع الاول من الاغنية.. افتكر قصص زى دى ممكن يتم اختصارها.. وتكون الفائدة اكبر يعنى اذا اساسا هنالك شغل اخراجى برؤية فنية يمكن ان يتم تطوير البرنامج كأن يطلب من الضيف ان يحكى قصة احد اغنياته بدل القعدة ساى دى
غايتوابو خليل مرق كييت من الحلقة دون ان يحظى باداء احد اغنياته.. محمد ميرغنى ماخلى عمك على طريقتو (قول لينا الاغنية دى يا فلان) قالع الجماعة ولاواهم ملاواة شديدة وما خلى اى اغنية تتغنى الا وتدخل فيها بالقوة (اهه وكيف ناوى تعمل بقلوبنا وحنانة) دى قلعها بيدو
انا والله بامانة.. تالمت لابو خليل عندما قال: انه يتشرف بان يشارك مع هؤلاء الشباب واذا اساسا الشباب ممنوعبن من الكلام كان يتكلم عمك بلسانهم ويقول للضيف ان هؤلاء الشباب يشرفهم ان ان يكونوا فى معيتك ويسعدهم ان يقومو باداء اغنياتك بدل الصورة المقلوبة دى ..
(نحلف قلبك القاسى بكل حنان مودتنا..) الله يطراك بالخير يا اسرار بابكر
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
في رحاب الرائع الأستاذ إبراهيم حسين..
هذا كان يوم الفرقة الماسية دون شك.. تجلّى العازفون وأبدعوا..
_____ للأسف.. الغنا كان بتاع الجمعيات الأدبية.. نادر خضر وفّق نسبيا اكتر من غيره.. عصام محمد نور اعطوه أغنية من درر إبراهيم حسين.. قتلها بالنياصة.. (بدأ يزّهج فعلا) فرفور.. الأغنية غير مناسبة لصوته، كان محتار من بين تخفيض الصوت والكواريك.. (غير موّفق) فردتنا.. أداء مش ولا بد.. متوسّط على أحسن الفروض..
جلس إبراهيم حسين يستمع لإبداعاته تذبح شتارة بين شفاه نجوم اليوم..
_____ فرفور ما زال يهرجل.. متجاهلا أن لكل مقام مقال.. ما شاف تهذيب العمالقة؟؟ زيدان.. السني الضوّي.. محمد ميرغني.. واليوم إبراهيم حسين
_____ امنياتنا بعاجل الشفاء لأستاذ ابراهيم حسين والأمنيات لجلال الدين بالتوفيق.. (نفس رصانة والده)
| |
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
ـــ سلام لصاحبة البوست الضخم وللجميع ورمضان كريم ,
بكل صراحة أنا مغيوووووظ من بتاع الكاميرا واليوم زاد عليّ الضغط والسكري مابين (قراحة) و(صلعة) فرفور , بالله فرفور إنت من زمن (القراحة) ههههه
ليه بتاع الكاميرا بيمرر الكامير في وجه زيماز (وكف) يحولها ؟! ولا بيخلينا نتمعن الإبتسامة البرئة دي , يشكوك ليّ منو بس وروني ؟!
الله يغيظ كان غظتني ..
| |
|
|
|
|
|
|
Re: أغاني وأغاني.. للقدامى والمستجدين.. (Re: emad altaib)
|
* مع فائق احترامي و اعجابي بالفنان الكبير ابراهيم حسين ..لكنها كانت ايضاً حلقة اورديحي... لعب فيها ابو الكلام دور السائل و المُجيب..و اكتفى الضيف بالفُرجة!
* عشناكَ غُنا...جلال الدين ابراهيم حسين صوت قوي واعد...شريف في اغنية تلائم صوته.. اداء جميل و مميز..دويتو ممتاز... كانت لتكون more romantic لو غناها احدهم مع واحدة من دكة الاحتياطي.
* عوض احمودي هو نجم الحلقة بلا منازع.
* يا جماعة الخير...حتى جلال الدين خالي شراريب...هل دا شعار البرنامج؟؟؟ .....................................................................................
لو جارت عليك ايام...تعال لي عيونا بتشيلك.
| |
|
|
|
|
|
|
Re: أغاني وأغاني.. للقدامى والمستجدين.. (Re: emad altaib)
|
نجوان والجميع سلام ..
بوست في قمة الروعة و بلذات تعليقات الباشمندس ابوبكر والتى جعلتنى في حالة ضحك متواصل لمدة 6 ساعات - لاني قريت البوست كلو اليوم بعد انقطاع شهر عن الاسافير و عشرين سنة عن تلفزيونات السودان و برامجه و شعراءه ومغنيه واخباره و دعاياته (من لمن كنت في الروضة)
حقيقي تعلمت الكتير من هذا لبوست واستمتعت بكل حرف كتب فيه - و شكرا لشاعرنا الكبير عبدالله وداعة الامين والزول لتطعيمه بالوصلات وجعلتنا نشوف ونسمع..
مع اني ما بفهم في السلالم والملفات والنوت والكلام الكبير دا لكن احساس ساكت بقول ليكم اي زول قال انو افراح عصام دي صوتها ضعيف وما عارف ايه ربنا حا يجروا من اضانوا و يدخلوا جهنم و يقفل الباب بالمفتاح..
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: للأسف.. الغنا كان بتاع الجمعيات الأدبية.. |
اها بعد الشفناه وسمعناه في 14 حلقة بقينا نبوس ايدينا وش وضهر لمان الحلقة تنتهي علي خير .. الضيوف الباقيين اتنين بس السر دوليب وعبد العزيز المبارك والاتنين دييل كل املكم في دوري الدافوري دة .. قول ياباسط
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
عاصم البنا كان حردان و فى شىء زعلو؟؟ او يمكن بدلتو اللامعة دى كانت مسخنه بيهو..
ولد ابراهيم حسين ده خلوه كده بدون تعريف انا كنت قايلاه واحد جاى موصل ابراهيم حسين و حلفوه يحضر التصوير ....
فرفور اتورط ورطة السنين....
| |
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
ابراهيم حسين فنان قامة لا شك في كدا وكنت اتوقع ان تكون الحلقةاجمل من كتر ومرتب ليها اكتر من كدا
ولا اغنية من الاغنيات اتغنت بطريقة صاح رغم انو الفرقة الماسية ادت دورها تماما بين الاورغ والعود
ولكن الاصوات لم تكن مناسبة مع الاغاني والعالي والهابط في الاغاني ما كان مناسب مع مؤدي الاغنية
ولم اجد اي فائدة من حضور الاستاذ طالما انو ما حيغني براهو او على الاقل يكون له وصلاته مع مشاركين
عصام كان جسد دون روح في الحلقة
لبس افراح قاسي في الوانه جدا ومجهر
جلال وشريف اداء جميل
رماز مكياج اكتر من اللازم
عصام احمد الطيب صوت جميل لا شك في ذلك
نادر ما قدر على اداء الاغنية
فرفور صرخ اكتر مما يحتاج الوضع
ودا رائي
وســــــــــــــلام
| |
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
والله ياجماعة انتو عايزين النصيحة ولا الكظب...
الحاجات البتحصل في البرنامج دة كللللها هينة ومقدور على احتمالها الشي الوحيد الكعب وبلعو صعب هرجلة ولعب وخفة دم فرفور، والشي التاني -وزي ماقالت اختي- انهم لمو ليهم في واحد من دكاكين سعد قشرة باع ليهم طاقات ستان مشو خيتوها في اقرب خيات وجو قشرو/ طششو لينا عيونا بيها (مع عدم مراعات الألوان والأحجام)...
ست البنيـــــــــــات
| |
|
|
|
|
|
|
Re: أغاني وأغاني.. للقدامى والمستجدين.. (Re: Mayada)
|
الزوول
Quote: أغنية محمد عثمان كجراي "خلاص يا قلبي كان خاصم" هذه الأغنية الحزينة .... كنت أتمنى أن تغنى بدون أورغ لأن سعد والقصاص مع اعترافي بتمكنهما ...ولكني كنت أحس بالإزعاج وبالجوطة الشديده لصوت الأورغ... يا ريت لو كانوا اكتفوا بالعود والكمنجات فقط مع الإيقاع |
فعلا حصلت لخبطة واضحة في الأغنية دي.. شريف و جلال الدين تفوقوا في الأداء.. عصام محمد نور لم يوفق و نوم الأغنية و ابراهيم حسين كان واضح عليهو الاستياء من ذلك و حاول احياء الأغنية بصوته الرائع و وضح الفرق الكبير.. أحمودي قمة الابداع.. حلقة جميلة بصورة عامة و أفضل من الحلقتين السابقتين..
| |
|
|
|
|
|
|
Re: أغاني وأغاني.. للقدامى والمستجدين.. (Re: Mayada)
|
Quote: - انهم لمو ليهم في واحد من دكاكين سعد قشرة باع ليهم طاقات ستان مشو خيتوها في اقرب خيات وجو قشرو/ طششو لينا عيونا بيها (مع عدم مراعات الألوان والأحجام)... |
يابتي ست البنيات الموضوع دة حيحسمو في المستقبل انشااالله "المشغل الفني" بتاع نجوان وممكونة .. وبعدين الستان دة ما ياهو الموضة وانتي يمكن ما متابعة الا الواحد يجيب تايرا يعني؟؟ .. اصبري عليهم وابشرك قريبا قريبا حتشوفي شراريب توتال .. الصبر طيب ...
______
ان نقدكن عظيم
| |
|
|
|
|
|
|
Re: أغاني وأغاني.. للقدامى والمستجدين.. (Re: maia)
|
Quote: مرة تانية افراح دي ما في زول نصحها او شافها وهي داخلة للتسجيل من طاقم البرنامج وقال ليها با بت الناس الفستان الاحمر ده كارثة .. كارثة بلا حدود |
يابنات انتن ما بتعرفن الموضة ؟؟؟ اشمعنا يعني نفسكن بينقطع يوم المريخ لاعب ما دة احمر وداك احمر ؟؟ خيار وفقوس يعني .. حكم
___________
ان نقدكن عظيم
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
ابوبكر وهي اي موضة الزول بباريها ساكت الزول يلبس البناسبو من ناحيةالشكل واللون والمقاس
والمقاس دا اهم شي
ستان احمر مع كحلي كل واحد فيهو لمعتو براهو
دا تلبسو في صبحية في بيتهم بس ما توجع عيونا بالالوان دي
| |
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
Quote: ستان احمر مع كحلي كل واحد فيهو لمعتو براهو
دا تلبسو في صبحية في بيتهم بس ما توجع عيونا بالالوان دي |
تعرفي ياشبكة الخلل في تلفزيوناتنا فضائية او ارضية والتي بها معدات وتنقصها كوادر فنية قادرة علي الاعداد والانتاج والاخراج ... بعض من مهمة المعديين للبرامج الجماهيرية وغيرها هو التاكد من هيئة من تسلط عليهم الاضواء ويقابلون الجماهيير .. فمعظم الذين يقابلون الجماهيير من خلال منافذ تلفزيونيةعالمية ومحلية يتعرضون الي كم هائل من التعدييل في الهيئة واللبس بايدي مقتدرة وعليمة بحيث لا يحدث مثل الذي ؤيحدث في منافذنا التلفزيونية والاعلامية عموما ...حتي رؤساء الدول يتعرضون الي تلك حين يخاطبون الجماهيير من خلال شاشات .. الخ ....
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
ابوبكر وظيفة اللبيس دي وظيفة مفهمومة في كل دول العالم الا السودان اعتقد انو بيكون في حرج اذا واحد قال لزول بالله صلح قميصك او احشيهو جوة البنطلون او ارفعي الطرحة او قللي من البوهية الفي وشك او اللبيس زاتو يكشح عليها جردل موية تغسل بيهو وشها
غايتو راجينا كتير
ودا كلو ما يمنع انو اعلى نسبة متابعة ومشاهدة للبرامج هو اغاني اغاني من المحليين والمغتربين
| |
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
Quote: وظيفة اللبيس دي وظيفة مفهمومة في كل دول العالم الا السودان اعتقد انو بيكون في حرج اذا واحد قال لزول بالله صلح قميصك او احشيهو جوة البنطلون او ارفعي الطرحة او قللي من البوهية الفي وشك او اللبيس زاتو يكشح عليها جردل موية تغسل بيهو وشها |
زمانك كنت احاول اعلل سبهليلة اللبس عند السوداني لضيق ذات اليد ولكن في غربتي الممتده عقود اكتشفت ان الامر ليس ماديا ولكنه مرتبط بالانسان السوداني او غالبه سواء لبس من بيير كاردان واللا ارماني واللا اي مصنع صيني ... اللبس الجميل المهذب ليس بالضرورة ان يكون غاليا .. الهنود وهم شعب ملياري والفقر عندهم استوطن الا ان لبسهم ما بلعبو فيه .. الترزي الهندي نسائي او رجالي يعرف اخر موضات اللبس وباسعار زهيدة ...
نعاني في العمل من طريقة لبس السوداني وعدم اهتمامه بتفاصيل ما يلبس وهندامه وهذا اعطي صورة سالبة عنا ...
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
ابوبكر مثلا هنا او في اي دولة خليجية المواطنين بحترموا الجلابية دي جدا وتلقاها كسرة مافيها والكرفسة الا تجيب ليها منظار حتى تشوفها عكسنا تمام ودا الواضح في اغاني اغاني وفي معظم البرامج التلفزيونية وتاني في مشكلة تمييز اللبس المناسب للمكان المناسب ودا خير مثال ليهو بنات نجوم الغد في اغاني اغاني وفرفور وتحديدا في حلقة امس يعني ما بقدر اتحمل زول لابس فل سوت والجنبو طوالي لابس قميص زرايرو مفتوحة(نادر) والجنب البهناك لابس تي شيرت بني بابيض وبنطلون جينز وعمنا لابس فل سوت فيها مية لون
يا لبيس وينك
جيبوا ليكم كم واحد من البقشرو في الحفلات ديل ومتاكدة بشتغلوا معاكم متطوعين ياناس التلفزيون لغاية ما تجي الميزانية الجديدة وتضيفوا فيها وظيفة لبيس عشان يكون عندو مرتب شهري وبدلات ويبقى موظف حكومة وبعد داك ي شتغل براحتو يوم يجي ويوم لا زي بتاع الصوت الهسة قاعد في اغاني اغاني دا
| |
|
|
|
|
|
|
Re: أغاني وأغاني.. للقدامى والمستجدين.. (Re: SHIBKA)
|
ياشبكة مهنة اللبيس دي مهنة بتجيب فلوس كتير وعايزة معرفة وذوق عالي وهي مكلفة وزمانك كان اللبيس او اللبيسة للملوك والملكات والزمن دة لل celebrities عموما .. واشهر لبيس في تاريخ السودان ومصر هو المرحوم العم السليماني ( ناس نمرة اتنين بيعرفو الاسم كويس) وكان لبيس الملك فاروق وكان مطلوب لسلطات انقلاب 52 فهرب وعفي عنه الريس عبدالناصر في اول زيارة له للسودان وهو طبعا من اندنا لانو دي ما شغلانة ساااي اي واحد ينط فيها ونحن معروفيين بالشغلانات الاهم زي دي و الشفات والسيكيورتي بس الزمن بطال خلانا نشتغل مهندسيين وحكما وشغل سااي .. اها عمكم السر بيعرف حاجات زي دي ؟؟ دة بيعرف غنا بس وعامليين ليهو حلقات وبوستات ونحن البنعرف التاريخ ما في زولا جايب خبرنا قال اغاني واغاني ...
| |
|
|
|
|
|
|
Re: أغاني وأغاني.. للقدامى والمستجدين.. (Re: Manar Mahsoub)
|
Quote: ولد ابراهيم حسين ده خلوه كده بدون تعريف انا كنت قايلاه واحد جاى موصل ابراهيم حسين و حلفوه يحضر التصوير |
لاحولا.. يامنار ياقريبتي نحن في رمضان واصلو دايما بشككو في ايمانا فبالله خلي الموضوع دة لناس الزوول .. وبعدين كمان وكما قال الزوول " خذ الفيلية وخلي الكمونية " يعني اسمعي بس وغمضي عيونك
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
سلااام ..
الفنان إبراهيم حسين رد الله عافيته فنان يجبرك على سماعة وله قدرة عالية في التطريب .. كنت أتمنى أن تكون الحلقة رائعة كروعة أغانيه .. لكن في النهاية الواحد قدر يطلع بإنطباعات عن البرنامج كله ..
أولاً عمنا السر قدور قاعد يجامل كثيراً في إختيار من يؤدي الأغنيات حتى ولو ما مناسبة له .. ودي بقت زي لاعبي الكورة المدرب أو الإداري يصر على إشراكه حتى ولو لياقته في الواطـة .. علماً بأن البرنامج مسجّل وليس مباشراً كان ممكن تدارك الكثير فيه وعدم كلفتته .. ثانياً ودي زي حال الكثير من حاجاتنا السمحة تبدأ جميلة وتنتهي بالسخط والتندر .. ثالثاً أنا ما عارف فنانينا بلوكو الكلام في آخره ليه مرات كثيرة ما بتعرفه بقول شنو .. يعني زي البتمها كده والسلام .. اصحوا يا شباب الشعب السوداني دا حافظ غناء كويس يعني ما ح يغفر ليكم هفواتكم دي وتمرروها زي القون الاستروبيا ..
غايتو الله يقدرنا نتابع باقي البرنامج ..
| |
|
|
|
|
|
|
Re: أغاني وأغاني.. للقدامى والمستجدين.. (Re: معتصم دفع الله)
|
يا معتصم الشعب السوداني حافظ غنا كويس وبرضو بيشوف كويس...
يعني افراح الشعب تخت المايكروفون بعد كل كوبليه او شيله زي شغاله بنظام
" تشكي من الطريحه تقول تقيله " ولا شنو يا موج؟؟؟؟
ما زال هضم حقوق الفنانه رماز ميرغني مستمرا رغم قناعتي التامه من اللويحظات التي شاركت فيها
بان امكانياتها اكير من كثير من الموجودين
نادر خضر ابدع في قالوا الزمن دوار
| |
|
|
|
|
|
|
Re: أغاني وأغاني.. للقدامى والمستجدين.. (Re: Hussein Mallasi)
|
.. . انت وينك يا عمكـ !! يوم الجمعة ما رديت على مكالمة منتصف الليل
حقيبة الفن غزت النادى الامريكى وانتقلت مع تمتمام وفرفور وعباس تلودى وحسين شندى ومعهم مع حسرة افراح عصام.. جلسة للرابعة صباحا .. فى دولة التوجه الحضارى؛
________
عن الحضور حدث ولا حرج ولكن لا نحدث الا عبر الهاتف
| |
|
|
|
|
|
|
Re: أغاني وأغاني.. للقدامى والمستجدين.. (Re: Tabaldina)
|
Manar Mahsoub أقدم إعتذاري الشديد لعدم ردي علي المداخلة أدناه لأنني لم أشاهدها ( عذر أقبح من الذنب)
Quote: فيصل نوبى اسيقنى اربى بجى كودن تجى ( قابلة للتصحيح من اهل الذكر) |
أول مرة أقراكـ في البوست ده ... عندكـ طريقة جميلة جداً .. لفتت نظري لدرجة إني مشيت فتشت مداخلاتكـ من الصفحة الاولي و لقيتها بادية من التانية .. فعذراً يا قريبتي ..
_ خلينا بالعربي عشان ما يقولو بينبذو فينا
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
الاخت الفاضلة نجوان
رمضانك كريم
بوست جميل يا ريت المعد والمخرج يرجعوا ليه عشان يتفادوا البهدلة البنشوف فيها
المحزن شكل البنيات الفنانات ذى المهرجيين ببهرجة الميكياج وعدم تناسق الالوان ونوع اللبس
محل المخرج اقول ليهم عليكم الله ادخلو الحمام واغسلو وجهوكم وتعالو للتصوير بس نقول شنو رحم الله الفن واهل الفن.
استغفرتك يا مالك روحى
| |
|
|
|
|
|
|
Re: أغاني وأغاني.. للقدامى والمستجدين.. (Re: انتصار محمد صالخ بشير)
|
يا ممكونة ووجن (معليش يا وجن بدية بي ممكونه لانو تاريخياً ممكونتنا دي موسسة لمثل هذا البوست) واخواتهن واخوانهن ، سلام جاكم وسنتكم طيبة ورمضانكم كريم . طبعاً البوست ده حقو ناس كنبة الجُداد والقدام يقروهو وناس التلفزيون الطائر والراكي برضو يقروهو بوست تحفه وبيفتح عيونهم وعقولهم لقصص وحاجات كتييييرة عندي تعليق مهم شايفو لانكم ما خليتو لي حاجة اقوله اول شي البرنامج ده مفروض يسموهو حكايات عمكم قدور مع الاغاني والاغنيات والفنانين . الشي التاني ابو كلام ده بيختار الاغاني النافعه معاهو وبيسمعه للناس . وجهة نظري ببساطة وحسب ما بسمع وبشوف وبالدرجات :- عاصم البناء :- يوم 6 ويوم4من 10(وضعه غير مستقر) فرفور:- 5من10 عصام نور:- 7من10 (مفروض يتحرك ويتفاعل اكتر) نادر خدر:- يتحرك مابين 5الي 4من 10 كنبة اللعيبة الجدد:- منار هي قائدة التيم دون منازع 7من10 شريف الفحيل :- في حلقة زيدان وصل الي7من 10 وبعدها يتراوح مستواه بين 7الي 5من10 ريماز:- من6الي5من10 افراح:-4من 10 وفي كتير من الاحيان يصل مستواها الي مرحلة لا تقدير . السر قدور:- مستقر في 5من10 عندي ملاحظة :- من زماااان لما البرنامج ده بدأ كان في مقدمة للبرنامج ده والسر قدور كان ضيف مشارك أو مقدم مساعد ما فاكر لكن الفاكرو تمام انو السر قدور في يوم احرج مقدمة البرنامج احراج شديد لدرجة انو الدورة الجديدة في البرنامج لقينا السر هو المقدم الاوحد ومن اللحظة ديل لحدود الليلة بشعر انو كل النجوم القدام ساكتين وهارشين وما بقدرو يقاطعو عمنا ده لانو عارفين روح مدير المدرسة وروح استاذ الرياضيات العندو . غايتو انا لو بتاع البلاتوه باب الاستديو ما بفتحو لو الناس دي لابسه مبشتن وسجن سجن غرامه غرامه . ياخ عندي مثل عاجبني شديد واحد فيكم ياخد الاجر فيني ويدخلو لي في جملة مفيدة داخل البرنامج ده والمثل هو:- مالنا ومال دقو وشالو عجلتو.
يا وجن واخواتها واخوانها :- لو سمحتو ياخ عندي مشاركة راتبة عايز انزله في البوست ده ممكن؟
| |
|
|
|
|
|
|
Re: أغاني وأغاني.. للقدامى والمستجدين.. (Re: سفيان بشير نابرى)
|
اغانى قدور بتتحرك فى الفترة بتاعت الحقيبةحتى ظهور احمدالمصطفى الشفيع عثمان حسين
الاغانى محصورة زمانيا نهايةالاربعينات حتى نهايةالستينات
مكانيا
امدرمان وقليلا من الخرطوم
والله السودان دا مليان سماحة غنا
لكن البلد زى ما قلصوها فى السياسةلمثلث حمدى
دايرن يضيقو واسعة الغنا
| |
|
|
|
|
|
|
Re: أغاني وأغاني.. للقدامى والمستجدين.. (Re: سفيان بشير نابرى)
|
اغانى قدور بتتحرك فى الفترة بتاعت الحقيبةحتى ظهور احمدالمصطفى الشفيع عثمان حسين
الاغانى محصورة زمانيا نهايةالاربعينات حتى نهايةالستينات
مكانيا
امدرمان وقليلا من الخرطوم
والله السودان دا مليان سماحة غنا
لكن البلد زى ما قلصوها فى السياسةلمثلث حمدى
دايرن يضيقو واسعة الغنا
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: مالي والهوا بصوت البت الغناية الشاطرة منار |
كلام في محلو يا باشمهندس ابوبكر زيدني من دلك شوية ياريت كان يستلمها عصام محمد نور لانه غناها بالعود في نهاية الثمانينات وابدع فيها. عاصم ونادر تواضع في الاداء الجلسه بعد مانشوف كلام ممكونه ونجوان القصة بقت فيها شرابات ومكينة حلاة ومتر ترزي وماعارفين يطلّعوا لينا شنو تاني
| |
|
|
|
|
|
|
Re: أغاني وأغاني.. للقدامى والمستجدين.. (Re: حيدر امين)
|
Quote: اداء تقريري ..!! ( دة مصطلح نقدي بتاعي انا ...) |
ياهندسة مصطلح قوي احيانانفتش مصطلح قريب ولم نجد عندما نقول هذا الفنان يغني وكانه يقرا نشرة اخبار (اداء تقريري )تشبيه اشمل واجمل تعرف ياهندسة عاصم البنا فنان متكامل ولكن هذا البرامج قلل من شأنه ومرات اقول العيب في البرامج ومرات اجلس مع نفسي واقول العيب فيني انا
Quote: يا ناس كلموهم الماركة دى بقطعوها ما معقول فنانين ومذيعين وضيوف |
حيدر امين كلام في التنك
| |
|
|
|
|
|
|
Re: أغاني وأغاني.. للقدامى والمستجدين.. (Re: حيدر امين)
|
حلقة رائعة روعة السر دوليب ،،
كنت اتمنى حلقة تانية لهذا الميدع ،،
اليوم عمنا قدور قعد مستمع ،،وما احلى الاستماع ،،
ريماز مظلومة ظلم الحسن والحسين ،،، ومنار حلوة جدا ،،
ويا خال ،، البت طلعت مريخابية عملتها ظاهرة ،، بالله مافى غير الاحمر والاصفر ،،
اظن ودالموج موصيها ،،
يا حيدر ،،ياخى عااادي الديباجات دي يعنى ما شينه ولا مقززه
بس دا ما يمنع انه حلقة مميزة ،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: ودالعباسية)
|
Quote: ويا خال ،، البت طلعت مريخابية عملتها ظاهرة ،، بالله مافى غير الاحمر والاصفر ،،
اظن ودالموج موصيها ،، |
ود اختى ....رمضان كريم
عرفتها ياحبيب انت افتكرت هى بتطلع من البيت كان ما شاورتنى فى لون الفستان؟؟ خلى وجن ودانى المكى يموتن بغيظهن... بعدين وحاتك مريخابية بالفطرة.. امسك الخشب،،،،
| |
|
|
|
|
|
|
Re: أغاني وأغاني.. للقدامى والمستجدين.. (Re: baha eassa)
|
كم كنت اتمنى حضور حلقة السر دوليب لكن الله يخلى لينا الرائعين البرفعو لينا الاغانى فى اليوتوب يا جماعة هنالك اغنيات ما بتتغنى الا لاسياده.. ومنها انا والاشواق يا عصام مالك ومال الشبك دى.. غايتو حتى لو يزعلو منى حبايب الماكنتوش لكن (مسامحك ياحبيبى) دى اداء ود ناس ابو صلاح الضعيف داك كان احسن من الماكنتوش.. اما اسرار بابكر.. الله يطراها بالخير فجعلت هذه الاغنية الاكثر طلبالخدمة نغمات الموبايلات
| |
|
|
|
|
|
|
Re: أغاني وأغاني.. للقدامى والمستجدين.. (Re: صديق الموج)
|
التحية لصاحبة البوست ولكل الأخوة المشاركين ورمضان كريم
Quote: عينى بارده زى التلجه فى كباية الكركدى.. |
آمنت بالله .. ولا حول ولا قوة إلا بالله الأخ صديق ويف الدنيا خريف بتعرف فاطمة بت المطرة ... بذاتها وصفاتها ... الحمرة ما مفارقاها ... وتصدق جميلة بشكل ومكسوة قطيفة حمراء ولو ما بتعرف أسأل ناس كردفان ...
- البنية أفراح مبدعة وواثقة من أداؤها ... ولم يرصد لها بخرة حتى في أغاني الحقيبة الصعبة الأداء ... يمكنها أن تشق طريقها بخطى واثقة لنستمتع بصوتها الجميل والمتميز وستكون لها شخصيتها الغنائية يوما ما ... وسنطلق عليها "كوكب الموج" ... كان الله مد في عمركم ... وأهم ما يميزها الهدوء والثقة في النفس مع الأحمر الوهاج ...تركنا عشة الفلاتية بتقبلونا في الرابطة ...
| |
|
|
|
|
|
|
Re: أغاني وأغاني.. للقدامى والمستجدين.. (Re: othman mohmmadien)
|
Quote: على الرغم من حقيقة أني حزمت أمري بألا أرجو طربا بعد زيدانية اليوم الثاني إلا أن جيوش الأماني عندي لاتندحر ، منيت نفسي بأداء يغازل السحاب عندما سمعت أن محمد ميرغني بين المشاركين ، هذياني زاد وزادت أنَّتي فقلت أن محمدا لامحال مُتِحِفي بأغنية تحتفل بها كل خلية فيّ على انفراد ، أغنية يستحيل معها الجسد والخاطر مهرجانا للبشاشه ومتحفا أو ضريحا مفتوح للزيارة ، رجوته أن يغني رائعة السر دوليب ( أنا والأشواق) لأنو الغنيه دي فيها معاني ولوحات إستثنائية دعك عن اللحن الذي فصل على قامتها المائزة ، أنا والأشواق في بعدك بقينا أكتر من قرايب ، بالله إتخيل ، زي أعز اتنين حبايب ما بنغيب عن بعض أبدا( إن المصائب يجمعن المصابين)، بالله زول يقول ليك شوقي أبلغ من غناي ، دا مش بكون خلاّك قميص وبنطلون ساي ؟ وشوقى قال لى مستحيل مرة يتحقق مرادى ولازمنى زى خلى الوفى واصبح حبيبي الما بعادى، كلمات كهذه لاتُؤدَى إلا بعد عقد النية والوضوء وانتقاء الحضور بعيدا عن فرفور الذي مدد رجليه وصنقع للوراء حتى ظننته يطلب (دِرِب) أو اسطوانة أكسجين ، ظننته ضرب الفيتز فخشيت على من يجاوره في الكنبه. تلك أغنيات تؤدى في المعابد بعيدا عن مطربي زمن الإنفلونزا والشيالين الأوزبك ناس الماكنتوش دستم. حبيبو تالاهون كان جميلا (حين زيّاني لباس الأمن والروعة والبهاء توجني برغوة الشمس والعبير والغضب بخصل من اللهب وحُلل من الضياء) كما قال ود المكي. |
Re: أغاني وأغاني.. للقدامى والمستجدين..
لم أحزن على أغنية في حياتي كما حزنت اليوم و عصام محمد نور يقتل في ( أنا و الأشواق) برصاص الملل.. لكَ الله يا محمد المرتضى.
| |
|
|
|
|
|
|
Re: أغاني وأغاني.. للقدامى والمستجدين.. (Re: mamkouna)
|
Quote: لم أحزن على أغنية في حياتي كما حزنت اليوم و عصام محمد نور يقتل في ( أنا و الأشواق) برصاص الملل.. |
ولا تحزني ولا حاجة الاداء التقريري دة فتح لينا باب استرزاق و"سبوبة اكل عيش " لاني قررت !! ان اشارك في اي حلقات قادمة ان امد الله في الاجال .. ما انا ذاااتي بقدر علي الزي دة انتو بس خلو ناس احمودي ومحمدية واسماعيل والمليجي وصاحبو بتاع البنقز وسعد وصاحبو معاي .. قال اغاني واغاني ...
________ ودالعباسية بختك انا جاي انت بس جهز المشجعيين وناس نجوم الغد والباقي علي
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: لم أحزن على أغنية في حياتي كما حزنت اليوم و عصام محمد نور يقتل في ( أنا و الأشواق) برصاص الملل.. لكَ الله يا محمد المرتضى. |
ممكونه لاتحزني وهل هذا العصام وهو من قدم لنا رائعة الكاشف بثوبها الجميل . وهل هذا الاداء التقريري زي ماقال مهندس ابوبكر لا يمكن شطبه قبل البث حفاظا على مكانة الفنان . ابوبكر هندسه تعرف انا من اليوم معاك بقيف في باب الرزق ده والاداء التقريري ده اسهل منو مافي وانا زاتي امي قالت لي زمان صوتك كان جميل ( شفت كيف )ها ها ها ياهندسة احيانا الواحد يحس السر قدور عمل مؤامره وحاول ينتهي من الشباب عاصم البنا اذا لم نعرفه وكنا نقول انه امتداد للجقر والفرجوني مرات في بعض الحلقات تقول ليس له علاقه بالفن. جمال فرفور اذا لم نعرفه تقول جابوهو من حلبة ملاكمه نادر خضر اذا لم نعرفه تقول جابوه من صالون حلاقه عصام محمد نور اليوم كان تشييع جنازته كفنان بهذا الاداء التقريري
| |
|
|
|
|
|
|
Re: أغاني وأغاني.. للقدامى والمستجدين.. (Re: وليد عبد اللطيف)
|
Quote: تعرف انا من اليوم معاك بقيف في باب الرزق ده والاداء التقريري ده اسهل منو مافي وانا زاتي امي قالت لي زمان صوتك كان جميل ( شفت كيف )ها ها ها |
\
حنسوي اغاني راب ...انت بس ما تحلق شعر راسك عشان يتمشط واعمل تماريين رياضية عشان تبقي ايسلم فيت ونفسك يبقي طوييييل وكت تجدع النضمي واحد ورا التاني والباقي اها ناس البنقز والدربكة بيسوهو
Quote: احيانا الواحد يحس السر قدور عمل مؤامره وحاول ينتهي من الشباب |
يبدو ان اصراره علي عدم الاعداد والتحدث عفو الخاطر وان يكون هو الذي يتكلم ويحدد الاغاني في ذات الوقت حتي ولو كان هنالك ضيف هي التي اطاحت بدولته
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
سلام للكل ومرحب بالجدد..
أعتقد.. أن عصام محمد نور بيقرقش شوية من ديل قبل تسجيل البرنامج
____ الأداء عموما كان أوكيه أمس، أرحم من حلقة اول أمس..
____ بعد كرنفال فساتين الستان الجرجوري.. وتوب الجرتق، يبدو انه أفراح المرّة الجاية ح تجي بفستان زفاف..
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
افراح : التوب الاحمر جاهر اكتر من اللازم منار : ادارء جميل السر دوليب : كان سعيد بحلقته
الحلقة في مجملها حلوة عدا عصام محمد نور وما عارفة محمد ميرغني امس لو سمعو حيكون رأيو شنو في القصة دي؟
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: الأداء عموما كان أوكيه أمس، أرحم من حلقة اول أمس..
____ بعد كرنفال فساتين الستان الجرجوري.. وتوب الجرتق، يبدو انه أفراح المرّة الجاية ح تجي بفستان زفاف.. |
فعلا الاداء امبارح كان افضل وانطرب الاستاذ السر دوليب لاداء منار غاية الطرب رغم انه عمنا السر قدور صراحة عملها ظاهرة تجاه رماز ميرغني ، وواضح انه حتكون في كنبة الاحتياطي حتى الشوط بدل الضايع
يبدو انه فستان الزفاف هو فقط ما تبقا لافراح لانه كل المؤشرات تنبيء بذلك فستان الصبحية وتوب الجرتق لبستهم
علينا ان نلوك الصبر
حمدت ربي امبارح انه فرفور ما كان موجود والا لملأ الدنيا كوراكا وضجيجا
الف حمد وشكر ليك يارب
| |
|
|
|
|
|
|
Re: أغاني وأغاني.. للقدامى والمستجدين.. (Re: saif addawla)
|
Quote: ندين ونستنكر بشدة المؤامرة الدنيئة التي يقودها العجوز الحاقد السر قدور في حق البت رماز |
ياولدي ندين ونستنكر وازيد عليها نشجب خمسين سنة ما سوت شي في اسراييل دحين دايرا تسوي شيتا في عمك السر ...عليكم بالصبر ...امين
| |
|
|
|
|
|
|
Re: أغاني وأغاني.. للقدامى والمستجدين.. (Re: الزوول)
|
.. .
Quote: مالي والهوا بصوت البت الغناية الشاطرة منار |
بالمناسبة ( او كما قال السر قدور ) شنو حركة مقاطع الاغنيات الغير مكتملة البديهوا زى المقدمة للبراعم دى .. اعتقد دى المره الثالثة ..!! ولا ما كدا ..
___________
والله كان يغنوا لينا الاخضر لونو زرعى
| |
|
|
|
|
|
|
Re: أغاني وأغاني.. للقدامى والمستجدين.. (Re: Tabaldina)
|
Quote: يا معتصم الشعب السوداني حافظ غنا كويس وبرضو بيشوف كويس... |
عشان كده ما ح يغفر ليهم الهباب البهببوهو دا يا طارق ..
Quote: يعني افراح الشعب تخت المايكروفون بعد كل كوبليه او شيله زي شغاله بنظام |
والعجيب إنو عاصم برضو بقى يقلده في الحاجة دي
Quote: " تشكي من الطريحه تقول تقيله " ولا شنو يا موج؟؟؟؟ |
عوقت الراجل
يا سلام على السر دوليب الشاعر الإنسان .. والله كنت منتظر الحلقة دي بفارق الصبر لكن الشباب ما قصروا خذلوني فيها منار لحدٍ ما أبدعت في أغنية مالي والهوى لكن ما تمتها والحاجة الناقصة ما بتكون حلوة .. كنت أتمنى أن يغني عصام محمد نور زدني من دلك شوية بدل عاصم لأن عصام أدى الأغنية دي قبل كده بدرجة عالية من التطريب .. وهذه الأغنية بالتحديد كانت فرمالة الفنانين نهاية الثمانينات ومافي زول ما كان بغنيها وخصوصاً الفنانين الشباب .. عصام خذلني في أنا والأشواق ومسامحك يا حبيبي مافي زول ح يقدر يغنيها .. الله يرحم الفنان الهرم أبوعفان ..
والتحية للشاعر القامة السر دوليب ..
| |
|
|
|
|
|
|
Re: أغاني وأغاني.. للقدامى والمستجدين.. (Re: Tabaldina)
|
فتور الاستجابات و النقد لهذا البرنامج يوضح تنازلا إن لم يكن انحدارا ..
أحس بمؤامرة تجاه الشباب .. ماذا يعنى أن يغنى ( نادر خضر المقطع الأول من " عجبونى الليلة جو ) من بخرة و منار صديق تحفظها و تؤديها أفضل منه ..
ماذا يعنى أن يشارك عاصم البنا أفراح أغنية تؤديها أفضل منه بل أفضل من أدائها المشترك معه ..
يبدو أن السر تحت رحمة عربة ( رباعية الدفع) ..
أم المسألة عدادات
| |
|
|
|
|
|
|
Re: أغاني وأغاني.. للقدامى والمستجدين.. (Re: معتصم الطاهر)
|
.. . عارف يا معتصم الرد على كلامك دا تكرم به الاخ الصديق عبدالجليل الجمرى فى بوست ريماز والبركة الآسنه ..
Quote: من المعـروف أن المذيع يحـرك ضـيوفه وفقـا تفسـيره من مشـهد ، نقاش ، غناء وإعتـبارات أخرى .. وهـذا هـو الدور الـذى إرتضـى السـيد مقـدم برنامـج أغـانى و أغـانى أن يـلعـبه طـوعا وبكـامل قـواه العـقلية ، ليعـلن للمـلاء أن هـيمنته فى تـوزيع الأدوار خـاضعة بشـكل رئيسـى لـمزاجه ضـاربـا فـرصة إقـترابه من الجمـهور عرض جـدار إستديو النـيل الأزرق ..عـلامة واضحـة بـشكل مستـفذ لكيفـية ونمـط تـوزيع الأدوار عـلى عـرش مـسرحه ، ما هـذه الـصلابة فـى إعتـبارات الـكتلة (الـواحدة) الـتى تـريد تبـليغـها؟؟!! هـذه تقنـية يمـكن أن تلعـبها (بصـالون) أو صـالات بيتك ، ولا يمكـن فـرضها على المتـلقى الذى يخـشى من إنقطـاع التـيار الكـهربائى حـتى لا يحـرم من الإستماع بمنـزله ببلادنـا إلى من يهـوى ويـريد.
العـدالة ،، يا سيدى ،، أسبـق وسمعت بها!! |
_________
شكرا يا جمرى؛
| |
|
|
|
|
|
|
Re: أغاني وأغاني.. للقدامى والمستجدين.. (Re: نجوان)
|
Quote: أعتقد.. أن عصام محمد نور بيقرقش شوية من ديل قبل تسجيل البرنامج |
يانجوان ام جي في اخر بروفة له قبل ان يرحل كان في قمة نشاطو مع انو ماخد بروبوفول اها الجماعة بتاعننا دييل ما ينفع معاهم حتي البرو بوفول لكن بس الفول هو البيشتغل .. بس جربي وعينك ما تشوف الا النور
| |
|
|
|
|
|
|
Re: أغاني وأغاني.. للقدامى والمستجدين.. (Re: abubakr)
|
Quote: كنت أتمنى أن يغني عصام محمد نور زدني من دلك شوية بدل عاصم |
يا معتصم انت ماسمعت هذه الاغنية من الفنانه عافيه حسن....؟
اول من اظهرها من الشباب واجمل من غناها.
اعتقد ان عاصم غناها بصوره معقوله الا ان قارنا اداءه مع اداء عافيه....
| |
|
|
|
|
|
|
Re: أغاني وأغاني.. للقدامى والمستجدين.. (Re: معتصم الطاهر)
|
Quote: ياخ ما تحرشوا ممكونة تدخل لينا فى مسألة التحليل النفسي لعمك السر و جماعتو .. طبعا فى الناحية دى هى متمكنة و ماكنة .. |
سلام و شوق شديد يا باشطاهر ليكَ و لسيدة كل المواسم و لازهاركم اليانعة. رمضانكم كريم و تصومو و تفطرو على خير.
اشكرك جزيل الشكر على ثقتك في مقدراتي التحليلية... ساقوم بتنفيذ رغبتك و ارسال التقرير في الخاص... دا تقرير أخير منو تقرير المصير!
| |
|
|
|
|
|
|
| |