|
Re: ياهو بيت العرث (Re: Emad Abdulla)
|
Quote: بس وطوا حسكم شوية .. عايزين ننوم عشان نقدر بكره نقوم بدري نلقط الرزق .. و كده .
ألاقي عندكم شوية سكسكانية ؟؟ |
عماد .. إنت عايز تلقط الرزق ولا تلقط السكسكانية ؟
حدد بالله
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
تك... تك... يتوكك الغبا
بالله عليك شوف نسوان البخت ديل... الغنماية بشتنت الزريعة .. وعدتن مالية الطش وهن ينقنقن في التكل... .... ... عوض... يا عوض .. يا جنا هووووي جيب لي التبروقة واللبريق النلحق الضهر...
وقول لي عمتك تيسير والضيفان المعاها الناس اتفقو خلاص بعد باكر عقد عوضية بت الجاك علي محمود ود اب ضراع اليمشن عليها يتاقلنها..
حقيقي ودون مجاملة بوست الشهر بوست تحفة... قريتو من الالف للياء.. تسلمن يا بنات العم
| |
|
|
|
|
|
|
Re: أنضف الكمونية (للنساء فقط) .. (Re: طيفور)
|
Quote: بعد باكر عقد عوضية بت الجاك علي محمود ود اب ضراع اليمشن عليها يتاقلنها.. |
طيفور ازيك..
نحن جاهزين للتعليمة( تعليمةالعروس).
بس نمشى نجيب الدلوكة...من ناس خالتى زهرة..
لنا ..
عليك الله كوركى لبنات الجيران بالحيطة خليهم يجوا يحضرو التعليمة.
| |
|
|
|
|
|
|
Re: أنضف الكمونية (للنساء فقط) .. (Re: Soumeta)
|
ياتيسير يابتاعة الكمونية... حليتى الدين ولا لسه اوعى تغالطى لنا ماقصرت عملت كوتيشن
ياخى ريحة الكمونية دى لذيذة بشكل غايتو خلوا لى من دمعتها لكن مصارين لا
حقتى خليتها لصاحبتى لنا وماتنسى تدى معك فدوى وامل ونادية
والرجال ديل يسمهم شايفه طيفور جاى ناطى، انت مالك محنن ماتقوم على الزريعة دى براك!!
كونية، علينا جاى
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
Quote: انت مالك محنن ماتقوم على الزريعة دى براك! |
زرييييعة شينو يااااااخ انا جااااري الحق الفاتحة الناس ديل لي هسي ما واجبتهم.. عيب والله يا عوصمان.... عوصمان...ياولد الجن... الله يقطع الاتاري وسنينو... يا ولد.. ناولني الملفحة والعمة بسوووورعة
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
سلامات يا ناس التكل وضيوفكم وأهلكم,
يا اخونا سؤالى السألتو فوق ده أنا جاد جدا فيه وأرجو انكم تجدوا ليه الإجابة لانه الموضوع حيوى وهام للغاااااااااااااااااااااااااية!!!!!!!!!
أم فتفت دى بت منو!!؟؟؟؟!!!!!!!!!!!!!!!!
بعد ما تاكلو كمونيتكم دى أرجو الإجابة!
أخونا تيسير قصة هلال مريخ دي ما مخارجة
وأحسن من الأول تعزمو الشباب لانو وضح إنو
اليدهم طاعمة كتااااااااااااار
| |
|
|
|
|
|
|
Re: أنضف الكمونية (للنساء فقط) .. (Re: أيمن الطيب)
|
أيمن الطيب ..
Quote: يا اخونا سؤالى السألتو فوق ده أنا جاد جدا فيه وأرجو انكم تجدوا ليه الإجابة لانه الموضوع حيوى وهام للغاااااااااااااااااااااااااية!!!!!!!!!
أم فتفت دى بت منو!!؟؟؟؟!!!!!!!!!!!!!!!! |
ما وريناك ليها فوق .. ولا طلع عندها أبو تاني
وبعدين يا أيمن هلال مريخ دي أهم شي لدواعي فرز الكيمان وكدا
| |
|
|
|
|
|
|
Re: أنضف الكمونية (للنساء فقط) .. (Re: تيسير عووضة)
|
د. إشراقة سلامات والله,
بس إنشاء الله عجبتك شديد أخونا دى
والله ده شرف كبير,,,,,,,,,,,
إنت بس قولى الفى نفسك فى اللحظة دى وما يهمك يا دكتور
تحيات من هنا حتى فيينا المدينة التاريخ وصديقى إسماعيل الرجل
النقى .
مودتى
| |
|
|
|
|
|
|
Re: أنضف الكمونية (للنساء فقط) .. (Re: أيمن الطيب)
|
توتو الحلوة ,,, شوشو الجميلة !!!
الجبنة بتاعتكم جابت لي ظار عديل كدة بس خلوني أقش السهلة .. أمرق السراير ,, أشد الملايات ,, أولع
البخور ,, أغشى الجيران ,,, أودي الختة ,,, أكلم الحنانة ,,, أجيب الباروكة من الكوافير وأجيكم ,,
| |
|
|
|
|
|
|
Re: أنضف الكمونية (للنساء فقط) .. (Re: أيمن الطيب)
|
Quote: إنت بس قولى الفى نفسك فى اللحظة دى وما يهمك يا دكتور |
حسع امانة فى زمتك يا ايمن دى كمونية بيعرفها راجل؟ انتو تاكلوا بس ونحنا ننضف الكمونية ونحش البصل والقائمة الطويلة ديك
وبعدها نبكى بس.... انتوا بتبكوا؟
Quote: تحيات من هنا حتى فيينا المدينة التاريخ وصديقى إسماعيل الرجل |
اسماعين ده منو يا ايمن؟ ياتو واحد فى السماعينات
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
ياطارق سلامات ياود حبوبتى
Quote: نان نحن كان ما الحبوبات ديل كان عشنا |
لحبوباتنا وليكم وليهن ونحن على صحن الكمونية اهديكم شدو شمس... حبوبتى الله يرحمها
Quote: نساء على هامة الشمس {2} إلى نساء غيبهن التاريخ الرسمي
شجو الشمس يبدأ بحليمة
أمي يا أغنياتى الحنينة يا من سكنتى دهشة طفولتي ومنحتيها عذوبتها ومرحها ومازلتى كيف لا ووجهك الندى لم يفارقني لحظة، كلما قست الدنيا على قلبي كلما عشت اعظم الانهيارات والإحباطات كلما انكسر فى حلم وكشر الواقع أنيابه فى صباحي تحاصرنيقيامة الأسئلة منذ صغرى وأنتي تنتزعين نفسك من نومة الفجر التي تحتاجينها تصلين فجرك وقلبك ينده بالدعاء لي ولأخواتي الصغيرات وتولعى نار { عواسة} الرزق. {البنات لازم يقرن} تحبسين دموعك عنا، توارين حزنك وضجرك وأنتي تعودين دون ربح يذكر وتحمدين الله على { النفس الطالع ونازل}. عذبني دخان { صاج العواسة} الذي أدمع عينيك الوضاحتين لم تتوانى لحظة أن ترسليني لروضة ست ماريا، كانت الحياة طيبة مثلك ومثلها، شهر كامل بقرش واحد. على بروش وتحت شجرة النيم نجلس ندرس العربي والدين والحساب. لم يضايقك بأني كنت منافسة للأغنام فى حب الورق، كل جريدة أو باقي رسالة مكتوب عليها بعض الأناشيد التقطها أعود بها إلى البيت، كنتى تضحكين حين يحتج أبى المحب أيضا للورق والاطلاع { خليها تلقط الورق، الغنمة مالها مابتجيب اللبن}. كان فرحك عظيما وان اعتب إلى المدرسة ولا تنسين قبل ذهابك للسوق الصغير أن تعدين لي شنطتى وقرش ونص للفطور ووصية حنونة كتميمة تحفظني حتى أعود. علمتني كيف أحب الدنيا والناس فحين كنت أعود من المدرسة آتيك فى السوق قبل أن اذهب إلى البيت، لقمة دافئة تسند جسدي الصغير، كان كل ما تصنعه يديك طاعما وشهيا كحبك للحياة ولنا. كنت ارغب فى أن أساعدك، ربما أردت أن انفذ بعض ما درسناه دون أن تطلبي منى، فامل تساعد أمها بعد عودتها من المدرسة قبل أن تراجع دروسها ولكنك كنتى تصرين أن أذهب إلى البيت لاذاكر { عشان تجئ الأولى، وهديتك تسافري معايا الشرق، ما اشتقتى لحبوبتك عشة ، نزور كمان الطندب عشان الخليفة الفاضل يحرسك من العين والشر}. كنتى تواصلين أرحامك وأهلك وجيرانك ، تذهبين وأمي للمجاملات حتى انى اشتاق أحيانا لعصرية معك ومعها. كلما حاولت أن أكتبك اعجز أمام عظمة انسانك وعيك النافذ وأسئلة وجودك تطرحينها ببساطة ، لا زلت اذكر موقفك وشجاعتك وأنتي تقفين أما ابنك الوحيد أبى أن لا يتزوج على أمي، كنت مبدئية وواضحة وعبرتي بكل الوسائل عن رغبتك، كنتى تحبين أمي وترى فيها ابنتك التي لم تنجبيها، رضخوك لم يأتى عن قناعة بل انحيازا لقلبك كأم أن تفقدي ابنك الوحيد الذي لم يكتفى بوردة واحدة. ظلبتي تكافحين لاجل أن نعيش حياتنا بشكل طبيعى، نأكل ونشرب ونقرأ. كانت دموعك تنهمر فرحا فى كل نهاية عام دراسي وابى يتم تكريمه فى المدرسة كوالد لتلميذتين نابغتين أحرزن المرتبة الأولى فى الفصل الدراسي، كنت أنا وشقيقتي منى كانت دائما هديتك { غويشات الذهب التلاتة} تضيء ليل غربتي. كان حزنك كبيرا حين اضطر أبى يوما لصرفها لضيق الحال. كنت تحاولين ببساطة أن تجيبي على أسئلة طفولتي - ليه فى حلتنا فى بنات مابمشوا المدرسة مساكين ما عندهم قروش - وليه الله خلق الناس مساكين دى إرادة ربنا، الله يعوضهم الجنة - وكان مافى جنة وتستغفرين الله دون أن تنتهرنى كما فعل أستاذ التربية الإسلامية فى بداية مرحلة الثانوي وأنا اسأل عن الوجود أسئلة الباحثة عن الحقيقة. مايحزننى يا أمي انى ذهبت حين احتجتى لوجودي؟ شقي العمر والرطوبة التي تسربت إلى عظامك من زمن مبكر فأقعدتك عن الحركة التي كنتى تحبينها كفراشة لا تكف أن تهب رحيقها إلى خلق الله فتكتسب محبتهم واحترامهم. فرحتك كانت عظيمة بدخولي الجامعة وبتحقيق رغبتي أن أدرس الصحافة والإعلام وتتذكرين { جنوني لالتقاط الأوراق فى طفولتي من الشارع} أتذكر مقارنتك ردا لأبي عن فائدة الغنم التي تهبنا لبنها. كان الخوف يسيطر على منذ أن تابعت أنفاسك وأنا صغيرة لاتيقن بأنك مازلتى تنمحنيى الحياة ورونقها، فحين ذهبت لعاصمة البلاد لأنهل من علم حببتني إليه كنت اقتطع من مصروفي الفقير لاوفر تذكرة العودة إليك، مرتين فى الشهر، أعود إلى حضنك اغسل لك شعرك أمشط ضفائره أضاحكك { حسع مالك ما اديتينى من شعرك ده} وردك دائما يأتى شافيا { المهم يابتى التحت الشعر} يالك من حكيمة. تفرحين بالتوب الذي اشتريه لك فى كل عيد وتصرين على أن البسه بحجة انه {توب بنات صغار} أعطرك بالعطر الذي تحبينه { رائحة فرير دمور المسخ الارياح} وحين تحين عودتي لامدرمان تدراين دموعك وتدسين فى يدي بعض ذاد ذودك بها ابناء وبنات أخوانك وأخواتك اللذين يزورونك من حين إلى آخر. كنتى صامدة حين داهم رجال امن الإنقاذ بيتنا بحثا عنى، حفزتى أمي التي كانت دائما ما تفعل من أيام نميرى أن تدفن كل ما تعتقد انه منشور سرى، لم تحرقها، أن أكثر ما يوجعني يا أمي حين أتوا مرة ولم يثنيهم شيبات الوقار على رأسك ولم يرحمك بأنك عاجزة عن السير والوقوف، قلبوا الفراش التي كنتى ترقدين عليه ولم يبالوا بكبرك. وحين كان أبى يحتد أحيانا بان نقلل من نشاطنا كنتى تهمسين لي { قولي ليهو كويس وبعد ما يهدأ نقاشيهو هو خائف عليكن} وحين يهدأ أبى ونتناقش يسطع فيه وعى ادخره منذ أن كان الأزهري له رمزا للوطنية. حين ضاق الحال وقررت السفر إلى بلاد الله الواسعة لم تكسري مجاديفي والواقع القاسى يؤكد استحالة السفر، التذكرة والمصاريف ومسئوليتك وأنتي الكبيرة وكثير من الأسئلة التي تحبط الأمنيات الصغيرة، وقفتي بجانبي وقلبك يبكى لفراقي، { كان الله أراد بتسافرى} { ربنا يفتحها عليك، عافية منك ورضيانه عليك}. لم تفارقيني ثانية واحدة، كنت فانوسى وشمعتي حين يحلك واقعي لم تكن البداية سهلة ولان المنحة كانت لا تكفى ولاتحقق أن افعل لاجلك واجل أهلي ما أردت اضطريت للعمل كان الجليد ينهمر على رأسي وأنا أبيع إعلانات الجرائد الخاصة باتحاد الطلاب النمساويين الساعة بستين شلن، كنت حين {اضربها بجنيهنا} السوداني اتحمس بأنها تفعل شئ حين نظر البعض من أهل بلدى وتساؤلات عن الذي يضطراني لمثل هذه الأعمال الهامشية وأنا طالبة دراسات عليا ولدى منحة. كنت اسخر فى سرى وادعو لك ولامى، فمنكما عرفت قيمة العمل أيا كان طالما كان عملا مشروعا، لا يعرفون بان ابنة نساء عاسن الكسرة وباعهن ليعتمدن على ذاتهن ويساهمن فى الحياة، لا يعرفون بأني تعلمت { العواسة} وأنا فى العاشرة من عمري حين مرضت أمي مرة وكان لابد من مواصلة العمل والا ستفقده لا يعلمون باني بعت السندوتشات لزملائي وزميلاتي طلاب وطاليات الدبلوم العالي بجامعة الخرطوم لاواصل دراستي ولأساعد فى هم المعيشة، فكيف لشابة فى بداية مشوار حياتها لاتجد عملا ومغلقة كل الأبواب فى وجهها شهادتي ذات مرتبة الشرف لم تشفع لي أن أجد الوظيفة التي تناسبني فى بلد يقسو على فلذات كبده ويطاردهم/ن ويغلق نوافذ الامل فى وجوهنا فنهيم بحثا عن شجرة نستظل بها من جور حكامنا فكيف يا أمي وانتى كل الشجر والأنهار والشموس كيف وانتى الوطن فى دفئه وعمقه ونهاراته؟ هنا يا أمي وبعيدا عن شجوك ودندنات محبتك بدأت طريقي فى مدينه جميلة ومرتبة ولكن قلبها لايبادلنى الحب فتحت أبوابها بحذر تغلقها متى ما تشاء ولكنها منحتني فرصة أن أحكي عنك كنت حين اجلس فى قاعة الدرس قبل عشرة أعوام، قاعة مكتظة اجلس وسطهم/ن هل باتري سانجح بلغة ليست لغتي؟ ألم تقولى إلى فى أول زيارة بعد سفري محفزانى لتعلم اللغة الألمانية { اتعلمى لغتهم بتضمني شرهم} كلما تراجعت وملكني الخوف الجأ إليك وكلما حققت نجاحا أحكي لك واجالسك وامشط لك شعرك أول مرة وقفت فى قاعة الدرس لادرس الطلبة والطالبات النمساويين/ت ندهت عليك يا أمي ياكل نجاحاتى للحظة فاحت رائحة { كسرتك} وتفوحين يا أمي فى كل محفل اشهق فيه باسمك فتهطل فى كل أيام كفاحك كتبت عنك نصا بكل نبضي شاركت به فى مسابقة أدبية مهدأة للكاتب والنقابي النمساوي ليوبلد اشتيرن نظمتها نقابة العمال فى النمسا فاز النص الذي حكى عن ثلاثة وجوه مفرحة تتجاوز الحدود كان وجهك يا أمي وكلى يطل فى كل امرأة طاعنه فى السن كنت أتخيلك فى شبابك واراك فى بعض النمساويات الجميلات أسائل نفسى { ياربى لو مشلخة ولونها اخضر} الن تكون جميلة كما أنتي النص حكى عنك، عن يوم مازالت لعنته تكسوني رن جرس الهاتف صباحا انقبض قلبي { أمي حليمة بتكون ماتت} قلتها بيقين من لن يلقاك جرجرت إقدامي التي أصابها شلل كامل وفى خاطري شريط سينمائي مر سريعا تذكرت زيارتي لصديقتي الألمانية، نوافذ بيتها فى الطابق السابع تفتح فى مقابر فى الحي الثاني والعشرين بفيينا رميت نظرة عجولة على الزهور المتناثرة على القبور وتذكرت { مقابرنا} فى { ود ام جبو} كما يسميها أهل حيينا أسئلة حاصرتني أسئلة رحلتنا من الحياة إلى الموت التي تبقى دون إجابات شافية التلفون لا يكف عن الرنين اللعنة انه الموت فى الجانب الآخر صوت أختي مبحوحا قلت لها فى محاولة لتهدئة نفسى أمي حليمة انهت رحلتها فى الدنيا فرقعة التلفون، نحيبي، شلل فى الروح آآآآآآآآآخ يا أمي إحساسي بأني نزعت من جزورى كان إحساسا قاتلا أن يفارقك احب الناس فى الكون إلى قلبك صوتها فى آخر مكالمة معها لا يكف صداه متين الجية يالحبيبية بدور أشوف جناك واحضنه لم تنتظرينا يا أمي رحلتي دون أن تروى ظمأ روحي بلقياك زغاريدها تدندن فى أذني { جيد لى يامية بتى جايبة الجنا، مامهم بت ولا ولد المهم سلامتك وسلامة جناك} ذادت السنين وعيك حدة وسيقتى زمانك وواكبتى زماننا حكيت لك لاغرس فيك الطمأنينة جارتي العجوزة اليوغسلافية زوجة السيد بتروفيتش ترعاني فيها طيبتك لم تكن بنينا لغة مشتركة نتفاهم بها تتحدث معي بلغتها وأحكى معاها بعربي{ كوستى} حساني وحاساها تأتيني بالطيبات وعينيها توصيني لاجل الذي فى أحشائي كان بيني وبينها سر غريب، وأسئلة تركض فى دمها ودمى نوع تلك الأسئلة التي تبقى بلا إجابات جرجرت روحي لافتح الباب لجارتي النمساوية السبعينية العمر لتسألني لماذا انتحب كنت قد حكبت لها عنك عن قيمة الكبير عندنا كانت تحكى لي عن بنتها التي تراه مرة فى العام، فى عيد ميلاد المسيح عليه السلام قالت لي بحزن لا يخفى وكأنها قاسمتك الشقا وحب الحياة والناس لم تمت طيلة ما أنت تنبضين كن ثلاثتكن يا أمي زوجة السيد بتروفيتش والسيدة بريجيت وسيدة روحي ومالكة فرحى أنت ياأمى يا بت أب شالية ثلاثتكن تجاوزن كل الحدود المرسومة لاجغرافيا لاخط استواء لالون ولا اصل فقط المحبة حين وقفت والتصفيق يعلو فى الصالة الأنيقة ورئس النقابات يهز يدي مهنئيا رأيتك قمرا ساطعا وهب الحضور وقاره والإحتفاء شذى من تلك الحياة بزغت شمس الجنوب فى محياك ومنحتني القدرة لاواصل المشوار أعدك يارمز صمودى وشعلة وعى ان تصحو فينى الحياة كلما داهمنى الموات وكلما انشلت فى أغنية ، ساواصل هدر الحكاية وصخبها وكلما تعبت خطواتى تأتينى وتمنحنى بعض من هدير انسانك انتى يا أمي يامدرستى الأولي فى الحياة
|
مقال قديم
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
Quote: تصلين فجرك وقلبك ينده بالدعاء لي ولأخواتي الصغيرات وتولعى نار { عواسة} الرزق. {البنات لازم يقرن} |
Quote: وعيك النافذ وأسئلة وجودك تطرحينها ببساطة ، لا زلت اذكر موقفك وشجاعتك وأنتي تقفين أما ابنك الوحيد أبى أن لا يتزوج على أمي، كنت مبدئية وواضحة وعبرتي بكل الوسائل عن رغبتك، كنتى تحبين أمي وترى فيها ابنتك التي لم تنجبيها |
Quote: أول مرة وقفت فى قاعة الدرس لادرس الطلبة والطالبات النمساويين/ت ندهت عليك يا أمي ياكل نجاحاتى للحظة فاحت رائحة { كسرتك} |
Quote: فى الجانب الآخر صوت أختي مبحوحا قلت لها فى محاولة لتهدئة نفسى أمي حليمة انهت رحلتها فى الدنيا |
Quote: حين وقفت والتصفيق يعلو فى الصالة الأنيقة ورئس النقابات يهز يدي مهنئيا رأيتك قمرا ساطعا وهب الحضور وقاره والإحتفاء شذى من تلك الحياة بزغت شمس الجنوب فى محياك ومنحتني القدرة لاواصل المشوار أعدك يارمز صمودى وشعلة وعى ان تصحو فينى الحياة كلما داهمنى الموات وكلما انشلت فى أغنية ، ساواصل هدر الحكاية وصخبها وكلما تعبت خطواتى تأتينى وتمنحنى بعض من هدير انسانك انتى يا أمي يامدرستى الأولي فى الحياة |
يشهد الله دموعي سالت ..
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
واشحد الطايوق واجيبو لحبوبتى واعوس معاها واكوفت {امشط} ليها شعرها...
ياطارق شوف قرب بيت من اصحابكم المغاربة وتوش لاوطة حبوبتهم بتشوف يها شلوخ حبوباتنا
غايتو الحمد لله انتهت قصة
اشلخ وادق الشلوقة وانشاءالله تنتهى اطهر البنات
* تيسير تعالى الموضوع جر الشوك ياصاحبتى ام كوانين
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
Quote: يا اشراقة تيسير طلقت فينا النار ومشت |
بتكون ياطارق مزرورة فى الدين، ترجع القروش وتجينا {تمشى المولد تانى؟}
* المولد كان بيحصل فيهو شنو؟ غايتو حلاوة مولد وفرصة تشوف ود الجلة البعيدة
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
Quote: Quote: Quote: يا اشراقة تيسير طلقت فينا النار ومشت |
بتكون ياطارق مزرورة فى الدين، ترجع القروش وتجينا {تمشى المولد تانى؟} |
زرة العدو وتراهو ما عمي عثمان براهو الطالبها كمان مهيار و كل يوم زرزرة (سمع أضاني)
| |
|
|
|
|
|
|
Re: أنضف الكمونية (للنساء فقط) .. (Re: lana mahdi)
|
Quote: زرة العدو وتراهو ما عمي عثمان براهو الطالبها كمان مهيار و كل يوم زرزرة (سمع أضاني |
خلاص يالنا كملتى الكمونية وقمتى على حميش النيران
كدى اقعدى... انضف الزريعة واعمل البقنية
* اوعى تطلعى حنكوشة وتقولى لى بقنية يعنى شنو؟
تيسير البيناتنا عامرة ياختى لنا دى الكمونية قامت بيها القطر قام بمناسبة {العنوسة} وكدى
| |
|
|
|
|
|
|
الله يجيبك يا عمي عثمان (Re: تيسير عووضة)
|
Quote: يا إشراقة .. لنا مهدي دي بقت تشكل خطر على الأمن القومي بتاعي ..
شاهد ما شافش حاجة |
الله يجيبك يا عمي عثمان عووضة و تشهد على قصة ال5 درهم الحبرها ما جف بس عشان إذا عرف السبب
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
ياطارق البصل ده عليك الله كان تكملوا اصلو حبوبة ختتو ليك كلو {والله مرات الحبوبات ديل اصلهن مافيهن فايدة}
اها بعدها غسل يدينك وجيب سوط العنج ودق الشافع البكوريك ده
غايتو انا حلقى نشف {نسوان جنهن نقة}
* ليه نحنا جننا نقة؟ نستنى تيسير ممكن عندها اجابة
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
والله ما عافي ليك .. ما عافي ليك يا طارق ياخ الجهجهة الدخلتني فيها الصورة دي .. و الصينية " أم طريقات " كريمات و صحن الألومنيوم أب عِزة .. و اليد الكريمة و حامدة و شاكرة و متيقنة .. و مظلومة . ما عافي ليك العبرة الخنقتني دي ولا الحزن الكبير و لا الشوق و لا الشجن .. حرام عليك .. الدنيا جمعة ياخ .. ما عافي ليك تنكت الجروح و هي لسه نية ( هي متين كانت ما نية ؟!! ) .
كان بيت عرس البوست ده .. صفعتنا فيهو بصورك دي .. و دقيتنا ياخ .. ياخي دقيتنا يا طارق .
الله يسامحك .
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
صاحبتك بتكابر سااااااااي و بتضحك من الاسبوع الفات،، اصلك سفرتي اللي السودان البكرة دي باقية ليها حاااااااااارة،،
غايتو إنتن يا أُمات الزمن ده حيرتننا،، تسافرن و تحومن و لمن تبقي عدنا الجقلبة تبدا..
غاااايتو عليكن سواة!
| |
|
|
|
|
|
|
Re: كُُرْ تيسير (Re: lana mahdi)
|
لنوووو،، اريدك يا البنية،، قالووو،، الله يكفينا شرجمرها،، جعر الجماعة عرس،، الفحي توبك،، و بوجه آخر،، شنطة ضهرك،، و اكربي نصك،، و امرقاكي،،
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
Quote: يا نسوان هوووووووووي خليكن جاهزات الكمونية في الطريق |
اضبح الخروف اكسر الطلح انشف عروق الغابة ناكل الكمونية نشرب البقنية
ودخان الطلح يحيمبنا النوم
* غايتو ياطارق صورة الخروف البسلخوا فيهو ده خلت شعرة روحى كلبت اصلى بكتر من الخضار فى اتجاه التعامل بروحانية مع الحيوانات وكل مخاليق الله
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
أحيييييي يا طارق الصورة دي حارة،،
وحاة النبي قطع قلبي،،
ياخ الحاجات دي ما مفروض يعملوها في السهلة كدي..
آي بناكل الكمونية و المرارة لكن مااااااا بنستحمل نشوف متل ده،، انا غايتو بتحصل مصيبة بعد الزمن ده كلو كان شفت لي خروف بضبحو فيهو،، يا جنيت يا جننت البضبح،، l00l
| |
|
|
|
|
|
|
Re: أنضف الكمونية (للنساء فقط) .. (Re: Soumeta)
|
إشراقة قالت ..
Quote: * غايتو ياطارق صورة الخروف البسلخوا فيهو ده خلت شعرة روحى كلبت اصلى بكتر من الخضار فى اتجاه التعامل بروحانية مع الحيوانات وكل مخاليق الله |
وعزة قالت .. Quote: آي بناكل الكمونية و المرارة لكن مااااااا بنستحمل نشوف متل ده،، انا غايتو بتحصل مصيبة بعد الزمن ده كلو كان شفت لي خروف بضبحو فيهو،، يا جنيت يا جننت البضبح،، |
بالجد لكن والموضوع دا ما ليهو علاقة بالدلع ولا الحنكشة منظر الضبح والسلخ والدم بيعمل لي هيستيريا عديل والعجب لو شفت لي حمام بيضبحوا فوقو الدنيا دي بتمسخ لي
ممكن عادي آكل اللحمة بس ما أشوفا لمن تتضبح , وأظن أغلب الناس كدا ..
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
Quote: اشراقة.. نان كيفن ما ارسلك وتُكلك دة لا جردقة فيهو لا محريب |
العندو لواية منو ياطارق تيسير عندها هضربة حمى وانا جنبة روحى الشمال موجعانى اها المحريب ده دايرو لشنو؟
يازول هى انا فترت من مراسيلك دى ماشة انخمد
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
ياطارق ديل الحبوبات.. فى كتابة تانية ما اكتملت.. اها شن قولك فيهن
Quote: هن الحبوبات... ماطرات المحنة وفاتحات ابواب الرحمة فاتحات افخاذ الصغيرات لتلك المرأة ذات الشنطة الحديدية التى تراصت قيها مشارط الحلم الانسانى، مقصات اللوعة وشوق صبابات الانثى... الحبوبة {ام محن} تأمر السيدة { السعلوة} بان تجزر مدخل الخصوبة حين يشتهى المطر جزر نديهة النساء الغولة تقص... تجزر فى صحراء القلب امرأة تتمدد كل ليلة دون ان تجلجل روحها بالفرح ودون ان تعزف موسيقى جسدها حشرجة الموس لهفة المشرط الغائص فى لحم البنية صوت المرأة ذات الصوت الاجش يزمجر { ماتخلى حاجة فيها، اللالوبة دى فيها رجس الجن}، عليك اللعنة ولم يكن زورا حين أطلقوا عليك {الضكرية}... كنا حين نجلس تحت شجرة اللالوب نتحسس آهة حماماتنا المذبوحة بين افخاذنا الصغيرة ولم يعد لهذه الشجرة طعم وصارت عروق {مشحطة} تدل حاج آدمو الى اشتهاءاته!! ومع ذلك فالحبوبات طيبات يناولن اباريق الوضوء لرجالهن وتنساب فيهن ذكريات بعيدة و....
|
| |
|
|
|
|
|
|
Re: أنضف الكمونية (للنساء فقط) .. (Re: طارق جبريل)
|
Quote: يا اشراقة انت والله زولة ما عادية |
انت باطارق الشربوت فوت رأسك مالك شايف على شنو عشان اكون ماعادية ياهو والله جابات ليها ماعاديات {وش بيكاوى، ماعارفة بيعملوا كيف} يازول هى انا جنى وجن كبير الرأس والله حسع اركب وش زولة مفلهمة وكدى وبعدين وافترض وجيب لى منظق
بالجد بالجد لو اتعلمن ماكان بفى فينا البقى {هو البقى فينا شنو ياطارق؟}
| |
|
|
|
|
|
|
Re: أنضف الكمونية (للنساء فقط) .. (Re: Ishraga Mustafa)
|
اشراقه يخوفونا يا اختي ببت مجذوب وهي انجض واحده فينا.
Quote: هوى ياتراجى ماعندنا {حريم} بياكلن مع الرجال حسع يطلعوك { بت مجذوب} {وش بتاع شمشرة ماقادرة ارسمه ليك |
الرجال كل المفيد ليهم ونحن العضام عشان كده بت مجذوب..بت مجذوب انا قبلانه...بس ادوني وش الملاح
| |
|
|
|
|
|
|
تراجي الرسول كان فتتي...خسّمتك (Re: Tragie Mustafa)
|
Quote: نسوان فالحات وماعندكن عوجه كلكن. انا غياتو لما تخلصوا كمونيتكم دي اعزموني اكل مع الرجال لاني بحبها ولا بنضفها ولا بعرف ليها. ولا عندي طريقه اعرف ليها بعد العمر ده. |
بالله شوف الولية دي أرّسول كان فتي..خسّمتك بالنبي الصينية جاهزة
| |
|
|
|
|
|
|
|