خليت أي شي وقبّلت على المطبخ والكلمات التراثية و المستعملة لغاية هسة لاحظوا الأفعال المستخدمة فوق دي .. الموضوع دا ما ساهل يعني مثلاً .. شنو البيخلي الآبري وهو ناشف إسمو آبري وبعد يتبلا يبقى حلومر ! وشنو البيخلي الخدرة (الملوخية) مُشكة وشنو البيخليها لايوقة
النسوان ديل جابوا الكلام دا من وين ؟؟
ملحوظة الموضوع دا مهتم بالرصد اللفظي واللغوي أكتر من المهارات المطبخية لكن مافي مانع لو كل واحدة أدتنا وصفة
اعجن العجين امدد العجين* امرر العجن وافطر العجين واكوجن العجين __________________ * المديدة بتتعمل في حالتين للعجين الحالة الاولى لعواسة الابري الابيض والتانية اذا كان نوع الدقيق ماجيد وبيطلع كسرة ناشفة بيعملوا ليهو مديدة وهي تسوية جزء منه في النار وانتظاره الى ان يبرد لاضافته للبقية *افطر العجين او جعله فطير هي عكس تمريره وبالمناسبة انا بعرف افطر العجين لكن امرره دي مهارات قاسيه علي
Quote: المديدة بتتعمل في حالتين للعجين الحالة الاولى لعواسة الابري الابيض والتانية اذا كان نوع الدقيق ماجيد وبيطلع كسرة ناشفة بيعملوا ليهو مديدة وهي تسوية جزء منه في النار وانتظاره الى ان يبرد لاضافته للبقية
قررت تمديد عجينتي هنا
Quote: افطر العجين او جعله فطير هي عكس تمريره وبالمناسبة انا بعرف افطر العجين لكن امرره دي مهارات قاسيه علي
فطير العجين دا ما في أسهل منو (تردمي الدقيق بس) وبالنسبة للتمرير بكل بساطة .. يكون عندك (خمّار) ناشف ولا لين وتزيدي عليهو دقيق وموية وتغطيهو في مكان دافئ وتخليهو مسافة زمن .. تجي تضوقيهو لو طلع (مر) زيادة تقومي تفطريهو تاني .. بس
Quote: الموضوع اكيد مهتم بالبنية التحتية اللى افرزت اللفظى واللغوى، تقسيم الادوار ياتيسير...{ حسع الكلام ده الجابو شنو... حالة صعبة}
دا الأنا قصدتو بالضبط .. هسي لو سألتي أي راجل تلقيهو نص الكلمات دي ما عارف معناها ولا وين بتتختا, لأنو ما بيستعملها أصلاً (حتى لو كان مهنتو طباخ) يعني ممكن نقول إنها لغة (نسوية) حصرياً بالإضافة لمسألة تقسيم الأدوار زي ما إتفضلتي الأدوار البتقوم بيها المرأة تلقائياً بيتوجد ليها (المفردات ) الخاصة بيها وما في داعي أمسك ليك اللستة بتاعتك دي وأرصد مفرداتا واحدة واحدة
يا مرتضى الصادق .. (أبو) دا حتى لو ما بيعرف غير المطبخ والكنش برضو ما أظن بيستعمل نفس الكلمات دي وإلا تبقى مصيبة .. يعني أبو دا بيقول أنا قاعد أقمع في بامية ؟
بموووووووووووووووت عديل في الكمونية يا اشراقة(بحب لمتنا معاك في بوست ياشروق) وجني وجن نضافة النسوان الزايدة ليها لما يقطعوها الطعم والنغم لازم تبقى بي ريحة عصارة البطن والانزيمات كلها ____________________________- زعلانة لاني رجعت من الاجازة قبل ما اكل كمونية بتاعت خروف كانت في فريزر امي لاسباب خارجة عن ارادتي
Post: #21 Title: Re: طارق اتخارج من التكل دة Author: Ishraga Mustafa Date: 07-16-2007, 03:00 PM Parent: #18
راوية البنحبها وبتحب الكمونية....
غايتو زمان اكلت جنس كمونية وكترة ام فتيت لمن بقيت احلم بالمصارين والفشفاش الاحمر
اها باين على عاوزة ابقى نباتية... بحب الخضار ياراوية...
وكيف كانت الاجازة، انشاءالله تكونى اكلتى فسيخ، ملوحة واكلات تانية مشتهياها زى ملاح الويكاب ولا ملاح لبن...والشوق بحر ياراوية يالذيذة
شفتي يا شروق انا لما اكون مضطرة اعمل رجيم واكل خضار... اليوم القبل الرجيم بالليل ببكي عديل
مــــــابريد الخضار اصله وبحس اني من ذوات الاربع لما اكل سلطة بس لكن اليومين ديل بيعملوا لينا سلطة منقة ختيييرة في البوفيه وكمان بحب سلطة الافكادو
الاجازة ضاعت علي يا اشراقة لاني عملت فيها عملية بعيد عنك وعن السامعين وكانت في الريسبايروتري سيستم واتمنعت من الاكل زي خمسة يوم وبعد داك لازم نوع اكل محدد اسكتي بس _________________ كسرة يا لنا قايلانا دناقلة ________________________ تيسير صاحبة البوست انا حا انزل بوست اسمه كيف تغيير مسار بوست او كيف (تفتل) بوست بالجنبة
Post: #56 Title: Re: طارق اتخارج من التكل دة Author: تيسير عووضة Date: 07-17-2007, 05:48 AM Parent: #26
Quote: تيسير صاحبة البوست انا حا انزل بوست اسمه كيف تغيير مسار بوست او كيف (تفتل) بوست بالجنبة
رواية .. هسي لمتكن دي براها ما بالدنيا ما يتفتل البوست
أشربي جبنتك دي خلى الكلام ..
Post: #70 Title: الف سلامة ياصديقتنا راوية Author: Ishraga Mustafa Date: 07-17-2007, 10:24 AM Parent: #26
Quote: الاجازة ضاعت علي يا اشراقة لاني عملت فيها عملية بعيد عنك وعن السامعين وكانت في الريسبايروتري سيستم واتمنعت من الاكل زي خمسة يوم وبعد داك لازم نوع اكل محدد اسكتي بس
تبرى يايمة من العمليات والامراض والف حمدالله على السلامة
Post: #77 Title: Re: الف سلامة ياصديقتنا راوية Author: تيسير عووضة Date: 07-17-2007, 11:03 AM Parent: #70
راوية ..
Quote: تبرى يايمة من العمليات والامراض والف حمدالله على السلامة
Post: #22 Title: Re: طارق اتخارج من التكل دة Author: lana mahdi Date: 07-16-2007, 03:01 PM Parent: #18
بموووووووووووووووت عديل في الكمونية يا اشراقة(بحب لمتنا معاك في بوست ياشروق) وجني وجن نضافة النسوان الزايدة ليها لما يقطعوها الطعم والنغم لازم تبقى بي ريحة عصارة البطن والانزيمات كلها ____________________________- زعلانة لاني رجعت من الاجازة قبل ما اكل كمونية بتاعت خروف كانت في فريزر امي لاسباب خارجة عن ارادتي
كدي يا يمة كدي رباية الحبوبات ظهرت دة الكلام يا راوية
طبعاً يا شروق في كثير من الادوار المعرفة بانها ادوار رجال تتضطر بعض النساء للقيام بها. والعكس ايضاً ممكن ، فكون العمل مصنف ضمن مهام النساء ، لايمنع بعض الرجال من ادائه لظروف شتى . ولكن في العموم هذا التقسيم محدد وواضح، و كما تعلمين يختلف باختلاف الثقافة والمكان والزمان . انا برضو نضفت السباليق ودققت العيش في الطاحونة وقريت الجريدة وبرضو نضفت الكمونية وبعرف رجال يملو العين عاسو الكسرة ورمو اللقيمات وقطفو البلاعة وطبخو ، وظبطو صينة السمك زي العجب
أصفي المريسة بأنواعها، بغو ، كوشيب ، نبيت ، ورد ... الخ وليه دايما بصنعوها النسوان ويشربوها الرجال أقصد في بعض المناطق التي لا تعتبر فيها المريسة غذاء رئيسي ..
تخريمة :
ما شفت واحدة فيكم جابت طريق القرع أكلتي المحببة لما تعجنو بالكسرة والشطة ..
Quote: الاجازة ضاعت علي يا اشراقة لاني عملت فيها عملية بعيد عنك وعن السامعين وكانت في الريسبايروتري سيستم واتمنعت من الاكل زي خمسة يوم وبعد داك لازم نوع اكل محدد اسكتي بس
وبرضو التحيّة ليكَن كلّكَن فقد قالت قائلة: "يوم الحِنّة هو يوم النبيح (مع الشُفّع) العالمي" وبالتالي يمكن إضافة: أكَتْكِت من البَرِد وأنا محنّنة وحِسّي ينقَرِش من النبيح مع الشُفّع وبعد دا كُلّو أريتا تجيب مريسة تام زينو...
Post: #78 Title: Re: أنضف الكمونية (للنساء فقط) .. Author: Ishraga Mustafa Date: 07-17-2007, 11:04 AM Parent: #76
Quote: أقلع السُّلْطَة أقلع عينَك عينَك
أها ياعادل البدوى قلع السلطة وقلع عينك عينك ده حقكم براكم بلا منازع
منو البصنع السياسة فى السودان؟ دحين ما الذكور الواقفين طابور للانقلابات؟
Post: #82 Title: Re: أنضف الكمونية (للنساء فقط) .. Author: Adil Al Badawi Date: 07-17-2007, 11:48 AM Parent: #78
الشهادة لله، يا إشراقة، أفعال القلع الاتنين الأولانيّات حقّاتكم 100% وقلع المطمورة ممكن يكون مناصفة.
Quote: أسك الحرامي
أكيد، طبعا. بَسْ لو جاء وانا برّة البيت قاعد أسَكْسِك في حفلة وألاّ جاكّي أساكك في الرِزِق، الدبارة كيييييف؟
واحدة راجلها اليوم كلو حايم (ساكي الرزق) مرتو قالت ليهو يا راجل إنت ما تهمد في البيت دا حبة اليوم كلو مافي .. قال ليها ياخ إنتي اليوم كلو شابكاني وديني و أديني .. دايراني أقعد ليك كيف يعني ؟؟
Quote: يعنى الواحد ما ياخد ليهو (خفسة)..؟ يجى راجع يلقاكم..
سويتو الكمونية وكمان اكلتوها..
دقيقة...
اقش الحوش..
وارش ا##########..
واملا الابريق واجيكم
عاد يا اميرة قصتك طويلة غايتو بعد ماتملى الابريق صلى وتعالى قوام بنخلى ليك حبة ماتقولى بعدها عاوزه تنفتحى النور، معليش نسيت انو النور مربوط بالجمرة الخبيثة
سودانية انتى فى القهوة الفارت ولا فى العكاكيز الممكن تجيك يااختى ماتنومى قفا بانو تيسير قالت للنساء فقط، اصلوا الكمونية دى بتنهضم كويس فى معدة اخونا الرجال
من امبارح انا كنت عاوزة ارجع اقول ليكن انتي واماني انا الجنازة سترتها انا ومعاي تلاتة بنات واتنين اخوانا قمنا بكل مراسم التكفين والدفن لاخ عزيز وصديق فقد شبابه في غربة ولم يكن احد من اهله بجانبه. انا يا شروق عملت كل حاجة بيعملوها الرجال نسبة لاننا فقدنا ابونا بدري وكنا الاكبر في البيت وعملت كل الحاجات البيعملوها النسوان والغريبة انا من امبارح بقول لي روحي ياراوية ناقصك كورس جندرة لانك ماقاعدة تحسي بنفس احساس ناس اشراقة دا انا الامور عندي اصلها ما دا خاص بالمرأة او الرجل وانما هي اعمال يجب القيام بها انا من وعيت على الدنيا وبقيت اعرف اسرح شعري امي بطلت تصحى الصباح تحضرنا للمدرسة وكان ابوي الله يرحمه هو البيصحينا ويعمل لينا الشاي ويحشي لينا السندوتشات ويقيف لغاية مانركب نمشي المدرسة والكلام دا يومي لغاية ماشالو الموت ماحصل بطل الموضوع دا وكنا لما نفتش على شي ضايع في البيت بنساله هو حتى الابرة ممكن تساليهو ويديك ابرة بلون الخيط العاوزاهو او ممكن يخيط ليك كمان هو مسؤول من التموين في البيت من سكر وشاي بالرغم من انه والدتي ست بيت من الدرجة الاولى وبتمشي تشتري خضارها ولحمتهابراها وهي وبتمسك المصروف للشهر كامل لكن كنا بنحس بجد انه الادوار مقسمة وكان عادي انه ابوي يقعد يحرسنا في البيت عشان امي تطلع مشاويرها. وبنفس القدر الخدمة في البيت بينا احنا مقسمة غض النظر عن ولد او بت
Quote: انا من وعيت على الدنيا وبقيت اعرف اسرح شعري امي بطلت تصحى الصباح تحضرنا للمدرسة وكان ابوي الله يرحمه هو البيصحينا ويعمل لينا الشاي ويحشي لينا السندوتشات ويقيف لغاية مانركب نمشي المدرسة والكلام دا يومي لغاية ماشالو الموت ماحصل بطل الموضوع دا وكنا لما نفتش على شي ضايع في البيت بنساله هو حتى الابرة ممكن تساليهو ويديك ابرة بلون الخيط العاوزاهو او ممكن يخيط ليك كمان هو مسؤول من التموين في البيت من سكر وشاي بالرغم من انه والدتي ست بيت من الدرجة الاولى وبتمشي تشتري خضارها ولحمتهابراها وهي وبتمسك المصروف للشهر كامل لكن كنا بنحس بجد انه الادوار مقسمة وكان عادي انه ابوي يقعد يحرسنا في البيت عشان امي تطلع مشاويرها. وبنفس القدر الخدمة في البيت بينا احنا مقسمة غض النظر عن ولد او بت
لو تعرفى كيف حبيت ابونا العباسى؟ ولو تعرفى كيف انا بنته؟
عشان كدى.. الوعى ده ليهو اساس.. اساس متين ياراوية.. اساس اسمو والدنا العباس الف رحمه تنزل على قبره
Post: #175 Title: Re: سودانية تخجّ السعن و تجنّح الجدادة Author: فدوى الشريف Date: 07-19-2007, 09:36 AM Parent: #89
Quote: العجب كنا دايرنك تخجّي السعن و تجنّحي الجدادة
غايتو الجنيح دا خلنو علي والله اتشعبط في القادوس حق الحمام اجنحو ليكن كلو والضبح زاتو بضبو ليكن نسويلنا شوربه تدفي عضيماتنا ديل تعالي ياسودانيه النخس بي هني امسكيلي السلم النطلع القفص حق الحمام
في مناطق في السودان بتلقا الواحدة رابطة جناها فوق ضهرها في الشمس وبتعمل في الكلام دا ذاتو .. يعني شغالة وبتمارس أمومتها في نفس الوقت ..
Quote: وبرضو التحيّة ليكَن كلّكَن فقد قالت قائلة: "يوم الحِنّة هو يوم النبيح (مع الشُفّع) العالمي" وبالتالي يمكن إضافة: أكَتْكِت من البَرِد وأنا محنّنة وحِسّي ينقَرِش من النبيح مع الشُفّع وبعد دا كُلّو أريتا تجيب مريسة تام زينو...
Post: #101 Title: Re: أنضف الكمونية (للنساء فقط) .. Author: سوسن عبد الله Date: 07-17-2007, 12:54 PM Parent: #99
عزيزتي لنا... كيفك ... بس قلت أساعدكم شوية لأني ما بحب الكمونية ولا ريحتها عشان كدة حجزت الجبنة لكن ما قلتي المصطلحات دي جبتيها من وين .. ما أظنك قعدت في السودان كتير!
Quote: عزيزتي لنا... كيفك ... بس قلت أساعدكم شوية لأني ما بحب الكمونية ولا ريحتها عشان كدة حجزت الجبنة لكن ما قلتي المصطلحات دي جبتيها من وين .. ما أظنك قعدت في السودان كتير!
(الشلاقة) يا سوسن نحنا ما عشنا كتير في السودان بس دة بيخلي في ارتباط أوثق بالبلد ورغبة حقيقية تعرفي (قعور قعور) تراثها ودة بيكون اكتر شي ب (الصنقرة) جنب الحبوبات محبة و تقدير
ست المكتب الفاتح على الجمهور حلال وبلال عليك مرتباً بالتعب ممهور وساعة رضاعة أجمل من سياحة شهور آخر من تنومي تقومي دغشاً بدري قبل الشمس ما تغادر سرير النوم ويغادر عشه العصفور تحرسيها اللبينة تفور تسوي الشاي يا الله كم من سندوتش فطور للممتحنة وللبيهاتي جاري يحصل الطابور وانت وراك مستنيك هم دفتر غياب وحضور لفحنا العمة خليناك بين الحلة والماسورة رتبت القميص والطرحة حفظت النشيد والسورة والتعب البخلي الصورة فى عينيك أجمل صورة ديك الحجلة وداك البلي ياما تشري ياما تبلي ما بتكلي ما بتملي ما بنقص حنانك ملي هل هذا عمل مأجور
Quote: بوست ليهو هوية لمن طق لى فى راسى اسال الناس العاشوا برة فى ناس غيرنا بيعرفوا الكمونية او اكلة بتشبها؟
المصريين بياكلو الكمونية دي ذاتا بس عندهم ليها إسم تاني وبرضو عندهم أكلة إسمها الكمونية بس ما ياها كمونيتنا دي ! وباقي الكلام عند لنا مهدي و بنات العباسي لأنهم عاشروا المصريين أكتر ..
Quote: العاشوا برة فى ناس غيرنا بيعرفوا الكمونية او اكلة بتشبها
ندوية ياعسل
الصينيين بيعملو كمونية الخنزير
اماالكمونية عند المصريين في كتب الطبخ لو تابعتيها بتلقي انها دمعة عادية بلحمة بس عاملين فيها
كمون(شمار اخضر مطحون) لكن بيعملوا الكرشة دمعة زينا بس بيضيفوا ليهاالحمص(الكبكبيك) اما
المصاريين بيعملوها احلى اكلة في الدنيا اسمها ممبار شفتي خلطة تشبه حشوة المحشي من الرز والبصل
والبهارات والبقدونس والشبت(الشمار الاخضر) يقلبوا المصارين وياحبذا القصيرة منها ويحشوها ويسلقوها وبعد داك تتحمر
اما عفشة الخروف كلها في مصر ليها ناس مخسوسة بتبيعها وبيسموها (حلويات) شفتي الناس البتفهم
المصريات عندهن حركة حلوة وانا برجع ااكد لي تيسير وشروق لي استعمال المفردات دي خاص بالنساء ممكن يكون عشان بيحبوا الحاجات البعملوها دي وبتملا ليهن دنيتين مثلا المصرييات عندهن اعتقاد انهن لما يعملوا قدحة الملوخية وهن بيطشوها في حلة الملوخية يخلعوا زول جنبهن عشان الملوخية تطلع حلوة امبارح ياندوية في مطعم قعدت جنب راجل عجوز حكى بي عن شعب اسمهمCajun بيعيشوا في نيواورلينز في امريكا مهاجرين اساسا من كندا ومختلطين بالسود ليهم لغة خليط من الفرنسية وحاجات كدا المهم انه اكلهم مميز جدا وحلو ومليان بهارات ومن ضمن اكلهم عندهم حاجة اسمهاDirty Rice فيهو لحمة مفرومة وحاجات تانية حلوة منها الفاصولية البنية المهم شكلو فعلا ديرتي لكن حلو . اما الحاجة الحلوة انهم بيعملوا طبيخ البامية وبييتوهو تلاتة يوم عشان يبقى حلو اها الراجل اول ما قال لي كدا قلت ليهو اسالني انا دي من البامية البايتة احلى منها مافي تسخنها الصباح وترمي فيها طرقة كسرة جديدة وحارة
Quote: اما عفشة الخروف كلها في مصر ليها ناس مخسوسة بتبيعها وبيسموها (حلويات) شفتي الناس البتفهم
دي بس زي راس الخروف بيسموهو (الباسم) بي شناتو ديك كلها ..
Quote: اما الحاجة الحلوة انهم بيعملوا طبيخ البامية وبييتوهو تلاتة يوم عشان يبقى حلو اها الراجل اول ما قال لي كدا قلت ليهو اسالني انا دي من البامية البايتة احلى منها مافي تسخنها الصباح وترمي فيها طرقة كسرة جديدة وحارة
البامية والرجلة والقرع ديل ما بيتأكلوا إلا يبيتوا وفي ناس بيسموهم ملاحات (بيت البكا) وعندهم إعتقاد إنها بتكون أحلى من البتتعمل في البيت !!
بي مناسبة أكّشن البصل دي مرة قريت هنا في البورد دا مكتوب المكشم بلا بصل وهي غلط طبعاً لأنو معروف إنو (الكُشنة)* أساسها البصل ولما تقول مكشن بلا بصل كناية عن الصعوبة والإستحالة زي النجوم في عز الضهر ..
Quote: غايتو الجنس اللطيف بقا حساسا تجاه حاجاتنا القديمة مع انها ظريفة وبتدي الواحدة دور عظيم .. ما عدا الختان وبعض الكبت مافي شي سمح ما لقتو الست السودانية مع انو الحاجتين ديل بقوا ماضي ..
دي إسمها يحسدوا الأعمى على طول عكازو ..
Quote: دحين نضفن الرجلة وخلوها تجي تعملا ليكم ..
بيقولوا حُشن الرجلة أمّال البوست دا عاملينو ليه
وبعدين يا ود رملية .. هسي اللستة العملتها دي كلها ما بي نضافة الكمونية بس ؟ أوريك الحقارة الجد جد
Post: #148 Title: Re: أنضف الكمونية (للنساء فقط) .. Author: Amira Osman Date: 07-18-2007, 07:59 AM Parent: #1
سلامات، ثقافتنا المطبخيه مرتبطه بالبئيه يعني هز السعن بنلقاهو عند نساء الريف حيث الزراعه و الرعي و عند نساء المدن (زي البرجوازيات كده) نجد دق البوفتيك و خلافه و بعدين الكمونيه دي ما معاها تحليه وين الترايفل و البسبوسه و الباسطه و اشياء اخري لا اعرف لها اسم بس تاكلها العين قبل المعده
سلامات الأخ تيسير ست التكل والراكوبة والنيمة القدام,
كتبت الأخت أميرة عثمان:
Quote: و بعدين الكمونيه دي ما معاها تحليه وين الترايفل والبسبوسه والباسطه
نصيحة لى ألله سيدنا ده!! ما تعملى الكلام الكتبتيه فوق ده لأنه عواقبة مضمونة وحا تكرهى الكمونية واليوم الإخترعو فيهو الكمونية!!!!يعنى بالعربى كده خليك طبيعية وسودانية وإكتفى بالشاى والجبنة عشان ما يحصل ليك ما يعرف بالStomach Shock ! !! والله يسهل عليكم ..وعلينا,
Post: #171 Title: أم بق بق Author: lana mahdi Date: 07-19-2007, 08:54 AM Parent: #169
Quote: أسع فيكن واحدة بتعرف
ملاح أم بق بق ..?!
أبوعبيدة
أبوعبيدة ياخوي وحبوبة بتقول أهم شي ملاح (مفروك)أم بقبق عيونو ما يتهردن ..يعني الدورانيات الجوة البامية البظهرن بعد الفرك كان اتهردن ياهو الملاح الخسر..البامية المفروكة يا حبيب بتقول في النار بق بق
Quote: وحبوبة بتقول أهم شي ملاح (مفروك)أم بقبق عيونو ما يتهردن ..يعني الدورانيات الجوة البامية البظهرن بعد الفرك كان اتهردن ياهو الملاح الخسر..البامية المفروكة يا حبيب بتقول في النار بق بق
أمسك في كلام لنا مهدي دا قوي ..
Post: #170 Title: Re: أنضف الكمونية (للنساء فقط) .. Author: Haitham El Galal Date: 07-19-2007, 08:40 AM Parent: #1
ود الماحى ياخوى ديل بنوت نجيضات تربايه حبوبات خليك من ام بق بق كان سالتهن من ملاح البربور بعرفنو
تخريمه: اسامى الملاحات بتختلف من منطقه لمنطقه و لا اقول جنس فلست عنصرى و لا من دعاتها
هذا هو غايتنا وطن خير ديمقراطى حنبنيهو النحلم بيهو يوماتى
زرييييعة شينو يااااااخ انا جااااري الحق الفاتحة الناس ديل لي هسي ما واجبتهم.. عيب والله يا عوصمان.... عوصمان...ياولد الجن... الله يقطع الاتاري وسنينو... يا ولد.. ناولني الملفحة والعمة بسوووورعة
اشراقة كيفنك نان نحن كان ما الحبوبات ديل كان عشنا العندو حبوبة كله الله يحفظها ليهو
Post: #198 Title: Re: أنضف الكمونية (للنساء فقط) .. Author: Ishraga Mustafa Date: 07-20-2007, 10:59 AM Parent: #197
ياطارق سلامات ياود حبوبتى
Quote: نان نحن كان ما الحبوبات ديل كان عشنا
لحبوباتنا وليكم وليهن ونحن على صحن الكمونية اهديكم شدو شمس... حبوبتى الله يرحمها
Quote: نساء على هامة الشمس {2} إلى نساء غيبهن التاريخ الرسمي
شجو الشمس يبدأ بحليمة
أمي يا أغنياتى الحنينة يا من سكنتى دهشة طفولتي ومنحتيها عذوبتها ومرحها ومازلتى كيف لا ووجهك الندى لم يفارقني لحظة، كلما قست الدنيا على قلبي كلما عشت اعظم الانهيارات والإحباطات كلما انكسر فى حلم وكشر الواقع أنيابه فى صباحي تحاصرنيقيامة الأسئلة منذ صغرى وأنتي تنتزعين نفسك من نومة الفجر التي تحتاجينها تصلين فجرك وقلبك ينده بالدعاء لي ولأخواتي الصغيرات وتولعى نار { عواسة} الرزق. {البنات لازم يقرن} تحبسين دموعك عنا، توارين حزنك وضجرك وأنتي تعودين دون ربح يذكر وتحمدين الله على { النفس الطالع ونازل}. عذبني دخان { صاج العواسة} الذي أدمع عينيك الوضاحتين لم تتوانى لحظة أن ترسليني لروضة ست ماريا، كانت الحياة طيبة مثلك ومثلها، شهر كامل بقرش واحد. على بروش وتحت شجرة النيم نجلس ندرس العربي والدين والحساب. لم يضايقك بأني كنت منافسة للأغنام فى حب الورق، كل جريدة أو باقي رسالة مكتوب عليها بعض الأناشيد التقطها أعود بها إلى البيت، كنتى تضحكين حين يحتج أبى المحب أيضا للورق والاطلاع { خليها تلقط الورق، الغنمة مالها مابتجيب اللبن}. كان فرحك عظيما وان اعتب إلى المدرسة ولا تنسين قبل ذهابك للسوق الصغير أن تعدين لي شنطتى وقرش ونص للفطور ووصية حنونة كتميمة تحفظني حتى أعود. علمتني كيف أحب الدنيا والناس فحين كنت أعود من المدرسة آتيك فى السوق قبل أن اذهب إلى البيت، لقمة دافئة تسند جسدي الصغير، كان كل ما تصنعه يديك طاعما وشهيا كحبك للحياة ولنا. كنت ارغب فى أن أساعدك، ربما أردت أن انفذ بعض ما درسناه دون أن تطلبي منى، فامل تساعد أمها بعد عودتها من المدرسة قبل أن تراجع دروسها ولكنك كنتى تصرين أن أذهب إلى البيت لاذاكر { عشان تجئ الأولى، وهديتك تسافري معايا الشرق، ما اشتقتى لحبوبتك عشة ، نزور كمان الطندب عشان الخليفة الفاضل يحرسك من العين والشر}. كنتى تواصلين أرحامك وأهلك وجيرانك ، تذهبين وأمي للمجاملات حتى انى اشتاق أحيانا لعصرية معك ومعها. كلما حاولت أن أكتبك اعجز أمام عظمة انسانك وعيك النافذ وأسئلة وجودك تطرحينها ببساطة ، لا زلت اذكر موقفك وشجاعتك وأنتي تقفين أما ابنك الوحيد أبى أن لا يتزوج على أمي، كنت مبدئية وواضحة وعبرتي بكل الوسائل عن رغبتك، كنتى تحبين أمي وترى فيها ابنتك التي لم تنجبيها، رضخوك لم يأتى عن قناعة بل انحيازا لقلبك كأم أن تفقدي ابنك الوحيد الذي لم يكتفى بوردة واحدة. ظلبتي تكافحين لاجل أن نعيش حياتنا بشكل طبيعى، نأكل ونشرب ونقرأ. كانت دموعك تنهمر فرحا فى كل نهاية عام دراسي وابى يتم تكريمه فى المدرسة كوالد لتلميذتين نابغتين أحرزن المرتبة الأولى فى الفصل الدراسي، كنت أنا وشقيقتي منى كانت دائما هديتك { غويشات الذهب التلاتة} تضيء ليل غربتي. كان حزنك كبيرا حين اضطر أبى يوما لصرفها لضيق الحال. كنت تحاولين ببساطة أن تجيبي على أسئلة طفولتي - ليه فى حلتنا فى بنات مابمشوا المدرسة مساكين ما عندهم قروش - وليه الله خلق الناس مساكين دى إرادة ربنا، الله يعوضهم الجنة - وكان مافى جنة وتستغفرين الله دون أن تنتهرنى كما فعل أستاذ التربية الإسلامية فى بداية مرحلة الثانوي وأنا اسأل عن الوجود أسئلة الباحثة عن الحقيقة. مايحزننى يا أمي انى ذهبت حين احتجتى لوجودي؟ شقي العمر والرطوبة التي تسربت إلى عظامك من زمن مبكر فأقعدتك عن الحركة التي كنتى تحبينها كفراشة لا تكف أن تهب رحيقها إلى خلق الله فتكتسب محبتهم واحترامهم. فرحتك كانت عظيمة بدخولي الجامعة وبتحقيق رغبتي أن أدرس الصحافة والإعلام وتتذكرين { جنوني لالتقاط الأوراق فى طفولتي من الشارع} أتذكر مقارنتك ردا لأبي عن فائدة الغنم التي تهبنا لبنها. كان الخوف يسيطر على منذ أن تابعت أنفاسك وأنا صغيرة لاتيقن بأنك مازلتى تنمحنيى الحياة ورونقها، فحين ذهبت لعاصمة البلاد لأنهل من علم حببتني إليه كنت اقتطع من مصروفي الفقير لاوفر تذكرة العودة إليك، مرتين فى الشهر، أعود إلى حضنك اغسل لك شعرك أمشط ضفائره أضاحكك { حسع مالك ما اديتينى من شعرك ده} وردك دائما يأتى شافيا { المهم يابتى التحت الشعر} يالك من حكيمة. تفرحين بالتوب الذي اشتريه لك فى كل عيد وتصرين على أن البسه بحجة انه {توب بنات صغار} أعطرك بالعطر الذي تحبينه { رائحة فرير دمور المسخ الارياح} وحين تحين عودتي لامدرمان تدراين دموعك وتدسين فى يدي بعض ذاد ذودك بها ابناء وبنات أخوانك وأخواتك اللذين يزورونك من حين إلى آخر. كنتى صامدة حين داهم رجال امن الإنقاذ بيتنا بحثا عنى، حفزتى أمي التي كانت دائما ما تفعل من أيام نميرى أن تدفن كل ما تعتقد انه منشور سرى، لم تحرقها، أن أكثر ما يوجعني يا أمي حين أتوا مرة ولم يثنيهم شيبات الوقار على رأسك ولم يرحمك بأنك عاجزة عن السير والوقوف، قلبوا الفراش التي كنتى ترقدين عليه ولم يبالوا بكبرك. وحين كان أبى يحتد أحيانا بان نقلل من نشاطنا كنتى تهمسين لي { قولي ليهو كويس وبعد ما يهدأ نقاشيهو هو خائف عليكن} وحين يهدأ أبى ونتناقش يسطع فيه وعى ادخره منذ أن كان الأزهري له رمزا للوطنية. حين ضاق الحال وقررت السفر إلى بلاد الله الواسعة لم تكسري مجاديفي والواقع القاسى يؤكد استحالة السفر، التذكرة والمصاريف ومسئوليتك وأنتي الكبيرة وكثير من الأسئلة التي تحبط الأمنيات الصغيرة، وقفتي بجانبي وقلبك يبكى لفراقي، { كان الله أراد بتسافرى} { ربنا يفتحها عليك، عافية منك ورضيانه عليك}. لم تفارقيني ثانية واحدة، كنت فانوسى وشمعتي حين يحلك واقعي لم تكن البداية سهلة ولان المنحة كانت لا تكفى ولاتحقق أن افعل لاجلك واجل أهلي ما أردت اضطريت للعمل كان الجليد ينهمر على رأسي وأنا أبيع إعلانات الجرائد الخاصة باتحاد الطلاب النمساويين الساعة بستين شلن، كنت حين {اضربها بجنيهنا} السوداني اتحمس بأنها تفعل شئ حين نظر البعض من أهل بلدى وتساؤلات عن الذي يضطراني لمثل هذه الأعمال الهامشية وأنا طالبة دراسات عليا ولدى منحة. كنت اسخر فى سرى وادعو لك ولامى، فمنكما عرفت قيمة العمل أيا كان طالما كان عملا مشروعا، لا يعرفون بان ابنة نساء عاسن الكسرة وباعهن ليعتمدن على ذاتهن ويساهمن فى الحياة، لا يعرفون بأني تعلمت { العواسة} وأنا فى العاشرة من عمري حين مرضت أمي مرة وكان لابد من مواصلة العمل والا ستفقده لا يعلمون باني بعت السندوتشات لزملائي وزميلاتي طلاب وطاليات الدبلوم العالي بجامعة الخرطوم لاواصل دراستي ولأساعد فى هم المعيشة، فكيف لشابة فى بداية مشوار حياتها لاتجد عملا ومغلقة كل الأبواب فى وجهها شهادتي ذات مرتبة الشرف لم تشفع لي أن أجد الوظيفة التي تناسبني فى بلد يقسو على فلذات كبده ويطاردهم/ن ويغلق نوافذ الامل فى وجوهنا فنهيم بحثا عن شجرة نستظل بها من جور حكامنا فكيف يا أمي وانتى كل الشجر والأنهار والشموس كيف وانتى الوطن فى دفئه وعمقه ونهاراته؟ هنا يا أمي وبعيدا عن شجوك ودندنات محبتك بدأت طريقي فى مدينه جميلة ومرتبة ولكن قلبها لايبادلنى الحب فتحت أبوابها بحذر تغلقها متى ما تشاء ولكنها منحتني فرصة أن أحكي عنك كنت حين اجلس فى قاعة الدرس قبل عشرة أعوام، قاعة مكتظة اجلس وسطهم/ن هل باتري سانجح بلغة ليست لغتي؟ ألم تقولى إلى فى أول زيارة بعد سفري محفزانى لتعلم اللغة الألمانية { اتعلمى لغتهم بتضمني شرهم} كلما تراجعت وملكني الخوف الجأ إليك وكلما حققت نجاحا أحكي لك واجالسك وامشط لك شعرك أول مرة وقفت فى قاعة الدرس لادرس الطلبة والطالبات النمساويين/ت ندهت عليك يا أمي ياكل نجاحاتى للحظة فاحت رائحة { كسرتك} وتفوحين يا أمي فى كل محفل اشهق فيه باسمك فتهطل فى كل أيام كفاحك كتبت عنك نصا بكل نبضي شاركت به فى مسابقة أدبية مهدأة للكاتب والنقابي النمساوي ليوبلد اشتيرن نظمتها نقابة العمال فى النمسا فاز النص الذي حكى عن ثلاثة وجوه مفرحة تتجاوز الحدود كان وجهك يا أمي وكلى يطل فى كل امرأة طاعنه فى السن كنت أتخيلك فى شبابك واراك فى بعض النمساويات الجميلات أسائل نفسى { ياربى لو مشلخة ولونها اخضر} الن تكون جميلة كما أنتي النص حكى عنك، عن يوم مازالت لعنته تكسوني رن جرس الهاتف صباحا انقبض قلبي { أمي حليمة بتكون ماتت} قلتها بيقين من لن يلقاك جرجرت إقدامي التي أصابها شلل كامل وفى خاطري شريط سينمائي مر سريعا تذكرت زيارتي لصديقتي الألمانية، نوافذ بيتها فى الطابق السابع تفتح فى مقابر فى الحي الثاني والعشرين بفيينا رميت نظرة عجولة على الزهور المتناثرة على القبور وتذكرت { مقابرنا} فى { ود ام جبو} كما يسميها أهل حيينا أسئلة حاصرتني أسئلة رحلتنا من الحياة إلى الموت التي تبقى دون إجابات شافية التلفون لا يكف عن الرنين اللعنة انه الموت فى الجانب الآخر صوت أختي مبحوحا قلت لها فى محاولة لتهدئة نفسى أمي حليمة انهت رحلتها فى الدنيا فرقعة التلفون، نحيبي، شلل فى الروح آآآآآآآآآخ يا أمي إحساسي بأني نزعت من جزورى كان إحساسا قاتلا أن يفارقك احب الناس فى الكون إلى قلبك صوتها فى آخر مكالمة معها لا يكف صداه متين الجية يالحبيبية بدور أشوف جناك واحضنه لم تنتظرينا يا أمي رحلتي دون أن تروى ظمأ روحي بلقياك زغاريدها تدندن فى أذني { جيد لى يامية بتى جايبة الجنا، مامهم بت ولا ولد المهم سلامتك وسلامة جناك} ذادت السنين وعيك حدة وسيقتى زمانك وواكبتى زماننا حكيت لك لاغرس فيك الطمأنينة جارتي العجوزة اليوغسلافية زوجة السيد بتروفيتش ترعاني فيها طيبتك لم تكن بنينا لغة مشتركة نتفاهم بها تتحدث معي بلغتها وأحكى معاها بعربي{ كوستى} حساني وحاساها تأتيني بالطيبات وعينيها توصيني لاجل الذي فى أحشائي كان بيني وبينها سر غريب، وأسئلة تركض فى دمها ودمى نوع تلك الأسئلة التي تبقى بلا إجابات جرجرت روحي لافتح الباب لجارتي النمساوية السبعينية العمر لتسألني لماذا انتحب كنت قد حكبت لها عنك عن قيمة الكبير عندنا كانت تحكى لي عن بنتها التي تراه مرة فى العام، فى عيد ميلاد المسيح عليه السلام قالت لي بحزن لا يخفى وكأنها قاسمتك الشقا وحب الحياة والناس لم تمت طيلة ما أنت تنبضين كن ثلاثتكن يا أمي زوجة السيد بتروفيتش والسيدة بريجيت وسيدة روحي ومالكة فرحى أنت ياأمى يا بت أب شالية ثلاثتكن تجاوزن كل الحدود المرسومة لاجغرافيا لاخط استواء لالون ولا اصل فقط المحبة حين وقفت والتصفيق يعلو فى الصالة الأنيقة ورئس النقابات يهز يدي مهنئيا رأيتك قمرا ساطعا وهب الحضور وقاره والإحتفاء شذى من تلك الحياة بزغت شمس الجنوب فى محياك ومنحتني القدرة لاواصل المشوار أعدك يارمز صمودى وشعلة وعى ان تصحو فينى الحياة كلما داهمنى الموات وكلما انشلت فى أغنية ، ساواصل هدر الحكاية وصخبها وكلما تعبت خطواتى تأتينى وتمنحنى بعض من هدير انسانك انتى يا أمي يامدرستى الأولي فى الحياة
جدتك مثل كل الحبوبات أو(الأمات) كما يحلو للكثيرين مناداتهن .. هن الأقرب والأحن لأحفادهن .. ووالدتك أيضاً سيدة عظيمة ربنا يديها الصحة و العمر المديد وكفاية إنها جابتك إنتي ..
Quote: وعيك النافذ وأسئلة وجودك تطرحينها ببساطة ، لا زلت اذكر موقفك وشجاعتك وأنتي تقفين أما ابنك الوحيد أبى أن لا يتزوج على أمي، كنت مبدئية وواضحة وعبرتي بكل الوسائل عن رغبتك، كنتى تحبين أمي وترى فيها ابنتك التي لم تنجبيها
Quote: أول مرة وقفت فى قاعة الدرس لادرس الطلبة والطالبات النمساويين/ت ندهت عليك يا أمي ياكل نجاحاتى للحظة فاحت رائحة { كسرتك}
Quote: فى الجانب الآخر صوت أختي مبحوحا قلت لها فى محاولة لتهدئة نفسى أمي حليمة انهت رحلتها فى الدنيا
Quote: حين وقفت والتصفيق يعلو فى الصالة الأنيقة ورئس النقابات يهز يدي مهنئيا رأيتك قمرا ساطعا وهب الحضور وقاره والإحتفاء شذى من تلك الحياة بزغت شمس الجنوب فى محياك ومنحتني القدرة لاواصل المشوار أعدك يارمز صمودى وشعلة وعى ان تصحو فينى الحياة كلما داهمنى الموات وكلما انشلت فى أغنية ، ساواصل هدر الحكاية وصخبها وكلما تعبت خطواتى تأتينى وتمنحنى بعض من هدير انسانك انتى يا أمي يامدرستى الأولي فى الحياة
والله ما عافي ليك .. ما عافي ليك يا طارق ياخ الجهجهة الدخلتني فيها الصورة دي .. و الصينية " أم طريقات " كريمات و صحن الألومنيوم أب عِزة .. و اليد الكريمة و حامدة و شاكرة و متيقنة .. و مظلومة . ما عافي ليك العبرة الخنقتني دي ولا الحزن الكبير و لا الشوق و لا الشجن .. حرام عليك .. الدنيا جمعة ياخ .. ما عافي ليك تنكت الجروح و هي لسه نية ( هي متين كانت ما نية ؟!! ) .
كان بيت عرس البوست ده .. صفعتنا فيهو بصورك دي .. و دقيتنا ياخ .. ياخي دقيتنا يا طارق .
آي بناكل الكمونية و المرارة لكن مااااااا بنستحمل نشوف متل ده،، انا غايتو بتحصل مصيبة بعد الزمن ده كلو كان شفت لي خروف بضبحو فيهو،، يا جنيت يا جننت البضبح،، l00l
Quote: * غايتو ياطارق صورة الخروف البسلخوا فيهو ده خلت شعرة روحى كلبت اصلى بكتر من الخضار فى اتجاه التعامل بروحانية مع الحيوانات وكل مخاليق الله
وعزة قالت ..
Quote: آي بناكل الكمونية و المرارة لكن مااااااا بنستحمل نشوف متل ده،، انا غايتو بتحصل مصيبة بعد الزمن ده كلو كان شفت لي خروف بضبحو فيهو،، يا جنيت يا جننت البضبح،،
بالجد لكن والموضوع دا ما ليهو علاقة بالدلع ولا الحنكشة منظر الضبح والسلخ والدم بيعمل لي هيستيريا عديل والعجب لو شفت لي حمام بيضبحوا فوقو الدنيا دي بتمسخ لي
ممكن عادي آكل اللحمة بس ما أشوفا لمن تتضبح , وأظن أغلب الناس كدا ..
ياطارق ديل الحبوبات.. فى كتابة تانية ما اكتملت.. اها شن قولك فيهن
Quote: هن الحبوبات... ماطرات المحنة وفاتحات ابواب الرحمة فاتحات افخاذ الصغيرات لتلك المرأة ذات الشنطة الحديدية التى تراصت قيها مشارط الحلم الانسانى، مقصات اللوعة وشوق صبابات الانثى... الحبوبة {ام محن} تأمر السيدة { السعلوة} بان تجزر مدخل الخصوبة حين يشتهى المطر جزر نديهة النساء الغولة تقص... تجزر فى صحراء القلب امرأة تتمدد كل ليلة دون ان تجلجل روحها بالفرح ودون ان تعزف موسيقى جسدها حشرجة الموس لهفة المشرط الغائص فى لحم البنية صوت المرأة ذات الصوت الاجش يزمجر { ماتخلى حاجة فيها، اللالوبة دى فيها رجس الجن}، عليك اللعنة ولم يكن زورا حين أطلقوا عليك {الضكرية}... كنا حين نجلس تحت شجرة اللالوب نتحسس آهة حماماتنا المذبوحة بين افخاذنا الصغيرة ولم يعد لهذه الشجرة طعم وصارت عروق {مشحطة} تدل حاج آدمو الى اشتهاءاته!! ومع ذلك فالحبوبات طيبات يناولن اباريق الوضوء لرجالهن وتنساب فيهن ذكريات بعيدة و....
نسوان فالحات وماعندكن عوجه كلكن. انا غياتو لما تخلصوا كمونيتكم دي اعزموني اكل مع الرجال لاني بحبها ولا بنضفها ولا بعرف ليها. ولا عندي طريقه اعرف ليها بعد العمر ده.
اشراقه يخوفونا يا اختي ببت مجذوب وهي انجض واحده فينا.
Quote: هوى ياتراجى ماعندنا {حريم} بياكلن مع الرجال حسع يطلعوك { بت مجذوب} {وش بتاع شمشرة ماقادرة ارسمه ليك
الرجال كل المفيد ليهم ونحن العضام عشان كده بت مجذوب..بت مجذوب انا قبلانه...بس ادوني وش الملاح
Post: #255 Title: تراجي الرسول كان فتتي...خسّمتك Author: lana mahdi Date: 07-20-2007, 07:57 PM Parent: #252
Quote: نسوان فالحات وماعندكن عوجه كلكن. انا غياتو لما تخلصوا كمونيتكم دي اعزموني اكل مع الرجال لاني بحبها ولا بنضفها ولا بعرف ليها. ولا عندي طريقه اعرف ليها بعد العمر ده.
بالله شوف الولية دي أرّسول كان فتي..خسّمتك بالنبي الصينية جاهزة
Post: #257 Title: Re: تراجي الرسول كان فتتي...خسّمتك Author: Tragie Mustafa Date: 07-20-2007, 08:16 PM Parent: #255
شكرا يا لنا
Quote: بالله شوف الولية دي أرّسول كان فتي..خسّمتك بالنبي الصينية جاهزة
لكن الخسيم ما عندك اتذكرت بوست غاده عبد العزيز عن الخسيم.
Post: #258 Title: Re: تراجي الرسول كان فتتي...خسّمتك Author: Ishraga Mustafa Date: 07-20-2007, 09:40 PM Parent: #257
والحق يقال طارق ماقصر من وراك وسوميته بتكون ساكة الجزار لحسة عشان الريسين البت التقول ماعاشت فى ايوا سيتى
والخنساء جات وزعلانة ماخلينا ليها حاجة غايتو شايفة طارق دسة ليها شوية ماود حبوبات الله يديه العافية واللقمة الدافية والسكنة فى الصافية {عاد دة كلو بيجنن وحات سيدى الحسن}
Post: #265 Title: Re: تراجي الرسول كان فتتي...خسّمتك Author: تيسير عووضة Date: 07-21-2007, 10:04 AM Parent: #263
يا شروقة الله يسلمك بت أمي .. والله لي هسي تعبانة بس قلت أجي أديكم طلة وطارق عارفاهو ما بيقصر كفاية إنو أول زول جانا في التكل دا وسوميتا (حبيبة قساي) دي خليها بس لمن أجيها عديل والخنساء جات متأخرة عشان كدي (حقها في كرعينها)
وأنا كل شوية بجي كان حسيت بروحي كويسة ..
أنضف الكمونية أستهب من ريحتا أتكوفر تاني يوم أرقد بالحمى أهضرب معاكم
Post: #334 Title: Re: ووين طارق... كمل الكمونية وزاغ Author: Ishraga Mustafa Date: 07-23-2007, 11:11 AM Parent: #258
Quote: نسوان فالحات وماعندكن عوجه كلكن. انا غياتو لما تخلصوا كمونيتكم دي اعزموني اكل مع الرجال لاني بحبها ولا بنضفها ولا بعرف ليها. ولا عندي طريقه اعرف ليها بعد العمر ده.
طلعتي أحرف واحدة لكن .. بس نحن نسوان الزمن دا ما عايزين معانا رجال تلقي كل واحدة بتقول ..
اها عليك الله عندي زرارتين مقطوعات في كم القميص البني خيتيهن لي يانو شنو.. انا بعد الفاتحة معزوم مطش حاااار في ميدان عقرب وبعدو ماشي النادي امس ناس عماد عبدالله ديل مدننا سيك ووحات الله اكان ما اتسديتو ماني راجع البيت بي الله واحد وباكر شوفو ليكم زول ينقف البلاعة... كرهتونا الحمام زااااااطو
Quote: اها عليك الله عندي زرارتين مقطوعات في كم القميص البني خيتيهن لي يانو شنو.. انا بعد الفاتحة معزوم مطش حاااار في ميدان عقرب وبعدو ماشي النادي امس ناس عماد عبدالله ديل مدننا سيك ووحات الله اكان ما اتسديتو ماني راجع البيت بي الله واحد وباكر شوفو ليكم زول ينقف البلاعة... كرهتونا الحمام زااااااطو
ياطيفور الخط التحت الزرارتين ديل ختيتو من عندى... طيب ماتمش الماتش وهن مقطعات بدل ما اتعب واخيطن ليك ويمشوا يقطعوهم ليك هناك لمن تغلبوا التيم التانى، الكورة معناها شنو ياطيفور... غايتو بالبشوفو ده والكواريك دى ماهى الا تنفيس للستك الحياة الشايلنو فى قلبنا..
يازول هى كدى خلينا من التنظير ده.. مافى حمام كان ماغرفت البلاعة كل زول يغرف جردل حمامو، تاكلوا الكمونية وتخلوا ناس تيسير ولنا وطارق ذاتوا معانا نقش باقى الحلة..
عارفة يا إشراقة ياختي ٭٭ معليش لزوم البوست و كدي،، كجنتي في الدنيا الراس،، و لحمو،، ابداً ما جربتو في حياتي،، اما علي حد قول سلمي ختي إني كنت باكل المرارة نية،،
Well.. I was suppose to leave last saturday! but for some reasons ( out of hand) wasn't able to,, so we had to reissue the tickets :S and It was so hard to find seats when we finally confermed it.. FEDEX Express didn't deliver my ticket on time! if they did anyminute before 10 AM I will be able to leave! if not then we'll have to make a new reservation! Billahi da klam da!!
تكل وتيسير!!!!!!!!!!!!!! دى قصة عجيبة وتضاد مفردات لا حصل ولا حا يحصل وقولو واحد!!!!!!!!!!!! من العامية الضاربة فى عمق أصولنا وتمازجها,كل أتى ببعض ما سمحت به المناسبة ومساحة التكل,,,
فى علم الموسيقى والعزف يوجد ما يعرف بال Free Style وهى مساحة للعب صولات حرة دون السماح بنشاذ موسيقى وهو ما حدث هنا وكان اللعب حرا ومن داخل تكل الحاجة تيسير خرجت الأفكار بممارسة سودانية صرفة و بحتة( القصة كانت حلة كمونية فتشعبت وإنبثقت منها أعراث وثمايات وطهورات!!وحفر!! وإجتماعيات لاحصر لها: D ,,,,,,,,,,,
من يملك خلفيات وعاش أونشأ فى مجتمع قروى او ريفى ويستطيع اللعب بمفردات ذلك الوسط الجميل كان واضحا!!!!!! والحناكيش والحنكوشات ناس الشهادات العربية وناس لندن كانو واضحيييييييييييييين وظاهرين ولكن جميل أن نملك مفاتيح العامية فكثيرين هم من لا يفهمون أغلب كلماتها ولكناتهاو(كنتاتها) وموروثنامن العامية عميق وجميل ويجب علينا الوقوف عنده كلما سنحت فرصة( حدث معى أن سألنى طبيب سودانى ونحن نشاهد تلفزيونالسودان بأى لغة يتحدث الزول ده وكان المتحدث الإستاذ الشاعر القدال!!!!!!!
ست التكل سلامات قالو ميرودة!!! الوردة باقى لى عميانة!!!!!
د.محمد حسن !!!!! أنتم تبالغون أحيانا أيها السودنيون!! والمدرسة فاتحة على الشارع,,,,,
التكل ناقصاه العسلية وإنت ياالأبيض ضميرك رغم وفرة البقنية وكان فى كبنقة ما كعب وكلو ممكن بوجود بت المجدوب! !
بيت بت المنى بت مساعد وعنبر المجنونات أعمال خالدة وستبقى فى الذاكرة ,,,,,,,,,
Quote: الموضوع دا مهتم بالرصد اللفظي واللغوي أكتر من المهارات المطبخية لكن مافي مانع لو كل واحدة أدتنا وصفة
ومن المطبخ إلى التكل ومن هناك إنطلقت كل أنواع المهارات والبهارات والقرارات!!!!!!!!
تكل عجيب وغريب وتحية لكم جميعا خاصة الأخوات المشاركات من الداخل ومن المنافى القريبةوالبعيدة من على ضفاف الدانوب وبرارى وسهول كندا وأراضى الهنود الحمر وصحارى العرب وخلجانهم وشواطئ النيلين كان الحضور ,,,تجمع التكل كان مدعاة للإعجاب والدهشة والإحترام.
*ويظل السؤال قائما وشكرا لكل من حاول الإجابة عنه!!!!!محاولات جيدة!!!!
تيسير.. حمدا لله على السلامة.. شايفك البارح تشيلي في النفس وتختي ورغم كدة مصرة على الاجابة والله ادبة.. الزول يغيب يومين يلاقي نفسو محتاج تلاته يوم شان يرد علي الضيفان.. وعجبتيني جد وعجبني اصرارك ولقيتك كدة
Quote: أم فتفت دى بت منو
يا ايمن يا ود الطيب صباحك زي العسل.. وهناك فرق ام فتفت من البقر اما المرارة فهي من الضان اما الاجابة على السوال فهي = ام فتفت بت ام ليبينة... خلاااااااث؟ البقنية جابتا سوميتا القمشة مصبنة في الديوان ورا صورة ازهري ولا عبود ما متذكر وابيض ضميرك مصبننو في الزير القديم في خرابة ناس عمك ياسين "فضحتونا ياخ"
Quote: الموضوع دا مهتم بالرصد اللفظي واللغوي
ويا جماعة الرصد اللغوي ما تدرسو لينا موضوع الفاظ الردحي والطفنقي الجديدة اعتقد انو حيكون بحث مفيد وغني جدا
شايفة تحت الكلام كلام .. لكن ما مشكلة حأعمل فيها ما فاهمة الترميز بتاعك دا
المهم ..
التوثيق السماعي يا أيمن مأخود بيهو في كل العالم بل وبيعتبر موثوق بيهو كمان .. لهجتنا العامية السودانية دي ما مكتوبة لكنها موثقة سماعياً في ذاكرة أي زول .. ودا بتحسو وتشوفو في مداخلات الناس الجميلة الدخلت هنا ..
بالإضافة لعامل مهم جداً واللي هو (سحر اللغة)
يلا يا أيمن ..
اللغة دي بتشكل لينا خلاصة ثقافة كاملة بتاعة بلد ولا مجتمع ولا قبيلة لما تقرا عن الهنود الحمر (مثلاً) باللغة العربية ولا الإنقليزية ما زي ما تقرا عنهم بي لغتهم ذاتا ولما تحب تعرف عن ثقافة الدينكا ممكن تقرا ليها بالعربي أو أي لغة تانية لكن الفرق بيكون أوضح لو كنت بتعرف رطانة الدينكا .. لأنو في كلمات ما بتترجم أو حتى لو إترجمت ما بتدي المعني المقصود عندك مثلاً في رطانتنا النوبية .. كلمة الـ بُبُل معناها بالعربي الحتة الكانت فيها شمس وزحت منها(يعني بقت ضل) لكنها لسه محتفظة بي حرارتها أها أديني مرادف ليها بالعربي من كلمة واحدة .. مافي !
ويا هو دا (سحر اللغة) الأنا قصدتو ..
في ناس كتير بيحبوا اللغات جداً وبيهتموا باللفظ المنطوق شديد حتى لو ما إتولدوا أو عاشوا في المكان الفيهو اللغة دي !!
يدي وجعتني والكتابة عملت لي (إشقدّي)
Post: #299 Title: Re: أنضف الكمونية (للنساء فقط) .. Author: Haitham El Galal Date: 07-22-2007, 08:17 AM Parent: #1
تيسير عووضه الحاجه المحيرانى و كل ما اسال ما يدونى اجابه مقنعه هى ان والدتى و اخواتها و بناتهم بجهزو مويات رمضان مع بعض كويس بزرعو فى بيت خالتى و بكوجنو عند ناس امى و بعوسو فى بيت ناس حبوبتى رايك شنو لو تعلميهم يختصرو البروسيديرز دى فى مكان واحد بوفرو علينا مشاوير
مودتى
Post: #304 Title: Re: أنضف الكمونية (للنساء فقط) .. Author: محمد صباحى Date: 07-22-2007, 10:04 AM Parent: #299
Post: #305 Title: Re: أنضف الكمونية (للنساء فقط) .. Author: Najlaa El Mahi Date: 07-22-2007, 10:58 AM Parent: #299
اه على هذا الدفق الحميم من عمق بلدنا لتاتينا هذه المصابيح تضىء وجه الوطن احبكم كلكم ********************* ازيكن يا بنوت قاعدات تتونسن والمطرة صابة برة والزريعة المشرورة فوق راس بيت الجداد دة بلتها المطرة كلها. ****************** لزوم الكمونية ادق دويات الملاح (البهارات) و الشطة واغربلها واعطس اليوم كله وووووب على من الشطة حرقتنى وبعد ما تحرقنى اتمسح بالزيت( لزوم التهدئة يعنى) يا خواتى ما تقومن تفقعن ليكن مح لبنية عووضة دى الترم بيها عضيماتها باقى لسع محسوسة على فكرة بعرف اهز السعن واطلع الفرصة كدى اعرفن الفرصة دى شنو؟ سلامات يا احبة نجلاء الماحى
Quote: على فكرة بعرف اهز السعن واطلع الفرصة كدى اعرفن الفرصة دى شنو؟
يا نجلاء الماحي .. نحن بنقول ليها في بلدنا أخش اللبن بدل أهز السعن (والمعنى واحد طبعاً)
والفرصة دي (الجُمادة) بتاعة اللبن البيطلعو منها السمن (أظنو)
Post: #382 Title: Re: أنضف الكمونية (للنساء فقط) .. Author: Najlaa El Mahi Date: 07-24-2007, 07:34 AM Parent: #340
سلامات يا نون النسوة التى تتزين بكن سماء بلادى نجوم ورد الى خاطرى عدة اسئلة اردت مشاركتكن فيها لماذا نهم نحن النسوة لاداء كل هذه الاعمال الشاقة بتلقائية نحسد عليها دون ان نكلف انفسنا مشقة السؤال هل هو واجب فرض علينا اثناء غيابنا فى الارحام وما ان وهبنا الحياة هذه تفننا فى كيفية ادائها ومنا من برعت فى ذلك بجدارة؟ ولماذا لا زلنا نخدم الرجل؟ ولماذا نسكن المطبخ اليوم كله؟ افتونا اريد ان اتحرر من هذا القيد لا اريد دخول المطبخ كيف؟
تخريمة لزوم تفسير كلمة الفرصة لا والله يا تيسير لقيتك ناقشة بس عاوزة توضيح الحكاية الفرصة هى الذبدة او الخلاصة التى تنتج عن هز الروب فى السعن لا ستخراج السمن البلدى والذى يخضع لعملية كدة فى النار بتتعمل ليه لكنى خائبة فى استخراج كمية كبيرة منه اصل الحكاية فن يا تيسير اما نساء العصر الحديث فيستخدمن الجمادة المجمعة ويخلطوها ليك بالمولينكس واهه فى النهاية كله سمن بس لو جيتى للحق سمنة الفرصة ما يا ها السمنة والله يدى العافية ويبعدنا من الدهون
Quote: ولماذا لا زلنا نخدم الرجل؟ ولماذا نسكن المطبخ اليوم كله؟
المرأة ما بتخدم الرجل براهو هي بتخدم بيتها وأولادها (أسرتها) وهو من ضمن الأسرة دي , بعدين يا نجلاء ما ننسي إنو ولو صحت حكاية الحياة مشاركة دي هو بيمشي اليوم كلو عشان يجيب قفة الملاح يبقى من الطبيعي إنها تعملها كنوع من المشاركة وكدا .. أما في حالة المرأة العاملة فالوضع مختلف طبعاً لأنهم الإتنين بيكونوا بيجيبوا في قفة الملاح دي يبقى المفروض يعملوها الإتنين سوا
Quote: اريد ان اتحرر من هذا القيد لا اريد دخول المطبخ كيف؟
كان غيرك أشطر
Quote: لا والله يا تيسير لقيتك ناقشة بس عاوزة توضيح الحكاية الفرصة هى الذبدة او الخلاصة التى تنتج عن هز الروب فى السعن لا ستخراج السمن البلدى والذى يخضع لعملية كدة فى النار بتتعمل ليه لكنى خائبة فى استخراج كمية كبيرة منه اصل الحكاية فن يا تيسير اما نساء العصر الحديث فيستخدمن الجمادة المجمعة ويخلطوها ليك بالمولينكس واهه فى النهاية كله سمن بس لو جيتى للحق سمنة الفرصة ما يا ها السمنة والله يدى العافية ويبعدنا من الدهون
العملية دي إسمها ينجضوا الفرصة وهدفها الأساسي إنو الموية تتبخر منها عشان يفضل الدهن بس واللي هو (السمنة) وطبعاً أكيد حقت النار أحسن من المولينكس لأنو ديك لو إستعملتيها في الخبيز والمعجنات بتطلع قوية بسبب وجود الموية فيها ..
Quote: الحاجه المحيرانى و كل ما اسال ما يدونى اجابه مقنعه هى ان والدتى و اخواتها و بناتهم بجهزو مويات رمضان مع بعض كويس بزرعو فى بيت خالتى و بكوجنو عند ناس امى و بعوسو فى بيت ناس حبوبتى رايك شنو لو تعلميهم يختصرو البروسيديرز دى فى مكان واحد بوفرو علينا مشاوير
هو بالعكس الـprocedures دي أهم حاجة في الموضوع ودا من مبدأ المشاركة البتتميز بيهو المرأة السودانية تلقاهم يمشوا الخدار سوا وينضفوا الخدرة سوا ويعوسوا الآبري برضو سوا
بعدين يا هيثم الآبري دا ما بينفع كل زول يعمل حقو براهو لأنو (بيتمحق) يقوموا يعملوهو بي كمية كبيرة وكل مرحلة في بيت واحدة وبعدين يقسموهو..
Quote: يا ايمن يا ود الطيب صباحك زي العسل.. وهناك فرق ام فتفت من البقر اما المرارة فهي من الضان اما الاجابة على السوال فهي = ام فتفت بت ام ليبينة... خلاااااااث؟ البقنية جابتا سوميتا القمشة مصبنة في الديوان ورا صورة ازهري ولا عبود ما متذكر وابيض ضميرك مصبننو في الزير القديم في خرابة ناس عمك ياسين "فضحتونا ياخ
سلامات يا طيفور ود بدر الدين ونهارك ورد,
يا طيفور أنا سألتك فى أضانك تقوم تذيع كل اسرار التصابين!!!!
زير الخرابة ده بدورلو زولا قلبو سغير يمشى يجيب الداهى ده منّو!!والعجب كان ضلمت!!
الرائعة تيسير يا اختى كمونيك دى محمرة ولا دمعة اصلو اخوك بحب الكمونية المحمرة ودى بعملوها كالاتى بعد من ينظفوها يقوموا يخلوا فى نار هادئة حتى تنسلق ... ثم تقطع الى شرايح صغيرة ويضاف عليها البهارات..... اهدى زوارك صحن المرارة ده
Post: #333 Title: Re: أنضف الكمونية (للنساء فقط) .. Author: Raja Date: 07-23-2007, 11:04 AM Parent: #332
أتاريك يا طارق إنت مدمن قهوة وإحنا ما جايبين خبر ..
وحاتك شميت ريحة البن المقلي ..
يا تيسير غايتو أحلى تعبير سمعتو في (مكان ما في السودان): أشطًف العدة ومن اليوم داك كل ما أغسل لي ماعون بتخيل نفسي بشطًف فيه ..
Post: #341 Title: بن Author: lana mahdi Date: 07-23-2007, 12:42 PM Parent: #339
Quote: وحاتك شميت ريحة البن المقلي
أمس مشيت ناس أبوي متأخرة لقيت ريحة البيت (معبقة) بالبن المقلي حديثاً غايتو أبيت أمش إلا يدوني بن طازة (غير الشراب الشربتو كمان كمية شلتها معاي للبيت) عالم استغلاليين يا رجو
Post: #346 Title: Re: بن Author: Raja Date: 07-23-2007, 12:55 PM Parent: #341
لنًو يا حبيبة.. إزيك
في مصر قصاد عمارتنا في محل بن.. أها لما تجي الساعة 4 ظهر بيطلعو البن من المحمصة.. ريحتو كلها تدخل عندنا. وكل يوم أقول لأمي ما عارفين لو مشينا من هنا حنتخلص من الإدمان ده كيف؟ وبجد إدمان. يعني مرات يغيًرو ساعة التحميص. بدون ما تشعري تلاقي روحك الساعة 4 منتظرة شئ.
القهوة بتاعت أمبارح عند ناس بابا بالهنا. والشيلتوها بيتكم برضها
ودي
Post: #371 Title: Re: بن Author: تيسير عووضة Date: 07-24-2007, 06:03 AM Parent: #341
Quote: غايتو أبيت أمش إلا يدوني بن طازة
غايتو يا لنا باقية للناس في رقبتهم دي ..
زي ناس كدا
Post: #417 Title: Re: بن Author: lana mahdi Date: 07-24-2007, 06:02 PM Parent: #371
Quote: أشطّف العدة أركّب الحلة أرخي الحلة (أنزلها من الفحم)
اها فيكن واحدة بتعرف يعني شنو
اتركش الحلة
بعدين ارخي الحلة يعني انقص الفحم في المنقد اخليهن اتنين او تلاتة فحمات يقوم الطبيخ يستوي على نار هادية ويطلع ليهو وش ويبقى حار لغاية مواعيد جية الرجال من الشغل
Quote: بعدين ارخي الحلة يعني انقص الفحم في المنقد اخليهن اتنين او تلاتة فحمات يقوم الطبيخ يستوي على نار هادية ويطلع ليهو وش ويبقى حار لغاية مواعيد جية الرجال من الشغل
حريفة وبرضو أرخي الحلة يعني أديها حبة موية لمن تكون باردة وعايزنها تسخن
خليت أي شي وقبّلت على المطبخ والكلمات التراثية و المستعملة لغاية هسة لاحظوا الأفعال المستخدمة فوق دي .. الموضوع دا ما ساهل يعني مثلاً .. شنو البيخلي الآبري وهو ناشف إسمو آبري وبعد يتبلا يبقى حلومر ! وشنو البيخلي الخدرة (الملوخية) مُشكة وشنو البيخليها لايوقة
النسوان ديل جابوا الكلام دا من وين ؟؟
ملحوظة الموضوع دا مهتم بالرصد اللفظي واللغوي أكتر من المهارات المطبخية لكن مافي مانع لو كل واحدة أدتنا وصفة
Post: #374 Title: Re: أنضف الكمونية (للنساء فقط) .. Author: Emad Abdulla Date: 07-24-2007, 06:18 AM Parent: #354
غدا ؟؟ .. فيهو شعيرية و زيتون و حاجة كده مدورة و مقدودة ما تعرفا شنو !!! .. ده غدا وين ده يا ود جبريل ؟؟؟ كان ود الموج شافك كان قال ليك معلقة الشعيرية ديك : إنتي يا الشعيرية يا الهاملة يا الخفيفة يا اللفيفة .. سمحة يا يمه السكسكانية عند ستاتا البعرفن جيهتا .. كمل الباقي يا صديق .. زي ما حكيتو لي
طارق ياخ خربتها بغداك الحنكوش ده .. يا كمان تكون قاصد فطور متأخر .. ( للناس الفرتقو الصيوان ) .
تيسير .. بالله إنتي وراوية شوفو لينا حكاية الفطير الما ظهر لليلة دي شنو ؟ بدون ترشو فيهو السكر بالله .. عشان معانا ناس سكرهم زايد .. و كده
Quote: غدا ؟؟ .. فيهو شعيرية و زيتون و حاجة كده مدورة و مقدودة ما تعرفا شنو !!! ..
يا عماد قلتا لي ما عرفت العصيدة ؟
آآآ ولا إنتي سهي ما دنقلاوية أنا ما نسيت بتارفي ( الكن ندّي) بس يا إماد
طعمية وفول ولقمة بي ملاح تقلية وزيتون والتقول علي ديييك كمونية كدي يا عماد زح كدا ..
ياخ دا ما فطور (أم العريس) إنت نسيت إننا في بيت الثماية
Quote: تيسير .. بالله إنتي وراوية شوفو لينا حكاية الفطير الما ظهر لليلة دي شنو ؟ بدون ترشو فيهو السكر بالله .. عشان معانا ناس سكرهم زايد .. و كده
هو وينو السكر الهامل ليك دا لامن نرشو في الفطير ؟ شوف دا بالله !
Post: #381 Title: Re: أنضف الكمونية (للنساء فقط) .. Author: Emad Abdulla Date: 07-24-2007, 07:31 AM Parent: #379
Quote: ما عرفت العصيدة؟
عصيدة شنو يا عمك !!! الحاجات العلى يمين العصيدة دي .. الحاجات البنيات المقدقدات ديل شنو ؟؟ طعمية !! .. ما طعمية . سجك !! .. ما سجك . تكون يا ود يا تيسير : لحم مقدد ( زي البيكتبوهو في الروايات داك ) ؟؟
بصراحة كده دي كلفته ساكت .. و عدم إحترام للنسابة .. و الكلام ده ما بينفع معانا .. عشان الداية كمان مصرة عايزة الفخدة و الرقبة .. وللا ود الطهور ده ما ينزل من تربيظتو دي .
طارق جبريل اقسم بالله انت سادى احييييييييييييييييي من البن البقلوه بالحطب ده والله قربت اشمو...لاحولا سليت روحنا بت حموده جابت ليها تقليه خلتنا نبلع فى ريقنا جنب الاجانب زى ناس المجاعه وانت بن وهناى داك ما عارف لقيمات انا ماداير معاكم ياخى،،،،
Post: #365 Title: انتو احلى ناس في الدنيا Author: Rawia Date: 07-23-2007, 06:25 PM Parent: #363
غلبني غلبني عديل ارد على شروق لما جابت سيرة عمها العباسي ولا ارد للحبيب البدري صاحب الواجب والمافي زيو اكاوي عماد عبدالله واقول ليهو حسة دا القدرت عليهو من الهيلامان دا كلو سكسكانية ولا اشاكل محمد صباحي في صوانيهو المعبية بي المناسبة (اعبي الصينية) او ارص الصينية ولا طارق الجاب ليهو صور من وين ماعارفة قطع بيها مصارينا من جوة اكاوي رجا واقول ليها اشمعنى ملاح ويكة الفي المشلعيب دا بفتيك
Quote: حتي تمبس الما كان بياكل (ملاحق الخروف) ضرب معانا
طارق .. ياخي الدنيا وكت غداء .. وأنا بي صراحة جني وجن الجوع ياخ بطل السادية .. واستفزاز المشاعر ده وشيل صينيتك دي وشوف طريقة تغسل الحاجات دي قبل ما تنشف .. كان نشفت بعدين بتتعبك .. اصلك بتغسله بتغسله يا طارق والله كمان تكون غسالا .. يدك بتكون خفيفة خلاص
انت عارف انا يا طارق عاجبنى للزيتون ود الكلب بار جنس بورة مع التقليه والله كان جاب معاه طور سنين زول يشتغل بيه مافى المر الكعب الثقيل... قال تغدينى جبنه وزيتون وتعشينى بطاطا لكن الجماعة ما احسنو الاناء.. انا لابعرف انقل صورة ولا انقل زول الجنوب،المهم الكلام ده كلو فى الصينيه العاثوا فيها الجماعة فسادا وعوزوها طفاى النار عافى منهم...بعدين فى جك شربوت كارب فى واحده من صوانيكم ديل ..والله ده يكون مندى يهوووووووووووووووووووووو،،،،
Post: #432 Title: Re: أنضف الكمونية (للنساء فقط) .. Author: Emad Abdulla Date: 07-25-2007, 10:27 AM Parent: #430
الضُفرة ... نضفنها .. و المحلب .. دُقّنو .. و كتر خيركن إن كمان واحدة فالحة فيكن فرزت السوميتات اللات حبوبة ديك . اللبن تمبس قال يكون " حليب بودرة " .. عشان لبن الله و الرسول ده قال ما بيتبخ بيهو .. : ريحتو ما هناي ( هكذا قالها .. متحنكشة ) .
دحين لنا دي مافي زول هببو لكمونيتا دي لسع ؟؟ غايتو نحنا من هنا و لي قدام .. ناس كريم كرم الله سااااااااااكت .. كتر خير سالي
والله ياهو الفضل... الترقص زى مادايرة الرقيص ده مافن لكن مايقابلو دفع يطهروها يدوها يعرسوها يدوها تلد يدوها {اعتمادا على المولود أمل ولا بدر} يعدلوها يدوها يعرسوا فوقها يرضوها تصل سن {اليأس} يرفعوها فى أقرب رف
* والله انا الايام رايحة لى نقة احسن ماترد على والا اسدنى السدّ بله {مش بيقولوا كدى} لكن كلها اسبوع واحد واقطع وشى {لكن بعد ما اكل كمونيتى البدون مصارين، ماقلت ليك رايحة لى نقة}
* ندفع دى شنو؟ مغطية بيها براها.. دى بالذات تدفعوها انتو ديل انشاء الله من دم محبتكم.. والله تعريفة ما ادفعها يازول مالك عاوز تقوم على جنونى ماكفاية شهيتنى العرس ورجعتنى 12 سنة ياسلااااااااام ياخى
طارق دى اعفينى منها ما بقدر على نضافة الضفرة من اللحمه وكسير الصندل بالسكين بتهد الحيل خلينى على كفيان الدلكه دى شوف ليها اشراقة بت مصطفى باقى شديده وبتريد الشمارات وبتلقاهن فى لمة زى دى،،،
اكتر حاجة مزعلاني انه تمبس قام من نومه ولقى كومه دخل البوست امبارح دي الليلة بقينا في كفي دلكة وجهيز عرس ونحنا نبحت من يوم شنو داك ماخلينا شي وطلعنا قفانا يقمر عيش
Post: #468 Title: Re: أنضف الكمونية (للنساء فقط) .. Author: د.محمد حسن Date: 07-26-2007, 07:39 AM Parent: #458
الاخت راوية ما لا تعلمه الاخت راوية ان النسيب الحسيب تمبس علاء هو خطيب احدى توامي والاخرى تم خطبتها للوغد دكين وعليه اي تهجم على الحسيب النسيب هو تهجم على الدولة ونحن لا نقبل باي مساس للسياسة الداخلية لبسمارك
وعقبال كفي دلكتك وليك علينا بعد انتهاء حملو وليد دارفور بنجاح نعمل حملة (كفي دلكة راوية )بعد هذه الصرخة الداوية منك هسي بطلي النقة وجهزي الكوجومورو
غايتو الضفرة دى مابنضفها ولا حاجة حتى كان تمبس يخلى العرس ذاتو لكن ممكن اشمها واشيل منها فتيل آمانة ماشمامة فى الحالة دى
* تخريمة ياقول رجاء: المرأة السودانية دى والله العظيم مبدعة شوف كيف بتعمل من الضفرة العفنة دى ريحة حلوة تدوخ وحفظت الكون ومن كرش الخروف كمونية لكم تحفظ كروشكم من الانحسار
اشراقه البريدها من قلبى انتى زعلتى ..كر على والحاله انا ما قلت ليهم ايدك خفيفه ومن ما تلقى ليك خمرة(بضم الخاء)اصلحكم الله.... ما بتقدرى تقاوميها وياك اللاطشه فتيلك لاطشاه كان حرسوها ناس شركة الهدف تجى تقولى كده يخسسسسسسسسسسسسسسسسسسسسسسسسسسسى عليك لوووول،،،
؟؟
