|
|
|
 Re: أفراح سودانيز (خطبة) بوردابي وبوردابية (Re: إسماعيل حميم)
|
مرة كبير الخرد
قال انو الواحد فينا.. اول ما يصحى بيقوم يفتح سودانيز اون لاين!
وكتيير سمعنا بزواجات بتم عبر سودانيز اون لاين!!
وكتيير من الصداقات والحرابات تمت هنا..
اذن نحن عالم من الاصدقاء او كما اصطلحنا بالبورداب..
فنحن دائما مانسعد بفرح عميق بلمة اتنيين فى الانسانية
فمرحبا بالخطيبين ..
فى عالم احسن..
وفى..
بوست اكبر.
| |
 
|
|
|
|
|
|
|
 Re: أفراح سودانيز (خطبة) بوردابي وبوردابية (Re: على عمر على)
|
Quote:
لقائي الاول معهم كان بالنادي الإغريقي
كان بدعوة مني لأعضاء سودانيز اون لاين (بورداب الخرطوم) |
لقاء البورداب بالخرطوم ولى فيه مآرب خيرة أخرى!
ألف مبروك للعروسين الخطوبة وربنا يتمم على خير
وباللغة الإسفيريه: قرر بورد العائلتين الكريمتين
إعطاء ال Login (إعلان الخطوبه)
وربنا يتمم على خير إعطاء الPassword (العقد)
وعقبال بقيه عزابه البورد ..
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: معاذ حسن)
|
ألف مبروك يا شباب.
ويا بكري اقترح عليك ان تستعين بتشكيليي البورد لعمل لوحة يسجل عليها نجمتين لكل زوجين مثل مشاهير هوليود لكل مندخل سابقاص و يدخل القفص عن طريق سودانيز أون لاين وما أحيلا التعارف بهدف توحيد الكفاح الحياتي من منتج ثانوي للبورد!
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: أبوبكر أبوالقاسم)
|
خبر جميل ومفرح وانشاء الله تدوم الافراح ... العذااااب كتار والناس كسرت في الغربة والله بالجد عمل جميل ويا بخت من وفق راسين في الحلال وفي ميزان حسناتك يا بكري ابو بكر وانت تتيح الفرصه للشباب ان يمشوا في طريق الحلال ... وفي ميزان حسنات الجميع وكل انسان داعية للخير ويعمل للخير ..
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
Quote: نضجت ثمرته اليوم تعلن عن تكوين أسرة جديدة
احسبها متوافقة (بحكم معرفتي بالقطبين
عبدالرحمن قوي ( Giwey )
هبة عثمان عبده ( سمرية |
هذا مشروع أسرة متوافقة جدآ يا حميم
أدعي معرفتي للعروسين تمام المعرفة
الإتنين مليانيين حب صافي للبشرية جمعاء
وبالأخص الإنسانيين منهم
وكلاهما مفعم بالأحاسيس الراقية وبالصفات الطيبة والسجايا الجميلة
وكلاهما مبدع فنان عندهما ملكات عالية في تطويع الحرف
حبي لهما
وفرحتي وسعادتي لخظوتهما التي أرجو أن تكون مباركة
وبيت مال
وجمال
وعيال
ونضال
أما صديقنا بكري فننصحه بحفظ بعض التلاوات وبعض المأثورات
وخطب الخطبة والنكاح ، ويستلف قفطان
ويحضر حاله
فما بعيد يكون مأذون الناس ديل
ومأذون البورد
إستنادآ على دعوته
التي وافقت هوى رجوية
اللذيذة
| |
|
|
|
|
|
|
|
|
 Re: أفراح سودانيز (خطبة) بوردابي وبوردابية (Re: إسماعيل حميم)
|
عارفين انا من أسعد الناس الهنا
هبة صحبتي (رغم انو قابلتها قبل سنة)
بس بقدر اقول بقت من أعز صديقاتي وأقربهن الى قلبي
بت مهذبة صادقة وفية وواعية وحنينة ومثقفة وناضجة
وأهم شئ متربية كويس (على قول صديقنا بهاء بكري)
عبد الرحمن حمد النيل (قوي) ولد مهذب ومثقف ومحترم شديد وبرضو متربي كويس
بعرفو قبل هبة بحكم علاقتي بأسرتهم وبصديقي عز العرب حمد النيل (شقيقه)
ألف مبروك يا هبوية ويا قوي وربنا يسعدكم ويديكم قدر نيتكم
ويديم عليكم الأفراح دوماً
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: البحيراوي)
|
وتتوالى الأفراح ..
يا رب زيدا كمان وكمان :
Quote: عبدالرحمن قوي ( Giwey )
هبة عثمان عبده ( سمرية ) |
مبروك هبة وعبدالرحمن ،
ألف ألف مبروك ليكم، وإنشاء الله
بيت مال كتير وحب أكتر وشوية عيال.
وربنا يهنيكم مع بعض ، ويتم على خير .
وعقبال لأحبابنامعنا هنا من بورداب الرياض
ممن مازالوا (يعرضون) خارج (القفص الذهبي)
خاصةً (الثلاثي) الشهير ؟!
و .. وشوشني العبير يومها على لسان عبدالرحمن
فقال وهو يهمس في أذن هبه :
إدفقي يا(هبه) ..
وهجك ..
شوارع ذاتي في ليل اليباب ..
ما تخافي من دم الغروب ..
لو رتش اللوحة الضباب ..
ما دام ضميرنا الفينا حي ..
ما دام عريق العشق حي ..
ملحوقة يا مدن السراب ..
ثم أردف وهو يؤكد جديته وجاهزيته
لدخول القفص الذهبي وبيت العدل :
جلبت ليك الغيم رحط ..
طرَّزت ليك النيل زفاف ..
حرقت ليك الشوق بخور ..
وفرشت ليك الريد لحاف ..
لا السكة بيكي بتنتهي ..
ولا معاك مليت طواف ..
وما كان من هبه إلا أن هبت واقفة
بعد أن ارهفت السمع لترد عليه وهي
تبتسم بفرح :
كبِّرنا(عبدو) قَدْرَك مرتين ..
طوِّل قَدُر كتفك كتوفنا ..
يا رغبة الرعد البيسكن ..
في غناوينا وحروفنا ..
ضوِّي الدساكر والضفاف ..
عبِّي الحناجر بالهتاف ..
سدِّد مسامات الرعاف ..
ونوِّر مغاراتنا وكهوفنا ..
يا (عبدو) .. يا مشرع الحلم الفسيح ..
أنا وإنت والمطر الفصيح ..
حا نطوع الزمن الكليح ..
العزيز إسماعيل ،
تحياتي ،
شكراً لهذا الخبر المفرح ، وربنا يديم
مثل هذه الأفراح التي تثلج القلب وتسعد الروح .
مودتي ،
( ليمو )
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: nada ali)
|
هبة العزيزة ..مبروك وربنا يتم ليك علي خير ..
عبد الرحمن مبروك عليك هبة صدقني زاملت هبة طيلة سنوات الدراسة
بجامعة الخرطوم والتقيتها بعد التخرج بفترة في هذا المكان ووجدتها كما هي
جميلة ..خلوقة ومربية كويس زي ما قالت انعام ..
الف مبروك للعروسين
اميرة
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
قوى وسمرية
اجمل التهانى لكما وتمنياتنا لكما بمشوار طويل ملئ بالحب والسعادة والنجاح
والتهنئة موصولة لبورد سودانيز اونلاين الذى جعل هذا ممكنا
بعد قليل سنجد ابناء واحفاد من صنع سودانيز اونلاين..
المجد لبكرى وقبيلته الجديدة.. لقد اصبحنا اكبر قبيلة سودانية... سودانيز اونلايناب
نورالدين منان
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
.
و دوماً أكون أنا سعيداً بهكذا أخبار ،
أخبار الحياة اليوماتي .
( و أيه الدنيا غير لمة ناس في خير أو ساعة حزن )
قولوا ربنا يبعد عننا العوارض .
هبة عثمان عبده
إلتقيتها أولاً عبر التلفون
هاتفتني هي تسأل عن الدعم المطلوب
لعلاج ( غادة نوري ) و حدثتني طويلاً
كان هذا حوالي أكثر من عام و نصف
وكانت هذه المكالمة واحدة من أسباب
نجاح حملة الأمل العام لعلاج ( نوري ) .
إلتقيتها بعد ذلك كثيراً في مجهودنا ذلك
كنت أحس دوماً أنها تخفي خلف الجاكيت الجينز
و النظارات أخبار .
في خضم تلك الفترة لم أكتشفها رقيقة و ناظمة و مجودة للكلم
بسبب زحمتنا و لهفتنا لإنجاز هدفنا ( علاج غادة )
إلا بعد عودتنا كلنا ( شباب الأمل ) إلي المنبر بعد إنتهاء الحملة
مستفيدين من ( الحملة ) قي تعريفنا علي بعض .
كم أنا سعيد بهذا الخبر ...
- شكراً حميماً حميم .
- ( قوي ) لم نتشرف بمعرفة بعض
لكني أعرف أنها إنسانة ( قوية ) جداً .
- هبوية ألف مبروك ..
| |
|
|
|
|
|
|
|
|
 Re: أفراح سودانيز (خطبة) بوردابي وبوردابية (Re: معاوية كرفس)
|
Quote: Salah Waspa
يا عم صلاح
قول عم العروس الوالد حلفاوي
الأم من اندنا |
يعني حلفاوية
طيب تصحيح ياجماعة
صلاح واسبه عم العروس وأي تهاني لا تشملنا بهذه الصفة لاغية
sorry نحن ناس عنصريين زي ماقال بشاشا .. ويينو هو زاتو ?
يعني ما جاء هنأ وكان ما جيت نوريك العنصرة العلى أصولها
(وش عنصري عكليت)
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
ألف ألف مبروك هبة (سمرية) وقوي
كل الشكر لك أخي اسماعيل حميم على الأخبار الجميلة
| Quote: ومكتبة عبدالرحمن قوي ( Giwey ) فى الطريق......قبل اكتمال الزواج |
والله لكن يا سيد الحوش هديتك من نوع فريد .... بس معنى كدة العايز فينا مكتبة يعرس تاني واللا شنو؟
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: محمد أبوالعزائم أبوالريش)
|
فرحانه بيك كل النجوم ...
لا نام بريقها ولا انطفى ....
يا سلاااااام يا سمرية ...
والله ويشهد الله فرحت ليك فرحه مبالغ فيها رغم اننا ما اتلاقينا ابدا ...
ولحظة قريت الخبر اتذكرت كل كتاباتك المبدعة وكلامك عن الوحدة ..
صورك .. وازهارك .. والطرق الممتده .. وصور الفتاه الوحيدة وحائرة ...
صدقوني عبدالرحمن قوي امو دعت ليهو في ليلة قدر ..
سمرية انسانه ..
ناضجة .. مثقفة
فاهمة .. حساسه
رقيقة .. مبدعه
كلماتها تجد طريقها الى القلوب دون عناء ...
الف مليون مبروك لي عبدالرحمن و هبه ...
وبيت مال وعيال وسعاده وهناء وحب دائم يارب ...
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
اول رسالة وصلتني يوم الجمعة كانت من الحبيبة سمرية تفيد بانو الليلة خطوبتي على عبد الرحمن قوي ..
وطوالي رديت ليها بدن تفكير الف الف مبروك ورسلت الرسالة ...
فجأ استدركت !!!!
يابت يا انعام دا خير يردوا بي رسالة ؟؟؟ !!!
وقبل الرسالة ما تصلها كنت ضرب ليها .. وانا بصرخ وفرحانة ..
سمرية حبيبتي ... يا سلالالالالالالالالام
وعبد الرحمن ذلك الهادئ الذي يجبرك على احترامه والانحناء له ..
غايتو يا سمرية بقينا نسابة لانو انا بعرف قوي قبلك وهي عشرة عمر وسنين مع عزالعرب وعبد الرحمن ..
الف الف الف الف الف مبروك ...ونحن فرحانين فرح شديد
وزي ما قال الملك (قلبي كان حاسي) ..
يا حميم فاتني ارسل ليك رسالة اهنيك ذي ما عملت للوزيرة انعام عبد الحفيظ 
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
البت السمحة وسمرية
المليانة إنسانية ومحبة للجميع
البت العارفة وواعية
الإبتسامتها بتؤكد ليك إنه الدنيا مليانة خير
الهميمة وحاسة بالناس
.... يا سلام يا هبة
عبد الرحمن قوي
الرجل الرصين
البيجبرك على احترامه
العارف في تواضع
الهادئ في حكمة
الناس ديل كان لازم يتلاقوا......
أنا والله الفرحة ما سايعاني
ومبسوطة شديد وسعيدة للناس ديل
يا اخوانا أنا وزيرة العروس
وبالمناسبة...............
الكشف عندي....
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
مبروكين ساميرية وقوى وإنشاء الله نفرح بالليلة الكبرى ،،،
Quote:
أما صديقنا بكري فننصحه بحفظ بعض التلاوات وبعض المأثورات
وخطب الخطبة والنكاح ، ويستلف قفطان
|
أو بجلابية سيجيمان
اللى نساها فى الدكان
أوصافها ظاهرة للعيان
مشختة ومقددة الجيبان
ماهر
| |
|
|
|
|
|
|
|
|
|
Re: أفراح سودانيز (خطبة) بوردابي وبوردابية (Re: إسماعيل حميم)
|
With good wishes to all singles
Quote: الآن!!!!
مساء هذا اليوم الجمعة 15 فبراير 2008م
تجتمع أسرتان كريمتان لتقنين وتوثيق حكاية نمت في الكتمان!!
فزلكة تاريخية:
لقائي الاول معهم كان بالنادي الإغريقي
كان بدعوة مني لأعضاء سودانيز اون لاين (بورداب الخرطوم)
في حينها كنت حديث عهد بالمنبر – بس متشوبر – حيث قمت بالدعوة
ولم اكن أعرف في حينها أي من الأعضاء إلا من خلال البوستات.
صدقاً لله كل منهم حجز مكاناً في نفسي من يوم اللقاء
ثم أخذت حروفهم تقنن سكناهم في القلب
مع كامل التقدير والإحترام
وكان ذلك أيضاً هو لقاءهم الاول
نضجت ثمرته اليوم تعلن عن تكوين أسرة جديدة
احسبها متوافقة (بحكم معرفتي بالقطبين)
عبدالرحمن قوي ( Giwey )
هبة عثمان عبده ( سمرية )
أعزائي
امنياتي لكم بالسعادة والهناء
والذرية الصالحة
ودمتم
إسماعيل حميم
|
| |
|
|
|
|
|
|
| |
إسماعيل حميم
haroon diyab
محمد أبوعاقلة الطريفي
ايهاب
mohamed elshiekh
على عمر على
Safa Fagiri
نادر الفضلى
salma subhi
زول ساكت
osama idris
Mayada
معاذ حسن
خالد حاكم
Bushra Elfadil
أبوبكر أبوالقاسم
Bannaga ELias
فضيلي جماع
Abdel Aati
عبدالرحمن الحلاوي
أبو الحسين
أبو ساندرا
ريهان الريح الشاذلي
mohanad haimoura
Elmosley
munswor almophtah
السمؤال بدرالدين
فيصل محمد خليل
-1.jpg)
معاوية الطيب
معتصم دفع الله
انعام عبد الحفيظ
محمد عبد الماجد الصايم
ismeil abbas
البحيراوي
abdulhalim altilib
حسن الجيلى سعيد
nada ali
اميرة الحبر ادريس
essam&amal
Sahar Yousif
Mannan
بله محمد الفاضل
النذير حجازي
معاوية كرفس
Salah Waspa
Sabah Hussein
احمد العربي
محمد صباحى
عبدالله الشقليني
محمد أبوالعزائم أبوالريش
المسافر
إسماعيل وراق
انعام حيمورة
ملكة سبأ
Omar Bob
Ishraga Haimoura
مرتضى الكجم
عواطف ادريس اسماعيل
حسين محي الدين
HAMZA SULIMAN
هشام آدم
ماجدة عوض خوجلى
قرشـــو
Emad Abdulla
صديق الموج
ALGARADABI
فيس بوك
تويتر
انستقرام
يوتيوب
بنتيريست