|
|
 مديده....ومفحضه وحقه!
|
أدعوا لينا...
آيه بتي وبتكم بتولد...
........
........
مع المديده والمفحضه و "الحقه"..في عنقريب مهكع باااااااارد في الراكوبه!
بس في الأول كتروا الدعاء..فآلام الولاده لسه في البدايه!
|
|
 
|
|
|
|
|
|
|
|
Re: مديده....ومفحضه وحقه! (Re: طارق عمر مكاوي)
|
Quote: مني خوجلي
سلاماااااااااااات ..
بالسلامة يارب .
حا اجيك بالدرب من شأن ابارك المولود .. الاسبوع الجاي في لندن .
|
ان شاء الله نشوفك لما تصل ...
لكن اسه ادعي لينا باستمرار..
| |
|
|
|
|
|
|
|
|
|
Re: مديده....ومفحضه وحقه! (Re: عواطف ادريس اسماعيل)
|
false alarm!
اسه في داعي يا محمد الحسن وعواطف الشافعه دي وراجلها الشافع الزيها ده..
يحمونا القعده ولا الرقده؟؟
البيبي بيخبط بطنها ما معناته ولاده طوالي موش؟؟
اسه نسابتها قاعدين مكسرين معانا تقول سودانيين!
غايتو انا بديها لغاية كده عشره بالليل..اذا ولدت بيكون كويس
واذا ما ولدت انا بامشي انوم..باقي ليكم بقدر؟؟
اها اسه الدعاء الدايرنه منكم نوع يارب ولاده سالمه وسريعه..اهم حاجه سريعه دي..
والله يبعد العوارض..
| |
|
|
|
|
|
|
|
|
|
Re: مديده....ومفحضه وحقه! (Re: Mubarak Eltayeb)
|
Quote: لها خالص الدعاء من القلب
بس ما تنسوا شغل الحبوبات
رغم عدم اعترافي بهذه الأشياء
إلا أنها من الموروثات
جيبو لبان بخور ضكر
وقولوا
ياعين يا عنية
يا كعبة يا شقية
يا كافرة يا نصرانية
لقيتك بي لقية
ودبيتك بي دبية
إن جيتي الصبح
ألقيك القماح
إن جيتي العشية
ألقيك السعية
النبي قالك أخرجي
أخرجي من بلدي
لا تاخدي ولدي
عين الصبي
شراً غبي
عين الفتاة
فيها واطة
عين الراجل
فيها مناجل
عين الضيف
أحر من السيف |
يعدل ليك طريقك مبارك الطيب اخوي..ويديك الفي مرادك
بخور التيمان محضراه والمباخر 6 الله يعلم..
وحلاتو فحمنا هنا لا بيطير شرار لا دخان..
بس تولع الفحمه بكبريته في مبخرها..
اها الكلام الكتبتو انت ده.. انا حافظه نصه بس..
بركه الرصيتو لينا..
عليك الله ما توقف دعاء...
شكلنا كده نوم مافي!
| |
|
|
|
|
|
|
|
|
|
Re: مديده....ومفحضه وحقه! (Re: انعام عبد الحفيظ)
|
Quote: ربنا يحلها بالسلامة
يا منوية يا حبوبة |
طريقة عمل مديدة الحلبه..وصفات حبوبه مني..
اولا تسخني زي معلقتين زبده واذا مافي سمنه بلديه الريحتها سمحه ديك..
يللا بعدين تحمري فيها زي معلقتين حبه حصي مغسوله ومنشفه من المويه..علشان السمنه ماتطير
تحرق وشك..بريه يا يمه!
وبعدين بعد ما تتحمر شويه..تضيفي زي كيلو لبن وتخليهم يغلو سوا..
تضيفي ربع معلقه او اقل ملح..وبعدين سكر علي حسب ماتحبي!
وحبي زي ماعايزه اصلو هو مشروع تسمين البقر
بعدين في كبايه لبن سخن.. تضيفي عطرون وبعد مايذوب تصفيه فوق الحلبه..
العطرون علشان الحلبه تلين..والهضم برضه يبقي ساهل..
اها زي طريقة الكستر..تحلي دقيق 4-6 معالق في لبن وتضيفيهو حبه حبه مع التقليب المستمر.. للبن والحلبه..واوعك يكلكع منك..كفايه الكلاكيع الفي الدنيا..
وتسيبيها علي نار هاديه لغياية ماتستوي..
عليك الله بعد ما تخلص ادي زوار البوست ده منها..سمح؟؟
يسمح ايامك بنيتي نعومتي
واصلك ما توقفي الدعا..البنيه اليلي بطنها ما وجعتها سمح..
| |
|
|
|
|
|
|
|
|
|
Re: مديده....ومفحضه وحقه! (Re: emad altaib)
|
Quote: استاذة: مني حمد لله علي سلامتك انت اولا , وربنا ان شاء الله يفك كرب بنتك وتوضع بسلام علشان نجي للسمايه
(فإنّ مَعَ العُسر يُسراً)
ولكم السلامة |
تسلم عماد أخوي..يسمع منك الله..
اسه شوفت الشفع ديل يحيروا..
اولا الشنطه الشايلنها المستشفي لقيتهم محضرنها وبدون مبالغه قبل شهر..
وقبل اسبوع طلعوها من الأوضه ختوها علي بعد مسافة متر منها جنب السلم..
انا استغربت وسألت ىيه..
الشنطة دي مالك خاتاها هنا؟؟
قالت شنو انقر..
علشان تكون قريبه لما نجي ماشيين المستشفي!
اسه انت يا عماد لما تسمع الكلام ده ..امكن تقول ساكنين في بيت حدادي مدادي..موش؟
ابدا والله اوضتها تطلع منها بس فد متر.. تلقي السلم!
وخليك معانا شوف محنهم!
عليك الله ما تنسي الدعا!
| |
|
|
|
|
|
|
|
|
|
Re: مديده....ومفحضه وحقه! (Re: الشيخ صاح محمد)
|
Quote: الأخت منى
سلامة ليكي ولآية كمان |
الله يسلمك الشيخ صاح محمد..
الشفع ديل الصباح بدري جو وقفوا فوق راسي..
مالكم؟؟
والله تشوف الثقه الردوا بيها تقول الولاده بعد ساعتين بالكتبر..
ماما احنا ماشيين المستشفي لأنه علامات الولاده جات..
في مغص؟؟
ايوه..
خلاص سمح خلوني اقوم استعد امشي معاكم...
لالالا يا خالتو انت عيانه وبعدين امي جايه اسه تاخدنا بالعربيه..
خليك راقده ولما تجي لحظة الولاده بنضرب ليك تلفون!
والله ياخ انا مقدره احاسيسكم بظروفي لكن ما بقدر انتظر!
ومن الساعه سبعة ونص صباحا لغاية اسه الساعه 9 ونص باليل..مافيش اي ولاده ولا وجع ولاده!
بس ذكرتني بنفسي لما اهلي غشوني وقالوا لي بتولدي اسه بالليل..وماولدت الا الصباح..
عليك الله اخوي ماتوقف الدعاء!
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
ربنا يحلها بالسلامه ,,,
بعدين ارجوك بالاتفاق مع العزيزه سلمى الشيخ تعديل بوست ( امهات غربه وصمود ) الى
( حبوبات غربه وصمود ) 100 وش ضاحك ـ
ارجو ان تطمئنينا عليها ,,, متابعين ,,,
| |
|
|
|
|
|
|
|
|
|
Re: مديده....ومفحضه وحقه! (Re: kamal ali)
|
Quote: ربنا يحلها بالسلامه ,,,
بعدين ارجوك بالاتفاق مع العزيزه سلمى الشيخ تعديل بوست ( امهات غربه وصمود ) الى
( حبوبات غربه وصمود ) 100 وش ضاحك ـ
ارجو ان تطمئنينا عليها ,,, متابعين ,,, |
متابع وين؟؟
اسه تلقاك في سابع نومه!
اسه انا بس قاعده مراقب عام ينتابه الخوف مع كل قفزه منها ولا طييرة عيون منه..
الأتنين قاعدين بساعاتهم يظبطوا في ميقات المغص ومدته..ويتغالطوا..
هو يقول ليها المره الفاتت استمر 40 ثانيه ..وهي تقول ليه لأ..استمر 55 ثانيه!
ويسكتوا شويه ويقوموا ناطين تاني..
اسه انا ايدي معلقه في رقبتي وجبسها لونه بنفسجي..تفتكر ممكن يغير من الحاله؟؟
المهم يا كمال هم اسه قالوا الوجع بيجي كل 20 دقيقه ويستمر زي دقيقه..تفتكر يكون فضل ليها
كم علشان تولد؟؟
خلاص ادعي كتير وكان نايم احلم بأنك بتدعي..
| |
|
|
|
|
|
|
|
|
|
Re: مديده....ومفحضه وحقه! (Re: Ishraga Mustafa)
|
ويحفظ ليك عيالك قولي آمين..
وتجيك كده يوم بتك تقول ليك..زميلي عايز يتزوجني..
وتتخلعي انت في الأول..وطبعا ليك حق تتخلعي..هي بتك دي ذاتها ولدتيها متين عشان
تكون بقت للعرس؟؟
اليوم داك يا شروقه اسمعها ليك تتونس مع صاحبتها الجزائريه ..ونص الكلام قالت ليها زوجي "قال"..
بالله اللحظه القالت فيها كلمة زوجي دي اتهجمت كده..مع انها متزوجه ليها سنه!
شوفي بالله زوجي دي ذاتها نطقتها كده كأنها عمرها مليون سنه!
أطفالنا ديل عمرنا مانقدر نشوفهم غير أطفال!
واتاري ماما جاره تجي تصحينا من النوم علشان ناكل..تكون حاسه احنا عيال لسه.. ولازم تتأكد أننا
أكلنا..
بكره كملي الدعاء..
| |
|
|
|
|
|
|
|
|
|
Re: مديده....ومفحضه وحقه! (Re: Sahar Yousif)
|
Quote: حبوبة مني
سلامات يا حبوبة اخبارك تمام انشاء الله
ربنا باذن الله يقوم ليك ايه بالسلامة .. و تفرحي باولادها..... آمين |
سحوره..انشالله بركة سيدي الحسن يبقي عندك دسته بنات كلهن يعرسوهن عمرهن 15 و17 سنه..
وكل واحده تولد ليك 7 وتبقي حبوبه بالصح..قولي آمين
اسه شوفتي عنقريبي ده؟؟
انا بس برقد فيه كده الضحويه وأخت التوب تحت راسي..المخده ذاتها ماني دايراها...
مفحضتي معلقه في رقبتي لاني دايره قروش من زول ولاني مديه زول قروش..
والبيجي عندي بونسه والبيزهجني اشاكله جنس شكله..وزول واحد يقدر يلومني مافي..
كلمتكم قبال ده انا حبوبه ومافي زول بيقدر يلوم حبوبه..وكان قولتوا طلقت كمان ياهو تعبتوا
معاي..
...
خسمتك بالرسول ما توقفي دعا لآيه..
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
الله يكتب لي آيه السلامة و تفرح بيها و بوليدها يا أحلى جدة ..
وحياتك يا منوية لو كنت كلمتيني ما كنت اتأخرت عنك و كنت عملت ليها سبوع ما حصلش!
و احنا فيها  اشري و انا اجيك على جناح السرعة ....
| |
|
|
|
|
|
|
|
|
|
Re: مديده....ومفحضه وحقه! (Re: عزاز شامي)
|
Quote: الله يكتب لي آيه السلامة و تفرح بيها و بوليدها يا أحلى جدة ..
وحياتك يا منوية لو كنت كلمتيني ما كنت اتأخرت عنك و كنت عملت ليها سبوع ما حصلش!
و احنا فيها اشري و انا اجيك على جناح السرعة .... |
ربنا يسمع منك ياعزاز..تولد وتخلصنا..اسه جيت من المستشفي..قالوا لسه بدري شويه!
عارفه كنت طبعا من أمس الصباح الساعه سبعه حارسه الولاده دي..هم عيال وماعارفين..أنا فوق كم؟؟
تصدقي لغاية الساعه واحده صباحا قاعده حارساها أكتب ليكم واتونس معاها..بعدين آيه اتصلت
بالمستشفي وورتهم تطور الأوضاع..قالوا ليها الا الوجع البيجيك بسيط كل 20 دقيقه ده..يجيك 3
مرات كل عشره دقايق..المهم قلت ليها الزول ده مقرر مايجي اسه انا تعبانه ولازم أنوم شويه..خلي
بودي يصحيني لو الوجع زاد..
فجأه اسمع ليك احنا ماشيين المستشفي..اعاين ألقي العيال بشنطة الجن دي شايلنها ومعاهم أم عبدالرحيم..أمه ذاتها عيله البتسمع كلامهم!
طبعا قمت زي المجنونه وخبطت ايدي وبشرعه وقفتهم ومشيت معاهم المستشفي..قالوا لسه بدري..واها
دي قعده..في المستشفي..يدي تنبح وراسي ينبح والشاعه دوبها 5 ولينا ساعتين قاعدين!
انتو دعواتكم دي ما مسخننها كفايه..يا جماعه شدوا حيلكم معانا شويه!
أما بالنسبه لحضورك..أنا متأكده ما كنتي بتقصري..وبدل ما أشر لوحدي..كنتي انتي هاتيجي ونأشر
مع بعض كل البطاطس والجزر والبتنجان للسمايه..ومافي قدامي غير أعتذر أعتذار مستهبل..يشبه استهبال الرجال المستعبطين لما زوجاتهم يولدوا ويكون ماعندهم مصاريف الولاده..
والله ياخ محتاج لقروش..المدام ولدت فجأه
| |
|
|
|
|
|
|
|
|
|
Re: مديده....ومفحضه وحقه! (Re: تيسير عووضة)
|
Quote: والله عيوني دمعت لما قريت الكلام دا
ربنا (ينتعها) بالسلامة وتفرح وتفرحك
دا إحساس رائع لا تدركه إلا الأمهات ..
دعواتي .. |
والله يا تايسا شعور غريب..
عارفه انا لي 5 شهور كده بحلم بالبيبي ده يجي علشان أحضنه بس..
شوفتي آيه لما بطنها توجعها اتألم بس لانه في بالي هي الطفله الصغيره..وأحب امسك كفها أعاين ليها..
بحب جدا ايدين الأطفال الصغار!
لما مشيت مصر في شهر 7 ماكنت عارفه المولود ولد ولا بت لأنه ما بيشوفوه الا الحمل يكون 5 شهور..
طبعا بقيت اشتري زي المجنونه حاجات البيبيهات وانتي عارفه الحاجات دي في مصر أحلي كتير من هنا..
المهم طبعا الألوان مهمه..البت بمبي والولد ازرق..بقيت اشتري من الأتنين واشتري ابيض لون محايد..
وبعدين لما ماما رجعت لندن رسلت معاها الحاجات واستمريت في شغلي هناك..
لما رجعت العيال كانوا بيضحكوا علي..كيف اشتري حاجات وانا ماعارفه نوع المولود..حركات خواجات احنا ماقدرها!
المهم يا تايسا يا حبيبتي المولود شافوه ولد..وبقي الكلام اسه نعمل بالحاجات البمبيه دي شنو؟!
.........
.........
تايسا زيدي من الدعا..بت اختك قاعده تتوجع مره مره كده وتقول..
أوووه ماي جود!
| |
|
|
|
|
|
|
|
|
|
Re: مديده....ومفحضه وحقه! (Re: سمية الحسن طلحة)
|
Quote: ياحلال الحاملة
من غلامن جاهلة
جبريل نادى ربو وجاء
حلاها الما بدور جزاء
إنشاء الله محلولة ومبلولة
نفساء وفرحانة |
آمييييين
نسمع منك الخبر الحلو يا منى
سعدية / عاطف
شكراً سمية
كنت محتار جنس حيرة
ياربي بيقولوا شنو في موقف زى دا
( أفنديات ) الغربة ديل كانوا يجونا إناث ورجال
أها المدام وضعت
نقول ليهم لسع
طيب بالله أبقوا أدونا خبر
| |
|
|
|
|
|
|
|
|
|
Re: مديده....ومفحضه وحقه! (Re: عاطف عمر)
|
Quote: آمييييين
نسمع منك الخبر الحلو يا منى
سعدية / عاطف
شكراً سمية
كنت محتار جنس حيرة
ياربي بيقولوا شنو في موقف زى دا
( أفنديات ) الغربة ديل كانوا يجونا إناث ورجال
أها المدام وضعت
نقول ليهم لسع
طيب بالله أبقوا أدونا خبر |
الحمدلله يا عاطف ربنا رزقنا بولد حلو شديد..
اتخيل الولد ماشاء الله ذكي .. أول ما شافني رمي نفسه في حضني!
ومش كده وبس لما جيت ماشيه منه قعد يبكي قال الا اشيله!
غايتو شفع الزمن ده..يخوفوا عديل!
أما عيالنا ومجاملاتهم ولغتهم السودانيه..فحدث لا حرج!
شوفت قبل يومين عمر سعد اتصل يكفر لي كسر يدي..ردت عليه آيه..
قال ليها كفاره سكتت..ماعرفت تقول شنو..
قال ليها عارفه كفاره يعني شنو اعتذرت ليه!
بس احسن من سمير ولد ماجده..الزول جه يشيل معاه الفاتحه في جده سمير قال ليهو مبروك!
سلم علس سعديه كتيييير والأولاد..
| |
|
|
|
|
|
|
|
|
|
Re: مديده....ومفحضه وحقه! (Re: سمية الحسن طلحة)
|
Quote: ياحلال الحاملة
من غلامن جاهلة
جبريل نادى ربو وجاء
حلاها الما بدور جزاء
إنشاء الله محلولة ومبلولة
نفساء وفرحانة |
ربنا استجاب لدعائك ودعائهم يا سمسم..
وآيه الحمدلله ولدت بالسلامه..واحنا ولدنا معاها!
كانت ساعات صعبه علينا الا هي ماشاء الله احسن من أمها مليون مره..واصله أنا ماقايله
بتي شجاعه كده..الحمدلله الملايكه كانت معانا وكنا مطمئنين أكتر مما كنا نظن!
والحمدلله انتهينا من مرحلة التحضيرات والطواريء والأعصاب التالفه!
يوم الأتنين الصباح بدري قالت بطنها واجعاها..ونسابتها جو طايرين..وطبعا كان وجع خفيف..
بس هي عشان ماعارفه قايلاه مغص ولاده..
المهم لقيت عبدالرحيم "بودي" مطلع الكرسي بتاع البيبي مع الشنطه..وواقف بيها قريب للباب..
يازول مودي الكرسي ده وين؟؟
قال لي ما احنا بنمشي المستشفي علشان آيه تولد..وعلشان نرجع بالبيبي بالعربيه لازم نربط
الكرسي فيها!
يازول كدي خليها الأول بطنها توجعها وجع ولاده بعد داك الكرسي هين بنجي ناخده..
حلف ما يخلي الكرسي!
فرحان شديد مامصدق انه هايشوف ولده..وطبعا الحركات الزي دي كتيره كانوا عاملينها...
شكرا سمسم حبيبتي ربنا ما يفرقنا خالص..قولي آمين
| |
|
|
|
|
|
|
|
|
|
Re: مديده....ومفحضه وحقه! (Re: ملكة سبأ)
|
الحبيبة منى
يارب تجيب الحفيد بالسلامة
وتشيليهو بايدك المجبسة
لانه فى اللحظة ديك ما حتحسى الا بفرح كبير
حتنسى الالم والكسر
وما حتتذكرى غير المولود وامه
حمد لله على السلامة مقدما
| |
|
|
|
|
|
|
|
|
|
Re: مديده....ومفحضه وحقه! (Re: سلمى الشيخ سلامة)
|
Quote: الحبيبة منى
يارب تجيب الحفيد بالسلامة
وتشيليهو بايدك المجبسة
لانه فى اللحظة ديك ما حتحسى الا بفرح كبير
حتنسى الالم والكسر
وما حتتذكرى غير المولود وامه
حمد لله على السلامة مقدما |
يا سلمي أحساس أمس في الأنتظار ماقادره أوصفه..
اولا كان نازل علي ايمان وصبر شديد..يعني ما بالظبط زي ما بيعملوا في الأفلام..
طبعا من شهور العيال سألوني بتدخلي معانا غرفة الولاده؟
قلت ليهم اعمل شنو؟؟
لأ بس تعملي دعم نفسي!
أنا طبعا زوله خوافه جدا..لدرجة أني دعيت نفسي يوم ولادتي بآيه..يعني ذكري بخاف منها جدا..
اقوم كمان أعيدها في بتي؟؟
طبعا ما قدرت ادخل الا مرات بسيطه في بداية الوجع.. لكن بعد كده قعدت بره
لكن بودي قعد وساعد في الولاده اكتر من الدايه!
عقبال ما تشيلي ولد عزوز
| |
|
|
|
|
|
|
|
|
|
Re: مديده....ومفحضه وحقه! (Re: ملكة سبأ)
|
Quote: ياحلّال الحاملة ..
ودي لازم تكون مديدة بلح عشان بهوّن الولادة
حبوبة منى شدو حيلكم |
أماني ماشديناهو وصبرنا..
يومين يا بت أمي العين ماغمضت!
بس بركه..كله تمام
الحمدلله علي افضاله ونعمه..
والشكر ليكم علي الدعاء وعلي وقوفكم مع آيه بتكم ومع حبوبه مني..
.........
.........
بلقيس الولد يشبهني شبه!
لكن الكذب خيبه..الولد يشبه ابوه وأمه..
ونسيبة بتي قام عليها جن النسابه..
اختارت اضنين الشافع علشان تقول لي شبه اضنين آيه!
زوله حقاره موش؟؟
شكرا يا بلقيس يا حلوه..يللا بعد مااتحلينا ممكن نحضر لرحلة البورداب
الرسول كان ماسلمتي علي حبوبتك..
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
لقد غمر السّرور قلوبنا بعد أن علمنا بقدوم المولود
الجديد؛ فما أسعدك وما أسعد أفراد عائلتك به، بهذه المناسبة نتمنّى لكم دوام الفرح والمسرات وللأم
موفور الصحة والعافية.
مع خالص الود..
خال( يس) ابراهيم
| |
|
|
|
|
|
|
|
|
|
Re: مديده....ومفحضه وحقه! (Re: motaz ali)
|
Quote: لقد غمر السّرور قلوبنا بعد أن علمنا بقدوم المولود
الجديد؛ فما أسعدك وما أسعد أفراد عائلتك به، بهذه المناسبة نتمنّى لكم دوام الفرح والمسرات وللأم
موفور الصحة والعافية.
مع خالص الود..
خال( يس) ابراهيم |
ابرا يا ولدي الغالي..
أختك ولدت ولد حلو شديد..الليله الصباح بدري آيه صحتني من النوم بتلفون حلو..
كيفك ماما نمتي كويس؟؟
ايوه حبيبتي انتي كيف والبيبي كيف؟؟
والله يا ماما He is such a good boy!
he did not cry at all
وبعدين كملت..
شوفتيهم ياماما العيال التانيين ماناموا كلو كلو..المستشفي كلها صريخ بالليل..
وانا ماقدرت أنوم!!
عقبالك حبيبي انت ومعتز..ربنا يحفظكم لأهلكم ولينا..
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
Quote: والله يا ماما He is such a good boy!
he did not cry at all
وبعدين كملت..
شوفتيهم ياماما العيال التانيين ماناموا كلو كلو..المستشفي كلها صريخ بالليل..
وانا ماقدرت أنوم!! |
يعني يا مُنى قُتّي لي فكّوا وطار؟
غايتو ربنا يديم المعروف بين الناس ..
ويهدّي ما بين النفوس ..
مبروك عليكم المولود
| |
|
|
|
|
|
|
|
|
|
Re: مديده....ومفحضه وحقه! (Re: wd al geran)
|
يعني يا مُنى قُتّي لي فكّوا وطار؟
Quote: غايتو ربنا يديم المعروف بين الناس ..
ويهدّي ما بين النفوس ..
مبروك عليكم المولود |
الله يبارك فيك ود الجيران أخوي....
انت في كده ولا في البيبي ولدي وولد آيه حتن بعد داك ولد بودي 
شوفت قال شنو لما جيت راجعه البيت من المستشفي؟؟
Please mumy, Don't gp home, please stay the night with us!
والله لما بكيت..لأنه الممرضه حمتني ابيت وهو قعد يبكي!
قلت ليك يا ود جيرانا وجيرانهم..
انت ليه تسمح للكديسه الكبيره دي تهدد البطتين الصغار ديل بالمسدس..مش حرام؟؟
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
Quote: الحمدلله يا عاطف ربنا رزقنا بولد حلو شديد..
اتخيل الولد ماشاء الله ذكي .. أول ما شافني رمي نفسه في حضني!
ومش كده وبس لما جيت ماشيه منه قعد يبكي قال الا اشيله!
غايتو شفع الزمن ده..يخوفوا عديل |
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
استاذة / مني
مساء الخير
Quote: أدعوا لينا...
آيه بتي وبتكم بتولد... |
الدعوات الصادقات للمولي عز وجل ان يحلها بالسلامة....ويهون عليها الآم الوضع....وان ترزق بالذرية الصالحة ....وان يجعل ذريتها بارين بها وبوالدهم وجدتهم....ويطرح فيهم البركة....ويطول في عمر جدتهم ....لامن تشوف جديدم ....قولي آميييييييييييييين .
تحياتي
هارون دياب
| |
|
|
|
|
|
|
|
|
|
Re: مديده....ومفحضه وحقه! (Re: haroon diyab)
|
Quote: الدعوات الصادقات للمولي عز وجل ان يحلها بالسلامة....ويهون عليها الآم الوضع....وان ترزق بالذرية الصالحة ....وان يجعل ذريتها بارين بها وبوالدهم وجدتهم....ويطرح فيهم البركة....ويطول في عمر جدتهم ....لامن تشوف جديدم ....قولي آميييييييييييييين .
تحياتي
هارون دياب |
آآآآآآآآآآآآآآآمين..
من حيث الولاده والمبدأ يعني ..الحمدلله ربنا استجاب ..نشكر فضله وكرمه الكبير..
ومن ناحية دعاء مستمر نقول آآآآآآآآآآآآآمين..
ومن أسه ماشيه محل تخفيضات طقوم الأسنان..اشتري طقمين واحصل علي الثالث مجاني..علشان دعواتك السمحه دي دايره عمرات كتيره..
شكرا هارون أخوي...ربنا يسعدك بأسرتك ويريح بالك دايما..
علي فكره الليله لما جيت أطلع من المستشفي..البيبي مسك فيني وقعد يبكي شديد...
بس انا وعدته ارجع ليه الصباح بدري!
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
منوية بقول ليك المديح دا .. قاعدة تقولوا حنانة في ساعة الولادة يلا قوليه وانا بقول معاك ..
النبي صلي عليه ..
سيد بلال وا شوقنا ليه ..
طاهر الكمال وا شوقنا ليه ..
قاعدة في عشي المبرم خايفة شرك النار مقرم ..
رسول الله المكرم انا سالمة وجناي مسلم ..
قاعدة في عشي وبقوقي ..
وخايفة شرك النار يبوبي ..
رسول الله المكرم ..
يحلني ويبل شوقي ..
----------------------------------
وامسكي الصلاة على الرسول
اللهم صلى وسلم على سيدنا محمد فاني مدروكة فحل دركي
يارب تحلها بالسلامة
قلبي معاكم شديد
| |
|
|
|
|
|
|
|
|
|
Re: مديده....ومفحضه وحقه! (Re: Mohamed Abdelgaleel)
|
| Quote: بالسلامة إن شاء الله |
الحمدلله كل شيء تمام ومافيش أحسن من كده...
شكرا يا محمد..ربنا يكبر ليك التيمان سريع..
وتشوف كمان عيال أولادك وبناتك..
أوريك شعوري شنو لما آيه ولدت؟؟
أسالني وبوريك..
| |
|
|
|
|
|
|
|
|
|
Re: مديده....ومفحضه وحقه! (Re: انعام حيمورة)
|
Quote: منوية بقول ليك المديح دا .. قاعدة تقولوا حنانة في ساعة الولادة يلا قوليه وانا بقول معاك ..
النبي صلي عليه ..
سيد بلال وا شوقنا ليه ..
طاهر الكمال وا شوقنا ليه ..
قاعدة في عشي المبرم خايفة شرك النار مقرم ..
رسول الله المكرم انا سالمة وجناي مسلم ..
قاعدة في عشي وبقوقي ..
وخايفة شرك النار يبوبي ..
رسول الله المكرم ..
يحلني ويبل شوقي ..
----------------------------------
وامسكي الصلاة على الرسول
اللهم صلى وسلم على سيدنا محمد فاني مدروكة فحل دركي
يارب تحلها بالسلامة
قلبي معاكم شديد |
عليه افضل الصلاة والسلام..
اللهم صلي علي سيدنا محمد..وعلي آل سيدنا محمد..
الحمدلله يا نعومي كله تمام..اشكري لي حنانه والهام وكل من شارك في المديح بدون صوت
وبالمناسبه منال الدايشه قالت كانت بتصور بتلفون عصام ومش تلفونها هي!
واسه الا يترسلوا من هنا..
قلت ليك الليله غسلت مريلة البيبي...لو شوفتيهاحلوه بشكل..صغنونه شديد..
هو قال عايزها راجعه يلبسها وانا قلت ليه حاضر حبيبي..
يللا سلمي علي ناس أمك وحبوبتك..وعقبالكم كلكم تفرحوا بأي حاجه تحبوها..
| |
|
|
|
|
|
|
|
|
|
Re: مديده....ومفحضه وحقه! (Re: انعام حيمورة)
|
اللهم فارج الهم
وكاشف الغم
ومجيب دعوة المضطرين
رحمن الدنيا والآخرة ورحيمهما
أنت ترحمنا
فأرحمنا برحمة تغنينا بها عن رحمة من سواك
ويسر لآية بت مني خوجلي أمرها
وسهل وضوعها
وأرزقها الذرية الصالحة
وصلي الله علي سيدنا محمد وعلي آله وصحبه وسلم
| |
|
|
|
|
|
|
|
|
|
Re: مديده....ومفحضه وحقه! (Re: Fadl Karrar)
|
Quote: اللهم فارج الهم
وكاشف الغم
ومجيب دعوة المضطرين
رحمن الدنيا والآخرة ورحيمهما
أنت ترحمنا
فأرحمنا برحمة تغنينا بها عن رحمة من سواك
ويسر لآية بت مني خوجلي أمرها
وسهل وضوعها
وأرزقها الذرية الصالحة
وصلي الله علي سيدنا محمد وعلي آله وصحبه وسلم |
والله يا فضل ده أجمل دعا..
رحمة ربنا مافي اجمل وأحن منها..
لما ىيه بتولد انا قلت يا ريت اقدر أشيل من وجعها..
لكن الحمدلله ..آيه كانت شجاعه جدا ولأول مره أعرف في بتي كل الطاقه دي..
أصرت ماتاخد حقنه تهدي الألم ..
عكسي تماما في تحمل الألم!
والحمدلله بداية ونهايه..
شكرا أخوي..،ديك مديدة الحلبه في طبق ولا سلطانيه؟؟
| |
|
|
|
|
|
|
|
|
|
Re: مديده....ومفحضه وحقه! (Re: Fadl Karrar)
|
Quote: اللهم فارج الهم
وكاشف الغم
ومجيب دعوة المضطرين
رحمن الدنيا والآخرة ورحيمهما
أنت ترحمنا
فأرحمنا برحمة تغنينا بها عن رحمة من سواك
ويسر لآية بت مني خوجلي أمرها
وسهل وضوعها
وأرزقها الذرية الصالحة
وصلي الله علي سيدنا محمد وعلي آله وصحبه وسلم
فضل كرار كيفك...
شكرا علي الدعوات الكريمات ربنا استجاب الحمدلله.. |
شوفت أنا بودي ده الأيامات دي مزهجني..تصدق ماداير اي زول يجي جنب ياسين؟؟
ده شنو ده ياخ الدخل حياتي أنا وآيه ده!
المهم الولد لو بس فتح عينه اجري عليه يقوم يسبقني عليه ويكنكش في سريره..
اشيله بسريره اخته جنبي يروح شايل السرير..يعني بصراحه انا خلاص ما قادره اتحمل...
تفتكر أعمل شنو؟؟
والمشكله الولد عايزني ..عارف كل ما بودي يعمل كده الولد يعاين بزعل ويبكي!
| |
|
|
|
|
|
|
|
|
|
Re: مديده....ومفحضه وحقه! (Re: انعام حيمورة)
|
حبوبات آخر زمن .
...
شوفي يا حبوبة منى . بطلي الجرسة ..
أمشي التيمان بتاعين لندن .. جيبي ( شجرة مريم ) , بليها في موية و خليها ..
كلما النبتة دي تفتح شوية شوية , ربنا بيفرجها , لامن تفتح فروعا للنهاية طوالي الزولة دي ح تولد إن شا الله .
و لازم آية تبطل حنكشة بنات الزمن ده , التوجع لازم يكون مؤسس بالشكل ده :
يا الله لي .. يا الله لي .. ووووووووووووب .. واي يا أمي تعالي لي ....
( ده الشغل النضيف ) ..
قالوا بنات الزمن ده بيتوجعن :
أوووه .. اووووه نوووو .. ما قادرة يا ماما , ما قادرة .
ده كلام فارغ و ما بينفع معانا ..
....
بالسلامة يا آية يا بتي ..
ربنا يحفظك و يغتي عليك و على المولود/ة
و بعدين حركة أمك العملتا بتاعة كسرة اليد دي حركة مكشوفة و زوغان من الشيل و اللولاي ..
فلا تأخذنك بها شفقة يا آية  , هي قايلة حكاية حبوبة دي لعب لعب وللا كيف ؟
| |
|
|
|
|
|
|
|
|
|
Re: مديده....ومفحضه وحقه! (Re: Emad Abdulla)
|
Quote: حبوبات آخر زمن .
...
شوفي يا حبوبة منى . بطلي الجرسة ..
أمشي التيمان بتاعين لندن .. جيبي ( شجرة مريم ) , بليها في موية و خليها ..
كلما النبتة دي تفتح شوية شوية , ربنا بيفرجها , لامن تفتح فروعا للنهاية طوالي الزولة دي ح تولد إن شا الله .
و لازم آية تبطل حنكشة بنات الزمن ده , التوجع لازم يكون مؤسس بالشكل ده :
يا الله لي .. يا الله لي .. ووووووووووووب .. واي يا أمي تعالي لي ....
( ده الشغل النضيف ) ..
قالوا بنات الزمن ده بيتوجعن :
أوووه .. اووووه نوووو .. ما قادرة يا ماما , ما قادرة .
ده كلام فارغ و ما بينفع معانا ..
....
بالسلامة يا آية يا بتي ..
ربنا يحفظك و يغتي عليك و على المولود/ة
و بعدين حركة أمك العملتا بتاعة كسرة اليد دي حركة مكشوفة و زوغان من الشيل و اللولاي ..
فلا تأخذنك بها شفقة يا آية , هي قايلة حكاية حبوبة دي لعب لعب وللا كيف ؟ |
شوفت يا عمده أنا سمعت كلامك..ومشيت افتش علي دكان التويونز علشان أجيب ميريام تري
لكن قالوا ماعندهم!
ولو قلت ليك كلام يا عمده ما بتصدق..عارف آيه فيها جانب أنا اصلي ما كنت عارفاه ولو ما الولاده ما أظني كنت أعرف..
آيه ماشاء الله عليها قويه وشجاعه جدا..كل ما بطنها توجعها أنا أخاف..واقول هي المسكينه لسه الوجع الجد ماجاها لما القاها متحمله دون بكاء ولا صريخ....
عارف زوجها وأمه وأختي مديحه كانوا معاها في الغرفه ساعة الولاده..انا لما الوجع زاد عليها خفت وطلعت..آخر كلمه سمعتها منها قالتها للدايه..
Help me please, I can't do it, I can't help it!! الدايه كانت بتقوليها بوش!
كانت بتقول كده بهدوء عجيب ... وبدون أي صريخ أو نرفزه علي الرغم من أنها كانت في قمة الألم..
أنا طلعت طوالي وما قدرت أتحمل..
وبعدين كلام زي من فضلك وشكرا ديل اصله ما وقفوا من لسانها..بودي يمسك راسها وايدها ساعة الوجعه تقول ثانكيو..المغص يزيد تقول أووووووووووه بس..
يعني oh my God حقت زولتنا ديك مافيش..لكن امكن في please help me God
وشفت يا عمده انا قعدت بره مع اخواتي وحبوبته نضيع في الوقت... بلا فجأه قالوا لي تعالي ..
آيه قلقانه عليك وعايزاك تجي تشوفي البيبي..يا حليلهل بتي..قلبها علي!
آيه طبعا عارفاني بخاف جدا..وكانت خايفه عليا أغمر..لكن أختك كانت قويه..
مشيت لقيت آيه بترضع في البيبي ماشاء الله..
عارف بودي اول واحد استلم البيبي مع الدايه..خت ايده تحت راسه وطوالي البيبي نزل كله في ايدينه..
طوالي الممرضه قطعت الحبل السري وهو شايله..ختته لآيه في صدرها وهو قعد يرضع طوالي!
غايته بس سبحان الله الخالق!
لما شوفته كنت خايفه ألمسه..ما اقدر أقول جاتني في اللحظه ديك مشاعر رهيبه..أفتكر بس كنت فرحانه انه آيه بخير وهو كويس..
لكن المشاعر جاتني بعد ساعه كده..لما شالوه وسنده علي يدي الما مجبصه..حسيت ماعايزه اسيبه خالص..
وأول حاجه قريت ليه الحمد والمعوذات وآية الكرسي..ابوه طبعا كان أذن ليه فيه أضانه..
عارف لما رجعت البيت..ماوقفت اصله اعاين ليه في الموبايل..عملت طبعا صورته سكرين سيفر..
ربنا يسعدك بأولادك...واتناول المديده دي سخنه وحلوه..
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
منى
ربنا يحلها بالسلامه ان شاء الله........
بس انتى اليحلك مننا شنو ؟ الحل بله؟
مابحلك !! ومن هنا ولى قدام بقى اسمك : حبوبه منى !!!!!
تحياتى ليك و لايه وقبلا تى للمولود\ ه.....
عبدالمنعم......
| |
|
|
|
|
|
|
|
|
|
Re: مديده....ومفحضه وحقه! (Re: رأفت ميلاد)
|
Quote: ربنا يكتب السلامة
وتجيب لينا آية .. من الجمال
ربنا يقويها .. ويقويك |
شكرا يا رأفت..ربنا استجاب وجاب آيه تانيه مذكر..
يخلي ليك عيالك..
البيبي في السكه لبيتي..اسه اجرت لوري بتاع رمله..وبعد ماوصل هنا..سالني
عندك اذن من البلديه؟؟
قلت ليه لأ..هي رمله وعايزه اذن؟
قال سوري مادام..مابنقدر ننزلها ويغرمونا!
اسه انا أعمل شنو يا رأفت؟
انا كان عندي خطه كده شوفتها في فيلم قبل 60 سنه..
كانت البطله بتجي ماشيه في طريق مفروش رمل وعلي الجانبين في زهور..
مع أنه ماما جاره قالت لي المنظر الفي الفيلم ده الطريق الزراعي في احدي البلاد..
بس أنا كنت مصره أعمله..
اسه مضطره اكتفي بالزهور وبآيه والبيبي..وامرنا لله..نكتفي ببودي معاهم
| |
|
|
|
|
|
|
|
|
|
Re: مديده....ومفحضه وحقه! (Re: عبدالمنعم عمران)
|
منى
ربنا يحلها بالسلامه ان شاء الله........
بس انتى اليحلك مننا شنو ؟ الحل بله؟
مابحلك !! ومن هنا ولى قدام بقى اسمك : حبوبه منى !!!!!
تحياتى ليك و لايه وقبلا تى للمولود\ ه.....
..............
..............
عبدالمنعم......
الله يسلمك يا منعم عقبال عندك..تشوف اولاد اولادك..
غايته بتكون مسكين كان مابقيت جد قريب..
لأنك هاتفوتك تجربة تعيد تجربة تشيل طفلك مره تانيه..
وبعدين ىيه فاهمه انها أختي..
وبالتالي البيبي بقي ولدي..
وماعندك طريقه تكاويني أنا محضره الأمور كلها ومستعده ليها...
اها قلت شنو؟؟
ربنا يحقظك لأولادك ويفرحك بيهم..
| |
|
|
|
|
|
|
|
|
|
Re: مديده....ومفحضه وحقه! (Re: محمد عبد الماجد الصايم)
|
| Quote: يا رب يسر ولا تعسر |
شكرا يا محمد عبد الماجد..
دعواتك صالحه..
الحمدلله كل شيء تمام..وآيه دلوقتي قاعده جنبي وهي وبودي بيتفرجوا علي فيلم..
وياسين نايم في سريره في النص..
ماشاء الله علي ياسين لو شفته روحك بتتشحتف عليه..
قبيل ناداني!
ؤبنا ما يحرمنا من خوتنا يا ود الصايم...قول آمين..
| |
|
|
|
|
|
|
|
|
|
Re: مديده....ومفحضه وحقه! (Re: الجندرية)
|
Quote: اها يا اهلنا البنية ما انحلت ؟
نفساء وفرحانة يا منى ان شاء الله
وتشيلي جنا جناها يارب
ويا حلال الضايقة |
البنيه انحلت اماني بت أمي..
واسه ذاتها في البيت..
اسه يادي انا اسوي في المديده والليقيمات..
قلت النفسا دي بتحتاج لغذا ...
عندنا قعدة قراية فنجان الليل كضب..تقعدي معانا؟؟
كدي اتناولي طبق المديده ده..
نجيك في سمح وليداتك انشالله..
| |
|
|
|
|
|
|
|
|
 Re: مديده....ومفحضه وحقه! (Re: Muna Khugali)
|
لقيت المديدة و المُفحضة و الحُقة...قلت حبوبتي الجابا شنو؟!!!
أتاريها حبوبة آخر زمن !!!!
-----
ألف سلامة ليك و ل يدك يا ألذ و أصغر حبوبة..
ربنا يحل آية بالسلامة و يديها الساعة الهينة و الخِلقَة التامة بإذن الله.
طمنينا عليها.
| |
|
|
|
|
|
|
|
|
|
Re: مديده....ومفحضه وحقه! (Re: bent awad el kareem)
|
Quote:
ياحلال الحاملة
من غلامن جاهلة
جبريل نادى ربو وجاء
حلاها الما بدور جزاء
إنشاء الله محلولة ومبلولة
نفساء وفرحانة |
اللهم صل على سيدنا محمد صلاة تنحل بها العقد وتنفرج بها الكرب وتنال بها الرغائب وحسن الختام ويستسقى الغمام بوجهه الكريم وعلى اله وصحبه وسلم.
فرجا عاجلا ومولودا مباركا يا رب العالمين.
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
Quote: اللهم صل على سيدنا محمد صلاة تنحل بها العقد وتنفرج بها الكرب وتنال بها الرغائب وحسن الختام ويستسقى الغمام بوجهه الكريم وعلى اله وصحبه وسلم.
فرجا عاجلا ومولودا مباركا يا رب العالمين.
|
عليه افضل الصلاة والسلام..
الحمدلله ود محجوب أخوي آيه جابت ياسين..
كان التردد في الأسم...
عوض..مصطفي...محمد...أحمد..يوسف ثم ياسين..
قيل أن عوض يسمي لطفل مفقود..وقد فاتني أن أسأل الصالح الخليفه عوض خوجلي ان سبقه طفل ومات
قبل ميلاده أم لا!
ثم بعد دراسه اتضح أن اسرتنا بها 3 مصطفي..بنت عمتي..ثم أختي منال..ثم ابن اخي معتصم.. و3 محمد..شقيقي وخالي وزوج أختي.. و2 أحمد..اين الشهيد وابن خالي..
قرر ابن أختي أن يسمي يوسف وكانت اختي بنت خالتي قد أسمت يوسف وأصبح عددهم اثنين..
ياسين هو أول اسم في أسرتنا منذ أكثر من خمسين عاما
ربنا يحفظ ليك اسرتك..
| |
|
|
|
|
|
|
|
|
|
Re: مديده....ومفحضه وحقه! (Re: bent awad el kareem)
|
Quote: نحن اهلنا بقولو يالشيخ عبدالقادر الجيلانى
ياربى تحلها بالسلامه |
تسلمي يابنت عوض الكريم...
شيوخنا ديل كان في الجيلانيه ولا الختميه ولا الادريسيه او اي طريقه تانيه..
دعواتهم سمحه..
شكرا ليك وربنا يديك الفي مرادك..
اديك مديدة حلبه ولا بتسمنك؟
دي زي تتعشي ولا تنام خفيف
| |
|
|
|
|
|
|
|
|
|
Re: مديده....ومفحضه وحقه! (Re: mamkouna)
|
Quote: لقيت المديدة و المُفحضة و الحُقة...قلت حبوبتي الجابا شنو؟!!!
أتاريها حبوبة آخر زمن !!!!
-----
ألف سلامة ليك و ل يدك يا ألذ و أصغر حبوبة..
ربنا يحل آية بالسلامة و يديها الساعة الهينة و الخِلقَة التامة بإذن الله.
طمنينا عليها. |
الحمدلله يا ممكونه كله تمام وماكان ممكن يكون أحسن مما كان..
وكان شوفتي حبوبة آخر زمن بقت بين يوم وليله حبوبة زمان..
شي مديده..
وشي صينية ارياح..
وشي حاجات تانيه ماعارفاها لكن بعملها..
المهم حبوبة آخر زمن لا بتخلي الجينز ولا بتخلي القرايه..
ويوسو لما يتعلم يضحك شويه آيه وبودي يشوفوا ليهم طريقه تانيه..
لأنه مابخليه ليهم..
وشوفتي كتب آيه الكنت بقراها ليها لما كانت طفله؟
اها انا محتفظه بكتير منها..علشان نقراها ليوسو..
ويوسو ده اسم ياسين لما يكون المزاج رايق..
........
.........
علي فكره أنا مصره اعمل المديده مع اني عارفه آيه ما بتاكلها زمان أنا لما كنت والده
ماما كانت بتعمل حله كبييييييره..بيجوا ازواج اخواتي وأخواني ياكلوها..
وانا حقتي برضه كنت بخليها خايفه أسمن..هم برضه بياكلوها..وماما ماكانت بتعرف
قايلاني باكلها انا!
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
آهة الاخبار شنو .. مافي جديد ؟؟
عارف يا عماد عبد الله .. ضربت ليهم تلفون ردت علي بت منال - قلت ليها آية ربنا يحلها بالسلامة .. قالت لي كويس (هههههه)
اهة اسى اية دي لما تولد يقولوا ليها شنو ؟؟
غايتو ما اظنها بتقدر على كلامك دا .. بقترح منى تقول بدلا منها ..
اهة الله يحلها بالسلامة .. كويس !!
| |
|
|
|
|
|
|
|
|
|
Re: مديده....ومفحضه وحقه! (Re: انعام حيمورة)
|
Quote: آهة الاخبار شنو .. مافي جديد ؟؟
عارف يا عماد عبد الله .. ضربت ليهم تلفون ردت علي بت منال - قلت ليها آية ربنا يحلها بالسلامة .. قالت لي كويس (هههههه)
اهة اسى اية دي لما تولد يقولوا ليها شنو ؟؟
غايتو ما اظنها بتقدر على كلامك دا .. بقترح منى تقول بدلا منها ..
اهة الله يحلها بالسلامة .. كويس !! |
عارفه يا نعومي..
هومي قالت لي في واحد خالتو اسمها صعب..اتصلت وقالت لي كلام انا مافهمته..قلت ليها كويس
يعني اسه انا مافاهمه هي ردت علي التلفون ليه..
لا عرفت الرساله..لا اسم الزول الترك الرساله!
غايتو عيال فظيعين!
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
النبي صلي عليه ..
سيد بلال وا شوقنا ليه ..
طاهر الكمال وا شوقنا ليه ..
قاعدة في عشي المبرم خايفة شرك النار مقرم ..
رسول الله المكرم انا سالمة وجناي مسلم ..
قاعدة في عشي وبقوقي ..
وخايفة شرك النار يبوبي ..
رسول الله المكرم ..
يحلني ويبل شوقي ..
ربي يسهل ويحلها بالسلامة
أحلى حبوبة
| |
|
|
|
|
|
|
|
|
|
Re: مديده....ومفحضه وحقه! (Re: تماضر الخنساء حمزه)
|
| Quote: غايتو ما اظنها بتقدر على كلامك دا .. بقترح منى تقول بدلا منها .. |
يعني يا إنعام .. منى ياها النعيمة ؟؟
قالوا أقلب القربة على فمها تطلع البت على أمها .
باكر بعد باكر تقول ما يقولو ليها حبوبة ..
يقولو ليها بس : تيته / ستّو / نينة / ماما منى .. أو نحو ذلك
....
حبوبة حنكوشة واحدة ( أجيب وش محمبك من وين ؟؟ )
| |
|
|
|
|
|
|
|
|
|
Re: مديده....ومفحضه وحقه! (Re: Emad Abdulla)
|
Quote: غايتو ما اظنها بتقدر على كلامك دا .. بقترح منى تقول بدلا منها ..
يعني يا إنعام .. منى ياها النعيمة ؟؟
قالوا أقلب القربة على فمها تطلع البت على أمها .
باكر بعد باكر تقول ما يقولو ليها حبوبة ..
يقولو ليها بس : تيته / ستّو / نينة / ماما منى .. أو نحو ذلك
....
حبوبة حنكوشة واحدة ( أجيب وش محمبك من وين ؟؟ ) |
كيف يا عمده الكلام ده؟؟
والله أنا حبوبه جد جد..اسه مفحضتي دي لابساها لي 3 سنوات..
وقاعده احلف بسيدي الحسن..
وبحكي حكايات الحبوبات بس خساره هم حكايتين بس..
وبعوس قراصه واقدمها الي ضيوفي ساخنه..
انا ما حنكوشه..لكن حبوبة بودي حنكوشه وبتمشي الشغل بعجله علشان عضلات قلبها تقوي...
واسه ياسين يوسو بقي يناديني مني..
انا كلمته انه عيب كده..ومدام كلمة حبوبه ماعايز يقولها..
يبقي خلاص يقول لي ماما..ويقول لآيه يا آيه..واذا ماعجبها ممكن يا خالتي ولا يا طنط
وينادي ماما جاره يا ستوته وخلاص..
اسه العيال بينادوا ماما جاره..خالتو ماما جاره
| |
|
|
|
|
|
|
|
|
|
Re: مديده....ومفحضه وحقه! (Re: تماضر الخنساء حمزه)
|
الحبيبة الغالية منى
ربنا يحلها بالسلامه ويطمنك عليها يا رب
تفرحوا بالمولود وبسلامة امه ان شاء الله
دعواتنا معاك
والف الف سلامة ليك من الكسر
وربنا يواليك بالعافية
مع انه فى اللحظات دى اكيد ما متذكراه
ربنا معاكم وقلوبنا ودعواتنا معاكم ***
تخريمة
اخى عاطف عمر سلامات
كنت محتار جنس حيرة
ياربي بيقولوا شنو في موقف زى دا
Quote: ( أفنديات ) الغربة ديل كانوا يجونا إناث ورجال
أها المدام وضعت
نقول ليهم لسع
طيب بالله أبقوا أدونا خبر |
والله صدقت .. لكن ضحكتنى جنس ضحك لووووووول
**
العزيزة انعام عبد الحفيظ سلام يا حبيبة
لوووووول قلتى لى قالوا ليك كويس
هههههههههه مبالغه طبعا .. لكن بتتوقعى يقولوا ليك شنو
والله انا فى راى كتــــــــــيره منها ال كويس دى
| |
|
|
|
|
|
|
|
|
|
Re: مديده....ومفحضه وحقه! (Re: soma)
|
Quote: الحبيبة الغالية منى
ربنا يحلها بالسلامه ويطمنك عليها يا رب
تفرحوا بالمولود وبسلامة امه ان شاء الله
دعواتنا معاك
والف الف سلامة ليك من الكسر
وربنا يواليك بالعافية
مع انه فى اللحظات دى اكيد ما متذكراه
ربنا معاكم وقلوبنا ودعواتنا معاكم ***
تخريمة
اخى عاطف عمر سلامات
كنت محتار جنس حيرة
ياربي بيقولوا شنو في موقف زى دا |
والحمدلله يا سوماحبيبتي.. ربنا حلاها
بالسلامه وجابت ولد طويل وضعيف,,ودمه خفيف..جه يهظر طوالي!
لكن ماماجاره زمان قالت جلد الطفل لما يكون كتير زي الزول العجوز.. معناها بيبقي سمين..
عندك فكره عن الكلام ده؟؟
الليله انا وياسين فترانين..أهل أبوه كانوا مقيلين معانا...أنا اطبخ وأخدم وياسين تعبان من الشيل..
عبد الرحيم عنده 3 أخوات اصغرهم عندها تلاته سنين..قايلين ياسين لعبه!
.........
.........
آيه في زول قال ليها مره كفاره.قالت ليه شكرا!
عادي يا سومه..قولي اي حاجه ومشي حالك...
يعني اسه عيالنا قولة كفر الله سيئاتك دي صعبه جدا عليهم..اخير يقولوا شكرا وخلاص..
شكرا سوما ..ربنا يحفظك ويحفظ ليك عيالك وتشوفي آيتك متخرجه ومتزوجه ووالد دسته..يجوا يزوروكي ويفرحوكي علي الرغم من لخبطتهم لملايات سرايرك..
تسلمي..
| |
|
|
|
|
|
|
|
|
|
Re: مديده....ومفحضه وحقه! (Re: تماضر الخنساء حمزه)
|
Quote: رسول الله المكرم انا سالمة وجناي مسلم ..
قاعدة في عشي وبقوقي ..
وخايفة شرك النار يبوبي ..
رسول الله المكرم ..
يحلني ويبل شوقي ..
ربي يسهل ويحلها بالسلامة
أحلى حبوبة |
وسمع الله شفاعة محمد عليه الصلاة والسلام وأكرمنا بياسين والذي يوضع عند راسه القرآن الحكيم..
شوفتي يا تمرا الغنا والمديح زمان ما نخاي بالنا منه..اسه كمان نحاول نحفظه..
علي فكره أنا الأيام دي متقمصاني جدتي عاشه عبد الحفيظ رحمها الله..
لقيت نفسي فجأه كده بتكلم زيها..ومرات بتقمص دور ماما جاره..اقوم امشي زيها..
واشتغل بنشاط زيها..اعمل الكل لآيه وأول ماتقول ماعايزه..أرد ليها زي ماما زمان ما كانت
بترد لي..
أكلي علشان الرضاعه..مش علشانك!
ربنا يكبر عيالك ويفرحك بكل مراحلهم حتي الزواج والأنجاب وكمان تشوفي أحفادهم...قولي آمين..
طيب يا تمرا حبيبتي بعد ما تقولي آمين..قولي لي أنا تاني ألقي نفسي وين مع التقمص السائد ده؟؟
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
I knew both Ayat and her husband , both are intelligent, brave and commited to their cause
She will be fine and she will give birth to a cute male inherting our trait and all that belong
to my friend Musatfa Khugali. They Well Name him Mustafa, Mohamed or Akram
| |
|
|
|
|
|
|
|
|
|
Re: مديده....ومفحضه وحقه! (Re: محمد على طه الملك)
|
Quote: حسع ربنا يحلها بالسلامة ويطمنك ويسعدكم بالمولود ..
..
الباقي بعدين .. |
هوووووي يامحمد علي ود طه...
أنا بقيت حبوبه ومابتغشي ليك بي بعدين ولا بعد شويه..
بعدين حقتك دي متين؟؟
وليه بعد الدعا مارجعت شوفت الحاصل شنو؟؟
البركه في الدعا..شكرا وربنا يفرح ايامك كلها..قول آمين..
| |
|
|
|
|
|
|
|
|
|
Re: مديده....ومفحضه وحقه! (Re: نيازي مصطفى)
|
Quote: ربنا يحفظها وجنينها ويسهل لها في الوضوع .
الف مبروك مقدما |
والله دعواتك دي فرحتي وحلت ايه بالسلامه..
نعمة العيال دي نعمه كبيره ربنا يجبر بخاطر كل زول عايز طفل..
دنيا يا نيازي..تشوف الخلق من دمك مرتين..
نفس اليد الصغيره والأحساس بانتماء الروح والجسد..
وفرحه لما تفتح عيونك الصباح..وصورتهم في عيونك لما تغمضها للنوم..
ربنا يحفظهم..ويحفظك..ويحفظ كل الناس الطيبه..
شكرا نيازي..
| |
|
|
|
|
|
|
|
|
|
Re: مديده....ومفحضه وحقه! (Re: Salah Abdulla)
|
Quote: الله يحلها بالسلامة
ويطمنك عليها يا منى. |
تسلم يا صلاح..الحمدلله الذي جمعني بكم أخوان أعزاء وفي الدعا واصلين
شوفت بنطلونات ياسين قدر شنو؟؟
والعجب البلوفرات بتاعته!
اول غيار قلت اغسله..كان قدر المنديل..لذيذ بشكل
اديك ميدة حلبه ولا مديدة بلح؟؟
ولا ياربي داير الاتنين؟
| |
|
|
|
|
|
|
|
|
|
Re: مديده....ومفحضه وحقه! (Re: Mohamed Omer)
|
مرحب عاطف عمر
انت أنحليت الله يحل آية
أها يامني الأخبار شنو ؟
نعومات أزيكن
مرة يا انعام حيمورة ولدي قال إلا يسمو أخوه سالم بن علي المحيضري)
جاب الإسم وأبوهو وكمان قبيلتو أمانة ما همباتي حر ومر
وين البت إشراقة حيمورة دي مشتاقين ليها
| |
|
|
|
|
|
|
|
|
|
Re: مديده....ومفحضه وحقه! (Re: Mohamed Omer)
|
Quote: I knew both Ayat and her husband , both are intelligent, brave and commited to their cause
She will be fine and she will give birth to a cute male inherting our trait and all that belong
to my friend Musatfa Khugali. They Well Name him Mustafa, Mohamed or Akram |
محمد عمر...
ياريت لو الأسماء كانت بتجيب ريحتهم بس!
طبعا انت عارف منا ومعتصم عوض خوجلي عندهم مصطفي..
ولد معتصم لسنا ماعرفنا طبعه..لكن مصطفي ولد منال يقول لأبليس قوم وأنا اقعد مكانك..
والأسم سالم!
أنا كنت متوقعاك تجي لندن تبارك لأصحابك..
وهم ذاتهم سألوني..
عمو ما ظهر ليه؟
المهم ربنا يورينا يوم في الأخدوا أولادنا..
ويفرحنا كلنا يا محمد بالسودان...
| |
|
|
|
|
|
|
|
|
|
Re: مديده....ومفحضه وحقه! (Re: doma)
|
Quote: يا حلال تحل آيه بت مني .
وتهون عليها
الطلق حار نار .
اخير منه القصيريه |
عارفه يا دومه..
آيه بتي دي شجاعه ماشاء الله عليها بشكل مبالغ فيه..
أنا شوفتها مستحمله الطلق السخن داك..
عرضوا عليها تخدير رفضت تماما ومن نفسها..وطبعا من الأول عندها وجهة نظر في القيصريه..
ولما حبيبتي تعبت خالص.. قالت ليهم بهدوء شديد..وبصوت خافت علي الرغم من الالم الظاهر علي الوش..وساعات الوجع الطويله..
أنا خلاص..ماقادره!
عارفه أنا كنت خايفه خالص اقيف جنبها في الأوقات الأخيره..
وهي برضه كانت شايله همي..في وجعها كانت بتسأل مني...لأنها عارفه انه ضغطب بيهبط سريع وبقع..
خاصه في الحاجات الزي دي!
الحمدلله حمدا كبيرا..
نشكره ونحمد فضله..وشكرا ليد كمان يا دوما..ربنا يحفظ ليك اسرتك..
| |
|
|
|
|
|
|
|
|
|
Re: مديده....ومفحضه وحقه! (Re: Raja)
|
Quote: منًوية يا حبيبة..
ربنا يدي آية الساعة الساهلة (سمعتهم بيقولو كده لما الواحدة بتكون بتجيب في بيبي)
حاجة حلوة بجد.. العيال كبرت
يااااا رب |
اسه بقينا في الولد ده يتكلم متين..
شوفتي يارجويه انا لقيت العيال بيتشاكلوا علي ياسين..
آيه شايلاه.. جه ابوه قال عايز يشيله هو..
قالت ليه انت كنت شايله قبيل..وكمان بوسته كتير!
قال ليها انت البتبوسيه كتير..تعملي نفسك بتكرعيه بعد ماترضعيه وتقعدي تبوسي فيهو!
وانا خليتهم في غلاطهم وشلت ياسين وقربت اكمله
ربنا يسعدك يارجاء حبيبتي بأي حاجه انتي بتتمنيها..
وشكرا علي الدعاء الذي استجاب له الرحمن الرحيم..
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
Quote: واها
دي قعده..في المستشفي..يدي تنبح وراسي ينبح والشاعه دوبها 5 ولينا ساعتين قاعدين! |
انتي شلتي لاب توب الجن دا معاك المستشفى كمان ، سريع ردي ..
طبعا ياماما دومة ما بسالك ..
سمية الحسن .. والله مشتاقة وبت حيمورة الاولى قاعدة وانعام 2 بس قاعدة لي مكاواتي ..
عماد عبد الله ..اهة بتجيب خروف ولا ولا عشان حا نعمل السماية هنا في لقاء بوردابي ولازم الشير يكون
قوي ولا ممكن اقول ليك نمشي قندهار ونشرب غباشة بدل الفي لندن داك ..
واضعف الايمان شارع المطار الحدائق المفتوحة ..
| |
|
|
|
|
|
|
|
|
|
Re: مديده....ومفحضه وحقه! (Re: Muna Khugali)
|
منوية الحبيبة
ربنا يحلها بالسلامة وتفرحي بعيالها
وربنا يديك الدعوة الصالحة والولدة الناجحة
أنا غايتو علي مديدة البلح (طبعاً مع خروف عماد عبد الله)
وليك علي سماية كاربة ما نخلي ليك بوردابي
ألف سلامة ليك... عين السواد
| |
|
|
|
|
|
|
|
|
|
Re: مديده....ومفحضه وحقه! (Re: Ishraga Haimoura)
|
Quote: منوية الحبيبة
ربنا يحلها بالسلامة وتفرحي بعيالها
وربنا يديك الدعوة الصالحة والولدة الناجحة
أنا غايتو علي مديدة البلح (طبعاً مع خروف عماد عبد الله)
وليك علي سماية كاربة ما نخلي ليك بوردابي
ألف سلامة ليك... عين السواد |
شروقه كيفك؟
الحمدلله ربنا حقق لينا كل الأماني ..ودعواتكم كلها وصلت..
عقبال ماتشوفي عيال بتك..
عماد من جبتو ليه سيرة الخرفان فات بوشيهو..
تفتكري نستناه؟
واسه السمايه خلاص قربت...
.........
.........
آيه شالت ياسين وطلعت..قالت ماشيه تغير ليه الجو..
طبعا هي عاجباه شغلة تقعده في البوش شير..عجلته..وتتمشي بيه..
زمان كان عاجباها فكرة بطنها المدفوعه قدامها..اسه بقت العجله..
قالت بتمشي السوق وبعدين امكن البارك..
خساره مافي طريقه امشي معاهم الليله..
لازم أمشي المستشفي يفكوا لي الجبس..
انتي ليه ماسجلتي في رحلة القاهره؟؟
| |
|
|
|
|
|
|
| |
Muna Khugali
د.محمد حسن
عواطف ادريس اسماعيل
طارق عمر مكاوي
اسيا ربيع
Mubarak Eltayeb
انعام عبد الحفيظ
السمؤال بدرالدين
emad altaib
kamal ali
Sahar Yousif
Ishraga Mustafa
تيسير عووضة
ملكة سبأ
عاطف عمر
سلمى الشيخ سلامة
motaz ali
wd al geran
Mohamed Abdelgaleel
haroon diyab
انعام حيمورة
ابو جهينة
Fadl Karrar
Emad Abdulla
رأفت ميلاد
محمد عبد الماجد الصايم
الجندرية
mamkouna
ود محجوب
Mohamed Omer
محمد على طه الملك
نيازي مصطفى
Raja
doma
Ishraga Haimoura
فيس بوك
تويتر
انستقرام
يوتيوب
بنتيريست