اسه في داعي يا محمد الحسن وعواطف الشافعه دي وراجلها الشافع الزيها ده.. يحمونا القعده ولا الرقده؟؟ البيبي بيخبط بطنها ما معناته ولاده طوالي موش؟؟ اسه نسابتها قاعدين مكسرين معانا تقول سودانيين!
غايتو انا بديها لغاية كده عشره بالليل..اذا ولدت بيكون كويس واذا ما ولدت انا بامشي انوم..باقي ليكم بقدر؟؟ اها اسه الدعاء الدايرنه منكم نوع يارب ولاده سالمه وسريعه..اهم حاجه سريعه دي.. والله يبعد العوارض..
Post: #64 Title: Re: مديده....ومفحضه وحقه! Author: اسيا ربيع Date: 01-31-2008, 00:29 AM Parent: #33
الف مبروك حمدلله على السلامة -- البيبي وصل اخيرا بالسلامة مبروك آيه - تانى مافي نوم ياحبوبه منى -- مبروك يامنى
بس ما تنسوا شغل الحبوبات رغم عدم اعترافي بهذه الأشياء إلا أنها من الموروثات
جيبو لبان بخور ضكر وقولوا ياعين يا عنية يا كعبة يا شقية يا كافرة يا نصرانية لقيتك بي لقية ودبيتك بي دبية إن جيتي الصبح ألقيك القماح إن جيتي العشية ألقيك السعية النبي قالك أخرجي أخرجي من بلدي لا تاخدي ولدي عين الصبي شراً غبي عين الفتاة فيها واطة عين الراجل فيها مناجل عين الضيف أحر من السيف
بس ما تنسوا شغل الحبوبات رغم عدم اعترافي بهذه الأشياء إلا أنها من الموروثات
جيبو لبان بخور ضكر وقولوا ياعين يا عنية يا كعبة يا شقية يا كافرة يا نصرانية لقيتك بي لقية ودبيتك بي دبية إن جيتي الصبح ألقيك القماح إن جيتي العشية ألقيك السعية النبي قالك أخرجي أخرجي من بلدي لا تاخدي ولدي عين الصبي شراً غبي عين الفتاة فيها واطة عين الراجل فيها مناجل عين الضيف أحر من السيف
يعدل ليك طريقك مبارك الطيب اخوي..ويديك الفي مرادك بخور التيمان محضراه والمباخر 6 الله يعلم.. وحلاتو فحمنا هنا لا بيطير شرار لا دخان.. بس تولع الفحمه بكبريته في مبخرها.. اها الكلام الكتبتو انت ده.. انا حافظه نصه بس.. بركه الرصيتو لينا..
عليك الله ما توقف دعاء...
شكلنا كده نوم مافي!
Post: #5 Title: Re: مديده....ومفحضه وحقه! Author: انعام عبد الحفيظ Date: 01-29-2008, 12:21 PM Parent: #1
Quote: استاذة: مني حمد لله علي سلامتك انت اولا , وربنا ان شاء الله يفك كرب بنتك وتوضع بسلام علشان نجي للسمايه (فإنّ مَعَ العُسر يُسراً) ولكم السلامة
تسلم عماد أخوي..يسمع منك الله..
اسه شوفت الشفع ديل يحيروا.. اولا الشنطه الشايلنها المستشفي لقيتهم محضرنها وبدون مبالغه قبل شهر.. وقبل اسبوع طلعوها من الأوضه ختوها علي بعد مسافة متر منها جنب السلم.. انا استغربت وسألت ىيه.. الشنطة دي مالك خاتاها هنا؟؟ قالت شنو انقر.. علشان تكون قريبه لما نجي ماشيين المستشفي! اسه انت يا عماد لما تسمع الكلام ده ..امكن تقول ساكنين في بيت حدادي مدادي..موش؟ ابدا والله اوضتها تطلع منها بس فد متر.. تلقي السلم!
وخليك معانا شوف محنهم!
عليك الله ما تنسي الدعا!
Post: #10 Title: Re: مديده....ومفحضه وحقه! Author: الشيخ صاح محمد Date: 01-29-2008, 12:50 PM Parent: #1
مالكم؟؟ والله تشوف الثقه الردوا بيها تقول الولاده بعد ساعتين بالكتبر..
ماما احنا ماشيين المستشفي لأنه علامات الولاده جات..
في مغص؟؟
ايوه..
خلاص سمح خلوني اقوم استعد امشي معاكم...
لالالا يا خالتو انت عيانه وبعدين امي جايه اسه تاخدنا بالعربيه.. خليك راقده ولما تجي لحظة الولاده بنضرب ليك تلفون!
والله ياخ انا مقدره احاسيسكم بظروفي لكن ما بقدر انتظر!
ومن الساعه سبعة ونص صباحا لغاية اسه الساعه 9 ونص باليل..مافيش اي ولاده ولا وجع ولاده! بس ذكرتني بنفسي لما اهلي غشوني وقالوا لي بتولدي اسه بالليل..وماولدت الا الصباح..
عليك الله اخوي ماتوقف الدعاء!
Post: #11 Title: Re: مديده....ومفحضه وحقه! Author: kamal ali Date: 01-29-2008, 12:56 PM Parent: #1
ربنا يحلها بالسلامه ,,,
بعدين ارجوك بالاتفاق مع العزيزه سلمى الشيخ تعديل بوست ( امهات غربه وصمود ) الى
بعدين ارجوك بالاتفاق مع العزيزه سلمى الشيخ تعديل بوست ( امهات غربه وصمود ) الى
( حبوبات غربه وصمود ) 100 وش ضاحك ـ
ارجو ان تطمئنينا عليها ,,, متابعين ,,,
متابع وين؟؟ اسه تلقاك في سابع نومه!
اسه انا بس قاعده مراقب عام ينتابه الخوف مع كل قفزه منها ولا طييرة عيون منه.. الأتنين قاعدين بساعاتهم يظبطوا في ميقات المغص ومدته..ويتغالطوا.. هو يقول ليها المره الفاتت استمر 40 ثانيه ..وهي تقول ليه لأ..استمر 55 ثانيه! ويسكتوا شويه ويقوموا ناطين تاني..
اسه انا ايدي معلقه في رقبتي وجبسها لونه بنفسجي..تفتكر ممكن يغير من الحاله؟؟
المهم يا كمال هم اسه قالوا الوجع بيجي كل 20 دقيقه ويستمر زي دقيقه..تفتكر يكون فضل ليها كم علشان تولد؟؟
الله يكتب لي آيه السلامة و تفرح بيها و بوليدها يا أحلى جدة .. وحياتك يا منوية لو كنت كلمتيني ما كنت اتأخرت عنك و كنت عملت ليها سبوع ما حصلش! و احنا فيها اشري و انا اجيك على جناح السرعة ....
Quote: الله يكتب لي آيه السلامة و تفرح بيها و بوليدها يا أحلى جدة .. وحياتك يا منوية لو كنت كلمتيني ما كنت اتأخرت عنك و كنت عملت ليها سبوع ما حصلش! و احنا فيها اشري و انا اجيك على جناح السرعة ....
عارفه كنت طبعا من أمس الصباح الساعه سبعه حارسه الولاده دي..هم عيال وماعارفين..أنا فوق كم؟؟ تصدقي لغاية الساعه واحده صباحا قاعده حارساها أكتب ليكم واتونس معاها..بعدين آيه اتصلت بالمستشفي وورتهم تطور الأوضاع..قالوا ليها الا الوجع البيجيك بسيط كل 20 دقيقه ده..يجيك 3 مرات كل عشره دقايق..المهم قلت ليها الزول ده مقرر مايجي اسه انا تعبانه ولازم أنوم شويه..خلي بودي يصحيني لو الوجع زاد.. فجأه اسمع ليك احنا ماشيين المستشفي..اعاين ألقي العيال بشنطة الجن دي شايلنها ومعاهم أم عبدالرحيم..أمه ذاتها عيله البتسمع كلامهم! طبعا قمت زي المجنونه وخبطت ايدي وبشرعه وقفتهم ومشيت معاهم المستشفي..قالوا لسه بدري..واها دي قعده..في المستشفي..يدي تنبح وراسي ينبح والشاعه دوبها 5 ولينا ساعتين قاعدين!
انتو دعواتكم دي ما مسخننها كفايه..يا جماعه شدوا حيلكم معانا شويه!
أما بالنسبه لحضورك..أنا متأكده ما كنتي بتقصري..وبدل ما أشر لوحدي..كنتي انتي هاتيجي ونأشر مع بعض كل البطاطس والجزر والبتنجان للسمايه..ومافي قدامي غير أعتذر أعتذار مستهبل..يشبه استهبال الرجال المستعبطين لما زوجاتهم يولدوا ويكون ماعندهم مصاريف الولاده..
Quote: والله عيوني دمعت لما قريت الكلام دا ربنا (ينتعها) بالسلامة وتفرح وتفرحك دا إحساس رائع لا تدركه إلا الأمهات ..
دعواتي ..
والله يا تايسا شعور غريب.. عارفه انا لي 5 شهور كده بحلم بالبيبي ده يجي علشان أحضنه بس.. شوفتي آيه لما بطنها توجعها اتألم بس لانه في بالي هي الطفله الصغيره..وأحب امسك كفها أعاين ليها.. بحب جدا ايدين الأطفال الصغار!
لما مشيت مصر في شهر 7 ماكنت عارفه المولود ولد ولا بت لأنه ما بيشوفوه الا الحمل يكون 5 شهور.. طبعا بقيت اشتري زي المجنونه حاجات البيبيهات وانتي عارفه الحاجات دي في مصر أحلي كتير من هنا.. المهم طبعا الألوان مهمه..البت بمبي والولد ازرق..بقيت اشتري من الأتنين واشتري ابيض لون محايد.. وبعدين لما ماما رجعت لندن رسلت معاها الحاجات واستمريت في شغلي هناك.. لما رجعت العيال كانوا بيضحكوا علي..كيف اشتري حاجات وانا ماعارفه نوع المولود..حركات خواجات احنا ماقدرها! المهم يا تايسا يا حبيبتي المولود شافوه ولد..وبقي الكلام اسه نعمل بالحاجات البمبيه دي شنو؟! ......... .........
شكراً سمية كنت محتار جنس حيرة ياربي بيقولوا شنو في موقف زى دا
( أفنديات ) الغربة ديل كانوا يجونا إناث ورجال أها المدام وضعت نقول ليهم لسع طيب بالله أبقوا أدونا خبر
الحمدلله يا عاطف ربنا رزقنا بولد حلو شديد.. اتخيل الولد ماشاء الله ذكي .. أول ما شافني رمي نفسه في حضني! ومش كده وبس لما جيت ماشيه منه قعد يبكي قال الا اشيله! غايتو شفع الزمن ده..يخوفوا عديل!
أما عيالنا ومجاملاتهم ولغتهم السودانيه..فحدث لا حرج! شوفت قبل يومين عمر سعد اتصل يكفر لي كسر يدي..ردت عليه آيه.. قال ليها كفاره سكتت..ماعرفت تقول شنو.. قال ليها عارفه كفاره يعني شنو اعتذرت ليه! بس احسن من سمير ولد ماجده..الزول جه يشيل معاه الفاتحه في جده سمير قال ليهو مبروك! سلم علس سعديه كتيييير والأولاد..
Quote: ياحلال الحاملة من غلامن جاهلة جبريل نادى ربو وجاء حلاها الما بدور جزاء
إنشاء الله محلولة ومبلولة نفساء وفرحانة
ربنا استجاب لدعائك ودعائهم يا سمسم.. وآيه الحمدلله ولدت بالسلامه..واحنا ولدنا معاها! كانت ساعات صعبه علينا الا هي ماشاء الله احسن من أمها مليون مره..واصله أنا ماقايله بتي شجاعه كده..الحمدلله الملايكه كانت معانا وكنا مطمئنين أكتر مما كنا نظن! والحمدلله انتهينا من مرحلة التحضيرات والطواريء والأعصاب التالفه! يوم الأتنين الصباح بدري قالت بطنها واجعاها..ونسابتها جو طايرين..وطبعا كان وجع خفيف.. بس هي عشان ماعارفه قايلاه مغص ولاده.. المهم لقيت عبدالرحيم "بودي" مطلع الكرسي بتاع البيبي مع الشنطه..وواقف بيها قريب للباب..
يازول مودي الكرسي ده وين؟؟
قال لي ما احنا بنمشي المستشفي علشان آيه تولد..وعلشان نرجع بالبيبي بالعربيه لازم نربط الكرسي فيها!
يازول كدي خليها الأول بطنها توجعها وجع ولاده بعد داك الكرسي هين بنجي ناخده.. حلف ما يخلي الكرسي! فرحان شديد مامصدق انه هايشوف ولده..وطبعا الحركات الزي دي كتيره كانوا عاملينها...
الحبيبة منى يارب تجيب الحفيد بالسلامة وتشيليهو بايدك المجبسة لانه فى اللحظة ديك ما حتحسى الا بفرح كبير حتنسى الالم والكسر وما حتتذكرى غير المولود وامه حمد لله على السلامة مقدما
Quote: الحبيبة منى يارب تجيب الحفيد بالسلامة وتشيليهو بايدك المجبسة لانه فى اللحظة ديك ما حتحسى الا بفرح كبير حتنسى الالم والكسر وما حتتذكرى غير المولود وامه حمد لله على السلامة مقدما
يا سلمي أحساس أمس في الأنتظار ماقادره أوصفه.. اولا كان نازل علي ايمان وصبر شديد..يعني ما بالظبط زي ما بيعملوا في الأفلام.. طبعا من شهور العيال سألوني بتدخلي معانا غرفة الولاده؟ قلت ليهم اعمل شنو؟؟ لأ بس تعملي دعم نفسي! أنا طبعا زوله خوافه جدا..لدرجة أني دعيت نفسي يوم ولادتي بآيه..يعني ذكري بخاف منها جدا.. اقوم كمان أعيدها في بتي؟؟ طبعا ما قدرت ادخل الا مرات بسيطه في بداية الوجع.. لكن بعد كده قعدت بره لكن بودي قعد وساعد في الولاده اكتر من الدايه!
أماني ماشديناهو وصبرنا.. يومين يا بت أمي العين ماغمضت! بس بركه..كله تمام الحمدلله علي افضاله ونعمه.. والشكر ليكم علي الدعاء وعلي وقوفكم مع آيه بتكم ومع حبوبه مني.. ......... .........
بلقيس الولد يشبهني شبه! لكن الكذب خيبه..الولد يشبه ابوه وأمه.. ونسيبة بتي قام عليها جن النسابه.. اختارت اضنين الشافع علشان تقول لي شبه اضنين آيه! زوله حقاره موش؟؟
شكرا يا بلقيس يا حلوه..يللا بعد مااتحلينا ممكن نحضر لرحلة البورداب
الرسول كان ماسلمتي علي حبوبتك..
Post: #66 Title: Re: مديده....ومفحضه وحقه! Author: motaz ali Date: 01-31-2008, 03:38 AM Parent: #65
لقد غمر السّرور قلوبنا بعد أن علمنا بقدوم المولود
الجديد؛ فما أسعدك وما أسعد أفراد عائلتك به، بهذه المناسبة نتمنّى لكم دوام الفرح والمسرات وللأم
Quote: غايتو ربنا يديم المعروف بين الناس .. ويهدّي ما بين النفوس ..
مبروك عليكم المولود
الله يبارك فيك ود الجيران أخوي.... انت في كده ولا في البيبي ولدي وولد آيه حتن بعد داك ولد بودي شوفت قال شنو لما جيت راجعه البيت من المستشفي؟؟ Please mumy, Don't gp home, please stay the night with us!
والله لما بكيت..لأنه الممرضه حمتني ابيت وهو قعد يبكي!
قلت ليك يا ود جيرانا وجيرانهم.. انت ليه تسمح للكديسه الكبيره دي تهدد البطتين الصغار ديل بالمسدس..مش حرام؟؟
Quote: الحمدلله يا عاطف ربنا رزقنا بولد حلو شديد.. اتخيل الولد ماشاء الله ذكي .. أول ما شافني رمي نفسه في حضني! ومش كده وبس لما جيت ماشيه منه قعد يبكي قال الا اشيله! غايتو شفع الزمن ده..يخوفوا عديل
الدعوات الصادقات للمولي عز وجل ان يحلها بالسلامة....ويهون عليها الآم الوضع....وان ترزق بالذرية الصالحة ....وان يجعل ذريتها بارين بها وبوالدهم وجدتهم....ويطرح فيهم البركة....ويطول في عمر جدتهم ....لامن تشوف جديدم ....قولي آميييييييييييييين . تحياتي هارون دياب
Quote: الدعوات الصادقات للمولي عز وجل ان يحلها بالسلامة....ويهون عليها الآم الوضع....وان ترزق بالذرية الصالحة ....وان يجعل ذريتها بارين بها وبوالدهم وجدتهم....ويطرح فيهم البركة....ويطول في عمر جدتهم ....لامن تشوف جديدم ....قولي آميييييييييييييين . تحياتي هارون دياب
آآآآآآآآآآآآآآآمين.. من حيث الولاده والمبدأ يعني ..الحمدلله ربنا استجاب ..نشكر فضله وكرمه الكبير.. ومن ناحية دعاء مستمر نقول آآآآآآآآآآآآآمين..
ومن أسه ماشيه محل تخفيضات طقوم الأسنان..اشتري طقمين واحصل علي الثالث مجاني..علشان دعواتك السمحه دي دايره عمرات كتيره..
شكرا هارون أخوي...ربنا يسعدك بأسرتك ويريح بالك دايما.. علي فكره الليله لما جيت أطلع من المستشفي..البيبي مسك فيني وقعد يبكي شديد... بس انا وعدته ارجع ليه الصباح بدري!
Quote: منوية بقول ليك المديح دا .. قاعدة تقولوا حنانة في ساعة الولادة يلا قوليه وانا بقول معاك ..
النبي صلي عليه ..
سيد بلال وا شوقنا ليه ..
طاهر الكمال وا شوقنا ليه ..
قاعدة في عشي المبرم خايفة شرك النار مقرم ..
رسول الله المكرم انا سالمة وجناي مسلم ..
قاعدة في عشي وبقوقي ..
وخايفة شرك النار يبوبي ..
رسول الله المكرم ..
يحلني ويبل شوقي ..
----------------------------------
وامسكي الصلاة على الرسول
اللهم صلى وسلم على سيدنا محمد فاني مدروكة فحل دركي
يارب تحلها بالسلامة
قلبي معاكم شديد
عليه افضل الصلاة والسلام.. اللهم صلي علي سيدنا محمد..وعلي آل سيدنا محمد..
الحمدلله يا نعومي كله تمام..اشكري لي حنانه والهام وكل من شارك في المديح بدون صوت وبالمناسبه منال الدايشه قالت كانت بتصور بتلفون عصام ومش تلفونها هي! واسه الا يترسلوا من هنا..
قلت ليك الليله غسلت مريلة البيبي...لو شوفتيهاحلوه بشكل..صغنونه شديد.. هو قال عايزها راجعه يلبسها وانا قلت ليه حاضر حبيبي..
Quote: اللهم فارج الهم وكاشف الغم ومجيب دعوة المضطرين رحمن الدنيا والآخرة ورحيمهما أنت ترحمنا فأرحمنا برحمة تغنينا بها عن رحمة من سواك ويسر لآية بت مني خوجلي أمرها وسهل وضوعها وأرزقها الذرية الصالحة وصلي الله علي سيدنا محمد وعلي آله وصحبه وسلم
والله يا فضل ده أجمل دعا.. رحمة ربنا مافي اجمل وأحن منها.. لما ىيه بتولد انا قلت يا ريت اقدر أشيل من وجعها.. لكن الحمدلله ..آيه كانت شجاعه جدا ولأول مره أعرف في بتي كل الطاقه دي.. أصرت ماتاخد حقنه تهدي الألم .. عكسي تماما في تحمل الألم! والحمدلله بداية ونهايه..
Quote: اللهم فارج الهم وكاشف الغم ومجيب دعوة المضطرين رحمن الدنيا والآخرة ورحيمهما أنت ترحمنا فأرحمنا برحمة تغنينا بها عن رحمة من سواك ويسر لآية بت مني خوجلي أمرها وسهل وضوعها وأرزقها الذرية الصالحة وصلي الله علي سيدنا محمد وعلي آله وصحبه وسلم
فضل كرار كيفك... شكرا علي الدعوات الكريمات ربنا استجاب الحمدلله..
شوفت أنا بودي ده الأيامات دي مزهجني..تصدق ماداير اي زول يجي جنب ياسين؟؟ ده شنو ده ياخ الدخل حياتي أنا وآيه ده! المهم الولد لو بس فتح عينه اجري عليه يقوم يسبقني عليه ويكنكش في سريره.. اشيله بسريره اخته جنبي يروح شايل السرير..يعني بصراحه انا خلاص ما قادره اتحمل... تفتكر أعمل شنو؟؟ والمشكله الولد عايزني ..عارف كل ما بودي يعمل كده الولد يعاين بزعل ويبكي!
حبوبات آخر زمن . ... شوفي يا حبوبة منى . بطلي الجرسة .. أمشي التيمان بتاعين لندن .. جيبي ( شجرة مريم ) , بليها في موية و خليها .. كلما النبتة دي تفتح شوية شوية , ربنا بيفرجها , لامن تفتح فروعا للنهاية طوالي الزولة دي ح تولد إن شا الله . و لازم آية تبطل حنكشة بنات الزمن ده , التوجع لازم يكون مؤسس بالشكل ده : يا الله لي .. يا الله لي .. ووووووووووووب .. واي يا أمي تعالي لي .... ( ده الشغل النضيف ) .. قالوا بنات الزمن ده بيتوجعن : أوووه .. اووووه نوووو .. ما قادرة يا ماما , ما قادرة . ده كلام فارغ و ما بينفع معانا ..
.... بالسلامة يا آية يا بتي .. ربنا يحفظك و يغتي عليك و على المولود/ة و بعدين حركة أمك العملتا بتاعة كسرة اليد دي حركة مكشوفة و زوغان من الشيل و اللولاي .. فلا تأخذنك بها شفقة يا آية , هي قايلة حكاية حبوبة دي لعب لعب وللا كيف ؟
Quote: حبوبات آخر زمن . ... شوفي يا حبوبة منى . بطلي الجرسة .. أمشي التيمان بتاعين لندن .. جيبي ( شجرة مريم ) , بليها في موية و خليها .. كلما النبتة دي تفتح شوية شوية , ربنا بيفرجها , لامن تفتح فروعا للنهاية طوالي الزولة دي ح تولد إن شا الله . و لازم آية تبطل حنكشة بنات الزمن ده , التوجع لازم يكون مؤسس بالشكل ده : يا الله لي .. يا الله لي .. ووووووووووووب .. واي يا أمي تعالي لي .... ( ده الشغل النضيف ) .. قالوا بنات الزمن ده بيتوجعن : أوووه .. اووووه نوووو .. ما قادرة يا ماما , ما قادرة . ده كلام فارغ و ما بينفع معانا ..
.... بالسلامة يا آية يا بتي .. ربنا يحفظك و يغتي عليك و على المولود/ة و بعدين حركة أمك العملتا بتاعة كسرة اليد دي حركة مكشوفة و زوغان من الشيل و اللولاي .. فلا تأخذنك بها شفقة يا آية , هي قايلة حكاية حبوبة دي لعب لعب وللا كيف ؟
شوفت يا عمده أنا سمعت كلامك..ومشيت افتش علي دكان التويونز علشان أجيب ميريام تري لكن قالوا ماعندهم!
ولو قلت ليك كلام يا عمده ما بتصدق..عارف آيه فيها جانب أنا اصلي ما كنت عارفاه ولو ما الولاده ما أظني كنت أعرف.. آيه ماشاء الله عليها قويه وشجاعه جدا..كل ما بطنها توجعها أنا أخاف..واقول هي المسكينه لسه الوجع الجد ماجاها لما القاها متحمله دون بكاء ولا صريخ.... عارف زوجها وأمه وأختي مديحه كانوا معاها في الغرفه ساعة الولاده..انا لما الوجع زاد عليها خفت وطلعت..آخر كلمه سمعتها منها قالتها للدايه.. Help me please, I can't do it, I can't help it!! الدايه كانت بتقوليها بوش!
كانت بتقول كده بهدوء عجيب ... وبدون أي صريخ أو نرفزه علي الرغم من أنها كانت في قمة الألم.. أنا طلعت طوالي وما قدرت أتحمل..
وبعدين كلام زي من فضلك وشكرا ديل اصله ما وقفوا من لسانها..بودي يمسك راسها وايدها ساعة الوجعه تقول ثانكيو..المغص يزيد تقول أووووووووووه بس.. يعني oh my God حقت زولتنا ديك مافيش..لكن امكن في please help me God وشفت يا عمده انا قعدت بره مع اخواتي وحبوبته نضيع في الوقت... بلا فجأه قالوا لي تعالي .. آيه قلقانه عليك وعايزاك تجي تشوفي البيبي..يا حليلهل بتي..قلبها علي! آيه طبعا عارفاني بخاف جدا..وكانت خايفه عليا أغمر..لكن أختك كانت قويه.. مشيت لقيت آيه بترضع في البيبي ماشاء الله.. عارف بودي اول واحد استلم البيبي مع الدايه..خت ايده تحت راسه وطوالي البيبي نزل كله في ايدينه.. طوالي الممرضه قطعت الحبل السري وهو شايله..ختته لآيه في صدرها وهو قعد يرضع طوالي! غايته بس سبحان الله الخالق! لما شوفته كنت خايفه ألمسه..ما اقدر أقول جاتني في اللحظه ديك مشاعر رهيبه..أفتكر بس كنت فرحانه انه آيه بخير وهو كويس.. لكن المشاعر جاتني بعد ساعه كده..لما شالوه وسنده علي يدي الما مجبصه..حسيت ماعايزه اسيبه خالص.. وأول حاجه قريت ليه الحمد والمعوذات وآية الكرسي..ابوه طبعا كان أذن ليه فيه أضانه.. عارف لما رجعت البيت..ماوقفت اصله اعاين ليه في الموبايل..عملت طبعا صورته سكرين سيفر..
ربنا يسعدك بأولادك...واتناول المديده دي سخنه وحلوه..
Post: #102 Title: Re: مديده....ومفحضه وحقه! Author: انعام حيمورة Date: 02-05-2008, 09:17 AM Parent: #23
Quote: ربنا يكتب السلامة وتجيب لينا آية .. من الجمال
ربنا يقويها .. ويقويك
شكرا يا رأفت..ربنا استجاب وجاب آيه تانيه مذكر..
يخلي ليك عيالك.. البيبي في السكه لبيتي..اسه اجرت لوري بتاع رمله..وبعد ماوصل هنا..سالني عندك اذن من البلديه؟؟ قلت ليه لأ..هي رمله وعايزه اذن؟ قال سوري مادام..مابنقدر ننزلها ويغرمونا! اسه انا أعمل شنو يا رأفت؟ انا كان عندي خطه كده شوفتها في فيلم قبل 60 سنه.. كانت البطله بتجي ماشيه في طريق مفروش رمل وعلي الجانبين في زهور.. مع أنه ماما جاره قالت لي المنظر الفي الفيلم ده الطريق الزراعي في احدي البلاد.. بس أنا كنت مصره أعمله..
مابحلك !! ومن هنا ولى قدام بقى اسمك : حبوبه منى !!!!!
تحياتى ليك و لايه وقبلا تى للمولود\ ه.....
.............. ..............
عبدالمنعم......
الله يسلمك يا منعم عقبال عندك..تشوف اولاد اولادك.. غايته بتكون مسكين كان مابقيت جد قريب.. لأنك هاتفوتك تجربة تعيد تجربة تشيل طفلك مره تانيه.. وبعدين ىيه فاهمه انها أختي.. وبالتالي البيبي بقي ولدي.. وماعندك طريقه تكاويني أنا محضره الأمور كلها ومستعده ليها... اها قلت شنو؟؟
ربنا يحقظك لأولادك ويفرحك بيهم..
Post: #30 Title: Re: مديده....ومفحضه وحقه! Author: محمد عبد الماجد الصايم Date: 01-29-2008, 03:46 PM Parent: #1
شكرا يا محمد عبد الماجد.. دعواتك صالحه.. الحمدلله كل شيء تمام..وآيه دلوقتي قاعده جنبي وهي وبودي بيتفرجوا علي فيلم.. وياسين نايم في سريره في النص.. ماشاء الله علي ياسين لو شفته روحك بتتشحتف عليه.. قبيل ناداني!
Quote: اللهم صل على سيدنا محمد صلاة تنحل بها العقد وتنفرج بها الكرب وتنال بها الرغائب وحسن الختام ويستسقى الغمام بوجهه الكريم وعلى اله وصحبه وسلم.
فرجا عاجلا ومولودا مباركا يا رب العالمين.
عليه افضل الصلاة والسلام..
الحمدلله ود محجوب أخوي آيه جابت ياسين.. كان التردد في الأسم... عوض..مصطفي...محمد...أحمد..يوسف ثم ياسين..
قيل أن عوض يسمي لطفل مفقود..وقد فاتني أن أسأل الصالح الخليفه عوض خوجلي ان سبقه طفل ومات قبل ميلاده أم لا!
ثم بعد دراسه اتضح أن اسرتنا بها 3 مصطفي..بنت عمتي..ثم أختي منال..ثم ابن اخي معتصم.. و3 محمد..شقيقي وخالي وزوج أختي.. و2 أحمد..اين الشهيد وابن خالي.. قرر ابن أختي أن يسمي يوسف وكانت اختي بنت خالتي قد أسمت يوسف وأصبح عددهم اثنين.. ياسين هو أول اسم في أسرتنا منذ أكثر من خمسين عاما
Quote: لقيت المديدة و المُفحضة و الحُقة...قلت حبوبتي الجابا شنو؟!!! أتاريها حبوبة آخر زمن !!!!
-----
ألف سلامة ليك و ل يدك يا ألذ و أصغر حبوبة..
ربنا يحل آية بالسلامة و يديها الساعة الهينة و الخِلقَة التامة بإذن الله.
طمنينا عليها.
الحمدلله يا ممكونه كله تمام وماكان ممكن يكون أحسن مما كان.. وكان شوفتي حبوبة آخر زمن بقت بين يوم وليله حبوبة زمان.. شي مديده.. وشي صينية ارياح.. وشي حاجات تانيه ماعارفاها لكن بعملها.. المهم حبوبة آخر زمن لا بتخلي الجينز ولا بتخلي القرايه.. ويوسو لما يتعلم يضحك شويه آيه وبودي يشوفوا ليهم طريقه تانيه.. لأنه مابخليه ليهم.. وشوفتي كتب آيه الكنت بقراها ليها لما كانت طفله؟ اها انا محتفظه بكتير منها..علشان نقراها ليوسو.. ويوسو ده اسم ياسين لما يكون المزاج رايق..
........ .........
علي فكره أنا مصره اعمل المديده مع اني عارفه آيه ما بتاكلها زمان أنا لما كنت والده ماما كانت بتعمل حله كبييييييره..بيجوا ازواج اخواتي وأخواني ياكلوها.. وانا حقتي برضه كنت بخليها خايفه أسمن..هم برضه بياكلوها..وماما ماكانت بتعرف قايلاني باكلها انا!
Quote: غايتو ما اظنها بتقدر على كلامك دا .. بقترح منى تقول بدلا منها ..
يعني يا إنعام .. منى ياها النعيمة ؟؟ قالوا أقلب القربة على فمها تطلع البت على أمها .
باكر بعد باكر تقول ما يقولو ليها حبوبة .. يقولو ليها بس : تيته / ستّو / نينة / ماما منى .. أو نحو ذلك
.... حبوبة حنكوشة واحدة ( أجيب وش محمبك من وين ؟؟ )
كيف يا عمده الكلام ده؟؟ والله أنا حبوبه جد جد..اسه مفحضتي دي لابساها لي 3 سنوات.. وقاعده احلف بسيدي الحسن.. وبحكي حكايات الحبوبات بس خساره هم حكايتين بس.. وبعوس قراصه واقدمها الي ضيوفي ساخنه.. انا ما حنكوشه..لكن حبوبة بودي حنكوشه وبتمشي الشغل بعجله علشان عضلات قلبها تقوي... واسه ياسين يوسو بقي يناديني مني.. انا كلمته انه عيب كده..ومدام كلمة حبوبه ماعايز يقولها.. يبقي خلاص يقول لي ماما..ويقول لآيه يا آيه..واذا ماعجبها ممكن يا خالتي ولا يا طنط وينادي ماما جاره يا ستوته وخلاص.. اسه العيال بينادوا ماما جاره..خالتو ماما جاره
ربنا يحلها بالسلامه ويطمنك عليها يا رب تفرحوا بالمولود وبسلامة امه ان شاء الله دعواتنا معاك والف الف سلامة ليك من الكسر وربنا يواليك بالعافية مع انه فى اللحظات دى اكيد ما متذكراه ربنا معاكم وقلوبنا ودعواتنا معاكم *** تخريمة اخى عاطف عمر سلامات كنت محتار جنس حيرة ياربي بيقولوا شنو في موقف زى دا
والله صدقت .. لكن ضحكتنى جنس ضحك لووووووول ** العزيزة انعام عبد الحفيظ سلام يا حبيبة لوووووول قلتى لى قالوا ليك كويس هههههههههه مبالغه طبعا .. لكن بتتوقعى يقولوا ليك شنو والله انا فى راى كتــــــــــيره منها ال كويس دى
ربنا يحلها بالسلامه ويطمنك عليها يا رب تفرحوا بالمولود وبسلامة امه ان شاء الله دعواتنا معاك والف الف سلامة ليك من الكسر وربنا يواليك بالعافية مع انه فى اللحظات دى اكيد ما متذكراه ربنا معاكم وقلوبنا ودعواتنا معاكم *** تخريمة اخى عاطف عمر سلامات كنت محتار جنس حيرة ياربي بيقولوا شنو في موقف زى دا
والحمدلله يا سوماحبيبتي.. ربنا حلاها بالسلامه وجابت ولد طويل وضعيف,,ودمه خفيف..جه يهظر طوالي! لكن ماماجاره زمان قالت جلد الطفل لما يكون كتير زي الزول العجوز.. معناها بيبقي سمين.. عندك فكره عن الكلام ده؟؟
الليله انا وياسين فترانين..أهل أبوه كانوا مقيلين معانا...أنا اطبخ وأخدم وياسين تعبان من الشيل.. عبد الرحيم عنده 3 أخوات اصغرهم عندها تلاته سنين..قايلين ياسين لعبه!
......... .........
آيه في زول قال ليها مره كفاره.قالت ليه شكرا! عادي يا سومه..قولي اي حاجه ومشي حالك... يعني اسه عيالنا قولة كفر الله سيئاتك دي صعبه جدا عليهم..اخير يقولوا شكرا وخلاص..
شكرا سوما ..ربنا يحفظك ويحفظ ليك عيالك وتشوفي آيتك متخرجه ومتزوجه ووالد دسته..يجوا يزوروكي ويفرحوكي علي الرغم من لخبطتهم لملايات سرايرك..
وسمع الله شفاعة محمد عليه الصلاة والسلام وأكرمنا بياسين والذي يوضع عند راسه القرآن الحكيم.. شوفتي يا تمرا الغنا والمديح زمان ما نخاي بالنا منه..اسه كمان نحاول نحفظه.. علي فكره أنا الأيام دي متقمصاني جدتي عاشه عبد الحفيظ رحمها الله.. لقيت نفسي فجأه كده بتكلم زيها..ومرات بتقمص دور ماما جاره..اقوم امشي زيها.. واشتغل بنشاط زيها..اعمل الكل لآيه وأول ماتقول ماعايزه..أرد ليها زي ماما زمان ما كانت بترد لي..
أكلي علشان الرضاعه..مش علشانك!
ربنا يكبر عيالك ويفرحك بكل مراحلهم حتي الزواج والأنجاب وكمان تشوفي أحفادهم...قولي آمين..
طيب يا تمرا حبيبتي بعد ما تقولي آمين..قولي لي أنا تاني ألقي نفسي وين مع التقمص السائد ده؟؟
I knew both Ayat and her husband , both are intelligent, brave and commited to their cause She will be fine and she will give birth to a cute male inherting our trait and all that belong to my friend Musatfa Khugali. They Well Name him Mustafa, Mohamed or Akram
Post: #47 Title: Re: مديده....ومفحضه وحقه! Author: محمد على طه الملك Date: 01-29-2008, 10:19 PM Parent: #45
والله دعواتك دي فرحتي وحلت ايه بالسلامه.. نعمة العيال دي نعمه كبيره ربنا يجبر بخاطر كل زول عايز طفل.. دنيا يا نيازي..تشوف الخلق من دمك مرتين.. نفس اليد الصغيره والأحساس بانتماء الروح والجسد.. وفرحه لما تفتح عيونك الصباح..وصورتهم في عيونك لما تغمضها للنوم.. ربنا يحفظهم..ويحفظك..ويحفظ كل الناس الطيبه..
تسلم يا صلاح..الحمدلله الذي جمعني بكم أخوان أعزاء وفي الدعا واصلين شوفت بنطلونات ياسين قدر شنو؟؟ والعجب البلوفرات بتاعته! اول غيار قلت اغسله..كان قدر المنديل..لذيذ بشكل اديك ميدة حلبه ولا مديدة بلح؟؟ ولا ياربي داير الاتنين؟
مرحب عاطف عمر انت أنحليت الله يحل آية أها يامني الأخبار شنو ؟ نعومات أزيكن مرة يا انعام حيمورة ولدي قال إلا يسمو أخوه سالم بن علي المحيضري) جاب الإسم وأبوهو وكمان قبيلتو أمانة ما همباتي حر ومر وين البت إشراقة حيمورة دي مشتاقين ليها
Quote: I knew both Ayat and her husband , both are intelligent, brave and commited to their cause She will be fine and she will give birth to a cute male inherting our trait and all that belong to my friend Musatfa Khugali. They Well Name him Mustafa, Mohamed or Akram
محمد عمر... ياريت لو الأسماء كانت بتجيب ريحتهم بس! طبعا انت عارف منا ومعتصم عوض خوجلي عندهم مصطفي.. ولد معتصم لسنا ماعرفنا طبعه..لكن مصطفي ولد منال يقول لأبليس قوم وأنا اقعد مكانك.. والأسم سالم!
أنا كنت متوقعاك تجي لندن تبارك لأصحابك.. وهم ذاتهم سألوني.. عمو ما ظهر ليه؟
المهم ربنا يورينا يوم في الأخدوا أولادنا.. ويفرحنا كلنا يا محمد بالسودان...
Quote: يا حلال تحل آيه بت مني . وتهون عليها الطلق حار نار . اخير منه القصيريه
عارفه يا دومه.. آيه بتي دي شجاعه ماشاء الله عليها بشكل مبالغ فيه.. أنا شوفتها مستحمله الطلق السخن داك.. عرضوا عليها تخدير رفضت تماما ومن نفسها..وطبعا من الأول عندها وجهة نظر في القيصريه.. ولما حبيبتي تعبت خالص.. قالت ليهم بهدوء شديد..وبصوت خافت علي الرغم من الالم الظاهر علي الوش..وساعات الوجع الطويله..
أنا خلاص..ماقادره!
عارفه أنا كنت خايفه خالص اقيف جنبها في الأوقات الأخيره.. وهي برضه كانت شايله همي..في وجعها كانت بتسأل مني...لأنها عارفه انه ضغطب بيهبط سريع وبقع.. خاصه في الحاجات الزي دي!
يا ود الصايم ياخ انت والله لسه متأخر.. انت عارف ياسين ذاته بقي يعرف كومبيوتر؟؟
اوعك بس تسحره لينا.. قول ماشاء الله.. أمس عامل جوطه قال كره اللون الأزرق..قال ليهم بللا لون أولاد بلا زحمه معاكم.. عايز البس الوان مختلفه.. شوفت أمه ذاتها اتخلعت من كلامه! غايته شفع الزمن ده..ربنا يغطيهم ساكت!
Quote: مبروك يا منى، مولاي يجعلها من بناتنا البارّات ويقر بها أعين والديها. سلام لآيه واسمعي كلام عماد عبدالله واديني النتيجه ،
حّّبوبات ديجيتال.
آمين يا محمد المرتضي.. بس لولدنا ما بتنا.. وولدنا اسمه ياسين ولما نحلف تاني..بنحلف كده..
ياسين والقرآن الحكيم
والله أنا بعرف حاجات كتيره جدا من الحبوبات.. عندي كمان مفحضه.. وبعرف أعمل المديده.. مش المديده حرقتني..لأ المديده البياكلوها.. وساعيه لي حقه اشيلها في جيب جلابيتي المورده بالأخضر والأصفر دي.. وراقده في الراكوبه فيها زير وجبنه.. أها تاني ناقص شنو؟؟
Quote: ألف مبروك يامنى خوجلى .. لك ولهاالتهنئة وحفظها الله ...
محمد مختار جعفر
فجأه كده يا محمد مختار أنا بقيت حبوبه.. طبعا حاولت احس بالفرق ماقدرت..غير انه بس الناس بتقول حبوبه.. وبعدين في زول لذيذ جدا عامل لينا حياه لذيذه برضه في البيت.. وامكن احلي مافي ياسين انه ما بيبكي.. بالضبط زي أمه لما كانت بيبي.. ربنا يهديك الأحفاد الحلوين ويسعدك بيهم..قول آمين..
Post: #80 Title: Re: مديده....ومفحضه وحقه! Author: محمد عثمان Date: 02-01-2008, 09:48 PM Parent: #1
منى..
الف حمد لله بالسلااامة ربنا يحفظها و يحفظكم من كل شر..
أنا من بقيت حبوبه..اتقمصتني حركات بتاعة شخصيات.. شخصيتين بالتحديد.. واحده حبوبتي السره بت الحسن..والتاني عمتي ست نور عبدالرحمن.. أقوم من الكرسي واجي ماشيه..ألقي نفسي ماشيه بطريقة حبوبتي.. شوفت الميزان؟ لما تخت في كفه وزن من اي حاجه قول طماطم..وفي الكفه التانيه كيلو وزن بتاع الميزان تقوم الكفه الأولي تنقص شويه وتطلع فوق لأنها أخف..وزنها ماظبط اهه تقوم تزيد في الطماطم علشان تظبط ..تقوم الكفه تنزل لأنها بقت اكثر وأتقل من الكيلو.. شوفت الحركه بتاعة العرجه بتاعة المبزان دي؟؟ اها انا بقيت امشي زيها!
أما عمتي ست نور فما بتتحرك بدون حقتها..انا جبت الحقه وخايفه من مغبة ذلك
Quote: مبروووووووك آية الأمومة مبرووووووك مني الحفيد (يس) يربي في عز الخوجلاب وجعله الله مبارك علينا وعليكم .
،،،،أبوقصى،،،،
سلام يا مجدي.. اها اسه انت جبت ولد وآيه جابت ولد..طريقه نسب مع أختك مافي ليها طريقه أسه.. ومن ناحيه تانيه الا نفكر في بت طارق جبريل..هي اكبر منو لكن معليش..لأنه الصغير برضه ولد!
ياسين وحبوبه مني شايلاه بيد واحده والجبس في اليد التانيه..الجبس بتاعي لونه الكحلي حلو .. موش؟؟
شوفتي صاحبتك الكنتي بتجيبي ليها الشوكلاته؟؟ اهي كبرت وولدت..وبقت تقول.. البيبي مسكين فراستريتيد علشام ما نام كفايه.. والبيبي ماقادر ينوم علشان الزغوطه.. واليوم كله تحمي وتغير في النابيز زمن الطفوله في العالم ده قل خالص!
عارفه يا ندي المحزن شنو؟؟ يوم آيهبتولد.. جات بت طفله..عمرها ما بيحصل الأربعتاشر سنه..جات للولاده.. الأحزني شديد..انه كل المعاها طفلات زيها..ولا أب ولا أم ولا حتي أي زول كبير! وطبعا كلنا عارفين بالبنات الصغر شديد وعندهم أطفال يتحملوا مسئولياتهم براهم.. بس المعرفه عن طريق قراءة الخبر ولا شوف واحده ماشيه وطفلها معاها حاجه.. وشوفها في المستشفي في المحنه دي وبراها حاجه تانيه.. الولاده كما هي خلق ممكن جدا تكون موت!
شوفتي صاحبتك الكنتي بتجيبي ليها الشوكلاته؟؟ اهي كبرت وولدت..وبقت تقول.. البيبي مسكين فراستريتيد علشام ما نام كفايه.. والبيبي ماقادر ينوم علشان الزغوطه.. واليوم كله تحمي وتغير في النابيز زمن الطفوله في العالم ده قل خالص!
عارفه يا ندي المحزن شنو؟؟ يوم آيهبتولد.. جات بت طفله..عمرها ما بيحصل الأربعتاشر سنه..جات للولاده.. الأحزني شديد..انه كل المعاها طفلات زيها..ولا أب ولا أم ولا حتي أي زول كبير! وطبعا كلنا عارفين بالبنات الصغر شديد وعندهم أطفال يتحملوا مسئولياتهم براهم.. بس المعرفه عن طريق قراءة الخبر ولا شوف واحده ماشيه وطفلها معاها حاجه.. وشوفها في المستشفي في المحنه دي وبراها حاجه تانيه.. الولاده كما هي خلق ممكن جدا تكون موت!
شكرا يا ندي وسلام مني ومن ماما جاره..وآيه
Post: #91 Title: Re: مديده....ومفحضه وحقه! Author: انعام حيمورة Date: 02-02-2008, 07:41 AM Parent: #1
الله يسلمك يا محمد.. ياسين لغاية دلوقتي يشبه ابوه اكتر من أمه بس اخد من أمه شكل الوش..الشعر حقهم الأثنين.. ولو انه امه نقت الأضنين الشينات وقالت دي اضنين بتي.. لكن انا اتسديت في ولدها..قلت لبودي..
البيبي ده كله آيه..
اتغاظ جدا وقال لي سيحان الله خالتو لو شوفتي صورتي وانا بيبي بس هو! قلت ليه ابدا كله آيه..بس اخد لونك! مسكين قهرته..اتغاظ وسكت..تاني عشان أمه ماتنقي الأضنين وتقول اضنين بتي.. أسه اجيب ليها كلام الردح داك من بوست ايهاب نميري؟؟
تحت تحت آيه سمته! لكن رسميا كده ...لسع السمايه قربت..وهنا خرفان في خشم الباب مافي.. اسه بودي طالع في راسه يمشي مع الجزار يضبح براه..جنس افكار غايته! لما كنا في المستشفي..قعدنا نحاول نقنع ىيه تفكر في السم كويس قبل ماتقرره.. لكن ىيه قدرت تسكتنا تماما بعد خوف.. خاصه اننا عندنا تجربه مع مقترحات بودي العجيبه.. مره قال عايز يسميه باسم غريب نسيته..اسم بيطلقوه زمان العرب والمسلمين علي الأسد.. وزي الأسماء دي كتيره جابها..مره قالوا يسموه حمزه..في لحظتها قلت ليهم ما ينفع! سألوني ليه؟ رديت لأنه هنا هاينادوه همزه لصعوبة نطق حرف ال "ح"..وساعتها الناس هاتهرج..ده يقول ليه انت همزه علي السطر ولا همزه علي الألف.. والتاني يقول ليه..لأ علي الياء يا شاطر! وخلاص كده الولد يتعقد! ونجحت الخطه الخبيثه وتم استبعاد حمزه! لكن كلام آيه الأخير كان شويه مقنع في ساعة قوله في المستشفي.... قالت أنا مصره علي ياسين ..انتو ماعارفين هو اسه قال عايز يسميه شنو! هو قال نسميه خطاب! في لحظه أخواتي وأنا اتصرفنا.. اسمعي يا آيه لازم تكلميه انه خطاب ده كان اسم ابو عمر وكان راجل كافر!
وبهذا انهينا مسلسل استمر 9 شهور أو أربعين اسبوع..مسلسل حافل بالأسماء الجميله والأخري العجيبه.. طبعا الجميله من يمتي أنا...والعجيبه من يمتهم هما
الف , الف مبروك وربنا يحفظهم ليك ويسعدك بيهم اكتر واكتر..امين يا رب العالمين.
عقبال مروه بتي قولوا امين..
سلام
مليون عقبال لمروه.. يارب تشوفي عيال عيالها..وتشيلي واحد علي كتفك..ينط ليك التاني علي حجرك.. تطبطبي عليه علشان مايبكي..تصرخ اخته عايزه اليشيلها.. ياسلام يا سلمي عليكي كده وانتي بتحضنيهم وهم بيشدوا في شعرك.. ولاكمان طالعين علي ضهرك وانتي بتصلي..منظرهم بيكون حلو خالص
انت فين يا احلى جدة في الدنيا؟ ليه ما بتردي على التليفون؟ عايزة اطمن عليك على الهواء مباشرة لو أمكن
فين المغات؟ ولا نخليه بالليل مع السحلب؟
والله كان نفسي اعمل سبوع زي الجدات في الأفلام المصريه.. الم كل امهات الأسره والعيال ونجيب الهون علشان الايقاع والتنبيه.. ويكون هو في سبته ولا سريره الصغير علي الأرض وامه تعدي سبع مرات.. وكل مره معاها وصيه..
الجميلة منى مباركٌ ما جاءكم جعله الله قرة عين لكم وحمداً لله على سلامة أمه
تحياتي،،
ازيك يا بله.. الله يبارك ليك في ايامك وافعالك.. عارف عمتي ستو نور زمان كان بيهف لي أودي ليها آيه مرات الصباح بدري تقعد معاها قبل ما تدخل الحضانه..عمتي تخوفني لما ارجع..تقول لي الليله أديت آيه سفة سعوط! وكنت مرات بخاف جد جد..لأنه عمتي فعلا عندها حقة سعوط .. شفت الزمن كيف؟؟ عمتي تسف وأخوها لأ المهم انا دلوقتي برضه عمه لخمسه بنات وولدين.. وخاله للخمسه اولاد و4 بنات.. ده غير الغير مباشرين وماشاء الله عليهم ربنا يحفظهم.. واسه كلمة خالتو دي عاديه..بس عمتو دي ليها طعم مختلف.. وأنا كمان دلوقتي حبوبه مباشره لواحد..قول ما شاء الله.. يبقي وريني يا بله .. بعد العظمه دي كلها والأفواه والأرانب.. يحق لي أسف ولا لأ؟
انا غايتو لو ما رسلتو لي صينيتي بتاعة السماية وضلعها يلعلع بتكونوا اتلومتوا يا النسابة
Post: #123 Title: Re: مديده....ومفحضه وحقه! Author: Muhammad Elamin Date: 02-12-2008, 00:56 AM Parent: #114
Quote: وزي الأسماء دي كتيره جابها..مره قالوا يسموه حمزه..في لحظتها قلت ليهم ما ينفع! سألوني ليه؟ رديت لأنه هنا هاينادوه همزه لصعوبة نطق حرف ال "ح"..وساعتها الناس هاتهرج..ده يقول ليه انت همزه علي السطر ولا همزه علي الألف.. والتاني يقول ليه..لأ علي الياء يا شاطر! وخلاص كده الولد يتعقد! ونجحت الخطه الخبيثه وتم استبعاد حمزه! لكن كلام آيه الأخير كان شويه مقنع في ساعة قوله في المستشفي.... قالت أنا مصره علي ياسين ..انتو ماعارفين هو اسه قال عايز يسميه شنو! هو قال نسميه خطاب! في لحظه أخواتي وأنا اتصرفنا.. اسمعي يا آيه لازم تكلميه انه خطاب ده كان اسم ابو عمر وكان راجل كافر!
هوي يا مني خوجلي !!!
إتلومتي تب !!
خطاب إسم ود عمي طوالي ودا أصغر الأبناء من ناحية الأعمام !!!
وحمزة آفو !!
إسم شقيقي حمزة الأمين وجد أبوي حمزة محيميد !!!
كلامك دا تغيريهو ولا نحن نجيكم من مانشستر عديل بفقه العقيقة الجائزة بعد 14 يوم ونجيب ليكم الأسامي المركبة بتاعت نسابتكم !!!
خطاب إسم ود عمي طوالي ودا أصغر الأبناء من ناحية الأعمام !!!
وحمزة آفو !!
إسم شقيقي حمزة الأمين وجد أبوي حمزة محيميد !!!
كلامك دا تغيريهو ولا نحن نجيكم من مانشستر عديل بفقه العقيقة الجائزة بعد 14 يوم ونجيب ليكم الأسامي المركبة بتاعت نسابتكم !!!
هيع !
-------------------------------------------------------------------------------- تأبي عقيدتنا تأبي شريعتنا أن يصبح الناس أذيالاً وقطعانا
والله يا محمد الأمين..تحتا من بداية الحمل في حالة بحث وتوتر عن صالح الأسماء!
غايته الناس المسلمين جداد في مجتمع غير مسلم ديل...متعبين بشكل! دايرين يثبتوا شنو أنا ماعارفه.. الأنترنت فتر من البحث في الأسلام.. واسماء والله انا العمري مسلمه طول حياتي ماسمعت بيها! ما فضل لينا الا نفتش اسماء ناس غزوة بدر مره قال يسميه عبد الرحمن.. بس اتذكرت فيلم اسماعيل يس داك ولا مين ماعارفه..عبدالرحيم بيه كبير الراحميه! يعني يبقي اسمه عبد الرحمن عبد الرحيم! اسه الحمدلله خلصنا..ياربي بيكرروا لينا الفيلم ده لو جابوا طفل تاني؟؟ تبقي مصيبه! عارف قلت ليه سمي عمر بفتح الع قال لأ! قال عمر ده من كمان؟ قلت ليه في عمر ابن العاص..قال لي لآ..اسمو عمرو.. قلت ليه خلاص سميه عليه ولا علي عمرو موسي حتي.. شوف بالله الشافع ده..اريته كان امه ولدته ايام الغزوات الأسلاميه زمان..عايز يزاحمنا في اسلامنا
علشان كده كان لازم نتسدي فيه ونلخبط ليه اقتراحاته بعد ما نجضنا..
Quote: انا غايتو لو ما رسلتو لي صينيتي بتاعة السماية وضلعها يلعلع بتكونوا اتلومتوا يا النسابة
والله يا طارق جنس ضلع واضلاع! مهرجان من الكلسترول! السمايه بتاعة الحركات يوم السبت...كلكم معزومين .. وبعدين يا طارف آيه جابته ذكر.وليست الأنثي كالذكر..نعمل شنو؟؟ يا نعرس بتك الكبيره لولدنا البيبي وتتحملوا القطيعه والكلام.. ولا ننتظر كام سنه كده امكن آيه تجيب بت...
تسلم طارق أخوي وشكرا علي المكالمه.. ربنا يحفظك لأولادك ولينا..
Post: #126 Title: Re: مديده....ومفحضه وحقه! Author: عبد الدائم سيد أحمد Date: 02-12-2008, 01:17 PM Parent: #1
حبوبة الف الف مبروك ويتربي فى عزكم يارب
اول يوم فتحت البوست ده لقيتو حالة ولادة قفلتو وقمت جارى الحالة دى انا عشتها قريب ، عشان كده احسن حاجة الواحد يجى يبارك قبل السماية بيوم او يومين على الاقل عشان يعزموك طبعا" عندنا فى السودان لو الظروف ما ساعدتك وباركتى قبل السماية ما بعزموك ليها ، يقولو هي ما حمدت السلامة ، والله ما بنعزمها ولاحاجة .
انتى يا حبوبة يا دقة قديمة لسه من زمن مديدة الحلبة ، بنات الزمن ده بقولو ريحتها ما حلوة نفس الوصفة السابقة اضعى السمسم مكان الحلبة مع حذف العطرون وفى النهاية قبل التقديم سيحى شوية سمنة فى الوش . وتشربى وما تدى الجمبك .
اول يوم فتحت البوست ده لقيتو حالة ولادة قفلتو وقمت جارى الحالة دى انا عشتها قريب ، عشان كده احسن حاجة الواحد يجى يبارك قبل السماية بيوم او يومين على الاقل عشان يعزموك طبعا" عندنا فى السودان لو الظروف ما ساعدتك وباركتى قبل السماية ما بعزموك ليها ، يقولو هي ما حمدت السلامة ، والله ما بنعزمها ولاحاجة .
انتى يا حبوبة يا دقة قديمة لسه من زمن مديدة الحلبة ، بنات الزمن ده بقولو ريحتها ما حلوة نفس الوصفة السابقة اضعى السمسم مكان الحلبة مع حذف العطرون وفى النهاية قبل التقديم سيحى شوية سمنة فى الوش . وتشربى وما تدى الجمبك .
ياعبد الدايم انت ما كنت بتشوف افلام ولا شنو؟؟ مش دايما تلقاهم ماشيين جايين عند باب غرفة الولاده؟؟ فاكرهم بيمشوا كده ليه؟؟ ماقلق ياخ..
اسه الحمدلله جيت باركت بدري علشان السمايه يوم السبت..عليك الله تعال..سمح؟ وجيب بتك العسل دي ماشاء الله ربنا يكبرها ويحفظها.. أما بالنسبه للمديده ..بطريقتك دي انت بقيتها مغات..حصل شربت مغات؟؟ كله سمنه وسمسم!
أحلي حبوبة في السودان والوطن العربي والافريقي والامريكي والاوربي بصفة عامة
ياخ الف دشليون مبروك بسلامة ايووووويااااااا العسللي ويتربي في عز الوالدين والحبوبتين يارب ..
عايني
بالنسبة للشعر حق ماما جارة
بالنسبة للعيون آية
بالنسبة للنخرة ماجدة
بالنسبة (للعضنين) قطع شك ) عضنين بودي انا عيلة ماما جارة دي بعرف اضنينهم اضان أضان دي ماحقتكم اقايتو
ايوه شاطره يا ندويه.. الشعر حق ماما جاره..والخليفه برضه شعره كان كده.. واسه كده قسمتوا الولد علي ناس البيت..مره ماما..مره ماجده..مره آيه.. وانا يا ندويه...بالنسبه لي ..مفيش؟؟
أمري لله ..ممكن نقول.. وبالنسبه لليد المجبسه دي يد مني
وبالنسبه لأضنين امه تطلع السما تنزل الأرض ماعندها طريقه..دي أضنين هنود..يعني أضنين ابو بودي.. حصل في حياتك شوفتي اضان هندي؟؟ حاجه غريبه جدا أنا ما شوفت لا هندي لا صيني لكن مادام دي ما اضان امه.. تبقي غصبا عنها أضان أبوه..شوف كمان عايزه تعمل لي حركات نسيبات!! اسه اغيظها واقول ليها أمشي يا شارون؟؟
(شارون ده اسمها المسيحي ..الأسلامي الآن خديجه)
تسلمي حبيبتي..ارجعي من الخرطوم للرحله..وشارون برضه جايه معاي..
عايني يا راويه.. انا شلت ياسين وقعدت اقول زي كلامك ده وعاه.. ياختي يا حلوه.. حبيبتي جميله.. وبس ابوه قعد يعاين مخلوع.. قال ده ولد ليه تقولي ليه حبيبتي؟!
طبعا عملت ماسامعه..يعني دي هاشرحها ليه كيف؟ اقول ليه هم لما يكونوا صغار شديد كده بندلعهم بالشكل ده؟؟ طيب لو استغرب وسألني .. ليه هم لما يكونوا صغار بيكونوا بنات وبعدين بيتغيروا لما يكبروا ويبقوا أولاد؟؟ مالي انا ومال وجع الراس..أحسن اعمل طرشانه ولا انشالله هبله حتي!
Post: #159 Title: Re: مديده....ومفحضه وحقه! Author: غادة عبدالعزيز خالد Date: 02-20-2008, 00:53 AM Parent: #156
الحبيبة منى
ألف ألف مبروك ليك ولآية ربنا يحفظة ويخليهو ليكم ياااا رب العالمين ويسعد قلبكم دوما وفي كل حين لو ممكن تراسلني على الإيميل حقي عاوزة نمرتك [email protected]