|
الروووووووووووب الرياض موعودة بـ التجمد الأربعاء المقبل
|
جــاء فــي جــريــدة الـحـيـاة الـلـنـدنـيـة الـيـوم
توقعت الرئاسة العامة للأرصاد وحماية البيئة إنخفاض درجة الحرارة إلي وأحد تحت الصفر في العاصمة الرياض خلال يوم الأربعاء المقبل , فيما تنخفض دون الصفر بست درجات في المناطق الشمالية للسعودية , مشيرة إلي إحتمال سقوط أمطار خفيفة متفرقة , حتي نهاية هذا الأسبوع وتحديداً جنوب منطقة الرياض ومناطق رماح وما جاورها .
|
|
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
يا هاشم يا خوي روب شنو؟ انت عارف نحن هنا والله العظيم في الشتاء لمن درجة الحرارة ترتفع (لاحظ ترتفع دي) لي ناقص عشرة ولا خمسة و ما يكون في هوا نحن عديل كدا بنقول الجو كويس و ما بارد شديد... أظنها ياها ذاتها: من يهن يسهل الهوان عليه ... ما لجرح بميت إيلام. لكن طبعا كونو البيوت و الأسواق و أماكن العمل و غيرها مهيأة لهذا الجو بكون ليها أثر كبير. ربنا يعينكم إن شاء الله.
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: محمد سنى دفع الله)
|
توقعت الرئاسة العامة للأرصاد وحماية البيئة إنخفاض درجة الحرارة إلي وأحد تحت الصفر في العاصمة الرياض خلال يوم الأربعاء المقبل , فيما تنخفض دون الصفر بست درجات في المناطق الشمالية للسعودية , مشيرة إلي إحتمال سقوط أمطار خفيفة متفرقة , حتي نهاية هذا الأسبوع وتحديداً جنوب منطقة الرياض ومناطق رماح وما جاورها .
هاشم الحبيب سلااام
نحن كنكشنا شيلو عننا شوية 19 سنة والواحد إنتنى من البرد
كان الله في عونكم كترو من الأندروير وغطي الصدر كويس
وكتر الشاي في البيت والتمر والفول السوداني المقلي ( المرا رو )
تحياتي هاشم
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: خالد علي محجوب المنسي)
|
Quote: هاشم الحبيب سلااام
نحن كنكشنا شيلو عننا شوية 19 سنة والواحد إنتنى من البرد
كان الله في عونكم كترو من الأندروير وغطي الصدر كويس
وكتر الشاي في البيت والتمر والفول السوداني المقلي ( المرا رو )
تحياتي هاشم |
ود المنسي الله يسلمك من كل شر ومن كل بلاء يا رب لكن انتا عارف زي حالتكم دي بنطبق عليها قصة المثل البيقول الضرب في الميت حرام يعني انتو والبرد بقيتو زي إتنين حبايب مش زينا نحنا صحراويين وفجاءة كده يطب علينا برد زي ده والبلح والفول السوداني موجود انتا عارف لو منظرها شين كان الواحد قعد في حفرة الدخان مع بالغ تحياتي لاسرتك .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: محمد سنى دفع الله)
|
Quote: ياحبيب ما باقي ليك اخير انشفنا البرد من تقتلنا انت بالكرسترول العالي ده راس نيجفه وكوارع اخير لينا البرد وقراصة العسل والسكر ولا شنو رايك ياحرييف البرد |
ود السني صباح الخير يعني لو هربتا من الكرسترول تقع في الحلويات والنشويات دي ما برضها مشكلة قائمة بذاتها يا زول ربنا يبعد عننا الأمراض قول آمين كدي هسع خلينا في التجمد الجاينا ده ؟؟؟؟ بس نقول يا لطيف الطف بنا .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: نيازي مصطفى)
|
Quote: الثلوج كانت عندنا هنا في عرعر(شمال السعودية) الاسبوع الماضي ولا اعلم ما سر هذا التحول الغريب في المناخ لك التحية وربنا يجعله بردا وسلاما على الجميع .
|
نيازي الله يكون في عونكم والله شفنا الرابط وربنا إنشاء الله يفكوا عشان الثلج يروح منكم . انا قلت الروووووووووووووب لكن المفروض انتا تقول سجمنا والبرد كتلنا
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: غباشي)
|
Quote: سبحان الله ... تقط في السويد و تتبهل في السعودية تحياتي يا هاشم |
غباشي اولاً وقبل كل شئ كل سنة وانت طيب لعيد الأضحية والسنة الجديدة وعيد الإستقلال تانياً عامل كيف مع الدراسة ؟؟ إنشاء الله تكون خلاص قربتا!! اما موضوع البرد ده فحدث ولا حرج نحنا ما بنستحمل البرد لاننا صحراويين وده سرج ما عندنا ليهو حصان . ربنا يوفقك يا غباشي وتعود للسودان والصحافة بخير وعافية
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
أخي وصديقي الرائع هاشم تحياتي وأشواقي وكيف ناس البيت إنشاءالله مية مية.. ربنا يعينكم والله نحن هنا البرد نفخنا عدييييييل والتلج هنا تحلف تقول تلاجة موز بس...موز شنو والله تلاجة لحوم كمان.. جهزوا القراريص والعدس والشوربات والشرابات ولو إحتجتوا لأي معونة من البطاطين واللحافات ممكن نرسل ليكم هليكوبترات من هنا .. أعملوا حسابكم وإنشاءالله تجي خفيفة..
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: نها محسن أبورأس)
|
هاشــــــــــــــــــــــــم
ماتقول دي خرمة كوارع سااااي وداير أم أحمد تقعد في الدٌوكة عشان طولت من القراريص ياأخي السعوديين بقولوا يادوب الواحد يلبس كط وبرمودا ويالا علي مثلث الجن والتفحيط بس كتر من الدفايات للعيال وأوع من السمنه والروسين والكوارع عشان الكروسترول ذي ماقال ودالسني الشوربات الساخن تكفي وأوعدنا يارب بحبت برد كدا عشان نلبس تقيل والتحية لك وللأسرة .
،،،،أبوقصى،،،،
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: مجدي عبدالرحيم فضل)
|
Quote: هاشــــــــــــــــــــــــم
ماتقول دي خرمة كوارع سااااي وداير أم أحمد تقعد في الدٌوكة عشان طولت من القراريص ياأخي السعوديين بقولوا يادوب الواحد يلبس كط وبرمودا ويالا علي مثلث الجن والتفحيط بس كتر من الدفايات للعيال وأوع من السمنه والروسين والكوارع عشان الكروسترول ذي ماقال ودالسني الشوربات الساخن تكفي وأوعدنا يارب بحبت برد كدا عشان نلبس تقيل والتحية لك وللأسرة .
،،،،أبوقصى،،،، |
ابو قصي والله لو ما عارف مرتك والدة كنتا قلت ليك ابقي راجل وتعال لينا بكرة الأربعاء لكن حظك سمح , لكن والله القراريص شغالة تش من إسبوع كل يوم قراصة والعشاء قراصة بالعسل والصباح قراصة بالشائي علي وزن ابكرونا آقاشي .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: Shayma)
|
Quote: ابو شيمـــــــــــــــاء الروووووووووب الشوية دي؟!! الروب والرووب والروووب والرووووب اتجمدنا عديييييييل وغلبنا النسويه الدفايات حطب السودان مدايد السودان كلو ما نافع غايتو الشافنا الاسبوع الجاي في السودان ذااااتو ما كضب
كل برد وانت طيب |
شيماء بتي الله يكضب الشينة والله البرد ما بنقدر عليهو وكل حر وانتي طيبة
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: نها محسن أبورأس)
|
Quote: أخي وصديقي الرائع هاشم تحياتي وأشواقي وكيف ناس البيت إنشاءالله مية مية.. ربنا يعينكم والله نحن هنا البرد نفخنا عدييييييل والتلج هنا تحلف تقول تلاجة موز بس...موز شنو والله تلاجة لحوم كمان.. جهزوا القراريص والعدس والشوربات والشرابات ولو إحتجتوا لأي معونة من البطاطين واللحافات ممكن نرسل ليكم هليكوبترات من هنا .. أعملوا حسابكم وإنشاءالله تجي خفيفة.. |
أختي العسل نهي الله يكون في عونكم بس المشكلة فينا نحنا صحراويين والشئ ده جديد علينا وانا شخصياً جهزت معونة البرد كلها من دقيق لزوم القراريص والعدس والكوارع وهلمجرا ومشكورة علي البطاطين واللحفات إعتبريها وصلت .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: ماجدة عوض خوجلى)
|
Quote: هاشم بطل الجرسة الشديدة دى وبعدين اللسته العجيبه كاتبا دى اذا فعلا اتتفذت انا على ارسل ليك Simvastatin Tabltes ولهويدا بالتاكيد هى بتشارك معاك فى اللسته العجيبة المكتوبه دى امشو ياجرسه |
ماجدة والله كتر الف خيرك وما قصرتي ابداً لكن الجرسة حاصلة والله وعايزانا نجيكم في لندن !! يا حلاة لكيك والله الصيف ظاتو عندنا فيهو راي !! وبعدين انا ما قلتا ناس اوروبا ديل ما معانا ؟؟ انتو والبرد بقيتو حبايب
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: عمار عبدالله عبدالرحمن)
|
Quote: ياهاشم اشه
الله يستر علي الكوامر الهناك _وخاصة العذابه),, وقوليهم كبوا الزوقه القاعدين ليها شنو..............
والمهم لو فيها تريكن ما تنسونا بنجازف ونجي غير كده نهي خان عديل كده |
عمار الجماعة ديل ما تخاف عليهم عاملين حسابهم اكيد تخيل كل يوم قاعدين في دار الصحافة ويلعبوا حريق ومجنونة عليك الله ديل نصاح !!! في البرد ده !! اخوك طبعاً ما شغال بيهم شغلة لابت تحت البطانية وكده
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: على محمد على بشير)
|
Quote: الله يعين بس يا هاشم
تتصور فى الجنوب الليله من الصباح نتكلم والدخان طالع نتنفس والدخان طالع لمن كنكشنا من البرد ودرجة الحراره تحت الصفر
والله لا قراصه نفعت ولا غيرو لينا الله بس |
يا ابو عيلوة كاتم في قلبك وساكت وانا من زمان اقول ناس المريخ ديل إتغلبوا 4 قبل كده وما قالوا حاجة يا علي اخوي الحال من بعضو وكلنا مريخاب لكن وحاتك لو كنتا انا في مكانك كان قلتا بصوت عالي ســجــمــنـا الــبــرد كــتــلــنــا لكن بيني وبينك كده دخلتني خوفة عديل ربك يستر بالله قلت لي القراريص ما نفعت وانا هسع حالتي قافل عليها وعلي الكوارع وراس النيفة !!!!! نطير وين هسه بالليل ده وعلي التعرتنا المدارس ما عندها إجازة .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
تحياتى ياابو احمد
تعرف ياهاشم قبل يومين تقريبا كنت بتكلم مع معاذ حسن بخصوص البرد
النازل فينا اليومين دى ، وقلت ليهو يامعاذ عندك بوست ذكرت فيه انك
من ضمن الدول الما بتفكر فى زيارتها الدول الفيها برد البيطلع بوخ
مع الكلام داك .اها البرد البتقصدو داك جاك هنا فى محلك حتعمل شنو ؟
قال لى : طيب يا احمد يعنى ما حيدونا اجازة برد وكدا ؟؟؟؟؟؟؟؟؟
وكنت مفكر اعمل بوست فى الموضوع . بس ما فضيت
والله البرد دا كرهنا اى حاجة بس خليها على الله .
وقالوا التقيل ورا
أحمد العمار
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: احمد العمار)
|
Quote: تحياتى ياابو احمد
تعرف ياهاشم قبل يومين تقريبا كنت بتكلم مع معاذ حسن بخصوص البرد
النازل فينا اليومين دى ، وقلت ليهو يامعاذ عندك بوست ذكرت فيه انك
من ضمن الدول الما بتفكر فى زيارتها الدول الفيها برد البيطلع بوخ
مع الكلام داك .اها البرد البتقصدو داك جاك هنا فى محلك حتعمل شنو ؟
قال لى : طيب يا احمد يعنى ما حيدونا اجازة برد وكدا ؟؟؟؟؟؟؟؟؟
وكنت مفكر اعمل بوست فى الموضوع . بس ما فضيت |
إجازة برد والله دي مافي زول سبقو عليها انتا عارف يا احمد العمار هسه الجماعة بتاعين اوروبا ميتين من الضحك عشان البرد عندهم شئ عادي وما عِرفو إنو نحنا صحراويين , الله يعين .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: الطاهر عثمان)
|
Quote: الحبيب هاشم تحياتي الله يعينكم ... ياخي دي ايام مبالغة قراريص وشايات بس
---
البوست داك كان فيه صور لكن ابت تظهر اسعدني مرورك بهناك ولك كامل الود |
اخي الحبيب الطاهر الله يسمع منك والله فعلاً برد ما حصل ويا يوم بكره ما تسرع تزود لي كتير بردي
فعلاً كان هناك أثار لصور ابت تظبط ولايهمك خيرها في غيرها
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: مجدي عبدالرحيم فضل)
|
Quote: كده كويس ياهاشم
أمس جاني مشوار طارئ علي الخط السريع قويزة أنا أتخيلت نفسي في الدائري بين مخرج 11وتسعة
الواحد لوماكان المزنوق عديلوا كان كبه الزوقه المهم جده الجو تغير فيها جد وبقت حقيقي جده غير!
بالله كيف أحوالكم وأدونا أخبار علاء تمبس بعد العملية وجواله عشان نكفر ليهو .
،،،،أبوقصى،،،، |
ابو قصي ده بس عشان تآمن والحالة دي المناظر بس الفلم لسه ما بداء حاتصل عليك واديك تلفون تمبس
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: Mahmoud Mustafa Mahmoud)
|
Quote: العزيز أبو أحمد وجميع ناس الرياض والمناطق (المتأثرة)..
Quote: ابقوا على الطلح اليابس يا هاشم اخوى
بطلوا الجرسة...الجو عندكم مطمئن والحمد لله حسب ما جاء في التنبؤات الجوية على موقع yahoo اللهم إلا إذا كنت مشتهي ليك دخان ساكت..
جدة (غير) باردة.. لكن الواحد مرات كدا بيشغل المكيف... جد والله
الله يغطي عليكم وعلى صغاركم.. |
محمود أخوي كتر خيرك والله ما قصرتا معانا تب لكن الليلة الصباح في نشرة الأخبارة السعودية المذيع كان بحذر في المواطنيين بعدم الخروج لانو درجة الحرارة حا تصل 3 درجات تحت الصفر
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: doma)
|
Quote: هي ما قالوا في قلوبل ورمينق الحصل شنو ؟؟؟ اكلوا التمر وختولكم منقد في نص العوضه وقفلوا الابواب والشبابيك عوجه ما بتجيكم . وكان لقيتو تلفون تمبس اجدعوا لينا في البوست دا نكفرلو |
خالة دومة ما قصرتي والله والمنقد جهزناهو والتمر مع الفول السوداني جبناهو واكان لي تلفون تمبس عندي لكن ما بعرف يرضي تلفونه يكون في البوست ده ولا لا ؟ وعلي كل حال ده إيميلي اكتبي لي فيهو عشان ارسلوا ليك علي إيميلك . [email protected]
معذرة يا خالة لكن الناس ظروفا كيف ما حدش يعرف لكن اكان علي تلفوني انا ياهو ده
العمل :- 4055000/تحويلة 5657 او 5658 وزارة الخارجية السعودية - الرياض الجوال :- 0564155973
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: الطيب شيقوق)
|
Quote: هشومي
خالك المالي بيهو يدك ده
حر ما بهمو برد حتى لو تحت الصفر ما بهمو زحمة مواصلات ما بتهمو عطش ما بهمو تسوّق مع ام اولادو وهى تاشر بطلباتها ما بهمو بنات في الجامعات عايزات مصاريف ما بهمو
بس الرعد والصواعق والبروق دى اندنا وما اندهم بطلع ليك ايمانهم ذاتو . |
ود شيقوق الخال شفيف وظريف ما تعمل ليهو تخاريف
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: ادريس خليفة علم الهدي)
|
تعرف يا هاشم زمان لمن كنا بنقرا في الأدب الانجليزي إحتفاء الخواجات باشراق الشمس كان الواحد يقول الناس دي العاجبا في الصناية دي شنو رغم معرفتنا بطبيعة جوهم لكن في السعودية أصبحنا أكثر إحتفاء بهذه الشمس التي ننتظرها ... تعرف لمن قريت الخبر أمس هميت لمن غلبني أعلق لكن الحمد لله ربنا كضب الشينة اليوم يا هاشم الشمس ألف ... بس قول ربك يستر وتقرط على كدا ... تحيات بدفء شمس الإستواء ...
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: مجاهد عبد الرحمن)
|
Quote: تعرف يا هاشم زمان لمن كنا بنقرا في الأدب الانجليزي إحتفاء الخواجات باشراق الشمس كان الواحد يقول الناس دي العاجبا في الصناية دي شنو رغم معرفتنا بطبيعة جوهم لكن في السعودية أصبحنا أكثر إحتفاء بهذه الشمس التي ننتظرها ... تعرف لمن قريت الخبر أمس هميت لمن غلبني أعلق لكن الحمد لله ربنا كضب الشينة اليوم يا هاشم الشمس ألف ... بس قول ربك يستر وتقرط على كدا ... تحيات بدفء شمس الإستواء ... |
مجاهد انتا عارف البني أدم ده طماع خالص لو جاء الشتاء يقول يالله حليل الصيف ولو جاء الصيف يقول حليل الشتاء لكن هنا في الرياض الصيف صيف والشتاء شتاء
تخريمة :-
خلي بالك الجماعة بتاعين الأرصاد ديل طلعوا إشاعة تصدق الليلة الشمس شرقت والجو دافئي !! خلونا فتحنا بوست وبكينا وشكينا وقلنا حي ووووووب لكن بيني وبينك نحنا لسع في نص النهار مامعروف الظروف بعدين بالليل تكون كيف ؟؟؟؟؟؟
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: Haytham Abdulaziz)
|
Quote: أبو أحمد الظريف أهـا إن شــاء الله ما إتكرمشت و عدت على خير؟؟....
يا حبيب عليك بالقراصة و الملوحة (التركين) و البصل الأخدر و صدقني ما بتجيك عوجة....
تحياتي للمتجمدين المعاك... |
هيثم يا وجيه انتا عارف انا قافل علي القراصة دي شديد لكن الجماعة طلعوها لي من راسي والتركين ما حصل جربتو لكن من دربي ده عديل عليهو والبصل الأخضر قالوا فوائدو كتيرة
تخريمة :-
اطمئنك لحدي هسع الجو تمام بس خايفين من بعد المغرب وانتا طالع ربك يستر يا هيثم .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
اعلان سياحي :
مرحباً بكم في السودان :-
1/ شمس فاقعة في الرؤوس 24 ساعة كل الشهور ... وعلى مر السنيين
2/ سخانه 1000% طواااالي .... (بإستثناء الأيام دي لأنو في شوية برد ... والشوية دا مجهجهنا )
3/ الجليد-- الصقيع-- التلج :- مفردات زي حُجا الحبوبات ولا حصل يوم شفناها (إلا في الصور ... والافلام )
وحتي في ثلاجات البيوت ... الكهرباء قاطعة طوالي عشان كده الأطفال اقل من 5 سنه ما شافوا التلج
قبل كدة.
4/ معلومة هامة: 5 درجات (فوق الصفر) ممكن تكون كارثة تودي بحياة كل السودانيييين ... والبهائم ... والحواشات ... و....
نتمنى لكم إجازه ( ساخنة )
هامش : رايكم شنو في السيناريو ده ... وعموما والله نحن بنحب بلدنا فوق الوصف ...( وكل بلد بي مشاكلو )... الكلام ده نحن نقولوا برانا ... لكن ما بنرضى زول اجنبي يقولو لينا
تحياتي يا هاشم يا جميل .....
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: أبي بكر سيد احمد)
|
Quote: اعلان سياحي :
مرحباً بكم في السودان :-
1/ شمس فاقعة في الرؤوس 24 ساعة كل الشهور ... وعلى مر السنيين
2/ سخانه 1000% طواااالي .... (بإستثناء الأيام دي لأنو في شوية برد ... والشوية دا مجهجهنا )
3/ الجليد-- الصقيع-- التلج :- مفردات زي حُجا الحبوبات ولا حصل يوم شفناها (إلا في الصور ... والافلام )
وحتي في ثلاجات البيوت ... الكهرباء قاطعة طوالي عشان كده الأطفال اقل من 5 سنه ما شافوا التلج
قبل كدة.
4/ معلومة هامة: 5 درجات (فوق الصفر) ممكن تكون كارثة تودي بحياة كل السودانيييين ... والبهائم ... والحواشات ... و....
نتمنى لكم إجازه ( ساخنة )
هامش : رايكم شنو في السيناريو ده ... وعموما والله نحن بنحب بلدنا فوق الوصف ...( وكل بلد بي مشاكلو )... الكلام ده نحن نقولوا برانا ... لكن ما بنرضى زول اجنبي يقولو لينا
تحياتي يا هاشم يا جميل ..... |
ابوبكر يا فنان والله بالغت عديل كده في الوصف انتا عارف في إجازتي المنصرمة لشهر 8 كتبت قصيدة وصفت ليك فيها حال البلد وسميتها ( فقدت الذاكرة في السودان بقيت تائه بدون عنوان )
أطمئنك يا ابوبكر لحدي هسع الجو كويس بس خايفين عندما ياتي المساء
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
هاشم ياخوي .... والله أنا بعزك لله في لله كده ... لكن الإيميل ده جاني الصباح قلت أبشرك
Quote: أول موجة صقيع بالمملكة منذ 34 عاما وفلكي يشير لاستمرارها 39 يوما وفاة سعودي من البرد بحائل وتوقع حرارة دون الصفر بالرياض
دبي- العربية.نت أدت موجة البرد القارس التي تجتاح شمالي السعودية إلى وفاة خمسين في منطقة حائل، وسط توقعات الرئاسة العامة للأرصاد وحماية البيئة استمرار انخفاض الحرارة إلى 6 درجات تحت الصفر في حائل خلال الأيام المقبلة.
وأوضح أحد أقارب المتوفى، أن قريبهم، وهو في العقد الخامس من العمر، ذهب بنزهة برية باتجاه النفود الكبير شمالي مدينة حائل. وعاد إلى المنزل في الرمق الأخير، فنقل إلى المستشفى؛ حيث توفي بعد ساعات". وأفاد التقرير الطبي إلى أن الوفاة سببها هبوط في الدورة الدموية، وتوقف نبضات القلب جراء برد الصحراء الجاف، وفق ما نقلت الطبعة السعودية لصحيفة "الحياة" اللندنية الثلاثاء 15-1-2008.
وأشار بيان بثته رئاسة الأرصاد الإثنين، إلى تأثر المملكة بكتل هوائية باردة، ستؤدي إلى انخفاض ملموس بدرجات الحرارة، إلى ما دون الصفر المئوي. وتوقعت أن تصل البرودة إلى ثلاث درجات تحت الصفر شمالي المملكة، وبين 2 و2 تحت الصفر في المناطق الوسطى.
من جهته، حذر الخبير الفلكي جبر الدوسري سكان المناطق الشرقية والوسطى والشمالية من التعرض المباشر للهواء خلال الأيام الـ 39 القادمة، أي ابتداء من الثلاثاء وحتى نهاية فبراير المقبل. وتوقع الدوسري أن تشهد هذه الفترة ثلاث موجات شديدة البرودة، هي "النعائم"، و"سعد الذابح"، و"سعد بُلع"، وفق ما نقلت صحيفة "الوطن" السعودية الثلاثاء.
وأوضح الدوسري أن موجة البرد الحالية التي تشهدها المملكة هذه الأيام هي الأولى منذ نحو 34 عاما، وذلك بعد موجة برد عام 1964. وأشار إلى احتمال اشتداد البرودة خلال الأيام المقبلة، لتصل درجة الحرارة في الرياض إلى ما دون الصفر. وأضاف أن الرياح الشمالية ستتسبب بتعاقب موجات البرد، ما يمكن أن يؤدي إلى تجمد المياه في المنطقة الوسطى ليوم أو يومين.
وقال الدوسري إن اليوم الثلاثاء هو أول أيام موجة برد "النعائم" التي تستمر 13 يوما، يعقبها موجة برد "سعد الذابح" شديدة البرودة لفترة 13 يوما أيضا ابتداء من 10 فبراير، فيما ستبدأ موجة "سعد بُلع" في 23 فبراير وتستمر 13 يوما أخرى، بعدها تعلن موجة "سعد السعود" انتهاء فصل الشتاء ودخول فصل الربيع تدريجيا، والتي ستستمر لمدة 13 يوما أخرى ابتداء من 8 مارس المقبل.
|
-
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: سلمى الشيخ سلامة)
|
Quote: هاشم اخوى هسى فى اللحظة دى درجة الحرارة عندنا ناقص سبعتاشر بالفهرنهايت يلا احسبا بالسنتى قريت تقول لى الرووب ونحن نقول شنو |
سبعتاشر بالفهرنهايت يا سلمي ؟؟؟؟؟؟؟؟؟؟؟؟؟؟؟؟؟؟؟؟؟ انا عوير احسبها بالسنتي قريت ما خلاص عرفنا الفيها
Quote: تقول لى الرووب ونحن نقول شنو |
الرووب قلنا وحي وب قلناها وسجمنا برضو قلناها !!!
احسن حاجة نقول ليكم يرحمكم الله ويحسن إليكم . سبعتاشر يالهووووووووووووي
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: Raja)
|
Quote: هاشم سلام ومحبة..
إحنا الروب قلناهو لينا 10 يوم.. من أسبوع درجة الحرارة ناقص 5. ومن أمبارح الحنفيات ما بتنزل الموية لأنها إتجمدت. وبالليل عادي بينزل صقيع وقاعدين ينبهونا كل يوم للإنتباه من الإنزلاق..
غايتو لو ما الشديد القوي شئ وااحد بيخلي الزول ينزل من السرير الدافئ ويطلع من البيت..
يااا حليل نيالا.. آخر شتائين كنت فيها.. |
رجا والله مشتاقين شوق شمش عديل كده !!!
الواحد هسع دي يقول شنو ؟؟ انا عارف نفسي طلعت جرسة لكن مع رجالتكم دي احسن نكون مغطسين راسنا في موية جردل دافئة وبعدها كباية شاي حارة . مويه متجمدة آل ياخررررررراشي
Quote: يااا حليل نيالا.. آخر شتائين كنت فيها |
تصدقي يا رجا جارتنا بخيتة الأسبوع الفات ده سافرت لنيالا ما عايزة اي حاجة من هناك تجيبها معاها ؟؟
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: حبيب نورة)
|
Quote: هشومي بختكم والله عارف انا أمبارح دعيت ليكم قلت اللهم أغسلهم بالماء والثلج و البرد علي الاقل توفروا شوية كهربة
نعلك طيب اما بعد
شكرن كتيرن! |
الحبيب حبيب نورة والله مشتاقين شوق مطر وينك انتا يا مسخوط بقيت تلاعبنا زي الكديسة والفار انتا في نحنا مافي نحنا في انتا مافي
Quote: قلت اللهم أغسلهم بالماء والثلج و البرد |
ياخوي كتر خيرك لكن اليومين ديل الغسيل دري كلين وبس dry clean) ) والقال ليك بنوفر كهرباء منو والله المكيفات شغالة تدفئة وصرف كهرباء تقيل !!
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: امير عوض الجمري)
|
Quote: هشومي (السقط والهلال وملاح الخدرة) .. يتخيّل لي بعدين حا يمسحوا التلاتة ديل من الوجود ويقولوا لينا خلاص ياها دي الجنّة.
اسخف تلاتة حاجات.. ده شنو ده ده ياخ |
لا حولا ولا قوة إلا بإلله معقولة بس يا ابو عثمان ياخي بتبالغ عديل كده !!! انا غايتو زمان كنتا بحب الصقط لكن هسع والله بقيت لا اطيقو ابداً وبعدين انا ما عايز اتكلم في السياسة ( خلينا مع الفريق القومي احسن )
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
ألأخ/هاشم
الراجل الكلس أبوشنب تخاف من حبة برد........هيع أمانة ما إتلومته...وشنو كلامك ده..:
ونصيحة لوجه الله كترو من القراصة والدخن وترامس الشائي والكوارع . ....
الدخن والكوارع دى بتجيب المشاكل...أما القراصة وترامس الشاى منطقية كتروا من الأشياء الدافية..
أما أخوى أمير الجمرى فأنا ضدك....أسخف ثلاثة حاجات عندى..الحر..المريخ..أم رقيقة....
مرة من السودان مسافر إستنبول بالخطوط البلغارية..عن طريق صوفيا..ترانسيت 3أيام..المضيف أعلن بأن درجة الحرارة الخارجية 8تحت الصفر نزلت حمالتك على لقيت البلد دى بيضاء من الثلج..لابس لى بدون مؤاخذة جزمة عادية..ما قدرت أمشى بيها لحدى ما أصحابى القابلونى تكلونى..طبعآ هناك الجزم مشرشرة من تحت..لكن بعد كده ما بتحس بالبرد شديد.. مودتى.. إسماعيل محمد احمد عباس..........
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: ismeil abbas)
|
Quote: ألأخ/هاشم
الراجل الكلس أبوشنب تخاف من حبة برد........هيع أمانة ما إتلومته...وشنو كلامك ده..:
ونصيحة لوجه الله كترو من القراصة والدخن وترامس الشائي والكوارع . ....
الدخن والكوارع دى بتجيب المشاكل...أما القراصة وترامس الشاى منطقية كتروا من الأشياء الدافية..
أما أخوى أمير الجمرى فأنا ضدك....أسخف ثلاثة حاجات عندى..الحر..المريخ..أم رقيقة....
مرة من السودان مسافر إستنبول بالخطوط البلغارية..عن طريق صوفيا..ترانسيت 3أيام..المضيف أعلن بأن درجة الحرارة الخارجية 8تحت الصفر نزلت حمالتك على لقيت البلد دى بيضاء من الثلج..لابس لى بدون مؤاخذة جزمة عادية..ما قدرت أمشى بيها لحدى ما أصحابى القابلونى تكلونى..طبعآ هناك الجزم مشرشرة من تحت..لكن بعد كده ما بتحس بالبرد شديد.. مودتى.. إسماعيل محمد احمد عباس.......... |
سمعة يا فنان هسع عليك الله الدخل الشنب شنو مع البرد ؟؟؟ وبعدين الشلاقة ليك شنو تسافر لتركيا وفي الشتاء كمان سبحان الله !! يأخوي شكلك كده بردان اكتر مني . غيب وتعال تلقانا نحنا يانا نحنا !!
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: الطيب شيقوق)
|
Quote: اكيد واحد من فصولها سيحكي فيه عن التدفئة من البرد ايام زمان وقت كنا نقوم من النوم بدري لابسين تياب الدمورية ونمشي نصنقر جنب لهب نار حبوباتنا ساعة عمل الشاى .
زمن كنا بنغني هوي يا ليلة هوى هوى يا ليلة احب ناس ليلة يا هشومي |
والله يا ود شيقوق اليومين دي فعلاً الواحد إفتقد المنقد بتاع الشائي ولمة الأخوان والأخوات والحاجة بترمي في اللقيمات وكل واحد شايل كباية الشائي في أيدو ومنتظر دورو .
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: هاشم أحمد خلف الله)
|
الحبيب/هاشم .. قلت:سمعة يا فنان هسع عليك الله الدخل الشنب شنو مع البرد ؟؟؟ وبعدين الشلاقة ليك شنو تسافر لتركيا وفي الشتاء كمان سبحان الله !! يأخوي شكلك كده بردان اكتر مني . غيب وتعال تلقانا نحنا يانا نحنا !!
ألأجابة للسؤال ألأول:ألم تدرى بأن كلما كان شنبك كبير كلما كنت رجلآ حار ..إذآ البرودة تكون أقل..
وهذا المطلوب يا أبوشنب..
ألأجابة رقم2.:طبعآ أخوك هوايته السفر بس السفرة دى كانت شغل..مجبورين فى الشتاء..
ألأجابة الثالثة:الحمدلله أنا ما بريد وما بريد وأسأل ساعى البريد..ومشتاق ليك وإنت معاى..
ود شيقوق الزول الجميل فى موسم الزمن الكعب..قلت هوى يالليلة..والله من زمن بتبكى وتهاتى من المحطة لفريق القطاطى..حنين يابو ليلة..
مودتى لكم جميعآ إسماعيل محمد احمد عباس..........
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: ismeil abbas)
|
Quote: الحبيب/هاشم .. قلت:سمعة يا فنان هسع عليك الله الدخل الشنب شنو مع البرد ؟؟؟ وبعدين الشلاقة ليك شنو تسافر لتركيا وفي الشتاء كمان سبحان الله !! يأخوي شكلك كده بردان اكتر مني . غيب وتعال تلقانا نحنا يانا نحنا !!
ألأجابة للسؤال ألأول:ألم تدرى بأن كلما كان شنبك كبير كلما كنت رجلآ حار ..إذآ البرودة تكون أقل..
وهذا المطلوب يا أبوشنب..
ألأجابة رقم2.:طبعآ أخوك هوايته السفر بس السفرة دى كانت شغل..مجبورين فى الشتاء..
ألأجابة الثالثة:الحمدلله أنا ما بريد وما بريد وأسأل ساعى البريد..ومشتاق ليك وإنت معاى..
ود شيقوق الزول الجميل فى موسم الزمن الكعب..قلت هوى يالليلة..والله من زمن بتبكى وتهاتى من المحطة لفريق القطاطى..حنين يابو ليلة..
مودتى لكم جميعآ إسماعيل محمد احمد عباس.......... |
سمعة وفيت وكفيت
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: أبي بكر سيد احمد)
|
سماعين !!!!!!!!
Quote: ود شيقوق الزول الجميل فى موسم الزمن الكعب..قلت هوى يالليلة..والله من زمن بتبكى وتهاتى من المحطة لفريق القطاطى..حنين يابو ليلة.. |
انت لقطة ارجو الالتزام بمتابعتنا وكمان بروعة مداخلاتك
اخوك وشقيك شيقا كما يحلو للبنية الجميلة سماح
هاشم انت معانا ولا سارح بعيييييييييييييييييييييييييييييييييييييد ؟
هييييييييييييييييع شغل التقابة من البرد بس
| |
|
|
|
|
|
|
Re: الروووووووووووب الرياض موعودة بـ التجمد الأربعاء المقبل (Re: الطيب شيقوق)
|
Quote: جيت ناطي يا ود .......... مالك عايز تكشف اوراقي |
ودشيقوق سلااام يا يابا حالك مستور وكلك بركة والله يا ود شيقوق تاري محنتك معاي زي ( محنة كُت بلا لبن ) فتحت لي بوست جديد ما تجي سااااااااي تقول لي سلاااام يعني ألا أكتب في البروفايل famaile الفيك إتعرفت أنتَ والرطاني طلعتو كــ....... سااااكت
| |
|
|
|
|
|
|
|