Post: #1
Title: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 06:03 PM
جــاء فــي جــريــدة الـحـيـاة الـلـنـدنـيـة الـيـوم
توقعت الرئاسة العامة للأرصاد وحماية البيئة إنخفاض درجة الحرارة إلي وأحد تحت الصفر في العاصمة الرياض خلال يوم الأربعاء المقبل , فيما تنخفض دون الصفر بست درجات في المناطق الشمالية للسعودية , مشيرة إلي إحتمال سقوط أمطار خفيفة متفرقة , حتي نهاية هذا الأسبوع وتحديداً جنوب منطقة الرياض ومناطق رماح وما جاورها .
|
Post: #2
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 06:12 PM
Parent: #1
ونصيحة لوجه الله كترو من القراصة والدخن وترامس الشائي والكوارع .
|
Post: #3
Title: Re: الروووووووووووب الرياض موعودة بـ التجمد الأربعاء المقبل
Author: Elawad
Date: 01-14-2008, 06:20 PM
Parent: #1
يا هاشم يا خوي روب شنو؟ انت عارف نحن هنا والله العظيم في الشتاء لمن درجة الحرارة ترتفع (لاحظ ترتفع دي) لي ناقص عشرة ولا خمسة و ما يكون في هوا نحن عديل كدا بنقول الجو كويس و ما بارد شديد... أظنها ياها ذاتها: من يهن يسهل الهوان عليه ... ما لجرح بميت إيلام.
لكن طبعا كونو البيوت و الأسواق و أماكن العمل و غيرها مهيأة لهذا الجو بكون ليها أثر كبير. ربنا يعينكم إن شاء الله.
|
Post: #4
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 06:25 PM
Parent: #3
العوض اخوي انتو في كندا ومتعودين علي البرد الكلام فينا نحنا والله النوم يطير لينا
|
Post: #5
Title: Re: الروووووووووووب الرياض موعودة بـ التجمد الأربعاء المقبل
Author: abubakr
Date: 01-14-2008, 06:44 PM
Parent: #1
ياهاشم ..التلج نزل في بغداد بعد ستين سنة الاسبوع الماضي واها جاييكم انت بس استفيد وسوي دندرمة (شوية سكر ولون ورووب طالما عندكم رووب كتير ) ويمكن تبقي اشهر من باسكن روبنز ....
|
Post: #6
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 06:53 PM
Parent: #5
| Quote: وسوي دندرمة (شوية سكر ولون ورووب طالما عندكم رووب كتير ) ويمكن تبقي اشهر من باسكن روبنز .... |
بتبالغ يا خال اقول ليك قراصة ودخن وكوارع تقول لي ايس كريم ودندرمة 
الله يستر علي أولادنا الصغار من شدة البرد .
|
Post: #7
Title: Re: الروووووووووووب الرياض موعودة بـ التجمد الأربعاء المقبل
Author: حافظ العشا
Date: 01-14-2008, 08:36 PM
Parent: #1
هاشم كيف حالك
اها ابقو مارقين وتعالوا لينا بي جاي
والله جدة فيها جو مبالغة لا حر ولا برد
حاجة روعة
|
Post: #8
Title: Re: الروووووووووووب الرياض موعودة بـ التجمد الأربعاء المقبل
Author: محمد سنى دفع الله
Date: 01-14-2008, 08:42 PM
Parent: #7
هشوم
الحبيب
الصحرى
الفاتحة ام فكو دي
الهوا اجي فلللي
يعني يوم الخميس الصباح بجينا ريح بردكم
حضرنا الدقيق الما خمج والسكر
من بكرة بيات شتوي عدييل
منقدنا معانا في الأوضة
وتعال ياشاي المغرب بالحليب والليقيمات
وقراصة العشى
شوف البطلع ليهم منو
اتفضلوا معانا
|
Post: #10
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 08:57 PM
Parent: #8
ود السني والله عاقل
بس نصيحة مني ليك ظبط الكوارع وراس النيفة
والقراريص وترامس الشاي واللقيمات والزم بيتك
لا شغل لا مدارس ولا يحزنون يا روح ما بعدك روح
|
Post: #9
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 08:49 PM
Parent: #7
حافظ والله يا ريت لو في طريقة
انا همي كلو علي بناتي في مشيت المدرسة الصباح
أمبارح بتي الصغيرة لمن ركبت معاي السيارة
قالت لي يا بابا الدنيا لسه ليل نحنا ماشين
بدري كده ليه ؟؟
والله لو لا المدارس كان زمان كبينا الزوغة عديل كده
وجيناكم في جدة وبالمرة عملنا لينا عمرة في مكة المكرمة.
|
Post: #11
Title: Re: الروووووووووووب الرياض موعودة بـ التجمد الأربعاء المقبل
Author: Salah Waspa
Date: 01-14-2008, 09:07 PM
Parent: #9
Quote: منقدنا معانا في الأوضة
وتعال ياشاي المغرب بالحليب والليقيمات
وقراصة العشى |
ياخ لكن ما جوعتنا يا السني !!!
هاشم كيفك كتر من اللحافات وتقلوا للأطفال ما بستحملوا ياخ
والله كنا حنقول ليكم زي ما قال حافظ تعالوا معانا لكن دي
ولا عزومة مراكبية ما بتنفع عشان عندنا الرووووووب حقكم ده
حيتجمد وتبقوا في ياااااحليل الرياض .
تحياتي وحفظكم الله ورد غربتنا جميعا
صلاح واسبه
|
Post: #12
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-14-2008, 09:12 PM
Parent: #11
صلاح كتر خيرك وعزومتك مقبولة ولا هي عزيمة مراكبية ولا حاجة
وربك يلطف علينا وإنشاء الله بورداب الرياض يشوفوا البوست ده
|
Post: #13
Title: Re: الروووووووووووب الرياض موعودة بـ التجمد الأربعاء المقبل
Author: محمد سنى دفع الله
Date: 01-14-2008, 09:31 PM
Parent: #12
ياحبيب
ما باقي ليك
اخير انشفنا البرد
من تقتلنا انت بالكرسترول العالي ده
راس نيجفه وكوارع
اخير لينا البرد وقراصة العسل والسكر
ولا شنو رايك ياحرييف البرد
|
Post: #14
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-14-2008, 10:14 PM
Parent: #13
توقعت الرئاسة العامة للأرصاد وحماية البيئة إنخفاض درجة الحرارة إلي وأحد تحت الصفر في العاصمة الرياض خلال يوم الأربعاء المقبل , فيما تنخفض دون الصفر بست درجات في المناطق الشمالية للسعودية , مشيرة إلي إحتمال سقوط أمطار خفيفة متفرقة , حتي نهاية هذا الأسبوع وتحديداً جنوب منطقة الرياض ومناطق رماح وما جاورها .
هاشم الحبيب سلااام
نحن كنكشنا شيلو عننا شوية 19 سنة والواحد إنتنى من البرد
كان الله في عونكم كترو من الأندروير وغطي الصدر كويس
وكتر الشاي في البيت والتمر والفول السوداني المقلي ( المرا رو )
تحياتي هاشم
|
Post: #18
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 05:55 AM
Parent: #14
Quote: هاشم الحبيب سلااام
نحن كنكشنا شيلو عننا شوية 19 سنة والواحد إنتنى من البرد
كان الله في عونكم كترو من الأندروير وغطي الصدر كويس
وكتر الشاي في البيت والتمر والفول السوداني المقلي ( المرا رو )
تحياتي هاشم |
ود المنسي الله يسلمك من كل شر ومن كل بلاء يا رب
لكن انتا عارف زي حالتكم دي بنطبق عليها قصة المثل
البيقول الضرب في الميت حرام يعني انتو والبرد بقيتو
زي إتنين حبايب مش زينا نحنا صحراويين وفجاءة كده يطب
علينا برد زي ده والبلح والفول السوداني موجود
انتا عارف لو منظرها شين كان الواحد قعد في حفرة الدخان
مع بالغ تحياتي لاسرتك .
|
Post: #17
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 05:41 AM
Parent: #13
Quote: ياحبيب
ما باقي ليك
اخير انشفنا البرد
من تقتلنا انت بالكرسترول العالي ده
راس نيجفه وكوارع
اخير لينا البرد وقراصة العسل والسكر
ولا شنو رايك ياحرييف البرد |
ود السني صباح الخير يعني لو هربتا
من الكرسترول تقع في الحلويات والنشويات
دي ما برضها مشكلة قائمة بذاتها
يا زول ربنا يبعد عننا الأمراض قول آمين
كدي هسع خلينا في التجمد الجاينا ده ؟؟؟؟
بس نقول يا لطيف الطف بنا .
|
Post: #15
Title: Re: الروووووووووووب الرياض موعودة بـ التجمد الأربعاء المقبل
Author: غباشي
Date: 01-14-2008, 11:12 PM
Parent: #1
سبحان الله ... تقط في السويد و تتبهل في السعودية 
تحياتي يا هاشم
|
Post: #16
Title: Re: الروووووووووووب الرياض موعودة بـ التجمد الأربعاء المقبل
Author: نيازي مصطفى
Date: 01-15-2008, 00:01 AM
Parent: #15
الثلوج كانت عندنا هنا في عرعر(شمال السعودية) الاسبوع الماضي ولا اعلم ما سر هذا التحول الغريب في المناخ
لك التحية وربنا يجعله بردا وسلاما على الجميع .
اضغط هنا لرابط الصور
|
Post: #23
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 06:47 AM
Parent: #16
Quote: الثلوج كانت عندنا هنا في عرعر(شمال السعودية) الاسبوع الماضي ولا اعلم ما سر هذا التحول الغريب في المناخ
لك التحية وربنا يجعله بردا وسلاما على الجميع .
|
نيازي الله يكون في عونكم والله شفنا الرابط وربنا إنشاء الله يفكوا
عشان الثلج يروح منكم .
انا قلت الروووووووووووووب لكن المفروض انتا تقول سجمنا والبرد كتلنا
|
Post: #19
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 06:06 AM
Parent: #15
Quote: سبحان الله ... تقط في السويد و تتبهل في السعودية
تحياتي يا هاشم |
غباشي اولاً وقبل كل شئ كل سنة وانت طيب لعيد الأضحية
والسنة الجديدة وعيد الإستقلال
تانياً عامل كيف مع الدراسة ؟؟ إنشاء الله تكون خلاص قربتا!!
اما موضوع البرد ده فحدث ولا حرج نحنا ما بنستحمل البرد
لاننا صحراويين وده سرج ما عندنا ليهو حصان .
ربنا يوفقك يا غباشي وتعود للسودان والصحافة بخير وعافية
|
Post: #20
Title: Re: الروووووووووووب الرياض موعودة بـ التجمد الأربعاء المقبل
Author: نها محسن أبورأس
Date: 01-15-2008, 06:06 AM
Parent: #1
أخي وصديقي الرائع هاشم
تحياتي وأشواقي
وكيف ناس البيت إنشاءالله مية مية..
ربنا يعينكم والله نحن هنا البرد نفخنا عدييييييل والتلج هنا تحلف تقول تلاجة موز بس...موز شنو والله تلاجة لحوم كمان..
جهزوا القراريص والعدس والشوربات والشرابات ولو إحتجتوا لأي معونة من البطاطين واللحافات ممكن نرسل ليكم هليكوبترات من هنا ..
أعملوا حسابكم وإنشاءالله تجي خفيفة..
|
Post: #21
Title: Re: الروووووووووووب الرياض موعودة بـ التجمد الأربعاء المقبل
Author: مجدي عبدالرحيم فضل
Date: 01-15-2008, 06:30 AM
Parent: #20
هاشــــــــــــــــــــــــم
ماتقول دي خرمة كوارع سااااي وداير أم أحمد تقعد في الدٌوكة عشان طولت من القراريص ياأخي السعوديين بقولوا يادوب الواحد يلبس كط وبرمودا ويالا علي مثلث الجن والتفحيط بس كتر من الدفايات للعيال وأوع من السمنه والروسين والكوارع عشان الكروسترول ذي ماقال ودالسني الشوربات الساخن تكفي وأوعدنا يارب بحبت برد كدا عشان نلبس تقيل والتحية لك وللأسرة .
،،،،أبوقصى،،،،
|
Post: #26
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 07:04 AM
Parent: #21
Quote: هاشــــــــــــــــــــــــم
ماتقول دي خرمة كوارع سااااي وداير أم أحمد تقعد في الدٌوكة عشان طولت من القراريص ياأخي السعوديين بقولوا يادوب الواحد يلبس كط وبرمودا ويالا علي مثلث الجن والتفحيط بس كتر من الدفايات للعيال وأوع من السمنه والروسين والكوارع عشان الكروسترول ذي ماقال ودالسني الشوربات الساخن تكفي وأوعدنا يارب بحبت برد كدا عشان نلبس تقيل والتحية لك وللأسرة .
،،،،أبوقصى،،،، |
ابو قصي والله لو ما عارف مرتك والدة كنتا قلت ليك ابقي راجل وتعال لينا بكرة الأربعاء
لكن حظك سمح , لكن والله القراريص شغالة تش من إسبوع كل يوم قراصة والعشاء قراصة بالعسل
والصباح قراصة بالشائي علي وزن ابكرونا آقاشي .
|
Post: #22
Title: Re: الروووووووووووب الرياض موعودة بـ التجمد الأربعاء المقبل
Author: anwar abdulmajid
Date: 01-15-2008, 06:43 AM
Parent: #20
هشوم السلام عليكم ورحمة الله
ابشرك نحن طول العام بنعمل فى ثلاجات درجة البرودة 20 تحت الصفر يعنى الجو الخارجى الان بنسبة لنا ربيع ودمت عافيه
|
Post: #27
Title: Re: الروووووووووووب الرياض موعودة بـ التجمد الأربعاء المقبل
Author: Shayma
Date: 01-15-2008, 07:07 AM
Parent: #22
ابو شيمـــــــــــــــاء
الروووووووووب الشوية دي؟!!
الروب والرووب والروووب والرووووب
اتجمدنا عديييييييل وغلبنا النسويه
الدفايات
حطب السودان
مدايد السودان
كلو ما نافع
غايتو الشافنا الاسبوع الجاي في السودان ذااااتو ما كضب
كل برد وانت طيب
|
Post: #30
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 11:56 AM
Parent: #27
Quote: ابو شيمـــــــــــــــاء
الروووووووووب الشوية دي؟!!
الروب والرووب والروووب والرووووب
اتجمدنا عديييييييل وغلبنا النسويه
الدفايات
حطب السودان
مدايد السودان
كلو ما نافع
غايتو الشافنا الاسبوع الجاي في السودان ذااااتو ما كضب
كل برد وانت طيب
|
شيماء بتي الله يكضب الشينة والله البرد ما بنقدر عليهو
وكل حر وانتي طيبة
|
Post: #28
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 07:07 AM
Parent: #22
Quote: هشوم السلام عليكم ورحمة الله
ابشرك نحن طول العام بنعمل فى ثلاجات درجة البرودة 20 تحت الصفر يعنى الجو الخارجى الان بنسبة لنا ربيع ودمت عافيه |
انور هوووي ناس اوروبا ما معانا ما قلنا ليكم نحنا صحروايين يا جماعة !!!
·
|
Post: #24
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 06:58 AM
Parent: #20
Quote: أخي وصديقي الرائع هاشم
تحياتي وأشواقي
وكيف ناس البيت إنشاءالله مية مية..
ربنا يعينكم والله نحن هنا البرد نفخنا عدييييييل والتلج هنا تحلف تقول تلاجة موز بس...موز شنو والله تلاجة لحوم كمان..
جهزوا القراريص والعدس والشوربات والشرابات ولو إحتجتوا لأي معونة من البطاطين واللحافات ممكن نرسل ليكم هليكوبترات من هنا ..
أعملوا حسابكم وإنشاءالله تجي خفيفة.. |
أختي العسل نهي الله يكون في عونكم بس المشكلة فينا نحنا صحراويين والشئ ده جديد علينا
وانا شخصياً جهزت معونة البرد كلها من دقيق لزوم القراريص والعدس والكوارع وهلمجرا
ومشكورة علي البطاطين واللحفات إعتبريها وصلت .
|
Post: #25
Title: Re: الروووووووووووب الرياض موعودة بـ التجمد الأربعاء المقبل
Author: ماجدة عوض خوجلى
Date: 01-15-2008, 06:59 AM
Parent: #1
هاشم بطل الجرسة الشديدة دى وبعدين اللسته العجيبه
كاتبا دى اذا فعلا اتتفذت انا على ارسل ليك Simvastatin Tabltes ولهويدا
بالتاكيد هى بتشارك معاك فى اللسته العجيبة المكتوبه دى
امشو ياجرسه
|
Post: #29
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 07:12 AM
Parent: #25
Quote: هاشم بطل الجرسة الشديدة دى وبعدين اللسته العجيبه
كاتبا دى اذا فعلا اتتفذت انا على ارسل ليك Simvastatin Tabltes ولهويدا
بالتاكيد هى بتشارك معاك فى اللسته العجيبة المكتوبه دى
امشو ياجرسه |
ماجدة والله كتر الف خيرك وما قصرتي ابداً لكن الجرسة حاصلة والله
وعايزانا نجيكم في لندن !! يا حلاة لكيك والله الصيف ظاتو عندنا فيهو راي !!
وبعدين انا ما قلتا ناس اوروبا ديل ما معانا ؟؟ انتو والبرد بقيتو حبايب
|
Post: #31
Title: Re: الروووووووووووب الرياض موعودة بـ التجمد الأربعاء المقبل
Author: عبد اللطيف بكري أحمد
Date: 01-15-2008, 02:39 PM
Parent: #1
السنجك الجاي أصعب:
بكرة أثناء الليل
-7
بعد بكرة يالحبيب :
-8
إنكرب بس ، وضيف التركين للستة
عشان ماتنسو شراب الموية،،
|
Post: #32
Title: Re: الروووووووووووب الرياض موعودة بـ التجمد الأربعاء المقبل
Author: عمار عبدالله عبدالرحمن
Date: 01-15-2008, 03:08 PM
Parent: #31
ياهاشم اشه
الله يستر علي الكوامر الهناك _وخاصة العذابه),, وقوليهم كبوا الزوقه القاعدين ليها شنو..............
والمهم لو فيها تريكن ما تنسونا بنجازف ونجي غير كده نهي خان عديل كده
|
Post: #36
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 03:58 PM
Parent: #32
Quote: ياهاشم اشه
الله يستر علي الكوامر الهناك _وخاصة العذابه),, وقوليهم كبوا الزوقه القاعدين ليها شنو..............
والمهم لو فيها تريكن ما تنسونا بنجازف ونجي غير كده نهي خان عديل كده |
عمار الجماعة ديل ما تخاف عليهم عاملين حسابهم اكيد
تخيل كل يوم قاعدين في دار الصحافة ويلعبوا حريق ومجنونة
عليك الله ديل نصاح !!! في البرد ده !!
اخوك طبعاً ما شغال بيهم شغلة لابت تحت البطانية وكده
|
Post: #34
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 03:27 PM
Parent: #31
Quote: السنجك الجاي أصعب:
بكرة أثناء الليل
-7
بعد بكرة يالحبيب :
-8
إنكرب بس ، وضيف التركين للستة
عشان ماتنسو شراب الموية،، |
يا عبداللطيف اخوي نحنا جاهزين بتركين وبقراصة
وكوارع وراس نيفة وكم بطانية كده جايانا هدية
من اختنا نها ابو الروس من بلاد بره علي قولة
اخوانا المصريين أها انتو كيف ؟؟؟؟؟؟
|
Post: #33
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-15-2008, 03:12 PM
Parent: #1
ابقوا على الطلح اليابس يا هاشم اخوى
ما عندي ليك وصية تاني
ودعتك الله ابقى عشرة على وصية جدو
|
Post: #35
Title: Re: الروووووووووووب الرياض موعودة بـ التجمد الأربعاء المقبل
Author: على محمد على بشير
Date: 01-15-2008, 03:56 PM
Parent: #33
الله يعين بس يا هاشم
تتصور فى الجنوب الليله من الصباح نتكلم والدخان طالع
نتنفس والدخان طالع
لمن كنكشنا من البرد
ودرجة الحراره تحت الصفر
والله لا قراصه نفعت ولا غيرو
لينا الله بس
|
Post: #40
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 05:13 PM
Parent: #35
Quote: الله يعين بس يا هاشم
تتصور فى الجنوب الليله من الصباح نتكلم والدخان طالع
نتنفس والدخان طالع
لمن كنكشنا من البرد
ودرجة الحراره تحت الصفر
والله لا قراصه نفعت ولا غيرو
لينا الله بس |
يا ابو عيلوة كاتم في قلبك وساكت وانا من زمان اقول
ناس المريخ ديل إتغلبوا 4 قبل كده وما قالوا حاجة
يا علي اخوي الحال من بعضو وكلنا مريخاب لكن وحاتك
لو كنتا انا في مكانك كان قلتا بصوت عالي ســجــمــنـا الــبــرد كــتــلــنــا
لكن بيني وبينك كده دخلتني خوفة عديل ربك يستر بالله قلت لي القراريص ما نفعت
وانا هسع حالتي قافل عليها وعلي الكوارع وراس النيفة !!!!! نطير وين هسه بالليل
ده وعلي التعرتنا المدارس ما عندها إجازة .
|
Post: #39
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 05:00 PM
Parent: #33
Quote: ابقوا على الطلح اليابس يا هاشم اخوى
ما عندي ليك وصية تاني
ودعتك الله ابقى عشرة على وصية جدو |
يديك العافية يا ود شيقوق يا خوي ما بتقصر والله
الطلح في لكن المرة محتكرو براها !!
|
Post: #37
Title: Re: الروووووووووووب الرياض موعودة بـ التجمد الأربعاء المقبل
Author: احمد العمار
Date: 01-15-2008, 03:58 PM
Parent: #1
تحياتى ياابو احمد
تعرف ياهاشم قبل يومين تقريبا كنت بتكلم مع معاذ حسن بخصوص البرد
النازل فينا اليومين دى ، وقلت ليهو يامعاذ عندك بوست ذكرت فيه انك
من ضمن الدول الما بتفكر فى زيارتها الدول الفيها برد البيطلع بوخ
مع الكلام داك .اها البرد البتقصدو داك جاك هنا فى محلك حتعمل شنو ؟
قال لى : طيب يا احمد يعنى ما حيدونا اجازة برد وكدا ؟؟؟؟؟؟؟؟؟
وكنت مفكر اعمل بوست فى الموضوع . بس ما فضيت
والله البرد دا كرهنا اى حاجة بس خليها على الله .
وقالوا التقيل ورا
أحمد العمار
|
Post: #41
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 05:31 PM
Parent: #37
Quote: تحياتى ياابو احمد
تعرف ياهاشم قبل يومين تقريبا كنت بتكلم مع معاذ حسن بخصوص البرد
النازل فينا اليومين دى ، وقلت ليهو يامعاذ عندك بوست ذكرت فيه انك
من ضمن الدول الما بتفكر فى زيارتها الدول الفيها برد البيطلع بوخ
مع الكلام داك .اها البرد البتقصدو داك جاك هنا فى محلك حتعمل شنو ؟
قال لى : طيب يا احمد يعنى ما حيدونا اجازة برد وكدا ؟؟؟؟؟؟؟؟؟
وكنت مفكر اعمل بوست فى الموضوع . بس ما فضيت |
إجازة برد والله دي مافي زول سبقو عليها
انتا عارف يا احمد العمار هسه الجماعة بتاعين اوروبا
ميتين من الضحك عشان البرد عندهم شئ عادي وما عِرفو
إنو نحنا صحراويين , الله يعين .
|
Post: #38
Title: Re: الروووووووووووب الرياض موعودة بـ التجمد الأربعاء المقبل
Author: الطاهر عثمان
Date: 01-15-2008, 04:23 PM
Parent: #1
الحبيب هاشم تحياتي
الله يعينكم ... ياخي دي ايام مبالغة
قراريص وشايات بس
---
البوست داك كان فيه صور لكن ابت تظهر
اسعدني مرورك بهناك ولك كامل الود
|
Post: #42
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-15-2008, 05:47 PM
Parent: #38
Quote: الحبيب هاشم تحياتي
الله يعينكم ... ياخي دي ايام مبالغة
قراريص وشايات بس
---
البوست داك كان فيه صور لكن ابت تظهر
اسعدني مرورك بهناك ولك كامل الود |
اخي الحبيب الطاهر الله يسمع منك والله فعلاً برد
ما حصل ويا يوم بكره ما تسرع تزود لي كتير بردي
فعلاً كان هناك أثار لصور ابت تظبط ولايهمك خيرها
في غيرها
|
Post: #43
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-15-2008, 10:11 PM
Parent: #42
| Quote: الطلح في لكن المرة محتكرو براها !! |
وانت عايز تسويهو داندرما ؟
|
Post: #46
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 06:04 AM
Parent: #43
| Quote: وانت عايز تسويهو داندرما ؟ |
ياود شيقوق يعني الخال ابوبكر
ما يقول ليهو كلمة إلا تلوكة زي اللبانة
اقول ليك انا بخاف من الموية تجيب لي سيرة الداندرما ؟؟؟
يا بختكم ما عندكم برد ولا يحزنون 
|
Post: #44
Title: Re: الروووووووووووب الرياض موعودة بـ التجمد الأربعاء المقبل
Author: محمد عبد الماجد الصايم
Date: 01-15-2008, 10:54 PM
Parent: #1
ســجــمــنـا الــبــرد كــتــلــنــا
|
Post: #47
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 06:13 AM
Parent: #44
| Quote: ســجــمــنـا الــبــرد كــتــلــنــا |
قبلكم ووحدكم وبراكم يا محمد عبدالماجد اخوي
إنتو قاعدين وين ؟؟؟ في السكا !!
|
Post: #45
Title: Re: الروووووووووووب الرياض موعودة بـ التجمد الأربعاء المقبل
Author: Mahmoud Mustafa Mahmoud
Date: 01-15-2008, 11:18 PM
Parent: #1
العزيز أبو أحمد وجميع ناس الرياض والمناطق (المتأثرة)..
| Quote: ابقوا على الطلح اليابس يا هاشم اخوى |
بطلوا الجرسة...الجو عندكم مطمئن والحمد لله حسب ما جاء في التنبؤات الجوية على موقع yahoo اللهم إلا إذا كنت مشتهي ليك دخان ساكت..
جدة (غير) باردة..
لكن الواحد مرات كدا بيشغل المكيف... جد والله
الله يغطي عليكم وعلى صغاركم..
|
Post: #48
Title: Re: الروووووووووووب الرياض موعودة بـ التجمد الأربعاء المقبل
Author: مجدي عبدالرحيم فضل
Date: 01-16-2008, 06:24 AM
Parent: #45
كده كويس ياهاشم
أمس جاني مشوار طارئ علي الخط السريع قويزة أنا أتخيلت نفسي في الدائري بين مخرج 11وتسعة
الواحد لوماكان المزنوق عديلوا كان كبه الزوقه المهم جده الجو تغير فيها جد وبقت حقيقي جده غير!
بالله كيف أحوالكم وأدونا أخبار علاء تمبس بعد العملية وجواله عشان نكفر ليهو .
،،،،أبوقصى،،،،
|
Post: #51
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 06:53 AM
Parent: #48
Quote: كده كويس ياهاشم
أمس جاني مشوار طارئ علي الخط السريع قويزة أنا أتخيلت نفسي في الدائري بين مخرج 11وتسعة
الواحد لوماكان المزنوق عديلوا كان كبه الزوقه المهم جده الجو تغير فيها جد وبقت حقيقي جده غير!
بالله كيف أحوالكم وأدونا أخبار علاء تمبس بعد العملية وجواله عشان نكفر ليهو .
،،،،أبوقصى،،،، |
ابو قصي ده بس عشان تآمن والحالة دي المناظر بس الفلم لسه ما بداء
حاتصل عليك واديك تلفون تمبس
|
Post: #50
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 06:41 AM
Parent: #45
Quote: العزيز أبو أحمد وجميع ناس الرياض والمناطق (المتأثرة)..
Quote: ابقوا على الطلح اليابس يا هاشم اخوى
بطلوا الجرسة...الجو عندكم مطمئن والحمد لله حسب ما جاء في التنبؤات الجوية على موقع yahoo اللهم إلا إذا كنت مشتهي ليك دخان ساكت..
جدة (غير) باردة..
لكن الواحد مرات كدا بيشغل المكيف... جد والله
الله يغطي عليكم وعلى صغاركم.. |
محمود أخوي كتر خيرك والله ما قصرتا معانا تب لكن الليلة الصباح
في نشرة الأخبارة السعودية المذيع كان بحذر في المواطنيين
بعدم الخروج لانو درجة الحرارة حا تصل 3 درجات تحت الصفر
|
Post: #49
Title: Re: الروووووووووووب الرياض موعودة بـ التجمد الأربعاء المقبل
Author: ahmed haneen
Date: 01-16-2008, 06:34 AM
Parent: #1
يا هاشم
والله لا يحلك .. طلح ولا شاف ..
برد الرياض الليلة ..
شديد ..
برد يقطع جعز الفار
|
Post: #52
Title: Re: الروووووووووووب الرياض موعودة بـ التجمد الأربعاء المقبل
Author: doma
Date: 01-16-2008, 06:56 AM
Parent: #49
هي ما قالوا في قلوبل ورمينق الحصل شنو ؟؟؟
اكلوا التمر وختولكم منقد في نص العوضه وقفلوا الابواب والشبابيك عوجه ما بتجيكم
. وكان لقيتو تلفون تمبس اجدعوا لينا في البوست دا نكفرلو
|
Post: #57
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 11:18 AM
Parent: #52
Quote: هي ما قالوا في قلوبل ورمينق الحصل شنو ؟؟؟
اكلوا التمر وختولكم منقد في نص العوضه وقفلوا الابواب والشبابيك عوجه ما بتجيكم
. وكان لقيتو تلفون تمبس اجدعوا لينا في البوست دا نكفرلو |
خالة دومة ما قصرتي والله والمنقد جهزناهو والتمر مع الفول السوداني جبناهو
واكان لي تلفون تمبس عندي لكن ما بعرف يرضي تلفونه يكون في البوست ده ولا لا ؟
وعلي كل حال ده إيميلي اكتبي لي فيهو عشان ارسلوا ليك علي إيميلك .
[email protected]
معذرة يا خالة لكن الناس ظروفا كيف ما حدش يعرف لكن اكان علي تلفوني انا
ياهو ده
العمل :- 4055000/تحويلة 5657 او 5658 وزارة الخارجية السعودية - الرياض
الجوال :- 0564155973
|
Post: #53
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 06:58 AM
Parent: #49
Quote: يا هاشم
والله لا يحلك .. طلح ولا شاف ..
برد الرياض الليلة ..
شديد ..
برد يقطع جعز الفار |
المشكلة كمان قالوا القراصة ما بتعمل معاهو اي حاجة
كدي النركز علي الكوارع وشراب الشائي السادة !!
طيب الحل شنو يا أحمد أخوي ايه رايك نعمل عمرة وزوغة
مش أحسن من الجرسة دي , يمكن نكون كبرنا وما عارفين ؟؟؟
|
Post: #54
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-16-2008, 07:32 AM
Parent: #53
Quote: يعني الخال ابوبكر
ما يقول ليهو كلمة إلا تلوكة زي اللبانة |
هشومي
خالك المالي بيهو يدك ده
حر ما بهمو
برد حتى لو تحت الصفر ما بهمو
زحمة مواصلات ما بتهمو
عطش ما بهمو
تسوّق مع ام اولادو وهى تاشر بطلباتها ما بهمو
بنات في الجامعات عايزات مصاريف ما بهمو
بس الرعد والصواعق والبروق دى اندنا وما اندهم بطلع ليك ايمانهم ذاتو .
|
Post: #58
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 12:17 PM
Parent: #54
Quote: هشومي
خالك المالي بيهو يدك ده
حر ما بهمو
برد حتى لو تحت الصفر ما بهمو
زحمة مواصلات ما بتهمو
عطش ما بهمو
تسوّق مع ام اولادو وهى تاشر بطلباتها ما بهمو
بنات في الجامعات عايزات مصاريف ما بهمو
بس الرعد والصواعق والبروق دى اندنا وما اندهم بطلع ليك ايمانهم ذاتو . |
ود شيقوق الخال شفيف وظريف ما تعمل ليهو تخاريف
|
Post: #55
Title: Re: الروووووووووووب الرياض موعودة بـ التجمد الأربعاء المقبل
Author: ادريس خليفة علم الهدي
Date: 01-16-2008, 07:50 AM
Parent: #53
عند دكتور محمد حسن الخبر اليقين
|
Post: #56
Title: Re: الروووووووووووب الرياض موعودة بـ التجمد الأربعاء المقبل
Author: مجاهد عبد الرحمن
Date: 01-16-2008, 08:28 AM
Parent: #55
تعرف يا هاشم زمان لمن كنا بنقرا في الأدب الانجليزي إحتفاء الخواجات باشراق الشمس كان الواحد يقول الناس دي العاجبا في الصناية دي شنو رغم معرفتنا بطبيعة جوهم لكن في السعودية أصبحنا أكثر إحتفاء بهذه الشمس التي ننتظرها ...
تعرف لمن قريت الخبر أمس هميت لمن غلبني أعلق لكن الحمد لله ربنا كضب الشينة اليوم يا هاشم الشمس ألف ...
بس قول ربك يستر وتقرط على كدا ...
تحيات بدفء شمس الإستواء ...
|
Post: #62
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 01:02 PM
Parent: #56
Quote: تعرف يا هاشم زمان لمن كنا بنقرا في الأدب الانجليزي إحتفاء الخواجات باشراق الشمس كان الواحد يقول الناس دي العاجبا في الصناية دي شنو رغم معرفتنا بطبيعة جوهم لكن في السعودية أصبحنا أكثر إحتفاء بهذه الشمس التي ننتظرها ...
تعرف لمن قريت الخبر أمس هميت لمن غلبني أعلق لكن الحمد لله ربنا كضب الشينة اليوم يا هاشم الشمس ألف ...
بس قول ربك يستر وتقرط على كدا ...
تحيات بدفء شمس الإستواء ... |
مجاهد انتا عارف البني أدم ده طماع خالص
لو جاء الشتاء يقول يالله حليل الصيف
ولو جاء الصيف يقول حليل الشتاء
لكن هنا في الرياض الصيف صيف والشتاء شتاء
تخريمة :-
خلي بالك الجماعة بتاعين الأرصاد ديل طلعوا إشاعة
تصدق الليلة الشمس شرقت والجو دافئي !!
خلونا فتحنا بوست وبكينا وشكينا وقلنا حي ووووووب
لكن بيني وبينك نحنا لسع في نص النهار مامعروف
الظروف بعدين بالليل تكون كيف ؟؟؟؟؟؟
|
Post: #60
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 12:31 PM
Parent: #55
Quote:
Quote: طيب الحل شنو
عند دكتور محمد حسن الخبر اليقين |
اوعك تقول لي شربوت بايت يا إدريس !!
وبعدين لو انتا بتاع الشربوت البايت دكتورنا يبري ويستبري
منو !! هسع دي سيبك من دكتور محمد حسن انتا ده ذاتك حلك شنو؟؟
ما كلنا في الهواء سواء قصدي في البرد سوا سوا
|
Post: #59
Title: Re: الروووووووووووب الرياض موعودة بـ التجمد الأربعاء المقبل
Author: Haytham Abdulaziz
Date: 01-16-2008, 12:22 PM
Parent: #1
أبو أحمد الظريف أهـا إن شــاء الله ما إتكرمشت و عدت على خير؟؟....
يا حبيب عليك بالقراصة و الملوحة (التركين) و البصل الأخدر و صدقني ما بتجيك عوجة....
تحياتي للمتجمدين المعاك...
|
Post: #63
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 01:15 PM
Parent: #59
Quote: أبو أحمد الظريف أهـا إن شــاء الله ما إتكرمشت و عدت على خير؟؟....
يا حبيب عليك بالقراصة و الملوحة (التركين) و البصل الأخدر و صدقني ما بتجيك عوجة....
تحياتي للمتجمدين المعاك... |
هيثم يا وجيه انتا عارف انا قافل علي القراصة دي شديد
لكن الجماعة طلعوها لي من راسي والتركين ما حصل جربتو
لكن من دربي ده عديل عليهو والبصل الأخضر قالوا فوائدو كتيرة
تخريمة :-
اطمئنك لحدي هسع الجو تمام بس خايفين من بعد المغرب
وانتا طالع ربك يستر يا هيثم .
|
Post: #61
Title: Re: الروووووووووووب الرياض موعودة بـ التجمد الأربعاء المقبل
Author: أبي بكر سيد احمد
Date: 01-16-2008, 12:59 PM
Parent: #1
اعلان سياحي :
مرحباً بكم في السودان :-
1/ شمس فاقعة في الرؤوس 24 ساعة كل الشهور ... وعلى مر السنيين
2/ سخانه 1000% طواااالي .... (بإستثناء الأيام دي لأنو في شوية برد ... والشوية دا مجهجهنا )
3/ الجليد-- الصقيع-- التلج :- مفردات زي حُجا الحبوبات ولا حصل يوم شفناها (إلا في الصور ... والافلام )
وحتي في ثلاجات البيوت ... الكهرباء قاطعة طوالي عشان كده الأطفال اقل من 5 سنه ما شافوا التلج
قبل كدة.
4/ معلومة هامة: 5 درجات (فوق الصفر) ممكن تكون كارثة تودي بحياة كل السودانيييين ... والبهائم ... والحواشات ... و....
نتمنى لكم إجازه ( ساخنة )
هامش : رايكم شنو في السيناريو ده ... وعموما والله نحن بنحب بلدنا فوق الوصف ...( وكل بلد بي مشاكلو )... الكلام ده نحن نقولوا برانا ... لكن ما بنرضى زول اجنبي يقولو لينا
تحياتي يا هاشم يا جميل .....
|
Post: #64
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 01:32 PM
Parent: #61
Quote: اعلان سياحي :
مرحباً بكم في السودان :-
1/ شمس فاقعة في الرؤوس 24 ساعة كل الشهور ... وعلى مر السنيين
2/ سخانه 1000% طواااالي .... (بإستثناء الأيام دي لأنو في شوية برد ... والشوية دا مجهجهنا )
3/ الجليد-- الصقيع-- التلج :- مفردات زي حُجا الحبوبات ولا حصل يوم شفناها (إلا في الصور ... والافلام )
وحتي في ثلاجات البيوت ... الكهرباء قاطعة طوالي عشان كده الأطفال اقل من 5 سنه ما شافوا التلج
قبل كدة.
4/ معلومة هامة: 5 درجات (فوق الصفر) ممكن تكون كارثة تودي بحياة كل السودانيييين ... والبهائم ... والحواشات ... و....
نتمنى لكم إجازه ( ساخنة )
هامش : رايكم شنو في السيناريو ده ... وعموما والله نحن بنحب بلدنا فوق الوصف ...( وكل بلد بي مشاكلو )... الكلام ده نحن نقولوا برانا ... لكن ما بنرضى زول اجنبي يقولو لينا
تحياتي يا هاشم يا جميل ..... |
ابوبكر يا فنان والله بالغت عديل كده في الوصف
انتا عارف في إجازتي المنصرمة لشهر 8 كتبت
قصيدة وصفت ليك فيها حال البلد
وسميتها ( فقدت الذاكرة في السودان بقيت تائه بدون عنوان )
أطمئنك يا ابوبكر لحدي هسع الجو كويس بس خايفين عندما ياتي المساء
|
Post: #65
Title: Re: الروووووووووووب الرياض موعودة بـ التجمد الأربعاء المقبل
Author: Hatim Yousif
Date: 01-16-2008, 01:39 PM
Parent: #1
هاشم ياخوي .... والله أنا بعزك لله في لله كده ...
لكن الإيميل ده جاني الصباح قلت أبشرك
Quote:
أول موجة صقيع بالمملكة منذ 34 عاما وفلكي يشير لاستمرارها 39 يوما وفاة سعودي من البرد بحائل وتوقع حرارة دون الصفر بالرياض
دبي- العربية.نت
أدت موجة البرد القارس التي تجتاح شمالي السعودية إلى وفاة خمسين في منطقة حائل، وسط توقعات الرئاسة العامة للأرصاد وحماية البيئة استمرار انخفاض الحرارة إلى 6 درجات تحت الصفر في حائل خلال الأيام المقبلة.
وأوضح أحد أقارب المتوفى، أن قريبهم، وهو في العقد الخامس من العمر، ذهب بنزهة برية باتجاه النفود الكبير شمالي مدينة حائل. وعاد إلى المنزل في الرمق الأخير، فنقل إلى المستشفى؛ حيث توفي بعد ساعات".
وأفاد التقرير الطبي إلى أن الوفاة سببها هبوط في الدورة الدموية، وتوقف نبضات القلب جراء برد الصحراء الجاف، وفق ما نقلت الطبعة السعودية لصحيفة "الحياة" اللندنية الثلاثاء 15-1-2008.
وأشار بيان بثته رئاسة الأرصاد الإثنين، إلى تأثر المملكة بكتل هوائية باردة، ستؤدي إلى انخفاض ملموس بدرجات الحرارة، إلى ما دون الصفر المئوي. وتوقعت أن تصل البرودة إلى ثلاث درجات تحت الصفر شمالي المملكة، وبين 2 و2 تحت الصفر في المناطق الوسطى.
من جهته، حذر الخبير الفلكي جبر الدوسري سكان المناطق الشرقية والوسطى والشمالية من التعرض المباشر للهواء خلال الأيام الـ 39 القادمة، أي ابتداء من الثلاثاء وحتى نهاية فبراير المقبل. وتوقع الدوسري أن تشهد هذه الفترة ثلاث موجات شديدة البرودة، هي "النعائم"، و"سعد الذابح"، و"سعد بُلع"، وفق ما نقلت صحيفة "الوطن" السعودية الثلاثاء.
وأوضح الدوسري أن موجة البرد الحالية التي تشهدها المملكة هذه الأيام هي الأولى منذ نحو 34 عاما، وذلك بعد موجة برد عام 1964. وأشار إلى احتمال اشتداد البرودة خلال الأيام المقبلة، لتصل درجة الحرارة في الرياض إلى ما دون الصفر. وأضاف أن الرياح الشمالية ستتسبب بتعاقب موجات البرد، ما يمكن أن يؤدي إلى تجمد المياه في المنطقة الوسطى ليوم أو يومين.
وقال الدوسري إن اليوم الثلاثاء هو أول أيام موجة برد "النعائم" التي تستمر 13 يوما، يعقبها موجة برد "سعد الذابح" شديدة البرودة لفترة 13 يوما أيضا ابتداء من 10 فبراير، فيما ستبدأ موجة "سعد بُلع" في 23 فبراير وتستمر 13 يوما أخرى، بعدها تعلن موجة "سعد السعود" انتهاء فصل الشتاء ودخول فصل الربيع تدريجيا، والتي ستستمر لمدة 13 يوما أخرى ابتداء من 8 مارس المقبل.
|
-
|
Post: #66
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 01:50 PM
Parent: #65
Quote: هاشم ياخوي .... والله أنا بعزك لله في لله كده ...
لكن الإيميل ده جاني الصباح قلت أبشرك |
حاتم اخوي ياخي والله انا سعيد بمعرفتك واشكر لك مرورك
لكن البشارة ما عندك
انا بخاف من البرد يطلع لي تلج
|
Post: #67
Title: Re: الروووووووووووب الرياض موعودة بـ التجمد الأربعاء المقبل
Author: سلمى الشيخ سلامة
Date: 01-16-2008, 02:21 PM
Parent: #66
هاشم اخوى هسى فى اللحظة دى درجة الحرارة عندنا ناقص سبعتاشر بالفهرنهايت
يلا احسبا بالسنتى قريت
تقول لى الرووب ونحن نقول شنو
|
Post: #69
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 03:27 PM
Parent: #67
Quote: هاشم اخوى هسى فى اللحظة دى درجة الحرارة عندنا ناقص سبعتاشر بالفهرنهايت
يلا احسبا بالسنتى قريت
تقول لى الرووب ونحن نقول شنو |
سبعتاشر بالفهرنهايت يا سلمي ؟؟؟؟؟؟؟؟؟؟؟؟؟؟؟؟؟؟؟؟؟
انا عوير احسبها بالسنتي قريت ما خلاص عرفنا الفيها
| Quote: تقول لى الرووب ونحن نقول شنو |
الرووب قلنا وحي وب قلناها وسجمنا برضو قلناها !!!
احسن حاجة نقول ليكم يرحمكم الله ويحسن إليكم . سبعتاشر يالهووووووووووووي
|
Post: #68
Title: Re: الروووووووووووب الرياض موعودة بـ التجمد الأربعاء المقبل
Author: Raja
Date: 01-16-2008, 02:37 PM
Parent: #1
هاشم سلام ومحبة..
إحنا الروب قلناهو لينا 10 يوم..
من أسبوع درجة الحرارة ناقص 5. ومن أمبارح الحنفيات ما بتنزل الموية لأنها إتجمدت.
وبالليل عادي بينزل صقيع وقاعدين ينبهونا كل يوم للإنتباه من الإنزلاق..
غايتو لو ما الشديد القوي شئ وااحد بيخلي الزول ينزل من السرير الدافئ ويطلع من البيت..
يااا حليل نيالا.. آخر شتائين كنت فيها..
|
Post: #70
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 03:41 PM
Parent: #68
Quote: هاشم سلام ومحبة..
إحنا الروب قلناهو لينا 10 يوم..
من أسبوع درجة الحرارة ناقص 5. ومن أمبارح الحنفيات ما بتنزل الموية لأنها إتجمدت.
وبالليل عادي بينزل صقيع وقاعدين ينبهونا كل يوم للإنتباه من الإنزلاق..
غايتو لو ما الشديد القوي شئ وااحد بيخلي الزول ينزل من السرير الدافئ ويطلع من البيت..
يااا حليل نيالا.. آخر شتائين كنت فيها.. |
رجا والله مشتاقين شوق شمش عديل كده !!!
الواحد هسع دي يقول شنو ؟؟ انا عارف نفسي طلعت جرسة لكن مع رجالتكم دي احسن نكون
مغطسين راسنا في موية جردل دافئة وبعدها كباية شاي حارة . مويه متجمدة آل ياخررررررراشي
| Quote: يااا حليل نيالا.. آخر شتائين كنت فيها |
تصدقي يا رجا جارتنا بخيتة الأسبوع الفات ده سافرت لنيالا
ما عايزة اي حاجة من هناك تجيبها معاها ؟؟
|
Post: #71
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-16-2008, 05:25 PM
Parent: #70
هشومي
| Quote: ود شيقوق الخال شفيف وظريف ما تعمل ليهو تخاريف |
دحين خالك ده بيعرف العوم ولا نساهو ؟
|
Post: #72
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 06:34 PM
Parent: #71
| Quote: دحين خالك ده بيعرف العوم ولا نساهو ؟ |
ود شيقوق عوم شنو ومويه شنو والله اليومين ديل لو في طريقة تيمم كنا عملناها!!!
خلي الخال في حالو شكلو كده بفكر يكتب ليهو قصة عن البرد .
|
Post: #73
Title: Re: الروووووووووووب الرياض موعودة بـ التجمد الأربعاء المقبل
Author: حبيب نورة
Date: 01-16-2008, 07:00 PM
Parent: #72
هشومي
بختكم والله
عارف انا أمبارح دعيت ليكم
قلت اللهم أغسلهم بالماء والثلج و البرد
علي الاقل توفروا شوية كهربة
نعلك طيب
اما بعد
شكرن كتيرن!
|
Post: #76
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 09:20 PM
Parent: #73
Quote: هشومي
بختكم والله
عارف انا أمبارح دعيت ليكم
قلت اللهم أغسلهم بالماء والثلج و البرد
علي الاقل توفروا شوية كهربة
نعلك طيب
اما بعد
شكرن كتيرن! |
الحبيب حبيب نورة والله مشتاقين شوق مطر
وينك انتا يا مسخوط بقيت تلاعبنا زي الكديسة
والفار انتا في نحنا مافي نحنا في انتا مافي
| Quote: قلت اللهم أغسلهم بالماء والثلج و البرد |
ياخوي كتر خيرك لكن اليومين ديل الغسيل دري كلين وبس dry clean) )
والقال ليك بنوفر كهرباء منو والله المكيفات شغالة تدفئة وصرف كهرباء تقيل !!
|
Post: #74
Title: Re: الروووووووووووب الرياض موعودة بـ التجمد الأربعاء المقبل
Author: امير عوض الجمري
Date: 01-16-2008, 07:23 PM
Parent: #1
هشومي
(السقط والهلال وملاح الخدرة) .. يتخيّل لي بعدين حا يمسحوا التلاتة ديل من الوجود ويقولوا لينا خلاص ياها دي الجنّة.
اسخف تلاتة حاجات..
ده شنو ده ده ياخ
|
Post: #77
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-16-2008, 09:35 PM
Parent: #74
Quote: هشومي
(السقط والهلال وملاح الخدرة) .. يتخيّل لي بعدين حا يمسحوا التلاتة ديل من الوجود ويقولوا لينا خلاص ياها دي الجنّة.
اسخف تلاتة حاجات..
ده شنو ده ده ياخ |
لا حولا ولا قوة إلا بإلله معقولة بس يا ابو عثمان ياخي بتبالغ عديل كده !!!
انا غايتو زمان كنتا بحب الصقط لكن هسع والله بقيت لا اطيقو ابداً
وبعدين انا ما عايز اتكلم في السياسة ( خلينا مع الفريق القومي احسن )
|
Post: #75
Title: Re: الروووووووووووب الرياض موعودة بـ التجمد الأربعاء المقبل
Author: ismeil abbas
Date: 01-16-2008, 08:12 PM
Parent: #1
ألأخ/هاشم
الراجل الكلس أبوشنب تخاف من حبة برد........هيع أمانة ما إتلومته...وشنو كلامك ده..:
ونصيحة لوجه الله كترو من القراصة والدخن وترامس الشائي والكوارع . ....
الدخن والكوارع دى بتجيب المشاكل...أما القراصة وترامس الشاى منطقية كتروا من الأشياء الدافية..
أما أخوى أمير الجمرى فأنا ضدك....أسخف ثلاثة حاجات عندى..الحر..المريخ..أم رقيقة....
مرة من السودان مسافر إستنبول بالخطوط البلغارية..عن طريق صوفيا..ترانسيت 3أيام..المضيف أعلن بأن درجة الحرارة الخارجية 8تحت الصفر نزلت حمالتك على لقيت البلد دى بيضاء من الثلج..لابس لى بدون مؤاخذة جزمة عادية..ما قدرت أمشى بيها لحدى ما أصحابى القابلونى تكلونى..طبعآ هناك الجزم مشرشرة من تحت..لكن بعد كده ما بتحس بالبرد شديد..
مودتى..
إسماعيل محمد احمد عباس..........
|
Post: #78
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-17-2008, 07:05 AM
Parent: #75
| Quote: خلي الخال في حالو شكلو كده بفكر يكتب ليهو قصة عن البرد . |
بتكون من مجموعة فصول
يخصص فصل من القصة عن الكوليت !!!!!!!!!!!!!!
|
Post: #80
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-17-2008, 08:36 AM
Parent: #78
Quote:
Quote: خلي الخال في حالو شكلو كده بفكر يكتب ليهو قصة عن البرد .
بتكون من مجموعة فصول
يخصص فصل من القصة عن الكوليت !!!!!!!!!!!!!! |
ود شيقوق ياخوي شكلك كده ما عندكم برد في مسقط ؟؟
ولا انا غلطان .
ومجموعة الفصول بتاعت الخال دي خليها كده بظروفها !!
|
Post: #79
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-17-2008, 08:13 AM
Parent: #75
Quote: ألأخ/هاشم
الراجل الكلس أبوشنب تخاف من حبة برد........هيع أمانة ما إتلومته...وشنو كلامك ده..:
ونصيحة لوجه الله كترو من القراصة والدخن وترامس الشائي والكوارع . ....
الدخن والكوارع دى بتجيب المشاكل...أما القراصة وترامس الشاى منطقية كتروا من الأشياء الدافية..
أما أخوى أمير الجمرى فأنا ضدك....أسخف ثلاثة حاجات عندى..الحر..المريخ..أم رقيقة....
مرة من السودان مسافر إستنبول بالخطوط البلغارية..عن طريق صوفيا..ترانسيت 3أيام..المضيف أعلن بأن درجة الحرارة الخارجية 8تحت الصفر نزلت حمالتك على لقيت البلد دى بيضاء من الثلج..لابس لى بدون مؤاخذة جزمة عادية..ما قدرت أمشى بيها لحدى ما أصحابى القابلونى تكلونى..طبعآ هناك الجزم مشرشرة من تحت..لكن بعد كده ما بتحس بالبرد شديد..
مودتى..
إسماعيل محمد احمد عباس.......... |
سمعة يا فنان هسع عليك الله الدخل الشنب شنو مع البرد ؟؟؟
وبعدين الشلاقة ليك شنو تسافر لتركيا وفي الشتاء كمان سبحان الله !!
يأخوي شكلك كده بردان اكتر مني . غيب وتعال تلقانا نحنا يانا نحنا !!
|
Post: #81
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-17-2008, 09:27 AM
Parent: #79
| Quote: ومجموعة الفصول بتاعت الخال دي خليها كده بظروفها !! |
اكيد واحد من فصولها سيحكي فيه عن التدفئة من البرد ايام زمان وقت كنا نقوم من النوم بدري لابسين تياب الدمورية ونمشي نصنقر جنب لهب نار حبوباتنا ساعة عمل الشاى .
زمن كنا بنغني هوي يا ليلة هوى هوى يا ليلة احب ناس ليلة يا هشومي
|
Post: #84
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-17-2008, 06:18 PM
Parent: #81
Quote: اكيد واحد من فصولها سيحكي فيه عن التدفئة من البرد ايام زمان وقت كنا نقوم من النوم بدري لابسين تياب الدمورية ونمشي نصنقر جنب لهب نار حبوباتنا ساعة عمل الشاى .
زمن كنا بنغني هوي يا ليلة هوى هوى يا ليلة احب ناس ليلة يا هشومي |
والله يا ود شيقوق اليومين دي فعلاً الواحد إفتقد المنقد بتاع الشائي ولمة الأخوان والأخوات
والحاجة بترمي في اللقيمات وكل واحد شايل كباية الشائي في أيدو ومنتظر دورو .
|
Post: #82
Title: Re: الروووووووووووب الرياض موعودة بـ التجمد الأربعاء المقبل
Author: ismeil abbas
Date: 01-17-2008, 11:16 AM
Parent: #1
الحبيب/هاشم ..
قلت:سمعة يا فنان هسع عليك الله الدخل الشنب شنو مع البرد ؟؟؟
وبعدين الشلاقة ليك شنو تسافر لتركيا وفي الشتاء كمان سبحان الله !!
يأخوي شكلك كده بردان اكتر مني . غيب وتعال تلقانا نحنا يانا نحنا !!
ألأجابة للسؤال ألأول:ألم تدرى بأن كلما كان شنبك كبير كلما كنت رجلآ حار ..إذآ البرودة تكون أقل..
وهذا المطلوب يا أبوشنب..
ألأجابة رقم2.:طبعآ أخوك هوايته السفر بس السفرة دى كانت شغل..مجبورين فى الشتاء..
ألأجابة الثالثة:الحمدلله أنا ما بريد وما بريد وأسأل ساعى البريد..ومشتاق ليك وإنت معاى..
ود شيقوق الزول الجميل فى موسم الزمن الكعب..قلت هوى يالليلة..والله من زمن بتبكى وتهاتى من المحطة لفريق القطاطى..حنين يابو ليلة..
مودتى لكم جميعآ
إسماعيل محمد احمد عباس..........
|
Post: #85
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-17-2008, 08:38 PM
Parent: #82
Quote: الحبيب/هاشم ..
قلت:سمعة يا فنان هسع عليك الله الدخل الشنب شنو مع البرد ؟؟؟
وبعدين الشلاقة ليك شنو تسافر لتركيا وفي الشتاء كمان سبحان الله !!
يأخوي شكلك كده بردان اكتر مني . غيب وتعال تلقانا نحنا يانا نحنا !!
ألأجابة للسؤال ألأول:ألم تدرى بأن كلما كان شنبك كبير كلما كنت رجلآ حار ..إذآ البرودة تكون أقل..
وهذا المطلوب يا أبوشنب..
ألأجابة رقم2.:طبعآ أخوك هوايته السفر بس السفرة دى كانت شغل..مجبورين فى الشتاء..
ألأجابة الثالثة:الحمدلله أنا ما بريد وما بريد وأسأل ساعى البريد..ومشتاق ليك وإنت معاى..
ود شيقوق الزول الجميل فى موسم الزمن الكعب..قلت هوى يالليلة..والله من زمن بتبكى وتهاتى من المحطة لفريق القطاطى..حنين يابو ليلة..
مودتى لكم جميعآ
إسماعيل محمد احمد عباس.......... |
سمعة وفيت وكفيت
|
Post: #83
Title: Re: الروووووووووووب الرياض موعودة بـ التجمد الأربعاء المقبل
Author: أبي بكر سيد احمد
Date: 01-17-2008, 11:17 AM
Parent: #1
خلي بالك من مرزووووووق يا هاشم
نرسل ليكم ...( شربوت) ؟؟؟؟
|
Post: #86
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-17-2008, 09:11 PM
Parent: #83
سماعين !!!!!!!!
| Quote: ود شيقوق الزول الجميل فى موسم الزمن الكعب..قلت هوى يالليلة..والله من زمن بتبكى وتهاتى من المحطة لفريق القطاطى..حنين يابو ليلة.. |
انت لقطة ارجو الالتزام بمتابعتنا وكمان بروعة مداخلاتك
اخوك وشقيك شيقا كما يحلو للبنية الجميلة سماح
هاشم انت معانا ولا سارح بعيييييييييييييييييييييييييييييييييييييد ؟
هييييييييييييييييع شغل التقابة من البرد بس
|
Post: #88
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-18-2008, 11:42 AM
Parent: #86
Quote: هاشم انت معانا ولا سارح بعيييييييييييييييييييييييييييييييييييييد ؟
هييييييييييييييييع شغل التقابة من البرد بس |
ود شيقوق مرات بكون معاكم ومرات كمان بكون سارح
ياخي والله البرد ده عقدنا عديل كده !! يا الله انا ما عارف
ناس اوروبا وامريكا ديل عايشين كيف ؟؟؟
|
Post: #87
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-17-2008, 10:56 PM
Parent: #83
Quote: خلي بالك من مرزووووووق يا هاشم
نرسل ليكم ...( شربوت) ؟؟؟؟ |
الفنان الجميل ابوبكر صاحبك مرزوق طبعاً شغال في شقق مفروشة
ومن ما البرد دخل والله تلفونه مقفول
وبعدين شربوت شنو يا ابوبكر ياخي انا خايق اشرب موية تقول لي شربوت؟؟
ولا اها ضحيتكم السنة دي كانت شربوت الله يصلح الحال
وعايزين نسمع أعمالك الجديدة .
|
Post: #89
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-18-2008, 03:04 PM
Parent: #87
| Quote: انا ما عارف ناس اوروبا وامريكا ديل عايشين كيف ؟؟؟ |
والله عراف وعارف اى حاجة لكن بتتجانن بس
هاشم ممكن اسعلك؟
دحين الايام دي بتتبردوا ؟؟؟؟؟؟؟؟؟
|
Post: #90
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-18-2008, 04:22 PM
Parent: #89
Quote: والله عراف وعارف اى حاجة لكن بتتجانن بس
هاشم ممكن اسعلك؟
دحين الايام دي بتتبردوا ؟؟؟؟؟؟؟؟؟ |
والله يا دو شيقوق هسع دي بكتب ليك وانا بردان
جنس برد ولو في فتوة تخلينا نتيمم كنا عملناها.
انتو كيف ؟؟؟
|
Post: #91
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-18-2008, 05:32 PM
Parent: #90
نحن نصلي سااااااااااااااااااااااااااااااي ونتبرد
|
Post: #92
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-18-2008, 05:43 PM
Parent: #91
| Quote: نحن نصلي سااااااااااااااااااااااااااااااي ونتبرد |
هناك فرق ؟؟؟؟؟؟؟؟؟؟؟؟؟؟؟
|
Post: #93
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-18-2008, 06:29 PM
Parent: #92
| Quote: هناك فرق ؟؟؟؟؟؟؟؟؟؟؟؟؟؟؟ |
بالتاكيد يا ابني
ات عارف الجو هنا لم يؤثر في اسعار العطور فما زالت اسعارها مستقرة حتما عندكم نزلت ولا شنو؟
|
Post: #94
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-18-2008, 07:41 PM
Parent: #93
[B]اخوك وشقيك شيقا كما يحلو للبنية الجميلة سماح
ود شيقوق سلاام
هاشم بقول
والله ماعارف ناس أوروبا وامريكا ديل مستحملين البرد كيف ؟
نحن ورينا علاج البرد الظاهري
والباطني دا خلو ساكت حمدو في بطنو
انتَ عارف وانا عارف والله عارف يا ربي البوري هاشم منو ؟
|
Post: #95
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-18-2008, 09:12 PM
Parent: #94
منسي
Quote: ود شيقوق سلاام
هاشم بقول
والله ماعارف ناس أوروبا وامريكا ديل مستحملين البرد كيف ؟
نحن ورينا علاج البرد الظاهري
والباطني دا خلو ساكت حمدو في بطنو
انتَ عارف وانا عارف والله عارف يا ربي البوري هاشم منو ؟ |
جيت ناطي يا ود .......... مالك عايز تكشف اوراقي
|
Post: #96
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-18-2008, 09:21 PM
Parent: #95
| Quote: جيت ناطي يا ود .......... مالك عايز تكشف اوراقي |
ودشيقوق سلااام
يا يابا حالك مستور وكلك بركة
والله يا ود شيقوق تاري محنتك معاي زي ( محنة كُت بلا لبن )
فتحت لي بوست جديد ما تجي سااااااااي تقول لي سلاااام
يعني ألا أكتب في البروفايل famaile
الفيك إتعرفت أنتَ والرطاني طلعتو كــ....... سااااكت
|
Post: #97
Title: Re: الروووووووووووب الرياض موعودة بـ التجمد الأربعاء المقبل
Author: jini
Date: 01-19-2008, 00:13 AM
Parent: #96
| Quote: توقعت الرئاسة العامة للأرصاد وحماية البيئة إنخفاض درجة الحرارة إلي وأحد تحت الصفر في العاصمة الرياض خلال يوم الأربعاء |
اسكريم!
يا خوى دى ما مشرحة عديل!
يعنى المؤذن يقول حى على البرد!
الصحابة ما يصلوا الصبح حاضر!
اها والحمام كيف!
ولا بتقلوا الريحة!
يا حليل ميسرة!
الحمام يبل الابهام والسبابة ويغسل بيهم عيونو!
الله معاكم!
جنى
|
Post: #101
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 07:13 AM
Parent: #97
جني مشكور علي المؤازرة والجاتك في بردك والله ما سامحتك
|
Post: #100
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 07:10 AM
Parent: #94
| Quote: انتَ عارف وانا عارف والله عارف يا ربي البوري هاشم منو ؟ |
والله كلام , بقي كده أنا أخر من يعلم ؟؟؟ ربنا يسامحكم لكن الفيكم إتعرفت !!
وإنشاء الله الما يكلمني تعضي النملة !!!!
|
Post: #98
Title: Re: الروووووووووووب الرياض موعودة بـ التجمد الأربعاء المقبل
Author: Deng
Date: 01-19-2008, 01:28 AM
Parent: #1
يا هاشم.
بالمناسبة صلاح غريبة وين؟
أتلحس من البرد ولا شنوا؟
دينق
رئيس رابطة معجبي صلاح غريبة بالبورد.
|
Post: #102
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 07:19 AM
Parent: #98
Quote: يا هاشم.
بالمناسبة صلاح غريبة وين؟
أتلحس من البرد ولا شنوا؟
دينق
رئيس رابطة معجبي صلاح غريبة بالبورد. |
:
والله دي بالغت فيها عديل يا دينق
وتنفع عنوان بوست جديد ( البحث عن غريبة في الأجواء العجيبة )
|
Post: #103
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-19-2008, 07:32 AM
Parent: #98
ود المنسي
Quote: ودشيقوق سلااام
يا يابا حالك مستور وكلك بركة
والله يا ود شيقوق تاري محنتك معاي زي ( محنة كُت بلا لبن )
فتحت لي بوست جديد ما تجي سااااااااي تقول لي سلاااام
يعني ألا أكتب في البروفايل famaile
الفيك إتعرفت أنتَ والرطاني طلعتو كــ....... سااااكت |
ابو بكر يا ود المنسي مقنع كاشفات والان هو بدرب فيني عشان ابقى هكذا .
حرم يانا المتكاملنك بس ما عرفنا محل بوستيك انت عارف السبب العامينا اعفى لينا
|
Post: #99
Title: Re: الروووووووووووب الرياض موعودة بـ التجمد الأربعاء المقبل
Author: Elawad
Date: 01-19-2008, 05:59 AM
Parent: #1
والله الليلة يا هاشم اتذكرتك من الصباح. درجة الحرارة هنا سالب ثلاثين و بوضع عامل الريح في الاعتبار بتكون ناقص أربعة و أربعين. والله ما تعرف تمشي وين ذاتو.
|
Post: #104
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 10:16 AM
Parent: #99
| Quote: والله الليلة يا هاشم اتذكرتك من الصباح. درجة الحرارة هنا سالب ثلاثين و بوضع عامل الريح في الاعتبار بتكون ناقص أربعة و أربعين. والله ما تعرف تمشي وين ذاتو. |
العوض والله خجلتني من نفسي درجة الحرارة سالب ثلاثين وماشة علي اربعة واربعين
اقول ليك حاجة ( إتكل علي الله وإشتغل رقاصة يلا ) مفروض اضع وجووه ضاحكة هنا
لكن والله ما عايز اتشفي فيكم .
أسال الله ان يتغمدكم بوافر رحمته ياالعوض أخوي .
|
Post: #105
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-19-2008, 11:24 AM
Parent: #104
Quote: ابو بكر يا ود المنسي مقنع كاشفات والان هو بدرب فيني عشان ابقى هكذا .
حرم يانا المتكاملنك بس ما عرفنا محل بوستيك انت عارف السبب العامينا اعفى لينا |
ود شيقوق
العماك شنو جليد ما عندكم
البوست
إنجماما .. الدنيا فانية .. ومابتدي حريف .. وتبقى الكلمة الطيبة
أها بعد دا ألا أجيب ليك عكاز ونضارا قعر كباية ( ساق بثينة )
هاشم تحياتي لكن بدور لي حبة سكر أطعم بيها بوستي
|
Post: #106
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-19-2008, 02:25 PM
Parent: #105
| Quote: هاشم تحياتي لكن بدور لي حبة سكر أطعم بيها بوستي |
سوق هاشم اصلوا الايام دى اخد تدريبات على البرد التحت الصفر .
|
Post: #107
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 02:56 PM
Parent: #105
| Quote: هاشم تحياتي لكن بدور لي حبة سكر أطعم بيها بوستي |
ود المنسي ابشر بالخير والله حاضرين من سكر لعسل ظاتوووووو
انت اكتب وبس وخلي الباقي علي انا
لو عايز صور حاضرين ولو عايز أغاني برضو حاضرين ولو عايز مديح حاضرين
ولو عايز مسادير حاضرين ولو عايز كمان غني بنات حاضرين .
|
Post: #108
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-19-2008, 03:01 PM
Parent: #107
Quote: لو عايز صور حاضرين ولو عايز أغاني برضو حاضرين ولو عايز مديح حاضرين
ولو عايز مسادير حاضرين ولو عايز كمان غني بنات حاضرين |
هييييييييييييع هشومي الاسطورة والف صنف .
ذكرتني طبيب رافع لافته في شارع شارع الدكاترة بامدرمان كاتب في اللافته (اخصائي كده وكده وكده وكده)
واحد من عربنا ديل عاين وقرا اللافته دى وقبّّل على قال الطيب يا اخوى الزول ده ما يكتب (على كل شئي ......) ويريحنا استغفر الله
|
Post: #109
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 03:12 PM
Parent: #108
Quote: هييييييييييييع هشومي الاسطورة والف صنف .
ذكرتني طبيب رافع لافته في شارع شارع الدكاترة بامدرمان كاتب في اللافته (اخصائي كده وكده وكده وكده)
واحد من عربنا ديل عاين وقرا اللافته دى وقبّّل على قال الطيب يا اخوى الزول ده ما يكتب (على كل شئي ......) ويريحنا استغفر الله |
 دكتورك ده زي ده ولا نشوف ليك حاجة تانية
|
Post: #110
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-19-2008, 05:27 PM
Parent: #109
Quote: لو عايز صور حاضرين ولو عايز أغاني برضو حاضرين ولو عايز مديح حاضرين
ولو عايز مسادير حاضرين ولو عايز كمان غني بنات حاضرين . |
يكفيني حضورك أنت وودشيقوق
انت مودة البوستات
وودشيقوق سكر البوستات الطاعم
وهذا يفي
لكما التحية مني
|
Post: #111
Title: Re: الروووووووووووب الرياض موعودة بـ التجمد الأربعاء المقبل
Author: أبي بكر سيد احمد
Date: 01-19-2008, 06:05 PM
Parent: #1
يا هاااااااشم
ويا خالد ود المنسي ....
ما تجو راجعين البلد دي
السودان بقى فيهو بترول ... ودهب ... و(بنغالة )
الحال عال العال ... القروش تراب ... بقينا ما بناكل الا الخرفان (المحشية)
هسع انا من الصباح بلقط في الدولارات من الشوارع ( لاحظ .... دولارررررات ما جنية سوداني )
انتو ما مصدقين كلامي دا والا شنو؟؟؟؟؟؟؟؟
|
Post: #112
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-19-2008, 06:46 PM
Parent: #111
Quote: يا هاااااااشم
ويا خالد ود المنسي ....
ما تجو راجعين البلد دي
السودان بقى فيهو بترول ... ودهب ... و(بنغالة )
الحال عال العال ... القروش تراب ... بقينا ما بناكل الا الخرفان (المحشية)
هسع انا من الصباح بلقط في الدولارات من الشوارع ( لاحظ .... دولارررررات ما جنية سوداني )
انتو ما مصدقين كلامي دا والا شنو؟؟؟؟؟؟؟؟ |
الفنان
القادم بخطى ثابتة وصادقة إحساسا.. والعمق هو الذي يخاطب الأعماق مكامن أحاسيسنا
وأنت العمق
( الجميل أبي بكر سيدأحمد )
هاشم بخاف من البرد ونحن بقينا نخاف من الحر
أخوك يا أبي بكر مربوط في كريعو بحبل عاشميق وربنا يهون ونجي ونتلم يا الحبيب في بلدنا الحبيب أنتم القابضين على الجمر ونحن نشد من حيلكم كلمة طيبة تعلو حتى يعم السلام بلادنا الحبيبة.
مصدقين كلامك يا جميل لكن بندور دفرا ودفرا قوية
|
Post: #113
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-19-2008, 09:06 PM
Parent: #111
Quote: يا هاااااااشم
ويا خالد ود المنسي ....
ما تجو راجعين البلد دي
السودان بقى فيهو بترول ... ودهب ... و(بنغالة )
الحال عال العال ... القروش تراب ... بقينا ما بناكل الا الخرفان (المحشية)
هسع انا من الصباح بلقط في الدولارات من الشوارع ( لاحظ .... دولارررررات ما جنية سوداني )
انتو ما مصدقين كلامي دا والا شنو؟؟؟؟؟؟؟؟ |
ابوبكر يا جميل يا رايق الكلام ده تقولوا لي زول ما سافر للسودان
انتا إظنك ما قريت قصيدتي بتاعت فقدت الذاكرة في السودان هاك ليها
فقدت الذاكرة في السودان
بقيت تائه بدون عنوان
وفي السودان بتبقي غريب
تشوف الناس عِلب الوان
فقد الذاكرة حقيقة تحير الإنسان
وفي السودان قدر محتوم
وخط مرسوم
وفي واقع حياتنا لزوم
وفي السودان تكابس انتا طول يومك
تساسق لرزق يومك
تنوم تصحي بهموك
ومهما حلمت في يومك
تكون هاني ورزقك زي مطر دافر
وبيتك بألاكل وافر !!
وأطفالك وست بيتك يناموا معاك في حضنك
يداعبوا بحنان شنبك
ويطلعوا ليك في ضهرك
ويتشابوا ويقولوا ليك
بابا هسع نحنا ما قدرك
وسيارتك ملانة بضاعة تتكدس
وصالونك كبير واسع
وبضيفانو يتمدد
وأعمالك كتيرة خلاص
وربحك منو تتبسم
وفجاءة وفي وسط حلمك يدق الباب
ويقولوا ليك في ناس في البيت راجنك
الجزار ... واللبان ... وصاحب الإيجار
وتمرق إنتا من بيتك زي أسد كاسر
لا خائق من صاحب إيجار ولا بُمبان
وتنهر بخشم مليان
اصِبروا شوية يا الحبان
باكر بيفرجا الرحمن
وتمشي عديل علي شغلك
تشاكل في جميع الناس
واللهِ معاك ما فرقت
لا ولداً صغير شافع معاك بيسلم
ولا راجل كبير شايب تقولوا يا عم
ولا بتعرف مُقبل وين !!
ولا بتعرف ترمش العين !!
وتركب إنتا في الحافلة معاك همك
معاك في الحافلة اصناف من جميع الناس
ناساً ... تبكي مغبونة
ناساً ... تحكي في همومة
ناساً ... بالحسرة ممكونة
ويوم ما تمشي للإعراس
تقول واللهِ أسعد ناس
تقول واللهِ محظوظين
رقيص ... وهجيج
موضات كيف ؟؟
ومكياج كيف ؟؟
وجه ابيض شعر أشقر ساق أخضر
ولو في لحظة غمضتا ! تقول دا حِلم
أظني اكون سافرت للبنان !!
وفي السودان ناس لا ضاقت المُرة
ولا زازت فردِ مرة
ولا بتعرف كمان تعرق
ولا بتعرف تصٌر الوش
يشيلو قروش من السودان
يوزعوا فيها في كل مكان
لا بيهتموا للتعبان ولا المرضان
ولا العائش دوام فقران
يحكموا الناس بإسم الدين
يقولوا للعلم تامين!!
ايه وفرتو للغائبين !!
شفطتو دمانا يا باردين
قلعتو حقوقنا حُمرة عين
بدون خدمات بدون تامين
سألت الواحد القهار
الأ نام ولا أكل الطعام
يدوقكم من عذابو كيمان كيمان
يشرد كل زول طغيان
ويعرف كيف نحنا بنعاني بعيد عن الاوطان !!
ويا واحد ويا رحمن تعود الفرحة للسودان
فقدت الذاكرة يا الحبان
بقيت في السكة اتلفت
شارع بيتنا اصبح وين ؟؟
وناس الحلة الكٌتار ومساخ وين قاعدين ؟؟
لا صبحية بيستنوا
ولا ضهرية بيهتموا
ولا عصرية بيتلموا
وفي الأسواق حاجة تحرق الأعصاب
لا تاجر معاك بصِدق وكل تجارتو بالشيكات
وفي بيتك تقول تتلم وما بتسلم
وكهربتك تشفط الدم
جـمـرة خبيثة سموها
وتدفع فيها دم قلبك
وما تفرح تقول كهربتي تضؤي البيت
وحات إسم الله تتبشتن وتشم الدم
وتلاجتك كمان تخرب !!
وتلفازك كمان يحرق !!
ده عشان تآمن ظاتووووووووو يا ابوبكر
تقول لي بنغالي ودولار بإلله ؟؟؟
|
Post: #114
Title: Re: الروووووووووووب الرياض موعودة بـ التجمد الأربعاء المقبل
Author: الطيب شيقوق
Date: 01-19-2008, 09:24 PM
Parent: #113
Quote: يكفيني حضورك أنت وودشيقوق
انت مودة البوستات
وودشيقوق سكر البوستات الطاعم |
وانت يا ود المنسي كبريت البوستات البفوح اخر الليل
هييييييييييييييييييييييييييع
|
Post: #115
Title: Re: الروووووووووووب الرياض موعودة بـ التجمد الأربعاء المقبل
Author: خالد علي محجوب المنسي
Date: 01-19-2008, 09:36 PM
Parent: #114
[Quote: B]وانت يا ود المنسي كبريت البوستات البفوح اخر الليل
هييييييييييييييييييييييييييع |
يعني مولع نيران طيب دا بنع مع هاشم في البرد والقر الضربهم دا
أسمعني بردهم دا مايكون جاف زي برد السودان داك البشقق اليدين والكرعين وتقعد تحشي في الشق ودك وتحرقو بالنار والله دي حفلة دي كان بقى كدي نحن بردنا زينا وبالشقيق ما بيأذينا
بس بجمد كل سائل داخل جسمك
|
Post: #116
Title: Re: الروووووووووووب الرياض موعودة بـ التجمد الأربعاء المقبل
Author: نيازي مصطفى
Date: 01-19-2008, 11:28 PM
Parent: #115
عاين دي يا هاشم سويسرا بس
|
Post: #117
Title: Re: الروووووووووووب الرياض موعودة بـ التجمد الأربعاء المقبل
Author: هاشم أحمد خلف الله
Date: 01-20-2008, 09:59 AM
Parent: #116
| Quote: عاين دي يا هاشم سويسرا بس |
نيازي ياخي والله صورة مبالغة عديل كده
الناس هناك عايشين كيف ؟؟؟؟
لكن يا نيازي بصورتك دي خجلتني خجل شديد خلاص
اها تاني ما بقول الرووووب
|
Post: #118
Title: Re: الروووووووووووب الرياض موعودة بـ التجمد الأربعاء المقبل
Author: محمد عبد الماجد الصايم
Date: 01-31-2008, 05:56 PM
Parent: #1
"النعائم" و"سعد الذابح" و"بُلع" تعطي فرصة كبيرة لتجمد المياه
فلكي يحذر من "التخييم" والتعرض المباشر للبرد خلال الـ 39 يوماً المقبلة
حذر الخبير الفلكي جبر الدوسري المواطنين في المناطق الشرقية والوسطى والشمالية من التخييم في البر أو التعرض المباشر للهواء لفترة الـ 39 يوماً القادمة والتي من المقرر أن تمر خلالها 3 موجات شديدة البرودة هي "النعائم" و"سعد الذابح" و"سعد بُلع" ابتداء من اليوم حتى نهاية شهر فبراير المقبل.
وأوضح الدوسري أن موجة البرد الحالية التي تشهدها المملكة هذه الأيام هي الأولى منذ ما يقارب الـ 34 عاما الماضية، وذلك بعد موجة برد عام 1964، داعياً وزارة التربية والتعليم إلى ضرورة إلغاء الطابور الصباحي لطلاب وطالبات المدارس في بعض المناطق خلال تلك الفترة.
وأضاف الخبير الفلكي الدوسري أن ما تمر به الوسطى والشرقية والشمالية هذه الأيام هي موجة برد شديدة ستستمر في الارتفاع تدريجيا إلى أقصاها منتصف شهر فبراير المقبل، متوقعا أن تشتد برودة الجو خلال الأيام المقبلة وأن تصل درجة الحرارة في الرياض تحت الصفر المئوية، مشيرا إلى أن تعاقب موجات البرد بسبب الرياح الشمالية وبعض العوامل الجوية، سيسمح بتجمد المياه في المنطقة الوسطى لمدة يوم ونصف إلى يومين في الفترة المقبلة إلى جانب إمكانية ضعيفة لتساقط الثلوج في المنطقة الوسطى، مع فرصة هطول الأمطار حتى شهر أبريل المقبل.
وقال الدوسري إن اليوم الثلاثاء هو أول أيام موجة برد "النعائم" التي تستمر 13 يوما، يعقبها موجة برد "سعد الذابح" شديدة البرودة لفترة 13 يوما أيضاً ابتداء من يوم 10 فبراير، فيما ستبدأ موجة "سعد بُلع" يوم 23 فبراير وتستمر 13 يوما أخرى، بعدها تعلن موجة "سعد السعود" انتهاء فصل الشتاء ودخول فصل الربيع تدريجياً والتي ستستمر لمدة 13 يوما أخرى ابتداء من يوم 8 مارس المقبل.
المصدر: جريدة الوطن السعودية
_ـ_ـ_ـ_ـ_ـ_ـ_ـ_ـ_ـ_ـ_ـ_ـ_ـ_ـ_ـ_ـ_
لو حتى نبدأ من الألف
جاكم البرد تاااااااااااني
|
|