|
Re: تفشى الخبر!!!!! (Re: عواطف ادريس اسماعيل)
|
>> نزار قباني >> كعصفورينِ ..
كعصفورينِ ..
اليوميات - - - (13) أنا نهداي في صدري كعصفورينِ .. قد ماتا من الحرِّ كقدّيسينِ شرقيينِ متّهمينِ بالكُفْرِ .. كم اضطهدا .. وكم جُلدا .. وكم رقدا على الجمرِ .. وكم رفَضَا مصيرهُما وكم ثارا على القَهْرِ وكم قطعا لجامَهُما وكم هربا من القبرِ .. متى سَيُفَكُّ قيدُهما .. متى ؟ يا ليتني أدري ...
| |
|
|
|
|
|
|
Re: تفشى الخبر!!!!! (Re: Mustafa Mahmoud)
|
أقول أمام الناس , لست حبيبتي
وأعرف في الأعماق كم كنت كاذبا
و أزعم أن لا شيء يجمع بيننا
لأبعد عن نفسي وعنك المتاعبا
وأنفي إشاعات الهوى , وهي حلوة
و أجعل تاريخي الجميل خرائبا
وأعلن في شكل غبي , براءتي
وأذبح شهواتي .. وأصبح راهبا
و أقتل عطري .. عامدا متعمدا
و أخرج من جنات عينيك هاربا
أقوم بدور مضحك يا حبيبتي
وأرجع من تمثيل دوري خائبا
فلا الليل يخفي لو , أراد نجومه
ولا البحر يخفي , لو أراد المراكبا ..
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
Quote: وأصبحت قصص الحب والغرام تحتل
الصفحات الأولى من جرايد ونشرات الأخبار الرئيسية والمحلية وحصاد اليوم وشمارات الجيران وأحاديث الشوارع
ومقاهي الإنترنت و صحف المساء والتابلويد وبرامج السهرة والنشرة الجوية واخبار العملات ,وسوادانيز
أون لاين ,وأغاني البنات والفضائيات , ستات الفول , أكشاك الخضار , ستات الشاي , الركشات و البصات |
عطوفة يا عسل اصلو ما خيبت ظني قلت اشوف المنبر من ضمن نشرات الأخبار لقيتو موجود....
منعاً لأي آثار جانبية من فعل الشواكيش فالكتمان أفضل..عارفة يا عطوفة ياما بنسمع عن قصص ماشة تمام وأصحابها يتباهوا بيها فرحانين ....يا لطيف ما تسمعي الا الموضوع فرتق مش تفشى الخبر بس !!!
وبمناسبة الشاكوش نهديك الكاريكاتير ده...
دمت عطوفة العسل المنورة البورد بمواضيعها الحلوة
كل الود
| |
|
|
|
|
|
|
Re: تفشى الخبر!!!!! (Re: salma subhi)
|
سلوم !!!
يا الخاتية اللوم ,,,
ربنا يسعدك بقدر ما تسعدينا ببوستاتك ورودك الرائعة والصور الجميلة ,,,
فشل العلاقات له عدة أسباب أهمها الاستعجال وعدم التروي أو فهم الكرف الآخر بصورة أوسع غايتو يكفينا
الله شر المشوكشين والمشوكشات ,,
إنت العسل ياسلمى والله وبعتذر عشان اتأخرت عن الرد لظروف خارجة عن الإرادة ...
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
قود مورنينق
قلت أمر أسلم.
أها بعد الحب والشواكيش الكتيرة دى:
سؤال خارج النص
والبين نارين ما عارفين يحبو ولا لأ يسوو شنو
البعرسو عن حب فى شهر العسل تقول ليك مستحيل الواحدة تعرس راجل ما بتحبه عشان صعب تستحمليه
وبعد 3 شهور تجى تقول أوعكم تعرسو زول بتحبوه كان عمل أى حاجة بتزعل يوم حتزعلى 10 يوم
وأى حاجة تقولى هو ما كان بقول لى كدا. دا غشانى وتقولى إنك ضيعت وقتك سااااى فى الكلام والوعود الفارغة.
عرسو من غير حب عشان تسود ثقافة الإحترام بيناتكم والوعود تكون كانت لى أبوك ما ليك عشان يحافظ عليها
والله حقو تفتحى لينا بوست عن كيف ننظر لى خطوات ما قبل الزواج الناجح ونشوف آراء وتجارب
مودتى
سماح
| |
|
|
|
|
|
|
Re: تفشى الخبر!!!!! (Re: محمد على طه الملك)
|
عبدالناشف !!!
إنت شايقي ولا رباطابي ؟؟؟
هسة مالك بوست الحب والغرام حولتو لينا لي سوق خضار بطيخ شنو وشمام شنو !!!
ياخي خلينا في الرومانسيات بتاعتنا إنشاء الله نكون عايشين في وهم برضه ما علينا !!
| |
|
|
|
|
|
|
Re: تفشى الخبر!!!!! (Re: sama7)
|
سماح !!!
سلامين ,,,
عاد يا بت أمي كان ما لبستي توب الجارات وجيتي مارة خشم خشمين ,, خبر خبرين ما بزعل منك عديل
كدي !! الرسول أقعدي وأشربي ليك فنجان قهوة وأدينا آخر الشمارات ,, قلت لي يا بت أمي البين نارين
ديل يسوا شنو؟ديل ليهم الله وعيشة السوق لا شوفتن تبل الشوق لا ردا يطمن !!!
أما حكاية تتزوجي ليك زول بتحبيه وتزعلي منه عشرة يوم دي عاد أسأليني منها أنا !! عشرة يوم شنو ؟
مرات عشرة شهور لمن يطلع الوعد هيروشيما أو نازاجاكي بتصدقي زميلتنا إشراقة النور عملت موضوع
عن تنصل الرجل من وعود ما قبل الزواج وما لقت و لا واحدة ما قالت زوجي ما اتنصل عن وعوده حتى
إشراقة ذاتها قالت زوجها العريس الأيام دي أنتصل من وعوده عشان كدا لازم نفتح بوست بوستين عن هذه
الإشاعات التي يطلقها المحبين قبل الزواج ومدى مصداقيتها بعد الزواج ..
سماح الرسول كان تمشي بس أشوف حلتي الفي النار دي وأجيك راجعة سمح ؟؟
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
عواطف ازيك .. يا حليل زمن الجوابات وسهر الليل الواحد كان يموت عشان يسمع ليهو كلمة حلوة أو يجيهو جواب طاير هسي تقوم تنزل ليك أغنية يجوك الجماعة يقولو ليك أها إن شاء الله خير ما يكون في شاكوش يعني وراك وراك غرامة غرامة أصلو رأسنا دا مكتوب عليهو يكون (مفلق) نتمنى انو يتفشى الخبر السمح ونسمع عن فرحة كل اتنين بحبو بعض ..
| |
|
|
|
|
|
|
Re: تفشى الخبر!!!!! (Re: معتصم دفع الله)
|
المفلق الأممي !!!
تحياتي ,,,
إنشاء الله تكون جات سليمة ؟ بس ما كل مرة بتسلم الجرة ,, مرات الفلقة أخير منها علقة !!!
بتصدق يا عصومي ناس الزمن دة ما بسيبوا الزول في حاله لو قعدت تسمع في الليلة ديك يقول ماخد
شاكوش ولو سمعت أول حب وآخر حب يقولو الزول دة ما براهو ولو سمعت مرسال الشوق يالكلك ذوق يقولو
ليك إنشاء الله مافي عوجة .. أها شن نسو ؟؟
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
عطوفة سورى يا دوب قريت
بس برضو ما وريتينا نسمع ياتو كلام فيهم ناس شهر العسل وللا التانين
أنا غايتو مؤمنة إنه مافى زول زى التانى ومافى تجرية بتشبه تجربة تانية مور زان 50%
بجيك راجعة
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
>> نزار قباني >> إلى صديقةٍ خائفة
إلى صديقةٍ خائفة
لا تَعْبَأي.. إنْ ردَّدُوا أسماءَنا في هذه المدينةِ الثَرْثَارةِ.. الواشِيَةِ.. القبيحَهْْ.. فليسَ في العالم ما يُطْرِبُني أكثرَ من أنْ يَقْرعُوا من حولِنا كُلَّ صباحٍ، جَرَسَ الفضيحَهْ...
| |
|
|
|
|
|
|
Re: تفشى الخبر!!!!! (Re: Mustafa Mahmoud)
|
بسم الله الرحمن الرحيم
نص النهار .. والريق ناشف ... والقلب عامر جيتك
تقول:- حيرت أفكاري معاك ...! أقول:-لامست إحساسي فداك..!
ولاتعرف لماذا تنساق إلي مرأة الوطن من بين آلاف المرايا.؟!
تحسس جواك ... جواك يدري ..! لتري صورتك الحقيقية ... صورة الوطن
وهو يستفرغك في وعاء الغربة ... ولست وحدك ... هانحن معك...!!!
- قررت ياوطني إغتيالك بالسفر - (نزارقباني)
تسلموا
وصال عالم
| |
|
|
|
|
|
|
Re: تفشى الخبر!!!!! (Re: Mustafa Mahmoud)
|
أنا ضد كل التعاريف في الحب ..
فهي جميعا قوالب
وضد جميع الوصايا القديمة ..
ضد جميع النصوص , وضد جميع المذاهب ..
فلا يصنع الحب إلا التجارب ..
ولا يصنع البحر , الإ الرياح وإلا المراكب
ولا يستطيع الحديث عن الحرب .. إلا المحارب ..
أنا أفعل الحب .. لكن إذا سألوني عنه
فإني أفضل أن لا أجاوب ..
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
عواطف
اللهم إنا نسألك في آخر يوم من هذا العام
بأن تنعم علينا بالطاعة والرضا
وأن تجعل العام الجديد عام خير على الجميع
تفرج فيه همنا وكربنا
وتمن علينا بخيرك وفضلك
وتغننا بحلالك عن حرامك وبطاعتك عن معصيتك
يارب العالمين
اها لقيتيني كيف يا زهرة الخليج ؟
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
العزيزة عواطف
سلام
Quote: عندما كنت طالبة بالجامعة أحبني أحد الزملاء حبا
صادقا لكنني لم أتواني في إعطائه شاكوشا كبيرا |
لا حول ولا قوة الا بالله... لم أصدق أنك بهذه القسوة المشاعرية..
Quote: عكس أيامنا حيث كان الحبيب يموت كمدا إذا تركته حبيبته |
يعني صاحب الشاكوش ده نقول عليه الرحمة..
تحياتي
| |
|
|
|
|
|
|
Re: تفشى الخبر!!!!! (Re: الطيب شيقوق)
|
إنما أموالك وأولادكم ( فتنة ) !!!
بس ما تنسى إنو قال المال والبنون زينة الحياة الدنيا ,,,
غايتو إتحيرنا ما عرافين نعمل شنو يا شقاشيقو؟؟؟
| |
|
|
|
|
|
|
Re: تفشى الخبر!!!!! (Re: عواطف ادريس اسماعيل)
|
بمناسبة عرس السودانيات و الأجانب يا عطوفة..
واحدة صاحبتي إتزوجت ألماني.. ضربت ليها يوم..رد علي هو..ما فهمت أي كلمة من القالها.. لمن جاتني قلت ليها...راجلك دا ما فهمت من كلامو و لا كلمة.. قالت لي...و إنتي قايلاني أنا الفاهماهو!!
| |
|
|
|
|
|
|
Re: تفشى الخبر!!!!! (Re: mamkouna)
|
Quote: غايتو إتحيرنا ما عرافين نعمل شنو يا شقاشيقو؟؟؟ |
نعمل الاتي :
اولا :نسد دي بطينة ودى بعجينة ثانيا: نبعد من الشر ونغنيلو ثالثا: نقول الزارعنا غير الله اللّجي يقلعنا
| |
|
|
|
|
|
|
|