Post: #1
Title: تفشى الخبر!!!!!
Author: عواطف ادريس اسماعيل
Date: 01-04-2008, 11:41 AM
حبيبة عمري !!!
حبيبة قلبي !!
وهل كان ذنبي ..
!ذا كنت يوما ..
نسيت الحذر ..
ففي ذات يوم ..
كثير الغيوم ..
قصير العمر ..
ذكرت مكانا ..
عزيزا علي ..
أنا وأنت ..
فيه و الأخر ..
ذكرت حديثك ..
ذاك الخجول ..
وصوتك ينساب ..
منه الخفر ..
يعتذر الشاعر الرقيق قبل عقدين من الزمان لحبيبته لأن خبر حبهما قد إنتشر وذاع وعم القرى والحضر على
الرغم من الحصون المنيعة التي شيدها له خوفا من فضول البشر ولكن برغمه تفشى الخبر ,, هكذا كان حال
العلاقات العاطفية في ذلك الوقت فعلى الرغم من جديتها التي تفضي بها دوما إلى الزواج إلا أن الحبيبين
يحرصان على سريتها حتى من أقرب الناس إليهما و أتذكر عندما كنت طالبة بالجامعة أحبني أحد الزملاء حبا
صادقا لكنني لم أتواني في إعطائه شاكوشا كبيرا عندما قال لي أنه قد أسر بالعلاقة لوالدته وأنها قد رأت
صورتي التي كانت في معيته لذلك أود أن أعتذر له بعد أن تغير الزمن وأصبحت قصص الحب والغرام تحتل
الصفحات الأولى من جرايد ونشرات الأخبار الرئيسية والمحلية وحصاد اليوم وشمارات الجيران وأحاديث الشوارع
ومقاهي الإنترنت و صحف المساء والتابلويد وبرامج السهرة والنشرة الجوية واخبار العملات ,وسوادانيز
أون لاين ,وأغاني البنات والفضائيات , ستات الفول , أكشاك الخضار , ستات الشاي , الركشات و البصات
كماأصبحت الفتاة تتباهى بعدد العلاقات والشاب يؤكد أنه خدع أكثر من عشرة بنات في ليلة واحدة فضلا
عن ذلك فقد أصبح الآباء والأمهات يباركون قصص الحب من اليوم الأول ويتابعون أخباره وشماراته
بتفاصيلها الدقيقة ويتصلون بالحبيب يسألونه عن مدى حب إبنتهم والتزامها له وعن موعد كتب
الكتاب وكل التفاصيل التي تخصهم أو لا تخصهم ما جعلني أفكر كثيرا وأتساءل هل نحن صاح أم هم غلط ؟ لم أجد
إجابة مقنعة خصوصا وأن البعض أكد لي أن الصراحة مع الأهل ضرورية جدا وأن زمننا كان زمنا مختلفا نماما
و لا يجوز مقارنته بهذا الزمن الجميل زمن الصراحة والوضوح زمن عدم الحياء والأصوات العالية التي لا ينساب
منها الخفر بقدر ما ينساب منها التهديد والوعيد والطلبات الكثيرة التي لا تنتهي و في النهاية لا يفضي
الحب إلى الزواج ويكون الحبيب قد دفع الوراه وخرج من المولد بدون حمص أم الحبيبة فغالبا ما تبحث عن
حب جديد يملأ حياتها بهجة ومسرة على عكس أيامنا حيث كان الحبيب يموت كمدا إذا تركته حبيبته بينما تضرب
الفتاة عن الطعام إذا أراد أهلها تزويجها بشخص لا تحبه لكنها لا تتجرأ لكي تقول أن هناك شخصا في
حياتها عشان كدة عايزة أعرف يا جماعة رايكم نحنا ولا هم الصاح .. ؟؟ وفتكم بعافية
شمار خارج النص :
أعتذر لتتأخير فقد سهرنات البارحة حتى الصباح في زواج مهندسة سوادنية ومهندس أيطالي أمبارح كانت
الصبحية العروس رقصت رقيص الهنا والمنى والطليان كشفوا كشف السواد والرماد والرماد و هسة ماشة أستعد
لحفلة الزفاف ..
|
Post: #2
Title: Re: تفشى الخبر!!!!!
Author: نهلة عمر
Date: 01-04-2008, 12:03 PM
Parent: #1
استاذة عواطف سلامات
جمعتك مبروكة
فى زمنا الصعب العايشنو ده الكتمان على مواضيع العلاقات العاطفية بالذات مهم جدا
على العكس من ذى قبل كانت النفوس صافية و حسن النية متوفر بين الناس
لكن الان و للاسف اذا اى من الطرفين اسر بى القصة لى اى شخص تجد الوضوع انتشر انتشار النار فى الهشيم
مافى اى اعتبار لى كتمان السر او قدسية الموضوع
كما ان عدم توفر حسن النية بين الناس جعل نظرة الناس لهذا النوع من العلاقات العفيفة السامية غير ذى قبل فبالتالى اى بنت تخوض علاقة مثل هذا تتعرض لتقييم غير موفق(بتاعة علاقات)
كمان اذا لاقدر الله الموضوع كتب ليو عدم التكليل بالنجاح تلقى الناس ما بين شامت و لائم
البقول تستاهل و البقول هى البدخلا فى موضوع زى ده من اصلو شنو
طيب نتزوج من غير سابق معرفة و دراسة ولا كيف؟
المرحلة ما قبل الزواج مهمة جدا للطرفين و لكن الكتمان ايضا مهم
و ما ننسى قول رسولنا الكريم و هو لا ينطق عن الهوى(استعينوا على قضاء حواجئكم بالكتمان)
|
Post: #3
Title: Re: تفشى الخبر!!!!!
Author: عواطف ادريس اسماعيل
Date: 01-04-2008, 12:51 PM
Parent: #2
نهولة !!!
يا أجمل زولة ,,,
مودتي ,,,
أنا معاك قلبا وقالبا الكتمان مهم جدا حتى يتعرف كل طرف من الأطراف عاى الآخر بصورة جيدة ثم يمكن
بعد ذلك مصارحة الأهل ( الأب _ الأم _ الاخوة ) زي ما قلتي خوفا من الشماتة والقيل والقال والقصص
اللي ما ليها أول ولا آخر ,,,
ربنا يسعدك بود حلال طيب زيك يارب طبعا الدعوة في الجمعة مقبولة ..
|
Post: #4
Title: Re: تفشى الخبر!!!!!
Author: عبدالكريم الامين احمد
Date: 01-04-2008, 01:04 PM
Parent: #3
هلا عواطف ونهلة
وجمعة مباركة..
وركنكم ده ملهم والكتمان اساسي ويساهم في الانجاز
الا يا اخواتي البنوت فيهن واحدات غشاشااااااااااات...
مرة كنت عندي قصة غرام بالريد بدت مع بنية من (خبز الفنادق ) ووصيتها بالتقريض وعدم البوح
بهذا الخبر العجيب..
صدق يا مومن البنية قالت لي خلاص (الجن الاحمر ما بيعرف) الا انا وانت سوي سوي..
تعرفي يا عواطف كانت هنالك (وسيطة مشتركة) بتجيب لي المرسال (المرسال البمشي وبجي داك)
الحيرني وشطب راسي وجنني جن قبورة هو الجواب الذي اتاني منها
معنونا الي حبيبي وقلبي (عثمان) وكلام سمح خلاص الا المرسل اليه ليس هو انا بل (عثمان)..!!!
وعثمان هذا كان زميل عمل واعرفه حق المعرفة..!!!
قلت بيني وبين روحي الليلة الا اشوف نهاية قصة (حبيبي عثمان دي) واشوف البنية دي
ياربي لاعبانا جوز ولا شنو انا و(ابو عفان) ده...
مشيت لعثمان ذات ليل دامس _ وقلت ليهو يا عثمان عندك جواب عندي جاني بالغلط
قال لي اووووه كريم انت برضو عندك جواب جاني انا بالغلط
ضحكنا وتحسرنا علي هذه ام قلب لكوندة
وضحكنا اكثر علي مرسالها الكيشة(البتدي جوابي لعثمان وجواب عثمان لي)..
ومن اليوم ديك بقيت عندي (الية وفوبيا من البنوت القلبهن لكوندة)..
الكتمان سمح
الا لكوندة لكوندة ده الكلام البخوف بوبي ظاااااتو
|
Post: #16
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:12 AM
Parent: #4
عبودي !!!
سلامات ,,,
كل وأنت بألف خير ,,,
مرسال الشوق بتاعكم بالغ ربما يكون ما بعرف يفك الخط لكن الحمد لله جات في صالحكم عشان نواياكم
سليمة ,, قصتكم دي ذكرتني الشعارات الجديدة المرفوعة الأيام دي وهي واحد للسف وواحد للف وواحد
في الرف اي إحتياطي .. سبحان الله تعيش كتير تشوف كتير ..
|
Post: #5
Title: Re: تفشى الخبر!!!!!
Author: نهلة عمر
Date: 01-04-2008, 01:26 PM
Parent: #1
استاذة عواطف بعد اذنك النواسى عبد الكريم اخوى ده
يا عبد الكريم ولله الجاتك فى حبيبتك سامحتك
لكن ولله لو قعدت احكى ليك عن البسوو الوليدات فى بنات الناس راسك يشيب و طبعا انت اكيد دارى بالحاصل
و تلقى الواحدة بريئة و مخلصة للراجل و اخر حب ووفاء و هو لاعب بيا الكورة
بينى و بينك الزمن صعب و النفوس ما زى زمان كان نحن كان انتو
و بركة يا خوى الربنا كشف ليك نوايها من بدرى قبل ما الفاس تقع فى الراس قولى ليا اها لا عبد الكريم و لا عثمان خمى و صرى
|
Post: #6
Title: Re: تفشى الخبر!!!!!
Author: عبدالكريم الامين احمد
Date: 01-04-2008, 01:41 PM
Parent: #5
Quote: لكن ولله لو قعدت احكى ليك عن البسوو الوليدات فى بنات الناس راسك يشيب و طبعا انت اكيد دارى بالحاصل
و تلقى الواحدة بريئة و مخلصة للراجل و اخر حب ووفاء و هو لاعب بيا الكورة
بينى و بينك الزمن صعب و النفوس ما زى زمان كان نحن كان انتو |
هلا نهلة وشكرا علي المواساة وانت اتت بعد زمن طويل وعريض ومياه كثيرة عبرت الجسر منذ ذلك(الشاكوس) العجيب وغريب..
ومتفق معاك يا نهلة بان (اللكوندة لكوندة) دي شي متبادل وموجود فينا وفيكم
(ومعليش خلينا نسميها لكوندة لكوندة عشان ندوزن المصطلح ونمتشنو مع الواقع الشعبي بتاعنا)
واعتقد بان ما يولد هذه الاسقاطات هي (عدم تكريب الشغلة)
فالحب او العلاقة العاطفية سيستم متكامل وحياة دايرة تكامل في كل اجزائها وفهم عميق
وجدية وضروري تقفل لي النوافذ البتخلي الطرف التاني يفكر في تفتشيها عن طرف تاني سرا
..الجرعات العاطفية
الاحترام
الصراحة
الشفافية
شوية غيرة
الاهتمام الشديد
ايضا ضخ مياه جديدة في روتين العلاقة..
وتقيمها ما بين كل فترة والتانية..
(اها شفتي الجواب المشي لعثمان عمل فينا شنو..دي يا اختي خلتنا خبرة اجانب)
|
Post: #7
Title: Re: تفشى الخبر!!!!!
Author: حافظ العشا
Date: 01-04-2008, 02:07 PM
Parent: #1
Quote: كماأصبحت الفتاة تتباهى بعدد العلاقات والشاب يؤكد أنه خدع أكثر من عشرة بنات في ليلة واحدة فضلا
عن ذلك فقد أصبح الآباء والأمهات يباركون قصص الحب من اليوم الأول ويتابعون أخباره وشماراته
|
بت ادريس كيف حالك واخبارك
ده زاتو الحامينا العرس لي هسي
وعشان كده انا بقول انتو صاح
تحياتي
|
Post: #17
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:16 AM
Parent: #7
ود العشا !!!
تحياتي ,,,
وينك يا راجل ؟؟ ليك وحشة !!!
يا أخوي اتوكل على الحي الذي لا يموت وجرب حظك عسى ولعل !!!
|
Post: #18
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:19 AM
Parent: #8
ود العشا !!!
ربنا يسعدك ... ضحكتني !!!
|
Post: #11
Title: Re: تفشى الخبر!!!!!
Author: الشفيع عوض شوشتا
Date: 01-04-2008, 02:30 PM
Parent: #9
Quote: و أتذكر عندما كنت طالبة بالجامعة أحبني أحد الزملاء حبا
صادقا لكنني لم أتواني في إعطائه شاكوشا كبيرا عندما قال لي أنه قد أسر بالعلاقة لوالدته وأنها قد رأت
صورتي التي كانت في معيته |
|
Post: #20
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:23 AM
Parent: #11
شفت يا الشفيع العوارة ؟ قلت ليه عايز أمك تقول على شنو ؟؟ واحدة بتعرفك من زمان وكمان شايل
صورتها لا يا أخوي أنا آسفة أنسى الموضوع ,, قدري ما حاول مفيش فايدة المهم حأصلح الغلطة هو عندو
خمسة بنات وأنا أربعة أولاد ؛ارد ليه اعتباره ,اخطب البنات للأولاد رايك شنو ؟؟؟ مش كلام عدل ؟؟
|
Post: #19
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:20 AM
Parent: #9
يا حليلكم !!!
تحننو والله !!!
|
Post: #23
Title: Re: تفشى الخبر!!!!!
Author: الشفيع عوض شوشتا
Date: 01-05-2008, 08:24 AM
Parent: #19
هاهاهاهاهاها
|
Post: #22
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:24 AM
Parent: #10
حريم المستقبل ديل مبالغة يا ود العشا !!!
|
Post: #12
Title: Re: تفشى الخبر!!!!!
Author: Adil Osman
Date: 01-04-2008, 03:10 PM
Parent: #1
| Quote: أعتذر للتأخير فقد سهرنا البارحة حتى الصباح في زواج مهندسة سوادنية ومهندس أيطالي |
عواطف
كل سنة وانتى طيبة
ممكن موضوع العدد القادم يكون عن ظاهرة زواج السودانيات من اجانب.
هذا الاقتراح الخطير عشانك بى 200 دولار بس!
|
Post: #13
Title: Re: تفشى الخبر!!!!!
Author: Salah Waspa
Date: 01-05-2008, 07:28 AM
Parent: #12
بت إدريس ست الكل أدام الله أفراحك ولحظات البهجة .
وورينا الحفلة كانت كيف .
ود أطنان
صلاح واسبه
|
Post: #14
Title: Re: تفشى الخبر!!!!!
Author: ابو جهينة
Date: 01-05-2008, 07:51 AM
Parent: #13
الأخت العزيزة عزاطف
تحياتي
الحب الحقيقي بالطبع يعني أن يظل هذا الحب حتى و لو لم يتم التوصل إلى زواج .. فيظل الحب حبيس الصدور .. مكتفين بإقناع النفس بأن المحبوبة ما دام سعيدة فأنا سعيد ... كان هذا في زمانٍ مضى ..
و لكن الآن يحدث الآتي :
أصبح الجب قشوراً .. سطحياً .. ينتهي عند أول منحنى و أول منعطف ... لذا تكثر الثرثرة حوله كمغامرة أو رحلة مع الجنس الآخر.
زمان كان الحب عبارة عن ميثاق إخلاص و تفاني و كان عهدا ممهوراً بالتضحية و الكتمان . فأصبح الآن تمرين على منمَق الحديث و إختبار لقدرات إختراق حجب القلوب.
تخريمة :
تقدم أحد معارفي للزواج من سيدة ( أرملة ) توفى عنها زوجها بعد أن أنجب منها 4 أولاد .. و بعد أن تخطت هذه السيدة سن الأربعين .. علماً بأنه لم يتزوج أبداً حتى كثرتْ الأقاويل حوله و تناثرتْ الشائعات عن شخصيته ..
سألته : إن كان لا بد للزواج .. فلم هذه بالذات ..
بإختصار شديد قال : كنا نحب بعضنا البعض لدرجة الجنون قبل زواجها ... فأجبرها أهلها على الزواج به .. فرضختْ مضطرة .. فعزفتُ عن الزواج ... لأنني كنت و لا زلت و سأظل أرى أنها السيدة الوحيدة التي أرى فيها توأم روحي.
اللافت في الأمر .. أن السيدة وافقتْ دون تردد .. و تزوجا وسط إستنكار أهل الزوج الذين كانوا يرغبون أن تكرس بقية حياتها لتربية أطفالها ..
صديقي هذا تعهد لها بأنه سيضع فلذاتها بين عينيه .. لأنهم جزء منها ... فلم تستغرب لأنها تعرف حجم حبه لها.
لم أر في حياتي رجلاً في حجم سعادة هذا الصديق يوم زواجه الذي تم في مراسم بسيطة جداً ..كان فرِحا كطفل يوم العيد .. و هي .. كانت سعادة غامرة تغمرها و لكن في صمت فرضته الظروف و خصوصاً نظرات أطفالها ...
شايفة الحب الصامت دة يا عواطف .. لم يعرف أحداً بحبها له ..
قايم بيهو و نايم بيهو براهو دون أن يبوح به حتى لأقرب المقربين إليه ...
دمت
|
Post: #21
Title: Re: تفشى الخبر!!!!!
Author: د.محمد حسن
Date: 01-05-2008, 08:24 AM
Parent: #14
Quote: زمان كان الحب عبارة عن ميثاق
|
اها يا عواطف شوفي ناس المواثيق ديل يجهجهونا في الحب لانعرفه حب لا اتفاق سياسي
| Quote: شايفة الحب الصامت دة |
يا ريس ده حب ولا جوال
عواطف
جيبي اضانك
احبك
|
Post: #28
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:39 AM
Parent: #21
دكتوووووووووور !!!
هي أيه العبارة ؟؟؟
إنت هسة ما عارفين نصنفك من ناس زمان ولا هسة ؟؟؟
بعدين كلامك الأخير دة اليوم حتلقاه في نشرة ستة وجميع الصجف المسائية أخير تمسحه قبل الناس ما تصدق
ونبقى في حيص بيص تقوم المحطات الفضائية تعمل معاك لقاء عشان تنفي وتعمل معاي لقاء عشان أثبت
وهكذا دواليك وفي الآخر تقوم تستشهد بقول الشاعر :
أحبها وتحبني ويحب ناقتها بعيري !!!
أو تقول :
تعلقتها وتعلقت بغيري وتعلق بغيرها ذلك الرجل !!!
|
Post: #27
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:34 AM
Parent: #14
أبو جهينة !!!
وعندك الخبر اليقين ,,,
يا سلام على أيام زمان وناس زمان وإخلاص ووفاء زمان .. قالو حسين بازرعة لم يتزوج حتى الآن لأن سلمى
التي كتب عليها كل هذا الشعر الرائع إلى أن وصل إلى قصيدة الوكر المهجور زوجها أهلها بغيره فعزف
عن الزواج حتى الآن ..
أما قصة صاحبك فوالله تنفع فليم عديل كدة يا سبحان الله !!!
شكرا على المرور ..
|
Post: #15
Title: Re: تفشى الخبر!!!!!
Author: مجاهد عبد الرحمن
Date: 01-05-2008, 07:58 AM
Parent: #13
الغالية أم مجاهد
أولاً التحية للتي كتبت لها هذه القصيدة لأني أعرفها جيداً فهي أكثر مما قيل فيها وما في القصيدة هو غيض من فيضها ....
والتحية للمرحوم الشاعر الحسين الحسن
والتحية لك أنت
رغم أنك طلعت (مجرم حرب) ...
لأن الشاكوش ممنوع في كل الأعراف والقوانين لما يسببه من موت أو اذى جسيم ...
أما فيما يتعلق بأيهما صحيح ... فالقصيدة أعلاه هي القياس الحقيقي لصحة المواقف ...
كل الود وأجمل الورد
|
Post: #31
Title: Re: تفشى الخبر!!!!!
Author: عبدالله وداعه الامين
Date: 01-05-2008, 08:41 AM
Parent: #15
عواطف بنت ادريس
تحية صباحية و مودة لكي عزيزتي
والاماني لك ومن معك بسنة سعيدة واماني محققة
كل من مرّ على هذا البوست والا مرت بذهنه صورة او اكثر
لما ال اليه الحال بين الشباب من ضياع وتفشي حالات حب وفشل علاقات
كادت ان تثمر حبا و وعدا جميلا ولكن هي النفس اذا حملتها ما لم تتحمل
فالتجمل بغير جمال خلق ,,, والنفاق,,,, والتباهي,,,, وتفشي الحاجة
والطمع,,, والفهم الخاطيء لمعنى العلاقات الانسانية هم الجزء الاكبر في فشل
الكثير من الحالات والعلاقات الجميلة, وسبب له اثره في ازدياد رقعة العازفين عن الزواج.
الموضوع يحتاج الى دراسة جادة ونظرة تعيد نظام الاشياء
ودي لكي وتحيتي
وشكرا لكي عزيزتي وانت تسلطين الضوء على هم جيل وشباب ضائع
|
Post: #33
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:47 AM
Parent: #31
عبودي !!!
سلام من الله يغشاك ,,,
شكرا على عبورك الجميل وكل ما قلته صحيح 100% ولكن ماذا نفعل ؟ بتصدق في عدم صدق في العلاقات
الإنسانية على كل الأصعدة و لغاية هذه الساعة ما حدش عارف أيه السبب ؟ مين تغير الناس ولا الزمن
بعرف واحدة بتكلم الأساسي وبعد دقيقتين بتكلم الاحتياطي من منطلق جرادة في كف ولا ألف طاير !!!
علينا أن نطرح هذه القضايا للنقاش عسى ولعل !!
|
Post: #32
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:43 AM
Parent: #15
الإبن الحبيب مجاهد !!!
معزتي ,,,
هم مجرمين الحرب شوية في الزمن دة ؟ وياريت لو كل الأسلحة شواكيش لكن والله يا مجاهد بيني وبينك كل
مرة بحس بالذنب وكأني مجرم حرب فعلا غايتو ربنا يسامحني ,, طبعا الحسين الحسن بالغ في الأغنية دي
أنا بعتبرها واحدة من المعلقات ومنتظرة عبدالدايم سيد أحمد ينزلها لينا ,,, شكرا على المرور ..
|
Post: #26
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:30 AM
Parent: #13
صلاح !!!
أطنان من التقدير ,,,
الحفلة كانت خطيرة غايتو أول مرة أشوف كشف الطليان بالله الواحد بتلولو زي المعكرونة الاسباجيتي
بتصدق إيقاعات رقصهم تمام التمام وع الأغنية حكاية عجيبة وكمان كان شفت النسوان الإيطاليات
والحنة حاجة عجيبة ... غايتو محن !!!
|
Post: #24
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:27 AM
Parent: #12
عدولي !!!
سلامات ,,,
بركة الجيت عسل إنت وبسكويت ,, بتصدق الأغنية دي غنوها للإيطالي وهو مسكين زي الأطرش في الزفة فعلا
ظاهرة زواج البنات من أجانب معدلها إرتفع جدا ...
200 دولار بس ؟؟ غالي والطلب رخيص !!!
|
Post: #25
Title: Re: تفشى الخبر!!!!!
Author: خالد العبيد
Date: 01-05-2008, 08:30 AM
Parent: #1
عواطف
تحيااتي
احكي ليك قصة حصلت لي زمان!
زمان وانا في سنة سادسة راجع البيت
لاقوني بنتين من حلتنا راجعات من المدرسة برضو!
ادوني ورقة في يدي وجرو!
فتحت الورقة قريت ليك جواب الحب الماخمج!
شئ قلوب وشئ سهم وشئ عيون!!
خفت حقيقة ورجفت!!
خفت ان يتفشى الخبر!!
مسكت الورقة قطعتها حتة حتة
وقعدت في الواطة ونتش نتش نتش قطعت الورقة زيادة!
وحفرت حفرة تدخل زول!
ودفنت السر الرهيب قبل ان يعم القرى والحضر!
وبرضو ما كنت مطمئن .. امشي واجيه راجع ! طبعا لي الحفرة
وبعد داك ما متذكر الحصل شنو...!!!
شفتي انت ذكرتيني شنو!
مودتي
|
Post: #34
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:51 AM
Parent: #25
خلودي !!!
معزتي ,,,
أمانة ما ضحكتني .. هسة ووريني الحفرة دي وين عشان أقوم أنبش الماضي وأجمع ليك النتش وأبيع ليك
الرسالة دي في أشهر مزاد علني ,,, شكرا خالد قصة رائعة تحتوي على الكثير من المعاني الأخلاقية
والإنسانية .. الحمد لله إنه ما تفشى الخبر و لا ذاع ولا عم القرى والحضر !!!
|
Post: #29
Title: Re: تفشى الخبر!!!!!
Author: ماجدة عوض خوجلى
Date: 01-05-2008, 08:40 AM
Parent: #1
عطوف صرف النظر عن المساكيين ماظريف اذيك حبيبه مشتاقين
اظنك كتبتى البوست بتاعك ده امس بس انا بعيد لى كم يوم كده جع اورد وكانت متلبسانى حاله تارللى اون لاين
اها نرجع للموضوعك تانى تصدقى بالرغم من انو بعض الناس بتشوف انو الوضوح والدنيا كلها ماعندهم مانع انهم يعرفو
عن علاقتم لكن انا عكس كده احتمال السن طبعا ليها تاثيرا وكده لكن انا فى راى ان اى شى خاص بين انتين بغض النظر انها قادت للزواج اولا الا انها بتفقد الكتير من معناها اذا اصبحت مشاعه ومعروفه للجميع وبعدين ماشايفه انو فى اى سبب يخلى الواحد يدخل طرف فى شى هو من اخص خصوصيات الانسان ولاشنو ...
اضربى مش تضربينى اقصد اتصلى
|
Post: #37
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:56 AM
Parent: #29
حبيبة القسا ماجي !!!
محبتي التي لا تحتاج إلى تأكيد ,,,
حالة الترللي دي أكيد في ليها سبب ولا شنو يا ست الحبايب ؟؟
فعلا إطلاع الناس على العلاقات يفقدها الكثير من قيمتها لذلك قال الفرزدق على ما أظن في رائعة كابلي
بلى .. أنا مشتاق وعندي لوعة .. ولكن مثلي لا يذاع له سر !!!
حبيبة أتصا إزاي وأنا طلبت منك الرقم ,,,
والله ما صارفة نظر أنت في القلب وفي الخاطر ولكن المشغوليات الكتيرة ومسيخة ...
شكرا على المرور ...
|
Post: #30
Title: Re: تفشى الخبر!!!!!
Author: بدرالدين يعقوب
Date: 01-05-2008, 08:40 AM
Parent: #1
Quote: و أتذكر عندما كنت طالبة بالجامعة أحبني أحد الزملاء حبا
صادقا لكنني لم أتواني في إعطائه شاكوشا كبيرا عندما قال لي أنه قد أسر بالعلاقة لوالدته وأنها قد رأت
صورتي التي كانت في معيته لذلك أود أن أعتذر له بعد أن تغير الزمن |
عطوفي ماتقولي كده من الاول قلبك حنا للحبيب بتاع زمان .( وما الحب الا للحبيب الاولي )
|
Post: #38
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 08:57 AM
Parent: #30
بيبي !!!
سلامات ,,,
مالك عايز تجيب لي الهوا زي ما بقولو !!!
|
Post: #40
Title: Re: تفشى الخبر!!!!!
Author: عبدالله وداعه الامين
Date: 01-05-2008, 09:03 AM
Parent: #30
Quote: عبودي !!!
سلام من الله يغشاك ,,,
بعرف واحدة بتكلم الأساسي وبعد دقيقتين بتكلم الاحتياطي من منطلق جرادة في كف ولا ألف طاير !!!
علينا أن نطرح هذه القضايا للنقاش عسى ولعل !! |
والله يا عواطف المسالة مسئولية الطرفين
لانو الاولاد ما بقصروا وبعملوا اكتر من البنات
اتخيلي انو الواحد يقول بحب بنت وممكن تصل المرحلة لي درجة الخطوبة
والطلوع ونزول مع الخطيبة المسكينة ويغدر بيها مش ماساة؟
كم واحدة بتضيع مع النوعية دي.!!!! دا غير البنات البرفضوا العلاقات دي
لانها غير شرعية وغير صحية ويلجأ الخطيب لي حيلة اخرى وهي حجة انو ما قادر يصبر
والظروف لسه ما مساعدة ويقنع البنت بالزواج عرفيا الى حين اتمام الزواج بصورة رسمية
ويتلحس العريس بعد مدة ويتبخر (وش حزين جدا)
والله في حكايات تشيب الراس وربنا المستعان بس
|
Post: #68
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 08:29 AM
Parent: #40
عبودي !!!
نهارك سعيد ,,,
طيب ! وبعدين ؟ الحل شنو ؟ إذا كان الطرفان يلعبان بمشاعر بعضهما ؟؟ أما حكاية الزواج العرفي دي
فخليها على الله بقت حديث المجتمع وشجونه ولها العديد من الإفرازات السلبية , عموما ربنا يكون في
العون ,, شكرا على مرورك الأنيق ,,,
|
Post: #35
Title: Re: تفشى الخبر!!!!!
Author: سيف الدين مصطفى كرار
Date: 01-05-2008, 08:55 AM
Parent: #1
صباح المطر والجمال
الان عندنا فى عمان بدات بشائر المطر تهطل لتروى القلوب الظماانة
كونك تستهلى موضوعك برائعة من روائع الاستاذ كابلى فهذا شى عبقرى
يكتمل الحب الحقيقى بالانسجام بين الطرفين وقبول كل طرف بالاخر
ويكتمل بسماع الاغانى الرائعة,اذكر قبل يومين على قناة ارتريا
كابلى يشدو باغنية زينة وعاجبانى ,فعلا ابداع و......
الاخوة الاحباش والارتريين ذواقون للفن السودانى ايضا نسائهم عباقرة الرقص
بعض الفنانون يفضلون الذهاب لاديس ابابا للغنا فيبدعون. ويكون الحب والجمال
|
Post: #39
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 09:01 AM
Parent: #35
سيف يا رايع !!!
سلامات ,,,
كلماتك تدل على رومانسيتك المنسكبة على الشاشة واحتفائك بالفنان والصديق العزيز عبدالكريم الكابلي
يؤكد عبقريتك الفنية وتذوقك للجمال بشكل غير طبيعي ,,, طبعا وزي ما ذكرت الأرتريين و الأثيوبيين
شعوب تعشق الحياة والفن بكل أنواعه لهم منا ألف تحية ..
|
Post: #36
Title: Re: تفشى الخبر!!!!!
Author: sama7
Date: 01-05-2008, 08:55 AM
Parent: #1
استاذتنا الحبيبة عواطف
أنا كان رايح لى بوستك دا
لكن صحى زى ما وعدتينى
لكن قبل ما أدخل طالبة الأمان
أصلى ممكن أقول كلام يجنن ناس كتيييييييييير هنا
مودتى
سماح
|
Post: #42
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 09:06 AM
Parent: #36
سموحة !!!
محبتي ,,,
الأمان .. الأمان .. يا حبيبي الأمان واسمح لي كمان أقبل يديك من نور وجنتيك ,,,
سماح لك الحق في قول ما تريدين ولا تخافي من أي شخص طالما أنت مقتنعة بما تقولين .. أمس في دكتور
مسالك بولية رجل علامة في كل شيء قال حبوبته قالت ليه لو خفت ما تتكلم ولو اتكلمت ما تخاف !!
مودتي ,,,
|
Post: #41
Title: Re: تفشى الخبر!!!!!
Author: محمد البشرى الخضر
Date: 01-05-2008, 09:05 AM
Parent: #1
سلامات يا أستاذة عواطف
سؤال لو سمحتيQuote: لكن الحمد لله جات في صالحكم عشان نواياكم
سليمة |
مين المقصود هنا بنواياكم سليمة
أوعى يكون كيكي؟
|
Post: #45
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 09:50 AM
Parent: #41
حمودي !!!
سلامات ,,,
بتصدق إني بقصد كيكي !!!
|
Post: #57
Title: Re: تفشى الخبر!!!!!
Author: عبدالكريم الامين احمد
Date: 01-05-2008, 11:05 AM
Parent: #41
Quote: مين المقصود هنا بنواياكم سليمة
أوعى يكون كيكي؟ |
ليه كده ياحمودي..؟؟؟
انا زول مسكين ياخي
الغنماية لو اتحرفنت بتاكل العشاء بتاعي
|
Post: #61
Title: Re: تفشى الخبر!!!!!
Author: محمد البشرى الخضر
Date: 01-05-2008, 11:26 AM
Parent: #57
| Quote: انا زول مسكين ياخي |
على حمودي يا عبودي
|
Post: #43
Title: Re: تفشى الخبر!!!!!
Author: sama7
Date: 01-05-2008, 09:37 AM
Parent: #1
تسلمى يا أستاذة
لكن زالله أنا عايشة فى مجتمعين مختلفين خاااااااالص حتى أصدقائى منقسمين إلى قسمين
أولا فى المجتمع البخالطه أكثر
أول ما الواحد يلمح أو يتونس كتير بيقولو طرح خلاص
تانيا لازم أى زول يكون على علم ودا مصدر تباهى
تالتا لازم تظهر معاه فى الأماكن العامة والحفلات على أنهم happy couple
رابعا أول ما يفرتقو ودا برضو ما إللا يكون فى سبب يحق لها الإرتباط من تانى يوم ويصبح الجكس الأول best friend دى كيف ما عارفة
حتى التانى بيعرفه ب|أنه ال x بتاع his current جكسوية والعكس صحيح
وتسألى الواحدة انت كيف مرتبطة بالزول دا والله ما بشبهك بتقول بس لأنى free الأيام دى وما بقدر أعيش بدون حنان
أو التبرير التانى ودا بقوله الولد والبت ما عارفة انه فاضحها فضيحة (she is a very good kisser) أها دا سبب لى علاقة؟
السهر فى التلفون لحد الصباح مصدر تباهى فى العلاقات
بس فى شريحة كبيرة آيلة للسقوط بسبب المظاهر والمشكلة دى الضوء ما مسلط عليها
ودى كلها مظاهر ان ما يحدث بين كتيرين ليس بحب وإنما هو ملئ فراغ
الما مرتبطة لما يسألوها وهى حاسة أن السؤال وراه خباثة بتقول مرتبطة بس ما علينا
(بصراحة ربنا دى أنا زاتى مرات بعملها) تفاديا للسؤال المعهود (وليه؟)
زمان كانو بيقولو ليك الحركة دى بتطفش العرسان هاهاها حتى المرتبطة كانت بتنكر...
بجيك للباقى
مودتى
سماح
|
Post: #48
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 10:34 AM
Parent: #43
سماح !!!
لك كل الود ,,,
شكرا على المداخلة الظريفة طبعا كل ما ذكرته شيء نتعايش معه بصورة يومية وليس هناك ما يدعو للخوف
من ذكره فضلا عن ذلك فهناك أسوأ مما ذكرت و حكاية ما قادرة تعيش بدون حنان دي يمكن معقولة شوية
من حكاية BEST KISSER هي حصلت يا ختي ؟ يعني بعد شوية الأمور ممكن تتطور ونسمع العجب العجاب من
حب آخر زمن .. تسلمي سماح أبقي معنا وجودك مهم في البوست ..
|
Post: #44
Title: Re: تفشى الخبر!!!!!
Author: د.محمد حسن
Date: 01-05-2008, 09:39 AM
Parent: #1
مجرمة الاحرب العاطفية عواطف
استغل البوست عشان ارسل رسالة حب
لماجدة خوجلي واقول ليها
وين بوست ( صفية القمر)
|
Post: #49
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 10:36 AM
Parent: #44
حمودي !!!
تقصد تقول مجرمة السلم ؟؟؟
بوست صفية القمر فعلا نحنا بحاجة إليه لأنه بذكرنا بالذي مضى ( كان زمان ) زي ما بتقول كوكب الشرق.
|
Post: #46
Title: Re: تفشى الخبر!!!!!
Author: امير عوض الجمري
Date: 01-05-2008, 09:55 AM
Parent: #1
عواطف
صباح الخير
والله يا تيفا انا كانت الفولة ما بتتبلى لا في لساني ولا في قلبي
وكانوا قلبي ولساني اصحاب جداً جداً يعني الفي قلبي طوالي على لساني وقلبي
كان حنيّن على لساني واي حاجة حلوة يقسمه معاهو ولساني كمان اسكتي خليهو ساكت
مما قلبي يديهو ليك نص الكعكة وهو ما يصدق الخبر (ددوددوددوددوددوددوددو) .
|
Post: #47
Title: Re: تفشى الخبر!!!!!
Author: Mohamed Kheir
Date: 01-05-2008, 10:00 AM
Parent: #46
ظاهرة زواج البنات من أجانب معدلها إرتفع جدا
|
Post: #51
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 10:41 AM
Parent: #47
والله يا حمودي كلامي صاح !!!
عارف أمبارح قلنا نحسبهم لقيناهم زادوا عن العشرة بس في الإمارات أما السودان فحدث ولا حرج بيني
وبينك حسنوا النسل شوية يعني بعد عشرة سنة حتلقى جيل مختلف هاف كاست !!!
|
Post: #50
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 10:39 AM
Parent: #46
عاد يا أمير يا أخوي ما بسألك .. الجكسوية سجم خشمها !!!
وممكن من أول يوم تلقى نفسها في السي أن أن ولا البي بي سي !!!
و لو ما مجكس جنس كلامك دا بطفش منك الجكسات !!!
|
Post: #52
Title: Re: تفشى الخبر!!!!!
Author: محمد سنى دفع الله
Date: 01-05-2008, 10:51 AM
Parent: #50
الشمار كاتلني
وروحي ساكنها الموسيقى
قلت لي الإيطاليين حتو حت
ماتورينا الصور
الكلام ده صحي ولا مجاملة السودانيين
نحن قسما عظما ما بنيضع في الكشف بتاعنا
يا اكون حتو صاخ ولا نخنا بنزغل
وهل حتو حت فيهو جبجبة ولا حت اخر زمن ساكت
فاتتني الحت والجبجبه على الطريقة الأيطاليه
عطووووفه في الدلع بتبقى (( تووفا ))
خبريناانا ماعلى بالكتمان ولا الخطبوها
انا على بالحت الإيطالي والكشف الأصلي
|
Post: #54
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 11:00 AM
Parent: #52
والله العظيم يا سنسوني من شدة ما حتوا لامن بقيت فاتحة خشمي زي العبيطة طول الوقت عارف الناس ديل
بس أديهم راس الخيط وخليهم يحيروك والعريس صغيروني كان شفته بالحريرة والضريرة وجنس بشير ونطيط
سبحان الخالق واللون بمبي وعروسنا أبنوسة مناي يا الخضرا و زيتونة لو شفتو القمر البرقص في سنونا
وكمان أمانة ما في شمارات بس خليها ساكت عايزالة ماسنجر .. الله يهديك يا حاج بكري ما ترجع الماسنجر
وتخلي الطبق مستور ؟؟ شكرا على فضول البشر ...
|
Post: #53
Title: Re: تفشى الخبر!!!!!
Author: Mohamed Kheir
Date: 01-05-2008, 10:54 AM
Parent: #50
استاذة عواطف لك الود
انا معجب بالحيل بي مواضيعك
الحقيقة انك بتناولي حقايق مهمة باسلوب سلس
سؤالي
لماذا تلجا بعض البنيات للاقتران باجنبي
وما هو راي مجتمنا في الوليدات الاخدو بنيات اجانب
خاصة في التلاتة عقود الاحيرة
ابو ياسين
|
Post: #55
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 11:04 AM
Parent: #53
أبو ياسين !!!
شكرا على كلامك السمح وجميل ,,,
الجماعة ديل خلى بالك عايزين يطلعوا جيل خلاسي يعني بعد مية سنة كدا لو ربنا مد في عمرك حتفتكر
نفسك في فنزويلا ( كاراكاس ) وكل ملكات الجمال هيكونوا من أندنا !!!
|
Post: #56
Title: Re: تفشى الخبر!!!!!
Author: sama7
Date: 01-05-2008, 11:04 AM
Parent: #1
سلام تانى يا استاذتنا
ما عاوزة أغير مجرى البوست لكن لا أرى حرج فى الزواج من الأجنبى
نحن ليه دائما بنخاف من التجارب الجديدة ونقول الحياة تجارب
بعدين قصة ما مضمون الزمن دا بقت بتنطبق على السودانى بنفس القدى للأجنبى
بعدين نحن لاقين تحسين نسل حلو كدا
والله بعدين أولادهم وبناتهم يتخاطفوهم خطف هاهاها
---------------------------------------------
عارفة الأولاد بقولو الواحدة لو ما عقدوا عليها ما بقنعو منها حتى يوم العقد هاهاها
يعنى خلاص الدايرك دا دا دايرك no matter what you do
بينى وبينك الإهتمام حلو والإختيار صعب بين حبيب يملأ عليك الوقت وبين هو جاد وللا لأ
بس تبقى حقيقة أن فى ناس لسة ما بقدرو يكذبو فى مشاعرهم
والإنسان يقيم بمشاعره
مثلا ما بقدر حتى فى بيت بكا أدعى البكاء إذا لم أحس برغبتى فيه حتى لو الموقف صعب ودى بيلومونى فيها الناس بعيونها
فكيف يدعى الواحد الحب والله دى قصة عجيبة عشان كدا أنا مرات كتير بقول أنه حالة من الوهم يتأقلم عليها الواحد لكن لا أظنها حالة من الكذب.
حتى البواعد عشرة فى نفس الوقت أظن قلبه شايلهم كلهم بس ما لا أعتقد انه يضيع وقته فى قول ما لا يحس (قلوب الناس مذاهب) بعدين الأولاد الزمن دا نجيضين أصلهم ما بوعدوك بحاجة هم ما قدرها عشان كدا لا ينطبق عليهم الكذب... كلام حلو وضياع زمن والبنت جايبة خبر وواعية بس رافضة فكرة تركه والعودة للفراغ العاطفى ...
بجيك تانى
مودتى
سماح
|
Post: #58
Title: Re: تفشى الخبر!!!!!
Author: Nasruddin Al Basheer
Date: 01-05-2008, 11:09 AM
Parent: #56
(الحب الحقيقي هو حب الوالدين)
من أقوال واحد مشوكش..
|
Post: #60
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 11:14 AM
Parent: #58
نصرالدين !!!
ربنا ينصرك على الشوكشتك ,,,
الحب الحقيقي يا أسود يا أبيض لكن مش رمادي !!!
|
Post: #59
Title: Re: تفشى الخبر!!!!!
Author: عواطف ادريس اسماعيل
Date: 01-05-2008, 11:11 AM
Parent: #56
سماح !!!
العود أحمد ,,,
زمان عملت موضوع عن خطيب في الكف وآخر على الرف سمعت حكايات وبلاوي من البنات والأولاد في واحد قال
عنده عشرة بكتب ليهم نفس الكلام وبعدين بيعمل كلك على SEND 4 ALL تصوري العبث بالمشاعر إلى أي مدى
أما حكاية زواج الأجانب لا أقول هذا الكلام تشجيعا ولكن دة الحاصل البنات المتزوجات من أجانب ما زلن
يعشن في أمن و أمان رغم إنهن ما جميلات أبدا وهذا ما يدل على أن مقاييسهم تختلف عن مقاييسنا أما
الاتزوجن من سودانيين مولودين بالإمارات أو السودان تلاتة أرباعهن رجعن إلى بيوتهن بخفي حنين وما
عارفة السر شنو ؟ هل الأجنبي ما زال يعمل بعقيدته المسيحية و أن الطلاق حرام أم أنه أكثر مسئولية ؟؟
|
Post: #62
Title: Re: تفشى الخبر!!!!!
Author: امير عوض الجمري
Date: 01-05-2008, 11:48 AM
Parent: #1
| Quote: عاد يا أمير يا أخوي ما بسألك .. الجكسوية سجم خشمها !!! |
سجم خشمها هي وامها وابوها وخشمي انا ذاتي.
| Quote: وممكن من أول يوم تلقى نفسها في السي أن أن ولا البي بي سي !!! |
اسكتي ساكت اوبرا وينفري ذاتها تناقش موضوعها .. لالالا انا منتهي عارف رقبتي 11 ما بنفع معاكن!!
| Quote: و لو ما مجكس جنس كلامك دا بطفش منك الجكسات !!! |
هي ي ا عواطف ده ما كان زمان جكسناهن وطفشن وانتهن واسي مع بناتي الشمّارات ديل مافي طريقة جكيس الله يسترن ساكت.
Quote: أعتذر لتتأخير فقد سهرنات البارحة حتى الصباح في زواج مهندسة سوادنية ومهندس أيطالي أمبارح كانت
الصبحية العروس رقصت رقيص الهنا والمنى والطليان كشفوا كشف السواد والرماد والرماد و هسة ماشة أستعد
لحفلة الزفاف .. |
حظظظظظظظظظظظظظظظظظظظظظظظظظظظظظظظظظظظظظظكم
|
Post: #63
Title: Re: تفشى الخبر!!!!!
Author: ابوبكر يوسف إبراهيم
Date: 01-05-2008, 05:39 PM
Parent: #62
الأخت عواطف
سلام على روحك الطيبة
واقول : الله يجازي محنك؟!! .. الأخ المتداخل مجاهد كتب عن معرفته لمن كتب "أبا الهول" القصيدة وبالطبع لا بد أن يكون عارفاً لماذا أسبغ عليه لقب أبا الهول ومن أطلقه فيا ليته يروي المزيد.. ربما كان معنا في الدمازين .. ود الخليفة الحسن وأخوته بلديات وجيران وأما الحسين عليه رحمة الله فكان فوق هذا وذاك صديقاً.. المهم أنت أحببت أعشاش الدبابير عشان كده بعض الأعزاء المتداخلين وصفوا زمنهم بالجميل ولا أعرف ماذا نطلق نخت على زمننا ( زمانا فات وغناينا مات .. السنة الفاتت والمرة الماتت .. حسين ولدي حك لي شنبي)!! الدنيا دبنقا كما قال محمد سليمان
|
Post: #64
Title: Re: تفشى الخبر!!!!!
Author: مدثر محمد ادم
Date: 01-05-2008, 07:29 PM
Parent: #63
طوفه سلامات
دائما هابشة فيني جرح
ودا الحيرني
وتسلم حروفك يارائعة
في عز الفرح
|
Post: #72
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:24 AM
Parent: #64
دودي !!!
ودي ,,,
الجرح دة يا ود أمي إنشاء الله ما يكون شاكوش !!! أصلو بنات الزمن دة الواحدة بتتولد وفي يدها عدة
الشغل ,, شكرا أيها الشاعر الرقيق وتبرى من الشواكيش .
|
Post: #71
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:12 AM
Parent: #63
حاج بكري !!!
سلام على روحك الشفيفة وكل يوم وأنت بألف صحة وعافية ,,,
الله يجازي محني ؟ أي محن في المحن ؟ ما هي كتيرة لا تحصى ولا تعد في محن في الصحن ما شات وبردحن
وفي محن في المنبر قاعدات يتشمشرن !! عموما شكرا على طلتك الأنيقة بس ليه كدا ؟ تقول زمنك فات
وغنايك مات والله إنت في عز الشباب وتاني ما تقول إنتهينا نحنا يا دوبنا ابتدينا وعلى فكرة غناينك
كلهم موجودين وعايشين في أمن وأمان وكمان في عز الشباب منهم وردي ,, كابلي ,, عثمان حسين وهلم
جرا أليس كذلك ؟ بلى !!!
|
Post: #67
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 07:28 AM
Parent: #62
أموري !!!
أمها وأبوها ديل خليهم في محلهم لأنها لما جكستك ما شاورتهم لكن سجم خشمها هي براها !!!
أوبرا أصلها عايز ناس من الدول النايمة أقصد النامية تعمل معاهم لقاءات عشان تعرف دول العالم
العاشر ديل مشاكلهم زي مشاكل ناس الدول المتقدمة لذك أنا برشحك إنت والجكسوية بتاعتك ِشو رأيك
تئبر ألبي ؟؟؟؟
بناتك الشمشارات ديل أفضل طريقة تتخلص منهن تدخلن في سودانيز أون لاين ( اللهم أشغل أعادائي
بأنفسهم )
حظنا وبس ؟؟ عاد غايتو عرس حدث بعد كدة السودانيين ليهم الله وعيشة السوق اليورو في السما والبنات
حلفن تاني ما يتعاملن مع الدولار ولا الجنيه السوداني !!! ( إتحاد الدول الأوربية وبس ) !!
|
Post: #65
Title: Re: تفشى الخبر!!!!!
Author: أحمد الشايقي
Date: 01-05-2008, 09:24 PM
Parent: #1
سلام يا عواطـف
جيت اسلم عليك
حكاياتك حلوة
بس احلى مافي الموضوع رقيص الطليان,
شعب متحرك ومتحرر بدون أي فرامـل
وحلوين حلاوة روما القديمـة
ارقصوا لينا معاكـم
والتحيـة كبيييييييرة
أحمـد
|
Post: #66
Title: Re: تفشى الخبر!!!!!
Author: ود الباوقة
Date: 01-05-2008, 09:35 PM
Parent: #65
Quote: الحب الحقيقي هو حب الوالدين)
من أقوال واحد مشوكش.. |
نصر الدين دا ... على وزن واحد غلبو يبني بيت .. قال البيت بيت الآخرة .. فعلا بيت الاخرة.
التحية لك اختنا عواطف ...
ود الباوقة
|
Post: #70
Title: Re: تفشى الخبر!!!!!
Author: الطيب شيقوق
Date: 01-06-2008, 08:58 AM
Parent: #66
عواطف كيفك وكل عام وانت بالف خير
انت عارف يا العواطف السمحة ام ولدى دى بعد رحلتها البندر ودخلن عليها حريم البندر بقت كلما انادي واحدة من بناتي تجيب لي موية او شاى تدفر ليك بتها بعيد وتجى قالدلة بالموية او الشاى براها وتجلس جنبي حاكرة كراع في كراع علا (بكسر العين) انا بطنش منها بكون ماسك الرموت كنترول اقلب ليك في القنوات الفضائية ساااااااااااى يعنى بصراحة اديها عنقرتي عديييييييل كده . لكن عندما اعود الى السودان في اجازتي السنوية في الايام الاولى هيييييييييييييييع بس يا ام فلان جيبي ويا ام فلان سوى القهوة المتنتنة بالهبهان وبكون مشنق ليك الطاقية فوووق وبعاين ليها ساااااااااااى .
اها لقيتيني كيف ؟
|
Post: #75
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:34 AM
Parent: #70
أبو العرسان التلاتة !!!
أقصد الحيشان حمد لله على السلامة ,, العرس كان كيف ؟؟؟
طبعا لقيتك غتيت جنس غتاتة وأها والطاقية المشنقها دي بتخليها هناك ولا بتجيبها معاك ؟؟
|
Post: #74
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:32 AM
Parent: #66
ود الباوقة !!!
سلامات ,,,
وينك يا ريال ؟؟؟
من ساعة الطيارة فتتك ولا فاتت عروسك ما بتذكر وعيك لا خبر ولا أثر ,,,
تحياتي لناس الباوقة أم زهور ..
|
Post: #73
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:29 AM
Parent: #65
ودالشايقية الصافي النية !!!
سلام كتير ما شوية ,,,
عارفة الجماعة ديل الناقصهم شنو ؟ ملاحك اللخدر داك وفاوضني بلا زعل والله كان بدعوا !!!
نرقص ليك معاهم شنو هم نان خلولنا فرقة ؟ والله مافي سنتمتر فاضي لو رفعت الكرسي تلقى تحتو طلياني
معليش العرس الجاي غايتو لغاية هسة حضرت لي عرس مجري وأمريكي وطلياني وشيكي وفرنسي وهولندي
وانجليزي وسويسري وبرضك تقول لي فاوضني بلا زعل ؟؟؟
|
Post: #69
Title: Re: تفشى الخبر!!!!!
Author: sama7
Date: 01-06-2008, 08:52 AM
Parent: #1
صباح الخيييييييير
حسى فى زمتك يا أستاذة الزمن دا فى أغانى فىها دسديس خبرا متل دا؟؟؟؟؟
حقو ناس الشواكيش يدونا تجاربهم الخربا تفشى الخبر زى سعادتك أستاذتنا
لكن انت والله بالغت معاه ظلمتيه ظلم الحسن والحسين
الزول كل ذنبه إنه سابق زمانه و مشكلته إنه جاد
أها نقول شنو حسا نحن .. كنت دايرة تجكسيه ساااااااااااي
بينى وبينك يا أستاذة هو كان داخل ليك راسك؟؟؟؟ هاهاها دا هزار ساى زى حق شيخ الطقى لوووووووووووول
مودتى
سماح
|
Post: #76
Title: Re: تفشى الخبر!!!!!
Author: Mustafa Mahmoud
Date: 01-06-2008, 09:38 AM
Parent: #69
حبيبة عمري !!!
حبيبة قلبي !!
وهل كان ذنبي ..
!ذا كنت يوما ..
نسيت الحذر ..
ففي ذات يوم ..
كثير الغيوم ..
قصير العمر ..
ذكرت مكانا ..
عزيزا علي ..
أنا وأنت ..
فيه و الأخر ..
ذكرت حديثك ..
ذاك الخجول ..
وصوتك ينساب ..
منه الخفر ..
|
Post: #78
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:43 AM
Parent: #76
حبيبة عمري !!!
حبيبة قلبي !!!
تفشى الخبر ..
وذاع وعم ..
القرى والحضر ..
وكنت أقمت ..
عليه الحصون ..
وخبأته من ..
فضول البشر ..
ولكن برغمي ..
تفشى الخبر ..
|
Post: #77
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 09:40 AM
Parent: #69
سموحة !!!
يسعد مساك ,,,
والله بيني وبينك كان جاد ولمن اتذكر الشاكوش أعاقب نفسي بأغنية في الليلة ديك أسمعها عشرة مرات
في اليوم ومرة عند اللزوم زي البندول لكن تقول شنو يا بت أمي عوارة ناس زمان قلت بعدين أمه تقوم
تعيرني وتقول لي أنت عارفة ولدي من زمان ياالقاهر وعاملة لي مسكينة وإنت كاتلة الجدادة وخامة
بيضها والله الزول كان عديل وما عنده عوجة لكن القسمة والتصيب وأنا من خجلتي منه بقيت جنب بيتهم
ما بمشي عشان ما ألاقيه شفتي الشعور بالذنب بيصل لغاية وين ؟؟ لوووووووووول !!!
|
Post: #79
Title: Re: تفشى الخبر!!!!!
Author: الطيب شيقوق
Date: 01-06-2008, 09:46 AM
Parent: #69
هلا هلا يا العواطف العرس فنانو قريبك صديق سرحان الذى بدأ الحفل بمدحة الشيخ الطائرة سودانية والشياب كلهم جو قعدوا ليك في المقاعد الامامية وبعد شوية الفنان قلب ليك الشغلانية للغناء العاطفي وكانت اغنية ( حديثك حديث يا اسماء ورقيصك رقيص يا اسماء جنننت ليك الدنيا كلها واعقبها ليك بعصار المفازة التي جاطت الشغلانية كلها العرب جوا ليك من اخر الدنيا شايلين السيوف والعكاكيز المضببة وراحوا عارضين صقرية وصديق ذاتو نزل ليك معاهم يعرض بالسيف كان مشهد رهيب خاصة عندما قلب لاغنية سال من شعرها الذهب .
كان من ضمن الحضور اخ صحفي من ربك اسمه بابكر الجاك الذى تفضل مشكورا بكتابة عمود في جريدة البداية عن انطباعاته عنها وسجل شكرنا لكم جميعا اعضاء المنبر العام .
| Quote: طبعا لقيتك غتيت جنس غتاتة وأها والطاقية المشنقها دي بتخليها هناك ولا بتجيبها معاك ؟؟ |
الطاقية شغالة زى مؤشر سوق الاوراق المالية ترتفع في بدايات العودة الى السودان وتنتكس تدريجيا مع تراجع حميمية الجزر العاطفي الى ان تصل مرحلة اضعف الايمان ؟؟؟؟؟؟؟؟؟؟؟.
|
Post: #80
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 10:02 AM
Parent: #79
الطيب !!!
لكن ما تقول لي عرسكم عينة يا بثينة !!! سال من شعرها الذهب عديل كدا ؟؟ مش معقول ..أها إنشاء الله
يكون إنسكب ؟؟ ولا لسة متدلي وما انسكب ؟؟
أما الطاقية بتاعة البورصة دي بالغت فوكا عديل كدة بالله رسل لينا منها 2 بالإيميل عشان نقدر نعرف
المؤشر ماشي على وين ؟؟؟
|
Post: #81
Title: Re: تفشى الخبر!!!!!
Author: sama7
Date: 01-06-2008, 10:09 AM
Parent: #1
عارفة يا أستاذة عطوفة
زمان سمعت مثل بقول القسمة لما تجى بتجى معاها البكامة
يعنى الواحدة بتسكت حتى لو فى رأسها مليون شئ بتلقى نفسها سكتت والموضوع مشى
أنا بقول القسمة لما تكون ما فى النصيب برضو بتجى معاها البكامة هاهاها
يعنى أنا الزول الحبيته مدام أصلا البوست جاب فت ورق وكنت متعلقة بيه شديد
أول ما فكر بالعرس قلت لأ وكان سألتينى ليه للحظة دى ما عارفة هاهاها
وكل مرة يقول لى انت ليه قلت لأ بقول ليه بس لأ وما بقول ما عارفة لما قنع
لكن ما بلوم نفسى عشان الفرمالة الحافظينها: (القسمة والنصيب)
بس دى كانت قصة بالدس زى ناس حبيبة عمرى وبخاف أسأل عليك الناس
مودتى
سماح
|
Post: #82
Title: Re: تفشى الخبر!!!!!
Author: Mustafa Mahmoud
Date: 01-06-2008, 10:22 AM
Parent: #81
>> نزار قباني >> نهر الأحزان
نهر الأحزان
عيناكِ كنهري أحـزانِ
نهري موسيقى.. حملاني
لوراءِ، وراءِ الأزمـانِ
نهرَي موسيقى قد ضاعا
سيّدتي.. ثمَّ أضاعـاني
الدمعُ الأسودُ فوقهما
يتساقطُ أنغامَ بيـانِ
عيناكِ وتبغي وكحولي
والقدحُ العاشرُ أعماني
وأنا في المقعدِ محتـرقٌ
نيراني تأكـلُ نيـراني
أأقول أحبّكِ يا قمري؟
آهٍ لـو كانَ بإمكـاني
فأنا لا أملكُ في الدنيـا
إلا عينيـكِ وأحـزاني
سفني في المرفأ باكيـةٌ
تتمزّقُ فوقَ الخلجـانِ
ومصيري الأصفرُ حطّمني
حطّـمَ في صدري إيماني
أأسافرُ دونكِ ليلكـتي؟
يا ظـلَّ الله بأجفـاني
يا صيفي الأخضرَ ياشمسي
يا أجمـلَ.. أجمـلَ ألواني
هل أرحلُ عنكِ وقصّتنا
أحلى من عودةِ نيسانِ؟
أحلى من زهرةِ غاردينيا
في عُتمةِ شعـرٍ إسبـاني
يا حبّي الأوحدَ.. لا تبكي
فدموعُكِ تحفرُ وجـداني
إني لا أملكُ في الدنيـا
إلا عينيـكِ ..و أحزاني
أأقـولُ أحبكِ يا قمـري؟
آهٍ لـو كـان بإمكـاني
فأنـا إنسـانٌ مفقـودٌ
لا أعرفُ في الأرضِ مكاني
ضيّعـني دربي.. ضيّعَـني
إسمي.. ضيَّعَـني عنـواني
تاريخـي! ما ليَ تاريـخٌ
إنـي نسيـانُ النسيـانِ
إنـي مرسـاةٌ لا ترسـو
جـرحٌ بملامـحِ إنسـانِ
ماذا أعطيـكِ؟ أجيبيـني
قلقـي؟ إلحادي؟ غثيـاني
ماذا أعطيـكِ سـوى قدرٍ
يرقـصُ في كفِّ الشيطانِ
أنا ألـفُ أحبّكِ.. فابتعدي
عنّي.. عن نـاري ودُخاني
فأنا لا أمـلكُ في الدنيـا
إلا عينيـكِ... وأحـزاني
|
Post: #84
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 10:32 AM
Parent: #82
قدر أنت .. بشكل امرأة
وأنا مقتنع بهذا القدر
إنني بعضك يا سيدتي
مثلما الأخضر بعض الشجر ..
وأنا صوتك يا سيدتي
مثلما الآه امتداد الوتر
مطر يغسلني أنت , فلا
تحرميني من سقوك المطر
بصري أنت .. وهل يمكنها
أن ترى العينان دون البصر ؟؟
|
Post: #83
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 10:25 AM
Parent: #81
سموحة !!!
حكاية البكامة دي عجبتني شديد بس ما تخليها دايما معاك عشان ما تطفش منك العرسان الكويسين ولا شنو
رايك ؟؟؟ وبعدين بعد ما الواحد يدخل سودانيز أون لاين أفتكر البكامة بتروح وبيكون فصيح ونصيح غايتو
بنديك فرصة لغاية نهاية 2008 و بعد داك بنجيب عريسنا ونجي وما بنعرف بكامة ولا نضامة ومن هسة بنقوم
نحجز الصالة والغناية ديل أهم شيء في العرس وبعد داك كله هين !!! هاهاها مش ؟؟؟
|
Post: #85
Title: Re: تفشى الخبر!!!!!
Author: sama7
Date: 01-06-2008, 10:34 AM
Parent: #1
سودانى وللا ..................
والنقط دى أمليها كيف ما تحبى بس أنا دايرة النقط دى هاهاها
|
Post: #86
Title: Re: تفشى الخبر!!!!!
Author: Mustafa Mahmoud
Date: 01-06-2008, 10:36 AM
Parent: #85
>> نزار قباني >> أحبك جداً
أحبك جداً
أحبك جدا
واعرف ان الطريق الى المستحيل طويل
واعرف انك ست النساء
وليس لدي بديل
واعرف أن زمان الحبيب انتهى
ومات الكلام الجميل
لست النساء ماذا نقول..
احبك جدا..
احبك جدا وأعرف اني أعيش بمنفى
وأنت بمنفى..وبيني وبينك
ريح وبرق وغيم ورعد وثلج ونار.
واعرف أن الوصول اليك..اليك انتحار
ويسعدني..
أن امزق نفسي لأجلك أيتها الغالية
ولو..ولو خيروني لكررت حبك للمرة الثانية..
يا من غزلت قميصك من ورقات الشجر
أيا من حميتك بالصبر من قطرات المطر
أحبك جدا واعرف أني أسافر في بحر عينيك دون يقين
وأترك عقلي ورأيي وأركض..أركض..خلف جنوني
أيا امرأة..تمسك القلب بين يديها
سألتك بالله ..لا تتركيني
لا تتركيني..
فما أكون أنا اذا لم تكوني
أحبك..
أحبك جدا ..وجدا وجدا وأرفض من نار حبك أن أستقيلا
وهل يستطيع المتيم بالحب أن يستقيلا..
وما همني..ان خرجت من الحب حيا
وما همني ان خرجت قتيلا
|
Post: #88
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 11:44 AM
Parent: #86
رسالتك في صندوق بريدي , فلة بيضاء
حمامة أليفة ..
تنتظرني لتنام في جوف يدي .
فشكرا يا سخي اليدين ..
شكرا على موسم الفل ...
تسألين :
ماذا فعلت في غيابك ؟
غيابك لم يحدث .
ورحلتك لم تتم .
ظللت أنت وحقابئك قاعدة على رصيف فكري
ظل جواز سفرك معي
وتذكرة الطائرة في جيبي ..
|
Post: #87
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 11:24 AM
Parent: #85
عندنا جميع الجنسيات بس إنت تأمر يا جميل !!!
|
Post: #89
Title: Re: تفشى الخبر!!!!!
Author: سميح جمال
Date: 01-06-2008, 11:45 AM
Parent: #87
تسائلونى من انت وهى عليمة!
وهل بفتى مثلى على حاله نكر؟!!
___________________________
وكانت تلك حواراتهم وكان ذاك حبهم ولطفهم
فهل ترى نستطيع ان نظفر بحميمية مثل تلك
ام ان واقع السودان متطرف حتى فى عاطفته؟
____________________________
عواطف:
لماذا احيانا نشتاق لاناس قد لا يهتمون حتى لشوقنا لهم؟!!
|
Post: #90
Title: Re: تفشى الخبر!!!!!
Author: Mustafa Mahmoud
Date: 01-06-2008, 11:50 AM
Parent: #89
>> نزار قباني >> رسالة من تحت الماء
رسالة من تحت الماء
إن كنتَ صديقي.. ساعِدني
كَي أرحَلَ عَنك..
أو كُنتَ حبيبي.. ساعِدني
كَي أُشفى منك
لو أنِّي أعرِفُ أنَّ الحُبَّ خطيرٌ جِدَّاً
ما أحببت
لو أنِّي أعرفُ أنَّ البَحرَ عميقٌ جِداً
ما أبحرت..
لو أنِّي أعرفُ خاتمتي
ما كنتُ بَدأت...
إشتقتُ إليكَ.. فعلِّمني
أن لا أشتاق
علِّمني كيفَ أقُصُّ جذورَ هواكَ من الأعماق
علِّمني كيف تموتُ الدمعةُ في الأحداق
علِّمني كيفَ يموتُ القلبُ وتنتحرُ الأشواق
إن كنتَ قويَّاً.. أخرجني
من هذا اليَمّ..
فأنا لا أعرفُ فنَّ العوم
الموجُ الأزرقُ في عينيك.. يُجرجِرُني نحوَ الأعمق
ازرق ازرق
لاشيء سوى اللون الازرق
وأنا ما عندي تجربةٌ
في الحُبِّ .. ولا عندي زَورَق
إن كُنتُ أعزُّ عليكَ فَخُذ بيديّ
فأنا عاشِقَةٌ من رأسي حتَّى قَدَمَيّ
إني أتنفَّسُ تحتَ الماء..
إنّي أغرق..
أغرق..
أغرق..
|
Post: #94
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 12:04 PM
Parent: #90
أنا ممنوع من ..
من دخول مملكتك الصغيرة ..
فلا أعرف في أي ركن ..
وأي المجلات ..
لا أعرف لون غطاء سريرك ..
و لا لون ستائرك ..
لا أعرف شيئا عن عالمك الخرافي
ولكنني أخترعه ..
أضع الأبيض .. على الأحمر
والأزرق .. على الأصفر ..
حتى عندي ثروة من اللوحات
لا يمتلك متحف اللوفر..
ولكن ..
إلى متى أظل أخترعك
كما يخترع الصوفي ربه ..
إلى متى ؟
أظل أصنعك من خلاصة الأزهار
كما يفعل بائع العطور ..
قطعة .. قطعة ..
من حقول التوليب في هولندا
وكرم العنب في فرنسا
وهفيف المراوح في إسبانيا ..
|
Post: #91
Title: Re: تفشى الخبر!!!!!
Author: الطيب شيقوق
Date: 01-06-2008, 11:55 AM
Parent: #89
Quote: أما الطاقية بتاعة البورصة دي بالغت فوكا عديل كدة بالله رسل لينا منها 2 بالإيميل عشان نقدر نعرف
المؤشر ماشي على وين ؟؟؟ |
حليك انت النائمة على حيلك دى ما بترسل الا عبر البريد المسجل هارد كوبي وبس .
|
Post: #93
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 11:57 AM
Parent: #91
هارد لك !!!
|
Post: #92
Title: Re: تفشى الخبر!!!!!
Author: عواطف ادريس اسماعيل
Date: 01-06-2008, 11:56 AM
Parent: #89
إذا الليل أضواني ..
بسطت يد الهوى ..
و أذللت دمعا ..
من خلائقه الكبر ..
سميح :
واقع السودان بالفعل متطرف إلى درجة الجنون .. كان الله في عون العاشقين ..
* نشتاق في كثير من الأحيان إلى أناس لا يعرفون حجم شوقنا لهم لأنهم يسيرون في الاتجاه المعاكس .
|
Post: #95
Title: Re: تفشى الخبر!!!!!
Author: Mustafa Mahmoud
Date: 01-06-2008, 12:09 PM
Parent: #92
نزار قباني >> جسمك خارطتي
جسمك خارطتي
زيديني عِشقاً.. زيديني
يا أحلى نوباتِ جُنوني
يا سِفرَ الخَنجَرِ في أنسجتي
يا غَلغَلةَ السِّكِّينِ..
زيديني غرقاً يا سيِّدتي
إن البحرَ يناديني
زيديني موتاً..
علَّ الموت، إذا يقتلني، يحييني..
جِسمُكِ خارطتي.. ما عادت
خارطةُ العالمِ تعنيني..
أنا أقدمُ عاصمةٍ للحبّ
وجُرحي نقشٌ فرعوني
وجعي.. يمتدُّ كبقعةِ زيتٍ
من بيروتَ.. إلى الصِّينِ
وجعي قافلةٌ.. أرسلها
خلفاءُ الشامِ.. إلى الصينِ
في القرنِ السَّابعِ للميلاد
وضاعت في فم تَنّين
عصفورةَ قلبي، نيساني
يا رَمل البحرِ، ويا غاباتِ الزيتونِ
يا طعمَ الثلج، وطعمَ النار..
ونكهةَ شكي، ويقيني
أشعُرُ بالخوف من المجهولِ.. فآويني
أشعرُ بالخوفِ من الظلماء.. فضُميني
أشعرُ بالبردِ.. فغطيني
إحكي لي قصصاً للأطفال
وظلّي قربي..
غنِّيني..
فأنا من بدءِ التكوينِ
أبحثُ عن وطنٍ لجبيني..
عن حُبِّ امرأة..
يكتُبني فوقَ الجدرانِ.. ويمحوني
عن حبِّ امرأةٍ.. يأخذني
لحدودِ الشمسِ..
نوَّارةَ عُمري، مَروحتي
قنديلي، بوحَ بساتيني
مُدّي لي جسراً من رائحةِ الليمونِ..
وضعيني مشطاً عاجياً
في عُتمةِ شعركِ.. وانسيني
أنا نُقطةُ ماءٍ حائرةٌ
بقيت في دفترِ تشرينِ
زيديني عشقاً زيديني
يا أحلى نوباتِ جنوني
من أجلكِ أعتقتُ نسائي
وتركتُ التاريخَ ورائي
وشطبتُ شهادةَ ميلادي
وقطعتُ جميعَ شراييني.
|
Post: #98
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 08:59 AM
Parent: #95
تصورت حبك ..
طفحا خفيفا على سطح جلدي ..
أداويه بالماء .. أو بالكحول
وبررته باختلاف المناخ ..
وعللته بانقلاب الفصول ..
وكنت إذا سألوني , أقول :
هواجس نفس ..
وضربة شمس ..
وخدش صغير على الوجه .. سوف يزول ...
تصورت حبك نهرا .. صغيرا ..
سيحي المراعي .. ويروي الحقول ..
ولكنه اجتاح بر حياتي ..
فأغرق كل القرى ..
وأتلف كل السهول ..
وجر سريري ..
وجدران بيتي ..
وخلفني فوق أرض الذهول ..
تصورت في البدء ..
أن هواك يمر مرور الغمامة
و أنك شط الأمان
وبر السلامة ..
وقدرت القضية بيني وبينك ..
سوف تهون ككل القضايا ..
وأنك سوف تذوبين مثل الكتابة فوق المرايا ..
وأن مرورالزمان ..
سيقطع كل جذور الحنان
ويغمر بالثلج كل الزوايا
تصورت أن حماسي لعينيك كان انفعالا ..
كأي انفعال ..
وأن كلامي عن الحب كان كأي كلام يقال
واكتشفت الآن .. أني كنت قصير الخيال
فما كان حبك طفحا يدواوى بماء البنفسج واليانسون ..
و لا كان خدشا طفيفا يعالج بالعشب أو بالدهون ..
و لا كان نوبة برد ..
سترحل عند رحيل رياح الشمال ..
ولكنه كان سيفا بلحمي ..
وجيش احتلال ..
وأول مرحلة في طريق الجنون ..
|
Post: #96
Title: Re: تفشى الخبر!!!!!
Author: elameen
Date: 01-06-2008, 12:13 PM
Parent: #1
خالص التحايا اختى عواطف
Quote: أتذكر عندما كنت طالبة بالجامعة أحبني أحد الزملاء حبا
صادقا لكنني لم أتواني في إعطائه شاكوشا كبيرا |
هو زمان اكان في شاكوش،،،، والله نحن بنتزكر زمان البنت ما بشاورها وشورتها بتكون بعد ما يخلص كل شيء.... تمامت شوروه يعنى.
Quote: وأصبحت قصص الحب والغرام تحتل
الصفحات الأولى من جرايد ونشرات الأخبار الرئيسية والمحلية وحصاد اليوم وشمارات الجيران وأحاديث الشوارع
ومقاهي الإنترنت و صحف المساء والتابلويد وبرامج السهرة والنشرة الجوية واخبار العملات ,وسوادانيز
|
والله الواحد يكاد ما يصدق عندما الواحدة تبادله الشعور وقتنا ذلك والله تلقاه الليل كل ما بنوم ذي التقول قارصه عقرب يتخيل كل كلمة قالتها ليه....
تحياتي
امين
|
Post: #97
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 08:44 AM
Parent: #96
أمين !!!
يسع صباحك ,,,
الشواكيش دي كانت في الجامعة ... خليك مع الزمن !!! هاها ..
البت المابشاوروها دي بتكون لسة ما خرجت من الطوع طبعا لكن بيني وبينك الجامعة كانت بتقوي العين
وبعدين سهر الليالي البتتكلم عنه يا ود أمي كان زمان زي ما بتقول ام كلثوم لكن ناس الزمن دة البحب
بنوم الساعة تسعة والبحبوها بتنوم الساعة سبعة مع الجداد وكل وحب وإنت طيب .
|
Post: #100
Title: Re: تفشى الخبر!!!!!
Author: وصال عالم
Date: 01-07-2008, 09:12 AM
Parent: #97
الأستاذة عواطف إدريس سلام ،،، وكل أمنيات تصبح في خانة الممكن محققة يارب!.
كل يوم أمر على البوست وأقرأ وأستمتع وأمتع ! سعدت جداَ بهذا الحكي اللطيف .. والتداخل العفوي لكل الأعضاء ..
قال أحدهم :
في عيد فالنتاين
فكّرتُ في مدائن الحُبِّ التي أعرفُها
فكرت في فينيسْيَا
الجسد المغسُولِ بالماء ... وبالحب ... وبالأحلام!!
ربنا يبعدنا من الشواكيش .. ويقرب البعيد !
وصال عالم
|
Post: #103
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 10:10 AM
Parent: #100
الرقيقة الأنيقة وصال !!!
اسعدت صباحا أولا ..
ثانيا بسم الله الرحمن الرحيم دي تدخل اليقين في القلب وتطرد الخوف من الشواكيش الطايرة شما ويمين
ثانيا مداخلتك اللطيفة كهمس النسيم تحمل بين طياتها أجمل معاني الود والمحبة .. أسعدتني ربنا
يسعدك دنيا وأخرى ..
ثالثا البطاقة الجميلة دي يكون العشاق اتخاتفوها ختف يعني بعد شوية حتبقى طابع بريد وربنا يستر ,,
مودتي ,,,
|
Post: #104
Title: Re: تفشى الخبر!!!!!
Author: Mustafa Mahmoud
Date: 01-07-2008, 10:16 AM
Parent: #103
>> نزار قباني >> كعصفورينِ ..
كعصفورينِ ..
اليوميات
- - -
(13)
أنا نهداي في صدري
كعصفورينِ ..
قد ماتا من الحرِّ
كقدّيسينِ شرقيينِ متّهمينِ بالكُفْرِ ..
كم اضطهدا ..
وكم جُلدا ..
وكم رقدا على الجمرِ ..
وكم رفَضَا مصيرهُما
وكم ثارا على القَهْرِ
وكم قطعا لجامَهُما
وكم هربا من القبرِ ..
متى سَيُفَكُّ قيدُهما ..
متى ؟
يا ليتني أدري ...
|
Post: #108
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 10:36 AM
Parent: #104
أقول أمام الناس , لست حبيبتي
وأعرف في الأعماق كم كنت كاذبا
و أزعم أن لا شيء يجمع بيننا
لأبعد عن نفسي وعنك المتاعبا
وأنفي إشاعات الهوى , وهي حلوة
و أجعل تاريخي الجميل خرائبا
وأعلن في شكل غبي , براءتي
وأذبح شهواتي .. وأصبح راهبا
و أقتل عطري .. عامدا متعمدا
و أخرج من جنات عينيك هاربا
أقوم بدور مضحك يا حبيبتي
وأرجع من تمثيل دوري خائبا
فلا الليل يخفي لو , أراد نجومه
ولا البحر يخفي , لو أراد المراكبا ..
|
Post: #112
Title: Re: تفشى الخبر!!!!!
Author: salma subhi
Date: 01-08-2008, 01:30 PM
Parent: #103
Quote: وأصبحت قصص الحب والغرام تحتل
الصفحات الأولى من جرايد ونشرات الأخبار الرئيسية والمحلية وحصاد اليوم وشمارات الجيران وأحاديث الشوارع
ومقاهي الإنترنت و صحف المساء والتابلويد وبرامج السهرة والنشرة الجوية واخبار العملات ,وسوادانيز
أون لاين ,وأغاني البنات والفضائيات , ستات الفول , أكشاك الخضار , ستات الشاي , الركشات و البصات |
عطوفة يا عسل
اصلو ما خيبت ظني قلت اشوف المنبر من ضمن نشرات الأخبار لقيتو موجود....
منعاً لأي آثار جانبية من فعل الشواكيش فالكتمان أفضل..عارفة يا عطوفة ياما بنسمع عن قصص ماشة تمام وأصحابها يتباهوا بيها فرحانين ....يا لطيف ما تسمعي الا الموضوع فرتق مش تفشى الخبر بس !!!
وبمناسبة الشاكوش نهديك الكاريكاتير ده...
دمت عطوفة العسل المنورة البورد بمواضيعها الحلوة
كل الود
|
Post: #116
Title: Re: تفشى الخبر!!!!!
Author: عواطف ادريس اسماعيل
Date: 01-19-2008, 11:15 AM
Parent: #112
سلوم !!!
يا الخاتية اللوم ,,,
ربنا يسعدك بقدر ما تسعدينا ببوستاتك ورودك الرائعة والصور الجميلة ,,,
فشل العلاقات له عدة أسباب أهمها الاستعجال وعدم التروي أو فهم الكرف الآخر بصورة أوسع غايتو يكفينا
الله شر المشوكشين والمشوكشات ,,
إنت العسل ياسلمى والله وبعتذر عشان اتأخرت عن الرد لظروف خارجة عن الإرادة ...
|
Post: #99
Title: Re: تفشى الخبر!!!!!
Author: sama7
Date: 01-07-2008, 09:07 AM
Parent: #1
قود مورنينق
قلت أمر أسلم.
أها بعد الحب والشواكيش الكتيرة دى:
سؤال خارج النص
والبين نارين ما عارفين يحبو ولا لأ يسوو شنو
البعرسو عن حب فى شهر العسل تقول ليك مستحيل الواحدة تعرس راجل ما بتحبه عشان صعب تستحمليه
وبعد 3 شهور تجى تقول أوعكم تعرسو زول بتحبوه كان عمل أى حاجة بتزعل يوم حتزعلى 10 يوم
وأى حاجة تقولى هو ما كان بقول لى كدا. دا غشانى وتقولى إنك ضيعت وقتك سااااى فى الكلام والوعود الفارغة.
عرسو من غير حب عشان تسود ثقافة الإحترام بيناتكم والوعود تكون كانت لى أبوك ما ليك عشان يحافظ عليها
والله حقو تفتحى لينا بوست عن كيف ننظر لى خطوات ما قبل الزواج الناجح ونشوف آراء وتجارب
مودتى
سماح
|
Post: #102
Title: Re: تفشى الخبر!!!!!
Author: محمد على طه الملك
Date: 01-07-2008, 10:02 AM
Parent: #99
زمان أهلكم قالوا (بطيخه) وإنتو ما دايرين تصدقوا وتباروا لي المسلسلات ..
..
عبد الناشف .
|
Post: #106
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 10:25 AM
Parent: #102
عبدالناشف !!!
إنت شايقي ولا رباطابي ؟؟؟
هسة مالك بوست الحب والغرام حولتو لينا لي سوق خضار بطيخ شنو وشمام شنو !!!
ياخي خلينا في الرومانسيات بتاعتنا إنشاء الله نكون عايشين في وهم برضه ما علينا !!
|
Post: #105
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 10:22 AM
Parent: #99
سماح !!!
سلامين ,,,
عاد يا بت أمي كان ما لبستي توب الجارات وجيتي مارة خشم خشمين ,, خبر خبرين ما بزعل منك عديل
كدي !! الرسول أقعدي وأشربي ليك فنجان قهوة وأدينا آخر الشمارات ,, قلت لي يا بت أمي البين نارين
ديل يسوا شنو؟ديل ليهم الله وعيشة السوق لا شوفتن تبل الشوق لا ردا يطمن !!!
أما حكاية تتزوجي ليك زول بتحبيه وتزعلي منه عشرة يوم دي عاد أسأليني منها أنا !! عشرة يوم شنو ؟
مرات عشرة شهور لمن يطلع الوعد هيروشيما أو نازاجاكي بتصدقي زميلتنا إشراقة النور عملت موضوع
عن تنصل الرجل من وعود ما قبل الزواج وما لقت و لا واحدة ما قالت زوجي ما اتنصل عن وعوده حتى
إشراقة ذاتها قالت زوجها العريس الأيام دي أنتصل من وعوده عشان كدا لازم نفتح بوست بوستين عن هذه
الإشاعات التي يطلقها المحبين قبل الزواج ومدى مصداقيتها بعد الزواج ..
سماح الرسول كان تمشي بس أشوف حلتي الفي النار دي وأجيك راجعة سمح ؟؟
|
Post: #101
Title: Re: تفشى الخبر!!!!!
Author: معتصم دفع الله
Date: 01-07-2008, 09:41 AM
Parent: #1
عواطف ازيك ..
يا حليل زمن الجوابات وسهر الليل الواحد كان يموت عشان يسمع ليهو كلمة حلوة أو يجيهو جواب طاير 
هسي تقوم تنزل ليك أغنية يجوك الجماعة يقولو ليك أها إن شاء الله خير ما يكون في شاكوش يعني وراك وراك غرامة غرامة أصلو رأسنا دا مكتوب عليهو يكون (مفلق) 
نتمنى انو يتفشى الخبر السمح ونسمع عن فرحة كل اتنين بحبو بعض ..
|
Post: #107
Title: Re: تفشى الخبر!!!!!
Author: عواطف ادريس اسماعيل
Date: 01-07-2008, 10:29 AM
Parent: #101
المفلق الأممي !!!
تحياتي ,,,
إنشاء الله تكون جات سليمة ؟ بس ما كل مرة بتسلم الجرة ,, مرات الفلقة أخير منها علقة !!!
بتصدق يا عصومي ناس الزمن دة ما بسيبوا الزول في حاله لو قعدت تسمع في الليلة ديك يقول ماخد
شاكوش ولو سمعت أول حب وآخر حب يقولو الزول دة ما براهو ولو سمعت مرسال الشوق يالكلك ذوق يقولو
ليك إنشاء الله مافي عوجة .. أها شن نسو ؟؟
|
Post: #109
Title: Re: تفشى الخبر!!!!!
Author: sama7
Date: 01-07-2008, 11:11 AM
Parent: #1
عطوفة سورى يا دوب قريت
بس برضو ما وريتينا نسمع ياتو كلام فيهم ناس شهر العسل وللا التانين
أنا غايتو مؤمنة إنه مافى زول زى التانى ومافى تجرية بتشبه تجربة تانية مور زان 50%
بجيك راجعة
|
Post: #110
Title: Re: تفشى الخبر!!!!!
Author: عواطف ادريس اسماعيل
Date: 01-08-2008, 01:06 PM
Parent: #109
سماح !!!
وأنت الصادقة ,,,
كل تجربة محتلفة عن الأخرى وفي الآخر أسمعي كلام عقلك وقلبك وتسلمي يا ست الحبايب ...
|
Post: #111
Title: Re: تفشى الخبر!!!!!
Author: Mustafa Mahmoud
Date: 01-08-2008, 01:20 PM
Parent: #110
>> نزار قباني >> إلى صديقةٍ خائفة
إلى صديقةٍ خائفة
لا تَعْبَأي..
إنْ ردَّدُوا أسماءَنا
في هذه المدينةِ الثَرْثَارةِ.. الواشِيَةِ..
القبيحَهْْ..
فليسَ في العالم ما يُطْرِبُني
أكثرَ من أنْ يَقْرعُوا من حولِنا
كُلَّ صباحٍ،
جَرَسَ الفضيحَهْ...
|
Post: #113
Title: Re: تفشى الخبر!!!!!
Author: وصال عالم
Date: 01-08-2008, 01:51 PM
Parent: #111
بسم الله الرحمن الرحيم
نص النهار .. والريق ناشف ... والقلب عامر جيتك
تقول:- حيرت أفكاري معاك ...!
أقول:-لامست إحساسي فداك..!
ولاتعرف لماذا تنساق إلي مرأة الوطن من بين آلاف المرايا.؟!
تحسس جواك ... جواك يدري ..! لتري صورتك الحقيقية ... صورة الوطن
وهو يستفرغك في وعاء الغربة ... ولست وحدك ... هانحن معك...!!!
- قررت ياوطني إغتيالك بالسفر - (نزارقباني)
تسلموا
وصال عالم
|
Post: #117
Title: Re: تفشى الخبر!!!!!
Author: عواطف ادريس اسماعيل
Date: 01-19-2008, 11:19 AM
Parent: #113
الجميلة وصال عالم !!!
تسلمي وتسلم كلماتك الرقيقة رقة مشاعرك ,,,
هكذا أنت دوما منورة ومشرقة ربنا يسعدك ,,,
|
Post: #114
Title: Re: تفشى الخبر!!!!!
Author: عواطف ادريس اسماعيل
Date: 01-09-2008, 07:24 AM
Parent: #111
أنا ضد كل التعاريف في الحب ..
فهي جميعا قوالب
وضد جميع الوصايا القديمة ..
ضد جميع النصوص , وضد جميع المذاهب ..
فلا يصنع الحب إلا التجارب ..
ولا يصنع البحر , الإ الرياح وإلا المراكب
ولا يستطيع الحديث عن الحرب .. إلا المحارب ..
أنا أفعل الحب .. لكن إذا سألوني عنه
فإني أفضل أن لا أجاوب ..
|
Post: #115
Title: Re: تفشى الخبر!!!!!
Author: الطيب شيقوق
Date: 01-09-2008, 07:36 AM
Parent: #114
عواطف
اللهم إنا نسألك في آخر يوم من هذا العام
بأن تنعم علينا بالطاعة والرضا
وأن تجعل العام الجديد عام خير على الجميع
تفرج فيه همنا وكربنا
وتمن علينا بخيرك وفضلك
وتغننا بحلالك عن حرامك وبطاعتك عن معصيتك
يارب العالمين
اها لقيتيني كيف يا زهرة الخليج ؟
|
Post: #118
Title: Re: تفشى الخبر!!!!!
Author: عواطف ادريس اسماعيل
Date: 01-19-2008, 11:21 AM
Parent: #115
لقيتك خطير ياسوق الأوراق المالية !!!
|
Post: #119
Title: Re: تفشى الخبر!!!!!
Author: عبد الدائم سيد أحمد
Date: 01-19-2008, 12:46 PM
Parent: #1
كده يا عواطف اغيب كم يوم اجي القى البوست عم القري والحضر
وهل كان ذنبي ..
!ذا كنت يوما ..
نسيت الحذر ..
|
Post: #122
Title: Re: تفشى الخبر!!!!!
Author: عواطف ادريس اسماعيل
Date: 01-21-2008, 12:05 PM
Parent: #119
عبودي !!!
سلامات ,,,
وحشتنا يا زول ,,, النجدة !!!
|
Post: #120
Title: Re: تفشى الخبر!!!!!
Author: Abdlaziz Eisa
Date: 01-20-2008, 05:06 PM
Parent: #1
العزيزة عواطف..
سلام
|
Post: #123
Title: Re: تفشى الخبر!!!!!
Author: عواطف ادريس اسماعيل
Date: 01-21-2008, 12:09 PM
Parent: #120
عزو !!!
سلامات ياأبن العم ...
تسلم من كل شر !!!
|
Post: #121
Title: Re: تفشى الخبر!!!!!
Author: Abdlaziz Eisa
Date: 01-20-2008, 05:14 PM
Parent: #1
العزيزة عواطف
سلام
Quote: عندما كنت طالبة بالجامعة أحبني أحد الزملاء حبا
صادقا لكنني لم أتواني في إعطائه شاكوشا كبيرا |
لا حول ولا قوة الا بالله... لم أصدق أنك بهذه القسوة المشاعرية..
| Quote: عكس أيامنا حيث كان الحبيب يموت كمدا إذا تركته حبيبته |
يعني صاحب الشاكوش ده نقول عليه الرحمة..
تحياتي
|
Post: #124
Title: Re: تفشى الخبر!!!!!
Author: عواطف ادريس اسماعيل
Date: 01-21-2008, 12:11 PM
Parent: #121
أعمل إيه يا عزو !!!
كل شيء قسمة ونصيب ,,,
|
Post: #125
Title: Re: تفشى الخبر!!!!!
Author: عواطف ادريس اسماعيل
Date: 01-23-2008, 08:38 AM
Parent: #1
عبدالدايم !!!
عملت زي ما قلت لي وما عارفة النتيجة شنو !!!
|
Post: #126
Title: Re: تفشى الخبر!!!!!
Author: الطيب شيقوق
Date: 01-23-2008, 08:43 AM
Parent: #125
| Quote: لقيتك خطير ياسوق الأوراق المالية !!! |
لكن الزهور احلى صاح ؟
انما اموالكم واولادكم شنو عطوفي ؟
|
Post: #127
Title: Re: تفشى الخبر!!!!!
Author: عواطف ادريس اسماعيل
Date: 01-24-2008, 10:51 AM
Parent: #126
إنما أموالك وأولادكم ( فتنة ) !!!
بس ما تنسى إنو قال المال والبنون زينة الحياة الدنيا ,,,
غايتو إتحيرنا ما عرافين نعمل شنو يا شقاشيقو؟؟؟
|
Post: #128
Title: Re: تفشى الخبر!!!!!
Author: mamkouna
Date: 01-24-2008, 11:10 AM
Parent: #1
بمناسبة عرس السودانيات و الأجانب يا عطوفة..
واحدة صاحبتي إتزوجت ألماني..
ضربت ليها يوم..رد علي هو..ما فهمت أي كلمة من القالها..
لمن جاتني قلت ليها...راجلك دا ما فهمت من كلامو و لا كلمة..
قالت لي...و إنتي قايلاني أنا الفاهماهو !!
|
Post: #129
Title: Re: تفشى الخبر!!!!!
Author: الطيب شيقوق
Date: 01-24-2008, 11:35 AM
Parent: #128
| Quote: غايتو إتحيرنا ما عرافين نعمل شنو يا شقاشيقو؟؟؟ |
نعمل الاتي :
اولا :نسد دي بطينة ودى بعجينة
ثانيا: نبعد من الشر ونغنيلو
ثالثا: نقول الزارعنا غير الله اللّجي يقلعنا
|
|
