مواضيع توثقية متميزة

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 09-24-2017, 07:18 PM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

بحري طراوة... ويا ناس بحري .. قالوا بتحبوا يلا حبونا..

07-22-2008, 04:02 PM

sanaa gaffer
<asanaa gaffer
تاريخ التسجيل: 11-16-2006
مجموع المشاركات: 1238

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: بعدين شايفك اليومين دي ...هشام ده زول ظريف وهشام نكته وهشام ...انا ما عارف شنو!!! الايامات دي بدل السكن ظهر ولا ادوهو ترقيه ولا حاريه ليكي احفظ مالك وانتو متجهين السودان ولا شنو؟؟؟؟؟ انا شامي ريحة انتهازيه ...ولا شنو يا ابو الهش....زي ما قال كمال؟؟


    لا وانت الصادق يا طارق ميرغني فيها جية الامارات قبل السودان نظام شوبينج وكدة يعني .. كيدهن عظيم

    غايتو يا ناهد ممكن نتبادل المنفعة .. انا اوريك احسن اسواق دبي .. وانتي تعلميني احسن طرق تكسير التلج ...




    ....

    والله يا ناس بحري مافي احلى منكم ..
                   |Articles |News |مقالات |بيانات

07-22-2008, 07:02 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخوان كمال,طاق,حسن..لكم التحايا والاجلال اصحاب العصر الجنى...والله حيرتوناإنتو ما من العصر الديناصورى انتو الظاهر من عصر الجن الذى سكن الارض قبل نزول سيدنا أدم (عليه السلام) الى الارض...

    شويه شويه...علينا احنا من عصر البرقر وبمبو...عشان كده لمن تجيبوا سيرة عصركم اسهبوا فى الوصف ...عشان نتابع وكده.




    Quote: [عندي نكتة عن حلتكم.. حيث كانت تسكن عمتي... وكان يسكن هناك وأحد وأسمه (سيد القوصي).. يبيع شختك بختك..

    وحدث أن أشترت منه إبنة عمتي (آمال).. علبة شختك بختك وطلعت فالصو.. فبكت وأندرعت للراجل وهي تبكي وتطالب برد القرش الدفعتو..

    حتى وصل الأمر لوالدها..اللذي كان كلامه نكتة وعلى بساطته.. فكان أن أبتدر أبنته.. بعبارة لوم وتوبيخ قائلا:

    يا آمال كملتي كل شيء كمان بقيتي تلعبي القمار مع سيد القوصي؟؟؟!!!!!

    فناب آمال جلدة.. وناب سيد القوصي هرشة رد بعدها القرش غير آسف


    بالله ياكمال ناس عمتى سكنوا المزاد والله انا كنت متخيل عمتى الله يرحمها اتولدت فى الشعبية...
                   |Articles |News |مقالات |بيانات

07-22-2008, 08:43 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Amgad Karrar)

    Quote: بالله ياكمال ناس عمتى سكنوا المزاد والله انا كنت متخيل عمتى الله يرحمها اتولدت فى الشعبية...


    أبن العم "أبو عمرو"

    كيف يا أخي ناس عمتك وعيت ولقيتهم في الختمية.. في الشارع البيمر من أمام سوق الختمية... بعد داك جو المزاد جنوب..ومنو للشعبية...
                   |Articles |News |مقالات |بيانات

07-22-2008, 08:07 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ ايهاب الفيتورى زميلنا بمدرسة بحرى الحكومية امتداد شمبات او الصافية شمال المنطقة الواقعه شمال شارع النقطة...

    من الفنانين الذينا سكنوا بحرى...الفنان ذيدان أبراهيم...


    سؤال للبحراوية المعاصريين...

    (عدل بواسطة Amgad Karrar on 07-22-2008, 08:58 PM)
    (عدل بواسطة Amgad Karrar on 07-22-2008, 09:00 PM)
    (عدل بواسطة Amgad Karrar on 07-22-2008, 09:04 PM)
    (عدل بواسطة Amgad Karrar on 07-22-2008, 09:21 PM)

                   |Articles |News |مقالات |بيانات

07-23-2008, 06:12 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Amgad Karrar)

    Quote: أيوة كدة يا أبو صلاح.. يا رائع... مالك ومال المشاكل

    عايز تبقى جناح "عبدالمنعم أبودية"؟؟؟ نحن عايزنك جناح "عبدالعظيم أبودية


    يا أبوكمال !!

    ما قالوا الولد خال...

    لكن ما حددوا ياتو خال!!
                   |Articles |News |مقالات |بيانات

07-23-2008, 06:16 AM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    نادر بسطاوي زكرني احلي كارو برسيم مره في شارع الضواحي
    كارو حكومه، و الشعبطه فيهو،
    يا حلااااااااااااااااااوه
    مشوار مجاني من دكان احمد الجعلي، لحدي المكوجي،في بيت سيد"دكان سليمان حاليا"
    و الجمهور يكورك
    و ياود انزل بتقع
    يا ود بطل شيطنه
    اصبر كان ما كلمته ليك امك،خالك، اخوك الكبير، و انا اضحك ساكت
    و الكارو ماشي بي راحه
    ياااااااااااااااااااااااه

    حافظ؟
    سمع
                   |Articles |News |مقالات |بيانات

07-23-2008, 06:20 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا ناهد !!! سامعاني؟ والله سياسه رشيده جدا اقتراح الحاجة للدكان بعدين اشتري من هسع كرسي القماش والشيشه .. ما تخافي عربون احفظ مالك وكده.بعدين واصلي كسير التلج اصلو الماهتين ما كفايه!!

    كمال السر والله لن انسي جلستنا مع اولاد بري علي البيتش كما كنا نسميه حينها قبل ما نعرف القرين فيلدج( نفذه والدي رحمة الله عليه) او فلل رئاسيه ولا كنابي وطنيه . وكنا نشد الحلل في ذاك اللسان.. اتذكر وبعدين..." الليله هوي يا ليل"!! صاااااااااااح!!

    بعدين سعد علي فرح ده... لا اله الا الله ... الذكرك ليهو شنو ؟؟ هو بالله عليك وين؟؟

    فالكون ... بالله انت من زمن دكان السجاره؟؟؟ سنضمك فورا الي فصيلة الديناصورات المتجذره!!

    يا قناوي انت شفت حاجه تابعني اليومين الجايات ديل حابتدي انزل الصور الجد جد!!!!

    الاخت سناء بالشايفو دا ناهد حتعلمك الاتنين الشوبنج وكسير التلج!!!!

    اخي امجد والله ابن عمك دا مش ديناصور دا اظنو الوضع الخريطة الوراثيه ذاتو!!!
                   |Articles |News |مقالات |بيانات

07-23-2008, 10:08 AM

Abuobeida Ali Abdullah
<aAbuobeida Ali Abdullah
تاريخ التسجيل: 08-13-2007
مجموع المشاركات: 262

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    اهل الطراوة والهمبريب

    آسفين للانقطاع بس مداومين على الاطلاع

    انتو يا ناس بحري وين مصران لاعب الكورة وعبدالله أخوهو اقدم كمساري في بصات الكندة

    وين كامل (سانتو الجبال) قريب ناس ود الحلا من الترسانة للتحرير البحراوي

    وين طاحونة أسكندر وسواقا الماحي

    ويا هيثم لبيب نسيت قدرة الفول في دكان الحنش

    و يا ياسر حامد ...عوض بخاري وسمير بشير دقو في عمك الزبير مقالب كثيرة خاصة ايام المولد

    يا كمال عنتر فعلا قريب ناس صابر طلبه بس كان دايم الوجود في شارعكم

    ويا ناهد بطلي كسير التلج وقولي هشام غرق كم نفر في البحر جنب الكازينو زمن الأعياد

    بالمناسبة بيت ناس عمر محمد الطيب كان وين في المزاد

    وصلاح ابو دية بحراوي اصيل بس نسى ديم قرشين

    ولسه مستمتع بالطراوة

    أبوعبيدة
                   |Articles |News |مقالات |بيانات

07-23-2008, 10:58 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Abuobeida Ali Abdullah)

    Quote: بالمناسبة بيت ناس عمر محمد الطيب كان وين في المزاد



    بيت ناس عمر كان جنب بيت ناس عمة طارق.. والدة عاصم وعاطف كروم...

    تعرف يا ابوعبيدة بحري دي لمت حاجات عجيبة.. يعني أشهر ناس الأمن كانوا منها.. زي الفاتح عروة وعمر محمد الطيب.. وكمان إنقلابيين زي ناس محمد نور سعد ومحمد جبارة.. غير إنو سكنها عبود..والبحاري وعروة..
                   |Articles |News |مقالات |بيانات

07-23-2008, 10:10 AM

Abuobeida Ali Abdullah
<aAbuobeida Ali Abdullah
تاريخ التسجيل: 08-13-2007
مجموع المشاركات: 262

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    اهل الطراوة والهمبريب

    آسفين للانقطاع بس مداومين على الاطلاع

    انتو يا ناس بحري وين مصران لاعب الكورة وعبدالله أخوهو اقدم كمساري في بصات الكندة

    وين كامل (سانتو الجبال) قريب ناس ود الحلا من الترسانة للتحرير البحراوي

    وين طاحونة أسكندر وسواقا الماحي

    ويا هيثم لبيب نسيت قدرة الفول في دكان الحنش

    و يا ياسر حامد ...عوض بخاري وسمير بشير دقو في عمك الزبير مقالب كثيرة خاصة ايام المولد

    يا كمال عنتر فعلا قريب ناس صابر طلبه بس كان دايم الوجود في شارعكم

    ويا ناهد بطلي كسير التلج وقولي هشام غرق كم نفر في البحر جنب الكازينو زمن الأعياد

    بالمناسبة بيت ناس عمر محمد الطيب كان وين في المزاد

    وصلاح ابو دية بحراوي اصيل بس نسى ديم قرشين

    ولسه مستمتع بالطراوة

    أبوعبيدة
                   |Articles |News |مقالات |بيانات

07-23-2008, 11:20 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Abuobeida Ali Abdullah)

    Quote: انتو يا ناس بحري وين مصران لاعب الكورة وعبدالله أخوهو اقدم كمساري في بصات الكندة


    والله يا أبوعبيدة أنت بتتذكر أسماء.... صحيح وين الأسم ده؟؟؟
                   |Articles |News |مقالات |بيانات

07-23-2008, 10:28 AM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    يا قناوي انت شفت حاجه تابعني اليومين
    الجايات ديل حابتدي انزل الصور الجد جد!!!!


    يا سلام عليك يا طارق بالله عاوزين

    صور لي كمال ده في الشعبية

    وفي المزاد

    وفي كرش الفيل

    مش الصورة الخاتيها دي

    تقول من زمن ستوديو أزاهر

    بتاع سعد قشرة الزمان داك

    ولك التحية
    ولي سيد الحوش

    وللبحراوية

    وللجميع فقط

    ودمتم سالمين
                   |Articles |News |مقالات |بيانات

07-23-2008, 10:51 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: وكنا نشد الحلل في ذاك اللسان.. اتذكر وبعدين..." الليله هوي يا ليل"!! صاااااااااااح!!
    ]


    طارق كان الغناء بيدأ حقيبة زي العجب ..ويمشي لغاية ما يحصل ..(أنا في شخصك أحترم أشخاص)...وبعد داك....تجي.. أغنية (يا عروسة يا صبية عندي ليك أجمل هدية..سافو.. سافو)...معلنا مسك الختام...
                   |Articles |News |مقالات |بيانات

07-23-2008, 10:38 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: ويا ناهد بطلي كسير التلج وقولي هشام غرق كم نفر في البحر جنب الكازينو زمن الأعياد

    [/QUOTE

    ابو عبيدة ....
    شوف كسير التلج (خير) لابد منه ....فى زمنا الاغبر ده ...والازمان الجاية كمان
    مش وردى قال...(فى زمن ماشى ....وزمن جاى..... وزمن لسة)




    الرسالة الاتيه من هشام ....






    Quote: يابوعبيدة ياخوى مالك علينا ياخى...
    ياخى فى الحتت الغريقة دى نحن علمنا الناس السباحة ...وفعلا كان فى ناس بيجوا يعوموا ومابيعرفوا ...وبنكلمهم انه الحته دى غريقة وبيصروا عليها وايام الاعياد بتتملى على الاخر بالناس ...وكانوا بيستعينوا باتحاد السباحة (بينا يعنى)بهيئة الانقاذ...وطبعا بنلقى بعض منهم خلاص فى الرمق الاخير وتكون ماسك التانى بيد واحدة ....وغير كدة وكدة ...كان بيكون فيهم
    الجاراه الدوامة فاذا حاولت مع الزحمة دى تنقذوا بيجرك معاه ....

    ايام والله ياابو عبيدة .....
                       |Articles |News |مقالات |بيانات

07-23-2008, 01:01 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    من شخصيات مدينة بحري

    المغفور له باذن الله الأستاذ علي ابراهيم محمد أحمد

    شقيق الأستاذ الجليل شكر ابراهيم الذي درس معظمنا مادة الأحياء بمدرسة بحري الثانوية

    وخال كل من راشد وجمال بحلة الدناقلة.

    كان علي ابراهيم من الشخصيات العامة وتولي عدة مهام عامة من بينهاكان المسئول الأول عن الرياضة بمدينة بحري في الستينيات.

    كان رياضيا مطبوعا محبا للأدب والثقافة.

    كان معروفا للجميع.

    هل تحدثنا عنه يا طارق
    وانت ومعاك كمال موسوعتي بحري ما شاء الله.
                   |Articles |News |مقالات |بيانات

07-23-2008, 11:52 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)



    هدية للأخ/ هشام رضا.. لأنو أكيد بيعرف نصفهم حيث أن بعضهم من الأملاك.. وهم قريبين من محل سكنه حسبما فهمت....

    --------------
    بحري طراوة
                   |Articles |News |مقالات |بيانات

07-23-2008, 01:27 PM

falcon
<afalcon
تاريخ التسجيل: 03-12-2002
مجموع المشاركات: 282

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    مشكور ياكمال

    نعم عماتك الله يرحمهن و يرحم موتانا كانت جيرانا و من عوائل كرش الفيل

    آل متولي ناس عصام متولي القنصل في دبي
    ال توفيق عثمان الصول والد عمر حارس مرمي الكوكب و كمال
    ال علي فرح والد سعد و عبود و خالد
    ال علي جلي
    ال بلاش
    ال الجعلي والد الدسوقي و التيمان حسن و حسين و عوض الجعلي لاعبي الامير
    ال محمد علي والد عثمان مريسة لاعب التحرير السابق و عماد كنش وديل كانو ما بين المزاد و كرش الفيل
    ال حاج رحمة
    ال مكي بشير والد ضمرة (عتوقة) حارس مرمي العامل و صاحب قهوة العمال بسوق العيش و هافانا
    ال سبيلة والد علي و شقيقة عمر
    ال محمد عبد الله الكودري
    و ذكرونا يا شباب اصول الذاكرة بايظة
                   |Articles |News |مقالات |بيانات

07-23-2008, 02:34 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: falcon)

    أخي فالكون...

    شكرا جزيلا على المعلومات عن كرش الفيل وشخوصها .. وأرجو أن تواصل
                   |Articles |News |مقالات |بيانات

07-23-2008, 06:58 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أولا أعتذر من الأخ/ أبو علي إبن أخت الأخ/الزين حسن فقد وجدت رسالتيه في junk mail وهانذا أنقل رسالتيه الأولى تلو الأخرى
    Quote: الاخ كمال
    تحية طيبة
    واشكرك على سرعة التجاوب
    من المتابعين جداً لبحري وعرفنا مجموعة كويسة من الدناصورات وبعضهم طشاش طشاش ومنهم انت لكني سأستعين باخي عبدالمنعم صالح (القصير) وهو طبعاً من القلائل الصامدين في السودان
    من من اولاد بحري لم يدرس في خلوة الفكي صالح هل تذكرها وطبعاً الفكي صالح لم يدرس القران في الخلوة الكانت في الختمية بالقرب من السكة حديد بينما كانت عيادته او مكان يأتي اليه الناس قرب شارع البوستة جنب دكان السيجارة مؤخراً وابنه كان مدير (ناظر) مدرسة الختمية الاستاذ بدرالدين صالح وعمنا واستاذنا الجليل في تلك الخلوة الله يرحمه على كل حال عثمان ونسيت المعاه ذي الالفه كده اسمه هل تذكر اسمه،، رحم الله من توفى منهم وامد الله في اعمار من بقي منهم ومتعهم والجميع بالصحة
    انه ولي ذلك والقادر عليه والسلام
    سنواصل اذا امد الله في ايامنا


                   |Articles |News |مقالات |بيانات

07-23-2008, 07:02 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وهذه الرسالة الثانية.. معليش يا أبوعلي ما شفت الرسالتين إلا الحين:
    Quote: لاخ كرار تحية
    ارسلت لك بريد قبل يومين تحدثت فيه عن خلوة الفكي صالح ومعلمها لكن رأيت واحد من الاخوان تطرق لها خطفا
    عموماً عايز أسأل كل الموجودين هل فيهم جرى خلف سيارة الموز
    وتحدث بعضهم عن طابونة فضل الله لكن الطابونة قرب مدرسة بنات الختمية اقدم من هذه
    وماذا وصلتم في اي الشوارع هو شارع الضبطية هل تذكر الضبطية الكانت مواجهة للركن الشمالي الشرقي لمدرسة الديوم
    لا اعرف ديناصور اعرق مني الا محمد عثمان محمد زميلكم في هذا الموقع كان يسكن اولا الديوم عند تقاطع شارع البوستة مع الصناعات عكس دكان السيجارة ومن ثم المزاد (قرب ناس الشهيد مسيرة الله يرحمه لو تذكر كانت فاجعة تخرج من الكلية وذهب للجنوب) وهم الان في الشعبية واظنه في اجازة في الشعبة هذه الايام

    تحية للجميع
    اخوكم/ابوكم/جدكم
    ابوعلي
                   |Articles |News |مقالات |بيانات

07-23-2008, 07:24 PM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وذلك بفضل الرعاية والأهتمام الذي كان يوليه للفريق الربان الكوتش القدير عوض اللة مصطفي


    يا سلام ياناس بحرى والله اكتر حته حبيتا فى العاصمه دى بحرى رغم انى جيت عابر وقريت عام دراسى واحد
    فى بحرى الحكوميه ,لكن أكيد طبعا ما دفعة طارق ميرغنى ولا صلاح شكوكو لكن البتذكرهم طشاش كده زاهر كباشى وعبدالله مبارك
    (حلة خوجلى) وواحد مشاغب كده من الحلفايا اسمو طارق(سمعت انو فى يوغندا) والرشيد عثمان (الشعبيه) وعصام(الاشلاق)
    وطارق الحلبى(حلة خوجلى) وسعيد العتبانى(المزاد جنوب) جار ناس عبده الشيخ .. ووليد محمد احمد (الحاج يوسف)
    .وناس كتار بخرتهم...الكلام ده كان سنة 84 ..ياسلام على ناس بحرى والله بتحبو ولى هسع لازم كلما اسافر ازور بحرى..
    رغم انى ساكن امدرمان...




    خارج النص
    _____________________________________________________________________________________________
    البوست ده نبهنى ليهو عمك عوض الله مصطفى طبعا هسع بقى الكوره ما قاعد يشوفهاولا حتى فى التلفزيون
                   |Articles |News |مقالات |بيانات

07-23-2008, 07:28 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    شكرا يا أخي آدم موسى...

    يا أخي مرحب بيك ومرحب بالأخ/ عوض الله مصطفى.. وعوض الله يسكن في المزاد؟
                   |Articles |News |مقالات |بيانات

07-23-2008, 07:18 PM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا كمال كرار

    السلام عليكم

    الظاهر ما شفت مداخلتي

    وانا عندي فيها طلبات

    ومنها صورة حديثة

    غير بتاعة العصر الداندورمي دي

    او ح نضطر نستعين بي طارق

    عشان يكشف المستور
                   |Articles |News |مقالات |بيانات

07-23-2008, 07:21 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا أبوخليل سلمت لي على محمد عبدالمجيد قناوي؟؟؟..

    الصورة دي ليها سنتين بس يعني ما في تغيير كثير

    مودتي
                   |Articles |News |مقالات |بيانات

07-23-2008, 07:32 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    هوي يا ناس
    الطراوة الكثير عملت لي التهاب في صدري
    غبت يومين البوست طشة مني
    عووووووووووووووووووك
    خلونا نشيل نفسنا
    بجي صادي
    ياسر حامد
                   |Articles |News |مقالات |بيانات

07-23-2008, 07:43 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلامات يا ياسر وفي إنتظارك خلي عوض حامد يشوف الصورة الفوق دي
                   |Articles |News |مقالات |بيانات

07-23-2008, 09:53 PM

Nizar Ateeg

تاريخ التسجيل: 07-13-2008
مجموع المشاركات: 106

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    غنيني اغنية الصباح يا كروان الفجر لاح
    يرد الحضور: لا ما لاح
    يا اخوانا اهو لاح
    يرد الحضور: لا لا لا ما لاح
    دوما ما يخنم ليلته تلك، ايوب فارس، هكذا عندماكان يغني في حوش
    آل عتيق بحلة حمد، فاسرتنا على امتداد اجيالها مسكونة تماما بهذا الايوب،
    دوما ما اردد انني ايم دراستي بمصر وفي نقاش حول بحري وفنها ذكرت لاحد الاصدقاء انني من
    اسرة ياتي ايوب فارس لدى نصفها ثالثا في منظومتهم الايمانية، فقال لي: يعني نص اسرتكم
    كفار؟ فقلت: لن اقول لك اذن اين يأتي أيوب بالنسبة لنصفها الآخر حتى لاتقيم على الحد!!!
    ايوب فارس بالفعل،هو صوت مدينة بحري، يغني بمزاج بحراوي خالص، رائقا وصافيا كما
    نسيم الليل بالبلدية (آن أن كانت هنالك بلدية)، لم يسع نحو امدرمان او اذاعتها فبقى محليا
    او ملكا للمدينة في رواية اخرى. كان يغني كل ليلة في بيوت الافراح او في الجلسات
    الخاصة (احب ان اقول القعدات لانها اصدق)، وكأنما ليل المدينة يأبى ان ينجلي قبل ان
    يستمع اليه.
    عاشقا لفريق الكفاح واداريا به لزمن ما (مع المرحومين عمي اسحق عتيق واليسع يوشا)، وكان اكثر
    ولها بساحر كرة القدم وفنانها الاوحد ببحري ابوعبيدة عبد الرازق، اذكر بكاؤه يوما عندما "كسرت"
    قدم ابوعبيدة بملعب البلدية.

    مودتي للجميع
                   |Articles |News |مقالات |بيانات

07-23-2008, 10:09 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Nizar Ateeg)

    Quote: ايوب فارس بالفعل،هو صوت مدينة بحري، يغني بمزاج بحراوي خالص، رائقا وصافيا كما


    نزار عتيق ..صباح الخير.. صدقت في هذه أعتقد أيوب فارس لم يلق الصيت الذي يناسب فنه وغناءه

    Quote: ساحر كرة القدم وفنانها الاوحد ببحري ابوعبيدة عبد الرازق، اذكر بكاؤه يوما عندما "كسرت"
    قدم ابوعبيدة بملعب البلدية.


    وفي هذه أصبت كل الصدق.. هذا أبوعبيدة الصديق زاملني وطارق ميرغني في الأميرية وبحري الثانوية.. وكان يمكن أن يكون لاعبا عملاقا.. ولكنه آثر أن يكون نطاسا وطبيبا يداوي الجراح.. وهو الخلوق.. الرقيق.. فلك وله التحية إينما كان
                   |Articles |News |مقالات |بيانات

07-23-2008, 10:08 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ترحيب حار جداً بالأخوان الأعزاء/ فالكون ، آدم موسى وأبو علي إبن أخت الأستاذ الزين حسن محجوب ..
    Quote:
    لكن أكيد طبعا ما دفعة طارق ميرغنى ولا صلاح شكوكو

    الأخ/ طارق ميرغني
    أصبحت علامة فارقة وإستاندر في تحديد الدفعة يعني زي "ق. م" و "ب.م" قبل وبعد الميلاد وأي واحد بعد كدة عاوز يحدد دفعته من المفترض أن يقول قبل أو بعد ط.م (طارق ميرغني) بدلاً عن الصيغة المتعارف عليها.

    الأخ/ ياسر حامد
    كفارة وسلامتك ، شوية طراوة وهمبريب عملت ليك إلتهاب في الصدر الظاهر عليك ما بتابع الأحوال الجوية ، وآمل أن لا يكون الأخ حسن بشير قد أصيب هو الآخر بإلتهاب منعه من معاودة الطلة.

    الأخ/ أبو عبيدة
    لماذا "عنتر" كان دائم التواجد في شارع ناس كمال كرار وتحديداً قرب نادي المزاد هل عبلة كانت تسكن في تلك المنطقة ..


    جاييكم بصور قديمة لشخوص وأماكن في بحري تاريخ البعض منها ق.م والبعض الآخر أقدم شوية يعنى قبل ط.م

    (عدل بواسطة عبد الرازق سعيد on 07-24-2008, 05:07 AM)

                   |Articles |News |مقالات |بيانات

07-24-2008, 06:01 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي حسن طه عمنا كمال السر الاجدر يكلمنا عن الاساتذه شكر واخوه علي ابراهيم لانهم غير العلاقة اللصيقه من نفس الجنس( الدنقلاوي)!!

    وهم اساتذة اجلاء ومن اعرق ساكني حي الدناقله جنوب .

    الاخ ابو علي والله كونك تعترف بديناصوريتك المتجذرة ستعطي اخونا حسن طه فرصه للتنازل عن موقعه المتميز.

    الاخ آدم موسي مرحب بالطله وتحياتي للعم عوض الله ونرجو مشاركته معنا حتي ولو بالمناوله. وانت يا اخوي اكيد ما دفعتنا انا واخوي

    الكاشف لانو صاحبي ما دفعة 84 يمكن 48!!!

    يا كمال الصوره ليها سنتين........بس!!!!!!!!!!!!!!!

    يا نزار عتيق وييييييييييينك يا راجل والله لا ازال اذكر ايوب فارس رحمه الله ووقفة قدام بيتهم يرد السلام علي الرايح والغادي من طيبته

    وهو الفنان الذي آثر المحلية في الغناء ولم اسمع به من قبل قطع كبري بحري وهو الفنان المتمكن الذي كانت له لونيته وبصمته الخاصة في

    الغناء حيث لم يسع لوسائل الاعلام ولن انسي عازفيه واشهرهم لو تذكر التوم حسن عازف الكمان الشهير وعازف الشيلو بفرقة البساتين والذي

    اشتهر بضيق خلقة وفرتيق الحفلات ّ!!!

    ابو عبيده عبد الرازق كما ذكر الاخ كمال دفعه وصديق.

    يا ابو رزقه اها رايك شنو في زميلنا آدم موسي قال دفعة 84 حيكون ق.ط. ولا ب.ط.؟؟؟

    عنتر العوير تقصد؟؟ وبالمناسبه كانت ايضا الحاجه دقلوله وعمك زيتون بحلة حم وكمان بشير العوير ولن انسي الحجر عابر القارات الذي

    اصاب به ابن عمتي عزو كروم في انفه.
                   |Articles |News |مقالات |بيانات

07-24-2008, 06:35 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: الحاجه دقلوله]


    عيييييييييك يا طارق.. وكانت تسمى فيلم ايضا... وتعمل مع ناس نسيت أسمهم لكن بيتهم يفتح من جهة الجنوب على بيت الباشا شيخ الجزارين ومن جهة الشرق على ناس محمد وكمال عبد العاطي... طبعا في حلة الدناقلة شمال في نفس الشارع الإتولدت أنا فيه...
                   |Articles |News |مقالات |بيانات

07-24-2008, 06:36 AM

Zein Hasan Mahgoub

تاريخ التسجيل: 07-14-2008
مجموع المشاركات: 219

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلام يا بحري يا طراوة
    يا كمال و طارق وبقية الديناصورات
    دايريين واحد يتكلم لينا عن اهم اشجار بحري مثل شجرة زينب شية (ديوم بحري جنوب تقاطع شارع المذاد مع شارع الصناعات)و تركمانية(لدناقلة شمال غرب ميدان عقرب) ما متأكد هل ما زالت موجودة ام ازيلت .
                   |Articles |News |مقالات |بيانات

07-24-2008, 06:42 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا الزين.... ياروعة...

    والله زينب شية دي من ما تجاوزت مرحلة الطفولة سقطت من الذاكرة.. إلا هسع دي بذكرك ليها... كلو البتذكرو لما كنت أمر بالشجرة المعلونة.. أرتعد منها ما بتذكر بالتفصيل ليه.. لكن أظنها كانت بتحدف الشفع آنذاك بالحجارة.. التركمانية.. يعرفها طارق.. ويعرف شجرتها.. يمكن تحدث عنها قليلا.. يا حبذا لو يفرد مساحة لشجرتها...

    شكرا ياالزين.. وذاكرتك ما شاء الله لا زالت طرية

    ----------------------
    بحري طراوة
                   |Articles |News |مقالات |بيانات

07-24-2008, 07:49 AM

Abuobeida Ali Abdullah
<aAbuobeida Ali Abdullah
تاريخ التسجيل: 08-13-2007
مجموع المشاركات: 262

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الزين يا روعة بحري وجوبا

    اكيد مادام جبت سيرة شجرة زينب شية في الديوم لابد من ان نتذكر عمنا المرحوم حماد كمندجو من اول عازفي القربة في

    الجيش السوداني..هذا الرجل الموهبة الفذة في ذلك الزمان وهو والد الأخوان صلاح بالسعودية وجلال بامريكا...

    الرائع عبد الرازق سعيد

    مرة سالت عنتر قلت ليهو عبلة وين قال لي في حلة النجمة .....

    أبوعبيدة
                   |Articles |News |مقالات |بيانات

07-24-2008, 07:25 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)






    العريس كمال كرار وبجواره وزيره طارق ميرغني في منتصف القرن الماضي
                   |Articles |News |مقالات |بيانات

07-24-2008, 10:24 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: الاخ آدم موسي مرحب بالطله وتحياتي للعم عوض الله ونرجو مشاركته معنا حتي ولو بالمناوله. وانت يا اخوي اكيد ما دفعتنا انا واخوي

    الكاشف لانو صاحبي ما دفعة 84 يمكن 48!!!


    شكرا الاخ طارق ميرغنى..طبعا العم عوض الله قال مغيوظ منك جدا لانك كتبت (وتحياتى للعم عوض الله) بصلعتك الكبيره دى ..يا اخى قال ليك
    هو عندو قجيجه وتسريحتو ابراهيم عوض يا ابصلعه
    Quote: العريس كمال كرار وبجواره وزيره طارق ميرغني في منتصف القرن الماضي

    بعدين انا اقول ليك دفعة 84 وانت وزير العريس كمال كرار فى الخمسينات يعنى اكبر من ابوى عديل كده لانو ابوى اتزوج سنة65
    يعنى بعد كمال كرار ب15سنهلا حولاااااااااااااااااااااااااااااااااااااا
    وياسلام ياناس بحرى............
                   |Articles |News |مقالات |بيانات

07-24-2008, 11:40 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    وعلى ذكر بحرى وناسها لابد لى من ان اذكر المرحوم اللازم مرسال القاضى ذلك الرجل التحفه والظريف
    والذى لا تمل مجالسته ويحدثك عن بحرى وتاريخها حديث العاشق الولهان لها والحافظ لتفاصيلها وتاريخها
    حيث كان صديقا لعمى .. حيث كانا يجتهدان فى ايام المولد لعمل خيمة الانصار (جناح احمد المهدى)..
    وكانت له طرائق وطرائف فى تحصيل تبرعات المولد من تجار السوق الكبير والمرحوم ابراهيم طلب..
    رحمة الله تغشاهم جميعا...
                   |Articles |News |مقالات |بيانات

07-24-2008, 03:25 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    آدم.. موسى... يا أخي الصورة دي ديجتال والديجيتال ماأخترع في الزمن الفي بالك...

    يا زول نحن عمك عوض الله ذاتنا عندنا فيه كلام... بالله سلم لي عليه وعلي مالك أخوه..

    ولو لسه شباب حيتذكرني
                   |Articles |News |مقالات |بيانات

07-24-2008, 03:21 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    عييييييييييييييك يا طارق...

    زمان كنا بنشيل الود..وندي الود...

    وفي عينينا كان يكبر حنانا زاد وفات الحد



    وصحيح إنو الزمن غلآَب..

    طبعا الصورة في نادي الضباط أيام...

    بس يا طارق التاريخ القلتو.. ده كنا ما أتولدنا لسه..

    مالك عايز تدي حسن طه فرصة
                   |Articles |News |مقالات |بيانات

07-24-2008, 11:49 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا كمال يمكن بتقصد دقلوله شغاله مع ناس الضابط كمال محمد علي من قدامي لاعبي الاتحاد واخوه وهيب اقدم فني بصريات في بحري.


    الاخ زين طبعا زينب شيه نعرفها بالحيل اما شجرة اللالوبه او شجرة التركمانيه تحدثت عنها في الصفحات السابقه مطولا ولكن نعيد:

    يقال انه قام بزراعتها زوج امراه شايقيه لا نعلم اسمها الحقيقي حتي الآن فقد اخذت اسم زوجها الذي يقال انه كان تركيا او من

    تركمانستان فسميت بالتركمانيه وهي شايقيه مشلخه حادة الطباع (ضكريه) كنا نخاف منها وكانت تلك الشجره مصدر رزقها حيث كانت تنوخ

    جمال العرب محملة بالاخشاب الطلح والشاف والبعض الآخر محملا بالجردقه والحرجل ويفرشون بضاعتهم في ظلال تلك الشجرة الوارفة وكانت تاتي

    ايضا عربات الجاز او الكيروسين وهي عربه يجرها حصان واحد ومصنوعة من برميلين ملتصقين.

    كانت التركمانية لا تسمح بلعب العيال في هذه الشجره ويا ويلك لو فلعت حجر لجني ثمار اللالوب فلو شافتك ما بتحلك امك لانو الامهات حينها

    كلهن يهابنها.

    ايضا كان هنالك عمنا يوسف الحلاق الذي يفر كرسيه الصغير للزبائن لحلق الرءوس المترنحه بعد خروجهم من مقيل انداية الحاجه كلتوم.

    تم قطع الشجره في اواخر التسعينيات بعد حادث يعتقد انه مدبر لان ذلك الشارع يعتبر اكبر شوارع بحري من ناحية المساحة وكانت هنالك

    فكره ان توزعه الحكومه اكشاك. ولكن لم تتم العمليه .

    بذل والدي رحمة الله عليه مجهودا جبارا لزرع لالوبه بديله ولكن لم تنجح ربما حزنا علي ما حصل.

    يا ابو عبيده عمنا حماد والقربه ثنائي خطير نذكره.

    يا آدم موسي انت تصدق اي حاجه يا خي الصوره دي ما شايفا جديده كيف ؟؟؟ دي سنة 1995 م بعد تخرجنا مباشرة وطبعا كما ذكر كمال هو اول من تزوج في دفعتنا..
                   |Articles |News |مقالات |بيانات

07-24-2008, 12:14 PM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: يا ابو رزقه اها رايك شنو في زميلنا آدم موسي قال دفعة 84 حيكون ق.ط. ولا ب.ط.؟؟؟


    طبعا يا طارق اكيد الاخيره ب.ط....لكن ناس زى هشام المجمر والعم عوض الله مصطفى وعبدالعظيم مهدى ود عمو
    ديل يمكن يكونوا والله اعلم(بعد صورة العرس )الشافتا عينى دى ق.ط

    يا طارق دايركم تكتبوا عن قفشات وطرائف عمك اللازم...
                   |Articles |News |مقالات |بيانات

07-24-2008, 01:52 PM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)



    قلت لى يا كمال كرار الصوره دى من زمن الابيض والاسود..
    انت عامل زى عمى عوض الله مصطفى عندو صوره زى صورتك دى من زمن
    الابيض والاسود وبعدين هو شغال فى سودانير والصوره قام كده كبرا ليك ولونها
    ولابس ليك شريطين والشعر(خنفس)..طبعا داير يعمل فيها شباب زيك ..لكن صورة العرس الفى منتصف
    القرن الماضى دى غايتو انتهت منك..وانا متذكر ليك صوره كنت منزلها فى البروفايل
    التجاعيد والتلاليع فيهاتنبئ عن عمر ناهز ال....
    قلت لى من زمن السينما التجوله والتلفزيون عندالبوليس..لا حولااااااااااااااااااااااااا

    وبرضو بحرى طراوه...
                   |Articles |News |مقالات |بيانات

07-24-2008, 02:17 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    ....

    Quote: قلت لى يا كمال كرار الصوره دى من زمن الابيض والاسود..


    الأخ العزيز والزول الشفيف (( آدم موسى ))
    ولأنك من أهل التحليق والتخيل الرحيب
    فإنك تنشر الود والطيب أينما تكون ..

    أخونا الفاضل كمال كرار رجل جزل يحاول
    أن يلامس ظاهرة باطنه فعاد بنا الى حيث
    الماضي الجزل فوضع صورة للمعايشة ولأنه جميل
    الدواخل بهي الخاطر جاء بها زمانا ومكانا

    ولكنني وددت أن أضيف لها اللون إهاءا له
    فقد تعودنا منه أينما حل أن يكون عطرا فواحا ..
    ولنا من البهاء الآثر ..


    عوض الله مصطفى ..
    ركن ركين من هذه الدنيا الرحيبة التي تدعى بحري
    ولعله علم من أعلامها .. ويزيده بهاءا أنه أحد
    زملاءكم الذين ثبتوا أصرارا من أهله الذين يعاونهم
    بالمودة والمساعدة الجزلة ..
    ولعله اليوم قد أعاننا لنا راكبين في رحلة اليوم
    فهو رجل ممن نتكيء عليهم كلما ضاقت علينا السعة
    بل أنت أحد الذين نلوذ لهم أيضا فكنما /ن أهل البهاء
    والبسط والعون الجزيل ..
    بكما نتشرف إنتماءا لبحري .. ولهؤلاء الطيب حولكم
    يكون الإنتساب .
    التحية لبحري الجميلة
    والتحية لهذه الكوكبة النيرة من الأحباء الكرام الذين
    يزينون المكان :-
    Kamal Karrar
    طارق ميرغني
    ناهد بشير الطيب
    Yassir Hamid
    ابراهيم قناوي
    صلاح أبودية
    Hafiz Suliman
    عبد الرازق سعيد
    falcon
    sanaa gaffer
    Amgad Karrar
    Abuobeida Ali Abdullah
    Adam Mousa
                   |Articles |News |مقالات |بيانات

07-24-2008, 03:39 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: صلاح شكوكو)

    Quote: أخونا الفاضل كمال كرار رجل جزل يحاول
    أن يلامس ظاهرة باطنه فعاد بنا الى حيث
    الماضي الجزل فوضع صورة للمعايشة ولأنه جميل
    الدواخل بهي الخاطر جاء بها زمانا ومكانا

    ولكنني وددت أن أضيف لها اللون إهاءا له
    فقد تعودنا منه أينما حل أن يكون عطرا فواحا ..
    ولنا من البهاء الآثر ..




    أخي صلاح شكوكو.. ويكأن معين كلماتي أوشك على أن ينضب
    أو هو يتضاءل أمام تعابيرك البهية التي ما أنفكيت تشنف
    بها آذاننا...وتشرح بها صدورنا.. يا لك من إنسان جميل..


    شكرا أن تبنيت الدفاع عني.. وشكرا لأهدائك صورتي المعالجة

    التحية لك ولكل اللذين رفدوا هذا البوست حتى اللذين عابوا
    علينا مشيبنا!!!!!
                   |Articles |News |مقالات |بيانات

07-24-2008, 03:31 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    Quote: التجاعيد والتلاليع فيهاتنبئ عن عمر ناهز ال....
    قلت لى من زمن السينما التجوله والتلفزيون عندالبوليس..لا حولااااااااااااااااااااااااا

    وبرضو بحرى طراوه...


    لا في دي يا آدم ذكلت.. والله نحمد الله لا تجاعيد ولا تلاليع... بس الشعر ما ياهو.. وأنا أول مرة أنزل صورتي.. كنت بنزل صور أحفادي

    مرة ثانية سلم لينا على عمك عوض الله...
                   |Articles |News |مقالات |بيانات

07-24-2008, 06:45 PM

Nizar Ateeg

تاريخ التسجيل: 07-13-2008
مجموع المشاركات: 106

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا جالبي البسمة سلام
    عصرا بدريا، ترى الجموع متكاثفة تتجه نحو ملعب دار البلدية
    ذا النجيل الطبيعي جميل الاخضرار،
    الوجوه أليفة بعضهم اهل، معارف أو أصدقاء، ومن هم غير ذلك
    يشدك نحوهم احساس حميم.
    كل هذا الجمع، آنذاك يود مشاهدة مباراة كرة الفدم بين الكفاح والاتحاد
    ويا لها من مباراة ذاك الزمان:
    منقستو، حسن تشة، عثمان دريسة، بكري، قدورة، حاج وليد، حميد كباشي
    وغيرهم من فريق الكفاح
    كرومة، جمعة، مصطفى مركز، اسامة العطا، ازهري كدوس، عباس ركس، عثمان
    خوجلي وغيرهم من فريق الاتحاد.
    اماثنائية ابوعبيدة عبدالرازق (الكفاح) ضد محمد عبده (الاتحاد) فهي بالفعل كانت
    مباراة لوحدها،
    عندما تستمع الى الاهات وحالة الانتشاء وانت خارج الملعب تفرح،
    اذا فاز الكفاح ذلك اليوم فعليك بمحاولة اصطياد ايوب فارس فذلك فرح آخر.
    طبعا يا عبد الرازق هذا بعد ط.م
    مودتي للجمبع
                   |Articles |News |مقالات |بيانات

07-24-2008, 07:17 PM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ كمال

    سلامات يا زول يا رائع

    والله إننا لا نجيد دندنة شكوكو

    ولكن نقول لك أحببناك وكفى

    ذوق وظرافة وقيافة (غصبا عن طارق)

    فلك كل الود وصحي بحري أثمرت وثمارها نجوم من أمثالك

    وحبيبنا طارق الزول السمح بالرغم من الصلعة وزي ما بتقول

    الوالدة: (الصلعة فورمايكا والأخلاق ملايكة)

    فلكم جميعا الود

    ولشيخي وأستاذي صلاح شكوكو

    وجميع البحراوية

    وبحري طراوة

    ولسة جاييكم راجع
    بإذن الله
                   |Articles |News |مقالات |بيانات

07-24-2008, 09:16 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ابراهيم قناوي)

    أبو خليل يا أخي أنتو الروعة ذاتها...

    صدقني بحري رائعة.. وبهية بروعتكم وبهائكم...

    طارق الوزير... تعرف أنو طارق ده راجل فنان .. يعني صلعتو دي ما من فراغ..

    لو ربنا يوم جمعك بيه..بتشوف كلامي ده..

    أما شكوكو..فهو يعرف كيف يدوزن الكلمات ويطوعها ويجعلها تتموسق وتتفجر روعة..

    يديكم العافية يا أبناء بحري الأوفياء..

    وتذكروا إنو
    ---------------------
    بحري طراوة

    (عدل بواسطة Kamal Karrar on 07-24-2008, 09:18 PM)

                   |Articles |News |مقالات |بيانات

07-24-2008, 08:24 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    مواصلة لأسماء العوائل العريقة التي تسكن المزاد شمال أضيف التالي :-

    1- أسرة علي حسين فهمي – والد حسين ، خالد
    2- أسرة عبد الرحيم – والد كمال ، صلاح ، محمد ، علي ، المرحوم العقيد/ خالد جدو
    3- أسرة حسن محجوب – والد الزين زميلنا في هذا البوست
    4- أسرة عباس – والد فايز نائب رئيس المؤتمر الوطني بولاية الخرطوم
    5- أسرة محمد خير – والد سيف الدين – الخبير الزراعي
    6- أسرة بين – والد محمد ، عثمان
    7- آل أحمد سالم – والد محمد (المستشار القانوني) ، صلاح ، سالم عليه الرحمة والمغفرة
    8- آل عبد السلام –والد محمد ،قاسم (ألمانيا)عبد الرحمن (والد كيمو بتاع الفول المشهور في الملتقى)
    9- أسرة محمد أحمد – والد مجدي ، م. طلال ، م. جلال ، هشام والريح
    10- أسرة حسن الزين – والد محمد (خلف) ، عيسي ، محجوب ، صلاح (القاضي)
    11- أسرة عبد الله بابكر – ميرغني بابكر (لِلي) - إيهاب قاسم لاعب هلال بورتسودان سابقاً، بكري
    12- أسرة سعد الخير – والد عبد الرحيم (أبو جبة) ، بابكر ، محمد
    13- أسرة سيد أحمد مير غني – والد صلاح ، جعفر ، خالد، مجدي غاندي ، زروق
    14- آل شريف – محمد شريف (نيجيريا) ، أسرة عباس محمد سعيد (ركس) ، حمزة ، لطفي ،
    15- أسرة محمد الحسن – والد حسن (البصري) ، عبود (دبابة) ، عمر
    16- آل يس – والد عبد الرحيم ، عز الدين ، أسرة عمر الحلبي - مجدي سر الختم (هولندا) ، خالد
    17- أسرة عبد الله باب الله – والد الرشيد ، الهادي ، بدر الدين (فرنسا)
    18- أسرة محمد علي – والد م. عز الدين ، أشرف ، خالد (شيبة)
    19- أسرة محمد بابكر – والد سراج ، مصطفى (الفكي)
    20- أسرة الشاعر الراحل الهادي آدم
    21- أسرة م. مهدي محمد فرح – والد مامون ، بشرى
    م. مهدي فرح شاعر معروف ولديه بعض القصائد تغنى بها الفنان الكبير عبد الكريم الكابلي منها قصيدة "حليلك" ، ولديه قصيدة جميلة نظمها في الكابلي نفسه يقول فيها :-
    سل سامر السودان عن كروانه *** وأسال فمن هو عبقري زمانه
    ينبيـك أن الكابلـي بفنـه *** بلغ الذرى وسما على أقرانـه
    من علّم الأجيال أن المرتقى *** صعب وأصعب منه حجز مكانه
    سل كل من نظم القريـض *** عن شاعر السودان عن فنانه

    ونواصل ؛؛
                   |Articles |News |مقالات |بيانات

07-24-2008, 09:26 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أبورزقة سلامات,,,

    أسمح لي أتداخل في أقليمك وأذكر بعض الأسر التي عنت للذاكرة بخاصة في دائرة الهادي آدم

    1-أسرة عمر أبو الدهب (والد كل من محمد عثمان والرشيد) وكانوا بعثيين
    2- أسرة كمبال (عثمان والحاج كمبال)
    3- أسرة عبد المعروف (الفاتح وسيد أحمد عبد المعروف)
    4- أسرة دارقيل
    5- أسرة نجم الدين وأخيه المرحوم عبدالله "القمز"
    6- أسرة الزين (صاحب كشك المرطبات جنب سينما حلفايا)
    7- أسرة عوض ( والد عادل "هورس" يا طارق)

    ويلا..

    --------------------
    بحري طراوة

    (عدل بواسطة Kamal Karrar on 07-24-2008, 09:28 PM)

                   |Articles |News |مقالات |بيانات

07-25-2008, 12:41 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وصلتني من الأخ / عماد عثمان أحمد إبن حي الدناقلة سابقاً والشعبية حالياً بعض المقالات القيمة والصور النادرة لشخصيات عظيمة في مدينة الخرطوم بحري مدينة السحر والجمال والإبداع والعلم وسوف أنزلها في هذا البوست تباعاً ، مع فائق شكري وتقديري للأخ عماد وربنا يكتر من أمثالك ..

    Quote:

    السيد/ نصر الدين السيد أحمد مرجان

    إسم كبير وله وقع خاص عند أهل بحري ، فهو رجل وضع بصمته الواضحة على خارطة العمل الإجتماعي والسياسي في السودان ، تخرج من كلية غردون وألتحق بالشرطة وتخرج ضابطاً في العام 1947م وتنقل في العمل بين مدينة الحصاحيصا والأبيض والخرطوم حتى العام 1953م .. وتم إعتقاله لأول مرة بسبب خطبة سياسية في العام 1953م ..

    ثم إلتحق ببلدية بحري ضابطاً إدارياً وقام بثورة التعليم المعروفة في مدينة بحري وشيد بها (13) مدرسة دفعة واحدة وفتح فرص التعليم لكل أهل بحري حتى الفقراء .. وقام بحفر الخور الشهير الذي يقطع مدينة بحري من شارع الإنقاذ شرقاً لينتهي غرباً عند نهر النيل والذي كان يشكل هاجساً كبيراً للمدينة خلال موسم الأمطار .

    كان من كبار قيادات الحزب الوطني الإتحادي ومن المقربين جداً للزعيم إسماعيل الأزهري وكان عضواً بارزاً بمجلس الشعب لعدة دورات 1953م ، 1956م ، 1968م وشغل منصب وزير الحكم المحلي .. وهو صاحب أبرز وأخلد شعار سياسي عرفته الساحة السياسية السودانية وهو : (بحري لمين لنصر الدين) .

    كرس جل وقته للعمل العام ولم يهتم بأحواله الخاصة وكان يقول نعم أنا وزير ومدير وضابط ولكن في الحقوق مثل بقية المواطنين . تزوج من السيدة مبروكة محمد حبيب بعد تخرجه من كلية الشرطة وله من الأبناء فائز (لاعب الهلال السابق وأحرف من أنجبته الملاعب السودانية) ، سعد ، عاصم وغيرهم .

    كان شريفاً نظيفاً عفيفاً ولقد رحل هذا الرجل العظيم وهو لا يملك بيتاً في مدينة بحري حيث كان نصيبه من بحري التي أحبها هذا القبر الذي ضم رفاته الطاهرة النظيفة .. رحل ولم يترك إلا هذا الإسم العظيم والسجل النظيف .. رحل عن هذه الدنيا الفانية في 30/09/1983م في مدينة القاهرة حيث كان يتلقى العلاج هناك .

    اللهم يا حنان يا منان يا عظيم الشأن نسألك أن تنزل رحمتك وتسكنه فسيح جناته .

    (عدل بواسطة عبد الرازق سعيد on 07-25-2008, 12:44 PM)
    (عدل بواسطة عبد الرازق سعيد on 07-25-2008, 05:20 PM)
    (عدل بواسطة عبد الرازق سعيد on 07-28-2008, 09:30 PM)

                   |Articles |News |مقالات |بيانات

07-25-2008, 07:13 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ومن الأخ الفاضل عماد عثمان هذه المقالة عن الفنان الكبير الراحل المقيم إسماعيل عبد المعين ..

    Quote:
    إسماعيل عبد المعين أبو الفن السوداني

    ولد الفنان إسماعيل عبد المعين بمدينة الخرطوم بحري بحلة حمد في العام 1911م ودرس في مدرسة الإرسالية وتعلم التجارة وعمل بوزارة الأشغال لفترة ثم تفرغ للفن بعد ذلك .. وكان مسكوناً بهواجس البحث والتقصي من أجل معرفة الجذور الثقافية للأغنية السودانية ، وفضلاً عن كونه ملحناً فهو باحث في تراث الأغنية وله الفضل في تعريفنا بالكثير من الأغاني والأهازيج الشعبية لمناطق السودان المختلفة مثل :-
    - يوم بيوم نبيع الكمبا
    - والمهدي جانا من دنقلا
    - ومن دارفور يا أم قرقدي جيدي كان يبقى زي حقي دي

    وهو أول فنان سوداني قام بدراسة الموسيقى حيث ألتحق بمعهد فؤاد الأول للموسيقى العربية ونال شهادة التخرج وسافر إلى باريس وألتحق بأكاديمية أكول نورمان الموسيقية .. وضع قواعد للغناء السوداني عبر مشروع مساهمته النظرية التي تعرف (بالزنجران) وهي محاولة للمزواجة بين الفن الزنجي والعربي في منظومة اللحن والإيقاع .. وكون أول فرقة موسيقية عرفت بـ (فرقة البساتين) وكانت تحت قيادته ..

    وفي الوقت الذي كان أبناء جيله يرددون قصائد الحب والغزل أختار هواه أن يكون فناناً للإغنية الوطنية فإرتبط بشباب مؤتمر الخريجين ووظف موهبته في التلحين في خدمة أناشيد المؤتمر مثل -
    - صه يا كنار الذي كتبه الشاعر محمود أبو بكر
    - إلى العلا تأليف السياسي خضر حمد
    - صرخة روت دمي
    وغنى لبعض معالم السودان الغنية مثل يا الساكن جبال التاكا ، ويا جزيرة توتي يا جنة فيك الإنسان يتهنى وأغنية لاقيته مع الصباح ، وتعاون مع زملائه الفنانين فأهدى محمد أحمد سرور لحن نشيد واجب الأوطان داعينا للشاعر عبيد عبد الرحمن
    - وللفنان خضر بشير بنت النيل للشاعر بشير عبد الرحمن
    - وللفنانة عائشة الفلاتية يا حنوني للشاعر عبد الرحمن الريح وأذكريني وسهران والنجوم غابت عني
    - وللفنان سيد خليفة أغنية القماري للشاعر عبد المنعم عبد الحي
    - أغنية سهرانه ليه يا عيون للشاعر الحسين الحسن
    وله العديد من الأغنيات التي لم تجد حظها من الإنتشار :-
    طريق الغنا
    الطير يحوم
    البنت الصغيرة
    وفي حدائق المقرن
    وأمتد نشاطه الفني خارج السودان وأعطى البحرية الأمريكية لحن النشيد الخاص بها دون مقابل
    كان شديد الغيرة على الفن السوداني وكان قاسياً في أحكامه على الآخرين الذين لم يدرسوا الموسيقى ولكنه لم يكن يتعمد الإساءة لأحد ..

    رحل إسماعيل عبد المعين عن الدنيا في 28/05/1984م في مستشفى بحري بعد رحلة أقتربت من نصف قرن في عالم الفن مطرباً وملحناً وأستاذاً ومجدداً ، وبالرغم من علاقاته الواسعة بعدد من الوزراء وكبار المسئولين إلا أنه لم يترك في هذه الدنيا غير أعماله الخالدة .

    اللهم أرحمه وأغفر له وأسكنه فسيح جناته ..
                   |Articles |News |مقالات |بيانات

07-26-2008, 06:22 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا شكوكو كتر خيرك لكن حاوريك الصور المعالجة بالجد بالجد.

    الاخ آدم موسي لا والله اخوي كمال حتي الآن بدون تجاعيد وتلاليع كما ادعيت ما شاء الله تبارك الله لسه فيه الخيط مجرور وشباب.

    هي الصوره حلوه وقريبه من الواقع بس اتخيلها دخلت طاحونه ومرقت !!!!!يعني شويه بياض علي خفيييييييييييف وكده.

    اخي نزار ذكرتنا الزمن الجميل ولا انسي مصطفي مركز وهو صديق ابن خالتي بابكر قسم السيد عند الغيار بالمنزل وهو يتحدث اللهجة المصريه.

    لكن بيني وبينك فعلا انت ق. ط م!

    الاخ قناوي الحمد لله في الاخلاق الصلعه طايره.

    يا سلام يا ابو رزقه يا مبدع... يا خي وين اخونا محمد شمس الدين .. يا خي عليك الله تتبنو..

    الف شكر للاخ عماد عثمان معلومات وافيه وقيمه ومفيده لاناس ضحوا من اجل بحري عمنا نصر الدين السيد رحمه الله والعم اسماعيل عبد المعين

    وبالمناسبه انا تتلمذت في الموسيقي علي فطاحلة فرقة البساتين وعلي ايدي الاستاذ يوسف عبد الفضيل ربنا يطراه بالخير ولن انسي الاستاذ

    آزار وهو يؤدي تلك الاغاني.
                   |Articles |News |مقالات |بيانات

07-26-2008, 06:34 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا اخوان انتو وييييييييييييين الجماعه؟؟؟؟؟؟ لسه بيكسروا في التلج!!!!!!!!!!!!
                   |Articles |News |مقالات |بيانات

07-26-2008, 07:25 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وقت فراغ- قصة قصيرة

    كريم بدران


    (طارق) ... مهندس ناجح جداً فى شغله .. ملتزم حرفياً وبكل ما تعنيه حروف الكلمة من معنى، بتوقيتات العمل، وأعبائه ومتطلباته، لم يسمع عنه أحد كلمة واحدة تدل على الاستهتار أو اللامبالاة، كما أنه ذكى للغاية، وحريص فى كلماته وتصرفاته ، وحذر جداً فى علاقاته مع زملائه فى العمل أو فى أى مكان .. هل أنهيت كل شئ عن (طارق)؟ .. أعتقد ذلك .. ربما الشئ الوحيد الذى لم أذكره أنه يسكن وحيداً .. وغذاً يوم راحة لا عمل فيه !!


    للتو دلف إلى شقته فى المنطقة الراقية من العاصمة، خلع نظارته الشمسية الأنيقة، ووضعها مع الموبايل وسلسلة المفاتيح على المنضدة الصغيرة المجاورة للباب، وخلع الجاكت وعلقه فى بطء على أحد الكراسى، وتوجه إلى الثلاجة وتناول منها علبة من العصير المشهور الماركة، وألقى بنفسه على مقعد وثير مواجها للبلكونة، بعد أن فتح بابها ليدخل الهواء المنعش أرجاء الشقة.


    رشف عدة رشفات من العصير بتلذذ، وعلى مدى وقت طويل للغاية كما لو أنه يريد أن يستمتع بكل ذرة من ذرات السائل المثلج ... داعبت خصلات شعره الناعم نسمات رقيقة من الهواء الرطب، على الرغم من أن الوقت كان لا يزال نهاراً، ومع تهدل إحدى خصلات شعره، رفع يده ليعيد الشعيرات المتناثرة إلى مكانها، وهو يتأمل العمارة المقابلة له .. حقيقة لم يكن ينظر إلى العمارة وإنما كان يراقب فتاة جميلة تقف فى شرفتها وتتكلم فى المحمول ..


    وعلى الرغم من أنه يسكن هنا منذ مدة، وكثيراً ما يقف فى الشرفة متأملاً الشارع والعمارات المواجهة له إلا أنه لم يرها من قبل، هو لم يحدد ملامحها تماماً بالطبع، ولكن الانطباع العام يوحى بأنها فاتنة حقاً !!


    لم انشغل عقله بها؟ .. ولماذا يفكر أصلاً بهذ الطريقة؟ .. لقد استغرق كل وقت انصرافه من العمل إلى وصوله إلى البيت، فى التفكير فى كيفية قضاء غذه، فهو عادة كان يترك يوم إجازته الوحيد فى الأسبوع نظراً لانشغاله الشديد بقية أيامه فى قضاء مشاوير لقضاء حاجاته التى لا يستطيع أن يقضيها فى باقى الأيام، هذا هو اليوم الأول له منذ مدة طويلة فعلاً فارغاً تماماً ... لا يعرف ماذا يفعل؟! ..


    لقد مل حياته المنتظمة المنضبطة الرتيبة، ويريد تغييراً جذرياً حتى ولو كان يوماً واحداً .. سيقابل أصدقائه وسيخرجون فى نزهة ليليـــ ... بتر أفكاره مرة واحدة ... متذكراً أنه من شدة ارتباطه بعمله لم يكن لديه أصدقاء .. هو فقط يملك زملاءاً ومعارفاً ... ولكن ليسوا أصدقاء أبداً .. صديقه الوحيد ترك المدينة والبلد منذ زمن !!


    لم يدرى لم ظهرت فى رأسه بغتة فكرة غريبة ؟ ... كان زملائه فى الثانوية يسخرون منه ويستهزئون به لأنه لم يعاكس فتاة ولو لمرة واحدة فى حياته ... وكانوا يطلقون عليه ألقاباً عديدة منها "المتزمت" .. وأخرى "الدحيح" .. أما اللقب الذى كان يستثيره ويغيظه جداً هو "البنت المكسوفة" .. كان يؤلمه للغاية وكثيراً ما كان يتشاجر مع من ينادونه هكذا وعادة ما كان يضرب هو فى النهاية .. وينتهى الأمر به فى حجرة أستاذ (عبد الحميد) مدرس اللغة العربية وهو ينصحه بأن يبتعد عنهم، وأنه ليس مثلهم لأنهم رفقاء سوء وفشلة، أما هو فهو طالب مجتهد متفوق هدفه واضح ومحدد .


    أخذته هذه الأفكار ولكنه كان محنقاً جداً على ضعفه واستسلامه الدائم لنصيحة أستاذ (عبد الحميد) .. حتى وجد نفسه يقول ساخراً بصوت عالى :

    _ " أنت طالب مجتهد .. ليك هدف واضح ومحدد .. أيوا .. أخرتها حمار شغل .. وبيت فاضى مفهوش غيرك .. وكل "رفقاء السوء" عندهم دلوقتى بدل العيل تلاتة .. وتلاقيهم بيقبضوا أحسن منك .. ولا يهمك بس أنت ليك هدف واضح ومحدد " !!


    جرع آخر قطرات العصير، وقام ليرميها فى السلة، ونظر إلى التليفون القابع فى هدوء ... وابتسم .. وتمتم قائلاً:

    _ " ولم لا؟! "

    كانت فكرة أنه لم يعاكس فتاة واحدة فى حياته مسيطرة عليه تماماً .. ولأنه حقيقة خجول " زى البنت المكسوفة فعلاً" لم يكن يجرؤ على أن يفكر فى مطاردة إحدى الفتيات فى الشوارع .. ربما عن طريق التليفون نعم .. هكذا اختمرت الفكرة فى رأسه .. وأوضعها محل التنفيذ .. مد يده ليلتقط السماعة و ...

    ترررررررن .... تررررررن

    جفل من المفاجأة، ولكنه رفع السماعة ليجد زميله على الطرف الآخر يقول :

    _ " (طارق) .. معلهش .. ممكن تمسك بدالى بكرة .. علشان أنا حصلى ظرف طارئ "

    ابتسم (طارق) فى حسرة .. وضحك فى داخله .. وهو يضع السماعة بعد أن أجاب بهدوء : " مفيش مشكلة" !!






    Quote: داعبت خصلات شعره الناعم نسمات رقيقة من الهواء الرطب،



    قصه صغيره وحلوه زي بريك وكده لكن يا كمال الجمله الاخيره دي العاجباني مش انو الموضوع " طارق" وبس ... فهمتني!!
                   |Articles |News |مقالات |بيانات

07-26-2008, 07:37 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)


    يا أخوانا الم في العزيز صلاح ابو دية وين

    في بوست الشعبية ولا بحري ولا... ولا ...

    المهم الشكر موصول ليه اين ما كان

    واتصلت بخاله احمد ابو دية شقيق الفنان ابراهيم ابو دية وتحادثنا طويلا عن ماضي الذكريات .
                   |Articles |News |مقالات |بيانات

07-26-2008, 10:13 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: قصه صغيره وحلوه زي بريك وكده لكن يا كمال الجمله الاخيره دي العاجباني مش انو الموضوع " طارق" وبس ... فهمتني!! ]


                   |Articles |News |مقالات |بيانات

07-26-2008, 07:45 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله يا حسن طه انت فعلا ديناصور نحن بنقول فتحي ابو ديه انت لسه بتقول الاسم الاتولد بيهو؟؟؟

    تحياتي له اينما كان اخي فتحي وقد حادثته قبل اشهر في جده حين اتي للعمره.

    ما قلت لي رايك ايه في آخر صوره في البروفايل اخدتها الاسبوع الماضي؟؟؟؟
                   |Articles |News |مقالات |بيانات

07-26-2008, 08:05 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)





    والله لكن يا عمى طارق انا متأكد انو الصوره بتكون اختدها فى استديو رمسيس فى شارع الهرم
    واتلقى بتكون سافرت مع ناس الامين برهان لتسجيل اسطوانه ..النبى فوقك نزل لينا الصوره الجماعيه
    وانتو فى القاهره فى ذلك الزمن..وهل اختدو صوره مع حليم ولا لأ..
    تشكر كتير على الصوره الاثريه..
                   |Articles |News |مقالات |بيانات

07-26-2008, 09:14 AM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    كتب الدكتور إبراهيم قناوي :-
    Quote: فلكم جميعا الود
    ولشيخي وأستاذي صلاح شكوكو
    وجميع البحراوية
    وبحري طراوة


    قريبي الهصور الدكتور / إبراهيم
    نواضر ودنا وتقديرنا
    فكثير من الحروف تأبى إلا أن تحتشد لك تعبيرا عن ودها الجزل لك
    وكثير من الناس يسطع ودنا لهم فيكونون في دارة ضؤ نحسها ولا تتراى
    لكل الناس ..
    يا أخي نضر الله دنياك
    وأمدك بمدد الخير إينما حللت
    وجعل لك أمر جهدك في موازين حسناتك
    وبصرنا بخيرك الذي تخفيه حتى يكون هاديا لنا
    وجعل الخبء فيه إخلاصا لله
    وحقق لك ولكم كل الأمنيات الطيبات التي تقر في قلوبكم
    والتي ندرك من فرط معرفتنا لكم بأن لنا جزاءا فيها..

    أعانكم الله في جهدكم
    ونور لكم الحالكات وأبعدكم من الهالكات
    وجعلنا ممن يتعتبرون بجهد الآخرين

    تقبل تحيات شيخنا الصغير الكبير
    وتحياتي لكل الذين حولك

    (( ونفتقدكم في الماسنجر المنور تلقائيا ))

    ...
                   |Articles |News |مقالات |بيانات

07-26-2008, 09:31 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ طارق ميرغني

    كما قال الأخ آدم موسى الصورة ربما تعود لأحد فناني الحقيبة أو الكورس المعروفين وهذه يسأل عنها الأستاذ عوض بابكر مقدم برنامج حقيبة الفن في الإذاعة السودانية ، ويا حبذا لو نزلت مع الصورة أحد أغنيات الحقيبة المعروفة مثل أغنية "الناعس المكحول " أو "خدعوك" .
                   |Articles |News |مقالات |بيانات

07-26-2008, 10:07 AM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخوان طارق وعبدالرازق؛
    Quote: كما قال الأخ آدم موسى الصورة ربما تعود لأحد فناني الحقيبة أو الكورس المعروفين
    ..
    الصورة للشقيق الأكبر (تيتو؟؟!) في فرقة الجاكسون فايف :



    .



    .
                   |Articles |News |مقالات |بيانات

07-26-2008, 10:29 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء آدم وابو رزقه وبقية الاخوان الصورة الحقيقية مع عضو الفرقه المؤسس Mr. Mousa







                   |Articles |News |مقالات |بيانات

07-26-2008, 01:16 PM

Haitham Labib

تاريخ التسجيل: 12-27-2007
مجموع المشاركات: 386

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    دي ياجماعة إستجمامة من زمن الحقيبة بس البيغني ديل أنا شاكي فيهم يمكن يكونوا أولاد المامون وخلوا ناس أم درمان يسمعوا يا أبودية ...



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

                   |Articles |News |مقالات |بيانات

07-26-2008, 01:38 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الصورة دي تنفع في بوست بحري الثانوية.. وفي البوست ده لأنهم برضو ديل ناس بحري... يلا ورونا بتعرفوا منو فيهم.. أسعد الريفي وطارق يمتنعان

                   |Articles |News |مقالات |بيانات

07-26-2008, 05:29 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أبن العم/كمال...

    فى صورة العرس الشهيرة اعلا (ماقدرت انقله بالله ورونى الطريقه كيف)...

    بس قدر ماشحذت الذاكرة عشان افتكر يوم العرس , انو الفنان المبدع/ سمير غانم,عضو فرقة(الثلاثى أضواء المسرح),كان حاضر عرسك ماقدرته اتذكر....(ظاهر يمين الصورة).

    سلام...
                   |Articles |News |مقالات |بيانات

07-27-2008, 04:32 AM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ياجماعه عقدتونا، دي صور شنو دي
    يعني انا هسع في الروضه
    و زوجتي بت الكنزي دي لسع ما مشت علي رجلينا و للا شنو

    تخريمه
    يا ابراهيم
    ستوديو ازاهر ده اللي كان في سعد قشره، مش كده؟

    مع عميق الود لبحري و ناس بحري
    فووووووووووووووووووووووق

    حافظ
                   |Articles |News |مقالات |بيانات

07-27-2008, 05:27 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وصلتني الرسالة الضافية التالية من الأخ/ بكري موسى سكوته.. وهو من أبناء بحري وكرش الفيل على وجه الخصوص..وهو من أسرة سكوته.. وقد مر ذكرهم على عجالة خاصة آل سكوته الساكنين بالقرب من طيبات في المزاد والذي يفتح بيتهم على شارع المعونه.. والحديث يا بكري عن سكوته يذكرنا الأخ المرحوم الضابط صلاح برجل.. رحمه الله فقد سمعنا أنه توفى وإن كنت لست بمستيقنا من الخبر... وإلى الرسالة
    Quote: الاخ كمال كرار



    نشكرك على هذا البوست الرائع جداً

    نحن ناس كرش الفيل ..

    من آل سكوته جيران عمك فضل كرار ودرست مع حافظ (على ما اظن) في الابتدائي

    وتأسفت جداً لوفاة ابو علي الله يرحمه ويغفر له ولنا جميعاً..

    من الاسر التى لم تذكر

    اسرتنا حسن عبدالله سكوته (جدي لامي واولاده

    محمد نور-بالحاج يوسف

    وعبدالله ويعرف بعبود -الحاج يوسف

    وعثمان سكوته الله يرحمه

    واسرة ادريس عبدالله سكوته واولاده

    أحمد ادريس-المؤسسة- الله يرحمه

    وعبدالله ود.الزين بايرلاندا واسحق ونوح وآمنة سكوته اقدم ضابطة شرطة بالصافية

    واسرة سيد على سكوته واولاده فاروق الله يرحمه وسامي

    واسرة الصادق موسي واولاده البروف توفيق الصادق-الله يرفعه -بشمبات وهاشم وعصام وبدرالدين ومجدي والتيمان طارق وياسر

    واسرة ياسين شندي منها عبيد ياسين حارس مرمي الكوكب والتحرير

    واسرة آل العبيد كان في واحد منهم متزوج خواجية كل يوم ونحن صغار ننتظرها تطلع علشان نقول ليها هاي

    واسرة دفع الله -بابكر دفع الله و عزالدين وعادل

    واسرة محمد ابراهيم - بابكر وعبيد وعمر ومحي الدين

    واولاد حاج رحمة

    واسرة حسين الجزار واولاده عمر ومحمد وصلوا رتبة اللواء بالجيش والرشيد ومعاوية واحمد وقاسم وجمال

    واسرة حمد النيل واسرة بدوي عامر وعارف وعادل واسرة عبدالجليل نور الدين عبد الجليل من مؤسسي فرقة الاصدقاء والآن مؤذن المسجد قدام ناس عمك واخوانه



    واسرة ابو سمرة واسرة علايا وناس القصاص وفضل الله الحسن الفرن واسرة كمدنجو وعلى سبيلة

    وكثير من الاسر التى لا اتذكرها الآن

    ومن اشهر معالم كرش الفيل دكان الشول اليماني ودكان ابو سجارة وقدرة عمك عبد اللطيف وميدان المولد الرابطة



    من لاعبيها دسوقي مصطفى والتيمان حسن وحسين الجعلي وعوض سعيد وحالياً

    ومن اشهر شخصياتها في زمنا عبد المنعم العوير ورجاء الطرشة ( في زول متذكرهم هنا؟

    وقبل شهر كنت في السودان بس تقريبا كرش الفيل بدات تتغير والناس بدأو يبيعو بيوتهم ويرحلوا الاطراف ودي مشكلة لانها كلها ورثة لقدم الحي

    لك التحايا والود

    ونواصل



    (بكري محمد موسي (سكوته




                   |Articles |News |مقالات |بيانات

07-27-2008, 05:58 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ آدم موسي الصوره اعلاه لا في الهرم ولا حاجه .دي في الخرطوم بحري بس الآت التصوير قديمه!!!!!!!!!!

    ابو رزقه تصور صاحب الصوره دي اقدم من عوض بابكر؟

    يا دكتور عبد المحمود هم اصلا كانوا جاكسون فور وصديقي فاز بالتذكيه ودخلوه معاهم وبقوا جاكسون فايف!!!

    اخي بكري سكوته الف مرحب بيك وتحياتي الخاصه للاخ المؤذن نور الدين عبد الجليل!!!

    اما قدرة عمك عبد اللطيف رحمه الله كان اضمن محل يمكنك ان تجد عشاء في وقت متاخر واول من ابتدع قصة الفسيخ في المحلات .
                   |Articles |News |مقالات |بيانات

07-27-2008, 06:12 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    طارق

    والله حيرتني بالصورة دي

    وكتمت الضحكة

    لكن ود موسي قال الصورة دي بتكون مزورة.
                   |Articles |News |مقالات |بيانات

07-27-2008, 06:11 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    غيرت الصوره!!


    اوففففففففففففف ف ف ف نفسي انقطع !!!تحت التربيزه.


    الف تحيه لاخي العزيز الباشمهندس محمد موسي محمد نور الشهير" بود موسي" زميلنا بالاميريه وببحري الثانويه وصديق العمر الذي ورد اسمه

    كثيرا علي لسان كمال كرار وحسن طه وعلي لساني والعذر له ان شوهت صورته رغم انني علي قناعة تامه باني .....اقيف منو!!!


    بس حبيت اعرفكم علي المع شخصيات بحري
                   |Articles |News |مقالات |بيانات

07-27-2008, 06:32 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    فعلا يا حسن طه الصوره بها بعض التزوير لاني دخلتها علي فوتوشوب واجريت عليها بعض التحسينات!!!
                   |Articles |News |مقالات |بيانات

07-27-2008, 06:42 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote:
    يا اخوان انتو وييييييييييييين الجماعه؟؟؟؟؟؟ لسه بيكسروا في التلج!!!!!!!!!!!!

    ده سؤال يا طارق ميرغني يعني منزّل صورة مايكل جاكسون في بروفايلك وعاوز الناس ما تختفي من البوست وتكتفي بتكسير الثلج .

    أغنية خلوني أسكن بحري التي نزلها الأخ هيثم لبيب أعتقد بصوت أولاد شمبات (عوض وإبراهيم شمبات) وللتأكد من هذه المعلومة أسأل صاحب الصورة في بروفايلك ممكن يكون عاصر تلك الفترة ..


    أمامك 24 ساعة فقط لتغيير صورة البروفايل ، الفورمايكا أحسن بكل المقاييس حتى بمقياس رختر .. يا طارق أرحم من في البوست يرحمكم من في السماء ..
    وحتي يتم ذلك لا أقول وداعاً ولكن أقول إلى لقاء .

    مع تحياتي ؛؛
                   |Articles |News |مقالات |بيانات

07-27-2008, 07:24 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    يا طارق عرفناك فنان وموسيقي

    لكن ما قايلنك فنان في تزوير الصور

    ود موسي قال هو لو أصلا كدا ما كان يزور صورته ويخفي الصلعة

    قلت ليه طارق بيعمل بالقول

    " ويؤثرون علي انفسهم ولو كانت بهم خصاصة."

    وود موسي قال عايز يرفع عليك دعوي تعويض

    لانو كثيرين من المتداخلين مفتكرين دي صورتك نمن كنت صغير.

    اقتراح:

    ايه رايك تفتح استديو فارتي وود موسي قال مستعد يشاركك في راس المال

    خاصة وشعرو كان افرو.
                   |Articles |News |مقالات |بيانات

07-27-2008, 07:41 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا ابو رزقه تم تغيير الصوره قبل ال24 ساعه بناءا علي رغبة الجمهور وبعد ان آتت اكلها ... حلوه " اكلها" دي؟؟؟

    يا حسن طه يا خي انا العايز تعويض من ود موسي لانو الناس اكلت لحمي... ده منو؟؟؟ واحدين قالوا سرور وآخرين قالوا الامين برهان .

    واحدين قالوا الصوره في ميدان رمسيس وآخرين قالوا في تل ابيب .. كرهوني العيشه بالاضافة الي انها طفشت الناس من البوست وخايف كمال

    السر يقوم يزعل عارف الراجل جعلي وبعدين عندو مواقف ثوريه تجاه ود موسي لذا قررت ان الرجوع الي الحق فضيله فارجعت الصوره حتي تعود

    المياه الي مجاريها ... ويا اخوانا امسحوها لي في وشي تاني ما حتتكرر.
                   |Articles |News |مقالات |بيانات

07-27-2008, 08:36 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: فارجعت الصوره حتي تعود

    المياه الي مجاريها ... ويا اخوانا امسحوها لي في وشي تاني ما حتتكرر
    .




                   |Articles |News |مقالات |بيانات

07-27-2008, 11:16 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الإخوة الأحباب ناس بحري

    ما زالت الإتصالات تنهمر من شتى أنحاء المعمورة...تثنى على هذا البوست.. وتود استمراره ورفده.. بكل ما يمت لبحري بصلة...أستذكار الشخوص والأمكنة والآحداث ولا بأس من ذكر العوائل والأسهاب في الحكاوى والمواقف التي أرتبطت بالمدينة أو بشخوص منها....

    الكل من المتصلين يشيد بجهود الكل...ويتمنون عليكم ألآ تبرد همتكم.. وأن تشحذوا الذاكرة.. وتعيدوا لهم الزمن الجميل... وهم بعيدين عن الوطن شأنهم شأن الكثيرين من المساهمين في كتابة هذا البوست..

    التحية لكم يا أبناء وبنات بحري الأوفياء.. ودي المحرية منكم... لأنو

    -----------------
    بحري طراوة
                   |Articles |News |مقالات |بيانات

07-27-2008, 11:30 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    بالله يا كمال اول مره اشوفك تلاوز .. يعني انا نكت كل اوراقي ودفاتري القديمه وكل خزن الزمان عشان انكت ليكم صورة ود موسي ما

    تعبرني ولو بي تعليق .... وشابكني الجعل وناكل النار والبطيخ وووووو خزلتني والله يا دابي الكر!!!هسي تلقي ود موسي مبسوط والرجفه

    القالهاحسن طه وقفت من يده
                   |Articles |News |مقالات |بيانات

07-27-2008, 11:44 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    طارق هذا الوست جاب ليك زول قريبك شديد.... الأخ الأصغر(عمرا) عبد الكريم أحمدالأمين.. فإلي رسالته الرقيقة.. وبعدين نشوف ناس ود موسى
    Quote: الاخ/ كمال كرار

    المُحترم ,

    بعد التحيه والسلام ,,



    لازلت أتذكر صوت موتر عمي السر كرار البي سي وهو يمر بشارع بيتنا وحديثه مع شقيقي الكبير الامين أحمد الامين (اب قبه) وهو من هواة المواتر فى ذلك الزمان وعم السر كرار تربطه علاقه وطيده بالوالد أحمد الامين محمد نور (رحمة الله عليهما) ولاأزال اتذكر مشيتك المستعجله والإنكرابه عند توجهك للدناقله او الشعبيه ,, وبحرى لاتدانيها في الجمال والروعه والإلفه إلا بحرى ,, وأبناء بحرى اينما حلو تجدهم مُميزين ومتضامينيين ومتضافرين

    نرجع للمزاد شمال في 1960 وهو عباره عن سته منازل موزعه كالآتي:-



    منزل المرحوم العم حسن الزين بشارع الطيبات والد (السر ومحمد وعيسي ومولانا صلاح ومحجوب) ,, وخلفهم منزل المرحوم محمود أمين (وقد رحلوا من المزاد في 1980 الي الدروشاب) شارع ناس هاشم سند والعميد شرطه (م) حسن مبروك (كلينقا) .. منزل المرحوم صلاح الشامي (والد عزت وجمال ومعاويه ومجدي) .. ثم منزلنا منزل المرحوم أحمد الامين محمد نور (والد حسن والامين والمستشار عبدالكريم بدبي) وذلك بشارع الطيبات ومواجهين لمعهد أونسه ومن ثم منزل المرحوم العم عبدالله عبدالرزاق (والد عبدالرزاق وعبدالعزيز نكش والدكتور خالد حوات) بشارع ناس عبدالعزيز مانجل.. وعند نهاية محطة البصات والبكاسي قرب كوشة الجبل منزل المرحوم نمر (والد عبدالمنعم وصلاح )



    وانت في المزاد إذا وقفت في مكان إستاد التحرير الحالي (ميدان النجم الاحمر سابقاً) بتشوف القطر جاى من الكدرو وبتشوف مزرعة جابر ابو العز قبل الصافيه وإذا نظرت شرقاً الكرنتينه والتي لايستطيع كائناً من كان أن يدخلها بعد الساعه الخامسه مساءاً في وجود عمك باجورى الاسطوره والتي أصبحت حالياً المغتربين ,, جنوباً بعض منازل من المزاد جنوب وبعدها الانادي والسلخانه في مكان مستشفي أحمد قاسم (والانادي لشباب جيل الانقاذ هي مكان تعاطي الخمور البلديه في ذلك الزمان ) و من جهة الغرب شارع المعونه (الطيارالكدرو) وإذا عبرته في الاتجاه الي الشعبيه والتي كانت عباره عن غابة مسكيت وتوجد بعده مزرعة اصطفينوس للخنازير – سكان المزاد هم عباره عن تشكيلة لكل قبائل السودان وهم في الاساس جيران سواء في الختميه او الدناقله شمال أو جنوب قبل أن يرحلوا الي المزاد – ولاتزال الاسر القديمه موجوده بحي المزاد وإن كان بعض الابناء ونتيجه للمصاهره قد رحلوا عن المزاد ولكن لاتزال بيتوت الاسر الكبير موجوده ..



    ولك الشكر والاحترام,,



    اخوك/ المستشار القانوني

    عبدالكريم الامين

    دبي – الامارات العربيه المتحده

    00971505199440

    00971559554740

    [email protected]

    [email protected]

    ملحوظه:- (كمال إذا لم تتذكرني فاأنا قريب طارق ميرغني)



    معقولة يا عبد الكريم أنساك.. أو أنسى حتى والدك الله يرحمه أول مؤذن في مسجد أنسه وصوته الشجي.. أو أنسى الأمين أخوك.. أو حتى أختك الموظفةآنذاك.. وأختك الصغيرة (تماضر).. والآن أكيد كبرت بس عايز أؤكد ليك بأني لم أنسك قط يا عبد الكريم.. وعارف إنو في واحدة على ما أعتقد أصغر من تماضر..
    تحياتي لك يا عبد الكريم.. وطبعا طارق رفيقي هنا كما ترى.. كما وإنك في سلك القانون.. هناك الوليد محجوب كرار وهو إبن عمي ربما زاملكم حيث أنه أبن نفس الكار...

    التحية مزجاة لك مرات ومرات .. ونرجو أن تتواصل معنا..

    ---------------
    بحري طراوة
                   |Articles |News |مقالات |بيانات

07-27-2008, 01:08 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وصلتني هذه المشاركة الجميلة من المستشار القانوني/ خالد عثمان أحمد ، من أبناء الشعبية جنوب ، والمقيم حالياً بمدينة جدة بالمملكة العربية السعودية .

    Quote:
    أخي /عبد الرازق

    هذا البوست جعلنا نحلق في عوالم من الدهشة والمتعة ، وفقكم الله ، لقد لاحظت عدم تطرقكم لمحامي بحري فأردت أن أدلي ببعض المعلومات عن قدامي المحامين ببحري :-

    1- الأستاذ/ حامد السيد آدم ، وهو من أقدم محامي بحري ، ويقع مكتبه في سوق صغير تباع فيه أشياء فلكلورية يقع شرق سوق بحري ، وهو لا يزال يعمل بالمهنة متعه الله بالصحة والعافية .

    2- الأستاذ/ سيد كامل ، ويقع مكتبه شمال سوق بحري وقد كان ممثلاً في شبابه ويبدو أن الحنين للتمثيل راوده في الفترة الأخيرة فقد رأيته يقوم بدور في أحد المسلسلات ، وهو والد الأستاذ/ محمد سيد كامل المحامي بمكة المكرمة ، وله إبن يعمل الآن دبلوماسياً في الولايات المتحدة وكان أيضاً مذيعاً بقناة النيل الأزرق ، ووالد المذيعة التلفزيونية الشهيرة ندى سيد كامل .

    3- الأستاذ/ بدران ويفتح مكتبه على دلالة بحري للعربات ، وقد إشتهر بعمل التواثيق ولم يعد يظهر أمام المحاكم وإن كان له إبن شاب يبدو أنه قد إستلم الراية من والده .

    4- الأستاذ/ مرسي عبد الله مرسال وهو من ديوم بحري ، وقد كان مرشحاً للحزب القومي في دائرة بحري وهو رجل بشوش ومحبوب من الجميع ، وقد كان متهماً مع الأب فيليب عباس غبوش في ما سمى بالمحاولة التخريبية أيام مايو .

    5- الأستاذ/ حمد النيل ، وهو من الدناقلة جنوب جوار المسجد ، وهو أيضاً من كبار المحامين وكان يمتاز بمظهره الأنيق .

    6- الأستاذ/ عمر عبد الله الشيخ (نقد) وهو ليس من نفس الجيل المذكور سابقاً وإن كان ينتمي إلى الجيل التالي لهم ولكنه تبوأ مناصب كبرى في نقابة المحامين وهو الآن سكرتير لجنة قبول المحامين .

    إن كان في العمر بقية سأتطرق إن شاء الله للظرفاء من محامي بحري وعلى رأسهم السر حمامة الذي يعرفه جيداً أبناء الدناقلة .
    ولكم الود كله ؛؛

    المستشار القانوني / خالد عثمان أحمد
    المملكة العربيـة السعوديــة – جـدة
                   |Articles |News |مقالات |بيانات

07-27-2008, 02:08 PM

Zein Hasan Mahgoub

تاريخ التسجيل: 07-14-2008
مجموع المشاركات: 219

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ الأكرم عبد الرازق سعيد تحياتي

    لك الشكر علي المجهود لمقدر الذي بذلته في التوثيق للأسر التي تسكن حلة النجمة . اظن ان هناك بعض الأسرة التي سقطت سهوا ارجو ان اوفق في سرد البعض منها و ارجو المراجعة اذا حدث خطأ

    الشارع المقابل للبوابة الرئيسية لإستاد التحرير:

    1. اسرة غالي القبطي و منزلهم فاتح علي استاد التحرير.

    2. اسرة شنودة القبطي وكان من كبار موظفي الإدارة المركزية الكهربية والد صفوت الهلالابي الشهير.

    3. اسرة عبد الله الجاك (من جنوب السودان) و منزلهم شرق منزل اسرة المرحوم عباس تكنون.


    من الأسر التي سقطت سهوا ايضا في الشارع الذي يليه الي الشمال(شارع بيتنا)

    1. اسرة المرحوم صلاح عوض عبد العزيز و اولاده عماد و محمد. و بيتهم يفتح علي استاد التحرير.

    2. اسرة محمد عثمان هارون و هم يسكنون في المنزل المجاور لمنزل اسرة عباس سلام من الناحية الغربية (مقابل لمنزلنا) من اولاده خالد(امريكا) يحي(استراليا) د. عمر (بريطانيا) و معاوية. منزلهم هذا كان يمتلكه المرحوم بلال عبد القادر هو من اهالي العسيلات و كان يسكن في عزابة.

    3. اسرة محجوب ......و هو الي الغرب من منزل محمد عثمان و مقابل منزل المرحوم عبد الرحيم محمد جمعة . هذا المنزل كان ملك اسرة عمنا المرحوم ابراهيم حسب الله و الد كا من ناصر، المرحوم رمضان عازف الكمان الشهير، عبد الغفار و عباس و جد الفاتح (عذاب) . ناصر استقر بجبرة، عبد الغفار بالحاج يوسف، رمضان بالدروشاب،و عباس بالثورة.

    4. اسرة المرحوم محمود فضل والد المرحوم عبد الغفار ، فضل، عبد الرحمن، ازهري و عادل (مروس).

    5. عمنا حامد الزين (خال الرئيس) و منزلهم جوار منزل اسرة محمود ابو بكر نهاية الشارع و من اولاده علي حامد ،عمر و بكري .و هم الان بام القري.


    من الأسر التي سقطت في شارع الطيبات

    1. اسرة الرشيد (دكان النيل الأبيض).

    2. منزل اسرة محجوب الجميعابي والد عابدين و المرحوم محمد(الكابوي) و حبيب مجاور لمنزل علوبة.و قد اشتري منزلهم عز الدين محمد علي شقيق اشرف و خالد شيبة.

    3. منزل اسرة المرحوم صلاح سعيد الشامي والد الأستاذ عزت و معاوية و جمال و مجدي الحلبي. و اشتري منزلهم الأخ الفاتح حاج التوم شقيق طارق.

    4. اسرة المرحوم حسن ابوزيد السياسي الشهير و الراجل الفاضل والد هشام وحاتم .

    5. اسرة صلاح سنبلة علي الناصية الشمالية الغربية لاستاد التحرير و كان يسكن هذا المنزل و لفترات طويلة عزابة. و صاحب المنزل الأصلي هو المرحوم كامل مرسي و الذي رحل الي جزء اخرمن المذاد شمال.


    الأخ العزيز عبد الكريم أحمد الأمين:

    كيف الحال ..... اخبارك كيف ..... و اخبار الأسرة في السودان .
    شكرا علي الرسالة و سوف تجد رد عليها حالأ.
    بالمناسبة لا زلت اذكر الوالد أحمد الأمين مؤذن الجامعة و لا زلت اذكر صوته في صباح كل عيد و هو يكبر و يهلل قبل الصلاة بذلك الصوت الرخيم الذي ما ذال يرن في اذني. له الرحمة و المغفرة و حسن الجزاء من المولي عز و جل.
    يا عبده اظن ان الفحامة و السلخانة في مكانهما اقيمت مدرسة الحرية الحالية و ليس مستشفي احمد قاسم.
    كما أظن إن من اسماء الأنادي يضا اسم (الجو) بالمناسبة عاوزين كلام عن سر هاتين التسميتين.


    الأكرم كمال كرار

    من ظرفاء بحري الذي لم يعطوا حقهم الأخوة عبد العزيز مانجل و كمال فضل الله (نوبة) ارجو ان نجد من لديه بعض من طرفهم. من طرف كمال نوبة : قالوا جاء واحد شباب الكورة لمنزل كمال و دق الباب فخرج له العم فضل الله فقال له الشاب يا عم نوبة،بالله كمال في.
                   |Articles |News |مقالات |بيانات

07-27-2008, 02:23 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: بالله يا كمال اول مره اشوفك تلاوز .. يعني انا نكت كل اوراقي ودفاتري القديمه وكل خزن الزمان عشان انكت ليكم صورة ود موسي ما

    تعبرني ولو بي تعليق


    طارق ياحبيب.. أقول شنو؟؟؟

    الراجل جد... لازم نوقره ونحترمه.. هسع عليك الله أنت بتعمل في جدك كده؟؟؟ الناس مقامات يا طارق... نحن نونو صغار...نقعد نقرق على واحد جد أنتو الأدب ده وقت قسموه كنتوا وين؟؟؟

    حسن طه داك.. خليه ساكت... من زمن (مصطفى جمعة) و (صديق كيما)... ديل بيعرفوهم حسن طه والتاج خضر...يلا يا حسن طه ذكرياتك عن الشخصيتين السابقتين
                   |Articles |News |مقالات |بيانات

07-27-2008, 04:05 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    مصطفي جمعة وصديق كيما

    يا كمال

    ممكن استعين بصديق ..... طارق ميرغني ؟
                   |Articles |News |مقالات |بيانات

07-27-2008, 04:53 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    Quote:
    مصطفي جمعة وصديق كيما

    يا كمال

    ممكن استعين بصديق ..... طارق ميرغني ؟


    صدقني دي ما بحلها ليك إلا أخونا سعادة الفريق/ تاج الدين خضر الجزولي...

    لو عايز نلفونو قول عوووووووووك
                   |Articles |News |مقالات |بيانات

07-27-2008, 05:38 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلام ياهل بحرى واحبابنا....

    مسعوليين من الخير ...فى زمن ليس بالبعيد كان فى دار لرعاية العجزة...يقع فى منطقة ديوم بحرى على

    ما أعتقد فاتح على الشارع المسفلت الشاقى ديوم بحرى الان...

    ممكن ديناصورات بحرى يلقوا بعض الضوء عليه...

    حولكم نحلق...بجيكم راجع
                   |Articles |News |مقالات |بيانات

07-27-2008, 06:11 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أمجد تقصدالملجأ...

    موقعه تقريباقبل شارعين من ميدان عقرب..في الإتجاه من الشمال للجنوب

    وبعد منزل نوبي المقاول..

    والشارع مليان أشجار نيم

    والشارع أسمه شارع الملجأ

    (عدل بواسطة Kamal Karrar on 07-27-2008, 07:11 PM)

                   |Articles |News |مقالات |بيانات

07-27-2008, 09:43 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: فى زمن ليس بالبعيد كان فى دار لرعاية العجزة...يقع فى منطقة ديوم بحرى على

    الإسم الحالي لهذه الدار هو دار الضو حجوج لرعاية العجزة والمسنين ، ويقال إن هذه الدار أنشأها الإنجليز في 1928م وأعاد تأسيسها لاحقاً الملك فاروق ..
                   |Articles |News |مقالات |بيانات

07-27-2008, 10:34 PM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    2
    Quote: - الأستاذ/ سيد كامل ، ويقع مكتبه شمال سوق بحري وقد كان ممثلاً في شبابه ويبدو أن الحنين للتمثيل راوده في الفترة الأخيرة فقد رأيته يقوم بدور في أحد المسلسلات ، وهو والد الأستاذ/ محمد سيد كامل المحامي بمكة المكرمة ،زرق وله إبن يعمل الآن دبلوماسياً في الولايات المتحدة وكان أيضاً مذيعاً بقناة النيل الأ ، ووالد المذيعة التلفزيونية الشهيرة ندى سيد كامل .



    الدبلوماسى زميلنا فى الدراسه عمر الفاروق سيد كامل سكرتير اول فى واشنطون..
                   |Articles |News |مقالات |بيانات

07-28-2008, 04:20 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    الاخ كمال

    يا ريت تلفون الاخ التاج خضر الجزولي علنا نسترجع بعض ذكريات الماضي الجميل

    ومشكور مقدما.
                   |Articles |News |مقالات |بيانات

07-28-2008, 05:09 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    Quote: يا ريت تلفون الاخ التاج خضر الجزولي ]


    الأخ/ حسن

    لأنو التاج كان شخصية عامة لحد كبير.. رسلت ليك تلفونو في المسينجر...

    بالله ألفت نظره للبوست ده.. ووريني نتيجة مصطفى جمعة وصديق كيما
                   |Articles |News |مقالات |بيانات

07-28-2008, 07:03 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)


    الاخ كمال

    لك تحياتي

    سررت كثيرا بمحادثة الأخ العزيز تاج الدين خضر ويغريك كثير السلام ووعد بالتداخل في بوست بحري.

    ما زال بنفس ضحكته وروحه المرحة

    ذكرني ببعض الذكريات ومنها قيامنا معا بتاجير العجلات كهواية اولي لنا في ذاك الزمن الجميل .

    اكرر لك الشكر

    حسن
                   |Articles |News |مقالات |بيانات

07-28-2008, 01:24 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3680

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    حسن طه سلامات..

    بركة الكلمت الراجل البركة التاج.. صديق الطفولة الأولى .. تعرف أنا والتاج دخلنا مدرسة الدناقلة شمال.. زمان الغابة كانت وراء مدرسة الخشب (أستاذ تاج السر).. وكنا نوفر من حق الفطور وكل أسبوع واحد فينا يشتري ميكي والثاني سمير..ونتبادل المجلات.. وبعدين نجمعهم عندي في البيت في كرتونة طبعا.. يا الله يا التاج...كم تمنيت أن التقيك في الخرطوم قبل ما يزيد عن شهر ولكن أنت عارف السودان وظروفه.. لكن سنلتقي إن كان في العمر بقية؟؟؟

    أبو علي.. ما قلت لي التاج قال ليك شنو عن مصطفى جمعة وصديق كيما أتذكرهم؟؟؟ ولا هو ذاتو بقى نساي...

    أها أزيد ليك عليهم.. "شكر بودا"... أكيد أتذكرته...

    --------------------
    بحري طراوة
                   |Articles |News |مقالات |بيانات

07-28-2008, 07:05 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    هذا هو يوم المستشارين الاعزاء عبد الكريم الامين ( لم استطع الحضور اليك عند زيارتي لدبي لاني سافرت تاني يوم دون سابق انذار فالعفو)

    المستشار خالد والله ما قصرت كميه من المعلومات المفيده وارجو المواصله وذكرتنا الزمن الجميل ،الاساتذه بدران،مرسال والعزيز الوجيه

    جارنا احمد حمد النيل وصديقنا العزيز والظريف السر حمامه .

    من ساكني المزاد جنوب اذكر خشم الموس( نسيب زميلنا محمد فضل يا كمال) ومربع غرب مدارس الحريه ناس عمك الشيخ الترزي والد ناس عبده

    الشيخ وناس شيخ ادريس كباشي رحمه الله وعمك يسن السيد علي والد د. شوقي ونبيل باليمن والفاضل دراج الرياضي القديم رحمه الله قريب ناس

    عصام كوكو(المزرد) واولاد حسن عبد التام لاعبي العامل جعفر واسكور وحمودي وخضر بتاع الكمان رحمه الله جار الماذون عباس حاج التوم .

    اخي خالد عثمان فعلا السلخانه والفحامه كانتا في محل مدارس الحريه حاليا .

    اما الاندايات او "الجو" فكان في مكان مستشفي احمد قاسم حاليا .

    الجو:

    كان تجمع من الاندايات ومعظمها مصنوع من القش وبقايا الجوالات وحدث من قبل حريق عظيم كتب نهايته .

    كان له نظام فتضرب صفاره عند الساعة الخامسة مساءا لينفض سامر كل المقيلين.

    كان ايضا هناك بار حياة اول امراه وربما آخر واحده تمتلك بار في تلك المنطقة .

    غرب الجو كان هنالك حوش البلديه في نفس السهله وكانت تجمع فيه الجرادل الخاصة بالادبخانات في ذلك الزمن قبل ظهور السايفونات .

    كان يتوزع تحت اشجار المسكيت او كماكنا نسميها حينئذ التمربونا تحت ظلالها العديد من الحلاقين الذين يتخذون من سيقان الشجر متكأ

    لمراياتهم وكثيرا ما كان يطاردهم ناس البلديه في منظر لا ينسي فتجد الزبون بنصف راس محلوق مهرولا في اتجاه حاملا الفوطة البيضاء

    وحلاقه في الاتجاه الآخر حاملا الكرسي والمرايه ويؤشر للزبون ان نلتقي بالشارع الفلاني لاستكمال ما تبقي من المسلسل!!!!!!!




    اخوي حسن طه وكمال ، حبه وكيما ديل انا كنت صغير ما بتذكرهم..
                   |Articles |News |مقالات |بيانات

07-28-2008, 07:25 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    من حكاوي الوالد - الله يديه العافية- ان المنطقة بين الدناقلة شمال وشمبات التي توجد بها حاليا المدارس والشعبية كانت عبارة عن غابة كثيفة .

    وكان الذهاب من حلة الدناقلة جنوب لشمبات يعتبر سفر.

    طارق شفت الغابة دي ولا لأ؟ انا غايتو ما شفتها لكن سمعت عنها ومتخيلها.
                   |Articles |News |مقالات |بيانات

07-28-2008, 08:16 AM

عبدالمحمود محمد عبدالرحمن

تاريخ التسجيل: 02-17-2006
مجموع المشاركات: 1392

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: الجو:
    كان تجمع من الاندايات ومعظمها مصنوع من القش وبقايا الجوالات وحدث من قبل حريق عظيم كتب نهايته .
    كان له نظام فتضرب صفاره عند الساعة الخامسة مساءا لينفض سامر كل المقيلين.
    كان ايضا هناك بار حياة اول امراه وربما آخر واحده تمتلك بار في تلك المنطقة .
    وصف دقيق وتفصيلي بصورة مريبة يا طارق!!
    .
    ويابوعلي؛
    Quote: المنطقة بين الدناقلة شمال وشمبات التي توجد بها حاليا المدارس والشعبية كانت عبارة عن غابة كثيفة
    اذكر كنا نتجمع للمذاكرة في منزلكم العامر (1965م) ومعنا الأخوان عثمان حسن ووقيع الله عثمان والمرحوم عبدالحفيظ خضر ونعود أنا وابوعفان عبر بلوكات الأسمنت المكدسة لبناء الجانب الشرقي من الشعبية شمال وحتى عمارة محمدين "سلوى بوتيك" وهي تحت التشييد كأعلى مبنى في بحري حينذاك.
    .
                   |Articles |News |مقالات |بيانات

07-28-2008, 08:30 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ الزين حسن

    سلام ..

    أشكرك على مجهودك الطيب في إكمال بقية أسماء الأسر التي تقطن المزاد شمال وتحديداً حلة النجمة وبمشيئة الله تعالى سوف نواصل حتى إكمال بقية الأسماء حتى مدرسة المزاد الإبتدائية ومدرسة حاج محمود المتوسطة شمالاً (ميدان الرابطة سابقاً) بالإضافة إلى البيوت المواجهة لحي الصافية وذلك بعد الإستعانة بي صَديق ..

    أسعدتني جداً مداخلة الأخ الجميل عبد الكريم أحمد الأمين ونأمل منه المواصلة ، ومعلوماتك يا كريم قيمة عرفنا من خلالها أول ستة أسر سكنت المزاد شمال ويا حبذا لو أخبرتنا من هو أول من سكن المزاد شمال من ضمن هؤلاء الستة وذلك للتوثيق .


    Quote:
    كان له نظام فتضرب صفاره عند الساعة الخامسة مساءا لينفض سامر كل المقيلين.

    طارق .. ما كان في زمن إضافي ؟؟

    تحياتي ؛؛
                   |Articles |News |مقالات |بيانات

07-28-2008, 09:29 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: اذكر كنا نتجمع للمذاكرة في منزلكم العامر (1965م)


    ذاك يا دكتور ابوحمد زمن جميل والمذاكرة ذاتها كانت لها نكهة.

    سر اكشفه لاول مرة :

    أخوكم أحيانا كان بيعمل شوية خيانات.

    طبعا المذاكرة كانت في الغرفة الخارجية ( يعني الديوان وباللغة الحديثة الصالون لا يهم مساحة الغرفة ) .

    طبعا كان الاتفاق ان ظل احدنا صاحيا وينوم الآخرين ليصحي الباقين بدع نصف ساعة او ساعة .

    أحيانا عندما ياتي دور الصحيان لاخوكم والباقين نايمين اقوم أدخل جو البيت ونوم للصباح .

    شفت يا محمود كنت بريحكم كيف واخليكم تنوموا للصباح.

    أما بلوكات الناحية الشرقية واثناء الاجازات كنت اعمل رشاش ( حلوة رشاش دي يا طارق ) ومهمتي ارش البلوك بالماء .

    والدخل كان محترم وما في مشكلة مع سينما الصافية وفول العشاء.

    ويا عبد المحمود اي صحفي يعيش الحدث مقالاته بتكون رائعة.

    ويا طارق منتظرنك توصف لينا الغابةومن ياتو شجرة كنت بتقبض الكوكندارات.

    يا دكتور ما تغيب طويل.
                   |Articles |News |مقالات |بيانات

07-28-2008, 09:18 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي حسن طه فعلا اذكر جيدا ونحن صغار السهله ما بين الدناقله شمال وشمبات مرحلة ما قبل الشعبيه والصافيه. وكانت ايضا تكثر اشجار

    المسكيت في تلك المنطقة وعند الخري تكثر الاعشاب الصغيرة والمتفرقة في تلك المنطقه وكانت تكثر ايضا يرقات الصرفه كما كنا نسميها

    ونجمعها من تلكم الاعشاب لان منظرها كان غاية الروعة والالوان.

    Quote: وصف دقيق وتفصيلي بصورة مريبة يا طارق!!


    الدكتور عبد المحمود دقيق ممكن لكن مريب دي مريبه لانو الوقت داك ما كنا بنقيل!!!!!

    يا ابو رزقه كان الالتزام بالصفاره في غاية الصرامه ولو في زمن اضافي ممكن في بار حياة!!!!!
                   |Articles |News |مقالات |بيانات

07-28-2008, 09:40 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: ومربع غرب مدارس الحريه ناس عمك الشيخ الترزي والد ناس عبده

    الشيخ وناس شيخ ادريس كباشي رحمه الله وعمك يسن السيد علي والد د. شوقي ونبيل باليمن والفاضل دراج الرياضي القديم رحمه الله قريب ناس

    عصام كوكو(المزرد) واولاد حسن عبد التام لاعبي العامل جعفر واسكور وحمودي وخضر بتاع الكمان رحمه الله جار الماذون عباس حاج التوم .


    وعمك حاج محمود(صاحب المدرسه المتوسطه) الفى المزاد شمال برضو كان ساكن فى المربع الغرب مدرسة الحريه وكذلك عمك مهدى والد عبدالعظيم وعبدالغفار وعبدالعزيز وعبدالحفيظ(ضابط بالجيش) واسامه فنان تشكيلى..برضو فى المربع ده عمك عبدالرحمن قسم السيد
    غيتو ديل الانا متذكرهم..
                   |Articles |News |مقالات |بيانات

07-28-2008, 09:52 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    ودى رساله جاتنى من عمى عوض الله مصطفى فى بريدى .. بحكى فيهو عن ظرفاء بحرى..


    Quote: لكم تحياتي و لكل من شارك في بحري طراوة مع عميق تقديري للأخ كمال كرار و العقد الفريد في مدينة الحب و الجمال و الخيال بحري ست الهوى
    أعرج بكم اليوم إلى ظرفاء مدينة بحري و لعل عزا لدين كرار الشهير بشلنكح هو أشهرهم لأنه نكتة تمشى على قدمين ينشر الفرح و البسمة في شوارعها أينما سار .
    كان شلنكح إلى جانب انه جناح شمال خطير كان من امهر عازفي الإيقاع مع فنان يجرى الأول المرحوم ايوب فارس
    كان شلنكح في رحلة فنية و غاب عن منزله مدة من الزمن وعندما عاد وجد كديسة والده ليها خمسة كدايس في العنقريب فقال لوالدته الحاجة التومه يا حاجة دا عنقريب و لا كدارة .....
    كان أخوه برعي نحيفا جدا وكان يعمل جزارا فقال له شلنكح هسى يابرعى ياخوى بعد كل كيلو تقطعو مصيت إصبعك ما كنت بقيت جقة.....
    في زواج إحدى أشهر شخصية في بحري و كان عنده كراع حديد فاحضر له شلنكح في يوم الحنة هدية عبارة عن كيس حنة و ...علبة بوهيه.... و نواصل مع شلنكح في العدد القادم.
                   |Articles |News |مقالات |بيانات

[رد على الموضوع] صفحة 7 „‰ 94:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de