مواضيع توثقية متميزة

بحري طراوة... ويا ناس بحري .. قالوا بتحبوا يلا حبونا..

مرحبا Guest
اخر زيارك لك: 03-19-2024, 06:41 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-28-2008, 02:04 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Adam Mousa)

    آدم موسى .. تحياتنا لك وللأخ الكريم/ عوض الله...

    وشكرا جزيلا يا أبن حلتنا الشفيف الليلة ذكرتنا محن (شلنكح) الله يديك ويديه العافية...وبالله ما تقطع وواصل إبداعك.. في بحري...

    ------------
    بحري طراوة
                  

07-28-2008, 10:48 AM

عبدالمحمود محمد عبدالرحمن
<aعبدالمحمود محمد عبدالرحمن
تاريخ التسجيل: 02-17-2006
مجموع المشاركات: 1443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote:
    واثناء الاجازات كنت اعمل ... والدخل كان محترم وما في مشكلة مع سينما الصافية وفول العشاء ...
    خيانة كبيرة يابوعلي؛ .. وأنا وابوعفان من ضل ضحى لضل ضحوية!!!
    بيني وبينك قلبنا أكلنا ... مع الروقة والنعنشة والعجلة الرالي و و ...
    وياطارق؛
    Quote:
    ... كان الالتزام بالصفاره في غاية الصرامه ولو في زمن اضافي ممكن في بار حياة!!!!!
    وبرضو تقول لي مافي مقيل!!!
    .
                  

07-28-2008, 11:13 AM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    قلنا نسمعكم غنا جميل لفنان كبير وبرضو ساكن بحرى..الموسيقار قيثاره الاغنيه السودانيه الحديثه..
    محمد الامين بالعود فى اغنية ربيع الدنيا للمرحوم العملاق عثمان حسين..





    http://www.sudani.ws/music/mohamedelamin/rabee_aldonia.html

    (عدل بواسطة Adam Mousa on 07-28-2008, 11:19 AM)

                  

07-28-2008, 11:33 AM

hassan bashir
<ahassan bashir
تاريخ التسجيل: 02-17-2006
مجموع المشاركات: 1302

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    من أظرف الشخصيات التي عرفتها الرشيد عواض الشهير بـ الرشيد 80 وهو شقيق الصديق العزيز والزميل متوكل عواض (المزاد). وقد أطلق على نفسه هذا الاسم حيث كان مهووساً بكرة القدم لدرجة الجنون، وصادف في تلك الفترة ظهور الرشيد المهدية والذ أطلقت عليه إحدى الصحف لقب الرشيد 80، فلم يجد الرشيد عواض حرجاً في استعارة الاسم والطواف على مختلف أحياء بحري للمشاركة في تقسيمات كرة القدم وإظهار مهاراته التي كان يعتقد أنها لم تخرج للعلن بعد. وكان يسوق لنفسه بطريقة طريفة حيث يكتب في الحائط بالفحم عبارات على شاكلة 80 يعود للملاعب بعد الإصابة. الهلال يفاوض 80 والمريخ ينافسه، الخ...

    آخر عهدي بـ 80 أنه كان في الدوحة بمعية شقيقه الأكبر. من ذلك الحي أيضاً أصدقائي هشام الفاضل دراج وشقيقه الظريف هاني والذي كان دائماً ما يناكف 80، وكذلك نور الدين محمد نور الدين وشقيقه عبد الماجد (بنك السودان). في تلك المنطقة أيضاً يوجد منزل العم محمد سالم فني الاتصالات السلكية واللاسلكية بالكبانية والذي تشرفت بالعمل تحت إمرته في الثمانينات كصبي يقوم يتجهيز السلم والمعدات عندمايقوم بإصلاح أعطال الهواتف في مختلف أرجاء بحري. عملت أيضاً كصبي مساعد للعم القرود أظرف وأطيب وأنقى سكان بحري وكان العم المرحوم سراج الدين والد الصديق العزيز مهلب مديراً للكبانية آنذاك.

    وأذكر في تلك الفترة وعقب انتهاء الفني من إصلاح الهاتف، أنهم كانوا يقومون بفحص التاكد من عملية إصلاح العطل عبر الاتصال برقم معين في الكبانية والانتظار لبرهة حتى يرن جرس الهاتف ويرفع الفني السماعة ويتحدث مع المتصل من الكبانية للتأكيد على معالجة بلاغ العطل. ما استغربت له لاحقاً أن تلك الاتصال كان يتم على جهاز يظهر الرقم ويسمى بيجر Pager أي ما عرف فيما بعد بالـ بليب.

    أتاحت لي تلك الوظيفة الدخول لمعظم المنازل التي كانت بها هواتف. ونادراً ما كان فريق الصيانة يتناول إفطاره في دكان أو مطعم، فأهل المنازل كانوا يتكفلون بذلك في كرم بحراوي لا تجد له مثيلاً في أي مكان بالعالم.

    ياسر حامد: والله خبر تلبيتك دة اجمل خبر، بس استعجل. والمرة دي إن شاء الله تكون متفرغ لينا. تحياتي لحاتم الرشيد وبقية العقد (البحراوي) الفريد.

    عبد الرازق سعيد(73.6) : تحياتي وأشواقي الشديدة.استغربت أنك لم تتناول بالذكر شخصية هامة لا تبعد عنكم كثيراً وهي الاستاذ العبقري فخري والذي كان مدرس freelance للرياضيات بمنزله، واشتهر بطريقة معاقبة مبتكرة وهي حشر القلم بين أصبعى السبابة والوسطى وضمهما معاً ثم برم القلم مع الضغط على الأصبعين. كما أسلفت، لم أكن على وئام مع الرياضيات وقد اضطررت للذهاب للدرس الذي يلقيه أستاذ فخرى مرة واحدة .. وأخيرة بعد أن وقعت أصابعي ضحية لتلك المنجلة لتصبح يدي بعدها مثل يد اللوبستر. أتمنى ان يكون الأستاذ فخري بخير، وهو بالمناسبة قريب للأخ الصديق والزميل وليد.

    بعدين يا عبد الرازق معقول تنسى حبيبنا وصديقنا العزيز عاصم زيادة؟

    كرش الفيل هو واحد من أجمل أحياء بحري وأكثرها حيوية، إلا أنني بت اتحاشى حتى المرور به بعد أن فجعت في وفاة أخي وصديقي ورفيق عمري عصام الشيخ، رحمه الله رحمة واسعة.

                  

07-28-2008, 02:47 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: hassan bashir)

    Quote: الرازق سعيد(73.6) : تحياتي وأشواقي الشديدة.استغربت أنك لم تتناول بالذكر شخصية هامة لا تبعد عنكم كثيراً وهي الاستاذ العبقري فخري والذي كان مدرس freelance للرياضيات بمنزله، واشتهر بطريقة معاقبة مبتكرة وهي حشر القلم بين أصبعى السبابة والوسطى وضمهما معاً ثم برم القلم مع الضغط على الأصبعين


    حسن بشير سلامات...

    بالله أنتو برضو درستوا عند فخري؟؟؟ طبعا هو عم عثمان نكير ود. يوسف.. ومحمد.. ومن وسائل العقوبة عنده كانت العض.. يعضيك لما يقرب يشيل لحمتك.. الحمد لله أنا ما عضاني ولا دقاني...لكن شفت عضو في عثمان نكير..

    التحية لكل الشخوص التي تداعت بذكرى الأستاذ فخري.. وللأستاذ/ فخري على وجه الخصوص.

    ---------------------
    بحري طراوة
                  

07-28-2008, 03:45 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    Quote: وبرضو تقول لي مافي مقيل!!!
    .

    يا عبد المحمود كيف مافي مقيل؟ ناس طارق ديل كانوا بينزلوا الراية عديييل كده!! تقول لي مافي مقيل
                  

07-28-2008, 11:32 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخوان/ الأعزاء

    البوست هذا الصباح .. خبر عاجل

    أثناء مداخلة له في بوست خريجي مدرسة حنتوب بتاريخ 26/07/2008 تم القبض متلبساً على الغائب عن البوست دون عذر الأخ م. محمد شمس الدين وجاري الآن إحالته للمستشار القانوني حسن طه للتحقيق معه بخصوص أسباب الغياب .. وإدارة البوست إذ تؤكد ذلك تحذر كل من تخول له نفسه بالغياب عن البوست بأنه سوف ينال نفس الجزاء ..

    تحياتي ؛؛؛
                  

07-28-2008, 12:45 PM

صلاح شكوكو
<aصلاح شكوكو
تاريخ التسجيل: 11-19-2005
مجموع المشاركات: 4484

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ....


    العزيز (( طارق ميرغني ))
    تحياتي

    قريبك المستشار (( عبد الكريم محمد الأمين ))
    من زوار هذا البوست والذي بيني وبينه مودة وصداقة قديمة
    وتواصل رتق إنقطاعنا قريبا جدا .. لظروف الحياة وذوبان
    كل منا في مشاغله ..

    المهم أن الرجل متابع جيد رغم شدة إنشغاله .. بل يعتير
    من المداومين قراءة ومتابعة .. ورغم أن الرجل له قلم
    جلي وهو كعهدي به حصيف شفيف .. يملك أدوات الحوار
    وقادر على وفد هذا المحفل لكن زحمة العمل لا تتيح لنا فرصة
    الإستمتاع بحروفه الطيبة ..

    ومن هنا نبعث التحية للأخ العزيز (( عبد الكريم محمد الأمين ))
    فارس بحري المزاد وعلى ركن قصي من مسجد أونسه ,,

    رجاءا أخي عبد الكريم أن تبلغ مودتي لكل أحبابنا الذين تلتقيهم
    من أهل المزاد ولن نخصص الذكر لأنهم كلهم من أهل مودتنا

    عاطر تحية وأزكي سلام
    ووين ناس عاصم كروم ؟؟ في المزاد التاني


    ..
                  

07-28-2008, 01:30 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ عبد الرازق
    أشكر لك دعوتي للمساهمة في هذا البوست واشكر للأخ طارق ميرغني ترحيبه بما كتبت عن محامِي بحري .

    وهذه المرة أكتب عن شلنكح ثلاثة طرف :-

    الأولى أنه كان جالساً مع أحد أصدقائه الذي يبدو أن المزاج قد ذهب به بعيداً فقال لشلنكح إنو المرق بتاع البرندة بيمشي ويجي راجع ، وهنا قال له شلنكح (آآآآي المرق دة ما شغال أوضة وبرندة) ..

    الثانية :
    أن شلنكح كان يوماً ومع نفس الصديق يمشون في أحد زقاقات الدناقلة جنوب (قبل إزالتها وإضافتها للبيوت) وكان الزقاق طويلاً ومليئاً بالكلاب التي تنبح فيهم هو.. هو ، جاء كلب آخر ينبح هو.. هو وهكذا نبحت فيهم عدة كلاب ، وبعد أن وصلا لنهاية الزقاق أخذ شلنكح نفساً طويلاً وقال (الله يا خي كلب طوييييييل جنس طول .

    الأخيرة :
    أن شلنكح بعد أن تاب إلى الله وأصبح ملازماً للمسجد وفي صلاة الصبح سلم للجهة اليمنى فوجد أحد رفقائه القدامى (أيام الجاهلية) ، ثم سلم بالجهة الأخرى فوجد رفيقاً آخر من نفس الأيام ، فقال : (ده شنو دي صلاة ولا قعدة) .


    خالد عثمان أحمد
    المستشار القانوني
                  

07-28-2008, 01:46 PM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: واثناء الاجازات كنت اعمل رشاش ( حلوة رشاش دي يا طارق )



    بالله يا حسن طه من الزمن داك هلالابي رغم انه تسميتهم بالرشاشات جاءت بعد ذاك!!!

    اخي آدم موسي كتر خيرك مناولة "عمنا" عوض الله وعلي ذكر شلنكح ود التومه بت كباشيه كان عازفا ماهرا للطبل مع المرحوم ايوب فارس

    واثناء احدي الحفلات طلب منه فيصل اب اديه ان يعزف بصوره اجود فقال له انت صفق بالاول.

    وزعم ان احدي كديساته ازعجته في احدي ليلات المزاج فرمي بها في الدولاب واغلقه ولما فتحه بعد ثلاثة ايام كعهدها حاولت الكديسة ان

    تتمغي فانقطعت من الجوع. لكن يا عمنا عوض الله قابلته في اجازتي الاخيرة للسودان فصار رجلا ملتزما والصلوات في الجامع .

    يا د. عبد المحمود بار حياة ده بنسمع بيهو سمع وانا للحق لم اشاهده الا بقايا مبني بعد ان تهدم واحترق الجو.

    يا ابو رزقه والله ما كنت قايل صديقنا محمد شمس الدين بيخون الملح والملاح ويمشي يتسكع في شوارع حنتوب .


    انت قلت لي اهل مرتو من وين؟؟؟؟


    الاخ شكوكو عصام كروم طبعا ابن عمتي ومن اشهر من بشارعهم اسرة الحاجه زينب مدني وابنها اللواء عمر محمد الطيب واسرة زميلنا عبد

    القادر حسين عبادي شقيق فوزيه زوجة ابو داؤود رحمهم الله.

    كذلك اسره زميلنا دكتور الفاتح عثمان كرار والاستاذ علي عبد الحميد وعمك كامل صالح عبد السيد ابو صلاح وابنه المخرج الدكتور وجدي

    كامل والفنان محمود عبد العزيز وصلاح جلضوم وناس سنجر وآل سكراب وفوزي البرير وآل فرج الله وصعيل وعبد المحمود وابناءه كمال ومحمد

    الحسن وعزالدين وياسر ويحي عبد القادر وصلاح مختار وعمنا الطاهر حسن الطهار والد كمال وعادل.
                  

07-28-2008, 01:57 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: وعبد المحمود وابناءه كمال ومحمد

    الحسن وعزالدين وياسر ويحي عبد القادر وصلاح مختار وعمنا الطاهر حسن الطهار والد كمال وعادل. ]


    يا طارق عوووووووووووووك...

    عمر عنبور قال ليك يا جبان.. تفط بيتنا وهو أمام ناس عبد المحمود.. وجيران ناس صعيل بالغت فيها دي يا طارق.. عنبور "علم في رأسه بطحة"

    وبرضك نسيت عماد ود النل.. وناس عبد الرحمن دلوعة.. وناس مكاوي... الوداك بهناك.. شنو؟؟؟
                  

07-28-2008, 02:26 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)





    الفنان /عبد العزيز محمد داؤد

    ولد في مدينة بربر في العام 1930م .. في مرحلة ما قبل بداية الفن ، كان قارئاً جيداً للقرآن الكريم وذو صوت جميل وأكثر العوامل التي ساعدت على تنمية وتقوية الصوت والإندماج في هذا العالم هو مواظبته وحضوره على ملفات الذكر والمديح ..
    بعد وفاة والده ألتحق بالعمل بالسكة حديد وعمل في سنكات لمدة سبعة شهور ثم إنتقل بعد ذلك للعمل بعدة محطات وعندما علم بزيارة الفنان زنقار لمدينة عطبرة أخذ إذن وذهب إلى مدينة عطبرة سيراً على الأقدام مسافة 32 كيلو وفي الحفل وجد زنقار يتغنى بأغنيات جميلة مثل لي زمن بنادي وحبيبي غاب في موضع الجمال ، وبعد إنتهاء الحفل ذهب إليه وقال له أنني معجب بهذه الأغنيات وسأله إن كان ممكناً كتابة هذه الأغنيات له فرد مرحباً بذلك وبالفعل كتبها له بخط جميل وبدأ بترديد هذه الأغنيات بسعادة شديدة وفرحة لا توصف .. وبعد فترة ترك العمل بالسكة حديد وسافر إلى الخرطوم وعمل بمطبعة (ماكوركوديل) ثم إنتقل إلى مطبعة أخرى تسمى مطبعة الشرق الأوسط (ميدل إيست) وهي ما زالت موجودة إلى الآن وكان صاحبها يدعى (مستر كوتس) وكان يندهش عندما يأتي ضباط وعساكر الجيش لعبد العزيز وعندما ذهب يسأل العمال أجابوه بأن عبد العزيز فنان (مغني) وأخذه عبد العزيز مرة لمنزل حسن عمر سوميت وكان لديه حفل في هذا اليوم وعندما سمعه الخواجة ، أتى اليوم التالي إلى المطبعة فقال لعمال المطبعة : عبد العزيز ده يشتغل على كيفو يجي ولا ما يجي ما حد يسأله .. وبعد فترة تعرف عبد العزيز على الملحن المعروف برعي محمد دفع الله بمدينة الأبيض فبدأ تعاونهم بأغنية (أحلام الحب) وبعدها إنطلق عبد العزيز في سماوات الغناء السوداني ليتربع على عرشه وبجدارة وذلك لأنه كان يتمتع بحنجرة قوية عذبة عميقة دافئة ذات صوت قوي شامخ بالإضافة إلى روعة إنتقائه للمفردة الشعرية مع حلاوة ألحان برعي العبقري .

    كان عبد العزيز كريماً في النفس واليد واللسان وكان مجاملاً للجميع بأكثر مما يستوجب الواجب وإشتهر بقدرته الفائقة على تأليف الطرفة ويعتبر شيخ الظرفاء في ذلك المجال .
    تزوج من السيدة/ فوزية محمد حسين عبادي وله من الأولاد عمران ، عاطف ، علاء الدين وعزام ومن البنات عايدة وماجدة وعزة .
    إنتقل الفنان عبد العزيز محمد داؤد إلى جوار ربه في 4/8/1984م ، بعد أن ترك لنا هذا التراث الضخم وهذه السيرة العطرة وما زال يطرب كل من عشق وعرف معنى التطريب .
    من أغنياته :-
    صغيرتي ، فينوس .. للشاعر/ عوض حسن أحمد
    عودة قلب .. للشاعر الزين عباس عمارة
    أحلام الحب ، أسعد سعيد .. للشاعر محمد علي الأمي
    هل أنت معي .. للشاعر أحمد محمد علي (شاعر مصري)
    وداع محب ، طولت ما رديت ، صباح النور ، نسيتنا ، ما ودعت ، حكم ضميرك ، يا ناس دلوني ، ودعت وقمت ... للشاعر الطاهر محمد عثمان
    يا نديماً ، لوموه اللاهي ، أهل الهوى ، عذارى الحي ، دوام بطـراهم ، بـلادي يا سنا الفجر ... للشاعر عبد المنعم عبد الحي
    قوم يا ليل ، على الباسل .. للشاعر على المساح
    أريج نسمات الشمال .. للشاعر مبارك المغربي
    أغلى الحبايب .. للشاعر عوض أحمد خليفة
    الفينا مشهودة .. للشاعر محمد علي أبو قطاطي
    حليلة الأصبحت ذكرى .. للشاعر أبو زيد الشايقي
    نيل الحياة .. للشاعر على محمود التنقاري


    عماد عثمان أحمد
    جدة - المملكة العربية السعودية
                  

07-28-2008, 02:58 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    يا سلام يا أبو رزقة...

    هذاال أبوداؤد فنان ..لم اسمع صوتا فيه تطريب مثل صوته.. ليت طارق يعطينا فكرة عن تصنيف صوت أبو داؤد حيث أن للموسيقيين تصنفيات ومسميات للطبقات الصوتية.. وإن كنت بحس الهواة أعتقد أن صوت أبو داؤد ذو طيف واسعwide range spectrum.. ولا شنو يا طارق؟؟

    كان صديقا للوالد حيث أن الوالد عليه رحمة الله أرتبط في بدايات حياته بالفنانين حيث كان عازفا ماهرا على آلة الكمان.. ولكنه هجرها في وقت مبكر كما أسلفت في صدر هذا البوست.. ناهيك عن أنه كان يسكن في نفس الحي الذي سكنافيه ردحا من الزمن... ولذلك كنت أرى أبا داؤد في بعض ملماتنا... وبخاصة الأتراح..

    رحمه الله رحمة واسعة..

    -----------------
    بحري طراوة

    (عدل بواسطة Kamal Karrar on 07-28-2008, 03:01 PM)

                  

07-28-2008, 03:23 PM

Adam Mousa
<aAdam Mousa
تاريخ التسجيل: 09-15-2007
مجموع المشاركات: 1668

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
                  

07-28-2008, 04:13 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ويحدثونك عن الجو...(الأنادي)

    أستميح الأخ/ حاج حمد أن أستعرت مداخلة كنت شاركت بها في بوسته العامر عن الشعبية (الطحنية).. وأليكم ما كتبت حينها ياطارق ويا عبدالمحمود:

    الأخ/ صلاح شكوكو..

    لا شك في أنك ومع آخرين أسهمت بإثراء هذا البوست الجميل...

    والذي هو يوثق لحي عريق مثل الشعبية والتي وإن لم نسكنها

    فقد سكنها كثير من أهلونا ومعارفنا وزملاؤنا سواء أكان في

    الأميرية ( 1 ) أو بحري الحكومية..

    حديثك عن ميدان الجو..أغفلت فيه سبب التسمية.. وهي أن الجو

    كان الأسم المتداول للأنداية.. وقد كان نجسا فعلا ولكن ليس بفعل خراف الأضاحي كما ذكرت

    بل لعله مما يباع في الأنادي من محرمات.. وأيضا من رائحة المخرجات النتنة التي

    تلازم ما يباع في تلك الأنادي.. وأذكر ونحن في الأميرية ( 1 ) كنا نمر بالجو.. وكثيرا

    ما تضمخنا روائح المشك.. الملقى على جوانب الطريق لتقات منه حمير..تأذن بعض

    أصحابها في الدخول للأنداية لأخذ عبار أو عبارين one for the road تعينهم على تحمل

    مشقة الطريق إلى ضهاري بحري...

    وأذكر أنه تعرض لحريق كبير.. لا أدري هل كان مصادفة أم بفعل فاعل.. ولكن النتيجة أنه

    لم تقم له قائمة منذ ذلك الوقت.. وبعدها تم تقسيم أراضي الجو ضمن الخطة الأسكانية لحي

    المزاد جنوب.. وقدكان منزل المرحوم / محمد خوجلي صالحين المذيع المعروف في قلب الأرض

    التي كان يحتلها الجو.. وفي زمن غابر لاحق.. سكنت (سلكة) ست العرقي الشهيرة في أحد تلك

    البيوت بعد توزيعها كخطة سكنية وكأنها كانت تحن لأيام الجو.. حيث كان كثير من أصدقائي

    سكان الشعبية زبائنا لها.. لن أذكر أسماءهم.. وأحتفظ بها لنفسي.. وحمدو في بطنو.. والكلام

    ده ليك يالمنطط عينيك.. في أحد دول الخليج...

    تحياتي للجميع وسامحونا
                  

07-28-2008, 05:15 PM

عبدالمحمود محمد عبدالرحمن
<aعبدالمحمود محمد عبدالرحمن
تاريخ التسجيل: 02-17-2006
مجموع المشاركات: 1443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ...
    بالطبع ياطارق؛ فحتى جيلنا السابق لجيلكم كنا نسمع عن هذه الأماكن مجرد سمع وكانت قد أزيلت من الوجود
    .
    بحري في النصف الأول من الستينات كانت صغيرة وملمومة (90 ألف نسمة فقط).
    بالمقابل الخرطوم كانت حوالي 150 ألفا وامدرمان تربو على المائتي ألف نسمة
    كباري شمبات وكوبر لم تكن قد شيدت بعد، وإذا أردت الذهاب لامدرمان كان يتعين عليك أن تسلك الطريق "الدائري" عبر الخرطوم أو أن تستعمل بنطون شمبات
    .
    كان بإمكانك أن تشاهد مزارع الجامعة وحلفاية من نهاية الصافية ـ احدث الأحياء حينها
    مناطق شرق السكة حديد كانت كوبر والمنطقة الصناعية ثم حلة الكرتون العشوائية والتي كانت نذراً لما سيأتي من بعدها وتناولتها الصحافة بالكثير من التحقيقات،، أما الحاج يوسف فلم تكن قد نشأت بعد
    مزرعة عزيز كافوري كانت تلف المدينة من ناحية الشرق وبعدها لا يحدك إلا البطانة
    كثيراً ما كنا نزوغ من المدرسة للعزبة التي اشتهرت بأشجار الجوافة
    .
    كنا نذهب للمدرسة ببصات الكندة بينما ابوعلى واضرابه من المرفهين (عبدالفتاح الجلال، على احمد الطيب، ...) يأتون على ظهر دراجاتهم الفاخرة .. وحده الفاتح عروة من بين الطلاب كانت له سيارة صغيرة بيضاء
    كنا "نكمن" لابوعلي صباحاً على شارع المعونة حتى نفوز بفرصة "ردفة" للمدرسة ونوفر قرش المواصلات.
    .
    سينما الصافية كانت جديدة لنج حينها (1964م) غير أنها استطاعت أن تنافس الحلفاية والوطنية بحري وبقوة ومنذ البداية بأفلام حديثة وذات مستوى،. وكذلك بطرازها المعماري الحديث ذلك الوقت وكانت ودودة user friendly للمشاهدين بصغرها المميز ..
    الوطنية كان يعيبها الإكثار من الأفلام العربية غير أن ذلك لا ينفي أننا قد شهدنا فيها بعض الروائع العالمية.
    حلفاية؛ كانت شعبية أكثر ـ ربما بسبب أفلام الكاوبوي التي تخصصت فيها وكانت مرتعا للعصابات (الكضمي وأمثاله).
    سينما كوبر لم يكن لها وجود بعد
    ..
    بحرى الستينات كانت أجمل وأنظف وأفضل "وطراوة أكثر" كثيراً من المدينة المترهلة الحالية
    .

    (عدل بواسطة عبدالمحمود محمد عبدالرحمن on 07-28-2008, 05:20 PM)

                  

08-06-2008, 08:56 AM

المكاشفي خضر بشير
<aالمكاشفي خضر بشير
تاريخ التسجيل: 08-10-2006
مجموع المشاركات: 765

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    Quote: كان بإمكانك أن تشاهد مزارع الجامعة وحلفاية من نهاية الصافية ـ احدث الأحياء حينها


    العزيز د. عبدالمحمود:
    لك التحية والتقدير،،،

    للتوثيق:
    كان بإمكانك أن تشاهد الأرض المعتدى عليها من الجامعة والحلفاية من نهاية الصافية ـ احدث الأحياء حينها.



    خالص تحياتي للجميع،،
                  

07-28-2008, 06:18 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ عبد المحمود ...

    تربت يداك.. كأني منها رأي العين.. بحري بجمالها وبهائها وروعتها.. آنذاك.. وتداعت لي صورة علي أحمد الطيب إبن عمتي وعجلته الرالي.. كأن الزمان قد توقف.. وسينما الصافية.. تصدح مايكرفوناتها بذلك اللحن المألوف.. تررا را للم.. تم تم.. الخ .. وبائع البيسي يطقطق على الزجاجات بمفتاحه الحديدي...وعبق السجائر يملأ الأجواء.. وبعد عرض المناظر تضاء الأنوار.. على أغنية الشحرورة عل البطاطا.. البطاطا.. فتعنى الوجوه الكالحة من رواد الدرجة الثالثة (الشعب) لرواد اللوج.. وتنطلق صفافير الأستحسان كلما جهر أعين المحرومين من الدرجة الثالثة محيا حسناء تجلس في اللوج.. ولا يهم إن كانت بحضرة أهلها..أو غيرهم.. المهم.. أنها تحرك شياطين مواهبهم الصفافيرية.. فتنطلق أصواتهم ما بين الأصابع والشفاة العطشى... ولكن فرحتهم لن تطول فسرعان ما تطفى الأضواء مؤذنة بداية الفيلم.. وربما كان لسيدني بوتيه في TO SIR WITH LOVE أو GUESS WHO IS COMING TO DINNER أو أحد تلك الروائع.. وأغرب منظر كان يراه رواد الدرجة الثالثة هو عندما يروا إرنست أستاذ اللغة الأنجليزية ببحري الثانوية وأظنه من النوير.. كما توحي العلامات على جبهته.. وقد كان متزوجا من حسناء هندية.. وكثيرا ما كانا يدخلان لوج الصافية.. محدثين فيلما داخل فيلم أو هكذا بدأ لكثيرين...

    التحية لك يا عبدالمحمود ولإبن عمتي علي أحمد الطيب... وللأستاذ/ أرنست.. وللصافية ول

    ------------------------
    بحري طراوة

    (عدل بواسطة Kamal Karrar on 07-28-2008, 06:20 PM)

                  

07-29-2008, 00:09 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ حسن بشير

    تحياتي ،،
    أشكرك على عودتك للمشاركة ونرجو عدم الإنقطاع وأن لا تحرمنا من هذا القلم الجميل ونتوقع منك الكتابة بإسهاب عن الختمية ومدرسة العزبة (2) وفريق التحرير بصفتك أحد المعاصرين له منذ أن كان إسمه أستاك .
    Quote: استغربت أنك لم تتناول بالذكر شخصية هامة لا تبعد عنكم كثيراً وهي الاستاذ العبقري فخري والذي كان مدرس freelance للرياضيات بمنزله،

    الأستاذ/ فخري ، كان علم على رأسه نار يعرفه معظم ساكني المزاد والأحياء المجاورة ، يستحق منا جميعا الإشادة والتقدير ، فقد تتلمذ على يديه الكثيرين وأسهم في تقوية مستويات العديد من الطلبة في مادة الرياضيات وتخرج من مدرسته هذه أجيال من المتفوقين .
    Quote: كرش الفيل هو واحد من أجمل أحياء بحري وأكثرها حيوية، إلا أنني بت اتحاشى حتى المرور به بعد أن فجعت في وفاة أخي وصديقي ورفيق عمري عصام الشيخ، رحمه الله رحمة واسعة.

    رحم الله زميلنا عصام الشيخ ، كان من خيرة شباب الختمية وبحري على وجه العموم ، كان رحيله المفاجيء فاجعة لأهله وزوجته وأصدقائه الذين لم يفقوا حتى هذه اللحظة من هول فقده الجلل ، أسأل الله العلي القدير أن يجعل مثواه الجنة .
                  

07-29-2008, 08:30 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي كمال علي ذكر استاذ فخري وقصته مع نكير ... فعلا نكير يستاهل العض!!!

    يا خي عمبور فعلا علم علي راسه بطحه وفي حد ينسي عمبور ... تحياتي له وانت ربما كنت تقصد عماد "فوله" مش النجل وداك يوسف "النجل"

    جار ناس فوزي وآمال البرير.

    ابو داؤود يا كمال مهما اسهبت لن تستطع اعطاءه حقه في كل المجالات الفنيه ام الاجتماعيه ام الظرف وحتي في الفن في الغناء ام القاء

    الشعر ام الدوبيت او المدائح في الغناء الحديث ام غناء الحقيبه. رجل رحمه الله موسوعه غنائيه متكامله وصوته التينور المعتق .

    عند دخوله الشارع مره وجد رجل يسلم علي الآخر في وسط الشارع فانتظر طويلا المطايبة السودانيه المطوله وعندما زادت عن حدها نزل من

    عربته بكل ظرف وسلم علي الرجل وقال له الف مبروك ياخي؟ اندهش الرجل فقال علي ماذا يا ابو داؤود فقال له: علي الشارع الاشتريتو ده!!

    شكرا ابو رزقه علي مناولة الاخ عماد عثمان والف مرحب بيهو.لكن ابو داؤود يمكن ان يكون من مواليد 1920 او قبل ذلك وليست 1930 م لانه

    اكبر من والدي رحمة الله عليه وهو من مواليد 1921 م وهو صديق عمي شقيق والدي الاكبر.وقد نسيت ابنه الاكبر داؤود.

    د. عبد المحمود لم انسي دعاية اول افلام سينما الصافيه وكان بطولة ماجده علي ما اعتقد وفيلم ربما" بائعة الجرائد"صااااااح؟

    وبالله يا دكتور حدثنا عن الخواجه ليكوس الذي كانت تعرض كل افلام شركته سينما حلفايا وكلوزيوم..
                  

07-29-2008, 09:05 AM

عبدالمحمود محمد عبدالرحمن
<aعبدالمحمود محمد عبدالرحمن
تاريخ التسجيل: 02-17-2006
مجموع المشاركات: 1443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ...
    الأخ كمال؛
    سلام
    Quote: وتداعت لي صورة علي أحمد الطيب إبن عمتي وعجلته الرالي.. كأن الزمان قد توقف..
    علي أخي وصديقي منذ أيام الدراسة (45 عاماً).
    علي كان يجلس على يساري في الفصل وكان منضبطاً غير أنه لم يكن ليضّـن علينا بدراجته الشهيرة عندما "نزوغ" نحن من المدرسة للتجوال في شوارع بحري والخرطوم ودائما ما يتنازل عنها بطيب خاطر رغم إكثارنا الطلب
    فَضَل علي دراسة القانون وافترقنا بداية بعد مغادرتي الأولى للمبتعث ثم عدنا وقضينا وقتاً طيباً في بداية الثمانينات ولم نكن لنفترق
    غادر بعدها علي لمبتعثه لتحضير الدكتوراه وغادرت أنا لمغتربي الثاني ـ والحالي ـ ونلتقي دوماً في العطلات.
                  

07-29-2008, 09:55 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    يا طارق الدكتور بجانب تخصصه العلمي

    لديه عشرة دكتوراة في السينما

    ضم صوتك لصوتي ليتحفنا بها وعنها .

    ويا محمود حدثنا عن ورن بيتي - مارلون براند- سوزان بيليشت - ناتالي وود - بيرت لانكستر-

    جيمس كلارك - كيرك دوقلاس - جاك ليمون- مارك اسبنسر ..................

    والسينما ............. عالم مجنون مجنون

    ويا كمال

    ما بنكون طلعنا بره الموضوع

    لانه السينما كانت جزء من متعة بحري
                  

07-29-2008, 09:55 AM

عبدالمحمود محمد عبدالرحمن
<aعبدالمحمود محمد عبدالرحمن
تاريخ التسجيل: 02-17-2006
مجموع المشاركات: 1443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ..
    Quote: اول افلام سينما الصافيه وكان بطولة ماجده علي ما اعتقد وفيلم ربما" بائعة الجرائد"صااااااح؟
    وبالله يا دكتور حدثنا عن الخواجه ليكوس الذي كانت تعرض كل افلام شركته سينما حلفايا وكلوزيوم..
    ... الخواجة ليكوس يُسأل عنه ابوعلي (حسن طه) فهو من معاصريه ...
    .
    الصافية



    .
    حلفاية



    .
    الوطنية



    .
    كوبر



    .
                  

07-29-2008, 01:20 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلام ياناس بحرى .....
    لقيت لى طريقة دخلت اسلم واسجل (حضور مغادر تانى) ....
    متاااااااابعه ....

                  

07-29-2008, 01:43 PM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ويييييييييييين يا ناهد ....قلتي ماشه تكسري الثلج قلنا يوم.. يومين وتجي شايله احفظ مالك ولا اوكامبو ذاتو تظهري بعد شهر اصلو

    مشيتي تكسري سور الصين العظيم؟؟؟
                  

07-29-2008, 02:05 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)




    طارق ...

    بجيكم راجعه ...مازلت متجولة ...
    اكسر ...اقصد اركز .....وادخل ليكم بى مزاج ....
                  

07-29-2008, 04:46 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: ويييييييييييين يا ناهد ....قلتي ماشه تكسري الثلج قلنا يوم.. يومين وتجي شايله احفظ مالك ولا اوكامبو ذاتو تظهري بعد شهر اصلو


    كمان يا طارق اوكامبو.. بقى ليك "كرسي جابر".. ولا "دردقني في النجيلة"
                  

07-29-2008, 03:54 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخت / ناهد...

    سلامات...نزلت صورة لناس من حوالين حلة هشام رضا.. لكن ما أظن أطلع عليها.. أعتقد في الصفحة القبل دي..بالله خليه يورينا رأيه..

    تحياتي نحن قلنا الناقل الوطني.. عملها ووصلكم اون تايم.. ولا في المشمش..
                  

07-29-2008, 04:56 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: الأخ / طارق ميرغني

    أشكرك على ترحيبك بي في هذا البوست الممتع ونحن معكم من أجل التوثيق لمدينة بحري الجميلة ..

    وأعتقد أن كلامك منطقي فيما يخص تاريخ ميلاد الفنان الراحل عبد العزيز محمد داؤد ، وبرضو لا بد من التأكد من هذه المعلومة من مصادرها الأصلية .. الأخ عاطف هو نفسه "داود" بس الإسم الحقيقي عاطف ..

    تحياتي الحارة جداً للأخوان الأعزاء محمدو ، أسامة وعادل ميرغني ..

    وربنا يديكم العافية ،،،

    عماد عثمان أحمد
    جدة - المملكة العربية السعودية

                  

07-29-2008, 06:45 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وهكذا يطل علينا من كوة في أيميلي الأخ الأصغر/ سنا والكبير في حبه لبحري..الأخ/ عبدالكريم أحمد الأمين.. ويشارك مشاركة فعالة في رفد هذا البوست بحكاوي بحري وشخوصها.. فلنستمتع معا بما خطاه عبد الكريم:
    Quote: الاخ العزيز / كمال كرار


    بحري وذكرياتها التي لاتنسي وشخوصها والتناغم الاجتماعي يجعلها نسيجاً جامعاً لكل أقاليم السودان نتمني أن نستطيع أن نقدم لها ماتحتاجه منا :-


    السينما في بحرى جزء من المد الثقافي الذى كان موجوداً بالعاصمه المثلثه في ذلك الزمان الذى تستطيع وانت جالس أمام بيتكم أن تعرف المارين من أمامك من إى حي في بحرى او أن انهم غرباء عنها ,, ولاننسي عم قصوده والد رافت ورفعت بالشعبيه وهو الفني المسوؤل عن تشغيل أجهزة العرض بسينما الصافيه وماكان يلاقيه من عبارات الترحيب من جمهور الترسو عند إنقطاع لقطه في الفيلم – كما وان هنالك بعض الاسر في بحري لديها لوج يكون محجوزاً عند ورود الافلام الجديده ويتم الحجز بالتلفون – وبعض الاسر زبائن لسائقي تاكسي معروفين ببحري وهؤلاء السائقيين يعتبرون أنفسهم جزء من تلك العوائل –


    * ولاننسي أشهر ظرفاء بحري شلنكح وأبو الهول , موقف طريف لابوالهول الدنيا رمضان وهو طبعاً جالدو ومُظبط صحن فول وقاعد تحت البنك في مغلق أخونا حبيب دارقيل وفجأة جا داخل أبراهيم عيونو (أبن خالة أيوب وسليمان فارس) وطبعاً أبراهيم ملك الظرافه والسخريه , جالدوا يا ابوالهول , رد عليهو ابو الهول قال ليه والله سنة 55 رمضان دا في بحري كان صايمونو السيد علي وانا والشمس بينا وبين راسك كان الشعر ..


    · ومن مواقف شلنكح التي تروى عنه انو كان خرمان وعايز ليهو علبة برنجي وورق برنسيس والساعه تجاوزت الثانيه عشر مساءاً مشي دكان عمك صالح اليماني في الركن الجنوبي من مستشفي بحري , وعمك صالح ضارب النومه في البرنده القدام الدكان والدرابزين مقفول , وشلنكح بيبكي ياعم صالح أصحا الوالده ماتت عايزين الكفن , عم صالح فتح الدرابزين وجاب السلم عشان ينزل الدبلان , شلنكح قال ليهو كدى ثبتني إديني علبة برنجي وحلاوه كرمله وورق برنسيس , وخلي موضوع الكفن للصباح وادى عمك صالح طراده (الكلها عساكر) وشكلها وسخان ومشرطه , عمك صالح بقلب في الطراده يمين وشمال , شلنكح قال ليهو مالها في عسكرى ناقص.


    · إن ظرفاء بحرى والعاصمه عموماً يجب أن يؤرخ لهم فهم إنعكاس للنسيج الاجتماعي وللحاله السياسيه والاقتصاديه والاجتماعيه في ذلك الزمن الجميل حتي تتعرف الاجيال الحاليه علي جزء من حياة الماضي والتواصل الذى كان..


    · وكطلب الاخ عبدالرزاق سعيد أول منزل في المزاد شمال هو منزل المرحوم / امين محمود في شارع ناس هاشم سند وناس عمك عبدالله مبروك وأبناؤه (محمد امين , كان من اميز اللاعبين في فريق النجم الاحمر ومحمود وابن آخر لاتسعفني الذاكره بتذكره)


    · ولاننسي في المزاد المرابطين الذين لايستطيعون المبيت خارج المزاد ناهيك عن البعد عن السودان :- صلاح جرب , علي هينو , عبدالمنعم نمر , عمر محمد عمر (ودالشاويش) وحلمي شكرى.


    · رجال ساهموا في تخديم خدمات إجتماعيه بحي المزاد:-

    1/ المرحوم العم علي يسن بخيت . 2/ المرحوم العم فضل حمد . 3/ المرحوم احمد الامين . 4/ المرحوم عوض ابراهيم موسي. (والد عصام "وهم", عادل "جيتار" , عزيز الحبشي) 5/ المرحوم العم حسن مختار . 6/ عم إدريس (والد عبدالخالق) . 7/ المرحوم العم حسن الزين . 8/ المرحوم العم حامد العلوب . 9/ العم الطيب سليمان (والد تنقو) 10/ المرحوم العم إسماعيل عبدالسلام . 11/ المرحوم العم عبدالله عبدالرزاق (والد عزيز نكش) وأخيراً الدكتور حسن أبراهيم أبوزيد والذى كان فقده فقداً لكل منزل ببحرى وليس المزاد فقط ..


    والعتبي لمن فاتني أن أذكرهم فلقد بدأت الذاكره تصدأ بسسب الرطوبه وعوامل التعريه..




    مه يا عبدالكريم.. إن صدأت ذاكرتك أنت..فكيف يكون حالنا أنا والكاشف أخوي (طارق).. والكثيرين..ممن أعمل فيهم الدهر معوله..وإن بدوا شبابا...

    أعجنبي أصابتك كبد الحقيقة في أن جرب.. لا يستطيع أن يترك بحري.. وبالتحديد المزاد وبالذات.. الخور وهو بمعية السر عويشة.. وفيصل كبويتا... و..

    واصل يا عبدالكريم.. يعجبني أغراقك في تفاصيل الذكريات...


    ---------------------------
    بحري طراوة
                  

07-30-2008, 12:39 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    بالمناسبة دي يا كمال كرار

    دكان عمك صالح اليماني ده كان في بيت ناس عمر جادالله وأخوه عثمان جادالله كان أستاذ في مدرسة الدناقلة شمال وعثمان ده كان بلعب معانا في فريق المجد وكان شوات جدا جدا أذكر أنا صغير وبيتنا كان فاتح في ميدان المجد (مستشفى أحمد قاسم حاليا) لما يكون تمرين المجد ناقص كانو بنادوني ألعب ليهم حارس ومرة من المرات عثمان جادلله ده شات لي كورة شوط أنا حاولت أمسكها وين بس أنا والكورة جوه القون وأذكر في تلك اللحظة كان عوض خميس لاعب فريق الجوهرة سابقا وهو شقيق الملاكم حسن خميس (حسن الكونج) كورك في عثمان قال ليه والله الليلة يا عثمان أعرف ليك بلد الولد الواقف ليكم حارس ده أبوه في البوليس والله حايرميك في السجن .. وأذكر كان بجوار ميدان المجد ده ميدان قلب النصر من لعيبته محمد عبده وزوزو ومحمد علي كيته وكمال عبدالمحمود والله أيام كانت لها إيقاع وحلاوة

    مع تحياتي
                  

07-29-2008, 07:05 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أيضا وصلتني هذه الرسالة الأنيقة التي تضج شوقا وحنينا لبحري..من الشاب الرقيق.. هيثم حسن وقيع الله.. وأظنه قريب جدا من الأخ/ بابكر وقيع الله.. وهم جيران صديقي العزيز أنور العجب..مرحب بيهو كثير وإلى رسالته الضافية ونتمنى ان يستعيد باسويرده ليثرى هذا البوست ويضمخه بعبق المحبة والألفة التي هي طابع أصيل لمدينة بحري الجميلة.. فإلى رسالة السنجك:
    Quote: السلام عليكم ورحمة الله تعالي وبركاته

    اخي صاحب البوست التوثيقي الرائع ( نعتبرك اخونا الكبير ) المفروض نقول ليك عمنا بما انك دفعة أنور العجب إذن انت في مقام عمي

    سعدت كثيرا وانا ابحر عبر السودانيز اونلاين فانا متابع جيد له ان اجد بوست فتح عن بحررررري الحنينة عامة ولذلك وجدتني اسرع بفتحه حتي اتنشق عبير بحري واصدقك القول باني عندما بدأت في قراته بدأ شعر جسمي كله بالوقوف وامتلأت العيون بالدمع الذي ليس بغال على بحررررررري الحنينة واكتر المواقف صعوبة كانت عندما تتحدث عن المزاد ذاك الحي الجميل المتفرد ، فانا من سكان هذا المزاد وبكده ناس المزاد زادوا واحد (أول مرة القي ناس كتار كده من المزاد الحاصل شنو يا جماعة )



    احب أن اعرفكم بنفسي اولاً اخوكم هيثم حسن وقيع الله ، من سكان المزاد شمال شارع رقم 10 (بعد الترقيم) جوار الزاوية (سابقاً) بالمناسبة الزاوية دي لم تأتوا على ذكرها ابداً في أي من المداخلات ياريت تطوف بينا في رحلة توثيقية عميقة عايزين نعرف نشأتها وتطورها من زمن كانت غرفة الى أن اصبحت جامع حاليا تقام به الجمعة والخلاف حول تحويلها من زاوية الى مسجد ، كما ارجو الحديث عن الجمعية الخيرية المصاحبة للزاوية وما كانت تقوم به من نشاطات من توفير خيام الأفراح والكراسي وصيوانات البكيات

    بمناسبة الفرق الرياضية لم يرد ذكر فريق الصقر الأسود (سابقاً ) المزاد حاليا تاريخه منذ النشأة حتي أصبح المزاد واتمني ان ياتي الحديث كذلك عن رابطة المزاد وفرقها وتأسيسها



    نحييك علي جهدك المقدر في التوثيق لبحري الحنينة ويا ريت لو تمسكوها لينا حي حي (طلعت الكبري ونزلت بحري الصبابي سبب عذابي ، المرغينية ، الشعبية ، الختمية الديوم ..... الخ) وبالراحة كده عشان نفسنا ما يقوم معاكم ، ولايفوتي في هذا المقام الا أن احيي جهود الاخوة اصحاب المداخلات التوثيقية الرائعة ولكم منا المتابعين أجزل الشكر والتقدير

    بالمناسبة انا مشترك قديم في السودانيز اونلاين وحاولت التداخل معكم لكين لاني بعيد فترة طويلة جدا عن المشاركة الظاهر عضويتي سحبت مني غايتو رسلت طلب لبكري انو يرجع لي عضويتي حتي استطيع التداخل معكم ده كله عشان عيون بحري الحنينة



    يلا شباب همتكم معانا في رحلتنا التوثيقية هذه وسوف أكون متابع معكم حتي آخر العمررررررررر



    اخوتي عذرا للاطالة ولعدم التنسيق في الرسالة ولكم مني العتبي حتي ترضوا.



    وبنجيكم صادين لو في العمر بقية

    وبحري طرااااااااااااااااوة ونداوة

    وبحرررررررررري لذيذذذذذذذذذذذذة خالص

    وبحررررررررررررري الحنينة



    أخوكم

    هيثم حسن وقيع الله أحمد

    مدينة العين

    الإمارات العربية المتحدة

    00971507538789



    هيثم ما تقول لأنور العجب عوووك.. على الأقل يرسل إن شاء الله ايميلات... فأنور مخزن للذكريات التي لا تنضب
                  

07-30-2008, 02:19 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    حبة مداخلة لو أسعفتني الذاكرة عن فرق رابطة المزاد
    * الهدف
    * النهضة
    * زحل
    * النجم الأحمر
    * التلال
    * قلب النصر
    * مجد أفريقيا لكن هذا الفريق لم يستمر كثيرا في الرابطة
    * الوادي

    مع تحياتي
                  

07-30-2008, 06:31 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    لحدت ما امشي واجي انزل مشاركه الاخ الدكتور نواري عمر نواري في شكل رسالتين استلمتهما امس:
    Quote: Salaam Tarig,

    Thanks Tarig, Yes, you are right Mustafa is my older brother. A short resume is here:

    - Graduated بحري الاميرية (1) 1975/1976
    - Graduated الخرطوم الفديمه 1978
    - University of Khartoum 1983, Civil Engineering
    - Technical University of Darmstad, W.Germany, 1992, Civil Engineering
    - Currently, Associate Professor of Structural Systems, Kent State University, Ohio, USA.
    - Married having two sons and two daughters.

    I apologize for having some troubles with my Arabic software, but I'm working on it now and hopefully by next week I should have a complete Arabic software installed.

    I really appreciate the great effort you put on this. Also I would like to thanks brother Kamal and those participating for their exertion getting these interesting issues posted.


    Again, Thanks Tarig.


    نواري

    Dear Tarig,

    Salaamu Alikum..and I hope all is well with you and family,

    A few days ago a friend of mine who is active in the Sudaneseonline board told me about the interesting discussion about "بحري " Khartoum north. Great work and excellent idea.

    I do not have an account yet and tried to submit a post but couldn't. I would like to share with all of you some of the historical information I have along with great memories about بحري and specially (بحري الاميرية (1 . I'm attaching a word doc that contain my first input and appreciate it if you could post it on the board.

    I will try to create an account and until then I will email you my contribution if you don't mine.

    Again, great topics and interesting documentation. Keep in touch and please let me know if you have any questions.


    Thank you very much Tarig.


    N. Nawari, Ph.D., P.E., M.ASCE
    Kent State University
    College of Architecture and Environmental Design
    304 Taylor Hall
    Kent, OH 44242
                  

07-30-2008, 09:34 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: [BQUOTE]Salaam Tarig,
    I really appreciate the great effort you put on this. Also I would like to thanks brother Kamal and those participating for their exertion getting these interesting issues posted.

    نواري


    طارق... لغاية ما ترجع أسمح لي أن أرحب بالأخ العزيز الدكتور/نواري..وأبادله التحية..كما نرسل تحيانا موصولة لأخيه الدكتور مصطفى نواري الذي كان مثالا لنامن ضمن الأمثلة الجميلة في بحري الأميرية وبحري الثانوية.. وهو رقم في أبناء بحري..وسليل أسرة كريمة في حلة حمد. أتذكره جيّدا وأتذكر صوته الجهوري عندما كان آمرا للكديت في بحري الثانوية... التحية لك يا نواري ونرجو أن تواصل الكتابة..وأن تبلغ تحايانا للأخ الدكتور/ مصطفى والأخ/ الزهاوي وكل آل نواري بحلة حمد [

    (عدل بواسطة Kamal Karrar on 07-30-2008, 09:38 AM)

                  

07-30-2008, 07:19 AM

عبدالمحمود محمد عبدالرحمن
<aعبدالمحمود محمد عبدالرحمن
تاريخ التسجيل: 02-17-2006
مجموع المشاركات: 1443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ..
    بحري يا كمال من المدن التي تتجذر في أعماقك ...
    حتى وإن تركتها أنت وغادرت، فلن تتركك هي ولن تبارح.
    .
    Quote:
    نشأنا في المزاد الشريحة الممتدة بموازاة شارع المعونة خلف "سلوى بوتيك" وبجوار أل ابراهيم امام وآل شنان وآل دبلوك، وكانوا نِعم الجيرة والعشيرة؛
    غادرت أنا بحري بداية السبعينات وتفرقت بنا السبل وتشعبت الدروب .. ورحل عن دنيانا جاري العزيز صديق الصبا وزميل الدراسة صلاح إبراهيم إمام ومضى من قبله أخيه الصغير الوديع في حادث تراجيدي مفجع؛
    وتتوالى الأيام والشهور وتنصرم السنون والعقود لأفاجأ بأن من يقطن بجواري في مسكني الراهن هي ابنة صديقي الراحل مع أسرتها الصغيرة ..
    ألاعب أحفاده الآن وأداعبهم ويتقافز الصغار بمرحٍ "وشقاوةٍ" محببة من حولي، والمح في سيَمِهم الجميلة وأتمثل في حبورهم الصاخب صورة وشخص صديقي ابن بحري الحبيب الذي تعجل المضي باكرا ـ عليه الرحمة والغفران؛،
    .
                  

07-30-2008, 09:49 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالمحمود محمد عبدالرحمن)

    أخي الدكتور/ عبد المحمود

    رحم الله صديقك صلاح أمام وأخاه رحمة واسعة.. وطرح البركة في إحفاده...
                  

07-30-2008, 09:20 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ما زال أخونا عبد الكريم أحمد الأمين.. يتحفنا بمداخلاته الثرة عن بحري الوريفة.. فإلى مداخلته والتي وصلتني قبل أقل بقليل من ربع الساعة..
    Quote: [الاخ المرجع كمال ود السر كرار ونديمه طارق ميرغني



    صباح ندي بروائح وعبق دخان المنطقه الصتاعيه ببحرى ونسمات مزارع الحلفايا ودعاش من حدائق شمبات ولفحة هوا من كافوري ولمة ناس بحرى عند الملتقي بعد نهاية مباراه في استاد التحرير ,, وزحمة سوق سعد قشره ,, وجمهره من رواد ميدان عقرب في إنتظار مباراه قد تبدأ او لاتبدأ , ولكنه عشق المكان فهم متواجدون للتحيه والتسامر ومعرفة الاخبار فهذه هي بحرى , بوتقة لانصهار السودان فإنصهرت البوتقه وكان مخُاضها بحري الروعه والابداع والفن ,, ولك الشكر علي إستضافتك لرسائلي في بريدك الالكتروني وإنزالها في بحرى الطراوه والحلاوه والإبداع والعشق الابدى , فمن يرتبط ببحرى فهي زواج كاثوليكي وكلنا يعرف كيف يكون التفريق "الطلاق" في الزواج الكاثوليكي؟؟ وكلنا متزوجون من بحرى كاثولكياً..



    * من عظمة بحرى :-

    إنها المدينه الوحيده في العاصمه المثلثه لها مجلسان بــــلـــــدي وريـــفـــــي , البلدى يخص بحرى كحضر ويشمل احياء بحري القديمه المعروفه.



    والريفي يضم مناطق خارج الاختصاص المكاني لمدينة بحري بحدودها المعروفه الآن ولكن تتم إدارتها من بحري وتشمل هذه المناطق غرب امدرمان السروراب , الباعوضه , الجزيره إسلانج وكل ملحقات غرب أمدرمان... جنوب الخرطوم وتشمل المنطقه مــــــــــــــن الكلاكلات الـــــــــــــــــي جبل الاولياء.. ومن وسط الخرطوم جزيرة توتي .. كل المناطق الريفيه تتم كل معاملاتها من مجلس بحري الريفي وهو نفس المبني المواجه لمحطة بصات الحلفايا وشمبات ومستشفي بحري



    ** ضباط شرطه أشهرتهم بحرى :- عبد الرحمن بركيه .. محمد عبد الجبار .. محمود عبدربه..



    *** اشهر الاداريين وضباط المجالس ببحري :- نصرالدين السيد.... صديق المقبول .. عبدالرحمن قيلي .. محمد ابراهيم "القذافي"..



    **** اشهر المدربين ببحرى :- سمير دهب .. سليمان فارس .. أحمد عبدالله ..



    ***** اشهر إداريي الانديه ببحرى :- أبراهيم صالح (الكوكب) .. سيد الحلبي (العامل) .. عثمان الحاج "الانطون" (التحرير) .. حبيب (الاملاك).. كمال خيرالله (الاتحاد). عبد الرحمن محمد الامين (الصقر الاسود) .. سبيتي (الامير)



    ****** صحفيين من المزاد :- العم المرحوم طه المجمر (والد المهندس هشام المجمر) ...كمال طه .. أزهري صالح (زين العابدين).



    ******* اشهر عازفيين بالمزاد شمال :- عمر يوسف ميشيل (كمان) .. عبدالواحد عبدالتام (كمان) .. بشرى بدوي (إيقاع) – وكلهم بشارع واحد شارع 5 .



    ******** اشهر فنان سكن بالمزاد نهاية شارع ناس كمال كرار وعوض كوكا :- شرحبيل أحمد واسرته – مُلاصقيين لبيت ناس كمال ابو حلق..



    ### اشياء لاتجدها إلا في بحري :-



    العلاقات الاجتماعيه بين سكان أحياء بحري فالذي يسكن في المزاد او الشعبيه فاصدقاؤه من الختميه وكرش الفيل والدناقله شمالها وجنوبها وحلة حمد وخوجلي والاملاك والديوم والصافيه وشمبات والحلفايا والكدرو وأبو حليمه والايزرقاب . قل أن تجد هذه التشكيلة من العلاقات الاجتماعيه المترابطه في بقية مدن العاصمه , إلا انك تجدها في بـــــــــحــــــــــــــــرى الــــــــــطـــــــــــــــراوه والـــــــــــــحــــــــــــــــلاوه .. وبـــــــــــــحــــــــــــــــرى نــــــــــــــــــــفــــــــــر........



    واصل ياعبد الكريم يا رائع..
                  

07-30-2008, 09:37 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    من أشهر لاعبي كرة القدم ببحري ومن ثم من أشهر المدربين الأستاذ محجوب الفيل .

    لعب ودرب بفريق الاتحاد البحراوي.

    من أشهر شخصيات المزاد

    المذيع الأستاذ محمد سليمان- جراب الحاوي - ومنزله كان بالقرب من جامع اونسة.
                  

07-30-2008, 09:52 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: من أشهر لاعبي كرة القدم ببحري ومن ثم من أشهر المدربين الأستاذ محجوب الفيل


    أبوعلي سلامات...

    طبعا محجوب الفيل خال أخينا العزيز/ التاج خضر...

    ---------------
    بحري طراوة
                  

07-30-2008, 10:38 AM

Abuobeida Ali Abdullah
<aAbuobeida Ali Abdullah
تاريخ التسجيل: 08-13-2007
مجموع المشاركات: 278

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلام مربع للرائع عبد الكريم احمد الأمين...

    لا ننسى ابدا ذكرى والده المرحوم احمد الأمين وهو يرفع الآذان في مسجد الشيخ اونسه واشرافه التام على خلوة القران قرب منزلهم ما سميت لاحقا مدرسة الأزدهار...

    وما زلنا نذكر عبد الكريم وهو يجول بالموتر الجديد ومن خلفه علي هينو السمين واللساتك نايمة.

    بس يا عبد الكريم وين عصام الدحيش.

    كل الود

    ابوعبيدة
                  

07-30-2008, 10:20 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اولا نيابه عن اسرهاسره بحري طراوه نحيي ذكري الشهيده سهام عبد الرحمن لما قامت به من تضحية بروحها لانقاذ الآخرين. الا رحمها الله رحمة واسعة وجعلها مع الصديقين والشهداء وحسن اولئك رفيقا.

    مشكور اخي ابو رزقه علي مداومة المناوله من اخينا عماد عثمان واقول له تحاياك وصلت لاخوتي حمدو وعادل.

    يا عبد الكريم احمد الامين في مجال الخدمات الاجتماعية لا تنسي ابن خالتك عادل عبد الرحمن محمد احمد الفدائي الكبير.

    اخي كمال دعني ارحب بالاخ هيثم وقيع الله ونرجو دوام التواصل.

    اخي الدكتور العزيز عبد المحمود لا انسي اطلاقا الحادث الذي تعرض له ابن ابراهيم امام واظنه في اوائل السبعينيات.

    اخي حسن طه محجوب الفيل من اكفأ المدربين ببحري وبجواره لا ننسي المرحوم الجاك عجب.
                  

07-30-2008, 12:00 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    مرة أخرى يتحفنا الأخ/ هيثم وقيع الله بمداخلته..والتي ربما جرت أخونا أنور العجب للمشاركة..
    Quote: الأخ الأكبر كمال كرار
    تحيات كميات
    ولك ولكل عشاق بحري ولكل رواد هذا البوست الرائع اجمل وارق تهنئة بمناسبة الاسراء والمعراج أعادها الله علينا وعلى بحري الحنينة بالخير واليمن والبركات

    هذه متاوقتي الثانية عبركم واشكركم جزيل الشكر على عرض المشاركة الاولي وانشاء الله يستمر التواصل كما لا يفوتني شكر الاستاذ الموسوعة طارق ميرغني على ترحيبه بي

    طبعا بابكر وقيع الله هو عمي لزم ، وفعلا جيران ناس انور العجب واتمني ان اقدر اقابل انور العجب عشان يجي يتاوق بي جاي مرة مرة ويتحفنا بذكرياته


    في عجالة كده
    من اشهر العازفين في المزاد شمال الاخ المرحوم فتحي نصر الدين ( عازف جيتار )
    ومن أشهر الحكام في المزاد شمال الحكم محمود قوليب الذي أصبح فيما بعد رئيس رابطة المزاد ( ممكن اخونا وقريبنا معاوية محمد الحسن يفيدكم اكتر)

    ولنا عودة

    وصحي بحري طراوة وبحري نداوة


                  

07-30-2008, 01:58 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ كمال

    الأستاذ محجوب الفيل خال العزيز التاج خضر .... وكمال خضر كمان

    للجميع التحية والتجلة


    دكتور عبد المحمود

    ذكرتنا ذاك الزمن الجميل الذي عشناه سويا مع المغفور له باذن الله صلاح أحمد الامام

    ذاك الرجل الذي كان محبا لكل الناس ذاك الرجل المتواضع البشوش النقي الطاهر.

    رحمه الله وشقيقه رحمة واسعة وأسكنهما فسيح جناته مع الصديقين والشهداء.
                  

07-30-2008, 02:46 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)


    بحري طراوة

    والشعبية صفاء

    والخليفة كانكيج - رحمة الله عليه - من أعلام بحري والشعبية.

    كما الدكتور محمد عثمان الجعلي ابن بحري الأصيل ومؤلف كتاب " رحيل النوار خلسة ... علي المك وجيله ".

    المقتطفات التالية أوردها قلم الدكتور الرصين( الاثنين معا الدكتور وقلمه ) في كتابه .

    وددت ايرادها في بوست الشعبية وبوست بحري.


    الخليفة محمد الحسن كانكيج
    علم من أعلام مدينة بحري والشعبية خاصة

    ما يلي بعض مما جاء في كتاب أخي وصديقي العزيز الكاتب الدكتور محمد عثمان الجعلي " رحيل النوار خلسة..... علي المك وجيله " عن الخليفة كانكيج.

    " الخلفاء ساعة الوجد الصوفي ينشدون انشادا عذبا جميلا يروي ظمأ المحب الصادي للسيرة وللأقطاب.. هل تري أسعدك الحظ يا صاح واكتحلت مقلتاك برؤية الخليفة محمد الحسن "كانكيج " ؟.. هل واتتك تلك السانحة النادرة لتضمخ صماخ أذنيك بذلك الصوت الذي لا وصف له؟.. "كانكيج" يتوسط الخلفاء.. فيه ذلك السحر الذي لا يمكنك أن تتحاشاه .. ذلك الحضور المهيب.. التفح العباءة.. العمامة ناصعة البياض .. لا ليست تاجا بل أفخم ..تبدو وكأنها بناء معماري.. سنة ذهبية تلمع وكأنها تميمة لتقي أسنانا كاللؤلؤ من عين الحسود.. في وقفته وهيئته تلك تحسبه سيف الدولة الحمداني " الوجه أزهر والفؤاد مشيع " كما قال أبو الطيب .. كانكيج يبدأ الانشاد بصوت لو سمعه الأصفهاني لأضاف لكتاب الأغاني صوتا اضافيا.. ينشد كانكيج .......

    الحضور وأنفاسهم في حضرة صوت كانكيج الأخاذ كالميت بين يدي الغاسل يقلبه أني وكيف شاء..

    اسمعه يمد الصوت :

    عليك صلاة الله يا خير من ســــري
    ويا خير مبعوث وأكرم مرســــلا
    ألم تر أن الله أســري بعبــــده
    من الحرم الأدني الي المسجد الأقصي
    الي أن علا السبع السموات قاصدا
    الي بيته المعمور بالملا الأعلي
    الي سبحات الوجه حتي تقشعت
    سحاب العمي عن عين مقلته النجلا
    فكان تدليه علي الأمر اذ دنا
    من الله قربا قاب قوسين او أدني


    انشاد كانكيج عند الذاكرين وأهل الوجد تجربة تقصر دونها تجالرب الغناء الأوبرالي كما عند " بافاروتي " .. تقصر دونها كونشرت " مهليا جاكسون " في أغاني " القوسبل " ..وتقصر دونها تجارب غناء التخت الشرقي الاصيل لأم كلثوم ووديع الصافي وعبد الوهاب وفيروز عند الاعراب ..

    ...........

    ختام الليلة مسك.. فعل شاي القرفة والهبهان الثقيل والزلابية فعلهما في السادة الحضورة .. الخلفاء شبه النائمين سري فيهم النشاط دفعة واحدة .. وقف الجمع يتابع كانكيج وهو يختم الانشاد :

    واختتم قولي بالصلاة معظما أيا ربنا صلي وبارك وسلما
    علي المصطفي والأهل والصحب دائما
    صلاة تفوق المسك عطرا مفخما يطيب بها كل الوجود ويتلألأ
    اللهم صلي وسلم علي حبيب الله



    طيب الله ثراك يا خليفة الخلفاء وجعل الجنة مثواك

    وشكرا ابن مدينة بحري البار الدكتور محمد عثمان الجعلي البار .[/B
    ]
                  

07-30-2008, 09:22 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    أخي أبو علي

    يا سلام يا حسن حلقت بنا في عوالم سندسية.. بيد أني لست صوفيا بالمعني.. ولكن تأسرني طيب الكلم.. وعيون الوجد..وأستشراف الجوى.. ولوعة الصبابة على ألوانها.. ومثل الذي أوردته يهز وجداني هزا.. ويوردني مهالك العشق النوراني..فتنكسر النفس تهذيبا..وتسمو ثم تسمو بعد أن تسمو

    مبارك عليكم مناسبة الأسراء والمعراج التي تظللنا بنفحاتها وأسال الله لي ولكم ولبحري من الخير كله...


    --------------------------
    بحري طراوة
                  

07-30-2008, 07:03 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    المشاركة التالية من مراسل بوست بحري طراوة بمدينة جدة الأخ/ عماد عثمان أحمد ..




    البروفسير/ عون الشريف قاسم
    ولد بحلفاية الملوك في عام 1933م ، درس الأولية بمدرسة حلفاية الملوك الأولية والمرحلة الوسطى في مدرسة الخرطوم بحري الأميرية (1) ، والثانوي في مدرسة وادي سيدنا الثانوية ، نال بكالوريوس في الآداب من جامعة الخرطوم في عام 1957م ، حصل على ماجستير في الآداب من جامعة لندن في 1960م ونال درجة الدكتوراة من جامعة أدنبرة في الفلسفة في عام 1967م .

    وخلال سجله الحافل شغل المناصب التالية :-
    محاضراً بمعهد الدراسات الشرقية والأفريقية بجامعة لندن في عام 1960 – 1961م وبجامعة الخرطوم خلال الفترة من 1961م – 1972م ، 1982م – 1984م
    رئيس وحدة الترجمة والتعريب بجامعة الخرطوم 1970- 1971م
    رئيس تحرير مجلة الدراسات السودانية 1968م – 1981م
    وزير الشئون الدينية والأوقاف 1971 – 1981م
    رئيس مجلس جامعة أمدرمان الإسلامية 1976م – 1982م
    رئيس مجلس إدارة الصحافة للطباعة والنشر 1977 – 1982م
    رئيس تحرير مجلة الوادي (تصدر عن دار الصحافة وروز اليوسف) 1979م – 1982م
    مدير معهد الخرطوم الدولي للغة العربية 1988م
    رئيس مجلس جامعة الخرطوم 1990م – 1994م
    مدير جامعة أمدرمان الأهلية 1996م

    الأوسمة التي نالها :-
    منح وسام العلم للآداب والفنون 1979م
    منحته جمهورية مصر العربية وسام العلم من الدرجة الأولى 1993م
    منحته الدولة جائزة الشهيد الزبير في الآداب لعام 2000م

    ويستحق أن نطلق عليه لقب العالِم المؤسسة فإن ما قدمه للثقافة السودانية والتاريخ السوداني تعجز عن القيام به كبرى المؤسسات الثقافية ويكفي أن تنظر إلى مؤلفه الضخم موسوعة القبائل والأنساب الذي يتكون من ثمانية أجزاء من القطع الكبيرة والذي يقرب عدد صحفاته من ثلاثة آلاف صفحة وفي هذا المجلد الضخم دوّن البرفسور عون الشريف كل أقسام القبائل والشخصيات السودانية في كل الفترات التاريخية وهو مؤلف لا يقدر على إنجازه إلا عالم من ذوي العزم والعزيمة والمثابرة وإذا كانت قراءة هذا المجلد تحتاج إلى جد وجهد فكيف الحال مع إنجازه بهذا الإسلوب العلمي الدقيق وله كذلك كتاب آخر لا يقل أهمية عن موسوعة الأنساب وهو قاموس اللهجة العامية السودانية وله مؤلفات عن تاريخ الإسلام والعروبة في السودان .
    تزوج من السيدة/ زينب أحمد محمد حسين عرابي وأنجب منها أمين ، أمير ، أمجد ، محمد ، أحمد وأمل .
    كان حاضراً في جميع مجالات العمل الثقافي وتميز بإخلاصه في العمل وجمع بين البساطة والتواضع وسماحة النفس .
    وفي عصر الخميس 19/ ذي الحجة 1426هـ الموافق 20/ يناير 2006م توفى البروفسير إلى عون الشريف قاسم إلى رحمة ربه ليوارى الثرى في مقابر حلفاية الملوك .

    كتب وبحوث :-
    نشأة الدولة الإسلامية في عهد الرسول (ص)
    في الطريق إلى الإسلام
    الإسلام والبعث القومي
    الإسلام والثورة الحضارية
    الرسالة الخاتمة
    الدين في حياتنا
    في معركة التراث
    موسوعة الثقافة الإسلامية
    الإسلام والعربية في السودان
    شعر البصرة في العصر الأموي
    قاموس اللهجة العامية في السودان
    دراسات في العامية
    من صور التمازج القومي في السودان
    موسوعة القبائل والأنساب في السودان
                  

07-30-2008, 09:27 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote:
    المشاركة التالية من مراسل بوست بحري طراوة بمدينة جدة الأخ/ عماد عثمان أحمد ..



    شكرا أخي عماد .. مشاركاتك.. تصب مباشرة في الهدف وتوثق لشخوص ورموز من بحري الجميلة...

    واصل...وشكرا يا أبو رزقة على المناولة
                  

07-31-2008, 00:31 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    مازلت متجولة .....لكن لا بأس من طرفة من طرف اظرف سيدات بحرى السيدة سهير معوض
    والدة المهندس هشام وطارق وياسر وناصر رضا ....

    قابلتها اثناء سفرى للامارات ...ولقيتها متابعة مسلسل (نور) الذى ادهش الملايين
    وسمر كثير من الاسر العربية فى بيوتهم ...
    فقبل ماتجى الحاجة من السودان المسلسل مفروض يبدأ 10 مساء بتوقيت السودان ...والكهرباء كانت قاطعه...المهم الساعة جات 10 والكهرباء ماجات والحجة اتململت ملل شديد جدا ....قامت شالت ضربت رقم طوارىء الكهرباء وقالت للمأمور...

    ياناس النور ...جيبوا لينا النور ...عايزين نشوف نور ...

    الموظف انفجر بالضحك وقال ليها ...حااااااااضر ياحاجة 7 دقائق ونوصل الكهرباء ...وفعلا وصل الكهرباء
    والحاجة انبسطت بالمسلسل ....ولما جات الامارات بقت تحضر المسلسل واعادته كمان ...,لما سألناها ليه ...
    قالت (بعمل كونفريميشن للحلقة )...... كدة قالتها ...
    يديها الف عافية وصحة ياااارب ياكريم...
    ويملاكم انتوا عافية يااارب ...قولوا امييين .....
    وبجيكم بحول الله

    ________________

    متابعاك ياكمال وطارق ورزقة وبقية الشباب ...
    وياكمال.... هشام قال ليك ماعرفت ولا واحد فيهم من ناس الصور....
    اديه خيارات وكدة ...لانه بقى ماحى مع الغربة دى ....
    طارق رضا بيسلم عليكم ياناس بحرى ...
                  

07-31-2008, 12:46 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    الأخت ناهد سلامات وتحياتنا لوالدتك ووالدة هشام وربنا يحفظهم ليكم.. آمين

    يا هشام عييييييييييييييييك يا إما أنت بقيت تبخر (تنسى) يعني أو انا سحلبت (لخطبت شوية)..

    طيب أنا حأذكر ليك بعضا ممن أعتقدت أنهم حوالي حيكم حيث عرفت أن بيوت أهلك من الكبري..ول غادي أو جاي.. حسب موقفك من الكبري
    عندك الأول من اليمن ..
    سيد عبدالله السيد وهو إبن عم المهندس/ هشام عبدالله السيد (أعتقد عرفت على الأقل واحد فيهما)

    الثاني من اليمين.
    الأخ/ خالد أحمد عمر (خالد جني)... أكيد بتعرفو وهو طبعاكان ساكن في الختمية شمال حديقة عبود.. بعيد شوية منكم..لكن خالد كان لافي بحري بكراع كلب.. وهو اخ كل من الأستاذ/ حيدر أحمد عمر، وأسامة أحمد عمر، والضابط الكبير آنذاك فاروق أحمد عمر (يمكن عرفتو)


    الخامس من اليمين..
    هو الأخ/ مبارك عبد الوهاب(بوكا).. من الأملاك.. وكان يلعب باسكت بول ربما في نادي الكوكب,,,


    الجالس الأول من اليمين:
    أسامة عبد الحميد... وهو أيضا من الأملاك.. ليس ببعيد من منطقتكم.. وكما علمت أنه هو صاحب محل (أبوجابرة) بتاع البيتزا في بحري

    الجالس الثاني من اليمن:
    الأخ المرحوم/ إسلام عمر فضل الله، رحمه الله رحمة واسعة.. وهو إبن عمة هشام عبد الله السيد

    أها قصرت معاك.. الموضوع ما فيه خيارات يا ناهد...

    إذا بيعرف الجماعة ديل ونساهم.. أديه عصير عراديب.. حيبقى زي البمب وحيتذكر إنو دفع مصاريف البيت أكثر من مرة

    تحياتي أخي هشام

    -----------------
    بحري طراوة
                  

07-31-2008, 11:08 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: يا هشام عييييييييييييييييك يا إما أنت بقيت تبخر (تنسى) يعني
    أو انا سحلبت (لخطبت شوية)..



    الرساله الاتية من هشام ياكمال ....


    ازيك ياكمال ...ياخى والله كتر خيرك ....
    لكن ياخى جايب لى صورة ابيض واسود ...قالوك بشوف كويس ...
    جايب لى صور (من الامس) اعرفها ليك كيف دى مع الدنيا المجوبكة دى ...


    Quote: عندك الأول من اليمن ..
    سيد عبدالله السيد وهو إبن عم المهندس/ هشام عبدالله السيد (أعتقد عرفت على الأقل واحد فيهما)




    اولا غايتوا اتذكرت واعتقد انه اسمه عبدالله سيد عبدالله ...واتوفى للاسف الشديد فى حادث فى طريق مدنى
    الله يرحمه ....وهو شقيق جمال وشهاب اولاد عم المهندس هشام سيد عبدالله ....واول مره اعرف انه اسلام اتوفى (انا لله وانا اليه راجعون ) وهو قريب ناس هشام ...وكان بيلعب معانا كورة خلف السينما الوطنية وجوار مكتب العمل ودائما كنا بنغلبهم فى الكورة وكان معاهم بكرى الامين اخو ماما صفية الامين (الشايقى ).....وناس هشام سيد عبدالله من الاسر العريقة فى بحرى واخوالهم ناس يحى شمس الدين واسماعيل شمس الدين ومحمود شمس الدين الله يرحمه اتوفى كان صحفى فى جريدة الايام ...وال النحاس ...برضو قرايبهم ...


    Quote: الثاني من اليمين.
    الأخ/ خالد أحمد عمر (خالد جني)... أكيد بتعرفو وهو طبعاكان ساكن في الختمية شمال حديقة عبود.. بعيد شوية منكم..لكن خالد كان لافي بحري بكراع كلب.. وهو اخ كل من الأستاذ/ حيدر أحمد عمر، وأسامة أحمد عمر، والضابط الكبير آنذاك فاروق أحمد عمر (يمكن عرفتو)





    ايوة بعرفه ياكمال ...كان زول ظريف جدا وبحب الونسة والحفلات ...الله يطراه بالخير ...هو ومعاه اولاد سنادة ناس يحى وسعد سنادة ...الله يديهم العافية ...و(الرصين).... لو بتعرفه برضو بتاع حفلات ومعاهم كمان (سعد شيتا) ....ماخالين نادى ولا حفلة ماداخلنها ...ايام والله ياكمال ...وزمن ....


    Quote: الخامس من اليمين..
    هو الأخ/ مبارك عبد الوهاب(بوكا).. من الأملاك.. وكان يلعب باسكت بول ربما في نادي الكوكب,,,


    الجالس الأول من اليمين:
    أسامة عبد الحميد... وهو أيضا من الأملاك.. ليس ببعيد من منطقتكم.. وكما علمت أنه هو صاحب محل (أبوجابرة) بتاع البيتزا في بحري

    الجالس الثاني من اليمن:
    الأخ المرحوم/ إسلام عمر فضل الله، رحمه الله رحمة واسعة.. وهو إبن عمة هشام عبد الله السيد

    أها قصرت معاك.. الموضوع ما فيه خيارات يا ناهد...

    إذا بيعرف الجماعة ديل ونساهم.. أديه عصير عراديب.. حيبقى زي البمب وحيتذكر إنو دفع مصاريف البيت أكثر من مرة

    تحياتي أخي هشام

    -----------------


    مبارك بوكا زول لعاب وكان بيلعب مع ناس ماريو واولاد فرج مجدى ومحمد فرج واحمد مستاش الله يرحمه وكان عندهم فريق رهيب جدا ياكمال زى فريق (هارلم) ...


    واسامة عبدالحميد قريب ناس هشام سيد عبدالله واهله ناس كابوس ...ودكتور حضرى ...

    والله ياكمال الذاكرة بقت تعبانه الا بوستكم ده نعنشها لى...وكتر خيرك خليتنا نتذكر اسماء واحداث سبحان الله ماعارفها كانت حتطلع وين وبتين ....
    والواحد فعلا اتاكد انه ديل فعلا ناس بحرى الاصليين...وسكانها القدامى ...رحم الله من رحل عن دنيانا
    واطال الله فى عمر من بقى ...

    شكرا ياكمال وفى حفظ الرحمن
    لو سمحت رسل تلفونك عالماسنجر ...وشكرا....
    اخوك هشام رضا
    __________________________

    Quote:

    إذا بيعرف الجماعة ديل ونساهم.. أديه عصير عراديب..
    حيبقى زي البمب وحيتذكر إنو دفع مصاريف البيت أكثر من مرة




    ياكمال
    دى انا ناهد معاك ....

    هشام اكيد يكون شرب من العصير الخاتيه الاستاذ عمر الجزلى قدامه بتاع (اسماء فى حياتنا )
                  

08-01-2008, 00:11 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: الرساله الاتية من هشام ياكمال ....


    ازيك ياكمال ...ياخى والله كتر خيرك ....
    لكن ياخى جايب لى صورة ابيض واسود ...قالوك بشوف كويس ...
    جايب لى صور (من الامس) اعرفها ليك كيف دى مع الدنيا المجوبكة دى ...



    أهلين أبو الهش... وسلامة النظر يا أخي... الصورة فعلا من الأمس... قالوا ليك نحن ناس الليلة...لكني صدقني أصغر من أخوي الكاشف (طارق).. درسنا سواء لكن الناظر كان بيقول لي ما تمشي مع الأولاد الأكبر سنا منك..لما يشوفني مع طارق طبعا أنا دخلوني مستمع وورت معاي... هسع طارق يجي يدحض الكلام ده بأدلة مفبركة
    Quote: اولا غايتوا اتذكرت واعتقد انه اسمه عبدالله سيد عبدالله ...واتوفى للاسف الشديد فى حادث فى طريق مدنى
    الله يرحمه ....

    Quote:

    وناس هشام سيد عبدالله من الاسر العريقة فى بحرى واخوالهم ناس يحى شمس الدين واسماعيل شمس الدين ومحمود شمس الدين الله يرحمه اتوفى كان صحفى فى جريدة الايام ...وال النحاس ...برضو قرايبهم ...



    أولا يا هشام زي ما أتصدمت في وفاة إسلام أتصدمت أنا في وفاة عبد الله رحمهما الله رحمة واسعة..

    طيب يا هشام هاك القنبلة دي.. أعتقد آل شمس الدين برضو عندهم أخ أسمه زكريا.. وهو متزوج بنت عمي لزم الدكتور/ جعفر كرار، شفت اللخبطة دي كيف؟؟؟ يعني برضننا معطونين في الحلبة(عجوة معطونة بعسل ).. ولم تفقوا لسع من الضربة الأولى أنو نصر عثمان كرار، الملقب ببركات برضو إبن عمي لزم.. وياهو ده السودان.. تبحت تبحت تلقى أي سوداني في أقرب قهوة قريبك..أو أقل شيء نسيبك... وأخي الصغير وإبن عمي أمجد كرار..وهو صديق ياسر رضا... ومعانا في هذا البوست.. يا زول لخطبة تمام
    مرسل ليك تلفوني على المسينجر..


    يا ناهد...

    ماليك على الراجل .. عصير الجزلي إن شاء الله ما يضوقوا.. شفتي ليك واحد شرب من عصير الجزلي شاف عافية ثاني
    أنا عارف كلامك ده عشان يكف العين عن هشام...يا عين يا عنية.. الخ
                  

07-31-2008, 09:58 AM

Haitham Labib

تاريخ التسجيل: 12-27-2007
مجموع المشاركات: 388

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ومن المدربين أيضاً العم .. سعد دبيبة ...

    ....

    وأديكم واحدة من حكاوي عثمان نكير والعهدة على فريد لبيب أخوي ..

    حكى لي فريد لبيب في إجازتي الأخيرة للسودان أنو عثمان نكير كان بيجيه طوالي كل يوم الصباح والمساء في حلة حمد وبيطلعو مع بعض الشغل .. أها صادف الأيامات ديك مشيئة الله أنو بيوت العزاء كترت في حلة حمد .. أتلموا ليك الشلالية كلهم وقالوا لفريد الحلة كيف ناسه مايموتوا بالكترة دي كان كل يوم الصباح داخله نكير وبالمساء طالع منها نكير ...

    وبحري أم الطراوة ...
                  

08-01-2008, 00:39 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Haitham Labib)

    Quote: ومن المدربين أيضاً العم .. سعد دبيبة ...


    صحيح.. بسمع بيهو كثير عن إبن عمي أمجد عابدون كرار، وعند أخي بدرالدين المتزوج من الشلالية...

    أما نكير خليهو ساكت... فايتنا في الدفعة لكن كان صاحبنا.. التحية له

    ----------------------
    بحري طراوة
                  

07-31-2008, 12:37 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: مازلت متجولة...

    الأخت/ ناهد بشير

    التحية لك وأنت تواصلين رحلة التجوال على المستوى المحلي من خلال زيارات الأهل والأحباب والجيران في بحري ، والتجوال الدولي عن طريق مداخلاتك الجميلة في هذا المنتدى .

    سلامي للأخ هشام رضا ، مع تمنياتي له بإجازة ممتعة بين أهله وعشيرته وأصدقائه ويا ريت لو أرسل لهذا البوست صور من مدينة بحري الجميلة لا يهم إن كانت قديمة أو حديثة المهم من بحري وفيك يا بحري شفت كل جديد ..

    التحيات موصولة لوالدتك العزيزة وأكيد من خلال مرورها في أحياء مدينة بحري سوف تنتعش الذاكرة بالعديد من الأسماء والأحداث والأمكنة ، لذا نتوقع منها مواصلة إتحافنا بما يخطر على البال وخلي معاك دائماً ورقة وقلم في الروحة والجية وطول ما أنت في معيتها حتى لا تفوت أي معلومة .

    ولو ما زالت هناك قطعة ثلج متبقية من الثلج المكسر أرجو وضعها في راس الأخ نزار عتيق حتى يغفو من نومة أهل الكهف ..

    ربنا يقويكم ؛؛؛

    (عدل بواسطة عبد الرازق سعيد on 07-31-2008, 12:47 PM)

                  

07-31-2008, 01:18 PM

Abdelhafiez Hassan

تاريخ التسجيل: 02-10-2008
مجموع المشاركات: 356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)



    التحية لكم أبناء بحرى الأعزاء....

    لقد أعادنى هذا البوست إلى أيام لا تنسى قضيتها فى
    رحاب هذه المدينة العظيمة فى عنفوان شبابى...خاصة
    فى الحى الذى قضيت فيه أجمل وأنضر الأيام (المزاد
    شمال)....

    على الرغم من أننى لا أنتمى بالميلاد والنشأة لهذا الحى والمدينة
    إلاً أننى أعتدت أن أقضى فيه شهور الإجازة المدرسية السنوية مع
    خالى....أبوعبيدة على (الساعاتى)....وكان رئيساً لفريق(زحل)
    ومن اعز أصدقائه(شلته) الكمالات الثلاثة(كمال الزين...كمال العجب
    وكمال على موسى)

    هذه مقدمة تعريفية ....و سأوالى سرد ذكرياتى إن قبلتمونى....

    عبدالحفيظ حسن عبدالحفيظ
                  

07-31-2008, 06:13 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Abdelhafiez Hassan)

    التحية لك أخي عبد الحفيظ وموصولة عبرك لخالك "أبوعبيدة" إبن المزاد.. المعروف..

    والتحايا مقرونة لثلاثي الكمالات.. الزين- العجب - موسى

    ومرحب بيك كثير
                  

07-31-2008, 11:49 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: التحية لك وأنت تواصلين رحلة التجوال على المستوى المحلي من خلال زيارات الأهل والأحباب والجيران في بحري ، والتجوال الدولي عن طريق مداخلاتك الجميلة في هذا المنتدى .

    سلامي للأخ هشام رضا ، مع تمنياتي له بإجازة ممتعة بين أهله وعشيرته وأصدقائه ويا ريت لو أرسل لهذا البوست صور من مدينة بحري الجميلة لا يهم إن كانت قديمة أو حديثة المهم من بحري وفيك يا بحري شفت كل جديد ..

    التحيات موصولة لوالدتك العزيزة وأكيد من خلال مرورها في أحياء مدينة بحري سوف تنتعش الذاكرة بالعديد من الأسماء والأحداث والأمكنة ، لذا نتوقع منها مواصلة إتحافنا بما يخطر على البال وخلي معاك دائماً ورقة وقلم في الروحة والجية وطول ما أنت في معيتها حتى لا تفوت أي معلومة .

    ولو ما زالت هناك قطعة ثلج متبقية من الثلج المكسر أرجو وضعها في راس الأخ نزار عتيق حتى يغفو من نومة أهل الكهف ..

    ربنا يقويكم ؛؛؛



    اب رزقه اخوى ....

    سلا م ليك كتير منى ومن هشام ....والتحية ليك انت برضو والنضال مع بوست بحرى ده ولكل الاخوة الصامدين ...من داخل وخارج البورد ...حقيقى اللمة حلوة وناس بحرى فيهم ترابط غريب جدا ...
    عارف
    نحن على سفر ...ولافين.....( وشايلين المحنه(اللابتوب)..... وهمنا نلقى شبكة ...شبكة تلمنا ) حالتنا صعبة فندق يلقط لينا.... والتانى مافى اشارة خالص وواحد مابعرفوا شنو داك ...واشتهينا الاستقرار ...اول مرة اعرف انه الاستقرار زى الامن والسلام وااااااااحد .... ....المهم حالما نصل السودان ...سنقوم بتصوير بحرى انشاءالله ...وهشام قال ليك ...الصور كلها فى السودان فى البيت الكبير
    وحيحاول ينزل صور ان مد الله فى الاجال وبيهديك خالص التحايا ...
    والحاجة بتسلم عليك كتير وكتير جدا وتركناها فى السعودية ..الله يطول لنا فى عمرها يااااارب ...
    وامشى وارجع القاها طيبة .....
    ويديك الف عافية ...

    اما عم اولادى العزيز نزار عتيق فالمفروض هو اليكسر لينا تلج لانه فى مدينة الضباب ومحل التلج زااااتو...
    ولكن له المعذرة لان والده السيد محجوب عتيق ... مريض بالمستشفى فى السودان لندعو له بالشفاء العاجل



    .......................... يااااارب ياكريم اشف العم محجوب ......

    __________________________

    شكرا عبدالرازق ...
                  

08-01-2008, 00:34 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: .......................... يااااارب ياكريم اشف العم محجوب ......


    اللهم أشف العم محجوب شفاءا لا يغادر سقما...

    آمين

    =====================
    بجري طراوة
                  

07-31-2008, 10:38 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    center>


    Quote:
    وإشتهر بقدرته الفائقة على تأليف الطرفة ويعتبر شيخ الظرفاء في ذلك المجال .

    من قفشات الراحل عبد العزيز محمد داؤود أنه أحيا هو والراحلة عائشة الفلاتية حفل غنائي في نيجيريا ، خلال فقرة الفنانة عائشة الفلاتية وبحكم خلفيتها كان الجمهور النيجيري يتفاعل معها بالتصفيق الحار ، وعندما تحين فقرة أبو داؤود يقل حماس الجمهور وهكذا تكرر هذا الأمر عدة مرات فما كان من أبو داؤد إلا أن قال لمقدم الحفل عندما تقدمني المرة الجاية قول الفقرة القادمة مع الفنان/ عبد العزيز التكروني ..

    ألا رحم الله الفنان الراحل المقيم عبد العزيز محمد داؤود بقدر ما قدم لوطنه وأمته..
                  

07-31-2008, 11:31 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4180

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    سلام ياشباب بحرى ....

    بمناسبة الفنان عهبد العزيز داؤود وطرافته ....
    احكى ليكم دى ...(العهدة على الراوى )....

    ايام حكم نميرى ...عبدالعزيز كان صاحب نميرى شديد ...وكان نميرى بيحبه حب شديد ...ودائما ماكان بينادى ابوداؤود عشان يتعشى ويسهر معاه وينكت ليه ...فى مرة من المرات اصحاب ابوداؤود قالوا ليه انت يااب داؤود وكتين بتمشى تساهر وتتونس مع ابعاج ده ماتكلمه ياخى يطلع لينا وردى ده من السجن وكدة ...
    ابوداؤود وعدهم خير ومشى لاب عاج تانى يوم ....وهناك وسط الونسة والضحك مع الرئيس اب داؤود قال لنميرى ..سعادتك .....مادايرنك تشوف لينا موضوع وردى ده ...
    ابعاج طير عيونه ووقف الضحك....وسكت فجأة ... وقال لعبدالعزيز بنهرة ...قلت شنو؟
    ابوداؤود قال ليه ...لا سعادتك ...انا قلت تشوف لينا طريقة تنقله لينا( سجن شالا)
    جننا بالعواميد كل يوم هنا فى كوبر...

    ________________________________________
                  

08-01-2008, 00:29 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: ابوداؤود قال ليه ...لا سعادتك ...انا قلت تشوف لينا طريقة تنقله لينا( سجن شالا)
    جننا بالعواميد كل يوم هنا فى كوبر...

    ________________________________________




    أبوداؤد رجل فكه حاضر البديهة...مهضوم النكتة.. رحمه الله رحمة واسعة

    ------------------
    بحري طراوة
                  

08-01-2008, 08:50 AM

Waeil Elsayid Awad
<aWaeil Elsayid Awad
تاريخ التسجيل: 12-12-2004
مجموع المشاركات: 2843

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ سيف الدين
    Quote: حبة مداخلة لو أسعفتني الذاكرة عن فرق رابطة المزاد
    * الهدف
    * النهضة
    * زحل
    * النجم الأحمر
    * التلال
    * قلب النصر
    * مجد أفريقيا لكن هذا الفريق لم يستمر كثيرا في الرابطة
    * الوادي


    نسيت فريق المارد (الكان بيدربوا على جالون ) اغلب لعيبته من ابناء الجزء القريب من كوشة الجبل
                  

08-03-2008, 12:55 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Waeil Elsayid Awad)

    أخي وائل

    والله صاح كلامك فريق المارد من فرق رابطة المزاد
    وأشكر لك أخي وائل على التعقيب بس أنا والله زعلان شديد من صاحب البوست كمال كرار والذين
    شاركوا في التعقيب على هذا البوست لأنهم يعني بالعربي كده حتى لو زعلوا مني بتاعين شللية
    أنا مشارك معاهم من الحلقة 3 وما فيش واحد عبرني خالص ؟؟ بحري ناسها ما بتاعين شللية من عرفناهم لكن يظهر الشللية دي ظهرت هنا في النت .. أقول ليهم يا ناس بحري ما حقتكم براكم أنا ساكن فيها من زمن الجو البتتكلموا فيهو ده ومن كشك عمك جبارة بتاع الفول في الناصية الجنوبية الشرقية لمستشفى أحمد قاسم الحالية ..

    مع تحياتي ومودتي لكم أخي وائل
                  

08-03-2008, 03:23 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: سيف الدين علي محمد الفاضل)

    Quote: وأشكر لك أخي وائل على التعقيب بس أنا والله زعلان شديد من صاحب البوست كمال كرار والذين
    شاركوا في التعقيب على هذا البوست لأنهم يعني بالعربي كده حتى لو زعلوا مني بتاعين شللية ]


    الأخ الفاضل/ سيف الدين...

    ياسلام يا أخي.. لك العتبى حتى ترضى.. والله ما شللية ولا حاجة.. بس سهوة كي بورد ليس إلا.. ولكن من حقك أن تزعل وأنت مواطن أصيل في بحري..لكن صدقيني ما في شللبة ولا يحزنون.... وتجدني آسف أشد الأسف يا أخ سيف إنك زعلت مننا... بس تأكد الكثيرين من اللذين سمحت الظروف أن نتداخل معهم.. أول مرة أعرفهم هنا..

    يا أخي البوست بوستك....وأنت سيد بيت ما تزعل مننا وأعتبرنا ضيوف عندك.. بس برضو لومك هنا لينا حميد.. ولن نحمله أكثر من الكلمات الورد بيها...

    فلك مني كل الإعتذار.. وأرجو أن تقبله بصدر رحب.. وياكا مننا ونحن منك يا بحرواي يا أصيل...

    مع خالص مودتي
    --------------------
    بحري طراوة.. وتسامح
                  

08-04-2008, 08:29 AM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الحبيب الغالي/ كمال كرار

    كده أثبت للكل إنك فعلا من أبناء بحري العريقة لأن شيمة أبناء بحري
    هي التسامح والتوادد وأنا ما كان عندي قصد غير إنو ألفت نظرك بأنني
    من بحري ومشاركتي من أجل توثيق تاريخ بحري العريق ويا أخي أشكر لك هذا
    الشعور والتسامح وعفا الله عما سلف ..

    مع تحياتي ومودتي لك
                  

08-01-2008, 09:46 AM

AliHamid

تاريخ التسجيل: 12-02-2002
مجموع المشاركات: 27

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله راااااااائع

    ياكمال -جعلها الله قنطارا في ميزان محبتك لبحري -


    * المزاد شمال - اخر محطة او ذي ماقال اخونا هيثم وقيع الله بعد الترقيم شارع 11

    ياهيثم ايميلي في البروفايل .......


    متاااااابع وبي مزااااااج
                  

08-01-2008, 10:55 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    علي حامد

    سلامات يا أخي.. أنت تقريبا في شارع ناس عمر علي.. وناس عثمان إدريس وكان ضباطا في الجيش وأظنه عنده ولد أسمه محمد كان أيضا في الجيس عثمان إدريس هو خال صديقي العزيز/ محمد الأمين كباشي...وأصلا هم من التمانيات.. بالقرب من الجيلي...

    تحياتي ليك يا علي حامد ونرجو أن تواصل..

    -------------------
    بحري طراوة
                  

08-01-2008, 11:25 AM

AliHamid

تاريخ التسجيل: 12-02-2002
مجموع المشاركات: 27

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    تحياتي للجميع

    الاخ/كمال
    عثمان إدريس "الرائد" زماااان حاليا اظنها = فريق في شارع 12 يجاور منزل السنكاتي جد صديقي المرحوم / ناظم عبد القادر
    ونفس شارع يسكنه :-
    - اسرة الشلالي
    - اسرة المرحوم كامل مرسي
    - اسرة المرحوم فتح العليم
    - اسرة المرحوم شاكوش
    - اسرة الاستاذ احمد
    - اسرة المرحوم نمر
    - اسرة المرحوم بقاري
    - اسرة المرحوم ابوالسيد

    اما شارعنا 11 بجيك ليهو بالتفصيل


    اوافقكم هناك شخصيات لابد من التوثيق لها
    كل الود
                  

08-01-2008, 11:36 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    شكرا أخي علي على الإيضاح..

    معذرة تقادم بنا الزمن
    Quote: اسرة المرحوم شاكوش]


    شاكوش.. هل المقصود التاج شاكوش؟؟؟

    إذا هو هو.. فإني أول مرة أسمع بوفاته..

    رحم الله شاكوش الذي أعرف والذي لا أعرف..

    -----------------------
    بحري طراوة
                  

08-01-2008, 11:46 AM

hassan bashir
<ahassan bashir
تاريخ التسجيل: 02-17-2006
مجموع المشاركات: 1302

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: السيد محجوب عتيق ... مريض بالمستشفى فى السودان لندعو له بالشفاء العاجل


    الأخت ناهد: عبركم، أتقدم بخالص الأمنيات بالشفاء العاجل لأستاذي ومعلمي المربي الفاضل/ محجوب عتيق وإن شاء الله أجر وعافية.

    الأخ والزميل العزيز نزار: دعواتي لوالدكم ولأبينا الأستاذ محجوب عتيق بالصحة والعافية.
                  

08-01-2008, 11:58 AM

AliHamid

تاريخ التسجيل: 12-02-2002
مجموع المشاركات: 27

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أخي

    التاج شاكوش - لاعب الاملاك سابقا - حي يرزق وهو متزوج وله طفلين

    وحتي اخر عهدي به مازال حريفا وانيقا في لعبه .....

    انا ذكرت في مداخلتي السابقة اسماء العائلات عشان كدا بتلقاها اغلبها مسبوقة بالمرحوم
                  

08-01-2008, 04:49 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: 5عمنا حامد الزين (خال الرئيس) و منزلهم جوار منزل اسرة محمود ابو بكر نهاية الشارع و من اولاده علي حامد ،عمر و بكري .و هم الان بام القري.



    من ظرفاء المزاد اخونا على حامد ...وكانت له علاقات مميزه مع اولاد حلتنا فى الشعبيه شمال ...فى احدى ايام الجمع رتبنا لرحلة الى الغابة...وكل واحد دفع الشير بتاعه...وكانت وسيلة المواصلات ...

    بوكس جديد ملك للاخ على حامد...المهم البوكس اتحرك من الشعبيه وكان السائق بالطبع على حامد .. ومعه عوض عثمان و عبدالصادق مرحوم...فى الصندوق...المدة طالت,وبعض الاسماء اكيد حتكون اتبخرت..

    (صلاح طيارة,معتصم فتح الرحمن,محمد خلف الله, خالد خلف الله,.....)واخرين المهم كان فى البوكس ماا قل من 15 شخص... وفى لفت بانت بالتحديد جنب مدارس الموتمر حصل عطل فنى فى البوكس وعينك ماتشوف الا النور ...

    البوكس ده اتقلب 3 مرات...والناس اتشتت ذى الترمس..كل واحد طار فى جيها...بس لطف من الله سبحانه وتعالى مافى وفيات...

    طبعا اخونا على حامد طلع مافيهوا خدشه...وقام فى نص الشارع بوقفته المعهود..خت يدينوا فى نصه ...

    وقال بالله ياجماعه يدينكم معانا عشان نستعدل البوكس اوصلكم المستشفى....

    أخونا الزين ممكن يتكلم لينا عن الفنان الرفيع الزوق على الزين من ابناء شندى لكن استقر به المقام فى بحرى وهو ابن خالت الاخ على الزين...فنان موهوب ...

    ياجماعة العندوا وصية للبلد منو ...بأذن الله من يوم السبت حاكون رامى مخطاف فى بحرى...

    سلام
                  

08-01-2008, 06:53 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Amgad Karrar)

    Quote: ياجماعة العندوا وصية للبلد منو ...بأذن الله من يوم السبت حاكون رامى مخطاف فى بحرى...

    سلام


    يا إبن العم..حركات البحارة دي شنو؟؟؟

    بحري كمان بقت ليك روتردام
                  

08-01-2008, 09:13 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ نزار عتيق

    أطيب التحية
    نرفع أكف الضراعه لله عز وجل أن يمن على والدكم العزيز بكرمه ويسبغ عليه ثوب الصحة والعافيه .. إنه سميع مجيب ..
                  

08-01-2008, 10:30 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: حبة مداخلة لو أسعفتني الذاكرة عن فرق رابطة المزاد
    * الهدف
    * النهضة
    * زحل
    * النجم الأحمر
    * التلال
    * قلب النصر
    * مجد أفريقيا لكن هذا الفريق لم يستمر كثيرا في الرابطة
    * الوادي

    الأخوان الأعزاء سيف الدين علي ووائل السيد ، إضافة لمداخلاتكم عن رابطة المزاد أود أن أضيف المعلومات التالية :-
    كانت رابطة المزاد من أفضل الروابط ليس على مستوى بحري وإنما على مستوى العاصمة ، منافسة قوية حضور جماهيري كبير ومتابعة من أهل المزاد حتى أعمامنا الكبار كانوا يتابعوا هذه المنافسة بكل إهتمام ، توفرت للرابطة ميادين لم تتوفر لأي رابطة أخرى ، وكانت هناك سبعة ملاعب أو أكثر ، ميدان النجم الأحمر – إستاد التحرير حالياً، ميدان الهدف الميدان الواقع شرق الإستاد ، ميدان صقر الجديان الملاصق لمدرسة المزاد (تم في مكانه إنشاء مدرسة حاج محمود المتوسطة) شرقه يقع ميدان النهضة ، على الشرق منه ميدان زحل ، الترسانة ميدانها بالقرب من الكرنتينة سابقاً ، ميدان المارد كان بالقرب من كوشة الجبل ، والفرق المؤسسة للرابطة أذكر منها الفرق التالية وأترك الباقي للديناصورات كالأخ/ عبد الكريم أحمد الأمين ، وأسماء الفرق كما يلي :-
    النجم الأحمر
    المارد
    الترسانة
    زحل
    الهدف
    النهضة
    التلال
    صقر الجديان
    سمت – (جمعية سمت الملاصقة لنادي المزاد)
    إنضم للرابطة لاحقاًً فريقا البرازيل ، المريخ
    المارد سيطر على البطولات لفترة من الزمن (منتصف السبعينات أو قبل ذلك) شاركه في ذلك فريق الترسانة ، النجم الأحمر سيطر على البطولات لفترة من الزمن من منتصف الثمانينات . الفرق الأخرى أيضاً حققت العديد من البطولات .
    في منتصف السبعينات تم تأسيس رابطة الناشئين إستمرت لفترة ثم توقفت وأستأنفت مرة أخرى ، لا أدري إن كانت مستمرة حتى الآن ، مرت الرابطة الكبرى بفترة إيقاف مؤقت ولكنها عاودت للنشاط مرة أخرى .
    ساهم العديد من الأشخاص في نجاح رابطة المزاد وتحقيق أهدافها الرياضية والإجتماعية سأتطرق إليهم في بوست لاحق حتى نعطي كل ذي حق حقه ولا ننسى إسم أحد ممن ساهموا في هذا النجاح .

    (عدل بواسطة عبد الرازق سعيد on 08-01-2008, 10:43 PM)

                  

08-02-2008, 08:23 AM

عبدالمحمود محمد عبدالرحمن
<aعبدالمحمود محمد عبدالرحمن
تاريخ التسجيل: 02-17-2006
مجموع المشاركات: 1443

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ..
    الغيم أرسل سدولو؛
    ونسيم شمبات يأرّج ،
    ويعرّج من حقولا ..
    .



    pluginspage="http://microsoft.com/windows/mediaplayer/en/download/"
    id="mediaPlayer" name="mediaPlayer" bgcolor="#000000" showcontrols="false"
    showaudiocontrols="false" showtracker="-1" showdisplay="0" showstatusbar="0"
    videoborder3d="-1" enabletracker="false"
    src="/nsdoc/06ece687-494b-4c47-811e-b39392434543/?id=1158825828424"
    url="/nsdoc/06ece687-494b-4c47-811e-b39392434543/?id=1158825828424"
    autostart="-1" designtimesp="5311" loop="false">

    .
    تحت فيحاء الخميله
    كنا والأطيار تغني
    ترقص الأطياف تمنى
    بيننا أوجه جميله
    .
    كلما العصفور يغرد
    والنسيم يهفو ويبرد
    تزدهي الأزهار تورد
    واحده صاحية وواحده وسنى
    وواحده فاتره فاتنه حسنه
    .
    في غفلة الدهر اختلسنا
    نحن بيناتن جلسنا
    جلسة ما منظور مثيلها
    .
    عندما أتلاقت عيونا
    تهنا واتوافت ميولنا
    وأنضوينا
    بين أحضان الجنينه
    فوق أعشابها الحنينه
    من سلاف الحب رشفنا
    وأرتوينا
    قلنا يا ساقينا لحظك
    أم كؤوس الراح سقينا
    رحت تلعب بى عقولنا
    كلما قامتك تميلا
    وترنو عيناك الكحيله
    .
    الغيم أرسل سدولو
    ونسيم شمبات يأرج
    ويعرج من حقولا
    جداول المويه كابه
    ونسايم العزرى هابه
    .
    كل زول مفتون بى زوله
    عيون لى عيون محاربه
    وشفاه لشفاه مقاربه
    وزى ما الناس يقولوا
    خليهم يقولوا
    حلات الجمعة يومها
    وحلو شمبات مقيلها

    .

    (عدل بواسطة عبدالمحمود محمد عبدالرحمن on 08-02-2008, 08:30 AM)
    (عدل بواسطة عبدالمحمود محمد عبدالرحمن on 08-02-2008, 10:26 AM)
    (عدل بواسطة عبدالمحمود محمد عبدالرحمن on 08-02-2008, 10:49 AM)
    (عدل بواسطة عبدالمحمود محمد عبدالرحمن on 08-04-2008, 08:58 AM)

                  

08-02-2008, 01:59 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)




    Quote:
    شعراء من بحري :
    الشاعر مصطفى بطران
    ولد بحلة حمد بالخرطوم بحري ، وتخرج من كلية غردون ، عمل مفتشاً بالسكة حديد ..
    كان رياضياً وعمل سكرتيراً لنادي التذكار ببحري
    أصيب بداء الصدر وذكر معاناته مع مرضه في كثير من أشعاره ..
    كتب للوطن ومعروف عنه عشقه للطبيعةوسمى بشاعر الطبيعة
    ومن أغنيات الحقيبة التي قام بتأليفها :-
    دمعة الشوق
    عزة وصالك
    زمن الربيع حلا
    أطرد الأحلام
    الدرة المكنية
    خفيف الروح
    طلوع الفجر بسيماتن
    الناعس المكحول (مجاراة قائد الإسطول)
    ليل السعادة (مجاراة أرحم يا سميري)

    توفي في عام 1939م وهو في ريعان شبابه ، له الرحمة والمغفرة ..

    عماد عثمان أحمد - جدة


    فعلاً أخي عماد الشاعر الكبير مصطفى بطران كان من أعظم شعراء عصره ، كتب أجمل أغنيات الحقيبة التي لا يزال الناس يطربون عند سماعها .
    أول اغنية كتبها هي (عازة وصالك كيف المصير) ولما عرف الانجليز أنه يقصد بي عزة الوطن، عاقبوه بأن يشتغل «6 شهور» ويقف عن العمل «6» شهور.
    كتب قصيدة في بحري هي (جنينة البلدية) وقال: (أترك الاحلام يا جميل واصحى ـ قوم نقضي الليل في ضفاف النيل ننشد الفسحة)
    كان يزور اصحابه الشعراء والمطربين في ام درمان أمثال خليل فرح وسرور، ويعدي «بالترماي» ويمشي ابو روف وبالليل يقطع النيل سباحة من جهة كبري شمبات من بيت المال الى الصبابي .
    من أشهر قصائده :-
    متى يا طيف
    يا طيف الحبيب
    أم درمان
    ليل السعادة
    ليلة كانت في ذات ليلة
    بدر الكون
    مثال الوفاء
    أمل وعتاب
    يا قلبي جرحك
    يا قبلة الروح هلا سطع في سماك هلال العيد
    عقلي انشغل بي هواك
    زمن الربيع هلَ
    في الطيف أو في الصحيان

    وغيرها من القصائد الجميلة ..
                  

08-02-2008, 03:27 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: فعلاً أخي عماد الشاعر الكبير مصطفى بطران كان من أعظم شعراء عصره ، كتب أجمل أغنيات الحقيبة


    التحية لكما وأنتما تتناولان سيرة هذا الشاعر الرقيق..

    ويا عبدالرازق .. طبعا صلته بالمزاد كبيرة.. حيث أنه خال كل من محجوب الجاك.. ومحمد الجاك..

    ------------------
    بحري طراوة
                  

08-02-2008, 02:07 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا سلام يا عبد المحمود...

    حاجة تمام.. واصل توطين الإبداع وتأصيله في بحري الجميلة...

    الحاصل شنو الناس قابضة المرتبات.. (جمع مرتب).. ومسجلة غياب

    ----------------
    بحري طراوة
                  

08-02-2008, 02:23 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    تحياتي يا عبد الكريم.. معليش ما شفت الرسالة إلا هسع..فكرتك رائعة.. وأثنيها.. نشوف رأي الباقين

    Quote: الاخ/كمال ود السر كرار

    إقتراح يبحث عن مُثني

    لايزال ابناء بحرى الاوفياء يرسمون البسمه في وجوهنا بإبداعاتهم ولدي إقتراح وهو لماذا لاتسمي الشوارع الرئيسيه والشوارع بالاحياء بأسماء من كانت له بصمه في وجدان بحرى المدينه ومن ثَم إنعكست بصمتهم علي الوطن القاره والاسماء التي سوف أدونها هي بعض من فيض وهو ماجادت به الذاكره وعلي أبناء بحري إضافة الاسماء التي خانتني الذاكره في تذكرها , ويحدوني الامل أن يتبني موقع أخونا الكبير كمال ود السر كرار هذا الموضوع:-

    * الحلفايا:- البروف عون الشريف قاسم .. حسن بشير نصر .. د. عوض دكام
    ** الصافيه:- اللواء المقبول .. اللواء عروه .. البروف العاقب .. مولانا عوض الله صالح..
    *** الشعبيه :- محمد نورالدين .. الشاعر أبوآمنه حامد ..
    **** المزاد شماله وجنوبه:- الشاعر الهادي آدم .. محمد سليمان (جراب الحاوى)... علي يسن بخيت .. عبدالله العجب.. عمر أحمد الطيب.. طه المجمر ..
    شيخ ادريس كباشي.. ابراهيم كٌلم.. سيد إمام...د.يسن حاكم (وزير الزراعه والثروه الحيوانيه) والد لاعب المريخ عزيز..إبراهيم صالح..
    ***** الختميه :- سعودى دراج .. أبوعلي .. محمود بكري ... محمد عبده (كابتن فريق الاتحاد)..
    ****** الدناقله شمالها وجنوبها:- الجاك عجب (للشباب أقل من 40 سنه) اول كابتن للفريق القومي السوداني .. نجم الدين حسن ( كابتن المنتخب السوداني 1970).. علي الحسن مالك ... المهندس ميرغني علي مصطفي (من اوائل المهندسن خريجي كلية غردون) .. سليمان فارس...
    ******* حلة حمد :- صديق المقبول... سمير دهب ....
    ******* حلة خوجلي :- حافظ عبيد .. عماد خوجلي ...
    ******** الاملاك:- التازي ....

    إبناء بحرى الاعزاء هذا ماجادت به الذاكره وعلي سبيل المثال ليس إلا , ولكم التقدير بالحذف والاضافه والتنقيح إذا لاقي هذا الإقتراح تثنيتكم...

    *****************************************
    أشهر الترزيه ببحري:- عمر الخيام ...العم جيب الله (والد حسن والطاهر والمرحوم الهادي).. حسن محمد خير ..(سوق بحرى جوار نادي العمال).. إسماعيل حمراوي..( سوق الختميه) .. عبدالحميد (سوق المزاد) ... لينو (من سكان حلة خوجلي ) (سوق بحري شارع المكتبه الوطنيه)...

    ******************************************
    ** ابوعبيده :- عصام الدحيش يعمل بجزيرة داس بأبوظبي - بالشرطه..
    *** ابورزقه:- سوف يتم إعداد ملف عن رابطة المزاد ودورها الريادي في الخرطوم بحري إذ أنها من اوائل روابط الناشئين مع رابطة ديوم بحري والدناقله..

    *******************************************
    دعوه لابناء بحرى لتضافر جهودنا لنقدم لبحرى ماتستحقه منا فهل يبخل الابن علي أمه ؟؟
    ]


    بس يا عبد الكريم..عماد خوجلي ده ما أصبح سعودي... وفي إعتقادي لم يقدم لبحري شيء مقارنة بالشخصيات الأخرى.. وبالمناسبة هو صديق صديقي / عمر الفاضل .. وبحييه وبحي كل آل الفاضل.. خالد وياسر وعلوبة...

    (عدل بواسطة Kamal Karrar on 08-02-2008, 02:29 PM)

                  

08-03-2008, 08:13 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: المهندس ميرغني علي مصطفي (من اوائل المهندسن خريجي كلية غردون)



    شكرا اخي عبد الكريم ايرادك اسم الوالد رحمة الله عليه من ضمن شخصيات بحري ففيها من الناس الذين ناضلوا وافنوا زهرة شبابهم في زمن

    صعب وآثروا ان ينزووا لان غيرهم لمع في الساحة لا لشي سوي اسم ورثوه من اجدادهم. وما نالهم سوي الثواب والذكري الطيبة رغم ما عانوه

    في حرب شعواء ضدهم .ولمن لا يعرفه من الشباب:

    نبذه عن الوالد المهندس/ ميرغني علي مصطفي- رحمة الله عليه

    - من مواليد بري المحس 1921 م
    - تلقي تعليمه بمدارس الخرطوم شرق
    - الابتدائية بمدرسة الخرطوم شرق الابتدائية ( مكان برج البركة حاليا)
    - تخرج في مدرسة المساحة بكلية غردون العام 1942 م
    - عمل بالري المصري ثم مهندسا لمجلس ريفي الخرطوم

    - ترك العمل بالحكومة في الخمسينيات وتفرغ للعمل الخاص والسياسة.

    - اشتغل كثيرا بالسياسة فانتخب ممثلا لبحري في مؤتمر الخريجين وكان اصغر عضو فيه.

    - اول سكرتير تنظيمي للحزب الشيوعي السوداني- وانفصل عنه في الانشقاق الشهير في بداية الخمسينيات.

    - قام بتأسيس جمعية الصداقة السودانية الصينية 1967 م وسافر ضمن وفدها الي الصين في نفس العام واستقبلهم الرئيس ماو تسي تونغ

    ورئيس وزرائه حينها شوان لاي.( في تلك الزيارة كما اخبرني ناقش مع الصينيين استخراج البترول فقالوا انهم لا يملكون التقنية اللازمة

    لذلك واوصوا حينها بالامريكان. وناقش عمل قاعة فخمة تمثلت في قاعة الصداقة الآن).

    - بصفته مهندسا ساهم في قيام العديد من الصروح بالعاصمة من اهمها:
    - فندق القرين فيلدج
    - نادي العمال ببحري
    - مشروع خشم القربه
    - جامعة جوبا
    - مشروع مصنع سكر منقلا
    - مصنع سكر سنار
    - مدارس عديده ببحري

    - كان كاتبا صحافيا في العديد من الصحف وكان لمقال كتبة يقارن بين مرتب الشرطي وعليقة حصان الانجليزي السبب في قيام قشلاق بحري

    كسكن للشرطه.

    - اعتقل العديد من المرات في زمن الانجليز وفي زمن عبود وحورب في رزقه .

    - توفي العام 2004 م رحمة الله عليه.
                  

08-03-2008, 09:18 AM

Abdelhafiez Hassan

تاريخ التسجيل: 02-10-2008
مجموع المشاركات: 356

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    لك الشكر أخى كمال...

    Quote: التحية لك أخي عبد الحفيظ وموصولة عبرك لخالك "أبوعبيدة" إبن المزاد.. المعروف..


    الخال أبوعبيدة توفى إلى رحمة مولاه أوائل هذا العام بعد أن أحضر مريضا
    من ليبيا التى لجأ إليها فى أواخر السبعينات كمعارض لنظام نميرى مع ناس
    الشريف حسين الهندى...وكان منزله فى ليبيا ملجأ لكل المعارضين فى ذلك
    الحين ...وكان مشهوراً بلقب(الخال).....



    معلومة رياضية: -

    أكيد لا يعلم أحد الآن أن فريق الترسانة الرياضى بالمزاد قد قمت بإنشائه
    فى أوائل السبعينات ومعى بعض الإخوة منهم السر عبدالسلام وآخرين لا تسعفنى
    الذاكرة بأسمائهم....وكنت أول رئيس له.....ولم يكن يهتم بالرياضة فحسب
    بل أنشأنا فيه منشطاً للموسيقى والمسرح.....

    وساحاول شحذ الذاكرة للمزيد من المعلومات فى هذا الصدد!!!!
                  

08-03-2008, 07:05 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Abdelhafiez Hassan)

    Quote: الخال أبوعبيدة توفى إلى رحمة مولاه أوائل هذا العام بعد أن أحضر مريضا
    من ليبيا التى لجأ إليها فى أواخر السبعينات كمعارض لنظام نميرى


    الأخ/ عبد الحافظ...

    رحم الله الخال أبوعبيدة.. أول مرة أعرف عن موضوع وفاة أبوعبيدة.. معليش نحن طلعنا بدري من السودان وكثير من المعارف والأحباب رحلوا دون أن نعلم..وتقبل عزائي المتأخر...
                  

08-03-2008, 03:58 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    رحم الله العم ميرغني على مصطفى رحمة واسعة...

    فعلا هو علم من أعلام بحري.. رجل فاضل.. يحدثك وأنت في سن أبنائه حديث الرجل للرجل..لا يتعسف في أبوته..يحترمك وأنت تتعلم منه... من حديثه..من حكاويه.. كنت أهرب من مجالسة جل آباء زملائي إلا من مجالسة العم ميرغني رحمه الله.. فهو يحدثك وكأنك ند له... يسمع منك ويتنقد ما تقوله أو يوجهك في غير ما تعال.. أو هنجهية بإسم الأبوة... هذا الرجل سبق الكثيرين فيما يعرف بالتربية الحديثة... لم يجعل أي مسافات لا داع لها بينه وبين أبنائه.. ورغم ما قاله طارق من نشاطه السياسي السابق.. إلا أن هناك معلومة سقطت من الأخ/ طارق وهو إبنه بأن العم ميرغني (رحمه الله) كان حافظا للقرآن فيما علمت آنذاك..

    ألا رحمك الله رحمة واسعة.. وأنزلك منزل صدق في علييين مع الشهداء والصديقين وحسن أولئك رفيقا..
                  

08-03-2008, 10:10 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: ونواصل الحديث عن محامي بحري :-
    1- الأستاذ المرحوم محمد عثمان عوض ، كان بيته في حي الدناقلة جنوب مواجهاً لمستشفى بحري ، ومكتبه كان مواجهاً لحي الوابورات سابقاً والكبري الجديد حالياً ، وهو شقيق الدكتور محمد هاشم عوض وزير المالية الأسبق وعم الدكتور منال بدر الدين المغنية المعروفة ، وقد كان من كبار المحامين ومتخصصاً في القضايا الشرعية بالذات وربما كان لموقع مكتبه بالقرب من المحكمة الشرعية (مجمع المحاكم الجديد الآن) أثر في ذلك ، توفى إلى رحمة الله في مطلع القرن الحالي .

    2- الدكتور/ شيخ الدين شدو ، وهو أستاذ جامعي في مادة القانون الدولي ، ويقع مكتبه في عمارة كامل أمين ، والرجل من المهمومين بقضايا مدينة بحري وكان رئيساً لمنظمة (بحري مدينتي) وهي معنية بالترويج للنشاط الفني والثقافي في مدينة بحري وتقوم بتنظيم حفل شهري بالتناوب مرة في كل منطقة من مناطق بحري ، والرجل من محبي مدينة بحري وعشاق فنها وهو إبن عم المرحوم عبد العزيز شدو الوزير لعدة وزارات .

    3- الأستاذ/ علي محمود حسنين ، المحامي والسياسي المعروف ، أصوله من الولاية الشمالية منطقة دنقلا ، ولكنه إستوطن الخرطوم بحري حي الميرغنية ، وعلي حسنين وإن كان بحراوياً من حيث السكن إلا أن مكتبه يقع في منطقة أم درمان ، وهو قيادي بارز بالحزب الإتحادي الديمقراطي وقد كان نائباً بالجمعية التأسيسية في الستينات .

    خالد عثمان أحمد المحامي
    جدة – المملكة العربية السعودية



    مشكور أخي خالد عثمان وهمتكم معانا ، مع فائق تقديري ؛؛؛

    (عدل بواسطة عبد الرازق سعيد on 08-03-2008, 01:21 PM)

                  

08-03-2008, 10:43 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3653

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    أخي طارق

    الدعاء متواصل ان شاء الله لوالدكم المغفور له باذن الله ونساله تعالي أن يجعل الجنة مثواه وينزله منزلة الصديقين والشهداء وحسن اولئك رفيقا.

    وان يجعل البركة في ذريته الأبرار.
                  

08-03-2008, 12:54 PM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الف شكر اخي حسن طه وجعل البركة فيك وابنائك.

    Quote: - الدكتور/ محي الدين شدو ، وهو أستاذ جامعي في مادة القانون الدولي ، ويقع مكتبه في عمارة كامل أمين ، والرجل من المهمومين بقضايا مدينة بحري وكان رئيساً لمنظمة (بحري مدينتي) وهي معنية بالترويج للنشاط الفني والثقافي في مدينة بحري وتقوم بتنظيم حفل شهري بالتناوب مرة في كل منطقة من مناطق بحري ، والرجل من محبي مدينة بحري وعشاق فنها وهو إبن عم المرحوم عبد العزيز شدو الوزير لعدة وزارات


    اخي الاستاذ خالد عثمان لك الف تحيه لمجهوداتك والشكر موصول لاخي ابو رزقه.

    لعلك تقصد المحامي الدكتور شيخ الدين شدو صديقنا وابن عم ابن عمتي عبد العزيز شدو..........



    يا اخوانا كمال السر ويييييييييييييييين؟؟؟؟؟؟؟؟؟؟؟؟؟؟؟؟؟؟
                  

08-03-2008, 01:14 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    الأخ/ عبدالرازق سعيد

    شكرا على المداخلة بس ميدان زحل كان في آخر المزاد شمال وأذكر أنني عندما كنت ألعب لفريق الهدف أقيم فيه مهرجان لكل فرق الرابطة وكنت أنا نجم هذا المهرجان وكتب الأخ/إبراهيم محمد الحسن شقيق حسن محمد الحسن الحارس الذي تألق في المزاد ثم لعبت بعد ذلك لفريق الصقر وأذكر من اللاعبين في ذلك الوقت شركة - عبدالواحد والحارس نمر وإسماعيل النور وناس الجلول ناس عمك الكارب . وأذكر كمان الأخ/ محمد بشير علي المك لما حولوا النادي مقرا لكتائب مايو في ذلك الوقت ..

    مع تحياتي ومودتي
                  

08-03-2008, 01:17 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: لعلك تقصد المحامي الدكتور شيخ الدين شدو صديقنا وابن عم ابن عمتي عبد العزيز شدو..........


    الأخ/ طارق
    الخطأ مطبعي ومني أنا وليس من الأستاذ/ خالد لأني إستلمت المادة عن طريق الفاكس وقمت بطباعتها من جديد على عجل ، لقد تم التعديل وما حا تتكرر ..
    وتقبل تحياتي ؛؛؛
                  

08-03-2008, 01:40 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: شكرا على المداخلة بس ميدان زحل كان في آخر المزاد شمال

    الأخ الفاضل/ سيف الدين علي
    تحياتي ؛؛
    وهذا ما قصدته في مداخلتي أن ميدان زحل يقع شرق ميدان النهضة وأعتقد هو نفس الميدان الذي تقصده نهاية شارع المزاد .


    الأخ سيف علي ، هل هو سيف لاعب الهدف الفنان الذي يسكن المزاد جنوب ، وبيتهم شرق ركن مدرسة الحرية الجنوبي الشرقي وإلا أنا غلطان .
    في كل الحالات لك فائق تحياتي ؛؛؛
                  

08-03-2008, 02:29 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    الأخ/ عبدالرزاق

    صاح كلامك في المداخلة فعلا ميدان زحل شرق ميدان النهضة بس ما أخذت بالي في وصفك على العموم
    المقصود والرسالة وصلت .
    أنا فعلا لاعب فريق الهدف بس بيتنا مش في المزاد لكن طبعا أنا كنت يومي في بيت ناس الجلول ناس عمك عبدالله الكارب شرق مدرسة الحرية وأي واحد كان بفتكر إنو ده بيتنا ..
    وإنت بيتكم كان وين في المزاد ؟؟

    مع خالص تقديري ومودتي
                  

08-03-2008, 02:36 PM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: سيف الدين علي محمد الفاضل)

    الأخ/ عبدالرازق

    وين إنت الآن يعني مكان تواجدك الآن ؟ في السودان أم خارجه؟؟
    ويا ريت نتعرف أكثر لأني والله ما مذكرك .. وأنا طبعا في السعودية مدينة الرياض
    وإن شاء الله يحصل التواصل بيننا

    مع تحياتي
                  

08-03-2008, 03:06 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أخي/ سيف الدين علي

    سلام ؛؛
    أنا من المزاد شمال غرب إستاد التحرير (حلة النجمة) وجار ناس مختار حسن (مباشرة) وعبد الخالق إدريس لاعبي الكوكب في الثمانينات ، في منطقة عمنا عبد الله الكارب دفعتي وأبناء جيلي الأخوان : ياسر حامد ، عز الدين صالح وإبراهيم أبو عشة ، يعني من جيل البطولات (المحمولة براً) ..
    لكن كونك طلعت ما من المـزاد دي مبالغة لأني شفتك في تلك المنطقة أكثر من مدرسة الحرية ذاتها.

    لك خالص التقدير ؛؛

    (عدل بواسطة عبد الرازق سعيد on 08-03-2008, 03:08 PM)

                  

08-04-2008, 05:48 AM

hassan bashir
<ahassan bashir
تاريخ التسجيل: 02-17-2006
مجموع المشاركات: 1302

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    الأخ عبد الرازق سعيد (73.6)

    في اتصال هاتفي مع الأخ هاشم د.الله، نقلت إليه أخبار بوست بحري وكتاباتك وذكرياتك مع ناس ديمتري البازار والحاج محمد أحمد سرور، فتحمس جداً لقراءته وتحسر على عدم تمكنه من الاشتراك، وبالتالي المشاركة. ولا يخفى عليك ما يملكه هاشم من إمكانيات تعبيرية هائلة ومخزون ضخم من الذكريات، خاصة وأنه يرتبط عائلياً ووجدانياً بعدة مناطق في بحري مثل كوبر وحلة حمد وشمبات وحلة كوكو.

                  

08-04-2008, 09:20 AM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    الأخ الغالي/ عبدالرازق

    صدقني أنا من أكثر الناس تجولا وسكنا في مدينة بحري وهذا ما يشرفني
    سكنت في الختمية وسكنت في الشعبية وسكنت في الديوم وعندي أهل في المزاد في
    البيت الذي تحدثت عنه أنت وقلت شفتني فيه وده صاح أنا بيت ناس عمك الكارب يومي
    فيه ويصدف أسبوع كامل أكون فيه لأنهم أهلي عشان كده أي واحد فاكرني أنا من سكان المزاد

    على العموم أحياء بحري كلها مسكن لنا جميعا بس ما رديت على سؤالي ليك إنت وين الآن؟؟
    وبالمناسبة التاج شاكوش الذي ورد إسمه في أحد المداخلات هنا هذا اللاعب من اللاعبين المشهورين
    وقد تسبب في كسر رجلي في أحد المباريات حيث كان يلعب في فريق البحيرة برابطة الختمية ثم إنتقل لفريق الأملاك ..

    مع تحياتي ومودتي
                  

08-04-2008, 06:39 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: يا اخوانا كمال السر ويييييييييييييييين؟؟؟؟؟؟؟؟؟؟؟؟؟؟؟؟؟؟


    طارق أنا موجود.. رغم الشغلة الطارئة.. بس تداخلت في موضوع العم المرحوم/ ميرغني على مصطفى..

    وبرضو علقت على عتب الأخ/ سيف الدين الفاضل.. وهو زعلان مننا يا طارق أرجو أن تنتبه لمداخلاتو.. لأن نحن ما عايزين واحد بحري يزعل مننا في تصرف غير مقصود..

    برضو تداخلت في بحري الأميرية وسجلت نداء للأخ العزيز/ عزيز أحمد كامل

    ما بنغيب إن شاء الله.. قول آمين

    ---------------
    بحري طراوة
                  

08-04-2008, 07:06 AM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ سيف الدين الفاضل اخ عزيز ومافيش حد بيزعلو وهو اكيد من دور اخواني الصغار حمدو وعادل ميرغني ونرجو المواصله ونحن والله بنفلفل

    البوست ده فلفيل ما تفتكر بنفوت حاجه .

    اخي كمال والله بقينا نعاني وافتقدنا كتاب مثل محمد شمس الدين ونزار عتيق بس يدينا غشوه ويمشي وحتي المناولات بواسطة ابو رزقه قلت

    شديد واعضاء مؤسسين مثا ناهد بشير الطيب . وانا باعاني من الموضوع ده في بوست الاميريه واحد. بالله همتكم معانا لان التوقف يعني

    الهزيمه.

    هسع بوست بحري الثانويه ما عارفينو وين ذاتو واخي هشام عنده شويه كسل وكده.
                  

08-04-2008, 03:08 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: واعضاء مؤسسين مثا ناهد بشير الطيب . ]


    طارق ناهد تكون باعت حصتها وأشترت كرسي جابر بدل أحفظ مالك؟؟؟؟

    ولا نائمة بتصحى لما الكهرباء تقطع... إصلو مع حراية السودان ...أخير الواحد ينوم والكهرباء في لأنو مع القطعة بتنقطع النومة من الحراية.. والقلاية...

    تحياتنا لكل من سافر بطريق الأربعين...

    -------------------
    بحري طراوة

    (عدل بواسطة Kamal Karrar on 08-04-2008, 03:15 PM)

                  

08-04-2008, 08:12 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    المشاركة التالية من الأخ الفاضل/عماد عثمان احمد بمدينة جدة :-



    يصادف اليوم 4/8/2008م الذكرى الرابعة والعشرون لوفاة الفنان العملاق الراحل المقيم عبد العزيز محمد داؤود حيث انتقل إلى رحمة مولاه في 4/8/1984 م .. ورغم مرور ربع قرن تقريبا على وفاته إلا انه لازال حاضرا في وجداننا نظير ماقدمه للفن السوداني من تراث ضخم ومتفرد وقيم في العديد من أوجه الإبداع وفي كل يوم نكتشف الجديد لعالم عبد العزيز العريض الفسيح المتناهي الممتد داخل نفوسنا وقلوبنا وأرواحنا فقد كان عبد العزيز عزيز علينا أثرى حياتنا بروحه ذات الألق الصوفي الشفيف وإبداعاته الموحية وتبقى أغنياته الخالدة تعطر حياتنا بنسماتها المنعشة وأريجها الأخاذ .. وفي هذه العجالة سنتعرض لأبرز الإشرافات المضيئة والتي لم نشر لها في المشاركة السابقة للفنان عبد العزيز محمد داؤود.
    - الشكر اولا للأخ / طارق ميرغني لتنبيهنا لتاريخ مولد الفنان عبد العزيز داؤود الصحيح وبعد الرجوع إلى المصادر الأصلية تبين فعلا بان التاريخ الصحيح لمولده هو في العام 1922م .
    - اشتهر الفنان عبد العزيز داؤود بالطرفة وكان شيخ الظرفاء في ذلك المجال وكان ذكيا لماحا قادرا على الملاحظة الدقيقة مستعينا بسرعته البديهة لإستخلاص عنصر المفارقة فيتجسد أمامك الموقف المضحك وفيما يلي مجموعة من طرائفه :-
    1/ بعد زواجه من السيدة الفاضلة زوجته فوزية وخلال الأشهر الأولى من زواجه ظلت تسأل عبد العزيز كحال كل عروسة جديدة تود ان تعبر عن حرصها لزوجها . تسأله عبد العزيز ماشي وين ؟ يقول : الإذاعة .. هي وبتجي متين ؟ هو: بعد ساعتين .. وفي وقت آخر عبد العزيز ماشي وين ؟ هو : عندنا حفلة . هي : وبتجي متين ؟ هو : بعد أربعة ساعات وهكذا من يوم لأخر وفجأة بادرها بالقول : تعالي يافوزية انا مؤجر منك عجلة ؟ وضحكت زوجته فوزية وكان ذلك التعليق اخر مطاف سؤالي لعبد العزيز عن ميعاد خروجه وعودته .
    2 / جاء ذات يوم عبد العزيز إلى الاتحاد الاشتراكي ولمحه الرئيس جعفر نميري وقال له : تعال ياعبد العزيز ماهي قصة فرق الجاز الكتيرة دي ؟ .. يا أخي نحن عايزين أغاني حقيبة ! فرد عبد العزيز بسرعة مذهلة : هو فضل فيها جاز ياريس !! مشير بذلك إلى ماكان يعانيه الوطن من شح في المواد البترولية من جاز وبنزين .. فضحك الرئيس وكل من شهد الموقف وقتذاك .
    3/ جاء متطفلا إلى إحدى الجلسات الخاصة واحدا من الثقلاء وظل يلح على عبد العزيز ان يغني له ( غصن الرياض ) ظل عبد العزيز يتجاهل طلبه والثقيل يزداد إلحاحا إلى أن جاء قريبا منه وقال له : والله يا أستاذ لمن تغني غصن الرياض أنا اشعر ان عمري رجع عشرين سنة للوراء . قال له عبد العزيز انت عمرك الآن كم سنة ؟ رد الرجل في براءة : أربعين سنة . قال عبد العزيز خلص لقينا الحل .. انا حاغني ليك غصن الرياض مرتين عشان ترجع بطن امك ونرتاح منك .
    4/ جاء عبد العزيز ذات يوم مشاركا في مؤتمر في الإتحاد الاشتراكي فسأله الرئيس جعفر نميري مازحا : انت ياعبد العزيز جيت تمثل منو ؟ فرد عبد العزيز ببدهيته الحاضرة : لقد جئت ياريس امثل السواد الأعظم .
    5/ ذكر الأستاذ برعي محمد دفع الله بأنه جاء ذات صباح باكر للمحطة الوسطى بأمدرمان ليصحب عبد العزيز في الترام إلى الخرطوم . دخل عبد العزيز عربة الترام محييا السلام عليكم وكان الصباح باكر جدا والكل في إغفاءة . غاظه عدم رد التحية فقال : يابرعي أحسن ننزل .. أظنه ترام بضاعة ! هذه العبارة اللاذعة أفاقت الكل من تلك الإغفاءة وردوا التحية بأحسن منها .. وانسوا لاجدال بصحبة عبد العزيز وبرعي حتى الوصول إلى المحطة الوسطى بالخرطوم .
    6 / صعد عبد العزيز إلى المسرح في إحدى الاحتفالات السنوية لثورة أكتوبر .. وكان الرئيس الراحل إسماعيل الأزهري في مقدمة شهود الحفل .. تقدم عبد العزيز مخاطبا الرئيس إسماعيل الأزهري ( الليلة يغني لكم إثنان من أبناء بحري ثنائي أنا والكابلي , بلاك اند وايت ) والجدير بالذكر أن أول أغنية كتبها ولحنها الفنان الكابلي قبل دخوله مجال الغناء قام باهدائها لعبد العزيز وهي أغنية يازاهية .
    7 / يروي البروفسير علي الملك قائلا : حدثتني ماجدة عبد العزيز داؤود ان والدها قال لها نكتة يبدو انه ألفها في حينها قال : ياماجدة سمعتي الجدادة الأستضافوها في الإذاعة . ردت ماجدة : لا قال عبد العزيز : اكمل ليك القصة . الجدادة دخلت الاستديو وكالعادة شكرت الإذاعة لاتاحتها الفرصة وتكلمت عن مزارع الدواجن وعن الاوبئة وحياة الدجاج في البيوت زمان وعن هيمنة الدجاج الكويتي باختصار الدجاجة تكلمت كويس بعدين المذيع سألها تحبي تسمعي شنو في نهاية اللقاء والجدادة ماتلفتت وقالت : أحب اسمع في الليلة ديك للأستاذ زيدان ابراهيم .
    8 / صدف وان تقابل احد اقربائنا مع عبدالعزيز في مكان ما وكان عبدالعزيز يتناول فطوره وكان عبارة عن سندوتش فعندما دخل قريبنا بادره عبدالعزيز ياخي اتفضل فطور .. رد قريبنا شكراً والله فاطر .. رد عبدالعزيز بسرعة بديهته طيب اتفضل غدا.
    من أغنياته والتي لم نذكرها في المشاركة السابقة :-
    - أجراس المعبد ومصرع زهرة :- للشاعر حسين عثمان منصور .
    - صبابة :- للشاعر حسين بازرعة .
    - سفرك طال متين الجية :- للشاعر خالد أبوالروس .
    - يازاهية :- كلمات والحان الكابلي .
    - سلوى :- لشقيقه الشاعر عثمان محمد داؤد وهي اول أغنياته .
    - اشوفك في عيني :- للشاعر عبد المنعم عبد الحي واول لحن للملحن بشير عباس في مسيرته الفنية .
    - توسل :- للشاعر الطاهر محمد عثمان .
    - الأمير وعجبا يقول الناس هاجري وكنت وين وزورق الأحلام ولحن الحب واينعت في الروض زهرة :- لم نتمكن من معرفة الشعراء.
    وتجلي وأبدع عبد العزيز داؤود في أغنيات الحقيبة ومن أشهرها :-
    - الشاعر عبد الرحمن الريح :- يخجل البدر وجافوني الأحباب ولي زمن بنادي وعلى النجيلة .
    - الشاعر محمد علي الأمي :- سيبوني بس على بلوتي .
    - الشاعر عمر البنا :- زهرة الروض الظليل ونعيم الدنيا وياعيني وين تلقي المنام ونسائم الليل .
    - الشاعر عبد القادر تلودي :- من بف نفسك يالقطار وحبيبي غاب في موضع الجمال .
    - الشاعر علي المساح :- غصن الرياض
    - الشاعر عبيد عبد الرحمن :- البرهة القليلة وجاهل وديع مغرور.
    - ومن أشهر المدائح النبوية :- السراي جافو النوم وانتم فروضي ونفلي .
    - ومن أشهر أغنيات البنات والتي غناها ابوداؤود ووضع بصمته فيها أغنية فريع البان .

    لايفوتنا ان نشيد بنجاحات الابن الأكبر للفنان عبد العزيز داؤود (عاطف) والشهير بداؤود في دولة الدنمارك .. حيث تخصص في الأعلام ونال البكالوريوس من جامعة كوبنهاجن في العام 1990م – 1994م . ودبلوم عالي في الإعلام المرئي بمعهد الدنمارك للهندسة المسموعة المرئية والمسموعة في العام 1995 م – 1997 م واتيحت له فرصة إعداد وتقديم وإخراج برنامج إذاعي بإذاعة الدنمارك باسم ( تراث من العالم الثالث ) لينتقل البرنامج بعد نجاحه إلى القناة الأولى بتلفزيون الدنمارك كاسرا بذلك التوظيف للأجانب في الأعلام الاسكندنافي المرئي الممنوع .
    له حوالي 1500 حلقة من برنامجه المشهور (تراث من العالم الثالث) خلال عشرة سنوات من العطاء مما يعد رقما قياسيا في الإنتاج الإعلامي .. حاز على جائزة أفضل برنامج تراثي تثقيفي عن القارة الافريقية من القناة الانجليزية 2003 sky. وحقا هذا الشبل من ذاك الأسد والأمنيات الطيبات لابنة الراحل الفنانة الشابة عزة عبد العزيز داؤود بمستقبل فني طيب حيث تمتاز بصوت جميل وصاحبة أداء بديع حيث تؤدي أصعب الأغنيات ببساطة وتلقائية مدهشة .
    سمعت ان الشارع الذي يمر بمحاذاة الخور الكبير كما نسميه والذي يخترق احياء الختمية والديوم والدناقلة وحلة خوجلي قد تمت تسميته باسم عبدالعزيز داؤود.

    اللهم نسألك يارحمن يارحيم ياعظيم الشان ان تنزل شآبيب رحمتك ومغفرتك على عبد العزيز محمد داؤود ابوبكر وان تسكنه فسيح جناتك .
                  


[رد على الموضوع] صفحة 8 „‰ 94:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de