مواضيع توثقية متميزة

اعلان ارشفة المنبر الحالى يوم الاربعاء الموافق 18 اكتوبر 2017
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-18-2017, 03:56 AM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

بحري طراوة... ويا ناس بحري .. قالوا بتحبوا يلا حبونا..

07-18-2008, 01:27 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    كتب هشام رضا ايضا.......
    Quote: [


    /B]المعالم الدينية فى بحرى ...


    قبة الشيخ حمد ود المريوم
    قبة الشيخ خوجلى ابو الجاز
    قبة السيد المحجوب
    ضريح السيد على الميرغنى
    المسجد الكبير
    قبة الشيخ الحاج يوسف
    كنيسة مارى جرجس
    كنيسة الكمبونى
    مسجد الشيخ البشير
    مسجد الكوارته
                   |Articles |News |مقالات |بيانات

07-18-2008, 02:52 PM

Amgad Karrar

تاريخ التسجيل: 07-03-2008
مجموع المشاركات: 33

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: [كان يمكن ان اراهن بعمري لو ان شخصا طلب مني ذلك، بانني ساقرأ اسماء
    ياسر رضا، سيف لبيب، محمد ميرغني، اسامة شبين والمرحوم علاء لان ما يجمع هذا
    الرهط بالتأكيد لا يحكى في المنابر العامة


    سلامات بالاخ نزار عتيق...ويسلملى عمرك...

    ماربط هولاء الرهط ومايربط كل قاطنى بحرى الذكرى الحلوة...ولم يبقى لنا الا اجترارها اخى ود عتيق...


    لك التحايا ومرحب بيك لاثراء البوست بالذكرى الحلوة...

    أكيد اتقابلنا...

    أمجدعابدون كرار
                   |Articles |News |مقالات |بيانات

07-18-2008, 04:56 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أسماء بعض الأسر العريقة في المزاد شمال ، بعض هذه الأسر من أوائل الأسر التي سكنت حي المزاد ، أبدأ أولاً من شارعنا ويقع في المنطقة التي تبدأ من الملتقى وحتى إستاد التحرير، وسوف أبدأ من إتجاه الإستاد :-
    أسرة عبد الله خيري ( والد محمد ، نصر ، نور الجليل ، د. صلاح)
    أسرة ميرغني حمزة ( والد م. عصام)
    أسرة طه إدريس ( والد إدريس ، عبد الله)
    آل محمد سعيد مانجل ( والد عبد العزيز من ظرفاء بحري)(أشرف ، محمدإبراهيم) ، إيهاب
    أسرة سيد بخيت ( والد فتحي ، محمد)
    أسرة كمال الفكي ( والد عصام ، هشام ، علاء)
    أسرة سكران (والد طارق سكران )
    أسرة فضل محمد حمد (والد عوض ، صلاح ، جمال ، حفيظ)
    أسرة سليمان عبد الفراج (والد علي ، صلاح ، عادل)
    أسرة حسن فرج الله
    أسرة الحاج فتح الرحمن
    أسرة عبد الله عبد الرازق ( والد أبو القاسم ، عبد الرازق ، أحمد ، عبد العزيز ، خالد)
    أسرة حسين الهندي ( والد عبد الحميد ، عمر ، نصر الدين ، أحمد ، عبود ، هندي)
    أسرة سعيد خوجلي ( والد عبد الله ، عبد الرازق )
    أسرة حسن مختار ( والد مختار لاعب الكوكب سابقاً ، معاوية ، ماهر، محمد )
    أسرة عبد العظيم قناوي ( والد د. محمود ، يوسف)
    أسرة حمودة العركي ( والد عباس ، لؤي ، أسامة ، مهيد)
    أسرة ناصر عبد الله ( والد علي ، حسن ، مصطفى ، عبد الله)
    أسرة محمد سعيد بيومي ( والد المرحوم خالد ، محمد)
    آل محمد عمر ( والد عمر) (عبد الخالق محمد أحمد)
    أسرة محجوب سليمان ( والد أبو عبيدة ، النزير في قطر)
    أسرة محجوب عبد الماجد
    أسرة محمد أحمد ( والد د. عماد ، م. علاء الدين)
    أسرة عوض ( والد مصطفى)
    أسرة محمد عثمان حاج التوم (والد الفاتح ، طارق)
    أسرة عامر إدريس ( والد حسن ، محمد)
    أسرة حسين فهمي ( والد المرحوم عادل بُللم)
    أسرة جبرة ( والد ياسر ، أسامة)
    أسرة إدريس يوسف (والد يوسف ، عبد الخالق لاعب الكوب سابقاً) ، عادل ، محمد
    أسرة عباس جبريل (والد ميرغني ، بابكر ، حسن)
    أسرة مصطفى (والد الفاتح ، عاطف)
    نترحم على من توفي من أعمدة هذه الأسر ونسأل الصحة والعافية لمن تبقى منهم

    نواصل ...
                   |Articles |News |مقالات |بيانات

07-18-2008, 05:30 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    أخي أبو رزقة

    ألا يضم الأقليم الذي غطيته.. أسرة كل من: أسماعيل عبد السلام (أبو السباع) والعم عبدالكريم (كان أول موذن لمسجد أنسة) وكلا المنزلين يفتحان على المسجد.. والأخير رحمه الله من جبل أولياء في الأصل وهو قريب طارق ميرغني.. أما الأول فهو عم صديقنا إبن حلة حمد وأبن الأميرية ( 1 ) وبحري الثانوية لأخ الشاعر/ عبد السلام كامل عبدالسلام..

    --------------------
    بحري طراوة..
                   |Articles |News |مقالات |بيانات

07-18-2008, 05:19 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: ناجى طبعا اصوله يمنيه ...وكعادة الفنانين والملحنين بيمتاز بالرقة والظرف الذائد والنكنة الحاضرة ...فياريت واحد يكلمنا عن طرائفه الكتيرة .وسرعة بديهته...
    .
    .وهو الان باليمن ...رد الله غربته ومتعه بالصحة والعافية ..



    الأخ/ هشام رضا..

    تحياتنا وأنت لا زلت تناول من الشباك.. وعقبال ما تجيتا بالباب.. أعتقد أن ناجي عاد للسودان هذا ما فهمته من حلقة في تلفزيون النيل الأزرق ضمته وآخرين...



    Quote: وشقيق الحكم الرهيب عبدالرحمن جكسا


    والله صدقت إنو جكسا ود اليماني كانا رهيبا في إتجاه يعرفه مرتادي مباريات الليق..أتجاه إطلاق ساقيه للريح مع صافرة النهاية .. نرجو أن يسعفنا أحدنا بنوادر جكسا ود اليماني في تحكيم مباريات الليق
                   |Articles |News |مقالات |بيانات

07-18-2008, 08:45 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    عمارة إبراهيم طلب...

    قامت على انقاض ما يعرف بسوق بحري القديم في الستينيات.. حيث كان دكان والدي المرحوم (السر كرار) بجوار دكان العم (سليم جابر)والد اللاعب عصام سليم.. وكانا يعملان في تجهيزات وصيانة وبيع مواتر ال BSA .. ودكان العم (حسني).. وكان بائعا للفطير المشلتت.. ودكان العم (جبور) الترزي البلدي.. ودكان العم (أبنعوف) العجلاتي...ودكان العم (أحمد اللبناني) الحلاّق.. زمن كان عندنا حلاقين لبنانيين.. زمن موغل في الدنصرة

    كنت كثيرا ما أزور والدي في دكانه فأحظى بلفتين ثلاثة من فطائرالعم حسني...وحلقة شعر أكيدة على يد العم (أحمد اللبناني)... لقيتوني كيف.. ديناصور معتق مش؟؟؟ بس عصرنابعد عصر طارق ميرغني..وهو العصر الفطائري أو الفطيري.. وطارق من العصر الداندورمي..

    ----------------------------
    بحري طراوة
                   |Articles |News |مقالات |بيانات

07-18-2008, 09:03 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: لقيتوني كيف.. ديناصور معتق مش؟؟؟ بس عصرنابعد عصر طارق ميرغني..وهو العصر الفطائري أو الفطيري.. وطارق من العصر الداندورمي..



    حلووووووووووووووووووووة .......







    قتلى طارق من ياتو عصر ....
                   |Articles |News |مقالات |بيانات

07-18-2008, 09:10 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: قتلى طارق من ياتو عصر ....


    ناهد مراحب..

    ما ظاهر !!!.. ده يقوليك أسماعيل الأزهري،.. ولالوبة شنو.. والتركمانية.. ده زول قديم خلاص... ما عارف قرأ معانا كيف؟؟ يا ربي كان أستاذ جاسوس مزروع وسط الطلاب ولا شنو؟؟

    (عدل بواسطة Kamal Karrar on 07-18-2008, 09:18 PM)

                   |Articles |News |مقالات |بيانات

07-18-2008, 10:51 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: يا ربي كان أستاذ جاسوس مزروع وسط الطلاب ولا شنو؟؟



    ياربى؟

    مش احسن من مايكون.... طالب مدسوس وسط الاساتذة...







    وبحرى .....طرااااااااوة...
                   |Articles |News |مقالات |بيانات

07-18-2008, 08:59 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ كمال كرار

    سلام ..

    أسماء العوائل التي ذكرتها هي التي تسكن في شارعنا والشارع الذي يقع شمالاً ، ولكن الزاكرة ما زالت حبلى بالعديد من الأسماء ..

    أما مؤذن مسجد أونسة ربما تقصد العم أحمد الأمين عليه الرحمة والمغفرة وهو والد الأخ عبد الكريم المقيم الآن في الإمارات ويجاورهم من ناحية الشرق أسرة السر خال الأخ عصام محمود المعروف بعصام الدحيش المقيم أيضاً في الإمارات ومن ثم يأتي منزل العم إسماعيل عبد السلام عليه الرحمة والمغفرة ..

    تقبل تحياتي ؛؛
                   |Articles |News |مقالات |بيانات

07-18-2008, 09:04 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    Quote: أما مؤذن مسجد أونسة ربما تقصد العم أحمد الأمين عليه الرحمة والمغفرة وهو والد الأخ عبد الكريم المقيم الآن في الإمارات


    عليك نور يا أبورزقة..بس أسمه (محمد الأمين) على ما أعتقد وليس (أحمد الأمين).. وهو من أقرباء الأخ/ طارق ميرغني..كما أسلفت
                   |Articles |News |مقالات |بيانات

07-18-2008, 10:49 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ الفاضل/ كمال كرار

    تحياتي ،،
    بعد النيو لوك أرحب بيك عضواً جديداً في في هذا البوست ، ويا حبذا لو بقية الأخوان حذوا حذوكم ووضعوا صورة في البروفايل الخاص بهم حتى ولو صورة قديمة من زمن المرحلة المتوسطة ذي صورة طارق ميرغني وذلك لمزيد من التعارف ، ودوبي يا كمال تذكرتك ويا ما تقابلنا وأنت ماري بي شارعنا أو شارع إستاد التحرير .

    أعتقد أن الإسم هو أحمد الأمين وأسرتهم من الأسر المعروفة في حي المزاد وهم من منطقة الهلالية واقرباء للشاعر الراحل الهادي آدم .
                   |Articles |News |مقالات |بيانات

07-19-2008, 00:23 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    أولاد بحري وبنات بحري الرائعين
    صباحاتكم ورد
    انا عصرت السيد/ إسماعيل حامد شقيقي للخروج منه ببعض المعلومات عن الروابط في بحري
    تركز مجمل حديثه عن فريق الأحرار ورابطة الديوم التي ضمت في ذلك الوقت الفرق الآتية :
    الأحرار.
    عقرب.
    الجوهرة.
    الفجر.
    الأخوة.
    مؤسسين بذلك رابطة ديوم بحري.

    تأسس فريق الأحرار على ما يذكر نهاية الستينيات وبداية السبعينيات.
    كانت تمارين الفريق في ميدان الفحامة محل مدرسة الحرية اليوم..
    اول ناس سجلو في الأحرار
    الإداري سيف الدين جمعة.
    الأداري سليمان على فضل
    المدرب كديس من الشعبية.
    اللاعبين
    1. إسماعيل حامد خليفة
    2. على الطيب (عم علي).
    3. محمد قسم الله.
    4. المرحوم شيخ إدريس كباشي.
    5. د. يوسف حسن عثمان (شقيق عثمان نكير للديناصورات).
    6. عيد المنعم صالح (منعم القصير).
    7. حسن عبد الرحمن.
    8. عز الدين كروم.
    9. عاطف كروم.
    10. وجدي كامل صالح.
    11. أحمد حسن إبراهيم (طالوت).
    12. أحمد دينق.
    13. رحمة الله.
    14. شاع الدين (من شمبات).
    15. يوسف ود النل.
    16. عبد المنعم عبادي.
    17. الحاج سليمان (ودأم حق).
    18. عبد اللطيف سكراب.
    19. بكري سند.
    20. محمد الطيب أشول.
    21. عبد الرؤوف عبد الله.
    22. سيف الدين فضل المولى (أبولو).
    23. هاشم العطا.
    24. إسامة العطا.
    25. داؤد جون.
    26. كمال صعيل.
    27. هاشم الكارب.
    28. أحمد سنجر.
    29. رجب خوجلي.
    30. حسن السنجك.

    أنتقل كل من :
    المرحوم شيخ إدريس إلى العامل ثم الهلال.
    رحمة الله إلى الأملاك.
    هاشم العطا إلى الهشماب.
    إسماعيل حامد إلى الكوكب ثم الشاطئ بورتسودان.
    اسامة العطا إلى الاتحاد ثم الهلال.
    حسن السنجك إلى الزومة.

    التمارين كانت أربعة مرات في الأسبوع.
    غرامة عدم حضور التمرين تعريفة (نصف قرش).
    الإدارة تجتمع بعد التمارين فيما يسمى اللجنة.
    يجلس اللعيبة في شكل دائري وتبدأ مناقشة مشاكل الفريق.
    الإدارة تتكون في اغلبها من اللعبية ورئيس من خارج لاعبي الفريق.
    من لا يحضر اللجنة الغرامة قرش ونص.

    الحكم عبد الرحمن جكسا كان من أشهر حكام الروابط في ذلك الوقت وميدان رابطة الديوم يشهد له بذلك

    راجين همتكم يا شباب للتوثيق للرياضة في بحري ...
    عايزين رابطة المزاد والصافية (عبد الرازق).
    رابطة الختمية والأملاك.
    رابطة الدناقلة
    رابطة الشعبية
    رابطة حلة حمد (يانزار عتيق).

    بعدين نشوف موضوع الليق والدرجات.

    ياسر حامد
                   |Articles |News |مقالات |بيانات

07-19-2008, 06:47 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء انجمامة يوم الجمعه وكده.

    وكمان صلاح ابو ديه فتح لينا بوست عمل مشاكل مع ناس امدرمان ... تور نفسنا معافرا ودفر تقيل خلاص وقلت ما بكلمكم الا القصه تسخن لكن لحدت دلوقتي الامور تحت السيطره بس خليكم جاهزين.

    اخي نزار نقلتنا نقله حلوه مع عمنا احمد بتاع الجرم ويبدو انه كان الوحيد الذي تخصص في الجرم علي مستوي العاصمه.

    الاخ كمال ادريس الف مرحب بيك في دارك.

    الاخ حافظ عرفتكم تب والله ذكرتني اسماء لها تاريخ، عباس الهندي،السربنديه،عمك سعيد صالح والفاتح يوسف ابن اخت ابو داؤود وسعد مالك واخوانه.والله زمن..

    اخي ياسر : والله في الاول بديت صاح لانوانا بصراحه خفت من الوقعه وكده لانو الشمات كتار لكن لخبت في الاخر وشككت المتابعين" مشيتو وين؟؟)
    ناس سلكه يا حليلم ،، تعرف انو سموها سلكه ليه؟؟؟؟؟؟؟؟

    بعدين اشهر بتاعين داندرمه هم اولاد محي الدين والد ناس عمر زعموط.

    عمر ظعموط وعمر ابو حلق غنوا في طهورك؟؟؟؟ امال الفرتق الحفله منو؟؟؟؟

    امجد كرار شنو البجيبني لي انور العجب ؟؟ كدي عاين ليهو تاني!!

    يا هشام، جكسا الحكم اغرب حكم لانه في كل مباراه لا يرضي طموح احد الفريقين وعلي طول هو جاري بعد المباراه والاعجب تاني يوم يجي عشان يحكم؟

    واخيه ناجي القدسي حاول الفنان حمد الريح كثيرا احضاره للسودان من اليمن ولكنه فشل في ذلك.


    اخي كمال السر آخد اذن من الجماعه لكن اقول ليهم ماشي البحرين مع منو؟؟؟

    اسم المؤذن قريبنا هو احمد الامين محمد نور والد عبد الكريم المحامي بدبي،،،، ونسيت ناس الاستاذ عباس عبد الله عباس وعمنا الشاعر

    الكبير رحمه الله الهادي آدم وناس حسن ابو زيد والعز فضل الله وشكري والجمري وناس حسن محمد خير..
                   |Articles |News |مقالات |بيانات

07-19-2008, 08:32 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: واخيه ناجي القدسي حاول الفنان حمد الريح كثيرا احضاره للسودان من اليمن ولكنه فشل في ذلك.



    طارق أظنه رجع زي ما شفت في قناة النيل الأزرق قبل شهر تقريبا

    Quote: اخي كمال السر آخد اذن من الجماعه لكن اقول ليهم ماشي البحرين مع منو؟؟؟


    ودي دايرة درس عصر.. قول إجتماع يا أخي

    Quote: اسم المؤذن قريبنا هو احمد الامين محمد نور والد عبد الكريم المحامي بدبي،،،، ونسيت ناس الاستاذ عباس عبد الله عباس وعمنا الشاعر


    كده فكيت الأشتباك بيني وبين أبو رزقة.. ويظهر عندي لخطبة في segment بتاع الألف والميم.

    Quote: الكبير رحمه الله الهادي آدم وناس حسن ابو زيد والعز فضل الله وشكري والجمري وناس حسن محمد خير.. ]


    ما نسيتهم يا أخي.. ما قلنا بنجي صادين.. بس صبرا يبل الآبري..
                   |Articles |News |مقالات |بيانات

07-19-2008, 09:00 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ما جاتكُم بِجاي ... لسه ... سمِح ... السلام علَيكُم ...
    خليكُم قاعدين بقفِل الباب بِوراي ...

                   |Articles |News |مقالات |بيانات

07-19-2008, 09:09 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا ناس يا هوو ... يا كمال السر يا ناهد بشير الطيب يا حسن طة يا عبد الوهاب يا نزار عتيق يا ويا ويا قلت ليكم صلاح ابو ديه فتح لينا نيران مع ناس امدرمان في البوست

    Re: ناس أمدرمان ... أعملوا حسابكم...!!


    ارجو الدخول وشوفو كيف عايزين يبهدلوا بحري؟؟؟؟؟
                   |Articles |News |مقالات |بيانات

07-19-2008, 12:57 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الله يهدينا ويهديك يا ود أبودية,,, هو في كورة في السودان لمن جابت لينا نبذ..قدر ده

    يا زول ناس أم درمان ديل.. مهوسين بيها.. هوس عدييييل مالك بيهم.. قال: أي شيء مبتداه ونهايته أم درمان خليهم في عماهم.. مالك بيهم..لكن صدقيني ... أنا عندي أهلي من جهة أمي في أم درمان لما يجونا زيارة نكوس للطريقة الترجعهم بلدهم.. يا أبوي..سيبهم.. مش كل واحد ومزاجه.. عليك الله حر أم درمان وهجيرها ده....في زيو حتى لو في غوانتنامو...

    (عدل بواسطة Kamal Karrar on 07-19-2008, 09:44 PM)
    (عدل بواسطة Kamal Karrar on 07-19-2008, 09:44 PM)

                   |Articles |News |مقالات |بيانات

07-19-2008, 01:28 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ودى رسالة تانية ناولنا ليها هشام على قولكم من الشباك....





    Quote:
    سلام ياشباب بحرى....كمال ...طارق...عبد الرازق...امجد
    معاوية..هيثم...نزار...ياسر...ابراهيم...


    اديكم طرائف حكام بحرى......


    ياخوانا بتتذكروا الحكم عبدالله ادم الكان باشكاتب فى النقل النهرى...والد الزين ...كان بيجيب معاه فاس للمباره ويدسوا
    فى غرفة الغفير فى البلدية خوفا من هجمة الجماهير عليه بعد نهاية المباراة....


    والحكم ابوعلى طبعا كان جسمه ضخم جدا...ويقوم يصفر اثناء المباراة يقول فاول...واللاعب لما يجى جارى عليه يحتج...يقوم ابو على يقول ليه (فاول...كان فتحت خشسمك بطلع.........)



    والحكم عبدالرحمن جكسا....كان بيحكم فى الليق....خوفا من الجماهير كان فى نهاية الكورة بيقرب للاين...(الخط) ويروح مصفر وطوالى يمسك فى السوارى...(خوفا من الجماهير واللاعبين)...


    وفعلا كان زمن جميل ....وايام حلوة .....





                   |Articles |News |مقالات |بيانات

07-19-2008, 01:36 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وطرقة اخرى ...اقصد طرفة اخرى....
    من المهندس هشام رضا ناولنا ليها برضو بالشباك.....





    Quote:
    مرة كان فى لعبة بين الهلال والمريخ ..
    .والجماهير وقتها كان بتحتج على التحكيم ..
    .قام اتحاد الكورة طلب حكام من السعودية...
    .قام واحد من الهلالاب المتعصبين... قال ليهم
    ( الليلة عاد جابو ليكم حكم بيحكم بى شرع الله..)


    يعنى ...ماعندكم كلام تانى ...
                   |Articles |News |مقالات |بيانات

07-19-2008, 01:52 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    يا هشام يا مناول من الشباك.. أرواحنا وقلبونا معاك...

    يا أخي أنت فعلا معين ذكريات لا ينضب.. الله يديك العافية..

    غايتو أنا متذكر كويس جدا تحكيم ود اليماني.. وزي ما قلت يصفر وهو جنب اللاين وفي حوي السواري.. وبرضو بتجيه بونية.. طاشة... بس زمن جميل..

    برضو كان في حكم من أبناء المزاد أعتقد أسمه قوليب.. وكان شراني... ما بيقدروا عليه..لا اللعيبة ولا المتفرجين.. لكن أظرف حكم هو أخونا العزيز أنور العجب والذي كان يحكم مباراة.. ولما سمع ما لم يرضه من أحد الجماهير .. كسر عليه والمباراة شغالة وأداه بنية طيرت للمتفرج مزاجه.. ومن يوميها الجماعة عملوا حسابهم من الحكم الفتوة...

    أبو النور يا حبيب .. مشتاقين كثير .. يا أخي طل ولو من شباك عادل صديق...

    تعرفوا أبو النور ده لو لقى طريقة وجاء البوست ده حيبقى حاجة ثانية...

    شكرا هشام شكرا ناهد...

    ------------------
    بحري طراوة
                   |Articles |News |مقالات |بيانات

07-19-2008, 05:17 PM

Zein Hasan Mahgoub

تاريخ التسجيل: 07-14-2008
مجموع المشاركات: 219

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    سلام يا ناس بحر يا طراوة يا حلاوة

    التحية و التجلة لمن بد هذ البوست و من شارك و سيشارك فيه من البحراويين الحلويين.
    جاييكم بعد شوية راجع نحكي عن حلة النجمة و المذاد شمال
    كنت متوقع عبد الرازق سعيد يكتب باسهاب عن هذا الحي في بحري

    الزين حسن محجوب
    المذاد شمال
    غرب استاد التحري- حلة النجمة
                   |Articles |News |مقالات |بيانات

07-19-2008, 05:30 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    مرحبتين أستاذ حسن الزين.. ومرحب بحلة النجمة..

    الأخ/ أبورزقة ما قصر تب في أفراد مساحة لحلة النجمة.. أنا كنت أسكن ليس ببعيد من حلة النجمة.. شارع ناس محجوب الجاك.. أو هاشم تكالة أو جعفر محمد عبدالله.. يمكن تعرف واحد من ديل الأخيرين لأنهم كانوا ناس كورة وكانوا مرات مرات بيتمرنوا مع النجمة.. طبعا من شمال حلة النجمة بتعرف ناس أب جبة.. وعابدين وكان يسكن معانا في الدناقلة شمال وناس حسن بابكر..ونفر كريم لا تستحضرهم ذاكرتي..ودكان عمك أدريس بتاع الأحذية.. وهوالآن عمارة من ثلاث طوابق أمتلكها صديق من أبناء بورتسودان جاورنا في الغربة يدعى (محمد الحسن حمراي) له التحية...

    مرحب بيك وفي إنتظار أشراقاتك

    --------------------
    بحري طراوة

    (عدل بواسطة Kamal Karrar on 07-19-2008, 05:32 PM)

                   |Articles |News |مقالات |بيانات

07-19-2008, 06:22 PM

hassan bashir
<ahassan bashir
تاريخ التسجيل: 02-17-2006
مجموع المشاركات: 1295

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    بوست عن بحري تحول بقدرة قادر إلى بوست عن المزاد ... ومع ذلك، تستاهلوا يا ناس المزاد، فقد ظللتم دوماً تمثلون العمق الإستراتيجي للختمية

    من الأسماء المألوفة لدي هنا: عبد الرازق سعيد وياسر حامد ونزار عتيق. لا أعرفهم شخصياً ولكن قيل لي عند دخولنا لبحري الثانوية أنهم كانوا يسبقوننا بثلاث دفعات تقريباً.

    أشكر الأخ الدكتور أحمد علي القاسم والذي كتب تعليقاً هنا بث فيه لواعج الشوق لبحري رغم أنه يسكن في الكلاكلة (ريفي بحري سابقاً). ولكن هناك شيئ غريب أود أن أذكره، فعندما تعرفت على أحمد القاسم لأول مرة، راودني إحساس بأنه من بحري، فهو شخص هادئ ورزين ولبق وبهي الطلعة، وهي صفات بحراوية خالصة، وإن كنت لا انكر انها تتوفر أيضاً في مناطق أخرى (بس بشكل أقل). سأعود مجدداً في محاولة لتحويل مسار البوست من المزاد إلى مناطق أخرى .. وبدون زعل يا ناس المزاد .. عاملين كوشتكم السمحة دي ...
                   |Articles |News |مقالات |بيانات

07-19-2008, 06:49 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: hassan bashir)

    Quote: فهو شخص هادئ ورزين ولبق وبهي الطلعة، وهي صفات بحراوية خالصة،


    يا سلام عليك يا أبو علي...بس منو البيقنع الديك (ناس أم درمان)
    Quote: سأعود مجدداً في محاولة لتحويل مسار البوست من المزاد إلى مناطق أخرى .. وبدون زعل يا ناس المزاد .. عاملين كوشتكم السمحة دي ...


    في إنتظار عودتك يا أبوعلي.. وحول زي ما تريد..والعتب مرفوع...والزعل ممنوع...وكوشتنا يا حليلها بقت عمائر

    (عدل بواسطة Kamal Karrar on 07-19-2008, 09:28 PM)

                   |Articles |News |مقالات |بيانات

07-19-2008, 07:09 PM

hassan bashir
<ahassan bashir
تاريخ التسجيل: 02-17-2006
مجموع المشاركات: 1295

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    شكراً يا كمال على الرد الظريف، وعلى ابتدار البوست الذي يحكي عن مدينتنا الحبيبة والوادعة والتي باتت الضلع الأهم في مثلث العاصمة كونها مفترق للطرق وملتقىً يجمع الضلعين الآخرين. بعدين ناس أم درمان مالهم إن شاء الله ما في عوجة. ما أعرفه عن أهل أم درمان أنهم يعتزون جداً بمدينتهم وهذا من حقهم، ولكنهم أيضاً يحبون بحري ويتغزلون في محاسنها. والأمر لا يختلف لسكان الخرطوم. وطبعاً في السنوات الأخيرة تغير الواقع الديموغرافي بشكل دراماتيكي وفقدت العاصمة ككل طابعها وخلت كل منطقة من الوجوه المألوفة وربما من المعالم المميزة لها، ولكن هذا لا يمنع أن نعتز بمدينتنا الجميلة وبأناسها الحلوين.

    تحياتي مجدداً لك ولآل كرار في حلة حمد والمزاد والختمية (وسط وكرش الفيل) والشارقة والعين وحتى المملكة المتحدة
                   |Articles |News |مقالات |بيانات

07-19-2008, 07:24 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: hassan bashir)

    Quote: تحياتي مجدداً لك ولآل كرار في حلة حمد والمزاد والختمية (وسط وكرش الفيل) والشارقة والعين وحتى المملكة المتحدة


    أبو علي...الكلام دخل الحوش... أنت يا زول بتعرف أهلي كلهم.. حياك الله وبياك..

    قصة ناس أم درمان دي دعابة ما تشيل همها كثير...

    نتمنى التواصل
                   |Articles |News |مقالات |بيانات

07-20-2008, 11:29 AM

سيف الدين علي محمد الفاضل

تاريخ التسجيل: 07-03-2008
مجموع المشاركات: 583

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ كمال
    تحياتي

    والله رجعتونا سنين وسنين للوراء وأيام بحري وحلاوتها

    الحكم أنور عبدالله العجب من أظرف الحكام الذين مروا على بحري
    وهو من زملاء الدراسة ببحري الأهلية الحكومية

    ربنا يطراه بالخير وتحياتي له عبر هذه النافذة
                   |Articles |News |مقالات |بيانات

07-21-2008, 08:36 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: سيف الدين علي محمد الفاضل)

    Quote: الحكم أنور عبدالله العجب من أظرف الحكام الذين مروا على بحري
    ]
    Quote: [وتحياتي له عبر هذه النافذة ]

    شكرا أخي سيف الدين.. أنور موجود في "أبوظبي"... وتحياتك تصله إن شاء الله..
                   |Articles |News |مقالات |بيانات

07-19-2008, 08:36 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ الحبيب / الزين حسن

    لك أطيب تحياتي ..

    لقد تشرفنا بظهورك في هذا البوست المتميز ، وأكيد ستضيف له الكثير من الأخبار الجميلة والمعلومات الشيقة ، وبالنسبة للمزاد شمال أنا بدأت في كتابة أسماء العوائل وبدأت من شارعنا يعني لسه حتى ما وصلت شارعكم ، هذه كانت البداية على آمل أن يتم لاحقاً الكتابة عن الشخصيات والأماكن ، الأحداث ، الرياضة ، وما أحلى ساعة اللقا في في بحري قرب الملتقى وشارع المعونة والجمعية الخيرية بصفتها جمعية رائدة ليس فقط في المزاد بل في بحري عامة وبعون الله تعالى ثم مجهوداتكم الوافرة سنقوم بذلك على أحسن وجه .

    الأخ العزيز/ حسن بشير

    سلامات ..
    لقد أسعدنا وجودك بيننا ، أتوقع أن تكون مداخلتك هذه تمت بتشجيع من أحد الأصدقاء وتحديداً الأخ الفاضل أحمد القاسم وليس مبادرة شخصية عموماً نحن في غاية السعادة بهذه المشاركة ، أما بخصوص تغيير مسار البوست نحن نأمل ذلك ونأمل كذلك في مساهة كافة ابناء بحري لأن في تنوع المشاركات نجاح للبوست وضمان للإستمرارية وما ذنب أبناء المزاد إذا كانوا أكثر حضوراً وتميزاً في هذا البوست فالمجال مفتوح للجميع وخاصة أبناء الختمية وكرش الفيل ، عموماً نأمل منك أن تكون في مستوى التحدي وما تكون مداخلة أو إثنين ونبدأ عملية البحث عنك .

    لك فائق تحياتي ؛؛
                   |Articles |News |مقالات |بيانات

07-19-2008, 09:23 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخت العزيزة ناهد بشير
    والرائع هشام رضا
    المحفوف بالذكريات الجميلة ليكم التحية
    ويا ناهد إن شاء تخميستك مع الحجة تمرق لينا النوادر
    بس ما تنسوا تلكزو بكري (الحاجة أم ناهد عايز باسوورد).
    سلام يا ناس يا طراوة

    ياسر حامد
                   |Articles |News |مقالات |بيانات

07-19-2008, 09:24 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    عم نصر وعم علي:

    هما أقدم سائقي حافلتين من الحجم المتوسط وعينا عليهما في بحري.. وأتذكر أنهما في البداية كانا يخدمان من سوق بحري مرورا بالشارع اللذي يشق حي الدناقلة شمال أبتداءا من سعد قشرة وحتى شارع الضواحي.. مقابل سهلة الحاج موسى...وكان جل ركابهما من النساء اللآئي يذهبن يوميا إلى سوق بحري يحملن القفاف(المقاطف)..لتعبئتها من كل أصناف اللحوم والخضار (العجورة كانت قدر الكلاشنكوف).. وعندما ظهر المزاد في الستنيات ..نقلا خدمتهما إلى شارع البوستة حيث واصلا.. نقل النساء وقفافهن (مقاطفهن).. من المزاد إلى سوق الخضار وبالعكس..وكانت حافلتيهما أول حافلات قطاع خاص تجوب شارع البوستةجيئة وذهابا.. وذلك قبل أبورجيلة وأبوسنينة والبرنسات...أظن الحافلتين كانتا من نوع الفارجو أو الكومر..
    رحمهما الله رحمة واسعة..

    ---------------------------
    بحري طراوة
                   |Articles |News |مقالات |بيانات

07-19-2008, 09:32 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز مزمل عباس حسن بشير
    تعرف اسمك ده لو دخل في عمر قبل عباس كان استعوضنا فيك الله .. وسلمنا لاهاي ..
    بعد الراحل أبوداؤد والراحلة عشة الفلاتية لما غنو قالو الحجل بالرجل يا حبيبي سوقني معاك
    أنا وعبد الرازق ونزار بنقول الفصل بالفصل يا مزمل دفعة دفعة معاك ...
    حبابك عشرة في بوسطة الطراوة واسمعنا طراوة بحري الختمية وسط وشمال وكرش الفيل

    يا كمال السر مزمل عباس ما ياكلك حنك .. هو ديناصور إلا ربع .... شجع الأمير من زمن ناس زرقان ...
    أي نعم هو دفعتنا لكن برضو كان ( استاذ جاسوس)...

    واظنك يا عبد الرازق حسن بشير دي ضللتك .. ده ياهو صديقنا اللدود مزمل عباس شارع سوق الختمية .. البيت البعد بيت ناس أمير شاهين

    والله يا مزمل ليك وحشة .. في احتمال اتلب عندكم قريب .. بديك خبر ... والبرك فيكم في أبوعلي

    يا شباب في زول ممكن يحدثنا عن السينما المتجولة .. والتلفزيون لما كان في القمندانية ...

    سلام
    ياسر حامد
                   |Articles |News |مقالات |بيانات

07-19-2008, 10:02 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Yassir Hamid)

    Quote: هو دفعتنا لكن برضو كان ( استاذ جاسوس)...



    يا ياسر ظاهرة الأساتذة الجواسيس باين عليها منتشرة.. وعميدهم (طارق)

    Quote: يا شباب في زول ممكن يحدثنا عن السينما المتجولة .. والتلفزيون لما كان في القمندانية ...


    أول ما أسمع جملة سينما متجولة.. أذكر (نور الدين النصيح).. وهو معلق على أكثر أفلام السينما المتجولة.. وكانت تبدأ بالأخبار.. وطبعا عبود.. ومعالي البحاري.. ومحمد عثمان نصر (وزير الأستعلامات والعمل).. وطلعت فريد.. بعد داك تعرج بينا على الجزيرة حيث مزارع القطن وبتعليق نورالدين النصيح أو حمدي بدرالدين ونشوف المزارع كيف جنى المحصول وباعه وطهر أولاده.. يعني أقصى ما كان يتمناه المزارع أن يجمع تكاليف ختان أبنائه... وبعد داك تجيك أخبار الرياضة ..ألعاب القوى من ملاعب موسكو وكندا.. ولو محظوظين بعد داك يعرض فلم لإسماعيل يس... كل ذلك...وينتهي العرض والساعة بالكاد الثامنة والنصف مساءا...وصوت حركة الريل في جهاز العرض يطن في آذاننا

    بالنسبة للتلفزيون نحن حضرناه لما كان في حديقة عبود والأعمى شايل المكسر.. وبرنامج (تحت الأضواء) للأستاذ/ حمدي بولاد.. هسع طارق يقول ليك متزوج بت عمتي...

    ---------------------
    بحري طراوة

    (عدل بواسطة Kamal Karrar on 07-19-2008, 10:03 PM)
    (عدل بواسطة Kamal Karrar on 07-19-2008, 10:06 PM)

                   |Articles |News |مقالات |بيانات

07-19-2008, 11:35 PM

Zein Hasan Mahgoub

تاريخ التسجيل: 07-14-2008
مجموع المشاركات: 219

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    [الأخ كمال
    شكرا علي حسن الإستقبال في بوستكم الرائع الذي يجعلنا نعيش في بحري رغم البعد الجغرافي عنها ........
    اعرف اسرتكم و الوالد كانت له علاقة متميزة مع والدكم عمنا السر كرار ز و ازكر من ناس شارعكم اسرة المرحوم العم عثمان عبد الغفار و الخالة حبوبة و اسرة العم محمد عبد الحفيظ و الخالة زينب فضل و اسرة العم سليمان جبارة الله و الخالة نفيسة الرحمة لمن ذهب لجوار ربه و العافية لمن هو علي قيد الحياة.
    الأغ عبد الرازق
    تحياتي و ودي
    كيف اخبار يا رجل....... الغربية قبل ايام كنت مع الأخ أيهاب علي (ناس شامة بادي) و جبنا سيرتك و عبد الله سعيد . ايهاب علي التقيته مصادفة في مدينة نونغهام ببريطانيا.التي ازورها في فترة بحثية بجامعة نوتنغهام حتي نهاية شهر 9. كل عطلة اسبوعية امشي لي ايهاب نضرب القراريص و نتزكر المذاد و بحري و ايامها و زكرياتها الجميلة.
    الأخ ياسر حامد
    تحياتي وودي ..........يازول انت اخو (اخونا)طارق حامد المذاد جنوب.
    الأخ هشام المجمر الأختي ابتسام المجمر
    تحياتي و ودي
    اخوكم حسام صديق وزميل دراسة فقدتة مرتين عند زهابه للدراسة بروسيا ثم بعد هجرته الي بريطانيا . رغم انني و منذ بداية العام في بريطانيا لم اجد له تلفون لتحيته . اذا امكن ارجو ارسال تلفونه علي البريد الآتي([email protected]).
                   |Articles |News |مقالات |بيانات

07-20-2008, 05:07 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    يا طارق ميرغني

    يا ود بحري العزيز والعزيزة

    ما زمان قالو .. بحري صفاء وام درمان عجاج

    وأخوي كمال كرار زاد فيها ... وطراوة كمان

    بعدين قول لود ابو دية

    الخطة انطلت عليك ولا شنو

    ناس ام درمان ما لقو لعيبة ( كتاب يكتبو في بورديهم ) عملو شبك لو ابو دية نمن خلوه اكتر واحد يكتب عندهم.

    ولو ابو دية ضرب طناش

    ناس ام درمان الا يعملو اعلان.
                   |Articles |News |مقالات |بيانات

07-21-2008, 08:45 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    Quote: الأخ كمال
    شكرا علي حسن الإستقبال في بوستكم الرائع الذي يجعلنا نعيش في بحري رغم البعد الجغرافي عنها ........
    اعرف اسرتكم و الوالد كانت له علاقة متميزة مع والدكم عمنا السر كرار).


    تحياتي أخي الكريم الزين.. وأدعو لك بالتوفيق في مهمتك.. ناس شارعنا ياهم ذاتهم إلا من أرتحل عن هذا الدنيا ومن بينهم والدي.. رحم الله أمواتنا جميعا.. وبارك في الأحياء..

    وفي أنتظار رفدك هذا البوست بمساهماتك
                   |Articles |News |مقالات |بيانات

07-20-2008, 06:34 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    جائتني الرسالة التاليه من ابن اختي ابوبكر الفاتح ابن فوزيه امين زيدان " يا حسن طه":

    "لك الشكر ولحسن طه لتناول الحديث عن جدي امين زيدان. عمر بصدد اصدار كتاب عنه. بالمناسبه جعفر كرار عم كمال من اقرب اصدقائه حتي آخر عمره. لك عاجل الشفاء"....
    الاخ ابوبكر من المتابعين المداومين لبوستات بحري.

    يا عزام مرحب بي طلتك في بحري وفعلا المغروض يفتش خشم البقره لكن اطمئنك حبيبتك ما هنا انا قلت ليك اولها راء بعدين من بلاد بره ...بره خالص مش المزاد ولا الاملاك.... عرفت دي فتش ليها في بوست كونتيكت ولا بيرمنجهام ولا..... خايف اقول.

    ترحيب حار بالاخ زين حسن محجوب والاخ حسن بشير ...فضحتنا بي الكوشه دي ونحن كنا داسنها من ناس امدرمان لكن الحمد لله كمال طمأنا وقال بقت عمارات... نرجو دوام التواصل.

    اخي هشام الحكم ابو علي رحمة الله عليه رجل من الزمن الجميل ...
    بمناسبة هلال مريخ اها اديك واحده:

    بعد ما دخل صديقي صديق بركه وهو من النوع الهادي مباراة هلال مريخ. وهو مريخابي صهيوني . احرز الهلال هدف .. هاجت الجماهير وهو بالطبع لم يحرك ساكنا علي اعتقاد انه مريخابي.
    عندما احرز المريخ هدف التعادل توقع الناس ان يهيج ويرفع الكرسي ولا يحرق جريده ولا.... لكنه ايضا لم يحرك ساكنا ،، فالتفت اليه واحد من الجمهور قائلا:

    " انت يا خوي فريقك ما لاعب الليله ولا شنو؟؟"

    يا كمال عمنا نصر كان بصه نوع ناس بلو بيرد ولن انسي عماتي التومه رحمها الله والدة حسن وعادل عبد الرحمن (دكان الرفاعي) وعمتي الثانيه خديجه الصندليه (والدة عزو وعاصم وعاطف كروم) يخرجان من المنزل قاصدات السوق بعد ان يضرب عمك نصر او علي البوري وطبعا المهله بي ذاتها ... ينتظر الحريم واحده واحده وطبعا اغلبهم من ذوات الاحجام المهوله والعظام الهشه.
    يعني بصراحه شغلانه ما كان ممكن يشتغلها سوي هؤلاء الرجال.

    نحن الواحد لو اتأخرت مرتو دقيقه يقرب يفوتا.لاحظ " يقرب" ناس كمال السر بيفوتوها عديل كده .. ولا شنو يا ابو العباس!!!!

    بعدين يا كمال نحن في السينما المتجوله حضرنا من حمدي بدر الدين ،،،نور الدين النصيح ده الا تكون حضرتوه انت وحسن طه غايتو...

    يا ياسر حامد انت صغير في العمر لانو عوض حامد دفعتنا لكن بالطريقه دي حنشك انو عوض قرا معانا ونحن صغار وانت الدفعتنا ....كيف بتعرف ناس زرقان ومحطة الكنبات ,,,,,وووو!!!والتلفزيون لمن كان في القمندانيه والله عقدتنا عديل ...نحن بنتذكر التلفزيون زي ما قال كمال اول ما ظهر كان في حديقة عبود وناس حمدي بولاد وسهرة تحت الاضواء وحلمي ابراهيم ود. الزين عباس عماره والمرحومه حوريه حاكم وناس ماما صفيه... صاح يا كمال؟؟؟

    اخي حسن طه كلامك والله كلو صاح بس طلاتك قلت اليومين دي...
                   |Articles |News |مقالات |بيانات

07-20-2008, 07:39 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    عزيزي طارق

    أولا قول للعزيزة فوزية أمين زيدان لا شكر علي واجب

    وتاريخ العم أمين زيدان - يرحمه الله - يستحق التوثيق فتاريخه جزء من تاريخ السودان.

    ونحن ان شاء الله في انتظار كتاب الابن البار عمر .

    طــــلــب عـــاجـــــل:

    في حديث هاتفي مع الاخ ود موسي طلب مني ان أطلب منك يا طارق الافادة عن صحة الروايات التالية.

    طلبت منه ان يعفيني من هذا الطلب لاسباب تعرفهاأنت .

    ولكنه أصر علي طلبه باعتبار ان هذا يدخل ضمن التوثيق الرياضي لفرق بحري.

    الروايات المختلف عليها هي :

    - أن طارق ود ميرغني علي مصطفي هو أحد المؤسسين لفريق سلاطين سابقا الاتحاد حاليا.
    - أن " " " " " هو أحد اللاعبين الأوائل بفريق سلاطين
    - أن " " " " " كان مساعد مدرب لفريق سلاطين.


    نرجو الافادة لفائدة الأجيال الحديثة ( ود موسي ) والأجيال القادمة ( حسن طه ).
                   |Articles |News |مقالات |بيانات

07-20-2008, 12:10 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    بعد ما دخل صديقي صديق بركه وهو من النوع الهادي مباراة هلال مريخ. وهو مريخابي صهيوني . احرز الهلال هدف .. هاجت الجماهير وهو بالطبع لم يحرك ساكنا علي اعتقاد انه مريخابي.
    عندما احرز المريخ هدف التعادل توقع الناس ان يهيج ويرفع الكرسي ولا يحرق جريده ولا.... لكنه ايضا لم يحرك ساكنا ،، فالتفت اليه واحد من الجمهور قائلا:

    " انت يا خوي فريقك ما لاعب الليله ولا شنو؟؟"




    دى رسالة ليك ياطارق من هشام رضا برضو ....


    واحدمن المرضانين بالهلال....كان بيمشى نادى الهلال ويلقى الفنايل بتاعة
    اللاعبين مغسولة ومشرورة فى الحبل....يقوم يقيف قدام كل فنلة حسب الرقم بتاعها
    ويصفق ويقول ....ياسلام ياهيثم ياسيدها يانمرة عشرة انت ...
    ويمسك الفنلة التانية ياسلام ياريتشارد ياقلب الاسد ماوريتم يا فردة اللعب ياحربى انت
    ويمسك التالته ويصفق ياعلاء ياسلام يافابيرا يابتاع الوسط انت ...ويخطط بيده على الرقم تانى
    ويقعد يمشى ويصفق ويتكلم مع الفنايل لغاية ماتنشف ...هههههه
                   |Articles |News |مقالات |بيانات

07-20-2008, 07:54 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    العزيز طارق ميرغني
    صباح الخير
    تعرف ذي ما قالت ناهد بشير حتخمس مع الحاجة أم ناهد في السرير
    أخوك مخمس مع خالتك عشة منذ فترة طويلة جداً .. بنكت منها المعلومات
    بعدين ماما صفية دي تبعنا ياطارق .. ما تدي كمال السر فيك فرصة ثانية
    نحن حضرنا ماما صفية الجد شعبان وحجا..
    والتلفزيون أبيض وأسود ولازم تشغلو من الساعة 3 ومعاها طقة بالجنبة
    زمان الترانزيستر ما كان موجود ياهو التلفزيون أبولمبة...
    اول ما دخل التلفزيون مدينة بحري كان في القمندانية بتاعت البوليس .. بحري كلها كان بتجي تحضر التلفزيون هناك .. طبعاً ده بعد ما يودعو الكورة في ميدان البلدية مع صلاة المغرب ..
    السينما المتجولة .. كنا في مدرسة الحرية وكان هناك عرض كل خميس اول شهر بقرش .. لكن آخر من عرض سينما في مدرسة الحرية هو المخرج د. وجدي كامل عرض فيلم تخرجه من معهد السينما في روسيا وهو عن الشماسة .. وافتكر بعد الانتفاضة ..
    سلام
    ياسر حامد
                   |Articles |News |مقالات |بيانات

07-20-2008, 08:01 AM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ زين حسن محجوب
    حبابك عشرة في بوست الروقان والطراوة
    نعم انا شقيق طارق حامد المزاد جنوب
    يا همتك معنا
    ونحكي عن بحري الجميلة.

    سلام
    ياسر حامد
                   |Articles |News |مقالات |بيانات

07-20-2008, 09:39 AM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخ/ الزين حسن

    عاطر التحايا
    مرحب بيك مرة ثانية ، وتمنياتي لكم بالتوفيق في دراستكم ولا تنسى أن تبلغ سلامي للأخ إيهاب وزوجته ، وقول ليه ما دام بتأكل قراريص في توتنهام وما زالت تشجع الهلال أحسن ترجع المزاد .

    الحبيب / ياسر حامد
    الأخ حسن بشير أشار في بوست بحري الحكومية بأنه دفعتنا وطبعاً كل شيء موثق وجاء هنا ليذكر أنه بعدنا بثلاثة دفعات رغم أننا جميعاً نذكر جيداً أستاذ اللغة الإنجليزية الذي قال يا أنا يا حسن بشير في هذه المدرسة والطريف في الأمر أن هذا الأستاذ ترك المدرسة وحسن بشير واصل والظاهـر أنه طاب له المقام في المدرسة حتى أصبح بعدنا بثلاثة دفعات .

    أنتهز هذه الفرصة لأحيي الأخوان الأعزاء جداً هاشم دفع الله (السودان) وعباس عبد المالك (هولندا) وعلي حسين سليمان (بريطانيا) وهم أولاد دفعة للأخ حسن !!!!!

    ودمتم ؛؛

    (عدل بواسطة عبد الرازق سعيد on 07-20-2008, 12:54 PM)

                   |Articles |News |مقالات |بيانات

07-20-2008, 10:51 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
                   |Articles |News |مقالات |بيانات

07-20-2008, 11:27 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: صلاح أبودية)

    Quote: يا ناس بحرى ..!!

    همتكم معانا..

    عبدالوهاب أخوكو مزنوق!!


    صلاح

    الوداك شنو تمشى تفتح كمان بوست لامدرمان بى هناك ....
    ناس امدرمان ديل مابيلعبوا ...ولا بيرضوا فيها...
    اها عاد انكرب تمام واركز ..

    بالله زول اهله وناسه فاتحين ليهم بوست قدر الليلة وبكرة عن بحرى...
    يركز معاهم...... ولا يمشى يكابس؟


    وهاك بيت الشعر ده...عشان الزنقة الانت فيها دى بس...

    لعمرك مافارقت بحرى عن قلى
    لو انا وجدنا من فراق لها بدا



    ياكمال وطارق وياسر ورزقة بالله يدكم معاه....

    انا يدى فيها حنة ....
                   |Articles |News |مقالات |بيانات

07-20-2008, 12:12 PM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: صلاح

    الوداك شنو تمشى تفتح كمان بوست لامدرمان بى هناك ....
    ناس امدرمان ديل مابيلعبوا ...ولا بيرضوا فيها...
    اها عاد انكرب تمام واركز ..

    بالله زول اهله وناسه فاتحين ليهم بوست قدر الليلة وبكرة عن بحرى...
    يركز معاهم...... ولا يمشى يكابس؟


    وهاك بيت الشعر ده...عشان الزنقة الانت فيها دى بس...

    لعمرك مافارقت بحرى عن قلى
    لو انا وجدنا من فراق لها بدا



    ياكمال وطارق وياسر ورزقة بالله يدكم معاه....

    انا يدى فيها حنة ....


    والله يا ناهد ده ما منى ولا من ناس أمدرمان الحبايب

    براهو إتشبك مع Deng ماعارفو قال لى شنو...

    أظنو قاليهو ما بتعرف تلعب كورة شراب ...

    ول قاليهو جراى الحصان ما عارف غايتو

    وأظنو كمان قال ليهو ما بتعرف تسوق ركشة!!

    المهم ما خلى ليهو حاجة !!!
                   |Articles |News |مقالات |بيانات

07-20-2008, 01:56 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: صلاح أبودية)

    Quote: والله يا ناهد ده ما منى ولا من ناس أمدرمان الحبايب



    خلاص تعال صاد لى بيتك ده ....
    وماتنسى جيب معاك الرغيف من طابونة
    ود البخيت فى امدرمان
    ولا اقول ليك تعال خليه ...طارق مجهز
    ليك عيش من طابونة المزاد.... حااااار
                   |Articles |News |مقالات |بيانات

07-20-2008, 08:52 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: خلاص تعال صاد لى بيتك ده ....
    وماتنسى جيب معاك الرغيف من طابونة
    ود البخيت فى امدرمان


    هو بس كيف يرجع؟؟ العيش حار وجاهز من مخبز (مونديال)...

    أصلا هو بحب الكورة عشان كده جبنا الرغيف من مطعم(كأس العالم)

    ------------------
    بحري طراوة
                   |Articles |News |مقالات |بيانات

07-20-2008, 11:53 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اخي حسن طه تعرف سلاطين طبعا من اقدم الفرق بالسودان وهو يعتبر تيم الحله وكان له تاريخ مجيد ووصل الدرجة الاولي ومن لاعبيه الافذاذ كرومه،اولاد العطا ابراهيم عجبنا (نسيب ابراهيم نايل ايدام)بابكر قسم السيد،المرحوم محمد عبده واخي عامر ميرغني,,,,,ووووو

    وتاسس علي ما اذكر كما في اللوحة عام 1934 م لكن نحن ما حضرنا الافتتاح جينا بعد داك ... اها ارتحت ...بعدين الباشمهندس ود موسي قول ليهو نحن عايزنو بالباب ما يشتغل بالشباك ونحن بنكلم بكري بس خليهو يبدي النيه لو بقدر!!!!!

    يا ياسر حامد انت الآن في المزاد؟؟ والله ماشا معاك هنا( بفتح الهاء) تحياتي للخاله عائشه ولجميع الاخوه العارفهم!

    يا صلاح ابو ديه مالك ياخي عامل لينا " هجم النمر" (طبعا دي ما يتذكرها الا ديناصور او متدنصر زي ياسر حامد) ناس امدرمان ديل ربنا خارجنا منهم بالبليله اوعك تتشبك معاهم ديل واطاتم صفرا(يعني التربه بتاعتم) يعني عقاربهم تلدغ تهلك وهواهم كلو غبار وكاروهاتهم اكتر من ناسهم وزي ما قال صديق غنم المقرن بيقطعوا الشوارع احسن من ناس امدرمان .. بس الكلام ده بيني وبينك ...ما تكلم زول!

    ياخي بالله ما تشبكنا في ناس امدرمان ديل .... انت حاول خش في غناهم والهلال والمريخ وبس خليك من المك نمر... واسماعيل باشا!!!!
                   |Articles |News |مقالات |بيانات

07-20-2008, 01:53 PM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)


    يا طارق

    طيب ما دام جبت سيرة عزيزنا اللي مليون سنة ما شفته أخونا الضابط ابراهيم عجبنا

    ما تكتب عن والده عمك عجبنا ببوسطونته الشهيرة في مدارس الشعب.

    يلا ....
                   |Articles |News |مقالات |بيانات

07-20-2008, 08:46 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: ياخي عامل لينا " هجم النمر" (طبعا دي ما يتذكرها الا ديناصور او متدنصر زي ياسر حامد)


    طارق شنو الفضائح "هجم النمر" و "النملة الشفوقة" و "كلب عبدالجليل"

    بكرة تقول لينا: "طه القرشي" ولا "أندرو والأسد"...

    هسع أنت ما قلت ما حضرت (سلاطين).. طيب ديل ما ألفهم سلاطين ذاته..

    بعدين يا طارق (ماما صفية؟؟) ما للدرجة دي قول حبوبة كلتوم يا أخي خليها مبلوعة شوية.. مش أنت قريت معانا في ست ليللي؟؟؟
                   |Articles |News |مقالات |بيانات

07-20-2008, 09:01 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: وزي ما قال صديق غنم المقرن بيقطعوا الشوارع احسن من ناس امدرمان ..


    هسع يا طارق ده كلام.. صديق؟؟ لو لا الملامة كنت قلت ليك (صديق التابا) على قول خالاتي...

    الفتنة نائمة.. خلوها تشخر...
                   |Articles |News |مقالات |بيانات

07-20-2008, 08:35 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وردية المساء .. أطيب التحايا..

    وعلى رأسهم ناهد وهشام...

    ما شاء الله عليكم.. يعني ما نهجس شوية.. نجي نلقاكم شرفتوا بطلعتكم البهية ومداخلاتكم الجميلة..

    طبعا طارق الله يديه ويديكم العافية.. مشِرف دائما مش بطلعته البهية.. بصلعته الندية

    ياياسر حامد سلامنا للوالدة عشة....

    عندي نكتة عن حلتكم.. حيث كانت تسكن عمتي... وكان يسكن هناك وأحد وأسمه (سيد القوصي).. يبيع شختك بختك..

    وحدث أن أشترت منه إبنة عمتي (آمال).. علبة شختك بختك وطلعت فالصو.. فبكت وأندرعت للراجل وهي تبكي وتطالب برد القرش الدفعتو..

    حتى وصل الأمر لوالدها..اللذي كان كلامه نكتة وعلى بساطته.. فكان أن أبتدر أبنته.. بعبارة لوم وتوبيخ قائلا:

    يا آمال كملتي كل شيء كمان بقيتي تلعبي القمار مع سيد القوصي؟؟؟!!!!!

    فناب آمال جلدة.. وناب سيد القوصي هرشة رد بعدها القرش غير آسف

    (عدل بواسطة Kamal Karrar on 07-20-2008, 09:04 PM)

                   |Articles |News |مقالات |بيانات

07-20-2008, 11:55 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: وردية المساء .. أطيب التحايا..

    وعلى رأسهم ناهد وهشام...


    كمال

    بالصباح ولغاية بعد الظهر اخوكم هشام بى جهة وانا بى جهة
    بنلقط فى الرزق....ونجابد فى الحياة وينكتم نفسنا بالرطوبة
    ونجى نستلم وردية المساء منكم... اها يادوب نشم الهواء ...


    وبحراى طراوة ...,وناسها غلاوة....
                   |Articles |News |مقالات |بيانات

07-20-2008, 08:58 PM

Yassir Hamid

تاريخ التسجيل: 08-20-2003
مجموع المشاركات: 371

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء طارق وكمال
    سلامكم وصل خالتي عشة بالتلفون .. أنا في الدوحة .. التخميسات دي ليه وقت طويل .. مخزونة بالذاكرة
    هيجتها اختنا ناهد يديها العافية وسلامة الوصول خروف دعول من بيت الطرش في الديوم يكون مربي بالمشك .. آمين

    عمنا القوصي رحمة الله عليه كان من ظرفاء المزاد .. بعدين راجل مزاجاتي جداً يعني ممكن تكون الحاجة في الدكان تكون موجودة
    يقول ليك ما عندي بس لانك شكلك ما عجبو .. حكي لي أخونا عوض بخاري أنو مرة مش يشرب بيبسي طلب البيبسي من عمك القوصي
    وفتح ليهو القزازة .. والشراب طبعاً في الدكان لعدم وجود الأمنية بتاعت القزازة .. المهم عوض قاعد يشرب جاء واحد من أولاد الحلة المكجنن عمنا القوصي سألو عم القوصي في بيبسي ؟ قال ليهو ما في .. مع انو عوض قاعد يشرب في البيبسي والصنادق مليانه جنب باب الدكان ...

    سلام
    ياسر حامد
                   |Articles |News |مقالات |بيانات

07-20-2008, 09:07 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Yassir Hamid)

    مرحب بياسر زميلي في وردية (حصاد اليوم)...

    الخالة عائشة ربنا يديها الصحة.. وتخمس معاها سنين مددا..

    رحم الله العم القوصي....
                   |Articles |News |مقالات |بيانات

07-21-2008, 01:09 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Yassir Hamid)

    Quote: سلامكم وصل خالتي عشة بالتلفون .. أنا في الدوحة .. التخميسات دي ليه وقت طويل .. مخزونة بالذاكرة
    هيجتها اختنا ناهد يديها العافية وسلامة الوصول خروف دعول من بيت الطرش في الديوم يكون مربي بالمشك .. آمين



    وخالص التحايا ليها ياياسر.....وهنيئا لك بالتخميسات المفيدة ....
    ياربى خرفان بحرى لسه دعولة....(ولا الزمن (دعولها) ... وبقت ميتانة )





    __________________
    شوفى الزمن يايمة (دعولى) بعيد خلاص....(ادوعلت)واتبشنت يااايمة... ورينى الخلاص....
    مع الاعتار للاغنية الحبيبة الى نفوسنا.....
                   |Articles |News |مقالات |بيانات

07-21-2008, 00:33 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ورسالة اخرى من ناس المساء والسهرة الباشمهندس هشام رضا .....

    Quote:
    سلام ياناس بحرى كلكم دون فرز.....

    بتذكروا طاحونة مقار الفاتحة فى الموقف بتاع الخرطوم....
    دى من اقدم الطواحين الفى بحرى..... صاحبها نقادى اسمه مقار
    وكان بيسكن بجوار الطاحونة دى الشاعر الاديب الكبير محمد الفيتورى
    والذى كان متزوجا (الفيتورى) من الممثلة اسيا عبدالماجد وعنده منها ولد اسمه(ايهاب)......وكان يسكن بجوار الطاحونة ايضا القبطى (رمسيس) كان عنده اكبر مزرعة للخنازير فى شمبات....






    وبتعرفوا يااخوانا بركات الحلبى...الكان بيدفن الناس فى المقابر وكان ضخم الجثة ويسوق العجلة حفيان لانه رجله كبيرة....وماكان فى مقاس بيلبسه....ويوم لاقيته شايل قطعة ملفوفة ...
    خاتيها فى سرج العجلة وماسك سندوتش بيده وياكل...وسألته ...انت يابركات
    الفى السرج ده شنو...؟قام قال لى ...(ده طفل لقيط ماشى ادفنه) طبعا
    اصبت بالذهول من طريقته الشايل بيها الطفل ده ...ونفسه مفتوحة كمان للاكل......
    (طبعا دى شغلته طبعا)







    الفنان الراحل مصطفى سيداحمد...سكن فترة فى بحرى(حلة حمد)ومتزوج كما هو معلوم من شقيقة حسن نصر المشهور ب(هببو)....وكان سباح ماهر معانا فى اتحاد السباحة ونادى الكوكب.....بتذكر مرة فى سباق سباحة....قوى جدا....
    بيبدا من الكشافة البحرية ويلف جزيرة توتى بالكامل..
    .وكان معاى ممدوح مصطفى وكيجاب وسارة جادلله وهببو ومجموعة من السباحين وكان الجو بارد جدا...
    .اثناء السباق فقدنا حسن هببو ...وبعد فترة بتاعة تلاته ساعات ...لقيناه قاعد مع صيادين عاملين ليهم حلة قرموط تقيلة جدا...وحااااارة ...,صاحبنا خلا السباق وقاعد يضرب فى القرموط...جيناه ...قام قال لينا(بس جيبوا لي هدومى
    الغدا واتغديتوا.... سبقكم دا مادايره ....خلونى النرجع بيتنا).............








                   |Articles |News |مقالات |بيانات

07-21-2008, 08:10 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: [بتذكروا طاحونة مقار الفاتحة فى الموقف بتاع الخرطوم....
    دى من اقدم الطواحين الفى بحرى..... صاحبها نقادى اسمه مقار

    بالحيل يا أبو الهش بنتذكرها.. وأنا ذكرتها في الأول ما في زول هببو لي.. أظن اسم النقادي أو اليوناني (يني مقار).. لكن مما وعينا ما أظن شفناها شغالة.. بس نشوف الحجرين بتاعينها ملقحين في الأرض وقد أعتلى أطارهما الحديدي الصدأ.. وما عارفين قصتها.. يا ريت عمنا طارق يلقى لينا الضوء على الطاحونة ومقار..لعلاقته المتميزة بالنقادة.. ما عايزين نقول دفعتو..
    Quote: وبتعرفوا يااخوانا بركات الحلبى...

    يازول في واحد بحراوي ما بيعرف بركات الحلبي.. إذا كان الأموات بيعرفوه ما بالك بالأحياء.. وبالمناسبة يا ناهد ود عمي (نصر عثمان كرار) .. القلتي بيجي ينزل مع يحي عامر.. ملقب في العائلة (ببركات).. وأخوه محمد عثمان..(شارلي).. وأخوهم الكبير وهو في المدينة وأسمه عصام (الديزل)..

    السيدة/ آسيا عبد الماجد، كانت عندها روضة مشهورة في بحري إسمها(روضة أم إيهاب).. وسعمنا أنها تصوفت .. وبقت تلبس أخضر في أخضر.. والعهدة على الراوي...

    شكرا يا أبو الهش.. على مساهماتك الحلوة ... والشكر الجزيل للأخت ناهد..

    ---------------------
    بحري طراوة
                   |Articles |News |مقالات |بيانات

07-21-2008, 05:38 AM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    اولا و للمعلوميه

    نادر بسطاوي يده حرقتو خلاص ما قادر يتحمل و عاوز ليهو اشتراك،يدكم معانا

    معليش لكن لظروف العمل و السفر ما قدرته ارد بسرعه



    كمال سعيد والدكتور عصام سعيد
    ديل خيلان عبد الوهاب و عزو مش كده، و ياسر ال..........



    يا حافظ
    إنت حافظ الفيلسوف بتاع الاميرية 2
    ذاااااااتو
    ياخي راجع البروفايل حقي ووريني ردك ؟؟؟؟؟
    وبالله بي سرعة جدا لأنو
    دي حكاية عجيبة والله

    ده انا زاتو، مع بعض التعديلات
    سلامات لمامون، لو بتلاقيهو


    يا حافظ عثمان
    أزيك واخبارك
    طولت ما سمعت اخبارك،
    دي رسالة صغيرة للمجاملة
    رسل لي رقم تلفونك في الماسنجر

    ياسر حامد


    ياسر حامد ازيك،
    كيف احوالك و اخبارك
    انشاء الله كويس يا حبيب

    علي فكره انا ما عندي الايميل بتاعك



    بجيكم بكره
                   |Articles |News |مقالات |بيانات

07-21-2008, 06:01 AM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    يا حافظ
    إنت حافظ الفيلسوف بتاع الاميرية 2
    ذاااااااتو
    ياخي راجع البروفايل حقي ووريني ردك ؟؟؟؟؟
    وبالله بي سرعة جدا لأنو
    دي حكاية عجيبة والله

    ده انا زاتو، مع بعض التعديلات
    سلامات لمامون، لو بتلاقيهو

    التعديلات دي بس ان شاء الله ما جوهرية؟؟؟؟

    على العموم لك التحايا وتلفوني في البروفايل
    00966506771772
    ومامون مقيم في أبوظبي وبنتواصل بالتلفون
    اتمنى أن نتواصل ونعرف أخبارك
    لك التحايا كلها

    تخريمة:
    يا كمال وياطارق ويا ناهد
    ويا ناس بحري كلكم
    حافظ ده دفعتي في المتوسطة
    وما اتلاقينا قرابة ال20 سنة
    والان التقينا في منتدى بحري
    برضو تقولوا بحري طراااوة؟؟؟؟؟
    دي طراوة وحلاوة وبقلاوة
    وفريسكا كمان عشان طارق وناهد
    ما يزعلوا

    زدمتم سالمين
                   |Articles |News |مقالات |بيانات

07-21-2008, 08:29 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    Quote: نادر بسطاوي يده حرقتو خلاص ما قادر يتحمل و عاوز ليهو اشتراك،يدكم معانا


    التحايا للأخ/ نادر بسطاوي.. فقد كانوا نعم الجيران.. طبعا قبل ميلاد نادر.. بالله يا نادر تتصل بالأخ/ فيصل بسطاوي وتبلغه سلامي.. وسلامي لجميع الأخوات..

    وأثني ترشيحك للعضوية.. بس أنت أكتب لبكري أبوبكر وهو معاكم في أمريكا
                   |Articles |News |مقالات |بيانات

07-21-2008, 06:23 AM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ابراهيم عبد المجيد قناوي
    ياااااااااااااااااااه
    مامون زات نفسه، عليك الله بلغه كميات من التحايا و قول ليه تاج الدين
    اتزوج، كلمني قبل فتره اخوه جمال الثعلب
    مامون و تاج الدين و زفت الطين اللي هو انا، كنته بقعد زي الساندوتش في نصهم
    الفيلسوف انك مدلل و مغرور انا لي سنين ما سمعته اللقب ده
    ياااااااااااااااااااااااااااااه
                   |Articles |News |مقالات |بيانات

07-21-2008, 09:06 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    العصر فى بحرى...

    قبل أن يتوفى وقت العصر فى عصرنا هذا...

    كان فى بحرى وقت العصر طويل...

    كان الناس بتجى من الشغل الساعة إتنين ونص...

    ويحضروا عالم الرياضة ...

    ويرقدو ينوموا ...

    ويصحوا يتغدوا...

    ويقوموا يمشوا يحضروا كورة العصر (ميدان عقرب)

    ويرجعوا البيت مع المغرب !!!

    هسى يا جماعة واحد يقدر يقول لى وقت العصر ده مشى وين..؟

    والله زمان شدة ما وقت العصر طويل ..

    قسموا النص (العصر) و (العصير)...

    ـــــــــ

    بحرى طراوة
                   |Articles |News |مقالات |بيانات

07-21-2008, 09:02 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    يا ناهد بمناسبة العيش الحاااااااااااار ده ما ننسي يا اخوانا اشهر طوابين وطواحين بحري زي مونديال ومقار .

    اخونا حسن طه من الشخصيات التاريخيه في بحري عمنا عجبنا رحمه الله وبلغ من الشهره مبلغا كنا نحن في بحري الثانويه نخاف منه!!
    ايضا ممكن نضيف للقائمة اشهر الصولات بالمدارس الثانويه .

    تتذكر يا كمال السر في ست ليللي كنا نتلو ما عارف الزمن داك انجيل ولا خلافه!! كنا نقف ونرفه اكفنا علي افواهنا ونقرأ ..
    والزمن داك ما قال حد انو نحن تنصرنا ولا ... لو الزمن ده كانوا اقاموا علينا الجهاد.

    والله يا ياسر عمك القوصي دكتاتور حقيقي ..اما الخاله عائشه فهي من ابرز شخصيات بحري واكثر النساء نضالا ربنا يديها الصحة والعافية وبالله بلغها تحايانا اجمعين باسم بحري طراوه.

    الاخ هشام تصدق اول مره اعرف انه الفيتوري كان ساكن هناك وعليه سيتم توثيق ذلك بالاضافة الي زوجته الممثله العلم آسيا عبد الماجد.
    بعدين حسن نصر ليهو الف حق وكما قال عمنا كامل مقلد رحمه الله " قليل الفهم من ياكل الفول ويخلي اللحم!!"


    Quote: كمال سعيد والدكتور عصام سعيد
    ديل خيلان عبد الوهاب و عزو مش كده، و ياسر ال..........


    يا حافظ عقدتنا بي... ياسر ال..... دي!!!!

    ابراهيم قناوي ...........زويييييييييينك يا راجل!!!
                   |Articles |News |مقالات |بيانات

07-21-2008, 10:10 AM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    ابراهيم قناوي ...........ويييييييييينك يا راجل!!!


    موجوووووووووووووووود

    ومتابع يا أستاذ طارق

    لكن إنت وكمال قومتو نفسنا

    كل ما نقول نكتب حاجة

    تجي مداخلاتكم تمد إيدها

    ونقعد نقرا في العصر الداندورمي

    والعصر الجليدي

    نلقى الوقت روح

    واخيرا قلنا احسن نستمع في حضرة

    جلالكم ونستمتع بوجود
    الأستاذة ناهد (قريبتي)

    وناس بحري

    وعصريات أبو دية

    وبحري
    طراااوة
                   |Articles |News |مقالات |بيانات

07-21-2008, 11:18 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: يا ناهد بمناسبة العيش الحاااااااااااار ده ما ننسي يا اخوانا اشهر طوابين وطواحين بحري زي مونديال ومقار .
    ]


    طارق يا أخي خليني أنا..الذكرت مودنيال ومقار في هذا البوست قبل كده.. كدي صنقع لفوق وشف أخونا هشام عن طريق الأخت ناهد كان بتكلم عن ناننسي عجاج؟؟؟ وأنا ردي كان شنو؟؟؟ يا أخوي هوي أشرب الحلبة كويسة للذاكرة.. وتنبيت الشعر والله أعلم

    ----------------
    بحري طراوة
                   |Articles |News |مقالات |بيانات

07-21-2008, 09:59 AM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ياصلاح ابودية ..

    ياخ ده كلام جميل ...العصر كان من اجمل الفترات فى السودان وفعلا كان طويل
    هسى العالم منالشغل ومدافرة المواصلات بقت تجى قريب للمغارب وياكلوا وجبة
    الغدا الساعه 6 واحيانا 7 وتتلغى فكرة العشاء نهائى....
    بمناسبة العصر .....احكى ليكم عن هشام رضا ......

    زمان قبل مايغترب ايام كان شغال فى السودان...قال لى ....

    تعرفى ياناهد بتذكر ايام بجى داخل من الشغل والواطه حارة زى النار
    تجى داخل البيت تلقى الكهرباء قاطعه ....تفتح التلاجة تلقى الموية
    حارة ...تفتح الراديو تلقى الفنان.(.....).بيغنى ....تمشى المطبخ
    تفتح الحلة تلقى الغدا دمعة ....
    ....
    قال لى بقرب ابكى ....ومنها بقيت بلاسبب مااحب الفنان البيغنى وقت السخانة داك ياناهد...
                   |Articles |News |مقالات |بيانات

07-21-2008, 12:12 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    العصر... ده فيه مناظر.. داخل وخارج البيت..

    داخل البيت.. شاي العصر... والراديو .. والوالد يحاول يثبت الموجة على لندن..وبرضو مواعيد (الجلد- الدق يعني).. والأب بيكون أخذ النومة.. بعد داك يبدأ جرد المشاكل وليه سويت وما سويت!!! ودقة تفوت ولا حدي يموت... وبرضو فيه لفة لفتين واخذ الإذن اليومي.. للعب الدافوري.. ومرة مرة فيه مرسال لعم فلان وخالتي علانة...

    وفي الشارع.. البلوم ذرافات ووحدانا.. ماشين جايين من وين؟؟ يعني.. شي دق ريحة بهنا... وتعليمة آخر الشارع... ومعهد خياطة بهناك.. ودرس عصر وآلة كاتبة (قبل أن يولد بيل جيت).. ومرات كده ساااااااااكت... طرحة.. وكزاكة.. وعنكشة سكسك من يوم الحبوبة ما رجعت من الحج.. ومسيح كركار..وفيونكات... وطرحة... أيوة طرحة... وسلام بلا غرض.. طيبين بلا مرض.. كما كانت تقول والدتي عليها رحمة من الله...

    العصر الدافوري... وقهوة المزاد... والإستعداد للذهاب لسينما الصافية.. (يا كافي البلاء مذاكرة مافي)

    العصر كان برضو ربوع السودان.. وآدم شاش.. وسوي الجبنة يا بنية.. .

    هسع في الوقت الحالي صباح ذاتو مافي بس نهار... وبعده ليل على طول,...


    والمنظر القبيح في العصر (زمان)... كل باب يفتح ويخرج صبي أو بعض الأحيان خادمة.. ليدلق موية البلاعة.. في العصر الرهيب داك (صورة مقلوبة مش؟)... والشارع محفر زي طبق البيض (زي مابيقولو).. هسع السايفونات شالت بلاء...

    بس برضو العصر.. كان وقت الكشخة.. والريحة (الريف دور)... قبل ما تبقى أحد لوازم عمل الريحة الناشفة.. وقبل ما يجي (الكاشيت) والبروفسي... الله يطراك بالخير يا يسرا يا بنتي بتطلب مني أسماء عطور كده.. أيف سان لوران نفسه يحتار فيها... لكن معليش..
    -----------------
    بحري طراوة
                   |Articles |News |مقالات |بيانات

07-21-2008, 12:54 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: تعرفى ياناهد بتذكر ايام بجى داخل من الشغل والواطه حارة زى النار
    تجى داخل البيت تلقى الكهرباء قاطعه ....تفتح التلاجة تلقى الموية
    حارة ...تفتح الراديو تلقى الفنان.(.....).بيغنى ....تمشى المطبخ
    تفتح الحلة تلقى الغدا دمعة .... ]



    يا هشام والله دي صورة نمطية كانت في كل البيوت...بس الفرق إنو لما كنت بعمل في السودان أصلا ما كنت برجع في الهجيرة ديك.. نقعد محل الشغل وجنب الكولر بتاع الحكومة.. وكوز وراء كوز (هوي الكيزان هنا معدنية)

    الحمد لله يا هشام ما قاعد تلقى الآذان بيؤذن.. كان دخلنا في حيص بيص... بس بالله الدمعة مش ظريفة؟؟؟ مرات كده انا بطلبها طلب.. وما أحلاها بالقراصة!!! تعرف لما أطلبها بأكلها أنا وام العيال يديها العافية.. والعيال يعاينوا لينا كأننا آكلة لحوم بشر... عالم بيتزاوية هامبيرجرورية.. كرور..أولادي ... طبعا
                   |Articles |News |مقالات |بيانات

07-21-2008, 01:24 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: يا هشام والله دي صورة نمطية كانت في كل البيوت...بس الفرق إنو لما كنت بعمل في السودان أصلا ما كنت برجع في الهجيرة ديك.. نقعد محل الشغل وجنب الكولر بتاع الحكومة.. وكوز وراء كوز (هوي الكيزان هنا معدنية)

    الحمد لله يا هشام ما قاعد تلقى الآذان بيؤذن.. كان دخلنا في حيص بيص... بس بالله الدمعة مش ظريفة؟؟؟ مرات كده انا بطلبها طلب.. وما أحلاها بالقراصة!!! تعرف لما أطلبها بأكلها أنا وام العيال يديها العافية.. والعيال يعاينوا لينا كأننا آكلة لحوم بشر... عالم بيتزاوية هامبيرجرورية.. كرور..أولادي ... طبعا


    عارف ياكمال ....

    هشام ده زول ظريف جدا ...هو زاتو نكته ...يستحق اوثق ليه...
    اولا بيقلد اى زول يجى داخل بيتنا بطريقة مرعبة ...انا وبناته مجننا بتقليدنا ..
    ومحاكاتنا فى اى حاجة المشية والكلام والحركات ...وبعد ده مسمينا اسامى تانية
    تفطس من الضحك ...
    احكى ليك نادرة من نوادره...

    والدة هشام ... سهير من عائلة معوض عائلة معروفة فى بحرى ..
    .بيوتهم تبدأ من قريب للكبرى لغاية سينما الوطنية ..
    مرة جاء داخل من الشغل فى السودان (وقبل مايتزوجنى )..
    لقى البيت مليان على اخره اقباط عجوزات صاحبات امه
    ونسة وضحك وسنون مكسرة وتجاعيد..نادى امه ...قال ليها ...
    زحى (الارشيف) ده شوية من الطريق داير اخش اغير هدومى


    على فكرة والدته ايضا سهير معوض يديها طولة العمر يااارب
    زولة رهيبة جدا وحبوبة اسال منها نزار عتيق......(مرة خاله )

    مرة الشاعر مختار دفع الله وهو صديق عزيز على قلبى ...وايضا صاحب
    ياسر اخو هشام ...جاء البيت زماااان بدرى لاول مرة ...لقا الباب
    مفتوح ودخل قعد فى السرير بتاع الحوش البرة الصباح تقريبا كدة مستنى
    ياسر يستحم ويمرقوا سوا.....
    قامت الحجة لمن مرقت من البرندة (هى مابتعرفه الوقت داك) طوالى رجعت
    جابت الهدوم الوسخانه وكومتها ليه ....وقالت ليه (بتغسل الدستة بى كم )


    يديها الف عافية ياااااارب .....

    هى طبعا كانت مستنية ولد وصوه ليها اخواتها جاى للغسيل ....
    [/B
                   |Articles |News |مقالات |بيانات

07-21-2008, 01:45 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)




    يا ناهد قطعتي مصارينا من الضحك...ربنا يديه ليكم العافية.. عارفة كده أحسن... مش يجيكم كل يوم شايل أخلاقو ونهر ونتر زي ما كثير من الآباء بيعملوا رعب في البيت... أنا يا ناهد أكاد أكون زي هشام في ناحية التقليد... بس ما قاعد أسمي أولادي أسامي.. إلا عندي واحد مسميه حردان التكريتي.. لأنو يزعل ويحرد في أي حاجة.. وفي رواية أخرى أبو الزعلعل..

    لكن الله يدي نسيبتك العافية...بالغت في قصة (مختار الغسال) دي... طبعا ود الريح... حساس محمد حساس وكان ساكن الصافية.. عندو قصة مشابهة لي دي.. لما كان ساكن عزابي في الصافية (بحري).. مع عزابه وكان بغسل في سيارتو ..ولابس ليهو عراقي..وحالتو حالة.. جاء واحد يزور أحد العزابة.. وقف عربيتو.. وقال ليهو عليك الله لما تخلص غسل لي عربيتي دي.. وأداه طرادة.. فما كان من حساس إلا أن استلم الطرادة...وغسل العربية تمام التمام... وما قال للراجل أي حاجة.. وهو الدكتور الفطحل.. ولما الراجل عرف خجل من نفسو شديد...

    يديكم العافية..

    -----------------
    بحري طراوة
                   |Articles |News |مقالات |بيانات

07-21-2008, 10:06 AM

Zein Hasan Mahgoub

تاريخ التسجيل: 07-14-2008
مجموع المشاركات: 219

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    بسم الله الرحمن الرحيم
    الاخ كرار وصلتني هذه الرسالة عبر ابن اختي من عاشق بحراوي

    Quote: تحية طيبة
    اخوكم من بحري ومتابع لهذا البوست الرائع روعة اهلي جميعاً
    حاولت ان ارسال كرار لكني لم اجد له بريد اليكتروني في معرفه
    وبما انني من ديناصورات بحري ولا فخر اردت ان اناقش معلومة عن روابط بحري ذكرها الاخ اسماعيل حامد بواسطة اخوه ونسى اهم الفرق المؤسسة لتلك الرابطة وهي فريق الرفاق على ما اذكر وكانت مبارات الرفاق مع الاخوة تعتبر هلال مريخ الديوم من الجماهير حيث ان الفريقان من نفس الحي كرش الفيل وكيف فات على الجميع على ابو طويله الذي يعكس الزاوية داخل المرمي
    كذلك سيوده من اعلام ومؤسسي تلك الرابطة وصاحب ( ان كانت للفرق اصحاب) فريق افريقيا والذي نساه ايضا اخونا اسماعيل ويمكن عامل السن
    نقطة اخرى نسى الجميع من اعلام بحري كمال ابوحلق الملاكم المنظر
    كما فاتهم عنتر الرجل الطيب الذي كانت له رمية من حجر قل ان تخطىء نسأل الله الرحمة لمن مضى منهم والعافية وطول العمر للبقية
    وسأواصل اذا تكرم الاخ كرار علي ببريده الاليكتروني
    والسلام
    ابو علي

                   |Articles |News |مقالات |بيانات

07-21-2008, 11:37 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    ناس ظراف من بحرى...

    عنتر

    سمير القبطى (ده الزول الشايل السجارة..عرفتو؟)

    ربيع معلومة (المزاد)

    جكسا الحكم

    حسين بطل المريسة

    عكاشة (الدناقلة)

    أبواللول

    سينا
                   |Articles |News |مقالات |بيانات

07-21-2008, 12:42 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Zein Hasan Mahgoub)

    الأخ/ الزين شكرا لك ولإبن أختك...أبو علي.. والذي يبدو أنه يبزنا دنصرة..والله أعلم..

    جاء ذكر كمال أبو حلق في أكثر من موضع.. مرة ذكرته أنا...والمرة الثانية أحدالزملاء الكرام تذكر مباراته التي هزم فيها وتعليقه الساخر آنذاك...

    فعلا نسينا عنتر..وهو على ما أعتقد قريب ناس طلبة.. وكان خطيرا جدا في فنة أو رمية الحجر..

    لأبد أن لديك الكثير المثير.. فدونك الميدان وهذا بريدي الإلكتروني:
    [email protected]


    ------------------
    بحري طراوة
                   |Articles |News |مقالات |بيانات

07-21-2008, 12:02 PM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاخ كمال كرار


    التحايا للأخ/ نادر بسطاوي.. فقد كانوا نعم الجيران.. طبعا قبل ميلاد نادر.. بالله يا نادر تتصل بالأخ/ فيصل بسطاوي وتبلغه سلامي.. وسلامي لجميع الأخوات..

    انته فعلا ديناصور ياخي،قبل ميلاد نادر دي سنه 1900 و للا شنو،سلامك و تحاياك لي فيصل بسطاوي، عموما وصلت، انا صحيت نادر من النوم عشان يقرا البوست .

    بالنسبه لي محمد ود عباس الهندي ربنا يرحمه، اتوفي زمان يمكن في الثمانينات.


    ابراهيم قناوي

    يا اخي رسل لي ايميل عشان اعرف ارسل ليك تلفوني لاني كل ما اكتبه هنا
    يطلع ملخبط

    حافظ
                   |Articles |News |مقالات |بيانات

07-21-2008, 12:25 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    Quote: انته فعلا ديناصور ياخي،قبل ميلاد نادر دي سنه 1900 و للا شنو،سلامك و تحاياك لي فيصل بسطاوي، عموما وصلت، انا صحيت نادر من النوم عشان يقرا البوست .


    فعلا أنا ديناصور.. زمان قلناها... أخير تجي مني.. بس يا حافظ أقل دنصرة بكثير من أخونا فيصل الله يديه العافية.. تحياتي لنادر..وكل من معكم من آل بسطاوي
                   |Articles |News |مقالات |بيانات

07-21-2008, 12:34 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    Quote: بالنسبه لي محمد ود عباس الهندي ربنا يرحمه، اتوفي زمان يمكن في الثمانينات.


    ياالله .. حسبنا الله ونعم الوكيل .. رحمه الله رحمة واسعة..
                   |Articles |News |مقالات |بيانات

07-21-2008, 05:27 PM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Hafiz Suliman)

    Quote: ابراهيم قناوي

    يا اخي رسل لي ايميل عشان اعرف
    ارسل ليك تلفوني لاني كل ما اكتبه هنا
    يطلع ملخبط



    حياك الله يا حافظ ياخي

    ورسلت ليك ايميلي

    في الماسنجر

    وهاك ليهو هنا تاني

    ولكل البحراوية

    [email protected]

    وبحري طراوة
    وحلاوة
    ونداوة

    وفريسكااااااااااااا
                   |Articles |News |مقالات |بيانات

07-21-2008, 01:56 PM

Hafiz Suliman
<aHafiz Suliman
تاريخ التسجيل: 03-26-2006
مجموع المشاركات: 147

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    ناس ظراف من بحري

    عكاشة (الدناقلة)

    ده عكاشه ميرغني كاوبوي الحله و للا واحد تاني ؟
                   |Articles |News |مقالات |بيانات

07-21-2008, 02:04 PM

falcon
<afalcon
تاريخ التسجيل: 03-12-2002
مجموع المشاركات: 282

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء البحراوية او البحراويين و لا اقول ليكم ناس بحري
    سلام للجميع
    انا من بحري و من كرش الفيل تحديداً
    اتمني من ناس بحري جميعاً ان يتداخلوا في هذا البوست للتوثيق لهذه المدينة العريقة كما قال الاخ/ كمال كرار
    تصحيح لموضوع الروابط
    فريقا الرفاق و الاخوة لم يكونا من نفس الحي
    فريق الرفاق من الديوم بينما فرق الاخوة من كرش الفيل وهما من المؤسسين لرابطة ديوم بحري
    ثم انضم اليهم فريق الاتفاقية و دا كان بتاع اخوانا الجنوبيين و اخر ايام الرابطة انضم فريق اسمة الوطن من اشلاق المزاد
    راجع ليكم
                   |Articles |News |مقالات |بيانات

07-21-2008, 09:06 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: falcon)

    الأخ/ فالكون...

    مرحب بيك كثير.. طالما أنت من كرش الفيل..تبقى من عندنا تب...بس يا أخي أتحرك شوية وشارك بذكرياتك ومعلوماتك عن بحري


    -----------------
    بحري طراوة
                   |Articles |News |مقالات |بيانات

07-21-2008, 03:29 PM

Haitham Labib

تاريخ التسجيل: 12-27-2007
مجموع المشاركات: 386

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    وبحري لسه طراوة ... شايف الموضوع جاب ليه طوابين وحاجات زي دي .. اها ندخل ليكم في النص ... الأفوال الشديدة الكانت في منطقة بحري ..
    قدرة عمك علي .. في المزاد جنوب جنب أحمد قاسم .. يااااااااحليلو كان بيجوها الناس من الرياض والعمارات ..
    قدرة عمك الوسيلة .. في المزاد جنوب في بيت المرحوم شيخ أدريس كباشي ..
    قدرة عمك الزبير .. في الديوم ودي كشك ودكان ومعاها حلة لبن تكفي بحري كلها ..
    قدرة كيمو .. المزاد شمال الملتقي .. أخيراً ..
    قدرة عمك الفاتح في المزاد شمال قريب للسوق في الشارع المواجه لمدخل الشعبية مع بيت ناس الريح ..
    دي القدور الأنا متذكرة ..
                   |Articles |News |مقالات |بيانات

07-21-2008, 03:38 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: يا هشام والله دي صورة نمطية كانت في كل البيوت...بس الفرق إنو لما كنت بعمل في السودان أصلا ما كنت برجع في الهجيرة ديك.. نقعد محل الشغل وجنب الكولر بتاع الحكومة.. وكوز وراء كوز (هوي الكيزان هنا معدنية)

    الحمد لله يا هشام ما قاعد تلقى الآذان بيؤذن.. كان دخلنا في حيص بيص... بس بالله الدمعة مش ظريفة؟؟؟ مرات كده انا بطلبها طلب.. وما أحلاها بالقراصة!!! تعرف لما أطلبها بأكلها أنا وام العيال يديها العافية.. والعيال يعاينوا لينا كأننا آكلة لحوم بشر... عالم بيتزاوية هامبيرجرورية.. كرور..أولادي ... طبعا



    الرسالة الاتية من هشام ياكمال....

    Quote:


    والله ياكمال الواحد اخيرا عرف معنى الدمعة .....وسبحان الله
    زمان البلد..... تاكل الدمعه ومع الحر داك لافى كلسترول لا فى بروتين ...لاشىء
    بالله هسى الواحد يبلع الحبوب ...حتى يبدأ ياكل ....زمن..

    والعيال ديل عارف بس نعمل ليهم مشروع فى السودان زى الماكدونالدز.....
    سندوتش دمعة بالجداد وسندوتش دمعه باللحم ...سندوتش دمعه بالشنو مابعرفوا
    ...المهم كل انواع (الدموع) ولا دمعت اعين الوليدات....
    .ونعلق ليهم علامة الماكدونالدز فوق ....تانى نشوفهم بيعملوا شنو.....
    اولاد اللزينا ديل ...

    بجيكم راجع بس قلت احصلك ياكمال...

                   |Articles |News |مقالات |بيانات

07-21-2008, 05:48 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: والله ياكمال الواحد اخيرا عرف معنى الدمعة .....وسبحان الله
    زمان البلد..... تاكل الدمعه ومع الحر داك لافى كلسترول لا فى بروتين ...لاشىء
    بالله هسى الواحد يبلع الحبوب ...حتى يبدأ ياكل ....زمن..



    شفت كيف يا أبو الهش!!! ربكم كريم.. بالله في السودان كان في ناس عشاهم عكو (عكاوي) يوماتي علي الله.. وما واحد بالغلط ساكت مشى ليهو شفخانة!!! وناس طارق ديل يوم والثاني كوارع.. ولغاية ما جاء من السودان شديد بيأكل الأربعة وجبات (هم ثلاثة لكن ما عارف طارق مغالطني).. هسع ما عارف بعد ما عمل ليهو ثلاجة (حنانة).. يكون كلوسترولو كم؟؟ أنا ده غايتو.. حمدو في بطنو كل يوم أم العيال أمشي أكشف أمشي أكشف.. وأنا حالف بس "كرب رب"... باقي ليك إن مشيت ما بقولوا لي الكلوسترول بتاعك بقى زبدة لوبارك.. وأنا مالي ومال الخط المعلق...

    العيال ديل قصتهم قصة.. مرة إتفقنا إنو ثاني مافي واحد يقول عايز فاست فود بالذات هامبيرجر..ثاني يوم واحد من العيال الصغار قال لي يا بابا أنا عايز زنجر... قلت ليهو أمبارح قلنا شنو... قال: قلنا ما في هامبيرجر.. وأنا ما عايز هامبيرجر.. عايز زنجر.. يا بابا أوع تقول لي بيض أو تونه.. دي كلها دهون

    أها ثاني نقول شنو؟؟ تعرف الأكبر منو شوية قال شنو؟ طالما خالد عايز زنجر أنا عايز تويستر... وده شنو كمان؟؟؟ حبوب ولا كبسول زي ما قال/ سمير غانم


    خلبها مستورة يا هشام
    -------------------
    بحري طراوة

    (عدل بواسطة Kamal Karrar on 07-21-2008, 05:53 PM)

                   |Articles |News |مقالات |بيانات

07-21-2008, 04:21 PM

عبد الرازق سعيد

تاريخ التسجيل: 06-19-2008
مجموع المشاركات: 787

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الأخوان الأعزاء ربنا يديكم الصحة والعافية ؛؛

    تم الكتابة عن طوابين وأفوال بحري ونسيتوالطعمية
    أحلى طعمية في الشرق الأوسط كانت طعمية "أم دامت" في المزاد شمال حلة النجمة ، وهي تنطبق عليها تماماً قولة تاكل صوابعك وراها فمن شدة مذاقها الطيب لا تستطيع السيطرة على نفسك حتى تصل إلى البيت وتبدأ تأكل واحدة ثم واحدة ثانية وهكذا ولمن تصل البيت الطعمية تكون خلصت أو تبقى منها القليل وترجع تاني لأم دامت ولكن هذه المرة أما تلقى الطعمية خلصت أو تجد صف طويل للمنتظرين ولو متابع المسلسل واطاتك أصبحت ..
                   |Articles |News |مقالات |بيانات

07-21-2008, 09:17 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)

    أبو رزقة...

    برضو عمك خليل كان عندو فول مظبط في سوق المزاد.. كنا نتعشي فيه ثم نتجه إلى سينما الصافية.. وكان المسئول عن تظبيط الفول صلاح جرب بعد أن يبرشت حق السينما كما أسلفت...ومرة من المرات قدر ما باصرها جرب ما خارجت معاه... وما لقى طريقة سوى إنو يغنج بالفلوس وما يدفعها... فأٍسر في أذني أن فرتق...لأنو ما حادفع فلوس العشاء.. وأنا بغسل في المغسلة.. فما كان مني إلا أن لملمت نفسي.. لأني دفعت الشيرنج بتاعي وأفتكرته بيهظر... ولكن سرعان ما سمعت جلبة وهرج ومرج حيث أن صلاح جرب (غفر الله له) فز..وأجبر الباقين على أن يجروا معه لأنه لن يدفع حق العشاء بأي حال.. وكانت تلك الحادثة سبب فراق بيني وبين "صلاح جرب" لم يصمد طويلا...

    =======================
    بحري طراوة
                   |Articles |News |مقالات |بيانات

07-21-2008, 10:12 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    Quote: عندي واحد مسميه حردان التكريتي.. لأنو يزعل ويحرد في أي حاجة.. وفي رواية أخرى أبو الزعلعل..



    عندنا النوعية دى ....وهى بت ....الله يدى العافية ياكمال بس كل مااشوفهم بتحسر انهم ماعاشوا فى بحرى زينا ماعاشوا طفولتنا الشقية وقعادنا مع الحبوبات والصاحبات هسى بقينا نخاف عليهم حتى من صاحباتهم ... ...غايتو بس الحمدلله ....زمن غريب...


    كان بودى احكى الكتير زيكم عن اخوات عزيزات وجارات وصديقات مدارس لكن اخاف ان اسىء او اجرح
    احداهن بكلمة او معلومة دون قصد منى....وهن بنات وسيدات الان ولا اعلم ماهى ظروفهن ...ولكن ان شاءالله
    سااحاول ان اورد بعض القصص بصورة عامة ...منعا للاحراج ...فااعذرونى ...







    ________________

    عشان كدة بناولكم من هشام ....



    وبحرى مالها ....
    طراااااااااوة
                   |Articles |News |مقالات |بيانات

07-22-2008, 08:02 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ناهد بشير الطيب)

    Quote: كان بودى احكى الكتير زيكم عن اخوات عزيزات وجارات وصديقات مدارس لكن اخاف ان اسىء او اجرح
    احداهن بكلمة او معلومة دون قصد منى


    عذرك معاك .. والأسباب التي سقتيها مقدرة.. لكن أنا غايتو ما برفع من "صلاح جرب" إلا يقول الروب...طبعا إجترار الذكريات وعلى مرارة بعضها شيء عادي بين صنف الرجالة ..(صنف يبهت)... ويا "صلاح جرب" التقيل وراء.. إلا أسمع إنك بطلت قعاد الكرسي جنب باب البيت.. وإلا حاطاردك مطاردة "رادفان كراديتش"
                   |Articles |News |مقالات |بيانات

07-22-2008, 06:18 AM

طارق ميرغني
<aطارق ميرغني
تاريخ التسجيل: 12-25-2006
مجموع المشاركات: 8763

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    الاعزاء اعذروني فانا باجي الصباح المكتب واول شيء افتح البوست والملم التعليقات وشخبطه بالقلم كمال...نقطتين وقال وقال وناهد نقطتين قالت وقالت وفلان وهكذا وبعد داك بانشغل اجي تاني يوم نفس الشي عشان كده تتراكم الردود وتبقي قديمه مرات بارد من البيت لكن مشغول شديد بالليل واليومين دي عندنا منتدي وباقوم بتلحين وعمل بعض الاعمال الغنائيه .لو باقدر!!

    صلاح ابو ديه والله اليومين دي الوقت بقي وقت عصر (بكسر العين) ..

    يا ناهد بيني وبينك الفنان داك انا زاتي ما بحبو وزمان في الراديو في فنانين يسمون فناني الملاح ما بيدوهم فرصه الا وقت النسوان يعملوا الملاح وكانت الزمن داك ما بين الساعه عشره وواحده.

    بعدين شايفك اليومين دي ...هشام ده زول ظريف وهشام نكته وهشام ...انا ما عارف شنو!!! الايامات دي بدل السكن ظهر ولا ادوهو ترقيه ولا حاريه ليكي احفظ مالك وانتو متجهين السودان ولا شنو؟؟؟؟؟ انا شامي ريحة انتهازيه ...ولا شنو يا ابو الهش....زي ما قال كمال؟؟


    والله يا ناهد مختار دفع الله ده عندي معاهو حكايات وهو طبعا كان وزيري في زواجي .. راجل ممسوخ ولقطه والقصير يا حكمه يا فتنه !!

    يا ابو علي كمال اب حلق ما نسيناهو وانا حكيت عنه موقف طريف ارجع ورا ثلاثه اربعه صفحات..

    اخي حافظ .. رحمة الله علي اخونا محمد الهندي ووالله اول مره اسمع بذلك واسرتهم ما كانت تغيب عننا ايام والله زمن بطال وغربه ابطل...

    الاخ فالكون ما تنسي فريق الوحده من اعرق الفرق بديوم بحري وبه بالصباح روضة ماما عائشه.

    يا هيثم لبيب نسيت قدرة عمر ظبتي علي شارع المزاد الفاصل ما بينه والديوم.
                   |Articles |News |مقالات |بيانات

07-22-2008, 07:10 AM

صلاح أبودية
<aصلاح أبودية
تاريخ التسجيل: 03-29-2008
مجموع المشاركات: 4554

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    صباح الخير مدينتى الجميلة...

    صباح الخير من الجيلى ...

    مرورا بالخوجلاب ...

    وأم القرى جنوب وشمال بالتحديد...

    والسلمة والكدرو السكة حديد..

    والدروشاب والحلفاية (الحلة والكيلو)..

    شمبات جنة المظلات...

    الصافية وأريج العافية..

    المزاد شمال وجنوب والمقفول بالزات

    الشعبية طحنية شمال وجنوب

    الديوم وكرش الفيل...

    الختمية والأملاك...

    والكنيسة والأقباط..

    والحلتين حمد وخوجلى ..

    والدناقلة الما هاملة..

    والصبابى والكمبو شمبات ..

    البابورات والوابورات والأشلاقات ...

    سعد قشرة ...

    بيت النوبة وبيت العرقى ...

    ودكان عوووضة والتيمان ..

    والنوادى التحرير والأمير..

    وما تنسوا نادى العمال..

    المنطقة الصناعية وكافورى ..

    حلة كوكو والحاج يوسف شارع واحد والردمية..

    المايقومة النايمة...

    والشقلة والفيحاء والواحة

    الجريف والعيلفون وامدوم..(محل القروش بالكوم)

    صباح الخير مدينتى الجميلة

    صباح الخير ... بحرينا

    بحرى طراوة
                   |Articles |News |مقالات |بيانات

07-22-2008, 09:12 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: صلاح أبودية)

    أيوة كدة يا أبو صلاح.. يا رائع... مالك ومال المشاكل

    عايز تبقى جناح "عبدالمنعم أبودية"؟؟؟ نحن عايزنك جناح "عبدالعظيم أبودية"

    --------------------
    مش بحري طراوة يا أبوصلاح
                   |Articles |News |مقالات |بيانات

07-22-2008, 07:19 AM

حسن طه محمد
<aحسن طه محمد
تاريخ التسجيل: 03-01-2007
مجموع المشاركات: 3651

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    من ظرفاء بحري الحاليين وأصحاب البداهة الحاضرة والنكتة الساخرة

    الأخ حيدر علي صالح المشهور ب جقدلة

    له التجلة

    ( راجعوا بوست الشعبية )


    من أشهر طوابين العاصمة في زمن مضي

    طابونة الشعبية شمال في سوق الشعبية

    أرتال من العربات من كافة مناطق العاصمة في صفوف متراصة

    وخاصة عربات الجيش

    التقول في حرب

    فعلا كان عيش عيش
    مش زي عيش الزمن دا كلو بوتاسيوم بروميد

    والله زمان

    والله بحري طراوة



    كمال

    جبت سيرتك لود موسي في التلفون

    السماعة لقيتها بترجف

    تفتكر ليه؟
                   |Articles |News |مقالات |بيانات

07-22-2008, 08:37 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: حسن طه محمد)

    Quote: كمال

    جبت سيرتك لود موسي في التلفون

    السماعة لقيتها بترجف

    تفتكر ليه؟


    حسن طه.. تربت يداك..

    لا تركن لتخرصات طارق... ود موسى كان ولا زال مسالما...

    ونحن لم نكن نتشطر على المسالمين... لكن أي واحد بيعمل شيطان.. كنت بقصقص ليهو ريشو... راجع ود موسى!!!
                   |Articles |News |مقالات |بيانات

07-22-2008, 01:48 PM

ناهد بشير الطيب
<aناهد بشير الطيب
تاريخ التسجيل: 02-08-2008
مجموع المشاركات: 4179

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: بعدين شايفك اليومين دي ...هشام ده زول ظريف وهشام نكته وهشام ...انا ما عارف شنو!!! الايامات دي بدل السكن ظهر ولا ادوهو ترقيه ولا حاريه ليكي احفظ مالك وانتو متجهين السودان ولا شنو؟؟؟؟؟ انا شامي ريحة انتهازيه ...ولا شنو يا ابو الهش....زي ما قال كمال؟؟








    لا ياطارق.....ومايفوتك كمان ....ماملاحظ كسير التلج لوالدة هشام برضو(طبعا هى فردتى وكدة) .....
    لانه الاحفظ مالك حقها هى...... وحالاقيها بعد يومين فى الامارات
    ناوية اشدو منها وكدة.....



    _____________

    دهب شنو البشتروهو الزمن ده.....النربى ناس افواه وارانب ديل باللوال...
    ____________

    الحاجة والدة هشام يطول الله فى عمرها ياااارب(ده كسير تلج تانى ناوية اشد السلسل برضو)
    ايام كنا بنبنى فى البيت ...هشام مشى عمل دكان فى البيت ...انا زعلت ....كلمت ليه
    امه ...قلت ليها ياحاجة هشام عمل دكان وشوه منظر البيت وتانيا حيلم لى ناس الفول والعشاء
    بعدين ولا حاقدر اخش ولا امرق تانى من الشمارات...
    قالت لى ...ياشاطرة خليك مفتحة الراجل لما يكبر بيكون كلامه كتير ومابينطاق جوة البيت
    احسن حاجة عملها الدكان ده ...حضرى بس الكرسى ....عشان لما يكبر يقعد ليك برة وترتاحى من نقته
    يديها الف عافية ياااارب....
    (كنت عايزة اكسر تلج تالت ليها لانى ناوية على الخاتم برضو البسه معاها وكده)
    لكن خلاص كفاكم المرة الجاية...

    بالمناسبة مافى زول يقول ناهد دى طلعت من موضوع بحرى .....
    انا وثقت للحاجة سهير معوض هنا ....


    ____________________

    بالتوفيق مع التلحين ... ونزل مقطع مقطعين كده هنا ....خلينا النوثق ليك...
    ياطارق ميرغنى .....

    ..........تسلموا...
                   |Articles |News |مقالات |بيانات

07-22-2008, 08:15 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)

    Quote: لكن مشغول شديد بالليل واليومين دي عندنا منتدي وباقوم بتلحين وعمل بعض الاعمال الغنائيه .لو باقدر!!


    طارق يا دوب بقيت طارق.. هسع ما كان أحسن ليك .. الجماعة القاعدين نشوفهم في التلفزيون ديل ..دكتوراة في البنقز(بضم الباء ونسكين النون وضم القاف) ودكتوراة في الصفقة ( التصفيق) ما كان أكلوا معاك عيش!!! وشنو يعني مشغول بالليل دي.. يعني التلحين إلا بالليل.. ولا شنو؟.. تذكر زمان كنت بتلحن لينا كل خميس لحن.. وين؟؟ في اللسان البيظهر في النيل لما ينخفض النيل تجاه بري.. والله أنا مرات كنت بخاف يجي فيضان ونحن في قمة التلحين..والتلجين...أو الواحد فجأة يلقى نفسو قاعد في تمساح ولا قرنتية... أيام راحت ما بترجع...

    بس

    ------------------
    بحري طراوة
                   |Articles |News |مقالات |بيانات

07-22-2008, 12:59 PM

falcon
<afalcon
تاريخ التسجيل: 03-12-2002
مجموع المشاركات: 282

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    كرش الفيل
    هي جزء من حي الختمية شمال حدودها جنوباً الخور الكبير و شمالاً ميدان المولد و شرقاً شارع الانقاذ (حاليا) السكة حديد سابقاً و غرباً شارع البوسطة من المعالم بالحي فرن عمك فضل الله و كوافير شانيل و دكان ابو سجارة عند تقاطع شارع الصناعات مع شارع البوسطة كذلك خلوة و جامع فكي صالح احد شيوخ الطريقة التجانية والد المربي الفاضل الاستاذ بدر الدين صالح ناظر مدرسة الختمية (رحمة الله)

    كان يوجد ببحري اكبر مدينة صناعية بالسودن بها كافة الصناعات و لقربها من الحي كانت فرصة للعمل خلال الإجازة المدرسية

    مدينة بحري عموماً تشعرك بالحميمية و الدفيء لابد ان تكون قابلت احد ابناءها اما معاك في نفس الحي أو زميل دراسة بالمدرسة الاولية حيث يوجد
    بكل حي مدرسة ابتدائية و يتسع محيط معارفك عند انتقالك للمرحله الدراسية التالية حيث عدد المدارس الوسطي و الثانوية محدود او تكون قابلته عند احد المناشط الرياضية اما لاعب او مشجع
    و الله رجعتونا للزمن الجميل.
                   |Articles |News |مقالات |بيانات

07-22-2008, 08:32 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: falcon)

    Quote: كرش الفيل
    هي جزء من حي الختمية شمال حدودها جنوباً الخور الكبير و شمالاً ميدان المولد و شرقاً شارع الانقاذ (حاليا) السكة حديد سابقاً و غرباً شارع البوسطة من المعالم بالحي فرن عمك فضل الله و كوافير شانيل و دكان ابو سجارة عند تقاطع شارع الصناعات مع شارع البوسطة كذلك خلوة و جامع فكي صالح احد شيوخ الطريقة التجانية والد المربي الفاضل الاستاذ بدر الدين صالح ناظر مدرسة الختمية (رحمة الله)


    شكرا فالكون... كرش الفيل لنا بها إرتباط أزلي... فيها وبالقرب من جامع الفكي صالح منزل عمي (فضل كرار) رحمه الله.. وخلوة الفكي صالح درس فيها والدي وأعمامي... وبالقرب من المسجد كان هناك بائع للبرسيم شهير أتذكره؟ كما يفتح على المسجد منزل العم أحمد العبيد وكان من عازفي العود المشهورين في بحري.. وهو والد المرحوم ضابط الشرطة (حيدر أحمد العبيد) رحمه الله رحمة واسعة.. كما كانت تسكن في شمال كرش الفيل عمتي (زينب كرار) رحمها الله.. وبنت عمتي (نفيسة علي إدريس) عليها رحمة الله...أوع تكون طلعت قريبنا!!!

    مساهمتك جميلة ويا ريت تذكر لينا بعض الأسر القديمة في كرش الفيل...زي ناس سعد علي فرح.. وآخرين...

    -----------------------
    بحري طراوة
                   |Articles |News |مقالات |بيانات

07-23-2008, 05:37 AM

ابراهيم قناوي
<aابراهيم قناوي
تاريخ التسجيل: 06-17-2008
مجموع المشاركات: 2087

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)

    والله يا كمال حيرتنا عديييييييييل

    يعني تفوقت على طارق نفسو

    بالله ما ذكر إسم حي في بحري

    إلا تقول والله عمتي سكنت فيهو

    وحبوبتي قرت الروضة جنمبو

    إنت يا أخوي دحين كرار جدكم ده إلا يكون

    سيدنا علي الكرار (رضي الله عنه)

    تعرف والله انا بقيت ما قادر أتابع ما يكتب

    خلي أكتب حاجة


    تخريمة:
    صورتك دي من العصر الداندورمي؟؟؟؟





    تخريمة تاني:
    تحياتي لك يا رائع
    ولكل بحري

    ودمتم سالمين
                   |Articles |News |مقالات |بيانات

07-23-2008, 11:05 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3682

للتواصل معنا

FaceBook
تويتر Twitter
YouTube


Re: بحري طراوة... ويا ناس بحري .. قالوا بتحبوا يلا حبونا.. (Re: ابراهيم قناوي)

    Quote: والله يا كمال حيرتنا عديييييييييل

    يعني تفوقت على طارق نفسو

    بالله ما ذكر إسم حي في بحري

    إلا تقول والله عمتي سكنت فيهو



    اوووووووووووو أبو خليل ...سلامات ياراجل...

    طيب ياأبو خليل إذا كان أنا والدي مولود في بحري.. تتوقع شنو؟؟ أهلنا مالين بحري الله يديك ويديهم العافية.. ديل أهل أبوي يعني...وجدي كرار تب ما قصر... زرع في كل أحياء بحري...

    يا زول سلم لي على محمد عبد المجيد قناوي.. ده لو أتذكرني طبعا...

    مودتي
                   |Articles |News |مقالات |بيانات

[رد على الموضوع] صفحة 6 „‰ 94:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de