|
بدر الدين الأمير يحقق نجاحا عالميا كبيرا ـ صور للفرحة
|
حقق الأخ والصديق بدر الدين الأمير نجاحا عالميا كبيرا وذلك باختيار اللجنة المنظمة لدورة الألعاب الآسيوية الخامسة عشرة ـ الدوحة 2006 شركة أوكسنيت قطر التي يديرها بدر الدين لتكون المسؤولة عن الترجمة الفورية والتعاقبية لدورة ألعاب (العمر) كما يسميها القطريون . وقد تم اختيار اوكسنيت من بين العديد من الشركات المحلية والعالمية وذلك من خلال المناقصة التي طرحتها اللجنة لمنظمة للشركات المتخصصة في هذا المجال ، ومن المعروف أن دورة الألعاب الآسيوية هي أكبر حدث رياضي آسيوي حيث ستشارك فيها 45 دولة ومنطقة آسيوية تتنافس في 39 لعبة أولمبية من خلال عشرة آلاف لاعب وهي بالمقابل أضخم حدث رياضي تستضيفه دولة عربية وستبدأ فعاليات الدورة في العاصمة القطرية ـ الدوحة في 01/12/2006 وتنتهي في 17/12/2006 كما أن الترجمة الفورية والتعاقبية ستكون من وإلى العربية ـ الانجليزية ـ الصينية ـ الروسية ـ اليابانية ـ الكورية . المهمة صعبة يا بدر والاختيار قد صادف أهله ، أمنياتنا ودعواتنا لك بالتوفيق والنجاح .
|
|
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: Mohamed E. Seliaman)
|
و الله ظلامي صحي يا معتز .. يعني الخيل تجقلب .. و الشكر لي حماد !!! غايتو .. أنا عمولتي طالعة , و بالدولار .. و أي شنكبة يا بدر أقل من الـ ( ............... ) دولار الإتفقنا عليها معناها طوالي أبوظ اللعب
لكن إنت يا معتز .. ياها عزومة عوينة أم صالح في الريتز كارلتون .. يعشوك فيها و .. يغشوك يا ظلامي و عريس .. بس ( غايتو الإتنين نبيذة .. )
مبروووووووووووك يا بدر .. شغلك نضيف
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: Emad Abdulla)
|
الغالي عماد عبد الله
Quote: و الله ظلامي صحي يا معتز .. يعني الخيل تجقلب .. و الشكر لي حماد !!! غايتو .. أنا عمولتي طالعة , و بالدولار .. و أي شنكبة يا بدر أقل من الـ ( ............... ) دولار الإتفقنا عليها معناها طوالي أبوظ اللعب |
والله ما كلمونا ، أكان كنا عارفين كان هنيناكم ـ أنا لغاية الآن ما عارف الخيل منو وحماد منو
أنا قاعد جاء خبر الفوز قلت يا ولد أعمل ليك حاجة امكن ينوبك من الكيب نصيب .
أها قمت نزلت البوست دا ـ وكان معاي الكاميرا أخدت كم لقطة كدا نزلتهم .
Quote: لكن إنت يا معتز .. ياها عزومة عوينة أم صالح في الريتز كارلتون .. يعشوك فيها و .. يغشوك
|
لالالالا يا عمدة الراجل طلع أصيل وعلى طول دخل يده في الدرج وطلع مفتاح سيارة كورولا وسلمني ليه وهو مبتسم ويقول :- (أنا نذرت أول واحد يكون معاي ساعة سماع الخبر ح أديهو سيارة)
وفعلا استلمت السيارة وهي معي الآن ـ بس الكدب خيبة لغاية الآن ما سجلناها في المرور . رأيك أعمل شنو يا عمدة ـ معقولة ؟؟ لالالا ما معقولة !!!! والله ممكن تحصل ؟؟؟ مافي شئ بعيد على الله ...
الظاهر انو السيارة ح تفوت بي ... يا ربي يكون قاصد اجنني وبعدين ارجع السيارة ؟؟؟
يعني شنو سيارة ما الناس كلها عندها سيارات ... بس دي زي الواحد لما ... لما شنو ... ما عارف
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: عبدالغني كرم الله بشير)
|
معتز..لو كل الظلاميين زيك دنيانا إذن بخير. دا خبر حلو ويشرف كل إنسان حادب على سمعة السودان. والصديق بدرالدين الأمير يستحق كل خير..شاب كلو طموح . أخو اخوان وشيال للتقيلة.
ما تسمع كلام العمدة ..تلقاهو قبيل استلم مفتاح السيارة من صاحبو بدر الدين وتم ترخيصها من المرور وانت نايم على الخط وفاكر روحك أول زول عرفت الخبر. العمدة نجيض وعارف يلعبها كيف مع صديقو بدرالدين.
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: عبدالغني كرم الله بشير)
|
مرحب بالعريس..وحباب الطلة.. ومبروك بدرالدين علي هذا الانتصار التاريخي..وبذلك يتداخل وينسجم التواجد السوداني في الدوحة..وفي بطولة الاسياد تحديدا..مابين بدرالدين وشركته العامرة التي فازت بالترجمة حتي الي اليابانية..والفتية المبدعين ابتداء من هاشم زيدان وداؤود موسي وحسام وحازم وعمر احمد(اعمدة منتخب قطر في السلة)..مرروا بالمبدعين في العاب القوة(محمد حامد..البدري وعبدالواحد)...وصولا الي البطل في رياضة الملاكمة خالد مصطفي صديق...كل هذه اللوحة السودانية الدماء والوجدان ستظلل هذه البطولة القارية الضخمة التي شغلت الناس هنا سنينا عدة... بجانب المبدعين الكثر من ابناء السودان داخل اللجنة الاولمبية..والجهة المنظمة الاسايد لهم جمعيا التحية..والدهشة... حفريات(هذه الحفرية تضامنا وتشجيعا لبدر..!!!
حفريات: قوبي فكي كمبو الري في انتظار الشيك بتاعوا والا....!!!لكل حدث حديث..
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: عبدالكريم الامين احمد)
|
شكرا أخى معتز القريش
شكرا اخوتى واحبابى المتداخلين والمتصفحين
وشكرا باسمكم لدولة قطر التى منحتنا فرصة أن نكون
أما العاب دورة الالعاب الاسيوية الخامسة عشر هى:
العاب مائية - سباحة /غطس/سباحة متزامنة/كرة ماء
قوس وسهم/ الميدان والهدف
العاب القوى
ريشة طائرة
بيسبول
كرة سلة
بناء الاجسام
بولنغ
ملاكمة
كانو وكاياك
شطرنج
بلياردو وسنوكر
دراجات هوائية
فروسية
مبارزة
كرة قدم
غولف
جمباز
جمباز فنى
جمباز ايقاعى
جمباز ترامبولين
كرة يد
جودو
كابادى الامساك بالاخرين او لمسهم فى الملعب
كارتيه
تجديف
رغبى
قوارب شراعية
سيباك تكارو: ركلة الكرة المنسوجة وتستخدم بالقدم والراس فقط
رماية
سوفت بول: تعتمد على ععدد الخطوات المحرزة
سوفيت تنس: رمى الكرة من فوق الشبكة بحيث لا يستطيع الخصم ردها
سكواش
تنس طاولة
تكاندو
تنس ارضى
سباقات الثلاثى الحديث
كرة طائرة
رفع اثقال
مصارعة
ووشو/ كل فنون القتال
هذا بجانب القرية الثقافية وهى موازية للقرية الاولمبية وتتنافس فيها كل فنون الابداع والثقافة
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: Hussein Mallasi)
|
ود الامير ، جانا الخبر شايلو النسيم ، مبروك وانت قدر التحدى ، اتمنى لك التوفيق والنجاح ، بخرالمكتب والاستطاف بتاعك . الذى يعرف بدر لا يملك الا ان يتمنى له كل خير ، والكورلا مبروكه على(الضوءالجعلى) وليس الظلامى ، راجل بعرس تلاته اقل ما يقال له (عوج الدرب) . الف مبروك ود الامير وتقبل تبريكات نديدك محمد هجو.
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: عبد المنعم سليمان)
|
معتز القريش والله ايامك ..من متشرد الى عريس لى وظيفه فى اوكسنيت ومعاها كوريلا لو التشرد بيعمل كده انا من بكره شايل شنطتى ومعسكر مع بدر الدين اصلى سفرت المكنه ورجعت السكنه..
همسات:ـ
همسه اولى..
معتز قالو ما استلمت اوراق الكوريلا وابيت تسجلها لانو عينك على ال B M W
همسه تانيه..
عماد عبداالله .. شايف الظلامييين بلعبوها كيف؟؟؟ انت الطلعت داقس ... الظلامى عينو على الB M W تقول ليهو سجل الكوريلا..
همسه تالته..
قريبى كيكى ده نوع البوستات البيشتروهو شى كوريلا وشى بى ام دبليو ومعاها وظيفه تمشى تشترى لى بوست ملاسى ومانتسى ود القريش بقى مسؤل العلاقات العامه (وزى ماقال صاحبنا بتاع الرياض.....)
همسه اخيره..
افادت اخر الاخبار هنالك صراع خفى بين ود القريش والمهندسين ود الطاهر وخليل لشراء خروف الرحله ود القريش لينال التقرب والرضى وضمان الوظيفه وتسجيل السياره..
معتصم وخليل قالو هديه وتكريم لود الامير
سؤال اخير؟؟؟؟؟
ود القريش منو الرئيس الحقيقى الان ود الامير .. ام رندوك؟؟؟؟ جاوب بصراحه انا عارفك شجاع..
خبر عاجل،،،،،،،
قالو رندوك وكيكى قدمو لوظائف فى اوكسنيت وفى انتظار المعاينه...
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: ضحيه ابراهيم)
|
اها يا الامير لازمن تجيب اصحابك موش؟
منتظرة الشغل ولو محتاج لناس يتكلمو ملايوية وانجليزي قول عوك عندنا مترجمين متخصصين...
معتز العربية تختها لما نجي الاجازة الجاية نلف بيها الدوار الجنب ناس اختي داك..غياتو الدوحة دي فيها اكثر دوارات شوفتها في حياتي.. الزول ممكن لما يزهج يسوق عربيتو ويلف الدوارات..
تحياتي يا ناس الدوحة يا اجدع ناس ودائما مطولين رقبتنا.. وحتطولوها اكثر لو لقيتو لي شغل هناك...
| |
|
|
|
|
|
|
Re: بدر الدين الأمير يحقق نجاحا عالميا كبيرا ـ صور للفرحة (Re: معتز القريش)
|
بدر الدين الأمير ... لم يحصل لي الشرف بمعرفته .. ولكن الآن حصل لي شــرف كبير بإنجازه و فرحت جداً بالنصر الإداري المتميز الذي حققه. كثيراً ما نســـمع عن إنجازات ســـودانية في ديــار الغربــة في مجالات الطب والهندســة و العلوم و حتي الرياضة و الآداب و الفنون ... و في كل مرة نفرح و نهلل و تغمرنا الســعادة. لكن الذي يميز هذا الإنجاز البدرالديني و يجعله مختلفاً أنه إنجاز إداري - إذا صح التعبير - فنحن كسودانيين حظـنا من الإبـداع في المجال الإداري أقل من حظوظنا في المجالات الأخري المذكورة - خاصة في ديار الغربة.
لذلك كانت سعادتي بنجاح بدرالدين ... حقيقية ومن أعماق قلبي
| |
|
|
|
|
|
|
|