جمعتني الظروف مع مجموعة من السودانيين في رحلة في البحر وكان ضمن الحضور راجل عجوووووز النوع البكون ولدو جابو لأنو مافي زول برعاه (يطلع ليهو عنقريبو ولا يسخن ليهو اللبن) في السودان أها قام ود الراجل العجوز بعملية التعارف بين الموجودين ولمن الدور جاء فيني أنا الولد قال لأبيه (العجوز) دا أخونا بدرالدين وزمااااان كان ممثل في التلفزيون عرفتو؟؟؟ الوالد (العجوز) قال لا والله ما عرفتو أها أنا قلت أخفف دمي شوية وأشاغل الراجل (العجوز) قلت ليهو إنت ما بتتذكرني لأنو في الوقت داك إنت كنت صغير الراجل (ما فهم النكتة) عااااااااين لي جاي وجاي وعاين لي الشيب الفي راسي وقال لي أنا ما صغير والله هسع كان حسبناها تلقاني قدرك كدي .. هيا قدرك كدي ههههههههههههههه
في إحدى رحلاتنا الفنية مع الفرقة زمان مشينا بورتسودان وتعرفت على اسرة جميلة تتكون من أب سوداني وأم يوغسلافية وأطفال حلوين وبنت أريترية شغالة معاهم الوقت داك أنا بدور أطق عديل من الشهرة ويعرفني كل من يقابلني أها يوم مشيت زرت الأسرة الجميلة دي وبينما الكل داخل البيت يعمل للإحتفاء بهذا النجم المسرحي كانت البنت الأريترية مشغولة بتكويش كل هدوم البيت في (بقجة كبيييييييييرة) ورزعتها لي جنبي قال إيه؟؟؟ قايلاني الود البكوي الهدوم
08-14-2006, 01:47 AM
لؤى
لؤى
تاريخ التسجيل: 06-01-2003
مجموع المشاركات: 14343
إنت عارف يا لؤي الصورة دي عندها قصة براها أنا كنت داخرها لي بوست تاني لكن وقت جبتها هنا خلينا نحكي القصة
كان عندي صورة في جوازي القديم .. صورة غايتو عووووووووووووووووووع شينة شنا شديدة خلاص أظنها حقت أمتحان الشهادة المهم مرة كان مفروض نمشي مصر وقام علي مهدي بسرعة كلفت لي جواز أها الجواز جيت بيهو الغربة وبعد سنة إنتهت صلاحيته (والحمد لله) ووقتها أنا إنتقلت لي شركة جديدة وكان فيها سوداني قال لي أول حاجة تعملها وقبل تغيير الكفالة تغير صورتك دي لا حولالالالالالالالالالالالالالا أها قمت مشيت الأستديو قلت ليهو عليك الله إستخدم خلاصة خبرتك وكل ما تملك من تقنيات وطلع مني زول سمح وما يهمك من ناحية القروش أها الراجل إستخدم كل المعينات وطلع الصورة دي شلتها وفرحاااااان جيت لي ود عمي قلت ليهو شوف الجمال دا .. شوف الحلا دي عاااااااااااين للصورة وقال لي إنت ما قالوا ليك غيرها ما غيرتها مالك؟؟؟
في إحباط أكتر من كدا؟؟؟ وبرضو تقول ليك في ذمتك دا زول شين ولا عجوز؟؟؟
08-14-2006, 01:48 AM
ابو جهينة
ابو جهينة
تاريخ التسجيل: 05-20-2003
مجموع المشاركات: 22489
تصدق البت دي شيطانة شديد. من إحتفاء ناس البيت لا بد إنها عرْفتْ إنك شخصية هامة. لكنها بدهاء إستغلتْْ حاجتين :كون إنها غريبة + و كون إنها شغالة و ما ممكن يلوموها على عدم معرفتها بيك. عشان كدة حاولت تعمل فرقعة بقصة إنك الود البكوي الهدوم عشان تلفتْ إنتباهك. بنية ما هينة ...
08-14-2006, 01:58 AM
abuguta
abuguta
تاريخ التسجيل: 04-20-2003
مجموع المشاركات: 8276
Quote: الوقت داك أنا بدور أطق عديل من الشهرة ويعرفني كل من يقابلني
الوقت داك جيتنا زيارة فى بيتنا برفقة الاخت العزيزة وزميلة الدراسة قريبتك حنان حسن و أذكر أخى الأصغر أسامة كان الأسعد بالزيارة و لما عيال الحلة كلهم فى البيت و طلب منك تحكى ليهو نكتة يقبض بيها الجو فى المدرسة بكرة و كانت النكتة الاتية: واحد عضاهو كلب الدكتور كتب ليهو 14 حقنة,, بعد الحقنة العاشرة الدكتور قال ليهو أمشى شوف الكلب كان مات واصل الحقن وكان حى خلاض كفاية كده.... الراجل مشى يشوف الكلب ... الكلب عضاهو تانى
Quote: الوقت داك جيتنا زيارة فى بيتنا برفقة الاخت العزيزة وزميلة الدراسة قريبتك حنان حسن
آي والله صااااااااااح .. دقيقة .. بس لكن .. والله عذبتني عذاب لأني من أمبارح بحاول أجمع تفاصيل وفشلت مشيت بروفايلك يا ثقيل عشان القى إسمك الحقيقي لقيتك ما كاتبو هسع أنا أسوي شنو يا ربي
لابد من لقاء اما في السودان او دبي أو أي مكان بمشيئة الله ياخي والله رجعتني لأيام جميلة أما حنان فهي بخير وعندها أخوها عاطف حسن معنا هنا
حبي لك ولأسرتك
08-14-2006, 02:01 AM
almulaomar
almulaomar
تاريخ التسجيل: 07-08-2002
مجموع المشاركات: 6485
والله يا بدر الدين يا أخوي إنت من حيث الـشكل شين بس ما مبشتن والأهم من كده إنك جميل بأخلاقك وفنك وأدبك وخفة دمك وكمان مغترب ، وإنت حقو تحاول تعمل شوية تغيير يعني new look تغير طريقة الحلاقة أو تغير نوع صابون الحمام أو تغير المخده أو تغير مهنتك في جواز السفر
Quote: في إحدى رحلاتنا الفنية مع الفرقة زمان مشينا بورتسودان وتعرفت على اسرة جميلة تتكون من أب سوداني وأم يوغسلافية وأطفال حلوين وبنت أريترية شغالة معاهم
والله يا بدر ديل بس دايرين ليهم مدرب برازيلي .
Quote: يوم مشيت زرت الأسرة الجميلة دي وبينما الكل داخل البيت يعمل للإحتفاء بهذا النجم المسرحي كانت البنت الأريترية مشغولة بتكويش كل هدوم البيت في (بقجة كبيييييييييرة) ورزعتها لي جنبي قال إيه؟؟؟ قايلاني الود البكوي الهدوم
زمااااان يا بدر الدين كان في استاذ لغة انجليزية في مدرسة الخرطوم الجديدة .. وصادف انو راجع من نيالا بالقطر وكانت حالتو بالبلاء هدومو وسخانة وكان معاهو في نفس عربية القطر بنتين بتاعات اولى ثانوي كده وبدو يقطعوا فيهو بالانجليزي (هي از فيري ديرتي) وكلام من ده .. المهم الاستاذ كانت معاهو بطاقتو بتاعت جامعة الخرطوم خاتيها في جيب القميص قام دنقر كده عشان البطاقة تقع ويحرج البنات ويوريهم قدره لكن للأسف لمن دنقر بدل تقع البطاقة وقع منو كيس السعوط .. طوالي شالو ومشى سطّح .
08-15-2006, 00:31 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: المهم الاستاذ كانت معاهو بطاقتو بتاعت جامعة الخرطوم خاتيها في جيب القميص قام دنقر كده عشان البطاقة تقع ويحرج البنات ويوريهم قدره لكن للأسف لمن دنقر بدل تقع البطاقة وقع منو كيس السعوط .. طوالي شالو ومشى سطّح .
أها دا عندو بطاقة حاول يرميها أنا ألأريترية أرمي ليها شنو؟؟؟ نكتة؟؟؟
أذكر وفي نفس الأيام الكانت قايمة علي فيها الشهرة ديك كنت واقف جنب معرض الخرطوم الدولي وجن بنتين مارات بي جنبي واحدة صرخت وقالت لي صاحبتها هي دا بتاع التلفزيون ورح نسلم عليهو البنت التانية قالت ليها والله ما نشتغل بيهو الشغلة هسع راسو يكبر ويعمل لينا فيها خلااااااااص
سلامات من الامتداداب ودعوة لمشاركتنا بوست الامتدادا واضفاء لمحات جمال فيه .
Quote: أها دا عندو بطاقة حاول يرميها أنا ألأريترية أرمي ليها شنو؟؟؟ نكتة؟؟؟
والله الأريترية دي الا ترمي ليها الودع .. لأنو شكلها كانت قاصداك عديييييييييييييييل
Quote: أذكر وفي نفس الأيام الكانت قايمة علي فيها الشهرة ديك كنت واقف جنب معرض الخرطوم الدولي وجن بنتين مارات بي جنبي واحدة صرخت وقالت لي صاحبتها هي دا بتاع التلفزيون ورح نسلم عليهو البنت التانية قالت ليها والله ما نشتغل بيهو الشغلة هسع راسو يكبر ويعمل لينا فيها خلااااااااص
هن ما غتيتااااااااات لمن يقومن ... بس الله يدينا خيرن .
Quote: لك تحياتي يا جميل وتحياتي للربع
وصلت تب وراجينك في الحوش الكبير
08-15-2006, 02:54 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
الأرترية يابدر عاوزة تقول ليك " كويت قلبى " ، بس مشكلتا بقن عليها اتنين " غلفة لسان وغلفة فهم " على شاكلة تلاتة عنقريبين . لك التحية ياجميل ، أها راجينك بى بقجة الهدوم فى البحرين عشان نحتفل بى نجاح البنية السكرية.
08-15-2006, 04:50 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
تحياتي لك يا صديقي العزيز وأنت تغسل همومنا ببوستاتك الرائعة (على فكرة يا بدر البدور غسل الهموم دي ما عندها أي علاقة بوصف الأرترية ليك بأنك المكوجي هههههههها) وأيم الحق أنت رائع يا صديقي!!!
تعرف يا بدر كان عندنا فنان في الامتداد (وعلى ذكر الامتداد وبدون إفشاء أسرار يا بدر الدين "القردابي" من الامتداد "وجني" برضو من الامتداد. شفت الحب الامتدادي ليك قدر شنو!!!!) ينتمي إلى أحد مراكز الشباب والمؤسف أنه لم يكن يهتم بمظهره كثيرا وتشاء الصدف أن يضطر سكان أحد الأحياء الراقية بالخرطوم للجؤ إليه لإنقاذهم بالغناء في حفل عرس لهم وذلك بعد أن خذلهم في آخر لحظة الفنان الكبير الذي أرتبط معهم. وعندما بدأ الحفل أراد صديقنا الفنان أن يفعل ما يفعله كبار الفنانين فترك الفرقة تصعد للمسرح أولاً وتبدأ في العزف ثم بدأ صاحبنا في شق الصفوف للوصول للمسرح ولسؤ حظه كانت الحفلة محروسة ومحاطة برجال الشرطة ولما أراد الدخول للصيوان أعترضه أحد رجال الشرطة وقال ليه " هسه عليك الله الحفلة دي متين بدت لمن عاوز تخش وتخربها كمان"
ولك الود الذي لا ينتهي
08-15-2006, 07:26 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
وعندك واحد تالت من الإمتداد وصلحو إزيك صديق يا حمدتو يا الحبيب
Quote: وعندما بدأ الحفل أراد صديقنا الفنان أن يفعل ما يفعله كبار الفنانين فترك الفرقة تصعد للمسرح أولاً وتبدأ في العزف ثم بدأ صاحبنا في شق الصفوف للوصول للمسرح ولسؤ حظه كانت الحفلة محروسة ومحاطة برجال الشرطة ولما أراد الدخول للصيوان أعترضه أحد رجال الشرطة وقال ليه " هسه عليك الله الحفلة دي متين بدت لمن عاوز تخش وتخربها كمان"
علي الأيمان إنتو ناس رائعين وبعدين كل قصة عندكم ليها قصة موازية وهذا يدل على ثراء دولابكم الإبداعي ياخ شوفوا لي بيت معاكم في الإمتداد وأنا ببيع الوراي والقدامي وبشحد جمال الوالي ولا صلاح ادريس يتمو لي الباقي
ملحوظة: الوراي والقدامي (بيت عرشو مسروق) بس
تحياتي الحااااااااارة
إنتو الإمتداد دا ياهو الفيهو بيت ناس عاطق القوز ولا الفيهو محمود صالح
طيب محطة سمير وين ليكم؟؟؟ بتضحك مالك؟؟؟
08-15-2006, 08:06 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الحبيب بدرالدين الحلاوين بتاعت الناس السمحين .. عكس كلمة الهلاوين.. والمقصود بها سكان العالم الاخر.. الاشباح والارواح.. يبقى عندنا بدرالدين الذى هو من اهالى الحلاوين.. يعنى حلا وحمار.. والشنا ماهى الا كلمة اريد بها كف العين.. وانااعرف صديقى ما حل بنا من جراء الاستخدام غير المرشد للكلونيات والشامبوهات.. يا ما نصحتك وانت تخطو باعتاب معهد الموسيقى والمسرح لكنك لم ترعو وكانك تقمصت مقولة.. وليم شكسبير انما الحياة باثرها لمسرح ...
08-15-2006, 08:16 PM
ودرملية
ودرملية
تاريخ التسجيل: 07-27-2002
مجموع المشاركات: 3687
سلامات وعوافي مشني وثلاث ورباع يابدر انت حلاتك يا يابا تقول للقمرة زحي النقعد في محلك .. الناس دي حاقدة ساي .. هسي في زمتكم يالحاضرين كمية الطيبة الفي الصورة دي لاقتكم .. انا عارف ما لاقتكم الا عند بدرالدين صاحبي .. ياخي انت مشهور وسنين وقرون كمان ... تسلم ياحبيب .. بعدين انت بتختفي بتمشي وين يازول هسي انا قربتا انساك .. انساك وعبادات وصلوات .. طبعا اخوك اليومين دي مركب مكنة "مسربعة" شوية الله يجازي ناجي الملك وعليك الله تعال لينا بي هناك سمح ... (السربعة) سربــــــــــــــعة وعشرين القرشى
08-15-2006, 11:59 PM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
لؤي ياخي عليك الله بطل الهزار، هسع الزول ده يقوم يصدق
ياخي الراجل من ما عرفته قبل 14 سنة مرة ماشي مع واحد صاحبنا قدرنا كده في السن قام لاقاهم راجل عماني، قام سال البدري قال ليه ده ولدك؟ تقول لي ما عجوز، اما السنا دي فلايختلف فيها اثنان شنا مرة كمان
بدري سامي علاه
كيف اخبارك؟
تعرف قصص الامير والصديق ديل ذكرتني بقصص مشابهة، زمان في الثانوي عندنا اتنين اصحابنا مشوا رحلة نيلية، المهم في المركب لقو ليهم واحد احمراني لما بقوا في نص النهار الراجل وشو بقى زي الفشفاش المهم بقوا يشتغلوا ليك في الراجل فاكرينوا خواجة، آا تاني تجي ، شوف الحر ده كيف... بعد قام واحد فيهم قال النمش نشاغل الخواجة ده شوية، مشى قال ليهم : What is the time now, please? قام الراجل قال ليه واحدة وقرصة، بالعربي، طبعا صاحبنا ما عرف يدخل وين الراجل طلع سوداني قح
التانية بتكون متذكرة بعد الراجل الجاهو خواجة من كندا بخصوص اتفاقية بين الشركة بتاعتهم والشركة الكندية، اها الراجل مشى استقلو في المطار، وحسب الاسم والجواز افتكروا خواجة، وشغال معاهم علىالاساس ده وداك عامل ليه فيها خواجة سيد بلد المهم اجتماعهم طول والجماعة بي هناك منتظرينه للكوتيشنة وكل مرة يقول ليهم خلاص بس شوية كده وبخلص وبجي، المهم لما لااجتماع طول والجماعة اتصلوا بيه تاني الراجل قام افلس ونبذ ليك الخواجة في التلفون للجماعة، اها هنا الخواجة قعد يضحك لما وقع في ا##########، الراجل استغرب مالك؟ قال ليه والله انا من قبيل بس منتظر عايز اشوف اخرك شنو؟ لكن لما افلست قلت احسن اكلمك، الراجل طلع قبطي سوداني
التالتة.... ولا مافي داعي، لكن والله لسه عندي اتنين تاني زي ديل لو درتوهم قول لي بجيبهم ليكم
لكن يا البدري الما بعرفك بجهلك، زي قريبك القال قايلني سوري قال، اي لوني فاتح شوية لكن ما لدرجة سوري كمان
تحياتي
08-17-2006, 01:58 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
لؤي ياخي عليك الله بطل الهزار، هسع الزول ده يقوم يصدق
يا يا سر سلامات
يا زول مالك جايي تفتّش الماضي خلاص الماضي ولّى وراح بدر الدّين دا أنا لمّا كنت في المتوسّط هو كان ممثل معروف فالرّاجل زول صغيّر ياخي ما تعمل لينا مشاكل
بدرالدين حلا ومرحبا ياخي المابعرفك بيجهلك زي مابقول المثل وانت كنت من النجوم اللامعة في محطة التلفزيون الاهلية التي كنا ننتظرها علي احر من الجمر واهلنا الرباطاب قالوا الشيب فيهو البخت
08-17-2006, 11:52 PM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
عنوان البوست عايز تشكيل صورك القديمة والجديدةعايزة تشكيل صورتك في داخلنا اتشكلت جمال وحلا ( حلا شيحا ) بي شيبك الزي السحابة السحابة الزي ضميرك الحلو عيونك الضاحكة زي الاطفال حلوة وروحك الشابة الأشوفك اقول أصغر مننا!! ما صحي اصغر مننا لكن محافظ محافظ ولا والي ؟؟ ياعمدة الحلوين والحلاوين والحلوات..
08-19-2006, 02:01 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
تذكر يا البدري بعد شهرتك البقت تطق بقينا نسوقك نشرك ليك لاتستوبات في شارع مدني
هل تذكر تلك الفضل ظهر الذي تجاهلني الكل وشغالين بدرالدين شنة بدر الدين شنة..
عليك الله يا البدري قصة اول مرة عرفت عشة المبارك.. دي قصتي المفضلة .... ونفيد الرواد انو بدر الدين بعد جابو في التلفزيون ناس الحلاوين جت عليهم جو قالو لامو يا يمة بركة بالشوفة.وشوفتي ولدك طيب.
بعدين البدري دا مرة جاني في الدامر كل ما يقيف يسال من بيتنا الناس يمشو معاه لما لقيت مظاهرة جنب بيتنا.. برضو تقول مشني الله ما بتسمح..
08-19-2006, 02:02 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: اها كلما تجيبو الظروف بى جنب الوزارة يديها غشوة وهى بى لثغتها ديك تقول ليهو يا ملغنى انا ما دلت ليك ما تدينى فى الوزالة!! ويرد عليها ملغنى ضاحكا: دينى أنا ودين الغزالة الشغالةفى الوزالة المدننا ملغنى!
هو من ناحية الضنب عندي ضنب لكن فشلت كل محاوحاته في المحاحا امام جدار شناتي العازل والحلاقين حاحو وفتروا والغسالين حاحوا وفترو ووالله المحاحا الحاحوحا لي أيام العرس يا حوحااااااااااااا
08-19-2006, 03:36 AM
almulaomar
almulaomar
تاريخ التسجيل: 07-08-2002
مجموع المشاركات: 6485
أخي الجميل حد الشنا أبو أواب يا أخي كل الحلول شايفك ما مقتنع بيها أو لاقيها صعبه عشان كده إليك أسهل تلك الحلول وبعدين لومني لو ما إشتغلت الحكاية يقول الشاعر أبو العيناء من كان يملك درهمين تعلمت شفتاه انواع الكلام فقالا وتقدم الفصحاء فاستمعوا له ورايته بين الورى مختالا لولا دراهمه التي في كيسه لرايته شر البرية حالا ان الغني اذا تكلم كاذبا قالوا صدقت وما نطقت محالا واذا الفقير اصاب قالوا لم يصب وكذبت يا هذا وقلت ضلالا ان الدراهم في المواطن كلها تكسو الرجال مهابة وجلالا فهي اللسان لمن اراد فصاحة وهي السلاح لمن اراد قتالا
عشان كده يا البدري يا أخوي لم ليك فكه كتييييره وبعدين والله كتيرين الحا يغنو ليك جمال زي ده أصلو ما معقول إنت بدر الدين ولا جمال فرفور ده من ناحية الشنا أما من ناحية الكبر والعمر فحا يغنوا يقولوا ليك: خلاص كبرت وليك تسعتاشر سنه أو الصغيرون الما كبير (بس بشرط حكاية قزازة العصير دي تبقي مسئوليتك إنت)
08-19-2006, 05:11 AM
ابوحراز
ابوحراز
تاريخ التسجيل: 06-27-2002
مجموع المشاركات: 5515
صراحة الشناة مشكلة كبيرة جداً الله يعين النسوان البعرسن رجال شينين أنا ماعارف تعاين فيهو وللا تقبّل منه على الحيطة أمس القريبة دي في واحدة قالوا اتوحمت على كبسيبة لمن شافت الصورة لأنو الولد طلع حاجة صعبة جداً لدرجة إنو الأب قال لازم يعمل اختبار {DNA} معانا سعودي كان عاوز ليهو محاسب مشيت اخترت واحد قريبنا منجض المحاسبة دي رقم رقم أها لمن جبناه ليهو قال نهائي مايدخل عنده ولايتحاوم بالمعرض قلنا ليهو ليه قال لأنه شين وحايطفش منه الزبائن
زعلان منك إنت والملا عمر وقرشو وهشام يازول عشان ماحنستوني لمن كنت عاوز أطلع من سودانيز وأتفرغ للعبادة لكن كيتاً عليكم كلكم البنات والجنس اللطييف اتصلوا من جميع أنحاء العالم أها المشتهي الحنيطير يطيييييييييييييييييييييييييير
08-19-2006, 06:01 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: زعلان منك إنت والملا عمر وقرشو وهشام يازول عشان ماحنستوني لمن كنت عاوز أطلع من سودانيز وأتفرغ للعبادة
غايتو الكوت دا فكاني من الرد على الشنا
والله ياخي ليك حق تزعل لكن لأنك إنت قلت ما بترجع حتى ينعدل الحال نحن قلنا اول نعدل الحال عشان نمهد لإنتشار (يونيفيل) جمالك طبعاً البورد وقتها إجتاحته موجة من المشاكل وبعد داك جات موجة الأحزان والتي لا زالت تعتصر قلوبنا
فالحمد لله على عودتك يا شفيف
Quote: لكن كيتاً عليكم كلكم البنات والجنس اللطييف اتصلوا من جميع أنحاء العالم أها المشتهي الحنيطير يطيييييييييييييييييييييييييير
إن شاء الله ما ينفعنَّك بس
08-19-2006, 08:33 AM
almulaomar
almulaomar
تاريخ التسجيل: 07-08-2002
مجموع المشاركات: 6485
وين الحلوين وين راحو أستميحك أخي بدر الدين أن أخد أبو حراز في ركن قصيا أو قل كورنر الصيوان وأقول ليهو معقولة يا أب حراز تسيب البورد
Quote: زعلان منك إنت والملا عمر وقرشو وهشام يازول عشان ماحنستوني لمن كنت عاوز أطلع من سودانيز وأتفرغ للعبادة لكن كيتاً عليكم كلكم البنات والجنس اللطييف اتصلوا من جميع أنحاء العالم أها المشتهي الحنيطير يطيييييييييييييييييييييييييير
عني مالهم يا أب حراز سوف أدافع عن نفسي وبقية العقد الفريد قادرة على الدفاع عن مرماها أنا فعلاً قرأت بوستك الخاص بوجهة نظرك في ما آل إليه البورد وكل يوم كنت بتاوق عشان أشوفك وأشوف ردود الناس ومدى تفاعلها معك ، إنت إن شاء الله يوم شكرك ما يجي لكين لابد مما ليس منه بد أستعدل وأستعد للشكرة دي ، إنت واحد من الأسباب التي أدت إلى إزدهار المنبر بل أنت ركيزه من ركائز هذا المنتدى. بس أنا بصراحة يا أب حراز يا أخوي عارفك عاشق شديد للبورد وحتى لو وصل الحال حد الفليق بالماوس والكيبوردات ما حا تسيب البورد ، وحتى لو عاوز أحنسك عشان تثوب إلى رشدك وما تسيب البورد أحنسك من ياتو ناحية
08-19-2006, 05:58 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: عشان كده يا البدري يا أخوي لم ليك فكه كتييييره وبعدين والله كتيرين الحا يغنو ليك جمال زي ده أصلو ما معقول إنت بدر الدين ولا جمال فرفور ده من ناحية الشنا أما من ناحية الكبر والعمر فحا يغنوا يقولوا ليك: خلاص كبرت وليك تسعتاشر سنه أو الصغيرون الما كبير (بس بشرط حكاية قزازة العصير دي تبقي مسئوليتك إنت)
ذكرتني واحد قريبنا لمن خلاااااااااص الناس يحتاروا في حل مشكلة مثلاً (درقة أو حيطة عايزة تقع لأنو كمرة البيت حملت عليها شديد) وناس يقولوا عفرتو السقف وأعملو كذا وكذا وراسهم ينشطب يقوم قريبنا دا يقول ليهم في حل .. لكن مكلِّف أها الجماعة كلهم وبصوت واحد أها قولو بسرعة يقول ليهم تفكو الأووضة دي تب ترموها في واطات الله دي وتبنوها من جديد
هسع عليك الله دا حل؟؟؟ دحين يا المتعة عمر حلَّك دا مكلِّف بالحيل من وين أجيب القروش وأنا عرش بيتي مسروق؟؟؟
08-19-2006, 06:00 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
العزيز أحمد محمد عثمان سلامي وإحترامي وفرحتي بالطلة
Quote: اه المرة البقت سبب حلاتك دي ما تزعلها يا بدر الدين وتطير منك حلاتك المكتسبة مؤخرا
أزعلها؟؟؟ ياخي دي عاشت معاي جنس شنا ما ممكن تتخيلها اصلو وآن الأوان لتستمتع ببعض التعديلات المؤقتة التي حدثت لي بفعل التفاح والتي سرعان ما تنتهي ويرجع النازحين والمهجَّرين والمهدمة منازلهم من عظام وطفيق في وجهي
حسع يا بدر البيقرى بوستك ده و يستمتع لكلامتك حيركز انت شين و لا سمح الا يكون زول داخل البوست و عندو فكره لعرض ازياء رجالى.... فى الحالة دى بنرمى ليه بوقجة الاريترية و نولع ليه مكوة الفحم ... عافية لوقو
08-19-2006, 11:51 PM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: حسع يا بدر البيقرى بوستك ده و يستمتع لكلامتك حيركز انت شين و لا سمح الا يكون زول داخل البوست و عندو فكره لعرض ازياء رجالى.... فى الحالة دى بنرمى ليه بوقجة الاريترية و نولع ليه مكوة الفحم ... عافية لوقو
إلاَّ أشيلو وأحوم بيهو زي الناس الدايرين يبنوا ليهم جامع
اشكرك على الطلة والكلمات الطيبة وربنا ما يوريك (شنا) في عزيز لديك
08-20-2006, 07:30 AM
محمد المرتضى حامد
محمد المرتضى حامد
تاريخ التسجيل: 08-14-2006
مجموع المشاركات: 10832
بدر أنا مش قلت ليك الخواجه الجنبك ده زحو من التلفون؟ والله والله انت جمعت ناس هنا أنا مابعرف الكلام ده بجيبوه من وين يعني ناس (الموج) البيهدم كل كآبه على الجفون و(جني) الخرافي والملا طورا بورا ، ياخ ده كلام سمح ، يعني قصة (جني) عن (ملغني) دي ماعارف أقول عنها شنو. ِالله يديكم العافيه.
08-20-2006, 07:54 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: والله والله انت جمعت ناس هنا أنا مابعرف الكلام ده بجيبوه من وين يعني ناس (الموج) البيهدم كل كآبه على الجفون و(جني) الخرافي والملا طورا بورا ، ياخ ده كلام سمح ، يعني قصة (جني) عن (ملغني) دي ماعارف أقول عنها شنو. ِالله يديكم العافيه.
أول حاجة الله يديك العافية إنت دا أما بخصوص الأسماء الجميلة التي ذكرتها والتي غفلتها فهؤلاء أصحابي شدييييد وأنا صدقني قبل ما أكتب أي بوست بكون عارف البجيني منو والما بجيني منو وفي أصحاب لي هسع ما جو منهم (القايم ليهو في تشكيل) ومنهم الغناي والمداح والممثل والمهندس والمحامي وعيييييييييك
تحياتي لك يا جميل
08-20-2006, 09:46 AM
صلاح شكوكو
صلاح شكوكو
تاريخ التسجيل: 11-19-2005
مجموع المشاركات: 4484
صديقي الرائع صلاح محمد عبدالدائم شكوكو سلام لك وللأسرة والإخوة
طبعاً إنت من اصحابي التشكيلين وليس (القائم ليهو في تشكيل) سمح؟؟؟
Quote: وحتى لا يكون حديثي هذا إقرارا بما تصف ويصف بك الآخرين ..دعنى أقول لك بأن الخالق جميل .. والمخلوق خلقة الله جميل ..
طيب ليه البت ديك أبتني هههههههههههه نعم أخي صلاح وكما يقولوا أن الجمال نسبي (دا الكرت الرابح بتاعي) فالجوهر هو الأهم مش؟؟؟ أنا من زمااااان (متشنِّي) زول يقول لي كلام سمح زي دا
والله امبارح كتبت لي مداخلة وفي نص الكلام قومي يا الكهرباء اقطعي!!!!! وبيجي للواحد احساس بالتبلد وانه بقا خارج نطاق الزمن ... غايتو حسيت بشناة مبااااااالغة ، وطبعا عنوان البوست كنت يا دوب فهمته يعني بقيت زي الابله بتع كتاب المطالعة قلت يعني السودان ده تجيهو بجاي تمشي لبهناك شناته دي ما بخليها
ودامت ايامك بسعادة تخلو من اي شناة جانبية
08-21-2006, 05:54 AM
Mohamed Abdelgaleel
Mohamed Abdelgaleel
تاريخ التسجيل: 07-05-2005
مجموع المشاركات: 10415
Quote: وبيجي للواحد احساس بالتبلد وانه بقا خارج نطاق الزمن ... غايتو حسيت بشناة مبااااااالغة ،
غايتو البلادة على كيفك فيها لكن أحذرك أياك ثم إياك أن تُشانيني في شناتي دي لأنو أنا بغير فالشنا هنا ماركة مسجلة وممكن أشتكيك لأعلى سلطة لو حاولتي تشني شناتي دي
ياخ مشتاقييييييييييييين
08-21-2006, 06:54 AM
Tumadir
Tumadir
تاريخ التسجيل: 05-23-2002
مجموع المشاركات: 14699
Quote: أما بخصوص الأسماء الجميلة التي ذكرتها والتي غفلتها فهؤلاء أصحابي شدييييد وأنا صدقني قبل ما أكتب أي بوست بكون عارف البجيني منو والما بجيني منو وفي أصحاب لي هسع ما جو منهم (القايم ليهو في تشكيل) ومنهم الغناي والمداح والممثل والمهندس والمحامي وعيييييييييك
القايمين ليهم فى تشكيل ..مابجوا هنا تانى
..التشكيليين ديل
اسم الدلع بتاعهم "ناس الفنون الجميلة" ..ملاحظ جميلة دى ..انتو ناس الفنون
والانكسارية والعبثية ..عبثية دى بالذات كانت جارتنا بتعوث الكثرة ..سيريالية
كانت صاحبتها عندها مكنة خياطة بتخيط "هدوم الناس"
..شوف ليك مراية ولا مشط ولا ضفارة ولا طقن ياعملات البت المن القبائل المهمشة الشافت بت عمتى عروس قالت ليها: لكن ما الدهب عندك والطقن عندك..وخلى الناس فى "ماوسهم" يشكلوا بيه ..تشكيلهم ولا انت داير اسم (الما دلع) للتشكيل عارفو شنو؟ "الشكل"
والله يا تماضر تاني أنزل لي بوست وما تجيني والله ما اريحك شوفي عليك الله البوست نكشتي كيفن تدخلي لي مكنة الخياطة وصاج العواسة بوستي؟؟؟
دي ذكرتني الجماعة أنتهو من الطشمة واحد قال للتاني خلي لي اللستك الأسبير عندك هنا لغاية بكرة وبقت الحجة طاقة ليه؟؟؟ شايف علي شنو؟؟؟ تدخل لي الإسبير في بيتي؟؟؟ يعني فيها شنو؟؟؟ فيها شنو كيف؟؟؟ أنا بجلالة قدري تدخل لي الإسبير في بيتي يتحاججوا لمن واطتهم أصبحت
والله فرحت بيك ياربي ما تحرم بوست من تماضر
08-21-2006, 07:39 AM
حبيب نورة
حبيب نورة
تاريخ التسجيل: 03-02-2004
مجموع المشاركات: 18581
--- سيدي البدري أقول ليك سر؟ اول عهدي بالبورد كنت أقرأ اسمك هكذا بدرالدين شنة) أي من "شنة ورنة كما نقولها بالسوداني" وانت انسان ليك شنة ورنه أقلها في دواخلي
اسعدك ربي بقدر هذا الجمال و السرور الذي ادخلته علينا بهذا البوست الجمييييييييل جداً
حبي اللا محدود واللا مشروط
جمال
08-22-2006, 00:54 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
جمال هوبفل صاحبي الزمااااااااااااان والهسع أنا بيك سعادتي مؤكدة وبعودتك لضخ الجمال في هذا المكان
Quote: أي من "شنة ورنة كما نقولها بالسوداني" وانت انسان ليك شنة ورنه أقلها في دواخلي
ياخي دي كيفتني عديل كدا هههههههههههههه والغريبة أصلو ما جات على بالي من قبل اليوم بالله شوف الزول دا (سمَّحني) كيفن؟؟؟ أشكرك على الـ(ة) التي ربطتها لي حوشي
Quote: اسعدك ربي بقدر هذا الجمال و السرور الذي ادخلته علينا بهذا البوست الجمييييييييل جداً
ويسعد الجميع يا جمال
08-22-2006, 01:08 AM
doma
doma
تاريخ التسجيل: 02-04-2002
مجموع المشاركات: 15970
Quote: ولا طقن ياعملات البت المن القبائل المهمشة الشافت بت عمتى عروس قالت ليها: لكن ما الدهب عندك والطقن عندك..
بدر الدين سماحه والعيال السمحين كلكم سلام بلا فرز دقر عيني بارده. بوست طاعم متل سيدو وجات البت الطاعمه بقي عسل يشرق والله ضحكت لما شرقت والطقن قرب يتملص مني.
08-22-2006, 01:41 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة