مشني الله ما بتسمح

مشني الله ما بتسمح


08-14-2006, 01:25 AM


  » http://sudaneseonline.com/cgi-bin/sdb/2bb.cgi?seq=msg&board=60&msg=1155515144&rn=0


Post: #1
Title: مشني الله ما بتسمح
Author: بدرالدين شنا
Date: 08-14-2006, 01:25 AM

جمعتني الظروف مع مجموعة من السودانيين في رحلة في البحر وكان ضمن الحضور راجل عجوووووز النوع البكون ولدو جابو لأنو مافي زول برعاه (يطلع ليهو عنقريبو ولا يسخن ليهو اللبن) في السودان
أها قام ود الراجل العجوز بعملية التعارف بين الموجودين ولمن الدور جاء فيني أنا الولد قال لأبيه (العجوز) دا أخونا بدرالدين وزمااااان كان ممثل في التلفزيون عرفتو؟؟؟ الوالد (العجوز) قال لا والله ما عرفتو
أها أنا قلت أخفف دمي شوية وأشاغل الراجل (العجوز) قلت ليهو إنت ما بتتذكرني لأنو في الوقت داك إنت كنت صغير
الراجل (ما فهم النكتة) عااااااااين لي جاي وجاي وعاين لي الشيب الفي راسي وقال لي
أنا ما صغير والله هسع كان حسبناها تلقاني قدرك كدي .. هيا قدرك كدي ههههههههههههههه

في إحدى رحلاتنا الفنية مع الفرقة زمان مشينا بورتسودان وتعرفت على اسرة جميلة تتكون من أب سوداني وأم يوغسلافية وأطفال حلوين وبنت أريترية شغالة معاهم
الوقت داك أنا بدور أطق عديل من الشهرة ويعرفني كل من يقابلني
أها يوم مشيت زرت الأسرة الجميلة دي وبينما الكل داخل البيت يعمل للإحتفاء بهذا النجم المسرحي كانت البنت الأريترية مشغولة بتكويش كل هدوم البيت في (بقجة كبيييييييييرة) ورزعتها لي جنبي قال إيه؟؟؟
قايلاني الود البكوي الهدوم

Post: #2
Title: Re: مشني الله ما بتسمح
Author: لؤى
Date: 08-14-2006, 01:47 AM
Parent: #1



بدر الدّين العزيز
سلام وشوق


هسّه في ذمّتك دا زول شين ولاّ عجوز ؟؟





ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]


Post: #10
Title: Re: مشني الله ما بتسمح
Author: بدرالدين شنا
Date: 08-15-2006, 00:30 AM
Parent: #2

Quote: هسّه في ذمّتك دا زول شين ولاّ عجوز ؟؟




إنت عارف يا لؤي الصورة دي عندها قصة براها أنا كنت داخرها لي بوست تاني لكن وقت جبتها هنا خلينا نحكي القصة

كان عندي صورة في جوازي القديم .. صورة غايتو عووووووووووووووووووع شينة شنا شديدة خلاص أظنها حقت أمتحان الشهادة المهم مرة كان مفروض نمشي مصر وقام علي مهدي بسرعة كلفت لي جواز أها الجواز جيت بيهو الغربة وبعد سنة إنتهت صلاحيته (والحمد لله) ووقتها أنا إنتقلت لي شركة جديدة وكان فيها سوداني قال لي أول حاجة تعملها وقبل تغيير الكفالة تغير صورتك دي لا حولالالالالالالالالالالالالالا
أها قمت مشيت الأستديو قلت ليهو عليك الله إستخدم خلاصة خبرتك وكل ما تملك من تقنيات وطلع مني زول سمح وما يهمك من ناحية القروش
أها الراجل إستخدم كل المعينات وطلع الصورة دي
شلتها وفرحاااااان جيت لي ود عمي قلت ليهو شوف الجمال دا .. شوف الحلا دي
عاااااااااااين للصورة وقال لي
إنت ما قالوا ليك غيرها ما غيرتها مالك؟؟؟

في إحباط أكتر من كدا؟؟؟
وبرضو تقول ليك في ذمتك دا زول شين ولا عجوز؟؟؟

Post: #3
Title: Re: مشني الله ما بتسمح
Author: ابو جهينة
Date: 08-14-2006, 01:48 AM
Parent: #1

شقيقي أبو البدور
وينك غايب ليك كم يوم ؟

Quote: قايلاني الود البكوي الهدوم


تصدق البت دي شيطانة شديد.
من إحتفاء ناس البيت لا بد إنها عرْفتْ إنك شخصية هامة.
لكنها بدهاء إستغلتْْ حاجتين :كون إنها غريبة + و كون إنها شغالة و ما ممكن يلوموها على عدم معرفتها بيك.
عشان كدة حاولت تعمل فرقعة بقصة إنك الود البكوي الهدوم عشان تلفتْ إنتباهك.
بنية ما هينة ...

Post: #5
Title: Re: مشني الله ما بتسمح
Author: abuguta
Date: 08-14-2006, 01:58 AM
Parent: #3

Quote: الوقت داك أنا بدور أطق عديل من الشهرة ويعرفني كل من يقابلني


Quote: قايلاني الود البكوي الهدوم


اسى عليك الله يالبدر

مالك مشعلق ضحكتى بين (طق الشهرة وكوى الهدوم)

سيبقى البورد ما بقى امثالك

لك جميل الامانى
وعالى الربى
تحياتى

Post: #12
Title: Re: مشني الله ما بتسمح
Author: بدرالدين شنا
Date: 08-15-2006, 00:30 AM
Parent: #5

أحمد صديق (أبوقوتة) العريس
سلام ومحبة وتحيات للمدام

Quote: سيبقى البورد ما بقى امثالك
وأمثالك يا شاعر البورد وصاحب المفردة وصديق الجميع ونصير الحق

حبي وتحناني

Post: #11
Title: Re: مشني الله ما بتسمح
Author: بدرالدين شنا
Date: 08-15-2006, 00:30 AM
Parent: #3

شقيقي الأكبر (بأمر زواج البنية) الأصغر (بأمر الراجل موضوع البوست)
مشتاقييييييييييييييين

Quote: عشان كدة حاولت تعمل فرقعة بقصة إنك الود البكوي الهدوم عشان تلفتْ إنتباهك.
بنية ما هينة ...
والله الدنيا إنتو بتعروا ليها عرفة
أنا زول مسكين ساكت
هي لكن تلفت إنتباهي بي بقجة قدر دي؟؟؟

Post: #4
Title: Re: مشني الله ما بتسمح
Author: حمزاوي
Date: 08-14-2006, 01:55 AM
Parent: #1

بدر الدين
Quote: وبنت أريترية شغالة معاهم

يا اخوي انت دايماً عينك زايغه
لو جيت تزورني سلم علي من عند الباب ومع السلامة
عشان تمبس بيغير


Post: #13
Title: Re: مشني الله ما بتسمح
Author: بدرالدين شنا
Date: 08-15-2006, 00:30 AM
Parent: #4

(الخال) حمزاوي
سلام أحمر قاني

Quote: يا اخوي انت دايماً عينك زايغه
لو جيت تزورني سلم علي من عند الباب ومع السلامة
هي عيني تزوغ كيف مع جبل الهدوم دا؟؟؟ وبعدين زيارة عند الباب دي زيارة ولا مس كول؟؟؟

أتمنى لك الفرحة يوم الخميس الجاي

Post: #6
Title: Re: مشني الله ما بتسمح
Author: ALGARADABI
Date: 08-14-2006, 02:00 AM
Parent: #1

Quote: الوقت داك أنا بدور أطق عديل من الشهرة ويعرفني كل من يقابلني


الوقت داك جيتنا زيارة فى بيتنا برفقة الاخت العزيزة وزميلة الدراسة قريبتك حنان حسن
و أذكر أخى الأصغر أسامة كان الأسعد بالزيارة و لما عيال الحلة كلهم فى البيت و طلب منك تحكى ليهو نكتة يقبض بيها الجو فى المدرسة بكرة و كانت النكتة الاتية:
واحد عضاهو كلب الدكتور كتب ليهو 14 حقنة,,
بعد الحقنة العاشرة الدكتور قال ليهو أمشى شوف الكلب كان مات واصل الحقن وكان حى خلاض كفاية كده....
الراجل مشى يشوف الكلب ... الكلب عضاهو تانى

تحياتى لك وللأخت حنان
وكل أهل مناقزة

Post: #14
Title: Re: مشني الله ما بتسمح
Author: بدرالدين شنا
Date: 08-15-2006, 00:31 AM
Parent: #6

الغالي القردابي الهلالابي
سلام كتير كتير

Quote: الوقت داك جيتنا زيارة فى بيتنا برفقة الاخت العزيزة وزميلة الدراسة قريبتك حنان حسن
آي والله صااااااااااح .. دقيقة .. بس لكن .. والله عذبتني عذاب لأني من أمبارح بحاول أجمع تفاصيل وفشلت
مشيت بروفايلك يا ثقيل عشان القى إسمك الحقيقي لقيتك ما كاتبو هسع أنا أسوي شنو يا ربي

لابد من لقاء اما في السودان او دبي أو أي مكان بمشيئة الله
ياخي والله رجعتني لأيام جميلة
أما حنان فهي بخير وعندها أخوها عاطف حسن معنا هنا

حبي لك ولأسرتك

Post: #7
Title: Re: مشني الله ما بتسمح
Author: almulaomar
Date: 08-14-2006, 02:01 AM
Parent: #1

والله يا بدر الدين يا أخوي إنت من حيث الـشكل شين بس ما مبشتن والأهم من كده إنك جميل بأخلاقك وفنك وأدبك وخفة دمك وكمان مغترب ، وإنت حقو تحاول تعمل شوية تغيير يعني new look تغير طريقة الحلاقة أو تغير نوع صابون الحمام أو تغير المخده أو تغير مهنتك في جواز السفر

Post: #8
Title: Re: مشني الله ما بتسمح
Author: Ali Alhalawi
Date: 08-14-2006, 03:45 AM
Parent: #7

بدر السما .. سلام و شوق اذا مرّ بالجبال هدّاها

Quote: أنا ما صغير والله هسع كان حسبناها تلقاني قدرك كدي
أو فايتنى بى سنتين

Post: #16
Title: Re: مشني الله ما بتسمح
Author: بدرالدين شنا
Date: 08-15-2006, 00:31 AM
Parent: #8

علي الحلاوي صاحبي
ياخ وينك إنت؟؟؟ لا هنا ولا هناك؟؟؟

Quote: أو فايتنى بى سنتين
أبيتو أنا وأباني البين

أريييييييييييييييتك يا علي كان شفت الراجل

Post: #15
Title: Re: مشني الله ما بتسمح
Author: بدرالدين شنا
Date: 08-15-2006, 00:31 AM
Parent: #7

المتعة عمر ياااااااا ابو أحمد
سلم بقدر معزتك عندي

Quote: وإنت حقو تحاول تعمل شوية تغيير يعني new lookd تغير طريقة الحلاقة أو تغير نوع صابون الحمام أو تغير المخده أو تغير مهنتك في جواز السفر
ههههههههههههههههههههههههههه
يازول دا كلو ما بنفع أنا محتاج لي حادث عديييييييييييييل كدا أو شرق اوسط جديد في وشي دا

تحياتي لك ايها المسكون بالكوميديا

Post: #9
Title: Re: مشني الله ما بتسمح
Author: امير عوض الجمري
Date: 08-14-2006, 05:11 AM
Parent: #1

سلامات يا صديقي

Quote: في إحدى رحلاتنا الفنية مع الفرقة زمان مشينا بورتسودان وتعرفت على اسرة جميلة تتكون من أب سوداني وأم يوغسلافية وأطفال حلوين وبنت أريترية شغالة معاهم


والله يا بدر ديل بس دايرين ليهم مدرب برازيلي .


Quote: يوم مشيت زرت الأسرة الجميلة دي وبينما الكل داخل البيت يعمل للإحتفاء بهذا النجم المسرحي كانت البنت الأريترية مشغولة بتكويش كل هدوم البيت في (بقجة كبيييييييييرة) ورزعتها لي جنبي قال إيه؟؟؟
قايلاني الود البكوي الهدوم


زمااااان يا بدر الدين كان في استاذ لغة انجليزية في مدرسة الخرطوم الجديدة .. وصادف انو راجع من نيالا بالقطر وكانت حالتو بالبلاء هدومو وسخانة وكان معاهو في نفس عربية القطر بنتين بتاعات اولى ثانوي كده وبدو يقطعوا فيهو بالانجليزي (هي از فيري ديرتي) وكلام من ده .. المهم الاستاذ كانت معاهو بطاقتو بتاعت جامعة الخرطوم خاتيها في جيب القميص قام دنقر كده عشان البطاقة تقع ويحرج البنات ويوريهم قدره لكن للأسف لمن دنقر بدل تقع البطاقة وقع منو كيس السعوط .. طوالي شالو ومشى سطّح .

Post: #17
Title: Re: مشني الله ما بتسمح
Author: بدرالدين شنا
Date: 08-15-2006, 00:31 AM
Parent: #9

أمير (الأمير) عوض الجمري
ديل أهلي واصحابي ناس الإمتداد
سلام وشوق

Quote: المهم الاستاذ كانت معاهو بطاقتو بتاعت جامعة الخرطوم خاتيها في جيب القميص قام دنقر كده عشان البطاقة تقع ويحرج البنات ويوريهم قدره لكن للأسف لمن دنقر بدل تقع البطاقة وقع منو كيس السعوط .. طوالي شالو ومشى سطّح .
أها دا عندو بطاقة حاول يرميها أنا ألأريترية أرمي ليها شنو؟؟؟ نكتة؟؟؟

أذكر وفي نفس الأيام الكانت قايمة علي فيها الشهرة ديك كنت واقف جنب معرض الخرطوم الدولي وجن بنتين مارات بي جنبي واحدة صرخت وقالت لي صاحبتها هي دا بتاع التلفزيون ورح نسلم عليهو البنت التانية قالت ليها والله ما نشتغل بيهو الشغلة هسع راسو يكبر ويعمل لينا فيها خلااااااااص

لك تحياتي يا جميل وتحياتي للربع

Post: #18
Title: Re: مشني الله ما بتسمح
Author: maia
Date: 08-15-2006, 01:50 AM
Parent: #1

بدر الدين الما شين

سلام كيمان

يعني حسه الراجل العجوز افتكرك اكبر منه .. كان في داعي للهذار؟؟ ...لووووووول

بعدين العنوان بتع البوست ده نهااااااائي غلبني اقراهو!!!

اكون مالي يا ربي ؟؟؟اكون يكون جاني زهايمر مبكر

وتحياتي للمدام والاولاد

Post: #22
Title: Re: مشني الله ما بتسمح
Author: بدرالدين شنا
Date: 08-15-2006, 02:54 AM
Parent: #18

ميَّا الغالية
سلام بالرطانة عليكم

Quote: بعدين العنوان بتع البوست ده نهااااااائي غلبني اقراهو!!!
ارميهو في القالب دا (مرمي الله ما بترفع) مساااااافة وامرقيهو بتقري ليك

تحياتي ليك وللأسرة

Post: #19
Title: Re: مشني الله ما بتسمح
Author: امير عوض الجمري
Date: 08-15-2006, 02:19 AM
Parent: #1

الحبيب (بدر التمام)

سلامات من الامتداداب ودعوة لمشاركتنا بوست الامتدادا واضفاء لمحات جمال فيه .

Quote: أها دا عندو بطاقة حاول يرميها أنا ألأريترية أرمي ليها شنو؟؟؟ نكتة؟؟؟

والله الأريترية دي الا ترمي ليها الودع .. لأنو شكلها كانت قاصداك عديييييييييييييييل

Quote: أذكر وفي نفس الأيام الكانت قايمة علي فيها الشهرة ديك كنت واقف جنب معرض الخرطوم الدولي وجن بنتين مارات بي جنبي واحدة صرخت وقالت لي صاحبتها هي دا بتاع التلفزيون ورح نسلم عليهو البنت التانية قالت ليها والله ما نشتغل بيهو الشغلة هسع راسو يكبر ويعمل لينا فيها خلااااااااص


هن ما غتيتااااااااات لمن يقومن ... بس الله يدينا خيرن .

Quote: لك تحياتي يا جميل وتحياتي للربع

وصلت تب وراجينك في الحوش الكبير

Post: #23
Title: Re: مشني الله ما بتسمح
Author: بدرالدين شنا
Date: 08-15-2006, 02:54 AM
Parent: #19

أمير الإمتداد (حلوة مش؟؟؟) إسم فني
سلام ليكم جت عليكم

Quote: وصلت تب وراجينك في الحوش الكبير
بجيكم تب إن شاء الله

أغلى الأمنيات لكم جميعا

Post: #20
Title: Re: مشني الله ما بتسمح
Author: انعام عبد الحفيظ
Date: 08-15-2006, 02:24 AM
Parent: #1

بدر الدييييييييييييين

ياخي وين بتغيب؟


عارف

دي حساده ساي من الراجل العجوز ده




تسلم يا رائع وربنا يديم عليك السعادة

بقدر ما تزرع من فرح داخلنا






مودتي واحترامي

Post: #21
Title: Re: مشني الله ما بتسمح
Author: jini
Date: 08-15-2006, 02:44 AM
Parent: #20

البدرى أخوى
وفى زول بكتب جنس نضمك الزى نضم الدرر دا بكون شين!
دا تواضع منك ساكت!

تعرف يا البدرى فى الستين الكتوف بتتساوى والناس دى كلها بتبقى شينة وخاصة البنات اللميضات ديل!
تحياتى
جنى

Post: #25
Title: Re: مشني الله ما بتسمح
Author: بدرالدين شنا
Date: 08-15-2006, 03:05 AM
Parent: #21

جني صديقي اللذيذ
سلام عريييييييييض

Quote: تعرف يا البدرى فى الستين الكتوف بتتساوى
جني إنت (جنيت) ولا شنو؟؟؟ هههههههههههههههههههه أين أنا من الستين؟؟؟ أنا إبن الخمسين خريفا

Quote: وفى زول بكتب جنس نضمك الزى نضم الدرر دا بكون شين!
جني يخسي عليك ما تقول كدي أنا بخجل




Post: #24
Title: Re: مشني الله ما بتسمح
Author: بدرالدين شنا
Date: 08-15-2006, 02:55 AM
Parent: #20

أختي الغالية إنعام عبدالحفيظ
سلام غير مشروط

Quote: تسلم يا رائع وربنا يديم عليك السعادة

بقدر ما تزرع من فرح داخلنا
تسلمي إنتي وتسلمي إنتي آآآآآآآي

اشكرك على الكلام الجميل أما بخصوص غيابي فكان بسبب الأحزان التي إجتاحت البورد في الفترة الفائتة وشكراً على (الفِقدة)

Post: #26
Title: Re: مشني الله ما بتسمح
Author: أبوبكر حامد الأمين
Date: 08-15-2006, 04:14 AM
Parent: #1

Quote: قايلاني الود البكوي الهدوم

الأرترية يابدر عاوزة تقول ليك " كويت قلبى " ، بس مشكلتا بقن عليها اتنين " غلفة لسان وغلفة فهم " على شاكلة تلاتة عنقريبين .
لك التحية ياجميل ، أها راجينك بى بقجة الهدوم فى البحرين عشان نحتفل بى نجاح البنية السكرية.

Post: #27
Title: Re: مشني الله ما بتسمح
Author: بدرالدين شنا
Date: 08-15-2006, 04:50 AM
Parent: #26

الغالي الجميل أبوبكر حامد
سلام من هنا للبحرين

Quote: الأرترية يابدر عاوزة تقول ليك " كويت قلبى " ، بس مشكلتا بقن عليها اتنين " غلفة لسان وغلفة فهم " على شاكلة تلاتة عنقريبين .
القلب دا بكووهو بي منديل ولا أي حاجة كدا جايبا ليها بقجة؟؟ ههههههههههههههه


Quote: لك التحية ياجميل ، أها راجينك بى بقجة الهدوم فى البحرين عشان نحتفل بى نجاح البنية السكرية.
اشكرك على الدعوة الكريمة والنيَّة موجودة وسمييييييييينة وتسمع في كلامك

تحياتي لكل الجميلين هناك د. معز (إن وجد) ونزار حسين ومن لم تسفني الذاكرة بهم الآن

Post: #28
Title: Re: مشني الله ما بتسمح
Author: صديق حمدتو
Date: 08-15-2006, 06:52 AM
Parent: #1

تحياتي لك يا صديقي العزيز وأنت تغسل همومنا ببوستاتك الرائعة (على فكرة يا بدر البدور غسل الهموم دي ما عندها أي علاقة بوصف الأرترية ليك بأنك المكوجي هههههههها) وأيم الحق أنت رائع يا صديقي!!!

تعرف يا بدر كان عندنا فنان في الامتداد (وعلى ذكر الامتداد وبدون إفشاء أسرار يا بدر الدين "القردابي" من الامتداد "وجني" برضو من الامتداد. شفت الحب الامتدادي ليك قدر شنو!!!!) ينتمي إلى أحد مراكز الشباب والمؤسف أنه لم يكن يهتم بمظهره كثيرا وتشاء الصدف أن يضطر سكان أحد الأحياء الراقية بالخرطوم للجؤ إليه لإنقاذهم بالغناء في حفل عرس لهم وذلك بعد أن خذلهم في آخر لحظة الفنان الكبير الذي أرتبط معهم.
وعندما بدأ الحفل أراد صديقنا الفنان أن يفعل ما يفعله كبار الفنانين فترك الفرقة تصعد للمسرح أولاً وتبدأ في العزف ثم بدأ صاحبنا في شق الصفوف للوصول للمسرح ولسؤ حظه كانت الحفلة محروسة ومحاطة برجال الشرطة ولما أراد الدخول للصيوان أعترضه أحد رجال الشرطة وقال ليه " هسه عليك الله الحفلة دي متين بدت لمن عاوز تخش وتخربها كمان"

ولك الود الذي لا ينتهي

Post: #29
Title: Re: مشني الله ما بتسمح
Author: بدرالدين شنا
Date: 08-15-2006, 07:26 AM
Parent: #28

وعندك واحد تالت من الإمتداد وصلحو
إزيك صديق يا حمدتو يا الحبيب

Quote: وعندما بدأ الحفل أراد صديقنا الفنان أن يفعل ما يفعله كبار الفنانين فترك الفرقة تصعد للمسرح أولاً وتبدأ في العزف ثم بدأ صاحبنا في شق الصفوف للوصول للمسرح ولسؤ حظه كانت الحفلة محروسة ومحاطة برجال الشرطة ولما أراد الدخول للصيوان أعترضه أحد رجال الشرطة وقال ليه " هسه عليك الله الحفلة دي متين بدت لمن عاوز تخش وتخربها كمان"
علي الأيمان إنتو ناس رائعين
وبعدين كل قصة عندكم ليها قصة موازية وهذا يدل على ثراء دولابكم الإبداعي
ياخ شوفوا لي بيت معاكم في الإمتداد وأنا ببيع الوراي والقدامي وبشحد جمال الوالي ولا صلاح ادريس يتمو لي الباقي

ملحوظة:
الوراي والقدامي (بيت عرشو مسروق) بس

تحياتي الحااااااااارة

إنتو الإمتداد دا ياهو الفيهو بيت ناس عاطق القوز ولا الفيهو محمود صالح

طيب محطة سمير وين ليكم؟؟؟
بتضحك مالك؟؟؟

Post: #30
Title: Re: مشني الله ما بتسمح
Author: ناذر محمد الخليفة
Date: 08-15-2006, 08:06 AM
Parent: #1




Post: #34
Title: Re: مشني الله ما بتسمح
Author: بدرالدين شنا
Date: 08-15-2006, 11:58 PM
Parent: #30




Post: #31
Title: Re: مشني الله ما بتسمح
Author: صديق الموج
Date: 08-15-2006, 04:58 PM
Parent: #1

Quote: وتعرفت على اسرة جميلة تتكون من أب سوداني وأم يوغسلافية
وأطفال حلوين وبنت أريترية شغالة معاهم


طيب يابدر الدين ما كان تسوق معاك كوفى انان..هسع ده بيت والا امم متحدة
زيارة زى دى لازما مترجم عديل....
واتحدى الاسمح منك فى المنبر ده،،،،

Post: #35
Title: Re: مشني الله ما بتسمح
Author: بدرالدين شنا
Date: 08-15-2006, 11:58 PM
Parent: #31

(الخال الصحي صحي) صديق الموج
سلام يا رائع (شغالين فيك قطيعة أنا والباشمهندس عبدالمنعم عمر)

Quote: واتحدى الاسمح منك فى المنبر ده،،،،
سمحتني معنى الحياة....

والله بريدك يا صديق

Post: #32
Title: Re: مشني الله ما بتسمح
Author: sumah
Date: 08-15-2006, 08:01 PM
Parent: #1

****




الحبيب بدرالدين
الحلاوين بتاعت الناس السمحين ..
عكس كلمة الهلاوين..
والمقصود بها سكان العالم الاخر.. الاشباح والارواح..
يبقى عندنا بدرالدين الذى هو من اهالى الحلاوين..
يعنى حلا وحمار..
والشنا ماهى الا كلمة اريد بها كف العين..
وانااعرف صديقى
ما حل بنا من جراء الاستخدام غير المرشد للكلونيات والشامبوهات..
يا ما نصحتك وانت تخطو باعتاب معهد الموسيقى والمسرح
لكنك لم ترعو وكانك تقمصت مقولة..
وليم شكسبير انما الحياة باثرها لمسرح ...

Post: #33
Title: Re: الله ما بتسمح
Author: ودرملية
Date: 08-15-2006, 08:16 PM
Parent: #32

سلامات
وعوافي
مشني وثلاث ورباع
يابدر انت حلاتك يا يابا تقول للقمرة زحي النقعد في محلك ..
الناس دي حاقدة ساي .. هسي في زمتكم يالحاضرين كمية الطيبة الفي الصورة دي لاقتكم ..
انا عارف ما لاقتكم الا عند بدرالدين صاحبي ..
ياخي انت مشهور وسنين وقرون كمان ...
تسلم ياحبيب .. بعدين انت بتختفي بتمشي وين يازول هسي انا قربتا انساك ..
انساك وعبادات وصلوات ..
طبعا اخوك اليومين دي مركب مكنة "مسربعة" شوية الله يجازي ناجي الملك وعليك الله تعال لينا بي هناك سمح ...
(السربعة) سربــــــــــــــعة وعشرين القرشى

Post: #37
Title: Re: الله ما بتسمح
Author: بدرالدين شنا
Date: 08-15-2006, 11:59 PM
Parent: #33

الغالي المسربع ودرملية
سلام وحلو كلام (الكلام البللة .. الكلام الضالة)

ياخي مشتاقين

Quote: طبعا اخوك اليومين دي مركب مكنة "مسربعة" شوية الله يجازي ناجي الملك وعليك الله تعال لينا بي هناك سمح ...
شفتكن وقريتكن وإستمتعت بإبداعتكم ووجدت نفسي عاجزاً أمام تلك (الروائع) التي تنبعث من كيبورداتكن

Post: #36
Title: Re: مشني الله ما بتسمح
Author: بدرالدين شنا
Date: 08-15-2006, 11:59 PM
Parent: #32

سمعة يا طيب السمعة
كيفك وكيف المدام الرائعة
مشتاقين (يازول)



هي السمحني كدي منو؟؟؟
يا ربي أنا سِمِحْتَ ولا جابو لي؟؟؟

عندي بتي (رُبى) كانت تلعب وقام واحد من قرايبنا صورها بالموبايل وهي غافلة وناداها وشوفها الصورة إستغربت وقالت
هي ألدحلني هنا منو؟؟؟

تحياتي لك يا صديقي

Post: #38
Title: Re: مشني الله ما بتسمح
Author: صديق حمدتو
Date: 08-16-2006, 03:26 AM
Parent: #1

Quote: إنتو الإمتداد دا ياهو الفيهو بيت ناس عاطق القوز ولا الفيهو محمود صالح
طيب محطة سمير وين ليكم؟؟؟

بدور البدور لكن كده ما حيرتني!!
خليتني شائل الليل كلو سهر واقول يا ربي بدر الدين ده يكون عرفني أنا وللا عرف الفنان ؟!!

Post: #39
Title: Re: مشني الله ما بتسمح
Author: الطيب شيقوق
Date: 08-16-2006, 03:46 AM
Parent: #38

بدر الدين الله يمسخك انا اول مرة اقرأ البوست ده وعايز اموت من الضحك

Post: #40
Title: Re: مشني الله ما بتسمح
Author: بدرالدين شنا
Date: 08-16-2006, 04:41 AM
Parent: #39

الأستاذ الطيب شيقوق
سلام وشوق

Quote: بدر الدين الله يمسخك انا اول مرة اقرأ البوست ده وعايز اموت من الضحك
أكتر من كدي ؟؟؟ ناس يسمحو فيني وإنت داير تمسخني يا شيقوق؟؟؟

وبهذه المناسبة أهديك هذه الصور لصديقك



تحياتي

Post: #42
Title: Re: مشني الله ما بتسمح
Author: الطيب شيقوق
Date: 08-16-2006, 09:24 AM
Parent: #40

يا بدرينا كتر خيرك على الصورة لكن الرحمابي سافر لوليداته

حاشاك انت السمح كلك .

Post: #41
Title: Re: مشني الله ما بتسمح
Author: بدرالدين شنا
Date: 08-16-2006, 04:41 AM
Parent: #38

صديقي صديق حمدتو
سلالالالالام

Quote: بدور البدور لكن كده ما حيرتني!!
خليتني شائل الليل كلو سهر واقول يا ربي بدر الدين ده يكون عرفني أنا وللا عرف الفنان ؟!!
هو الفنان الشرطة ما عرفتو أعرفو ليك أنا هههههههه

تحياتي

Post: #43
Title: Re: مشني الله ما بتسمح
Author: Yassir7anna
Date: 08-17-2006, 00:32 AM
Parent: #1


Quote: هسّه في ذمّتك دا زول شين ولاّ عجوز ؟؟


لؤي ياخي عليك الله بطل الهزار، هسع الزول ده يقوم يصدق

ياخي الراجل من ما عرفته قبل 14 سنة مرة ماشي مع واحد صاحبنا قدرنا كده في السن قام لاقاهم راجل عماني، قام سال البدري قال ليه ده ولدك؟ تقول لي ما عجوز، اما السنا دي فلايختلف فيها اثنان شنا مرة كمان


بدري سامي علاه

كيف اخبارك؟


تعرف قصص الامير والصديق ديل ذكرتني بقصص مشابهة، زمان في الثانوي عندنا اتنين اصحابنا مشوا رحلة نيلية، المهم في المركب لقو ليهم واحد احمراني لما بقوا في نص النهار الراجل وشو بقى زي الفشفاش المهم بقوا يشتغلوا ليك في الراجل فاكرينوا خواجة، آا تاني تجي ، شوف الحر ده كيف... بعد قام واحد فيهم قال النمش نشاغل الخواجة ده شوية، مشى قال ليهم : What is the time now, please? قام الراجل قال ليه واحدة وقرصة، بالعربي، طبعا صاحبنا ما عرف يدخل وين الراجل طلع سوداني قح

التانية بتكون متذكرة بعد الراجل الجاهو خواجة من كندا بخصوص اتفاقية بين الشركة بتاعتهم والشركة الكندية، اها الراجل مشى استقلو في المطار، وحسب الاسم والجواز افتكروا خواجة، وشغال معاهم علىالاساس ده وداك عامل ليه فيها خواجة سيد بلد المهم اجتماعهم طول والجماعة بي هناك منتظرينه للكوتيشنة وكل مرة يقول ليهم خلاص بس شوية كده وبخلص وبجي، المهم لما لااجتماع طول والجماعة اتصلوا بيه تاني الراجل قام افلس ونبذ ليك الخواجة في التلفون للجماعة، اها هنا الخواجة قعد يضحك لما وقع في ا##########، الراجل استغرب مالك؟ قال ليه والله انا من قبيل بس منتظر عايز اشوف اخرك شنو؟ لكن لما افلست قلت احسن اكلمك، الراجل طلع قبطي سوداني

التالتة.... ولا مافي داعي، لكن والله لسه عندي اتنين تاني زي ديل لو درتوهم قول لي بجيبهم ليكم

لكن يا البدري الما بعرفك بجهلك، زي قريبك القال قايلني سوري قال، اي لوني فاتح شوية لكن ما لدرجة سوري كمان

تحياتي

Post: #44
Title: Re: مشني الله ما بتسمح
Author: بدرالدين شنا
Date: 08-17-2006, 01:58 AM
Parent: #43

Quote: تعرف قصص الامير والصديق ديل ذكرتني بقصص مشابهة، زمان في الثانوي عندنا اتنين اصحابنا مشوا رحلة نيلية،
وعندك واحد رابع من الإمتداد وصلحو

أخي وصديقي ياسر (حنَّا) مشتاقييييين ياخ

Quote: التالتة.... ولا مافي داعي، لكن والله لسه عندي اتنين تاني زي ديل لو درتوهم قول لي بجيبهم ليكم
لا ياخي ما دايرين نشغلك ونثقل عليك
جزاك الله خير

Post: #45
Title: Re: مشني الله ما بتسمح
Author: ali elhassan
Date: 08-17-2006, 04:48 AM
Parent: #44

البدرى حبيبنا
على سبيل التحيات العطرة

Post: #46
Title: Re: مشني الله ما بتسمح
Author: بدرالدين شنا
Date: 08-17-2006, 05:57 AM
Parent: #45

علي الحسن ود الجيران والحبان
سلام وشوق من هنا لغاية عندك

Quote: على سبيل التحيات العطرة
وأنا بدر شاكر المشتاق

Post: #56
Title: Re: مشني الله ما بتسمح
Author: لؤى
Date: 08-18-2006, 09:34 AM
Parent: #43




Quote:

لؤي ياخي عليك الله بطل الهزار، هسع الزول ده يقوم يصدق

يا يا سر
سلامات


يا زول مالك جايي تفتّش الماضي خلاص الماضي ولّى وراح
بدر الدّين دا أنا لمّا كنت في المتوسّط
هو كان ممثل معروف
فالرّاجل زول صغيّر ياخي
ما تعمل لينا مشاكل



معليش يا عم بدر

ـــــــــــــــــــــــــــــ

وأنا في البعيـد مشتـاق لهمسة من الوطن يـا نسمة
[email protected]


Post: #58
Title: Re: مشني الله ما بتسمح
Author: بدرالدين شنا
Date: 08-19-2006, 02:01 AM
Parent: #56

الشفيف المحبوب لؤي شمت
مناي في الدنيا قبل أرحيل (أمثْل) أمامك....

Quote: بدر الدّين دا أنا لمّا كنت في المتوسّط
هو كان ممثل معروف
لؤي تاني ما اشوفك بي جاي يلا

Post: #47
Title: Re: مشني الله ما بتسمح
Author: عبد الله عقيد
Date: 08-17-2006, 07:31 AM
Parent: #1

البدري الجميل
لك التحية

Quote: شفتكن وقريتكن وإستمتعت بإبداعتكم ووجدت نفسي عاجزاً أمام تلك (الروائع) التي تنبعث من كيبورداتكن

غايتو جِنِس كِضبا..!!
انت يتلقي هسي زعلان من خرمجتنا دي..

محبتي

Post: #48
Title: Re: مشني الله ما بتسمح
Author: بدرالدين شنا
Date: 08-17-2006, 08:10 AM
Parent: #47

صديقي المحبوب عبدالله عقيد
شوقي وإحترامي وإعجابي

Quote: غايتو جِنِس كِضبا..!!
انت يتلقي هسي زعلان من خرمجتنا دي..
عقيد عقيد حنتقابل ... بي هناك
في زولة إسمها حجة آمنة دي ما حصلت .. مباااااااااالغة

لك حبي يا جميل

Post: #49
Title: Re: مشني الله ما بتسمح
Author: Mutwali Malik
Date: 08-17-2006, 09:23 AM
Parent: #48

بدرالدين حلا ومرحبا
ياخي المابعرفك بيجهلك زي مابقول المثل وانت كنت من النجوم اللامعة في محطة التلفزيون الاهلية التي كنا ننتظرها علي احر من الجمر
واهلنا الرباطاب قالوا الشيب فيهو البخت

Post: #50
Title: Re: مشني الله ما بتسمح
Author: بدرالدين شنا
Date: 08-17-2006, 11:52 PM
Parent: #49

حبيبي الغالي متولي مالك اللذيذ
تحياتي لجميع الرباطاب وحضورهم المدهش

Quote: واهلنا الرباطاب قالوا الشيب فيهو البخت
مبخوت في حبي مالي إيه ذنبي الجنيت؟؟؟ وأنا بختي بدل يجيب لي حزمة فلوس جاب لي بقجة هدوم مش؟؟؟

تحياتي

Post: #51
Title: Re: مشني الله ما بتسمح
Author: محمد سنى دفع الله
Date: 08-18-2006, 00:38 AM
Parent: #50

عنوان البوست عايز تشكيل
صورك القديمة والجديدةعايزة تشكيل
صورتك في داخلنا اتشكلت
جمال وحلا ( حلا شيحا )
بي شيبك الزي السحابة
السحابة الزي ضميرك الحلو
عيونك الضاحكة زي الاطفال حلوة
وروحك الشابة الأشوفك اقول أصغر مننا!!
ما صحي اصغر مننا لكن محافظ
محافظ ولا والي ؟؟
ياعمدة الحلوين والحلاوين والحلوات..

Post: #59
Title: Re: مشني الله ما بتسمح
Author: بدرالدين شنا
Date: 08-19-2006, 02:01 AM
Parent: #51

أستاذي محمد السني
سلامي وإحترامي لك وللمدام

أول مرحب بيك بعد إجازة أعتقد أنها كانت ممتعة إفتقدناك فيها والله

Quote: صورتك في داخلنا اتشكلت
جمال وحلا
دا المكان الحصل فيهو الشرف والحمد لله مافي زول إتعوق ههههههههههه

Quote: عيونك الضاحكة زي الاطفال حلوة
إنت دا

Quote: وروحك الشابة الأشوفك اقول أصغر مننا!!
ما صحي اصغر مننا لكن محافظ
والله كان ما درستني كنت أقول أنا أكبر منك
يا ربي أنا عشان دخلت المدرسة ولا شنو؟؟؟

تحياتي لك أستاذي وزميلي و(صديقي)

Post: #53
Title: Re: مشني الله ما بتسمح
Author: مروة احمد مكى
Date: 08-18-2006, 06:32 AM
Parent: #50

الاخ الاستاذ بدر الدين (ما شنا)
تحياتى
تعرف يا استاذ انت مشكلتك الشيب
لو صبغت شعرك ورجعت لعمو ده تانى
ح يقول ليك اهلا يا ولدى

Quote: عندي بتي (رُبى) كانت تلعب وقام واحد من قرايبنا صورها بالموبايل وهي غافلة وناداها وشوفها الصورة إستغربت وقالت
هي ألدحلني هنا منو؟؟؟


دى زكرتنى بت خالى كانت تعاين
لروحها فى المرايه . . وتجيبها ليك
تقول ليك شوفنى سمحه كيف

Post: #60
Title: Re: مشني الله ما بتسمح
Author: بدرالدين شنا
Date: 08-19-2006, 02:01 AM
Parent: #53

العزيزة مروة بت أحمد ود الفكي
سلام وترحيب وشكر على الطلة البهية

Quote: دى زكرتنى بت خالى كانت تعاين
لروحها فى المرايه . . وتجيبها ليك
تقول ليك شوفنى سمحه كيف
أنا كان إتوفر لي الشرط دا مستعد أقلع المراية واشيلها من عُمان للسودان ههههههههههههههه

شكري وتقديري

Post: #52
Title: Re: مشني الله ما بتسمح
Author: إسماعيل التاج
Date: 08-18-2006, 05:58 AM
Parent: #1

حبيبنا (شـَـنْ شـَـنْ)

أنا من اليوم حأناديك بـ (شـَـنْ شـَـنْ).

أها الإسم قدرنا عليهو. الباقي عليك.

تحياتي

Post: #54
Title: Re: مشني الله ما بتسمح
Author: bayan
Date: 08-18-2006, 06:48 AM
Parent: #52

سلام يا البدري يا احلى شين

تذكر يا البدري بعد شهرتك البقت تطق بقينا نسوقك نشرك ليك لاتستوبات في شارع مدني

هل تذكر تلك الفضل ظهر الذي تجاهلني الكل وشغالين بدرالدين شنة بدر الدين شنة..

عليك الله يا البدري قصة اول مرة عرفت عشة المبارك.. دي قصتي المفضلة
....
ونفيد الرواد انو بدر الدين بعد جابو في التلفزيون ناس الحلاوين جت عليهم
جو قالو لامو يا يمة بركة بالشوفة.وشوفتي ولدك طيب.

بعدين البدري دا مرة جاني في الدامر
كل ما يقيف يسال من بيتنا
الناس يمشو معاه لما لقيت مظاهرة جنب بيتنا..
برضو تقول مشني الله ما بتسمح..

Post: #62
Title: Re: مشني الله ما بتسمح
Author: بدرالدين شنا
Date: 08-19-2006, 02:02 AM
Parent: #54

د. بيان بت كنبتي وصاحبتي
سلام بحجم الشوق

Quote: عليك الله يا البدري قصة اول مرة عرفت عشة المبارك.. دي قصتي المفضلة
دي زي نزع سلاح حزب الله غير مطروحة للنقاش

Quote: ونفيد الرواد انو بدر الدين بعد جابو في التلفزيون ناس الحلاوين جت عليهم
جو قالو لامو يا يمة بركة بالشوفة.وشوفتي ولدك طيب.
شديت ذاكرتك فوق الله آ بيان

Quote: بعدين البدري دا مرة جاني في الدامر
كل ما يقيف يسال من بيتنا
الناس يمشو معاه لما لقيت مظاهرة جنب بيتنا..
برضو تقول مشني الله ما بتسمح..
يااااااااااااااه يا بيان من تلك الأيام التي تحتلب ذكراها موعي

الله يحفظك يا بيان يا أخت الأخوان وتحياتي لأهلك هنا وهناااااااااااااك

Post: #55
Title: Re: مشني الله ما بتسمح
Author: jini
Date: 08-18-2006, 07:12 AM
Parent: #52

اليدرى الفقرى وقايم بدرى
عندى قريبتى موظفة حبوبة وزايدة حلا وظرافة متجوزة ليها واحدن يقلب البيعة من شناتو وبريدة جنس ريدة اها كلما تجيبو الظروف بى جنب الوزارة يديها غشوة وهى بى لثغتها ديك تقول ليهو يا ملغنى انا ما دلت ليك ما تدينى فى الوزالة!!
ويرد عليها ملغنى ضاحكا: دينى أنا ودين الغزالة الشغالةفى الوزالة المدننا ملغنى!
جنى

Post: #63
Title: Re: مشني الله ما بتسمح
Author: بدرالدين شنا
Date: 08-19-2006, 02:02 AM
Parent: #55

جني محبوبي الفنان
سلامي لك أينما حللت

Quote: اها كلما تجيبو الظروف بى جنب الوزارة يديها غشوة وهى بى لثغتها ديك تقول ليهو يا ملغنى انا ما دلت ليك ما تدينى فى الوزالة!!
ويرد عليها ملغنى ضاحكا: دينى أنا ودين الغزالة الشغالةفى الوزالة المدننا ملغنى!
هههههههههههههههههههههه لذييييييييييييييييييييييييييذة

يديك العافية يا جنى

Post: #61
Title: Re: مشني الله ما بتسمح
Author: بدرالدين شنا
Date: 08-19-2006, 02:01 AM
Parent: #52

إسماعيل التاج ياظريف كيفك

Quote: أنا من اليوم حأناديك بـ (شـَـنْ شـَـنْ).

أها الإسم قدرنا عليهو. الباقي عليك.
شن شن كبو لي جالون
الباقي علي؟؟؟ يعني خليت لي الجهاد الأكبر مش؟؟؟
هو أنا الباقي دا فاتح ليهو بوست عدييييل؟؟؟

Post: #57
Title: عجـــــــــــيب
Author: حجة امنة
Date: 08-18-2006, 01:18 PM
Parent: #1

والماعندها ضنب ... يحاحى ليها الله

Post: #64
Title: Re: عجـــــــــــيب
Author: بدرالدين شنا
Date: 08-19-2006, 02:02 AM
Parent: #57

الغالية حجة آمنة
سلامي وإحترامي وإعجابي بظرفك

Quote: والماعندها ضنب ... يحاحى ليها الله
هو من ناحية الضنب عندي ضنب لكن فشلت كل محاوحاته في المحاحا امام جدار شناتي العازل والحلاقين حاحو وفتروا والغسالين حاحوا وفترو ووالله المحاحا الحاحوحا لي أيام العرس يا حوحااااااااااااا

Post: #65
Title: Re: مشني الله ما بتسمح
Author: almulaomar
Date: 08-19-2006, 03:36 AM
Parent: #1

أخي الجميل حد الشنا أبو أواب يا أخي كل الحلول شايفك ما مقتنع بيها أو لاقيها صعبه عشان كده إليك أسهل تلك الحلول وبعدين لومني لو ما إشتغلت الحكاية
يقول الشاعر أبو العيناء
من كان يملك درهمين تعلمت شفتاه انواع الكلام فقالا
وتقدم الفصحاء فاستمعوا له ورايته بين الورى مختالا
لولا دراهمه التي في كيسه لرايته شر البرية حالا
ان الغني اذا تكلم كاذبا قالوا صدقت وما نطقت محالا
واذا الفقير اصاب قالوا لم يصب وكذبت يا هذا وقلت ضلالا
ان الدراهم في المواطن كلها تكسو الرجال مهابة وجلالا
فهي اللسان لمن اراد فصاحة وهي السلاح لمن اراد قتالا

عشان كده يا البدري يا أخوي لم ليك فكه كتييييره وبعدين والله كتيرين الحا يغنو ليك
جمال زي ده أصلو ما معقول إنت بدر الدين ولا جمال فرفور
ده من ناحية الشنا أما من ناحية الكبر والعمر فحا يغنوا يقولوا ليك:
خلاص كبرت وليك تسعتاشر سنه
أو الصغيرون الما كبير (بس بشرط حكاية قزازة العصير دي تبقي مسئوليتك إنت)

Post: #66
Title: Re: مشني الله ما بتسمح
Author: ابوحراز
Date: 08-19-2006, 05:11 AM
Parent: #65

صراحة الشناة مشكلة كبيرة جداً
الله يعين النسوان البعرسن رجال شينين
أنا ماعارف تعاين فيهو وللا تقبّل منه على الحيطة
أمس القريبة دي في واحدة قالوا اتوحمت على كبسيبة لمن شافت الصورة
لأنو الولد طلع حاجة صعبة جداً
لدرجة إنو الأب قال لازم يعمل اختبار {DNA}
معانا سعودي كان عاوز ليهو محاسب
مشيت اخترت واحد قريبنا منجض المحاسبة دي رقم رقم
أها لمن جبناه ليهو
قال نهائي مايدخل عنده
ولايتحاوم بالمعرض
قلنا ليهو ليه
قال لأنه شين وحايطفش منه الزبائن

زعلان منك إنت والملا عمر وقرشو وهشام يازول
عشان ماحنستوني لمن كنت عاوز أطلع من سودانيز وأتفرغ للعبادة
لكن كيتاً عليكم كلكم
البنات والجنس اللطييف اتصلوا من جميع أنحاء العالم
أها المشتهي الحنيطير يطيييييييييييييييييييييييييير

Post: #69
Title: Re: مشني الله ما بتسمح
Author: بدرالدين شنا
Date: 08-19-2006, 06:01 AM
Parent: #66

ابوحراز يا أجمل زول
سلام وفرحة بعودتك يا زاهي

Quote: زعلان منك إنت والملا عمر وقرشو وهشام يازول
عشان ماحنستوني لمن كنت عاوز أطلع من سودانيز وأتفرغ للعبادة
غايتو الكوت دا فكاني من الرد على الشنا

والله ياخي ليك حق تزعل لكن لأنك إنت قلت ما بترجع حتى ينعدل الحال نحن قلنا اول نعدل الحال عشان نمهد لإنتشار (يونيفيل) جمالك طبعاً البورد وقتها إجتاحته موجة من المشاكل وبعد داك جات موجة الأحزان والتي لا زالت تعتصر قلوبنا

فالحمد لله على عودتك يا شفيف

Quote: لكن كيتاً عليكم كلكم
البنات والجنس اللطييف اتصلوا من جميع أنحاء العالم
أها المشتهي الحنيطير يطيييييييييييييييييييييييييير
إن شاء الله ما ينفعنَّك بس


Post: #72
Title: Re: مشني الله ما بتسمح
Author: almulaomar
Date: 08-19-2006, 08:33 AM
Parent: #66

وين الحلوين وين راحو
أستميحك أخي بدر الدين أن أخد أبو حراز في ركن قصيا أو قل كورنر الصيوان وأقول ليهو معقولة يا أب حراز تسيب البورد
Quote: زعلان منك إنت والملا عمر وقرشو وهشام يازول عشان ماحنستوني لمن كنت عاوز أطلع من سودانيز وأتفرغ للعبادة لكن كيتاً عليكم كلكم البنات والجنس اللطييف اتصلوا من جميع أنحاء العالم أها المشتهي الحنيطير يطيييييييييييييييييييييييييير

عني مالهم يا أب حراز سوف أدافع عن نفسي وبقية العقد الفريد قادرة على الدفاع عن مرماها أنا فعلاً قرأت بوستك الخاص بوجهة نظرك في ما آل إليه البورد وكل يوم كنت بتاوق عشان أشوفك وأشوف ردود الناس ومدى تفاعلها معك ، إنت إن شاء الله يوم شكرك ما يجي لكين لابد مما ليس منه بد أستعدل وأستعد للشكرة دي ، إنت واحد من الأسباب التي أدت إلى إزدهار المنبر بل أنت ركيزه من ركائز هذا المنتدى. بس أنا بصراحة يا أب حراز يا أخوي عارفك عاشق شديد للبورد وحتى لو وصل الحال حد الفليق بالماوس والكيبوردات ما حا تسيب البورد ، وحتى لو عاوز أحنسك عشان تثوب إلى رشدك وما تسيب البورد أحنسك من ياتو ناحية

Post: #67
Title: Re: مشني الله ما بتسمح
Author: بدرالدين شنا
Date: 08-19-2006, 05:58 AM
Parent: #65

صديقي المتعة عمر
سلامي ليك يا ابو أحمد وشوق

Quote: عشان كده يا البدري يا أخوي لم ليك فكه كتييييره وبعدين والله كتيرين الحا يغنو ليك
جمال زي ده أصلو ما معقول إنت بدر الدين ولا جمال فرفور
ده من ناحية الشنا أما من ناحية الكبر والعمر فحا يغنوا يقولوا ليك:
خلاص كبرت وليك تسعتاشر سنه
أو الصغيرون الما كبير (بس بشرط حكاية قزازة العصير دي تبقي مسئوليتك إنت)
ذكرتني واحد قريبنا لمن خلاااااااااص الناس يحتاروا في حل مشكلة مثلاً (درقة أو حيطة عايزة تقع لأنو كمرة البيت حملت عليها شديد) وناس يقولوا عفرتو السقف وأعملو كذا وكذا وراسهم ينشطب يقوم قريبنا دا يقول ليهم
في حل .. لكن مكلِّف
أها الجماعة كلهم وبصوت واحد أها قولو بسرعة
يقول ليهم
تفكو الأووضة دي تب ترموها في واطات الله دي وتبنوها من جديد

هسع عليك الله دا حل؟؟؟ دحين يا المتعة عمر حلَّك دا مكلِّف بالحيل
من وين أجيب القروش وأنا عرش بيتي مسروق؟؟؟

Post: #68
Title: Re: مشني الله ما بتسمح
Author: بدرالدين شنا
Date: 08-19-2006, 06:00 AM
Parent: #65

بعد الشنا والكبر كمان جابت ليها تكرار ردود؟؟؟

مكرر

Post: #70
Title: Re: مشني الله ما بتسمح
Author: Ahmed Mohammed Osman
Date: 08-19-2006, 06:20 AM
Parent: #1

شيـــــــــــــــــــــن؟؟؟ منو القال
يازول تحمد ربك انو الزمن بتغيير
والاحتياجات تتبدل
هسي حلاتك دي جكس الخرتوم كلو بفتش ليها وما لاقيها
لمن غنو ليك

راجــل المرة حلو حلاة


اه المرة البقت سبب حلاتك دي ما تزعلها يا بدر الدين
وتطير منك حلاتك المكتسبة مؤخرا


كن بخير
يا انسان يا حلو

Post: #73
Title: هياااا يما الخرف يبقى على العدو
Author: حجة امنة
Date: 08-19-2006, 12:53 PM
Parent: #70

Quote: راجــل المرة حلو حلاة



حلو طرف ؟

حلاة ياقلبى كان خاصم ضميرو يحاسبو خليهو



معليش يا بدر انا شفت الخطوط تحت الكلام ...

جيت متلبه قايلاو بوست السربعة

Post: #76
Title: Re: هياااا يما الخرف يبقى على العدو
Author: بدرالدين شنا
Date: 08-19-2006, 11:51 PM
Parent: #73

Quote: هياااا يما الخرف يبقى على العدو
خيرُ خرفٍ لخير سلف

مرحب بيك في أي وقت يا حجة يا رائعة

Post: #74
Title: Re: مشني الله ما بتسمح
Author: بدرالدين شنا
Date: 08-19-2006, 11:38 PM
Parent: #70

العزيز أحمد محمد عثمان
سلامي وإحترامي وفرحتي بالطلة

Quote: اه المرة البقت سبب حلاتك دي ما تزعلها يا بدر الدين
وتطير منك حلاتك المكتسبة مؤخرا
أزعلها؟؟؟
ياخي دي عاشت معاي جنس شنا ما ممكن تتخيلها اصلو
وآن الأوان لتستمتع ببعض التعديلات المؤقتة التي حدثت لي بفعل التفاح والتي سرعان ما تنتهي ويرجع النازحين والمهجَّرين والمهدمة منازلهم من عظام وطفيق في وجهي

تحياتي

Post: #71
Title: Re: مشني الله ما بتسمح
Author: Manar Mahsoub
Date: 08-19-2006, 07:39 AM
Parent: #1

حسع يا بدر البيقرى بوستك ده و يستمتع لكلامتك حيركز انت شين و لا سمح الا يكون زول داخل البوست و عندو فكره لعرض ازياء رجالى.... فى الحالة دى بنرمى ليه بوقجة الاريترية و نولع ليه مكوة الفحم ... عافية لوقو

Post: #75
Title: Re: مشني الله ما بتسمح
Author: بدرالدين شنا
Date: 08-19-2006, 11:51 PM
Parent: #71

الغالية منار
سلام ينضح حيوية ورائحة زكية

Quote: حسع يا بدر البيقرى بوستك ده و يستمتع لكلامتك حيركز انت شين و لا سمح الا يكون زول داخل البوست و عندو فكره لعرض ازياء رجالى.... فى الحالة دى بنرمى ليه بوقجة الاريترية و نولع ليه مكوة الفحم ... عافية لوقو
إلاَّ أشيلو وأحوم بيهو زي الناس الدايرين يبنوا ليهم جامع

اشكرك على الطلة والكلمات الطيبة وربنا ما يوريك (شنا) في عزيز لديك

Post: #77
Title: Re: مشني الله ما بتسمح
Author: محمد المرتضى حامد
Date: 08-20-2006, 07:30 AM
Parent: #75

بدر
أنا مش قلت ليك الخواجه الجنبك ده زحو من التلفون؟
والله والله انت جمعت ناس هنا أنا مابعرف الكلام ده بجيبوه من وين
يعني ناس (الموج) البيهدم كل كآبه على الجفون و(جني) الخرافي والملا طورا بورا ، ياخ ده كلام سمح ، يعني قصة (جني) عن (ملغني) دي ماعارف أقول عنها شنو. ِالله يديكم العافيه.

Post: #78
Title: Re: مشني الله ما بتسمح
Author: بدرالدين شنا
Date: 08-20-2006, 07:54 AM
Parent: #77

صديقي محمد المرتضى حامد
كيفك يا استاذي

Quote: والله والله انت جمعت ناس هنا أنا مابعرف الكلام ده بجيبوه من وين
يعني ناس (الموج) البيهدم كل كآبه على الجفون و(جني) الخرافي والملا طورا بورا ، ياخ ده كلام سمح ، يعني قصة (جني) عن (ملغني) دي ماعارف أقول عنها شنو. ِالله يديكم العافيه.
أول حاجة الله يديك العافية إنت دا
أما بخصوص الأسماء الجميلة التي ذكرتها والتي غفلتها فهؤلاء أصحابي شدييييد وأنا صدقني قبل ما أكتب أي بوست بكون عارف البجيني منو والما بجيني منو وفي أصحاب لي هسع ما جو منهم (القايم ليهو في تشكيل) ومنهم الغناي والمداح والممثل والمهندس والمحامي وعيييييييييك

تحياتي لك يا جميل

Post: #79
Title: Re: مشني الله ما بتسمح
Author: صلاح شكوكو
Date: 08-20-2006, 09:46 AM
Parent: #78

بدر الندى والمنتدى (( بدر الجميل ))
أروع روائع الحياة أن ترى نفسك من الجوهر
قبل أن تراها من حيث المظهر ..

وحتى لا يكون حديثي هذا إقرارا بما تصف
ويصف بك الآخرين ..دعنى أقول لك بأن الخالق
جميل .. والمخلوق خلقة الله جميل ..

ولكن لشيء في ناظرينا نرى الظواهر كيفما نكيفها
ولعل الفكرة الأساسية في إخفاء إبليس من أعين
البشر هو يكمن في التصور ...

لأن إبليسا لو كان بيننا يرتاد الطرقات لوجدت
(( خواجية )) تتأبط يده وتتحدث عن الإقصاء ..

بل تجدها أكثر إنبهارا به لأنه صاحب موقف
أو للعله موقف بحاله ..

والعجيب أنا لو جئنا بكل رسامي العالم وطلبنا منهم
أن يرسموا إبليسا أو شيطانا فإنهم سيرسمون أشكالا
أكثر قبحا .. لكنها لا تتشبه فيما بينها ..

وكم أنت رائع من ناحية الشكل والمضمون والجوهر ..


ياود ياجيل

=

Post: #80
Title: Re: مشني الله ما بتسمح
Author: بدرالدين شنا
Date: 08-20-2006, 11:39 PM
Parent: #79

صديقي الرائع صلاح محمد عبدالدائم شكوكو
سلام لك وللأسرة والإخوة

طبعاً إنت من اصحابي التشكيلين وليس (القائم ليهو في تشكيل) سمح؟؟؟

Quote: وحتى لا يكون حديثي هذا إقرارا بما تصف
ويصف بك الآخرين ..دعنى أقول لك بأن الخالق
جميل .. والمخلوق خلقة الله جميل ..
طيب ليه البت ديك أبتني هههههههههههه
نعم أخي صلاح وكما يقولوا أن الجمال نسبي (دا الكرت الرابح بتاعي) فالجوهر هو الأهم مش؟؟؟
أنا من زمااااان (متشنِّي) زول يقول لي كلام سمح زي دا

تحياتي وفرحتي بوجودك الباهي

Post: #81
Title: Re: مشني الله ما بتسمح
Author: maia
Date: 08-21-2006, 02:52 AM
Parent: #1

بدر الدين الما شين

سلام يخلو من الشناة

والله امبارح كتبت لي مداخلة وفي نص الكلام قومي يا الكهرباء اقطعي!!!!! وبيجي للواحد احساس بالتبلد وانه بقا خارج نطاق الزمن ... غايتو حسيت بشناة مبااااااالغة ، وطبعا عنوان البوست كنت يا دوب فهمته يعني بقيت زي الابله بتع كتاب المطالعة
قلت يعني السودان ده تجيهو بجاي تمشي لبهناك شناته دي ما بخليها

ودامت ايامك بسعادة تخلو من اي شناة جانبية

Post: #82
Title: Re: مشني الله ما بتسمح
Author: Mohamed Abdelgaleel
Date: 08-21-2006, 05:54 AM
Parent: #81

أها دا عندو بطاقة حاول يرميها أنا ألأريترية أرمي ليها شنو؟؟؟ نكتة؟؟؟

العبارة أبت ما تتكوت ..

الاخ العزيز بدرالدين .. تحياتي لك،

والله لو رميتها ليها نكته كانت .. آمنت ..

لكين ما قلت لي هي عرفتك كيف مكوجي؟ إمكن شافتك تعاين للهدوم اللابساهن

Post: #84
Title: Re: مشني الله ما بتسمح
Author: بدرالدين شنا
Date: 08-21-2006, 06:36 AM
Parent: #82

العزيز محمد عبدالجليل
سلام وترحيب بزيارتك الحلوة وتعليقك الظريف

Quote: لكين ما قلت لي هي عرفتك كيف مكوجي؟ إمكن شافتك تعاين للهدوم اللابساهن
بتاع أرونيش أنا؟؟؟
والله إنت غايتو،،،،،،،

تحياتي ليك يا الغالي

Post: #83
Title: Re: مشني الله ما بتسمح
Author: بدرالدين شنا
Date: 08-21-2006, 06:22 AM
Parent: #81

ميَّا الجميلة
سلام وشوق

Quote: وبيجي للواحد احساس بالتبلد وانه بقا خارج نطاق الزمن ... غايتو حسيت بشناة مبااااااالغة ،
غايتو البلادة على كيفك فيها لكن أحذرك أياك ثم إياك أن تُشانيني في شناتي دي لأنو أنا بغير فالشنا هنا ماركة مسجلة وممكن أشتكيك لأعلى سلطة لو حاولتي تشني شناتي دي

ياخ مشتاقييييييييييييين

Post: #85
Title: Re: مشني الله ما بتسمح
Author: Tumadir
Date: 08-21-2006, 06:54 AM
Parent: #83

Quote: أما بخصوص الأسماء الجميلة التي ذكرتها والتي غفلتها فهؤلاء أصحابي شدييييد وأنا صدقني قبل ما أكتب أي بوست بكون عارف البجيني منو والما بجيني منو وفي أصحاب لي هسع ما جو منهم (القايم ليهو في تشكيل) ومنهم الغناي والمداح والممثل والمهندس والمحامي وعيييييييييك


القايمين ليهم فى تشكيل ..مابجوا هنا تانى

..التشكيليين ديل

اسم الدلع بتاعهم "ناس الفنون الجميلة" ..ملاحظ جميلة دى ..انتو ناس الفنون

"الشينة"..نجيكم ليه عشان تهدوا فينا وتبوظوا علينا مدرستنا النقطية

والانكسارية والعبثية ..عبثية دى بالذات كانت جارتنا بتعوث الكثرة ..سيريالية

كانت صاحبتها عندها مكنة خياطة بتخيط "هدوم الناس"

..شوف ليك مراية ولا مشط ولا ضفارة ولا طقن ياعملات البت المن القبائل المهمشة الشافت بت عمتى عروس قالت ليها: لكن ما الدهب عندك والطقن عندك..وخلى الناس فى "ماوسهم" يشكلوا بيه ..تشكيلهم ولا انت داير اسم (الما دلع) للتشكيل عارفو شنو؟ "الشكل"

وبمناسبة المشط ..براى زهجانة و(وحيدة كأسنان المشط) ياقول اخت واحدة صاحبتنا الاتنين

اول حرفها خالدة الجنيد ...

وتلاتة شوالات حب ..ليك يا ابو الصحب.

Post: #86
Title: Re: مشني الله ما بتسمح
Author: بدرالدين شنا
Date: 08-21-2006, 07:23 AM
Parent: #85

هسع في ذمتك دي مداخلة ولا بوست؟؟؟
هسع أنا الداخل عليك ولا إنتي الداخلة علي؟؟؟
ولا إنتي داخلة على طمع

Quote: القايمين ليهم فى تشكيل ..مابجوا هنا تانى
تشكيلك على الله آبنيَّة كان بتدوري تكتليني بالضحك

Quote: وبمناسبة المشط ..براى زهجانة و(وحيدة كأسنان المشط) ياقول اخت واحدة صاحبتنا الاتنين

اول حرفها خالدة الجنيد ...
يااااااااااااااااه

والله يا تماضر تاني أنزل لي بوست وما تجيني والله ما اريحك
شوفي عليك الله البوست نكشتي كيفن
تدخلي لي مكنة الخياطة وصاج العواسة بوستي؟؟؟

دي ذكرتني الجماعة أنتهو من الطشمة واحد قال للتاني خلي لي اللستك الأسبير عندك هنا لغاية بكرة
وبقت الحجة طاقة
ليه؟؟؟ شايف علي شنو؟؟؟ تدخل لي الإسبير في بيتي؟؟؟
يعني فيها شنو؟؟؟
فيها شنو كيف؟؟؟ أنا بجلالة قدري تدخل لي الإسبير في بيتي
يتحاججوا لمن واطتهم أصبحت

والله فرحت بيك
ياربي ما تحرم بوست من تماضر

Post: #87
Title: Re: مشني الله ما بتسمح
Author: حبيب نورة
Date: 08-21-2006, 07:39 AM
Parent: #86

بدر الدين
أزيك يا سيد السماحة
انا غايتو جني وجن الناس الشينين
قالو الشينة منكورة!
لكن انت حلاة الدنيا عليك
تشبه الزينة
....
جيت اقول ليك سلام

Post: #88
Title: Re: مشني الله ما بتسمح
Author: بدرالدين شنا
Date: 08-21-2006, 10:54 PM
Parent: #87

حبيب نورة يا حبيب نورة .. حبيب نورة للرجال شورة
شوقي ليك طال

Quote: أزيك يا سيد السماحة
واللييييييييييلا الحصة تسميح
أهلاً بيك يا سيد الروعة ذاتها

تحياتي ومودتي

Post: #89
Title: Re: مشني الله ما بتسمح
Author: HOPEFUL
Date: 08-21-2006, 11:36 PM
Parent: #88

زينة الشباب
البدري السمح
لاك ممحوق لاك منقمح
مع روحك دوام منصلح
يا طينة الخير
ان زرعوك عيش
تطلع قمح

يا الصبوح
السعيد بيك ينصبح
غافل نظرو
مليس بصيرة
القال عليك ماك سمح

---
سيدي البدري أقول ليك سر؟
اول عهدي بالبورد كنت أقرأ اسمك هكذا بدرالدين شنة)
أي من "شنة ورنة كما نقولها بالسوداني"
وانت انسان ليك شنة ورنه أقلها في دواخلي


اسعدك ربي بقدر هذا الجمال و السرور الذي ادخلته علينا بهذا البوست الجمييييييييل جداً

حبي اللا محدود واللا مشروط

جمال

Post: #90
Title: Re: مشني الله ما بتسمح
Author: بدرالدين شنا
Date: 08-22-2006, 00:54 AM
Parent: #89

جمال هوبفل صاحبي الزمااااااااااااان والهسع
أنا بيك سعادتي مؤكدة وبعودتك لضخ الجمال في هذا المكان

Quote: أي من "شنة ورنة كما نقولها بالسوداني"
وانت انسان ليك شنة ورنه أقلها في دواخلي
ياخي دي كيفتني عديل كدا هههههههههههههه والغريبة أصلو ما جات على بالي من قبل اليوم
بالله شوف الزول دا (سمَّحني) كيفن؟؟؟
أشكرك على الـ(ة) التي ربطتها لي حوشي

Quote: اسعدك ربي بقدر هذا الجمال و السرور الذي ادخلته علينا بهذا البوست الجمييييييييل جداً
ويسعد الجميع يا جمال

Post: #91
Title: Re: مشني الله ما بتسمح
Author: doma
Date: 08-22-2006, 01:08 AM
Parent: #89

Quote: ولا طقن ياعملات البت المن القبائل المهمشة الشافت بت عمتى عروس قالت ليها: لكن ما الدهب عندك والطقن عندك..


بدر الدين سماحه والعيال السمحين كلكم سلام بلا فرز دقر عيني بارده.
بوست طاعم متل سيدو
وجات البت الطاعمه
بقي عسل يشرق
والله ضحكت لما شرقت والطقن قرب يتملص مني.

Post: #92
Title: Re: مشني الله ما بتسمح
Author: بدرالدين شنا
Date: 08-22-2006, 01:41 AM
Parent: #91

الغالية جداً دوما
يشهد الله فرحت بي زيارتك للبوست
ربي يحفظك أنتي يا الـ(طاعمة في الحِبر)

Quote: والله ضحكت لما شرقت والطقن قرب يتملص مني.
عليك الله يا دوما تماضر دي ما بتستاهل نطقِّنها من راسها لي أخمص قدمها؟؟؟
أنا والله بريدة جنس ريدة .. أسكتي ساي

الله يديكن العافية كلكن يا السمحات الطاعمات

مودتي وتراحبي