الخطط تفترض أن المهجومين من مختلف التخصصات والمهن والخلفيات، ما عندنا قشة مرة ولا لحم حلو ولا مصارين بيض
الخطط مقدمة للأغراض التعليمية، كل من ترد أسمائهم هنا فهذا مجرد تشابه أسماء والإشارة إليهم تأتي من قبيل الصدفة المحضة وليس بالضرورة أن تعنيهم من قريب أو بعيد
العبث أو سوء استخدام هذه الخطط على مسؤولية منفذيها، ولا نلتزم بأي تعويضات أو تدخل لإصلاح ذات بين أو جبر للضرر
حاتم إبراهيم لا يحابي أي مجموعة أو حزب، وأي إشارة وردت هنا لدولة أو مؤسسة أو منتجات تجارية معينة أو عمليات أو خدمات مقدمة من اسم تجاري أو ماركة تجارية أو منتج أو أي جهة أخرى ذلك لا يعني بالضرورة أو يتضمن تلميحاً بالتوصية من جانبنا أو مسؤوليتنا عنه.
نقبل التعليقات والإفادات وذلك للتعديل من هذه الخطط وضبطها وتحسين مردودها.
المحتويات: الباقة الفضية الخطط التكتيكية
كوبرا
التسخينة
الريال
الطائرة
بولو
المقشطة
الخطط الاستراتيجية
الميز
أناكوندا
بلياردو
الغولف
01-22-2016, 06:01 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
بالله ... والله انت فالح .. وده منو المسكين البخليك تضرب وتغادر ده ؟ ما اظن في زول تعك وتخرمج ومايرد عليك .. اذا كنت تنشد حقا فعليك بالمواجهة والمناقشة والحوار أما اسلوبك ده فهو أسلوب العاجز الضعيف عديم الفهم والحجة .. حاولت تطبق تكتيكك الفاشل ده في بوست افترعناه بعنوان (طالب جامعي سعودي يقدم رشوة لدكتور جامعي سوداني ) لكن للاسف فتكتيكك فشل وقد تصدينا له ورددنا عليك ردا احسبه كاف . تعال شوف الرد على عواستك عبر الرابط ده :
تتسلل بهدوء وتبدأ مثلاً بسؤال لطيف وبطريقة بريئة أو الاستدراك بنحو لطيف على مسألة فاتت على صاحب المداخلة، في إمكانك برضو مسايرة صاحب المداخلة لفترة قصيرة لحد ما تتأكد إنو فعلاً قاصد الكلام القالو وتطق بعد داك في الراص، ما تديهو فرصة أو يتلفت عليك يلقاك في وشو.
السيناريو:
1 بوست لعضو متعالي أو متشدد
الموضوع انصرافي أو مكرر وممل. 2 بوست مقصود لغرض غير المبين في عنوانو مكتوب بطريقة الموارة مثلاً أو في موضوع تراه غير مهم 3 بوست يهاجم شخص عزيز لديك هنا غالباً فرصتك في الخطة دي محدودة لأنو في المرات الجاية العدو حيعمل حسابات لتدخلك.
المتطلبات:
1 بوست مسخن أو في موضوع نشط
وهدفك إما صاحب البوست أو عضو متداخل.
التنفيذ:
1 المداخلة الأولى
أعمل الدخلة بتاعتك وخليها قصيرة، التانية خليها مباغتة وسريعة واتخارج لو ما عندك نفس طويل، ممكن تخليها لدغات متكررة إما وراء بعض أو واحدة لكل رد من الملدوغ. 2 الخطة البديلة
بولو، إذا لقيت العدو إضينة.
النتائج المتوقعة:
1 المساككة
إذا الملدوغ نفسه عزيزة ومهني بيحب تخصصه فغالباً يبدأ محاولة لتحسين صورته بإدراح مداخلات تفيد في ذلك. وحيبدأ في مطاردتك للثأر ولإثبات أنه كان على حق. 2 الإحباط إذا الملدوغ خامل وداخل في الموضوع لغرض فغالباً يتوارى لفترة يلعق فيها جروحه 3 الالتفاف احتمال يلجأ الملدوغ للدفاع بالشيء الذي يجيده ويكتر منه بدون طائل.
Quote: قد نقبل بمضض إنك تحاول تحليل ما حدث في بعض البوستات لكن تقول لينا إنك عملت كدا مع سبق الإصرار والترصد، دا كلام تقولو لزول ما عندو موتر!!
صدقني دا البيحصل بالضبط، أنا ما بدخل أي بوست عشان أتونس
ولو عايز إثبات، اختار خطة من الفوق حتى لو ما عارف تنفيذها كيف وحرشني على زول، وشوف. ولو صبرت هسع عندي خطة بلياردو شغالة وحأجيب سيرتها وحأنفذها للنهاية وأنا موجود وانت قاعد والضحايا تشوفهم قدامك شوف العين. _____ ترى المحرش مرات بكاتل.
01-12-2016, 03:10 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
Quote: اعمل لي تحليل لأي بوست كان بينك وتبارك وجيب الخطط الكنت شغال بيها
ما تحليل، قصدك تقول سرد لكيفيات التنفيذ
أخونا العضو مبارك بيني وبينو حصلت تلاتة عركات: 1- أناكوندا في بوست (خبايا أبولو) وكان الضحية هو، مع إنو البوست حقي، لكن طول لسانو 2- الريـال (دي تسميتها ليها) وكنت الضحية أنا، لكن التفيت عليها سريع في بوست (أندرويد)، البوست حقو 3- الميز (دي تسميتها ليها) وكنت الضحية أنا في بوست (البرنامج الفطير) وغلبو يتم الخطة، البوست كان حقي وحريص على تماسكه _____ شفت ذهني حاضر كيف، أها.
01-12-2016, 03:35 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: لكن كل هذا الهراء هو في الأسلوب .. بينما تضيّع على المتابعين كنه الموضوع أو المعلومة . وعادة يتقبل بعض المتابعين نقصا ما أو خللا بسيطا في الخبر أو المعلومة إما لأنه يريد معرفة وجهة نظر الكاتب كاملة في الأمر المطروح أو لأنه أصلا يعرف المعلومة الصحيحة كاملة ويحتاج فقط إثارتها من طرف آخر ليمكنه بعد ذلك " الاستعراض " بمعلوماته !! أيضا وهذا ما أظنه مهما لك لكي تستفيق : بعض المساككة والمطاردة ، ومحاولة التفتيش على أي ثغرة في آراء الناس لكي تحكم على " مجمل " الموضوع بالتفاهة أو الكذب ... لا يعني في المستوى الأخلاقي للتعامل بين الناس إلا حالة من ( الشعور بالنقص ) .. ومحاولة " التنطح " وأحيانا " التطاول " تحت مبررات مثل " أنا علمي " أو كلمنا علمي ... هي مثل من يحفظ أية وحديث ثم يصرّ على أن " يجلد " بها المسلمين وكأنهم " كفرة " [ حجته أن الدين يتساوى فيه الجميع وهذا صحيح ولكن روح الدين : الدين النصيحة وبالأسلوب الذي ترشد إليه الشريعة ] وفي حالتك أرى أن لديك " عقدة " مستعصية في مسألة " الهوية " وكأن هناك ما يعيب في هويتك ، فينقلب الدفاع عنها ــ مع أنك غير محتاج لذلك ــ إلى هجوم نزق على هويات الآخرين . أعرف أن هذا التعليق قد يصيب فيك عرقا متحمسا ... ومع أنه ضد مفهومي لأسلوب الحوار ، ولكنك جنيت على نفسك بموضوعك هذا .. ففي العادة يكتفي صاحب العقدة بالتنفيس عن عقدته أما أن يعلّمها للآخرين فهي أحد احتمالين : ــ إما أنه يحاول أن يصوّر هراءه بأنه يتم بناء على " ملكة " ودربة ودراية ومجموعة مهارات .. وهذا يحتاج لعلاج حقيقي لدى مختصين . ــ وإما أنه " يتذاكى " ليخلّص نفسه من " التنميط " الذي بدأ بقية الكتاب يضعونه فيه إطاره باعتباره " زول فارغ ومدّعي وفضّ .. حتى لا أقول أكثر " .. وفي هذه الحالة ربما يساهم هذا التعليق في أن يفهم أن الآخرين يفهمونه ، وهو يحتاج إلى " تحسين " مهاراته .
أتاريك مكرضم، منتج عرضي
أثناء البحث عن الدهون والشحوم قد نعثر على قليل من الزيت وبعض الملح. ____ فلا يضر.
01-12-2016, 03:54 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
لا والله ما جيت اصطاد، اصطاد روحي يعني؟ جيت أشارك الناس بعض المهارات وأهو بكتب في الحقائق سواء كانت لي أو علي، وبنفس هادئ ما عندي أي نية أنهش لي زول، أنا ما بصطاد في بوستاتي المسيخة دي.
انت راجل محترم ومهذب بالنسبة لي والأخ أبوبكر يعجبني أسلوبه جداً في الكتابة وأوصلت له قبل كدة رأيي كتابة إنو يباشر بنشر كتاب لكل مؤلفاته فهي تصلح سيناريوهات لأفلام.
فعلاً أنا أسلوبي حاد وساخر، لكنها مرحلة، بكرة تبقى تاريخ. أعدكم بتغييره إلى الألطف في خطط الباقة الذهبية. ____ اكظموا الغيظ، تؤجرون عليه.
01-12-2016, 04:44 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
هسع عان الصامت دا (السعودي في كل مداخلة شكل) البوست عن شنو وجا يكلمنا عن الشريعة والهوية، وجااااادي. أي زول بهمو. ___ لكن الكويس إنو الزول ما بيعرف إنو إتروَّل إلا بعد يفكوه.
01-13-2016, 04:21 PM
Mohamed Mohamed Mohamed Mohamed
تاريخ التسجيل: 04-20-2015
مجموع المشاركات: 311
فلما يجي واحد يردد نفس الكلام الاتقال قبل 1200 سنة بدون تفكير دا يبقى عضو في كورس، والمجموعة بيقولوا عليها "كورال" والبيطلع منها بيسموهوا "كوراك". ___ دي اسمها خطة الريـال، وقافي كدة شفت كيف هههه.
01-13-2016, 09:56 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: قانون مورفى Murphy's Law رقم 122 المادة سبعـة - أ تقول يمكن لمائة شخص ان يغنوا في وقت واحد، ولكن لا يمكن لنفرين ان يتكلموا في ذات الوقت.
أبوريش الله يرضى عليك، شكرن لترددك
الناس المعلقهم في موضوع الرشاشات ديلك اهتم بيهم شوية، موضوعك داك مهم وأنا عارفك نساي، احتمال كبير تشرهم وتشوف ليك موضوع تاني، عشان كدة أنا مشيت علقت وطلبت منهم يتجابدوك، فما تزعل.
**أبوريش الله يرضى عليك، شكرن لترددك الناس المعلقهم في موضوع الرشاشات ديلك اهتم بيهم شوية، **
لا ياخوى انا برضو عندى خطة ودى بداياتها بس.. المناظر.. وانت قلت في بدايات هذا البوست: **هنا الملدوغ الأول أبوريش ودا عادة أنا تحولت من حوالي سنة للتعامل معاهو بخطة بولو، **
تبدأ بوستيك بلدغ أبو الريش ثم تطلب منه ان يعتنى ببوستات تانية؟
01-14-2016, 07:07 PM
عمر دهب عمر دهب
تاريخ التسجيل: 10-19-2014
مجموع المشاركات: 2010
يا عمر دهب الصوفيـة عندهم مقولة ان الشر المطلق لا يدخل في الوجود.. بمعنى ان كل شر فيه طرف من الخير.. الكلام دا ما مقصود منه حاتم طبعاً.. لكن حتى حكومة الإنقاذ فيها طرف خيــر الناس ما عارفـاه.
01-21-2016, 11:46 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
بالله ... والله انت فالح .. وده منو المسكين البخليك تضرب وتغادر ده ؟ ما اظن في زول تعك وتخرمج ومايرد عليك .. اذا كنت تنشد حقا فعليك بالمواجهة والمناقشة والحوار أما اسلوبك ده فهو أسلوب العاجز الضعيف عديم الفهم والحجة .. حاولت تطبق تكتيكك الفاشل ده في بوست افترعناه بعنوان (طالب جامعي سعودي يقدم رشوة لدكتور جامعي سوداني ) لكن للاسف فتكتيكك فشل وقد تصدينا له ورددنا عليك ردا احسبه كاف .تعال شوف الرد على عواستك عبر الرابط ده :
Quote: ما اظن في زول تعك وتخرمج ومايرد عليك .. اذا كنت تنشد حقا فعليك بالمواجهة والمناقشة والحوار أما اسلوبك ده فهو أسلوب العاجز الضعيف عديم الفهم والحجة .. حاولت تطبق تكتيكك الفاشل ده في بوست افترعناه بعنوان (طالب جامعي سعودي يقدم رشوة لدكتور جامعي سوداني ) لكن للاسف فتكتيكك فشل وقد تصدينا له ورددنا عليك ردا احسبه كاف
يا بني خليك هادي وواصل شغلك التنويري
التكاتيك دي للناس العندها مبدأ وموضوع مهم وعلى خطأ. وانت صاح. ____ بعدين مافي زول استهدفك، ولسة ما سردنا الباقي، انت بتعزل براك وتقول تكـتكني بدا؟
01-22-2016, 07:03 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: يا بني خليك هادي وواصل شغلك التنويري التكاتيك دي للناس العندها مبدأ وموضوع مهم وعلى خطأ. وانت صاح. ____ بعدين مافي زول استهدفك، ولسة ما سردنا الباقي، انت بتعزل براك وتقول تكـتكني بدا؟
والخرمجة العملتها في البوست حقي المشار اليه اعلاه ماذا نسميها ؟ صدقني انت ماخد مقلب بنفسك انت ماشي منفكو بدون اسلحة ولا تكتيكات مش تكاتيك يامتعلمين يابتوع المدارس .. قوم لمها
02-13-2016, 01:41 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
ناس الديش عندهم السلاح التقيل بيحتاج تسخين، فعندهم توصية بأنو سيد الرشاش الدوشكا أو القرنوف يفك طلقتين في الهواء تسخين ماسورة ولو فيها حاجة جوة تنضف. فمن هنا جات التسمية ، دي بقى فكرتها عمل ضجة بمعلومات شبه صحيحة أو استعراض أجوف ومرات كتيرة بتصدق إذا المستهدف ما واثق من نفسه، لكن الهدف الأصلي منها جس النبض، ودي لزول انت ما عندك خلفية عن إمكاناتو وعايز تختبر صلابته أو تعرف غرض البوست من بدري، أها الخطة دي فكرتها قائمة على إزعاج الخصم والتشويش على برنامجه وقطع حبل أفكاره في مرحلة مبكرة أو مباشرة قبل ما يدخل في الموضوع الحقيق المن أجلو فتح البوست.
السيناريو:
1 بوست لعضو جديد أو مجهول لديك الموضوع مجهول أو مزعج أو بدون قيمة. 2 بوست موجه لشخص باسمه أو لمجموعة هجوم على معتقد أو أفكار 3 بوست يهاجمك شخصياً تحرص هنا على البكور.
المتطلبات:
1 بوست غامض أو في موضوع مجهول بالنسبة ليك أو في غير مصلحتك وهدفك إما صاحب البوست أو عضو متداخل.
التنفيذ:
1 المداخلة الأولى خلي مداخلتك ضمن اهتمام المستهدف أو في موضوع آخر يهمه أو في نفس الموضوع لكن باستباق ما يرغب في الوصول إليه. 2 الخطة البديلة كوبرا، إذا لقيت فرصة وما حريص تواصل النقاش
النتائج المتوقعة:
1 المساككة إذا المسخن جاتو في الجلد فغالباً يسعى للثأر وحيبدأ في مطاردتك لتوصيل رسالة غاضبة. 2 الهياج هنا ممكن تسمع شتيمة ولعن حتى لو كانت دي أول مرة تسخن فيها زول وغالباً الرد حيبدأ بكلمة "يازول" أو "يا أخينا" 3 التجاهل ودا رد فاعل نادر لا تتوقعه إلا من الأعضاء القدام العندهم تقدير كبير لذواتهم.
الأسلوب:
1 كل الأساليب تصلح كل الأساليب دي بتنفع: ساخر، وعظ، فكاهة، استفهام.
النكهات:
1 تعتمد على المستهدف إذا عاد بالنذير أديهو واحدة تانية بنكهة دينية، إذا عاد بالنكتة غير الخطة سريع.
دي الخطة العامة لمداخلات المكايدات ومتوفرة بكثرة في بوستات المرحوم جادات
انت وحظك احتمال المستهدف عامل ليك اعتبار وفجأة يهينك أو يزوغ منك أو يتجاهلك
الخطة دي ما بتنفع مع البوستات العلمية أو البتطلب معلومات دقيقة، استفهامك أو محاولتك للتسخين قد ترتد عليك سخرية أو يساء فهمها، إذا كنت حريص على صورتك ابتعد عنها
02-13-2016, 02:55 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الريـال للناس المولودين بعد سنة 1985 عملة فضية قديمة كان الجنيه القديم أبو عمة بيساوي عشرة منها وهي حجمها تقريباً بيساوي محجر العين (عيون جيل هسة المخلوعات ديل)، تجدع ريـال في الهوا أو صامولة (معلومة ميتة) سيد الرزق بيجيك جاري حفيان ومصنقع قايلا ريـال جد جد، هو مصنقع فوق عندك خيارين، يا إما تلايسو في نفس المعلومة الميتة الجابتو، يقع لط على بطنو، يصحى يقول ليك غشيتني، تقول ليه آي غشيتك، بتريحو شوية، الخيار دا ينفع مع المستنيرين في الأدب أو المتعلمين في التطبيقات أو المتشددين في الفكر والمعتقد، أها الخيار التاني، وهو ناطي مصنقع للريـال انت تلبد ليهو تحت أول ما قام فوق تشيلو من تحت بالمفاجأة القانص ليهو بيها، ودا مع ناس المعلومات العامة والمسائل الجدلية، صلاحيتها مرة واحدة واحدة في البوست.
السيناريو:
1 عضو عامل ليك إزعاج الموضوع ما مهم لكن فيهو فرصة تجدع ليك ريـال لزولك. 2 عضو كايسو من زمان لغرض عضو خامل وما من السهل تلاقيهو في بوستات مناسبة لمهاراتك 3 عضو عايز توريهو العين الحمراء عضو عندك فكرة إنو قانص ليك أو انت خايف منو بلا مناسبة وعايز تبادر بالهجوم بدل الدفاع.
المتطلبات:
1 بوست عادي في موضوع عادي يخصك أو خلافه إذا البوست تبعك كدة حتشرد باقي الطير، إذا كنت ضيف يستحسن تعمل حساب سيد البوست.
2 بوست مخصص للغرض النوع دا من البوستات ما عندو أي قيمة لذلك حاول تتجاهل المداخلات البتجي بدون رغبة منك، ممكن فجأ يتحول لبوست مهم وتلقى نفسك مضطر تواصل فيهو بلا نفس.
التنفيذ:
1 المداخلة الأولى أجدع ليك معلومة أو سؤال ميت تظهر بيهو جاهل، واتعمد تعمل خطأ واضح تقدر تتملص منو بعدين أو اطرح سؤال إجابتو معروفة بطريقة استنكارية أو أذكر حاجة تساعد خصمك على الاستدراك والإسهاب. 2 الخطة البديلة مافي.
النتائج المتوقعة:
1 المفاجأة إذا المستهدف ما عمل حسابو فدي نتيجتها مضمونة من ناحية الظهور في الميدان قدامك والمفاجأة حتخليهو يعيد حساباتو. 2 الاستسلام عادة المستهدف بيظهر بالعدة القديمة وما بيكون محضر نفسو لذلك حيختفي فترة ممكن تحتفل فيها مؤقتاً
الأسلوب:
1 كل الأساليب تصلح أسلوبين: المسكنة والتاني النفخة، يا تتمسكن وتعمل فيها داير تتعلم، أو تنفخ في نفسك على أساس إنو انت الصاح.
Quote: فقط قل لنا لماذا تعتبر "مخالفيك" في المنبر "أعداء"؟؟؟
جاوبت عليهو بس باختصار لأنو مكانه ما هناك
في المداخلة التانية فوق، بينت الشروط وفيها إنو أي تكتيك من ديل بيفترض إنو الطرف التاني على خطأ.
إضافة لذلك التكاتيك دي ما هي إلا وسيلة لتنظيم الحديث، هسع لو عايز تقعد في اجتماع مش بتعمل أجندة؟ ولو الله وداك جلسة محكمة مش أي زول عاملين ليهو دور معين "يلعبو"؟
لو عايز تعرس مش بتخطط (أعاين ليها كيف وألبس ليها شنو وأعزمها وين، وكان قالت كدة أرد عليها بشنو) نان دي ما كلها تكاتيك يا أسامة.
دا واضح إنو سيده مركز على الإساءة لشعب جار من العنوان وللمحتوى والتفاصيل. والخطة هناك (كوبرا) وحتلاحظ الدخول اللطيف والهادي لكن في الأساس العنوان مستفز ومسيء.
الأخ صاحب البوست مع احترامي التام له ليس عدو بالطبع، لكن في اللحظة الأصر فيها على مواصلة الخطأ (من وجه نظري طبعاً) وجب الانتقال إلى خطة مناسبة، في حاجات ما صاح تتكرر يا أسامة ومنها الاساءة للشعوب ونحن أكتر ناس مكتوين بيها، الضرر هنا مزدوج وفادح وكان يجب معالجته في الحين.
أما استخدام الوصف "عدو" فهو مجازي يا أسامة، وما كل المداخلات بتطلب تكتيك إلا في الحالات الاستثنائية وغالباً بيتم التنبيه.
02-21-2016, 07:34 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
Quote: أما استخدام الوصف "عدو" فهو مجازي يا أسامة، وما كل المداخلات بتطلب تكتيك إلا في الحالات الاستثنائية وغالباً بيتم التنبيه.
يا حاتم قبلت كلامك، بالرغم انو بعض من سلوكك الاسفيري يجعلنا نؤمن أحيانا أنك فعلا تتعامل معهم كأعداء يجب سحقهم، والسخرية منهم، وتتفيهم، والتقليل من شأنهم واستخدام لغة تميل للعنف اللغظي والمخاشنة.
المهم ما تضيع ما حباك الله به من ذكاء.
أنت ذكي فعلا وعندك طاقة كبيرة من المرح، والإضحاك.
أرجو ألا تسخرها في النيل من "الآخرين" الذين لا يملكون ما حباك الله به من ذكاء ومرح.
أرقد عافية.
02-21-2016, 05:11 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
Quote: لو استفدت من زمنك وعلمتنا مانجهل من الموسيقي
والله كلامك صاح
هسع الناس دي كلها عيدت على أهلها وأنا قاعد أتحل من دا يجي التاني يتشربك فيني.
في الحقيقة انتو ما بتجهلو، انتو عارفين كتير بالفطرة (أي زول عارف) بس احتمال تكونوا ما عارفين التسميات المتعارف عليها في المجال وشوية ممارسة، لذلك بتبدو صعبة في البداية، دائماً أنا بعتقد إنو في أمور فطرية بس محتاجة شوية تنظيم ودا بيختلف من شخص للتاني حسب الوقت المتوفر والاهتمام وقليل من الرغبة في التحدي وخوض التجربة.
لكن ما تقلق، بوست الموسيقى هنا والمادة موجودة لكن محتاجة شغل ترجمة وتبسيط وإخراج، ودا ما ساهل والله عشان كدة الخطة حتاخد وقت لكن أنا ملتزم بيها. الموسيقىالموسيقى _____ أها، هنا واقفين وين، أظن باقي لينا الطايرة والبولو والمقشكة في الجزء التكتيكي
07-08-2016, 09:25 PM
على ابراهيم رفاى حمد على ابراهيم رفاى حمد
تاريخ التسجيل: 01-07-2013
مجموع المشاركات: 268
....تحياتي....تعرف ياحاتم سودانيزاونلاين دي بحر عميق ومتاهاتو كتيرة ،وفي ناس في المنبر كتبوا وكبوا عربي لحدي ماعرفوا حاجة ،لكن في النهاية اثروا السلامةفانت زول الحمد لله ربنا رفد عليك بموهبة وعلم ،والاستفادة منك مرجوة ،لكن اي موهبة اوعلم مامرتبط بالتواضع بكون خصم علي صاحبه وانا (احسبك) متمكن من علمك ،فالانكسار للعلم محمدة .
Quote: نضيف ليك يا حاتم تكتيك القراده قالت : انا والجمل مشينا جبنا العيش من القضارف
آي مر علي كتير، بس للأسف أنا ما بشتغل بيهو
لأنو تكتيك عاطلين، وشفتو شغال في البوست بتاع (في حسم حاتم)، القراد كان كتير، لكن الجمل ذاتو ما كان جمل شيل. _____ طلع جمل جري وسباق قهقري ساكت، قام حتاهو كلو
07-09-2016, 07:54 AM
الأمين عبد الرحمن عيسى الأمين عبد الرحمن عيسى
تاريخ التسجيل: 10-25-2011
مجموع المشاركات: 1680
صدقا أن هذا الشخص يعتبر التواصل الإسفيري نوعا من العبث الصبياني ومكايدة الآخر ، وعكننة مزاجه ، وتشتيت أفكاره ، ليحقق لنفسه نصرا كاذبا يفرح ويهلل له ويريد أن ينشر على الناس طريقته الفجّة ، ويدعوهم لاتباعها وأعجب ممن يصفه بالذكاء .. فكثيرون أصيبوا بما يمكن تسميته الذكاء المدمر .. وهؤلاء لا يمكن وصفهم بالذكاء إنما هم في حقيقتهم حمقى فهو يتحدث بفهم ( عليّ وعلى أعدائي ) ، ويحرّض الناس على أن يهرفوا بما يعرفون وما لا يعرفون ويستعدي كل محاوريه ويصطنع اختلافا في الرأي لا أساس له ، لأنه أصلا لا يملك إلا قناعات مهزوزة ويفتقر أبسط قيم الزمالة والصداقة وبنوة الوطن .. مما يجعلني أتخيله - ولا أستبعد - أن يعادي المعزين في فقيد من زملاء المنبر لأنه يريد أن يُعرف ويقال أنه محاور ، كما يطلق عليه البعض ... وهو في حواراته يصنع الرؤيا ثم يقف ضدها .. يتعمد الفهم الخاطيء ليثير الزوابع ولا يستطيع أن يتعايش في بيئة تفاهم وتواصل إنساني لا زعيق فيها لو كنت بكري ابوبكر لقمت بتطهير المنبر من كثيرين لا يستحقون عضويته .. فقط لمصلحة الناس في إعلاء قيم الحوار ...
07-09-2016, 10:31 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: ويفتقر أبسط قيم الزمالة والصداقة وبنوة الوطن .. مما يجعلني أتخيله - ولا أستبعد - أن يعادي المعزين في فقيد من زملاء المنبر
السلام عليكم، الليلة كيف بقينا؟
ودقاسم كيفك؟
طبعاً فكرة البوست دا هي نفس فكرة محطة الخدمة، أها، أنا فاتحو عشان الناس تجي تبرد المكنات بتاعتها هنا وتطلع البخار والهواء الحار من اللديتر وتنفس شوية فبديهم راحتهم عشان التبريد مرات بياخد وكت.
عشان كدة قلت أديك يوم كامل بعدين أجي ألقاك بردت وأطايبك، أها بتكون عايز تفهم الكركبة الفاتت دي كانت شنو، مش؟
أولا، الحالة الانت فيها دي اسمها (posthuomous spasms)، بالعربي (تشنجات ما بعد الوفاة) ودي بتحصل عادة بعد التعرض لعصرة بتكتيك أناكوندا، في الواقع أول مرة نلحظ أعراض بالشدة دي وما حصل سجلنا أعراض مشابهة.
لو تجولت في العنبر (المداخلات فوق عليك) حتلاقي ناس بظروف مختلفة ناس رضوض وناس كسور وباطنية وشلل أطفال وحتلاقي برضو مرافقين جو مع ناسهم وفي ناس جات للاستشارة، بنصحك تاخد جولة وتلف تشوف الحالات. _____ لأنو البشوف مصايب الناس بتهون مصيبته عليهو
07-10-2016, 06:26 PM
MAHJOOP ALI MAHJOOP ALI
تاريخ التسجيل: 05-19-2004
مجموع المشاركات: 4000
Quote: لو تجولت في العنبر (المداخلات فوق عليك) حتلاقي ناس بظروف مختلفة ناس رضوض وناس كسور وباطنية وشلل أطفال وحتلاقي برضو مرافقين جو مع ناسهم وفي ناس جات للاستشارة، بنصحك تاخد جولة وتلف تشوف الحالات.
والله انت اظرف شخصية في تاريخ المنبر
08-22-2016, 02:16 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الطائرة دي ياها ذاتا كورة البولي، أظن بيسموها طائرة لأنها مفروض (ما تقع واطة) لكن الغريبة ما ممكن تفوز فيها إلا إذا الكورة وقعت من خصمك في الواطة، منطق غريب، المهم، عادة الفريقين بتاعين الطائرة بيكون همهم كلو يرجعوا الكورة للطرف التاني بأشد أو أكتر طريقة تصعب عليهم المهمة، فيا يشوطوهم شوطان أو يرموها ليهم برااااحة في الحتة الفاضية أو يقوموا يركزوا على اللاعب الميت في الفريق ويملوهوا كور، في النهاية بتقع منو، أصلو ميت، الشاهد إنو الفريق الخصم حينجاط جوطة شديدة أول ما الكورة تجي في المربع بتاعهم وما يرتاحوا إلا يردوها.
يلا الفكرة في التكتيك مش إنك ترد الكورة لأنو دا الوضع الطبيعي وحتمشي وتجيك، أها كتكتيك يعني تقوم تشيل الكورة وانت ذاتك تمشي للخصم في مربعو وتلعب هناك، وبكدة الكورة حتكون شاغلاهو هو بس، ومربعك فااااضي، منطق مش؟
السيناريو:
1 بوست انت مزنوق فيهو يا إما الموضوع ما عندك ليهو زمن أو مافيهو فايدة. 2 مداخلات فيها مناوشة ليك وشاعر إنو الحكاية كترت ودايرة ليها حسم
المتطلبات:
1 بوست سيدو زايغ منو أو موضوع بيعمل ليهو كاروشة أو حتى لو ما عمل كاروشة بيشغلوا شوية لحد ما تشوف انت أعمالك المهمة هدفك هنا تفرملوا شوية أو كتير حسب الرغبة.
التنفيذ:
1 المداخلة الأولى خلي مداخلاتك جاهزة من البداية، مش الموضوع انت متمكن منو؟ راجي شنو؟ ما انت المهاجم، رص مداخلاتك وحضر نفسك لردود الفعل من بدري والكمدة بالرمدة. 2 الخطة البديلة بولو، إذا لقيت الخصم منتشر في مواضيع كتيرة.
النتائج المتوقعة:
1 الطمام فغالباً الضحية حيشعر بالحصار وبتأنيب الضمير في إنو هبشك في مغامرة ما كانت ضرورية، ما تحن عليهو لأنو مباشرة حيرمي الكورة في ملعبك في أول فرصة، تحرص إنك ما تمرق إلا مع صافرة النهاية 2 اليأس إذا الأمور سارت على النحو المطلوب ففي الشوط التاني حتلقى نفسك مرتاح، تضقل وتلعب براصك وبالكعب وببطنك ذاتا 3 الأرق والعرق غالباً ماحيكون في نوم للطرفين، لكن عزاءك إنو انت لاعب في أرض الخصم.
الأسلوب:
1 أسلوب رهبان التبت، ناس الدلاي لاما خليك وقور ومتريث، تتأكد من مقدرتك على إدارة البوست وتحفظ هدوئك لأعلى درجة، وتسردب لأنك حتسمع الكعب وتحس بالتعب، وزولك دليهو براااااحة من راصك الطلع فوقو.
النكهات:
1 دي مليانة نكهات وحسب رغبتك فإذا كنت متمكن من الموضوع تقوم تخت النكهة الداير تشمها، نجض خصمك حسب طلبك، شوف انت داير تطلع منو ريحة شنو وخليهو يستوي على راحتو.
النماذج العملية:
1 الروبوت الخطير والزراعة بالتسطير الروبوت الخطير والزراعة بالتسطيرالروبوت الخطير والزراعة بالتسطير هنا الوجبة كانت أخينا محمد مختار، عمل لي سافوتة في موضوع القمر وقعد يستعرض يكتب مداخلة ودايرني أرد عليهو هسع ناو، أها مشيت عليهو في ملعبو، والحصل بعد داك مجرد تاريخ (the rest is just history)
الملاحيظ:
الخطة دي فيها ضياع زمن كتير لكن بتريحك أقل شيء شهر شهرين
البولو لعبة البرجوازية، بلعبوها بالحصين وعندهم مضارب طواااال كدة زي الشواكيش، لعبة غريبة، مش عادة في اللعب بتتحرك الكورة؟ زي ما بيحصل في كورة القدم والتنس والطايرة؟ هنا في البولو بيتحركوا الناس والكورة ثابتة، يعني الكاميرا بتجيب ليك الكورة ثابتة في الواطة وفجأة تشعر بزول غرفها كف واختفت من الشاشة، بعد شوية يكبروا ليك اللقطة حتان تشوف دا منو الكفتها دا ههههه، نفس التقنية بتاعة تصوير لقطة صيد السمك في فيلم (Castaway) توم هانكس، Track-out.
دا نفس الشعور بتاع المتابعين لزولك في البوست، بكونوا مركزين معاهو وفجأة يشعروا بيهو انطق من جهة غير معلومة، طبعاً هي معلومة بالضرورة، تصلح مع شخص متوسط القدرات لكنه قصير الذاكرة أو لا يصبر على البحث والتمحيص ويفتقد الدقة في الوصف، وتعتمد على اقتناص فرصة وجوده القصير، تديهو الطقة وتخليهو يمشي في الاتجاه الانت عايزو، ما ضروري تواصل معاهو، تأثيرها متوسط ويجب أن تستغل بحيث لا يغضب الشخص لأن الغرض هو أن تكرر الضربات في أوقات متعددة.
السيناريو:
1 بوست في موضوع متكرر ومسيخ نوع البوستات العندها اتجاه واحد ديك وكل أسبوع تلقاها في وشك ومافي جديد. 2 البوستات النرجسية أها دي بوستات في موضوعات متغير، لكن من تاني مداخلة تحس بأنو سيدها قاصد نفسو، دا الذكرى بتنفعو، لو مؤمن 3 البوستات الغريبة نوع البوستات البتحس بأنو سيدها الله ما قسم ليهو فهم للدنيا، دا طقو بلا خوف.
المتطلبات:
1 بوست من النوع المذكور أعلاه وهدفك تدي صاحب البوست مذكرة.
التنفيذ:
1 المداخلة الأولى هي طقة واحدة مافي غيرها خليها خفيفة لكن جادة عشان تحركو من هنا لهنااااااك، بيلقى ليهو زول تاني يطقو برضو. 2 الخطة البديلة التسخينة، إذا أبى يتحرك معاك من محلو.
النتائج المتوقعة:
1 الهياج البطيء المطقوق حيبدأ يتفاعل من الضربات ويسخن شوية شوية لحد ما تجي لحظة يقوم يبُق فجأة، مش الزناد مرات إلا تحكو كذا مرة؟ أها دا نفس الشيء، ما تدخل هنا خليهو، البركان برضو بيهيج وينفس عن دواخلو، ما انت كمان غلطان، أكضب عليك؟ 2 بوستات الرد بتقوم الصباح وفجأة تلقى بوست باسمك وغالباً حيتلموا فيك زي سمك البيرانا (أو البيراكودا) أي واحد داير ينهش قطعة منك 3 الكيد الرخيس في شغل حيتعمل تحت تحت، يعني حشد وشكاوى سرية ضدك أو ربما استفتاء لكشف شخصيتك أو تهديد باعتبارك إرهابي، وارد جداً.
الأسلوب:
1 كل الأساليب تصلح كل الأساليب دي بتنفع: ساخر، وعظ، فكاهة، صرامة.
النكهات:
1 دي نكهتها واحدة بطعم النجيل الأخضر.
النماذج العملية:
1 للأسف مافي حاجة فريش حالياً، لكن القائمة المعروضة قدامي فيها أول اتنين الشغيل وأسامة لكن بتذكر بوست اتفتح باسمي لغرض حسمي للأبد واتقفل بسرعة الظاهر عدتي كانت جاهزة للخطوة دي.
2 الحاقد : حاتم ابراهيم يعلن كفره وجهله الحاقد : حاتم ابراهيم يعلن كفره وجهله , وجب عليه الاعتزار الحاقد : حاتم ابراهيم يعلن كفره وجهله , وجب عليه الاعتزار دا واحد مهووس داير يبقى رئيس الجمهورية، زندية ساكت، اليبقى، لكن ما ممكن يبقى سيد زول كلو كلو
الملاحيظ:
يفترض ما تتواجد في مسرح الجريمة ابداً بعد الطقة، شوف ليك موضوع تاني
اتوقع إنو بعد عدد من الطقات يتفتح بوست باسمك، أوعك تخش فيهو لأنك ببساطة حتثبت الجريمة عليك إلا إذا ضامن إنو موقفك قوي
أعمل فرقات زمنية مناسبة حسب نشاط "الكورة" المهم تخلي زولك يتلفت ذات اليمين وذات الشمال وأي ذات أخرى الوقت كلو، دي الفكرة.
المقشطة عند البنايين حاجة كدة بيحكوا بيها البوهية الما عايزينها وعند الميكانيكية آلة زي المخرطة لكن بتشتغل على الحديد في خط مستقيم وبتشيل الحديد الزائد لحد ما يصل لتخانة معينة. في السودان ناس الحلويات بيغرفوا بيها الباصطة، هي ذااااتا، بعد ما يغسلوها بعدين بتنضف براها وتلمع من كتر الغرف ومرات بتلقاها اتأكلت من قدام بسبب الحككان الشديد مع صواني الباصطة، الحديد الرايح مشى وين الله أعلم، جنكم باصطة مرات بيسموها الاسكريبة، أها، هنا لو عندك بوست متابعو وشايفو مهم وجا واحد مزعج ومصر يتداخل بالعندو (والماعندو) عشان يغير المسار أو يمرر فكرة خاصة بيهو أو عشان يظهر ساكت زي شارلي شابلن في الفيديو التحت دا تقوم تقشطو، تشيلو من البوست جَف، شيلة التالول من الجلد، تاني ما بيظهر.
السيناريو:
1 بوست لموضوع مهم ومركزي يهم الأغلبية يظهر في نصو شخص مزعج لا يدري أنه يحرف الموضوع. 2 بوست مسخن فيهو نقاش حار أو مواجهات لكن الكل يناقش بطريقة منطقية وفي فوائد من النقاش في جميع المراحل، ما عدا واحد
المتطلبات:
1 بوست مسخن أو في موضوع نشط وهدفك عضو متداخل.
التنفيذ:
1 المداخلة الأولى (الضربة) خليها سريعة وحاسمة وعنيفة ومباغتة لأنو لو اتراخيت الخصم حيجي راجع دمو فاير وتبقى معركة جانبية وتكون بوظت البوست وما حتعرف تنهي المعركة وغالباً يتدخل سيد البوست لتوبيخك وما أظن في زول حيقيف معاك كلو كلو بل تبقى وبال عليك 3 الخطة البديلة مافي، الخصم من النوع دا زي ديك العدة فلو مقشطتك ما سنينة أخير تخليهو يرتع لو ما كنت واثق إنو القشطة حتخليهو يختفي.
النتائج المتوقعة:
1 الصدمة والترويع المقشوط غالباً يشعر بالمفاجأة ويحس بأنو لأول مرة بأنو الناقصو كتير وما صاح يدخل نفسو في المواضع المشابهة.
الأسلوب:
1 أسلوب واحد صارم وجاد.
النكهات:
1 دي مافيها نكهات لأنها بتعتمد على السرعة.
النماذج العملية:
1 دى شنو كمان حكاية تعديل القرآن دى؟ Re: دى شنو كمان حكاية تعديل القرآن دى؟Re: دى شنو كمان حكاية تعديل القرآن دى؟ هنا المكشوط منتصر جا يلاطع ساكت ، فكشطناهو فقعد لنهاية الموضوع، يعاين ساكت
الملاحيظ:
المقشطة عادة بتكون مع زول لا يرجى منه وما عزيز عليك، لكن أعمل حسابك لو ما بتعرفو قبل كدة احتمال الكورة تجيك صادة وتنقشط انت
أعمل حساب إنو القشطة تكون في الموضوع الجانبي الابتدرو المقشوط، لأنو لو قشطتو في صلب الموضوع حتفتح باب جانبي انت ذاتك ويلموا فيك جماعة المقشوط
الخطة دي ما دايرة كلام كتير، تشتغلها زي الكوماندوز عملية برقية خاطفة، شيلو برة، اختفو حي أكلو ني.
08-29-2016, 10:20 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
أها، قبال ما نمشي على الخطط الاستراتيجية داير أكشف بعض التقنيات، طبعاً القصد من التكاتيك مش تخريب البوستات أو الانتصار، بل وسيلة لتسيير النقاش وحسمه بشرط تكون على حق، يعني إذا قررت تستخدم واحد منها للاعتداء غير المبرر فغالباً ما حتنجح.
العبارات زي (I am a banana) و (comprendes) و (hallelujah) ديل عندهن غردين، الأول قفلات والقفلة تفاصيلها تحت، أما الغرد التاني فهن بيشتغلن مفاتيح للبحث، يعني (anchors) بلغة ناس الكمبيوتر، المنبر دا ما بيصنف المواضيع، ملجة ساكت، فلو عايز تبحث عن مداخلة فانت في الواقع حتلقى نفسك بتبحث في كل البوستات الاتجمعت لعشرة سنوات أو اكتر، فالجمل القصيرة دي بتساعد في تحديد المداخلة المعنية وكل واحدة ليها مدلولات على نوع الموضوع.
أها، نجي لتصميم المداخلة، المداخلة عادة فيها ترويسة وبطن وقفلة، الترويسة دي بتعتمد على الموضوع انت عايز تركز انتباه منو أو عايز تشتت انتباه منو، البطن فيها الرد، أما القفلة دي فبتشتغل عكس الترويسة تماماً، يعني لو ترويستك كانت سؤال فالقفلة مفروض تكون إجابة السؤال وهكذا، بكدة مداخلتك بتكون صامدة ومكتفية (encapsulated).
أها، من التقنيات في المواجهات، ما تسأل خصمك سؤال ممكن يلقى فيهو فرصة الرد لصالحو، فلو ما متأكد من نزاهتو فهو ما حيقيف معاك ضد نفسو، منطق مش؟ يعني سؤال زي دا ما تسألو (يا فلان الحاجة ديك صاح ولا غلط؟) ، بل جاوب انت وعلل مباشرة، وما تدي خيارات إلا يكون كل خيار أكعب من التاني، وما تجاوب على سؤال إلا في الحدود الما بتسمح بسؤال لاحق بعدو، أو إذا سألت فخلي سؤالك إجابته من البديهيات الما ممكن يختلفوا عليها اتنين.
في التعليل دائماً ابني على راحتك، الطوب الكبار تحت والصغار فوق، يعني ابدأ بالحقائق المطلقة حتى لو كانت مضحكة وبالتدرج اضف ليها الحقائق القابلة للنقاش، دا بيخلي محاورك يضطر يجاريك وكلامك حيظهر مقنع للجميع.
ابتعد من المفردات الظنية، ما تقول اعتقد أو أظن أو احتمال أو غالباً إلا إذا كانت لحقيقة لا تقبل التغيير، دا بيضيف صيت أو (tone) لكلامك يخليهو كأنو كلام خبراء.
آخر حاجة، لو الموضوع طويل فما تمرق الحقائق كلها، خلي باقي ملاح في الحلة لتاني يوم، وأوهم المحاور بأنو دا ياهو حدك بأنك تديهو لكزة، بتكتيك التسخينة مثلاً أو الريـال، ودي تطبيقها دائماً ضروري في سرد النقاط، اسرد النقاط الما مهمة وأمسك عليك أهم مجموعة لتاني يوم.
_____ باقي لينا الاستراتيجيات.
08-31-2016, 08:03 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
الميز خطة تحدي من الدرجة الأولى والمواجهة فيها فردية والفكرة استدراج الخصم وتوفير جو صحي للنقاش مع وجود تحديات دائمة، تصلح مع شخص متحمس يميل للتحدي لكنه متعجل ويجيد مناقشة المواضيع بنهج انفعالي أو سطحي متسرع، الميز عادة بيجي مصحوب بالطواحين حسب المطلوب، أها الطواحين ديل تشغلن للضيف عشان ما ينوم كرو كرو كرو تجك تجك تجك ودي التحديات المقصودة بخلاف الموضوع الأصلي، فمرات بيكون الموضوع خلافي لا يمكن الوصول فيهو لنتيجة حاسمة، فالطواحين فايدتا إحراز نتائج سريعة أثناء النقاش.
الميز برضو فيهو ميزة تفضيلية، عادة بيجي معاهو منولوج مجاني هدية للضيف، ولا مشاحة في التكرم بأكثر من منولوج لكن نصاب المنلجة واحد لا ينقص ولا باس بأن يزيد.
السيناريو:
1 بوست يحمل كمية من التناقضات في موضوع محدد سياسي أو عقدي أو علمي وسيدو ما داير يقدم طرحو بطريقة واضحة. 2 مناوشات طالتك في موضوع يخصك فتحت بوست وصادفت مصاعب تحاول النيل منك أو هز ثقتك في نفسك عن طريق اتهامات موجهة ليك شخصياً 3 عضو عامل شوشرة دا واحد طالع للناس فوق راسا ومصر يشرع وينظر.
المتطلبات:
1 تفتح بوست وتجيب زولك بالدعوة المباشرة الموضوع من اختيارك حسب السيناريوهات الفوق.
التنفيذ:
1 المداخلة الأولى تتوقف على حسب طبيعة الخصم، مرات بيكتفي بالمتابعة لحد ما تضطر تجيبو بتكتيك الريـال مثلاً أو إذا كان انفعالي وجه تحدي مباشر. 2 الخطة البديلة إذا ما جاك في الميز، اشتغل معاهو بولو في النهاية بجيك داخل الميز براهو.
النتائج المتوقعة:
1 التوبة النصوحة الميز وسيلة مكشوفة للتحدي فلذلك حسم الضيف وركونه للسلامة متوقع. 2 الانهيار في المواضيع العقدية والعلمية عادة بيحصل انهيار بالذات في الأمور التخصصية 3 الوطوطة التشتيت وارد في مراحل متأخرة من الميز وبالذات ساعة الحساب.
الأسلوب:
1 حسب الضيف في الإمكان مواجهة الضيف بنفس أسلوبه في تشغيل الطواحين، لكن بالنسبة للموضوع الأساسي الجدية أفضل.
الأناكوندا أفعي ضخمة تعيش في حوض الأمازون، كبيرة شديد، قول 10 أمتار تخينة زي ماسورة الصرف الصحي عشرة بوصة، ما بتعضي لكن بتتلف في الفريسة وتعصرها، بتكسر الضلوع وتكتم النفس، بعدين تبلعها جُب. الخطة على النمط (واحد - لواحد) وتنفع مع شخص يعتقد بأنه متمكن من مناقشة الموضوع لخلفية يظنها كافية أو يعتقد في أهليته لذلك أو يكون فعلاً بالتأهيل المطلوب لكن يعجز عن التوضيح أو يظهر خلل في طريقة بيانه للأفكار.
تبدأ بجذبه بسؤال سهل لكن يمكن أن يتشعب بسرعة، ثم يتم إدخاله بسرعة في دوامة من الأسئلة لا تنتهي إلا بتعريته تماماً من أي معارف بدأ أنه يحاول إيهام الناس بأنه يدركها.
السيناريو:
1 بوست لعضو فاكيها في روحو أو انت شايف إنو حيفكها في روحو قريب.
المتطلبات:
1 بوست مسخن أو في موضوع نشط وهدفك إما صاحب البوست أو عضو متداخل.
التنفيذ:
1 المداخلة الأولى أعمل البداية بتاعتك بهدوء ووقار وحاول توحي للخصم إنك ملم بالموضوع لأقصى حد،حيبدأ الخصم ينتبه لوجودك ويفك الفي يده ويركز معاك، أول ما تجذب انتباهو ابدأ افتح مسارات النقاش على واسع، كل ما يتبين ليهو إنو فهم الحاصل افتح باب جديد وسراديب. 2 المداخلة التانية دلوقتي ابدأ العصر من هنا، وسع الموضوع وحاول توحي للخصم إنو لسة ما قال حاجة مهمة وكل ما تشوفو قرب يصل افتح ليهو مسارات جديدة واستفيد من الأخطاء الحتحصل. 3 الخطة البديلة الميز، إذا اتداخلت وشعرت بأنو في فرصة للاستفراد.
النتائج المتوقعة:
1 إنهاك شديد المعصور بيكون متضايق من البداية وغالباً يحاول التملص أو يتخارج بدري. 2 الهروب أناكوندا استراتيجية يختلط فيها الصحيح بغيره، لذلك إذا انطلت مظاهر الهجمة الأولى على الضحية فالهروب سلوك متوقع. 3 Convulsive syncope اسمها بالعربي "ارتعاشات العصرة" ودي بتحصل إذا الفريسة أفلتت، لكن إذا تمكن من العصر بطريقة صحيحة فالموضوع بينتهي إلى ما يعرف علمياً (posthuomous spasms) ودي شرحها في مداخلة فوق.
الأسلوب:
1 أسلوب الوقار والتريث أسلوب المحاتما كاندي، المسايسة والسواقة البراحة.
البلياردو لعبة فيها طربيزة عاملة زي الحوض وفيها كور كتيرات كدة بيقوم اللاعب بيلكزهن بعصاية طويلة عشان يرميهن في حفر أربعة في الأركان، العصايات بتاعات خشب خفيف، عشان لو الشكلة دورت مافي زول يتعوق من الكبع. أها، الخطة بلياردو بتختك مباشرة في موقع قيادة البوست، دا لو جيت بدري فهي خطة على النمط (واحد-لمجموعة) بتفترض إنو المجموعة عاملة تخطيط واتفاق مسبق، الخطة دي دايرة تخطيط حذر ومتابعة، وبتبدأ بلكزتين سريعات بعدهن جمة، لأنو بعد الرصعتين في غلة فرز أول تجمعها وتلمها، وتراقب الموقف، الجماعة الباقين لو منظمين حيتلموا في جنبة واحدة زي الجداد السكيتو، ولو ما مرتبين بتفرزعوا زي كور البيليارد، أها تعمل حساباتك وتشوف الهدف التاني منو، إذا في ترميهو في حفرتو كُرب، إذا مافي ترجع للغلة وتجي براحة تستعدل الطربيزة بتاعتة البوست، استعدلتها، تقبل بعد داك على الكور الصغار صغار تلاقيهم أي واحدة في اتجاه، ترميهم كل كورة في حفرتها كُرب كُرب، بعدها تغطي التربيرة وتفوت.
السيناريو:
1 بوست مدبر للوصول لغرض معين بجمع الناس. في الدين أو السياسة غالباً 2 بوست مقصود لغرض غير المبين في عنوانو مكتوب بطريقة الموارة مثلاً أو في موضوع تراه غير مهم 3 بوست للحشد ضد شخص معين اتريث هنا قبل ما تدخل لحد ما تعرف الغرض شنو.
المتطلبات:
1 خش بدري قبال الوصول للنتيجة وشوف مراكز القوى وين.
التنفيذ:
1 المداخلة الأولى (الصدمة) حدد الركيزة المهمة في البوست وأديها كبعتين سريعات أو واحدة قوية وأمرق سريع (عشان العويش والرصاص ما يملاك) وانتظر شوية، حيحصل هرج ومرج وأي واحد حيتحرك في اتجاه مختلف، زي كور البيلياردو بالضبط، ركز على الكور الكبار أو الثابتة في محلها وانتبه للمنتجات العرضية الحتطلع برد الفعل الأولي، دي غلة فرز أول لمها وخليها. 2 المرحلة التانية (التخطيط) ابدأ بدراسة ردود فعل العصبة. هنا حتظهر ليك الحقائق ومدى صلابة البوست، مع الفرتيقة الأولى أدرس بعناية أي كورة مشت على ياتو اتجاه 3 المرحلة التالتة (الهجوم) ركز مع الخصم الأهم وسوقو قدامك وما تتلفت للباقين بالمرة، وصلو محل كويس وخليهو يرتاح وارجع ناوش الباقين، إذا وزعت مجهودك على الجميع فغالباً حتدي الخصم الأول فرصة كبيرة وزمن يستجمع فيهو أطرافه وفي الحالة دي الباقين كلهم حيرجعوا وينهشوك، دائماً خلي الكورة الكبيرة قدام عينك. 4 الخطة البديلة الميز، لو لقيت فرصة.
النتائج المتوقعة:
1 الشلل والدروخة غالباً ينتهي الموضوع إلى لا شيء بالنسبة لهدف البوست إذا كان مبني على لا شيء 2 المساككة والتآمر مية المية حتلقى المجموعة شغالة تخطيط للمواجهة وغالباً حيطاردوك في أي بوست تاني
تصلح مع شخص متحمس يميل للتحدي لكنه متعجل ولا يجيد سوى مناقشة المواضيع بنهج متكرر، هنا تتمهل للضحية وتقنطرو، أول ما تطمئن، تلفخو، واااحدة، يطير يقع وين ما معروف وتاني ما بيتشاف، هنا تختار المضرب المناسب، وتركز شديد وتقيف صاح قبل اللفخ، لأنك لو جليت الكورة كرضمة المضرب حتجي في عضم الشيطان بتاع الشمال.
استخدمت الغولف مرة واحدة مع المدعو (م.ع) فتحول تلقائياً إلى ربوخ، لا تكاد بطنه تختفظ بشيء مما فيها بمجرد رؤية اسمي الرنان. _____ بذا تنتهي حلقات الموسم.
وأسمحوا لي استعرض نوع جديد من التكاتيك غير المجازة عندي، لكن نوردها للفائدة العامة، وأعني تكتيك (المعايرة).
مرحب بالاتنين الليلة وين! أخدو راحتكم (والصحيح عند العرب "خذا" عشان أوساموس ما يتحسس) سبق وتم إعلان البوست دا عيادة وورشة للتبريد، لكن الأعمال ازدهرت فممكن (تنوما) باعتباره جناح (باطنية) عنبر شلل الأطفال فيهو مكان واسع
لكن ناس البلاغرا الجونا مرتين ديل أخير يتوجهوا على الكرنتينة.
وبالمرة تحضروا معانا افتتاح الباقة الدهبية (من سرايركم).
09-15-2017, 08:54 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20885
يا راجل بقيت حساس كدة مالك؟ هههههه احتياجاتنا الخاصة هنا غير شنابر وشكبزورات وفي ناس تغيير عادم وفي ناس عمرة راصا عديل انت ما شايف فوق قلنا البوست دا للتبريد؟ الظاهر المقارنات وكشف التناقض أكل جمباتك الاتنين ههههه
أها، خمن بذكاءك الفطري أول بوست لي كان شنو؟ أنا عارفك مدردح وبتشغل مخك كويس.
09-28-2017, 08:50 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20440
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم إبراهيم
Salah Zubeir
أبوبكر عباس
الصادق اسماعيل
هاشم احمد ادم
Abureesh
ناذر محمد الخليفة
عرفات حسين
عباس الدسيس
osama elkhawad
عزيز
Hassan Makkawi
ABUHUSSEIN
عبدالعزيز الفاضلابى
talha alsayed
الأمين عبد الرحمن عيسى
ودقاسم
Sayed Ibrahim
MAHJOOP ALI
محمد حيدر المشرف
فيس بوك
تويتر
انستقرام
يوتيوب
بنتيريست