|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: Kostawi)
|
Quote: الأخ أو الإبن أو الأب هشام عباس (take one of them) أوعدك حا أحاول أعمل ليك شريط خطير جدا أمام البيت الأبيض و كمان الكونغرس الأمريكي و مكتبة الكونغرس بس أعفيني من أوباما الزول طلع أي كلام تصدق ما جاب سيرة أهلنا في دارفور/جبال النوبة/النيل الأزرق/كجبار في خطابه اليوم بتاع ال State of the Union
طلع زول عنكوليب فخ ساكت بعد وعودو الختاها في الإنتخابات عن مشكلة السودان و كيفية حلها |
هههههههههه بعدما وصلنا عمر ال36 بقت كل حاجة مقبولة ممكن تعتبرنى جد كمان ههههههههه بالله عليك اوباما دا تعمل ليه بوست براهو ما تخرب لينا مزاجنا انا اصلا الزول دا رامى طوبتو من زمان واضح اننا اصبحنا رقعة منسية طالما الدول لا مصالح تدافع عنها فى السودان فهم لا تهمهم الانسان بل مصالحهم هم فقط والا ما معنى ان يتفرج العالم على 25 سنة من المذابح والمجازر والابادة والتهجير ابتداء من جنوب السودان الى دارفور وكردفان وكل رقعة فى السودان ومع اول قطرة دم سالت فى ليبيا وسوريا ومصر رأيناهم يزبدون حقنا لو ما جبنا بايدنا العالم دا ما منو رجا تحياتى
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: ايمن الصادق)
|
انت كنت سائق سيارة مارسيدس ، صاح ، ................,,,,,,,,,,,,,...............
وكيف عرفت انه سايق سيارة مرسيدس وبعدين هو في سوداني في امريكا عنده سيارة مرسيدس؟؟؟ إلا يكون عضو في الكونغرس الأمريكي .. وشكرا كوستاوي لهذا الصوت الروعة .. حنان النيل .. فالصوت كله حنان كاسمها.. وعظمة يا ست حنان والله يديكم الصحة والعافية
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: مصطفى الجيلي)
|
Quote: وبعدين هو في سوداني في امريكا عنده سيارة مرسيدس؟؟؟ إلا يكون عضو في الكونغرس الأمريكي ..
|
اختنا اميرة ...
أحيانا استغرب جدا لبعض مداخلاتك ...
ودي واحده منهم ...
يعني شنو ما يكون في سوداني راكب مرسيدس في أمريكا ؟
و ليه التعميم ...؟ الناس فترانة للدرجة دي ؟
ده من جهة ...
من جهة تانية انتي الليلة ممكن تنزلي مرسيدس 2015 سي كلاس او غيره بي 250 دولار في الشهر !!!
لكن لقيت نظرتك للسودانيين صعبة خلاس ... :) __________________________________ تحياتي نصرالدين هجام ...
و حلاة حنان النيل في الليل ...
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: يحي قباني)
|
عزيزي يحى ود قباني
اولا انا ابدا نظرتي ما صعبة للسودانيين لسبب بسيط جدا وهو انني سودانية حتى النخاع.. وبالمناسبة انا بركب سيارة مرسيدس كل يوم تقريبا ..مش عشان انا عندي عربية مرسيدس لان صديقتي والتي تسكن معي في نفس الغرفة عندها سيارة مرسيدس اخر موديل S450 -SUV وهي لا زالت طالبة في الجامعة وبتدفع اقساط شهرية 190 دولار فقط وبتدفع كمان 250 دولار شهريا ايجار parking lot ولكنها تدفع ايضا غرامات للشرطة متوسط 300 دولار شهريا....ودي الحالة هي طالبة وما شغالة.....يعني الناس الشغالين زي ناس كوستاوي مفروض يكونوا راكبين رولز رويس وانا لمن رديت لود الفحل ما كنت قاصدة الجدية في الرد ولكن Im only kidding وابدا لم اقصد ان السودانيين فترانين ماديا لانني اعرف ان السودانيين في امريكا يعملون بجد واجتهاد ومنهم من يعمل 18 ساعة في اليوم ولا تجد ابدا اي سوداني عاطل عن العمل.... ~بس الحاجة المستغربة ليها استغرابك من بعض مداخلاتي ..وان شاء الله تجيب لينا. عينة منها... واذا لقيت صاحبتي صاحبة المرسيدس هي الكاتباها تاني ما حتكتب هنا.. والله يديك الصحة والعافية
واذا لقيت هناك في اخرين فهموا مداخلتي بان نظرتي صعبةىللسودانيين فسوف اقوم بشطبها
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: عزالدين عباس الفحل)
|
Quote: ~بس الحاجة المستغربة ليها استغرابك من بعض مداخلاتي ..وان شاء الله تجيب لينا. عينة منها... واذا لقيت صاحبتي صاحبة المرسيدس هي الكاتباها تاني ما حتكتب هنا.. والله يديك الصحة والعافية
واذا لقيت هناك في اخرين فهموا مداخلتي بان نظرتي صعبةىللسودانيين فسوف اقوم بشطبها |
ما تختي في بالك كتير يا بتنا ...
انسي ما قلته ... لانو مامهم استغرابي يكون شنو ... فما استغرب له انا قد يكون عادي جدا لكل الناس ...
ليس لعيب فبهم او فيني ... ولكنها وجهات نظر فقط ...
فما عليك ... ده بوست وناسة و غُنا ... خلينا معاهوا افضل :)
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: Deng)
|
سلامات يا أميرة السيد
Quote: وكيف عرفت انه سايق سيارة مرسيدس وبعدين هو في سوداني في امريكا عنده سيارة مرسيدس؟؟؟ إلا يكون عضو في الكونغرس الأمريكي .. وشكرا كوستاوي لهذا الصوت الروعة .. حنان النيل .. فالصوت كله حنان كاسمها.. وعظمة يا ست حنان والله يديكم الصحة والعافية
|
لكن ما ضغتي شديد على السودانين! هههه علشان بس ندي الناس حقهم. خلاف الصديق العزيز كوستاوي، أنا عندي أربعة أصدقاء سودانين يمتلكون سيارات مرسيدس ، أتنين منهم S Class
بعدين لا أعتقد أن أعضاء الكونجرس يفضلون السيارات الأجنبية، وهم في منصبهم. لأنو ده بيعطي إشارة سالبة بالنسبة للناخبين.
Quote:
وبالمناسبة انا بركب سيارة مرسيدس كل يوم تقريبا ..مش عشان انا عندي عربية مرسيدس لان صديقتي والتي تسكن معي في نفس الغرفة عندها سيارة مرسيدس اخر موديل S450 -SUV وهي لا زالت طالبة في الجامعة وبتدفع اقساط شهرية 190 دولار فقط وبتدفع كمان 250 دولار شهريا ايجار parking lot ولكنها تدفع ايضا غرامات للشرطة متوسط 300 دولار شهريا.
|
أميرة أنتو ساكنين في الجامعة ولا شنو؟ لأنو لا يعقل لشخص يقود سيارة مرسيدسSUV ويكون عندو Room mate ! وإيجار الكراج بيوضح أنتو فعلا ساكنين في جامعة. لأنو ده مبلغ كبير جدا. بعدين أعتقد أنك بتقصدي ماركة السيارة GL-450 أو ال G-class وليس ال S450، لأن المرسيدس SUV بيجي في ML-Class أو ال GL- Class و ال G - class فقط. أما الغرامات دي لو كانت Moving Violations كان رخصتها أنسحبت من زمان.
لكن من كلامك ده واضح جدا أنها طالبة من دول الخليج.
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: عزالدين عباس الفحل)
|
عزيزي دينق تحية عطرة
الظاهر عليك انت خبرة في العربات .. وكلامك كلع صحي اما بالنسبة لصديقتي الصدوقة فهي بسمات الشيخ عبد الرحيم وهي كان في امكانها تسكن في فندف ولدروف استوريا البينزلوا فيها الملوك والرؤساء .. وطبعا انت عارف رسوم المبيت في جناح في هذا الفندق في ليلة واحدة 10 ألف دولار ( وان شاء الله ما تصدق انها كانت حتسكن بالصحي في ولدروف استوريا).. ولكنها فضلت تسكن معاي فقط لسبب الصداقة المتينة التي تربطني بها.. وبالمناسبة هي بتدفع رسم دراسية في الجامعة 52 ألف دولار في السنة( آي والله صحي 52.000 دولار بالتمام والكمال
ولازم تعرف انها ما من بنات الخليج وابوها ما من كيزان النظام الحاكم الذين يلغفون قروش الشعب بالنهار ولالليل لكن عصامي وكون ثروته بالجد والعمل .. وخيلانها في السعودية وابو ظبي ايضا بمدوا ليها يد العون من وقت لاخر.. ( الليلة يا بسمات شيلي شيلتك حأنشر كل غسيلك الأبيض الناصع هنا)..
ويا دينق اذا البنية دي زعلت مني انت حتكون السبب( وجه ضاحك)... وكل ده عشان اقنعك باني ما ضغطت ابدا على السودانيين .. وجبت المثال ده عشان اوضح بان السودانيين يعيشون احسن عيشة في امريكا.. والله يديك الصحة والعافية
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: اميرة السيد)
|
Quote: فما عليك ... ده بوست وناسة و غُنا ... خلينا معاهوا افضل :) |
.............,,,,,,,,,,,,,...................
عزيزي ود قباني
طبعا طبعا يا ود قباني.. وطبعا كمان حأقول ليك سر.... لمن جيت اكتب في بداية عضويتي في هذا المنتدى الاسفيري الرائع كانت عندي حساسية شديدة ضد اي انتقاد وكنت كل خاجة باخدها بالجد واحرد من الكتابة اكون زعلانة لمدة اسبوع .. وشوية وجدت دعم ومساندة من اخوة افاضل ، ومنهم قريبي ود القاضي، وبعد ده بقيت آخذ الأمور ببساطة واتعودت على الكتابة وسط هجمات شرسة ولم أعرها اهتماما كثيرا... ووجدت ناس سمحين بالحيل بلوموا بعض في اسلوب جميل جدا وعجبني شديد اريحيتهم في الكتابة وفي التعبير ووجدت الكثير هناك ولذلك فتحت بوست جديد باسم " الناس السمحين"... ومن قبل ذلك كنت دائما اكتب اشياء Humors عشان نحن في الغربة القساية دي بتوتر لأقل شئ...ولكن كل ذلك التوتر يروح داخل هذا المنبر العام.... وعشان كده يا ود قباني كلامي مكا تاخده بالجد إلا لمن نتكلم في السياسة التي تفرق الحبان زتفرق الاسرة الواحدة المترابطة... وزي ما قال كوستاوي I like Humors وردي لدينق ايضا بيقع في هذا الإطار ..اطار الـ Humors ووالله انا ما بيعجبني إلا الونسة والغنا.. وانت معزوم معانا في الحوش العنوانه :" ود ابوسن ، ود شيقوق ، ود البوش، ود المنسي، انتو ناس سمحين" وحتلقى هنا الزهور والورد وفنجان القهوة والونسة والغنا...وكل شئ يخفف آلام الغربة القساية...( وطبعا الجزء الأول كان طويل جدا .. وهسع مستمرين في الجزء الثاني.. والله يديك الصحة والعافية ( وبالمناسبة بعد شوية حأفتح بوست جديد وجادي جد جد عن ارهاب المسلمين...والذبح والخطف ياسم الإسلام..
(عدل بواسطة اميرة السيد on 01-22-2015, 08:13 PM)
| |
|
|
|
|
|
|
Re: أمبارح فكيت لجام عربيتي ليلا في شوارع واشنطون و بالصدفة كانت معي كاميرا الفيديو و كانت (Re: يحي قباني)
|
Quote: طبعا يا هباني أنت تكاسي درجة تانية من تكساس نيويورك و واشنطون نحن عندنا حاجة إسمها
أضرب أكسح ما تجيبو حي |
يا بكرى من فضل أعمل (لايك) في المنبر دا
سلام كوستاوى
مـرة واقف في الإشـارة في مانهاتن وعلى يسارى سواق تكسى Yellow cap وأظن هو كان داير يلف يمبن.. لكنه لم يستأذن منى.. ومتوتر كدا يهز التكسى بالفرامل.. انا عرفته تماماً، وبكل هدوء أخذت وضع هجومى وعينى في اللمبة القدام بس تغيـر.. مجهـز نمرة واحد.. وفي الكرسى اليمين كان راكب أخونا عمر الميكانيكى من الجزيـرة.. وزول جنب، يحب التحدى.. بس على اليمين فتحة اللمبة ونهرت العربية لنهاية الأبنص وفرملت بنفس القوة قدام أنواره المين.. (مقص) وهو طبعا مؤجر العربية ولو عمل غلط قد يفقـد وظيفته.. الزول دا دق فرامل بقوة واستطاع تفادى صدمتى.. فما كان من عمر، سامحـه الله إلا ان ناولنى ليك ضربة جامدة فوق الكتف وهو يكورك: جـدع! عفيت منك! قربت أقول ليه هسى دى ضربة زول عافى.. لكن مررتها عشان اصدقها انا زاتى! البعرف يسوق في نيويورك بيعرف يسوق في اى حتة في العالم..
وسلام يا أميرة
وبالمناسبة كوستاوى دا إقليمى بيته خارج العاصمة، عشان كدا ما عندهم تكتات ولا متعودين يدفعوها..
| |
|
|
|
|
|
|
|