دعواتكم لزميلنا المفكر د.الباقر العفيف بالشفاء العاجل
|
|
 الترحيب بالمفكر ابراهيم على ابراهيم المحامى...توجد صور نادره
|
نعم لانها رغبة الكثيرين حد الامنيات مشاركة ابراهيم على ابرهيم المحامى ..
كعضو بالمنتدى ..
وعلى راسهم سيد الحوش ..
رغم مشاركاته القيمة من فترة الى اخرى فى المنتدى ..ولكنه الوعد قد انجز بمشاركته كعضو..
يحلو لى دائما ان اناديه ب(صديق)رغم انه فى دلك الكثير من عدم الادب فى عدم حفظ المقامات..بيننا..
فابراهيم ابوحلا ..
هو النابغه اكاديميا فى مجاله القانونى
والدى بالاضافة الى تاريخه الناصع فى عمله بالمحاماةبالسودان لسنوات طويلة
فهو من القانونين السودانين الدى لم يكتفوا بجعل القانون مهنة لكسب العيش الحلال فقط بل من الدين وظفوا القانون لخدمةشعبهم فكانوا بدلك فى عهود الظلام هده خارجين عن القانون فى نظر السلطه الفاشية الحاكمه..
مما جعله كالكثيرين الدين دفع بهم دفعا وقسرا الى خارج السودان ..ولم يدركوا بان دلك اوجده فى الاماكن التى جعلت منه اكثر قوة ونشاطاوحركةوازعاجا للسلطات الظلامية القابعةفى الخرطوم..
فكانت خبرته القانونية هده داعمة لوعيه السياسي المثقف ..وهوالدى عبر عن دلك من خلال مشاركاته غير الهامشية فى الحركة السياسية السودانية ومادال..فلم يكتفى كالآخرين الدين تعالوا على العمل مع الآخرين فى العمل السياسيى والطوعى ..والدي افرد له زمنه ووقته وماله .. فابو حلا وهو من القلآئل
الدين فتحوا منازلهم فى المنافى وجعلوا منها دواوين كبيره(من ديوان)..
فكل الناشطين سياسيا وثقافيا واجتماعيا يعرفون بان ابوحلا قد جعل من منزله المكان الاول الدى يفكر فيه الناس لاستضافة القادمين الى واشنطن من القادة السودانين..وهو المكان الدى تتم فيه دائما بدعوة ورحابة كريمة منه استضافة اجتماعات التنظيمات السياسية(الاحزاب ..التجمع الوطنى الديموقراطى..الخ..)وتنظيم اللقاءات الفكرية..والثقافيةوغيرها..
كيف وهوالابن البار لموطنه امسنط بالجزيرة.. الجزيرة التى لم تنجو من تفكيره الدائم فى مشروعاته الكبيرة فجمع ابناء الجزيرة على كثرتهم بمنزله نحو تأسيس مايفيدهم ويفيد منطقتهم ودلك مع ألآخيار من ناشطيهم..
اكثر ما يميز ابراهيم على ابراهيم(ابوحلا)
ليست مشاركاته مع الآخرين فى قيادة التجمعات السودانية(كالجالية السودانية ..فى دورات سابقه)..
وليس لقدراته التنظيمة العالية فى المنابر العامة..
وليس لحضوره الدائم فى كل الافراح والاتراح السودانية..
وليس فى انه من القلائل الدين فتحوا الجالية السودانية على المحتمع الامريكى ..
وليس لانه من القلائل الدين قدموا القادة السودانين للرسميين الامريكيين ودلك بالاستفادة من عمله وخبرته فيما يختص بشئون الكونغرس الامريكى..
وليس لانه كتب المقال والف الكتاب فى مسائل الحرب والسلام فى السودان
ولكن لانه فكريا..
قدم ا لمشروعات الكبيرة مثل فى( كيفية تنظيم القوى الشعبية والاستفادة منها فى دفع الحركة السياسية السودانية الخ...)وغيرها.
ولكن لانه الدي يدكر الناس فى اهمتامه بشكله وزيه بالدكتور منصور خالدفى السبعينيات ..
ولأنه دائما ما يهتم بتقديم الآخرين فى اجمل سيرهم للناس لدلك ليس غريبا ان يدخل علينا فى اول بوستاته..كالنسيم بالكتابه حول الراحل الطيب محمد الطيب ..
اللآ ترون بان ابو حلآ مكسب كبير للمنتدى
---------------------------------
دائما نناديه بابراهيم على ابراهيم المحامى .. لنميزولنتدكر صديقنا ابراهيم على ابراهيم الصحفى ..لان المشتركات بينهم كثيرة كالاسم و الموطن والاهتمامات ..ونحن فى انتظار ابراهيم على ابراهيم الصحفى ولقلمه..عضوا بالمنتدى
|
|
 
|
|
|
|
|
|
|
 Re: هل من الأخلاق الترحيب بالمفكر ابراهيم على ابراهيم المحامى (Re: على عمر على)
|
الآخ عمر..
وكيف لآ؟؟؟
أبدا بالترحيب به وأقول انه صديق وزميل من الزمن الجميل...
أبراهيم من القلائل الذين كنت اضعهم للمستقبل (فألا حسنا) عندما كنا صغارا في محراب العدالة.
واذ به يبز أقرانه، و من وراءه ومن سعى للحاق به!
أنه ابراهيم علي ابراهيم، صديقي الذي أمتطي دوما صهوات التفرد والروىء لييصوغ لحنا من تراجيديا الدجى!
مرحبا بصديقي من الزمن الجميل بقلب مدني السني..
أبراهيم علي أبراهيم المحامي!
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: الطاهر ساتي)
|
ابني ومرؤوسي علي (تروس)
سلامات
اهلا بالاستاذ صديقي المحامي ابراهيم علي ابراهيم قلماصادعا ونافعا وصادحا بالحق والحقيقةلانه في المقام الاول قبل ان يكون سياسيا فهورجل قانون ويتعاطي العمل العام من هذه الخلفية العدلية وهو امر يعزز الصدقية في كل مايجود به يراعه وافكاره.
اهلا به لحوارات فكرية مفتوحة تحتاج اناسا جادين ومجتهدين ومثابرين في قامة صديقي ابراهيم فاهلا به وشكرا نبيلا لك يا مرؤوسي الجميل علي تروس!!
( حلوة مرؤوسي دي يا تروس من رئيسك سابقا هباني بتاع المنتدى)!
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: على عمر على)
|
الصديق ابراهيم على ابراهيم المحامى .. متألق دوما.. كان من اميز طلاب الدراسات العليا فى الجامعة الامريكية بواشنطن ومنح جائزة تقديرية لتفوقه.. طموح وله افكار كثيرة قابلة للتطبيق ورأى نافذ لا تستطيع تجاوزه.. وهو فى نفس الوقت شقيق عديلى مهندس البترول عادل على وقد اتاحت فرصة المصاهرة كى اعرفه عن كثب.. انه يتمتع بصفات قيادية تؤهله للقيام بادوار عليا فى المراحل القادمة.. لك ابوخليل الحب والتجلة..
نورالدين منان
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: Mannan)
|
الرجل الذكي علي عمر (تروس)
يا اخي اولا نبدأ بالتحية الخاصة لأماني
وتحية وود لك يا صديق ،،
اشكرك على كلماتك الطيبة بحقي، فأنا لا استحق كل ما ذكرت عني، وأنا يا صديقي لا استطيع ان امتطي صهوة الحب والاطراء الذي نصبته امامي.
وانت ايضا بذكائك الوقاد كنت تعصف العقل والقلب في بعض تلك النقاشات بحثا عن تلك الضالة.
تحياتي مجددا
والى ان نلتقي في فرجينيا.
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: ابراهيم على ابراهيم المحامى)
|
مولانا زمراوي
سلام يا اخي ومسكاجنا
لك فائق تقديري
لا زلت اتذكر تلك الايام التي قضيناها سويا في محكمة مدني ، تلك الايام الجميلة التي كان فيها القضاء رمزا لتفرد السودان بين الشعوب،
فقد كنت يا مولاي قاضيا عادلا عارفا للقانون ومتفهما لفقهه ومغازيه، وكان اسلوبك الادبي الشيق يعكس ملامح تلك الفترة من عمل المحاكم السودانية، وباجبارك على "الخروج" خسرت القضائية رجل عدل حصيف.
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: على عمر على)
|
الاعزاء..الاساتدة..
شكرا تانى لابراهيم على ابراهيم الدين جمعنا هنا
وشكرا تالت لابراهيم الخلانا نشتهر برفع البوست
وبجاه الملوك نلوك
بكرى الصائغ
عبدالاله زمراوى
الطاهر ساتى ..تعلمت من سادتى الجمهوريين بان
(الماعندو محبة ماعندو الحبة)
منى خوجلى ..ارجوا ان ترسلى لى عنوانك عشان ارسل ليك
( كمون اسود وملح) عشان العين ماتصيبنا بعودة
الرائعين والقادمين الينا..وادى الكمون والملح
لبكرى ابو بكر عشان يربطو لينا فوووووق..
الحمد لله ياود الهبانية
انا من المحظوظين فى المنبر العندهم اكتر من ريس
طبعا انت الاول ..(منتدى الحوار الوطنى الديموقراطى)
وبكرى ابوبكرالتانى(منتدى سودانيز اون لاين)..
ونور تاور التالت(الحزب الليبرالى)..الله يخليكم ويكتركم لى..
سلمى التجانى ..شكرا لحديثكم الطيب عن ابراهيم
وعموما لحدى هسع ادا قابلتيهو ..برضو بكون زى ما شفتيهو
لما كنتى فى الابتدائية (الكلام دا ماتسمعوام حلا )..
استادنا الكبير منان ..
الزول لما يكون ما قاعد معاكم فى ساحات العمل العام بواشنطن
ويتدكرك بحس بانو المنابر محروسه..شكرا لحضورك هنا
الفنان الكبير خالد كودى بختك ليقت ليك (فرده)من حلتكم الخضراء مدنى..
ومن تجاربكم السياسية المشتركه..
Quote: الدين فتحوا منازلهم فى المنافى
وجعلوا منها دواوين كبيره(من ديوان).. |
عبد الله عثمان ..
بالاضافة لانه صديق وجار ابراهيم على ابراهيم..
فهو يشترك معه فى الدين فتحو منازلهم فى المنافى
(كعادة الجمهوريين) ..شكرا لحضورك..
صديقى دينق ..
جمعنا ابراهيم على للمرة الثانية فهده من حسناته ..
فشكرا له ولك دائما احترامى ومودتى..
استادنا عادل عبد العاطى ..
لعله بالاضافه لاشتراكه مع ابراهيم وخالد كودى فى
دات العمل السياسي السابق ..
الا انه يجمعهم ويميزهم دائما التفكير فى المشاريع الكبيره..
شكرااستادنا مجاهد عبد الله و استادنا الطاهر
وضياء هولندا..أهل حلا اهلا بك وشكرا
وكل الدين يرحبو معنا بكل القاديمن الى حوشنا حوش بكرى..
والتحية الخاصة للفنان احمد خضر ..
ومثلها لبكرى ابو بكر..وبعدين ياريس
التفجيرات النووية الزمان هينه..
الكلام التفجيرات الجايه الح يعملا لينا ابراهيم على هنا
وياخى برااااحه على الراجل لانو لسه ضيف..
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: Deng)
|
شكرا للاخ علي عمر
ومرحبا بالاخ ابراهيم علي ابراهيم
ود ام سنط,وياك ابراهيم صديق ناس بتعمتي ايناس خير الله ببركات,اليس كذلك؟؟؟
السنين لم تغير صورتك كثيره (ماشاء الله).
دينق انت اصلو ما بتفوت حاجه؟؟
Quote: الاخ علي عمر
بعد المقدمة الطويلة دي دايرين تدخلو إبراهيم حزبكم الجديد ولا شنوا?
لك الود
دينق |
يازول الحزب الليبرالي بدأ تدشين حملته الانتخابيه وطرح برامجه كما يبدو
بدخول عضويته جميعا لمنبر سودانيز اونلاين دوت كم
منتظرنك يا ابرهيم.
تراجي.
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: ابراهيم على ابراهيم المحامى)
|
الاساتذة الاجلاء جميعا:
جاري العزيز عبد الله عثمان،
المناضل الجسور دينق
مجاهد
الصديق عادل عبد العاطي
الصديق احمد خضر
ضاء الدين
الصديق سيد الحوش بكري
صبري الشريف
ابو ريش
حيدر حسن ميرغني
محمد حسين ادم
نور الهادي
العديل طارق
الاستاذة تراجي
عادل عثمان
الاخت رجاء العباسي
الصديق عباس الوسيلة
محمد المرتضى حامد
اثرت ان اتسلل خفيفا كالظل بينكم وكلي ثقة في محبتكم وترحابكم
وممنون شديد لدرجة الخجل. انا كنت عضوا غير مشترك بسودانيزاونلاين منذ تأسيسها، ولكن لم انل شرف الاشتراك فيها الا قبل يومين
اتمنى ألا أقصر عن توقعاتكم
· يا عديل اقنعني بكري قبل ايام وقد حاول ذلك في السنوات الماضية ولكني كان خوفي من عدم المواكبة لكثرة المشغوليات هو الذي منعني من الالتزام.
· عادل عبد العاطي مسرور جدا لعودتك فأنت وقود هذا المنبر المحرك ، وأفكارك المستنيرة الهبت العديد من النقاشات واوحت لنا بالكثير واعطت هذه الصحيفة بعدا خاصا، وكشفت عن شخصية وطنية عميقة الفكر ، نشطة الذهن، لا تعرف الملل ولا الاحباط، سيستفيد منك الوطن ومن افكارك قريبا عندما نكون جميعا على جادة الطريق في خطوة موحدة نحو اهدافنا الوطنية النبيلة. وبعودتك سنتعاون لفتح العديد من الحورارت الفكرية الجادة.
· صبري الشريف : ليتها تعود ايام مدني وزمالة مولانا زمراوي ومولانا محمد خير ، ومولانا اسماعيل التاجن وغيرهم من من الحمائم الزرقاء.
· تراجي: كم هي جميلة تلك الايام الخوالي ببركات ، اين ايناس وايمن خير الله؟
· عادل عثمان: شكرا على الخريطة لامسنط التي هي عبارة عن شبه جزيرة تتوسط خاصرة مدني، ويرجع تاريخها حسب ود ضيف الله الى القرن الرابع عشر وربما قبل ذلك بكثير، وبها مقبرة قديمة تحت الارض يقال لها دار العنج اي الفونج وهي كانت جزءا من السلطنة الزرقاء ، وهي تاريخيا حسبما اعتقد اقدم من مدينة مدني.
· رجاء العباسي: صحيح بيننا تعارف وود قديم وعلاقات كتابية ، وبيننا راوية العباسي التي التقيتها هنا في فرجينيا في زيارتها قبل سنتين تقريبا.
· عباس الوسيلة، اين انت يا رجل لك الشوق اخذك العمل منا نتمنى عودتك قريبا
· محمد المرتضى ، بيننا الزميل حسن حسين ومرشد الدين محمد يوسف ، وايام الوصل بمدني والخرطوم.
بكري سيد الحوش: موضوع النفيايات النووية ذلك كان سبقا صحفيا كبيرا آثرت ان يكون لسودانيزاونلاين ، واعتقد ان الحكومة السودانية استفادت منه كثيرا تلك الايام حيث جعلت منه مخرجا لازمة القوات الدولية ومحمكمة الجنايات التي كانت مشتدة قبضتها في تلك الايام.
سأهديك سبقا صحفيا اخر قريبا.
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: على عمر على)
|
| Quote: هل من الأخلاق الترحيب بالمفكر ابراهيم على ابراهيم المحامى |
الأخ علي عمر علي ..
عنوانك هذا يدل على أن صديقك المحتفى به
قد ارتكب من الجرائم الأخلاقية ما يعجز لسانك
عن وصفه ، أو مجر الاحاطة به ..
وهذا هو الانطباع الذي يتبادر لأذهان الكثير
من البسطاء من أمثالي الذين لا يتجاوز قدر
فهمهم للغة العربية حدود الفعل و الفاعل ..
و حيث أن عنوانك (الغريب) هذا يتناقض مع مضمون
مقالك ، أجد أنه من الحكمة أن تتواضع شوية و تنزل
لمستوى البسطاء من أمثالنا بأن تتكرم بإعادة صياغة
هذا العنوان حتى لا يصاب المحتفى به برشاش طائش ،
خاصة و أن البعض يكتفي فقط بمطالعة العناوين على
الصفحة الرئيسية دوت تكبد مشاق فتح المقال و الغوص
في مضمونه ...
كاد أن يفوتني الترحيب بالأستاذ المحامي !!
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: bayan)
|
ألف أهلاً بأستاذنا إبراهيم في حوش بكري العامر ،
والذي سوف يزدهي ويزدان فعلاً بقلمه الرصين واسلوبه
الشيق الرزين مثل شخصه . وحق لناأن نزهو ونفتخر
بأننا عشنا في زمن الأديب الأريب والقانوني الضليع (ابو حلا) .
مليون مراحب بالحبيب العزيز والنسيب ود القبايل (عين شمس فعلاً) ، إبراهومة.
ولولا بنت الخال الأخت (أم حلا) لما عرفت بدخول الأخ الأستاذ
إبراهيم لهذا الحوش الماهل ، حيث لفتت نظري إلى أن هناك
عنوان غريب كتبه أحدهم عن زوجها في سودانيز أون لاين ،
وقبل أن انتفض غاضباً من الكاتب ، هدأت من ثورتي بأن الكاتب
هو من أقرب أصدقائهم ، وقصد ذلك فعلاً ، وأحسب أخونا الأستاذ علي عمر
قد نجح في ذلك أيما نجاح ، وحفزني كلام (أم حلا - بت قمر الأنبياءالجيلي)
على الولوج للحوش ، (بعدغيابٍ طويل قسري عن السياحة في حوش بكري لبعض المشغوليات الأسرية)
فقرأت حروف الأستاذ علي عمر والتي قدم بها (ود أم صندل )، فأوفى وزاد في ذلك .
وفي ذلك أتفق مع أستاذنا محمد إبراهيم قرض حيث ذكر أن العنوان فعلاً غريب . وبذا استطاع
أن يستقطب القراء سواء للدفاع عن المحتفى به أو للنيل من الكاتب . و.. القومة ليك يا علي .
مرةً أخرى نكرر ترحيبنا الحار بالأخ الأستاذ إبراهيم ، والذي سوف يكون
بحق إضافة ثرة وفعالة لهذا المنبر ، وارجو أن يتحفنا بكتاباته التي
طالماأثرى بها منبر سودانايل وغيره من المنابر والمنتديات .
تخريمة أولى : ( بعد إذن الأخ علي عمر والأخ إبراهيم) :
الأخت سلمى التجاني قالت عن أبو حلا المضمخ بعطر الصندل : ( أكبر مني بعشرين سنة كده) ؟!
واقول للأخت سلمى إما إنك صغيرة جداً أو هو كبير جدا !!
وفي الحالتين خوفي يتعاظم على أختي العزيزة (أم حلا) والتي تتدفق حناناً حتى كادت تغرق فيه
زوجها (أبوحلا) عندما تقرأ حروفك تلك ، ولسان حالها يقول : في الحالتين هي ضايعة !؟
تخريمة ثانية :
أخي الحبيب خدر ودالجيلي (اسمك الجديد حلو مرة ) شكراً للطلة البهية في حضرة عديلك ونسيبي
الذي جعلك تخرج من فترة البيات الشتوي الهولندي
ونسعد بحروفك الندية . مشتاقين والله يا أخي .. باقي لينا نحفز (رفاعي) لينضم لركب آل الجيلي
في حوش بكري الذي يسع الجميع .. فهلا فعلت ذلك بمساعدة بارعتكم العزيزة ؟
مرحبتين حبابك أخي إبراهيم ، ويا ريت تتحف أحبابك في حوش بكري بالطرائف والمفارقات التي
كانت تصادفكما أنت وصديقك العزيز إبراهيم علي إبراهيم الصحفي ، من حيث تطابق الأسماء.
حللت أهلاً أبو حلا ، ونزلت سهلاً .. والدار منورة بيك يا ابوالشباب .
( ليمو )
| |
|
|
|
|
|
|
|
|
|
Re: هل من الأخلاق الترحيب بالمفكر ابراهيم على ابراهيم المحامى (Re: على عمر على)
|
الاساتدة الكرام
ابو الريـــــــــش
حيدر حسـن ميرغني
مـحمـد حسيـن ادم
نور الهــــادي
الصديق دينق (تانى)
المميزه جدا تراجـي
عـــــــادل عثمــان
الحبيبه رجاءالعباسي
عبــاس الوســـيلة
محمد المرتضى حامد
الصديق ايهاب الطيب
محمد ابراهيم قرض
د. بيـــــــــــان
الجندريــــــــــة
أسامه خلف الله مصطفى
م.هانـــى عربــــى
+++++++++++++++++++++++++++++++++++++++
صبرى الشريف
الدين يبدع فى تثقيفنا..يوميا
باشراكه لنادوما فى قراءاته ..شكرا لحضورك ..
ومرحا للجزيرة بكم..
الاعزاء دينق المميزه تراجى ..
انتم اخصكم بالشكر على حضوركم
هنا للترحيب معنا بالفارس القادم
وحضوركم المميز عموما فى (البورد)..
واستادن قراء هدا البوست فى الحديث الخاص الى
تراجى ودينق..
والدين ادعوهم بشكل خاص وعلى بركة حضور استادنا
ابراهيم على ابراهيم وكل قراء هداء البوست
ادعو دينق وتراجى الى التقديم لنيل عضوية
الحزب الليبرالى السودانى..
(بشكل اكثر خصوصية المناضل الجسور دينق
لانو ماعندو حزب
ولا خش قبل كدى حزب !!!
عشان يضوق طعم الاحزاب..)
ليمو وخدر (الجيلى)..
اتو بحكم محبتكم لحلا غايتو اتصرفو..
الاخ قرض والدكتور بيان وليمو
وكل من علق على العنوان و شكله
..اشكر ملاحضاتكم وادواقكم..الراقيه
ومرحبا دائما بكم وبى ابو حلا
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى... توجد صور نادره (Re: على عمر على)
|
شكرا للاخ تروس ومن قبل الشكر لبكري الذي اتاح لنا الفرصة لنمسح لومنا وتقصيرنا مع الاستاذ ابراهيم وعجزنا عن مد صلات الاجتماع وهو اقرب جار لظروف امريكا القاسية وعزانا انه فيها وعارف العليها .ومرة اخري نشكر سودانيز اون لاين التى اصبحت في هذا المكان ديوان للقاء الاحبة والاخوان
فالف مرحب بيك حبينا وبيتنا نور ..
ولكم ودى جميعا
وتروس شايفك دفنته دقن
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: أبو الحسين)
|
بالمناسبة يا إبراهيم، كلمة (مفكر) دى خلعتنى شوية ، بس و الله ما تقليلاً منك بس حسيت إنها (كبرتك) أكتر من اللازم  ، عشان تعرف إنى باقية على العيش و الملح يا (نص رباطابى) ، موش زى بت حلتكم (سلمى التجانى) الكبرتك عشرييييييييييييين سنة زيادة ،
شايفاك سألت عن أيمن، هو قاااعد فى السودان ، بعد شلهتة و عناء .
بس الوالد و الوالدة الله يرحمهم.
و دايماً انا فى سؤال عنك ، و أسال بنات عمك !!
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: على عمر على)
|
إلي عالم متواضع
والتواضع سمة الأنبياء
ومحامي بارع
ومفكر ذو رأي ثاقب
إلي من ظل يحفر في خاصرة هذه الأمه بالتقرير والتحليل الواعي عله يضئ لنا عتمة الطريق وقد تحيرت وضلت بنا السبل
مر حبا بصاحب اليراع الرصين والبيان الرقيم
سوف أجلس علي عرش الترقب والندي لأقرأ لك
فهلا تعلمنا منك? فلا تكن ضنينا
أشواقي حين تسعي إليك تشتاق
أخوك د.متوكل
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: Mutwakil Mahmoud)
|
| Quote: كسب كبير لبورداب واشنطون |
مرحب بالأخ إبراهيم (أبرهة)
و مبروك لسودانيزأون لاين لسبب بسيط: إبراهيم زول بقلع الخبر والمعلومة قلع من خشم الزول قبل النطق بها و يسلمها للقارئ في طبق ذهبي.
إبراهيم له مقدرة جبارة على التحليل السياسي و ربط الحدث الآني بأحداث الماضي و نتائج ما سيترتب عليه مستقبلا
شكرا الأخ علي عمر
بس عندي ليك سؤال!!!
إبراهيم ده كنا بنشحدوا على سودانيزأونلاين من زمن أم سنط كان بقول لينا "الله يهون", لو كنت أنت سبب إنضمامو, معنى كده نحنا
"موعودون بمفاجاءة كبرى"
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: Kostawi)
|
Quote: وربما هي الحقيقة فانا لا أعراف إلا أنه
من أكثر أبناء قريتي أمسنط ثقافة ووعيا |
يا سلمى ..
هل ولدنا ابراهيم ده هو قريبنا ود علي ابراهيم وجده حمدت الله
وحبوبته فاطمة بت عبدالقادر ولا واحدا تاني ؟
يمكن the gap of generations والغياب الاجباري الطويل
عن السودان ما أدانا فرقة للتعرف عن كثب على الأجيال الرائعة
بتاعتكم دي !!!
مرحب بيك يا ابراهيم ونرجو ان ترفع معنا القواعد من هذا البيت !!!!!
ونرجو التواصل ,,,
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: عبد المنعم ابراهيم الحاج)
|
كيف يا إبراهيم !!
قلت لى يحيى العظام و هي رميم ؟؟؟ ليييييييييييييه يا أخوى شايفنى (كركبت)و لا شنو ؟ هههههه.
 كيف أخبارك و أحوالك ؟؟و الله طوالى بسأل بنت عمك أسماء حسن منك ، و فعلاً كلمتنى إنو جابو ليك بنية لكنى (خرف الصغر) الظاهر مسحت
والله يبارك فيك و ربنا يرحم الجميع
أيمن كويس و أحمد فى دبى و إيثار في أبوظبي !!
تراجى دى بنت خالي يا إبراهيم و (حماتي) فى نفس الوقت !!!!!
إنت نسيت عرسنا و لا شنو ؟؟ موش كنت حاضرو؟؟؟؟ هي كانت قااااااعدة و( مقمبرة) هههههههههههه، بس طبعاً أكيد ما كنتو بتتعارفو كويس
إن شاء الله نسمع عنكم كل خير و لك تحيات وجدى و بناتى (الثلاثة) 
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: على عمر على)
|
الناس الفوق ديل ما خلوا حاجة للترحيب.
لكن برضو الواحد قال يجازف ويدخل ويقول كلمة كلمتين.
أم سنط: إبراهيم علي إبراهيم (بابكر عمر ، عبيد حاج علي  ).
المواقف المتمايزة بين الأولين والأخير من أجل حقوق الإنسان وتحقيق العدالة.
وتلك الذاكرة المليئة بضجيج أحلام مستقبل عدلي واعد ووطن ماشي لي قدام: مدني: زمراوي، أحمد نقد، يحيى فضل، عمر ع الجليل، طارق سيد أحمد، حسن حسين، الصادق سلمان، محمد أحمد ع القادر، حسن علوب، جكنون، محمد خير بابكر، مرشـد، موسى النيل، أحمد موسى، العركي، عارف/عوض سيد أحمد، ع المجيد إدريس، أحمد عباس، عجاج، مجدي سليم، إدريس القرشي و.. و.. و.. انفرط العقد الجميل في زمن فيه (سقط العدل على المداخل).
وأهلاً يا أبو خليل (أو أبو حلا كما تفضل علي عمر) إضافة للفكر الديموقراطي والعدلي وحقوق الإنسان.
وتحياتي يا زول جميل من زمن جميل.
إسمعيل
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: إسماعيل التاج)
|
Quote:
وتلك الذاكرة المليئة بضجيج أحلام مستقبل عدلي واعد ووطن ماشي لي قدام: مدني: زمراوي، أحمد نقد، يحيى فضل، عمر ع الجليل، طارق سيد أحمد، حسن حسين، الصادق سلمان، محمد أحمد ع القادر، حسن علوب، جكنون، محمد خير بابكر، مرشـد، موسى النيل، أحمد موسى، العركي، عارف/عوض سيد أحمد، ع المجيد إدريس، أحمد عباس، عجاج، مجدي سليم، إدريس القرشي و.. و.. و.. انفرط العقد الجميل في زمن فيه (سقط العدل على المداخل).
وأهلاً يا |
مولانا المبجل اسماعين ...
مالك تحرك أشجاننا هكذا؟
أو ليست تلك الأيام جميلة بحق؟
يوم ان كنا (نبيت القوى) ونحن متخمون بالقناعة!
يوم ان كنا لا نملك عربة عرجاء واحدة بعد ان أنهد كتف اللاندروفر التعيس؟
أوتذكر يا اسماعين تلكم الأيام التى كدنا ان نفلق الأرض فيها، ثورة على الظالمين والمستبدين وأصحاب أنصاف المواقف؟
كنا كالأسود الضارية والنمور المتوثبة ..
وكان الأدب قاسمنا المشترك..
وكنا نكتب شعرا او نثرا، نسخر من ذواتنا..
وكنا نحتفي ومعي يحيى بلفظة العجم ونحن قوم بنا عجمة حقا..
يوم كان النيل سلسبيلا
والخضرة هي الخضرة
ومدني تحتفي بالسنى
وام سنط معقل المحتفى به، ليست بعيدة كمهوى القرط!
واسماعين يقهقه بصوت مكتوم والغوري يحدق نحو الباب
وطارق يبرق بعيني شيطان مريد
ومحمد احمد ع القادر (تم تعيينه قاض محكمة علياقريبا) يتأهب ان يخرج من الباب للمرة المائة في دقيقتين وهو يلعن ملجة الخضار دون سبب واضح!
وحجو كالعكاز المدبب يقرأ مديحا في صدام حسين!
ثم اسماعيل التاج يقهقه ويسخر من قصيدة كتبها عبدالأله يقول مطلعها:
جدتي وكلبها
يعاقران نشوة الفضيلة!
حين كانت جدتى تغازل الدموع تنزوي
تسابق التأريخ ترتوي
بخمرة الحقيقة
كان عرسها مصادفة
في جزع نخلة عتيقة مهفهفة!
كان يسخر اسماعيل من ذاك التناول الصعلوك ولكنه كان يعشق الشعر ويتحدث الأنجليزية بلغة قانونية رفيعة!
وبين هذا وذاك، كان ابراهيم على ابراهيم أنيقا مهندما تتملك نواصيه العطر وكنا نحن القضاة البؤساء ومعي اسماعين نحك أرانب أنوفنا لتدبير فول بالماء القراح وبقايا خبز جاف يلتقطه المضمون وشاب ملحاح مزعج ولكنه جميل الدواخل (كمال) من امام منزل قائمقام جميل اسمه عوض سلاطين دارفور لننام حتى مطلع الفجر!
ولكن كان ابراهيم مناضلا في دفعه وفي دفوعاته الأدبية والقانونية وصار قبل ان تفرقنا يد الأنقاذ الفاجرة أيدي سبأ، قد نال شهرة جيدة في اوساطنا!
ويا حليل مدني والشريف يعقوب وبينهما أم سنط ان لم تخونني الجغرافية!
أتأسف لأية اخطاء مطبعية لتقدمي في السن!
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: عبدالأله زمراوي)
|
Quote: مالك تحرك أشجاننا هكذا؟
أو ليست تلك الأيام جميلة بحق؟
يوم ان كنا (نبيت القوى) ونحن متخمون بالقناعة!
يوم ان كنا لا نملك عربة عرجاء واحدة بعد ان أنهد كتف اللاندروفر التعيس؟ |
مولاي زمراوي
والذاكرة التي لا تـصـدأ.
هل كان لمقدم إبراهيم أنْ يثير كل تلك الشجون؟
وتلك القصيدة "الـحـوافرية" التي أضحكتـنا ثـمَّ أبكتنا فأضحـكـتـنا.
نعم كان الـفـقـر يمشي بيننا نبيلاً و بلا حـزن. ولا أنـسـى تقاسم قريبك الـنـوبي الأعـظم الفنان محمد وردي سكن العجم معك ويحيى فضل ليزيد من عجميته، ولا أنسى سخريته عندما وجـد تلاجتـنـا خاوية إلاَّ من الماء فـقال بسخرية ولكنة عجمية: "إنـتـو تلاجتكم دي عندها استسقاء؟". وخرج منـنـا ليقدم أجمل حفلاتـه في مسرح ود مدني.
بعدين لا تـنسـى مولانا الأديب محمد خير بابكر قسم السيد الذي كتب قصة من أجمل القصص القصيرة "وتسللت أسماء إلى رحم الأشياء". ومولانـا أبو رزقـه وموجزاته العجيبة على شاكلة (الوجيز في السكران وكيفية جلدو للقاضي خالد بلدو)، (الوجيز في مسئولية الواعي والطاشم للعلامة عمر حسن هاشم). لا أذكر تماماً أسماء موجزاته. ثـمَّ كان سيف الدولة حمدنا الله ع القادر وإزدانت أروقـة المحكمة والسكن، قبل أنْ يحل مولانا أسامة محمد أحمد ليملأ فراغـاً هائلاً خلـَّـفـه رحيل مولانا المقبول. والحضور الكثيف لأمير التلب، مدير مسرح ود مدني، والإعلامي حسن القاضي الذي أتحفنـا بجيرتـه الطيبة. نعم لم تكونوا مجرد قضاة، ولم تكونوا قضاة سلطة وسلطان.
وكان إبراهيم علي إبراهيم وساطع الحاج من أكثر المحامين أنـاقـةً مظهراً ودواخلا وحضوراً قانونياً واجتماعياً.
نعم علمت من مولانا ع المجيد (قاضي محكمة عليا الآن) بأنَّ محمد أحمد ع القادر معهم أيضاً. وأعتقد أنَّ مولانا أزهري مبارك الفاضل هو رئيس الجهاز القضائي في الدمازين. يا له من رجل عالم. كـمْ أمـتـعنا هـذا الأزهـري.
ماذا كان لقبه؟ "غليد هيل"، ذلك العلامة الذي كتب حول قانون العقوبات السوداني مقارنةً بالقانونين الهندي والنيجيري.
أيام تعلمتُ فيها منكم الكثير وأنا أحبو في سلم العدالة.
وعــفــواً يا أبو خليل على هـذا الاسترسال ولـكـن لا تـلـومـنَ إلاَّ مقـدمك الأنيق.
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: عبدالأله زمراوي)
|
مولاي زمراوي
مولاى اسماعيل التاج
لا تتصورا سعادتي بلقائكما في عالم المشافهة المكتوبة
هيجتا اشجاني وحسرتي على تلك الايام النضرة
زخم تلك الايام الجميلة والقهاوعنفوانها لم ينته بعد في ذاكرتي ، لا يزال طعمهافي فمي فقد تركت صورا خالدة من البهجة والفرح والاحساس المتدفق بالحياة
كنا بحق (عنوان للشباب)
للعدالة اروقتها مثلما لها مراقيها وعرفها الموسوم بالادب وكريم الاخلاقيات . هم خرقوا نواميس العمل القضائي فتنكبت العدالة الصراط المستقيم، واصبح قاضيها سفاحها وحارسها جاسوسها.
لم يتركوا لنا مجالا ، كانت مكاتبنا تكسر كل ليلة
اذكر في احدى المرات التي كسر فيها مكتبي وتمت مصادرة بعض الاوراق والاصدارات الخاصة بمنظمة امنستي انترناشيونال، وبعض الكتب المعارضة! جاء المتحري وهو شاويش شاب وقام الفني باخذ البصمات، وسالني ان كنت اشك في اي شخص؟ ، فقلت له جهاز الامن ، فقفز كالملسوع.
لم يتركوا لنا متسعا حتى نقول وداعا لبعضعنا ونحن نغادر البلاد في خلسة معلومة لديهم.
(وتلك الذاكرة المليئة بضجيج أحلام مستقبل عدلي واعد ووطن ماشي لي قدام: مدني: زمراوي، أحمد نقد، يحيى فضل، عمر ع الجليل، طارق سيد أحمد، حسن حسين، الصادق سلمان، محمد أحمد ع القادر، حسن علوب، جكنون، محمد خير بابكر، مرشـد، موسى النيل، أحمد موسى، العركي، عارف/عوض سيد أحمد، ع المجيد إدريس، أحمد عباس، عجاج، مجدي سليم، إدريس القرشي و.. و.. و.. انفرط العقد الجميل في زمن فيه (سقط العدل على المداخل).)
واضيف : عمر نقد ، ومحمد مبروك، فريد الخالص، معتز المدني، احمد خضر، بدر الدين عوض الله، ومولانا مهدي دياب ر عليه رحمة الله ،ومولانا يحيى فضل حاكم وطارق سيد احمد، وامل الشيخ، اما جلساتنا بعد العمل في مكتب الاستاذ الجليل مجدي سليم فكانت دروسا في السياسة والفكر ومجالا لتبادل الكتب القيمة والمفيدة، استفدنا منها كثيرا ونحن لا زلنا نتلمس خطواتنا الاولى في غرف العدالة.
واذكر جلساتنا في ميز القضاة ، وعشاء لندن، (ومشروبات دردق) على نغمات زمراوي وعوده الرشيق، وجلسات نادي الجزيرة والدار الزراعي. كنا نلتقي على الدعابة وحب الوطن ، وطغت على علاقاتنا صداقة سعتها قلوبنا الفسيحة وارواحنا الغضة.
* مولانا ابو رزقة اصدر كتابين مؤخرا هما:
الطرق الستة في ربط الكرفتة
والوجيز في ادب الترينيز
* ولا تنسيا فاطمة ساقط ونوادرها وثقافتها التي لا تخفيها وتباهي بهاوهي تجوب الوزارات في شارع النيل مدني، وتسخر من موظفي الحكومة بانهم ساقطين، والمحامين ساقطين، والسياسيين ساقطين، ونقد ساقط، والترابي ساقط، والمهدي ساقط، اتذكرا؟
مرة دخلت محكمة مدني ووجدت احد الزملاء (!) جالسا على احدى القضايا فنظرت من الشباك كعادتها وقالت قولتها المشهورة وهي تضحك ساخرة : ساقطة يا القوانين الشرعية والقضاة الشيوعية.
تلك كانت مفارقة لا يأتي بها الا مجنون.
مولاي اسماعيل:
كنت دائما لماحا رهيف الفكر، رقيق الهوى ، رائع الحضور ، مختالا مثل ترهاقا(او تهراقا عشان النوبي دا ما يزعل الى ان يتضح الاسبلنق) وكنت مجيدا في تقسيم حضورك بيننا ،
وكنتما محبين لمدني بحق وعادلين في توزيع حبكما بين الناس.
ابراهيم
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: على عمر على)
|
Quote: ممكن اشترك في المسابقة؟
أقصد ممكن أرحّب؟
علي عمر
تحياتي
ابراهيم ده ود عمي عشان كده مرحب بيك انت ومرحب بأماني
ومرحب بي أنا ذاتي إمكن انفع حاجة مع الكيتة دي |
على بالطلاق ياعبد العزيز خالد اسف اقصد ياابراهيم على
اكان ما كان منعم عمر دا ودعمك
ما كنا رحبنا بيك هنا او ماكنا احتجنا
نعتدر للناس الكتار الفوق ديل فى اننا
قمنا ردينا عليهو قبالن
وعلى بالطلاق بالتلاته..ام سنط دى ولآده
| |
|
|
|
|
|
|
|
|
|
Re: الترحيب بالمفكر ابراهيم على ابراهيم المحامى...توجد صور نادره (Re: على عمر على)
|
يا مراحب ب إبراهيم علي إبراهيم في سودانيزأونلاين.... أخيراً!!!
أحد أشد السودانيين (ممن أعرف) صبراً على الحوار (و لو كان حوار طرشان)
و من خيرة المستمعين لغيره (و لو ما قالوا حاجة أو أي حاجة)
و مفصح مبين، يرتب لأفكاره مواضعها من الكلام و ذو عناية بها تزينها و تثري المجالس
و من أحملنا لأعباء التوثيق و الكتابة و مفارق جسور للمشافهة
و لو لم يكن منه سوى سوقه للحيثيات بين يدي النقاش، لكفاه، فما أجمل إحترام المرء للسامعين و المحاورين و ألآ يلقي بالقول جزافاً على عواهنه...
مرحباً بالأستاذ إ ع إ في ساحة حوار محضورة... سيثريها.
****
يا أبا التراوس
مشكور يا سيدنا على البوست و على العنوان المعدل و على وجودك المبدل و على الرسالة الفاهمة!!!
بس خلي بالك يا زول!!! ما تكون ليبرال شديد في الحتة دي و كدا| Quote: وعلى بالطلاق بالتلاته |
يا خي لسع تهانينا الحارة ما بردت... روّق المنقة!!!
****
ويا منعم عمر، سلامات يا خي | Quote: ومرحب بي أنا ذاتي إمكن انفع حاجة |
طبعاً تنفع و نص و خمسة، يا راقل ... أمال إيه.. مش برضو إ ع إ ود عمّك. و نضرب ليك كيتة كمان!!! و كيف إقبال و الأولاد و خالد و بابكر، والتفاعيل و الجمل، و إنتا ؟؟؟
أرصدك ههنا من حين إلى آخر (بعيدين)!! و أنت منا على الرحب و السعة و (مشترك في المسابقة نراهن عليك).
****
و مرحباً بالأستاذ إبراهيم علي إبراهيم المحامي
| |
|
|
|
|
|
|
| |
على عمر على
Muna Khugali
الطاهر ساتي
هشام هباني
Mannan
Khalid Kodi
عبدالله عثمان
Deng
بكرى ابوبكر
Abdel Aati
ahmed khidir
altahir_2
Abureesh
حيدر حسن ميرغني
محمد حسين آدم
خدر
Tragie Mustafa
Adil Osman
Raja
عبّاس الوسيلة عبّاس
محمد المرتضى حامد
Ehab Eltayeb
bayan
الجندرية
أسامة خلف الله مصطفى
abdulhalim altilib
Hani Arabi Mohamed
معتصم مصطفي الجبلابي
Mutwali Malik
نوسة
Imad Khalifa
أبو الحسين
Mutwakil Mahmoud
Kostawi
Marouf Sanad
فاروق حامد محمد
إسماعيل التاج
Osman Musa
Ibrahim Idris
عبد المنعم عمر إبراهيم
هاشم الحسن
يحي ابن عوف
munswor almophtah
فيس بوك
تويتر
انستقرام
يوتيوب
بنتيريست