|
Re: سِر حُزني (Re: خدر)
|
انا عارف سر حسنك وجمال صوتك واداء طارق بأحساس طارق
اللهم لا تحرمنا من نعمه السمع لان صوت طارق نعمه تستوجب الشكر
جمعه مباركة
| |
|
|
|
|
|
|
Re: سِر حُزني (Re: خدر)
|
صوت جميل يأخذك الى عوالم من السحر فتنساق الى طرب سرمدى..
طارق ابو عبيده يا مولانا اشهد بأنك ساحر الكلمه متعنا الله بصوتك جمعتك مباركه
| |
|
|
|
|
|
|
Re: سِر حُزني (Re: خدر)
|
"ياخ فى نقرة عود هنا... يالله يالله
جمعتك مباركة يا خدر
ــــــــ عن رابطة معجبى صوت طارق أبوعبيدة
| |
|
|
|
|
|
|
Re: سِر حُزني (Re: Baha Elhadi)
|
معاوية يا صاحب والله مشتهيك عديل غاليا شهر 10 اكون معاك قول يا لطيف
بهاء طوكيو هههههههههههههههه يا زول القصة مامحتاجة اسكيرتات والله المزاج لمن يركب في لحن جميل في عضمو قطع شك بطلع جميل هذا و ما تنسي الوصية
| |
|
|
|
|
|
|
Re: سِر حُزني (Re: الملك)
|
شكرا يا ناهد علي الاطراء شكرا كتير و متعني الله بصحبتكم بروفايلك حلو و اريتا جمعتك مباركة
يا ناجي يا ناجي الوصية بالمهلة .. لقاء حا تصل الخرطوم يوم 10 يوليو اوليها اهتمامك يا صاحب و شيلها في عيونك لحدي ما ترجعها لي هذا و شكرا لكل الذي بيننا
| |
|
|
|
|
|
|
Re: سِر حُزني (Re: خدر)
|
ابوعبيدة
اجمل الاخبار
ما قلت لمعاوية
يعني نجهز الصالة
والجمهور نوعدهم يعني ؟؟؟
.................................حجر.
| |
|
|
|
|
|
|
Re: سِر حُزني (Re: الرفاعي عبدالعاطي حجر)
|
الاداء بهذه الامكانيات الطبيعية الساحرة...جعل كلمات هذه القصيدة البسيطة...تحتمل اللا محمدود من الجمال والعاطفة الشجية..حتي اصبح اللحن اكبر من تاريخها...لتولد من جديد....
لك التحية..وكل الود.. الله يحفظك...ويديم عافيته عليك يا سيدي...الجليل ========================================================================
انتهي... ========================================================================
| |
|
|
|
|
|
|
Re: سِر حُزني (Re: salah ismail)
|
يا حّجاز والله رجعنا منكم تريان فرح بي انو لسه في شباب زيكم عصام بقول لي في لستة الشباب الكّيفوهو و كنت انت و محمد عثمان(فناني المفضل) علي رأس لائحتي شكرا كتير يا معز و ضحكني كلام حِميد
ليكن معلوما لديك يا صديقنا صلاح ان نقدك او مدحك يطربني يشهد الله فشكرا اني كنت عند حسن ظنك في غالب الاحوال
| |
|
|
|
|
|
|
Re: سِر حُزني (Re: خدر)
|
خدر يديك العافية يافردة
ناجي سجلوني في الرابطة بتاعتكم دي لاني والله الود طارق ابوعبيدة دا زولي تب
بس خدر دا مادايرنو معانا
| |
|
|
|
|
|
|
Re: سِر حُزني (Re: ياسر بيناوي)
|
طارق ابوعبيده ازيك بالهولندى سنوات طويله ولم نلتقى اخر ليله لاقيتك فيها فى منزل شقيقى عباس بابكر وبرفقه امير من ادنبره بعدها صرت اسمع اخبارك من سودانيز اون لاينز مره حردان ومره حزنان الحكايه شنو يا ابو الطرق ..حاولت جاهدا المجئ الى دبلن لمقابلتك واخرين ولكنها مشاغل الحياه عموما سألتقيك بأمستردام قريبا مع تحياتى.
| |
|
|
|
|
|
|
Re: سِر حُزني (Re: د.محمد بابكر)
|
بناوي انا ذاتي سجلوني معاكم المواطن ده زولي انا ذاتي
دكتور محمد سلامات ياخي اتاريك انت معانا هنا و نحن ما عارفين مافي حردان ,, كان في إمتعاض من الحاصل و برّد عموما في إنتظاركـ و مرحب
| |
|
|
|
|
|
|
Re: سِر حُزني (Re: خدر)
|
Quote: يا ناجي يا ناجي الوصية بالمهلة .. لقاء حا تصل الخرطوم يوم 10 يوليو اوليها اهتمامك يا صاحب و شيلها في عيونك لحدي ما ترجعها لي هذا و شكرا لكل الذي بيننا |
آو نسيت يا صاحبى اننى أول من بشرت بخبر دخولها لهذه الدُنيا هنا وأحتفلت بمولدها ... فى الخرطوم ... هى فى عينى ... متى ما وصلت ...
| |
|
|
|
|
|
|
Re: سِر حُزني (Re: الملك)
|
Quote:
ناجي سجلوني في الرابطة بتاعتكم دي لاني والله الود طارق ابوعبيدة دا زولي تب
بس خدر دا مادايرنو معانا
|
وانا كمان.........خدر ده زول خداع.....يقول ليك بجيكم .........وحاااااااا
| |
|
|
|
|
|
|
Re: سِر حُزني (Re: الملك)
|
خدر يا فنان...
شغل سمح بلحيل لاغنيه مظلمومه لم تجد حظها كمثل الاغنيات الاخريات لثنائى العاصمه...
الاغنيه من كلمات الشاعر احمد الطيب عربى و ليس الشاعر على شبيكه و لعله لغذاره اغنيات على شبيكه مع الثنائى جاء الخلط..!!
تحاايا...
| |
|
|
|
|
|
|
Re: سِر حُزني (Re: محمد عثمان)
|
عزيزي استاذ طارق اسعدتنا ايما سعادة بدبلن في منتدي حبيبنا عماد الامين سر حزني ما التقيتك من زمان يا ملهمنا الفرح احمد سردوب لو امكن تلفونك في المسنحر
| |
|
|
|
|
|
|
Re: سِر حُزني (Re: احمد سردوب)
|
ود عدلان يا صديقي شوق شديد والله اريتك طيب ياخي و نيويورك طيبة
سردوب الفنان شكرا ليك و لاهل دبلن الجميلين انتو الاسعدتونا بي ترحابكم تلفوني 0031618317525
| |
|
|
|
|
|
|
Re: سِر حُزني (Re: Elmuiz Haggaz)
|
ود العبيد والله انتو كتار و الحمدلله انو الاصدقاء كتار في اركان القارة الاربعة قول يا لطيف يمكن نتشاوف قريب ياخي تحياتي يا خالد للاصدقاء كلهم بطرفك
غايتو يا حجاز بقت عليك حقت حِمّيد الليلة ما كنت عارف انو الاغنية حا تقلب عليك المواجع قدر ده
| |
|
|
|
|
|
|
Re: سِر حُزني (Re: محمد عثمان)
|
يا مورتون ياخي ما تخلي قلبك اسود انا عملت ليك رضوة هنا اغنيات قصيرة
محمد عثمان اولا شكرا علي المرور و تانيا شكرا كتير جدا علي تصحيح المعلومة و ده إعتذار واجب للاستاذ احمد الطيب عربي .. اغنيات الثنائي و إرتباطهم التاريخي بشبيكة خلاني اقع في الخطاء ده شكرا كتير و سأصحح المعلومة
| |
|
|
|
|
|
|
Re: سِر حُزني (Re: محمد عكاشة)
|
طبعاً لمن قريت عنوان البوست خفت تكون الغنية مافى ...
لمن سمعت الغنية بقيت داير اقول ليك حاجة وااااحدة:
يا حليل حبّك!
... المهم ....
| |
|
|
|
|
|
|
Re: سِر حُزني (Re: خدر)
|
في العجلة الندامة يا خي
معلييييييييش غلطت في الايقونة ومتأكدة انه غلط لا يخفى على فطنتكم
لكم العتبى يا فنان
| |
|
|
|
|
|
|
Re: سِر حُزني (Re: الجندرية)
|
آمنت بالله اها البيكتب ويمسح زي البيطرا ده انامن أمس اكتب وامسح كتبته كلام كتير لقيتو قليل شديد مش يا مولانا مرات مرات كده الغرقان زيكم بيلقي شعر سمح بيقول :- لو سيدو اتنازل لي عنو تاني ما داير اي شي ؟؟؟ اها الكلمات دي واحده من الحاجات المفروض يتنازل لي عنها عمنا شبيكة ده ومعاها هوج الرياح زايد غرس دمي وواقابلك وبعد الغياب ووووو اقول ليك حاجة كل الغناء السوداني الشحمان ومندي ... المهم ده التفكير البيصيبني طووووالي . نجي لسر حزنك
شبيكة انا منو الاقدر اقول عنو حاجة !!! السني الضوي منو السفيان بيتكلم في تلحينو !!! طارق ابو عبيدة غناااي وذوقو عالي ودماغو مرتبه وصديقة للصوت ودماغ في حد نفسها بتعرف تتصرف في امكانية ما يمتلكه انسانها . اللفت انتباهي يمكن يكون سؤال يا طارق اخوي وهو :- الكان زابط الصوت ده منو ؟ وده شنو الكان بيعملوا تحديدا في بداية الاغنية !!! قصدي لما انت تقول :- ناس قراب منك عرفوا سر حُزني الحركة دي يا طارق عجييييبة ومركزه في المقدمة وفي القفلة برضو عليك الله كلمني ده منو مهندس الصوت ده ؟؟ بلغو المحبة . وكاني معاك ما كاني بعيد ياخ . ولو ما سمعوك شقيانين حاااال
| |
|
|
|
|
|
|
Re: سِر حُزني (Re: سفيان بشير نابرى)
|
اماني .. علي كيفك يا ستنا اغلطي و سوي البعجبك ,, نحن رضيانيين
سفيان عاوز سر حزني !؟ شوف يا صاحب , انا من انصار مدرسة اللايف ساوند لانها بتخلق علاقة مباشرة بينك و بين الاودينس علاقة حقيقية ما فيها استوديو بإمكانيات عالية إذن الاعتماد علي قدرات الصوت البشري موش الاستوديو ,التسجيل ده مهندس صوتو صاحبنا طارق ابوعبيدة بالمناسبة له الشكر
| |
|
|
|
|
|
|
Re: سِر حُزني (Re: خدر)
|
بِتين يا قلبـي جُرحـك يِتِـمْ عـاد شِفاهو وبتين يِسيب حِبك دلــو الساهـو وجفاهو قالي جُرْحي المِتْل الرِشيـم : لِحْقو ولفاهو أما عن جفاهـو ، بنساهو حين أنْظُر لِفاهو
الظاهِر يا خِدِر ياخوي فعايلك دي بِقت تتَوِر على أوجاعي ... هذا هل يجوز؟ حسُنًا ... ماذا عن الرحمة!
وينو الرابِط ، يِربُط عدوك
| |
|
|
|
|
|
|
Re: سِر حُزني (Re: rani)
|
يا سلام يا سلام على الصوت الشجي الدفئ دا !
شكرآ شكرآ .. وتسلم يا فنانا* العظيم
___ * فنان سودانيزأونلاين
| |
|
|
|
|
|
|
Re: سِر حُزني (Re: Hadeer Alzain)
|
Quote: تبارك اريتها تقيف علي الحب براهو ولا شنو !! |
ياخى زيدان مش بقول:
والاااااااااهى .. ماااااا ... منّييى
... وكل الحصل يا جميل ارجوك اعذرنى ....
... المهم ...
| |
|
|
|
|
|
|
Re: سِر حُزني (Re: اسماء الجنيد)
|
تبارك لو بارينا ذيدان ده بنتقبض انا و انت شوف لينا صلاح مصطفي
شكرا يا سومة يا فنانة و مالك غيابك طول .. الحقينا بي اخبارك عطشانيييييييييين نحن
| |
|
|
|
|
|
|
Re: سِر حُزني (Re: محمد المرتضى حامد)
|
................... مزمزم مالو ؟ ضاربو هوا ؟
.............
طارق و الله و بالله غنيتك دي + اغنياتك القصيرة حمتنا النوم انا لله يا قول العمدة
| |
|
|
|
|
|
|
Re: سِر حُزني (Re: mamkouna)
|
طارق أبوعبيدة.... سوف أسمع هذة الإعذوبة مرات ومرات .... ويعجز لسانى عن وصف الفرح القلبى.. أشجينا....واطربنا...وحلق بينا فى عوالم أخرى..
| |
|
|
|
|
|
|
Re: سِر حُزني (Re: أسامة خلف الله مصطفى)
|
فنانا العزيز طارق
ماهو دا الخلانا نركب القطر في اخر التسعينات عز الصقيع من بروكسل لباريس...عشان نسمع طارق ابوعبيدة في حفلة عرس......في حب ياخوانا اكتر من كدا
تسلم يارائع
أخوك
د. ياسر زين العابدين
| |
|
|
|
|
|
|
Re: سِر حُزني (Re: ولياب)
|
Quote: أسوي شنو هسه مثلاً ؟ |
مافى شيتن يتعمل يا عماد عبد الله غير تقفل الباب عليك وتعمل نايم زى حالتى كدا دا ...
ــــــــــــ
الله يجازيك يا خدر .. قدر ما نقول عليك فنان .. تطلع افنن ياخ
| |
|
|
|
|
|
|
Re: سِر حُزني (Re: الشاذلى خيرى عبد الله)
|
يا ولياب مالك ناسي لي ضيوفي يافنان ديل من الصنف الفاخر و ده البفرحني كل ما اشوفهم داخلين علي شكرا يا فاخر
شاذلي افنن عديل !! وينك اخي فاقدين صوتك طمنا علي الامور
| |
|
|
|
|
|
|
Re: سِر حُزني (Re: Emad Abdulla)
|
دكتور ياسر والله صحبتكم هي البتفرح و إهتمامكم هو البخليني ادي اكتر شكرا كتير يا صديق الزمن الحلو
يا ود التوم شوف صف العشاق اعلي و اسفل عشاق الثنائي و الحان السني و شوف حيرتي انا في لحن جميل زي ده !! انا يا اخوي راضي ذمتك المقدودة منو فينا المورط اسه ؟ انا ولا انت/و ؟ (لقاء بطرفك الاسبوع الجاي و معاها اللي ما يتسماش)
| |
|
|
|
|
|
|
Re: سِر حُزني (Re: أسامة خلف الله مصطفى)
|
الممكونة يعلم ربك و ربي , بطراك كتير و افقدك اقول مالها غايبة ياخي خليك هنا كتير و اكتبي اكتر قولي حاضر .. حاضر .. شكرا يا ممكونة
اسامة يا صديقي الجميل شكرا كتير يا فنان علي كلماتك الجميلات و شكرا ان اعجبك سهمي في جمال السني الضوي تحيات تغشاك صباح و مساء يا ابن عمي
| |
|
|
|
|
|
|
Re: سِر حُزني (Re: محمد المرتضى حامد)
|
طروق جاني خبرك و إحتمال كبير نتلاقي في الخرطوم
مولانا الحبر الاعظم انا مجهجهني اثر الطلح في الجسم و إصفرارا مزج بياض (حولا ) نغنيها يا صاحب .. جدا
| |
|
|
|
|
|
|
Re: سِر حُزني (Re: عزام حسن فرح)
|
عزام (انتو عزاز شامي وين ؟) غبت يوم امس كلو بفتش في كودات السجم دي سماء ارض و جيتك برضي فاضي لكن باقي لي ناجي الملك بنقذ الموقف ابقي طيب يا صُوفي
علي عجب
| |
|
|
|
|
|
|
Re: سِر حُزني (Re: rani)
|
ينصر دينك يا استاذ بشري انا راجيك والله و راجي تطمينك ده شكرا كتير يا كبيرنا
راني استمتع يا صديقي و الحمدلله اني قدرت اديك حاجة تفرحك
| |
|
|
|
|
|
|
Re: سِر حُزني (Re: خدر)
|
اللأستاذالرائع طارق أبو عبيدة كل من يستمع الي الاداء المنميز
يطمئن علي مستقبل السودان الفني
من هنا سجل اعجابي بصوتك
| |
|
|
|
|
|
|
Re: سِر حُزني (Re: فهيمة عبد الله)
|
سمعناك وطربنا لغناك سمعناك فى امسيات واشنطون البارده وتسرب الدفء الى صدورنا احب صوتك يا طارق صوت حنين وحزين تحياتى ليك وللاسره
| |
|
|
|
|
|
|
Re: سِر حُزني (Re: tayseer alnworani)
|
Quote: أنا البيدخلني هنا شنو كان ما ساكت !! أسوي شنو هسه مثلاً ؟ |
بيدخلكـ شنو ؟؟؟ هو انت وين قاعد تدخل غير النفاجات الزي دي !! دخلت واتربعت وسمعت وشبعت وجيت تاني يوم سويت نفس الشغلة ولامن كتر عليكـ غلبكـ التقولو غير أسوي شنو هسة ؟؟ وتيب ده ما ياهو زاتو الأنا قلتو أسوي شنو حسي أنا ؟؟ ( هسة بالدنقلاوي وحسي بالشايقي اللِين شديد ) أول من دخل البوست وسمعتها بي سماعات جهاز المكتب الصغيرة وجيت شايلة في أضاني عشان سماعات البيت ( الما خمج ) وحصلت السطلة وحتلت واعيد وأكرر وأسأل نفسي عن الشاعر والملحن الختَ اللحن فوق الكلام والصوت الطلَع نغمة صوت الشاعر .. صدقني يا طارق الشاعر لو خيروهو الآن يخت صوت لي كلامو ده ياهو الحا يختاركـ ويا حليل حبكـ لما كان صافي دي ( بتقلقل ) الزول ده حسي أنا أسوي شنو ؟؟
__________________________ طارق ياني الجاييكـ صدقني
| |
|
|
|
|
|
|
Re: سِر حُزني (Re: عمران حسن صالح)
|
والله يا تيسير مافي ادفي من احساسكم و كلماتكم شكرا ليكم و ليكم كتير علي الدعم و الكلمات الجميلات
بس يا عمران انا كفاي الاخيرة دي .. راجي جيتك والله بفارغ الصبر .. تعال ياخي بعدين ياخ انا موش كلمتك اني بخجل من المديح !! مالك هايج فيني الليلة
| |
|
|
|
|
|
|
Re: سِر حُزني (Re: tayseer alnworani)
|
يا خ ما طلعت ديننا! بى طريقتك دى يوم بتكلتل ليك زول ! طربا والله يا خدر زى البسمع فيها من راديو الجيران بى فوق الحيطة! يا اخى تشريط زى دا نحنا ما حملو! يا اخى انت ما والد الجنا يا خدر ! المهيرة قربت تلحقنا امات طه وسر حزنى حتم الناقصة!! يا اخى على الاقل تحذير لاصحاب القلوب الرهيفة! الله يسامحك يا خدر! جنى
| |
|
|
|
|
|
|
Re: سِر حُزني (Re: باسط المكي)
|
Quote: والله يا خدر زى البسمع فيها من راديو الجيران بى فوق الحيطة! |
والله يا جني و ماك طالبني حليفة وصفك ده هو البخليني اغني بالطريقة دي ياخي الجيران و الراديو و الشارع و المزيرة و الدكان و سيد اللبن و ..الخ ديل ما سِر حزننا يا صاحب ربنا يجمع يا حيدر لينا و للبلد
يا باسط فاقدك والله و الحمدلله اني كنت معاك انت هنا معانا طوالي يا فنان ابقي طيب عليك الله
| |
|
|
|
|
|
|
Re: سِر حُزني (Re: Amira Elsheikh)
|
اوووو .. استاذة محاسن شخصيا انتو يا محاسن الدفيتوني لسنوات قادمات شكرا ليكم انتو و ليك انت بالذات يا صديقة تحياتي للاسرة
بت الشيخ آمين و يخليكم لي
| |
|
|
|
|
|
|
Re: سِر حُزني (Re: خدر)
|
يا للروعة....ويا لسعادتى بحزنك....ولحزنى بعدم وجودى هناك فى دبلن فى تلك الأمسية الساحرة لغالينا الفقيد عمدة....
فقد غادرتكم بسويعات ....وما اقساها!!
....ياخ تفتكر يوم ممكن الله يجيبك لينا بيجاي؟؟؟؟.........
...شكرا طارق على هذا النغم الراقى والأداء العميق....والصوت الشجى....
| |
|
|
|
|
|
|
Re: سِر حُزني (Re: فهيمة عبد الله)
|
الشابة الفنانة جدا فهيمة انا الفرحان انو في شباب زيكـ بغني بي صوت جميل و إحساس حلو و بغني في غني صحي و نضيف انا المفروض اشكرك يا ستي .. مبروك لينا انك معانا فرحان بيك والله و متابع مسيرك ابقي طيبة يا بت يا فنانة
| |
|
|
|
|
|
|
Re: سِر حُزني (Re: خدر)
|
.. شكرا يا طارق (تيلفونك بيك ما خبور)
لله عبادا إختصهم بإ سعاد الناس خدر إنت دارس و فاهم : صوتك دا ماركتو شنو ؟ قصدى تنور ولا بارتون خفيف ولا الألطو بتاع فاطنة الحاج ( قيل ان كل الاصوات مشتقة من ضلع ابونا آدم )
.. يا تبارك شكرا على الكتاب (سلس و مُوحي) و اول مرة اشوفك رايق و ساكن في صفا و تأمين
| |
|
|
|
|
|
|
Re: سِر حُزني (Re: أحمد طراوه)
|
انس يا فنان نادمتك قبل يومين و شكلك ما سمعتني فاقدكم والله و طاريكم سلم علي بتنا و الاوغاد الصغار
طراوة سلامات يا فنان التلفون ده غايتو خبرو براهو بحكي ليك في اقرب مهاتفة صوتي يا سيدي بمشي مداهو لحدي التينور لكن انا معطلو في الباريتون ودي من حسنات مدارس التلحين السوداني السابقة. الليلة ماهو مخبور .. كرر المحاولة ياخي .. انا راجيك
| |
|
|
|
|
|
|
Re: سِر حُزني (Re: خدر)
|
Quote: شكرا يا سومة يا فنانة و مالك غيابك طول .. الحقينا بي اخبارك عطشانيييييييييين نحن |
يا خضر رسلت ليك زمااااااااااااااااان فى اميلك حاجات بتشبهك بتروي جد جد وانت اخترت النوعية دي مره لكن وحاتك ما جاني ردك وما عرفت الحاصل شنو ولا غيرت اميلك ولا بقيت مخرف ولا شنو ما عارفة المهم ما حقت تبارك المهم حقك محفوظ بس يصلك كيفن يابا؟
| |
|
|
|
|
|
|
Re: سِر حُزني (Re: اسماء الجنيد)
|
هاها ها ياخدر عرفت سر حسنك (حزنك) ...!!!
عرفت ليه انا كنت مركز علي الثنائ ديل !!!!!
عشان الكلام بدخل في اعماق الاعماق ويحرك فيك كل المشاعر والاحاسيس النبيلة الجميلة ...
بالمناسبة اصحابك معتز وشهاب شرحبيل جو اشتغلوا معاي حفلة في جنيفا ..كانت في غاية الروعة
غايتو اتوقعوني نهاية الاسبوع احتمال كبير اقوم اصلكم ..عندي بعض المواضيع وبعدين الموضوع الاتفقنا عليه!!!
يااخي تسلم اشجيتنا واطربتنا ورجعتنا للزمن الجميل داك...رحم الله الفنان الجميل ابوديه وربنا يطول في عمر الرجل
الحنين السني الضوي ....
سلام ياصحبي لجدي ما نتسامع ....
| |
|
|
|
|
|
|
Re: سِر حُزني (Re: عماد شمت)
|
خدر صوت حنييييييين وانسان فنان بطمئنك . انه لسه الاغنيه السودانيه بخير . وستظل
.........
مع كامل احترامي لخيارك في - خدر - .. ولكن اسأل سؤال متي يخرج - طارق ابو عبيده - وينطلق صوته في كل السماوات لينظف كل اذن اعياها الاستماع قسرا - لاشياء - لا علاقه لها بالفن ومع ذلك يطلق عليها فن وتطريب ؟ أسال هذا السؤال لاني لم اسمعك من قبل .. الا في هذا المكان والساحه تعج بالاسماء .. وتلك - الاشياء - التي حدثتك عنها
| |
|
|
|
|
|
|
Re: سِر حُزني (Re: غادة عبدالعزيز خالد)
|
يا سلاااااااااااااااااااااااااااااااااااااااااااااااااااام يا أخ طارق صوت مميز أداء رائع , تطريب عالي تاني في شنو يسلم ذوقك. تعرف يا طارق كل ما اجي المكتب الصباح بعد قراءة ايات من القران , عدل علي سر فرحي اقصد حزني.
يا جماعة لنك الحفظ لو سمحتو
| |
|
|
|
|
|
|
Re: سِر حُزني (Re: عبد اللطيف بكري أحمد)
|
الجميل \ طارق ,,, تحياتي وأشواقي
صوت جميل وساحر ,,, فنان راقي ,, رقيق الاحساس
بتريحنا دايما بصوتك الحنون,,, تسلم.
| |
|
|
|
|
|
|
Re: سِر حُزني (Re: عبد اللطيف بكري أحمد)
|
صادق خليفة شايف عمران اخوي ما قصر و جاب لنك الحفظ و الامانة في الذمة اتزكرنا معاك بصالح الدعاء كل صباح يمكن القيد ده ينحل سشكرا كتير يا صادق
عبداللطيف شكرا علي الكمبلمون و علي المهاتفة و علي صوتك و عزفك للعود و اتمني اسمع ليك شغل هنا قريب
| |
|
|
|
|
|
|
Re: سِر حُزني (Re: خدر)
|
Quote: صادق خليفة شايف عمران اخوي ما قصر و جاب لنك الحفظ و الامانة في الذمة اتزكرنا معاك بصالح الدعاء كل صباح يمكن القيد ده ينحل سشكرا كتير يا صادق |
طارق تنفتح عليك محل ما تقبل يا زول يا جميل.
لو أمكن يوما الحنين الشوق غلب
| |
|
|
|
|
|
|
Re: سِر حُزني (Re: قمر الانبياء عبد الحي)
|
سيف الدولة الاستاذ شكرا مااظنها تديك حقك ايها المربي الجليل شكرا كتير و ده أقل من قامتك
شكرا يا قمر الانبياء شكرا يا عزيزي و تشرفني زيارتك و كلماتك ابقي طيب
| |
|
|
|
|
|
|
Re: سِر حُزني (Re: عبد اللطيف بكري أحمد)
|
.
الدخول في الاغنية "حوملي" عديل ياوغد،
بعدين في هبشة عود مبالغة، حقو تدينا ليها في العضل (*) وذلك من سر حزن أخوك!
ياخي أسلم على صاحبي أنس، وبهذه المناسبة نقترح على معاليكم عمل "دويتو" مع الصاعدة فهيمة، قبل أن يأتي أعداء الثقافة ويلجمو موهبتها .. رايك شنو يافهيمة؟
اللهم قد بلغت فاشهد.
.
(*) سر حزن أخوك يأتي على هذا النحو .. إنه من كيد السسترات عناية م/ الخرطوم/الجنوبية فمن لم يكن له سر حزن "قديم" فاليرمني بحجر!
.
| |
|
|
|
|
|
|
Re: سِر حُزني (Re: سيف اليزل الماحي)
|
سيف يا وغد - عجبني ليك العود العذبك ده ومان غالطتني في عودي البمبي و شنفتو لي اها ده ياهو زاتو قلنا ليكم الرك علي الريشة موش علي القِدرة - و فهيمة اريتني اقدر اعمل ليها شغل يذيد في طولها طول لانها تستاهل والله صوت جميل و تطريب عالي و حفظ جيد - انس صديقنا لايزال في ايدي إجلال الامينة
____ اموت في القصر العيني و تنقذني الطبيبة
| |
|
|
|
|
|
|
Re: سِر حُزني (Re: غادة عبدالعزيز خالد)
|
شكرا يا جبلابي كتير ممتن انا
غادة يا ستنا سعيد بالزيارة و المرور و سعيد بمشاركتك الاحزان خلي كل البتقدري عليهو هنا و امرقي فرحت للاخبار و حاولت الاتصال و ما كنت محظوظ تحياتي للاسرة
| |
|
|
|
|
|
|
Re: سِر حُزني (Re: نوفل عبد الرحيم حسن)
|
عماد عويس يا صديقي عارفك بتعرف محل الغنا السمح و بتخبرو شكرا علي الاخبار المفرحة و بتوقعك تب خليك قريب مننا ياخي و ما تبعد بلد ود جبرالله دي مافيها فايدة ياخي ارجل معانا ينوبك ثواب يا صاحب و مستنيك
نوفل انا عاجز يا استاذي عن الشكر والله وعلي الرد علي كلامك الاكبر مني فيما يخص الظهور للعلن زي ما بيقولوا الشيوعيين فده امرو عند الله .. ياخي انا الغربة دي غالبتني 5 صفر و ما عرفت حدها وين شكرا كتير يا استاذي علي الكلمات الطيبات
| |
|
|
|
|
|
|
|