الملاقاة توفيق من الله يا شيراز زعلت جدا اني ما لحقت الاقيك في دبلن لكن تأكدي انو حا نتلاقي ما عارف وين مع السفر الطويل ده لكن بنتلاقي و شكرا كتير لي حزني الخلاك تجيني
سومة الفنانة دي اخبار مفرحة انو حقي لسه قاعد توقعي مني مداهمة علي المسنجر قريبا محملا بكل ادوات قنص و إصطياد الشعر الجميل و شكرا يا صديقة رغم المسافات
07-05-2010, 09:33 PM
tayseer alnworani tayseer alnworani
تاريخ التسجيل: 07-30-2007
مجموع المشاركات: 1500
عندي ملاحظه ياخدر الصوت قوي ومتمكن مافيهو كلام ولاول مره اسمعك اسرني صوتك في الحقيقه في حتات في النص محتاجه لاخراجهابصوت اهدأ(حنييين) مثال ياحليل حبك لما كان صافي وينو لي قلبك لما كان وافي .
محبتي الاكيده ،،،
07-05-2010, 07:04 PM
خدر خدر
تاريخ التسجيل: 02-07-2005
مجموع المشاركات: 13188
وصلة للمشاغبات : ---------------- بالمناسبة ( الوصلة ) كانت في سودان ماقبل الثمانينات هي طلب الزيادة في المطاعم على حساب صاحب المحل يعني تطلب واحد كبدة مع رشة عدس ، ممكن تطلب زيادة بكلمة ( وصلة ) يا
4- سيف اليزل قال :
Quote: بعدين في هبشة عود مبالغة، حقو تدينا ليها في العضل (*) وذلك من سر حزن أخوك
أول مرة اشوف لي زول يحدد مكان حقنتو دي شغلانة الممرض او السستر ال في الجنوبية يديك / تديك ليها في اي حتة تعجبه او تعجبها
مافي خيارات أخرى يا يزل آل ماحي ؟
5- قال مولانا:
Quote: و فهيمة اريتني اقدر اعمل ليها شغل يذيد في طولها طول لانها تستاهل والله
يذيد؟ إنا لله وين الولد حسين ملاسي ؟ يزيد ، يا هداك الله
بالمناسبة ( يا هداك الله ) هذه ، ضمها مع تأكيدات محاكاة السودانيين مصطفى البطل بداها وتابعه فتحيي الضو فإذا بها تسري كما النار في الهشيم بين الكتاب و الأدعياء
6- برغم تنبيه محمد عثمان :
Quote: الاغنيه من كلمات الشاعر احمد الطيب عربى و ليس الشاعر على شبيكه
إلآ ان مولانا خدر سدر في غيه لاحقآ برغم تأكيده وإعتذاره وكذلك فعل سفيان نابري ، الناس دي بتقرأ بإضنينها
7- أماني الجندرية قالت :
Quote: كيف ما يحي هاني سعيد اذ بسمع جنس الصوت دا؟
الأخ / يحي هاني سعيد ده أظنه درس معانا في إحدى المراحل أو لاقيناه في قطار
07-06-2010, 08:34 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
وكأنه كان عندك ، وخايف عليه ما يطلع ! ياخ ده طلع زمااان ومعاهو زيتك كمان العملوا الكيزان بيطلعهما الإتنين ، الدين و الزيت وإمكن كمان معاهما الهدوم ذاتها وتبقي حيدر ميطي بدل جني
10 - كتبت تيسير نوراني :
Quote: كلما حضرت المنبر ساقتنى اذناى لهذا البوست
الناس بقت تمشي بإضنينها وتسمع بكرعينها دي والله فرح ودتكتوك ما إتوقعها
بس حصل انا مرة راقد في بيتنا في الديم جاتني صحية ومعاها سمعت صوت غنااااي قمت وجهزت ولبست بسرعة وخرجت ، باريت السمع لغاية ما وصلت قريب خلوة الفكي محمد أحمد وجدت كمال ترباس ، وكان حينها جديد لنج يعني ممكن السمع يسوق للسوق
07-06-2010, 03:44 PM
ممدوح أبارو ممدوح أبارو
تاريخ التسجيل: 02-27-2008
مجموع المشاركات: 3162
Quote: أول مرة اشوف لي زول يحدد مكان حقنتو دي شغلانة الممرض او السستر ال في الجنوبية يديك / تديك ليها في اي حتة تعجبه او تعجبها
يا أستاذ .. أختنا الصغيرونة كانت في سنة أولى إبتدائي، دخلت للدكتور في مركز صحي القوز قالت ليهو: يا دكتور أنا عندي قارديا أكتب لي فلاجيل! فأسقط في يد هذا الطبيب، والمراكز الصحية المجاورة.
وكما رأيت فنحنا مسائل الطب دي عندنا وراثة يامان، ولذلك .. فعندما كان مستجدي الحدائق نهايات عصاري الخرطوم، ييممون وجههم "الكالح" على قول الشيوعيين، صوب حدائق ستة أبريل، أخوك كان يضرب نواحي "الجنوبية" عدل .. ولذلك كان في مكان الألم من الوضوح ما يجعلني خبيرا في تحديد مكان الحقن، والذي عند الشعراء الصعاليك يقال له: موضع السهم النجل! والذي نفسي بيده .. ما استطاب لي مقام غيره، ولابرح نحولي سقام بعده، ولله الأمر من قبل ومن بعد!
بالمناسبة طوال فترة "مشاويري" الى رحاب الجنوبية لم أقابل ممرضا البتة.
دقيقة يا سيف قبل ما تمشي .. ودي معاك ابوساندرا ده الضُل عليك الله
يا كبير هضربتك دي كلها ضحكت معاها لكن في موضوعين مهمات 1- تصحيح اسم الشاعر - عدم إستجابتي لتعديل الشاعر اتت في إطار أنتظار المذيد من المتداخلين الممكن ينحازوا لصالح احقية شبيكة في الاغنية. -إعتذاري كان سُمبهار من باب فإن أصبت فمن الله و إن اخطاءت فمن نفسي و الشيطان كلامي ده و نحن لسه في إشتباك بالحناجر و الخناجر حول شاعر ( جاروا اهلك) و هل هو محمد علي الامي ام سيد ع.العزيز
2- صلاح مصطفي - زيدان ابراهيم ياخي بي عضمة لسانو في برنامج ايام لها إيقاع ردا علي نيران حسين خوجلي الصديقة و قال (أنا ما لومي كتير يا حسين ) فيا كبير إيراد اسم الاستاذ صلاح مصطفي كان من باب الإحتفاء بسيرتو التي تخلو من لوم. فكان تنبيهي لي اخوي الكاشف انو نلتزم جادة صلاح مصطفي الآمنة.
وديهو الضل يا سيف ياخي قّوم لي نفسي و عاوز يعمل لينا مشاكل مع الشعراء و الفنانيين
07-06-2010, 11:08 PM
خدر خدر
تاريخ التسجيل: 02-07-2005
مجموع المشاركات: 13188
Quote: وبريد "فى ضميرك سرك كتمتو" و برضو "وحياة المحبة
شرحو يا صاحب كلاهما ، ومعهما أخر من ذات العبقرية المنسابة لحنآ ، السني الضوي مثل ( حيرت قلبي معاك ) و ( نحن البينا عامرة ) أحتفظ بكل أعمال ( ثلاثي ) العاصمة وأعتقد أن سر ولهي بها يكمن في حنجرة الراحل محمد الحويج واظن ان صوت طارق ابوعبيدة قريب من صوت الحويج لو افتونا اهل العلم
07-07-2010, 07:32 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
Quote: وديهو الضل يا سيف ياخي قّوم لي نفسي و عاوز يعمل لينا مشاكل مع الشعراء و الفنانيين
حجزنا للكبير ضل "أبو استك" على بعد 350 متر من باشدار، فربما مر بجواره أحد الأصدقاء الخلاس، أو نادمه صاحب لايظلم عنده أحد، او لوحت اليه أحداهن بمنديل أو طرف جريدة رياضية، فهدأت من روع إنطباعاته المؤسفة عن الخرطوم "الجديدة" وما أدراك ما الخرطوم الجديدة ..! (أنا بالطبع لا اقصد الخرطوم الجديدة بنات .. يا أبوساندرا)
فـ تمهل في السير أمامك ضل بارد.
سيف اليزل
.
07-07-2010, 11:05 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
Quote: بالمناسبة طوال فترة "مشاويري" الى رحاب الجنوبية لم أقابل ممرضا البتة.
إذن ، عليك أن تلطم خدك وتندب حظك وقد يكون السبب ، صغر سنك فقد سطع في سماء الجنوبية نجم حمادة الممرض ( أحمد .... ) في وقت ما في سبعينات القرن المنصرم وطبقت شهرته ، المتأتيه من جمال خلقته وأخلاقه حتى تغنت بإسمه بنات منطقة جنوب الخرطوم أو الخرطوم جنوب في تعليم العروس ( العلومية ) وكذلك فعل بعض أولاد الديم الصقراب فقد إستشكل حمادة على الطرفين ، بنات الديم تعاملن معه وفقآ لهويته الرسمية والديامة الصقراب تعاملوا معه وفقآ لواقع الحال وشهرته لم تقل عن شهرة الممرض الكناني في مركز صحي المايقوما مع الفارق الضخم ، حيث عرف الكناني بالعنف عندما ينظف جرحآ وجنه وجن المياعة ولايعبأ بنواحك وتجلعك وحماده كان لطيف وملك الميوعة المتوج خاصة مع أرانب صدره التي تتقافز حتى نصحته زميلته أن يلبس ستيانة / كذاكا ليحبس ارانبه البتطنطط يا لطيف
07-07-2010, 11:50 AM
خدر خدر
تاريخ التسجيل: 02-07-2005
مجموع المشاركات: 13188
بعدين ياطارق بالنسبة لللدويتو مع فهيمة قلت ممكن تعملو تجربة بأغنية "سيل الوادي المنحدر" لكن صراحة خفت عليك، وما كان لي أن أخاف .. لكن تقول شنو أحوال الغربة أقعدت بالفرسان البواسل، فتحت أغنية "سرحزني" بصوتك بالتزامن مع أغنية "سيل الوادي المنحدر" بصوت فهيمة وطفقت أسمع (على قول أبوساندرا) فحدثت مقابلات صوتية ممتازة، تنبئ بمستقبل ناجح لهذا الدويتو فهل نقبل/تقبل الرهان .. جرب حركة المقابلة بالله والشكر لله وحده
سيف اليزل .
07-07-2010, 11:28 AM
أبو ساندرا أبو ساندرا
تاريخ التسجيل: 02-26-2003
مجموع المشاركات: 15493
Quote: - صلاح مصطفي - زيدان ابراهيم ياخي بي عضمة لسانو في برنامج ايام لها إيقاع ردا علي نيران حسين خوجلي الصديقة و قال (أنا ما لومي كتير يا حسين ) فيا كبير إيراد اسم الاستاذ صلاح مصطفي كان من باب الإحتفاء بسيرتو التي تخلو من لوم. فكان تنبيهي لي اخوي الكاشف انو نلتزم جادة صلاح مصطفي الآمنة
عداك العيب إذن إلتزم وماتجلي طلبنا أعلاه بشأن أغنية : ( حبيبي العمر بالدنيا ، يضيع فكيف القاه.. حصاد الشوق في كفي حطام من بقاياه )
ونضيف عليها طلب أخر ، نأمل أن نسمع معها : ( في غيابك أضناني الألم .. وإتجلى في عيوني الفراق إندس في قلبي النغم .. وفقدت للأيام مذاق )
ولو تمحركت في الإستجابة ح أفتح ليك بوست او أفتح بلاغ
والإهداء للجندرية و صفية
غايتو انا اقحمت ليك الدكتورة في موضوعك سااااكت
07-07-2010, 11:56 AM
خدر خدر
تاريخ التسجيل: 02-07-2005
مجموع المشاركات: 13188
عمو قال ليهو: قبيلتك يمين تعقد حديد واتحلو العزيز بتعزو والذليل بتذلو وات وكت لاقاك نايل كان من الجمل تنزلو بي سفك تعقرو وفي الهجيرة تملو عقب تخلي كل شكريا يخاف من ضلو.
ينهض بامسيكا بسيفه: أنا أسد الخلا ماني الاضينة العر والبوقد النار ليه من حموها يتر صفوفهم بخربا، اليثبت معاي الحر.
يشهر الجميع سيوفهم، ويخرجو مسرعين من خشبة المسرح.
اخونا خدر اظنك فهمت المعنى من هذا المقطع لمسرحية بامسيكا، ولكن .. من يقنع أبا ساندرا بأننا ما رأينا "حمادته" هذا قط، بقسم الجنوبية، "حمادته" الذي قيل: تغنت له البنات من المحيط الى الخليج! أيش درانا!
عسانا ماخرجنا عن جادة البوست .. يا صاح.
سيف اليزل .
07-07-2010, 10:11 PM
tayseer alnworani tayseer alnworani
تاريخ التسجيل: 07-30-2007
مجموع المشاركات: 1500
عماد عبد الله، بالنسبة لسؤالك، اقترح انك تشغّل الأغنية فى "كتاب الوش" و بعدين تفتح البوست ده، حا تسمع الأغنية فى شكل أوبريت بصوت طارق أبو عبيدة. مبالغة.
07-09-2010, 03:48 AM
Khalid Kodi Khalid Kodi
تاريخ التسجيل: 12-04-2004
مجموع المشاركات: 12477
كودي العزيز دي اسمها حبينا بيك بالسمعات و جينا تميناها في البوست طيب ادوني البنية دي خلوني امشي اشتري ليها ايسكريم ندي شكرا ليك يا صديقتنا و رفيقة صديقنا و شكرا علي درس الحب اللطيف في البوست .. تمنياتي بكثير الحب و الحياة التي تستحقون
شكرا ليكم .. محتفي جدا بي وجودكم معاي هنا
07-10-2010, 05:04 PM
خدر خدر
تاريخ التسجيل: 02-07-2005
مجموع المشاركات: 13188
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خدر
انعام عبد الحفيظ
نجلاء قرافي
Hadeer Alzain
عمر التوم
أبو ساندرا
ممدوح أبارو
إسماعيل وراق
أبوذر بابكر
الجندرية
بشرى محمد حامد الفكي
nada ali
Khalid Kodi
فيس بوك
تويتر
انستقرام
يوتيوب
بنتيريست