|
زملاء المنبر الوداااااااااع
|
اخوتي انها الحياة سنوات وشهور وايام وساعات وثوان وانها وان طال العمر فلابد من القبر ... مرات كثيره اريد ان اقول لكم وداعا ..فارجع واقول صبرا فالقادم افضل والان تجدني مع نهاية الربع الثاني من 2008 اجدني اقول وداعل مؤقتا بنهاية الربه هذا .... وساري من بعده امكانية المواصله او الترجل فعلا ايام حلوه عشتها بينكم ..اتمني استمرارها ان كان في العمر بقية او دعواتكم ان حصل بيننا افتراق والعفو والعافيه
|
|
|
|
|
|
|
|
Re: زملاء المنبر الوداااااااااع (Re: العوض المسلمي)
|
وين يا عمك يا زول أنا لسع جديد و بصراحة كدة خاتي بعض العقلاء كهدف لإثارة بعض المشاكل معهم وإنت واحد منهم يعني يا عمك كمين شكلة و شوية منابيز من جانبي أنا بس طبعا و بعدين شوؤة إعتذارات و قبول إعتذارات فمصالحة وطنية لحدي ما نبقي عندنا إسم العوش ما تخرب لينا خطتنا يا أخ
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
الاخ المسلمى .....
لماا الذهاب ...والوداع ...يااخى ... ياخى دع عنك كل هذا ....وتمدد مرة اخرى على ساحات سودانيز البيت الواسع الذى يسع الجميع ....والذى نجد فيه ارث الاجداد وارث العلاقات ترعرتم داخله لايام وسنوات ولكم ذكريات واحلام وتطلعات ومشاركات واخوة واحباء هنا ...تشاركهم ويشاركونك افراحهم واتراحهم ....
نتمنى ان تعيد النظر فى هذا القرار ...وان ذهبت ...فنتمنى العودة الطوعية للمنبر .... خالص التقدير...وبالتوفيق...
ناهد بشير
| |
|
|
|
|
|
|
Re: زملاء المنبر الوداااااااااع (Re: ناهد بشير الطيب)
|
الاعضاء الكرام
الدكتورة نجاة الاخ ودالباوقه الاخ اسامه الاخت مني الاخ محمد الصايم الاخ كمال الزين الاخت ناهد
تحياتي لكم ولكن علي ما ابديتم من مشاعر طيبه نحوي ولكن اقول نعم انا سعدت بمعرفتكم والكثيرين الطيبين من امثالكم وفعلا كنت اشعر انني بين اهلي واصدقايي . واستفدت كثيرا من علمكم وفهمكم اخاني واخواتي الاعضاء والعضوات وصنعت صداقات واخوان واخوات اعتز بهم ما بقي لي من العمر باق ورغم كل ما ذكرت : اجد نفسي امام امور كثيره من بينها الانسحاب من المنبر ولو الي حين وساكون باحثا عن خيار بقايي بينكم واضع له الافضليه ... ولكن ...... يلا نخلي الامور لله ونرضي بحمكه تعالي فينا والعفو والعافيه
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
Quote: اتمني استمرارها ان كان في العمر بقية او دعواتكم ان حصل بيننا افتراق |
ى
الاخ العوض انت لسه في مقتبل العمر وبقيت واحد من اعمدة المنبر المهمين وحتعرف من خلال نتيجة الاستفتاء انه من الصعب ان تغادر المنبر
| |
|
|
|
|
|
|
Re: زملاء المنبر الوداااااااااع (Re: sami Alzubair)
|
أخي العوض
فراقك صعب و لا نزال نفقد كل يوم واحداً من الأقلام الجادة و النزيهة كرهاً أو طوعاً المشاغل كثيرة ، و الواجبات أكثر من الأوقات ، و هذا ما نعانيه جميعاً فنظهر لماماً ، و لم نجد الوقت و الجهد الكافيين لخوض غمار مهمات القضايا و لعلك تحمل معنا نفس الهم ، نريدك هنا و إن كان حضورك قليلاً فهو خير من الذهاب . وفقك الله في حلك و ترحالك .
| |
|
|
|
|
|
|
Re: زملاء المنبر الوداااااااااع (Re: عامر تيتاوى)
|
العوض المسلمى،
لا حول.. ياخى والله ات أكتر زول مسالم وتعليقاتو برئية وظريفة فى المنبر دا
ياخى أقعد شوية بالله.
ارجع للإرشيفات دى كلها كان لقيت فيها مداخلة لى فى أى بوست إعتزال، وما أكثرهـم، إلا كان واحد فقط أو إثنين.
| |
|
|
|
|
|
|
Re: زملاء المنبر الوداااااااااع (Re: عامر تيتاوى)
|
الأخ العزيز ود المسلمى
ربما أصابتك سهام من هنا أو من هناك ( وهذه سنة هذا المنبر ) فاتخذت قرارك الذى فاجأتنا به، وربما أيضالأسباب لم ندركها بعد.
أخى العوض إختلفنا أم إتفقنا....نحن نحتاجك لك آراءك فى قضاياالوطن ....ولك القدرة على الدفاع عنها....وأنت قادر على المواصله.
لامستحيل سترحل الآلام ذات ليلٍ أو ضحى وتزهر الآمال بين أحجار الرِحى لا مستحيل
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
Quote: والان تجدني مع نهاية الربع الثاني من 2008 اجدني اقول وداعا مؤقتا بنهاية الربه هذا .... |
الأخ العزيز (( العوض المسلمي )) لك التحية والود إن كان هذا الوداع موقوتا فليس في الأمر مشكلة لكن مجرد الإعلان يدلل على أن في الأمر شيئا ..
إن كنت مبتئسا من موقف معين فكلنا عرضة لمثل هذا وإن أصابك شيء من الرصاص الطائش فأعلم أن الكثيرين لا يجيدون التصويب ,, لذا فإنهم لا يتحكمةن في مقابض بنادقهم .. وجودك بجودك وحسن تعاملك مع الكثيرين يمكن أن يكون مفيدا لتدريب البعض منا ممن لا يجيدون فن التصويب ..
آمل أن تكون موقونة لتعود أكثر عزما وشدة ورغبة فقد عهدناك ممن نفتقدهم في ساحات البورد .. فكثيرون هنا يكتبون وكثيرون يغيبون لكن من شدة الزدحام لا نحس بغيابهم لذا نأمل أن تترك الباب مواربا فلعلك تجد لنا فكرة تعود بها إلينا فتكون فيها فائدة لنا ..
أدرك أنك أكبر من هذا الرجاء ..
لكم التحية وكل الود
...
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
سلامات عوض اخوي
Quote: يلا نخلي الامور لله ونرضي بحمكه تعالي فينا |
ياعوض يا راجل يا طيب خلي الامور لله زي ما قلت لله لا للوداع ... نعم للستجمام والراحه ومحاسبة النفس ـــــــــــــــــــــ الوداع حاجه صعبه شديد يامان
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
العزيز العوض المسلمى الكباشى لعلك وقد فهمت من الرسالة تتناذعك رغبة فى عدم المواصلة لإختلاف فى وجهات النظر .. وهذه الجزئية التى تنهك القوى الرخوة .. ولا أحسب أنك منها .. نحن ندعو لإحترام وجهات النظر وتوسعة المنابر للحوار لا التراشق الضار دعوة منى للمواصلة وأجعلها إستراحة محارب طه كـــــــروم { إبن الفكى هاشم}
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
Quote: اخوتي انها الحياة سنوات وشهور وايام وساعات وثوان وانها وان طال العمر فلابد من القبر ... مرات كثيره اريد ان اقول لكم وداعا ..فارجع واقول صبرا فالقادم افضل والان تجدني مع نهاية الربع الثاني من 2008 اجدني اقول وداعل مؤقتا بنهاية الربه هذا .... وساري من بعده امكانية المواصله او الترجل فعلا ايام حلوه عشتها بينكم ..اتمني استمرارها ان كان في العمر بقية او دعواتكم ان حصل بيننا افتراق والعفو والعافيه |
تسلم يا العوض يا خوي من كل بلية
مالك داير تمسخ علينا الطلة
ماصدقنا لقينا طيابة الخصلة
تقوم تحرد تفرّق علينا المَلَّة
ياخي أوعاك تسيبها الحلة
نحن بلاك بتصيبنا كل علة
بعد طلة عمم وريحتك الفُلّة
داير تخلينا في صقيعة
المتاهة لا قهوة لا دلّة
يا خي غيّر وتاني بدل
دي ما ياها المحريّة فيك
لسّا ماضقنا الضواقة
من ظرافتك واللطافة
ما شي تغرف للمجافا
نحن دوبنا قلنا عافية
لي دروب أَلَّةْ ثقافة
تمشي تحرد تتخافا
ياخي بعدك تتجافا
تهجر الحن والرهافة
وكان بتتعزز علينا
قولها واضح نتعافا كان مريض قول لينا برضو ندعو ليك شان تتشافا إلا فرقك قاسي قاسي شوف شي تاني وغير؛ خلافا وكان شقانا بتريدوا لازم برضو خلينا الـ نَّعَرْفا
مالك انت ومال فراقنا نحن ناقصين الهيافة ضمة مغصوبين هيافة إلا الجبر خابرنا نلفا يوم علوم ديك اللطافة يرجع المأزوم لودّه ياخي قول لك أي حاجة غير مشيك دا يا ثقافة كلنا الدبريس كتلنا إلا راجين اللطافة برضو مخنوقين وحاتك إلا حبل المهلة بلفا لي عقاد نافع وسلفا تكرب الصدّيع بلفة كاربة للعمة الولوفا وقلنا ما ممكن تسافر يعني ما ممكن تسافر وما في ليك أبداً تذاكر إلاّ كان تجبر خواطر لي حبايبك دول عساكر شوف علومهم كيف تناقر للكلام القلتو سافر ياخي اجبر بالخواطر كل كَسْرَة وليها جابر ومهما قلت واللاّ قلنا فكل أول ليه آخر والمقدر لا بد حيحصل كان زمان أو حتى حاضر والبعزّك ما بيقبل إلا بي جبر الخواطر خلّو همك سيبو ساكت ودو لي صحبو البهمه البشيلو هو ربك هو الله أما نحن ديلا ساكت نرضى بالقسمو المهيمن وهو أدرى هو أدرى
وقلنا لا لا
وتاني لا لا
والعفو
| |
|
|
|
|
|
|
Re: زملاء المنبر الوداااااااااع (Re: عبدالفتاح أبوشيمة)
|
العوض المسلمى !
هسه الزكرك القبر دا شنو ؟
ياخى قول كلام غير دا ,, ونحنا نتشاكل مع منو ؟
النبى الرسول خسمتك بى الله ياقول الجندريه ..
اها عشانى انا ما تقول حاجه ,,, وعد كما كنت ،،، بدون جدل
والله عندك لون ونكهه وطعم ,, اتفقنا او اختلفنا معك !
| |
|
|
|
|
|
|
Re: زملاء المنبر الوداااااااااع (Re: NGABY AJOOZ)
|
Quote: لذلك أجد أنه من السخف أن يعلن أحدهم أو إحداهن بوست .. وداعا ... و العفو و العافية .... و شنو كدة ما عارف .... عايز تغادر .... بسيطة ... لا تقرب موقع سودانيسأونلاين ... لا ماوس و لا كيبورد و لا تصفح |
العزيز المسلمي ..
ان تترك مجلسا ونلقي السلام فهذه سنة حسنة واسلوب متحضر جدا .. وان يدعوك الحضور للبقاء والونسة شوية .. فهذه عادة سودانية جميلة .. ونحن ندعوك للبقاء معنا .. ونرفض من يقول لك(في ستين) كما جاء فــــي الاقتباس اعلاه .. نحن هنا نفتح النوافذ للحب .. ونشعل قناديل المحبة فهنا سودان اخر اكثر دفئا ............... وحرية .. كن معنا فانت اخ عزيز ..
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
اخي العزيز،، أنا دون خلق الله المرو من هنا لا أعرف أقول لك أبقى ولا يازول أحسن ليك تمشي،،
لا يوجد الكثير الذي يجبر أحد على البقاء ،، ولكن بحكم ما بيننا من علائق نعتذر عن سوء معاملتك ونرجو لك كل التوفيق ،،
ايميلي إن رأيت مواصلتي [email protected]
ونسجل في دفتر الحضور هذا إنك كنت نعم الأخ ونعم الصديق!!!
تحياتي للأسرة الكريمة ، وأتوقع عودتك سريعا لما لقيته من مناشدات من نفر كريم رغم بعض اللؤم مني ومن ((الشيطان))،،
| |
|
|
|
|
|
|
Re: زملاء المنبر الوداااااااااع (Re: Amiral)
|
jjjjjjjjjjjjjjj ـــــــــــــــ
العوض المسلمي الزول الضيف وصافي النية
والله كلامك الكتبتو دا اثر فيني ........
ليه كدا؟!
سمعت ولا جابوه ليه ؟!
ياخي والله أنت من الناس اللي باركولي نجاح بنت أختي هبوية
والله العظيم صرتوا بالنسبة لي أفراد أسرة أعتزة بيهم
طلب بسيط ممكن ترسلي موبايلك علي الماسنجر؟!
| |
|
|
|
|
|
|
Re: زملاء المنبر الوداااااااااع (Re: عادل سهل)
|
العوض نقول ليك تسلم يالزعيم التلفي ساعة العترة ولا والف لا لذهابك عن المنبر فانت تمثل صفاء الصوفية وطيبة اهل الحضر والبادية
فنرجو بقاءك والاستجابة لرغبات اخوانك الكثر بالبورد
| |
|
|
|
|
|
|
Re: زملاء المنبر الوداااااااااع (Re: عمر صديق)
|
المحترم / العوض المسلمي
خسارة كبيرة لكل من يطلب الحوار المهذب من أعضاء المنبر إذا ذهبت . أخي ............ الي من تتركنا الي صعلوك يهاجمنا.؟؟؟ ام الي عنصري يفتتنا.؟؟؟؟ ام الي جاهل يكرهنا .؟؟؟؟ ام الي متكبر لا يفهمنا.؟؟؟
الله يجازي الكان السبب.
لا نمدنا اليك ايدينا لنودعك عسي ان تتراجع عن ذلك.
لك مودتي وتقديري.
| |
|
|
|
|
|
|
Re: زملاء المنبر الوداااااااااع (Re: Tragie Mustafa)
|
أخي وصديقي العزيز العوض المسلمي
تعرف مدى محبتي وتقديري وإحترامي لك ... فإسم الصداقة والمحبة التي تربط بيننا وبإسم الأخوة السامية التي نشأت بيننا أدعوك للعودة مجدداً لهذا العالم الاسفيري فليس هناك مايدعوك للوداع ..... بيننا لقاء هاتفي أكيد .... إن لم تعد فارقنا نحن الديار ....
مودتي
عماد محمود
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
الاخوه الكرام والاخوات الفضليات وبقية الاخوه الكرام الذين اعتز بهم وبصداقتهم واخوتهم معي فلم اكن مثل الذي تنتهي علاقته بالناس بمجرد خروجه من المنبر ولكني اخوتي كنت قد اتخذت قرار الابتعاد ليس بعدا او بغضا لاحد حاشا لله فانتم اكبر من ذلك واعظم ... ولكن كنت اريد ان ابعد قليلا عن المنبر فقد تراشق فيه الاخوان بدون سابق معرفه وتحدث فيه الذين لايعلمون شيئا حديث المفتي والعلامه ... واصبح به زعامات ترفض ان تتنازل او تعترف بخطا او تعترف لغيرها بصدق او اتزان كنا نريده منبرا حرا للنقاش نتبني به ما يدور حولنا من مشاكل وامور نتمني حلها معا ..لا ان نتحول لديوك نناقر بعضنا البعض ... اخوتي كم انا سعيد بان اكون معكم وبكم ..فمنكم تعلمنا الكثير ومنكم استفدت الكثير ..... ومهما يكن من امر وسبب لمغادرة المنبر او الغياب فلن اكسر خاطر اخوان زيكم يسدوا عين الشمس وان كان ظرفي يمنعني من البقاء معكم فانا بالتاكيد وبكل ما استطيع ساكون بينكم ولن افارقكم مهما يكن من امر
وماعدمتكم ياكرام
_________________________________ وساعود لكم فردا فردا ماسكا اياديكم وابشر بها
| |
|
|
|
|
|
|
Re: زملاء المنبر الوداااااااااع (Re: العوض المسلمي)
|
نحن نقدر تماما وجود بعض الظروف التي تحول دون الوجود المستمر في المنبر ... كما هو واضح لبعض الزملاء هنا (سمح؟) ... لكن اعلان الابتعاد والمغادرة النهائية من مثلك يا أخي الكريم العوض المسلمي ... (قرار مرفوض) كما هو واضح الان من خلال هذا البوست ... أهلا بك في بيتك
| |
|
|
|
|
|
|
Re: زملاء المنبر الوداااااااااع (Re: عمر صديق)
|
العوض
كتر خيرك الرجعت
وكتر خير عماد الكتب بوست يناديك
شوف كلام الناس المكتوب ده كويس
البورد ده بكل الوان الطيف
من حقك أن تغضب..ولكن لا تبتعد
.................................. لقطة ...........................
من حقك أن تدخن.. ومنا حقنا أن نستشنق هواء نقيا
| |
|
|
|
|
|
|
|