اخوتي انها الحياة سنوات وشهور وايام وساعات وثوان وانها وان طال العمر فلابد من القبر ... مرات كثيره اريد ان اقول لكم وداعا ..فارجع واقول صبرا فالقادم افضل والان تجدني مع نهاية الربع الثاني من 2008 اجدني اقول وداعل مؤقتا بنهاية الربه هذا .... وساري من بعده امكانية المواصله او الترجل فعلا ايام حلوه عشتها بينكم ..اتمني استمرارها ان كان في العمر بقية او دعواتكم ان حصل بيننا افتراق والعفو والعافيه
وين يا عمك يا زول أنا لسع جديد و بصراحة كدة خاتي بعض العقلاء كهدف لإثارة بعض المشاكل معهم وإنت واحد منهم يعني يا عمك كمين شكلة و شوية منابيز من جانبي أنا بس طبعا و بعدين شوؤة إعتذارات و قبول إعتذارات فمصالحة وطنية لحدي ما نبقي عندنا إسم العوش ما تخرب لينا خطتنا يا أخ
لماا الذهاب ...والوداع ...يااخى ... ياخى دع عنك كل هذا ....وتمدد مرة اخرى على ساحات سودانيز البيت الواسع الذى يسع الجميع ....والذى نجد فيه ارث الاجداد وارث العلاقات ترعرتم داخله لايام وسنوات ولكم ذكريات واحلام وتطلعات ومشاركات واخوة واحباء هنا ...تشاركهم ويشاركونك افراحهم واتراحهم ....
نتمنى ان تعيد النظر فى هذا القرار ...وان ذهبت ...فنتمنى العودة الطوعية للمنبر .... خالص التقدير...وبالتوفيق...
الدكتورة نجاة الاخ ودالباوقه الاخ اسامه الاخت مني الاخ محمد الصايم الاخ كمال الزين الاخت ناهد
تحياتي لكم ولكن علي ما ابديتم من مشاعر طيبه نحوي ولكن اقول نعم انا سعدت بمعرفتكم والكثيرين الطيبين من امثالكم وفعلا كنت اشعر انني بين اهلي واصدقايي . واستفدت كثيرا من علمكم وفهمكم اخاني واخواتي الاعضاء والعضوات وصنعت صداقات واخوان واخوات اعتز بهم ما بقي لي من العمر باق ورغم كل ما ذكرت : اجد نفسي امام امور كثيره من بينها الانسحاب من المنبر ولو الي حين وساكون باحثا عن خيار بقايي بينكم واضع له الافضليه ... ولكن ...... يلا نخلي الامور لله ونرضي بحمكه تعالي فينا والعفو والعافيه
العوض اخوي كلامك ده مو ساكت علا تكون راقدلك فوق راي باقي لي لقيتلك شيتا شغلك شديد ونويت تنجر مننا علا نحن آ بنحمل بعادك فيشان كدي اخدلك راحة يومين تلاتة كدي وتعال صادي
راجنك
Post: #12 Title: Re: زملاء المنبر الوداااااااااع Author: عبد الرحمن الطقي Date: 06-30-2008, 02:38 PM Parent: #11
أخي العوض
فراقك صعب و لا نزال نفقد كل يوم واحداً من الأقلام الجادة و النزيهة كرهاً أو طوعاً المشاغل كثيرة ، و الواجبات أكثر من الأوقات ، و هذا ما نعانيه جميعاً فنظهر لماماً ، و لم نجد الوقت و الجهد الكافيين لخوض غمار مهمات القضايا و لعلك تحمل معنا نفس الهم ، نريدك هنا و إن كان حضورك قليلاً فهو خير من الذهاب . وفقك الله في حلك و ترحالك .
الاخ العزيز العوض يعنى الواحد لم يتعود عليكم تقوموا تقولوا ماشين يديك العافية وتواصل مشوارك فى المنبر مع اخوتك وان بقى للضرورة احكام فلاباس من الطلة عشان ما نفتقدك اخى العوض
Quote: والان تجدني مع نهاية الربع الثاني من 2008 اجدني اقول وداعا مؤقتا بنهاية الربه هذا ....
الأخ العزيز (( العوض المسلمي )) لك التحية والود إن كان هذا الوداع موقوتا فليس في الأمر مشكلة لكن مجرد الإعلان يدلل على أن في الأمر شيئا ..
إن كنت مبتئسا من موقف معين فكلنا عرضة لمثل هذا وإن أصابك شيء من الرصاص الطائش فأعلم أن الكثيرين لا يجيدون التصويب ,, لذا فإنهم لا يتحكمةن في مقابض بنادقهم .. وجودك بجودك وحسن تعاملك مع الكثيرين يمكن أن يكون مفيدا لتدريب البعض منا ممن لا يجيدون فن التصويب ..
آمل أن تكون موقونة لتعود أكثر عزما وشدة ورغبة فقد عهدناك ممن نفتقدهم في ساحات البورد .. فكثيرون هنا يكتبون وكثيرون يغيبون لكن من شدة الزدحام لا نحس بغيابهم لذا نأمل أن تترك الباب مواربا فلعلك تجد لنا فكرة تعود بها إلينا فتكون فيها فائدة لنا ..
العزيز العوض المسلمى الكباشى لعلك وقد فهمت من الرسالة تتناذعك رغبة فى عدم المواصلة لإختلاف فى وجهات النظر .. وهذه الجزئية التى تنهك القوى الرخوة .. ولا أحسب أنك منها .. نحن ندعو لإحترام وجهات النظر وتوسعة المنابر للحوار لا التراشق الضار دعوة منى للمواصلة وأجعلها إستراحة محارب طه كـــــــروم { إبن الفكى هاشم}
Quote: اخوتي انها الحياة سنوات وشهور وايام وساعات وثوان وانها وان طال العمر فلابد من القبر ... مرات كثيره اريد ان اقول لكم وداعا ..فارجع واقول صبرا فالقادم افضل والان تجدني مع نهاية الربع الثاني من 2008 اجدني اقول وداعل مؤقتا بنهاية الربه هذا .... وساري من بعده امكانية المواصله او الترجل فعلا ايام حلوه عشتها بينكم ..اتمني استمرارها ان كان في العمر بقية او دعواتكم ان حصل بيننا افتراق والعفو والعافيه
تسلم يا العوض يا خوي من كل بلية
مالك داير تمسخ علينا الطلة
ماصدقنا لقينا طيابة الخصلة
تقوم تحرد تفرّق علينا المَلَّة
ياخي أوعاك تسيبها الحلة
نحن بلاك بتصيبنا كل علة
بعد طلة عمم وريحتك الفُلّة
داير تخلينا في صقيعة
المتاهة لا قهوة لا دلّة
يا خي غيّر وتاني بدل
دي ما ياها المحريّة فيك
لسّا ماضقنا الضواقة
من ظرافتك واللطافة
ما شي تغرف للمجافا
نحن دوبنا قلنا عافية
لي دروب أَلَّةْ ثقافة
تمشي تحرد تتخافا
ياخي بعدك تتجافا
تهجر الحن والرهافة
وكان بتتعزز علينا
قولها واضح نتعافا كان مريض قول لينا برضو ندعو ليك شان تتشافا إلا فرقك قاسي قاسي شوف شي تاني وغير؛ خلافا وكان شقانا بتريدوا لازم برضو خلينا الـ نَّعَرْفا
مالك انت ومال فراقنا نحن ناقصين الهيافة ضمة مغصوبين هيافة إلا الجبر خابرنا نلفا يوم علوم ديك اللطافة يرجع المأزوم لودّه ياخي قول لك أي حاجة غير مشيك دا يا ثقافة كلنا الدبريس كتلنا إلا راجين اللطافة برضو مخنوقين وحاتك إلا حبل المهلة بلفا لي عقاد نافع وسلفا تكرب الصدّيع بلفة كاربة للعمة الولوفا وقلنا ما ممكن تسافر يعني ما ممكن تسافر وما في ليك أبداً تذاكر إلاّ كان تجبر خواطر لي حبايبك دول عساكر شوف علومهم كيف تناقر للكلام القلتو سافر ياخي اجبر بالخواطر كل كَسْرَة وليها جابر ومهما قلت واللاّ قلنا فكل أول ليه آخر والمقدر لا بد حيحصل كان زمان أو حتى حاضر والبعزّك ما بيقبل إلا بي جبر الخواطر خلّو همك سيبو ساكت ودو لي صحبو البهمه البشيلو هو ربك هو الله أما نحن ديلا ساكت نرضى بالقسمو المهيمن وهو أدرى هو أدرى
وقلنا لا لا
وتاني لا لا
والعفو
Post: #26 Title: Re: زملاء المنبر الوداااااااااع Author: محمد سنى دفع الله Date: 06-30-2008, 08:36 PM Parent: #25
الأخ العوض المسلمي لنا خلافاتنا و كدة في قضايا عامة ... لكنك في النهاية كشخص لا خلافات لي معك ..
بس عايز أقول شئ عن ظاهرة بوستات الإعتزال هذه ...
يا جماعة ده عالم إسفيري .... لذلك لا يتطلب حضورك أو غيابك مشقة الترحال و السفر ... حتي المداخلات ليست مقيدة كإجتماعات ( و لا حتي هي مثل التلي كونفرنس ) .... لذلك أجد أنه من السخف أن يعلن أحدهم أو إحداهن بوست .. وداعا ... و العفو و العافية .... و شنو كدة ما عارف .... عايز تغادر .... بسيطة ... لا تقرب موقع سودانيسأونلاين ... لا ماوس و لا كيبورد و لا تصفح ( و انا متأكد بعضهم قالوا وداعا .. و في أول ما يلقوا بوست حار .. إيدهم تاكلهم ... و تلقاهو في نص الهيصة ) ... أنا أعتقد كل من يكتب بوست وداع و كل واحدة تكتب بوست وداع ... هذا دليل علي الجحود و النكران لإمتياز الباص ويرد الذي منحه الأخ بكري بعد أن طاردوه بالواسطات : فلان واقف علي بابك ينتظر الدخول يا مولاي ... و يا سيد الحوش أدينا نظرة فلانة ليها زمن في ضل محطة المنبر ... و الجهبوذ المنو كده ما عارف يطرق بابك و هو مكسب كبير ... و بعد ده كلوا .... يجو واحدين .. و واحدات يكتبو بوست زي ده .... و تبدأ مداخلات التحنيس .... و أسوأ و أسخف شئ إنو الواحد يحنس ليهو زول كبير .... و كمان إسفيريا ( يعني مافي طريقة للطبطبة و حاجة باردة .. ) ...
عوض المسلمي ... عايز تفوت .... ما تقرب الكيبورد ....
Post: #30 Title: Re: زملاء المنبر الوداااااااااع Author: baha eassa Date: 07-01-2008, 08:48 AM Parent: #27
Quote: لذلك أجد أنه من السخف أن يعلن أحدهم أو إحداهن بوست .. وداعا ... و العفو و العافية .... و شنو كدة ما عارف .... عايز تغادر .... بسيطة ... لا تقرب موقع سودانيسأونلاين ... لا ماوس و لا كيبورد و لا تصفح
العزيز المسلمي ..
ان تترك مجلسا ونلقي السلام فهذه سنة حسنة واسلوب متحضر جدا .. وان يدعوك الحضور للبقاء والونسة شوية .. فهذه عادة سودانية جميلة .. ونحن ندعوك للبقاء معنا .. ونرفض من يقول لك(في ستين) كما جاء فــــي الاقتباس اعلاه .. نحن هنا نفتح النوافذ للحب .. ونشعل قناديل المحبة فهنا سودان اخر اكثر دفئا ............... وحرية .. كن معنا فانت اخ عزيز ..
Post: #31 Title: Re: زملاء المنبر الوداااااااااع Author: عبد اللطيف بكري أحمد Date: 07-01-2008, 09:05 AM Parent: #1
اخي العزيز،، أنا دون خلق الله المرو من هنا لا أعرف أقول لك أبقى ولا يازول أحسن ليك تمشي،،
لا يوجد الكثير الذي يجبر أحد على البقاء ،، ولكن بحكم ما بيننا من علائق نعتذر عن سوء معاملتك ونرجو لك كل التوفيق ،،
العوض ياخوي شكلك كده قاطع تذكره في السودانية ليك حق والله تخاف وتتذكر الموت لوووووول يكه الموت حق والحياة مابطالة
غيب وتعال تلقانا نحن يانا نحن
ولك ودي لحين عودتك
زاتوووو
Post: #35 Title: Re: زملاء المنبر الوداااااااااع Author: عبود عبد الرحيم Date: 07-01-2008, 09:58 AM Parent: #1
الاخ العوض المسلمي .... سلام غبت عن المنبر أمس الاثنين ... طبعا كنت استفيد من الاجازة احتفالا بثورة الانقاذ لكن للاسف ما شفت تراجي في الاحتفال !!! ولأنني بعد اي غياب أبحث عن بوستات لزملاء بعينهم لأقرا كتاباتهم .. وانت واحد من ابحث عنه اسفيريا.. لكنني فوجئت ببوست الوداع هذا ... وكانت بالنسبة لي مفاجأة الربع الثالث للعام 2008 في المنبر ... ود المسلمي ... الوداع .. كلمة لا يحبها البعض رغم انها تدل علي مكانة المودع ... والعضوية في المنبر حق اكتسبته ... والزمالة هنا والصداقة مع الآخرين جهد صنعته بكلمتك الطيبة وتعليقاتك المهذبة ... حتي في اكثر حالات الاستفزاز الاسفيري ... : : : احتفظ بعضويتك ... وغيب وتعال زي ما الكثيرين هنا يفعلون ... ونحن نفتقد بعض الزملاء الاحباب في المنبر لفترات طويلة لكنهم يفاجئونا بالعودة بالجديد ... العوض أخوي ... اذا أخطأ معك (البعض) ... فتذكر الذين أصابوا معك في هذه المسيرة الاسفيرية ... ابقي معنا يالعوض ... وقل كلمتك ولا تبالي بمحاولات (البعض) هنا بجرجرتك الي ساقط الكلمة والعبارة ..
العوض المسلمي ... خليك هنا وبلاش تفارق ... سمح؟؟؟!!!
Post: #36 Title: Re: زملاء المنبر الوداااااااااع Author: محمد أبوالعزائم أبوالريش Date: 07-01-2008, 10:31 AM Parent: #1
العوض الزول الجميل .....
أعمل (خلف دُر) وتعال راجع ..
وكان كلام الفوق ديل كلو ما عجبك .... بنكلم ليك صاحبك دينق يجي يقنعك.
يا زول قول بسم الله
Post: #37 Title: Re: زملاء المنبر الوداااااااااع Author: Nasruddin Al Basheer Date: 07-01-2008, 11:48 AM Parent: #36
لعلها استراحة محارب
Post: #38 Title: Re: زملاء المنبر الوداااااااااع Author: عادل سهل Date: 07-01-2008, 01:18 PM Parent: #1
لا لذهابك عن المنبر يا العوض
هى الكلمة التى أجمع عليها كل من تداخل هنا
وانا أضيف لهم أبقى إن لم يكن لاسباب قاهرة ، تعود للمنبر من بعدها
خسارة كبيرة لكل من يطلب الحوار المهذب من أعضاء المنبر إذا ذهبت . أخي ............ الي من تتركنا الي صعلوك يهاجمنا.؟؟؟ ام الي عنصري يفتتنا.؟؟؟؟ ام الي جاهل يكرهنا .؟؟؟؟ ام الي متكبر لا يفهمنا.؟؟؟
Post: #46 Title: Re: زملاء المنبر الوداااااااااع Author: عماد محمود علي Date: 07-02-2008, 07:26 AM Parent: #45
أخي وصديقي العزيز العوض المسلمي
تعرف مدى محبتي وتقديري وإحترامي لك ... فإسم الصداقة والمحبة التي تربط بيننا وبإسم الأخوة السامية التي نشأت بيننا أدعوك للعودة مجدداً لهذا العالم الاسفيري فليس هناك مايدعوك للوداع ..... بيننا لقاء هاتفي أكيد .... إن لم تعد فارقنا نحن الديار ....
الاخوه الكرام والاخوات الفضليات وبقية الاخوه الكرام الذين اعتز بهم وبصداقتهم واخوتهم معي فلم اكن مثل الذي تنتهي علاقته بالناس بمجرد خروجه من المنبر ولكني اخوتي كنت قد اتخذت قرار الابتعاد ليس بعدا او بغضا لاحد حاشا لله فانتم اكبر من ذلك واعظم ... ولكن كنت اريد ان ابعد قليلا عن المنبر فقد تراشق فيه الاخوان بدون سابق معرفه وتحدث فيه الذين لايعلمون شيئا حديث المفتي والعلامه ... واصبح به زعامات ترفض ان تتنازل او تعترف بخطا او تعترف لغيرها بصدق او اتزان كنا نريده منبرا حرا للنقاش نتبني به ما يدور حولنا من مشاكل وامور نتمني حلها معا ..لا ان نتحول لديوك نناقر بعضنا البعض ... اخوتي كم انا سعيد بان اكون معكم وبكم ..فمنكم تعلمنا الكثير ومنكم استفدت الكثير ..... ومهما يكن من امر وسبب لمغادرة المنبر او الغياب فلن اكسر خاطر اخوان زيكم يسدوا عين الشمس وان كان ظرفي يمنعني من البقاء معكم فانا بالتاكيد وبكل ما استطيع ساكون بينكم ولن افارقكم مهما يكن من امر
وماعدمتكم ياكرام
_________________________________ وساعود لكم فردا فردا ماسكا اياديكم وابشر بها
نحن نقدر تماما وجود بعض الظروف التي تحول دون الوجود المستمر في المنبر ... كما هو واضح لبعض الزملاء هنا (سمح؟) ... لكن اعلان الابتعاد والمغادرة النهائية من مثلك يا أخي الكريم العوض المسلمي ... (قرار مرفوض) كما هو واضح الان من خلال هذا البوست ... أهلا بك في بيتك
