|
|
 ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي)
|
ألتقيناهم على عجل بمدينة العين الجميلة أمس
سرعة ترتيب اللقاء لم تمكن العديد من بورداب الامارات من الحضور
سيكون لنا لقاء آخر بأذن الله حدد له مبدئيا يوم الاربعاء علي شرف العريس صبري و عروستة الجميلة
ونتمني أن يتمكن الاخوان لؤي و طارق من التغلب على الصعاب و حضور الحفل
فنانة الحفل مفاجأة من الاخ ناصر مشمشة(دا أسم كديسة ناصر)
والفنانة مفاجأة لأنهامعروفة لدي أعضاء المنبر و الزوار
وكتب فيهاأخونا عمر الفاروق بوستا حينما ريحته في كنكوجو (على حد تعبيرو)
ويا أخ ناصر بالله رفقا بالكناكيج...
|
|
 
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: ناصر احمد الامين)
|
الف مبروك يا صبري و ان شاء الله بيت مال و عيال و سعادة و حاجات حلوووووه كتييييييره
بصراحة : قبل ما اقابل صبري الشريف دا، كان عندي احساس انو زول سمج و دمو تقيييل و فاكيها في روحو
لكن الواقع و تلك الليلة كشفت عن انسان سوداني اصيل في غاية التهذيب و الاحترام والبساطة
لؤي الفنان (الرحالة) ونستو متعة و جلستو الحان .......
الاستاذ طارق ميرغني لم يسعفنا الزمن لجلسة اطول معك نرتشف فيها حلو حديثك .... و سنعتبرها وعدا ان تفرد لنا مساحة اكبر عند عودتك.
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: Deng)
|
يا احباب
تشرفنا بكم وبضويف بورداب الامارات صبري الشريف يا قريب والعروس قريبتي وكده برضو
الحبيب الرائع مولانا عادل سمير تشرفنا بمعرفتك يا مولانا والله كتير
لؤي وطارق الرحاله
من اجمل الناس يا ريت كل البورداب في الدنيا يعرفوهم
الاحباب بورداب الامارات
انتو زاد السنيين ربنا ما يحرمنا منكم
شيخي ادم موسي
القرضابي الممشمش
الحلاوي الموسوعه القبليه
نصرالدين البديع يا صاحب في الزمن الصعب
عبد الناصر والتجليه ونحمد الله انو العربيه ما عملت الحادث ياخ كل ما اتزكر راسي يشيب عديل كده
تصدقوه عربيه نخليها واقفه نجي نلاقيها قطعة شارع براها ولم تعمل حادث ( عاوزين كرامه يا عمك )
جنابو الحياني بي كابو نسيبي ياخ اقيف معاي والصغيره لومك علي بكون جهزة نفسي للعرس
دكتور اسامه جاء متاخر لكن زاد الجلسه روعه زيو كده
شرفتونا والله كتير
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: ALGARADABI)
|
ألتقيناهم على عجل بمدينة العين الجميلة أمس
Quote: والله حفيتونا بجمالكم وكرمكم الفياض نقول منو ولا منو
وبالجد عندما التقيانهم تفاجأنا بجمالهم علي الطبيعه
يا سلاااااااااااااام الناس دي بالله شكلها غير |
الأعزاء الاحباب:
صبري الشريف و العروس
جنابو الطيب
لؤي شمت
ALGARADABI
طارق ميرغني
ناصر احمد الامين
abas
دكتور أسامة عبد الحليم
الرزين نصرالدين
الحلاوي الموسوعة
السيد آدم موسي
وآمنة و سارة الطيب عثمان
محمد سيد أحمد
نصر الدين البشير
و بقية العقد الفريد
كان لقاء جميلا..تشرفت بكم و سعدت كثيرا بالتعرف عليكم من قرب (وجها لوجه زي ما قال نميري) !!
دا كان أول لقاء لي مع بورداب منذ التحاقي بالمنبر يمكن من عام 2005 !! في البحرين ما كان في ناس
كتير..!
إن شاء الله نتلاقى في ساعة خير دائما.. و ما قصرتوا..
| |
|
|
|
|
|
|
|
|
 Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: عادل سمير)
|
Quote:
كان لقاء جميلا..تشرفت بكم و سعدت كثيرا بالتعرف عليكم من قرب (وجها لوجه زي ما قال نميري) !!
دا كان أول لقاء لي مع بورداب منذ التحاقي بالمنبر يمكن من عام 2005 !! في البحرين ما كان في ناس
كتير..!
إن شاء الله نتلاقى في ساعة خير دائما.. و ما قصرتوا.. |
صديقي الجّميل مولانا أُستاذ عادل سمير
مساء الخير
والله سعيد بلقائك بشكل لا يوصف
أنت رجل نادر ومن الزّمن الجّميل حقّاً
لك منّي أسمى آيات الوُدّ والعرفان والإحترام
وبيننا اللقاءات دوماً
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: سيف الدولة كامل)
|
تحية طيبة للجميع
وشكر لاهل السودان بدولة الامارات العربية
وحقيقة اشوف نفسي في قولي العارف بالله الشيخ العبيد ود بدر
يقول العندو محبة ما خلا الحبه والله يدوم هذه المحبة التي وجدتها عند من التقيت بهم بهن
او من اتصل او ارسل ارسلت رقم تلفون او اتصل
عموما فرحان بالناس زي فرح النار بلوح الزان وده قول حميد
سلام واحترام لكل من جعل هذه الزيارة ممكنه
اخص الوجيه الطبيب الاريب ابو بكر محمد احمد عباس او بكري او بابكر او اسم الدلع ابكر او بكور
محب للدنيا ولمة الصحاب فهو من جعل هذه الزيارة ممكنه
وشكر كثير للزملاء والزميلات بالمنبر قريدابي الذي اتخذ اسماالتصق به الان هو قرضابي فهو في حالة
سؤال عن راحتنا انا ورفيقتي ايناس لكي يسهل امر تحركنا له الشكر
ولناصر التحية والمحبة وقرب كتير تعرف اكثر سعيد بلقياك
ارسل المحبه الي لؤي وانا فارش اينما هو قابع فالمحبه شدره بطيخ بيننا
والي مولانا عادل سمير توفيق انسان مليان فهم واحترام له الشكر
والي الموسوعي الحلاوي ويا ريت لو تنبع فكره تتبلور لحقيقه ان يكون اللقاء بين اهل المنبر
مسموعا او مرئيا لسماع احاديث الحلاوي
تحية للاخ محمد سيد احمد واتمني لمه تانية وونسه اخري
والي صديقي وقريبي اسامة عبد الحليم المحبه
وعباس الذي اتخذ اسم دلع معتز او العكس صحيح له الحب والسلام
في حله وترحاله فهو من جعل اللقاء ممكنا
وتحية لجنابو الطيب وبنياته
والي الفنان طارق ميرغني برضو جعل اللمه لمات انا كنت فاكر انه حارس لينا في طوكيو العقاب بهناك
شكرا للقيا جميله معاه برغم قصرها
والرزين نصر الدين البشير
اسم اقراهو كثيرا شاهدته الان
ويا ناصر الهدية ماشه لعمر الفاروق فهو يعشق رشا
وان شاء الله ننزل ليهو الحفلة اون لاين
سلام واحترام
تحية يا مريم والتقيت والدك ووالدتك واخواني واخواتي الجمهوريين فاكهة الارض
اينما حللت ابدا الزيارة بهم بهن
ويا ريت نلتقيك ونادر وقلت ليهم كويس مريم منوره ارض الوهابية
بلمبه معرفة قويه والله يديك الصحة والعافية وسلام لنادر وطفلك الجميل
شكرا سالي علي السؤال وفعلا سعدت بك واتمني لقياك
وشكر لاتصال نعمات حمود وعيد سعيد للجميع
محبه لشيخي العارف بالله كوستاوي وان شاء الله وصيتك في الذمه
بس يا كوستاوي ديل مسخو الحياة عندي حكايت بعد اجيك بقولا ليك
سلام للزوجه الصابره نايله والعيال
سلام لدينق اينما كان وفقدنا وجودك بيننا في الاحتفال
لكن بتاع برنسيس ان قادم لا محالة
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: عبدالرحمن الحلاوي)
|
Quote:
لا أدري من أين المبتدأ والمنتهي
فقد ذهلنا من هول المفاجأة ....هاهو صبري الشريف بلحمه وعظمه ..تواضع جم وأدب رفيع في معية رفيقة دربه يشق عباب البحار لنلتقي في ساحة العين الرحبة ..الخضرة والوجه الحسن .
لؤي شمت ذلك الشاب المرهف تجد نفسك تلازمه وتشاركه في عمقه الشفيف تزول فواصل المكان والزمان في حضوره .
أخونا طارق ميرغني الفنان
بورداب الإمارات الكرماء الاصلاء عباس عباس إذا احتدم الوغى ...وناصر ونصر الدين والقرضابي نسيبي حسيبي ومحمد سيد أحمد عمدة بورداب الإمارات ثقافة وإعلام ومولانا عادل سمير رجل خفيف الروح ..جنابو عثمان يوسف تواضع وجمال وابنتيه ...دكتور ياسر وحرمه ...وضيوفنا من غير الاعضاء لكم جميعاألف تحية... |
الحلاوي العزيز
مساء الخير
بل تدري يا عزيزي
ومن غيرك يدري وانت رجل كلّيم وحلو اللسان ؟
أتحفتنا بالجّلسة الجّميلة في حضرتك والأخوة والأخوات الكرام
وأملي أن نلتقي مجدّداً لقاءات خير ومحبّة
معزّتي
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: ALGARADABI)
|
Quote:
ضيوف الامارات العريس صبري الشريف ، لؤي شمت وطارق ميرغني شرفتونا |
أخي الحبيب عُمر القرضابي
الأخوات والأخوة الكرام
مساء الدّهشة
الدّهشة من روعة وألق كُلّ فرد إلتقيته في دولة الإمارات
وفي سلطنة عُمان
الحديث عن هاتين المجموعتين الفريدتين يطول
ويصيب الأصابع برعشةٍ عرفتها منذ كُنت صبيّاً أحاول تركيب الأغاني على ( الكيبورد ) أو الجّيتار
وتصيبني الآن وأنا أحاول ترتيب الحروف على ( الكيبورد )
سأعود للسّرد
وللرّد
كُلّ الوُد
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: المعتمد)
|
الأخوة والأخوات الأعزاء
لكم التحايا والود ومساكم الله بالخير
سعدنا واستمتعنا وانتشينا بلقاء الأعزاء صبري الشريف وعروسته
ولؤي شمت والبحراوي طارق ميرغني ومولانا عادل سمير..
ورغم بعد المسافة وضيق الوقت إلا أن متعة اللقاء أنستنا كل شيء
ومرت الساعات كسرعة البرق وانقضت ليلة جميلة عشناها في مدينة العين..
جلسة الشوق والريد ضمت أيضاً الزملاء الأعزاء (حسب الحضور):
عبد الرحمن الحلاوي
نصر الدين البشير
معتز عوض (عباس)
ناصر أحمد الأمين
عمر محمد الحسن (القردابي)
آدم مـوسى
جنابو الطيب عثمان يوسف
دكتور أسامة عبد الحليم
محمد سيد أحمد
دكتور حمزة (ضيف محمد سيد أحمد)
صديق البورد ياسر
افتقدنا الكثيرين لكننا نعذرهم لأن البرنامج تم الترتيب له بسرعة
ونتمنى أن نلتقي غداً الأربعاء في الشارقة (حسب البرنامج الجديد المقترح)
وبكرة مافيش أي عذر وحنتصل على الأحبة الأعزاء بعد أن يتم تأكيد البرنامح
من لجنة الإفتاء الشرعي إن شاء الله..
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: Nasruddin Al Basheer)
|
الأخوة والأخوات الذين مروا من هنا
لكم التحية والتجلة وكل عام وأنتم بخير
نتمنى أن نتشرف بلقاء من هم خارج الإمارات وينضم إلينا
من هم داخل الإمارات في اللقاء القادم المقترح..
ولكم الشكر على تواصلكم معنا في هذا البوست:
دينق
مريم بنت الحسين
عفاف الصادق بابكر
الشايقي
سالي
كوستاوي الخردة (الكاميرا بتاعتك طلعت خردة زيك)
الفاتح عبد الله طه
سيف الدولة كامل
بنت الأحفاد 2001
دكتور محمد علي المشرف
ساري الليل
مريم عبد الله
تراجي مصطفى
المعتمد
لا عدمناكم ونجيكم في الحلو إن شاء الله..
| |
|
|
|
|
|
|
|
|
 Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: ALGARADABI)
|
Quote:
ونتمني أن يتمكن الاخوان لؤي و طارق من التغلب على الصعاب و حضور الحفل |
عزيزي عُمر
صباح الخير
أنا وللأسف بالطّبع لن أتمكّن من العودة للإمارات اليوم
حيث أنّي وصلت بالأمس عائداً منها ومن سلطنة عُمان
وتعب السّواقة والصّحيات البدري وعدم النّوم منتهية منّي
وراجياني سفرة الويكيند دا كمان
كما أنّ الأخ العزيز طارق ميرغني سيعود اليوم من أبو ظبي إلى الرّياض
عائداً لمقر عمله
ممّا يجعل أمر مشاركته بحضور الحفل للأسف مستحيلاً كذلك
لكنّا نعشم بالطّبع في لقاءات قادمة
وسط هذه الكوكبة الرّائعة من بورداب الإمارات
لك وللجّميع التّحيّة
| |
|
|
|
|
|
|
|
|
 Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: طارق ميرغني)
|
Quote:
اصلو احلي من كده مافي ........
شكرا صديقي قرضابي والله تكنو الواحد قرا معاك من الاوليه "لو قدرنا طبعا "
والشكر لصديقي لؤي الذي جعل هذا ممكنا
وشكري العميق ووالله من كل قلبي للاعزاء بورداب الامارات ومسقط
الرجال الذين خجلونا بكرمهم الفياض وألقهم ووجوههم النيره
اتمني ان نلتقي مرات ومرات
يا دوبي دخلت بعد ما حتحت تعب السفر فلكم عذري |
أبو الطُّرق
سلامات
قصّة المشية دي عاوزة ليها سرد شيّق زي سردك في بوست مخصوص للسّفريّة دي
خلّيني بس أفضى ، كان أنا تاني أفضى 
محبّتي
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: لؤى)
|
سلام للناس الظراف ونضاف قلوب ورؤوس
استقبلونا واحسنوا ضيافتنا اخص اهالي الامارات وتحية الي شيخها زايد له الرحمه والمغفره
جعل هذه الرمال اكثر خضره وجمال وتحية له وهو يجعل للوافدين\ات حسن تفكر في جمال البلاد وكمان حسن تعامل
بس هنود كتااااااار قربوا يمسخوا الرحلة تفتح علبة الساردين يخرج ليك هندي ( درويش )
تحية لصديقي الدكتور ابو بكر او بابكر او بكور او ابكر او بكري كلها اسماء لشخص واحد فهو صديق زمالة في المرحلة المتوسطه وحقيقه هو افضل مننا علما واخلاقا لانه حمل هذه المعرفة والصداقة وهو من جعل هذه الرحلة
ممكنه فهو سليل اسرة محترمة احسنت تربيته واصبح عنوان لها سبقني الشاعر الشفيف الوريف رمز شعبنا
محجوب شريف بالضيافة مشتركا بين ابو بكر وبين عبد الخالق وزوجته الهاشه الباشه افكار سبقتنتا بفرح استقبال وهمة الي ان كسرت يدها فرحانه بلمه الناس وبيتها اصبح قبله لاهل السودان فسلام لها
وسلام لقريبي في المواقع الجغرافية عمر القردابي الذي اصبح بقدرة قادر القرضابي له ولزوجته واسرته التحية
فقد اكمل بهجة الزيارة مع ابو بكر وقد جعل امر حركتنا وفسحتنا سهلا له الحب والسلام
والي زول جميل وعظيم مليان قلبه وعقله بمحبة اهل السودان هو ادم موسي وزوجته مياده
ودي مش ميااااده كمال لها السلام ان في ماليزيا او السودان تكون بتجهز ليها في امر دفاع عن الكيزان مع افتضاح الامر تماما
هنا ادم موسي تلفونه زي خرز السبح منضوم باصوات وارقام الاحبه فهو يكون في تلفون او طالع من تلفون لاخر
مشغول بخدمة الاحباب والاصحاب يااااااااه ادم عايز ليهو صفحة ما قصر معانا تب ونوسه رفيقتي تاسف لعدم الوصول لمياده لكن وعد ان نكرر الزياره تاني
ديل من ابتدات بهم بهن الرحلة
سلام تربيع لاحمد ابو شراء ذلك الفاكهة الحايمة بين الناس بهجة تعليق وسرعة بديهة يا احمد
نتلاقي في الوطن المحنة عما قريب
لاقيت صاحبنا مصطفي ادم ونجوي وعزه بنتهما بقت كبيره وجميله لها مستقبل رائع ينتظرها
انا بسرق الوقت سرقه اعد الان لزيارة الحضارة الراسخه الاهرامات وزمنها ممحوق
بس يا قرضابي يا ريت لو ترحل لينا البوست لمربع جديد عشان اقدر انزل الصور
تحية لمولانا عادل سمير توفيق فهو قد سهل لي ربطي باصحابي حسن حسين ومها علي رجب وعبد الرحمن الزين
له الحب والسلام فهو شخصية تحتاج المقيل تحت فكرها وشجرة المعرفة التي توجد في شخصيته العظيمة
جاي للكل
| |
|
|
|
|
|
|
|
|
|
Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) (Re: طارق ميرغني)
|
الاحباء بورداب الامارات والله شرفتونا بحفاوة إستقبالكم الجميل للعرسان وللعزيز لؤى ولضيوفكم الكرام من بورداب السلطنة..
العريس صبري وعروسته الجميلة، بازليون مبروك وبيت مال وعيال بالعديل والزين، وزي ما قال د. حيدر زادكم الله فرحاً على فرح.
* القرضابي صورتك هنا صورة لزول شاب وطموح خالص ما زي عمك العجوز الخاتيهوا لينا هنا في البروفايل
* أبو حازم ياصديق ليك وحشة والله، وشكلك قربت تبقى ملباااري..
بوردابي إماراتي مع وقف التنفيذ..
| |
|
|
|
|
|
|
| |
ALGARADABI
ناصر احمد الامين
Deng
abas
مريم بنت الحسين
لؤى
عادل سمير
أبوبكر حامد الأمين
عفاف الصادق بابكر
Al-Shaygi
salee
Kostawi
الفاتح عبد الله طه
سيف الدولة كامل
بنت الاحفاد 2001
عبدالرحمن الحلاوي
sari_alail
مريم عبد الله
Tragie Mustafa
المعتمد
Nasruddin Al Basheer
Abureesh
ايوب عبدالرحيم
أسامة خلف الله مصطفى
Elwaleed M. Ahmed
Nader Abu Kadouk
محمد المرتضى حامد
هشام هباني
ابوعسل السيد احمد
Haydar Badawi Sadig
Mohammed Ibrahim Othman
محمد سنى دفع الله
Ahmed Alim
معتصم دفع الله
فيس بوك
تويتر
انستقرام
يوتيوب
بنتيريست