ألتقيناهم على عجل بمدينة العين الجميلة أمس سرعة ترتيب اللقاء لم تمكن العديد من بورداب الامارات من الحضور سيكون لنا لقاء آخر بأذن الله حدد له مبدئيا يوم الاربعاء علي شرف العريس صبري و عروستة الجميلة ونتمني أن يتمكن الاخوان لؤي و طارق من التغلب على الصعاب و حضور الحفل فنانة الحفل مفاجأة من الاخ ناصر مشمشة(دا أسم كديسة ناصر) والفنانة مفاجأة لأنهامعروفة لدي أعضاء المنبر و الزوار وكتب فيهاأخونا عمر الفاروق بوستا حينما ريحته في كنكوجو (على حد تعبيرو) ويا أخ ناصر بالله رفقا بالكناكيج...
Post: #3 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-29-2009, 04:30 PM Parent: #2
كان عيدا مميزا اذ التقينا ضيوفا كرام، شرفونا بحضور بهي و مشاعر نبيلة
الصور جاية
Post: #4 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-29-2009, 05:06 PM Parent: #3
الف مبروك يا صبري و ان شاء الله بيت مال و عيال و سعادة و حاجات حلوووووه كتييييييره
بصراحة : قبل ما اقابل صبري الشريف دا، كان عندي احساس انو زول سمج و دمو تقيييل و فاكيها في روحو لكن الواقع و تلك الليلة كشفت عن انسان سوداني اصيل في غاية التهذيب و الاحترام والبساطة
لؤي الفنان (الرحالة) ونستو متعة و جلستو الحان .......
الاستاذ طارق ميرغني لم يسعفنا الزمن لجلسة اطول معك نرتشف فيها حلو حديثك .... و سنعتبرها وعدا ان تفرد لنا مساحة اكبر عند عودتك.
Post: #5 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-29-2009, 05:13 PM Parent: #4
مولانا عادل سمير و طلتة البهية و حضور مهم.
Post: #6 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-29-2009, 05:22 PM Parent: #5
حضر اللقاء من بورداب الامارات: مولانا عادل سمير الطيب عثمان وآمنة و سارة آدم موسي محمد سيد أحمد الحلاوي نصر الدين البشير ناصر أحمد الأمين دكتور أسامة عبد الحليم مهندس اللقاء معتز (عباس)
وبعض الضيوف
كما أسلفنا تم اللقاء على عجل نسبة لسفر الأخوان لؤي وطارق للسلطنة اليوم على أمل لقاء آخر يجمع كل البورداب مع الأخوة الضيوف
Post: #10 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-29-2009, 06:52 PM Parent: #9
Quote: فنانة الحفل مفاجأة من الاخ ناصر مشمشة(دا أسم كديسة ناصر) والفنانة مفاجأة لأنهامعروفة لدي أعضاء المنبر و الزوار وكتب فيهاأخونا عمر الفاروق بوستا حينما ريحته في كنكوجو (على حد تعبيرو)
الفنانة رشا خليفة صاحبت الاغنية الريحت عمر الفاروق في كنكوجو (يااا يمة انا وووب علي)، موجودة في الامارات و اكدت انها حا تجي تغني في الحفل يوم الاربعاء القادم ان شاء الله.
مشكورين يا بورداب الامارات لم تقصرو مع الضيوف. تحياتي لكم جميعا والى ضيوفكم الكرام، خصوصا العريس صبري وعروسه.
Post: #14 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: abas Date: 11-30-2009, 08:03 AM Parent: #13
يا احباب
تشرفنا بكم وبضويف بورداب الامارات صبري الشريف يا قريب والعروس قريبتي وكده برضو
الحبيب الرائع مولانا عادل سمير تشرفنا بمعرفتك يا مولانا والله كتير
لؤي وطارق الرحاله
من اجمل الناس يا ريت كل البورداب في الدنيا يعرفوهم
الاحباب بورداب الامارات
انتو زاد السنيين ربنا ما يحرمنا منكم
شيخي ادم موسي
القرضابي الممشمش
الحلاوي الموسوعه القبليه
نصرالدين البديع يا صاحب في الزمن الصعب
عبد الناصر والتجليه ونحمد الله انو العربيه ما عملت الحادث ياخ كل ما اتزكر راسي يشيب عديل كده
تصدقوه عربيه نخليها واقفه نجي نلاقيها قطعة شارع براها ولم تعمل حادث ( عاوزين كرامه يا عمك )
جنابو الحياني بي كابو نسيبي ياخ اقيف معاي والصغيره لومك علي بكون جهزة نفسي للعرس
دكتور اسامه جاء متاخر لكن زاد الجلسه روعه زيو كده
شرفتونا والله كتير
Post: #15 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: abas Date: 11-30-2009, 08:24 AM Parent: #14
الحبيب محمد سيد احمد
عمدة البورداب هنا شرفتنا كتير برغم الضيوف المعاك
Post: #16 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: مريم بنت الحسين Date: 11-30-2009, 09:51 AM Parent: #15
صبري الشريف، آل الحسين في العين قالوا لي كنت جايهم.. اتاريك بي جاي .... عليكم الله يا ناس الامارات رسلوا لي رقم تلفون لصبري ده النبارك ليه وقت بقى قريب بي جاي...
Post: #17 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-30-2009, 09:57 AM Parent: #16
Quote: مشكورين يا بورداب الامارات لم تقصرو مع الضيوف. تحياتي لكم جميعا والى ضيوفكم الكرام، خصوصا العريس صبري وعروسه.
دينق .... تسلم يا الحبيب
Post: #18 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 11-30-2009, 10:01 AM Parent: #17
مليون ترليون مبروك عزيزنا صبرى الشريف ولحرمكم إيناس الزواج الميمون ، شكراً لك ياقرضابى والتحية عبرك للرائع بابكر محمد أحمد عباس ، ومولانا عادل سمير الذى علمت بمغادرته للبحرين عبر هذا البوست ، وقد كنت أعتزم يامولانا زيارتك بعالى بمعية إسماعيل النصرى ونستمتع بالشيشة من إعداد الباك الشمال.
Post: #19 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: عادل سمير Date: 11-30-2009, 11:34 AM Parent: #1
Post: #20 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: عادل سمير Date: 11-30-2009, 11:42 AM Parent: #1
ألتقيناهم على عجل بمدينة العين الجميلة أمس
Quote: والله حفيتونا بجمالكم وكرمكم الفياض نقول منو ولا منو
وبالجد عندما التقيانهم تفاجأنا بجمالهم علي الطبيعه
يا سلاااااااااااااام الناس دي بالله شكلها غير
الأعزاء الاحباب:
صبري الشريف و العروس
جنابو الطيب
لؤي شمت
ALGARADABI
طارق ميرغني
ناصر احمد الامين
abas
دكتور أسامة عبد الحليم
الرزين نصرالدين
الحلاوي الموسوعة
السيد آدم موسي
وآمنة و سارة الطيب عثمان
محمد سيد أحمد
نصر الدين البشير
و بقية العقد الفريد
كان لقاء جميلا..تشرفت بكم و سعدت كثيرا بالتعرف عليكم من قرب (وجها لوجه زي ما قال نميري) !!
دا كان أول لقاء لي مع بورداب منذ التحاقي بالمنبر يمكن من عام 2005 !! في البحرين ما كان في ناس
كتير..!
إن شاء الله نتلاقى في ساعة خير دائما.. و ما قصرتوا..
مولانا عادل سمير كل عام وأنت بخير إسمح لي عبرك بتحية البوست وصاحبه كل المتداخلين والمعيدين وكل أعوامكم خير وبركة وسعة رزق وأخص بالتحية الصديق الشفيف الرقيق لؤي شمت بوردابي الشرقية الذي طبع بصماته المضيئة ببورد الرياض.
كما أستسمحك في تعديل بسيط ولكنه عرفاناً بجميل للحبيب لؤي
يوجد الكثير من البرامج لمعالجة الفيديو وأبسطها ملحق ضمن نظام تشغيل وندوز وهو Widows Movi Maker وتجده ضمن البرامج في إبدأ Start واللنك ده ممكن يشرح ليك كيفية أضافة الصورة لملف الصوت أو الفيديو http://presentationsoft.about.com/od/moviemaker/ss/import_pics.htm وفي نفس اللنك ستجد الكثير من الشرح حول تعديل الفيديو بنفس البرنامج. عاوز شوية متابعة لكنه بسيط جداً وبعد شوية راح تلقى نفسك بقيت لهلوبه في الشغلانه وراح تستهويك وتعمل بيها شغل كتير وجميل. أتمنى لك متعة فائقة مع اللعب بالفيديوها...
لا أدري من أين المبتدأ والمنتهي فقد ذهلنا من هول المفاجأة ....هاهو صبري الشريف بلحمه وعظمه ..تواضع جم وأدب رفيع في معية رفيقة دربه يشق عباب البحار لنلتقي في ساحة العين الرحبة ..الخضرة والوجه الحسن . لؤي شمت ذلك الشاب المرهف تجد نفسك تلازمه وتشاركه في عمقه الشفيف تزول فواصل المكان والزمان في حضوره . أخونا طارق ميرغني الفنان بورداب الإمارات الكرماء الاصلاء عباس عباس إذا احتدم الوغى ...وناصر ونصر الدين والقرضابي نسيبي حسيبي ومحمد سيد أحمد عمدة بورداب الإمارات ثقافة وإعلام ومولانا عادل سمير رجل خفيف الروح ..جنابو عثمان يوسف تواضع وجمال وابنتيه ...دكتور ياسر وحرمه ...وضيوفنا من غير الاعضاء لكم جميعاألف تحية...
كسرة ناصر وعباس تلفوني ليوم الأربعاء0505711513
Post: #37 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 12-01-2009, 12:36 PM Parent: #36
Quote: أخونا طارق ميرغني الفنان وابنتيه
اخونا عبد الرحمن سلامات
(ابنتيه) دي تبع الطيب عثمان يوسف
و يوم الاربعاء دا (لحدي الان) شكلو مطرشق، نحن نسينا انو هو (الاربعاء الموافق الثاني من ديسمبر) يعني في عز ليلة الاحتفال بالعيد الوطني ..... و اتخيل شكل الشوارع
كتر خير ادم موسي ... هو النبهنا للحتة دي
كان في اقتراح انو الحفل تتعمل يوم الجمعة، لكن الفنانة رشا عندها ارتباط
و يوم الاربعاء دا (لحدي الان) شكلو مطرشق، نحن نسينا انو هو (الاربعاء الموافق الثاني من ديسمبر) يعني في عز ليلة الاحتفال بالعيد الوطني ..... و اتخيل شكل الشوارع
كتر خير ادم موسي ... هو النبهنا للحتة دي
كان في اقتراح انو الحفل تتعمل يوم الجمعة، لكن الفنانة رشا عندها ارتباط
أخونا ناصر سلام ومحبة التحية لأخينا الطيب عثمان وأسرته الخميس لو أمكن
Post: #39 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ناصر احمد الامين Date: 12-01-2009, 12:59 PM Parent: #38
Quote: يوم الاربعاء دا (لحدي الان) شكلو مطرشق، نحن نسينا انو هو (الاربعاء الموافق الثاني من ديسمبر) يعني في عز ليلة الاحتفال بالعيد الوطني ..... و اتخيل شكل الشوارع
كتر خير ادم موسي ... هو النبهنا للحتة دي
ناصر مساء الخير وشُكرا على الإتّصال اللطيف
أهو يعني شيخنا آدم موسى أثبت تماماً حكاية عُمدة بورداب الإمارات دي يا ربّي جنابو الطّيّب إقتنع ؟
Quote: لا أدري من أين المبتدأ والمنتهي فقد ذهلنا من هول المفاجأة ....هاهو صبري الشريف بلحمه وعظمه ..تواضع جم وأدب رفيع في معية رفيقة دربه يشق عباب البحار لنلتقي في ساحة العين الرحبة ..الخضرة والوجه الحسن . لؤي شمت ذلك الشاب المرهف تجد نفسك تلازمه وتشاركه في عمقه الشفيف تزول فواصل المكان والزمان في حضوره . أخونا طارق ميرغني الفنان بورداب الإمارات الكرماء الاصلاء عباس عباس إذا احتدم الوغى ...وناصر ونصر الدين والقرضابي نسيبي حسيبي ومحمد سيد أحمد عمدة بورداب الإمارات ثقافة وإعلام ومولانا عادل سمير رجل خفيف الروح ..جنابو عثمان يوسف تواضع وجمال وابنتيه ...دكتور ياسر وحرمه ...وضيوفنا من غير الاعضاء لكم جميعاألف تحية...
الحلاوي العزيز مساء الخير
بل تدري يا عزيزي ومن غيرك يدري وانت رجل كلّيم وحلو اللسان ؟ أتحفتنا بالجّلسة الجّميلة في حضرتك والأخوة والأخوات الكرام وأملي أن نلتقي مجدّداً لقاءات خير ومحبّة
الدّهشة من روعة وألق كُلّ فرد إلتقيته في دولة الإمارات وفي سلطنة عُمان الحديث عن هاتين المجموعتين الفريدتين يطول ويصيب الأصابع برعشةٍ عرفتها منذ كُنت صبيّاً أحاول تركيب الأغاني على ( الكيبورد ) أو الجّيتار وتصيبني الآن وأنا أحاول ترتيب الحروف على ( الكيبورد )
الحبيب ساري الليل والله لؤي شمت سأل منك بالتحديد وقال انك من أشد المعجبين بالفنان وردي وأخبرناه انك بماليزيا لو عيدتا علي الناس كنا عرفنا بوجودك المهم خيرا في غيرا يوم الاربعاء والتنسيق مع عباس ومحمد سيد أحمد
Quote: الحبيب ساري الليل والله لؤي شمت سأل منك بالتحديد وقال انك من أشد المعجبين بالفنان وردي وأخبرناه انك بماليزيا لو عيدتا علي الناس كنا عرفنا بوجودك
العزيز القرضابي سلام كل عام وانتم بخير كان من المفترض ان نلتقي بالاخ شمت فى ابو ظبي الا ان ظروفا قاهرة منعت التلاقي. نتمني ان تسعفنا الظروف بلقياه وهو عائد من عمان حسب اتصالي معه. ومبروك العرسان لك الود والف باقة ورد
الأخوة والأخوات الأعزاء لكم التحايا والود ومساكم الله بالخير سعدنا واستمتعنا وانتشينا بلقاء الأعزاء صبري الشريف وعروسته ولؤي شمت والبحراوي طارق ميرغني ومولانا عادل سمير.. ورغم بعد المسافة وضيق الوقت إلا أن متعة اللقاء أنستنا كل شيء ومرت الساعات كسرعة البرق وانقضت ليلة جميلة عشناها في مدينة العين.. جلسة الشوق والريد ضمت أيضاً الزملاء الأعزاء (حسب الحضور): عبد الرحمن الحلاوي نصر الدين البشير معتز عوض (عباس) ناصر أحمد الأمين عمر محمد الحسن (القردابي) آدم مـوسى جنابو الطيب عثمان يوسف دكتور أسامة عبد الحليم محمد سيد أحمد دكتور حمزة (ضيف محمد سيد أحمد) صديق البورد ياسر
افتقدنا الكثيرين لكننا نعذرهم لأن البرنامج تم الترتيب له بسرعة ونتمنى أن نلتقي غداً الأربعاء في الشارقة (حسب البرنامج الجديد المقترح) وبكرة مافيش أي عذر وحنتصل على الأحبة الأعزاء بعد أن يتم تأكيد البرنامح من لجنة الإفتاء الشرعي إن شاء الله..
الأخوة والأخوات الذين مروا من هنا لكم التحية والتجلة وكل عام وأنتم بخير نتمنى أن نتشرف بلقاء من هم خارج الإمارات وينضم إلينا من هم داخل الإمارات في اللقاء القادم المقترح.. ولكم الشكر على تواصلكم معنا في هذا البوست:
دينق مريم بنت الحسين عفاف الصادق بابكر الشايقي سالي كوستاوي الخردة (الكاميرا بتاعتك طلعت خردة زيك) الفاتح عبد الله طه سيف الدولة كامل بنت الأحفاد 2001 دكتور محمد علي المشرف ساري الليل مريم عبد الله تراجي مصطفى المعتمد
Quote: الأخوة والأخوات الأعزاء لكم التحايا والود ومساكم الله بالخير سعدنا واستمتعنا وانتشينا بلقاء الأعزاء صبري الشريف وعروسته ولؤي شمت والبحراوي طارق ميرغني ومولانا عادل سمير.. ورغم بعد المسافة وضيق الوقت إلا أن متعة اللقاء أنستنا كل شيء ومرت الساعات كسرعة البرق وانقضت ليلة جميلة عشناها في مدينة العين..
نصر الدّين العزيز مساء الخير
لك الشُّكر يا عزيزي ولهذه الكوكبة وجسور المودّة ممدودة واللقاءات القادمة أجمل
Quote: ونتمني أن يتمكن الاخوان لؤي و طارق من التغلب على الصعاب و حضور الحفل
عزيزي عُمر صباح الخير
أنا وللأسف بالطّبع لن أتمكّن من العودة للإمارات اليوم حيث أنّي وصلت بالأمس عائداً منها ومن سلطنة عُمان وتعب السّواقة والصّحيات البدري وعدم النّوم منتهية منّي وراجياني سفرة الويكيند دا كمان كما أنّ الأخ العزيز طارق ميرغني سيعود اليوم من أبو ظبي إلى الرّياض عائداً لمقر عمله ممّا يجعل أمر مشاركته بحضور الحفل للأسف مستحيلاً كذلك لكنّا نعشم بالطّبع في لقاءات قادمة وسط هذه الكوكبة الرّائعة من بورداب الإمارات
Quote: وبكرة مافيش أي عذر وحنتصل على الأحبة الأعزاء بعد أن يتم تأكيد البرنامح من لجنة الإفتاء الشرعي إن شاء الله..
نصر الدين .. كيفنك .. الظاهر لجنة الافتاء الشرعي ما أجازتنا .. عشان كده ما تم الاتصال بنا .. عموماً لمت خير انشاء الله ..
Post: #77 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: محمد المرتضى حامد Date: 12-03-2009, 09:12 AM Parent: #76
تهانينا للعزيزين صبري وعروسه وتمنياتنا لهما بحياة زوجية جميلة وسعيدة، نتمنى أن يحذو حذوهما ( كل من يهمه الأمر)، تمنينا لو صحبا الجميلين طارق ولؤي إلى أرض السلطنة ، العشم مستمر، شكرا يا قرضابي على البوست.
__
مولانا عادل سمير إنت قاصد تقول للشايقي إنو الصوره ما صورتك؟ سؤال برئ برئ جدا.
Post: #78 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: عادل سمير Date: 12-03-2009, 09:36 AM Parent: #77
Quote: مولانا عادل سمير إنت قاصد تقول للشايقي إنو الصوره ما صورتك؟ سؤال برئ برئ جدا.
Quote: تهانينا للعزيزين صبري وعروسه وتمنياتنا لهما بحياة زوجية جميلة وسعيدة، نتمنى أن يحذو حذوهما ( كل من يهمه الأمر)، تمنينا لو صحبا الجميلين طارق ولؤي إلى أرض السلطنة ، العشم مستمر، شكرا يا قرضابي على البوست.
أُستاذنا ود المُرتضى سلامات وشُكراً على كُلّ شيء حقيقةً لا تكفي ومنتظرين بقيّة الصُّوَر
محبّتي
Post: #82 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: ابوعسل السيد احمد Date: 12-03-2009, 07:32 PM Parent: #1
سلامات يا أصيل يا قرضابي و كل عام و أنت الأسعد يا صديقي أهنئ كل هؤلاء العرسان و بالتوفيق إن شاء الله .. و بالخصوص لصديقنا صبري الشريف و.. .. سلامات كتيرة للؤي شمت .. ...
تحياتي للعروسين ولكم جميعاً. فرحكم يفرحنا. زادكم الله فرحاً على فرح.
Post: #89 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: Mohammed Ibrahim Othman Date: 12-14-2009, 05:05 AM Parent: #88
يوم جميل زينه صبري الشريف وعروسه .. بس يا القرضابي وناصر وين الصور؟؟
Post: #90 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: محمد سنى دفع الله Date: 12-14-2009, 05:14 AM Parent: #89
ياجماعة الفرح العريس ده ما قال جاي الدوحة شنو مسكتو فيهو كده ماتدوه فرصة يشم نفس الريدة الكتيرة يا حنين شقاوة ناس الإمارات كلهم ناس حنان ومودة
فما تنسى ويشيلكم الوقت ادونا باقي الايام لنحتفل بكم في الدوحة والف مبروك يا عروس والف مبروك ناس الامارات وفرحتونا بولدنا العريس صبري الشريف لكم محبتي ابدية
تحية لصديقي الدكتور ابو بكر او بابكر او بكور او ابكر او بكري كلها اسماء لشخص واحد فهو صديق زمالة في المرحلة المتوسطه وحقيقه هو افضل مننا علما واخلاقا لانه حمل هذه المعرفة والصداقة وهو من جعل هذه الرحلة
ممكنه فهو سليل اسرة محترمة احسنت تربيته واصبح عنوان لها سبقني الشاعر الشفيف الوريف رمز شعبنا
محجوب شريف بالضيافة مشتركا بين ابو بكر وبين عبد الخالق وزوجته الهاشه الباشه افكار سبقتنتا بفرح استقبال وهمة الي ان كسرت يدها فرحانه بلمه الناس وبيتها اصبح قبله لاهل السودان فسلام لها
وسلام لقريبي في المواقع الجغرافية عمر القردابي الذي اصبح بقدرة قادر القرضابي له ولزوجته واسرته التحية
فقد اكمل بهجة الزيارة مع ابو بكر وقد جعل امر حركتنا وفسحتنا سهلا له الحب والسلام
والي زول جميل وعظيم مليان قلبه وعقله بمحبة اهل السودان هو ادم موسي وزوجته مياده
ودي مش ميااااده كمال لها السلام ان في ماليزيا او السودان تكون بتجهز ليها في امر دفاع عن الكيزان مع افتضاح الامر تماما
هنا ادم موسي تلفونه زي خرز السبح منضوم باصوات وارقام الاحبه فهو يكون في تلفون او طالع من تلفون لاخر
مشغول بخدمة الاحباب والاصحاب يااااااااه ادم عايز ليهو صفحة ما قصر معانا تب ونوسه رفيقتي تاسف لعدم الوصول لمياده لكن وعد ان نكرر الزياره تاني
ديل من ابتدات بهم بهن الرحلة
سلام تربيع لاحمد ابو شراء ذلك الفاكهة الحايمة بين الناس بهجة تعليق وسرعة بديهة يا احمد نتلاقي في الوطن المحنة عما قريب
Post: #94 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: Ahmed Alim Date: 12-17-2009, 02:22 AM Parent: #93
الاحباء بورداب الامارات والله شرفتونا بحفاوة إستقبالكم الجميل للعرسان وللعزيز لؤى ولضيوفكم الكرام من بورداب السلطنة..
العريس صبري وعروسته الجميلة، بازليون مبروك وبيت مال وعيال بالعديل والزين، وزي ما قال د. حيدر زادكم الله فرحاً على فرح.
* القرضابي صورتك هنا صورة لزول شاب وطموح خالص ما زي عمك العجوز الخاتيهوا لينا هنا في البروفايل * أبو حازم ياصديق ليك وحشة والله، وشكلك قربت تبقى ملباااري..
بوردابي إماراتي مع وقف التنفيذ..
Post: #102 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: عادل سمير Date: 12-17-2009, 10:59 AM Parent: #94
Quote: * القرضابي صورتك هنا صورة لزول شاب وطموح خالص ما زي عمك العجوز الخاتيهوا لينا هنا في البروفايل
مولانا عادل سمير الرؤوس الفاضيه انا خايف يكون قاصد بيها كما قال حموده العركي خاليي الذهن
وللا يا ربي يقصد الذين لم يتعاطوا الخندريس
Post: #99 Title: Re: ضيوف الامارات العريس صبري الشريف ، لؤي شمت وطارق ميرغني شرفتونا (صور للهالك كوستاوي) Author: معتصم دفع الله Date: 12-17-2009, 07:45 AM Parent: #97
التهنئة القلبية للأخ صبري الشريف وعروسته .. أمنياتي لهما بحياة زوجية سعيدة .. معليش يا صبري يمكن بسبب الإجازة الصغيرة للسودانت وعدم متابعتي للمنبر لم أرى بوست المناسبة ..
تحية خاصة لبورداب الإمارات وهم يحتفون بضيفوهم الكرام الحبيب لؤي وطارق وزوجته وصبري وعروسته .. وكل عام والجميع بألف خير ..
Quote: يا اخوانا ويني صور الهالك كوستاوي الفي العنوان دي
العزيز طارق
السيد العريس طلب اهداء الصور لكوستاوي لأسباب يعلمها الاثنان كوستاوي قال الكاميرا الشايلا العريس بتاعتو(قد يكون ده السبب) أنا عندي صورة لكوستاوي لو حابب بس خايف الحفلة تتفرتك
الاخ عمر كل عام وانت بخير ، التحايا و المباركة من خلالك للعرسان ، اسف للوصول متاخر ، لظروف المرض ، وعدم وجود المرارة لم يحفظنا على الدخول للنت ، وبرضو ما زلنا ممنوعين من الجلوس الكثير ، المهم ما قصرتو و يا هه المحرية فيكم .
