شروق ابو الناس بعد مرور عام من هجر الطب والتفرق للفن !!!

(عدل بواسطة AWAD MAHMOUD OSMAN on 10-25-2009, 00:41 AM)

Quote: (انا خايفه.. الشمس سخنة بره.. كيف حتوصل من صالة الوصول الى العربية)

Quote: الفن دة هو الحاجة الوحيدة التي لا يُمكن أن تُصطنع أو تُجمّل لأجل المُتلقِّي العادي شروخ و إن مرّت من كل لجان التحكيم الفنيّة

(عدل بواسطة محمد سنى دفع الله on 10-25-2009, 09:28 AM)

Quote: خجلت ليها والله لازم هي كسودانية ... خلي كفنانة لازم يكون عندها انتماء للوطن دا

Quote: يعني كان بالسهولة انها تمثل الامارات في اكثر من مناسبة

و ناس رويدا المحروقي يجوا يمثِّلوا السودان!!!؟

ياخي نحن بنسمع فن كان عربي كان غيرو
رويدا دي من زمن أُغنيتها
حطيتك في بالي
بنسمع ليها
شن جاب لجاب
شان تجي غيرها لتُمثِّل دولتها
واللهِ أنا خايف تمثِّل بيها

Quote: سؤال مشروع بدون زعل و ناس رويدا المحروقي يجوا يمثِّلوا السودان!!!؟

Quote: الان اصبح ظهور الفنان مربوط بي حملة مقصود منها تقديم الفنان بصورة لائقة وجذابة مشروع تقديم الفنانيين مشروع للفنان ان تقدمه جهة راعية اذا كانت هذه الجهة شركة انتاج او مدير حملة او اي جهة راعية مشاريع تقديم الفنانيين عملية منظمة واحترافيةومشروعة حتى ولو صنعت نجم ..

شكراً أستاذ سُنِّي لِسعة صدرك
بالنسبة للكلام الفوق أختلِف معاك فيهو تماماً
لأنو الحملات دي بتبدأ بعد ما الزول يلمع نجمه في مكان ما
لكن قول لي وين لمع نجمها "بدون صفة شان ما تزعلوا"



دي زي هسي تقوم إنت فجأة تطلِّع شريط ينزِل السوق فيهو فنان إسمو علاء الدين يوسف علي
بدون أي مُقدِّمات الناس تلقاني في شريط
أها باللهِ تتوقع شِنو يعني!!!؟


عِندك مثلاً ظاهرة نجوم الغد البقت مدرسة
شوف طلّعت كم إسم و كم تلاشوا و طوتهم ذاكرة النسيان
مِن الظهروا :
الشاب سعد
عافية
أسرار
ريماز
منار
أفراح
الود البِقلِّد عثمان حسين داك
و البغني لسيد خليفة
و مي
و عييييييييييييييييييييييييييييك


أها ديل ظهروا ظهور طبيعي جِداً
و أي حملات ليهم ما خسارة فيهم لأنو الناس تقبّلتم
ما تقول لي ديل جوا صغار و كدة
عندك مثلاً الجيلي الشيخ
فنان مطبوع و جانا بسنونو
وظهر وهو بشنبو
و تقبّلو الجمهور رغم إختياره الإنزواء كفنان و ميّل للمديح
عابدة الشيخ ظهرت كبيرة برضو و أخوها أسامة برضو
لكن ديل ظهروا بصورة طبيعية و بعد الجمهور تقبّلم بعدين طلّعوا شرايط و طلعوا في البورصة

Quote: اخي عوض التفرق دي مقصوده باعتبار فراقها للفن فراق الطريفي لي جملو

Quote: الا كلمك عن المقومات الوطنية دي هل هناك مقومات وطنية؟؟ اشك في ذالك !! كل واحد فينا بحمل الوطن بين عقلو وقلبو في فرق بين الوطنية بتاعتك والحنكشه حقتنا هي في الوضع ده بطلقوا عليها حنكشه يعني فافي وما بتقدر على الأعمال الشاقة زي القمر بوبا فما مكن تشيلي منها الوطنية بي جرة قلم لانو قالت الشمس فاقعة وحارة ما عايز اقول ليك ناس كتار بعد يرجعوا في الصيف لمن يطلعو من الصالة بتاعت المطار بياخدو ليهم ترا لي ورا من السموم لكن بقطعوها في حنانهم عشان ما تجي ميادة تقول ليهم المقومات الوطنية عندهم ضعيفة

Quote: ديل أصلهم لا علاقة لهم بتقييمي لها و لا أكن لهم إلا كل تقدير و إحترام بالذات الموصلي دة بريدو لله في لله كدة

Quote: جبتها زي مابيقولوا ناس صباح الخير ياعرب...

لقيتك جادِعة زي فيصل القاسِم




و ربنا يخِّيك لصديقتك
شيء جميل إنو الأصدقاء يدافعوا عن بعض
(الكلام دة خالي سُخرِيّة)
لكن ليس على حساب تذوُّق الآخرين
فياريت لو من باب الصداقة نُناصِح بعض دون مجاملات
و الفنّان دة من يومو فنّان

Quote: شروق ابو الناس دي موش الزوله العامله فيها (عروسه باربي) ديك ..؟؟؟

Quote: (انا خايفه.. الشمس سخنة بره.. كيف حتوصل من صالة الوصول الى العربية)

وعادي جداً محمد هنا لامن شمس الرياض تكون مولعة بيجري الضل ... وعمرو ما قلنا ماشين السودان قال لا لأنو شمسو حاره
ولامن يمشي بعمل حساب الشمس الحارة ..
قصدي أقول نحن الشمس ما بناباها إلا غيرنا الما إتربوا فيها ديل كيف يتحملوها ؟؟
وهل الخوف من الشمس الحارة دي مقياس لعدم ( السودانوية ) وتعني عدم الإنتماء
وهل الوصف بالحنكشة في هذه الأحوال منطقي ؟؟
أقول كل هذا وأردد معه بأن شروق لا تطربني حتى ولو لحن ليها محمد الأمين لأنها ( في نظري كمستمع وأضاني نضيفة ) لا تطرب .
وهذا الحق المفترض نتحدث من خلاله وتسمح به أخلاقياتنا .

Quote: أقول كل هذا وأردد معه بأن شروق لا تطربني حتى ولو لحن ليها محمد الأمين لأنها ( في نظري كمستمع وأضاني نضيفة ) لا تطرب .

(عدل بواسطة Elmosley on 10-25-2009, 03:52 PM)

Quote: و ربنا يخِّيك لصديقتك شيء جميل إنو الأصدقاء يدافعوا عن بعض (الكلام دة خالي سُخرِيّة) لكن ليس على حساب تذوُّق الآخرين فياريت لو من باب الصداقة نُناصِح بعض دون مجاملات و الفنّان دة من يومو فنّان

(عدل بواسطة Elmosley on 10-25-2009, 03:45 PM)

Quote: طب المختبرات

(عدل بواسطة AWAD MAHMOUD OSMAN on 10-25-2009, 11:56 PM)

Quote: شروق ابو الناس دي موش الزوله العامله فيها (عروسه باربي) ديك ..؟؟؟ بالله الزوله دي (متفرقه) وكده ...؟؟؟ تحياتي صاحب البوست ...

Quote: الأحبة الكرام شروق ابو الناس فنانة واعدة والمستقبل امامها مفتوح على الإبداع الفنان الأنسان الوحيد الذي لايتبرمج ابداعه ربما يغيب سنة عشرة سنة ويسطع بفن مغاير ومختلف ومتجاوز وربما فنان يسجل حضور يومي ولا يصل انتاجه للناس ابدا شروق ظهرت بقوة وقدمت ىاغنياتها وشاركت في تقديم نفسها من خلال اعمال شعارات اعمال خليجية درامية نتمنى لها ان تقدم فنا جميلا في مقبل الأيام القادمات اما وضعها في اعمال مصورة باشكال متعددة من باربي الى تاجوج فهذا لاتسأل عنه وانما من وضع الرؤية الخراجية لكم المودة والمحبة واتمنى ان نسمع عنها كل جميل

Quote: الزولة دي شكل بس وليس لديها اي مقومات وطنية عشان تقدم بيه فن حلو للناس يوم 3/8 الماضي لاقيتها في مطار الخرطوم ونحن جاييين من البحرين واثناء ما نحن واقفين في سير العفش لاستلامه اسمع ليكم زولة بتتكلم بي صوت عالي (انا خايفه.. الشمس سخنة بره.. كيف حتوصل من صالة الوصول الى العربية) انا قلت ليها مووش انتي الفنانة ديك قصدي شروق ابو الناس خجلت ليها والله لازم هي كسودانية ... خلي كفنانة لازم يكون عندها انتماء للوطن دا انتماء وقناعة تامة بي شمسها الحارة... ومويتها القاطعة.... ومعيشتها الصعبة عشان تعرف تدي للناس الفن اللي هي عايزاه وهم عايزنو

Quote: يعني شروق دي ابوالزمل مش هناي داك لوكان شغلها في المعامل احسن من الشعر (فاقد الشي لا يعطية)

Quote: اخي عوض التفرق دي مقصوده باعتبار فراقها للفن فراق الطريفي لي جملو والله قصدك "التفرغ" مع خالص ودي...

Quote: الطريفي دة اتشبك في الجمل ساااي لمن غلبو زاغ منو

Quote: السودانيين لا يحتاجون الى مالك حارس جهنم! لانهم لن يسمحون لاحد بالخروج! لماذا هذا النقد الخشن!التقد عندنا شنيف فقط! جنى

Quote: طب المختبرات ما في حاجة اسمها ( طب المختبرات ) .. اسمها ( علوم المختبرات الطبية ) .. و جميع الكليات بهذا الاسـم .. و الخريج منها يكون ( تقني معامل طبية ) و ليس طبيب .. .. .. للتوضيح فقط ..

Quote: فعلا الفن مذاهب و السمع مذاهب و أعتقد أنه تقييم أي مطرب يجب أن ينأى عن المقارنة ..المقارنة الساكنة ذاكرتنا دون أن نعيها..ذاكرتنا السمعية و الوجدانية مسكونة بكائنات فنية عديدة شكلت وجدانا و لاقت "قبول كبير" لكن لم يشكل أي منها standard أو مستوى ثابت للمقارنة "مستوى البحر مثلا!" يعني مثلا خليل فرح قدم طابع فني مختلف عن لونية أبواللمين, الكاشف صاحب لونية مختلفة عن الكابلي, الجابري, شرحبيل,عركي, إبن البادية, كلها لونيات و أصوات متنوعة.. كذلك المطربين و المطربات الجدد: عافية ليست نانسي, و أسرار ليست حرم النور, نادر خضر و عاصم و محمود و عصام و كلها لونيات و الله أدانا مشاعر و وجدان غير محدود لو كنا نعلم.. شروق في رأي تحتاج للتعرف على وجهة لونيتها التطريبية , كثير من المغنيين و المغنيات الجدد لا يحسنوا/ن إختيار أعمالهم بما يوافق إحساسهم/ن حتى مع أغنيات الإجترار و دا أخطر شئ خاصة و أننا في السودان سريعي الإنطباع, بعدين جرت العادة أننا نقيم صوت الفنان بأنه صوته سمح أو كعب لكن يندر أن نصادف تحليل علمي لطبيعة صوت المغني و محتواه و ده مهم في تحديد إختياره لطبيعة الأشعار و الألحان (إلي جانب نوع الأوركسترا المصاحبة)كتير من مطربينا و مطرباتنا غير مثقفين في حتة الأوركسترا دي و لا يعبأوا لها!! إستمعت لشروق في أعمال بسيطة أذكر منها أغنية عبدالعزيز المبارك(ليه يا قلبي ليه) دي لونية بتشبه إحساسها كما أنها محتاجة تجدع أهلنا السودانيين ديل بشوية إجترار!

Quote: كمجرد زول مستمع عادي جداً لن تطربني السيدة / شروق حتى و أن جعلوا رأسي كله (إضنين ) .. و مع ذلك أحترم كل من يخالفني الرأي ويرى في السيدة / شروق فنانة أو مطربة .. و لكني أستغرب محاولات فرضها فرضاً و ذلك بمنحها مساحات أرى أنها لا تستحقها .. الظهور في التلفزيون و التلميع الإعلامي أصبح سمة سائدة في قنواتنا .. الصحبة و الشللية و المجاملات و النفعية أضحت هي أكثر الوسائل ضماناً للحصول على التلميع الإعلامي الساطع .. لا ألوم السيدة / شروق أن عرفت كيف تفرض نفسها علينا فرض علاقات ، و لكني ألومها في أنها تركتنا نخسر كادر تحاليل طبية دون أي مقابل ..

Quote: شروق اكثر السودانيات انتماء لهذا الوطن يعني كان بالسهولة انها تمثل الامارات في اكثر من مناسبة وتاخذ الجواز الاماراتي

عارف دي ذكرتني بدايات صلاح إدريس وفيه نكته بحكيها ليكم كده لله.
وطبعاً صلاح إدريس اليوم شاعر وصحفي وكاتب ورئيس نادي وفنان وملحن و.... و....... ما شاء الله عيني باردة وطبعاً كل المواهب دي هبطت عليهو فجأة كده بعد أن اغناه الله من فضله
قالوا صاحبنا جاء للخرطوم لنج من الأقاليم وكل ما يسأل من حاجة يقولوا ليهو دي اشتراها صلاح إدريس
صاحبنا ده صاحب مزااااااااج عالي وجد ليك كل محلات المزااااج مقفلة
المهم بزعل شديد قام ليهم: طيب ما كان يشتري المشروع الحضاري ويريحنا يـــاااااااااخ


وعشان كـــده وباختصار بقـــــــــول:

We are driven to hear shoroooooq abu alnass singing

يعني الصناعة دي ممكن تنجح في أية حاجة إلا ان انك تصنع ليك زول يغني ويطرب الناس لأن الاحساس والموهبة ديل الحاجة الوحيدة الما ممكن تصنعهم مهما فعلت، وده رأينا ورأي مجموعة كبيرة من الشعب السوداني وفي حاجات كده احياناً بنكون مضطرين نتعايش معاها منهم شروق ابو الناس دي وعازة ابو داؤود وغيرهم من المفروضين علينا.

طيب زي عــــــازة دي القال ليها منو تغني لأبوها؟
ومش عازة بس الكثير من أبناء الفنانين منو القال ليهم غنو حق ابوكم ..........عليكم الله أرحمونا وارحموا الشعب الســــــوداني

كل الود

(عدل بواسطة الامين موسى البشاري on 10-28-2009, 08:41 AM)
(عدل بواسطة الامين موسى البشاري on 10-28-2009, 08:44 AM)

Quote: على كل شروق مطربة متميزة وليها بصمات واضحة

شايفك تفترِض إنو رايك هو الصح
و راي غيرك خطأ
قلت ما من حقنا نقول ما مُطرِبة لكن من حقنا نقول ما أطربتنا
كمان بذات القدر قول الكلام دة لنفسك برضو
ولّ إيه

بس بصمات دي كتيرة شويّة

Quote: انا مش قلت ليك مساككت البوستات دي داير ليها زول عندو كنجالات...

أهو إسمك ذاااااااااااتو حافظ كنجال
يعني ناقصاك ألِف و تاء و تبقى زول مُساككات سااااااااااااااي

عارِف يا حافِظ اللجنة دي ما مُنزلة من السماء
و رأيها تغلُب عليه الأخطاء لأن أعضاءها بشر و البشر بطبعِهم خطّاؤون
كما أن للمجاملات و الواسطات و الإعتبارات طريق مُمهّد وسط مجتمعاتنا السودانِيّة
ما تقول لي لجان و غيرو
دة كلام بتاع جرايد ساي
لكن اللجان الجد و البِتحكُم على الفنّان من غيرو
هي الجمهور
و الدليل واقع ملموس
أين شروق من بورصة الأغاني و الفنّانين
مع إنو الإتوفّر ليها من دعم و تشجيع و فتح طُرُق و إعلام ، ربعو بس لو لِقتو أسرار بابِكِر أو البِتغنِّي الليمونة ديك أو منار
كان دخّلم دار الأوبرا زماااااااااااااااااااااااان






[color=red]

Quote: الاخ سيد البوست و المتداخلين جميعا ... اعتذر عن المداخله السابفه والتي لم اكتبها بقلمي ... ولكن يبدو ان ترك كمبيوتر المكتب مفتوحا على الساين ان هي (دقسه ) كبيره ..!! اعتذاري لصاحب البوست .. اعتذاري لكل من تداخل .. اعتذاري للفنانه ان قرأت تعليقي .. تحياتي وصباحكم خير ... دلوشه ...

Quote: كدي نزلوا لينا ليها اغنية , عشان نقدر نشارك معاكم في الجوقة دي

Quote: الأخ صاحب البوست وضيوفه الأكارم فرض على الشعب الســوداني سماع شـــروق ابو الناس ورغم احترامنا لكل المختصين الذين قالوا عنها أعـــذب الكلام إلا إنني اشارك الأخ علاء الدين يوسف كل آرائه، فلا يمكن ان تطرب شـروق اي زول عادي، لأنها لا تمتلك مقومات التطريب أو الفنان ، ببساطة لأنها صناعة ... نعم صناعة فالدعم الذي وجدته شــروق من المشاهير وتســـويقها كفنانة لو وجدته كرجاكة بت حلتنا لكانت اليوم اشهر من بريتني سبيرز.. شروق لاصوت ولا موهبه ولا أي صفة من صفات الفنان.(واحترمها كإنسانة).