شروق ابو الناس بعد مرور عام من هجر الطب والتفرق للفن !!!

في شهر اغسطس من العام الماضي جاء نباء هجر المطربة الشابة شروق ابو الناس
مهنتها طب المختبرات للتتفرق للفن وجاء هذا القرار بعد نجاح حفلها الاخير بدار الاوبرا المصرية وايضا بعد الكم الهائل من التعاقدات والعروض التي تلقتها لاحياء العديد من الحفلات والمشاركات في المهرجانات داخل وخارج السودان

ووقتها هلل من هلل باننا يا دوب نشهد ميلاد الفن الحقيقي بهذا القرار الذي يصب في المصلحة العامة للوطن .

والان بعد مرور عام لم نراء اي شئ ملموس من تلك التعاقدات والتفرق للفن !!!

ماهي الاسباب التي ادت الي مرور عام بدون انتاج ؟

هل هي خطاء زمان ومكان ؟ والله خط مستشار ؟

والله عدم إمكانيات ؟

هي مجرد قراءة لاغير أتمني الاجابة الشافية

أنا غايتو شفتة صورتة قبل كم يوم في عربية نقل صغنّونة "أمجاد في شكل بوكس عندو صندوق"
عليهو دعاية صابونة على ما أعتقد
و عرفت ليه الصابونة دي أنا ما سمعتة بيها ولا إنتشرت

الاخ سيد البوست و المتداخلين جميعا ...

اعتذر عن المداخله السابفه والتي لم اكتبها بقلمي ...
ولكن يبدو ان ترك كمبيوتر المكتب مفتوحا على الساين ان
هي (دقسه ) كبيره ..!!
اعتذاري لصاحب البوست .. اعتذاري لكل من تداخل .. اعتذاري للفنانه ان قرأت تعليقي ..

تحياتي وصباحكم خير ... دلوشه ...

الأحبة الكرام
شروق ابو الناس
فنانة واعدة والمستقبل امامها مفتوح على الإبداع
الفنان الأنسان الوحيد الذي لايتبرمج ابداعه
ربما يغيب سنة عشرة سنة ويسطع بفن مغاير ومختلف ومتجاوز
وربما فنان يسجل حضور يومي ولا يصل انتاجه للناس ابدا
شروق ظهرت بقوة وقدمت ىاغنياتها
وشاركت في تقديم نفسها من خلال اعمال شعارات اعمال خليجية درامية
نتمنى لها ان تقدم فنا جميلا في مقبل الأيام القادمات
اما وضعها في اعمال مصورة باشكال متعددة من باربي الى تاجوج
فهذا لاتسأل عنه وانما من وضع الرؤية الخراجية
لكم المودة والمحبة
واتمنى ان نسمع عنها كل جميل

الزولة دي شكل بس
وليس لديها اي مقومات وطنية عشان تقدم بيه فن حلو للناس

يوم 3/8 الماضي
لاقيتها في مطار الخرطوم ونحن جاييين من البحرين
واثناء ما نحن واقفين في سير العفش لاستلامه
اسمع ليكم زولة بتتكلم بي صوت عالي
(انا خايفه.. الشمس سخنة بره.. كيف حتوصل من صالة الوصول الى العربية)
انا قلت ليها مووش انتي الفنانة ديك
قصدي شروق ابو الناس


خجلت ليها والله
لازم هي كسودانية ... خلي كفنانة
لازم يكون عندها انتماء للوطن دا
انتماء وقناعة تامة بي شمسها الحارة... ومويتها القاطعة.... ومعيشتها الصعبة
عشان تعرف تدي للناس الفن اللي هي عايزاه وهم عايزنو

يعني شروق دي ابوالزمل
مش هناي داك لوكان شغلها في المعامل احسن من الشعر
(فاقد الشي لا يعطية)

Quote: (انا خايفه.. الشمس سخنة بره.. كيف حتوصل من صالة الوصول الى العربية)

الخرطوم بالله حرها اكثر من حر البحرين ؟

عموما ما اتخيل لي في ذلك منقصة ان ذكر شخص انه خائف من الحر خصوصا وان كان متعود على الجليد لفترة طويله .

اختي الغالية
ميادة
اول مرة انط ليك في حلقك كتاباتك دايما
حقانية وفيها خير وتأني
الا كلمك عن المقومات الوطنية دي
هل هناك مقومات وطنية؟؟ اشك في ذالك !!
كل واحد فينا بحمل الوطن بين عقلو وقلبو
في فرق بين الوطنية بتاعتك والحنكشه حقتنا
هي في الوضع ده بطلقوا عليها
حنكشه يعني فافي وما بتقدر على الأعمال الشاقة
زي القمر بوبا
فما مكن تشيلي منها الوطنية بي جرة قلم لانو قالت الشمس فاقعة وحارة
ما عايز اقول ليك ناس كتار بعد يرجعوا في الصيف لمن يطلعو من الصالة بتاعت المطار
بياخدو ليهم ترا لي ورا
من السموم لكن بقطعوها في حنانهم عشان ما تجي ميادة تقول ليهم
المقومات الوطنية عندهم ضعيفة
وعايزين جكة في الحر من سوبا لي جبل اولياء
مودتي ومحبتي

اخي عوض التفرق دي مقصوده باعتبار فراقها للفن فراق الطريفي لي جملو

والله قصدك "التفرغ"

مع خالص ودي...

أستاذنا محمد السني
سلامات

Quote: شروق ابو الناس فنانة واعدة والمستقبل امامها مفتوح على الإبداع

يا عزيزي الفاضِل
الفن دة هو الحاجة الوحيدة التي لا يُمكن أن تُصطنع أو تُجمّل لأجل المُتلقِّي العادي
شروخ و إن مرّت من كل لجان التحكيم الفنيّة
لم تمر من أهم لجنة
و هي لجنة المُستمِع البسيط العادي الذوّاق للفن بالفطرة لا بدراسة و أحرف موسيقية و نوتة
يعني ناسك بتاعين شمّاسة ماتش ديلك شوف ممكن تلقى فيهم كم واحد بيحب ود اللمين
مع إنو ما بِعرف يعني شنو صولا ري و باقي حروفكم البتعرفوها براكم دي
أها ديل لو قلت ليهم شروخ دي
حيقولوا ليك شروخ دي منو !!!!؟
بعدين واعدة دي مرتبِطة بحاجات كتيييييييييييييييييرة أهمّها زي ما قلت ليك القبول من المُستمِع العادي أو الكاريزما لدى الفنّان
وهي أبعد ما يكون عنها

Quote: الفنان الأنسان الوحيد الذي لايتبرمج ابداعه ربما يغيب سنة عشرة سنة ويسطع بفن مغاير ومختلف ومتجاوز وربما فنان يسجل حضور يومي ولا يصل انتاجه للناس ابدا

طبعاً إنت أكيد بتتكلّم عن الناس الزيّك و بس
لأنو إنت محمد سني دفع الله أنا دة بعرفك من زمن بعرِف يعني شنو مسرح و كوميديا و فرقة أصدقاء
أقول ليك سنة كم؟
ما مُتذكِّر
لكن قول لي عليك الله
شروخ متين ظهرت شان تغيب
ظهرت زي محمود عبد العزيز من زمن جنّة الأطفال؟
ولّ زي البلابل من زمن اللِبِس كت؟
ولّ وين!!!!؟
مش ياهو ظهورها المُفتعل المُصطنع دة ولّ حاجة تانية
شروخ لم تُظهِرها موهبة و لم يكتشِفها مُستمِع
شروخ قُدِّمت في طبق من ذهب لمواطن بياكل فتّة فول في صحن زي الطشِت
أكيد ما حياكُل مِنّو
شروخ عمرها كم يا محمد السُنِّي!!!؟
وين أيام ما كانت صبِيّة!!!؟
ليه ما ظهرت إلا و هي إمرأة كبيييييييييييييييييييرة ما صغيرة
واعدة كيف يعني!!!!؟

Quote: شروق ظهرت بقوة وقدمت ىاغنياتها

عاين يا محمد السُنِّي شان ما نغالِت نفسنا
ظهرت بقوّة وين!!!!؟
لو بتقصد في أي بلد آخر غير السودان يبقى دة حكم غير صحيح
لكن في السودان لا ظهرت بقوة ولا حاجة
ظهرت في شريط كاسيت ضارِب بكل المقاييس و ممكن تسأل من أنتج ووزّع و سوّق و ممكن نعمل ليك إستفتاء علنيييييييييييييي في كل المنتديات السودانية بدءاً من هِنا وفي الشارِع مباشر لو حبّيت



مع المحبة و التقدير يا فنّان

Quote: الفن دة هو الحاجة الوحيدة التي لا يُمكن أن تُصطنع أو تُجمّل لأجل المُتلقِّي العادي شروخ و إن مرّت من كل لجان التحكيم الفنيّة

اخ علاء

بغض النظر عن إنها فنانه ام لا

لا يحق لك تغيير اسمها

لك الود

عزيزنا الغالي
الأستاذ علاء الدين
يا عزيزي الفاضِل
الفن دة هو الحاجة الوحيدة التي لا يُمكن أن تُصطنع أو تُجمّل لأجل المُتلقِّي العادي
شروخ و إن مرّت من كل لجان التحكيم الفنيّة
لم تمر من أهم لجنة
و هي لجنة المُستمِع البسيط العادي الذوّاق للفن بالفطرة لا بدراسة و أحرف موسيقية و نوتة
يعني ناسك بتاعين شمّاسة ماتش ديلك شوف ممكن تلقى فيهم كم واحد بيحب ود اللمين
مع إنو ما بِعرف يعني شنو صولا ري و باقي حروفكم البتعرفوها براكم دي
أها ديل لو قلت ليهم شروخ دي
حيقولوا ليك شروخ دي منو !!!!؟
بعدين واعدة دي مرتبِطة بحاجات كتيييييييييييييييييرة أهمّها زي ما قلت ليك القبول من المُستمِع العادي أو الكاريزما لدى الفنّان
وهي أبعد ما يكون عنها
ـــــــــــــــــ
هل اتعمل استفتاء على كلامك ده
اي فنان ولو كان عندو عمل واحد له معجبيه
اعتقد انو عندها قبول عند عدد من الناس
اما تبديل اسمها ليس من الفن في شئ ولا بتشبهك والله لها معجبين
احترم فنانتهم مهما كان دورها ولا تمارس الإقصاء الذ لاتحبه انت
انا بدافع عن اي فنان سوداني واي فنانة سودانية مهما كان مستوى فنها
لانه مرهون بتقدمها او تقدمه
والفن ليس له عمر ولا وطن
محبتي ومودتي
وجاييك لي باقي الكلام

في إنتظارك أستاذ سُنِّي







أخونا نادِر
سلامات
شروخ صِفة و ليست إسماً
هذا ما تفعله في الفن السوداني
شرخ كبير فيه
لا ذنب لي إن كان هُنالِك تشابه ما بين الإسم و الصِفة

طبعاً إنت أكيد بتتكلّم عن الناس الزيّك و بس
لأنو إنت محمد سني دفع الله أنا دة بعرفك من زمن بعرِف يعني شنو مسرح و كوميديا و فرقة أصدقاء
أقول ليك سنة كم؟
ما مُتذكِّر
لكن قول لي عليك الله
شروخ متين ظهرت شان تغيب
ظهرت زي محمود عبد العزيز من زمن جنّة الأطفال؟
ولّ زي البلابل من زمن اللِبِس كت؟
ولّ وين!!!!؟
مش ياهو ظهورها المُفتعل المُصطنع دة ولّ حاجة تانية
شروخ لم تُظهِرها موهبة و لم يكتشِفها مُستمِع
شروخ قُدِّمت في طبق من ذهب لمواطن بياكل فتّة فول في صحن زي الطشِت
أكيد ما حياكُل مِنّو
شروخ عمرها كم يا محمد السُنِّي!!!؟
وين أيام ما كانت صبِيّة!!!؟
ليه ما ظهرت إلا و هي إمرأة كبيييييييييييييييييييرة ما صغيرة
واعدة كيف يعني!!!!؟
ياخي انت عندك زعلة ما عارف تفكها وين .؟؟
اولا شكرا على كلماتك الرقيقة في حقنا
اليوم من خلال برامج تهتم باكتشاف المواهب
يظهر عدد مقدر من الفنانين والفنانات موهبتهم ...
ولكن هذا لايعني ان يتدرج الفنان في المراحل الدراسية حتى يصل للنجومية
عدد كبير من فنانين ظهروا على كبر ،،
اما بخصوص الظهور المفتعل ,,لااتفق معاك ،،،
الان اصبح ظهور الفنان مربوط بي حملة مقصود منها تقديم الفنان بصورة لائقة وجذابة
مشروع تقديم الفنانيين مشروع للفنان ان تقدمه جهة راعية
اذا كانت هذه الجهة شركة انتاج او مدير حملة او اي جهة راعية
مشاريع تقديم الفنانيين عملية منظمة واحترافيةومشروعة
حتى ولو صنعت نجم ..
عملية ظهورها وهي كبيرة على حسب وجهة نظرك ،،،
هناك اسباب كثيرة لم تساعد الكثير من الفنانيين والفننات ان يظهروا في وقتهم الحقيقي
اذكر ان والدتي لها الرحمة والمغفرة قالت لي : انها عندما كانت تعمل في الأبيض ،، كانت صديقة للكاتبة الأديبة ملكة الدار
وكانت لهن صديقة اسمها ريا تملك صوتا يهز الوجدان وشغاف القلوب وتطرب الصخور ولكنها لم يظهر صوتها للوجود لأسباب انت تعرفها
وزي ما قالت امي اجمل الأصوات لم تغني لانها حبيسة البيوت للعادات وووووو؟؟؟

Quote: خجلت ليها والله لازم هي كسودانية ... خلي كفنانة لازم يكون عندها انتماء للوطن دا

شروق اكثر السودانيات انتماء لهذا الوطن
يعني كان بالسهولة انها تمثل الامارات في اكثر من مناسبة
وتاخذ الجواز الاماراتي
شروق فنانة جادة وصادقة مع نفسها لم تستطيع التوفيق بين الطب والغناء
فاثرت الغناء
شروق تلقت الاشادة من اهل الفن نفسهم.
فنانة صوته مجاز
لحن لها ارقى الملحنين
كتب لها اجمل الكتاب
غنت اصعب الاغاني للدكتور عبدالرب ادريس
شروق تمتلك آليات النجاح موهبة.. حضور.. اصرار
حس موسيقى راقي واحساس مرهف
بتبقى المرحلة الجاية مرحلة كيفية التوظيف نحو الاحتراف
فللاحتراف شروط مختلفة
اولها الدراسة
تواضع شروق واريحيتة في التعامل واصراره علي السوداناوية
مبشرات خالصة لشكل التفوق الابداعي
والتوفيق من الله سبحانه وتعالى ...

Quote: يعني كان بالسهولة انها تمثل الامارات في اكثر من مناسبة

سؤال مشروع بدون زعل

و ناس رويدا المحروقي يجوا يمثِّلوا السودان!!!؟

ياخي نحن بنسمع فن كان عربي كان غيرو
رويدا دي من زمن أُغنيتها
حطيتك في بالي
بنسمع ليها
شن جاب لجاب
شان تجي غيرها لتُمثِّل دولتها
واللهِ أنا خايف تمثِّل بيها

Quote: سؤال مشروع بدون زعل و ناس رويدا المحروقي يجوا يمثِّلوا السودان!!!؟

ياريت لو رويد المحروقي عندها احساس شروق
ورويدا دي زي ماقلت من زمن يحفروا خور دبي قاعدة
خليها تشتغل مقطع من احدى اغنيات الدكتور عبد الرب ادريس

....
عوضية عذاب
رشا الخور
بنات حلتنا في امبدة
مكسرات دنيا الهجيج والطرب انا شخصيا اذا عندي ربة في حلتنا
بجيبهم كان ماجبتهم جمالات ساااي بيجن براهن..
لكن برضو ما عندهن احساس شروق في الغنا..
...
يمكن شكل شروق الخارجي ماواقع لي ناس كتيرين لكن غمض عيونك واسمع ليها
عافية المطر...
انسى د.معز والموصلى عيش حس المستمع الراقى وقارن

Quote: ياريت لو رويد المحروقي عندها احساس شروق

Quote: ورويدا دي زي ماقلت من زمن يحفروا خور دبي قاعدة

اليسمعك يقول قعد تقارِن رويدا مع أفراح عصام
أو واحدة من الصبايا

Quote: انسى د.معز والموصلى عيش حس المستمع الراقى وقارن

ديل أصلهم لا علاقة لهم بتقييمي لها
و لا أكن لهم إلا كل تقدير و إحترام
بالذات الموصلي دة
بريدو لله في لله كدة

عاين يا محمد السُنِّي شان ما نغالِت نفسنا
ظهرت بقوّة وين!!!!؟
لو بتقصد في أي بلد آخر غير السودان يبقى دة حكم غير صحيح
لكن في السودان لا ظهرت بقوة ولا حاجة
ظهرت في شريط كاسيت ضارِب بكل المقاييس و ممكن تسأل من أنتج ووزّع و سوّق و ممكن نعمل ليك إستفتاء علنيييييييييييييي في كل المنتديات السودانية بدءاً من هِنا وفي الشارِع مباشر لو حبّيت
ــــــــــــــــــــــــــــــ
لا انكر ولن اغالت ساي انت موجود في البلد ومتابع ، ممكن جدا شريطه الأول يدق الدلجة
ده شئ متوقع وبحصل كتير
عارف مرات فنان ينزل شريط وبكون فاكر بكسر الدنيا وينفس بكلام السوق
ده ما مقياس للفنان .زممكن شريط ما ينجح في اول اصدار
وبعد كم سنة يكسر الدنيا
ده يخضع لأشياء عديدة
لكن لو بالتمني
نتمنى لكل فنان النجاح
وليس السقوط

Quote: الان اصبح ظهور الفنان مربوط بي حملة مقصود منها تقديم الفنان بصورة لائقة وجذابة مشروع تقديم الفنانيين مشروع للفنان ان تقدمه جهة راعية اذا كانت هذه الجهة شركة انتاج او مدير حملة او اي جهة راعية مشاريع تقديم الفنانيين عملية منظمة واحترافيةومشروعة حتى ولو صنعت نجم ..

شكراً أستاذ سُنِّي لِسعة صدرك
بالنسبة للكلام الفوق أختلِف معاك فيهو تماماً
لأنو الحملات دي بتبدأ بعد ما الزول يلمع نجمه في مكان ما
لكن قول لي وين لمع نجمها "بدون صفة شان ما تزعلوا"



دي زي هسي تقوم إنت فجأة تطلِّع شريط ينزِل السوق فيهو فنان إسمو علاء الدين يوسف علي
بدون أي مُقدِّمات الناس تلقاني في شريط
أها باللهِ تتوقع شِنو يعني!!!؟


عِندك مثلاً ظاهرة نجوم الغد البقت مدرسة
شوف طلّعت كم إسم و كم تلاشوا و طوتهم ذاكرة النسيان
مِن الظهروا :
الشاب سعد
عافية
أسرار
ريماز
منار
أفراح
الود البِقلِّد عثمان حسين داك
و البغني لسيد خليفة
و مي
و عييييييييييييييييييييييييييييك


أها ديل ظهروا ظهور طبيعي جِداً
و أي حملات ليهم ما خسارة فيهم لأنو الناس تقبّلتم
ما تقول لي ديل جوا صغار و كدة
عندك مثلاً الجيلي الشيخ
فنان مطبوع و جانا بسنونو
وظهر وهو بشنبو
و تقبّلو الجمهور رغم إختياره الإنزواء كفنان و ميّل للمديح
عابدة الشيخ ظهرت كبيرة برضو و أخوها أسامة برضو
لكن ديل ظهروا بصورة طبيعية و بعد الجمهور تقبّلم بعدين طلّعوا شرايط و طلعوا في البورصة

Quote: اخي عوض التفرق دي مقصوده باعتبار فراقها للفن فراق الطريفي لي جملو

الطريفي دة اتشبك في الجمل ساااي لمن غلبو زاغ منو

Quote: الا كلمك عن المقومات الوطنية دي هل هناك مقومات وطنية؟؟ اشك في ذالك !! كل واحد فينا بحمل الوطن بين عقلو وقلبو في فرق بين الوطنية بتاعتك والحنكشه حقتنا هي في الوضع ده بطلقوا عليها حنكشه يعني فافي وما بتقدر على الأعمال الشاقة زي القمر بوبا فما مكن تشيلي منها الوطنية بي جرة قلم لانو قالت الشمس فاقعة وحارة ما عايز اقول ليك ناس كتار بعد يرجعوا في الصيف لمن يطلعو من الصالة بتاعت المطار بياخدو ليهم ترا لي ورا من السموم لكن بقطعوها في حنانهم عشان ما تجي ميادة تقول ليهم المقومات الوطنية عندهم ضعيفة

Quote: ديل أصلهم لا علاقة لهم بتقييمي لها و لا أكن لهم إلا كل تقدير و إحترام بالذات الموصلي دة بريدو لله في لله كدة

جبتها زي مابيقولوا ناس صباح الخير ياعرب...
الموصلى ودكتور معز هم اكثر الناس ايمانا بوجود شروق
الابداعي ماداير اقول ليك الفني لانو الابداع اعمق احساسا من الفن..
رؤية ذاتية..كنجالية :)

على كل الله يديم محبتك للموصلى الانسان الخلوق الفنان المبدع
والله يخيلك كمستمع فنان مجتهد ..
البهمنا في القصة دي كلها انو في وجهات نظر متباينة ومحاولات جادة
لتوجيه فنانة صديقة محبة للناس متواضعة عكس الفهم السائد لها في بعض الاواسط

Quote: جبتها زي مابيقولوا ناس صباح الخير ياعرب...

لقيتك جادِعة زي فيصل القاسِم




و ربنا يخِّيك لصديقتك
شيء جميل إنو الأصدقاء يدافعوا عن بعض
(الكلام دة خالي سُخرِيّة)
لكن ليس على حساب تذوُّق الآخرين
فياريت لو من باب الصداقة نُناصِح بعض دون مجاملات
و الفنّان دة من يومو فنّان

Quote: شروق ابو الناس دي موش الزوله العامله فيها (عروسه باربي) ديك ..؟؟؟

dalia alkaaam da ma beshbaahik ya mama
taaslmy

Quote: (انا خايفه.. الشمس سخنة بره.. كيف حتوصل من صالة الوصول الى العربية)

تعرفي يا مياده ، ولدي محمد لامن يستحمى بجيب الحاجات التخلى غبيش الموية داكـ يروح ..
أه بعمل العملية دي جنب الوالد ( في الإجازات يعني )
الوالد يقوم يقول ليهو يا ولد ده شنوالبتعمل فيهو ده ؟؟ المسيح حق البنات !!
يقوم محمد يعاين لي !! نظام سؤال ياابوي جدي كلامو صاااااااااح ؟
أها أنا بقول ليهو يا ولدي إتجلبط سااااااااي كفاية الغباشة الشافه أبوكـ ..
وعادي جداً محمد هنا لامن شمس الرياض تكون مولعة بيجري الضل ... وعمرو ما قلنا ماشين السودان قال لا لأنو شمسو حاره
ولامن يمشي بعمل حساب الشمس الحارة ..
قصدي أقول نحن الشمس ما بناباها إلا غيرنا الما إتربوا فيها ديل كيف يتحملوها ؟؟
وهل الخوف من الشمس الحارة دي مقياس لعدم ( السودانوية ) وتعني عدم الإنتماء
وهل الوصف بالحنكشة في هذه الأحوال منطقي ؟؟
أقول كل هذا وأردد معه بأن شروق لا تطربني حتى ولو لحن ليها محمد الأمين لأنها ( في نظري كمستمع وأضاني نضيفة ) لا تطرب .
وهذا الحق المفترض نتحدث من خلاله وتسمح به أخلاقياتنا .

السودانيين لا يحتاجون الى مالك حارس جهنم!
لانهم لن يسمحون لاحد بالخروج!
لماذا هذا النقد الخشن!التقد عندنا شنيف فقط!
جنى

Quote: أقول كل هذا وأردد معه بأن شروق لا تطربني حتى ولو لحن ليها محمد الأمين لأنها ( في نظري كمستمع وأضاني نضيفة ) لا تطرب .

والله كيفتني كيف
الموصلي درجه رابعه

صديقي علاء الدين يوسف علي محمد

Quote: و ربنا يخِّيك لصديقتك شيء جميل إنو الأصدقاء يدافعوا عن بعض (الكلام دة خالي سُخرِيّة) لكن ليس على حساب تذوُّق الآخرين فياريت لو من باب الصداقة نُناصِح بعض دون مجاملات و الفنّان دة من يومو فنّان

لم احاول الدخول بالمشاركة لان رايي في شروق قلته بالعمل
والفنان شخصية عامة وحب الناس مذاهب
بس حاجتين اريد ان منك ان تعرفهما
١-شروق كان يمكنها الاستسهال والاصابة باسهال الاجترار
وتلقي تطبيلا يخترق طبلة الاذن كما يفعل كل من هب ودب فلم تفعل
وكان يمكنها ان تغني الساقط من الاغنيات فتجد الرواج فلم تفعل
شروق اختارت الطريق الصعب
٢-اما من الناحية الانسانية فلو عرفت شروق فسوف لن يكفيك تكسير
كل انتاج مصانع الثلج السودانية لخمسين عاما كي توفيها حقها
================
كموسيقي سوداني احب ان اقول لك بان شروق في اغنية عافية المطر = هطول الجمال
انت تسميها شروخ
وانا اسميها شموخ
وبين رآيي ورآيك المسافة بين شروخ الارض وشموخ السحاب
وتقبل محبتي الاكيدة والاحترام

Quote: طب المختبرات

ما في حاجة اسمها ( طب المختبرات ) .. اسمها ( علوم المختبرات الطبية ) .. و جميع الكليات بهذا الاسـم .. و الخريج منها يكون ( تقني معامل طبية ) و ليس طبيب ..

..
..

للتوضيح فقط ..

فعلا الفن مذاهب
و السمع مذاهب
و أعتقد أنه تقييم أي مطرب يجب أن ينأى عن المقارنة ..المقارنة
الساكنة ذاكرتنا دون أن نعيها..ذاكرتنا السمعية و الوجدانية
مسكونة بكائنات فنية عديدة شكلت وجدانا و لاقت "قبول كبير" لكن
لم يشكل أي منها standard أو مستوى ثابت للمقارنة "مستوى البحر مثلا!"
يعني مثلا خليل فرح قدم طابع فني مختلف عن لونية أبواللمين, الكاشف صاحب
لونية مختلفة عن الكابلي, الجابري, شرحبيل,عركي, إبن البادية, كلها لونيات
و أصوات متنوعة..
كذلك المطربين و المطربات الجدد: عافية ليست نانسي, و أسرار ليست حرم النور,
نادر خضر و عاصم و محمود و عصام و كلها لونيات
و الله أدانا مشاعر و وجدان غير محدود لو كنا نعلم..
شروق في رأي تحتاج للتعرف على وجهة لونيتها التطريبية , كثير من المغنيين و
المغنيات الجدد لا يحسنوا/ن إختيار أعمالهم بما يوافق إحساسهم/ن حتى مع أغنيات
الإجترار و دا أخطر شئ خاصة و أننا في السودان سريعي الإنطباع, بعدين جرت العادة أننا نقيم صوت الفنان بأنه صوته سمح أو كعب لكن يندر أن نصادف تحليل علمي لطبيعة صوت المغني و محتواه و ده مهم في تحديد إختياره لطبيعة الأشعار و الألحان (إلي جانب نوع الأوركسترا المصاحبة)كتير من مطربينا و مطرباتنا غير مثقفين في حتة الأوركسترا دي و لا يعبأوا لها!!
إستمعت لشروق في أعمال بسيطة أذكر منها أغنية عبدالعزيز المبارك(ليه يا قلبي ليه) دي لونية بتشبه إحساسها كما أنها محتاجة تجدع أهلنا السودانيين ديل بشوية إجترار!

كلام ميادة يعكس حقيقة وقفت في طريق شروق أهم من موضوع "الشمس" ربما تكون متعلقة بمسألة إنطباع ناس كتيرين بأنها أو شكلها مفارق السودانية في طريقة تجهيزها لنفسها, مكياج و غيره .. الحتة دي ممكن تكون مسيطرة علي ميادة بس
شبكتها في الشمس و الوطنية سااااكت!.. أي مسألة "الإنتمااااااء"
---------------
ميادة: لو الشكوى من الشمس تتعلق بالوطنية معناها السودان عدمان الوطنيين و الوطنيات .. أنا رجعت من الخرطوم قريب دا و الشمس هناك زاااتا شاكية من رقبتها!

تحية لصاحب البوست و لكم

أنا غايتو شفتة صورتة قبل كم يوم في عربية نقل صغنّونة "أمجاد في شكل بوكس عندو صندوق"
عليهو دعاية صابونة على ما أعتقد
و عرفت ليه الصابونة دي أنا ما سمعتة بيها ولا إنتشرت



الاخ علاء الدين سلامات

قصدي من فتح هذا البوست تذكرة لبوست فتح في العام الماض بعنوان
شروق تهجر طب المختبرات وتتفرغ تماماً للفن..
وقد جاء فيه ما جاء من برنامج حافل وكم هائل من التعاقدات لاحياء العديد من الحفلات والمشاركات في المهرجانات الفنية وانتاج الألبومات
والفيديو كليب في عدد من الدول العربية والسودان.
وأستبشرنا خيراً والان وبعد مرور عام لم نراء الحد الادني من ما جاء
يتحقق فهي مجرد تذكرة فقط لان الفنان ملك للجميع



مع اكيد المحبة والتقدير

Quote: شروق ابو الناس دي موش الزوله العامله فيها (عروسه باربي) ديك ..؟؟؟ بالله الزوله دي (متفرقه) وكده ...؟؟؟ تحياتي صاحب البوست ...

الاخت داليا يسعد ربي كل اوقاتك

نعم هي كما جاء في الاعلان
نعم هي كما جاء في البيان

شاكر مرورك مع وافر التقدير

Quote: الأحبة الكرام شروق ابو الناس فنانة واعدة والمستقبل امامها مفتوح على الإبداع الفنان الأنسان الوحيد الذي لايتبرمج ابداعه ربما يغيب سنة عشرة سنة ويسطع بفن مغاير ومختلف ومتجاوز وربما فنان يسجل حضور يومي ولا يصل انتاجه للناس ابدا شروق ظهرت بقوة وقدمت ىاغنياتها وشاركت في تقديم نفسها من خلال اعمال شعارات اعمال خليجية درامية نتمنى لها ان تقدم فنا جميلا في مقبل الأيام القادمات اما وضعها في اعمال مصورة باشكال متعددة من باربي الى تاجوج فهذا لاتسأل عنه وانما من وضع الرؤية الخراجية لكم المودة والمحبة واتمنى ان نسمع عنها كل جميل

أستاذي رايك محل تقدير وأحترام وأنت من أهل الفن والابداع
وأكيد فيه عمق ونظرة تختلف من المستمع فقط
معك علي أمل تقديم فناً جميلاً في مقبل الايام القادمات

مرورك أسعد كل الاماكن
مع أكيد المحبة والتقدير

Quote: الزولة دي شكل بس وليس لديها اي مقومات وطنية عشان تقدم بيه فن حلو للناس يوم 3/8 الماضي لاقيتها في مطار الخرطوم ونحن جاييين من البحرين واثناء ما نحن واقفين في سير العفش لاستلامه اسمع ليكم زولة بتتكلم بي صوت عالي (انا خايفه.. الشمس سخنة بره.. كيف حتوصل من صالة الوصول الى العربية) انا قلت ليها مووش انتي الفنانة ديك قصدي شروق ابو الناس خجلت ليها والله لازم هي كسودانية ... خلي كفنانة لازم يكون عندها انتماء للوطن دا انتماء وقناعة تامة بي شمسها الحارة... ومويتها القاطعة.... ومعيشتها الصعبة عشان تعرف تدي للناس الفن اللي هي عايزاه وهم عايزنو

الاخت ميادة سلام

دا من وجهة نظرك وشعورك ولكن هل الوطنية والانتماء هكذا فقط


مع وافر التقدير

Quote: يعني شروق دي ابوالزمل مش هناي داك لوكان شغلها في المعامل احسن من الشعر (فاقد الشي لا يعطية)

الاخ محمد الامين تحية طيبة

أتمني أن لايخرج البوست عن مساره

أن كان لك أي مسار اخر بوستات بكري يمكن فتحها


مع اكيد أحترامي

Quote: اخي عوض التفرق دي مقصوده باعتبار فراقها للفن فراق الطريفي لي جملو والله قصدك "التفرغ" مع خالص ودي...

المحترم طارق الامين سلامات

لا المقصود التفرغ خط في العنوان

مع خالص الود

Quote: الطريفي دة اتشبك في الجمل ساااي لمن غلبو زاغ منو

فتح البوست عند 24-10-2009, 11:23 م

وجاء اول رد لك عند 25-10-2009, 06:35 ص

وانت في السودان وانا في بريطانيا

واكيد كنت نايم والله في العمل

اها ما من حقي انوم والله أمشي الشغل وارد ليك بعد داك

Quote: السودانيين لا يحتاجون الى مالك حارس جهنم! لانهم لن يسمحون لاحد بالخروج! لماذا هذا النقد الخشن!التقد عندنا شنيف فقط! جنى

معك انادي أن لا يخرج البوست عن مساره

كمجرد زول مستمع عادي جداً لن تطربني السيدة / شروق حتى و أن جعلوا رأسي كله (إضنين ) ..
و مع ذلك أحترم كل من يخالفني الرأي ويرى في السيدة / شروق فنانة أو مطربة ..
و لكني أستغرب محاولات فرضها فرضاً و ذلك بمنحها مساحات أرى أنها لا تستحقها ..
الظهور في التلفزيون و التلميع الإعلامي أصبح سمة سائدة في قنواتنا ..
الصحبة و الشللية و المجاملات و النفعية أضحت هي أكثر الوسائل ضماناً للحصول على التلميع الإعلامي الساطع ..
لا ألوم السيدة / شروق أن عرفت كيف تفرض نفسها علينا فرض علاقات ، و لكني ألومها في أنها تركتنا نخسر كادر تحاليل طبية دون أي مقابل ..

الغريبة محمود عبد العزيز اخد نفس المعط الهنا دا قبل كدا


وبالتاكيد وكمان من فنانين كبار لف الزمن وراح رايهم الكلام بتاعهم كلوا


يا اخوان صباح الخير


بعدين يا شباب الشكل دا ما نتكلم فوقوا

ما مشكلة شكل الزول يكون شنو ,,,,,,,,,

عجبنا الدويتو الشغال ليهو فترة :-)

مش من حقنا نعبر عن راينا

واي واحد من حقوا يقول برضوا وجهة نظره في الفنان السمع ليهو قبل كدا

ا 

Quote: طب المختبرات ما في حاجة اسمها ( طب المختبرات ) .. اسمها ( علوم المختبرات الطبية ) .. و جميع الكليات بهذا الاسـم .. و الخريج منها يكون ( تقني معامل طبية ) و ليس طبيب .. .. .. للتوضيح فقط ..

في محلو ١٠٠؟ تسلم

كدي نزلوا لينا ليها اغنية , عشان نقدر نشارك معاكم في الجوقة دي

Quote: فعلا الفن مذاهب و السمع مذاهب و أعتقد أنه تقييم أي مطرب يجب أن ينأى عن المقارنة ..المقارنة الساكنة ذاكرتنا دون أن نعيها..ذاكرتنا السمعية و الوجدانية مسكونة بكائنات فنية عديدة شكلت وجدانا و لاقت "قبول كبير" لكن لم يشكل أي منها standard أو مستوى ثابت للمقارنة "مستوى البحر مثلا!" يعني مثلا خليل فرح قدم طابع فني مختلف عن لونية أبواللمين, الكاشف صاحب لونية مختلفة عن الكابلي, الجابري, شرحبيل,عركي, إبن البادية, كلها لونيات و أصوات متنوعة.. كذلك المطربين و المطربات الجدد: عافية ليست نانسي, و أسرار ليست حرم النور, نادر خضر و عاصم و محمود و عصام و كلها لونيات و الله أدانا مشاعر و وجدان غير محدود لو كنا نعلم.. شروق في رأي تحتاج للتعرف على وجهة لونيتها التطريبية , كثير من المغنيين و المغنيات الجدد لا يحسنوا/ن إختيار أعمالهم بما يوافق إحساسهم/ن حتى مع أغنيات الإجترار و دا أخطر شئ خاصة و أننا في السودان سريعي الإنطباع, بعدين جرت العادة أننا نقيم صوت الفنان بأنه صوته سمح أو كعب لكن يندر أن نصادف تحليل علمي لطبيعة صوت المغني و محتواه و ده مهم في تحديد إختياره لطبيعة الأشعار و الألحان (إلي جانب نوع الأوركسترا المصاحبة)كتير من مطربينا و مطرباتنا غير مثقفين في حتة الأوركسترا دي و لا يعبأوا لها!! إستمعت لشروق في أعمال بسيطة أذكر منها أغنية عبدالعزيز المبارك(ليه يا قلبي ليه) دي لونية بتشبه إحساسها كما أنها محتاجة تجدع أهلنا السودانيين ديل بشوية إجترار!

الاخ المعز تحية طيبة
الفهم والادراك والاستماع عوامل تساعد علي تقيم وقبول عمل الفنان
وما أتفق عليه يختلف عليه فيجب احترام الرأي والراي الاخر والاستفادة من ذلك


مع ودي

Quote: كمجرد زول مستمع عادي جداً لن تطربني السيدة / شروق حتى و أن جعلوا رأسي كله (إضنين ) .. و مع ذلك أحترم كل من يخالفني الرأي ويرى في السيدة / شروق فنانة أو مطربة .. و لكني أستغرب محاولات فرضها فرضاً و ذلك بمنحها مساحات أرى أنها لا تستحقها .. الظهور في التلفزيون و التلميع الإعلامي أصبح سمة سائدة في قنواتنا .. الصحبة و الشللية و المجاملات و النفعية أضحت هي أكثر الوسائل ضماناً للحصول على التلميع الإعلامي الساطع .. لا ألوم السيدة / شروق أن عرفت كيف تفرض نفسها علينا فرض علاقات ، و لكني ألومها في أنها تركتنا نخسر كادر تحاليل طبية دون أي مقابل ..

رأي ووجهة نظر محل أحترام ولكن اذا كان الفنان الصاعد يملك مقومات الفنان ولم تظهر في البداية بالشكل الصحيح وفيما بعد أعاد صياغة تلك المقومات وأثبت نجاحه, هل في القبول والتقيم رأي نهائي لا يتغير بزوال الاسباب ؟

مع جميل الود

هذا نص رسالة السيد ياسر زوج السيدة شروق عن هذا البوست

Quote: لقد توفى والدي وهو راضي عني وعنها فلقد وقفت بجانبي وقفة مقدرة من أنسان فنان ... وهي الان تقف بجانب والدتي المريضة "ربنا يشفيها بحق رسولك الكريم" وتقف بجانب زوجها المكلوم ... عليك الله ده ما فن وذوق ... اما بخصوص الفن فهو ملحوق أخي العزيز ... الحمد لله الذي أنقذ شروق من موت محقق في لحظة حزن على والدي المتوفي وهي ذاهبة لحجز تذكرة كي أستطيع أن احضر مراسم دفن والدي رحمه الله ... بالمناسبة أنا زوج الفنانة شروق ابو الناس و أعتز كثيراً بما تقدمه من رسالة فنية وبأذن الله ورائها كي أدفعها بقوة لتصل الى ما تريد ... و امامها كي أمهد لها الطريق واصد عنها ما لا تريد. ارجو أن تكون فهمت بأيجاز ما اردت قوله

أحسن الله عزاءكم في والوالد
وأسال الله أن ينعم علي الوالدة بالصحة والعافية

Quote: بالمناسبة أنا زوج الفنانة شروق ابو الناس و أعتز كثيراً بما تقدمه من رسالة فنية وبأذن الله ورائها كي أدفعها بقوة لتصل الى ما تريد ... و امامها كي أمهد لها الطريق واصد عنها ما لا تريد. ارجو أن تكون فهمت بأيجاز ما اردت قوله

علم ياشيخ ربنا يحفظكم ويديك الصحة والعافية وتدفعها الي ماتريد
وبجاهي النبي برضو تصد عنها ما لاتريد

تحايا صاحب البوست
و عبرك التحِيّة لزوج فنِّي المختبرات شروق أبو الناس
و نقول له ربنا يحسن عزاءكم في وفاة المغفور له والدكم بإذن الله و ربنا يجعل الجنّة مثواه و ربنا يشفي الوالدة
و نحن لم نتحدّث عن شروق كإنسانة و زوجة ولا يحق لنا الحديث عن ذلك
لكن طالما جيت بنفسك و تحدّثت
ما قامت به هو شيء طبيعي جداً و أي شيء غيره هو اللي غير طبيعي
و دي من أبسط مُقوِّمات الزوجة الصالحة
ما تحدّثنا عنه هو أن شروق ليست مُطرِبة ولا تصلُح
أما عن إنو العملتو معاك دة فن وذوق فبقول ليك دة واجِب أي زوجة
معناتة لو دة فن يبقى كل الزوجات الصالحات البنعرِفم فنّانات لمن غلط
و فن ما مشحودات عليهو
ولا منتظرات شُكُر بعدو
ولا بنحِس إنو العملنُّو دة كتير و نجي نِتكلّم بيهو لأنو من باب الواجبات
فأرجو ألا تحرِف مسار الحديث عنها "كمُطرِبة غير صالحة"
لكونها "زوجة صالحة"
إذ لا علاقة
مع تحياتنا ليك

الأخ صاحب البوست وضيوفه الأكارم

فرض على الشعب الســوداني سماع شـــروق ابو الناس ورغم احترامنا لكل المختصين الذين قالوا عنها أعـــذب الكلام
إلا إنني اشارك الأخ علاء الدين يوسف كل آرائه، فلا يمكن ان تطرب شـروق اي زول عادي، لأنها لا تمتلك مقومات التطريب أو الفنان ، ببساطة لأنها صناعة ... نعم صناعة فالدعم الذي وجدته شــروق من المشاهير وتســـويقها كفنانة لو وجدته كرجاكة بت حلتنا لكانت اليوم اشهر من بريتني سبيرز.. شروق لاصوت ولا موهبه ولا أي صفة من صفات الفنان.(واحترمها كإنسانة).

كتب حافظ كنجال

Quote: شروق اكثر السودانيات انتماء لهذا الوطن يعني كان بالسهولة انها تمثل الامارات في اكثر من مناسبة وتاخذ الجواز الاماراتي

ما كان تاخده وتريحنا يـــاااااااااااااااأخ

عارف دي ذكرتني بدايات صلاح إدريس وفيه نكته بحكيها ليكم كده لله.
وطبعاً صلاح إدريس اليوم شاعر وصحفي وكاتب ورئيس نادي وفنان وملحن و.... و....... ما شاء الله عيني باردة وطبعاً كل المواهب دي هبطت عليهو فجأة كده بعد أن اغناه الله من فضله
قالوا صاحبنا جاء للخرطوم لنج من الأقاليم وكل ما يسأل من حاجة يقولوا ليهو دي اشتراها صلاح إدريس
صاحبنا ده صاحب مزااااااااج عالي وجد ليك كل محلات المزااااج مقفلة
المهم بزعل شديد قام ليهم: طيب ما كان يشتري المشروع الحضاري ويريحنا يـــاااااااااخ


وعشان كـــده وباختصار بقـــــــــول:

We are driven to hear shoroooooq abu alnass singing

يعني الصناعة دي ممكن تنجح في أية حاجة إلا ان انك تصنع ليك زول يغني ويطرب الناس لأن الاحساس والموهبة ديل الحاجة الوحيدة الما ممكن تصنعهم مهما فعلت، وده رأينا ورأي مجموعة كبيرة من الشعب السوداني وفي حاجات كده احياناً بنكون مضطرين نتعايش معاها منهم شروق ابو الناس دي وعازة ابو داؤود وغيرهم من المفروضين علينا.

طيب زي عــــــازة دي القال ليها منو تغني لأبوها؟
ومش عازة بس الكثير من أبناء الفنانين منو القال ليهم غنو حق ابوكم ..........عليكم الله أرحمونا وارحموا الشعب الســــــوداني

كل الود

فكرة انك تسك ليك بوست دي ..
قصة مرهقة شوية...

Quote: ما تحدّثنا عنه هو أن شروق ليست مُطرِبة ولا تصلُح

من الصعب جدا انك تقول شروق ليست مطربة...
لعدة اسباب .
واحد صوته مجاز رسميا زيها وزي احسن مطرب بتستمع لي صوته.
اتنين غنت لاكبر الشعراء محجوب شريف نموذج
تلاتة اتعاملت مع علماء الموسيقى في السودان..
د.الماحي سليمان... مثلا..

اذا نفينا كل هذه الفرضيات..
معناها الموسيقى والطرب والغنا في السودان ماعندها اصول ثابتة
ويكون كلامك الفوق ده صاح

ياجماعة الواحد مننا ممكن يقول شروق مابتطربني
لكن ما يقول هي مامطربة..
على كل شروق مطربة متميزة وليها بصمات واضحة رغم عملهافي الحقل الطبي
سابقا ورغم الظروف الصعبة البتمر بيها اي مطربة سودانية

(حميدة المختبرات برضو مش من ضمن الحقل الطبي ..)

Quote: على كل شروق مطربة متميزة وليها بصمات واضحة

شايفك تفترِض إنو رايك هو الصح
و راي غيرك خطأ
قلت ما من حقنا نقول ما مُطرِبة لكن من حقنا نقول ما أطربتنا
كمان بذات القدر قول الكلام دة لنفسك برضو
ولّ إيه

بس بصمات دي كتيرة شويّة

ههههههههههه
انا مش قلت ليك مساككت البوستات دي
داير ليها زول عندو كنجالات...

Quote: شايفك تفترِض إنو رايك هو الصح و راي غيرك خطأ

علاء الدين القضية ماقضية راي ورايك
ماحكاية صاح وخطاء

انت ماقريت كلامي كويس

يعني في قائمة المطربين السودانين الذين اجيزت اصواتهم
من قبل لجنة مختصةبتلقى اسم المطربة شروق ابو الناس..

اذا كان رأي صاح او خطاء هي مطربة...
ودي حقيقة حقوا تقتنعوا بيها...

بعدين نشوف حكاية الذوق دي...

انا شخصيا اكتر فناتين بيطربوني شروق وناسي عجاج
واكتر مطربين عاجبني عمر رجب ومعتز صباحي

Quote: انا مش قلت ليك مساككت البوستات دي داير ليها زول عندو كنجالات...

أهو إسمك ذاااااااااااتو حافظ كنجال
يعني ناقصاك ألِف و تاء و تبقى زول مُساككات سااااااااااااااي

عارِف يا حافِظ اللجنة دي ما مُنزلة من السماء
و رأيها تغلُب عليه الأخطاء لأن أعضاءها بشر و البشر بطبعِهم خطّاؤون
كما أن للمجاملات و الواسطات و الإعتبارات طريق مُمهّد وسط مجتمعاتنا السودانِيّة
ما تقول لي لجان و غيرو
دة كلام بتاع جرايد ساي
لكن اللجان الجد و البِتحكُم على الفنّان من غيرو
هي الجمهور
و الدليل واقع ملموس
أين شروق من بورصة الأغاني و الفنّانين
مع إنو الإتوفّر ليها من دعم و تشجيع و فتح طُرُق و إعلام ، ربعو بس لو لِقتو أسرار بابِكِر أو البِتغنِّي الليمونة ديك أو منار
كان دخّلم دار الأوبرا زماااااااااااااااااااااااان






[color=red]

Quote: الاخ سيد البوست و المتداخلين جميعا ... اعتذر عن المداخله السابفه والتي لم اكتبها بقلمي ... ولكن يبدو ان ترك كمبيوتر المكتب مفتوحا على الساين ان هي (دقسه ) كبيره ..!! اعتذاري لصاحب البوست .. اعتذاري لكل من تداخل .. اعتذاري للفنانه ان قرأت تعليقي .. تحياتي وصباحكم خير ... دلوشه ...

الاخت داليا الكباشي
تحية طيبة
حصل خير وأنتبهي من ترك الكمبيوتر مفتوح

مع خالص الود

Quote: كدي نزلوا لينا ليها اغنية , عشان نقدر نشارك معاكم في الجوقة دي

الاخت سناء عبدالسيد سلامات
أسف علي التاخير الغير مقصود وهاك الرابط دا
http://www.youtube.com/watch?v=zUtzvdozU88
مع جميل الود

Quote: الأخ صاحب البوست وضيوفه الأكارم فرض على الشعب الســوداني سماع شـــروق ابو الناس ورغم احترامنا لكل المختصين الذين قالوا عنها أعـــذب الكلام إلا إنني اشارك الأخ علاء الدين يوسف كل آرائه، فلا يمكن ان تطرب شـروق اي زول عادي، لأنها لا تمتلك مقومات التطريب أو الفنان ، ببساطة لأنها صناعة ... نعم صناعة فالدعم الذي وجدته شــروق من المشاهير وتســـويقها كفنانة لو وجدته كرجاكة بت حلتنا لكانت اليوم اشهر من بريتني سبيرز.. شروق لاصوت ولا موهبه ولا أي صفة من صفات الفنان.(واحترمها كإنسانة).

الاخ الامين البشاري سلامات
رأي يمكن الأتفاق عليه أو الاختلاف معه ولكن محل أحترام ياريت توضح لينا أسباب القصور مع أكيد المحبة والتقدير

هذا رابط البيان بقلم العالم الجليل بروف معز عمر بخيت

http://www.drmoiz.com/phpBB2/viewtopic.php?t=43352&post...1ae6108a01311e362824

Quote: والان بعد مرور عام لم نراء اي شئ ملموس من تلك التعاقدات والتفرق للفن !!!

أخونا عوض محمد عثمان
ياااااااااااااخ بالغته عديييييل كده
هسي ده بوست بينسوه عليك الله؟؟؟

طيب هاك شوف حصيلة سنة وربع من التفرغ









ولو ديل ما كفاية كده اعفص الرابط ده بتلاقي الباقيات:


شروق ابو الناس

تحاياي

سلام للجميع وكل عام وانتم بخير

والله ياعلاء الدين ضحكتني لكن يبدو انك زول بتاع موسيقي جد..

الفن دة هو الحاجة الوحيدة التي لا يُمكن أن تُصطنع أو تُجمّل لأجل المُتلقِّي العادي

في دي ما قلت الا كلمة الحق ....

اترككم في رعاية الله وحفظة