|
|
 حتى محجوب شريف بقى داير يلحق السوق .. فتأمل!
|
"محجوب شريف - نيالا الآن
---------------
خوفي علي السودان
من جهوية الشهداء
من جهوية الأحزان
ومن جهوية الوجدان
نيالا الآن
جميعاً ....حثما كنا نكونُ الآن
هنالكَ حولَ من سقطوا من الشهداءِ والجرحي
نيالا الآن
وليس غداً
نمدُ مع الهتافِ يداً
ونخرجُ
من شعابِ الإرضٍ قاطبةً
لتسقطَ دولةُ الطغيان
هنا الخرطوم
هنا بحري
هنا أمدرمان
نيالا الآن...نيالا الآن ...نيالا الآن
--------------
محجوب شريف"
|
|
 
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: على عجب)
|
خوفي علي السودان
من جهوية الشهداء
من جهوية الأحزان
ومن جهوية الوجدان
نيالا الآن نيالا الآن نيالا الآن
..................................
خلي محجوب انت فهمت شنو ؟؟؟
...............................................................................حجر.
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: على عجب)
|
| Quote: لكأنها من تأليف فخري أو ذاكر سعيد |
صراحة ووضوح وجرأة وممكن توزع منهم برااااحة
بس المزاجية بإفراط ..!!
غايتو رب ضارة نافعة مطبقة معانا فى حالة توقيف التيار حيث تفرغ حسين ملاسى
لابراز مواهب عدة فى اكثر من مجال منها النقد الشعرى كما فى هذا البوست
وايضاً الرجل صال وجال اثناء الثورة والاحتجاجات حتى وصف بانه قاد جمعة الكهرباء لوحده
ولا يزال مواصلاً فى الكهرباء حتى حسبته دينا خالد كهربائى (والمقصود يعمل بالكهرباء وليس المهنة ) :)
حسين العفو ياخ وليك كل الاحترام والتقدير
وكل سنة وانت طيب
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: معتصم ود الجمام)
|
معتصم انت اظنك شيوعي لانك تحاول تغبيش الرؤي
وان كنت كذلك فما عليك ملامة
لانني لم ازيد في ان نقلت ابيات للشاعر محجوب شريف
وحينها كان ابناء السودان يقتلهم الشيوعيين بالالاف في ودنوباوي والجزيرة ابا وبيت الضيافة
وكانت هتافاتكم
لاتحفظ بل اعدام
والحسم الثوري واجب وطني
وكان غناءكم ان نشنق ان نقتل اسهل من القاء تحية
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: isam elzein)
|
Quote: ولن ننسي
ياحارسنا وفارسنا |
نميري فعلاً كان حارس وفارس
ولم يكذب الشاعر حينما قال
حتى ولو غير موقفه لاحقاً
وتغير المواقف في الحكم على الاشخاص ليس عيباً
في ذاته .
وفي ذات الوقت لا تعيب الشخص الذي كانت تجاهه هذه الواقف
فهذا الموقف لا يسلب صدقية الموقفين الاول ولا الثاني
فقد يكون صادقاً في الموقف الاول ثم الثاني ...
تغيير المواقف محمود بل مطلوب
الذي لا يتغير في مواقفه هو مثل الحجر داخل الكهوف
المنقوش عليه بعبارات منذ آلاف السنين لا تلج اليها
لا شمس ولا رياح لتغيرها ...
أما البشر الذين يملكون عقولاً يدركون بها وضمير
حي وقلوب تنبض بالحياة ...لابد أن يكون لهم في كل حدث موقف
فالمبادي ثابتة ولكن الاحداث متغيرة
فالمواقف تتغير بتغير الأحداث مع ثبات المبادي
والمواقف تثبت ولا تتغير بتغير الأحداث مع تغير المبادي
الحجل بالرجل ...وهذا الثبات هو التبعية المطلقة
مع بيع الضمير وهو
(أنا معك على كل حال فلابد أني لا أرى لا أسمع لا أتكلم )
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد حيدر المشرف)
|
Quote: ان يتأدب حسين ملاسي امام تجربة حياتية من الطراز الانسانى الرفيع كمحجوب شريف ..
فذلك ما لا يؤمل فيه ..
وأما رؤيته لقصيدة محجوب شريف فمخير هو فيها يري ما يشاء ..
وأما أن يري إنو المسألة سوق, فذلك إنحطاط معلوم عنه..
تمام زى انحطاط زول زى عمر صديق فى مقام الناس هذا .. |
اللهم اني صائم
وان الاساءة حينما تاتي من اشباه الشيوعين مثلك فهي مفخرة لنا
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد إبراهيم علي)
|
باشمهندس محمد ابراهيم على ..
تحياتى واحترامى ..
المسألة ليست فى القصيدة ومحتواها الفنى يا محمد ..
المسالة فى لحقان السوق ..
فالمحتوى الفنى يتفق الناس حوله ويختلفون ولكن ..
مين الادى واحد زى ملاسي الحق فى الحكم على زول زى محجوب شريف انو داير يلحق السوق ..
الكلام ده اعوج شديد ..
والله الذى لا اله الا هو ذلك أتفه من أن يرد فى خاطر أتفه الخلق ..
محجوب لو كانت المسألة عندو سوق ما كان كتب عن جهوية الاحزان ..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد حيدر المشرف)
|
عمر صديق
حكومتك كاتلة للتو 12 شابا اقلاهم عمرو 20 سنة لم نقرا لك ادانة لهذه الجريمة
و جاى بكل برود و قوة عين تتكلم عن قصيدة (لاحظ قصيدة مش كلاشنكوف)
لا تملك اى مسوق اخلاقى للحديث عن قصيدة الجزولى او حتى عن جرائم الحجاج بن يوسف و انت جزء من منظومة قتلت و تقتل عشرات الالاف من شعبنا منذ اكثر من عشرين عاما
قليلا من الحياء و الاتساق مع النفس
فما كتبته اقرب للمثل السودانى عن الشايلة الموس و ..........
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: عوض محمد احمد)
|
Quote: عمر صديق
حكومتك كاتلة للتو 12 شابا اقلاهم عمرو 20 سنة لم نقرا لك ادانة لهذه الجريمة
و جاى بكل برود و قوة عين تتكلم عن قصيدة (لاحظ قصيدة مش كلاشنكوف)
لا تملك اى مسوق اخلاقى للحديث عن قصيدة الجزولى او حتى عن جرائم الحجاج بن يوسف و انت جزء من منظومة قتلت و تقتل عشرات الالاف من شعبنا منذ اكثر من عشرين عاما
قليلا من الحياء و الاتساق مع النفس
فما كتبته اقرب للمثل السودانى عن الشايلة الموس |
يابروف بل ذلك اقرب لمنطقكم انتم
ويصدق عليكم المثل (رمتني بداءها وانسلت )
وان كانت ادانتي للامر ليس محلها هنا ولكن لدي بوست حول احداث نيالا
ولااظنك اطلعت عليه
بل اخذتني بسؤ الظن المعهود عندكم
واما تحدثي عن قصيدة
فلماذا اغضبكم؟
وجعلكم تفقدون صوابكم ؟
اليس هي قصائد لشعراء شيوعيين؟
ام انها تتبع لنا في المؤتمر الوطني
مالكم كيف تحكمون؟
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد حيدر المشرف)
|
كل يوم في هذا المنبر يستهجون تقديس الاحزاب الطائفية لرموزها
ويقدسون هم رموزهم
وهل محجوب شريف اكبر من ان يقال رائي فيه او في قصيدته ؟!
ما كل يوم في هذا المنبر تكتب اراء في الصادق والترابي والميرغني ومعيط وزعيط
اشمعنى ؟!
وفعلا القصيد لاها في مستوى مجوب شريف
ولا ها في مستوى نيالا
ولا ها في مستوى الحدث الكبير
محجوب عودنا انه يكتب في مواظيع اصغر من هذه كلام مذهل
القصيدة حسب رائي الشخصي ان اعجب الناس او لم يعجبهم ضعيفة
وكتبت على عجل
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: حبيب نورة)
|
Quote: أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار
وبالطبع الطفيليات لا تلد الثمار. |
هشام هباني يا ابن العم لك التحية
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: الرفاعي عبدالعاطي حجر)
|
ويظن شيء كعمر صديق اننى أسيئه !!
المهم ..
"ليس هناك أحد فوق النقد"
الجماعة رددوها بحكمة إفريقية تتجاوز روحانية الشهر الكريم الفوقنا ده !! ..
الف مبروك والله ..
وهو رمضان عجيب هذا الذى يفك فيه أسر من هم كتبارك ..
حمدا لله على السلامة يا رجل يا رافض ..
وتعال بالله ورينا منو الادى ملاسى حقوق تسجيل وبث حالة انفعال محجوب شريف بالحدث ..
اما وقد دار محور سؤالك حول منو الادانى الحق اقول انو الكلام ده أعوج ..
فهو عوج الكلام ذاتو ( حتى محجوب شريف بقى داير يلحق السوق )
الا لو كان ملاسي هذا الها يعلم مافى الانفس وما تخفى الصدور ..
الامر الذى لم ازود به بعد ..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: Abdulrahman Gorashi)
|
يا ملاسـي
لحـقت السـوق فتجمع شـاقي الجيوب و لاطمي الخدود وهم مغيبون في كهوفهم
ينالون من محجوب , رأيك كان عن الاسـتعجال وضعـف القصـيدة فوجدوها فرصة للتقليل منه
و انتزاع لقب شـاعر الشـعب منه و هم يبكون دون ان يغرفوا على ماذا
المهم سـيرة و انفتحت
و اظن انه قـد جانبك الصواب في سـبب الاسـتعجال فليس محجوب من يفكـر في السـوق ايا كان
و لا اظنك قد شــققت قلبه فعرفت مقصـده
و يظـل محجوب شـاعرا للشــعب و إن ضاق القتلة بذلك
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد حيدر المشرف)
|
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار
وبالطبع الطفيليات لا تلد الثمار. )
غير السمحة راوية بت العباسي .. لم بفتح الله على احد ان يدين الهجوم الشخصي والمباشر والمتعدي لحسين ملاسي الى مجموعة مقدرة من السودانيين
المعييييياااااااااااااااااااااااار
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: Elmosley)
|
==
الشعر...ومحجوب شريف..التقاء ابدي...
=====================================
الظل..لايبحث عن احد
ولا يتألم من اقدام العابرين...فوقه
الي الابد...
كن ظلاً...كما تشاء...
فلن يهم قرب الظل من سيده...
ولن يضيره شيئا...اذا ابتعد...
========
الفرق...شاسع...بين من
يصنع الحدث ...وبين من لا يستطيع ان يكون...
الا شاهدا....اذا انحني سيده...لوهلة...
رأيته...سجد...
08/01/2012
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: salah ismail)
|
Quote: تبارك ..
ياخى انا لم أقل ابدا انو حسين ملاسي أعوج ..
لم أقلها ولا أضمرها ..
فاذا صوبت الموضوع ده اكون من الشاكرين ..
ولقد نبهناك فلا تنسي يا زول ..
عشان نواصل معاك على ميه بيضه زى ما بقولو اخوانا المصريين .. |
رضوخًا عند تهديد الأخ محمد المشرف بالمياه السوداء ... نصحح:
لم يقل أحد أن تبارك شيخ الدين مضحك
كما لم يقل أحد أن محمد حيدر المشرف متناقض
وأيضًا لم يقل أحد أن حسين ملاسي أعوج
الله يخلّي لينا "المية البيضه" ...
... المهم ....
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: تبارك شيخ الدين جبريل)
|
القصيدة ضعيفة ، ولا ترقى لمستوى أعمال الأستاذ محجوب شريف..
ده رأيي، ورأي ناس تانيين ، المشكلة شنو يعني ؟؟
قد تحمل القصيدة الكثير جداً من المعاني السامية
ولكن هذا لا ينفي ضعفها من حيث الصياغة والبنيان..
يمكن يكون حسين خانو التعبير في قصة لحقان السوق
ولكن هذا لا يغير من أمر القصيدة في شئ!!
أربأ بالأخ هشام هباني الإنسياق وراء هذه النبرة
العنصرية المقيتة..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: تبارك شيخ الدين جبريل)
|
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار
وبالطبع الطفيليات لا تلد الثمار. )
حتى الان لم يفتح الله على احد من الذين اقاموا الدنيا ولم يقعدوها على ملاسي ان يدينو ادانة خجولة لهذا الكلام البغيض المنقول عاليه الموجة لملاسي واسرته واقربائه واقرباء اقربائه
وما هو المعيار ؟
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: وليد محمد المبارك)
|
Quote: صدقت يا ملاسي
أمس من قريت الهراء بتاعه دا قعدت اضحك
محجوب شريف اوضح انه متملق عاوز يخت طوبته من الأول |
سبحان الله والله من مصائب المنبر على الحروف ان يكتب مقابل المشرف امثال
عبدالعزيز بجد سبحان الله ( تالتن بالله شوف ليك حاجة غير الكتابة فأنت غير مؤهل
نصيحة لوجه الله ..... يااخي من الصدق مع النفس ان تقول لا اعلم فهي موجزة .
............................................
تعالوا نقرأ معاً ما كتب إله الشعر البسيط الشريف / محجوب شريف
"محجوب شريف - نيالا الآن
---------------
خوفي علي السودان
من جهوية الشهداء
من جهوية الأحزان
ومن جهوية الوجدان
نيالا الآن
جميعاً ....حيثما كنا نكونُ الآن
هنالكَ حولَ من سقطوا من الشهداءِ والجرحي
نيالا الآن
وليس غداً
نمدُ مع الهتافِ يداً
ونخرجُ
من شعابِ الإرضٍ قاطبةً
لتسقطَ دولةُ الطغيان
هنا الخرطوم
هنا بحري
هنا أمدرمان
نيالا الآن...نيالا الآن ...نيالا الآن
--------------
محجوب شريف"
خوف من جهوية الاحزان والشهداء وجهوية الوجدان ( ما اعظمه من خوف )
دعوة للإلتفاف حول انه دم سوداني واحد لا ينتمي إلا لارض السودان والسودانوية ( فما اعظم الانتماء لو نعلم فهو يوحدنا بلا ادنى شك
والوحدة حول الوطن والاعتزاز بالسودانوية اعظم من اي جهة اودين او وجد آخر ) فما انبلها من دعوة بسيطة لزول علمنا معنى البساطة
فلنمد يداً ولنخرج من شعاب الارض قاطبةً كلنا اجمعين ونهتف لم يقل لنحمل السلاح فلنهتف ضد دولة الطغيان فما اعظمها دعوة لنبي الشعر
ولنهتف هنا ام درمان , هنا بحري هنا نيالا هنا الديم هنا السودان يوحدنا ........ ارى ان محجوب هو محجوب وشريف وعظيم يحفظه الله
ويعافيه فهو وجدان شعبنا واحساس جيلنا فله التحية . برغ ما يعاني يشعر بهموم شعبه ولص كافوري يقتل في ابناء شعبه اليافعين من دون ال20.
............................................................................................................................................حجر.
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: yaser mostafa)
|
يا حارسنا غير أنها تملق وتمجيد فارغ تخطت الجهوية الهسع بنبذة محجوب شريف للعنصرية عدييييييل كدا
يا حارسنا ويا فارسنا ... جيتنا وفيك ملامحنا والأنكى كمان اتبلعت
قوموا لفوا بلا محجوب شريف بلا دجل معاكم دقس مهما تسوو ما حا تستروا دقسته دي اخير تسكتو وتبلعو من سكات
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: yaser mostafa)
|
ملاسينا (الصغير) بيكون قاصد "سوق أُم دفَسُو" بـ نجالا!
شاعر الشعب إنسان مرهف ينفعل مع شعبنا
ويتألم للموت الموجه.. والصمت عنه
هو يخطئ ويصيب.. وهذى سنة الحياة
ولكنه يتراجع عن أخطائه.. ويصححها
وهذة شيمة يفتقدها حسين وعمر!
وأحسب أن عمدتنا االهباني ..
مثله مثل محجوبنا الشريف
______________
أتفق مع الباشمهندس أبوحميد في أنها بيان عام للعالمين
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: عبدالعزيز حسين عبدالرحيم)
|
تبارك ..
يعنى مثلا "الزول ده متناقض " كجملة ..
هى جملة ما بطاله,, ويمكن تكون جيدة عند بعض المقيمين فى ده السوق ..
"الزول ده مضحك "
شوية مزعجه وبحسب المقام ..
ويفضل نسبتها للكلام..
كلام محمد حيدر .. كلام الله .. كلام عباس الخ
او كمان تنسبها لى نفسك -ظرافة منك ولطفا- كقولك
"تبارك ده مضحك"
وذلك ما جاء فى الشرح البسيط اللاحق ..
"الزول ده أعوج "
الجملة دى تحديدا ..
لم أقلها ولا أضمرها نحو الاخ حسين ملاسي..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد حيدر المشرف)
|
أولاً : هل قال الشريف محجوب شريف ... أن هذه قصيدة جديدة ؟ ... وبالتالي بعث بها للصُحف والمجلات والمطابع؟
ثانياً : هل فعلاً الشريف محجوب شريف من الذين يبيعون أنفسهم لمن يدفع أكثر أو من الذين يعملون (للحاق بالشهرة) بإعتبار أنه يفتقدها؟
ثالثاً : ألا يرى صاحب البوست بأن عنوان بوسته يُصنفه ضمن الذين يتربصون لإغتيال شخصيات الذين من الصعب أن تُغتال شخصياتهم؟
رابعاً : ألا يكفي محجوباً شُهرة .. منذ أن كتب (يا حارسنا وفارسنا) وعمره ساعتئذ ١٧ عاما حتي يومنا هذا ليبحث عنها في كلمات لا تذيد عن (٢٠ كلمة)
خامساً : أليس لوضع شاعر الشعب الصحي الذى عاني ويُعاني منه بسبب المعتقلات وإنحيازه لجانب جماهير شعبه أى إعتبار عندما يتناوله البعض بالخير والشر؟
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: عاطف مكاوى)
|
تماما مثل ما فعلت العرب مع رباعيات الخيّام
تركت ما كتبه في العلوم والرياضيات واهتمت برباعيات
الشعر التي خطها في الهامش
محجوب شريف قصد التنبيه الى الخطر الاكبر
الجهوية في تسمية الشهداء والاحزان (الموت)
وهي لمن ارجع البصر كرتين واضحة وضوح
الشمس
محجوب شريف يحذر من تحول الوضع الى القتل على الهوية
تكون قصيدة ضعيفة (وهي غير ذلك) فليس هذا المهم
المهم ان نرى ما بعد مقتل طلبة نيالا
أليست هي الصوملة بعينها
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: على ميرغني)
|
يتحدثون ويشرحون القصيد وما فيها
وانها تتحدث عن الجهوية والعنصرية
وووواااااااااااااااااااا
ورررووووووووك
ويتهمون حسين ملاسي بقصر النصر وعدم التعمق ورؤيته للمعاني الكبيرة التي قصدها الشاعر محجوب
ثم
بعد كل هذه المحاضرات .. تجاوزا هذا الكلام العنصر المباشر الموجه لحسين ملاسي في نفس البوست
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار
وبالطبع الطفيليات لا تلد الثمار. )
ده يسوه شنو ده
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: وليد محمد المبارك)
|
الأخ حسين ملاسي
محجوب في ألمانيا الآن يتعالج من مرض مزمن
في رئيتيه. رئتاه تعملان بربع كفائتهما.
من سريره، وعبر الهاتف، أرسل هتافاً لثوار
نيالا. هذه القصيدة هي مساهمته في اللحظة.
ليس هناك حجم أو مقاس للقصيدة ومحجوب لا
يكتب لتصابوا أنتم بالتخمة المجانية!
أكثر ما يغضب محجوب ومن يعرفونه (وأناعديله
وصديقه ومن معجبيه) أكثر ما يغضبه أن يأتي
اسمه في اي جملة مفيدة مشتملة على كلمة سوق.
محجوب يمقت السوق ولن يلحق أي سوق ما دام حياً!
والقصيدة عكس ما قال الباشمهندس وأيده آخرون
قصيرة ولكنها ليست ضعيفة شعرياً وموزونة لم يعرف
كيف يقرأ الشعر.
ومن يرى غير ذلك فيلقرأها مشكولة لأنها مكتوبة
بالعربي الفصيح. محجوب لا ينطق عن الهوى في الشعر.
وتدعونا نتأمل؟ نتأمل ماذا وأنت موغل في جهلك
وعدم حساسيتك وعازم على تثبيت صورتك الصحفية
ببضع كلمات تعج على الدوام بالأخطاء. ؟ومن أخطائك
أنك تنقل دون تمحيص الصحفي المتوقع.
| Quote: جميعاً ....حثما كنا نكونُ الآن |
هذه العبارة حبنت أن تصححها لأن لا معنى لكلمة
حثما فهي حيثما وأنت بالقطع تدري ولكنك تجبن
عن تحمل مسؤوليتك كحامل للواء الاستنارة.
محجوب انفالي جداً من مثل هذه الترهات وأرجو
أن لا تعود لها.
ثم سوق ماذا؟ وشنو الما بتلحق دا؟ وشنو حتى؟
ضع امثلة حتى يحترمك القراء.خ
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: adil amin)
|
Quote: والله يا ملاسي تاخذ اوسكار في جمع الشيوعيين في البورد بضربة واحدة
محجوب شريف شاعر كبير ولكن ماذا ضاف له الحزب الشيوعي سوى المخازي |
يا عادل امين أمرك مفهوم انت و ملاسي و غيرك زي عادل عبد العاطي
طول ما السيوعيين موجودين فستسيطر عليكم عقدة نقص
و احساس بالتفاهة يحتاج الي معالج نفسي.
فقط تذكر شيوعيي عطبرة المجيدة
امثال محمد عبد الخالق
الهام عبد الخالق
العم عيدروس
و عبد الله الحاج القطي
بكري جبريل
عوض جبريل
سيد احمد الخطيب
اميرة عبد الخالق
مكي الاحمدي
و الشهيد ابوبكر الاحمدي
عز الدين عيدروس
عماد عيدروس
بثينة امام
محمد عبد الله
المرحوم صديق عمر
حامد خرشي
رباب ابو شوك
سلوي سعيد
و القائمة لا تشتمل علي ابيك بالضرورة!!!!!!!!!!!!!
إيه المخازي العندهم شنو بالله ورينا؟
هل تعرف من هم أشرف من هؤلاء يا ناقص يا مهزوم
المخازي ملياك انت و نوعيتك
يا عادل امين استحي علي حالك يا مجهول
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: mustafa mudathir)
|
لحقان السوق القاصدو حسين ملاسي واااضح وما بيحتاج تأويل لكن انتو مصرين تسوقو حسين لي حتة ما قصدها وانتو كلللكم عارفين المقصود..
القصيدة ضعييييفة جداً وملتقة للأسف ..ما مكتوبة بي أي إحساس ..
ما بتشبه محجوب شريف..والناس البتحب محجوب شريف بالجد مفروض تقول ليهو قصايد على الشاكلة دي ممكن تنسف تاريخه..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: عمر الفاروق)
|
"محجوب في ألمانيا الآن يتعالج من مرض مزمن
في رئيتيه. رئتاه تعملان بربع كفائتهما."
"أكثر ما يغضب محجوب ومن يعرفونه (وأناعديله
وصديقه ومن معجبيه) أكثر ما يغضبه أن يأتي
اسمه في اي جملة مفيدة مشتملة على كلمة سوق."
إن كان ذلك كذلك – يا عديله و صديقة و معجبيه – فإنني استبدل طواعية و بطيب خاطر
(السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه.
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: Hussein Mallasi)
|
"محجوب في ألمانيا الآن يتعالج من مرض مزمن
في رئيتيه. رئتاه تعملان بربع كفائتهما."
"أكثر ما يغضب محجوب ومن يعرفونه (وأناعديله
وصديقه ومن معجبيه) أكثر ما يغضبه أن يأتي
اسمه في اي جملة مفيدة مشتملة على كلمة سوق."
إن كان ذلك كذلك – يا عديله و صديقه و معجبيه – فإنني استبدل طواعية و بطيب خاطر
(السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه.
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: Elmosley)
|
( أترجون من بقايا الحملات الانكشارية خيرا بوطن لم يعرفوا عنه غير ارض مستباحة لصيد البشر والثروات وظلوا فيه حتي اليوم غرباء الضمير والانتماء وهم فيه اشبه بطفليات تتسلق سامق الاشجار
وبالطبع الطفيليات لا تلد الثمار. )
كلام واضح جدا ومنسجم تماما مع القصيده
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: عمر الفاروق)
|
يبدو أن تأويل لحقان السوق وااضح ؟!
ويبدو وااضح جدا تبعا لذلك انو الناس عايزه تسوق حسين لى حته هو ما قاصدها؟!
ويبدو ذلك لا يكون الا كراهية فى حسين او فراغ منهم او اى اسباب مشابهه
ويبدو واضح جدا انو محجوب ما كتب القصيده بى احساس ..
خلى الاحساس بى جنبه وقام كتب القصيده بحسب الواااضح ..
كما ويبدو واضحا جدا انو الحزب الشيوعى طرفا فى ذلك الموضوع ..
اذن ..
كامل الاعتذار لحسين ملاسي ..
والذى لا اله الا هو ما كنت عارف الحاجات دى
هو الجهل بهذه الاشياء الواضحة ليس الا يا سحس ..
هذا ولا يفوتنى تدوين ادانتى لكلام هبانى عن بقايا الحملات الانكشارية كتابةً..
وإدانة الحزب الشيوعى ..
وإدانتى انا ذاتى ..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: محمد حيدر المشرف)
|
كلمات مثل السوق والمولد لا يليق استخدامها عند الحديث عن محجوب شريف كما كتب لك مصطفى مدثر
هذه الكلمات تؤلمه في أحواله العادية، فما بالك وهو في وضعه الصحي الحالي المعروف للجميع
كنت مع الرجل قبل ثلاثة أسابيع رأيته كيف يجاهد بنَفَسه الضيق كي يطالع النت ليقرأ ما يكتب في المواقع السودانية
لو تعرف يا حسين كم سيكون متألما الآن لهذا الوصف، لما كتبت ما كتبت
كان بإمكانك أن تعنون لبوستك بـ: قصيد ضعيفة لا تشبه محجوب شريف
أي كلمات من هذا القبيل، ويختلف معك الناس أو يتفقوا
لكن كلو إلا الإساءة التي تقتل الشعراء عدييل كدا
وكم من شاعر مات نتيجة تهمة ظالمة
اعتذر يا حسين اعتذارا حقيقيا ولن ينقص ذلك منك شيئا
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: معاوية الزبير)
|
لولا عنوانه لوافقت ملاسي في كلامه
ولولا هجمات الناس لداخلته أيضا
ولولا أن المقام أكبر من السخرية.. لسخرت من بعضهم
اللهم ارحم شهداءنا في نيالا
والحقنا بهم لا خوارين ولا جابنين ..
والحق يقال: قصيدة لا تشبه محجوب شريف في شيء (بلا سوق ولا يحزنون) يا ملاسي.. فالرجل عاش لفنه ووطنه وحزبه مخلصا لهم
وهو القائل (ما غبت شارب كاس) و (سلاما يامديد القامة ويا شعبا سديد الراي)
محجوب رفع الشعر الى قمة الأخلاق الانسانية
فأدبه الشعر بغيرما عادة... وأدب محجوب الأدب..
محجوب عاش ليغير مفهوم آية قرآنية في أذهان الناس.. ونجح "رضي الله عنه" في ذلك.. فصار الشعراء من أمثاله لا يتبعهم الا الفالحون
أطال الله في عمر محجوب وأدام عليه الصحة والعافية
ورحم حميد.. وحمد له وشكر
وحفظ القدال وأزهري وصلاح حاج سعيد وأمثالهم من جيل شاعر بحق -ولولا مخافة الشطط لقلت: جيل آخر الشعراء
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: قصي مجدي سليم)
|
يا موصلي انا ما فسرت في مداخلتي ما يعنيه ملاسي..والجملتين حقاتي اي واحدة براها ..تفسيري لي ضعف القصيدة كلامي انا ..
اعتقد ملاسي في اخر مداخلة وضح تمااااما فهمي الفهمتو من لحقان السوق لما وبكل ذكاء استبدل ليكم السوق بي المولد .. واعتقد كلام ملاسي في وادي وفهمكم العايزين تجرجرووهو ليهو في وادي تاني ..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: yaser mostafa)
|
يا موصلي صدقني لو كانت إنفعالات كانت ح تطلع في ثوب حماسي مرتب يتناسب وعظمة المناسبة ..لكن لمن يكون تلتيق بيكون ظااااهر..صدقني وانت سيد العارفين تتجلى عظمة الشاعر ويكتب أجود الأشعار عندما ينفعل ...
السواهو محجوب شريف ده ما إنفعال ده فعلا لو ما لحقان مولد فهو مبادرة لي دق أول خيمة في المولد ..
عارف يا موصلي مرة استضافو اشرف الكاردينال اللي قال هو من أشعر أشعااار العرب وأيام كانت طالعة موضة الوحدة الجاذبة وما ادراك ما اتفاقية السلام قال للمذيع ووقتها كان الكوباني ..قال ليهو انا كتبت بهذه المناسبة واحدة من أعظم القصائد ثم أبتدر القصيدة قائلاً:
وبدل اللغم نزرع قصب ...!!!
غايتو بعدها قال شنو انا ما عرفت لأني كنت حوولت القناة ..
أها أسة قصيدة محجوب شريف دي بدل اللغم نزرع قصب..
| |
|
|
|
|
|
|
|
|
 Re: حتى محجوب شريف بقى داير يلحق السوق .. فتأمل! (Re: عمر الفاروق)
|
يا هباني لو دايرين نرجع كل زول لمكان الهجرة الجاء منه مش سودانيز أونلاين براهو ال حيفضى لكن حتى السودان جوة حيفضى...السودان كله نتاج هجرات وتمازج..
ملاسي زول سغيل ....نعم...جداً...لكنه سوداني كاااااامل السودنة...برغم الحمار -بفتح الحاء والميم- والشعر المسبسب وصورته لما كان عمره 16 سنة وكان مسرح شعره إبراهيم عوض(:(:(:(:
محجوب شريف؟ أصبتنا في مقتل يا ملاسي...الكلمات ما حلوة لكن الغرض نقي ونبيل وما لحاق المولد البتة..
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: Elmosley)
|
استاذ يوسف يا صديق كيفك مع الصيام
بالله ديل ممكن يلقوا فرصة في محجوب شريف حتى؟
للسخرية والتبخيس. بعدين ياخي البيقول ضعيفة
وفي واحد قال شوية والتالت أظنه قال زيدوني
البقول ضعيفة دا وتحديداً اسمه عمر فاروق ما
يجي يورينا ضعيفة وين.
الشاهد أن مناسبة القصيدة في نظرهم ما قيافة
ذاتا وما بتستاهل ولذلك هي فرصة للنيل من
فكرة الناس الثابتة عن محجوب انه شاعر الشعب.
يجي الاخ عمر يقول لينا ضعيييييفة دي كيف شعراَ
وكمان ما كتبها باحساس. كيف تقيس الاحساس في الحالة
دي يا سيجموند فرويد عندك أنالوج اسكيل في شكل
نبلة تفكه لمحجوب ويفكه ليك راجع؟
أقنعنا بأنك بتعرف تقرا شعر صاح خاصة لما يكون
مشكولً.
يا موصلي الجو العام الخلقوا المدعو خوجلي دا
ولا منو؟ ملاسي ومن ورائه الأخ الناقد عمر فاروق
جو بتاع تخذيل وفرصة لهز المسلمات وخلق بلبلة
في العتاد الفكري والروحي لانتفاضة اسقاط النظام
وتحويل وزر محجوب من لحاق السوق لدق خيمة في
طرف المولد هي ليست سوى بلطجة فكرية.
المكاواة السودانية ديك لما تكتر بتبقى مسيئة.
والراجل على فراش مرضه مش كتر خيره يكتب كلمة
كلمتين يمكن يطلع منهم هتاف أو شعار وقد حدث
كثيرا في لاأيام الفائتة. الراجل عيان بدل يقولوا
حمد الله على سلامته يقولوا شايل قصيدته يفتح بيها
خيمة في طرف المولد. بالله في اهانات أكتر من كدا؟
وبعدين مالو لو زول قال في قصيدة نزرع بدل لغم قصب.
أولا دا لا يمكن مدخل القصيدة والقصة كلهاملفقة عشان
محجوب يقارن بهذا الشاعر الوهمي المبهوت.
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: Elmosley)
|
.
يا جماعة ملاسي عارف الكلام دا كلو .... كان ممكن ينتقد القصيدة و يقول رأيه فيها و يسمع رأي غيره . وهو موقن تمام أنه (لحقان السوق) و محجوب شريف ما بتلاقوا . معليش نقول (لحقان واجب)
لكن يبقي حسين ملاسي كيف لو ما رفع ليه ضغط كم زول زي الموصلي دا في كل بوست!!
أنا الرفع ضغطي بالجد عبد العزيز دا | Quote: محجوب شريف اوضح انه متملق عاوز يخت طوبته من الأول |
. !!!!
.
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: خالد الأيوبي)
|
Quote: إن كان ذلك كذلك – يا عديله و صديقه و معجبيه – فإنني استبدل طواعية و بطيب خاطر
(السوق) ب(المولد) كما ا ستبدل (عدم إعجابي) ب(إعجاب) مطلق غير مشروط بالقصيدة أعلاه. |
Quote: اما "نيالا الآن .. نيالا الآن .. نيالا الآن"
فأقرب ل"إلى الأمام .. إلى الأمام .. إلى الأمام ..
ثورة .. ثورة .. ثورة"! |
| Quote: حتى خلته سيختم القصيدة ب: "فالذكرى ناقوس يدق في عالم النسيان"! |
لوووووووووووب
اشهد بان هذا الملاسى فنان ومجنون ... لقد صنعت يومى ياخ ....
الدفاع الماموضوعى وعاطفى دا خيبه فى وجه المعجبين ... كل ما قاله حسين صحيح
لو تركنا فسحة للامل
فسحة لقبول الاخر ... فسحة للربيع !!
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
المنهج الاقصائى الشمولى سيك سيك معلق فيك يا شعبنا ...
شهوة ان تكون الخصومة فى عزها
واضحة
غير مخدوشه بالعناق ال########
فقبلات من لا اود حراشف سردينة
وابتسامته شعرة فى الحساء
**
شهوة ان تكون المودة فى عزها
واضحة
دون طُعم الوعود ودون اللغة
فاللغة
علبة للرياء
واللغة
لعبة فى يدى من يشاء
واللغة
رشوة للنساء
واللغة
سمسم الكاذبين الوفير
وفخ يهيا للبنت منذ الصباح المنمق
حتى سرير المساءْ
حسين يا حسين
**
اتركى فسحة للرجاء
اتركى فسحة للجنون
انت اخبث مما نظن واحلى
فهلا ابتكرت لنا فكرة للصعود اليك
سوى موتنا
في هواك
**
شهوة ان نريح القصائد منك قليلا
ونكتب عن اى امر سواك
ـــــــــــــــــــــــــــــ
وليد .. قول اتنين انا اشجب وادين بصورة مطلقة اى اشارات او ايحاءات
عنصرية رغم انها تاريخيا كانت مصدر فخر ... اشجب كلام هبانى بشدة
مش لانو الصوت وصلنى بل من ناحية مبدئية جدا ومش عشان بيوصل ناس تانيين
غير حسين ذى ما قال وليد لكن عشان حسين ذاتو فى الاول !
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: دينا خالد)
|
عارفة يا دينا .. ويشهد المنبر
منذ اول يوم وانا بكتب في تفاصيل بروفايلي سنة 2004 في المنبر ده
كتبت شعرائي المفضلين
هاشم صديق ومحجوب شريق
ومن اليوم داك تغيرت حاجات كتيرة في البروفايل الا ديل
لحدي هسع لو زرت البروفايل ستجدينهم كما هم
القصيدة ضعيفة ..وما بتشبه محجوب شريف
ده راينا
العجبو عجبو والما عجبو يشرب من اقرب محيط جمبو
اهما حاجة يا دينا
التقديس لمحجوب وقاصيده .. يوهمنا حراس الفضيلة .. انهم يستمدون قدسيتها من معانيها
وكانهم يفهمون هذه العاني
طيب لو بفهموا هذه المعاني
لماذا لم يدينو العنصرية والجهوية التي تم ممارستها في هذا البوست الذي فيه قصيده يتم تقديسها لانها تتحدث عن معاني عظيمة ضد الجهوية وضد العنصرية او كما يقولون ؟!!!!
نفاق ليس الا
كتب ملاسي فاهتاج الناس
وكتب هباني فصمت الناس
والقصيدة ما سمحة
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: وليد محمد المبارك)
|
يا وليد
رمضان كريم
رسالتك وصلت من أول مداخلة
العنصرية مدانة، والقصيدة في نظرك ضعيفة
طيب ممكن تمشي خطوة لي قدام وتقول لينا
كيف لم تلحظ الإساءة التي وجهها ملاسي إلى محجوب شريف الذي تحتفظ به في بروفايلك كشاعر مفضّل
كيف يكون شاعرك المفضل وتسكت عندما يُوصف بأنه يلحق السوق أو المولد،
إذا كان هو كذلك فلماذا لا تزيله من بروفايلك
وبعدين
Quote: القصيدة ضعيفة ..وما بتشبه محجوب شريف
ده راينا
العجبو عجبو والما عجبو يشرب من اقرب محيط جمبو |
معقوله دي طريقة حوار في نقد قصيدة !
طيب كان بقيت رئيس للسودان، كان شلّتنا في الشوارع ولاّ كيف
| |
|
|
|
|
|
|
|
|
|
Re: حتى محجوب شريف بقى داير يلحق السوق .. فتأمل! (Re: وليد محمد المبارك)
|
والله انا حكاية تقديس هذا (اللاحق المولد) أصلو ما فهمتها ...
كدى فهومنا براحة كدا ... بيحصل شنو لو محجوب شريف كتب قصيدة تافـهـة؟
(باعتبار انو "نيالا الآن نيالا الآن" احسن من القرآن ظاطو)
ابن حلال يحي يفسر لينا الخنوع بتاع "مساجينك مساجينك"
تعالوا جربوا اسجنوني انا ود الشريف دا ... شوفوني كان "بغرد" في أسر زول ... ولاّ انا ابيت حراصة وهو يبيت في قصر ...
فسّروا لينا مثاليات وباسمك نغني وتغني السواقي وخيوت الطواقي وعولاق الشعر ...
فسّروا لينا جهل "حبابا الإشتراكية" ....
فسّروا لينا تناقض الضجة في الرادي والخطب الحماسية والقصائد الهتافية الركيكة البتقول "ولا بالضجة في الرادي ولا الخطب الحماسية"
محجوب مين يا عم ... دا راجل طيب وبيقدم قدر عقلو ونيتو ... انا شخصيًا بستمتع بى شعرو المكلفت دا ...
انتو الغير محتملين بتاتًا ...
... المهم ....
| |
|
|
|
|
|
|
| |
Hussein Mallasi
قاسم المهداوى
الرفاعي عبدالعاطي حجر
عمر صديق
احمد الأمين على إدريس
هشام هباني
معتصم ود الجمام
Kostawi
هشام عباس
وائل عبدالخالق مالك
isam elzein
منتصر عبد الباسط
محمد حيدر المشرف
محمد إبراهيم علي
ناصر المحسى
وليد محمد المبارك
حبيب نورة
محمد ادم الحسن
عمر عبد الله فضل المولى
تبارك شيخ الدين جبريل
Rawia
Elmosley
ابن النخيل
حمد عبد الغفار عمر
salah ismail
طه جعفر
Mohamed Yassin Khalifa
عاطف مكاوى
mustafa mudathir
adil amin
عمر الفاروق
معاوية الزبير
قصي مجدي سليم
صديق الموج
lana mahdi
Bushra Elfadil
خالد الأيوبي
دينا خالد
فيس بوك
تويتر
انستقرام
يوتيوب
بنتيريست