|
مرحبا بالاستاذ عبدالله محمد عبدالله (ودالسجانة) كاتبا بالمنبر
|
انضم الي كوكبة كتاب المنبر الصديق الفنان عبدالله محمد عبدالله ود السجانة والشهير بعبدالله فلوت , وهو اضافة حقيقية لمعارفة المتنوعة ....... فهو صحفي متميز وموسيقي وشاعر ومناضل وانسان قبل كل ذلك ....... عبدالله معلم بكل ماتحمل هذه الكلمة من معاني فقد اخترناه استاذا منذ ان عرفناه وظللنا من وقتها نتعلم منه , وهو انسان زاهد ومتواضع حد اهدار امكاناته الكبيرة وهو رجل صادق لاتفصله عن الحق مسافة . هذه دعوة لاصدقائة ومعارفه للحديث عنه والترحيب به .
|
|
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Emad Abdulla)
|
ود السجانة : زول حتى ونستو طاعمة .. يا قول أبوي : لا يغلّط عليك .. لا يوسخ إضنيك .. مفكر جميل و شاعر رقيق و فنان فنان .. ....... يا عمده صحيت الصباح و فى بالى أغنية قلت اشتغل عليها شوية ، نفخت فى الفلوت صوته بقى لى ما ياهو ، نزلت العود لقيت رقبتو انعوجت من البرد .... الاوتار بقت بعيده ، تدوس عليها اصبعك يتحشر فى النص .
اتذكرت محمد نور ابوالتومات لما كان عنده ورشة لصناعة الاعواد جنب ميدان المايقوما شرق سينما النيلين .. وقد جاءه اخونا عمر الفحيل بعود يشكو من علة كالتى يعانى منها عودى المسكين ، نظر محمد نور الى العود طويلا ثم قال لعمر وقد حشر يده خلف ياقته ، ممسكا أعلى رقبته بابهامه و سبابته : ( يا استاذ عودك ده لازم يتفك من هنا ) .
يا حليلك يا مصر .. كان الواحد من قبيل وداهو شارع محمد على ... أما البلد دى !!!!! عموما تم اعلان المشروع القومى لتصليح العود ، وتم تكوين لجنة لتفوفير المعدات و المواد برئاستى , و لجنه اخرى للميزانية مقررها شخصى الضعيف و لجنه فنية للتنفيذ برئاسة صديقى بيتر هاموند عازف الجيتار.
وعملا بمقتضيات الضرورة ، اشتغلت فى اللحن - كما قال استاذنا الموسيقار الراحل الصول حسين لته : " خشَــامى " . فقد كان يقول : المزيكة أصلا يا خشـَامى يا مخـَاخى .. اما النوته و الورق ده كله فعشان تنظيم الموضوع .. بس .
و زى ما قال عادل حجر الله يطراهو بالخير : " كان ما نقدت شغلك براك .. الله معاك " .. عاينت للحن من جاى و جاى لقيتو خاتف لونين ، شى قريب من عمر الشاعر و شى قريب من عبدالمنعم حسيب .. قلت كده انضفو شويه و اســِمعو لعلاء مطر و الله يكضب الشينه . المهم يا صاحب ، ده الكلام الانا شغال عليه :
طريتك فى المنام فتحت شفتك جيتى شقيتى الزحام و قعدتى فى طرف السرير زى قمرة ضويتى .. الكلام الابتسام منك تدفق كالحرير غطانى بالحب و الوئام الليل تحول بين ايكى حديقة هلت يا سلام الصمت اصبح اغنيات مجدولة من نفس الغمام و شذى الغرام و انا اتكلت على ضياك و صدحت عاشق مستهام خضيت سكون الليل غنا و اهديتو من عطرك سلام
......
شكرا يا بهاء .. لإبتسامة في ليل المغسات .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Emad Abdulla)
|
مرحباً مرحباً بالشاعر الكبير عبدالله محمد عبدالله تعرف يا بهاء (عندي اعتراف صغير ما تكلم زول) عندما تم تقديم عبدالله محمد عبدالله فى إحتفالية الخاتم عدلان التى إقيمت فى واشنطن لالقاء قصيدة ، لم اهتم كثيراًللاصغاء في البداية ، فلم اعرف عبدالله شاعراً بل عرفه العالم اجمع كموسيقى بارع وانا شخص إحب الاستمتاع للمبدعين حسب التخصص الدقيق(تخلف مني معليش) ولكن سرعان ما استطاع عبدالله ان يجذب انتباه كل القاعة بشعر جزل وبادله الحضور بالصمت والاصغاء الجميل واستمتعت بقصيدة جيدة التراكيب ونبيلةالمعاني و
فى الختام عبدالله حللت سهلاًَ ووجدت اهلا
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Emad Abdulla)
|
ثم و إن كتب عبدالله بالفصحى فهو لها .. يفترع بها الأسئلة العصية .. يفتلها و يعجن عودها .. فتستكين له و ترضخ ..
........ مـَـن ؟ مـِن قبل ِ أن ْ تشتعل َ الشموس ْ وتعرفَ السماءُ الصفوَ والعُـبوس ْ من قبل ِ أن تنتظم الكواكب ُ السيارة ْ و قبـل َ دورةِ الاظلام ِ و الانارة ْ قبل تشــيؤ الأشياء ِ والزمن ... قبل أن ْ .. و و قبل أن ْ.. كان هناك َ ... من ْ ؟ من كان فى المكان قبل أن يكون ْ ؟ من كان قبل أن يكون الصمت ُ والصدى وقبل أن يكون للمدى مدى ؟ من كان قبل أن تكون للأرض سماء ْ و للبحار سـطوة و ماء ْ ؟ و قبل أن ْ و قبل أن ْ من كان َ... من ْ ؟ مـِن قبل ِ أن تبلـل الغيومُ أعينَ الجبا ل ْ و قبل أن تداعب َ الحوافرُ الخفافُ هدأة َ الرمـا ل ْ وقبل أن يورق دوحُ الغاب ِ.. قبل ان تصطرع الوحوش ُ فى الأدغال ْ قبل احتراب الحق و الباطـل ِ واصطدام الحــلم بالمــحا ل ْ كان هناك ... من ْ ؟
ذاك الذى قد كان قبل ان نكون َ ... أين كان َ ؟ كيف كان ْ ؟ كيف له أن كان أن يكون ْ ؟ كيف له أن شاء أن يوجدنا ؟ من أين جاء بالاسرار ِ و الأهواء ِ والظنون ْ ؟ و السحـر و الافكار ِ و الفنون ْ ؟ وســحن ِالأجناس ِ .. و الفتون ْ ؟ هل خـَلق الأسى فى البدء ام قد خلق العيون ْ ؟ هل أوجد القلوب فى البدء أم الشجون ْ؟ و كيف أودع اللوعة َ فى الغنـاء ِ و الفرحة َ فى الأعناب ِ و الصفاء َ فى النفوس .. و المجون ْ. ذاك الذى قد كان ْ أما يزال حيث ُ كان َ.. خارج التخوم ْ فوق ذرى الخيا ل ِ والعلوم ْ ؟ و ان يكن ْ... فكيف بالذى يحرك ُ الغيوم ْ و يـُنهـِض ُ الموج َ ويـُشــعل ُ الأكوان َ بالنجوم ْ ألا يكون قادرا ًعلى إِسـعـاد ِ قلب ِ شـاعر ٍ مكلوم ْ؟
عبدالله محمد عبدالله
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
شكرا يابهاءوالف مرحب بأبوليلى..والله أيام يازمان..21سنه منذ أن التقينا آخر مره..وقبلها كنا نتلقى أربعه مرات فى الاسبوع..دار بيت المال العامر أول مره جمعنا وبعدها المورده وجمعية الصداقه مع المانيا الديمقراطيه وبروفات الساعه تلاته ضهر والجمعات..وو وحديث ذوشجون..
.......... رحم الله الاستاذعبدالرحمن عبدالله الذى جمعنا..
مستنين ذكرياتك يا عبد الله عن ذات المرحله الثره...
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
كتب طارق ابوعبيدة:
Quote: يازميل انت قايلا قدة ؟ ماتسلم كويس
|
هلا خدوري نقوم نسلم اكوس من كده يقوموا ناس بهاء يقولوا { خلاص عايز يشرك لناسنا } وهو ماعارف إنه مهما تاه الناس عن الدرب مصيرهم العودة للبيت الكبير والخاذوق في الناس الماكان عندهم بيت قديم كبير
مع إنو عبدالله هذا ودالسجانة والسجانة اخت الديم الكبرى علا لاوزت أن أرحب به أكوس من ترحيبنا اعلاه
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
عزيزي بهاء بكري حسنا فعلت بنا بدعوة هذا الموسيقي الناقد المتمكن اذكر جيدا ذلك التنقيح والتصحيح اللغوي لمقالات معاركي مع الراحل المقيم جمعه جابر كانت علي يد هذا الفنان وبينما كنت انا اجيد فن التحليل فقد تعلمت منه فن الكتابة الصحافية وهو يراجع مقالاتي في تواضع الاخوان فقد كان خصمي حينها اقوي شكيمة واكثر خبره الف مرحب يا ابو ليلي ست الحسن والذوق
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
.. سعيدين بوصول عبد الله ود السجانة
و بزيد فرحنا كلما نلقى زول نحادثو في حكاية الفلوت و باقي الالات !
.. الفلوت ود عم البيكلو و الصفارة .. وديمتري قال :
تاني يوم مما فتحنا قسم الادوات الموسيقية في مكتبة البآزار ، جاني محمد آدم ادهم و اشترى الفلوت الوحيد الموجود .. اظنو مشى عمل بيهو الادهميات بتاعتو .. الادهميات التي لم يتسع مداها النغمي لرنة الصفارة
.. وشكرا يا عبد الله علي تلك الحفاوة وذلك الترحاب في ذلك اليوم .. و بالله تمم جميلك معانا بمزيد من الحديث عن الرتابة في الغناء السوداني و غياب التوزيع الاوركسترالي
.. و نعشم في ذلك الغد البعيد ، بس المنظور .. حيث تبقى حياة شعب السودان اليومية عبارة عن ( صولو للفلوت ) .. بديلا لهذا الهكعي و اللكعي و المعافرة من اجل لقمة عيش و حفنة دولارات زي ما قال كلينت إستوود ..
.. و نهايتو مرحب بعبد الله محمد عبد الله
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
Quote: يا خدر خف على الراجل ده شويه، داخرنو للخامس. |
خامس شنو ياود جبرالله اريتو يلحقوا ...... عمك ده بقول انا موجود وبحارب في اعداء الحزب وهو لايعلم ان الوجود الحقيقي وسائلة تانية واحسن ليهو الجلكسات دي يعملها هناك مكان الكتابة ام دق ...... اخونا محمد السني قال بوستات ابوساندرا من عينة الحيطة والحذر ومن عندي الحق الانقسامي او التصفوي ودي لغة اظنها انقرضتت تماما الا انه مصر يقول انا هنا ...... هسع هو فرحان انو عضو من متين ماعارف في الحزب ومرة قال لواحد صاحبنا انت مااتنظمت في فريق اشبال تتكلم معاي انا .... تقول هو كان في الفريق القومي ..... بعدين برضو واحد صاحبنا قال البقولو ليهو شيل مكنة الرونيو دي يقول ليك انا مفرغ للتفكير اها عمنا ابوساندرا ده ضهروا اتكسر من التفرغ والاختفاء اصلا كان مختفي مع الشهيد علي فضل وهاجر لمصر مع عمنا التيجاني حفاظا علي روحه وادخاره لبناء مستقبل الحزب والراجل جاهز للخامس بمساهماته العميقة مش هو ناشط وعندو مساهمات فكرية ذي ماقالو في اللقاء الصحفي . مرحب استاذنا عبدالله وعينة الكعوجة دي بتلقاها كتير طول بالك بس
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
بهاء بكرى ,, التحايا ,, نرحب معاك بالاستاذ عبدالله ,,
وبعد الشويه القريتوا ليهو هنا , بالتأكيد حيكون من أعمدة المنبر البنستفيد منهم ,, مرة أخرى مليون مرحب .
بس عمك ده خفف عليهو شويه ,, خاصة اليومين دى مشغول بالخامس ,,
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
عرفت الاخ عبد الله من صديقي الاخ كمال قسم الله واخي السمؤال وكان عبد الله مسئؤل مكتب حق بالقاهرة علي ما اعتقد
وهو انسان فنان ومهذب وملتزم تجاه القضايا الانسانية بهمة ونشاط
ازدادت المعرفة بالوصول الي اسرة عبدالله في القاهرة مني خضر ثريا وباقي الاسرة المحترمة فاتحه القلوب والدور لكل السودانيين/يات ويسهروا لخدمة خلق الله
الدور السابع بشقه صغيره كبيره بزوارها في شارع احمد عصمت ربطت القريب وبعيد
الي عبد الله التحية والي اسرته الممتده في كافة البقاع السلام واهلا بعبد الله هنا في المنبر اضافة جيده
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Abdalla abdalla)
|
عبدالله فلوت .. عبدالله ودالسجانة .. عبدالله محمد عبدالله ..
كيفما ( تتسمى ) تجد الترحيب .. الفلوت ...احب الموسيقي ، وآلة الفلوت الأقرب الى قلبي ( بعد العود طبعاً ) ..إذن فأنت مُرحّب بك ( بسببها) .. ودالسجانة ... بسبب انحيازي الطبيعي لكل أحياء الخرطوم القديمة ، لا سيما الأقرب الينا نحن أولاد الديم ( السجانة) ، اذا فأنت مُرحّب بك بسببه.. ع.م.ع .. وهي اختصار لأسمك .... حسبما علمته من خلال قراءتي لما كُتب عنك أعلاه ، فأنت فنان وموسيقي ، وكاتب وشاعر ، ومناضل ، وأخو أخوان (وأخوات) ، وإذا ظفر أحد ببعض ما ذُكر، فهو بلا شك ( إنسان ) حقيقي .. فهنئياً لك إنسانيتك ، وهنيئاً لنا وجودك معنا ، وحري بأصدقائك ومعارفك ( وأحسبني من ضمنهم ) الإحتفاء بك .. مرحباً بك هنا ، قلماً يُزيل بعضاً من أمية ظلت تلازمنا ، ونغماً يُشنف آذاننا ، ويُعيد ترميم وجداننا الذي تصدعت بعض أجزاءه ، ومناضلاً يتخير موضع ( سيفه ) أو كما قُلتَ..
لم يسبق لي قراءة بوست ترحيبي بهذه ( الدسامة ) , ولك أن تفرح يا عبدالله بكل هذا الحب ، وبكل هؤلاء الاصدقاء الأوفياء.. ويا بهاء شكراً ، ولو أنك أكتفيت في هذا الموقع ، بترحيبك واحضارك لنا الأخ عبدالله ، لكفاك ذلك .. وشكراً مرة أخرى ..
أهلاً بيك أخونا عبدالله ، ونتوقع مشاركتك الفاعلة هنا ..
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
عبدالله تحياتي ياسلاااااام عليك صديقي الجميل لازلت عبدالله الذي اعرف رقيق السلام حلو الكلام عذب الابتسامة طال الزمن يا صديقي وفرقتنا قطارات الترحال وموانئ السفر هنا يا صديقي بتحدث عنك الزملاء الشيوعيين بفخر وحب سيمتد طويلا يحكون عن بيتكم الكبير وعن طيبة وكرم لا يوجد الا في الاساطير او كتب الاولين! نعم يا فلوت هكذا يحكون عنك وعن صمود الاسرة في وجه القمع وازدراء الطاغوت! يتحدثون ولا يملون الحديث عن بطولات خضتها واسرتك الكريمة حين كان بيتكم ملاذا آمنا للمختفين !! صديقي ورفيقي فلوت ... سر آمنا مطمئنا .. فلست انت ممن يدقسون فهذا الصراط اليسار يسعنا جميعا وان طال السفر لابد من محطة لقاء ! مثل مقرن النيلين ومنها نتقاود ويسارا نسير حتى مطلع الفجر
حب بلا حدود ولا سدود!!!
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
كتب العزيز أبو ليلى عبدالله ود السجانة:
Quote: كما ترون فمن الممكن قراءة النصين على اتصال و تبادل ، دون اخلال بموقفى ، الذى لا يغيب عن الصديق العزيز ابوساندرا و لا من قارعوه هنا فيما لا اعرف ، فانا لست ملما بالتاريخ العراكى فى هذا الموقع ، و لا ادرى ان كان يهمنى فى شئ . و لكنى اقول لعبدالرحمن بركات : ما زلت احتفظ برسالتك التى جاءتنى من الدوحة منتصف التسعينات ، و ما زال بيننا الكثير . لقد كنت أحدَ بصراً من كثيرين ، و أرقى . تحياتى لرشيده و مهيتاب و ساندرا .. وابقى عشرة . |
لايهمك يا عبدالله ، تاريخ الصراع او العراك البوردي ولايهمني فما رأيته أعلاه ليس سوى مشاكسة بين صحاب ورفاق ومناضلين ، صرف النظر عن الراية التي يناضلون بإسمها ولو تمعنت ستجد المقارعين بعضهم من بني حزبي واخرين مناوئين حقانيين وهؤلاء ، أي الحقانيين ، عادة بفسمهم على ثلاثة ثلاثة من عندياتي لا علاقة لها بالإنقسامات المتوالية فنلك أكثر وأضر منهم من كانوا زملاء لنا في حزبنا ومنهم جمهوريين والفريق الثالث لم يعرف نعمة التنظيم إلا في حق هذه أشاكس الفريق الثالث بأن كلا الفريقين { الشيوعي والجمهوري } لديه بيت قديم يمكن أن يعود له يومآ ما ومع مشاكستي للفريق الثالث بأن لا قديم لهم وممكن يكونوا مفكوكين عكس الهوا الا انا مرات برضيهم بان وضعهم افضل بإعتبارهم ماشايلين جراحات الخروج وتبعات الإنقساميين
اما صاحبنا ود جبر الله فإن جرثومة الإنقسامات كامنة في جيناته
كنت أحدث بها عن تلك الرسائل بيننا وعند ردك في الكرت المصور لاحد معالم قاهرة المعز كان ماحواه ذلك الكرت من كلمات طيبات بمثابة رد الإعتبار لشخصي وحمل لي دعم كبير كنت أحتاجه ومابخلت ، حينها كان البعض يروني كالكافر الخارج من الملة لمجرد إختلافي ، ناهيك عن خصامي ، للراحل مصطفى سيد أحمد فقد كانت للراحل تقدير عند الكثيرين ، تقدير يتجاوز الحي والإحترام ليبلغ درجة القداسة قلت كان ردك علي بلسم شافي ومازلت أحتفظ به
أرحب بيك هنا وأتمنى أن أرحب بيك هناك عندما تفتح النوافذ ويعود الحزب الذي راود خيال و وعي عبدالخالق
قلت يا عبدالله :Quote: لقد كنت أحدَ بصراً من كثيرين ، و أرقى .
|
مازلت يا عبدالله بس في عين طافية نور شوية ولكنها تتعافى تدريجيآ وبهذه المناسبة / أشكر صديقنا المشترك عمر الخير في عز أزمة العين كنت أتذكره وأتذكر كيف أن العمى لم يقعده كنت استمد منه الصمود والصبر كما إستمديت من كلماتك المضيئات التي ربتت على صدري وشرحت قلبي وزودتني بالتماسك
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: أبو ساندرا)
|
Quote: المقارعين بعضهم من بني حزبي واخرين مناوئين حقانيين وهؤلاء ، أي الحقانيين ، عادة بفسمهم على ثلاثة ثلاثة من عندياتي لا علاقة لها بالإنقسامات المتوالية فنلك أكثر وأضر منهم من كانوا زملاء لنا في حزبنا ومنهم جمهوريين والفريق الثالث لم يعرف نعمة التنظيم إلا في حق هذه أشاكس الفريق الثالث بأن كلا الفريقين { الشيوعي والجمهوري } لديه بيت قديم يمكن أن يعود له يومآ ما ومع مشاكستي للفريق الثالث بأن لا قديم لهم وممكن يكونوا مفكوكين عكس الهوا الا انا مرات برضيهم بان وضعهم افضل بإعتبارهم ماشايلين جراحات الخروج وتبعات الإنقساميين |
عاين جنس ده يا عبدالله .. !! يا قول حبوبتك بت ود حامد : ( هدوها من سواة النبيد .. قامت تشد العرقي ) .. ياهو ده الخطاب هنا من سنة غاغ , و ( المشاكسات ) الخشنة . غايتو يا عبدالله , عمك " الكرار علي " ده .. كان ما كان بركات كان ( الزملاء ) رفعوا عليه قضية حجر . الناس في شنو .. و الحسانية في شنو ؟؟؟ هسه تقول ليهو : اليقظة الحذر .. التنادي نحو ما عارف شنو .. يقوم طوالي يهتف و تجيهو الحمى .
إنا لله .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
اعزائى ،
أوصل ما انقطع :
ناذر ، اشكرك على الترحيب ، لم اضع اسمك ضمن قائمة الفنانين عن قصد ، فأنا أدخرك لمجموعة اخرى ، أندى عمرا و أعلى شأنا.. سنلتقى ، لا شك .
طارق ابوعبيده : تحياتى أيها المبدع ، ما زال صوتك يأخذنى بعيدا .. و أنت تشدو بأبيات العبقرى الأمى العبقة بل انك لتنازع الاستاذ الخالد بادى محمد الطيب حين تنتقل بين البيانو و البانيزمو فى ( و البعرفوا الوفا ما ندر ...) . ما زلت أذكر يوم جئتنا أول مرة فى النادى السودانى للفنون ، و بدايات ما عرف لاحقا بساورا ... سنواصل حتما ما بدأنا من حديث خلال مهاتفتى لك قبل أشهر .. ما أسرع ما تمر الايام .
محمد مكى : و الله أيام . من المفرح ان اسمع منك ! اين انت و ماذا تفعل ؟ طافت صورتك و صورآخرين بخيالى عندما ردد جمع من السمار بمدينة مانشستر بولاية نيوهامشير ذات ليلة لحنكم الجميل لقصيدة حميد (قاسم امين ) .. اين بقية المبدغين الذين كانوا فى كورال بيت المال ؟
صلاح شعيب : يسعدنى أن اسمع منك ، لنا حوار حالت الشواغل ، طارؤها و مقيمها ، دون اكماله و أرجو ان يكون لنا فى مسقبل الايام متسع لمواصلته . ألا اين تلك الايام ، و أين نحن اليوم من تجمع الاعلاميين و الثقافيين و احلام ما بعد الانتفاضة ! تحياتى لك و الاسرة .
حسن الجزولى : شكرا يا صديق ، ارجو ان نجد قريبا فرصة ( نطبق ) فيها مكالمتنا الاخيرة .. و التى تمت بعد انقطاع طويل . الله يختينا العوارض ، لكنى تحصلت على ارقام التلفونات التى وعدتك بتوفيرها . انجاز .. مش؟
ابو نورة : تحياتى الوافرة و شكرى العميق ، أما من لقاء قريب ؟ ما أخبار غسان و امه ؟ لكم جميعا امنياتى الطيبة .
عباس الوسيلة : لك جزيل الشكر و عميق التقدير . أرجو ان تمدنى برقم تلفون للاتصال .. والى لقاء.
محمد ابراهيم عثمان : بسعدنى ترحيبك ، أرجو ان نلتقى و لو على الهاتف. لك منى التحايا و اطيب الامنيات .
نادوس : تحياتى و شكرى من الاعماق . أما حكاية الشيل دى فالله أعلم ، زى ما قلت فى الاول : شعرا ما عندى ليهو رقبة ، الله يجازى صاحبك بهاء . لكما امنياتى الصادقة .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
Quote: فهو صحفي متميز وموسيقي وشاعر ومناضل وانسان قبل كل ذلك ....... عبدالله معلم بكل ماتحمل هذه الكلمة من معاني فقد اخترناه استاذا منذ ان عرفناه وظللنا من وقتها نتعلم منه , وهو انسان زاهد ومتواضع حد اهدار امكاناته الكبيرة وهو رجل صادق لاتفصله عن الحق مسافة . هذه دعوة لاصدقائة ومعارفه للحديث عنه والترحيب به . |
نحنا لا اصدقاء لا معارف
ممكن نرحب بيهو معاكم؟
اهلاً بصاحب السيرة العطرة
الشفناها أعلاه ومنتظرين منو كتير
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
يا سلام!
الزول الكتب الكلام الجميل الفوق ده الشايل الإسم العظيم ده "ود السجانة" الصورتو ما غابياني نحتاجه بشدة "! very urgent" في هذا المكان عله يستطيع أن يجعل الخيول تشرب من ماء البحر (أمانة ما عندنا هنا دشيليون "أسطوبيل"!) . . عرفتو "مباشرة " لأول مرة خلال الكلام "الزكي" الجابتو سلوى صيام ده و شعرت وقتها أني لقيت واحد من الناس البنحلم بيها في الأسافير دي . غايتو بختك يا بكري أبو بكر , وبختنا تجدني من السعداء لمقدمك يا عبد الله
فرصة سعيدة جدا.
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: عبدالرحمن عبدالله)
|
علاء الدين حيمورة : جزيل شكرى و كثير امتنانى .. لك و اسرتك اطيب الامنيات
عصام جبرالله : كيف حالك يا عصام .. و الاهل جميعا ؟ جبرالله طيب الله ثراه كان يضحكه ان اقول له ( اسرتك فلت ) ..... و الشاى الفلت هو غير المعبأ فى صنايق ، و اعتقد انكم ما زلتم كذلك .. كل زول فى بلد . شكرا على التحية و ان شالله نتلاقى قريب و لو بالتلفون .
بله محمد الفاضل : شكرا على الترحيب ، تحياتى و امنياتى الطيبة لك واسرتك . عبدالله كع : تحياتى . رجعت للبروفايل بتاعك و لقيت انك أيضا ( سمى جدو ) ... والله انا ذاتى ماعارف ليه الاسم الثلاثى دة منتشر كده . انا لما جيت طالع من السودان ، لاحظت انو ضمن المحظورين من السفر قائمة طويل ممن يسمون ( عبدالله محمد عبدالله ) ... تأملت الموقف ، فاكتشفت ان بالوسط الفنى العاصمى وحده ثلاثة بهذا الاسم العجيب ، هناك المغنيان الشعبيان عبدالله محمد عبدالله الشهير بعبدالله محمد ، و عبدالله محمد عبدالله الشهير بعبدالله الحاج ... و شخصى .. فما رأيك ؟ يبدو ان ذلك هو السبب فى ان يعطى كل ( عبدالله محمد عبدالله ) لقبا ، فالاسم شائع ، ومسطح كما قال لى د. خالد المبارك عندما رشحنى للكتابة فى جريدة الصحافة .. عندها لجأت الى لقب كان يطلق على جدى ، و كتبت باسم عبدالله محمد الفكى . وعندما كتبت بذات الاسم فى مجلة الاذاعة و التلفزيون و المسرح ، ظن البعض انى ابن عم الصديق التشكيلى عبدالله على الفكى الذى كان يكتب فى المجلة عن قضايا التشكيل !!! دعنا نتفق على تنبيه ابنائنا الى تجنب تكرار ما فعل آباؤنا .. لكن ، ما قصة ( كع ) ؟ دربك اخضر .. ولا قدام .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Marouf Sanad)
|
اسامة الخواض : جزيل شكرى .. و لنلتق ، هنا وفى اماكن أخرى .
أ حمد طراوة :
تحياتى . سـررت باشارتك الى ديمترى البازار و د. أدهم ، فلك الشكر كله . ينتمى محمد ادهم الى جيل من الموسوعيين ، و كان رجلا متعدد المواهب ، و انسانا رقيقا . و الادهمية مقطوعة متمهلة الايقاع ثلاثيته ، بسيطة التركيب تميزت بالسلاسة و التقارب بين جملها اللحنية ، فكأنما هى تنويعات على فكرة واحده . طالما اطربت الادهمية طفولتنا وأجلستنا الى جانب المذياع فى هدوء لا يتسق وأعمارنا . أعتقد ان الادهمية ، و ختام اغنية صلاح محمد عيسى ( عشان كده انا حبيتو ) هما اول ما لفت انتباهى الى صوت آلة الكمان . لسبب ما ارتبطت الادهمية فى ذاكرتى بمقطوعة مكى سيداحمد ( نهر عطبرة ) ، و د. مكى سيداحمد موسيقار مقل ، كأدهم ، ليته اتحفنا بالمزيد ، فقد مر وقت طويل منذ ان قدم للمستمعين ( كانون العبور ) . و الCanon اسلوب فى التأليف الموسيقى الكاونتربونتى يعتمد على ميلودية تجرى محاكاتها بآلات مختلفة و وفق تقنيات محددة ، وان لم تخنى لذاكرة ، فقد كتب مكى مؤلفه ذاك للوتريات . و كما تعلم ، فقد اشترك مكى سيداحمد مع الفنان الكبير محمد الأمين فى لحن نشيد ( المتاريس ) الأكتوبرى . ارجو ان نجد متسعا لتناول ما اشرت اليه من قضايا الموسيقى السودانيه . فالى لقاء.
كمال سالم : تحياتى لك و من معك .... و شكرا على كلماتك الرقيقة .
صبرى الشريف : سلامات يا صبرى . انت جزء من هذه الاسرة الممتدة ، لا شك . ما اخبار الشاعر المبدع سموأل ؟ له التحايا و لك .
سلوى صيام : كيف حالك يا سلوى ؟ لك منى الشكر الجزيل على الترحيب ، و على انزال الرابط لموضوع ابوعركى .
معاوية الطيب : لك جزيل الشكر على ما تفضلت به .. و التحايا و الامنيات الطيبة .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Abdalla abdalla)
|
عزيزي عبدالله وعذراً للآخرين في هذا التداخل بين الخاص والعام . باسل في السودان وهو يمتحن هذه |لأيام حيث يدرس في مدرسة أجنبية بالسودان أما يونس فسيجيء إلى هنا ليكمل الثانوية. سانقل لك صورهما عبر الايميل. يعيش باسل ويونس-أندريه وأمهما في السودان في منزلي الشعبي بالخرطوم منطقة أبو آدم. حين يذهبان لقريتنا تحتفي بهما كل القرية ويتعلمان العامية ويندمجان مع الناس . كان مجيئهماوأمهما بمثابة فرحة لكل العائلة وقد سعدت بهما الحاجة نفيسة عبيد لأقل من سنة قبل وفاتها في يونيو عام 2006م وجاءوا(الولدان والأم) من روسيا هرباً من حليقي الرؤوس الذين أوسعوهما اضطهاداً باعتبار أن الطفلين خلاسيين أنا الآن أب لباهر وعلا وخاتم أيضاً.أمهما هي سمية.
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
صلاح عبدالله : سلامات يا صلاح ، شكرا على كلامك الظريف . احلى المن لك و لمن معك ... و راجع ليك.
عادل الوسيلة : زمن يا عادل ..... حليل ايامك و حليل على العوض و عبدالرحمن الزين وعادل مانديلا و ابوقصيصة حليل شقة الأقايات ، و ايام القاهرة... تلك فترة ينبغى الكتابة عنها بتوسع و تمهل ، و هذه دعوة لك و للآخرين للشروع فى التزثيق لتلك الايام .
ثروت سوار الدهب : شكرا يا ثروت على الترحيب . غمرتنى بما لا استحق و اعطيتنى أكثر من قدرى ، فذلك مشوار كان لك فيه من الفضل اكثر مما هو لى و أمثالى بكثير ، بل بكثير جدا . فقد نذرت نفسك لمهمة تراخى عنها الكثيرون من المتكلمة و الهتيفة ، وتخيرت لنفسك من مواقع النضال اكثرها علوا و تجانسا مع مبادئك . ارجو لك و اسرتك كل خير و الى لقاء قريب
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
Quote: محمد مكى : و الله أيام . من المفرح ان اسمع منك ! اين انت و ماذا تفعل ؟ طافت صورتك و صورآخرين بخيالى عندما ردد جمع من السمار بمدينة مانشستر بولاية نيوهامشير ذات ليلة لحنكم الجميل لقصيدة حميد (قاسم امين ) .. اين بقية المبدغين الذين كانوا فى كورال بيت المال ؟
|
الاستاذ الفاضل والأخ الصدوق عبدالله تفرقت السبل بالجميع ولم يبق أحد فى الوطن الجريح ,الشباب الرائع فى كورال بيت ,كانوا يافعين حينها ومعظمنا سافر للدراسه بالخارج ولم تشجع الظروف للعوده فاغتربوا غربتين ..غربه من الغربه.. والرائعون فى كورال العيد الأربعين من نفس الحال فهجروا الدار والديار فيما ظل مرابطا عتيدا الصديق العزيز الهادى جمعه وملح الارض نعمات خضر..ناس سهير أسال عصام جبرالله (البراى -طلع قريبهم وما كنت عارف)وعن البقيه لاأعلم أخبارهم .. وعن شخصى الضعيف فأنا أعمل فى أحدى الجامعات الأيرلنديه بدبلن كاستاذ وباحث.. مرحبا بكم يا صديقى فى أى البيوت صغيرا كان أم كبيرا فالوطن أكبر ويسعنا جميعا ويظل الابداع والثوره هما طريقنا لتحقيق ما نصبو اليه..فمرحبا بك قلما ولحنا جميلا بيننا قبل ذلك إنسانا عزيزا لدينا.. والتحايا المعطرات بنكهة الزمن الجميل
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: محمد مكى محمد)
|
عزيزى محمد مكى محمد اولا تهنئتى الحارة على ما حققت و اتمنى لك مزيدا من النجاح و الانجاز ، و لا بد لنا من لقاء طويل على الهاتف . صحيح .. تفرقت بنا السبل .. و بقيت الذكريات ... و الآمال و المسقبل . أتابع من البعد أخبار الهادى و ساورا ، يثلج القلب استمرارهم .. ايا كان قدر النجاح الذى حققوه.. كل الشكر و الامنيات الطيبة و الى لقاء .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: Anwar Elhaj)
|
أنور الحاج : تحياتى و امنياتى الطيبة لك و نادية. أشكرك على ترحيبك بى هنا و ارجو ان نلتقى . مررت على بوست ( مصطفى سيداحمد يمشى و يتظاهر .. ) و لو لا المشاغل لكنت اضفت بعض السطور. كنت قد كتبت لك فى ايميل وانت بمطار امستردام فى طريقك الى الخرطوم ، اكتوبر الماضى : I am sure , Anwar , that when I write - some day- about ( Bait Addaim ) and the people whom I met there , there will many pages about a young Juba University graduate who seemed to be different , so quiet and determined, taken away by his own thoughts and aspirations , sitting in a chair in the hot veranda, working on a research he was finishing , in English.... his name was Anwar . How were you able to work in such a boisterous environment? Weren't you disturbed by the uncountable visitors, the noise of the musicians rehearsing, and the f the cards players in the brief summer shadow by the wall? I have so many questions to ask you. Best wishes . Please keep in touch. Abdalla
و ها انت تبتدر الكتابة عن تلك الفترة الخصيبة فى تجربة مصطفى سيداحمد ، عن بيت الديم ، و معاويه سليمان و صلاح حاج سعيد و محمد المهدى عبدالوهاب ..و أسماء أخرى لا حصر لها . أرجو أن اتمكن من المشاركة و انى لأضم صوتى الى صوتك فى الدعوة للثوثيق لتلك الايام ، ايام ما قبل و خلال و ما بعد الانتفاضة . تحياتى و الى لقاء .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: عادل سهل)
|
Quote: عندما ردد جمع من السمار بمدينة مانشستر بولاية نيوهامشير ذات ليلة لحنكم الجميل لقصيدة حميد (قاسم امين ) .. اين بقية المبدغين الذين كانوا فى كورال بيت المال ؟ |
يا محمد مكي .. بلاي قاسم امين دي لحنتها إنت يا الكارثة ..؟ طيب ما تقول كدا من الصباح .. والله انا كنت قايل العمله كدا .. الصادق شيخ الدين .. المهم في الموضوع .. يا قدامى الشيوعيين .. التزموا لينا بالكتابة الطاعمة زي دي .. واي واحد من الزملاء ممكن يعمل نقد ذاتي .. وعايزين ابو ساندرا يضبط لينا المحضر دا .. اصلو انتو جنكم اجتماعات .. الواحد كان في اجتماع بيعمل ليهو اجتماع .. عظيم الشرف يا استاذ عبد الله عظيم الشرف والله ..
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: tmbis)
|
تمبس ، تحياتى . شكرا جزيلا على انزال الفيديو .. فقد أيقظ فى الذاكرة الكثير من التفاصيل . صحيح ان مجموعة الشباب الذين شكلوا كورال بيت المال فى ذلك الوقت قد جاءوا الينا بقاسم أمين ملحنة ، وما تم فى اطار لنشاط الموسيقى و الغنائى التحضيرى للعيد الاربعين هو اضافة بعض التفاصيل الموسيقية الى ذلك اللحن حتى أخذ صورته المعروفة.
و أول عهدى ، فيما أذكر ، بمحمد مكى ، عندما كان طالبا بالمدرسة الثانوية ، فى اطار استعداد جمعية الموسيقى للدورة المدرسية . كانوا مجموعة من الطلاب ذوى الموهبة ، و قد برز منهم على الساحة الفنية فيما بعد زرياب برعى ، ابن الموسيقار الكبير برعى محمد دفع الله .. و الرشيد؟ ثم تفرقت بهم السبل وبنا - شأن كل الناس - كما قال محمد مكى . شكرا للتكنولوجيا التى جعلت الاحتفاظ بتلك اللحظات امرا ممكنا .
لقد كان ما قام به الموسيقيون فى اطار العيد الاربعين للحزب الشيوعى السودانى عملا فريدا امتد لأكثر من عام ، تم خلاله انجاز مجموعة من الاعمال الغنائية المتميزة و التى ما زال صداها يتردد فى اذهان الكثيرين ، مثل غنى ياخرطوم ، الحان الموسيقار الراحل عبدالرحمن عبدالله ، و عشرة مقاطع للحياة التى هى مما قام بتلحينه الهادى جمعة جابر بالمعتقل . وهناك اعمال تم وضع الحانها بصورة جماعية مثل قصيدة كمال الجزولى ( الغابة امرأة يأتيها الطلق ) عن الشهيد جوزيف قرنق .
و مما هو جدير بالذكر ن ما تم من خلال المعركة الانتخابية فى العام 1986لم يكن بعيدا عما نحن بصدده هنا . فقد كانت تلك تجربة ضمت الشعراء و الموسيقيين فيما عرف بورشة المبدعين الديمقراطيين ، و التى قدمت للمستمعين يا شباب واسع المدارك من ألحان المنصورى ، و يا عزة مشوارك طويل .. و سواهما . و مثلما تلك أثارت التجربة كثيرا من الاشكالات و المصاعب ، التى حل بعضها من خلال التنفيذ العملى ، فقد أثارت بعض التساؤلات النظرية حول طبيعة الابداع عموما و خواص الابداع الموسيقى بصورة خاصة ، تناول بعضها الاستاذ كمال الجزولى فى مقال له بجريدة الميدان كان عنوانه ( ابداع أم ميكانيكا ) . وانه لمن المحزن ايضا ان تستدعى استعادة تلك الايام ، ما نحسه من اسى عميق لفقد اثنين ممن شاركا فيها بقدر عال من الهمة و نكان الذات ، و قدر رفيع من الطاقة الاباعية ، عبدالرحمن عبدالله ، عازف الكمان الموهوب و الملحن ، والادارى الذى نهض على اكتافه ذلك الجهد ، و زينب عبدالمجيد حسن ، الاثنوغرافية الضليعة و المغنية ذات الصوت السوبرانو الاوال ، و التى هى فوق ذلك كله انسانه من طراز فريد .. يا للفقد .
لن أطيل ، و ربما وجدنا سانحة أخرى لتناول تلك التجربة بمزيد من التفصيل ، و و بمشاركة آخرين ممن أسهموا فيها . الى ذلك الحين لك و لمحمد مكى عاطر التحايا .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
بهاء الدين وعبد الله السمحين حبابكم عشرة عمكم ود الرضى فى قصيدته المغناة السلام ياروح البدن يقول فى مقطع فيها: النسيم سارقنى وركن لى تسرب نيد العكن الشرح بالمناسبه لايفسد المعنى هنا) عندما سالت ذات جلسة استماع عمنا ود الرضى عن معنى العكن قال: هو ما يتساقط من الدلكه.. اى ان النسيم الذى يحمل رائحة بخور او دلكة ملهمته جاء مسارقه ولم يستكين الا عنده ... هسع نحن النسيم سارقنا وركن ليتسرب لنا نيد ثقافة عبد الله وزاخر معارفه،وان كنت لا اصدق بهاء الدين وعماد عبد الله فى كثير مما يقولون ،الا فى مثل هذا فهم جد لم يكذبونى خبرا.. عبد الله مثلك يوسع له فى المجالس لتنثر بينها رياحينك ارجو ان لا يطول انتظارنا،،،،
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: صديق الموج)
|
صديق كيف حالك و الف شكر على الترحاب و الاستقبال الظريف. السلام يا روح البدن .. كنا نطلق عليها ( مختصر الحقيبه ) لشمولها على كل ما امتازت به اغنية الحقيبة من معان وصور ، و لغة سودانية سلسة، و لحن دائرى مكتمل و ايقاع يقود الفتيات الى السباتة حافيات حاسرات .
الا يكفى ان شاعرها هو محمد ود الرضى ؟ عندما توفى ود الرضى عام 1983 قال الفنان الكبير خضر بشير ( هذا عام الاهوال ) .و قال خلف الله حمد ( اتــيـتـمنا تب ) . انت ممن يعرفون قدره لاشك .. و تلك آصرة تجمعنى بك و بكثيرين .
كانت السلام يا روح البدن احدى اغنيات الصديق الفنان على السقيد الاثيرة ، و طالما آنسنا بها أيام الدراسة بمعهد الموسيقى و المسرح .
ما زال على على حبه القديم لها ، و ما زلنا . و قد أبهجنى ان قدمها على لجمهوره العريض ضمن ما انتقى لألبومه ( كلامك لى ) ، لابد انك استمعت اليه . انظر كيف يمزج على معانى ود الرضى و صوته البديع و عوده الساحر ؟ يرتفع على بهذه الاغنيه الى حيث ينبغى ان تكون ، و ينقل مستميه الى اجوائها العاطرة ، فى يسر و دعة ، ودون اى حذلقة مججناها حول التراث و المعاصرة .. لك و لعلى التحية . و لبهاء الشكر على أن جمعنى بأمثالك فى هذا المنبر .. أما عماد عبدالله .. فأمر آخر. و لنا لقاء .
| |
|
|
|
|
|
|
Re: مرحبا بالاستاذ عبدالله محمد عبدالله (ودالسجانة) كاتبا بالمنبر (Re: بهاء بكري)
|
Quote: يا محمد مكي .. بلاي قاسم امين دي لحنتها إنت يا الكارثة ..؟ طيب ما تقول كدا من الصباح .. والله انا كنت قايل العمله كدا .. الصادق شيخ الدين .. المهم في الموضوع .. يا قدامى الشيوعيين .. التزموا لينا بالكتابة الطاعمة زي دي |
تمبس حمدالله على السلامه ياخى زمان لما كناشباب الواحد كان قمه من النشاط الفنى والثقافى ,وصادفت تلك الفتره اليمقراطيه الثالثه واتيحيت لى ولأبناء جيلى الإبداع فى ظل الحريه..وأسأل عمر منصور عن تلك الفتره ..فكانوا شباب زى الورد,عمر فتح الله وبكور وعباس عمر وأزهرى والصادق شيخ الدين وشاكر عبدالرحيم وصلاح خليل وحمد إسماعيل وسبت عثمان وحعفر حرجل وعبدالله فلوت وعبدالرحمن عبدالله...أوركسترا ماسيه مش كده?ياريت لونقدر ونجمع كل الحلوين ديل..وأسأل الرحمه لمن انتقلالى ربه.. فى الصوره الثابته فى بدايه الفيديو أول واحد على اليمين ده أنا ..عشان تعرف انو الوحد كان(قون)زمان... تحياتى ............. الونسه الدقاقه والزكريات الجميله مع عبدالله جايه ,بس خليهو يظهر ويبدأ
| |
|
|
|
|
|
|
|