|
يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟
|
اللقب: سيف الدين حسن العوض الحالة: .
عدد البوستات: 378 تاريخ التسجيل: 13-02-2007 محل الاقامة: ماليزيا : عنوان مكتبتى بسودانيزاونلاين دوت كم : اكلات مفضلة: كل ما لذ وطاب الاسم الحقيقى: سيف الدين حسن العوض التلفون: 0060123590543 الجامعة/المعهد: جامعة امدرمان الاسلامية الحالة الاجتماعية: Married العنوان الدائم: الفنان المفضل: محمد الامين اللون السياسى: بس بعاين بعيونى النوع: Male الهوايات المفضلة: القراءة والاطلاع وتصفح الانترنت والرياضة الوظيفة: محاضر واستاذ جامعي وباحث تاريخ الميلاد: اغسطس 1968 درست المرحلة الابتدائية فى ......و سنة....: مدرسة عطبرة الشرقية بنين درست المرحلة الثانوية فى ......و سنة....: مدرسة عطبرة الجديدة الثانوية درست المرحلة المتوسطة فى ......و سنة....: مدرسة مسعود المتوسطة / عطبرة شاعرك المفضل: ابو الطيب المتنبي عدد الاطفال: ثلاثة ولله الحمد معلومات اضافية: مكان العمل: مركز الرؤية لدراسات الرأي العام مكان الميلاد فى السودان: عطبرة صورتى:
|
|
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
نديكم عينة من حاجاتو ومنطق الزول الاستاذ والمحاضر الجامعي الشايلنو الكيزان للصالح العام ومبعوث هسع في ماليزيا :
Quote: الحبيب / هشام هبانى اتمنى ان اكون سيفا للدين بحق ولعلمك فان الدين عند الله الاسلام ما زى مابتدعى ان اسلام الكيزان ما اسلام حكاية جبهجى ياليتنى اقدر اكون جبهجى لانو الكيزان او الجبهجية اجدع ناس ناس ضحوا باموالهم وانفسهم لكى يكون هذا الوطن حرا ابيا ختاما يا رفيق المنبر العام الله يهدى الجميع |
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
ودي عينة تانية ممن بيت الكلاوي:
Quote: والله افتكر انو مافى مظالم بتحصل في السودان وحتى لو افترضناجدلا انو في مظالم فهي ممكن تحصل في اى بلد ولكن في السودان الظلم ما بيعدى ساكت والسودانيين ناس حقانيين ما بيعرفوا الحقارة .. وحتى لو افترضنا جدلا انه بيحصل فهو من قبل شرذمة قليلة يحاسبها الله في الدنيا قبل الآخرة وما علينا الا ان نرفع اكفنا بالدعاء ان يزيل كل ظالم..ومقارنة بامريكا هناك المظالم خشم بيوت ولكن ..... اى زول انفصل من عملوا صالح عام وجد احسن منو ..ومش كده اى واحد انفصل صالح عام افتكر انو استفاد اكثر مما خسر لانو اكيد بيكون كان20 سنة في وظيفة واحدة لا تطور ولاتقدم ولما جات الفرصة بالانفصال وجد فرص كثيرة احسن والمفروض يشكر الحكومة لانو لولاها لما وجد فرصة افضل للعمل ...بالنسبة للفساد المخيف اى فاسد خلى جزاؤه على الله ... ان الله سبحانه وتعالى يمهل ولايهمل ويؤخر عذاب المفسد الى حين وفاته فلماذا انت تتعجل عذابه في الدنيا احتمال يتوب واحتمال يرد المال لاصحابه واحتمال واحتمال .... اذن علينا ان لانقول ان فلان فاسد او ان فلان حرامى احتمال سرق علشان يعطى آخرين تضرروا
|
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
وكمان شيلو الدراب ده:
Quote: انا لاادعى بطولات زائفة ولعلمك انا فصلت للصالح العام سنة 1998م ولكن لم اخن وطنى او اهرب من مسؤوليتى بل انتقلت الى عمل آخر افضل منه وقلت فقط حسبى الله ونعم الوكيل .... وطنى السودان اخير مليون الف مرة من اى وطن في العالم وحتى المثل الانجليزى بيقول East or West Home is Best واذا كنت اليوم انا بعيد عن وطنى طلباللعلم فانا اتمنى من كل قلبى ان اكون فيه اليوم قبل الغد لاغنى بلادى وان جارت علي عزيزة *** واهلي وان ضنوا على كرام فتك بعافية ياود هبانى وياليتك تعارض باخلاق علشان يحترمك الآخرون |
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
وشيلو الحكم دي كمان:
Quote: طبعا انا ما خبير في الاجراءات والقاعد التى تخول للحكومة ان تأخذ منك او تسحب الجواز ولكن افتكر ان اى شئ عنده اجراء معين وعنده قواعد والا يكون الامر كله فوضى واعتقد ان الانسان لو خان وطنو ينبغى ان تسحب منه الجنسية وكذلك الذي يبيع وطنه ينبغى ان تسحب منه وهكذا وكم زول باع وطنه وكضب على وطنه وفي النهاية بدل ما .... نراه يدخل القصر او تضع الحكومة يدها في يده مثل الاخ مبارك الفاضل والصادق المهدي وعبد الرحمن الصادق وآخرين طبعا انا ما عارف انك يمكن تكون كضبت علشان تحصل على حق اللجوء السياسي او خلافه وامريكا وبريطانيا واسرائيل ما غباينة زينا علشان تعطى كل من هب ودب حق اللجوء وانما في الامر شئ من حتى ولانها تعرف تماما ان الذين يأتون اليها من الغباء بحيث سيكونون هم مطيتها للدخول في شان السودان كلمة (سردبوا ) دى والله ما بعرفها لكن اذا كان معناه خيانة الوطن فالكثيرين قد خانو الوطن ولكن كثيرون ايضا تابوا وآبوا بعد ما عرفوا كم هو باهظ جدا ثمن الخيانة ودونكم د. جون قرنق عرف الحق وعندما اراد ان يجهر به اغتالوه |
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: طويل العمر جورج بن بوك آل دينق لو ما جبتا سيرتي بتنخنق والله صدق من قال من الحب ما قتل... انقذونا من هذا الحب القاتل.. |
شيخة الظلام بيان.
حب عدييل كده!!
يعني أنا دينق ده أسيب حسناوات البورد والمعجبات دييل كلهن وأحبك أنتي؟ إلا أكون شارب بنقو وعرقي عيش في نفس الوقت. وطالعة لي ميلاريا في راسي.
لمن قلنا أسألو بيان أنا كنت بتحدث عن شيخة الظلاميين بماليزيا. للاسباب الاتية:
1- الزول ده كوز وأنتي ظلامية ومن أكبر المدافعين على الكيزان بهذا البورد 2- الكوز ده من عطبرة وأنتي برضك عطبراوية. 3- تجمعكم نفس البلد التي تأوي ألكيزان وأهل النظام منذ مجئ الانقاذ للسلطة.
ديي ثلاثة أسباب وجيهة جدا.
أبقي جاوبي عليها وبلاش لف ودوران معاكي.
دينق.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
شيخة الظلام بيان.
حب عدييل كده!!
Quote: يعني أنا دينق ده أسيب حسناوات البورد والمعجبات دييل كلهن وأحبك أنتي؟ إلا أكون شارب بنقو وعرقي عيش في نفس الوقت. وطالعة لي ميلاريا في راسي. |
لو عندك حسان ومعجبات في البورد دا قطعا بيكونن شاربات بنقو وعرقي عيش في نفس الوقت,, الزمن اتغير والله,,
Quote: 1- الزول ده كوز وأنتي ظلامية ومن أكبر المدافعين على الكيزان بهذا البورد |
اها؟
Quote: 2- الكوز ده من عطبرة وأنتي برضك عطبراوية. |
انت نسيت اني شمطاء ولا رجعت في كلامك؟ لانه الزول دا زول صغير يعني الشمطاء بيان ما بتكون بتعرفوا من عطبرة الطلعت منها عمرها 5 سنة...
Quote: 3- تجمعكم نفس البلد التي تأوي ألكيزان وأهل النظام منذ مجئ الانقاذ للسلطة. |
اها معلوتك دي معلومة طاقة وغير منطقية اهل النظام يخلو الماكلة ديك يجو هنا يعملو شنو انت بصحك؟ ما سمعت بي ليبيا وماليزيا واليمن ضياع زمن؟
Quote: ديي ثلاثة أسباب وجيهة جدا. |
شنن هن الثلاثة اسباب؟
Quote: أبقي جاوبي عليها وبلاش لف ودوران معاكي. |
انت ما تلف وتدور الزول لما يحب زول ما يشتغل بسياسة كترة الريد دعي وقميد(دا كلام شوايقة اسال منه الكرمبة) مافيها حاجة يا دينق كونك تعجب وتحب زولة كدا وتكون طوالي شغال بيها اودي في سيرتك واجيبها سيرتك انت علي حبيبة.. دونت بي شاي وبطل اللف والدوران..واعترف اني لو غبتا من البورد انت بتجيك نفسيات.. وانا عارفة شكلاتك ودرابك دا كلو من الطقطوق لفوق..( يشرحها ليك الكرمبة)
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: لو عندك حسان ومعجبات في البورد دا قطعا بيكونن شاربات بنقو وعرقي عيش في نفس الوقت,, الزمن اتغير والله,, |
شيخة الظلام.
يعني أنتي لمن كنتي مكسرة فيني وهارياني بالماسنجر كنتي برضو شاربة عرقي وبنقو؟ الكلام ده مش كان قبل أربعة سنين؟ عالم حاسدة بشكل. هسع انتي فتحتي لك جبهة مع حسناوات البورد شدي حيلك.
بيان.
الكوز قاعد معاك في ماليزيا وعطبراوي زيك. بتعرفي ولا لا؟ بعدين نحنا عاوزين نعرف. من الذي قام بتزكيته بهذا البورد؟ هل زكيته كما زكيتي حامد جمعة الزكا مهند مامون؟ الغريب شنو في معرفتك بالكيزان أنتي بتعرفي كيزان أمريكا وبتدافعي عليهم, الغريب شنو في معرفة بلدياتكم؟
دينق.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
Quote: يعني أنتي لمن كنتي مكسرة فيني وهارياني بالماسنجر كنتي برضو شاربة عرقي وبنقو؟ الكلام ده مش كان قبل أربعة سنين؟ عالم حاسدة بشكل. هسع انتي فتحتي لك جبهة مع حسناوات البورد شدي حيلك. |
قرقرقرقرقرقرقر هارياك بالماسنجرات ؟؟؟ سمحة المقدرة والمنجهة في ود بوك.. اطمن ياجكسي من قصة الحسناوات دي مطمنة خالص خالص.. لانه ما اظن في "حسناوة" بتكون معجبة بيك للاسباب آنفة الذكر..
Quote: الكوز قاعد معاك في ماليزيا وعطبراوي زيك. بتعرفي ولا لا؟ بعدين نحنا عاوزين نعرف. من الذي قام بتزكيته بهذا البورد؟ هل زكيته كما زكيتي حامد جمعة الزكا مهند مامون؟ الغريب شنو في معرفتك بالكيزان أنتي بتعرفي كيزان أمريكا وبتدافعي عليهم, الغريب شنو في معرفة بلدياتكم؟ |
والله يا يا جكسي العزيز حاير بيك الدليل..انا لو عارفة بوست الحب داك عاملو لي ما كان مسكتك الدرب في عبدالعظيم كنت بعتو عديل كدا... انا بعرف اي زول كان جارنا ولا درس معانا ولا من البورد كولهم بمختلف اتجاهاتهم جونا في بيتنا واتشرفنا بيهم لانهم سودانيين.. عارف شنو معناها سودايين دا ياهو مقياس التعامل حقي لو جا اي زول يكفي يكون سوداني... انا بستقبلوا بحترموا وبتعرف عليه.. دي من ناحية.. لا اعرف من ثنى بلدياتي سيف لكن لو طلب مني لثنيته بورد انت فيه المفروض اي زول يخشو..
من بيان الى الجكس دينق بمناسبة الاعتراف بالمحبة اساسق بالدريب الجاي بحداكي اوقل يمكن يصادف مرة القال وينشرح قلبي الاصلو حباك..
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
Quote: الظلامية بيان.
عيش ولا بلح؟ |
ما دام قلت حق العيش بعمل ليك مشكلة خلاص بلح ودا ذيتنا في بيتنا نخفس مورة نجيب ليك لوري بلح. تشدو براك ان شاء الله يكون عندك عدة الشغل بس منو اسع من الحسناوات دي حتوفر ليك بلح بلوشي؟ من الليلة انا اسمي مسز بيان آل دينق.. ايها السادة نقدم لكم مستر ان مسز بوك..
مسز ومستر بوك يهدون اغنية يا حاسدين غرامنا للكرمبة مع طلب الزح بعيد وشخت شخيط
ويا داخل بين "التفاحة" وقشرتها
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Imad Khalifa)
|
يا سيف ودينق ومحمد ونيازي وعماد
سلامات
بالله زول استاذ ومحاضر وباحث مبعوص من حكومة السودان من ضمن الاف المبعوصين من محاسيب السلطة بمستوى زي ده ومنطق زي ده انفع اربي اجيالنا وليداتنا وبناتنا وهو رغم اسلامياتو العالية يبرر السرقة ويعتمد وسيلة الدعاء لتغيير الواقع ويكذب انه لا توجد مظالم بالسودان..ناسي انو هو ظااااطو وجودو بالمستوي ده محاضر استاذ في جامعاتنا وكمان تصرف عليهو قروش من اموالنا المنهوبة انهاواحدة من اكبر المظالم الباينة...الله اطلع دينكم القاطعنو من راسكم ده!
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
وسط هذه الأصداء وقفت عند خبر جاءت به «سونا» ونشرته «أخبار اليوم» في أخيرتها أول أمس الخبر يقول: «وقف سوداني مذهولاً، ولم يصدق عينيه وهو يرى زوجته في مشهد تسوُّل أمام المستشفى العام، وهي ترتدي ثياباً باليةً، وتحتضن ابن الجيران الصغير، وتحمل بعض الروشتات الدوائية، وتوقف المارة لتسألهم المساعدة، وكان الزوج، والذي جاء إلى المستشفى لزيارة زميله قد تعوَّد أن يخرج من المنزل في الصباح، ويعود إليه في المساء، ولم يخطر بباله أن زوجته محترفة تسوُّل، وعندما رأى المنظر فاض به الكيل، واندفع نحوها، وقام بضربها في الشارع العام، مما حدا بالمارة للتدخل لفض الاشتباك.. غير أنهم سرعان ما أدركوا الحقيقة، واستغربوا من سلوك الزوجة، بينما أشادوا بتصرف الزوج، الذي استأجر عربة تاكسي وقام بدفع الزوجة المتسوِّلة والطفل إلى الداخل مع وعده بتأديبها.
AMAL ABBASE(Alsahafa.sd
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: بالنسبة للفساد المخيف اى فاسد خلى جزاؤه على الله ... ان الله سبحانه وتعالى يمهل ولايهمل ويؤخر عذاب المفسد الى حين وفاته فلماذا انت تتعجل عذابه في الدنيا احتمال يتوب احتمال يرد المال لاصحابه احتمال واحتمال .... اذن علينا ان لانقول ان فلان فاسد او ان فلان حرامى احتمال سرق علشان يعطى آخرين تضرروا |
واحتمال يا سعادة البروف ما يتوب!! واحتمال ما يرد المال!! واحتمال ما احتمال!! واحتمال سرق علشان نفسه.. ما علشان هو روبن هود!!
ــــــــــ لو ثبت فعلاُ إن كاتب الكلام دا محاضر واستاذ جامعي وباحث يبقى احتمال يكون بهظر!! واحتمال واحتمال !! أو احتمال يكون لا محاضر ولا أستاذ جامعي ولا باحث ولا يحزنون!! أو احتمال فعلاً التعليم انهار للدرجة دي في السودان!! لكن الشيئ المؤكد إنه حجته دي ما تقنع تلميذ ابتدائي.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: قرقرقرقرقرقرقر هارياك بالماسنجرات ؟؟؟ سمحة المقدرة والمنجهة في ود بوك.. اطمن ياجكسي من قصة الحسناوات دي مطمنة خالص خالص.. لانه ما اظن في "حسناوة" بتكون معجبة بيك للاسباب آنفة الذكر.. |
الظلامية بيان.
دي بتنكريها كمان؟ أخر معايدات وغزل كمان. فرصتك ضعيفة جدا معاي نسبة لظلاميتك. وبعدين زي ما أنتي قلتي, أنا "ولد عمارات" البخليني أحب بت أقاليم زيك شنوا أصلا؟ مش الناس مقامات؟ وأنتي حتسيبي كرهك للحسناوات ده المعجبات بي متين؟ عالم حاسدة بشكل.
Quote: والله يا يا جكسي العزيز حاير بيك الدليل..انا لو عارفة بوست الحب داك عاملو لي ما كان مسكتك الدرب في عبدالعظيم كنت بعتو عديل كدا... انا بعرف اي زول كان جارنا ولا درس معانا ولا من البورد كولهم بمختلف اتجاهاتهم جونا في بيتنا واتشرفنا بيهم لانهم سودانيين.. عارف شنو معناها سودايين دا ياهو مقياس التعامل حقي لو جا اي زول يكفي يكون سوداني... انا بستقبلوا بحترموا وبتعرف عليه.. دي من ناحية.. لا اعرف من ثنى بلدياتي سيف لكن لو طلب مني لثنيته بورد انت فيه المفروض اي زول يخشو.. |
بيان بطلي اللف والدوران.
الكوز سيف ده بتعرفي ولا لا؟ بتعرفي معرفة شخصية ولا لا؟
بعدين أطمني البوست المفتوح داك للحسناء الجميلة وأنتي لا تملكين هذا الصفات.
Quote: من بيان الى الجكس دينق بمناسبة الاعتراف بالمحبة اساسق بالدريب الجاي بحداكي اوقل يمكن يصادف مرة القال وينشرح قلبي الاصلو حباك.. |
ده شعر ركيك جدا لا يسمح لكي بالمنافسة مع الحسناوات. لسه عندك مشوار طويل.
دينق.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: ما دام قلت حق العيش بعمل ليك مشكلة خلاص بلح ودا ذيتنا في بيتنا نخفس مورة نجيب ليك لوري بلح. تشدو براك ان شاء الله يكون عندك عدة الشغل بس منو اسع من الحسناوات دي حتوفر ليك بلح بلوشي؟ |
الظلامية بيان.
كلهن مستعدات يشدن لي, أنتي حاسدة ولا بقرانة؟
Quote: من الليلة انا اسمي مسز بيان آل دينق.. ايها السادة نقدم لكم مستر ان مسز بوك..
مسز ومستر بوك يهدون اغنية يا حاسدين غرامنا للكرمبة مع طلب الزح بعيد وشخت شخيط
ويا داخل بين "التفاحة" وقشرتها |
أنتي لو ما بتعرفي تشدي العرقي فايدتك شنو؟ بعدين كوستاوي ده لو ما جبتي أسموا ما بترتاحي ابدا؟
دينق.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: لو ما عايزننا هنا افتحو لينا بوست سيرة.. اسوق الجكس دا ونتخارج لانه حيحصل ضرب هنا.. وانا تعبانة من ضريب وسحل الجكس دا في بوست غسيل الاموال.. |
الظلامية بيان.
مازالت الاسئلة قائمة:
1- هل تعرفين الكوز سيف؟ 2- أستضفتي الكوز في بيتك؟ 3- بما أن الكوز من عطبرة وأنت عطبراوية, هل أنت التي زكيتي هذا الكوز بسودانيز أونلاين كما زكيتي محمد حامد جمعة من قبل؟
نرجو الاجابة السريعة.
دينق.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
Quote: 1- هل تعرفين الكوز سيف؟ |
بالحيل بعرفو يا ماي جكس بروم جنوف لكن النصيحة ما ملا الاستبيان الفيه ما هو لونك السياسي البديه لاي زول اعرفو عشان كدا ما عارفاه كان كوز ولا لا..
Quote: 2- أستضفتي الكوز في بيتك؟ |
نعم وتشرفنا به في العيد الفات مع عدد من طلاب الدراسات العليا وان شاء الله عندما تتحسن صحتي ناوية اعزم اسرته لانه طلع من بلد ناس امي وابوه قريبها يعني ود خال...
Quote: بما أن الكوز من عطبرة وأنت عطبراوية, هل أنت التي زكيتي هذا الكوز بسودانيز أونلاين كما زكيتي محمد حامد جمعة من قبل؟ |
علمت انه من عطبرة ولم يحدث لي شرف تزكيته.ز كما انني لم اعرف محمد حامد الا من هذا البورد ولو بتذكر اني كنت غير موجودة في البورد عند حضوره ولا اعرف من له الشرف بتزكيته.. ولقد تعرفت عليه في زيارتي للسودان سنة 2005 وهو نعم الاخ الصغير المحترم(ممكن اكون خالة له)..وستظل علاقتي معه الى ان اموت كشخص سوداني محترم..وودود ولا يهمني عمله ولا اتجاهه الفكري لانه هذه حرياته الشخصية وانا لا اتعدى على حريات الاخرين الشخصية..ذي ما قبلني كما انا اتقبله كما هو وهذا ينسحب على كل الناس الذين عرفتهم في هذا البورد من خالد ماسا الى ياسر حنا مرورا بدومة وكوستاوي والجازلوت وعلى الحلاوي وطيفور حاتم الياس وفرح ونزار حسين و سلمى التجاني وعبير خيري وشذى بلة وهالة عبدالحليم لناذر الخليفةوالانصاري والي الدين وكل بورداب الخرطوم الذين دخلت بيوتهم ودخلو بيتي كلهم ناس عزيزين ولا يهمني اتجاههم الفكري...وكلهم تشرفني معرفتهم ةاحسبهم سنام محبة ارجع له عند الحاجة..وينتمون لاتجاهات مختلفة احترمها لانها خياراتهم ويمكنني مناقشتهم والحوار معهم والارضية المشتركة السودان الدنيا ومحبة الناس فيها ظلال متعددة من الالوان. اسع يا دينق انا موش هريتك بالمسنجرات الاعجابية؟ رغم انك مختلف مني دينا وقبيلة؟ شوف حاجة غيرها سمح؟ وناقش سيف فيما يكتب هنا ولكن لا تدعوا الى اقصائه وتتفيهه الحوار هو الحل الوحيد والاداة الوحيدة هنا..
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: bayan)
|
Quote: وسط هذه الأصداء وقفت عند خبر جاءت به «سونا» ونشرته «أخبار اليوم» في أخيرتها أول أمس الخبر يقول: «وقف سوداني مذهولاً، ولم يصدق عينيه وهو يرى زوجته في مشهد تسوُّل أمام المستشفى العام، وهي ترتدي ثياباً باليةً، وتحتضن ابن الجيران الصغير، وتحمل بعض الروشتات الدوائية، وتوقف المارة لتسألهم المساعدة، وكان الزوج، والذي جاء إلى المستشفى لزيارة زميله قد تعوَّد أن يخرج من المنزل في الصباح، ويعود إليه في المساء، ولم يخطر بباله أن زوجته محترفة تسوُّل، وعندما رأى المنظر فاض به الكيل، واندفع نحوها، وقام بضربها في الشارع العام، مما حدا بالمارة للتدخل لفض الاشتباك.. غير أنهم سرعان ما أدركوا الحقيقة، واستغربوا من سلوك الزوجة، بينما أشادوا بتصرف الزوج، الذي استأجر عربة تاكسي وقام بدفع الزوجة المتسوِّلة والطفل إلى الداخل مع وعده بتأديبها.
|
عبد الله الشيخ
موقف قوي
برضها سجلت موقف في دي عيشة مع دا زوج جاري ديمة لا فائدة لا قيمة
ونشجب ونستنكر ضرب الزوج لزوجته بهذه الصورة المهينة ألا يكفيها أنها انحشرت في دهدهة الحاجة وسؤال العدامى ومبايتة الندامى
دكتورة بيان نقوم نغير من الحب ده
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: المسافر)
|
ود هباني
سلام عليك ياخي فقعت مرارتنا أصلها منتهية
ان الله سبحانه وتعالى يمهل ولايهمل ويؤخر عذاب المفسد الى حين وفاته فلماذا انت تتعجل عذابه في الدنيا احتمال يتوب واحتمال يرد المال لاصحابه واحتمال واحتمال .... اذن علينا ان لانقول ان فلان فاسد او ان فلان حرامى احتمال سرق علشان يعطى آخرين تضرروا
يا سعادة المبعوث الفساد والظلم تلقاه في أقرب حاجة عندك
بعثتك دي حقتك
وكيف
وليه
ودالبدري
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
هباني
الرجل قال كلمة حق فيك عندما إنفضح أمر قصتك الملفقه...
تعرف ياودهباني كل ماأقرا بوستاتك بتخيلك زي شفع المدارس البكونوا لامين ليهم شله كده وبخوفوا الأولاد ومافي زول بقدر يقولليهم عينكم في راسكم ولا يشتكيهم للأستاذ ... أو المساجين الأمريكان البقلعوا أي حاجه عاوزنها وبرشوا الحراس ...
شفت إنت وعندالمنعم ووسام نسخه بالكربون من ديل وفي كم نفر تانين برضو الجميع يحاول أن يتحاشاك خوفاً من إسفافك اللفظي ولعلمه أنك لن تنجح للحوار أو الحقائق المنطقيه ...
أخ سيف أنت على حق وأطلب منك عدم الرد في هذا البوست فهذا الرجل لم بسمع بلغة إسمها الحوار ...
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: محمد فرح)
|
الجميل هشام
و الله ده بوست حلو شديد جدا و أنا مستمتع بيه خالص
شوف النكتة الجميلة دي مثلا من الأخ عبد المنعم
Quote: مشكلتكم مناضلين كي بورد وما بتفهموا النكتة
Quote: لانو الكيزان او الجبهجية اجدع ناس ناس ضحوا باموالهم وانفسهم لكى يكون هذا الوطن حرا اب |
و تعليقه اللذيذ ده :
Quote: الراجل بهاذرررر ياااخ انتو الواحد ما ينكت معاكم |
حتى المناقرة الجانبية بين الأخت المحترمة الدكتورة بيان و الأخ دينق جميلة جدا جدا و أكيد كل الزوار مستمتعين بيها و بتذكرني زمان الجامعة و المناقرة بين ناس هندسة و إقتصاد و تكون المبارة مولعة شديد جدا جدا حاتم معني و أنور أم دوم من الإقتصاد و جهابزة الهندسة بقيادة محمد المتوكل و بين الشوطين ينزل أنور أم دوم و معاه أخونا القبطي الفنان دانيال من الإقتصاد و يقدموا حركات جميلة و مهارات عالية يصفق لها كل الجمهور حتى جمهور الهندسة. و تاني تبدأ المبارة يستمر الشوط الثاني
كمان شوف مداخلة الجميل نيازي :
و شوف دي
Quote: واحتمال يا سعادة البروف ما يتوب!! واحتمال ما يرد المال!! واحتمال ما احتمال!! واحتمال سرق علشان نفسه.. ما علشان هو روبن هود!! |
و كمان دي من دكتورة بيان
Quote: لو ما عايزننا هنا افتحو لينا بوست سيرة.. اسوق الجكس دا ونتخارج لانه حيحصل ضرب هنا.. |
ودي كمان
Quote: هيييييييييي يا دينق اووووووعى تكون غاير لا سمح الله..(وش فرحان بالدس لانه دينق غاير) |
و دي من الاخ دينق
Quote: يعني أنا دينق ده أسيب حسناوات البورد والمعجبات دييل كلهن وأحبك أنتي؟ إلا أكون شارب بنقو وعرقي عيش في نفس الوقت. وطالعة لي ميلاريا في راسي. |
ياخي و الله ده بوست جميل بالحيل و خلوه يستمر بس ما تخلو دينق و بيان يطلعوا منو ، خليهم على جنبه كده لانو قعدتهم دي ما متعارضة مع سير و موضوع البوست بالعكس بتبعث فيه جو من النكته. زولك ده يا هباني فعلا فريد العاوز يحلل السرقة عشان الناس المحتاجين، بس المشكلة ديل بيسرقوا من الناس المحتاجين نفسهم و بيدو ناسهم.
تحياتي لك و لكل الإخوة المتداخلين،
عمار يس النور عاشق بخت الرضا
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
شوفو مولانا الاستاذ المحاضر والباحث الاسلامي بقول شنو من درر وادب:
Quote: نحى دوما والسليكون وقالوا برضو يادوما بيستخدموا الانسلين وحاتك مش علشان يكبروا الشفايف ولكن علشان يكبروالكرعين عجبى اصلو المرأة كرعين والحلة بصل والفول زيت ده كان زمان هسع القوام الانجليزى هو المطلوب
|
اها رايكم شنو في كلام استاذنا بتاع الجامعة الاسلامية المبعوص لماليزيا بقروشنا وحق اهلنا ومال بلدنا السايبة!!
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
اين انت يا(( بروف )) مالي اراك غائبا افي بث خوائك وجهلك علي طلاب ماليزيا الطيبين ام في صفقة في داخل اسواق كوالا لامبور لارسال بضائع الي واحد متنفذ من مافيا الرساليين من اقربائك او اصدقائك بالوطن السليب الي ميناء بورتسودان والعمولة في حسابك في البنك الوطني الماليزي محفوظة بالدولار كما يفعل الكثيرون من المبعوصين الرساليين في ماليزيا تحت اسم البعصات التعليمية السودانية يمارسون البزنس الرسمي من اموال الشعب المنهوبة والمودعة في مصارف ماليزيا البعيدةوالامينة!
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
طالما الدكتور اللي يبرر سرقة الكيزان ما ظهر
كدي انكلمك عن حاجة تانية يا خالي هشام
اصلا اليومين ديل ظهرت ست عرقي اسمها امونه في الحله الجديدة
والناس من قوة عرقيها سموها امونة ام بولا جاز
والله فعلا بولها جاز
امس مريت عليها وكان لي شرق لقاءها
وسالتها عن اللقب ضححححكت وقالت لي
هو جاز هو .. ده بنزين عدييييل يا ولدي
قلت ليها بنزين ال يحرقهم الحرامية ديل
قالت لي اااامين ..
قوووووي يا هشام ويخليك تشوف الخطوم دي زي كاليفورنيا
ربنا يستر عليها من جماعة الدكتور ديل
ربنا يحفظ البلد ويحفظ امونة
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: فتك بعافية ياود هبانى وياليتك تعارض باخلاق علشان يحترمك الآخرون |
انت ماداير الاخرين يحترموك ..؟؟ لو دايرهم يحترموك كان ناصرت الحكومة باخلاق .. ما اسمعت انصر اخاك ظالما او مظلوما .. ياباحث ..؟؟ لمن تلقاهو ظالم فى حتة قول ليهو انت ظالم في الحتة دى .. كدة بتكون نصرتو.. مش تشيل دلوكت تعرض فى ساحة ظلمو وتبرر تبريراتك القبيحة دى .. قال يمكن سرق عشان يدى زول محروم ..!! بلاهى ده منطق استاذ جامعى ..؟؟ تبرر للحرامى السرقة افتراضا بانو حيديها لزول محروم ..!!؟؟ عليك الله انت طلابك قاعد تقول ليهم كلاماتك دى ..؟؟ الله يكون في عونم .. وفى عون الشعب الدافع ليك قروش سفرك وبعثتك ..!! وكمان تطلب من هبانى يعارض باخلاق ..؟؟ يعنى انت هسة بمناصرتك العرجا دى مكمل الاخلاق ..؟؟ فقعت مرارتنا ياخى .. نقول ليك شنو بس .. الله يهديك .... ويرعى طلابنا البيقعدو قدامك بالساعات ..!!
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: الطاهر ساتي)
|
الطاهر الطاهر
سلامات
هون علي روحك يا زول...يعني بالله عليك تخيل حال التعليم وصل لي وين في بلدنا التعيسة ومثالو الباين والفاضح جدا في مستوى استاذنا المحاضر من جامعة ام درمان الاسلامية وكمان مبعوص بقلة فهمو دي لماليزيا... ودافعين ليهو الوف الدولارات للزول العرور الكرور ده من اموالنا المنهوبة وهناك الاف من المحتاجين للفرصة دي من الغبش المشرفين والشطار بس لانهم ما من محاسيب وقوادي السلطان السجمان و كمان لا بستحي لا ذمة لا اخلاق ببرر السرقة وبكضب انو شالوهو للصالح العام وبقول مافي مظالم في البلد....وين العاملين فيها عندهم اخلاق وينم الليلة بس فالحين في تاديب هباني وتهذيب هباني...ناس لا تستحي ولا تختشي...تفففففففف عليكم يا سفلة يا قوادين ومنافقين!
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
Quote: الغريبة أنو الخالة الظلامية بيان لم تدافع على الكوز ده زي ما دافعت عى دكتور صديق بتاع غسيل الاموال في أمريكا. |
يا كضاب دكتور عبدالعظيم ما بتاع غسيل اموال بدل يمشي يساعد الامريكان في ابو غريب مترجما ساعد في جمع امزال لاطفال العراق من خلال جمعية حيرية اسلامية شرعية وفق القوانين الامريكية لدرجة لها اعفاء ضريبي قانوني وما حدث له معروف حملة تاديبية امريكية جراء الهزيمة في العراق والرووووب الامريكي غلبها راجلها تادب حماتها
اعلم ترديدك للكذب لن يجعله الحقيقة لسيف باسورد ولكن لعبد العظيم لا
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
Quote: ساعد في جمع امزال لاطفال العراق من خلال جمعية حيرية اسلامية شرعية وفق القوانين الامريكية لدرجة لها اعفاء ضريبي قانوني وما حدث له معروف حملة تاديبية امريكية جراء الهزيمة في العراق والرووووب الامريكي غلبها راجلها تادب حماتها
اعلم ترديدك للكذب لن يجعله الحقيقة لسيف باسورد ولكن لعبد العظيم لا |
شيخة الظلام بيان.
عبد العظيم بتاعك ده معروف بأنتمائه للجبهة الاسلامية, وهو كادر نشط ومعروف للجميع, يجب أن تعلمي أن محاولاتك كلها فاشلة لتحسين صورة هذا الكوز. جربي مع الكوز سيف يمكن تنجح. بعدين أنتي واهبة قلمك في البورد ده للدفاع عت الكيزان الذين هم أعضاء بهذا البورد, الجديد شنو في قصة الكوز سيف؟
دينق.
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: Deng)
|
Quote: عظم الله اجرك واجرنا في فقد الاخوة المجاهدين وجعلهم الله في منازل الشهداء إن شاء الله0 اللهم اسكنهم منزلة الشهداء الصالحين. اللهم انزل على اهلهم الرحمة وعوضهم بمضاعفة الاجر.
|
شفت يا دينق المداخلة الفوق دي بتاعة صاحبك قبل شوية جديد لنج معزيا في شهداء حركة تحرير السودان وكمان صاحبنا الكوزبسميهم ب(المجاهدين) هسع لو سالناهو مجاهدين دي قاصد بيها شنو خايفو ازوغ هسع دي واغيرها عشان مااقووموا هسع الجماعة اقطعوا عليهو المنحة بتاعة ماليزيا دي.. عشان كده وثقتها قبل ما اغيرها للتوثيق بس والله حاجة تفقع المرارة,,,استاذ محاضر وباحث ومبعوص!!
| |
|
|
|
|
|
|
Re: يا جماعة..الزول السمح بتاع ماليزيا ده ممكن اكون استاذ ومحاضر وباحث جامعي !!؟ (Re: هشام هباني)
|
يا هشام .. إزيك ..
بالله خلي الزول ده في حالو ياخ .. خلاص كفاية.. قال الروووووووووب عديل كده .. تاني أكتر من كده يسوي ليك شنو يعني ؟؟ والله أنا يا دوب عرفت الطلاب في السودان حالتهم كده ليه ، جريدة ما قادرين يقروها.. ده نموذج مثالي لأساتذة الجامعات والتعليم في السودان .. يا حليلهم أولادنا ..
دقة سريعة :
Quote: استاذ محاضر وباحث ومبعوص |
ياخ أنا كلما أقرأ كلمة ( مبعوص ) بتاعتك دي ، ألقاني قريتها ( بعبوص ) ليه ؟ ما عارف ..
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|