|
|
|
 Re: باركوا معي للحبيب (عبدالماجد فرح يوسف)... فارسه الأنيق (Re: Muna Khugali)
|
مااااااااااااااااااااااجد وتوماااااااااااااااا
والله يشهد الله رقرقت عيناى بالدموع وتسارعت دقات قلبى
كأنها تريد ان تسبقنى بالتهنئه لكم
اجمل لحظات كان لقائى بك يا ست الحبايب
ما كنت فاكره ممكن تكون فى احلا منها.
. لكن هذه اجمل لحظات واجمل خبر اسمعه فى هذا العام السعيد
مبرووووووووووووك يمه مبروك والف حمد الله على سلامتك
وماجد مبروك ولى العهد يبرى فى عزكم
ويشيل من صفاتكم السمحه الاصيله
ربى يخليه ليكم ويخليكم ليه ويجيب اخواته
تحايا خاصه من ود الجنيد ومؤيد
تسلم يا بنفسج وان شاء الله نشيل فرحتنا ونجيك
ويوم شكرك ما يجى يابا ..انت الجبت البشاره السمحه دى
| |
 
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: soma)
|
سوما بت الجنيد ست البنوت لي حدهن
ومحمد الفاتح الراجل الكلس عز الجنيداب
ومؤيد صاحبي الحبيب
طبعا أنا عارف فرحتكم قدر شنو ما إنتو أهلنا وأحبابنا وعايشين معانا من زمن الشيلة (وجه ضاحك)
الله يبارك فيك ياسوما ودعواتك الطيبة كانت دايما بتصلنا وربنا يحفظك وأسرتك الكريمة
وطبعا الأيام الفاتت كنا في هيلمانة والواحد نسى الكمبيوتر قاعد وين
المهم في تفاصيل كتيرة بحكيها ليكم في الإيميل
سلامي ليكم جميعا
وسلام خاص لصاحبي مؤيد
وتقبلو سلام يوسف وأم يوسف
مودتي واحترامي
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: Yasir Elsharif)
|
العزيز الجليل ياسر الشريف
أعزيك أخي في إبنك وأدعو المولى تعالي أن يسكنه فسيح جناته ويلهمكم وأمه وأهله الصبر الجميل
إنا لله وإنا إليه راجعون
__
نشكرك شكرا عميقا علي مباركتك والتهنئة بـ يوسف, وقد قرأت وتمعنت الآية 111 من سورة يوسف وهي الآية الأخيرة في السورة وقد فهمت تفسير الأستاذ الذي نورتني به
سلامي وشكري لإلهام وكل أفراد الأسرة وأمنياتي لك بالتوفيق في ماتقوم به من عمل جليل ستظهر إشراقاته قريباً.
خالص مودتي
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: بنفسج)
|
بنفسج يا أجمل زول
دا سبق صحفي عديل كدا وخبطة تستاهل عليها جائزة التفرد
وأنا أشيل وأرسل ليهم في الرسائل وأدعو ليهم في كل صلاة ومنتظر دي ولكنك سبقتني وهنا يأتي تفردك وأخبارك الحلوة
فالتهنئة ليست لعبدالماجد وحدة له ولزوجه توما المبدعة أيضا
والله فرحت فرحت فرحت عندما أبلغتني صديقتي الشفيفة سوما عبر الموبايل والذي إشتغل في الصحراء على غير العادة ويبدو أنه يشاركنا فرحة المولود
عليكم الله خلوني أبكي ااااااااااه واااااااافرحتي وااااادموعي أنا بحب هذا الثنائي ماجد وتوما حب لا يمكن أن يعرفه إلاَّ هما والذين أصبحو بعد اليوم (همو) وكنت أخاطبهما دائما (أنتما) وأتحرفن فيها بعض الأحيان وأكتبها أنـ(توما)
خلوني أبكي ياااااااااااه
وا حلاتك يا صغنوووون
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: osama elkhawad)
|
المشاء الفلاديلفي العزيز الخواض
تسلم يا حبيب علي المباركة الطيبة للمعوكابي الصغير
طبعا يوسف لازم نوديهو البلد التميراب ونركبو الحمار ويلعب مع العتان والسخل والحمل ويشرب من أب عشرين
ومن هناك إمكن يمكن يطلع لينا برؤى مابعد حداثية فنقطة البداية الصفر هي الوصلتنا القمر
تشكر يا كبوشابي وربنا يجعل أيامك فرح وسعادة
إلي حين اللقاء في لاهوت الوردة
مودتي وسلام يوسف وتشكرات والدته
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: بدرالدين شنا)
|
الأخ الحبيب السمح بدرالدين شنا
ياخي والله فرحتك وصلتنا معتفة ومبللة بالحب والواحد ما عارف يشكرك كبف
متابعتكم لأخبار إبنكم يوسف ومسيرة المليون ميل دي من طيبتكم وحبكم للناس الما أناناس وده كلو يابدر من ريحة التراب والطين الحبيت (من يحبي) من يوم ما كنت زولا صغير
سنتواصل عبر الماسنجر والإيميل ونكمل الكلام الدقاق
محبتي
ثلاثتنا طبعا
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: بنفسج)
|
ماجد وتوما ألف مبروك ويتربى في عزكم
كما نرحب بالزميل (ود ماجد وتوما) عضو جديد بالمنبر
(طبعاً الشاب دا عضو بالميلاد.. ما زيكم بتالتحِنِّس) لأنه من أبوين منبريين (كما نصت اللائحة).
ــــــــــــــــــــــــــــــــــــــــــــــ
الشافع البتهوزز دا (منقول) من بدر يا كوستاوي
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: بنفسج)
|
الأخ العزيز بنفسج
رغم أنا ما عارف إنتا منو
نبادلك الحب بالحب والجمال بالجمال والتهاني الطيبة بأطيب منها
وأشكرك كثيراً جدا لنشرك للخبر السار
وأيضا لكلماتك الطيبة في شخصي وهو فضل منك لا أستحقه
وربنا يقدرنا علي جزاك ويا ريت تورينا إنتا منو بدل اللبدة والمقالب دي (وجه ضاحك) .
المولود الجميل سماهو أبوي يوسف علي أبوهو ومن محاسن الصدف أنه من الأسماء التي إختارتها توما
لك وافر المحبة
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: بنفسج)
|
تحية طيبه
طبعا اجمل مافي الموضوع
وقبل مالواحد يقول مبروك (مبروك المولود مش مبروك جالك قلق
الجميل انو ابو يوسف الاخ عبدالماجد ما عارف بنفسج ده منو ههههههههه
حاجه ظريفه او بالاصح مفاجأه او مقلب لذيذ
ع العموم الف مبروك المولود اخي عبدالماجد ويتربى في عزكم
والف حمدا لله على سلامة المدام
وبالله ورينا لما تعرف حاجه عن بنفسج
| |
|
|
|
|
|
|
|
|
|
Re: باركوا معي للحبيب (عبدالماجد فرح يوسف)... فارسه الأنيق (Re: Outcast)
|
صديقنا في الاسافير عبدالماجد بن فرح
وزوجه الكريم
ألف مبروك لهذا الفرح الجديد لسودان جديد
والامل أن يكون زادا ً للكد من أجل وطن أفضل
وشعب طيب..
أما إذا جاز سؤالكم عن إمكانية النسب
فلا مناص من تشاور.. ومبروك للحبوبات والخالات والعمات
في دامر المجذوب حيث النوبة تئن وترجحن,
وحيث هناك لشعر جعفر حامد البشير دميرة خدراء من
المعاني, وحيث لعبدالله الطيب مراقدا ونجوع, وعل إبنكم يوسف
يكبر يوماً ويدرك أن دامر الآباء والاجداد
قد خصبت مجيئه.
| |
|
|
|
|
|
|
| |
بنفسج
القلب النابض
Muna Khugali
bayan
عبدالماجد فرح يوسف
Yasir Elsharif
بدرالدين شنا
Hussein Mallasi
osama elkhawad
luai
عاطف عمر
Dr. Moiz Bakhiet
ادريس خليفة علم الهدي
خالد العبيد
tmbis
Ahmed Daoud
JAD
تولوس
محمد عبدالرحمن
محمدين محمد اسحق
خدر
احمد العربي
الجندرية
عبد المنعم سيد احمد
bint_alahfad
عبدالرحمن عزّاز
إسماعيل وراق
Tragie Mustafa
Mohamed Suleiman
فضيلي جماع
حسام يوسف
Outcast
صلاح شعيب
امبدويات
فيس بوك
تويتر
انستقرام
يوتيوب
بنتيريست