|
Re: ترجع إنت .. وعذرنا ليك آسفـين (Re: معتصم دفع الله)
|
جميلين/
معتصم دفع الله/صلاح شتات...
والله ده وجع عديل...ويا صلاح فى صورة الفيها المقعد الخالى ده والبحيرة..عذبتنى شديد..وذكرتنى عهد الصبا....ورحلة لها ذكريات رائعة فى نفسى(بحيرة لوقانو LUGANO)بسويسرا..
وبعدين هاشم خلف الله والمتبارزين ديل الواحد يعرف معتصم من صلاح كيف..بصراحة أنا عايز يفوز واحد فيهم....
مودتى يا حلوين...
إسماعيل محمد أحمد عباس.........
| |
|
|
|
|
|
|
Re: ترجع إنت .. وعذرنا ليك آسفـين (Re: ismeil abbas)
|
والله ذكرتوني حمد والديبة في عصر الكرة الذهبي ..
يا سلام ... ربنا يكفيكم شر العين ..
شتات .. معتصم ...
وين تامبا .. عشان يكتمل العقيد الفريد ..
حميدة يا زول الظاهر عليك ( غندلت ) ربنا يزيدك ..
ود الباوقة
| |
|
|
|
|
|
|
Re: ترجع إنت .. وعذرنا ليك آسفـين (Re: ود الباوقة)
|
حمد والديبة حاجة عجيبة .. يا سلام عليك يا ريس .. دا كان وقت ممكن نقول عليهو فيهو كورة حلوة .. أما إذا دار محور سؤالكم عن المدعو تامبا .. فهو مبيت النية ومنتظرنو يجي ماري بي هنا .. والكلام دا ليك يا المنطط عينيك ..
أبقى طيب يا ودالباوقة ..
| |
|
|
|
|
|
|
Re: ترجع إنت .. وعذرنا ليك آسفـين (Re: شتات)
|
Quote: تمبا يا خائن .. أساسي يا خائن .. حميدة يا خائن ..
|
شتات ومعتصم
الكلام دا زااااتو الخلانا ما ندخل هنا ونفضل نتاوق من بعيد لبعيد
هسه كان كتبنا أي شئ في حالتكم دي تقولوا علينا خائنين
قلبي معاكم
| |
|
|
|
|
|
|
Re: ترجع إنت .. وعذرنا ليك آسفـين (Re: انعام عبد الحفيظ)
|
Quote: هسه كان كتبنا أي شئ في حالتكم دي تقولوا علينا خائنين |
عشان كده أعملي حسابك يا انعام .. ما شايفه تمبس خاتي لينا مسدس وبيمارس علينا إرهاب .. أها جنس دا يقولو عليهو شنو ..
بس ترجع انت .. . . . . . وعذرنا ليك آسفين ..
| |
|
|
|
|
|
|
Re: ترجع إنت .. وعذرنا ليك آسفـين (Re: معتصم دفع الله)
|
لكن يا خسارة حبنا باد في طريقك ومات .. .. . تحذير: من لم تقتله الأشجــان .. قتلته الاسلحة الفتاكة like العيون، ابتسامة الأسنان الساحرة .. إلخ .. . تحذير أخير: ابتعدا عن هذه المنطقة المحظورة يا جوز .. الكلام دا بتابو
| |
|
|
|
|
|
|
Re: ترجع إنت .. وعذرنا ليك آسفـين (Re: معتصم دفع الله)
|
الاعزاء معتصم وشتات
الحكاية شنو الاغنية دي عبارة عن عتاب جامد للحبيب الخائن
يبدو لي انها نكأت جرحا عميقا
رغم ان معتصم في المجادعة كان بيختار في الابيات الماملة
لكن شتات قطع كل امل وكان اخر تشاؤم
ليه ياشتات نحن قلنا الاجازة في السودان تحي الامل وتعيد الذي كان لكن الظاهر ان المسالة اصبحت نهائية
معليش يا حبيب
| |
|
|
|
|
|
|
Re: ترجع إنت .. وعذرنا ليك آسفـين (Re: محمود بكر)
|
Quote: لكن شتات قطع كل امل وكان اخر تشاؤم |
وعشان ما تزعل يا استاذ محمود .. دا ضوء أخضر للمواسم الجاية .. رغم الجمـــود .. وإشارات المرور .. والجلــيد .. .. . وعلى فكرة وينك سائلين عليك .. .. .
| |
|
|
|
|
|
|
Re: ترجع إنت .. وعذرنا ليك آسفـين (Re: محمود بكر)
|
يا سلام عليك أخي محمود .. ليك وحشة شديدة يعلم الله وعنك سائلين ..
هو عتاب لذيذ فعلاً .. ومحاولة التغلغل بما خلف الضلوع .. هناك أمل كما ظهر لك وبعض تشاؤم .. وهو تعبير مجازي لبعض الحالات أريد به شيئاً آخر ..
لك محبتي وتقديري .. وسعيد بوجودك معنا ..
| |
|
|
|
|
|
|
Re: ترجع إنت .. وعذرنا ليك آسفـين (Re: معتصم دفع الله)
|
الاحباء معتصم - شتات اللهم لانسالك رد القضاء ولكن نسالك اللطف فيه
والله كان تسمعوها نصيحة مني الزمن لازمن حب ولاشي هو عليكم الله يحبوا منو ومنز البتفهم يعني شنو حب ومنو البتقدس ليها حب ده كان زمان وانتهى زمانو فات وغنايو مات
| |
|
|
|
|
|
|
Re: ترجع إنت .. وعذرنا ليك آسفـين (Re: حافظ العشا)
|
حمد لله على السلامة يا حافظ .. مالك متشائم كده يا أخوي .. أطرد الخوف بالتفاؤل وجميل الأيام لم يأتي بعد .. الظاهر مشية السودان دي قلبّت عليك المواجع .. وجيت حيلك منهد من الهموم .. الحب دا كلمة سامية لمن يقدسها ويعرف معناها .. يمكن عشان حياتنا كلها تعب ومشاكل والفرح عندنا وقته قصير أو يكاد يكون معدوم .. لذلك كل شي عندنا عادي ورتيب حتى الحب ببقى بعد كم (قعدة) كده تفتش للطريقة التخارجك منو .. وكلمة آسف معدومة في قاموسنا ولا تعرف طريقها إلينا لذلك تجد الكثير من المشاكل وكثير من البيوت أنهدت بسبب بسيط وقد يكون تافه ..
شكراً لأنك هنا .. بس خليك متفائل ..
| |
|
|
|
|
|
|
Re: ترجع إنت .. وعذرنا ليك آسفـين (Re: معتصم دفع الله)
|
موو وشتات
يا أغلى من كل غالي
بلسان كل الصامتين
والصمت تعبير بلا رياء ..
بلسان كل من راودته نفسه
بجرحكم ..
بلسان كل من يكن لكم الود
والحب الكبير ..
بلسان .. بلسان .. بلسان ..
حبكم
في الدواخل وبين الحنايا ،،
شكراً ..
على الشجن الجميل والحزن النبيل
ومن حفكم تفولوا آسفين ..
ودي بلا حدود ..
| |
|
|
|
|
|
|
Re: ترجع إنت .. وعذرنا ليك آسفـين (Re: معتصم دفع الله)
|
ترجــع إنت وعزرنا ليك آســـــــفين
دي تعرف لافقــه معاي ( طق ) طَرق
آســفين يا ورده تموت فى الضل قبلان بالقدر الحتمى وصابر وراضى عن المكتوب آمــين ... يا صبرى المُــر ســلوان
معتصم فى داعى للجــهجه دى
خليت الناس تجيب مسدساتا وتنهضـــبنا فى عِــز الضُــحا ( ابو الزفـــت )
بس برضو ما بحِلك
| |
|
|
|
|
|
|
Re: ترجع إنت .. وعذرنا ليك آسفـين (Re: عبدالله داش)
|
يا داش الوردة ليها علينا حق السقيا .. كي لا تموت .. والبعيد بيقرّب حين ندنو منه .. وبرضو عذرنا ليك آسفيييييين ..
الجهجهة مطلوبة في بعض الأحايين .. وناس الإرهاب الدولي ديل منهم خوف .. والحل .. أقرب ملف تكتل فيهو ..
لك مودة بحجم وطن ..
| |
|
|
|
|
|
|
Re: ترجع إنت .. وعذرنا ليك آسفـين (Re: معتصم دفع الله)
|
معتصم دفع الله
سلام
هذة موهبة ابداعية توعد بمستقبل جميل .
Quote: يا داش الوردة ليها علينا حق السقيا .. كي لا تموت .. والبعيد بيقرّب حين ندنو منه .. وبرضو عذرنا ليك آسفيييييين .. |
الورود لن تموت طالما تسقي من فيض المشاعر ونبع الحنين
Quote: الجهجهة مطلوبة في بعض الأحايين .. وناس الإرهاب الدولي ديل منهم خوف .. والحل .. أقرب ملف تكتل فيهو |
زي جهجة شتات الساكي البوست ومختفي من العالم ولا معتصم البوزع في الجرسة ويحمل البنية مسعولية الخيانة ولا تمبس الممكون وصابر وعامل عنتر والقليب مهرود . ولا الريس البوزع في الفاتنات علي خلق الله بالمجان .
| |
|
|
|
|
|
|
Re: ترجع إنت .. وعذرنا ليك آسفـين (Re: يوسف السماني يوسف)
|
Quote: الورود لن تموت طالما تسقي من فيض المشاعر ونبع الحنين |
أكيد يا أبورامي .. لذلك تمدنا بعطرها وتسرنا نحن ناظريها ..
Quote: زي جهجة شتات الساكي البوست ومختفي من العالم ولا معتصم البوزع في الجرسة ويحمل البنية مسعولية الخيانة ولا تمبس الممكون وصابر وعامل عنتر والقليب مهرود . ولا الريس البوزع في الفاتنات علي خلق الله بالمجان . |
هسي الجرسة ما حاصلة عليك الله .. يعني نقع في رقبتنا دي نكسره بعدين جهجهة تفوت ولا حد يموت ..
أبقى طيب يا أبورامي ..
| |
|
|
|
|
|
|
Re: ترجع إنت .. وعذرنا ليك آسفـين (Re: تماضر الخنساء حمزه)
|
تماضر ازيك وسلامات .. حافظ دا أظنو راقدلو فوق رأي .. يعني ما زي ناس تمبس مارقين مسدساتهم عديل كده ..
الحـب .. يا ريت نقدس الكلمة دي وننشرها بيننا .. أكيد كل شي حولينا ح يبقى جميل ..
يديك العافية يا غالية .. وما تحرمينا من طلتك علينا ..
| |
|
|
|
|
|
|
|