ترجع إنت .. وعذرنا ليك آسفـين

كأنك إنت ما بتعرفنا ..

معتصم دفع الله
مساك ابيض
والله الولد ده غناي جنس غناء .
الاسبوع الفات ده كله كان معانا في الدوحة..... منتهي السلطنة في الغناء.
اختيار جميل.
يديك العافية
هارون دياب

الحبيب هارون ..
ازيك يا غالي ..
أعجبني صوت الواعد حسين الصادق وأدائه الرائع ..
الأغنية دي بالذات فيها تطريب وشجن ..
نتمنى أن نراه متألقاً دائماً ..

كل تقديري ..

شنو يا اولاد ( المنشية ) رجعتوا تاني لركوب ( العجلات ) ولعب ( الاتاري ) ..!

(حميضة) ..
رأيك شنو نعزمك آيس كريم ..
في (لذيذ) فرع (المنشية) ..

يا خائن عهود حبك ..
..
.

كأننا ما مشينا معاك ..
ولا صادفت في دربك ..
..
.

نسيتنا ما نسيناك ..
..
.

ظلمتنا ما ظلمناك ..
..
.

نحن الما سليناك ..
..
.

بقرأ في بوسطكم دا اتذكرت الابدائي ايام النتائج الاول مشترك والخامس مشترك

انتو بتعتزروا مشترك
وبتحبوا مشترك ولا كيف
يا جوز اللوز

Quote: انتو بتعتزروا مشترك وبتحبوا مشترك ولا كيف

أساسي يا خائن ..
يا ماري من عند بيتنا ..
نحبك انت ..
ونزيد في حبك أكتر ..

دي ناجره من رأسي ساي والله ..

انتو بتعتزروا مشترك
وبتحبوا مشترك ولا كيف
يا جوز اللوز.


يا اساس - تحياتي

الحال من بعضو اسالني انا

ولمن قلبك يتحول كأننا ما عرفناك
وعشنا سعادة من أول ..
..
.

يا خائن ..
..
.

لأنك إنت فاكر الحب
مضيعة أوقات ..
..
.

وفي الحب امتحان وسقطت ..
..
.

يا عايش
مع اللحظات .. مع الساعات ..
..
.

لكن يا خسارة حبنا باد في طريقك ومات ..
..
.

Quote: وفي الحب امتحان وسقطت ..

Quote: لكن يا خسارة حبنا باد في طريقك ومات ..

القصة دي شكلها (((((شاكوش)))) عابر قارات مشترك



كامل تضامني معكم في محنتكم الحالية

أساسي يا خائن ..
نحيي فيك هذه الروح التضامنية ..

لا أوجع لك رأس في شاكوش لديكم

Quote: لكن يا خسارة حبنا باد في طريقك ومات

انت يا ( شتات ) يا اخوي .. كنت بتحب ليك في ( لستك ) ..!

يا خائن ..
..
.

ويا ما نصفى اوكل ليك ..
وكيل المية بي ألفين ..
..
.

ترجع انت تتباكى ..
..
.

وعذرنا ليك بس آسفين ..
..
.

يا خائن ..
..
.

شوف ناس روميو ناس جوليت
وناس قيس الصبح مجنون
..
.

الحب أغلي شي في الدنيا ..
..
.

والحب أحلى شي في الكون ..
..
.

يا خائن ..
..
.

معتصم وشتات المبارزة دي حدها وين ؟؟؟؟؟؟؟

Quote: معتصم وشتات المبارزة دي حدها وين ؟؟؟؟؟؟؟

لما نعود إلى قواعدنا سالمين يا هاشم ..




وعذرنا ليك آسفــين ..

جميلين/

معتصم دفع الله/صلاح شتات...

والله ده وجع عديل...ويا صلاح فى صورة الفيها المقعد الخالى ده والبحيرة..عذبتنى شديد..وذكرتنى عهد الصبا....ورحلة لها ذكريات رائعة فى نفسى(بحيرة لوقانو LUGANO)بسويسرا..

وبعدين هاشم خلف الله والمتبارزين ديل الواحد يعرف معتصم من صلاح كيف..بصراحة أنا عايز يفوز واحد فيهم....

مودتى يا حلوين...

إسماعيل محمد أحمد عباس.........

والله ذكرتوني حمد والديبة في عصر الكرة الذهبي ..

يا سلام ... ربنا يكفيكم شر العين ..

شتات .. معتصم ...

وين تامبا .. عشان يكتمل العقيد الفريد ..

حميدة يا زول الظاهر عليك ( غندلت ) ربنا يزيدك ..



ود الباوقة

سعيد بوجودك معنا يا سحر ..
لك كل المنى والتقدير ..

محبتي ..

حمد والديبة حاجة عجيبة ..
يا سلام عليك يا ريس ..
دا كان وقت ممكن نقول عليهو فيهو كورة حلوة ..
أما إذا دار محور سؤالكم عن المدعو تامبا ..
فهو مبيت النية ومنتظرنو يجي ماري بي هنا ..
والكلام دا ليك يا المنطط عينيك ..


أبقى طيب يا ودالباوقة ..

إسماعيل الحبيب ..
تحياتي وسلامي ..

المقعد الخالي (أو المليان )..
والمكان مطل على النيل أو بحيرة جميلة ..
منظر يشدك إليه ويعيدك حيث ذكرياتك الجميل منها والمؤلم ..

جمل الله أيامك ..
تقديري ..

Quote: حميدة يا زول الظاهر عليك ( غندلت ) ربنا يزيدك ..

ياااااا رب
بس كان من زمان يعني

Quote: ترجع إنت .. وعذرنا ليك آسفـين

يبدو أن ( الزعلة ) عالية ..
زيدوا عيار الأسف لعل و عسى ..

عجبتني الصورة دي يا ريس ..
قلت أجيبه هنا ..
مكتوب عليها رياح العدم ..
أو كان يقصد الأسف ..
أو الرجوع إلى نقطة البداية ..
أيهما أحب ..

شكراً يا ريس ..
طلتك تمنحنا عافية المطر ..

كان الصــبر ميلين .. ............
..
.

وكنت النسمة بين جبلين ..
..
.

وكنت البصمة لـ إتنين ..
..
.

وكنتِ العهود والدَين ..
..
.

يا خائن ..
..
.

جينا ما لقيناك ..
..
.

هجرت عشنا ما أقساك ..
..
.

سماك أغراك بالإشراق ..
..
.

دفنت الذكرى والأشواق ..
..
.

حرقت الود وما همَّاك ..
..
.

يا خائن ..
..
.

كسرت الريشة والألحان ..
..
.

لغيت الكان زمان وزمان ..
..
.

وما تحاول ..
..
.

خلاص ، عنوانَّا صار عنوان ..
..
.

يا خائن ..
..
.

تمبا يا خائن ..
أساسي يا خائن ..
حميدة يا خائن ..
..
.

Quote: تمبا يا خائن .. أساسي يا خائن .. حميدة يا خائن ..

شتات ومعتصم

الكلام دا زااااتو الخلانا ما ندخل هنا ونفضل نتاوق من بعيد لبعيد

هسه كان كتبنا أي شئ في حالتكم دي تقولوا علينا خائنين


قلبي معاكم

Quote: هسه كان كتبنا أي شئ في حالتكم دي تقولوا علينا خائنين

عشان كده أعملي حسابك يا انعام ..
ما شايفه تمبس خاتي لينا مسدس وبيمارس علينا إرهاب ..
أها جنس دا يقولو عليهو شنو ..


بس ترجع انت ..
.
.
.
.
.
وعذرنا ليك آسفين ..

لكن يا خسارة حبنا باد في طريقك ومات ..
..
.
تحذير:
من لم تقتله الأشجــان .. قتلته الاسلحة الفتاكة like العيون، ابتسامة الأسنان الساحرة .. إلخ
..
.
تحذير أخير:
ابتعدا عن هذه المنطقة المحظورة يا جوز ..
الكلام دا بتابو

لا للإرهاب ..

سلام معتصم....



واصل ....

الغالية سلمى ..
بوجودك ..
يكون المكان أحلى وأجمل ..

تحياتي وسلامي ..

( لا للإرهاب ..)
..
.
حــذرتكم
..
.
حتى العواصــف .. لاتنجــو
من
الحــــب

هارون ..
هاشم ..
اسماعيل عباس ..
ود الباوقة ..
سحر ..
حمد فتح الرحمن ..
أبوجهينة ..
انعام ..
سلمى ..
..
.
لــــ كـــــــــــــــــــــ الود ـــــــــــــــــــل ـــم

الحب الحقيقي ..
لا ..
تجرفه العواصف ..
ولا ..
تقيده الظروف ..

الاعزاء معتصم وشتات

الحكاية شنو الاغنية دي عبارة عن عتاب جامد للحبيب الخائن

يبدو لي انها نكأت جرحا عميقا

رغم ان معتصم في المجادعة كان بيختار في الابيات الماملة

لكن شتات قطع كل امل وكان اخر تشاؤم

ليه ياشتات نحن قلنا الاجازة في السودان تحي الامل
وتعيد الذي كان لكن الظاهر ان المسالة اصبحت نهائية

معليش يا حبيب

والله ما عارف ليه .. البوست بتاعكم دا زكرني ( محجوب العجلاتي ) ..!

Quote: لكن شتات قطع كل امل وكان اخر تشاؤم

وعشان ما تزعل يا استاذ محمود ..
دا ضوء أخضر للمواسم الجاية ..
رغم الجمـــود ..
وإشارات المرور .. والجلــيد ..
..
.
وعلى فكرة وينك سائلين عليك ..
..
.

يا سلام عليك أخي محمود ..
ليك وحشة شديدة يعلم الله وعنك سائلين ..

هو عتاب لذيذ فعلاً ..
ومحاولة التغلغل بما خلف الضلوع ..
هناك أمل كما ظهر لك وبعض تشاؤم ..
وهو تعبير مجازي لبعض الحالات أريد به شيئاً آخر ..


لك محبتي وتقديري ..
وسعيد بوجودك معنا ..

الاحباء معتصم - شتات
اللهم لانسالك رد القضاء
ولكن نسالك اللطف فيه

والله كان تسمعوها نصيحة مني
الزمن لازمن حب ولاشي
هو عليكم الله يحبوا منو
ومنز البتفهم يعني شنو حب
ومنو البتقدس ليها حب
ده كان زمان وانتهى
زمانو فات وغنايو مات

حمد لله على السلامة يا حافظ ..
مالك متشائم كده يا أخوي ..
أطرد الخوف بالتفاؤل وجميل الأيام لم يأتي بعد ..
الظاهر مشية السودان دي قلبّت عليك المواجع ..
وجيت حيلك منهد من الهموم ..
الحب دا كلمة سامية لمن يقدسها ويعرف معناها ..
يمكن عشان حياتنا كلها تعب ومشاكل والفرح عندنا وقته قصير أو يكاد يكون معدوم ..
لذلك كل شي عندنا عادي ورتيب حتى الحب ببقى بعد كم (قعدة) كده تفتش للطريقة التخارجك منو ..
وكلمة آسف معدومة في قاموسنا ولا تعرف طريقها إلينا لذلك تجد الكثير من المشاكل وكثير من البيوت أنهدت بسبب بسيط وقد يكون تافه ..

شكراً لأنك هنا ..
بس خليك متفائل ..

Quote: ترجع إنت .. وعذرنا ليك آسفـين

يا شتات الحكاية شنو صرف النظر عن المساكين رحمة
والحاصل شنو نويتوا الرجعة انا شامي لي ريحة في البوست ده
ادونا خبر وخلوها جماعية





تحياتي

ألق ...

جميلـ...

حباب ...

الأحباب ...

معتصم & صلاح ...

واصلــ ياجميل ...

المسير ....

تحلق بنا...

فراشـتان ...

علي رياض الزهر...

،،،،أبوقصى،،،،

شباب !!!

أمتعتونا حد الوله ,,,

يديكم العافية !!!

الجميلة عواطف ..
تحية السلام والمحبة ..
جميل هو حضورك فينا وسعدنا بكلماتك الحلوة ..

تسلمي يا رب ..

الجميل أبوقصي ..
حضورك فينا يجمل دواخلنا ..
وسعادتنا تكتمل بك ..
كلماتك أنيقة وصورك معبرة ..
ربنا ما يحرمنا منك ..

أبقى شمس لا تغيب ..

موو وشتات

يا أغلى من كل غالي

بلسان كل الصامتين

والصمت تعبير بلا رياء ..

بلسان كل من راودته نفسه

بجرحكم ..

بلسان كل من يكن لكم الود

والحب الكبير ..

بلسان .. بلسان .. بلسان ..

حبكم

في الدواخل وبين الحنايا ،،

شكراً ..

على الشجن الجميل والحزن النبيل

ومن حفكم تفولوا آسفين ..


ودي بلا حدود ..

خالدة يا غالية ..

أحياناً يكون في الصمت أجمل ما بالدواخل ..
لذلك يكون أكثر دفئاً وصدقاً ..
حضورك فينا يحرك إحساس اللحظة ..
ويمنحها بريق الحياة ولون قوس قزح ..

لا تحرمينا من وجودك معنا ..

محبتي ..

ترجــع إنت وعزرنا ليك
آســـــــفين



دي تعرف لافقــه معاي ( طق ) طَرق

آســفين يا ورده تموت فى الضل
قبلان بالقدر الحتمى وصابر
وراضى عن المكتوب
آمــين ...
يا صبرى المُــر ســلوان




معتصم فى داعى للجــهجه دى

خليت الناس تجيب مسدساتا
وتنهضـــبنا فى عِــز الضُــحا
( ابو الزفـــت )

بس برضو ما بحِلك

يا داش الوردة ليها علينا حق السقيا ..
كي لا تموت ..
والبعيد بيقرّب حين ندنو منه ..
وبرضو عذرنا ليك آسفيييييين ..


الجهجهة مطلوبة في بعض الأحايين ..
وناس الإرهاب الدولي ديل منهم خوف ..
والحل ..
أقرب ملف تكتل فيهو ..


لك مودة بحجم وطن ..

معتصم دفع الله

سلام

هذة موهبة ابداعية توعد بمستقبل جميل .

Quote: يا داش الوردة ليها علينا حق السقيا .. كي لا تموت .. والبعيد بيقرّب حين ندنو منه .. وبرضو عذرنا ليك آسفيييييين ..

الورود لن تموت طالما تسقي من فيض المشاعر ونبع الحنين

Quote: الجهجهة مطلوبة في بعض الأحايين .. وناس الإرهاب الدولي ديل منهم خوف .. والحل .. أقرب ملف تكتل فيهو

زي جهجة شتات الساكي البوست ومختفي من العالم ولا معتصم البوزع في الجرسة ويحمل البنية مسعولية الخيانة ولا تمبس الممكون وصابر وعامل عنتر والقليب مهرود . ولا الريس البوزع في الفاتنات علي خلق الله بالمجان .

Quote: الورود لن تموت طالما تسقي من فيض المشاعر ونبع الحنين

أكيد يا أبورامي ..
لذلك تمدنا بعطرها وتسرنا نحن ناظريها ..

Quote: زي جهجة شتات الساكي البوست ومختفي من العالم ولا معتصم البوزع في الجرسة ويحمل البنية مسعولية الخيانة ولا تمبس الممكون وصابر وعامل عنتر والقليب مهرود . ولا الريس البوزع في الفاتنات علي خلق الله بالمجان .

هسي الجرسة ما حاصلة عليك الله ..
يعني نقع في رقبتنا دي نكسره
بعدين جهجهة تفوت ولا حد يموت ..

أبقى طيب يا أبورامي ..

نسيتنا ومانسيناك..



معتصم وشتات..ماتسمعوا كلام حافظ العشا
تلاقيو أسي واقع لشوشتو في الريدة

تماضر ازيك وسلامات ..
حافظ دا أظنو راقدلو فوق رأي ..
يعني ما زي ناس تمبس مارقين مسدساتهم عديل كده ..

الحـب ..
يا ريت نقدس الكلمة دي وننشرها بيننا ..
أكيد كل شي حولينا ح يبقى جميل ..

يديك العافية يا غالية ..
وما تحرمينا من طلتك علينا ..