|
|
 الشاعر الفنان ( طبيب شراح) د. كوباني عضوا بيننا... تعظيم سلام
|
الدكتور علي الكوباني
استشاري الطب الشرعي بشرطة رأس الخيمة حاليا
ومدير مشرحة الخرطوم سابقا
والشاعر و الملحن والفنان
وفوق هذا وذاك الانسان الحبوب أخو الأخوان
رفيق الصبا و الشباب
وزميل الدراسة والغربة
الآن أصبح عضوا كامل الأهلية في فضاء بكري أبوبكر
وهو أضافة نوعية للبورد في شتي مجالات الحياه
العلمية والثقافية والسياسية و الرياضية(اداري بالأهلي الخرطومي)
مرحبا به
وأرجو أن يطيب له المقام بيننا
و الشكر الجزيل للأخ يكري أبوبكر
|
|
 
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: عمر عبد الخالق سعيد)
|
يا سلام احلى الاخبار حتى الان على وزن (احلى الاهداف ) ..انا مما شفتكم جبتو رسالة (الايميل) بتاعة ذكرياتكم فى الجديده تمنيت
ان يكون بيننا الصديق والزميل (الاهلى ) على الكوبانى بيننا (لكن) انا ذاتى جديد فما كنت عارفوا حيجى كيف حيث حادثته وحثيته
ان يشترك وان اصحابه (القرضابى + عماد عبدالله + الكيك) معلمين كبار فى البورد ... والحمدلله يا قرضابى ما خزلتونا وجبتوهو زي ما بقولو من كلكله .. فقطع شك سيكون فاكهة ورمانة هذا البورد .. ظرافه وشعر وعلم وكل شئ جميل سنجده عنده كما عهدناه وعرفناه.......
شكرا كثيرا ..القرضابى ..وشكرا بكرى ابوبكر ,,, ودى احلى عيديه...........
| |
|
|
|
|
|
|
|
|
 Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
سلامات يا قرضابى
وكل سنة وأنت طيب
الشاعر الفنان ( طبيب شراح)
دى من:-
Quote: لحظك (الجراح)
اذاى فيه والطرب والراح
مناى
لحظة الأفراح |
ولا شنو ؟؟
مرحب بى دكتور / كوبانى .. شاعر (السهل الممتنع) .. أو (ولدنا) زى ما بقول (ولدكم) باعتباره من ناس (اهلى الخرطوم) الأصلاء .. الكان مؤدب (الجماعه) ويا حليل سعد الفن .. وسعد زكريا.
شد حيلك معانا برضو فى فنان تانى (ابراهيم اشكا) مشرف منتدى الهلال .. زول مهم لحفظ توازن المنبر و(فنان) يجيد التوثيق الرياضى.
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
شكري وتقديري للأخ بكري أبو بكر على قبول عضويتي في هذا المنتدى العظيم والذي كنت عضواً فيه بالإطلاع اليومي..الحب والإعزاز لعمر القرضابي على سعيه الدؤوب على إنضمامي..(دي الدفعة وللا بلاش)..فخري لا حدود له بكلمات الترحيب الطيبة من أشرف ومحمد خليل وحيدر وعمر عبدالخالق وعبد العزيز والفردة آدم موسى وسيليكون والصديق الأستاذ أنور والدفعة منذ الابتدائية عادل جبارة والدفعة القدامي البروف الحلو معز عمر بخيت ( وزي ما قال لي الحبوب الشاعر د.محمد بادي..أنت يا كوباني أخوي ..الجنى ده بسوي للبنات ديل شنو....؟؟)..التقدير للفاتح ميرغني وللباشمهندس تاج السر..وأهلينا فوق...قريب انشاءالله..د.أحمد أمين...منو البقدر ينساك يا رائع أو ينسى دواجن الروضة تحياتي لدكتور الرشيد وعلاءالدين..أما الكيك..ذلك الحاسوب الآدمي...لك حبي يا دفعة...ويا عماد عبد الله أنا جيتك بالدرب العديل...
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: Emad Abdulla)
|
Quote:
مرحباً بالمبدع الفنان
والطبيب الإنسان
بيننا |
الناس الحلوين
يا سلام سلم
ولايفوتنا ان نترحم على بهجة المحالس وفاكهتها الراحل المقيم عوض دكام
ونستهل بمشاغبته
للطبيب شراح الكوبانى
دا طب شنو!
لا لادا لا عيادة!
اها انا من هسة عندى ليهو سؤالين زى السم !
during autopsy of a cadaver or corpse
هل شميت ريحة مسك من اى جثة!
هل حدث ان نبشتم قبر ووجدت جثة غير متحلله!!
جنى
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
يا قرضابي أنا لسه حأشتغل في بوستك بالباطن..شكري على ترحيب الأخوة الأعزاء... ود العباسية ومتولي وهجو والصوت الحلو خالد الصحافة وعلي محمد وتراجي وطارق...ويا حليلك يا عمدة..مشتاقين شوق عميان لمتعة النظر...وشكري لجني ووليد..وأقول لجني...ما شميت لهسع مسك طالع من جثة...لكن كم مرة لقيت جثث بها تغير موميائي...وهنا بتلقى الزول زي ما هو بس ناشف والملامح تكاد تكون كما هي..!! لكن هذا التغير ما فيه أي كرامة ولا مربوط بدين أو صلاح أو عقيدة معينة..وكم مرة لقينا خواجات وديانات مختلفة بها تغيير موميائي..والشئ السائد والطبيعي أن تحلل المخلوقات..(ما عدا أجساد الأنبياء)وللا كان تلقى ليك ديناصور جنب بيت ناس عماد عبد الله..تقديري للجميع
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ماجدة عوض خوجلى)
|
الأخ القرضابي ،
عيد سعيد وكل سنة وإنت طيب ،
شكراً لهذا الخبر المفرح بانضمام
الشاعر المرهف والأديب الفنان
والزول الحساس دكتور كوباني
لحوش بكري الماهل .. فقد صار
العيد ، كما ذكر حبيبنا البروف معز
عيدين ، فألف مليون مراحب بهذا
الضيف الغالي ، والذي سوف يكون
بحق إضافة قوية وفاعلة ومؤثرة
في هذا الوطن الاسفيري .
وشكراً لسيد الحوش ، أخونا بكري .
تخريمة أولى :
عزيزي الإنسان الفنان ، دكتور كوباني ،
العيد مبارك عليك ، وكل سنة وإنت طيب ،
تشرفت بالالتقاء بك قبل عدة سنوات في
سباق الخيل في (ند الشبا) وكان برفقتك
أخي العزيز الشاعر المرهف جعفر عمر سورج
والذي وثق معرفتي بك وقتها ، حيث ذكرت له
أنني أعرفك من خلال أجهزة الاعلام ، لكن لم
أتشرف بلقائك إلا يومها .. لو تذكر .
وكنت وقتها وأسرتي في ضيافة إبن خالتي وزوج
شقيقتي شادية خالد، الأخ التيجاني على عبدالرحمن
في رأس الخيمة خلال عيد الأضحى المبارك قبل عدة
سنوات .
تخريمة ثانية : Quote:
عادل جبارة و قلنا راجل كبير في السن و نفسو قصير , بنقدر عليهو .. |
أخوي عادل ، عيدك مبارك .. العزيز عماد عبدالله عامل ليك فضايح عمرية ؟!!
وتاني ما تنكر إنك دفعة <أبو جهينة وصلاح غريبة> (و .. أنا بره) !!
و .. محبي للجميع ،
( ليمو )
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
يا قرضابي يا دفعة رغم نكرانك... والله فعلاً بكري أبو بكر عندو حوش ما هين ..بل قول حديقة بها كل الجمال..بترحاب كل الناس الحلوين ديل..زاد فخري بالانتماء لهذا الملاذ الآمن...شكري لأحمد العربي والزنجي وماجدة خوجلي وانشاء الله أكون قدر كلماتكم الجميلة..شكري لعبد الحليم التلب ومتين نتلاقى تاني...يا جني كتر خيرك ولو عندك أي تشريح حاضرين..مهدي ومجاهد لكما الشكر أجزله...اعزازي يا تيسير ولك الشكر...يابروف يا حلو..ود بادي من زمن الجامعة قال عندك سر عجيب..وباقي لي كلامو صاح..وأنت عارف وأنا عارف ..ياسر ميرغني ..عندما طلبت مني أن أرسل لك قصيدة (هوي يا ولد) بالفاكس بعد ما سمعتها مني في التلفزيون وفعلت..لم أكن أعلم في ذلك بمعركتك القويةونضالك المنصور انشاءالله...وأقولها ليك تاني..وأهديها لكل أعضاء حوش بكري...وأنشاءالله ما ناكل حق البلد
هوي ي ولد أنا دايراك أسد
أوعاك الحسد..وما تاكل الحرام
لا حق البلد... هوي يا ولد
*****
أنا ديراك نضيف ولسانك عفيف
وقليبك شفيف للرحمن حمد
ما تبرى الرهيف فوق الضل تقيف
ما تحارب الضعيف لا مسكين لبد
هوي يا ولد..هوي يا ولد
*****
خليك ود رجال ود عز حلال
وما تهتم بمال لآخر الأبد
أصلو الدنيا حال باكر لزوال
والدوام محال للروح في الجسد
هوي يا ولد..هوي يا ولد
*****
لو بالك انسلب وحبيت من وجب
ما تقل الأدب وخلي الريدة وّد
ما تقسي القلب لو دربك صعب
وخليك يوم تحب كريماً ما بعد
هوي يا ولد..هوي يا ولد
*****
أنت أخوالبنات موفور السمات
فيك كل الصفات زي الصاقعة جد
لو الحارة جات أركز في الثبات
ما تندم لفات لا تهاب من عدد
هوي يا ولد..هوي ياولد
ما تاكل الحرام لا حق البلد
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: هشام هباني)
|
مرحبابالعزيز كوبانى وكل الشكر لبكرى وقرضابى ونرجوا من كوبانى إنو يبعد من عماد عبداللة.غلبوا يجننوا زمان مافى داعى يترطشوا فى كبروا. وياكوبانى عليك اللة خليك إنتى وجنى من الونسة المالذيذة دى. فطايس شنو ياخ فى البورد؟ باللة عليكم اللة من كلك حلو ولى قدام.
عماد عبداللة: حقوا ترفع ليك لوحة ظريفة كدى رشوة لى كوبانى . الزول دة لسانوا طويل وكلامو بيصل اللإذاعة والتلفزيون.
مودتى للجميع
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: معتصم محمد صالح)
|
عزيزنا كوبانى ابداء بشوق العميان
لمتعة النظر كما درج على القول الفنان القامة
السامقة صديقنا كرومة زمانه كمال ترباس
لك وله الود والتحية وهذا الشوق كله واكثر
صنعتما يومى you made my dayذلك الصباح الجميل
حينما هاتفتمونى من الهضبة لاقاسمكم وصديقنا الشاعر الكاردينال
بهجة ذلك الحضور والالق
ولقد ملانى مشاعر فياضة الصديق كيمو حينما اعلن لى تبرعه بكلية
لكى اتمكن بواسطتها ان اكون حضورا بينكم
ارجو ان يكون حضورك الباذخ بيننا
اجترار للجمال كله فما عهدناك الاجميلا تحب الجمال
رغم التشريح
لك مودتى
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
مصطفى محمود وهباني الشرس..شكري على الترحيب الحار..
هشام بشير وينك يا حلو..؟ عاد عماد عبد الله يحلو الله مني..بس خليني أتفرغ ليهو..
كتر خيرك يا غباشي..
معتصم والله يا خوي التشريح داير ليهو احساس اكتر من الغنا عشان تعرف تتكلم مع الميت بلغة خاصة بمفردات جديدة...وصدقني مرات بتكلم أحسن من بعض الأحياء..ويوريك جنسه وعمره وأكل شنو و متين ...ومات كيف ومتى وحاجات تانية حامياني..
يا نجم الدين يا رائع..شوق عميان لمتعة النظر...أتمنى أن تكون بلغت الصحة عشان نتلاقى في الهضبة مع تربس بروان والكاردينال وبقية الأحباب عسى أن يبعثنا الله مقاما محمودا زي ما بتقول..ياخي كل الحب
يا جني يا خوي ..حسام بشير يبرى .. وتاني سيرة الحاجة الحارة ديك خليها بيني وبينك..
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: د.علي الكوباني)
|
((التشريح داير ليهو احساس اكتر من الغنا عشان تعرف تتكلم مع الميت بلغة خاصة بمفردات جديدة...وصدقني مرات بتكلم أحسن من بعض الأحياء..ويوريك جنسه وعمره وأكل شنو و متين ...ومات كيف ومتى وحاجات تانية حامياني..))
دى مهمة جدا وبقى لازم تشرحها لينا .. عشان الناس الغالبهم الكلام هسع .. يطمئنو شويه على الاقل بضمنو انهم بتكلمو بعد ما يموتو..!!
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: Adam Mousa)
|
الكوبانى ....
ظااااطو !!!
بشحمه و لحمه ( من دون مشرحه ؟ )
الله استر ما تجيب لينا ( بعاعيت  ! ) فى الموقع ده !
زمن و الله !!!
بس يا قرضابى !
كوبانى ده ما رشاشه زيك !!!
يعنى ! نص مكنه !!!
ده كان المشجع الوحيد لأهلى الخرطوم !
فى مجمع ( حسيب و الرازى ) !!
**************
كوبانى أخوى .. أقعد بارى لى الشعر ده !!!
اصحابك ناس محمد مختار طاروا و راحو فيا
و بقو ( حاكومه ! ) من ( نافع ! ) و ل ( فوق ! )
************************
مرحب بالشاعر الدكتور على الكوبانى ...
و ان جاءت متأخره ( أمسحا لينا ! )
و شكرا للرشاشة ... القرضابى ...
عبدالماجد
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
شكري وتقديري لخال فاطمةأولاً على الترحاب الجميل..ومعليهش سهوا اتاخر الرد...وصدق الشاعر حين قال يسلم لي خال فاطمة أو او بالسوداني فاطنة لك الود...
اعزازي بترحابك يا عبد الماجد..وما مهم متين المهم أنو وصل(اصلو ناس المشرحة ديل بكونودايماً في النهاية)..يا حليل الأهلي الفن..لكن انشاء الله قادمون...بعدين بالله استرنا في اسرار حسيب والرازي...والله يلعن البحطموا في الجامعةأين ما حلوا... الداخليات بقت تبع صندوق والصندوق عند الهناي والهناي عايز هناي....!!!
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: د.علي الكوباني)
|
| Quote: كان كتبت... أهديك أغنية أنا شفت الملاك.. |
انت فى الحلوات كتبت .. وفينى حرفا ماكتبتو
ياما اترجيت عيونك .. يفضحو السر الكتمتو
لو تقول كلمة بحبك ..وثّق الحرف النظمتو !!
*** *** ***
انت فى الحلوات كتبت ..وياما غنيت الأغانى
قلت فيهم ياما قلتا..وكان كلامك كلو حانى
رغم انو حنانى أكبر .. فيض حروفك ماغشانى !!
*** *** ***
قلت ياما قلت انت .. الف مقطع والف بيت
لمّا جيت أنا جوة عمرك .. الشعر قال ليك أبيت !
ماعرفت تقول احبك ..وللغرام والشوق عصيت !
*** *** ***
انت فى الحلوات كتبت ..وعنّى استعصت حروفك
رغم حبك ليا ظاهر .. زول ولوفى وزول ولوفك
حاول أكتب فينى حبك ..وشوفنى بى نبضى البشوفك !!
اهداء بسيط من ديوانى الثانى (ميلاد عصيب لرجل ما )
وكن بالف خير دوما ايها المبدع الرقيق جدا د. كوبانى
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
ترحابك جميل يا خالدويديك العافية ولك تقديري الجم...
يا أيمن مشتاقين وكلنا طيبين وانشاء الله كمان دايماً سالمين...أهديك تحايا صديق كوباني وكل الأسرة...
نادية عثمان...مقاطع رائعة وأكيد ما حتبخلي علينا بنسخة من دوواينك.... وللا كتيرة علينا... أجزم بأنو عندك سر في الغنا ويا ريت تتعاوني مع ملحنين... وأنا كملحن صغير مستعد ...بل متحمس ...أهديك بعض من (مقاطع ريد خرافية)...
لما الدنيا تقسى علي بشيل صورتك واناجيها
ألاقي عيونها تبسم لي سلام اشواق وحنيه
تطل الفرحة في عينيي وتبقى الدنيا عيديه
*******
وحاتك اسعد اللحظات يوم تلقاكي عينيه
واحس نفسي بين ايديك واحسك انتي في ايديا
تعم البهجة في جواي ورود وزهور فرايحية
******
رسمتك في خيالي زمان مقاطع ريد خرافية
وصورتك في رؤى الاحلام أميرة الجنة بالفيها
كأنك انتي لا قبلك وبعدك ما في حورية
******
بتعجز أروع الابيات وحروف شعري وقوافيها
لو حاولت اوصف ليك مشاعري الكنت بخفيها
بريدك ما بتكفيها وبحبك ما بتوفيها
كل الود
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: د.علي الكوباني)
|
دكتورنا الجميل الكوبانى
تسلم من كل شر ياراقى جدا
| Quote: نادية عثمان...مقاطع رائعة وأكيد ما حتبخلي علينا بنسخة من دوواينك.... وللا كتيرة علينا |
يشرّف دواوينى انك تقرا قصائدها يااستاذنا .. الديوان موجود فى الامارات عند القرضابى زااااتو بتلقاهو وبالعدم ممكن يجيبوا ليك من ياسر عبد الحى فى النادى السودانى ويهمنى تتطلع عليهو جدددا
..| Quote: أجزم بأنو عندك سر في الغنا ويا ريت تتعاوني مع ملحنين... وأنا كملحن صغير مستعد ...بل متحمس |
يآآآآآآآآه ده اسعد خبر طبعا ويشرفنى جدا انك تلحن لى استاذى الكوبانى .. كما اسعدنى من قبل ان لحن لى الاساتذة يوسف الموصلى وعم السر قدور وعثمان حسين واللواء جلال حمدون والتيجانى حاج موسى .. وللاسف كلها اغنيات غير مسموعة حتى الان (وجه حزين)!!
| Quote: أهديك بعض من (مقاطع ريد خرافية)... |
بشيل نار الصبر جواى ..واستناك فى الطرقات
فى الزمن الحضر مافات ..الفرح السكت سنوات
فى دنيا العشق فارس ..فى الحلم الحيا ومامات
***** **** ****
بستناك جوّة الروح .. فى المعنى الحميم والبوح
فى كل المنافى بقيف ..من دون لا وجع لاجروح
بعد كل السفن جايات ..متحدات معاك يانوح
*** **** ***
عشمى الطلة ياوضاح ..فى الليل الهجيع شمسة
ياالجوّة العصب ضهبان ..شرايين قلبى ليك ممشى
ياالفوق الحواجب عين ..وياالتحت العيون رمشة !!
وهذه من المجموعة الثالثة التى ستصدر قريبا باذن الله
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
سلامات الدكتور الشاعر والفنان ود الكوباني
ومرحبا بيك كاضافة جميلة ورائعة في حوش المهندس بكري ابوبكر.
قابلتك في جدة في اواخر التسعينات على مائدة عشاء في منزل الأخ محجوب عبدالكريم وقد كنت برفقة شقيقي مقدم شرطة سابق عباس محمد فضل المولى. وقد كانت بالفعل سهرة جميلة مليئة بالضحك وسرد ذكرياتك في المشرحة ودنيا الفن.
واتمنى لو سمحت ظروفك ان تعطى الشباب وفي بوست منفصل فكرة مبسطة عن العلاقة بين علم التشريح والطب الجنائي وتاثيرات الهندسة الوراثية والجينوم البشري عليهما، وهل هنالك تطور ومواكبة في السودان مع تطوراتهما العلمية الحديثة .
Quote: ود بادي دمو ضعيف يا كوبا..
عشان كدا ما بنكشف ليهو الأسرار
يموت علينا ساكت
|
ياريت يا د. معز ود. كوباني تسجلوا لينا ود بادي في المنبر اذا لم يكن مسجل اصلا.
مع مودتي
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
والله فعلاً يا قرضابي حوش المهندس بكري مترع بالجمال والروعة والذوق والحلاه وازداد فخراً بوجودي فيه..وانزوي خجلاً أمام هذه القامات..شكري لك ولبكري على التكرم..
د.فيصل لك الود والمحبة وأنا حاضر انشا الله لمناقشة علاقة علم التشريح والطب الجنائي والهندسة الوراثية..
استاذ حافظ ترحب بيك العافية دوماوالحوش منور بيك.. يا راقي..
استاذي لقمان طابت لك الايام دوما يا مبدع..سنتلقي
الاساتذة عواطف..ضي العيون منك بكون والبسمة عندك يا حنون...أجزل المشاعر الصادقة
| |
|
|
|
|
|
|
|
|
|
Re: الشاعر الفنان ( طبيب شراح) د. كوباني عضوا بيننا... تعظيم سلام (Re: ALGARADABI)
|
النية في يا نادية,,وجاي معاي الفخيم ترباس لتسجيل شريط في استديو العربي مع الرائع باسم شاهين..وعسى أن نلتقي ومعنا ترباس لنسمع اعمالك الجميلة...
مشكور على الترحاب الوفير يا عادل سمير..ووالله كلامك صح قصة المسرحة دي أنا ذاتها داير ادسها واتنكر واركب لي مكنة جراح تجميل..وزي ما قال لي أبو السيد مشجع الهلال المهووس..ياخي في دكتور بجيبو ليهو العيان بعد ما يموت..؟؟
يا حسام والله ذكرتنا النخلة الجميلة الفي المشرحة والتي كانت تساقط رطباُحلو المذاق والشكل..تعرف اكتشفنا انها كانت بتشرب من المجاري الضاربة بتاعت المشرحة ..!!
| |
|
|
|
|
|
|
| |
ALGARADABI
Ashraf El Bagir
mohmed khalail
حيدر حسن ميرغني
عمر عبد الخالق سعيد
Adam Mousa
انور الطيب
Dr. Moiz Bakhiet
الفاتح ميرغني
الكيك
ودالعباسية
Mutwali Malik
هجو الأقرع
Alsa7afa_30
على محمد على بشير
Tragie Mustafa
طارق جبريل
Emad Abdulla
jini
waleed dawash
احمد العربي
الزنجي
ماجدة عوض خوجلى
abdulhalim altilib
mahdy alamin
ياسر ميرغنى عبدالرحمن
Osman Musa
شهاب الفاتح عثمان
Mustafa Mahmoud
هشام هباني
غباشي
معتصم محمد صالح
خال فاطمة
Elmosley
خالد العبيد
أيمن الطيب
.
عمرو كمال ابراهيم
عواطف ادريس اسماعيل
عبدالله شمس الدين مصطفى
الطيب عبدالرازق النقر
Adel Sameer Tawfiq
فيس بوك
تويتر
انستقرام
يوتيوب
بنتيريست