|
|
 زوجـتــي قــاتـــــلة
|
تمتاز زوجتي بمقدرة على القتل تتفوق بها على الحكومة والجنجويد وكافة الحركات المسلحة والتي فتكت باكثر من 2 مليون نفس بشرية سودانيةباسم انقاذ او تحرير السودان وقد فطنت اخيرا ان الانقاذ يعني انقاذ الحاكمين من السودانيين والتحرير يعني يعني تحرير المعارضين من الحكومة والشعب معا
ماعلينا مقدرة زوجتي النووية في القتل والتدمير يمكن ان تستشفها امريكا اقتل دولة في العالموالتي لم تتفوق عليها الا زوجتي
ما ان ترى زوجتي صرصار حايم الا وتركبها كل الشرور الخاصة بالقتل واقرب سلاح تتناوله فان لم يكن ريد ذو القوة الثلاثية في الابادة فهناك قطعا الاسلحة التقليدية ذات الهرس المؤسس والتي تشمل كافة انواع المداسات من شبشب الى مركوب اما احذية طفلاتي فهذه لا تدخل في نطاق الاسلحة الخفيفة حتى
انتقلنا الى منزل جديد وعملت فيها بطل جبت الديازينون وخففته حسب ارشادات المصنع ورشيت البيت كله وبامعان
اليوم اتجهنا صوب السوق المركزي لشراء غرض وااااااااااااااحد واذا بها تأتيني ومع الغرض بمبيد ريد ذي القوة الثلاثية ، قلت ليها انا رشيت البيت كله
ردت علي بثقة ( رشك ما بقنعني)
|
|
 
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
| Quote: ردت علي بثقة ( رشك ما بقنعني) |
والله يا دكتور محمد حسن الحريم ديل لا بعجبن العجب ولا الصيام في رجب
وحاجتهم بيعرفوها براهم وما علي العبد لله الإ التنفيذ ( آل صراصير آل ) .
هي كان وقفت علي الصراصير هين والله ديل عندهم لائحة شراء تحيرك عديل كده
وكان راجل أعمل فيها مطنش وحاتك النقه ما تقيف داخلة تنق خارجة تنق .
يا خوي ده قدرنا ومافي منو فكاك .
| |
|
|
|
|
|
|
|
|
|
Re: زوجـتــي قــاتـــــلة (Re: Muna Khugali)
|
والله يا دكتور
الكتل عندكم
قال الغناى أصلو الولف كتال .
يادوووب فهمتها.
وبعدين العيون التى طرفها حور قتلن ثم لم يحين قتلانا .
دى فى نطاق القتل المعنوى
دى (حدرة) تدخل فى نطاق الإرهاب
وبعدين الصرصار ولا الضبانة الخدرة السمينه وحتى كان نحلة
أولآ تقفل الشبابيك والأبواب
تدخل فى نطاق القتل العمد تحت الإصرار والترصد
الخوف الريد ذو القوة الثلاثية يكون عندو راى تانى
فى واحد إسمه (بايجوان) أعمل حسابك ما يدخل البيت .
| |
|
|
|
|
|
|
|
|
|
Re: زوجـتــي قــاتـــــلة (Re: هاشم أحمد خلف الله)
|
Quote: والله يا دكتور محمد حسن الحريم ديل لا بعجبن العجب ولا الصيام في رجب
وحاجتهم بيعرفوها براهم وما علي العبد لله الإ التنفيذ ( آل صراصير آل ) .
هي كان وقفت علي الصراصير هين والله ديل عندهم لائحة شراء تحيرك عديل كده
وكان راجل أعمل فيها مطنش وحاتك النقه ما تقيف داخلة تنق خارجة تنق .
يا خوي ده قدرنا ومافي منو فكاك |
.
وانت من الأول تعمل مطنش ليه؟
عارف زمان لما يقولوا لينا نعمل حاجه ..وكنا نقول كويس لكن بنية التطنيش..كانوا طوالي لما يسألونا ليه ماعملتوا القلناه ليكم..
الاجابه تكون نسيت..ساعتها بقي تستعد للكلام البيسمم البدن..
نسيتي تاكلي؟
نسيتي تاخدي مصروفك؟
شوفت كيف..
دلوقتي انت البيخليك نطنش شنو؟
مش دي اللسته البتاكل وتشرب ويغسلوا ليك ملابسك وملابس اولادك متها؟
في حاجه يعني هي بتدسها وتبيعها من وراك؟
ولا مثلا عايزه بس تجيب حاجات انتو مابتستعملوها؟
عندكم غايتو جنس حركات ياهاشم ويا أي زول بيقول كلام هاشم!
| |
|
|
|
|
|
|
|
|
|
Re: زوجـتــي قــاتـــــلة (Re: رأفت ميلاد)
|
..
.
ووين يا رأفت يا ظريف
قالو المشتهى الحنيطير يطير ؛؛
واخوك لا لقى الحنطير ولا حتى طار ..
____________________
دى حالتنا ونحن نشتهى الموصوف والواصف 
-----------
سؤال تقنى ممكن اعرف سبب ظهور بعض حروف فى نقل اليوتيب!!؟
| |
|
|
|
|
|
|
|
|
|
Re: زوجـتــي قــاتـــــلة (Re: شهاب الفاتح عثمان)
|
غياتو بس مافي زول بريد الصاريه..
في نسوان بلمو الشفع كلهم في سرير واحد
وهي معاهم وتضرب ليك تبكي وتتمخط وانت تقول يا ربي المات منو
عشان بين الشهقات تقوليك في صرصار حايم
ونحنا كلنا خايفين لازم تخلى الفي يدك تجي تكتل الصرصار دا..
تحمد ربك انه زوجتك ما مقتنعة بطريقة قتلك للصراصير,,
والا حصل ليك الموقف البايخ دا...
ما تنفع معاكم الا مرة خوافة ومرعى..
اسع كان البوست اسمه زوجتي تخاف من الصراصير..
ما قلت ليكم مافي نقناق قدركم بس ما بتشوفو عوجة رقبتكم..
اصبر لما الجندريات يشوفن البوست دا
وما بحضر كيلك..
| |
|
|
|
|
|
|
|
|
 Re: زوجـتــي قــاتـــــلة (Re: رأفت ميلاد)
|
دكتور حسن مشيت وين؟أمانة ما لقيت لي بوستن عينة و ناوية أمدد إقامتي هنا...بس أظهر و بان يا دكتور...يا رأفت و تبلدي ومن لف لفكم الدكتور طول ما ظهر...يكون يا ربي المدام قرت البوست دة؟؟
Quote: هي كان وقفت علي الصراصير هين والله ديل عندهم لائحة شراء تحيرك عديل كده
وكان راجل أعمل فيها مطنش وحاتك النقه ما تقيف داخلة تنق خارجة تنق .
يا خوي ده قدرنا ومافي منو فكاك . |
وتعمل فيها مطنش ليه يا حبيب؟دي مملكتها و هي أدرى بلوازمها و مستلزماتهاو الله اخير من المهملة الما عارفة البيت ناقصو شنو ..منى أمشي جيبي حبة وشوش زي الغاضبين الجبتيهم ديل...بيان خليكي قريبة و عواطف جيبي لينكات بوستاتك إياها و تعالن (رابضن)هنا..
أنا مارقة و جاية!
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
وانتو زعلانين علي الصرصار .. عجيبة .. انا هنا مع القاتلة .. قاتلة الصراصير ... كرهت الصراصير في سنة اولي علوم-لما كنا عايزين اسمنا يبدي بالدال- لما كان تمن الصرصورة خمس قروش يعني 16 سنت امريكي الزمن داك البعيد يعني كام الف بالمؤودة الجنيهات بتاعة اليوميين دييل ...واحد كان متخصص في بيع الصرصير لينا ..حوالي 4 صراصير في الشهر يعني 20 قرش ومصروف الشهر كان يادوبك جنيه ( وللاجيال الصغيرة الجنيه كان 100 قرش ..انا ما عارف القرش بقي بلطي اليومين دييل واللا بس سردين ) .. وكنا بنوصي بائع الصراصير بشان يجيب المتينة الماكنة لانو تشريحا ساهل .. عموما وبشان ننهي القصة في امتحان التشريح الصرصور كان مهتري فرميت السكينة وطلعت من كلية العلوم لليوم دة مشيت معاينة المعمار والغريبة لقيت اسمي في اعلي الجدول ويمكن لانو الاف والباء بيجو اول الاسم عموما اها بقينا مهندسيين من كام وتلاتيين سنة وفي كل المواصفات والشروط اها ان بصر علي البست كونترول عند حفر الاساس والفيوميقشن بعد البناية ما تخلص كراهية في الصرصور التافه دة ....
انا عارف الجماعة الببتدي اسمهم بالدال بحبو الصراصير لانها سهلة التشريح و لذا د.محمد زعلان .. دة انحياز يا د.محمد وتحيا قاتلة الصراصير .. قال صراصير قال .. اليطيرو ...
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
يا جماعة ..في مؤشرات انتي فيمنست هنا ... منها استعمال مفردات عنصرية زي " الحريم " -ل"هاشم"
و"النسوان" ل" بيان " ....وحيث ان هذه مفردات تتضمن اشارات عنصرية من زمن المجتمعات الذكورية فغرامة تتطبق علي هاشم وبيان واعمال شاقة كما يلي : يكتلو الصراصير بالمواجهة فيس تو فيس دون الاستعانة بلاسلحة الكيماوية ...يشحنو علي حسابم الكميات الي دوما في الصين حيث زبائن شوايات الصراصير ( اسالو رافت )....
| |
|
|
|
|
|
|
|
|
|
Re: زوجـتــي قــاتـــــلة (Re: abubakr)
|
عزيزي د. محمد
تحياتي القاتلة
أولا : إنت وين مختفي ؟؟؟
ثانياً :
| Quote: ردت علي بثقة ( رشك ما بقنعني) |
في اللغة كما تعلم .. فإن كلمة ( رش ) تعني أشياء كثيرة :
1. رش يرش رشاً فهو مرشوش : ( هنا ممكن تكون إنت ضحية الرش ) .. و بالتالي أم العيال تقصد إنك لو مت رشا فهي لن تقتنع .. حاسب من سلخ فروة الراس بعد التخدير رشا.
2. رش يرش رشا فهو راشي : ( بمعنى أن ترش القروش على أقرب الأقربين و هي أم العيال ) .. و بالتالي الظاهر اليومين ديل مقرط القريشات .. و ما أن يقرط الزوج القريشات حتى يلعب الفار في عب الزوجة فتعتقد أنه سيتزوج.
3. رش يرش رشاً فهو ... ( أها دي بشرحا ليك فيس تو فيس أو بالخليوي
دمتم
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
يا دكتور
Quote: نمرة 3 دي الا تشرحها اي هنا قدااام الناس
عشان ما يعتبروك وانا معاك طابور خامس
نحن في زمن الشفافية |
مادام إنت مصمم :
3. رش يرش رشاً فهو مرشاش :
وهو الذي يقُبض متلبساً يتلصص بعينيه لبعض الغيد الحسان ثم يحاول أن يرش بعض كلمات المجاملة لزوجته مستعيناً بكلمات من قاموس أيام الخطوبة و شهر العسل حتى يضيع موضوع تلصصه ..
تخريمة واجبة : شاهدتْْ إحدى الزوجات زوجها يبحلق فاغراً فمه لإحدى الحسان .. فقالت له : دي منو البتعاين ليها و عاوز تاكلها بعيونك؟
فقال دون تفكير : تصدقي دي قريبتنا شديد بس الظاهر ما عرفتني
فأسرعت الزوجة للحسناء و إستوقفتها و قالت لها : إنتي قريبك دة ما عرفتيهو ؟
فنظرت الحسناء للزوج من تحت لافوق و قالت : قريبي من وين .. و الله لا قريبي لا بعرفو ..
( فبُهِت الذي نظر .. و صار مرشاشا كما هو موصوف أعلاه ) ..
| |
|
|
|
|
|
|
|
|
|
Re: زوجـتــي قــاتـــــلة (Re: ismeil abbas)
|
الاخ الكريماسمعيل
هل محمد احمد عباس المعروف - خلف جامع الامين الصايغ
لو هو نكون جيران واتشرف بمرورك الرائع
ويا بختكم ابادتكم للصراصير يدوية
لكن قبل شذى واخوانها كنت شغال بي شنو
اوع تقول لي الد.د.تي
مودتي وربنا يحفظ شذى واخوانها
| |
|
|
|
|
|
|
|
|
|
Re: زوجـتــي قــاتـــــلة (Re: خالدة البدوي)
|
Quote: شوفت كيف..
دلوقتي انت البيخليك نطنش شنو؟
مش دي اللسته البتاكل وتشرب ويغسلوا ليك ملابسك وملابس اولادك متها؟
في حاجه يعني هي بتدسها وتبيعها من وراك؟
ولا مثلا عايزه بس تجيب حاجات انتو مابتستعملوها؟
عندكم غايتو جنس حركات ياهاشم ويا أي زول بيقول كلام هاشم! |
مني خوجلي كيف أخبارك إنشاء الله تكوني بخير وآيه وزوجها بخير .
اولأً يا ستي اللستة البتكلم عنها أنا ليس فيها اي شئ يؤكل وإنما هي أشياء خاصة جداً
وغالباً ما تكون عندها في البيت لكن تقولي شنو حركات جيش وكده , يعني عندك مثلاً العطور
البيعملوا بيها الريحة السودانية الخومرة وليس الخمرة , ثانياً الثياب والفساتين والأحذية
وهلمجرا ثالثاً الدهب من إستطاع إليه سبيلا وفي طلبات كده ما قادر أتذكرها أها لما اشوفها
عايزة شنو ؟ سامعها بتنادي لي , بجيك راجع .
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
د. محمد حسن
شهيتني القتل بالذات لما يكون للصرصار اللونه قرمزي ده
وأسلحة دماركم دي كلها رش وبس نحنا الرش عندنا ممنوع لأنواع
كثيره من الحساسيات والمضرب الكهربائي ده السلاح الوحيد الفعال
عندنا وقصي طوالي شايل ليك السلاح ومهدد ليك الحكومه صاحبة أمتياز
السلاح الذي لاتلوث فية ولا ضرار ولكن الجميل أنو اللسعه بتاعت الكهرباء
لما تصادف قصي وهاك ياشكله مع أمو وهي ذات ذات مره أخذت اللسعه وكانت
علي ما أظن 220فولت حتي فقدت الوعي لثواني وبعدها قررت أستعمال الأسلحه
التقليدية ولأن المضرب الكهربائي له مفعول الشواء للصراصير والذباب معأ
قوة جديده وبعد القتل يمكن تقديمها الي الفيران والضبوب أن وجدت كطعم
جاذب للشرك القبض عليهم وتقديمهم للمحاكم أمن الدولة مع الأحتفاظ ب حقهم
في أحضار محامي للدفاع عن قبل صدور الحكم وغالبا ما يكون الأعدام أمام
كل الصراصير والذباب والباعوض بشقيه وتكون في ساحه عامه أمام وزيرة العدل
وكل صرصور له ريده،،، ياوزيرة العدل
أبوقـ مجدي عبدالرحيم ـصي
| |
|
|
|
|
|
|
|
|
|
Re: زوجـتــي قــاتـــــلة (Re: مجدي عبدالرحيم فضل)
|
ابو قصي
التكنولوجيا عندكم ( اعملو حسابكم من امريكا هسة تجي تقول ليكم ده مفاعل نووي)
قلت لي الصرصور عنكم بتعملوأ بروستد
طيب كنتاكي ما حيقفل بالطريقة
تعيش حكوتكم المتقدمة ( هسة لو قلنا عليها تقدمية ينطوا ليكم الجماعة اياهم وتبقوا في سين وجيم)
لك مودتي وتقديري
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
دام كفاح قوة الرش العامله،،
وجبهة خلاص الصراصير المدرعه،،
وعاشت وزيراتنا القونقلازاويات مخلصينا المبتكرات للكل وسائل القتل الفتاكه،،
مع الحفاظ علي جبهة الفاتيكان عند الضروره،،
،،،أبوقصي،،،
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
االبهلوي الحبيب
طبعا بمناسبة اكياس النايلون فقد امتنعت عن تناول جميع الوان الفرح المعبأ
وكات اتغطيت من ( المكيف) ودخلت راسي جوة ما ووب
عليه
فصل القوات
وانوم واقف وبي نص عين
تذكرت وانا نايم والشباب يجربون التيست
الو الو واحد اتنين واحد اتنين
الو
| |
|
|
|
|
|
|
|
|
|
Re: زوجـتــي قــاتـــــلة (Re: د.محمد حسن)
|
يا دكتور
و إتفقت الصراصير على هجوم بشكل منفرد بطريقة إنتحارية حفاظا على ( البيض الملقح ) و المدسوس في خبايا لا تطالها مبيداتكم.
تخريمة :
نكتة قديمة : المسطول جا من السفر لقا البيت مليان صراصير ... قام غير الكالون
| |
|
|
|
|
|
|
| |
د.محمد حسن
هاشم أحمد خلف الله
Muna Khugali
رأفت ميلاد
Nader Abu Kadouk
عواطف ادريس اسماعيل
شهاب الفاتح عثمان
bayan
lana mahdi
abubakr
ابو جهينة
ismeil abbas
خالدة البدوي
مجدي عبدالرحيم فضل
محمد المرتضى حامد
فيس بوك
تويتر
انستقرام
يوتيوب
بنتيريست