|
|
 خيانات من خلف كواليس البورد وخوة البورد حدها الكيبورد
|
صديق تعرفت عليه فى سودانيز اونلاين وفعلا هو الشخص الذى يفتخر الواحد بمعرفته انسان بمعنى الكلمه ما حصل ضربتا ليه لى عمل خير الا وسبقنى عليه وبقى سيدو شفيف
راقى ورغم انه من اسره ميسورة الحال لكنه متواضع
لدرجة العوراه طيب وراقى ومن انبه واشطر الطلاب
السودانيين المروا على الكليه التى يدرس بها
ما اطول عليكم الزول دا تعرف على واحده من اجمل
البنات وتعلق بها لدرجه الوله وخطبها من والدها
الذى رحب به ترحيبا شديدا ورغم قناعته الشخصيه بعدم
منطقية الارتباط بالنت وافق عليه بدون اى تردد
نجى للجزء المؤلم والذى ألمه اكثر من فقده لحبيبته
تعرف على احد اصدقاء البورد ولانه انسان ذو نوايا
بيضاء فلقد كان معتزا بحبيبته وعرفها بهذا الصديق
هذا الصديق للاسف طلع ما عندو اصل والجارح فى الموضوع
والذى يسبب الغيثان ان هذا الصديق من البورد وللاسف
الشديد طعن الانسان الذى آمنه ليس هذا فحسب ولكن دخل
بينه وبين الانسانه المفترض انها ستكون زوجته فى خلال سنه
وشويه بعد ان يخلص دراسته
الزول الجبان الانانى دا آثر ان يفوز بهذه البنت والتى تشير كل الوقائع على غرابة اطوارها وحتى اليوم والكلام
دا حصل ليهو اكتر من 3 شهور ولليوم مافى زول عارف
ليه عملت كدا مع العلم انه لا توجد اى اوجه مقارنه
بين الاتنين فى كل النواحى الاخلاقيه والماديه والعلميه وحتى
التقارب العمرى
الزول دا هسى عايش فتره تكاد تكون مدمره بس داير يعرف
ليه عملت كدا كده دى عايشه اجمل قصة حب مع هذا الصديق
الذى أتومن عليها قدر ما قلت لو خليها ياخى ديل شبه
بعض وانت ما بتشبهم والله وفعلا الطيور على اشكالها تقع
الاسئله التاليه تحتاج الى اجابات وبالحاح
هل انعدمت اخلاقياتنا لهذا الحد
اين النخوه والثقه بين الاصدقاء
هل هذا ما نجنيه من معرفة البورد كما قال ديك الجن
اخوة البورد الحدها الكيبورد
هل تستحق هذه الزعل من اجلها انا مقتنع لكن البقنعو
شنو
المشكله لسه بتكذب عليه وبتقولو فى حجج واهية ما
عارف قصدها شنو
هل وصلت الدناءه والانحطاط لهذه الدرجه
معليش نقحمكم فى المشاكل الداخليه والخاصه لكن والله غلبنى
اقنع الزول دا انو ما كل الناس زى بتو دى ولا كل
الناس زى صاحبو دا
الحازى فى نفسى انو الحبيبه قاعده هنا وبالتاكيد
الصديق الصدوق قاعد برضو والغريبه الكل بحسب انهم
ملايكه
الناظر للترابط الاسرى السايد فى البورد يتالم لوجود
امثال هؤلاء
والله من وراء القصد
|
|
 
|
|
|
|
|
| العنوان |
الكاتب |
Date |
| خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 09:04 AM |
| Re: خيانات من خلف كواليس البورد وخوة البورد حدها الكيبورد | garjah | 01-13-04, 09:09 AM |
| Re: خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 09:20 AM |
| Re: خيانات من خلف كواليس البورد وخوة البورد حدها الكيبورد | Abo Amna | 01-13-04, 09:28 AM |
| Re: خيانات من خلف كواليس البورد وخوة البورد حدها الكيبورد | bayan | 01-13-04, 10:06 AM |
| Re: خيانات من خلف كواليس البورد وخوة البورد حدها الكيبورد | PLAYER | 01-13-04, 10:41 AM |
| Re: خيانات من خلف كواليس البورد وخوة البورد حدها الكيبورد | doma | 01-13-04, 11:06 AM |
| Re: خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 05:47 PM |
| Re: خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 05:57 PM |
| Re: خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 06:19 PM |
| Re: خيانات من خلف كواليس البورد وخوة البورد حدها الكيبورد | mohamed osman bakry | 01-13-04, 06:20 PM |
| Re: خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 06:35 PM |
| Re: خيانات من خلف كواليس البورد وخوة البورد حدها الكيبورد | WAD ELGAALI#4 | 01-13-04, 06:41 PM |
| Re: خيانات من خلف كواليس البورد وخوة البورد حدها الكيبورد | doma | 01-13-04, 06:55 PM |
|
| |
WAD ELGAALI#4
فيس بوك
تويتر
انستقرام
يوتيوب
بنتيريست