كلام يخاطب العقول: ماذا سيحدث للاقتصاد السوداني لو تم رفع الدعم عن البنزين فقط . معادلات مقنعة وتحتاج من يقتنع بها : مع تحياتي صلاح الباشا ************* منقووول
1/الحكومه بتشتري لتر البنزين ب 1 ريال = 22 جنيه 2/ بتبيعو لواحد سايق لاندكروزر 2019 ب 6 جنيه 3/الفرق ال 16 جنيه بتشيلها ضرايب منك انت الماشي كداري وتنطط من حافله لحافله. 4/ الباقي بشيلوه ناس كده يشيلهم الله ، بودوه ارتريا واثيوبيا وتشاد ببيعوه هناك اللتر ب 60 جنيه وبشترو دولار يدخلوه البلد ويزيدو سعر الدولار
طيب في حالة رفعو الدعم حيحصل شنو ؟
1/ الحكومه حتشتري اللتر ب 1 ريال = 22 جنيه 2/ بتاع اللاندكروزر والبرادوا والتوسان والسانتافي والمرسيدس وغيرها من سيارات المتيسرين .. حيدفع الواحد منهم ال 22 جنيه وبلاتردد لان دخولهم عالية جدا . 3/ يعني ال 16 جنيه الضريبه الكانو بشيلوها منك انت ، حيدفعزها بتاعين السيارات الفارهة الغالية وهي اصلا مافارقة معاهم كتير وللا قليل. - الفرق ده حيدعمو بيها الجاز للمواصلات وللزراعة وللتراكتورات التي بتجهز الاراضي الزراعية .. ما يؤدي الي تقليل تكلفة الانتاج الزراعي... وخاصة دعم وسائل المواصلات العامة الانت مشلهت فيها . -حيدعمو الغاز الانت بتستعملو -حيدعمو جاز المصانع وحيرخصو ليك المواد الغذائية والقمح الانت بتتسمم بيها
4/التهريب للبترول حيقيف والدولار الناتج عن التهريب حيقيف وارتفاع الدولار حيقيف والاقتصاد سيصبح متوازنا . بعدين طالما د. حمدوك ووزير ماليته قال حنرفع الدعم يبقى يترفع طوالي . ادوها شهور وشاهدوا النتائج بعد رفع الدعم عن البنزين فقط وليس الجازولين والغاز . للعلم : زمان فائض رفع الدعم كان بيمشي لامانات وانشطة المؤتمر الوطني والامن وكتائب الظل والامن الشعبي. لاحظ .. خسه لجان المقاومة بالاحياء والقري بتشتغل بالمجان وبحماس وطني كبير للحفاظ علي مكتسبات الثورة من مؤامرات الزواحف والدواعش والحاقدين علي هذا الشعب المكافح . الناس ما تستعجل وتحكم علي موضوع رفع الدعم عن سلعة البنزين. ...... ......... السودان تحيط به 7 دول فلو انتشرت الاجهزه الامنيه كلها علي الحدود لما تمكنت من تغطيه ولو مساحه تشاد فقط ...... ......... الحكومه تدعم البنزين جالون البنزين بمبلغ (28.6) جنيهات اي ما يعادل ربع دولار امريكي فلو عملنا مقارنه مع دول الجوار فالبنزين السوداني اقل من دون اي مقارنه .. فلذلك يتم تهريبه بكثره الي دول الجوار . ...... ........ رفع الدعم يعود بالمنفعه من جهه ان المهربين لن يجدوا اي فايده من التهريب لان السعر سوف يصبح متقارب . و علي هذا يترتب ان تختفي صفوف البنزين وان يتوفر الوقود في اي لحظه ...... ........ الدعم الذي يذهب للبنزين سوف يذهب للتعليم والصحه وتعود مستشفيات الحكومة الي سابق عهدها الجميل حيث كان كل شيء فيها بالمجان للوزير والخير ومن السرير الي الدواء . اي يصبح سعر الدواء شبه مجان ونحن نعلم ان الصحه اهم بالاف المرات من الوقود ...... ....... الجازولين (الجاز) لن يتم رفع الدعم عنه لان الشاحنات تنقل البضائع باستخدام الجاز وكذلك الجرارات والحاصدات الزراعية والوابورات التي ترفع المياه الي المزارع علي ضفاف النيل . اها الكلام ده بشرح مبسط . وقع ليكم ؟؟؟؟ وشكرا صلاح الباشا الخرطوم .
العنوان
الكاتب
Date
عارف يعني شنو رفع الدعم عن البنزين ولا بتكورك ساي؟ بقلم صلاح الباشا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
صلاح الباشا
فيس بوك
تويتر
انستقرام
يوتيوب
بنتيريست