|
Re: كيف نقيم الدولة الإسلامية؟ بقلم الطيب مصط (Re: wadalf7al)
|
يا عمو ود الفحل من كتاباتك والله ليك معزة عندي صح كلامك بالذات اعضاء المنبر (البورداب ) لكن البره ديل ما نقدر نحكم عليهم لكن قول لي الشباب يشاركو كيف واليوم كله( بناتلو )مع مقررات كتيرة وركيكة لازم تحاول تكتب المحاضرة بنفسك من فم المحاضر الكوز (المتمكن )دي من التمكين لانك لو صورتها من زميل او زميلة بتكون ضيعت نفسك فركاكة المقرر + ضعف مقدرات الاستاذ + ضعف مقدرات زميلتك او زميلك اللغوية والكتابية حيضيعوك تماما جيل الانقاذ .اها بعد داك تعافر في المعمل 200 طالب وطالبة على 2مايكروسكوب او طاولتين تشريح دا لو كنت في كلية علمية والمكتبات الله يرحمها اها بعد داك جعان وما ماكل كويس وان اكلت فغذاء منخفض القيمة الغذائية وتطلع من الجامعة الحارسينها عساكر وشرطة شعبية و(مرابطات) التقول منطقة عسكرية يهينوا فيك في الدخلة والمرقة بسبب وبدون سبب وان قاومت فمصير عاصم عمر وبقاري بانتظارك تطلع منها للمواصلات ودي براها بمثابة الجهاد الاكبر تمشي البيت تلقى البيت كله بعاني زي كل البيوت السودانية في عهد الاجرام والانحطاط عهد الانقاذ وبعد دا راجينك ومتأملين فيك ومتوقعين منك اها تخيل حجم الاحباط الجواك تدخل سودانيز تلاقي واحد سافل عديم التربية زي الاسمو الطيب مصطفى دا يفرز في سمومه ومخرجاته النتنة وامنجية اولاد حرام واولاد ستين كلب وسلفية دواعش زي فرانكلي عايش في المانيا ويطالب بتطبيق الشريعة في كاب الجداد وزي المجنون بتاع زراري المسلمين اها البدخل الشباب هنا شنو ؟ فقاموا اختاروا الاسهل واحدين تدعشنوا وفضلوا مليء بطونهم شالوا الكتب الصفراء وكتفوا عقلهم ويدينهم ووقفوا وراء محمد مصطفى عبد القادر يستمتعوا برذاذ بصاقه ويتلقوا فتات ما يتركه لهم مما ارسلته السعودية او وزعه امن قوش فتكاثروا وتفرخوا واصبحوا فقيري وابوبكر اداب وشهاب و..و.. وبعضهم هام بلوشي فاصبحوا لواشة وافضلهم صاروا حواتة وبعضهم اكتفى بالليدو وديل كلهم يعتبروا محظوظين قصاد واحدين اصلا ما قادرين يدخلوا جامعة اصلا او يمتلكوا هاتف زكي وان امتلكوهو هدية من خال او عم فبدون نت حقو ما عندهم ويلقاه من وين وهو براهو بقى عايز 10جنيه عيش لنفسو حاف فبنزل لعبة ويكتفي والمجاهد منهم البشتغل بيديهو وكرعيهو اليوم كلو عشان ما يمد يدو اصلا ما بفكر في نت من اصلو كلامي دا حيفرح الذباب الالكتروني اولاد الحرام اللافين هنا ولكنه دا الواقع ولكن كل الفئات الذكرتها دي جواها غضب وكبت عظيم واي لحظة اي لحظة ممكن ينغجر والانفجار عظيم حيطال الكل وحيكون عنيف جدا جدا جدا
|
|
|
|
|
|
|
العنوان |
الكاتب |
Date |
كيف نقيم الدولة الإسلامية؟ بقلم الطيب مصطفى | الطيب مصطفى | 10-26-18, 06:44 PM |
Re: كيف نقيم الدولة الإسلامية؟ بقلم الطيب مصط | wadalf7al | 10-26-18, 11:49 PM |
Re: كيف نقيم الدولة الإسلامية؟ بقلم الطيب مصط | ATIF OMER | 11-03-18, 06:35 AM |
Re: كيف نقيم الدولة الإسلامية؟ بقلم الطيب مصط | محمد أحمد | 11-03-18, 01:48 PM |
Re: كيف نقيم الدولة الإسلامية؟ بقلم الطيب مصط | عادل | 11-03-18, 08:40 AM |
Re: كيف نقيم الدولة الإسلامية؟ بقلم الطيب مصط | wadalf7al | 11-03-18, 10:39 AM |
Re: كيف نقيم الدولة الإسلامية؟ بقلم الطيب مصط | نيمو | 11-03-18, 02:35 PM |
Re: كيف نقيم الدولة الإسلامية؟ بقلم الطيب مصط | wadalf7al | 11-03-18, 03:50 PM |
Re: كيف نقيم الدولة الإسلامية؟ بقلم الطيب مصط | نيمو | 11-03-18, 02:35 PM |
Re: كيف نقيم الدولة الإسلامية؟ بقلم الطيب مصط | ATIF OMER | 11-03-18, 02:56 PM |
Re: كيف نقيم الدولة الإسلامية؟ بقلم الطيب مصط | نزار | 11-03-18, 04:24 PM |
Re: كيف نقيم الدولة الإسلامية؟ بقلم الطيب مصط | ATIF OMER | 11-04-18, 04:12 AM |
Re: كيف نقيم الدولة الإسلامية؟ بقلم الطيب مصط | ATIF OMER | 11-04-18, 06:26 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|