|
Re: ظاهرة العنوسة في المجتمع السوداني وصلت لمستوي عالي جدا !!!! (Re: Kamel mohamad)
|
العزيز ولدنا كمال
الحاجة الانا شايفاها انه العنوسة بين الرجال اكبر...
انظر الى اي اسرة.. تجد تقريبا كل البنات متزوجات والاولاد لا.. قمنا بحصر عدد الشباب العوانس في عائلتنا من جهة الام .ز خمسة اخوات في 8 اطفال 40 طفل كل البنات الفوق 24 متزوجات.. والاولاد من مواليد الستينات الى اصغر واحد مولود 1977 يوجد بينهم 10 ذكور عوانس...بوظائف جيدة..واشكالهم وسيمة
السبب هو عدم الرغبة في تحمل المسؤولية... لان كلام التهويل في الزواج ورغبات الاسر صارت ما مشكلة.. هناك عدد كبير يبحث عن السترة للبنات مقابل عدد بسيط من النساء البوبارات.. بعدين انا بفتكر دائما الحديث عن العنوسة دا عشان يخوفو الاهل ويشيع الزواج الثاني.. اذكر مرة قيل ان البنات في السودان اكثر من الرجال وبقى دا موضوع.. بعداك وقع في يدي تقرير فيه احصاء في مستشفيات الولادة يكاد يكون العدد متساوي وعدد الذكور اكثر.. الغريبة حتى هنا في ماليزيا بقو يقولو كدا بعداك اكتشفت انها حركة عشان الحكومة تغير قانون الزواج الثاني الذي به شرط موافقة الزوجة الاولى.. يعني كلها حركات ذكور عايزين يرعبوا الاسر عشان يعددوا.. ذي اشاعات الانحراف بين الطالبات والزواج العرفي.. عشان الاسر يخشها الرعب وبعرسو بناتهم لاي طارق..
ورمضان كريم
|
|
|
|
|
|