حدثونا عن حملة الدكتوراة فى المنبر العام

Quote: عارفة يا تخة انتى انا لو عاوز أفكها فى روحى و فى الوهم الفى البورد الزيك ديل ما بتغلبنى فى شىء - يعنى بى مقايس صحبك الخاتى قدام اِسمو دال بالكذب انا ما نافصانى حاجة - بكلاريوس بى مرتبة الشرف الأولى - أول الدفعة يعنى - دكتوراة كبيرة و من أعلى ال GPA فى تلك السنة لى درجة صورتى فى مجلة الجامعة كبيرة لى الخريجين فى تلك السنة فى الصفحة الأولى بالمناسبة ممكن تفتشيها فى الاِنترنيت بتلقيها- قبال ما أنتهى من الدكتوراة كنت ضامن الوظيفة - فى خواجات معاى كانوا لسة بيتلفتوا - زهجت من الأولى ضربت تلفون بعد يومين لقيت الوظيفة التانية أها حسى انا زهجان من الشغل العندى دة و المدام زهجانة برضو و أمكن لو المزاج حكم يومين كدة تسمعى بى فى الخليج و لا متجدع فى مكاتب الأمم المتحدة - قولى ما شاء الله - أها شفتى دة كلو انا ما حايم فى المنابر أقول أنا شنو و انا شنو و انا شنو و انا شنو - ماسك لسانى على و محترم نفسى و مستغرب فى الماعندهم شهادات و حايميين خاتين الدال كبيرة قبال أساميهم