|
Re: لعناية امنة مختار......بخصوص نور تاور (Re: DKEEN)
|
العزيز وليد500..
كيف حالك؟
وكيف حال النملة؟!
لسة داخلة شايلة حبة ومارقة؟!
...
يا وليد أنا ما دخلت عشان الشكر..
لانى ما عارفة أشكر أى زول ولا زولة فى البورد دا..
القالوا كلمة الحق فى زمن ما فوقة حق..
ديل الله لا جاب يوم شكرهم..
كلهم كدا بالجملة..
نسوان ورجال...
...
لكين يا وليد دخلت عشان أقول ليك..
كان قعدنا نبارى جنس الكلام دا؟
يمين بالله لا نشتغل لا ناكل ولا ننوم ولا نتذكر السودان من أصله..
لانه فى ناس هنا وزى ما بيقولوا الخواجات have no extremes
يعنى قدر ما تقول دى نهاية الاحزان..
تدخل البورد تلقى العجاجة لى رب السما...
الشايل عصاته..
والشايل فرار..(بتشديد وفتح الفاء والراء)..
واللابس سكين فى ضراعه...
والشايل حربة..
واللابس كلاشنكوف..
و(النسوان) بالكلوشات والسفنجات تتطاير هنا وهناك..
تقول كدى النشوف يمكن الحرابة دى فى دار أبو السودان..
تقوم تلقاها فى دار أبو ناس المنبر..
وهكذا..
....
عشان كدا أنا قلت نملة وليد دى أعقل زول فينا!
شغالة وساكتة..
تمشى تجيب الحباية..
وتشوف الخبارات..
وتجى رآجعة..
أها لمن تشوف مثلا الناس وقعوا نيفاشا بعد الموت دا كله؟
تقوم تتبسط وتقول...أحمدك يا مالك روحى..
تمشى وتجى تلقى فى ناس زعلانين وما مبسوطين من نيفاشا..
تقوم تقول..غايتو المهم الكتل وقف..
تقوم تمشى وتجى تانى تلقى العجاجة لى رب السما..
فى شنو؟
الحكومة دقت ناس الحماداب وقطعتهم النفس...
تقوم تقول لا حول ولا قوة الا بالله..
تمشى وتجى تلقى دارفور مولعة..
تقول يا حفيظ..
تمشى وتجى وتلقى ناس دارفور نصهم وقع ونصهم ما وقع..
تقول لله يهديهم..
وتمشى وتجى..وتمشى وتجى..
وهكذا...
والنملة أتاريها تشيل وتكتب وتخزن!
وأنحنا فاكرنها بتمشى تجيب ليها حباية بس..
....
بتعمل كدا لييه يا ربى؟!
عشان بعد مليون سنة..
لما الناس دى كلها تكتل بعض..
ويفضلوا تلاته أربعة عائلات..
يقوموا يحلفوا الايمانات كلها..
ويقولوا تانى مافى بندقية بتترفع..
وتانى مافى زول يشوف نفسه أحسن من زول..
كلنا أولاد تسعة..
وتانى مادايرين(المسخرة) حقت جدودنا ديك..
ويقوموا يفتحوا ليهم مدرسة للعيال..
ويدرسوهم كتب التاريخ بتاعة النملة!
وأحد من الكتب دى عنوانه..
(السودان فى سنوات الانحطاط الحضارى)..
يقوموا العيال يقلعوا عيونهم..(بتشديد وفتح القاف)..
و يقلبوا الكتاب دا..
قوام...قوام..
وهوب... يلقونا نحنا...
ناس المنبر الحر..
الساهمنا مساهمة غير عادية فى تعميق الانحطاط الحضارى فى السودان..
...
عشان كدى يا وليد أنا قلت النملة دى كان سوت ليها حزب..
سجلونى أول زول..
|
|
|
|
|
|
|
العنوان |
الكاتب |
Date |
لعناية امنة مختار......بخصوص نور تاور | waleed500 | 06-18-06, 04:27 AM |
Re: لعناية امنة مختار......بخصوص نور تاور | قرشـــو | 06-18-06, 04:51 AM |
Re: لعناية امنة مختار......بخصوص نور تاور | waleed500 | 06-18-06, 05:45 AM |
Re: لعناية امنة مختار......بخصوص نور تاور | shammashi | 06-18-06, 05:49 AM |
Re: لعناية امنة مختار......بخصوص نور تاور | bayan | 06-18-06, 06:08 AM |
Re: لعناية امنة مختار......بخصوص نور تاور | waleed500 | 06-18-06, 07:01 AM |
Re: لعناية امنة مختار......بخصوص نور تاور | waleed500 | 06-18-06, 06:09 AM |
Re: لعناية امنة مختار......بخصوص نور تاور | Waly Eldin Elfakey | 06-18-06, 06:26 AM |
Re: لعناية امنة مختار......بخصوص نور تاور | waleed500 | 06-18-06, 08:42 AM |
Re: لعناية امنة مختار......بخصوص نور تاور | Deng | 06-18-06, 06:58 AM |
Re: لعناية امنة مختار......بخصوص نور تاور | Yassir Tayfour | 06-18-06, 07:20 AM |
Re: لعناية امنة مختار......بخصوص نور تاور | saif massad ali | 06-18-06, 07:40 AM |
Re: لعناية امنة مختار......بخصوص نور تاور | waleed500 | 06-18-06, 09:46 AM |
Re: لعناية امنة مختار......بخصوص نور تاور | DKEEN | 06-18-06, 07:30 AM |
Re: لعناية امنة مختار......بخصوص نور تاور | Yassir Tayfour | 06-18-06, 07:38 AM |
Re: لعناية امنة مختار......بخصوص نور تاور | DKEEN | 06-18-06, 07:44 AM |
Re: لعناية امنة مختار......بخصوص نور تاور | nour tawir | 06-18-06, 08:40 PM |
Re: لعناية امنة مختار......بخصوص نور تاور | waleed500 | 06-19-06, 04:09 AM |
Re: لعناية امنة مختار......بخصوص نور تاور | كوليل | 06-18-06, 10:15 PM |
Re: لعناية امنة مختار......بخصوص نور تاور | DKEEN | 06-19-06, 02:43 AM |
Re: لعناية امنة مختار......بخصوص نور تاور | waleed500 | 06-19-06, 07:49 AM |
Re: لعناية امنة مختار......بخصوص نور تاور | nour tawir | 06-19-06, 09:59 AM |
Re: لعناية امنة مختار......بخصوص نور تاور | waleed500 | 06-19-06, 12:00 PM |
|
|
|