|
|
 Re: الخنساء تماضر شيخ الدين (Re: shiry)
|
الاخ هشام -يازول يازول. في هذا المقام أجد السليقة البِكْر نِعْم الأداة التعبيرية. فاسمح لي بمعانقة سليقتي البِكْر .. وركل ما علق بفطرتي السليمة التي حبانيها الخالق بيضاء من غير سوء، فعاثت بها صروف الدهر تلويثاً .. لاشهد:
بشهد ليك بسعة صدرك ووساع بالك ومَهَلَك البذكّرني شيوخ قبايلنا العقلاء وابناء شيوخ القبايل الورثوا الحكمة من اصحاب الحكمة .. وأولاد القبايل العارفين اصلهم .. والعارف اصلو وعزّو ما بتهزو لا هبوب لا عصرات. كلامك القلتو ده كلام بليغ وبلاغتو أنا شايفها في نَفَسو البارد الهادي .. وعجبني الكلام .. عجبني لاني اتخيلت الزول الكتب الكلام ده .. وقلبي ارتاح للزول الكتب الكلام ده. واتمنيت اكون عندي صبر زي صبرو وطولة روح زيو.
الشي اللاخر. أنا ما بعرف تماضر نهائيةً. بالحيل سمعت بيها زمان في اللذاعة لكين والله اللذاعة ماني شغال بيها ولاعندي رادي زاتو. بعد جيت البورد ده لقيت تماضر وعرفت انها اياها زاتها تماضر شيخ الدين. من ديك .. وأنا بقرا كل ما تكتبو تماضر. في حاجات ما بتركب في راسي صاح .. لكن والله ما حصل حسيت بانو تماضر صاحبة غرض سيء. وأنا القدامك ده لو في حاجة زعلتني وقلت كلام حاد .. وردت تماضر شيخ الدين على كلامي .. أنا والله العظيم بدون ما أشعر بدخل في حالة "براءة" ما عارف مصدرها شنو غير قلبي ده. وحصل قبل كده في البورد ده زهجت وقلت كلام ساخن جداً جداً جداً عن الجماعة المخرمجين من السودانيين وخفاض فرعوني ومش عارف ايه .. وكنت مشحون لحلقي .. لو في اي واحد من ناس البورد حاول مناكفتي كنت حأخسر الواحد المن البورد ده .. وما بعيد أخسر نفسي برضو .. لكن ظهرت تماضر وقالت كلام غريب كده (أنا كمنجة وانت كدنكة .. وحاجات زي دي). كلام تماضر ده أنا قريتو وما خطر ببالي اني أأوّلو لمعاني مزعجة .. ولا حاولت افسرو .. بس وقع لي كده زي النكتة البفتش عليها (انا كمنجة وإنت كدنكة!!) وضحكْت .. ورديت بطريقة ما ليها اي علاقة بالنفس الحار الكنت بكتب بيه في التعليقات السابقة وقلت ليها "شكيتك على سيدي الحسن" وكان ردها "سيدي الحسن يفزعني .. لكن ما طلعت عيننا" "أو حرقت روحنا". لقيت نفسي فجأة على استعداد للهذار والتنكيت والضحك.
الكلام ده أنا بقول فيه لشنو؟ آآآه اتظكّرت. بقول فيه عشان احكي ليك يا هشام والناس التانيين إني أنا لسع فيّ بقايا بداوة (الله يديمها علي) وفراستي ما بتقع واطاة .. قلبي بيحدثني وأنا بصدّقو. الزول الشوم قلبي بِعَرْفو .. والزول القلبو أبيض ومالي هدومو .. قلبي بعرفو في الحَزّة. وتماضر، حسب توجيهات قلبي، قلبها كبير وبتحب الخير المطلق .. ولو كان فيها شر شايفنو ناس تانيين .. والله انا ماني قادر اشوفو. وشيتاً آخر .. مرات كدي في مواضيع بتجيب لي العصبي .. بقوم اقراها .. والله لمن ألقى تماضر داخلة في نصها بحاول ابعد منها لانها في اي لحظة ممكن تبوّظ عليْ زعلي. انا ماني قادر افسر الوضع ده والله. غايتو قلبي ما حصل طاوعني اهرش تماضر. وفي النهاية بقوم أقول القلوب شواهد. البنت دي خيرها كتير .. قلبها أبيض .. عندها اعتقاد في الخير المطلق .. وفي الدنيا دي مافي خير مطلق. ويبقى اللغز: ليه انا على استعداد لمناكفة كل رجال ونساء البورد إلا تماضر!!!! قلبي يقل لي لا .. وأنا اتبع قلبي. علي بالايمان يا هشام في مواضيع كتيرة جداً أحس بأني مفروض أفركشها .. لكن وجود تماضر بيمنعني .. لانها ممكن تنفّس الشغلانة كلها لو ردت عليْ.
خلوني ازيد الكوم ردوم. موضوع البنت اليمنية دي والله انا ما وقعت عليه ولا حأوقّع عليه .. وأختي دومة خسمتني بالنبي وسيدي الحسن .. وانا حلفت ليها بسيدي المكاشفي اب عمر إني ما اوقع علي الكلام ده .. لأني ما قادر أفهم الحاصل شنو .. وقبل كده حصل لي موقف قمت وقّعت على مصيبة من المصايب دي والسيول قالت لي أها أكرب حُزّامتك (ُE-mail flooding) .. والله ما قدرت اطلع من الورطة إلا بعد ما غيرت عنواني الالكتروني وغيرت البروفايدر بتاعي. بقيت اشك في كل شيء يجي عن طريق الانترنت ويقول ليك وقع عليه. صراحة ما بوقع على اي شيء يقع قدامي إلا بعد ما أتأكد من أنه حقيقي وصحيح وما بيبوّظ علي الايميل بتاعي. أنا وقعت على الاسترحام بتاع البنت النيجيرية لانو داك كان واضح جداً وكل الدنيا عارفاه .. لكن البنية اليمنية دي والله ليوم الليلة انا ما مصدق في القصة دي. يمن شنو الفيها شريعة؟ ولو في قضية حقيقية بالشكل ده أنا ما حأقتنع بيها إلا تكون بنفس التأكيد بتاع البنت النيجيرية. في النهاية أنا رفضت أوقع على الاسترحام .. ودومة زعلت مني وقالت لي انت ماك مننا .. وتاني ما تتكلم معاي يا شنتير. دومة برضو تراها زي تماضر دي .. شغلهن كده لله في الله. لو قالوا ليهن في كلب وقع ليه في حفرة وكسر كراعو الورانية .. هوووووب يطبّن تيبانهن ويقومن جاريات. أها ده شغل خالتي بت التاي زاتها .. الأمية المعمّرة التي سترجع إلى الله كما صنعها، خيراً ومروءةً وبراءة .. تبكي في اي شيء .. كانت طفلة عجوز (الله يمد في ايامها) .. لا ترى في هذه الدنيا المقَلْوَزة غير الخير .. ولاتنظر إلا بمنظار الخير لكل شيء .. لكل زول. ترأف على الحيوان بنفس الدرجة البترأف بيها على البني آدم. وبالمناسبة ما عندها شغلة في قانون لا تطبيق قانون. بتكره الشر وبس.
الخلاسة يا هشام .. إنت ود قبايل .. ومتربي مع أولاد قبايل .. وزعيمك آخر أولاد القبايل الزعماء (أعني الصادق المهدي، لو ما يطير لي زول في حلقي) .. حقيقة لو انقرضت رزانة أولاد القبايل عن دنيا السودان .. فعلى السودان الفين سلام. وتماضر أنا ما بقرب ليها ولاني داير اقرب ليها .. قلبي ما بخليني. متكيف منها الله يسعلني حتى لو خرمجت. أمانة ما عندنا ناس خرمجتهم سند وركيزة لما تبقى للإنسانية من بقايا خِرّق ثيابٍ وبعض عظام نخرها سوس الخسة والسطحية. تماضر ماها سطحية ولاها مبهورة ولاها بليدة.
لا يعني هذا إنني أناصر تماضر في كل ما تقول .. أبداً. ولا يعني أنني من أنصار هشام شيخ الدين الانصاري .. ولا من مناصري آخر أولاد القبايل المتبقين (الصادق المهدي). بعيدٌ أنا عن كل ذلك .. لكن رابطتي القلبية أقوى. أبحث عن تلك الروح الحانية فأجدها تقترب أدنى من قاب القوسين من الإنقراض الأبدي. وعلى حين غرة من أصفياء القلوب قد يرث جزءً من الأرض غير الصالحين من عباد الله .. لكن وعد الله حق .. وعباد الله الصالحون هم الورثة النهائيون لكل الأرض .. الأرض كلها. والصلاح عند الله المعاملة .. وكذلك الدين عنده المعاملة. الله يحب فطرته التي خلق عليها الناس .. وقد خلقهم على دين المحبة الإنسانية .. وكفى.
|
|
 
|
|
|
|
|
| العنوان |
الكاتب |
Date |
| الخنساء تماضر شيخ الدين | يازولyazoalيازول | 12-24-03, 01:06 PM |
| Re: الخنساء تماضر شيخ الدين | إسماعيل وراق | 12-24-03, 01:22 PM |
| Re: الخنساء تماضر شيخ الدين | خالد عويس | 12-24-03, 01:25 PM |
| Re: الخنساء تماضر شيخ الدين | ali othman | 12-24-03, 01:38 PM |
| Re: الخنساء تماضر شيخ الدين | يازولyazoalيازول | 12-24-03, 03:21 PM |
| Re: الخنساء تماضر شيخ الدين | nassar elhaj | 12-24-03, 03:26 PM |
| Re: الخنساء تماضر شيخ الدين | Hussein Mallasi | 12-24-03, 03:37 PM |
| Re: الخنساء تماضر شيخ الدين | shiry | 12-24-03, 03:50 PM |
| Re: الخنساء تماضر شيخ الدين | يازولyazoalيازول | 12-24-03, 04:22 PM |
| Re: الخنساء تماضر شيخ الدين | Shinteer | 12-24-03, 05:59 PM |
| Re: الخنساء تماضر شيخ الدين | Ibrahim Algrefwi | 12-24-03, 04:11 PM |
| Re: الخنساء تماضر شيخ الدين | ودقاسم | 12-24-03, 04:16 PM |
| Re: الخنساء تماضر شيخ الدين | يازولyazoalيازول | 12-24-03, 04:29 PM |
| Re: الخنساء تماضر شيخ الدين | Bushra Elfadil | 12-24-03, 04:39 PM |
| Re: الخنساء تماضر شيخ الدين | Abureesh | 12-24-03, 04:46 PM |
| Re: الخنساء تماضر شيخ الدين | يازولyazoalيازول | 12-24-03, 05:00 PM |
 Re: الخنساء تماضر شيخ الدين | ASAAD IBRAHIM | 12-24-03, 05:22 PM |
| Re: الخنساء تماضر شيخ الدين | يازولyazoalيازول | 12-24-03, 05:32 PM |
| Re: الخنساء تماضر شيخ الدين | nazar hussien | 12-24-03, 05:49 PM |
| Re: الخنساء تماضر شيخ الدين | abuguta | 12-24-03, 05:39 PM |
| Re: الخنساء تماضر شيخ الدين | mohammed alfadla | 12-24-03, 05:54 PM |
| Re: الخنساء تماضر شيخ الدين | معتصم دفع الله | 12-24-03, 06:39 PM |
| Re: الخنساء تماضر شيخ الدين | bint_alahfad | 12-24-03, 07:04 PM |
| Re: الخنساء تماضر شيخ الدين | الجندرية | 12-24-03, 07:11 PM |
| Re: الخنساء تماضر شيخ الدين | Abureesh | 12-24-03, 08:00 PM |
| Re: الخنساء تماضر شيخ الدين | omar ali | 12-24-03, 08:02 PM |
| Re: الخنساء تماضر شيخ الدين | عشة بت فاطنة | 12-24-03, 08:47 PM |
| Re: الخنساء تماضر شيخ الدين | مراويد | 12-24-03, 09:44 PM |
| Re: الخنساء تماضر شيخ الدين | Tumadir | 12-24-03, 10:39 PM |
| Re: الخنساء تماضر شيخ الدين | mohammed alfadla | 12-24-03, 10:54 PM |
| Re: الخنساء تماضر شيخ الدين | Tumadir | 12-24-03, 11:27 PM |
| Re: الخنساء تماضر شيخ الدين | bushra suleiman | 12-24-03, 11:53 PM |
| Re: الخنساء تماضر شيخ الدين | ASAAD IBRAHIM | 12-25-03, 00:30 AM |
| Re: الخنساء تماضر شيخ الدين | khider | 12-25-03, 02:09 AM |
| Re: الخنساء تماضر شيخ الدين | Hussein Mallasi | 12-25-03, 02:37 PM |
| Re: الخنساء تماضر شيخ الدين | الساحر | 12-25-03, 03:29 AM |
| Re: الخنساء تماضر شيخ الدين | الفاتح يسن | 12-25-03, 06:34 AM |
| Re: الخنساء تماضر شيخ الدين | الفاتح يسن | 12-25-03, 06:34 AM |
| Re: الخنساء تماضر شيخ الدين | mekki | 12-25-03, 02:19 PM |
| Re: الخنساء تماضر شيخ الدين | mustadam | 12-25-03, 07:28 PM |
| Re: الخنساء تماضر شيخ الدين | مراويد | 12-25-03, 07:28 PM |
| Re: الخنساء تماضر شيخ الدين | Hussein Mallasi | 12-25-03, 07:58 PM |
| Re: الخنساء تماضر شيخ الدين | Adil Osman | 12-25-03, 07:34 PM |
| Re: الخنساء تماضر شيخ الدين | aosman | 12-25-03, 08:11 PM |
| Re: الخنساء تماضر شيخ الدين | mohamed elshiekh | 12-25-03, 08:30 PM |
| Re: الخنساء تماضر شيخ الدين | Tumadir | 12-26-03, 00:39 AM |
| Re: الخنساء تماضر شيخ الدين | ASAAD IBRAHIM | 12-26-03, 00:50 AM |
| Re: الخنساء تماضر شيخ الدين | Tumadir | 12-26-03, 00:54 AM |
| Re: الخنساء تماضر شيخ الدين | ASAAD IBRAHIM | 12-26-03, 00:56 AM |
| Re: الخنساء تماضر شيخ الدين | Hussein Mallasi | 12-26-03, 00:56 AM |
| Re: الخنساء تماضر شيخ الدين | Abureesh | 12-26-03, 03:32 AM |
| Re: الخنساء تماضر شيخ الدين | الساحر | 12-26-03, 01:45 PM |
| Re: الخنساء تماضر شيخ الدين | sympatico | 12-26-03, 03:04 PM |
| Re: الخنساء تماضر شيخ الدين | Tumadir | 12-26-03, 03:09 PM |
| Re: الخنساء تماضر شيخ الدين | haneena | 12-26-03, 03:29 PM |
| Re: الخنساء تماضر شيخ الدين | Elmosley | 12-26-03, 03:23 PM |
| Re: الخنساء تماضر شيخ الدين | DEEK_ALJIN | 12-26-03, 06:24 PM |
| Re: الخنساء تماضر شيخ الدين | elsawi | 12-26-03, 11:01 PM |
| Re: الخنساء تماضر شيخ الدين | yasiko | 12-27-03, 01:01 AM |
| Re: الخنساء تماضر شيخ الدين | خالد الحاج | 12-27-03, 04:55 AM |
| Re: الخنساء تماضر شيخ الدين | bayan | 12-27-03, 08:23 AM |
| الخنساء | mohmmed said ahmed | 12-27-03, 05:08 PM |
| Re: الخنساء | hanouf56 | 12-27-03, 09:08 PM |
| Re: الخنساء | Tumadir | 12-28-03, 02:12 AM |
| Re: الخنساء | إيمان أحمد | 12-28-03, 02:31 AM |
| Re: الخنساء | abdelrahim abayazid | 12-28-03, 04:47 AM |
 Re: الخنساء | HOPEFUL | 12-29-03, 06:19 AM |
| Re: الخنساء تماضر شيخ الدين | tariq | 12-29-03, 10:29 AM |
| Re: الخنساء تماضر شيخ الدين | محمد عبدالقادر سبيل | 12-29-03, 11:17 AM |
| Re: الخنساء تماضر شيخ الدين | Tumadir | 12-29-03, 03:44 PM |
|
| |
Shinteer
فيس بوك
تويتر
انستقرام
يوتيوب
بنتيريست