《كحومةُ انكفاءاتٍ مستغلَّةٌ بجدارة》

Quote: ▪في ليلة القبض على حمدكة كان هناك اتفاق "أندر تيبُل" بين "عسكر و حرامية" و الذمة هنا على الراوي مني أركومناوي، إنو إتا يا ود يا حمدوك تمش تحل لينا شقك التنفيذي و نحن بجاي ليك علينا نحل ليك شقنا السيادي و لا من شاف و لامن دري. و فعلن قام تيس الحلبة العامل غلبة عمل نظام" إعادة ندوير" لجماعتو حلاهم، و تاني جاب نايبو حميرتي و كضباشي. ▪علا لكن حمدكة قعد يتمحرك و يطقطق في أصيبعاتو و مشى لي لحم راس الحرية و الغيير قال يشاورم في حل الكحومة قالولو: "طوطين ، ياخوي دي ريحتك و لا عملت بوركينا فاسو". يلا بهنا العساكر ما صدقو لقوها يا دوبك "حليت للدعس"، فطوالي كلبشو الملكية و أودعو حمدكة قيد الإغامة الجبرية.. لامن قال: الرووووب،حتين فكوه مرقوه و قالولو: يلا تاني خشمك عندك و من دربك دا تنسى حاضنة سياسية برا بتيخ، و تمش تلقط لينا شوية انكفاءات مستغلة لي باقي اللنتغالية.