نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: كتابات في زمن النكبة (Re: Abdalla Gaafar)
|
بسم الله الرحمن الرحيم قراية زول أشتر لي بعض بنود اتفاقية السجم والحقارة
الكاتب الساخر أحمد رجب في كتابه كلام فارغ صنف الكلام الى نوعين الأول كلام فارغ والثاني كلام مليان كلام فارغ وهنا أوكد ان هذه البتاعة جمعت التصنيفين معا فهذه البتاعة عبارة عن كلام فارغ مليان كلام فارغ (كتصنيف ثالث يضاف لتصنيفات اخمد رجب) أدناه تليل أشتر لبعض بنود هذه الاتفاقية بند تحقيق العدالة : التحقيق في الأحداث التي جرت في المظاهرات من إصابات ووفيات للمدنيين والعسكريين وتقديم الجناة للمحاكمة عليكم الله في حقارة اكتر من كدا كيف يمكن مساواة القاتل بالمقتول يا سبحان الله مش كان أحسن يورونا كم من العسكر قتلهم الثوار وبعدين ياتو تحقيق ظهرت نتايجو من نط البرهان في السلطة الحمد لله البرهان جاملنا ما شال كلمة المدنيين من البند دا ..اذا كان المقصود عسكري الشرطة القالو ناس الشرطة مات كان مفروض يكتبو ووفيات من المدنيين وعسكري الشرطة المات رحمه الله بس عشان مافي زول يفتكر انو العسكريين الماتو قدر المدنيين الكتلوهم العساكر (يعني الناس تحس بي حبة عدالة ولو معنوية)
بند الادارة الراشدة: إدارة الفترة الانتقالية بموجب اتفاق سياسي يحدد إطار الشراكة بين القوى الوطنية السياسية والمدنية والمكون العسكري والإدارة الأهلية ولجان المقاومة وقوى الثورة الحية وقطاع الشباب والمرأة ورجالات الطرق الصوفية. (هو البيه في الاتحاد الاشتراكي؟) عليكم الله اسي دا ما ياهو الكلام الخارم بارم لو في زول فهم البند دا يشرحو لينا على الأقل نعرف اطار الشراكة البلم المذكورين اعلاه يخيل والله أعلم البند دا كتبو يا التوم هجو أو مناوي وبرضو يخيل لي ترك كان واقف جنبهم (دا اسمو طلس)
بند الضمان : ضمان انتقال السلطة في موعدها المحدد إلى حكومة مدنية منتخبة. متين يعني واساسا الوثيقة البتحدد التاريخ بقت في خبر كان مش أحسن البرهان يقول ليهم اكتبو في موعدها الذي يتفق عليه بدل سيادتو يجي يعدل البند دا تاني وبعدين كلمة ضمان دي من اسي حقو تتشال لانو مافي زول بضمن البضمن زول زي البرهان عشان يضمن لينا ضمان انتقال السلطة بضمان البتاعة دي...الداير يفك السلطة للمدنيين يكتب عديل انتقال السلطة لحكومة مدنية منتخبة في تاريخ كذا (والتاريخ غالبا ما يحددو قايد الديش بعد المدة تقرب والمغالط يقرا تاريخ البرهان في نقض العهود والكذب والخوف من الحساب) بند عدم التفكيك: إعادة هيكلة لجنة تفكيك نظام 30 يونيو (نظام الرئيس المعزول عمر البشير)، مع مراجعة أدائها في المرحلة السابقة ورفدها بالكوادر المؤهلة في التخصصات والخبرات اللازمة التي تمكنها من أداء عملها بصورة ناجحة وعادلة، مع تفعيل لجنة الاسئتنافات ومراجعة قراراتها وفقا لدرجة التقاضي المقرر قانونا. برضو شنو تعني هيكلة اللجنة دي وشنو تعني مراجعة قراراتها وفقا لدرجة التقاضي (ناس القانون يا ريت تورونا معنى المصطلح دا : مراجعة قرارتها وفقا لدرجة التقاضي المقرر قانونا علما بانو القانون البحكم اللجنة دي معروف وبعدين شنو تفعيل لجنة الإستئنافات وهي أساسا ما اتكونت (الله يستر ما يكون قايد الديش كون لجنة الاستئنافات قبل الاتفاقية دي) وسبحان الله ختو تعريف ل ال التلاتين من يونيو قال ليك دا نظام الرئيس المعزول يعني عشان ما تجي اللجنة تقول تشتغل في الحصل بعد فترة المعزول (يجي واحد يقول فساد منو وشال شنو من بنك السودان وهرب شنو من الدهب وعندو شنو وما عارف شنو) من اسي الاتفاقية حددت والحمد لله الحدود التاريخية لمحاسبة المفسدين ... وتاني مافي زول يقول مكافحة الفساد تقوم بيهو اللجنة بالزات في العهد ما بعد المعزول ..... دا كلام قانوووني وبيحكم عمل اللجنة
البند المهم: العمل على بناء جيش قومي موحد يعني شنو بناء ديش قومي موحد ..يعني حتلمو كل من هب ودب وتضموهو للجيش وتقولو دا ديش السودان بعدين منو الحيبني الجيش الواحد طبعا بالتأكيد هو قايد الديش لانو هو الزول الوحيد البسوي الدايرو والوحيد العندو الصلاحية في البلد الأبى يطلع صباحا دي ومسئولين من الخير شنو البخلي الهيكلة تظهر في لجنة ازالة التمكين وتختفي هنا يعني بالواضح حيفضل الوضع كما هو عليه داخل الاجهزة والأمنية والجيش وتتهيكل لجنة ازالة التمكين (تطير عيشتا لجنة ازالة التمكين الشالو حالا دي) والله هيكلة اللجنة أهم من هيكلة الاجهزة الامنية عشان كدا تضمنتا البتاعة دي البند العجيب: بالتوقيع على هذا الاتفاق يلغى قرار قائد الجيش عبد الفتاح البرهان بإعفاء عبد الله حمدوك من رئاسة الحكومة. مش كان أخير ما تكتبو البند دا على الأقل تحفظو لي حمدوك ما تبقى من ماء وجهه ويكون على الأقل في اعتراف ولو ضمني انو حمدوك لا زال رئيس الوزرا المعترف به وانو رجع لي موقعو الختاهو فيهو شعب السودان....علي الأقل بكون أحسن من شالو قايد الديش ورجعو قايد الديش حمدوك قرفتنا الله يقرفك والله بس لوعاينت للبند دا كان ما مضيت يا كافي البلا حتى حقك الاداك ليهو الشعب اتنازلت منو وارتضيت حكاية قايد ديش السودان يرفدك ويعينك وبالمناسبة البرهان دا ما عندو كبير برفد ويعين من الخفير لي الوزير لي اعضاء مجلس السيادة لي كلوووو غايتو في راي الأشتر دا انو البتاعة دي كتبوها حميدتي والتور هجو ومناوي وترك (لانو شايف الادراة الاهلية ظهرت فيها) وبعد انتهوا من صياغتا تمام تمت مراجعتا بواسطة قايد الديش ومن ثم تم التوقيع عليها بواسطة المبروك حمدوك
يعني يالبرهان بدل تسقط انت (وكان خلاص بقيت على السقوط) سقطت المبروك حمدوك ... غايتو القون السارق الدخلتو في شباك الثوار دا بيعجل بي هزيمتك اقل حاجة مية صفر وزي ما قالو الفورة مليييون حمدوك سؤال : انت قريت البتاعة دي والله مضيت ساكت
البرهان لعنة الله عليك
|
|
|
|
|
|
|
العنوان |
الكاتب |
Date |
كتابات في زمن النكبة | Abdalla Gaafar | 11-16-21, 04:44 PM |
Re: كتابات في زمن النكبة | Abdalla Gaafar | 11-16-21, 04:52 PM |
Re: كتابات في زمن النكبة | Abdalla Gaafar | 11-19-21, 06:10 PM |
Re: كتابات في زمن النكبة | Abdalla Gaafar | 11-19-21, 06:21 PM |
Re: كتابات في زمن النكبة | Abdalla Gaafar | 11-19-21, 07:13 PM |
Re: كتابات في زمن النكبة | Abdalla Gaafar | 11-19-21, 07:25 PM |
Re: كتابات في زمن النكبة | Abdalla Gaafar | 11-21-21, 08:34 AM |
Re: كتابات في زمن النكبة | Abdalla Gaafar | 11-21-21, 04:47 PM |
Re: كتابات في زمن النكبة | Abdalla Gaafar | 11-23-21, 06:57 AM |
Re: كتابات في زمن النكبة | Abdalla Gaafar | 12-02-21, 12:25 PM |
Re: كتابات في زمن النكبة | Abdalla Gaafar | 03-13-22, 02:37 PM |
Re: كتابات في زمن النكبة | Abdalla Gaafar | 03-13-22, 02:39 PM |
Re: كتابات في زمن النكبة | Abdalla Gaafar | 03-13-22, 02:42 PM |
Re: كتابات في زمن النكبة | Abdalla Gaafar | 03-13-22, 02:44 PM |
Re: كتابات في زمن النكبة | Abdalla Gaafar | 03-16-22, 05:47 PM |
Re: كتابات في زمن النكبة | Abdalla Gaafar | 03-19-22, 05:12 PM |
Re: كتابات في زمن النكبة | Abdalla Gaafar | 03-30-22, 02:09 PM |
Re: كتابات في زمن النكبة | Abdalla Gaafar | 03-30-22, 02:18 PM |
Re: كتابات في زمن النكبة | Abdalla Gaafar | 04-02-22, 09:21 AM |
Re: كتابات في زمن النكبة | Abdalla Gaafar | 04-09-22, 02:22 PM |
|
|
|