Quote:
: كتب أبو خالد معزياً
الزمن اتبدل و الناس بقت تبايع (مبدلة)
يا حليل زمان الفُراش فورتي ديز ما يرفعوه
و الشايات و الجبنات مدورة قرف و الحنك
طاقي بين الشابين و الشارات الككوسيات.
ياود الأصيل ياخ الموت زاتو كان ليهو طعم 😂
|
**********(3)***********
● يديك العافية أستاذي الوريف / أبو خالد
سمح كدي هاك الحنك دا: لمحة من جوة سرادق
منصوب لأداء و اجب فروض العزاء . و على رأيك ،
الناس ممكن يقومو صوف لبيت البكا ظاطو و لا عارفين
زتتو يسوو شنو!.بالذات خبر الهجعة، طبعاً الناس بتجي
اللعمى خامي المكسر مفجوعين و بكون شمار مولع نار .
يعني بالذات النساوين ما يصدقو يسمعو الواحدة تلفح
توبا و يلا طيران؛ أول ما تخش لا جوا تكرف أرياح طابق
بوخات المرقة ديلك عاد الميهن خمج شئ خُمَر و شئ دِلَك
و شئ دخاخينن البسووها عند أخو التومات داك القالو في
أمبدة كرور داك الببنشر المكنات ؛ و شيتن تاني عاد ما في
داعي بس خلو ساه. و دا كلو كوم براهو و البجن شاكات
غوايشن يكشكشن للطيش من قمقمة راسا و لي كيعانا.
بالله الواحدة "تسمع للحٌلي وشاواشاً إذا انصرفت..كما
استبان بريحٍ عشرج زجِلٌ"و أهم شي بعد القشرة
والانطقامة دي كلها تقوم تجي بتوب ساري ربط
و سفنجة متعمدة كدي عشان نظام يوقلو عليها:
الزولة جاية مخلوعة من فاجعة النبأ الأليم.
*****(((((+)))))*****
● ياخي مرة كدا في واحده قال ليك خالِعاها
الفاجعة بلحيل أها جات بشكل بي وش قايم من
الترب. جات فتشت ليك ست البكا من جديد و من
لمت فوقا نطت ليها في رقبتا، جهجهت بااكتا زاتو
وعااااااك و عييييك و عووووكهاك يا قلدي و نياص.
و هي تذرف ليها دمعة حزن التمساسيح ..تعصر
فا عصر عشان (تسكبها فوق ذراعيها ).
دفع الله ود الأصيل
فيس بوك
تويتر
انستقرام
يوتيوب
بنتيريست